ﺳﯧﺨﯩﻴﻠﯩﻖ ﯞﻩ ﻣﻪﺭﺩﻟﯩﻚ

ﺩﯗﻧﻴﺎﺩﺍ ﺋﯚﺯﺋﺎﺭﺍ ﻛﯚﻳﯜﻧﯜﺷﻨﻰ ﯞﻩ ﻳﺎﺭﺩﻩﻣﻠﯩﺸﯩﺸﻨﻰ ﺋﯩﻨﻜﺎﺭ ﻗﯩﻠﯩﺪﯨﻐﺎﻥ ﺑﯧﺮﻩﺭ ﺩﯨﻦ ﻳﺎﻛﻰ ﻗﺎﻧﯘﻥ ﺑﻮﻟﻤﯩﻐﺎﻥ ﯞﻩ ﺑﻮﻟﻤﺎﻳﺪﯗ. ﺑﻪﻟﻜﻰ ﻛﯜﭼﻠﯜﻛﻨﯩﯔ ﺋﺎﺟﯩﺰﻏﺎ ﻛﯚﻳﯜﻧﯜﺷﻰ ﺋﺎﺭﻗﯩﻠﯩﻖ ﺑﻪﺧﺖ ﯞﻩ ﺧﺎﺗﯩﺮﺟﻪﻣﻠﯩﻜﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻨﻰ ﺯﯙﺭﯛﺭ ﺩﻩﭖ، ﻗﺎﺭﺍﻳﺪﯗ. ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﯩﺪﻩ ﻛﯜﭼﻠﯜﻙ ﺑﯩﻠﻪﻥ ﺋﺎﺟﯩﺰ، ﺑﺎﻱ ﺑﯩﻠﻪﻥ ﻧﺎﻣﺮﺍﺕ ﻣﻪﯞﺟﯘﺩﻻ ﺑﻮﻟﯩﺪﯨﻜﻪﻥ، ﻛﯜﭼﻠﯜﻛﻨﯩﯔ ﺋﺎﺟﯩﺰﻏﺎ، ﺑﺎﻳﻨﯩﯔ ﻳﻮﻗﺴﯘﻟﻐﺎ ﻛﯚﻳﯜﻧﯜﺷﻰ، ﻛﯚﯕﯜﻝ ﺑﯚﻟﯜﺷﻰ ﺑﻪﺧﺖ - ﺳﺎﺋﺎﺩﻩﺗﻨﯩﯔ ﻛﺎﭘﺎﻟﯩﺘﯩﺪﯗﺭ.
ﻛﯩﺸﯩﻠﻪﺭﻧﯩﯔ ﺑﺎﻱ - ﻛﻪﻣﺒﻪﻏﻪﻝ ﺑﻮﻟﯘﭖ ﻳﺎﺷﯩﺸﻰ ﺑﯩﺮ ﺳﯩﻨﺎﻕ
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺟﻪﻣﺌﯩﻴﻪﺗﺘﯩﻜﻰ ﺑﺎﻱ ﯞﻩ ﻛﻪﻣﺒﻪﻏﻪﻟﻠﯩﻜﻨﯩﯔ ﺑﯩﺮ ﺧﯩﻞ ﺳﯩﻨﺎﻕ ﺋﯩﻜﻪﻧﻠﯩﻜﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: « ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﻰ ﺯﯨﺪﺩﯨﻴﻪﺗﻠﯩﻚ ﯞﻩ ﺭﻩﯕﺪﺍﺭ ﺑﻮﻟﯘﭖ، ﻫﺎﻳﺎﺗﻠﯩﻘﻨﯩﯔ ﺋﯩﻨﺴﺎﻧﯩﻴﻪﺗﻜﻪ ﻗﯩﻠﻐﺎﻥ ﺋﺎﺗﺎﺳﯩﻤﯘ ﺋﻮﺧﺸﺎﺵ ﺋﻪﻣﻪﺱ، ﺑﻪﺯﯨﻠﻪﺭ ﺑﺎﻱ، ﺑﻪﺯﯨﻠﻪﺭ ﻗﺎﻧﺎﺋﻪﺗﭽﺎﻥ، ﺑﻪﺯﯨﻠﻪﺭ ﻳﻮﻗﺴﯘﻝ ﺑﻮﻟﯘﺷﻰ ﺑﯘ ﻫﺎﻳﺎﺗﻠﯩﻘﻨﯩﯔ ﻗﺎﻧﯘﻧﯩﻴﯩﺘﯩﺪﯗﺭ. ﻛﯩﺸﯩﻠﻪﺭ ﺗﺎﺵ ﻳﯜﺭﻩﻙ، ﺭﻩﻫﯩﻤﺴﯩﺰﻟﯩﺸﯩﭗ ﺋﯚﺯﻯ ﯞﻩ ﺋﯚﺯ ﺋﺎﺭﺯﯗﺳﻰ ﺋﯜﭼﯜﻧﻼ ﻳﺎﺷﯩﻐﯩﻨﯩﺪﺍ ﺷﯘ ﻛﯩﺸﯩﻠﻪﺭﮔﻪ ﺑﻪﺧﺘﺴﯩﺰﻟﯩﻚ ﻳﯜﺯﻟﯩﻨﯩﺪﯗ. ﭼﯜﻧﻜﻰ ﻳﺎﺭﺍﺗﻘﯘﭼﻰ ﺋﯩﻨﺴﺎﻧﻼﺭﻧﻰ ﭘﻪﺭﻗﻠﯩﻖ، ﺋﯚﺯﺋﺎﺭﺍ ﺋﺎﺭﯨﻠﯩﺸﯩﭗ ﻳﺎﺷﺎﻳﺪﯨﻐﺎﻥ ﻗﯩﻠﯩﭗ ﻳﺎﺭﺍﺗﻘﺎﻥ. ﺋﻮﺧﺸﯩﻤﯩﻐﺎﻥ ﻛﯩﺸﯩﻠﻪﺭﻧﻰ ﺋﺎﺭﯨﻼﺷﺘﯘﺭﯗﭖ ﻳﺎﺷﯩﺘﯩﺸﺘﯩﻦ ﻣﻪﻗﺴﻪﺕ ﺋﯩﻤﺎﻧﻨﻰ ﺗﺎﯞﻻﺵ ﯞﻩ ﻳﺎﺧﺸﯩﻠﯩﻘﻨﻰ ﻳﯧﺘﯩﺸﺘﯜﺭﯛﺵ ﺩﺍﯞﺍﻣﯩﺪﯨﻜﻰ ﺑﯩﺮ ﺳﯩﻨﺎﻕ. ﻛﯩﺸﯩﻠﻪﺭ ﺋﯚﺯﺋﺎﺭﺍ ﻣﯘﻧﺎﺳﯩﯟﻩﺗﻨﻰ ﻣﯘﺳﺘﻪﻫﻜﻪﻣﻠﯩﮕﻪﻥ، ﻳﻮﻗﺴﯘﻟﻼﺭ ﻳﻮﻗﺴﯘﻟﻠﯘﻗﻨﯩﯔ ﺩﻭﺯﯨﻘﯩﺪﺍ ﻗﯩﻴﻨﺎﻟﻤﯩﻐﺎﻥ، ﻗﻮﻝ ﺋﯩﻠﻜﯩﺪﻩ ﺑﺎﺭﻻﺭ ﺑﺎﻳﻠﯩﻘﯩﻨﻰ ﭼﯩﯔ ﺳﯩﻘﯩﻤﺪﺍﭖ ﻳﺎﺗﻤﯩﻐﺎﻧﺪﯨﻼ ﺑﯘ ﺳﯩﻨﺎﻕ ﻣﻪﻳﺪﺍﻧﺪﺍ ﺋﯘﺗﯘﭖ ﭼﯩﻘﺎﻻﻳﺪﯗ.»
ﻧﺎﻣﺮﺍﺗﻠﯩﻖ ﻳﺎﺧﺸﻰ ﺋﻪﻣﻪﺱ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻣﻪﺭﻫﯘﻡ ﺋﯘﺳﺘﺎﺯ ﻣﯘﻫﻪﻣﻤﻪﺩ ﻏﺎﺯﺍﻟﻰ « ﻣﯘﺳﯘﻟﻤﺎﻧﻨﯩﯔ ﺋﻪﺧﻼﻗﻰ» ﻧﺎﻣﻠﯩﻖ ﺋﻪﺳﯩﺮﯨﺪﻩ ﻣﯘﻧﺪﺍﻕ ﺩﻩﭖ ﻳﺎﺯﻏﺎ: «ﻧﺎﻣﺮﺍﺗﻠﯩﻖ ﺋﯩﻨﺴﺎﻧﻼﺭ ﺟﻪﻣﺌﯩﻴﯩﺘﯩﺪﯨﻜﻰ ﺑﯩﺮ ﻳﯧﺘﻪﺭﺳﯩﺰﻟﯩﻚ ﺑﻮﻟﯘﭖ، ﺋﯘ ﺋﯩﻨﺴﺎﻧﻐﺎ ﭼﺎﭘﻼﺷﺴﺎ ﺋﯘﻧﻰ ﭼﻮﻗﯘﻡ ﻗﯩﻴﻨﺎﭖ ﻗﻮﻳﯩﺪﯗ. ﺋﺎﻟﻼﻫ ﺋﯩﻨﺴﺎﻧﻐﺎ ﺋﺎﺗﺎ ﻗﯩﻠﻐﺎﻥ ﻫﯚﺭﻣﻪﺗﻠﯩﻚ ﺋﻮﺭﯗﻧﺪﯨﻦ ﭼﯜﺷﯜﺭﯛﭖ ﻗﻮﻳﯩﺪﯗ. ﻛﯩﻴﯩﻤﻠﯩﺮﻯ ﻳﯩﺮﺗﯩﻖ، ﺑﻪﺩﻩﻧﻠﯩﺮﻯ ﻛﯚﺭﯛﻧﯜﭖ ﻗﺎﻟﻐﯩﻠﻰ ﻗﻮﭘﻘﺎﻥ ﻳﺎﻛﻰ ﻳﺎﻻﯓ ﺋﺎﻳﺎﻕ ﺋﻮﺷﯘﻕ ﯞﻩ ﺑﺎﺭﻣﺎﻗﻠﯩﺮﻯ ﻳﯧﺮﯨﻠﻐﺎﻥ ﻳﺎﻛﻰ ﺋﺎﭼﻠﯩﻘﺘﯩﻦ ﻳﯧﻤﻪﻛﻠﯩﻜﻠﻪﺭﮔﻪ ﺗﻪﻟﻤﯜﺭﮔﻪﻥ، ﻳﻮﻗﺴﯘﻟﻠﯘﻗﺘﯩﻦ ﭼﺎﺭﯨﺴﯩﺰ ﻗﺎﻟﻐﺎﻥ ﻛﯩﺸﯩﻨﻰ ﻛﯚﺭﯛﺵ ﻫﻪﻗﯩﻘﻪﺗﻪﻥ ﺋﺎﺩﻩﻣﻨﯩﯔ ﺋﯩﭽﯩﻨﻰ ﺋﯧﭽﯩﺸﺘﯘﺭﯨﺪﯗ. ﻣﯘﺷﯘﻧﺪﺍﻕ ﺋﯧﭽﯩﻨﯩﺸﻠﯩﻖ ﻫﺎﻟﻪﺗﻨﻰ ﻛﯚﺭﯛﭖ ﺗﯘﺭﯗﭖ ﺋﯘﻧﯩﯖﻐﺎ ﻛﯚﯕﯜﻝ ﺑﯚﻟﻤﯩﮕﻪﻥ ﺋﺎﺩﻩﻣﻨﻰ ﻫﻪﻗﯩﻘﯩﻲ ﻣﻪﻧﯩﺪﯨﻜﻰ ﺋﺎﺩﻩﻡ ﺩﯦﻴﯩﺸﻜﻪ ﺯﺍﺩﻯ ﺑﻮﻟﻤﺎﻳﺪﯗ. ﺋﯘﻧﻰ ﻣﯘﺳﯘﻟﻤﺎﻥ ﺩﯦﮕﯩﻠﻰ ﺗﯧﺨﯩﻤﯘ ﺑﻮﻟﻤﺎﻳﺪﯗ. ﭘﯜﺗﯜﻥ ﺋﯩﻨﺴﺎﻧﻼﺭ ﺋﻮﺗﺘﯘﺭﯨﺴﯩﺪﺍ ﺋﻮﺭﺗﺎﻕ ﺭﯨﺸﺘﻪ ﯞﻩ ﭼﻮﯕﻘﯘﺭ ﻣﯘﻧﺎﺳﯩﯟﻩﺕ ﻣﻪﯞﺟﯘﺩ. ﺑﯘﻧﻰ ﻧﺎﻣﺮﺍﺗﻠﯩﻖ ﯞﻩﻳﺮﺍﻥ ﻗﯩﻠﻤﺎﺳﻠﯩﻘﻰ ﻻﺯﯨﻢ. ﺋﺎﺩﻩﻡ ﻣﯘﺷﯘﻧﺪﺍﻕ ﺟﺎﻳﺪﺍ ﺳﯩﻨﯩﻠﯩﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯩﺮ ﻛﯜﻧﻰ ﻣﯘﺷﯘﻧﺪﺍﻕ ﺋﯧﭽﯩﻨﯩﺸﻠﯩﻖ ﻛﯚﺭﯛﻧﯜﺷﺘﯩﻦ ﺑﯩﺮﯨﻨﻰ ﻛﯚﺭﮔﻪﻥ. ﺋﯘﻧﯩﯖﻐﺎ ﻗﺎﺭﺍﯞﯦﺮﯨﺶ ﺗﻪﺱ ﻛﻪﻟﮕﻪﻧﻠﯩﻜﺘﯩﻦ ﻣﯘﺳﯘﻟﻤﺎﻧﻼﺭﻧﻰ ﻳﯩﻐﯩﭗ ﻧﯘﺗﯘﻕ ﺳﯚﺯﻟﯩﮕﻪﻥ. ﺋﯘﻻﺭﻏﺎ ﺋﯩﻨﺴﺎﻧﻼﺭﻧﯩﯔ ﺋﯚﺯﺋﺎﺭﺍ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺋﻪﺳﻠﯩﺘﯩﭗ، ﺋﺎﻟﻼﻫ ﯞﻩ ﺋﺎﺧﯩﺮﻩﺕ ﻛﯜﻧﯩﺪﯨﻦ ﺋﺎﮔﺎﻫﻼﻧﺪﯗﺭﻏﺎﻥ. ﻧﻪﺗﯩﺠﯩﺪﻩ ﻳﻮﻗﺴﯘﻟﻼﺭﻧﯩﯔ ﻫﺎﺟﯩﺘﯩﺪﯨﻦ ﭼﯩﻘﻘﯘﺩﻩﻙ ﻧﻪﺭﺳﻪ ﻛﯧﺮﻩﻙ ﻳﯩﻐﯩﻠﻐﺎﻥ».
ﺋﯩﻨﺴﺎﻥ ﺗﻪﺑﯩﺌﯩﺘﻰ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﻣﯘﻧﺪﺍﻕ ﺩﯦﺪﻯ:
"ﺋﯩﻨﺴﺎﻥ ﺋﻪﺯﻩﻟﺪﯨﻦ ﻣﺎﻝ - ﺩﯗﻧﻴﺎﻧﻰ ﺳﯚﻳﯜﺵ، ﺗﯧﺨﯩﻤﯘ ﻛﯚﭖ ﺋﯧﺮﯨﺸﯩﺶ، ﺑﺎﺷﻘﯩﻼﺭﺩﯨﻦ ﺋﯧﺸﯩﭗ ﻛﯧﺘﯩﺶ ﺋﯜﭼﯜﻥ ﻗﺎﺗﺘﯩﻖ ﻗﯩﺰﯨﻘﯩﺶ، ﺷﻪﺧﺴﯩﻴﻪﺗﭽﯩﻠﯩﻚ ﺗﻪﺑﯩﺌﯩﺘﻰ ﺑﯩﻠﻪﻥ ﻳﺎﺭﯨﺘﯩﻠﻐﺎﻥ ﻣﻪﺧﻠﯘﻗﺎﺗﺘﯘﺭ. ﺋﯘﻧﯩﯖﻐﺎ ﻳﻪﺭ ﻳﯜﺯﯨﻨﯩﯔ ﭘﯜﺗﯜﻥ ﺑﺎﻳﻠﯩﻘﻠﯩﺮﻯ ﺑﯧﺮﯨﻠﮕﻪﻥ ﺗﻪﻗﺪﯨﺮﺩﯨﻤﯘ ﻳﻪﻧﯩﻼ ﻛﯚﭘﺮﻩﻛﯩﻨﻰ ﺗﯩﻠﻪﻳﺪﯗ. ﺷﯘﯕﺎ ﺩﯗﻧﻴﺎﺩﯨﻜﻰ ﭘﯜﺗﯜﻥ ﺩﯨﻨﻼﺭ ﯞﻩ ﻗﺎﻧﯘﻧﻼﺭ ﺋﯩﻨﺴﺎﻧﻼﺭﻏﺎ ﭘﯩﺪﺍﻛﺎﺭﻟﯩﻘﻨﻰ، ﺧﻪﻳﺮ - ﺳﺎﺧﺎﯞﻩﺗﻨﻰ ﯞﻩ ﻳﺎﺭﺩﻩﻣﺴﯚﻳﻪﺭﻟﯩﻜﻨﻰ ﺋﯚﮔﯩﺘﯩﺸﻜﻪ ﺗﯩﺮﯨﺸﯩﺪﯗ. ﻗﯘﺭﺋﺎﻥ ﻛﻪﺭﯨﻤﺪﻩ: «ﻛﯩﻤﻜﻰ ﻧﻪﭘﺴﯩﻨﯩﯔ ﺑﯧﺨﯩﻠﻠﯩﻘﯩﺪﯨﻦ ﺳﺎﻗﻠﯩﻨﯩﺪﯨﻜﻪﻥ، ﺋﯘ ﻣﻪﻗﺴﯩﺘﯩﮕﻪ ﺋﯧﺮﯨﺸﻜﯜﭼﯩﺪﯗﺭ» ﺩﻩﭖ ﻛﻪﻟﮕﻪﻥ. ﺑﺎﻧﻜﺎ، ﺑﯩﺨﻪﺗﻪﺭﻟﯩﻚ ﺳﺎﻧﺪﯗﻗﻰ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﻗﻮﻳﯘﻟﻐﺎﻥ ﭘﯘﻝ - ﻣﺎﻟﺪﺍ ﻳﻮﻗﺴﯘﻟﻼﺭ ﯞﻩ ﺋﺎﺟﯩﺰﻻﺭﻧﯩﯔ ﻫﻪﻗﻘﻰ ﺑﺎﺭﺩﯗﺭ. ﺋﻪﮔﻪﺭ ﺋﯘﻻﺭﻧﯩﯔ ﻫﻪﻗﻘﻰ ﺋﺎﺩﺍ ﻗﯩﻠﯩﻨﻤﯩﻐﺎﻧﺪﺍ، ﺋﯘ ﻣﺎﻝ ﺋﯩﮕﯩﺴﯩﮕﻪ ﻧﯩﺴﺒﻪﺗﻪﻥ، ﺩﯗﻧﻴﺎ ﯞﻩ ﺋﺎﺧﯩﺮﻩﺗﺘﻪ ﺋﻪﯓ ﺯﻭﺭ ﺧﻪﺗﻪﺭﻟﯩﻚ ﻧﻪﺭﺳﯩﮕﻪ ﺋﺎﻳﻠﯩﻨﯩﭗ ﺧﯘﺩﺩﻯ ﺋﺎﺩﻩﻣﻠﻪﺭﻧﻰ ﭼﯧﻘﯩﺶ ﺋﯜﭼﯜﻥ ﻛﺎﺗﯩﻜﯩﺪﻩ ﻛﯜﺗﯜﭖ ﺗﯘﺭﻏﺎﻥ ﻳﯩﻼﻧﻐﺎ ﺋﻮﺧﺸﺎﭖ ﻗﺎﻟﯩﺪﯗ. ﺑﯩﺮ ﻫﻪﺩﯨﺴﺘﻪ:« ﺑﻪﻧﺪﻩ ﻣﺎﻝ - ﺩﯗﻧﻴﺎ ﺩﻩﻳﺪﯗ. ﺋﯘﻧﯩﯔ ﻣﯧﻠﻰ ﺋﯜﭺ ﺧﯩﻞ ﺑﻮﻟﯩﺪﯗ: ﻳﯧﮕﯩﻨﻰ ﭼﯩﺮﯨﭗ ﺗﯜﮔﻪﻳﺪﯗ، ﻛﻪﻳﮕﯩﻨﻰ ﻛﻮﻧﯩﺮﺍﭖ ﺗﯜﮔﻪﻳﺪﯗ، ﺑﺎﺷﻘﯩﻼﺭﻏﺎ ﻳﺎﺭﺩﻩﻡ ﻗﯩﻠﻐﯩﻨﻰ ﺋﻪﺳﻘﺎﺗﯩﺪﯗ. ﺋﯘﻧﯩﯖﺪﯨﻦ ﺑﺎﺷﻘﯩﺴﻰ ﺑﺎﺷﻘﯩﻼﺭﻏﺎ ﻣﯩﺮﺍﺱ ﺑﻮﻟﯘﭖ ﻗﺎﻟﯩﺪﯗ» ﺩﻩﭖ ﻛﻪﻟﮕﻪﻥ."
ﺳﯧﺨﯩﻴﻠﯩﻘﻨﯩﯔ ﺑﺎﻳﻠﯩﻘﻘﺎ ﺯﯨﻴﯩﻨﻰ ﻳﻮﻕ
ﺑﻪﺯﯨﺪﻩ ﺋﯩﻨﺴﺎﻧﻨﯩﯔ ﺧﯩﻴﺎﻟﯩﻐﺎ ﺳﯧﺨﯩﻴﻠﯩﻖ ﺑﺎﻳﻠﯩﻘﻨﻰ ﻗﯘﺭﯗﺗﯘﭖ ﻧﺎﻣﺮﺍﺗﻠﯩﻘﻘﺎ ﻳﯜﺯﻟﻪﻧﺪﯛﺭﯨﺪﯗ، ﺧﺎﺗﯩﺮﺟﻪﻡ ﺗﯘﺭﻣﯘﺷﻘﺎ ﺗﻪﺳﯩﺮ ﻳﻪﺗﻜﯜﺯﯨﺪﯗ، ﺩﯦﮕﻪﻥ ﻗﺎﺭﺍﺵ ﻛﯧﻠﯩﺪﯗ. ﺑﯘ ﺷﻪﻳﺘﺎﻧﻨﯩﯔ ﭘﻪﺱ، ﭼﺎﻛﯩﻨﺎ ﺋﺎﺩﻩﻣﻠﻪﺭﻧﯩﯔ ﻛﯚﯕﻠﯩﮕﻪ ﺳﺎﻟﯩﺪﯨﻐﺎﻥ ﯞﻩﺳﯟﻩﺳﯩﺴﻰ ﺑﻪﺱ. ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ، ﺳﯧﺨﯩﻴﻠﯩﻖ ﺑﺎﻳﺎﺷﺎﺗﻠﯩﻘﻨﯩﯔ ﻳﻮﻟﻰ، ﻣﻪﺭﺩﻟﯩﻚ ﻣﺎﻝ - ﺩﯗﻧﻴﺎ ﻛﯚﭘﯩﻴﯩﺸﯩﻨﯩﯔ ﯞﺍﺳﯩﺘﯩﺴﯩﺪﯗﺭ.

ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﺳﺎﻳﯩﺖ ﻳﺎﺯﯨﺠﯩﺌﻮﻏﻠﻰ ﺋﯘﻳﻐﯘﺭﻻﺭﻏﺎ ﻳﺎﺭﺩﻩﻡ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ

ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﺎﺭﭼﯩﻠﯩﻨﯩﭗ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺗﯜﺭﻛﯩﻴﻪ ﻗﯧﺮﯨﻨﺪﺍﺵ ﺟﯘﻣﻬﯘﺭﯨﻴﻪﺗﻠﻪﺭ ﯞﻩ ﻗﯧﺮﯨﻨﺪﺍﺵ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﺳﯩﻴﺎﺳﻰ، ﺋﯩﻘﺘﯩﺴﺎﺩﯨﻲ ﯞﻩ ﺗﯩﺠﺎﺭﯨﻲ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻘﺎ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﻪﺭﺩﻯ. 1992-ﻳﯩﻠﯩﺪﯨﻦ ﺑﺎﺷﻼﭖ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ 10 ﻣﯩﯔ ﺋﻮﻗﯘﻏﯘﭼﯩﻨﻰ ﺗﯜﺭﻛﯩﻴﯩﮕﻪ ﺋﯧﻠﯩﭗ ﻛﯧﻠﯩﭗ ﺋﻮﻗﯘﺗﯘﺵ ﺋﯩﺶ ﭘﯩﻼﻧﻰ ﺑﻮﻳﯩﭽﻪ ﺗﯜﺭﻛﯩﻴﯩﮕﻪ ﺋﻮﻗﯘﻏﯘﭼﻰ ﺋﯧﻠﯩﭗ ﻛﯧﻠﯩﭗ ﺋﻮﻗﯘﺗﯘﺷﻘﺎ ﺑﺎﺷﻠﯩﺪﻯ. ﺗﯜﺭﻛﯩﻴﻪ ﺑﺎﺵ ﻣﯩﻨﯩﺴﺘﯩﺮﻟﯩﻜﻰ ﺗﺎﺭﻣﯩﻘﯩﺪﺍ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺋﯩﺸﻠﯩﺮﯨﻐﺎ ﻣﻪﺳﯘﻝ ﺩﯙﻟﻪﺕ ﻣﯩﻨﯩﺴﺘﯩﺮﻟﯩﻜﻰ ﺗﻪﺳﯩﺲ ﻗﯩﻠﯩﻨﯩﭗ، ﻗﯧﺮﯨﻨﺪﺍﺵ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻨﻰ ﻛﯜﭼﻪﻳﺘﯩﺶ ﯞﻩ ﻗﯩﻴﯩﻨﭽﯩﻠﯩﻘﻰ ﺑﺎﺭ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﺸﻘﺎ ﺑﺎﺷﻠﯩﺪﻯ.
ﻫﺎﺯﯨﺮﻏﯩﭽﻪ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺗﯘﺭﯗﺷﻠﯘﻕ 22 ﺩﯙﻟﻪﺕ ﯞﻩ ﺭﺍﻳﻮﻧﺪﺍ ﺗﯜﺭﻙ ﻫﻪﻣﻜﺎﺭﻟﯩﻖ ﯞﻩ ﺗﻪﺭﻩﻗﻘﯩﻴﺎﺕ ﺋﯩﺪﺍﺭﯨﺴﯩﻨﯩﯔ ﺋﯩﺶ ﺑﯧﺠﯩﺮﯨﺶ ﺋﻮﺭﮔﺎﻧﻠﯩﺮﻯ ﻗﯘﺭﯗﻟﻐﺎﻥ ﺑﻮﻟﯘﭖ، ﺑﯘ ﺋﯩﺪﺍﺭﻩ ﺋﺎﺭﻗﯩﻠﯩﻖ ﺗﯜﺭﻛﯩﻴﻪ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻗﯩﻴﯩﻨﭽﯩﻠﯩﻘﻰ ﺑﺎﺭ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﻳﺎﺭﺩﻩﻡ ﻗﯩﻠﻤﺎﻗﺘﺎ. ﺑﯘ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﯩﭽﯩﺪﻩ ﺗﯘﯞﺍ، ﺧﺎﻗﺎﺱ ﯞﻩ ﺑﺎﺷﻘﯘﺭﺗﻼﺭﻏﺎ ﺋﻮﺧﺸﺎﺵ 200-300 ﻣﯩﯔ ﻧﻮﭘﯘﺳﻘﺎ ﺋﯩﮕﻪ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻣﯘ ﺑﺎﺭ. ﺋﯘﻳﻐﯘﺭﻻﺭﻧﯩﯔ ﻧﻮﭘﯘﺳﻰ ﻛﯚﭖ ﺑﻮﻟﺴﯩﻤﯘ ﺗﯜﺭﻛﯩﻴﯩﻨﯩﯔ ﺑﯘ ﻳﺎﺭﺩﻩﻡ ﺧﯩﺰﻣﻪﺗﻠﯩﺮﯨﺪﯨﻦ ﻫﯧﭻ ﺑﻪﻫﺮﯨﻤﺎﻥ ﺑﻮﻻﻟﻤﺎﻳﯟﺍﺗﯩﺪﯗ. ﻧﯧﻤﻪ ﺋﯜﭼﯜﻥ ﺗﯜﺭﻛﯩﻴﻪ ﺋﯘﻳﻐﯘﺭﻻﺭﻏﺎ ﻳﺎﺭﺩﻩﻡ ﻗﯩﻠﻤﺎﻳﯟﺍﺗﯩﺪﯗ؟ ﺗﯜﺭﻛﯩﻴﻪ ﺧﺎﻟﯩﻤﺎﻣﺪﯗ ﻳﺎﻛﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯜﺭﻛﯩﻴﯩﻨﯩﯔ ﺋﯘﻳﻐﯘﺭﻻﺭﻏﺎ ﻳﺎﺭﺩﻩﻡ ﻗﯩﻠﯩﺸﯩﻨﻰ ﻗﻮﺑﯘﻝ ﻗﯩﻠﻤﺎﻣﺪﯗ؟
ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﯩﺘﯩﻨﯩﯔ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻜﻪ ﻣﻪﺳﯘﻝ ﺩﯙﻟﻪﺕ ﻣﯩﻨﯩﺴﺘﯩﺮﻯ ﭘﺮﻭﻑ. ﺩﺭ. ﺳﺎﻳﯩﺖ ﻳﺎﺯﯨﺠﯩﺌﻮﻏﻠﻰ ﺋﻪﭘﻪندى ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﺗﯜﺭﻛﻠﻪﺭﻧﯩﯔ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺗﺎﺭﯨﺨﻰ ﺟﻪﻫﻪﺗﺘﯩﻦ ﻗﯧﺮﯨﻨﺪﺍﺷﻠﯩﻖ ﻣﯘﻧﺎﺳﯩﯟﯨﺘﻰ ﺑﺎﺭﻟﯩﻘﯩﻨﻰ، ﺋﯘﻻﺭﻏﺎ ﻫﻪﺭ ﺟﻪﻫﻪﺗﺘﯩﻦ ﻳﺎﺭﺩﻩﻡ ﻗﯩﻠﯩﺶ ﺗﯜﺭﻛﯩﻴﯩﻨﯩﯔ ﺋﺎﺩﺍ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺑﯘﺭﭼﻰ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻱ ﻫﯚﻛﯜﻣﯩﺘﻰ ﻗﻮﺑﯘﻝ ﻗﯩﻠﺴﺎ ﺋﯘﻳﻐﯘﺭﻻﺭﻏﯩﻤﯘ ﻳﺎﺭﺩﻩﻡ ﻗﯩﻠﯩﺸﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻧﺎﻣﺮﺍﺕ ﺋﯘﻳﻐﯘﺭﻻﺭﻏﺎ ﻳﺎﺭﺩﻩﻡ ﻗﯩﻠﯩﺶ ﺋﯜﭼﯜﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﯩﻠﻪﻥ ﺋﺎﻻﻗﯩﻠﯩﺸﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.
ﺩﯙﻟﻪﺕ ﻣﯩﻨﯩﺴﺘﯩﺮﻯ ﭘﺮﻭﻑ. ﺩﺭ. ﺳﺎﻳﯩﺖ ﻳﺎﺯﯨﺠﯩﺌﻮﻏﻠﻰ ﺋﻪﭘﻪﻧﺪﻯ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﺗﯜﺭﻙ ﺩﯗﻧﻴﺎﺳﻰ ﺳﯩﻴﺎﺳﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:
ﺑﯩﺰﻧﯩﯔ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺗﺎﺭﯨﺨﻰ، ﺩﯨﻨﻰ ﯞﻩ ﺋﯩﺠﺘﯩﻤﺎﻳﻰ ﺟﻪﻫﻪﺗﺘﯩﻦ ﻧﺎﻫﺎﻳﯩﺘﻰ ﻳﯧﻘﯩﻦ ﻣﯘﻧﺎﺳﯩﯟﯨﺘﯩﻤﯩﺰ ﺑﺎﺭ. ﺑﻮﻟﯘﭘﻤﯘ 1991-ﻳﯩﻠﻰ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯘﻻﺭ ﺑﯩﻠﻪﻥ ﺯﯨﭻ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﺘﯘﻕ. ﺋﯘﻻﺭ ﺑﯩﻠﻪﻥ ﺑﻮﻟﻐﺎﻥ ﻳﯧﻘﯩﻦ ﻣﯘﻧﺎﺳﯩﯟﯨﺘﯩﻤﯩﺰ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ. ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﻣﻪﺳﯘﻝ ﻣﻪﺧﺴﯘﺱ ﻣﯩﻨﯩﺴﺘﯩﺮﻟﯩﻜﯩﻤﯩﺰ ﺑﺎﺭ، ﻣﻪﻥ ﻫﺎﺯﯨﺮ ﺑﯘ ﻣﯩﻨﯩﺴﺘﯩﺮﻟﯩﻜﺘﻪ ﻣﯩﻨﯩﺴﺘﯩﺮ ﯞﻩﺯﯨﭙﯩﺴﯩﻨﻰ ﺋﯚﺗﻪﯞﺍﺗﯩﻤﻪﻥ. ﺑﯘﺭﯗﻧﻘﻰ ﻳﯩﻠﻼﺭﺩﺍ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﺩﻩ ﺑﻪﺯﻯ ﻣﻪﺳﯩﻠﯩﻠﻪﺭ ﺑﺎﺭ ﺋﯩﺪﻯ. ﺋﻪﻣﻤﺎ ﻫﺎﺯﯨﺮﻗﻰ ﺭﻩﺋﯩﺲ ﺟﯘﻣﻬﯘﺭﯨﻤﯩﺰ ﺋﺎﺑﺪﯗﻟﻼﻫ ﮔﯜﻝ ﺑﯩﻠﻪﻥ ﺑﺎﺵ ﻣﯩﻨﯩﺴﺘﯩﺮﯨﻤﯩﺰ ﺭﻩﺟﻪﭖ ﺗﺎﻳﯩﭗ ﺋﻪﺭﺩﻭﻏﺎﻥ ﺑﯘ ﺟﯘﻣﻬﯘﺭﯨﻴﻪﺗﻠﻪﺭﮔﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﯞﺍﺗﯩﺪﯗ، ﺷﯘﯕﺎ ﻣﯘﻧﺎﺳﯩﯟﯨﺘﯩﻤﯩﺰﻣﯘ ﻛﯧﻴﯩﻨﻜﻰ 2 ﻳﯩﻠﺪﯨﻦ ﺑﯧﺮﻯ ﺗﯧﺰﻻ ﺗﻪﺭﻩﻗﻘﻰ ﻗﯩﻠﺪﻯ. ﺋﺎﻟﺪﯨﻤﯩﺰﺩﯨﻜﻰ ﻳﯩﻠﻼﺭﺩﯨﻤﯘ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﻗﯧﺮﯨﻨﺪﺍﺵ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﺗﯧﺨﯩﻤﯘ ﻛﯜﭼﻪﻳﺘﯩﺸﻜﻪ ﺗﯩﺮﯨﺸﯩﻤﯩﺰ. ﺗﯜﺭﻙ ﻫﻪﻣﻜﺎﺭﻟﯩﻖ ﯞﻩ ﺗﻪﺭﻩﻗﻘﯩﻴﺎﺕ ﺋﯩﺪﺍﺭﯨﺴﻰ ﻳﻪﻧﻰ «ﺗﯩﻜﺎ» ﺑﯘ ﺟﯘﻣﻬﯘﺭﯨﻴﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯩﺰﻧﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﺘﺎ ﻧﺎﻫﺎﻳﯩﺘﻰ ﻣﯘﻫﯩﻢ ﺭﻭﻝ ﺋﻮﻳﻨﺎﯞﺍﺗﯩﺪﯗ. ﺑﯜﮔﯜﻥ «ﺗﯩﻜﺎﻧﯩﯔ» ﭘﯜﺗﯜﻥ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﺪﻩ ﯞﻩ ﺑﻪﺯﻯ ﺗﯜﺭﻛﯩﻲ ﺋﺎﭘﺘﻮﻧﻮﻡ ﺭﺍﻳﻮﻧﻠﯩﺮﯨﺪﺍ ﺑﻮﻟﯘﭖ ﺟﻪﻣﺌﯩﻲ 22 ﺩﯙﻟﻪﺕ ﯞﻩ ﺭﺍﻳﻮﻧﺪﺍ ﺋﯩﺶ ﺑﯧﺠﯩﺮﯨﺶ ﺋﻮﺭﻧﻰ ﺑﺎﺭ. ﺑﯘ ﺋﯩﺶ ﺑﯧﺠﯩﺮﯨﺶ ﺋﻮﺭﯗﻧﻠﯩﺮﯨﻤﯩﺰ ﺋﺎﺭﻗﯩﻠﯩﻖ ﻗﯩﻴﯩﻨﭽﯩﻠﯩﻘﻰ ﺑﺎﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﻳﺎﺭﺩﻩﻡ ﻗﯩﻠﯩﺸﻘﺎ ﺗﯩﺮﯨﺸﯩﯟﺍﺗﯩﻤﯩﺰ. ﻣﻪﻗﺴﯩﺘﯩﻤﯩﺰ ﻳﯧﯖﻰ ﻣﯘﺳﺘﻪﻗﯩﻞ ﺑﻮﻟﻐﺎﻥ ﯞﻩ ﺑﻮﻻﻟﻤﯩﻐﺎﻥ ﭘﯜﺗﯜﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﺋﯩﻘﺘﯩﺴﺎﺩﯨﻲ ﯞﻩ ﻣﺎﺋﺎﺭﯨﭗ ﺟﻪﻫﻪﺗﺘﯩﻦ ﻳﺎﺭﺩﻩﻡ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ.
ﺩﯙﻟﻪﺕ ﻣﯩﻨﯩﺴﺘﯩﺮﻯ ﭘﺮﻭﻑ. ﺩﺭ. ﺳﺎﻳﯩﺖ ﻳﺎﺯﯨﺠﯩﺌﻮﻏﻠﻰ ﺋﻪﭘﻪﻧﺪﻯ ﺳﯩﺰ ﺗﯜﺭﻛﯩﻴﯩﻨﯩﯔ 22 ﺩﯙﻟﻪﺗﺘﻪ «ﺗﯩﻜﺎﻧﯩﯔ» ﺋﯩﺶ ﺑﯧﺠﯩﺮﯨﺶ ﺋﻮﺭﻧﻰ ﺑﺎﺭﻟﯩﻘﯩﻨﻰ، ﺑﯘ ﺋﯩﺪﺍﺭﯨﻨﯩﯔ ﻗﯩﻴﯩﻨﭽﯩﻠﯩﻘﻰ ﺑﺎﺭ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺩﻩﭖ ﺋﯚﺗﺘﯩﯖﯩﺰ، ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺟﻪﻧﯘﺑﯩﺪﯨﻜﻰ ﺧﻪﻟﻘﻠﻪﺭ ﭘﺎﻛﯩﺰ ﺳﯘ ﺋﯩﭽﯩﺸﺘﯩﻦ ﻣﻪﻫﺮﯗﻡ، ﻛﯚﭖ ﺳﺎﻧﺪﺍ ﺋﯘﻳﻐﯘﺭ ﻧﺎﻣﺮﺍﺕ ﺑﺎﺭ، ﺋﯘﻻﺭﻏﯩﻤﯘ ﻳﺎﺭﺩﻩﻡ ﻗﯩﻠﯩﯟﺍﺗﺎﻣﺴﯩﻠﻪﺭ؟ ﺩﯦﮕﻪندە ﻣﯘﻧﺪﺍﻕ ﺩﯦﺪﻯ:
ﻫﺎﺯﯨﺮﻏﯩﭽﻪ ﺑﯘ ﻫﻪﻗﺘﻪ ﺑﯩﺮ ﺧﯩﺰﻣﻪﺕ ﻗﯩﻠﯩﻨﺪﯨﻤﯘ ﺧﻪﯞﯨﺮﯨﻢ ﻳﻮﻕ، ﺑﯘﻧﻰ ﺗﯜﺭﻙ ﺩﯗﻧﻴﺎﺳﻰ ﻫﻪﻣﻜﺎﺭﻟﯩﻖ ﯞﻩ ﺗﻪﺭﻩﻗﻘﯩﻴﺎﺕ ﺋﯩﺪﺍﺭﯨﺴﯩﺪﯨﻦ ﺳﻮﺭﺍﻳﻤﻪﻥ. ﺑﯘﻧﻰ ﺑﯩﺰﻧﯩﯔ ﺗﻪﻟﻪﭖ ﻗﯩﻠﯩﺸﯩﻤﯩﺰ ﻛﯧﺮﻩﻙ. ﺑﯩﺰ ﺧﯩﺘﺎﻱ ﺩﯙﻟﻪﺕ ﺭﻩﻫﺒﻪﺭﻟﯩﺮﻯ ﯞﻩ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺑﯩﻠﻪﻥ ﺋﺎﻻﻗﻪ ﺋﻮﺭﻧﺎﺗﺴﺎﻕ ﺑﻪﻟﻜﻰ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﯩﻤﯘ ﻳﺎﺭﺩﻩﻡ ﻗﯩﻼﻟﯩﺸﯩﻤﯩﺰ ﻣﯘﻣﻜﯩﻦ. ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﻗﻮﺑﯘﻝ ﻗﯩﻠﻐﺎﻥ ﺗﻪﻏﺪﯨﺮﺩﻩ ﺑﯩﺰ ﭼﻮﻗﯘﻡ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﻳﺎﺭﺩﻩﻡ ﻗﯩﻼﻻﻳﻤﯩﺰ. ﭼﯜﻧﻜﻰ ﺑﯩﺰ ﻧﯘﺭﻏﯘﻥ ﺩﯙﻟﻪﺗﻠﻪﺭﺩﯨﻜﻰ ﻗﯩﻴﯩﻨﭽﯩﻠﯩﻘﻰ ﺑﺎﺭ ﻛﯩﺸﯩﻠﻪﺭﮔﻪ ﺑﯘ ﺧﯩﻞ ﻳﺎﺭﺩﻩﻣﻨﻰ ﻗﯩﻠﯩﭗ ﻛﯧﻠﯩﯟﺍﺗﯩﻤﯩﺰ. ﺧﯩﺘﺎﻱ ﺩﯙﻟﯩﺘﻰ ﺋﻪﮔﻪﺭ ﺑﯩﺰﻧﯩﯔ ﺗﻪﻟﯩﭙﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ ﺋﯘﻳﻐﯘﺭﻻﺭﻏﺎ ﻳﺎﺭﺩﻩﻡ ﻗﯩﻠﯩﺸﯩﻤﯩﺰﻧﻰ ﻗﻮﺑﯘﻝ ﻗﯩﻠﺴﺎ، ﺑﯩﺰ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﻳﺎﺭﺩﻩﻡ ﻗﯩﻠﯩﻤﯩﺰ، ﻳﺎﺭﺩﻩﻡ ﻗﯩﻼﻟﯩﺴﺎﻕ ﺋﯚﺯﯨﻤﯩﺰﻧﻰ ﺑﻪﺧﯩﺘﻠﯩﻚ ﻫﯩﺲ ﻗﯩﻠﯩﻤﯩﺰ.
ﺩﯙﻟﻪﺕ ﻣﯩﻨﯩﺴﺘﯩﺮﻯ ﭘﺮﻭﻑ. ﺩﺭ. ﺳﺎﻳﯩﺖ ﻳﺎﺯﯨﺠﯩﺌﻮﻏﻠﯘ ﺋﻪﭘﻪﻧﺪﻯ ﺗﯜﺭﻛﯩﻴﯩﻨﯩﯔ ﻗﯧﺮﯨﻨﺪﺍﺵ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﺸﯩﺪﺍ ﺑﻪﺯﻯ ﺩﯙﻟﻪﺗﻠﻪﺭ ﺋﯩﻠﮕﯩﺮﻯ ﺳﯜﺭﮔﻪﻧﺪﻩﻙ ﭘﺎﻧﺘﯜﺭﻛﯩﺰﻡ ﯞﻩ ﭘﺎﻥ ﺋﯩﺴﻼﻣﯩﺰﻡ ﻣﯘﺩﺩﯨﺌﺎﺳﯩﻨﯩﯔ ﻳﻮﻗﻠﯩﻘﯩﻨﻰ، ﺑﯘ ﺧﯩﻞ ﻳﺎﺭﺩﻩﻣﻨﯩﯔ ﭘﻪﻗﻪﺗﻼ ﺋﯩﻨﺴﺎﻧﯩﻲ ﻳﺎﺭﺩﻩﻡ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ:
«ﺑﯩﺰﻧﯩﯔ ﺳﯩﻴﺎﺳﯩﺘﯩﻤﯩﺰ ﺋﯧﻨﯩﻖ. ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﯘﺭﻏﯘﭼﯩﺴﻰ ﻣﯘﺳﺘﺎﻓﺎ ﻛﺎﻣﺎﻝ ﺋﺎﺗﺎﺗﯜﺭﻙ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ `ﻳﯘﺭﺗﺘﺎ ﺗﯩﻨﭽﻠﯩﻖ ﺟﺎﻫﺎﻧﺪﺍ ﺗﯩﻨﭽﻠﯩﻖ ﺳﯩﻴﺎﺳﯩﺘﻰ ﺑﻮﻳﯩﭽﻪ ﺳﯩﻴﺎﺳﻪﺕ ﺋﯧﻠﯩﭗ ﺑﺎﺭﯨﻤﯩﺰ. ﻫﯧﭽﻘﺎﻧﺪﺍﻕ ﺑﯩﺮ ﺩﯙﻟﻪﺗﻨﯩﯔ ﺗﯘﭘﺮﯨﻘﯩﺪﺍ ﻛﯚﺯﯨﻤﯩﺰ ﻳﻮﻕ. ﺑﯩﺰ ﺩﯙﻟﯩﺘﯩﻤﯩﺰﻧﯩﯔ ﺋﯩﭽﯩﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺸﻘﺎ ﺗﯩﺮﯨﺸﯩﯟﺍﺗﯩﻤﯩﺰ. ﺋﻪﻣﻤﺎ، ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﺋﯩﻨﺴﺎﻧﻰ ﻳﺎﺭﺩﻩﻡ ﻗﯩﻠﯩﺶ ﺑﯩﺰﻧﯩﯔ ﯞﻩﺯﯨﭙﯩﻤﯩﺰﺩﯗﺭ. ﺑﯘﻧﯩﯖﺪﯨﻦ ﺑﺎﺷﻘﺎ ﺑﯩﺮ ﻣﻪﻗﺴﻪﺕ ﻳﻮﻗﺘﯘﺭ.»

ﺗﻪﻳﯟﻩﻥ ﻫﻪﺭﺑﯩﻲ ﻣﺎﻧﯧﯟﯨﺮﺩﺍ ﺋﺎﯞﺍﺯﺩﯨﻦ ﺗﯩﺰ ﺋﯘﭼﯩﺪﯨﻐﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺴﯩﻨﻰ ﻧﺎﻣﺎﻳﻪﻥ ﻗﯩﻠﺪﻯ

ﺗﻪﻳﯟﻩﻥ ﭘﺎﺭﻻﻣﯧﻨﺘﯩﺪﺍ ﻛﯚﭖ ﺳﺎﻧﻠﯩﻖ ﺋﻮﺭﯗﻥ ﺗﻪﻳﯟﻩﻧﺪﯨﻜﻰ ﻣﯩﻠﻠﻪﺗﭽﻰ ﭘﺎﺭﺗﯩﻴﻪ‏ - ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﯩﻨﯩﯔ ﻗﻮﻟﯩﻐﺎ ﺋﯚﺗﻜﻪﻧﺪﯨﻦ ﻛﯧﻴﯩﻦ ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﯩﻨﯩﯔ ﺭﻩﻫﺒﯩﺮﻯ ﻣﺎ ﻳﯩﯖﺠﻴﯘ ﺋﻪﮔﻪﺭ ﺑﯘ ﻳﯩﻞ 3- ﺋﺎﻳﺪﺍ ﺋﯚﺗﻜﯜﺯﯨﻠﯩﺪﯨﻐﺎﻥ ﭘﺮﯦﺰﯨﺪﯦﻨﺘﻠﯩﻖ ﺳﺎﻳﻠﯩﻤﯩﺪﺍ ﻏﻪﻟﯩﺒﻪ ﻗﯩﻠﯩﭗ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺳﺎﻳﻠﯩﻨﯩﭗ ﻗﺎﻟﺴﺎ ، ﺧﯩﺘﺎﻱ ﺑﯩﻠﻪﻥ ﺗﻪﻳﯟﻩﻥ ﺋﺎﺭﯨﺴﯩﺪﺍ ﺑﯩﯟﺍﺳﺘﻪ ﻗﺎﺗﻨﺎﻳﺪﯨﻐﺎﻥ ﻳﻮﻟﯘﭼﯩﻼﺭ ﺋﺎﻳﺮﻭﭘﯩﻼﻧﯩﻐﺎ ﻳﻮﻝ ﺋﺎﭼﯩﺪﯨﻐﺎﻧﻠﯩﻘﯩﻨﻰ ﯞﻩ ﺧﯩﺘﺎﻱ ﺑﯩﻠﻪﻥ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﻪﺭﻧﻰ ﻛﯜﭼﻪﻳﺘﯩﺶ ﺗﻮﻏﺮﯨﺴﯩﺪﺍ ﺋﯚﺯ ﻣﻪﻳﺪﺍﻧﯩﻨﻰ ﺋﯩﭙﺎﺩﯨﻠﯩﮕﻪﻥ ﺋﯩﺪﻯ.
ﻫﺎﻟﺒﯘﻛﻰ ، ﺗﻪﻳﯟﻩﻥ ﺩﯙﻟﻪﺕ ﺳﯩﻴﺎﺳﯩﺘﯩﺪﻩ ﭼﻮﯓ ﺋﯚﺯﮔﯩﺮﯨﺸﻠﻪﺭ ﺑﻮﻟﯘﺵ ﺋﯧﻬﺘﯩﻤﺎﻟﻠﯩﻘﻰ ﺗﯘﻏﯘﻟﯘﯞﺍﺗﻘﺎﻥ ﯞﻩ ﻛﯚﺯﻩﺗﻜﯜﭼﯩﻠﻪﺭ ﺋﺎﺭﯨﺴﯩﺪﺍ ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻖ ﻏﺎﻳﯩﺴﯩﺪﯨﻦ ﯞﺍﺯ ﻛﻪﭼﻜﻪﻥ ﺋﻮﺧﺸﺎﻳﺪﯗ ﺩﯦﮕﻪﻧﺪﻩﻙ ﺷﯜﺑﻬﯩﻠﯩﻚ ﭘﯩﻜﯩﺮﻟﻪﺭ ﻣﻪﻳﺪﺍﻧﻐﺎ ﻛﯧﻠﯩﯟﺍﺗﻘﺎﻥ ﭘﻪﻳﺘﻠﻪﺭﺩﻩ ، ﺗﻪﻳﯟﻩﻧﺪﻩ ﺩﯙﻟﻪﺕ ﻣﯘﺩﺍﭘﯩﺌﻪﺳﯩﻨﻰ ﻛﯜﭼﻪﻳﺘﯩﺶ ﯞﻩ ﺧﯩﺘﺎﻳﻨﯩﯔ ﺗﻪﻳﯟﻩﻥ ﺑﻮﻏﯘﺯﯨﺪﺍ ﺑﺎﺭﻏﺎﻧﭽﻪ ﻛﯜﭼﻪﻳﺘﯩﯟﺍﺗﻘﺎﻥ ﻫﻪﺭﺑﯩﻲ ﺗﻪﺳﯩﺮﯨﮕﻪ ﺋﯜﻧﯜﻣﻠﯜﻙ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ ﺗﻪﻳﯟﻩﻥ ﺩﺍﺋﯩﺮﯨﻠﯩﺮﻯ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺗﯧﺨﻨﯩﻜﯩﺴﯩﻨﻰ ﺗﯧﺨﯩﻤﯘ ﺋﯩﻠﻐﺎﺭﻻﺷﺘﯘﺭﯗﺵ ﯞﻩ ﻫﺎﯞﺍ، ﺩﯦﯖﯩﺰ ﯞﻩ ﻗﯘﺭﯗﻗﻠﯘﻗﺘﯩﻦ ﺋﯩﺒﺎﺭﻩﺕ ﺋﯜﭺ ﺧﯩﻞ ﺋﺎﺭﻣﯩﻴﯩﺴﯩﻨﯩﯔ ﺑﯩﺮﻟﯩﻜﺘﻪ ﺟﻪﯓ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﺋﺎﺷﯘﺭﯗﭖ، ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ ﻫﯘﺟﯘﻣﯩﻐﺎ ﺋﯩﻨﻜﺎﺱ ﻗﺎﻳﺘﯘﺭﯗﺵ ﺷﻪﻛﻠﯩﺪﯨﻜﻰ ﻫﻪﺭ ﺧﯩﻞ ﺗﻪﻳﻴﺎﺭﻟﯩﻖ ﺧﯩﺰﻣﻪﺗﻠﯩﺮﯨﻨﻰ ﻛﯜﭼﻪﻳﺘﻜﻪﻥ ﺑﻮﻟﯘﭖ، ﺑﯜﮔﯜﻥ ﺗﻪﻳﯟﻩﻧﺪﻩ ﺋﯚﺗﻜﯜﺯﯛﻟﮕﻪﻥ ﺷﯘ ﺧﯩﻠﺪﯨﻜﻰ ﺑﯩﺮ ﻫﻪﺭﺑﯩﻲ ﻣﺎﻧﯧﯟﯨﺮ ﺑﯘﻧﯩﯔ ﺗﯩﭙﯩﻚ ﻣﯩﺴﺎﻟﯩﺪﯗﺭ .
ﻣﻪﺯﻛﯘﺭ ﺑﻮﻣﺒﯩﻨﯩﯔ ﺋﯧﺘﯩﺶ ﺋﺎﺭﯨﻠﯩﻘﻰ 200 ﻛﯩﻠﻮ ﻣﯧﺘﯩﺮ ﺑﻮﻟﯘﭖ ﭼﻮﯓ ﺗﯩﭙﯩﺘﯩﻜﻰ ﻫﻪﺭﺑﯩﻲ ﭘﺎﺭﺍﺧﻮﺗﻼﺭ ﺋﻪﺗﺮﯨﺘﯩﮕﻪ ﺯﻩﺭﺑﻪ ﺑﯧﺮﯨﺶ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ
23-24- ﻳﺎﻧﯟﺍﺭ ﻛﯜﻧﻠﯩﺮﻯ ﺗﻪﻳﯟﻩﻥ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ، ﺋﯜﭺ ﺧﯩﻞ ﺋﺎﺭﻣﯩﻴﻪ ﺑﯩﺮﻟﯩﻜﺘﻪ ﺋﯩﺸﺘﯩﺮﺍﻙ ﻗﯩﻠﻐﺎﻥ ﺋﯩﻜﻜﻰ ﻛﯘﻧﻠﯘﻙ ﺑﯩﺮ ﻫﻪﺭﺑﻰ ﻣﺎﻧﯧﯟﯨﺮ ﺋﯚﺗﻜﯜﺯﮔﻪﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺗﻪﻫﻠﯩﻠﭽﯩﻠﻪﺭﻧﯩﯔ ﺋﯧﻴﺘﻘﺎﻧﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺗﻪﻳﯟﻩﻥ ﺋﺎﺭﻣﯩﻴﯩﻠﯩﺮﯨﻨﯩﯔ ﻫﻪﻣﻜﺎﺭﻟﯩﺸﯩﭗ ﺟﻪﯓ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺩﯨﻘﻘﻪﺗﻨﻰ ﺋﺎﻻﻫﯩﺪﻩ ﺗﺎﺭﺗﯩﺪﯨﻐﺎﻥ ﺑﻮﻟﯘﭖ، ﺗﻪﻳﯟﻩﻥ ﺑﯘ ﺧﯩﻠﯩﺪﯨﻜﻰ ﻣﺎﻧﯧﯟﯨﺮ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﻫﻪﺭﺑﯩﻲ ﺗﯧﺨﻨﯩﻜﯩﻨﻰ ﻳﺎﺧﺸﯩﻼﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ . ﺋﯘﻧﯩﯖﺪﯨﻦ ﺑﺎﺷﻘﺎ، ﺗﻪﻳﯟﻩﻥ ﺑﯘ ﻧﯚﯞﻩﺕ ﺋﯚﺗﻜﻪﻥ ﻳﯩﻠﻰ ﻳﺎﺳﺎﭖ ﭼﯩﻘﻘﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﻨﻰ ﺳﯩﻨﺎﻕ ﻗﯩﻠﯩﺶ ﺑﺎﺳﻘﯘﭼﯩﻐﺎ ﻛﯩﺮﮔﻪﻧﻠﯩﻜﯩﺪﯨﻦ ﺑﯩﺸﺎﺭﻩﺕ ﺑﻪﺭﮔﻪﻥ.
ﺗﻪﻳﯟﻩﻥ ﺋﯚﺗﻜﻪﻥ ﻳﯩﻠﯩﺪﯨﻜﻰ ﺩﯙﻟﻪﺕ ﺑﺎﻳﺮﯨﻤﯩﺪﺍ، ﺋﯚﺯﻯ ﺗﻪﺗﻘﯩﻖ ﻗﯩﻠﯩﭗ ﻳﺎﺳﺎﭖ ﭼﯩﻘﻘﺎﻥ ﺋﺎﯞﺍﺯﺩﯨﻦ ﺗﯩﺰ ﺋﯘﭼﯩﺪﯨﻐﺎﻥ ﺷﻴﯘﯕﻔﯧﯔ ( ﺩﻩﻫﺸﻪﺗﻠﯩﻚ ﺑﻮﺭﺍﻥ) 3 ﺗﯩﭙﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺴﯩﻨﻰ ﭘﺎﺭﺍﺗﺘﯩﻦ ﺋﯚﺗﻜﯜﺯﮔﻪﻥ. ﻣﻪﻟﯘﻡ ﺑﻮﻟﯘﺷﯩﭽﻪ، ﻣﻪﺯﻛﯘﺭ ﺑﻮﻣﺒﯩﻨﯩﯔ ﺋﯧﺘﯩﺶ ﺋﺎﺭﯨﻠﯩﻘﻰ 200 ﻛﯩﻠﻮ ﻣﯧﺘﯩﺮ ﺑﻮﻟﯘﭖ ﭼﻮﯓ ﺗﯩﭙﯩﺘﯩﻜﻰ ﻫﻪﺭﺑﯩﻲ ﭘﺎﺭﺍﺧﻮﺗﻼﺭ ﺋﻪﺗﺮﯨﺘﯩﮕﻪ ﺯﻩﺭﺑﻪ ﺑﯧﺮﯨﺶ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﺋﯩﻜﻪﻥ.
ﺋﺎﻣﯧﺮﯨﻜﺎ ﺋﺎﯞﺍﺯﯨﺪﺍ ﺗﻪﻳﯟﻩﻥ ﺩﯦﯖﯩﺰ ﺋﺎﺭﻣﯩﻴﻪ ﭘﺎﺭﺍﺧﻮﺕ ﺋﻪﺗﺮﯨﺘﻰ ﻗﻮﻣﺎﻧﺪﺍﻧﻠﯩﻖ ﺷﺘﺎﺑﯩﻨﯩﯔ ﻣﯘﺩﯨﺮﻯ ﻟﻴﯘ ﺭﯦﻨﺠﯩﻨﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺋﯘ ﻫﺎﺯﯨﺮ ﺷﻴﯘﯕﻔﯧﯔ 3 ﺗﯩﭙﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻼﺭﻧﯩﯔ ﺗﻪﻳﯟﻩﻧﻨﯩﯔ ﮔﺎﯞ ﺷﻴﯘﯓ ﺭﺍﻳﻮﻧﯩﺪﯨﻜﻰ ﺋﻮﯓ ﻗﺎﻧﺎﺕ ﻫﻪﺭﺑﯩﻲ ﭘﻮﺭﺗﯩﻐﺎ ﺟﺎﻳﻼﺷﻘﺎﻥ ﻣﯘﯞﺍﭘﭙﻪﻗﯩﻴﻪﺕ ﺋﺎﻟﯩﻲ ﺩﻩﺭﯨﺠﯩﻠﯩﻚ ﭼﺎﺭﻟﯩﻐﯘﭼﻰ ﭘﺎﺭﺍﺧﻮﺗﻠﯩﺮﯨﻐﺎ ﺳﻪﭘﻠﯩﻨﯩﭗ ﺑﻮﻟﻐﺎﻧﻠﯩﻘﯩﻨﻰ ، ﻫﺎﺯﯨﺮ ﺳﯩﻨﺎﻕ ﻗﯩﻠﯩﺶ ﺑﺎﺳﻘﯘﭼﯩﻐﺎ ﺋﯚﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.
ﺗﻪﻳﯟﻩﻥ ﻗﯘﺭﯗﻗﻠﯘﻕ ﯞﻩ ﻫﺎﯞﺍ ﺋﺎﺭﻣﯩﻴﯩﻠﯩﺮﯨﻨﯩﯔ ﺟﻪﯓ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺧﯩﺘﺎﻳﻨﯩﯖﻜﯩﺪﯨﻦ ﻧﻪﭼﭽﻪ ﻫﻪﺳﺴﻪ ﺋﯜﺳﺘﯜﻥ
ﺧﻪﯞﻩﺭﺩﻩ ﻛﯚﺭﺳﯩﺘﯩﺸﯩﭽﻪ، ﻣﺎﻧﯧﯟﯨﺮﻧﯩﯔ ﺋﯩﻜﻜﯩﻨﭽﻰ ﻛﯜﻧﻰ ﻳﻪﻧﻰ ﭘﻪﻳﺸﻪﻧﺒﻪ ﻛﯜﻧﻰ، ﮔﺎﯞﺷﻴﯘﯕﺪﯨﻜﻰ ﺳﻮﻝ ﻗﺎﻧﺎﺕ ﻫﻪﺭﺑﯩﻲ ﭘﻮﺭﺗﯩﺪﺍ ﺩﯦﯖﯩﺰ ﻳﯜﺯﯨﺪﻩ ﺳﯘ ﺋﺎﺳﺘﻰ ﭘﺎﺭﺍﺧﻮﺗﻠﯩﺮﯨﻐﺎ ﻗﺎﺭﺷﻰ ﺗﯘﺭﯗﺵ ﻣﺎﻧﯧﯟﯨﺮﻯ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﯘﭖ، ﺑﯘﻧﯩﯖﺪﺍ ﺗﻪﻳﯟﻩﻧﻨﯩﯔ ﻫﯘﺟﯘﻣﭽﻰ ، ﻗﻮﻏﺪﯨﻐﯘﭼﻰ، ﺳﯘ ﻣﯩﻨﺎﺳﻰ ﺗﺎﺯﯨﻠﯩﻐﯘﭼﻰ ﯞﻩ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺗﯩﺰ ﺳﯜﺭﺋﻪﺗﻠﯩﻚ ﻛﺎﺗﯧﺮ ﯞﻩ ﺳﯘ ﺋﺎﺳﺘﻰ ﭘﺎﺭﺍﺧﻮﺗﯩﻐﺎ ﻗﺎﺭﺷﻰ ﺗﯩﻚ ﺋﯘﭼﺎﺭ ﻗﯩﺴﯩﻤﻠﯩﺮﯨﺪﯨﻦ ﺋﯩﺒﺎﺭﻩﺕ ﻗﯩﺴﯩﻤﻼﺭﻧﯩﯔ ﻣﺎﺳﻠﯩﺸﯩﭗ ﺟﻪﯓ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﻧﺎﻣﺎﻳﻪﻥ ﻗﯩﻠﻐﺎﻥ ﺑﻮﻟﺴﺎ، ﺑﯩﺮﯨﻨﭽﻰ ﻛﯜﻧﯩﺪﯨﻜﻰ ﻣﺎﻧﯧﯟﯨﺮﺩﺍ ﮔﺎﯞﺷﻴﯘﯓ ﺑﺎﺯﯨﺪﯨﻜﻰ ﻗﯘﺭﯗﻗﻠﯘﻕ ﻗﯩﺴﯩﻤﻠﯩﺮﻯ ﺑﺮﻭﻧﯧﯟﯨﻜﭽﯩﻼﺭ ﻗﯩﺴﯩﻤﻰ 564 ﺑﺮﯨﮕﺎﺩﯨﺴﻰ ﺧﯩﺘﺎﻱ ﺋﺎﺯﺍﺩﻟﯩﻘﻰ ﺋﺎﺭﻣﯩﻴﯩﺴﯩﻨﯩﯔ ﺗﯘﻳﯘﻗﺴﯩﺰ ﻫﯘﺟﯘﻣﯩﻐﺎ ﻗﺎﺭﺷﻰ ﺗﯘﺭﯗﺵ ﻣﻪﺷﯩﻘﻰ ﺋﯧﻠﯩﭗ ﺑﺎﺭﻏﺎﻥ. ﺑﯘﻧﯩﯖﺪﺍ ﺗﻪﻳﯟﻩﻥ ﺋﯚﺯﻯ ﻳﺎﺳﺎﭖ ﭼﯩﻘﻘﺎﻥ ﺑﺮﻭﻧﯧﯟﯨﻚ ﯞﻩ ﺗﯩﻚ ﺋﯘﭼﺎﺭ ﯞﻩ ﺯﻩﻣﺒﯩﺮﻩﻛﻠﻪﺭﻧﻰ ﺋﯩﺸﻘﺎ ﺳﺎﻟﻐﺎﻥ.
ﺩﯙﻟﻪﺕ ﻣﯘﺩﺍﭘﯩﺌﻪ ﺗﻪﻗﺮﯨﺰﻯ ﺋﺎﻳﻠﯩﻖ ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﭘﯩﻨﻮﻛﻮﻓﻨﯩﯔ ﺋﺎﻣﯧﺮﯨﻜﺎ ﺋﺎﯞﺍﺯﯨﻐﺎ ﺑﯩﻠﺪﯛﺭﯛﺷﯩﭽﻪ، ﺗﻪﻳﯟﻩﻧﻨﯩﯔ ﻗﯘﺭﯗﻗﻠﯘﻕ ﻗﯩﺴﯩﻤﻠﯩﺮﯨﻨﯩﯔ ﻗﻮﺭﺍﻟﻠﯩﺮﻯ ﺑﯩﺮ ﺋﺎﺯ ﻗﺎﻻﻕ ﺑﻮﻟﯘﭖ، ﺋﻪﻣﻤﺎ ﻗﯘﺭﯗﻗﻠﯘﻕ ﯞﻩ ﻫﺎﯞﺍ ﺋﺎﺭﻣﯩﻴﯩﻠﯩﺮﯨﻨﯩﯔ ﻣﺎﺳﻠﯩﺸﯩﭗ ﺟﻪﯓ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯖﻜﯩﺪﯨﻦ ﻧﻪﭼﭽﻪ ﻫﻪﺳﺴﻪ ﺋﯜﺳﺘﯜﻥ ﯞﻩ ﺋﯘﺭﯗﺵ ﻣﻪﻳﺪﺍﻧﻨﯩﯔ ﺋﻪﻫﯟﺍﻟﯩﻨﻰ ﻛﻮﻧﺘﺮﻭﻝ ﻗﻠﯩﺶ ﺋﯩﻘﺘﯩﺪﺍﺭﻯ ﺋﯩﻨﺘﺎﻳﯩﻦ ﻛﯜﭼﻠﯜﻙ ﺋﯩﻜﻪﻥ.
ﺩﻩﺭﯞﻩﻗﻪ، ﺏ ﺏ ﺱ ﺩﺍ ﻛﯚﺭﺳﯩﺘﯩﺸﯩﭽﻪ، ﺗﻪﻳﯟﻩﻥ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﻰ ﻛﯧﯖﯩﺸﯩﻨﯩﯔ ﺑﺎﺵ ﻛﺎﺗﯩﭙﻰ ﻛﯥ ﭼﯧﯖﺨﯧﯔ، ﻫﺎﺯﯨﺮ ﺧﯩﺘﺎﻱ ﺗﻪﻳﯟﻩﻥ ﺑﻮﻏﯘﺯﯨﺪﺍ ﺳﯘ ﺋﺎﺳﺘﻰ ﻫﻪﺭﺑﯩﻲ ﭘﺎﺭﺍﺧﻮﺗﻠﯩﺮﯨﻨﯩﯔ ﭘﺎﺋﺎﻟﯩﻴﯩﺘﻰ ﻗﯧﺘﯩﻢ ﺳﺎﻧﯩﻨﻰ ﻛﯚﭘﻪﻳﺘﯩﺶ ﺋﺎﺭﻗﯩﻠﯩﻖ ﺗﻪﻳﯟﻩﻧﻨﻰ " ﺧﯩﺘﺎﻱ ﺩﯦﯖﯩﺰ ﺗﻪﯞﻩﺳﯩﺪﯨﻜﻰ ﺭﺍﻳﻮﻥ" ﻏﺎ ﺋﺎﻳﻼﻧﺪﯗﺭﯗﺵ ﻣﻪﻗﺴﯩﺘﯩﻨﯩﯔ ﺑﺎﺭﻏﺎﻧﭽﻪ ﺋﺎﺷﻜﺎﺭﯨﻠﯩﻨﯩﯟﺍﺗﻘﺎﻧﻠﯩﻘﯩﻨﻰ، ﺷﯘﯕﺎ ﺗﻪﻳﯟﻩﻧﻨﯩﯔ ﺋﯚﺯ ﺋﺎﻟﺪﯨﻐﺎ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺗﯧﺨﻨﯩﻜﯩﺴﯩﻨﻰ ﻳﯧﯖﯩﻼﭖ ﺧﯩﺘﺎﻳﻨﯩﯔ ﺋﯩﻐﯟﺍﮔﻪﺭﭼﯩﻠﯩﻜﯩﮕﻪ ﺗﺎﻗﺎﺑﯩﻞ ﺗﯘﺭﯗﺷﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﮔﻪﻥ.
ﻛﯥ ﭼﯧﯖﺨﯧﯔ ﻳﺎﭘﻮﻧﯩﻴﯩﻨﯩﯔ "ﺗﯩﺠﺎﺭﻩﺕ ﺧﻪﯞﻩﺭﻟﯩﺮﻯ" ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺧﯩﺘﺎﻱ ﭘﺎﺭﺍﺧﻮﺕ ﺋﻪﺗﺮﻩﺗﻠﯩﺮﯨﻨﯩﯔ ﻳﺎﭘﻮﻧﯩﻴﻪ، ﺗﻪﻳﯟﻩﻥ ﯞﻩ ﺳﯩﻨﮕﺎﭘﻮﺭ ﺋﺎﺭﺍﻟﻠﯩﺮﻯ ﺗﯩﺰﻣﯩﻠﯩﺮﯨﺪﯨﻦ ﺋﯚﺗﯜﺵ ﻗﯧﺘﯩﻢ ﺳﺎﻧﯩﻨﯩﯔ ﺑﺎﺭﻏﺎﻧﭽﻪ ﻛﯚﭘﻪﻳﮕﻪﻧﻠﯩﻜﯩﻨﻰ، ﺑﯘ 1990- ﻳﯩﻠﻼﺭﺩﯨﻜﻰ ﻳﯩﻠﻐﺎ ﺑﯩﺮ ﻳﺎﻛﻰ ﺋﯩﻜﻜﻰ ﻗﯧﺘﯩﻢ ﺑﻮﻟﻐﺎﻥ ﺑﻮﻟﺴﺎ ﺋﯚﺗﻜﻪﻧﻜﻰ ﺋﯩﻜﻜﻰ ﻳﯩﻞ ﻣﺎﺑﻪﻳﻨﯩﺪﻩ 5- 6 ﻗﯧﺘﯩﻤﻐﺎ ﻳﻪﺗﻜﻪﻧﻠﯩﻜﯩﻨﻰ ﻛﯚﺭﺳﻪﺗﻜﻪﻥ.
ﺋﯘ ﺧﯩﺘﺎﻱ ﺳﯘ ﺋﺎﺳﺘﻰ ﭘﺎﺭﺍﺧﻮﺗﻠﯩﺮﯨﻨﯩﯔ ﻫﻪﺭﯨﻜﻪﺕ ﺩﺍﺋﯩﺮﯨﺴﯩﻨﻰ ﺋﯚﺯ ﭼﯧﮕﯩﺮﯨﺴﻰ ﺳﯩﺮﺗﯩﺪﯨﻜﻰ ﺋﻮﻛﻴﺎﻧﻼﺭﻏﯩﭽﻪ ﻛﯧﯖﻪﻳﺘﯩﺸﯩﺪﯨﻜﻰ ﻣﻪﻗﺴﻪﺗﻨﯩﯔ ﺋﻪﮔﻪﺭ ﺗﻪﻳﯟﻩﻥ ﺑﻮﻏﯘﺯﯨﺪﺍ ﺟﯩﺪﺩﯨﻲ ﺋﻪﻫﯟﺍﻝ ﻳﯘﺯ ﺑﻪﺭﮔﻪﻥ ﭘﻪﻳﺘﺘﻪ، ﺋﺎﻣﯧﺮﯨﻜﺎ ﺋﺎﯞﯨﺌﺎﻣﺎﺗﻜﺎ ﺋﻪﺗﯩﺮﯨﺘﯩﻨﯩﯔ ﻳﺎﺭﺩﻩﻣﮕﻪ ﻛﯧﻠﯩﺸﯩﻨﻰ ﭼﻪﻛﻠﻪﺵ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.
ﺷﻪﺭﻗﻰ ﺋﺎﺳﯩﻴﺎ ﺗﻪﻫﻠﯩﻠﭽﯩﺴﻰ ﺩﻭﻛﺘﯘﺭ ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﺑﯩﻠﺪﯛﺭﯛﺷﯩﭽﻪ، ﺗﻪﻳﯟﻩﻧﻨﯩﯔ ﻫﺎﺯﯨﺮﻗﻰ ﻫﻪﺭﺑﯩﻲ ﻛﯜﭼﻰ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ ﻫﯘﺟﯘﻣﻠﯩﺮﯨﻨﻰ ﺋﯜﻧﯜﻣﻠﯜﻙ ﺗﻮﺳﯘﺵ ﯞﻩ ﻏﻪﻟﯩﺒﻪ ﻗﯩﻠﯩﺶ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﺑﯩﻠﻪﻥ ﺋﯘﺯﯗﻥ ﻣﯘﺩﺩﻩﺕ ﺟﻪﯓ ﻗﯩﻠﯩﺸﻘﺎ ﻗﯘﺭﺑﻰ ﻳﻪﺗﻤﻪﻳﺪﯨﻜﻪﻥ.
ﺗﻪﻳﯟﻩﻥ ﻣﯘﺩﺍﭘﯩﺌﻪ ﯞﻩ ﻗﺎﻳﺘﯘﺭﻣﺎ ﻫﯘﺟﯘﻡ ﺋﯩﻘﺘﯩﺪﺍﺭﯨﻨﻰ ﺋﯚﺳﺘﯜﺭﯛﺷﻰ ﻛﯧﺮﻩﻙ
ﻛﯥ ﭼﯧﯖﺨﯧﯔ، ﺗﻪﻳﯟﻩﻧﻨﯩﯔ ﺋﺎﻣﯧﺮﯨﻜﺎ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﻳﺎﺭﺩﻩﻣﮕﻪ ﻛﯧﻠﯩﺸﯩﻨﻰ ﻛﯜﺗﯜﭖ ﺗﯘﺭﺍﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺗﻪﻳﯟﻩﻥ ﭼﻮﻗﯘﻡ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ، ﺭﺍﺩﺍﺭ ﯞﻩ ﻫﻪﺭﺑﯩﻲ ﺋﺎﻳﺮﻭﺩﺭﻭﻡ ﺗﯧﺨﻨﯩﻜﯩﻠﯩﺮﯨﻨﻰ ﺋﯩﻠﻐﺎﺭﻻﺷﺘﯘﺭﯗﭖ، ﻣﯘﺩﺍﭘﯩﺌﻪ ﯞﻩ ﻗﺎﻳﺘﯘﺭﻣﺎ ﻫﯘﺟﯘﻡ ﺋﯩﻘﺘﯩﺪﺍﺭﯨﻨﻰ ﺋﯚﺳﺘﯜﺭﯛﺷﻰ ﻛﯧﺮﻩﻙ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.
ﺋﯘ ﻳﻪﻧﻪ ، ﺗﻪﻳﯟﻩﻧﻨﯩﯔ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﻪ ﺧﯩﺘﺎﻱ ﺑﯩﻠﻪﻥ ﺧﯧﻠﻰ ﭼﻮﯕﻘﯘﺭ ﻣﯘﻧﺎﺳﯩﯟﻩﺗﻜﻪ ﺋﯩﮕﻪ ﺑﻮﻟﺴﯩﻤﯘ ، ﺋﻪﻣﻤﺎ ﺑﯩﺨﻪﺗﻪﺭﻟﯩﻚ ﺟﻪﻫﻪﺗﺘﻪ ﺧﻪﯞﭘﺴﯩﺮﻩﻳﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﻫﻪﺭ ﺯﺍﻣﺎﻥ ﺗﯘﻳﯘﻗﺴﯩﺰ ﻫﯘﺟﯘﻡ ﻗﯧﻠﯩﺸﯩﻐﺎ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ ﺋﯚﺯﯨﻨﯩﯔ ﻫﻪﺭﺑﯩﻲ ﺋﯩﻘﺘﯩﺪﺍﺭﻯ ﯞﻩ ﻗﻮﺭﺍﻝ-ﻳﺎﺭﺍﻗﻠﯩﺮﯨﻨﯩﯔ ﺗﯧﺨﻨﯩﻜﯩﺴﯩﻨﻰ ﻳﯧﯖﯩﻼﺷﻘﺎ ﻣﻪﺟﺒﯘﺭ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.
ﺋﯘ ﻳﻪﻧﻪ ﺷﯘ ﺳﻪﯞﻩﺑﺘﯩﻦ ﺗﻪﻳﯟﻩﻧﻨﯩﯔ ﻫﻪﺭ ﻳﯩﻠﻰ ﺷﯘ ﺧﯩﻠﺪﯨﻜﻰ ﺗﯧﺨﻨﯩﻜﯩﻼﺭﻧﻰ ﻳﯧﯖﯩﻼﺷﻘﺎ ﻛﯚﭖ ﻛﯘﭺ ﺳﻪﺭﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﻫﻪﺭﺑﯩﻲ ﻣﺎﻧﯧﯟﯨﺮﻻﺭﻧﻰ ﺑﯩﺮ-ﺋﯩﻜﻜﻰ ﻗﯧﺘﯩﻢ ﺋﯚﺗﻜﯜﺯﯗﭖ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﻫﻪﻣﺪﻩ ﺧﯩﺘﺎﻳﻐﺎ "ﺑﯩﺰﻧﯩﯖﻤﯘ ﻫﻪﺭﺑﯩﻲ ﻛﯜﭼﯩﻤﯩﺰ ﺑﺎﺭ" ﺩﯦﮕﻪﻥ ﺋﯘﭼﯘﺭﻧﻰ ﻳﻪﺗﻜﯜﺯﯛﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.
ﻫﺎﺯﯨﺮ ﺗﻪﻳﯟﻩﻥ 3 ﻫﻪﺭﺑﯩﻲ ﺑﺎﺯﯨﺴﯩﻐﺎ ﺋﺎﻣﯧﺮﯨﻜﯩﻨﯩﯔ "ﯞﻩﺗﻪﻧﭙﻪﺭﯞﻩﺭ 2 ﺗﯩﭙﻠﯩﻖ " ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺳﯧﺴﺘﯩﻤﺴﯩﻨﻰ ﺋﻮﺭﯗﻧﻼﺷﺘﯘﺭﻏﺎﻥ ﺑﻮﻟﯘﭖ، ﺗﻪﻳﯟﻩﻥ ﻳﻪﻧﻪ ﺋﺎﻣﯧﺮﯨﻜﯩﻨﯩﯔ "ﯞﻩﺗﻪﻧﭙﻪﺭﯞﻩﺭ 3 ﺗﯩﭙﻠﯩﻖ" ﺑﻮﻣﺒﯩﺴﯩﻨﻰ ﺳﯧﺘﯩﯟﯦﻠﯩﺸﻘﺎ ﺗﯧﺮﯨﺸﯩﯟﺍﺗﯩﺪﯗ.
ﺋﯘﻧﯩﯖﺪﯨﻦ ﺑﺎﺷﻘﺎ 2007- ﻳﯩﻠﻰ 9- ﺋﺎﻳﺪﺍ ﺋﺎﻣﯧﺮﯨﻜﺎ ﺗﻪﺭﻩﭖ ﺗﻪﻳﯟﻩﻧﮕﻪ 12 ﺩﺍﻧﻪ ﭖ ﻙ3 ﺗﯩﭙﻠﯩﻖ ﺭﺍﺯﯞﯦﺘﻜﺎ ﺋﺎﻳﺮﻭﭘﯩﻼﻧﻰ ﺳﯧﺘﯩﭗ ﺑﯧﺮﯨﺸﻜﻪ ﻗﻮﺷﯘﻟﻐﺎﻥ ﺑﻮﻟﯘﭖ، ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺑﯩﺮﺩﻩﻙ ﻗﺎﺭﯨﺸﯩﭽﻪ، ﺗﻪﻳﯟﻩﻥ ﺑﯘ ﻗﻮﺭﺍﻟﻼﺭﻏﺎ ﺋﯧﺮﯨﺸﻜﻪﻧﺪﯨﻦ ﻛﯧﻴﯩﻦ ، ﺋﯚﺯﯨﻨﯩﯔ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﮕﻪ ﺯﻩﺭﺑﻪ ﺑﯧﺮﯨﺶ ﯞﻩ ﺋﯘﻧﯩﯖﻐﺎ ﻗﺎﺭﺷﻰ ﻗﺎﻳﺘﯘﺭﻣﺎ ﻫﯘﺟﯘﻣﻐﺎ ﺋﯘﺗﯘﺵ ﺋﯩﻘﺘﯩﺪﺍﺭﯨﻨﻰ ﺋﯜﻧﯜﻣﻠﯜﻙ ﺋﯚﺳﺘﯜﺭﻩﻟﻪﻳﺪﯨﻜﻪﻥ.

ﺗﻪﻳﯟﻩﻥ ﺋﺎﺭﺧﯩﭙﻠﯩﺮﯨﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺗﻮﻏﺮﯨﺴﯩﺪﯨﻜﻰ ﺋﯘﭼﯘﺭﻻﺭ

‏- ﻳﯩﻠﻰ ﺋﯩﻠﯩﺪﺍ ﻗﯘﺭﯗﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻳﻮﻗﺎﻟﻐﺎﻧﻐﺎ 60 ﻳﯩﻠﺪﯨﻦ ﺋﺎﺷﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺟﯘﻣﻬﯘﺭﯨﻴﻪﺕ ﻫﺎﺯﯨﺮﻏﺎ ﻗﻪﺩﻩﺭ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺯﯨﻬﻨﯩﺪﯨﻦ ﻳﻮﻗﺎﻟﻐﺎﻥ ﺋﻪﻣﻪﺱ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﺗﺮﺍﮔﯩﺪﯨﻴﯩﻠﯩﻚ ﺋﺎﻗﯩﯟﯨﺘﻰ ﻫﻪﻗﻘﯩﺪﯨﻜﻰ ﺋﺎﺭﺧﯩﻼﭘﻼﺭ ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﺎﺭﭼﯩﻠﯩﻨﯩﭗ ﺋﺎﺭﯨﺪﯨﻦ ﺋﻮﻥ ﻧﻪﭼﭽﻪ ﻳﯩﻞ ﺋﯚﺗﻜﻪﻥ ﺑﻮﻟﺴﯩﻤﯘ ،ﻟﯧﻜﯩﻦ ﻳﻪﻧﯩﻼ ﺋﯚﺯﯨﻨﯩﯔ ﻣﻪﺧﭙﯩﻴﻪﺗﻠﯩﻜﯩﻨﻰ ﺳﺎﻗﻼﭖ ﻛﯧﻠﯩﯟﺍﺗﯩﺪﯗ.
ﻛﯩﺸﯩﻠﻪﺭﻧﯩﯔ ﺳﻮﯞﯦﺖ ﺋﯩﺘﺘﯩﭙﺎﻗﻰ ﯞﻩ ﺧﯩﺘﺎﻱ ﺋﺎﺭﺧﯩﭙﻠﯩﺮﯨﺪﯨﻦ ﺑﯘ ﯞﻩﻗﻪ ﺗﻮﻏﺮﯨﺴﯩﺪﺍ ﺋﯧﺮﯨﺸﻜﻪﻥ ﺋﯘﭼﯘﺭﻟﯩﺮﻯ ﻧﺎﻫﺎﻳﯩﺘﻰ ﭼﻪﻛﻠﯩﻚ. ﮔﻮﻣﯩﻨﺪﺍﯓ ﺋﺎﺭﺧﯩﭙﻠﯩﺮﯨﺪﯨﻜﻰ ﯞﻩﻗﻪﮔﻪ ﺩﺍﺋﯩﺮ ﺋﯘﭼﯘﺭﻻﺭﻏﺎ ﺋﯧﺮﯨﺸﯩﺶ ﺑﻮﻟﺴﺎ ﻳﯧﻘﯩﻨﻘﻰ ﻳﯩﻠﻼﺭﻏﺎ ﻗﻪﺩﻩﺭ ﺋﯩﻤﻜﺎﻧﺴﯩﺰ ﺋﯩﺪﻯ. ﺋﻪﻣﻤﺎ ﺗﻪﻳﯟﻩﻥ ﯞﻩﺯﯨﻴﯩﺘﯩﺪﯨﻜﻰ ﺋﯚﺯﮔﯩﺮﯨﺸﻠﻪﺭﮔﻪ ﺋﻪﮔﯩﺸﯩﭗ، ﺗﻪﻳﯟﻩﻥ ﺋﺎﺭﺧﯩﭙﻠﯩﺮﯨﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﮕﻪ ﺋﺎﺋﯩﺖ ﺋﯘﭼﯘﺭﻻﺭﻧﻰ ﻛﯚﺭﯛﺵ ﻣﯘﻣﻜﯩﻨﭽﯩﻠﯩﻜﻰ ﺗﯘﻏﯘﻟﺪﻯ. ﺋﺎﻟﺪﯨﻨﻘﻰ ﻳﯩﻠﻰ ﺗﯜﺭﻛﯩﻴﻪ ﻫﺎﺟﯩﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ، ﺗﻪﻳﯟﻩﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺋﺎﺭﺧﯩﭗ ﺋﯩﺪﺍﺭﯨﺴﯩﻐﺎ ﻛﯩﺮﯨﺶ ﯞﻩ ﮔﻮﻣﯩﻨﺪﺍﯓ ﺋﺎﺭﺧﯩﭙﻠﯩﺮﯨﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﮕﻪ ﺋﺎﺋﯩﺖ ﺋﯘﭼﯘﺭﻻﺭﻧﻰ ﻛﯚﺭﯛﺷﻜﻪ ﻣﯘﻳﻪﺳﺴﻪﺭ ﺑﻮﻟﯘﭖ، ﻫﺎﺯﯨﺮﻏﺎ ﻗﻪﺩﻩﺭ ﻛﯩﺸﯩﻠﻪﺭﮔﻪ ﻣﻪﻟﯘﻡ ﺑﻮﻟﻤﯩﻐﺎﻥ ﮔﻮﻣﯩﻨﺪﺍﯕﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺳﯩﻴﺎﺳﯩﺘﯩﮕﻪ ﺩﺍﺋﯩﺮ ﺋﻪﻫﯟﺍﻟﻼﺭﻧﻰ ﺋﯩﮕﯩﻠﯩﮕﻪﻥ.

ﻗﺎﺯﺍﻗﯩﺴﺘﺎﻧﺪﯨﻜﻰ ﺋﯘﻳﻐﯘﺭ ﺗﯩﺠﺎﺭﻩﺗﭽﯩﻠﯩﺮﻯ «ﺋﯩﻠﻬﺎﻡ ﻣﯘﻛﺎﭘﺎﺗﻰ» ﻧﻰ ﺗﺎﺭﻗﺎﺗﺘﻰ

22 ‏- ﻳﺎﻧﯟﺍﺭ ﻛﯜﻧﻰ ﺋﺎﻟﻤﺎﺗﺎﺩﯨﻜﻰ ﻣﯘﺧﺘﺎﺭ ﺋﻪﯞﯨﺰﻭﻑ ﻧﺎﻣﯩﺪﯨﻜﻰ ﺗﯩﻴﺎﺗﯩﺮﺧﺎﻧﯩﺪﺍ ﺩﯨﻠﻤﯘﺭﺍﺕ ﻗﻮﺯﯨﻴﻮﻑ ﺑﺎﺷﭽﯩﻠﯩﻘﯩﺪﯨﻜﻰ ﺋﯘﻳﻐﯘﺭ ﺗﯩﺠﺎﺭﻩﺗﭽﯩﻠﯩﺮﻯ ﻛﻮﻟﯘﺑﻰ ﺗﻪﺷﻜﯩﻠﻠﯩﮕﻪﻥ «ﺋﯩﻠﻬﺎﻡ ﻣﯘﻛﺎﭘﺎﺗﻰ» ﻧﻰ ﺗﺎﺭﻗﯩﺘﯩﺶ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﺪﻯ . ﭼﻪﺗﺌﻪﻝ ﺋﻪﻟﭽﯩﻠﯩﺮﻯ ﯞﻩ ﺩﯙﻟﻪﺕ ﺋﻪﺭﺑﺎﭘﻠﯩﺮﻯ ﻗﺎﺗﻨﺎﺷﻘﺎﻥ ﻣﻪﺯﻛﯘﺭ ﭘﺎﺋﺎﻟﯩﻴﻪﺗﺘﻪ ﻣﻪﺩﻩﻧﯩﻴﻪﺕ ﺳﯩﭙﯩﺪﯨﻜﻰ ﺟﯜﻣﻠﯩﺪﯨﻦ ﺋﻪﺩﻩﺑﯩﻴﺎﺕ ، ﺳﻪﻧﺌﻪﺕ ، ﺗﯩﻨﭽﻠﯩﻖ ﻗﺎﺗﺎﺭﻟﯩﻖ ﺳﺎﻫﻪﻟﻪﺭﺩﻩ ﻣﻮﻝ ﻧﻪﺗﯩﺠﻪ ﻳﺎﺭﺍﺗﻘﺎﻥ ﺗﯚﻫﭙﯩﻜﺎﺭﻻﺭ ﻣﯘﻛﺎﭘﺎﺗﻼﻧﺪﻯ

ﻟﯧﻨﯩﻦ ‏- ﺭﯗﺱ ﻣﯩﻠﻠﯩﺘﯩﻨﯩﯔ ﺧﺎﺋﯩﻨﻰ

1917‏- ﻳﯩﻠﻰ ﺭﯗﺳﯩﻴﯩﺪﻩ ﻳﯜﺯ ﺑﻪﺭﮔﻪﻥ "ﺋﯚﻛﺘﻪﺑﯩﺮ ﺋﯩﻨﻘﯩﻼﺑﻰ" ﺷﯜﺑﻬﯩﺴﯩﺰﻛﻰ 20 - ﺋﻪﺳﯩﺮﺩﯨﻜﻰ ﺋﻪﯓ ﺯﻭﺭ ﯞﻩﻗﻪﻟﻪﺭﻧﯩﯔ ﺑﯩﺮﻯ ﺋﯩﺪﻯ. ﻟﯧﻜﯩﻦ ﺑﯘ ﺋﯩﻨﻘﯩﻼﺑﻨﯩﯔ ﺋﺎﺭﻗﺎ ﻛﯚﺭﯛﻧﯜﺷﯩﮕﻪ ﺩﺍﺋﯩﺮ ﺳﯩﺮﻻﺭ ﺳﻮﯞﯦﺖ ﺋﯩﺘﺘﯩﭙﺎﻗﻰ ﭘﺎﺭﭼﯩﻼﻧﻐﺎﻧﺪﯨﻦ ﻛﯧﻴﯩﻨﻼ ﻛﯩﺸﯩﻠﻪﺭﮔﻪ ﺋﺎﺷﻜﺎﺭﯨﻼﻧﻤﺎﻗﺘﺎ. ﻳﯧﻘﯩﻨﺪﺍ ﮔﯧﺮﻣﺎﻧﯩﻴﯩﺪﻩ ﭼﯩﻘﯩﺪﯨﻐﺎﻥ "ﺋﻪﻳﻨﻪﻙ" ﮊﻭﺭﻧﯩﻠﻰ ﺋﯚﻛﺘﻪﺑﯩﺮ ﺋﯩﻨﻘﯩﻼﺑﻰ ﻣﻪﺯﮔﯩﻠﯩﺪﻩ ﻟﯧﻨﯩﻨﻨﯩﯔ ﮔﯧﺮﻣﺎﻧﯩﻴﻪ ﭘﺎﺩﯨﺸﺎﻫﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﮕﻪ ﺩﺍﺋﯩﺮ ﻣﺎﺗﯧﺮﯨﻴﺎﻟﻼﺭﻧﻰ ﺋﺎﺷﻜﺎﺭﯨﻼﭖ، ﺋﯚﻛﺘﻪﺑﯩﺮ ﺋﯩﻨﻘﯩﻼﺑﯩﻨﻰ ﮔﯧﺮﻣﺎﻧﯩﻴﻪ ﭘﺎﺩﯨﺸﺎﻫﻰ ﯞﯨﻠﻴﺎﻡ 2 . ﻧﯩﯔ ﻗﺎﻧﯩﺘﻰ ﺋﺎﺳﺘﯩﺪﯨﻜﻰ ﺋﯩﻨﻘﯩﻼﺏ ، ﻟﯧﻨﯩﻦ ‏- ﺭﯗﺱ ﻣﯩﻠﻠﯩﺘﯩﻨﯩﯔ ﺧﺎﺋﯩﻨﻰ ﺩﻩﭖ ﺗﻪﻛﯩﺘﻠﯩﮕﻪﻥ.

ﻣﯘﺭﺍﺗﻨﯩﯔ ﻧﺎﺳﯩﺮﻭﻓﻨﯩﯔ ﺋﯚﻟﯜﻣﻰ ﺋﻪﺑﻪﺩﯨﻲ ﺳﯩﺮ ﺑﻮﻟﯘﭖ ﻗﯧﻠﯩﺸﯩﻤﻰ ﻣﯘﻣﻜﯩﻨﻤﯘ؟

2008.01.21

ﺭﯗﺳﯩﻴﻪ ﺯﺍﻣﺎﻧﯩﯟﻯ ﻣﯘﺯﯨﻜﺎ ﺳﻪﻧﯩﺘﯩﻨﯩﯔ ﭼﻮﻟﭙﺎﻧﻠﯩﺮﯨﺪﯨﻦ ﺑﯩﺮﻯ، ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻣﺪﻭﺳﺘﻠﯘﻗﯩﻐﺎ ﻛﻪﯓ ﺗﻮﻧﯘﻟﻐﺎﻥ ﺋﯘﻳﻐﯘﺭ ﻧﺎﺧﺸﯩﭽﻰ ﯞﻩ ﻛﻮﻣﭙﻮﺯﯨﺘﻮﺭ ﻣﯘﺭﺍﺕ ﻧﺎﺳﯩﺮﻭﻓﻨﯩﯔ ﯞﺍﭘﺎﺕ ﺑﻮﻟﻐﺎﻧﻠﯩﻘﯩﻐﺎ ﺳﺎﻕ ﺑﯩﺮ ﻳﯩﻞ ﺗﻮﻟﺪﻯ.
ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺭﯗﺳﯩﻴﻪ ﯞﻩ ﺑﺎﺷﻘﺎ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻣﺪﻭﺳﺘﻠﯘﻗﻰ ﻣﻪﺗﺒﯘﺋﺎﺗﻠﯩﺮﯨﺪﺍ ﻣﯘﺭﺍﺕ ﻧﺎﺳﯩﺮﻭﻓﻨﯩﯔ ﺧﺎﺗﯩﺮﯨﺴﯩﮕﻪ ﺑﯧﻐﯩﺸﻼﻧﻐﺎﻥ ﺑﯩﺮ ﻗﯩﺴﯩﻢ ﻣﺎﻗﺎﻟﯩﻼﺭ ﺋﯧﻼﻥ ﻗﯩﻠﯩﻨﺪﻯ، ﺷﯘﻧﯩﯖﺪﻩﻙ ﺋﺎﻟﻤﯘﺗﺎﺩﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﻰ ﺗﯜﺭﻟﯜﻙ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﯚﺗﻜﯜﺯﺩﻯ.
ﻣﯘﺭﺍﺕ ﻧﺎﺳﯩﺮﻭﻑ ﺋﯚﺗﻜﻪﻥ ﻳﯩﻠﻰ 1-ﺋﺎﻳﻨﯩﯔ 19-ﻛﯜﻧﻰ ﻣﻮﺳﻜﯟﺍﺩﯨﻜﻰ ﺋﯚﻳﯩﻨﯩﯔ ﺑﺎﻟﻜﻮﻧﯩﺪﯨﻦ ﭼﯜﺷﯜﭖ ﻛﯧﺘﯩﭗ ﺗﯘﻳﯘﻗﺴﯩﺰ ﯞﺍﭘﺎﺕ ﺑﻮﻟﻐﺎﻥ ﺑﻮﻟﯘﭖ، ﻛﯜﻧﺪﯨﻠﯩﻚ ﺗﯘﺭﻣﯘﺷﻰ ﺟﯩﺪﺩﯨﻲ ﺋﯩﺠﺎﺩﯨﻴﻪﺕ ﯞﻩ ﻛﯚﭘﻠﯩﮕﻪﻥ ﻳﯧﯖﻰ ﭘﯩﻼﻧﻼﺭ ﺑﯩﻠﻪﻥ ﺗﻮﻟﻐﺎﻥ 37 ﻳﺎﺷﻠﯩﻖ ﻣﻪﺯﻛﯘﺭ ﭼﻮﻟﭙﺎﻧﻨﯩﯔ ﺗﻪﺳﺎﺩﯨﭙﯩﻲ ﺋﯚﻟﯜﻣﻰ ﺭﯗﺳﯩﻴﻪ ﺟﺎﻣﺎﺋﯩﺘﯩﻨﻰ ﻫﻪﻳﺮﺍﻥ ﻗﺎﻟﺪﯗﺭﻏﺎﻥ ﺷﯘﻧﯩﯖﺪﻩﻙ ﻣﯘﺭﺍﺗﻨﯩﯔ ﺋﯚﻟﯜﻣﯩﻨﯩﯔ ﺳﯩﺮﻯ ﻫﻪﻗﻘﯩﺪﻩ ﻫﻪﺭ ﺧﯩﻞ ﻗﺎﺭﺍﺷﻼﺭ ﺋﯧﻼﻥ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﺪﻯ. ﺋﻪﺩﻟﯩﻴﻪ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻧﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺗﯜﭘﻪﻳﻠﯩﺪﯨﻦ ﺋﯚﺯﯨﻨﻰ ﺋﯚﻟﺘﯜﺭﯛﯞﺍﻟﻐﺎﻧﻠﯩﻘﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﺷﻰ ﺗﯧﺨﯩﻤﯘ ﻛﯩﺸﯩﻠﻪﺭﻧﯩﯔ ﮔﯘﻣﺎﻧﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﻣﯘﺭﺍﺗﻨﯩﯔ ﺋﺎﻳﺎﻟﻰ، ﺋﺎﻛﯩﺴﻰ ، ﺩﻭﺳﺘﻠﯩﺮﻯ ﺑﯘﻧﻰ ﻗﻪﺗﺌﯩﻲ ﺭﻩﺕ ﻗﯩﻠﯩﭗ، ﺋﯘﻧﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻤﻪﻳﺪﻏﺎﻧﻠﯩﻘﻰ ﺷﯘﻧﯩﯖﺪﻩﻙ ﺋﯩﺴﻼﻣﯩﻲ ﺩﯨﻨﻰ ﺋﯧﺘﯩﻘﺎﺩﻯ ﻛﯜﭼﻠﯜﻙ، ﻛﯚﭘﻠﯩﮕﻪﻥ ﭘﯩﻼﻧﻼﺭﻧﻰ ﻛﯚﯕﻠﯩﮕﻪ ﭘﯘﻛﻜﻪﻥ ﺋﻪﻫﯟﺍﻝ ﺋﺎﺳﺘﯩﺪﺍ ﺋﯘﻧﯩﯔ ﻫﻪﺭﮔﯩﺰﻣﯘ ﺋﯚﺯﯨﻨﻰ ﺋﯚﻟﺘﯘﺭﯛﯞﺍﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.
ﺭﯗﺳﯩﻴﻪ ﯞﻩ ﻗﺎﺯﺍﻗﯩﺴﺘﺎﻥ ﻣﻪﺗﺒﯘﺋﺎﺗﻠﯩﺮﻯ ﻣﯘﺭﺍﺗﻨﯩﯔ ﺋﯚﻟﯜﻣﯩﻨﯩﯔ ﺳﯩﺮﻟﯩﻖ ﻫﺎﺩﯨﺴﻪ ﺋﯩﻜﻪﻧﻠﯩﻜﯩﻨﻰ ﻳﯧﺰﯨﺸﺘﻰ. ﺑﯩﺮﺍﻕ، ﺑﯩﺮ ﻳﯩﻠﺪﯨﻦ ﺑﯘﻳﺎﻥ ﻣﻪﺯﻛﯘﺭ ﺩﯦﻠﻮﻧﯩﯔ ﺋﻪﺩﻟﯩﻴﻪ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﻠﻐﺎﻥ ﺋﯚﺯﯨﻨﻰ ﺋﯚﻟﺘﯜﺭﯛﯞﺍﻟﺪﻯ ﺩﯦﮕﻪﻥ ﻳﻪﻛﯜﻧﯩﺪﯨﻦ ﺑﺎﺷﻘﺎ ﻫﯧﭻ ﻗﺎﻧﺪﺍﻕ ﺋﯩﻠﮕﯩﺮﯨﻠﻪﺵ ﺑﻮﻟﻤﯩﻐﺎﻥ.

ﻣﯘﺭﺍﺕ ﻧﺎﺳﯩﺮﻭﻓﻨﯩﯔ ﺋﺎﺋﯩﻠﻪ-ﺗﺎﯞﺍﺑﺎﺗﻠﯩﺮﯨﻨﯩﯔ ﻣﯘﺭﺍﺗﻨﯩﯔ ﺳﯘﻳﯩﻘﻪﺳﺘﻜﻪ ﺋﯘﭼﺮﯨﻐﺎﻧﻠﯩﻖ ﺋﯧﻬﺘﯩﻤﺎﻟﻠﯩﻘﯩﻐﺎ ﻗﻪﺗﺌﯩﻲ ﺋﯩﺸﯩﻨﯩﺸﯩﮕﻪ ﻣﻪﻟﯘﻡ ﺳﻪﯞﻩﺏ ﺑﺎﺭ ﺑﻮﻟﯘﺷﻰ ﻣﯘﻣﻜﯩﻦ. ﺋﻪﮔﻪﺭﺩﻩ ﺋﯘﻻﺭﻧﻰ ﮔﯘﻣﺎﻧﻐﺎ ﺳﺎﻟﻐﺎﻥ ﻛﯚﭘﻠﯩﮕﻪﻥ ﺋﻪﻫﯟﺍﻟﻼﺭ ﻣﻪﯞﺟﯘﺕ ﺑﻮﻟﻤﯩﺴﺎ، ﺋﯘﻻﺭﻧﯩﯔ ﻣﯘﻧﺪﺍﻕ ﺋﻮﻳﻐﺎ ﻛﯧﻠﯩﺸﯩﻤﯘ ﻣﯘﻣﻜﯩﻦ ﺋﻪﻣﻪﺱ. ﺋﯩﻨﺴﺎﻧﯩﻴﻪﺕ ﺟﯜﻣﻠﯩﺪﯨﻦ ﺋﯘﻳﻐﯘﺭ ﺗﺎﺭﯨﺨﻰ ﻧﯘﺭﻏﯘﻥ ﺳﯩﺮﻟﯩﻖ ﯞﻩﻗﻪﻟﻪﺭ ﺑﯩﻠﻪﻥ ﺗﻮﻟﻐﺎﻥ، ﺑﻪﻟﻜﻰ ﻣﯘﺭﺍﺗﻨﯩﯔ ﺋﯚﻟﯜﻣﯩﻤﯘ ﺋﻪﻧﻪ ﺷﯘ ﺳﯩﺮﻟﯩﻖ ﯞﻩﻗﻪﻟﻪﺭﻧﯩﯔ ﺑﯩﺮﻯ ﺑﻮﻟﺴﺎ ﻛﯧﺮﻩﻙ؟

ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺋﻮﺭﮔﯩﻨﺎﻟﻰ ﺗﻮﺭﻏﺎ ﻗﻮﻳﯘﻟﺪﻯ

2008.01.21
ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﺪﯨﻜﻰ ﻓﺎﺗﯩﻬ ﻣﯩﻠﻠﻪﺕ ﻗﻮﻟﻴﺎﺯﻣﺎ ﺋﻪﺳﻪﺭﻟﻪﺭ ﻛﯜﺗﯜﭘﺨﺎﻧﯩﺴﻰ 7 ﻳﯩﻠﺪﯨﻦ ﺑﯘﻳﺎﻥ ﺭﯦﻤﻮﻧﺖ ﻗﯩﻠﯩﻨﯩﯟﺍﺗﻘﺎﻥ ﺑﻮﻟﯘﭖ، 2-ﺋﺎﻳﺪﺍ ﻳﯧﯖﯩﺪﯨﻦ ﺧﯩﺰﻣﻪﺗﻜﻪ ﺋﯧﭽﯩﻠﻤﺎﻗﭽﻰ. ﺑﯘ ﻛﯜﺗﯜﭘﺨﺎﻧﯩﺪﺍ ﺩﯗﻧﻴﺎﺩﺍ ﺑﯩﺮﻻ ﻧﯘﺳﺨﯩﺴﻰ ﺑﺎﺭ ﺑﻮﻟﻐﺎﻥ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺋﻮﺭﮔﯩﻨﺎﻟﯩﺪﯨﻦ ﺑﺎﺷﻘﺎ 30 ﻣﯩﯔ ﺋﻪﺗﺮﺍﭘﯩﺪﺍ ﻗﻮﻟﻴﺎﺯﻣﺎ ﺋﻪﺳﻪﺭ ﺳﺎﻗﻼﻧﻤﺎﻗﺘﺎ ﺋﯩﻜﻪﻥ. ﻛﯜﺗﯜﭘﺨﺎﻧﺎ ﻣﯘﺩﯨﺮﻯ ﻣﻪﻟﻪﻙ ﮔﻪﻧﭽﺒﻮﻳﺎﭼﻰ ﺧﺎﻧﯩﻢ ﺳﻮﻧﺴﺎﻳﻔﺎ ﺗﻮﺭ ﺑﻪﺕ ﮔﯧﺰﯨﺘﯩﮕﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺑﯘ ﻛﯜﺗﯜﭘﺨﺎﻧﺎ ﺑﯩﻨﺎﺳﯩﻨﯩﯔ ﺋﯩﺴﺘﺎﻧﺒﯘﻟﺪﺍ 2000-ﻳﯩﻠﻰ 8-ﺋﺎﻳﻨﯩﯔ 17-ﻛﯜﻧﻰ ﻳﯜﺯ ﺑﻪﺭﮔﻪﻥ ﻳﻪﺭ ﺗﻪﯞﺭﻩﺷﺘﻪ ﺯﻩﺧﻤﯩﮕﻪ ﺋﯘﭼﺮﯨﻐﺎﻧﻠﯩﻘﯩﻨﻰ، 7 ﻳﯩﻠﺪﯨﻦ ﺑﯧﺮﻯ ﺑﯩﻨﺎ ﻳﯧﯖﯩﺪﯨﻦ ﺭﯦﻤﻮﻧﺖ ﻗﯩﻠﯩﻨﻐﺎﻧﺪﯨﻦ ﺑﺎﺷﻘﺎ، 30 ﺩﺍﻧﻪ ﻗﻮﻝ ﻳﺎﺯﻣﺎ ﺋﻪﺳﻪﺭﻧﯩﯔ ﺗﻮﺭ ﺑﯧﺘﯩﮕﻪ ﻗﻮﻳﯘﻟﻐﺎﻧﻠﯩﻘﯩﻨﻰ، ﺑﯘﻻﺭﻧﯩﯔ ﺋﯩﭽﯩﺪﻩ ﺑﯜﻳﯜﻙ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ` ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ `ﻧﺎﻣﻠﯩﻖ ﺋﻪﺳﯩﺮﯨﻨﯩﯔ ﺋﻮﺭﮔﯩﻨﺎﻟﯩﻨﯩﯖﻤﯘ ﺑﺎﺭﻟﯩﻘﯩﻨﻰ ﺩﯦﮕﻪﻥ. ﺑﯘ ﺧﯩﺰﻣﻪﺕ ﺋﯜﭼﯜﻥ 2 ﻣﯩﻠﻴﻮﻥ 500 ﻣﯩﯔ ﺩﻭﻟﻼﺭ ﺋﻪﺗﺮﺍﭘﯩﺪﺍ ﭘﯘﻝ ﺧﻪﺟﻠﻪﻧﮕﻪﻥ. ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺩﯗﻧﻴﺎﺩﯨﻜﻰ ﺑﯩﺮﺩﯨﻦ ﺑﯩﺮ ﻧﯘﺳﺨﯩﺴﻰ ﻳﻪﻧﻰ ﺋﻮﺭﮔﯩﻨﺎﻟﻰ ﺑﯘ ﻛﯜﺗﯜﭘﺨﺎﻧﯩﺪﺍ ﺳﺎﻗﻼﻧﻤﺎﻗﺘﺎ.
ﺋﯩﺰﻣﯩﺮ ﺋﯧﮕﻪ ﺋﯘﻧﯩﯟﯦﺮﺳﯩﺘﯧﺘﻰ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺗﻰ ﺋﻨﯩﺴﺘﯩﺘﻮﺗﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺋﻪﭘﻪﻧﺪﻯ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﺋﻮﺭﮔﯩﻨﺎﻟﯩﻨﯩﯔ ﺗﻮﺭ ﺑﯧﺘﯩﮕﻪ ﻗﻮﻳﯘﻟﯩﺸﯩﻨﯩﯔ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﻩ ﻣﯩﻠﻠﯩﻲ ﻏﯘﺭﯗﺭﻧﯩﯔ ﻛﯜﭼﯩﻴﯩﺸﯩﺪﻩ ﺋﯩﻨﺘﺎﻳﯩﻦ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.
ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺋﻪﭘﻪﻧﺪﻯ ﺗﯜﺭﻙ ﺩﯗﻧﻴﺎﺳﻰ ﺑﯩﺮﻟﯩﻜﻰ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﺋﻮﺭﺗﺎﻕ ﺋﯧﻠﯩﭙﻪ ﺗﯜﺯﯛﺵ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ ﻣﯘﺯﺍﻛﯩﺮﻩ ﻗﯩﻠﯩﻨﯩﯟﺍﺗﻘﺎﻥ ﻛﯜﻧﯩﻤﯩﺰﺩﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻧﺎﻣﻠﯩﻖ ﺋﻪﺳﻪﺭﻧﯩﯔ ﺗﻮﺭ ﺑﯧﺘﯩﮕﻪ ﻗﻮﻳﯘﻟﯩﺸﯩﻨﯩﯔ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﮔﻪ ﺋﻮﺭﺗﺎﻕ ﺗﯩﻞ ﻳﺎﺭﯨﺘﯩﺸﻘﺎ ﺋﺎﺳﺎﺱ ﺳﯧﻠﯩﭗ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.
ﺋﯩﺰﻣﯩﺮ ﺋﯧﮕﻪ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺋﻪﭘﻪﻧﺪﻯ ﺋﺎﺧﯩﺮﯨﺪﺍ `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﻫﻪﻗﻘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺗﻪﺗﻘﯩﻘﺎﺗﻼﺭ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: « ﺗﯜﺭﻛﯩﻴﯩﻨﯩﯔ ﺷﻪﺭﻗﯩﻲ ﺟﻪﻧﯘﺑﯩﺪﯨﻜﻰ ﺩﯨﻴﺎﺭﺑﺎﻗﯩﺮ ﺷﻪﻫﯩﺮﯨﺪﻩ 1857-ﻳﯩﻠﻰ ﺗﯘﻏﯘﻟﻐﺎﻥ ﺋﺎﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ، `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ `ﻧﺎﻣﻠﯩﻖ ﺋﻪﺳﻪﺭﻧﻰ ﺋﯩﺴﺘﺎﻧﺒﯘﻟﺪﯨﻜﻰ ﺑﯩﺮ ﻛﯩﺘﺎﺑﭙﯘﺭﯗﺷﺘﯩﻦ 33 ﻟﯩﺮﺍﻏﺎ ﺳﯧﺘﯩﯟﺍﻟﻐﺎﻥ. ﺋﯘ ﯞﺍﻗﯩﺘﺘﺎ ﻛﯩﺘﺎﺑﻨﻰ ﺳﺎﺗﻘﺎﻥ ﻛﯩﺸﻰ ﺑﻮﻟﺴﯘﻥ ﻛﯩﺘﺎﺑﻨﻰ ﺳﯧﺘﯩﯟﺍﻟﻐﺎﻥ ﺋﺎﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺑﻮﻟﺴﯘﻥ ﺑﯘ ﻛﯩﺘﺎﺑﻨﯩﯔ `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﺋﯩﻜﻪﻧﻠﯩﻜﯩﻨﻰ ﺑﯩﻠﻤﻪﻳﺪﯨﻜﻪﻥ. ﺋﻪﮔﻪﺭ ﻛﯩﺘﺎﺑﭙﯘﺭﯗﺵ ﺑﯘﺭﻫﺎﻥ ﺋﻪﭘﻪﻧﺪﻯ ﺑﯘ ﻛﯩﺘﺎﺑﻨﯩﯔ `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﺋﯩﻜﻪﻧﻠﯩﻜﯩﻨﻰ ﺑﯩﻠﮕﻪﻥ ﺑﻮﻟﺴﺎ ﺗﯧﺨﯩﻤﯘ ﻗﯩﻤﻤﻪﺗﻜﻪ ﺳﺎﺗﻘﺎﻥ ﺑﻮﻻﺗﺘﻰ. ﺋﻪﮔﻪﺭ ﻛﻮﻧﺎ ﻛﯩﺘﺎﺏ ﺋﻪﺗﻜﻪﺳﭽﯩﻠﯩﺮﻯ ﺑﯩﻠﯩﭗ ﻗﺎﻟﻐﺎﻥ ﺑﻮﻟﺴﺎ، ﺗﯧﺨﯩﻤﯘ ﻛﯚﭖ ﭘﯘﻟﻐﺎ ﺳﺎﺗﻘﺎﻥ ﻳﺎﻛﻰ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﺋﯧﻠﯩﭗ ﭼﯩﻘﯩﭗ ﺳﺎﺗﻘﺎﻥ ﺑﻮﻻﺗﺘﻰ. ﺋﺎﻟﻰ ﺋﻪﻣﯩﺮﻯ ﺋﻪﭘﻪﻧﺪﻯ ﺑﯘ ﻛﯩﺘﺎﺑﻨﯩﯔ `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﺋﯩﻜﻪﻧﻠﯩﻜﯩﻨﻰ ﺑﯩﻠﮕﻪﻧﺪﯨﻦ ﻛﯧﻴﯩﻦ، ﺋﯩﻨﺘﺎﻳﯩﻦ ﺧﯘﺷﺎﻝ ﺑﻮﻟﯘﭖ ﻛﯧﺘﯩﭗ ﺧﯘﺷﺎﻟﻠﯩﻘﯩﺪﯨﻦ ﻛﯚﺯﯨﮕﻪ ﺋﯘﻳﻘﯘ ﻛﻪﻟﻤﯩﮕﻪﻥ ، ﮔﯧﻠﯩﺪﯨﻦ ﻳﯧﻤﻪﻙ ‏- ﺋﯩﭽﻤﻪﻛﻤﯘ ﺋﯚﺗﻤﯩﮕﻪﻥ. ﻛﯧﻴﯩﻦ ﺋﻪﻳﻨﻰ ﯞﺍﻗﯩﺘﺘﯩﻜﻰ ﻣﻪﺷﻬﯘﺭ ﺷﻪﺧﯩﺴﻠﻪﺭﺩﯨﻦ ﺯﯨﻴﺎ ﮔﯚﻛﻜﺎﻟﭗ، ﻓﯘﺋﺎﺕ ﻛﻮﭘﺮﯗﻟﯘ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﺗﻪﯞﺳﯩﻴﯩﺴﻰ ﺑﯩﻠﻪﻥ ﻛﯧﻠﯩﺴﻠﻰ ﺭﯨﻔﺎﺕ ﺋﻪﭘﻪﻧﺪﻯ ﺗﻪﺭﯨﭙﯩﺪﯨﻦ ﺋﻮﺳﻤﺎﻧﻠﻰ ﺗﯜﺭﻛﭽﯩﺴﯩﮕﻪ ﺗﻪﺭﺟﯩﻤﻪ ﻗﯩﻠﯩﻨﯩﭗ ﻧﻪﺷﺮ ﻗﯩﻠﺪﯗﺭﯗﻟﻐﺎﻥ. ﺋﯩﺴﺘﺎﻧﺒﯘﻟﺪﺍ ﻣﯩﻠﻠﻪﺕ ﻛﯜﺗﯜﭘﺨﺎﻧﯩﺴﯩﻨﯩﯔ ﺗﻮﺭ ﺑﯧﺘﯩﮕﻪ ﻗﻮﻳﯘﻟﻐﺎﻥ ﻧﯘﺳﺨﯩﺴﻰ ﻣﺎﻧﺎ ﻣﯘﺷﯘ ﻧﯘﺳﺨﯩﺴﯩﺪﯗﺭ.»

ﭘﺎﻛﯩﺴﺘﺎﻥ ﺳﺎﻗﭽﯩﻠﯩﺮﻯ ﺑﯘﺗﺘﻮﻧﻰ ﺋﯚﻟﺘﯜﺭﮔﻪﻥ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﯨﻨﻰ ﺗﯘﺗﺘﻰ

2008.01.20
ﭘﺎﻛﯩﺴﺘﺎﻥ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺑﯩﺮ ﻧﻪﭘﻪﺭ 15 ﻳﺎﺷﻠﯩﻖ ﺋﯚﺳﻤﯜﺭﻧﻰ ﻗﻮﻟﻐﺎ ﺋﺎﻟﻐﺎﻥ ﺑﻮﻟﯘﭖ، ﺋﯘ ﺋﯚﺯﯨﻨﯩﯔ ﺑﻪﺵ ﻛﯩﺸﯩﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﯩﻨﻪﺯﻩﺭ ﺑﯘﺗﺘﻮﻧﻰ ﺋﯚﻟﺘﯜﺭﯛﺵ ﮔﯘﺭﯗﭘﭙﯩﺴﯩﻨﯩﯔ ﺋﻪﺯﺍﺳﻰ ﺋﯩﻜﻪﻧﻠﯩﻜﯩﻨﻰ ﺋﯩﻘﺮﺍﺭ ﻗﯩﻠﻐﺎﻥ ﺋﯩﻜﻪﻥ.
ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻣﻪﺯﻛﯘﺭ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻯ ﭘﺎﻛﯩﺴﺘﺎﻧﻨﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﺍ ﻗﻮﻟﻐﺎ ﭼﯜﺷﻜﻪﻥ ﺑﻮﻟﯘﭖ، ﺋﯘ ﺳﺎﻗﭽﯩﻼﺭﻏﺎ ﺋﯩﻘﺮﺍﺭ ﻗﯩﻠﯩﭗ، ﺋﯚﺯﯨﻨﯩﯔ ﺑﯘﺗﺘﻮﻧﻰ ﺋﯚﻟﺘﯜﺭﯛﺵ ﻣﻪﺷﯩﻘﻰ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ ﻫﻪﻣﺪﻩ ﺗﺎﻟﯩﺒﺎﻧﻼﺭﻧﯩﯔ ﻗﻮﻣﺎﻧﺪﺍﻧﻠﯩﺮﯨﺪﯨﻦ ﺑﯩﺮﻯ ﻣﻪﺳﺌﯘﺩ ﺗﻪﺭﯨﭙﯩﺪﯨﻦ ﺋﻪﯞﻩﺗﯩﻠﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ، ﺑﯧﻨﻪﺯﻩﺭ ﺑﯘﺗﺘﻮ ﺋﯚﻟﺘﯜﺭﯛﻟﮕﻪﻧﺪﻩ ﭘﺎﻛﯩﺴﺘﺎﻥ ﺩﺍﺋﯩﺮﯨﻠﯩﺮﻯ ﻣﻪﺳﯘﺩﻧﯩﯔ ﺑﯘ ﻗﺎﺗﯩﻠﻠﯩﻘﻨﻰ ﺳﺎﺩﯨﺮ ﻗﯩﻠﻐﺎﻧﻠﯩﻘﯩﻨﻰ ﺋﻪﻳﯩﺒﻠﯩﮕﻪﻥ ﺑﻮﻟﺴﯩﻤﯘ، ﺑﯩﺮﺍﻕ، ﻣﻪﺳﺌﯘﺩﻧﯩﯔ ﺑﺎﻳﺎﻧﺎﺗﭽﯩﺴﻰ ﻣﻪﺳﺌﯘﺩﻧﯩﯔ ﺑﯘ ﯞﻩﻗﻪ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﻳﻮﻗﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺋﯩﺪﻯ.
ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ، ﻫﺎﺯﯨﺮ ﺑﯘﺗﺘﻮﻧﻰ ﺋﯚﻟﺘﯜﺭﯛﺵ ﮔﯘﺭﯗﭘﭙﯩﺴﯩﻨﯩﯔ ﺑﺎﺷﻘﺎ ﺋﻪﺯﺍﻟﯩﺮﯨﻨﻰ ﺋﯩﺰﺩﻩﺵ ﺩﺍﯞﺍﻣﻼﺷﻤﺎﻗﺘﺎ، ﺑﯩﺮﺍﻕ ﺑﯘﺗﺘﻮﻧﯩﯔ ﺋﯚﻟﯜﻣﯩﻨﯩﯔ ﺳﯩﺮﻯ ﻫﻪﻗﻘﯩﺪﻩ ﻫﻪﺭ ﺧﯩﻞ ﻗﯩﻴﺎﺳﻼﺭ ﻣﻪﯞﺟﯘﺕ ﺑﻮﻟﯘﭖ، ﺑﯘﺗﺘﻮﻧﯩﯔ ﻗﻮﻟﻠﯩﻐﯘﭼﯩﻠﯩﺮﻯ ﺑﯘ ﺟﯩﻨﺎﻳﻪﺗﻨﯩﯔ ﺋﺎﺭﻗﯩﺴﯩﺪﺍ ﺑﯘﺗﺘﻮﻏﺎ ﻗﺎﺭﺷﻰ ﺳﯩﻴﺎﺳﯩﻲ ﻛﯜﭼﻠﻪﺭ ﯞﻩ ﻳﺎﻛﻰ ﻫﻪﺭﺑﯩﻲ ﺩﺍﺋﯩﺮﯨﻠﻪﺭﻧﯩﯔ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﭘﻪﺭﻩﺯ ﻗﯩﻠﯩﺸﯩﺪﯨﻜﻪﻥ. ﺋﯘﻻﺭ ﻫﯚﻛﯜﻣﻪﺗﻨﯩﯔ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﯨﻨﻰ ﺋﯩﺰﺩﻩﺵ ﺳﯜﺭﯨﺘﯩﻨﻰ ﺗﯧﺰﻟﻪﺗﻤﯩﮕﻪﻧﻠﯩﻜﯩﻨﻰ ﺗﻪﻧﻘﯩﺪ ﻗﯩﻠﯩﺸﻘﺎﻥ.(

"ﻳﻪﺗﺘﻪ ﻗﯩﺰﻟﯩﺮﯨﻢ" ﻣﻪﻗﺒﻪﺭﯨﺴﻰ ﺯﯨﻴﺎﺭﻩﺗﭽﯩﻠﻪﺭ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﻤﺎﻗﺘﺎ

ﺋﯚﺯ ﺋﯧﻠﯩﻨﻰ، ﺧﻪﻟﻘﯩﻨﻰ ﺋﯩﺴﺘﯩﺒﺪﺍﺕ ﻣﺎﻧﺠﯘ ﻫﺎﻛﯩﻤﯩﻴﯩﺘﯩﻨﯩﯔ ﺯﯗﻟﻤﯩﺪﯨﻦ ﻗﯘﺗﻘﯘﺯﯗﺵ ﺋﯜﭼﯜﻥ ﻗﻪﻫﺮﯨﻤﺎﻧﻼﺭﭼﻪ ﺟﻪﯓ ﻗﯩﻠﯩﭗ ﻗﯘﺭﺑﺎﻥ ﺑﻮﻟﻐﺎﻥ ﻳﻪﺗﺘﻪ ﻗﯩﺰﻟﯩﺮﯨﻢ ، ﭘﻪﻗﻪﺕ ﺋﯘﭼﺘﯘﺭﭘﺎﻥ ﺧﻪﻟﻘﯩﻨﯩﯖﻼ ﻗﻪﻫﺮﯨﻤﺎﻧﻰ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﭘﯜﺗﯜﻥ ﺋﯘﻳﻐﯘﺭ ﺧﻪﻟﻘﻰ ﺋﯜﭼﯜﻥ ﯞﻩﺗﻪﻧﭙﻪﺭﯞﻩﺭﻟﯩﻚ، ﺳﻮﻟﻤﺎﺱ ﻣﯩﻠﻠﻪﺕ ﺭﻭﻫﻰ ﯞﻩ ﻏﯘﺭﯗﺭﻧﯩﯔ ﻳﯜﻛﺴﻪﻙ ﺳﯩﻤﻮﯞﻟﻰ ﺳﯜﭘﯩﺘﯩﺪﻩ ﻳﺎﺩﻟﯩﻨﯩﭗ ﻛﻪﻟﻤﻪﻛﺘﻪ. ﺋﯘﻻﺭ ﺗﯩﻠﻼﺭﺩﺍ ﺩﺍﺳﺘﺎﻥ ﺑﻮﻟﯘﭖ ﺋﻪﯞﻻﺩﻣﯘ- ﺋﻪﯞﻻﺩ ﺋﯘﻳﻐﯘﺭ ﻳﺎﺷﻠﯩﺮﯨﻐﺎ ﺋﻪﺭﻛﻨﯩﯔ ﻗﯩﻤﻤﯩﺘﻰ ، ﻫﺎﻳﺎﺗﻨﯩﯔ ﻗﯩﻤﻤﯩﺘﻰ ﻫﻪﻗﻘﯩﺪﻩ ﺩﻩﺭﺱ ﺑﻮﻟﯘﭖ، ﺋﯩﻠﻬﺎﻡ ﺋﺎﺗﺎ ﻗﯩﻠﯩﭗ ﻛﻪﻟﮕﻪﻥ ﺋﯘﻳﻐﯘﺭ ﻣﯩﻠﻠﯩﻲ ﻗﻪﻫﺮﯨﻤﺎﻧﻠﯩﺮﻯ ﺟﯜﻣﻠﯩﺴﯩﺪﯨﻨﺪﯗﺭ . ﺋﯘﭼﺘﯘﺭﭘﺎﻥ ﺧﻪﻟﻘﻰ ﺋﯘﻻﺭﻧﻰ ﻫﺎﺯﯨﺮﻏﺎ ﻗﻪﺩﻩﺭ ﻳﻪﺗﺘﻪ ﻗﯩﺰ ﺋﻪﻣﻪﺱ ﺑﻪﻟﻜﻰ ﻳﻪﺗﺘﻪ ﻗﯩﺰﻟﯩﺮﯨﻢ ﺩﻩﭖ ﺋﺎﻻﻫﯩﺪﻩ ﻣﯧﻬﯩﺮ ﻫﻪﻡ ﻫﯚﺭﻣﻪﺕ ﺑﯩﻠﻪﻥ ﺋﺎﺗﺎﻳﺪﯗ. ﻗﻪﺑﺮﯨﻠﯩﺮﯨﻨﻰ ﺗﺎﯞﺍﭖ ﻗﯩﻠﯩﭗ ﮔﯜﻟﻠﻪﺭ ﻳﺎﭘﯩﺪﯗ. ﺋﻪﭘﺴﯘﺱ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺑﯘ ﺋﯘﻳﻐﯘﺭ ﻗﻪﻫﺮﯨﻤﺎﻥ ﻗﯩﺰﻟﯩﺮﯨﻨﯩﯔ ﻣﻪﻗﺒﻪﺭﯨﻠﯩﺮﻯ ﺯﻭﺭ ﺑﯘﺯﻏﯘﻧﭽﯩﻠﯩﻘﻼﺭﻏﺎ ﺋﯘﭼﺮﯨﻤﺎﻗﺘﺎ .

ﺑﯘ ﻗﯩﻤﻤﻪﺗﻠﯩﻚ ﻣﻪﺩﻩﻧﯩﻲ ﻳﺎﺩﯨﺮﻛﺎﺭﻟﯩﻖ ﺋﻮﺭﻧﻰ، ﺋﯘﻟﯘﻍ ﺗﺎﯞﺍﺑﮕﺎﻫﻨﻰ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﺗﻘﺎﻥ ﻛﯩﻢ؟ ﺳﻪﯞﻩﺑﻰ ﻧﯩﻤﻪ؟

ﻳﻪﺗﺘﻪ ﻗﯩﺰﻟﯩﺮﯨﻢ ﻣﺎﺯﯨﺮﻯ ﺋﯘﭼﺘﯘﺭﭘﺎﻥ ﻧﺎﻫﯩﻴﻪ ﺑﺎﺯﯨﺮﯨﻨﯩﯔ ﻣﯚﻟﭽﻪﺭ ﺗﺎﻍ ﺑﺎﻏﺮﯨﻨﯩﯔ ﺷﯩﻤﺎﻟﯩﻲ ﻳﺎﻥ ﺑﺎﻏﺮﯨﻐﺎ ﺟﺎﻳﻼﺷﻘﺎﻥ ﺑﻮﻟﯘﭖ ، ﻳﻪﺗﺘﻪ ﻗﯩﺰﻧﯩﯔ ﻗﻪﺑﺮﯨﺴﻰ ﻳﺎﻏﺎﭺ ﺭﯨﺸﺎﺗﻜﺎ ﺋﯩﭽﯩﮕﻪ ﺋﻮﺭﯗﻧﻼﺷﺘﯘﺭﯗﻟﻐﺎﻥ . ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﯨﻦ ﻗﺎﺭﯨﻐﺎﻧﺪﺍ ﺑﯘ، ﭼﯩﯔ ﺳﯘﻻﻟﯩﺴﻰ ﻫﯚﻛﯜﻣﺮﺍﻧﻠﯩﻘﻰ ﯞﻩ ﺯﯗﻟﯘﻣﯩﻐﺎ ﻗﺎﺭﺷﻰ، ﻣﯩﻼﺩﻯ 1765 - ﻳﯩﻠﻰ 2-ﺋﺎﻳﺪﺍ ، ﺋﯘﭼﺘﯘﺭﭘﺎﻧﺪﺍ ﻳﯜﺯ ﺑﻪﺭﮔﻪﻥ ﻗﻮﺭﺍﻟﻠﯩﻖ ﻗﻮﺯﻏﯩﻼﯓ ( ﺟﯩﮕﺪﻩ ﻳﯧﻐﯩﻠﯩﻘﻰ ) ﻗﺎﺗﻨﺎﺷﭽﯩﻠﯩﺮﯨﺪﯨﻦ ﺋﺎﻳﺎﻝ ﭘﺎﻟﯟﺍﻥ ﻣﺎﻳﺴﯩﺨﺎﻥ ﺑﺎﺷﻠﯩﻖ ﻳﻪﺗﺘﻪ ﻗﯩﺰ ﻧﻪﯞﻛﻪﺭﻧﯩﯔ ﻣﻪﻗﺒﻪﺭﻩﺳﯩﺪﯗﺭ . ﺋﯘﭼﺘﯘﺭﭘﺎﻥ ﺧﻪﻟﻘﻰ ﻗﻮﺯﻏﯩﻼﯓ ﺑﺎﺷﻼﻣﭽﯩﻠﯩﺮﻯ ﺭﻩﺧﻤﯩﺘﯘﻟﻼ ﯞﻩ ﺋﻪﺳﻤﯩﺘﯘﻟﻼ ﺑﻪﮔﻠﻪﺭﻧﯩﯔ ﺭﻩﻫﺒﻪﺭﻟﯩﻜﯩﺪﻩ ﻳﯧﺮﯨﻢ ﻳﯩﻠﺪﯨﻦ ﻛﯚﭘﺮﻩﻙ ﯞﺍﻗﯩﺖ ﭼﯩﯔ ﺳﯘﻻﻟﯩﺴﻰ ﻗﻮﺷﯘﻧﻠﯩﺮﻯ ﺑﯩﻠﻪﻥ ﺋﯧﻠﯩﺸﯩﭗ ﺋﺎﺧﯩﺮﻯ ﻣﻪﻏﻠﯘﭖ ﺑﻮﻟﯩﺪﯗ ﯞﻩ ﻗﻮﺯﻏﯩﻼﯕﻐﺎ ﻗﺎﺗﻨﺎﺷﻘﺎﻧﻼﺭﻧﯩﯔ ﺋﯘﭼﺘﯩﻦ ﺑﯩﺮﻯ ﻗﯩﺮﻏﯩﻦ ﻗﯩﻠﯩﻨﯩﭗ ، 10 ﻣﯩﯖﺪﻩﻙ ﻛﯩﺸﻰ ﺋﯩﻠﯩﻐﺎ ﺳﯜﺭﮔﯜﻥ ﻗﯩﻠﯩﻨﯩﺪﯗ. ﺑﺎﺭﻟﯩﻖ ﺑﺎﻻﻳﻰ ﺋﺎﭘﻪﺕ ﻳﯘﺭﺗﺘﺎ ﻗﺎﻟﻐﺎﻥ ﻗﯩﺰﻻﺭﻧﯩﯔ ﺑﯧﺸﯩﻐﺎ ﻛﯧﻠﯩﺪﯗ . ﻗﯩﺮﻏﯩﻨﭽﯩﻠﯩﻘﺘﯩﻦ ﺋﯧﺸﯩﭗ ﻗﺎﻟﻐﺎﻥ ﺑﯩﺮ ﻗﯩﺴﯩﻢ ﺋﻪﺭ -ﺋﺎﻳﺎﻟﻼﺭ ﺭﻩﺧﻤﯩﺘﯘﻟﻼ ﯞﻩ ﺋﻪﺳﻤﻪﺗﯘﻟﻼ ﺑﻪﮔﻨﯩﯔ ﺳﯩﯖﻠﯩﺴﻰ ﻣﺎﻳﺴﯩﺨﺎﻧﻨﯩﯔ ﺋﻪﺗﺮﺍﭘﯩﻐﺎ ﻳﯩﻐﯩﻠﯩﭗ ﺗﺎﻍ ، ﺟﯩﻠﻐﺎ ، ﺋﻮﺭﻣﺎﻧﻠﯩﻘﻼﺭﺩﺍ ﻳﻮﺷﯘﺭﯗﻧﯘﭖ ﭼﯩﯔ ﺳﯘﻻﻟﯩﺴﻰ ﻗﻮﺷﯘﻧﻠﯩﺮﯨﻐﺎ ﺩﺍﯞﺍﻣﻠﯩﻖ ﺯﻩﺭﺑﻪ ﺑﯧﺮﯨﺪﯗ . ﻣﺎﻧﺎ ﺑﯘ ﺗﺎﺭﯨﺨﺘﯩﻜﻰ " ﻣﺎﻳﺴﯩﺨﺎﻥ ﺟﯧﯖﻰ "ﺩﯗﺭ. ﺋﯘﭼﺘﯘﺭﭘﺎﻥ ﻗﻮﺯﻏﯩﻠﯩﯖﻰ ﻫﻪﻗﻘﯩﺪﻩ ﺋﯘﻳﻐﯘﺭ ﺗﺎﺭﯨﺨﭽﯩﺴﻰ ﻣﻮﻟﻼ ﻣﯘﺳﺎ ﺳﺎﻳﺮﺍﻣﯩﻤﯘ ﺋﯚﺯﯨﻨﯩﯔ " ﺗﺎﺭﯨﺨﯩﻲ ﻫﻪﻣﯩﺪﻯ" ﻧﺎﻣﻠﯩﻖ ﺋﻪﺳﯩﺮﯨﺪﻩ ﻣﻪﻟﯘﻣﺎﺗﻼﺭﻧﻰ ﻗﺎﻟﺪﯗﺭﻏﺎﻥ ﺑﻮﻟﯘﭖ، ﺑﯘ ﯞﻩﻗﻪ ﺟﯩﮕﺪﻩ ﻳﯧﻐﯩﻠﯩﻘﻰ ﺩﯦﮕﻪﻥ ﻧﺎﻡ ﺑﯩﻠﻪﻥ ﺧﻪﻟﻖ ﺋﯩﭽﯩﺪﻩ ﺭﯨﯟﺍﻳﻪﺕ ﺑﻮﻟﯘﭖ ﺗﺎﺭﻗﺎﻟﻐﺎﻥ.

ﺋﯧﻴﺘﯩﻠﯩﺸﯩﭽﻪ، ﺋﯘﭼﺘﯘﺭﭘﺎﻥ ﻗﻮﺯﻏﯩﻠﯩﯖﻰ ﺑﺎﺳﺘﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﺩﺍﯞﺍﻣﻼﺷﻘﺎﻥ ﻣﻪﺯﻛﯘﺭ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﯩﺘﻰ 3 ﺋﺎﻱ ﺋﯧﻠﯩﭗ ﺑﯧﺮﯨﻠﯩﭗ ، ﻣﺎﻳﺴﯩﺨﺎﻥ ﺑﯩﻠﻪﻥ ﻏﯘﻧﭽﻪ ﻗﯩﺰ ﺑﺎﺷﭽﯩﻠﯩﻘﯩﺪﯨﻜﻰ ﻳﻪﺗﺘﻪ ﻧﻪﭘﻪﺭ ﻗﯩﺰ ﺩﯛﺷﻤﻪﻧﻨﯩﯔ ﻗﻮﺭﺷﺎﯞﯨﺪﺍ ﻗﯧﻠﯩﭗ ﺋﺎﺧﯩﺮﻯ ﺗﺎﻏﺪﯨﻦ ﺋﯚﺯﯨﻨﻰ ﺋﯧﺘﯩﭗ ﻣﻪﺭﺗﻠﻪﺭﭼﻪ ﻗﯘﺭﺑﺎﻥ ﺑﻮﻟﯩﺪﯗ .ﻛﯧﻴﯩﻦ ﻛﯩﺸﯩﻠﻪﺭ ﺑﯘ ﻳﻪﺗﺘﻪ ﻧﻪﭘﻪﺭ ﻗﻪﻫﺮﯨﻤﺎﻥ ﻗﯩﺰﻧﯩﯔ ﺧﺎﺗﯩﺮﯨﺴﻰ ﺋﯜﭼﯜﻥ ﻣﯚﻟﭽﻪﺭ ﺗﯧﻐﯩﻨﯩﯔ ﻏﻪﺭﺑﯩﻲ ﺷﯩﻤﺎﻟﯩﻐﺎ " ﻳﻪﺗﺘﻪ ﻗﯩﺰﻟﯩﺮﯨﻢ ﻣﻪﻗﺒﻪﺭﻩﺳﻰ " ﻧﻰ ﻳﺎﺳﯩﻐﺎﻥ ﺋﯩﻜﻪﻥ . ﺩﯦﻤﻪﻙ ﻳﻪﺗﺘﻪ ﻗﯩﺰﻟﯩﺮﯨﻢ ﻣﻪﻗﺒﻪﺭﯨﺴﻰ 3 ﺋﻪﺳﯩﺮﮔﻪ ﻳﯧﻘﯩﻦ ﯞﺍﻗﯩﺘﺘﯩﻦ ﺑﯘﻳﺎﻥ ﺋﯩﺰﭼﯩﻞ ﺗﺎﯞﺍﭘﮕﺎﻫ ﯞﻩ ﺯﯨﻴﺎﺭﻩﺗﮕﺎﻫ ﺑﻮﻟﯘﭖ ﻛﻪﻟﻤﻪﻛﺘﻪ ،
ﻳﻪﺗﺘﻪ ﻗﯩﺰﻟﯩﺮﯨﻢ ﻫﻪﻗﻘﯩﺪﯨﻜﻰ ﺗﺎﺭﯨﺨﯩﻲ ﻣﻪﻧﺒﻪﻟﻪﺭﺩﻩ ﻗﻪﻳﺖ ﻗﯩﻠﯩﻨﯩﺸﯩﭽﻪ ،ﺷﯘﻧﺪﺍﻗﻼ ﺑﯘ ﻳﻪﺗﺘﻪ ﻗﻪﻫﺮﯨﻤﺎﻥ ﻗﯩﺰ ﻫﻪﻗﻘﯩﺪﻩ ﺧﻪﻟﻖ ﺋﺎﺭﯨﺴﯩﺪﺍ ﺗﺎﺭﻗﺎﻟﻐﺎﻥ ﺭﯨﯟﺍﻳﻪﺗﻠﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻳﻪﺗﺘﻪ ﻗﻪﻫﺮﯨﻤﺎﻥ ﻗﯩﺰﻻﺭﻧﯩﯔ ﺋﯩﺴﻤﻠﯩﺮﻯ : ﻣﺎﻳﺴﯩﺨﺎﻥ ، ﻏﯘﻧﭽﻪ ﻗﯩﺰ ، ﺩﯨﻠﺒﻪﺭ ﻗﯩﺰ ، ﺯﯙﻫﺮﻩ ﮔﯜﻝ ، ﻗﻪﻣﺒﻪﺭﻧﯩﺴﺎ ، ﮔﯘﻟﺌﺎﻳﯩﻢ ، ﺋﻪﺧﺘﻪﺭﻧﯩﺴﺎ ﺑﻮﻟﯘﭖ ﺧﻪﻟﻖ ﺋﺎﺭﯨﺴﯩﺪﯨﻜﻰ ﺭﯨﯟﺍﻳﻪﺗﻠﻪﺭﺩﻩ ﺋﯘﻻﺭﻧﯩﯔ ﻫﻪﺭ ﺑﯩﺮﯨﻨﯩﯔ ﺋﯚﺯ ﺋﺎﻟﺪﯨﻐﺎ ﺋﺎﺟﺎﻳﯩﭗ ﮔﯜﺯﻩﻝ ﺗﻪﺭﻩﭘﻠﯩﺮﻯ ﺑﺎﺭﻟﯩﻘﻰ ﺗﻪﺳﯟﯨﺮﻟﯩﻨﯩﺪﯗ. ﻳﻪﺗﺘﻪ ﻗﯩﺰﻟﯩﺮﯨﻢ ﻫﻪﻗﻘﯩﺪﯨﻜﻰ ﺭﯨﯟﺍﻳﻪﺗﻠﻪﺭ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯘﭼﺘﯘﺭﭘﺎﻥ ﺧﻪﻟﻘﻰ ﯞﻩ ﺑﺎﺷﻘﺎ ﺟﺎﻳﻼﺭﺩﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﯩﻠﻼﺭﺩﺍ ﺩﺍﺳﺘﺎﻥ ﺑﻮﻟﯘﭖ ﻛﻪﻟﻤﻪﻛﺘﻪ. ﺑﻪﺯﻯ ﺋﯘﻳﻐﯘﺭﭼﻪ ﺗﻮﺭ ﺑﻪﺗﻠﻪﺭﺩﯨﻦ ﻣﻪﻟﯘﻡ ﺑﻮﻟﻐﺎﻥ ﺋﯘﭼﯘﺭﻻﺭﻏﺎ ﻗﺎﺭﯨﻐﺎﻧﺪﺍ ،ﮔﻪﺭﭼﻪ ﻳﻪﺗﺘﻪ ﻗﯩﺰﻟﯩﺮﯨﻢ ﻣﺎﺯﯨﺮﻯ ﺩﺍﺋﯩﺮﯨﻠﻪﺭ ﺗﻪﺭﯨﭙﯩﺪﯨﻦ ﻗﻮﻏﺪﯨﻠﯩﺪﯨﻐﺎﻥ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻖ ﺋﻮﺭﻧﻰ ﻗﯩﻠﯩﭗ ﺑﯧﻜﯩﺘﯩﻠﮕﻪﻥ ﺑﻮﻟﺴﯩﻤﯘ ﻣﯘﯞﺍﭘﯩﻖ ﻗﻮﻏﺪﺍﻟﻤﯩﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﻣﻪﻗﺒﻪﺭﯨﻠﻪﺭﻧﯩﯔ ﺑﯩﺮ ﻗﯩﺴﯩﻢ ﺟﺎﻳﻠﯩﺮﻯ ﺑﯘﺯﯗﻟﻐﺎﻧﺪﯨﻦ ﺑﺎﺷﻘﺎ ، ﺑﻪﺯﻯ ﺯﯨﻴﺎﺭﻩﺗﭽﯩﻠﻪﺭﻧﯩﯔ ﻣﻪﻗﺒﻪﺭﯨﮕﻪ ﺧﺎﻟﯩﻐﺎﻧﭽﻪ ﻗﺎﻻﻳﻤﯩﻘﺎﻥ ﺧﺎﺗﯩﺮﻩ ﺳﯚﺯﻟﻪﺭﻧﻰ ﻳﯧﺰﯨﺸﻰ ، ﺟﯩﺠﯩﺸﻰ ﺑﯩﻠﻪﻥ ﻗﻪﺑﺮﯨﻠﻪﺭﻧﻰ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﺗﻘﺎﻥ. ﺑﯘ ﺧﯩﻞ ﺋﺎﯕﺴﯩﺰ ﻫﺎﻟﺪﺍ ﻗﻪﺑﺮﻩ ﺑﺎﺷﻠﯩﺮﯨﻐﺎ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻼﺭﻏﺎ ﺧﻪﺕ ﺋﻮﻳﯘﺵ ﻳﻪﻧﻰ ﺋﺎﯕﺴﯩﺰ ﻫﺎﻟﺪﺍ ﺋﯩﺰ ﻗﺎﻟﺪﯗﺭﯗﺵ ﻗﯩﻠﻤﯩﺸﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﻣﻤﻪ ﺟﺎﻳﻠﯩﺮﯨﺪﺍ ﺋﻮﻣﯜﻣﻴﯜﺯﻟﯜﻙ ﺋﯘﭼﺮﺍﺗﻘﯩﻠﻰ ﺑﻮﻟﯩﺪﯨﻐﺎﻥ ﻣﻪﺩﻩﻧﯩﻴﻪﺗﺴﯩﺰ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﻗﯩﻠﻤﯩﺸﻰ ﺑﻮﻟﯘﭖ ، ﺋﺎﺯ ﺑﻮﻟﻤﯩﻐﺎﻥ ﻗﯩﻤﻤﻪﺗﻠﯩﻚ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻘﻼﺭ ﻣﯘﺷﯘ ﺳﻪﯞﻩﺑﺘﯩﻨﻤﯘ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﭖ ﻛﻪﻟﻤﻪﻛﺘﻪ.

ﻣﻪﺯﻛﯘﺭ ﺧﻪﻟﻖ ﻗﻪﻫﺮﯨﻤﺎﻥ ﻗﯩﺰﻟﯩﺮﻯ ﻣﻪﻗﺒﻪﺭﯨﻠﯩﺮﯨﻨﯩﯔ ﺩﻩﻝ ﺋﯚﺯ ﺧﻪﻟﻘﻰ ﻳﻪﻧﻰ ﺑﻪﺯﻯ ﺋﯚﺯﯨﻨﯩﯔ ﻫﯚﺭﻣﯩﺘﻰ ﻫﻪﻡ ﺳﯧﻐﯩﻨﯩﺸﯩﻨﻰ ﻧﺎﻣﯘﯞﺍﭘﯩﻖ ، ﻧﺎﺩﺍﻧﻼﺭﭼﻪ ﺋﯩﭙﺎﺩﯨﻠﻪﯞﺍﺗﻘﺎﻥ، ﺋﺎﯕﺴﯩﺰ ﺳﺎﻳﺎﻫﻪﺗﭽﯩﻠﻪﺭ ﺗﻪﺭﯨﭙﯩﺪﯨﻦ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﻛﯚﭖ ﺳﺎﻧﺪﺳﯩﻜﻰ ﺋﯘﻳﻐﯘﺭﻻﺭﻧﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﺍﯞﺍﺗﻘﺎﻥ ﺑﻮﻟﯘﭖ، ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﺪﯨﻦ ﻣﻪﻣﻪﺕ ﺗﻮﺧﺘﻰ ﺋﻪﭘﻪﻧﺪﻯ ، ﻳﻪﺗﺘﻪ ﻗﯩﺰﻟﯩﺮﯨﻢ ﻣﻪﻗﺒﻪﺭﯨﻠﯩﺮﯨﻨﯩﯔ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺸﯩﺪﯨﻦ ﻗﺎﺗﺘﯩﻖ ﺋﻪﭘﺴﯘﺳﻼﻧﻐﺎﻧﻠﯩﻘﯩﻨﻰ ، ﺑﻮﻟﯘﭘﻤﯘ ﻫﯚﻛﯜﻣﻪﺗﻨﯩﯔ ﺑﯘ ﻣﻪﺩﯨﻨﯩﻲ ﻳﺎﺩﯨﻜﺎﺭﻟﯩﻘﻼﺭﻧﻰ ﻗﻮﻏﺪﺍﺷﻘﺎ ﺋﻪﻫﻤﯩﻴﻪﺕ ﺑﻪﺭﻣﯩﮕﻪﻧﺪﯨﻦ ﺑﺎﺷﻘﺎ ﺧﻪﻟﻖ ﺋﯚﺯﯨﻨﯩﯖﻤﯘ ﻗﻮﻏﺪﯨﻤﺎﻱ ﺋﻪﻛﺴﯩﭽﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﯟﺍﺗﻘﺎﻧﻠﯩﻘﯩﻨﯩﯔ ﺗﯧﺨﯩﻤﯘ ﺋﻪﺟﻪﺑﻠﯩﻨﻪﺭﻟﯩﻚ ﺗﻪﺭﻩﭖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﻰ ﻛﯜﻧﺴﯧﺮﻯ ﻧﺎﭼﺎﺭﻻﺷﻤﺎﻗﺘﺎ

2008.01.19
ﺋﻪﻧﮕﯩﻠﯩﻴﯩﺪﻩ ﭼﯩﻘﯩﺪﯨﻐﺎﻥ ﺩﺍﯕﻠﯩﻖ "ﮔﯘﯞﺍﺭﺩﯨﻴﺎﻥ" ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﺳﺎﻫﯩﺒﺨﺎﻧﯩﻠﯩﻖ ﻗﯩﻠﯩﺶ ﻫﻮﻗﯘﻗﻰ ﺑﯧﻴﺠﯩﯖﻐﺎ ﺑﯧﺮﯨﻠﮕﻪﻧﺪﻩ، ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺧﯩﺘﺎﻳﺪﯨﻜﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﺗﻮﻏﺮﯨﺴﯩﺪﺍ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻜﻪ ﺑﻪﺭﮔﻪﻥ ﯞﻩﺩﯨﺴﯩﮕﻪ ﺋﻪﻣﻪﻝ ﻗﯩﻠﻤﯩﻐﺎﻧﻠﯩﻘﻰ، ﻫﻪﺗﺘﺎ ﯞﻩﺯﯨﻴﻪﺗﻨﯩﯔ ﺗﯧﺨﯩﻤﯘ ﻧﺎﭼﺎﺭﻟﯩﺸﯩﯟﺍﺗﻘﺎﻧﻠﯩﻘﻰ، ﺗﻪﻛﯩﺘﻠﻪﻧﮕﻪﻥ.
17‏-ﻳﺎﻧﯟﺍﺭ ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﻣﻪﺯﻛﯘﺭ ﻣﺎﻗﺎﻟﯩﺪﻩ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﻮﻟﯘﭘﻤﯘ، ﭘﯩﻜﯩﺮ ﺋﻪﺭﻛﯩﻨﻠﯩﻜﻰ ﯞﻩ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﯩﮕﻪ ﻗﺎﺭﺍﺗﻘﺎﻥ ﺑﯧﺴﯩﻤﯩﻨﯩﯔ ﺗﯧﺨﯩﻤﯘ ﻛﯜﭼﻪﻳﮕﻪﻧﻠﯩﻜﻰ، ﯞﻩﺯﯨﻴﻪﺗﻨﯩﯔ 1980‏- ﻳﯩﻠﻼﺭﺩﯨﻜﯩﺪﯨﻨﻤﯘ ﻧﺎﭼﺎﺭﻻﺷﻘﺎﻧﻠﯩﻘﻰ، ﺑﯘﺭﯗﻥ ﺧﯩﺘﺎﻱ ﻳﺎﺯﻏﯘﭼﯩﻠﯩﺮﻯ ﯞﻩ ﺷﺎﺋﯩﺮﻟﯩﺮﯨﻨﯩﯔ ﺑﻪﻟﮕﯩﻠﯩﻚ ﻣﻪﺳﯩﻠﯩﻠﻪﺭﻧﻰ ﺗﯩﻠﻐﺎ ﺋﯧﻠﯩﺸﻰ ﭼﻪﻛﻠﻪﻧﮕﻪﻥ ﺑﻮﻟﺴﺎ ﻧﯚﯞﻩﺗﺘﻪ، ﺗﯩﻠﻐﺎ ﺋﯧﻠﯩﺸﻰ ﭼﻪﻛﻠﻪﻧﮕﻪﻥ ﺗﯧﻤﯩﻼﺭﻧﯩﯔ ﺳﺎﻧﻰ ﺗﻮﻟﯩﻤﯘ ﻛﯚﭘﻪﻳﮕﻪﻧﻠﯩﻜﻰ ﺋﻪﺳﻜﻪﺭﺗﯩﻠﮕﻪﻥ.
ﻣﺎﻗﺎﻟﯩﺪﻩ، ﺧﯩﺘﺎﻳﺪﯨﻜﻰ ﺋﯘﻳﻐﯘﺭ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﺋﺎﺯﺳﺎﻧﻠﯩﻖ ﻣﯩﻠﻠﻪﺕ ﻳﺎﺯﻏﯘﭼﯩﻠﯩﺮﻯ ﺋﯜﺳﺘﯩﺪﯨﻜﻰ ﺑﯧﺴﯩﻤﻨﯩﯔ ﺗﯧﺨﯩﻤﯘ ﺋﯧﻐﯩﺮ ﺋﯩﻜﻪﻧﻠﯩﻜﻰ ، ﺋﯘﻳﻐﯘﺭ ﯞﻩ ﺗﯩﺒﻪﺗﻠﻪﺭﻧﯩﯔ ﻣﻪﺩﻩﻧﯩﻲ ﯞﻩ ﺋﯩﺠﯩﻤﺎﺋﻰ ﻫﻮﻗﯘﻗﻠﯩﺮﻯ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ، ﺧﯩﺘﺎﻳﺪﺍ ﻗﻪﻟﻪﻡ ﺗﻪﯞﺭﯨﺘﯩﺸﻜﻪ ﺑﻮﻟﻤﺎﻳﺪﯨﻐﺎﻥ ﻣﻪﺳﯩﻠﯩﻠﻪﺭ ﻧﯩﯔ ﺋﻪﯓ ﺋﺎﻟﺪﯨﻨﻘﻰ ﺳﯧﭙﯩﺪﺍ ﺋﻮﺭﯗﻥ ﺋﺎﻟﻐﺎﻧﻠﯩﻘﻰ ﯞﻩ ﺑﯘ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﭘﯩﻜﺮ ﺑﺎﻳﺎﻥ ﻗﯩﻠﻐﺎﻧﻼﺭﻧﯩﯔ ﻗﺎﺗﺘﯩﻖ ﺟﺎﺯﺍﻏﺎ ﺋﯘﭼﺮﺍﯞﺍﺗﻘﺎﻧﻠﯩﻘﻰ، ﺗﻪﻛﯩﺘﻠﻪﻧﮕﻪﻥ.
ﻣﺎﻗﺎﻟﯩﺪﻩ، " ﻳﺎﯞﺍ ﻛﻪﭘﺘﻪﺭ" ﻧﺎﻣﻠﯩﻖ ﻗﯩﺴﻘﺎ ﻫﯧﻜﺎﻳﻪ ﻳﺎﺯﻏﺎﻧﻠﯩﻘﻰ ﺋﯜﭼﯜﻥ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ 10 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ، ﺋﯘﻳﻐﯘﺭ ﺷﺎﺋﯩﺮ ﯞﻩ ﻳﺎﺯﻏﯘﭼﯩﺴﻰ ﻧﯘﺭﻣﻪﻣﻪﺕ ﻳﺎﺳﯩﻦ ﺋﺎﻻﻫﯩﺪﻩ ﺗﯩﻠﻐﺎ ﺋﯧﻠﯩﻨﻐﺎﻥ. ﻣﺎﻗﺎﻟﯩﺪﻩ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻧﯘﺭ ﻣﻪﻣﻪﺕ ﻳﺎﺳﯩﻨﻨﯩﯔ ﻫﯧﻜﺎﻳﯩﺴﯩﺪﺍ ﺑﺎﻳﺎﻥ ﻗﯩﻠﯩﻨﻐﺎﻥ ﯞﻩﻗﻪﻟﯩﻜﻨﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﺎﻛﯩﻤﯩﻴﯩﺘﯩﻨﻰ ﺗﻪﻧﻘﯩﺪ ﻗﯩﻠﯩﺶ ﺩﻩﭖ، ﺗﻪﺑﯩﺮ ﻗﯩﻠﻐﺎﻧﻠﯩﻘﻰ ﺋﻪﺳﻜﻪﺭﺗﯩﻠﮕﻪﻥ.

ئىنگلىزچە مەنبە:
http://books.guardian.co.uk/departments/generalfiction/story/0,,2242145,00.html

ﺗﯜﺭﻛﯩﻴﻪ ﯞﻩﺗﻪﻧﺪﯦﺸﻰ ﺑﻮﻟﯘﺵ ﺋﺎﺳﺎﻧﻼﺷﺘﻰ

2008.01.03

ﺗﯜﺭﻛﯩﻴﯩﻨﯩﯔ ﯞﻩﺗﻪﻧﺪﺍﺷﻠﯩﻖ ﻗﺎﻧﯘﻧﯩﻐﺎ ﺗﯜﺯﯨﺘﯩﺶ ﻛﯩﺮﮔﯜﺯﯛﻟﮕﻪﻧﺪﯨﻦ ﻛﯧﻴﯩﻦ ﺗﯜﺭﻙ ﭘﺎﺭﻻﻣﯧﻨﺘﯩﺪﺍ ﻗﻮﺑﯘﻝ ﻗﯩﻠﯩﻨﺪﻯ. ﺑﯘ ﻗﺎﻧﯘﻧﺪﺍ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺗﯜﺭﻙ ﯞﻩﺗﻪﻧﺪﺍﺷﻠﯩﻘﯩﻐﺎ ﻗﻮﺑﯘﻝ ﻗﯩﻠﯩﻨﯩﺸﻰ ﺋﺎﺳﺎﻧﻼﺷﺘﯘﺭﯗﻟﻐﺎﻥ. ﺑﯘ ﻗﺎﻧﯘﻧﻐﺎ ﺋﺎﺳﺎﺳﻼﻧﻐﺎﻧﺪﺍ، ﺗﯜﺭﻛﯩﻴﯩﮕﻪ ﻣﻪﺑﻠﻪﻍ ﺳﯧﻠﯩﭗ ﻛﺎﺭﺧﺎﻧﺎ ﻗﯘﺭﻏﺎﻥ، ﺋﯩﺠﺘﯩﻤﺎﺋﯩﻲ، ﺋﯩﻘﺘﯩﺴﺎﺩﯨﻲ، ﭘﻪﻥ-ﺗﯧﺨﻨﯩﻜﺎ ﯞﻩ ﺳﻪﻧﺌﻪﺕ ﺳﺎﻫﻪﺳﯩﺪﻩ ﺋﺎﻻﻫﯩﺪﻩ ﻣﯘﯞﻩﭘﭙﻪﻗﯩﻴﻪﺗﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻳﺎﻛﻰ ﻳﯘﻗﯩﺮﯨﻘﻰ ﺳﺎﻫﻪﻟﻪﺭﺩﻩ ﻳﺎﺧﺸﻰ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﻩﻟﻪﻳﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻐﺎﻥ ﻛﯩﺸﯩﻠﻪﺭ ﻣﯘﻧﺎﺳﯩﯟﻩﺗﻠﯩﻚ ﻣﯩﻨﯩﺴﺘﯩﺮﻟﯩﻜﻠﻪﺭﻧﯩﯔ ﺗﻪﻛﻠﯩﭙﻰ ﺑﻮﻳﯩﭽﻪ، ﻫﯚﻛﯜﻣﻪﺕ ﻛﺎﺑﯩﻨﯧﺘﯩﺪﺍ ﻣﯘﺯﺍﻛﯩﺮﻩ ﻗﯩﻠﯩﻨﯩﭗ ﯞﻩﺗﻪﻧﺪﺍﺷﻠﯩﻘﻘﺎ ﻗﻮﺑﯘﻝ ﻗﯩﻠﯩﻨﯩﺪﯨﻜﻪﻥ.
ﺗﯜﺯﯨﺘﯩﺶ ﻛﯩﺮﮔﯜﺯﯛﻟﮕﻪﻥ ﻳﯧﯖﻰ ﻗﺎﻧﯘﻧﻐﺎ ﺋﺎﺳﺎﺳﻼﻧﻐﺎﻧﺪﺍ، 7 ﻳﺎﺷﺘﯩﻦ ﺗﯚﯞﻩﻥ ﻳﺎﺷﺘﯩﻜﻰ ﺑﯧﻘﯩﯟﯦﻠﯩﻨﻐﺎﻥ ﺑﺎﻟﯩﻼﺭ ﺗﯜﺭﻙ ﯞﻩﺗﻪﻧﺪﯦﺸﻰ ﻫﯧﺴﺎﺑﻠﯩﻨﯩﺪﯨﻜﻪﻥ. ﺑﯩﺮ ﺗﯜﺭﻙ ﯞﻩﺗﻪﻧﺪﯦﺸﻰ ﺗﻪﺭﯨﭙﯩﺪﯨﻦ ﺑﯧﻘﯩﯟﯦﻠﯩﻨﻐﺎﻥ، ﺑﺎﻻﻏﻪﺗﻜﻪ ﻳﻪﺗﻤﯩﮕﻪﻥ ﺑﺎﻻ ﺑﯧﻘﯩﯟﯦﻠﯩﻨﻐﺎﻥ ﻛﯜﻧﺪﯨﻦ ﺋﯧﺘﯩﺒﺎﺭﻩﻥ ﺗﯜﺭﻙ ﯞﻩﺗﻪﻧﺪﯦﺸﻰ ﻫﯧﺴﺎﺑﻠﯩﻨﯩﺪﯨﻜﻪﻥ. ﺗﯜﺭﻛﯩﻴﯩﺪﻩ ﺗﯘﻏﯘﻟﻐﺎﻥ ﭼﻪﺗﺌﻪﻟﻠﯩﻜﻨﯩﯔ ﺑﺎﻟﯩﺴﻰ، ﺋﻪﮔﻪﺭ ﺋﺎﺗﺎ-ﺋﺎﻧﯩﺴﻰ ﺋﺎﺭﺯﯗ ﻗﯩﻠﺴﺎ، ﺗﯘﻏﯘﻟﻐﺎﻥ ﺯﺍﻣﺎﻥ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻻﻻﻳﺪﯨﻜﻪﻥ.
ﻳﯘﻗﯩﺮﯨﻘﯩﻼﺭﺩﯨﻦ ﺑﺎﺷﻘﺎ ﺗﯜﺭﻙ ﯞﻩﺗﻪﻧﺪﺍﺷﻠﯩﻘﯩﻐﺎ ﺋﯚﺗﯜﺷﻨﯩﯔ ﺷﻪﺭﺗﻠﯩﺮﻯ ﺋﯩﭽﯩﺪﻩ ﻗﺎﻧﯘﻧﺪﺍ ﺗﯜﺭﻛﯩﻴﯩﺪﻩ ﺋﻪﯓ ﺋﺎﺯ 5 ﻳﯩﻞ ﺗﯘﺭﯗﺵ ﺷﻪﺭﺗﻰ ﻗﻮﻳﯘﻟﻐﺎﻥ. ﺑﯘﻻﺭﺩﯨﻦ ﺑﺎﺷﻘﺎ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺷﻘﺎ ﺋﯩﻠﺘﯩﻤﺎﺱ ﻗﯩﻠﻐﺎﻧﺪﯨﻦ ﻛﯧﻴﯩﻦ ﻫﻪﺭﯨﻜﻪﺗﻠﯩﺮﻯ ﺑﯩﻠﻪﻥ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺵ ﻧﯩﻴﯩﺘﯩﻨﯩﯔ ﺑﺎﺭﻟﯩﻘﯩﻨﻰ ﺋﯩﭙﺎﺩﻩ ﻗﯩﻠﯩﺸﻰ، ﻳﯘﻗﯘﻣﻠﯘﻕ ﻛﯧﺴﯩﻠﻰ ﺑﻮﻟﻤﺎﺳﻠﯩﻘﻰ، ﺋﻪﺧﻼﻗﻠﯩﻖ ﺑﻮﻟﯘﺷﻰ، ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺗﯜﺭﻛﭽﻪ ﺑﯩﻠﯩﺸﻰ، ﺋﯚﺯﯨﻨﻰ ﺋﯚﺯﻯ ﺑﺎﻗﺎﻻﻳﺪﯨﻐﺎﻥ ﺋﯩﻘﺘﯩﺴﺎﺩﯨﻲ ﻛﯜﭼﻜﻪ ﯞﻩ ﻛﻪﺳﯩﭙﻜﻪ ﺋﯩﮕﻪ ﺑﻮﻟﯘﺷﻰ، ﺗﯜﺭﻛﯩﻴﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﺳﯩﺮ ﻳﻪﺗﻜﯜﺯﯨﻠﯩﺪﯨﻐﺎﻥ ﺑﯩﺮ ﺋﻪﻫﯟﺍﻟﻨﯩﯔ ﺑﻮﻟﻤﺎﺳﻠﯩﻘﻰ ﻛﯧﺮﻩﻙ ﺋﯩﻜﻪﻥ.
ﻳﯧﯖﻰ ﻗﺎﻧﯘﻧﺪﺍ ﻳﻪﻧﻪ ﺗﯜﺭﻙ ﺑﯩﻠﻪﻥ ﺗﻮﻱ ﻗﯩﻠﻐﺎﻥ ﭼﻪﺗﺌﻪﻟﻠﯩﻜﻠﻪﺭ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺵ ﺋﯜﭼﯜﻥ ﺗﻮﻱ ﻗﯩﻠﻐﺎﻥ ﻛﯜﻧﺪﯨﻦ ﺗﺎﺭﺗﯩﭗ 3 ﻳﯩﻞ ﺑﯩﺮﻟﯩﻜﺘﻪ ﺗﯘﺭﻣﯘﺵ ﻛﻪﭼﯜﺭﯛﺷﻰ ﺷﻪﺭﺗﻰ ﻛﯩﺮﮔﯜﺯﯛﻟﮕﻪﻥ. ﺗﯜﺭﻛﯩﻴﻪ ﯞﻩﺗﻪﻧﺪﺍﺷﻠﯩﺮﻯ ﺋﯩﭽﻜﻰ ﺋﯩﺸﻠﯩﺮﻯ ﻣﯩﻨﯩﺴﺘﯩﺮﻟﯩﻜﯩﮕﻪ ﺑﯩﻠﺪﯛﺭﯛﭖ ﻗﻮﻳﯘﺵ ﺷﻪﺭﺗﻰ ﺑﯩﻠﻪﻥ ﺑﺎﺷﻘﺎ ﺩﯙﻟﻪﺕ ﯞﻩﺗﻪﻧﺪﯦﺸﻰ ﺑﻮﻻﻻﻳﺪﯨﻜﻪﻥ.
ﺗﯜﺭﻛﯩﻴﯩﺪﻩ ﺗﯜﺭﻙ ﯞﻩﺗﻪﻧﺪﯦﺸﻰ ﺑﻮﻟﯘﺷﻨﻰ ﻛﯜﺗﯜﯞﺍﺗﻘﺎﻥ ﻛﯚﭖ ﺳﺎﻧﺪﺍ ﺋﯘﻳﻐﯘﺭ ﻳﺎﺷﯩﻤﺎﻗﺘﺎ. ﺑﯘ ﻳﯧﯖﻰ ﻗﺎﻧﯘﻥ ﺋﯘﻳﻐﯘﺭﻻﺭﻏﺎ ﻧﯧﻤﻪ ﭘﺎﻳﺪﺍ ﺋﯧﻠﯩﭗ ﻛﯧﻠﻪﺭ؟

ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺵ ﻗﯘﺭﯗﺷﺘﯩﻜﻰ ﺋﯧﺴﯩﻞ ﺋﻪﻧﺌﻪﻧﯩﻠﯩﺮﻯ

ﺗﯘﺭﻣﯘﺵ ﻗﯘﺭﯗﭖ ﺋﺎﺋﯩﻠﻪ ﺗﻪﺳﯩﺲ ﻗﯩﻠﯩﺶ ﺋﯩﻨﺴﺎﻧﻼﺭ ﻳﺎﺭﯨﺘﯩﻠﻐﺎﻧﺪﯨﻦ ﺑﯧﺮﻯ ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﻣﻪﯞﺟﯘﺕ ﺑﻮﻟﯘﭖ ﻛﻪﻟﮕﻪﻥ ﻗﻪﺩﯨﻤﯩﻲ ﺑﯩﺮ ﺋﺎﺩﻩﺕ ﺑﻮﻟﯘﭖ، ﺗﯘﺭﻣﯘﺵ ﻗﯘﺭﯗﺵ ﺋﯜﭼﯜﻥ ﺟﯚﺭﻩ ﺗﺎﻟﻼﺷﺘﺎ ﻫﻪﺭ ﻣﯩﻠﻠﻪﺗﻨﯩﯔ ﺋﯚﺯﯨﮕﻪ ﺧﺎﺱ ﺋﻪﻧﺌﻪﻧﯩﺴﻰ ﯞﻩ ﺋﻪﺟﺪﺍﺩﻟﯩﺮﯨﺪﯨﻦ ﻣﯩﺮﺍﺱ ﺋﺎﻟﻐﺎﻥ ﺑﻪﺯﯨﺒﯩﺮ ﻗﺎﺋﯩﺪﻩ - ﻳﻮﺳﯘﻧﻠﯩﺮﻯ ﺑﺎﺭ ﺑﻮﻟﻐﯩﻨﯩﺪﻩﻙ، ﺋﯘﻳﻐﯘﺭﻻﺭﻧﯩﯖﻤﯘ ﺗﯘﺭﻣﯘﺵ ﻗﯘﺭﯗﺵ ﺋﯜﭼﯜﻥ ﺟﯜﺭ ﺗﺎﻟﻼﺷﺘﺎ ﺋﯚﺯﻟﯩﺮﯨﮕﻪ ﺧﺎﺱ ﺋﯧﺴﯩﻞ ﺋﻪﻧﺌﻪﻧﯩﺴﻰ ﯞﻩ ﺋﺎﻗﯩﻼﻧﻪ ﭘﺮﯨﻨﺴﯩﭙﻰ ﺑﺎﺭﺩﯗﺭ. ﺋﯘﻻﺭ ﺑﯘ ﻣﯩﻠﻠﯩﻲ ﺋﻪﻧﺌﻪﻧﯩﺴﯩﻨﻰ ﻫﯧﻠﯩﻬﻪﻡ ﺟﺎﺭﻯ ﻗﯩﻠﺪﯗﺭﯗﭖ ﻛﻪﻟﻤﻪﻛﺘﻪ.
ﺋﯘﻳﻐﯘﺭ ﺋﻪﺭﻟﯩﺮﯨﻨﯩﯔ ﺟﯚﺭﻩ ﺗﺎﻻﺷﺘﯩﻜﻰ ﻣﯩﻠﻠﯩﻲ ﺋﻪﻧﺌﻪﻧﯩﺴﻰ
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺋﯘﻳﻐﯘﺭ ﺋﻪﺭﻟﯩﺮﯨﻨﯩﯔ ﺗﯘﺭﻣﯘﺵ ﺋﯜﭼﯜﻥ ﺋﯚﺯﻟﯩﺮﯨﮕﻪ ﺟﯜﺭ ﺗﺎﻟﻼﺷﺘﯩﻜﻰ ﺋﻪﻧﺌﻪﻧﯩﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: " ﺋﯘﻳﻐﯘﺭﻻﺭﻧﯩﯔ 11ـ ﺋﻪﺳﯩﺮﺩﻩ ﺋﯚﺗﻜﻪﻥ ﻣﻪﺷﻬﯘﺭ ﺩﺍﻧﯩﺸﻤﻪﻥ ﯞﻩ ﺋﯘﻟﯘﻍ ﭘﻪﻳﻼﺳﻮﭖ ﺋﺎﻟﯩﻤﻰ ﻳﯜﺳﯜﭖ ﺧﺎﺱ ﻫﺎﺟﯩﭗ ﺩﯗﻧﻴﺎﻏﺎ ﺩﺍﯕﻠﯩﻖ ﺋﻪﺳﯩﺮﻯ "ﻗﯘﺗﺎﺩﻏﯘ ﺑﯩﻠﯩﻚ" ﺗﻪ ﻣﯘﻧﺪﺍﻕ ﺩﻩﭖ ﻳﺎﺯﻏﺎﻧﯩﻜﻪﻥ:
ﺩﯦﺴﻪ ﻛﯩﻢ ﺋﯚﻳﻠﯩﻨﻪﻱ، ﺋﻪﻱ ﺋﻪﺭﻟﻪﺭ ﺑﯧﺸﻰ،ﺋﺎﻻﺭ ﺷﯘ ﺗﯚﺕ ﺧﯩﻠﺪﯨﻦ ﺑﯩﺮﯨﻨﻰ ﺋﯘ ﻛﯩﺸﻰ،ﺑﯩﺮﻯ ﺑﺎﻱ ﺧﻮﺗﯘﻧﻨﻰ ﺋﺎﻟﻤﺎﻕ ﺋﯩﺴﺘﻪﺭ، ﺋﯘ ﺑﯩﺮﺳﻰ ﭼﯩﺮﺍﻳﻠﯩﻖ ﺋﯜﭼﯜﻥ ﻛﯚﺯ ﺗﯩﻜﻪﺭ،ﻳﻪﻧﻪ ﺑﯩﺮﺳﻰ ﺋﯧﺴﯩﻞ ﻧﻪﺳﻪﺑﻠﯩﻚ ﺗﯩﻠﻪﺭ،ﺋﯘﻟﯘﻏﻠﯘﻕ ﺋﯧﺘﯩﻐﺎ ﻗﯘﯞﺍﻧﯩﭗ ﻳﯜﺭﻩﺭ.ﺑﯩﺮﺳﻰ ﺋﯩﺴﺘﻪﺭ ﻧﻪﭘﯩﺲ ﺗﻪﻗﯟﺍﺩﺍﺭﻧﻰ،ﺋﯘﻧﻰ ﺗﺎﭘﺴﺎ ﺑﺎﻏﻼﺭ ﺋﺎﯕﺎ ﻛﺎﺭﯨﻨﻰ،
ﻳﯜﺳﯜﭖ ﺧﺎﺱ ﻫﺎﺟﯩﭗ ﻳﯘﻗﯩﺮﯨﻘﻰ ﺑﯧﻴﯩﺘﻠﯩﺮﯨﺪﻩ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺑﯘ ﺗﻮﻏﺮﯨﺪﺍ ﺋﯧﻴﺘﻘﺎﻥ ﻣﯘﻧﯘ ﻫﻪﺩﯨﺴﻠﯩﺮﯨﻨﻰ ﺋﯚﻟﭽﻪﻡ ﻗﯩﻠﻐﺎﻥ:"ﻛﯩﺸﯩﻠﻪﺭ ﺋﺎﻳﺎﻝ ﻛﯩﺸﯩﻠﻪﺭﻧﻰ ﺗﯚﺕ ﻧﻪﺭﺳﯩﮕﻪ ﻗﺎﺭﺍﭖ ﺗﺎﻟﻼﻳﺪﯗ، ﺋﯘﻧﯩﯔ ﺑﺎﻳﻠﯩﻘﯩﻐﺎ، ﭼﯩﺮﺍﻳﯩﻐﺎ، ﻧﻪﺳﻪﺑﯩﮕﻪ ﯞﻩ ﺋﯘﻧﯩﯔ ﺩﯨﻴﺎﻧﯩﺘﯩﮕﻪ. ﺳﻪﻥ ﺋﻪﯓ ﺋﺎﯞﯞﺍﻝ ﺩﯨﻴﺎﻧﻪﺗﻠﯩﻚ ﺑﻮﻟﻐﯩﻨﯩﻨﻰ ﺗﺎﻟﻠﯩﻐﯩﻦ ، ﺋﻪﮔﻪﺭ ﺋﺎﻧﺪﺍﻕ ﻗﯩﻠﻤﯩﺴﺎﯓ ﭼﻮﻗﯘﻡ ﺯﯨﻴﺎﻥ ﺗﺎﺭﺗﯩﺴﻪﻥ." (ﺑﯘﺧﺎﺭﯨﻲ ﺭﯨﯟﺍﻳﯩﺘﻰ)
ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: "ﻛﯩﻤﻜﻰ ﺋﺎﻳﺎﻝ ﻛﯩﺸﯩﻨﻰ ﺋﯘﻧﯩﯔ ﺋﺎﺑﺮﻭﻳﯩﻨﻰ ﻛﯚﺯﻟﻪﭖ ﺗﺎﻟﻼﻳﺪﯨﻜﻪﻥ، ﺋﯘ ﺧﻮﺭﻟﯘﻗﺘﯩﻦ ﺑﺎﺷﻘﺎ ﻧﻪﺭﺳﯩﮕﻪ ﺋﯧﺮﯨﺸﻪﻟﻤﻪﻳﺪﯗ. ﻛﯩﻤﻜﻰ ﺋﯘﻧﻰ، ﺋﯘﻧﯩﯔ ﺋﯩﻘﺘﯩﺴﺎﺩﯨﻨﻰ ﻛﯚﺯﻟﻪﭖ ﺗﺎﻟﻼﻳﺪﯨﻜﻪﻥ، ﺋﯘ ﭘﯧﻘﯩﺮﻟﯩﻘﺘﯩﻦ ﺑﺎﺷﻘﯩﺴﯩﻐﺎ ﺋﯧﺮﯨﺸﻪﻟﻤﻪﻳﺪﯗ. ﻛﯩﻤﻜﻰ ﺋﯘﻧﯩﯔ ﻧﻪﺳﻪﺑﯩﻨﻰ ﻛﯚﺯﻟﻪﭖ ﺗﺎﻟﻼﻳﺪﯨﻜﻪﻥ، ﺋﯘ ﭘﻪﻗﻪﺕ ﺭﻩﺯﯨﻠﻠﯩﻜﺘﯩﻦ ﺑﺎﺷﻘﯩﺴﯩﻐﺎ ﺋﯧﺮﯨﺸﻪﻟﻤﻪﻳﺪﯗ. ﻛﯩﻤﻜﻰ ﺋﺎﻳﺎﻝ ﻛﯩﺸﯩﻨﻰ، ﻛﯚﺯﯨﻨﻰ ﻧﺎﻣﻪﻫﺮﻩﻣﮕﻪ ﺗﯩﻜﯩﻠﯩﭗ ﻗﺎﺭﺍﺷﺘﯩﻦ، ﺋﯚﺯﯨﻨﻰ ﻫﺎﺭﺍﻣﺪﯨﻦ ﺳﺎﻗﻼﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻫﺎﻟﺪﺍ، ﺋﯘﻧﯩﯔ ﺩﯨﻴﺎﻧﯩﺘﯩﻨﻰ ﺩﻩﭖ ﺋﺎﻟﯩﺪﯨﻜﻪﻥ، ﺋﺎﻟﻼﻫ ﻫﻪﺭ ﺋﯩﻜﻜﯩﺴﯩﮕﻪ ﺑﻪﺭﯨﻜﻪﺕ ﺋﺎﺗﺎ ﻗﯩﻠﯩﺪﯗ." (ﺗﻪﺑﻪﺭﺍﻧﯩﻲ ﺭﯨﯟﺍﻳﯩﺘﻰ)"
ﻛﯩﺸﯩﻠﻪﺭﻧﯩﯔ ﺟﯜﺭ ﺗﺎﻟﻼﺷﺘﯩﻜﻰ ﻳﯚﻧﯩﻠﯩﺸﻠﯩﺮﻯ
ﻗﯩﺰــ ﻳﯩﮕﯩﺘﻠﻪﺭ ﺑﺎﻻﻏﻪﺗﻜﻪ ﻳﯧﺘﯩﭗ، ﻛﯚﯕﯜﻟﻠﯩﺮﯨﮕﻪ ﺧﯩﻴﺎﻟﻼﺭ ﻛﯩﺮﯨﺸﻜﻪ ﺑﺎﺷﻠﯩﺸﻰ ﺑﯩﻠﻪﻥ ﺗﻪﯓ، ﺋﯘﻻﺭﻧﯩﯔ ﺯﯦﻬﻨﻰ ﻛﯧﻠﻪﭼﻪﻙ ﺗﯘﺭﻣﯘﺷﯩﺪﯨﻜﻰ ﺷﯧﺮﯨﻜﻰ ﻫﻪﻗﻘﯩﺪﻩ ﺋﯩﺰﺩﯨﻨﯩﺸﻜﻪ ﺑﺎﺷﻼﻳﺪﯗ.
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻛﯩﺸﯩﻠﻪﺭﻧﯩﯔ ﺋﯚﺳﯜﭖ ﻳﯧﺘﯩﻠﮕﻪﻥ ﯞﻩ ﺗﻪﺭﺑﯩﻴﻪ ﺋﺎﻟﻐﺎﻥ ﻣﯘﻫﯩﺘﻠﯩﺮﯨﻨﯩﯔ ﺋﻮﺧﺸﺎﺵ ﺑﻮﻟﻤﯩﻐﯩﻨﯩﻐﺎ ﻗﺎﺭﺍﭖ، ﺋﯘﻻﺭﻧﯩﯔ ﺗﯘﺭﻣﯘﺵ ﻗﯘﺭﯗﺵ ﺋﯜﭼﯜﻥ ﺟﯚﺭﻩ ﺗﺎﻟﻼﺷﺘﯩﻜﻰ ﻗﯩﺰﯨﻘﯩﺸﻠﯩﺮﯨﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺑﻪﺯﯨﻠﻪﺭ ﺋﯚﺯﻟﯩﺮﯨﻨﯩﯔ ﺗﯘﺭﻣﯘﺵ ﻗﯘﺭﻣﺎﻗﭽﻰ ﺑﻮﻟﻐﺎﻥ ﺟﯚﺭﯨﺴﯩﻨﯩﯔ ﺷﻪﻛﻠﻰ ﮔﯜﺯﻩﻟﻠﯩﻜﯩﻨﻰ ﻛﯚﺯﺩﻩ ﺗﯘﺗﺴﺎ، ﺑﻪﺯﯨﻠﻪﺭ ﺋﯘﻧﯩﯔ ﺑﺎﻳﻠﯩﻘﯩﻨﻰ ﻳﺎﻛﻰ ﺟﻪﻣﺌﯩﻴﻪﺗﺘﯩﻜﻰ ﺋﻮﺭﻧﯩﻨﻰ ﻛﯚﺯﺩﻩ ﺗﯘﺗﯩﺪﯗ. ﺑﯘﻻﺭﻧﯩﯔ ﻫﻪﻣﻤﯩﺴﻰ ﻗﺎﻧﺪﺍﻗﻼ ﺑﯩﺮ ﺟﻪﻣﺌﯩﻴﻪﺗﺘﻪ ﺑﻮﻟﻤﯩﺴﯘﻥ، ﺗﯘﺭﻣﯘﺵ ﻗﯘﺭﻏﯘﭼﯩﻼﺭﺩﺍ ﺋﻮﻣﯘﻣﻪﻥ ﻛﯚﺯﺩﻩ ﺗﯘﺗﯘﻟﯩﺪﯨﻐﺎﻥ ﺋﺎﺳﺎﺳﻠﯩﻖ ﺳﯜﭘﻪﺗﻠﻪﺭ. ﻟﯧﻜﯩﻦ ﻳﯘﻗﯩﺮﯨﻘﻰ ﺳﯜﭘﻪﺗﻠﻪﺭ ﺋﯩﭽﯩﺪﻩ ﻫﻪﻣﻤﯩﺪﯨﻦ ﺋﯧﺴﯩﻞ ﯞﻩ ﺋﻪﯓ ﻣﻪﯕﮕﯜﻟﯜﻙ ﺋﯚﺯﮔﻪﺭﻣﻪﻳﺪﯨﻐﺎﻥ ﺳﯜﭘﻪﺕ ﻗﺎﻳﺴﻰ ﺩﯦﮕﻪﻧﺪﻩ، ﺋﯘ ﺋﻪﺧﻼﻕ ﺑﯩﻠﻪﻥ ﺩﯨﻴﺎﻧﻪﺗﺘﯘﺭ. ﭼﯜﻧﻜﻰ ﺑﯘ ﺗﯘﺭﻣﯘﺵ ﺋﯚﺯﮔﻪﺭﻣﻪﻳﺪﯨﻐﺎﻥ ﺳﺎﺑﯩﺖ ﻧﻪﺭﺳﻪ ﺋﯜﺳﺘﯩﮕﻪ ﻗﯘﺭﯗﻟﻤﺎﺳﺘﯩﻦ، ﺑﻪﻟﻜﻰ ﺋﯚﺯﮔﯩﺮﯨﭗ ﺗﯘﺭﯨﺪﯨﻐﺎﻥ ﺷﻪﺧﺴﯩﻲ ﻣﻪﻧﭙﻪﺋﻪﺗﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ ﺗﯘﺭﻣﯘﺷﺘﯘﺭ. ﺋﻪﺭـ ﺧﻮﺗﯘﻧﻠﯘﻕ ﻫﺎﻳﺎﺗﻰ ﺋﻪﮔﻪﺭ ﺋﻪﺧﻼﻕ ﺑﯩﻠﻪﻥ ﺩﯨﻴﺎﻧﻪﺗﻨﻰ ﺋﺎﺳﺎﺱ ﻗﯩﻠﯩﭗ ﻗﯘﺭﯗﻟﯩﺪﯨﻜﻪﻥ، ﺋﯘ ﺋﯚﺯﮔﻪﺭﻣﻪﺱ، ﻣﻪﻫﻜﻪﻡ ﻧﻪﺭﺳﯩﻨﯩﯔ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﺑﻮﻟﯩﺪﯗ.
ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺟﯚﺭﻩ ﺗﺎﻟﻼﺵ ﭘﺮﯨﻨﺴﯩﭙﻰ
ﺋﻪﻣﺪﻯ ﺋﯘﻳﻐﯘﺭﻻﺭﻧﯩﯔ ﻗﯩﺰﻟﯩﺮﯨﻨﻰ ﻳﺎﺗﻠﯩﻖ ﻗﯩﻠﯩﺸﺘﯩﻜﻰ ﺋﻪﻧﺌﻪﻧﯩﺴﯩﮕﻪ ﻛﻪﻟﺴﻪﻙ، ﺋﯘﻳﻐﯘﺭ ﺋﺎﺗﺎ - ﺋﺎﻧﯩﻠﯩﺮﻯ ﻗﯩﺰﻟﯩﺮﯨﻨﻰ ﻳﺎﺗﻠﯩﻖ ﻗﯩﻠﺸﺘﺎ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻛﯚﺭﺳﻪﺗﻜﻪﻥ ﻣﯘﻧﯘ ﺋﯚﻟﭽﻪﻣﻨﻰ ﺋﺎﺳﺎﺳﯩﻲ ﺋﻮﺭﯗﻧﺪﺍ ﻗﻮﻳﯩﺪﯗ. ﺋﯘ ﻣﯘﻧﺪﺍﻕ ﺩﯦﮕﻪﻥ: "ﺩﯨﻴﺎﻧﯩﺘﻰ ﺑﯩﻠﻪﻥ ﺋﻪﺧﻼﻗﻰ ﺳﯩﻠﻪﺭﻧﻰ ﺭﺍﺯﻯ ﻗﯩﻠﯩﺪﯨﻐﺎﻥ، ﻗﺎﻧﺪﺍﻗﻼ ﺑﯩﺮ ﻛﯩﺸﻰ ﺳﯩﻠﻪﺭﺩﯨﻦ ﻗﯩﺰ ﺳﻮﺭﺍﭖ ﻛﻪﻟﺴﻪ، ﺋﯘﻻﺭﻧﻰ ﺗﯩﺰ ﺋﯚﻳﻠﻪﻧﺪﯛﺭﯛﯕﻼﺭ! ﺋﻪﮔﻪﺭ ﺋﯘﻧﺪﺍﻕ ﻗﯩﻠﻤﯩﻐﺎﻧﺪﺍ، ﻳﻪﺭ ﻳﯜﺯﯨﺪﻩ ﭼﻮﯓ ﺑﯘﺯﯗﻗﭽﯩﻠﯩﻘﻨﻰ ﺗﯧﺮﯨﻐﺎﻥ ﺑﻮﻟﯩﺴﯩﻠﻪﺭ " (ﺗﯩﺮﻣﯩﺰﯨﻲ ﺭﯨﯟﺍﻳﯩﺘﻰ)
ﺋﯘﻳﻐﯘﺭﻻﺭ ﻣﯩﯔ ﻳﯩﻠﺪﯨﻦ ﻛﯚﭘﺮﻩﻙ ﯞﺍﻗﯩﺘﺘﯩﻦ ﺑﯩﺮﻯ ﺋﯧﺘﯩﻘﺎﺩ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﯩﺴﻼﻡ ﺩﯨﻨﻰ ﻛﯩﺸﯩﻠﻪﺭ ﺋﺎﺭﯨﺴﯩﺪﯨﻜﻰ ﺋﯚﺯ ‏-ﺋﺎﺭﺍ ﺋﺎﺭﺗﯘﻗﭽﯩﻠﯩﻘﻨﯩﯔ ﺋﯚﻟﭽﯩﻤﯩﻨﻰ ﯞﯨﺠﺪﺍﻧﻨﻰ ﺋﯩﺪﺍﺭﻩ ﻗﯩﻠﯩﺪﯨﻐﺎﻥ، ﻫﺎﻳﺎﺗﻠﯩﻘﻘﺎ ﺳﺎﺩﯨﻖ ﻧﻪﺯﻩﺭ ﺑﯩﻠﻪﻥ ﻗﺎﺭﺍﭖ، ﺋﯘﻧﯩﯖﻐﺎ ﺗﻮﻏﺮﺍ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻥ، ﺋﯧﺴﯩﻞ ﭘﺮﯨﻨﺴﯩﭙﻼﺭﻏﺎ ﺑﺎﻏﻠﯩﻖ ﻗﯩﻠﻐﺎﻥ. ﺋﺎﻟﻼﻫ ﺗﺎﺋﺎﻻ ﺑﯘ ﻫﻪﻗﺘﻪ ﻣﯘﻧﺪﺍﻕ ﺩﻩﻳﺪﯗ: "ﺋﻰ ﺋﯩﻨﺴﺎﻧﻼﺭ ﺑﯩﺰ ﻫﻪﻗﯩﻘﻪﺗﻪﻥ ﺳﯩﻠﻪﺭﻧﻰ ﺑﯩﺮ ﺋﻪﺭ ﺑﯩﻠﻪﻥ ﺑﯩﺮ ﺋﺎﻳﺎﻟﺪﯨﻦ (ﻳﻪﻧﻰ ﺋﺎﺩﻩﻡ ﺑﯩﻠﻪﻥ ﻫﺎﯞﺍﺩﯨﻦ ﺋﯩﺒﺎﺭﻩﺕ) ﺑﯩﺮ ﺋﺎﺗﺎ ﺋﺎﻧﯩﺪﯨﻦ ﻳﺎﺭﺍﺗﺘﯘﻕ. ﺋﯚﺯ ﺋﺎﺭﺍ ﺗﯘﻧﯘﺷﯘﺷﯩﯖﻼﺭ ﺋﯜﭼﯜﻥ ﺳﯩﻠﻪﺭﻧﻰ ﻧﯘﺭﻏﯘﻥ ﻣﯩﻠﻠﻪﺕ ﯞﻩ ﺋﯘﺭﯗﻕ ﻗﯩﻠﺪﯗﻕ. ﻫﻪﻗﯩﻘﻪﺗﻪﻥ ﺋﻪﯓ ﺗﻪﻗﯟﺍﺩﺍﺭ ﺑﻮﻟﻐﺎﻧﻠﯩﺮﯨﯖﻼﺭ ﺋﺎﻟﻼﻫﻨﯩﯔ ﺩﻩﺭﮔﺎﻫﯩﺪﺍ ﺋﻪﯓ ﻫﯚﺭﻣﻪﺗﻠﯩﻚ ﻫﯧﺴﺎﺑﻠﯩﻨﯩﺴﯩﻠﻪﺭ" (ﻫﻮﺟﯘﺭﺍﺕ ﺳﯜﺭﯨﺴﻰ 13 ﺋﺎﻳﻪﺕ) ﭼﯜﻧﻜﻰ، ﺋﺎﻟﻼﻫﻨﻰ ﺗﻮﻧﯘﻏﺎﻥ ﺩﯨﻴﺎﻧﻪﺗﻠﯩﻚ ﻛﯩﺸﻰ ﺋﺎﻳﺎﻟﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﻐﺎﻥ ﻫﻪﻕ ﻫﻮﻗﯘﻗﻼﺭﻧﻰ ﺗﻮﻧﯘﻳﺪﯗ ﯞﻩ ﺋﯘﻧﻰ ﺟﺎﻳﯩﺪﺍ ﺋﺎﺩﺍ ﻗﯩﻠﯩﺪﯗ.

ﺋﻪﭘﯘﭼﺎﻧﻠﯩﻖ ﮔﯜﺯﻩﻝ ﺋﻪﺧﻼﻗﺘﯘﺭ

2008.01.04
ﺋﯩﻨﺴﺎﻧﻼﺭﻧﯩﯔ ﺗﯜﺭﻟﯜﻙ ﻗﻮﺯﻏﺎﺗﻘﯘﭼﯩﻼﺭﻏﺎ ﺗﺎﻗﺎﺑﯩﻞ ﺗﯘﺭﯗﺵ ﺩﻩﺭﯨﺠﯩﺴﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺑﻪﺯﯨﻠﯩﺮﻯ ﺋﺎﺩﺩﯨﻲ ﺋﯩﺸﻼﺭ ﺋﯜﭼﯜﻧﻤﯘ ﻧﺎﺩﺍﻧﻠﯩﻖ ﻗﯩﻠﯩﭗ ﻗﻮﻳﯩﺪﯗ، ﺑﻪﺯﯨﻠﻪﺭ ﺑﻮﻟﺴﺎ ﺋﯚﺯﯨﻨﯩﯔ ﺋﯚﺗﻜﯜﺭ ﺗﻪﭘﻪﻛﻜﯘﺭﻯ ﯞﻩ ﺋﯧﺴﯩﻞ ﺋﻪﺧﻼﻗﻰ ﺑﯩﻠﻪﻥ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻨﻰ ﺑﯩﻠﯩﺪﯗ ﯞﻩ ﺗﯜﺭﻟﯜﻙ ﻗﯩﻴﯩﻨﭽﯩﻠﯩﻘﻼﺭ ﺋﯜﺳﺘﯩﺪﯨﻦ ﻏﻪﻟﯩﺒﻪ ﻗﯩﻠﯩﺪﯗ. ﮔﻪﺭﭼﻪ ﻛﯩﺸﯩﻠﻪﺭﻧﯩﯔ ﺋﯩﺘﺘﯩﻜﻠﯩﻚ، ﺋﯧﻐﯩﺮ - ﺑﯧﺴﯩﻘﻠﯩﻖ، ﺋﺎﻟﺪﯨﺮﺍﻗﺴﺎﻧﻠﯩﻖ، ﺳﻪﯞﺭﭼﺎﻧﻠﯩﻖ، ﺳﻪﺯﮔﯜﺭﻟﯜﻙ، ﺩﯦﯟﻩﯕﻠﯩﻚ ﻗﺎﺗﺎﺭﻟﯩﻖ ﺧﯩﺴﻠﻪﺗﻠﯩﺮﯨﻨﯩﯔ ﻳﯘﻗﯩﺮﻯ ﺗﯚﯞﻩﻥ ﺑﻮﻟﯩﺸﻰ ﺋﯘﻻﺭﻧﯩﯔ ﺋﻪﺳﻠﻰ ﺧﺎﺭﺍﻛﺘﯧﺮﯨﻨﯩﯔ ﻗﺎﻧﺪﺍﻕ ﺑﻮﻟﯘﺷﯩﻐﺎ ﺯﻭﺭ ﺩﻩﺭﯨﺠﯩﺪﻩ ﺑﺎﻏﻠﯩﻖ ﺑﻮﻟﺴﯩﻤﯘ، ﺋﺎﺩﻩﻣﻨﯩﯔ ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﺴﯩﻨﯩﯔ ﺑﺎﺷﻘﯩﻼﺭﻏﺎ ﻣﯘﻻﻳﯩﻢ ﺑﻮﻟﯘﺵ ﯞﻩ ﺋﯘﻻﺭﻧﯩﯔ ﺧﺎﺗﺎﻟﯩﻘﻠﯩﺮﯨﻨﻰ ﺋﻪﭘﯘ ﻗﯩﻠﯩﺶ ﺑﯩﻠﻪﻥ ﻣﯘﺋﻪﻳﻴﻪﻥ ﻣﯘﻧﺎﺳﯩﯟﯨﺘﻰ ﺑﺎﺭ.
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺋﻪﭘﯘﭼﺎﻧﻠﯩﻘﻨﯩﯔ ﮔﯜﺯﻩﻝ ﺋﻪﺧﻼﻕ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯨﺪﻯ: " ﻫﻪﻗﯩﻘﯩﻲ ﺋﯘﻟﯘﻍ ﺋﺎﺩﻩﻡ ﻛﺎﻣﺎﻟﻪﺗﻜﻪ ﻳﻪﺗﻜﻪﻧﺴﯧﺮﻯ ﻛﯚﯕﻠﻰ - ﻛﯚﻛﺴﻰ ﻛﻪﯓ ﺑﻮﻟﯩﺪﯗ. ﺋﻪﭘﯘﭼﺎﻥ ﺑﻮﻟﯩﺪﯗ، ﻛﯩﺸﯩﻠﻪﺭﻧﯩﯔ ﺋﯚﺯﺭﯨﺴﯩﻨﻰ ﻗﻮﺑﯘﻝ ﻗﯩﻠﯩﺪﯗ، ﺧﺎﺗﺎﻟﯩﻘﻠﯩﺮﯨﻨﻰ ﻛﻪﭼﯜﺭﯨﺪﯗ. ﺗﻪﻧﺘﻪﻛﺘﯩﻦ ﺑﯩﺮﻯ ﺋﯘﻧﯩﯖﻐﺎ ﺋﺎﺯﺍﺭ ﺑﻪﺭﮔﯩﻠﻰ ﺗﯘﺭﺳﺎ ﺋﯘ ﺧﯘﺩﺩﻯ ﻳﻮﻟﺪﺍ ﺋﻮﻳﻨﺎﯞﺍﺗﻘﺎﻥ ﺳﻪﺑﯩﻲ ﺑﺎﻟﯩﻼﺭﻧﯩﯔ ﺋﯚﺯﯨﮕﻪ ﺗﺎﺵ ﺋﺎﺗﻘﯩﻨﯩﻐﺎ ﻗﺎﺭﯨﻐﺎﻥ ﭘﻪﻳﻼﺳﻮﭘﻘﺎ ﺋﻮﺧﺸﺎﺵ ﺋﯧﮕﯩﺰ ﭼﻮﻗﻘﯩﺪﯨﻦ ﭘﻪﺳﻜﻪ ﺑﺎﻗﯩﺪﯗ. ﻛﯚﯕﯜﻟﻨﯩﯔ ﻛﻪﻳﻨﯩﮕﻪ ﻛﯩﺮﮔﻪﻥ ﭼﺎﻏﺪﺍ ﻏﻪﺯﻩﭖ ﺑﻪﺯﯨﻠﻪﺭﻧﻰ ﺳﺎﺭﺍﯓ ﺑﻮﻟﯘﺵ ﺩﻩﺭﯨﺠﯩﺴﯩﮕﻪ ﺋﯧﻠﯩﭗ ﺑﺎﺭﯨﺪﯗ. ﻫﻪﺗﺘﺎ ﺋﯚﺯﻟﯩﺮﯨﻨﻰ ﻗﺎﻥ ﺗﯚﻛﻤﯩﮕﯩﭽﻪ ﺋﺎﻗﻼﻧﻤﺎﻳﺪﯨﻐﺎﻥ ﺩﻩﺭﯨﺠﯩﺪﻩ ﻫﺎﻗﺎﺭﻩﺗﻜﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﯩﺪﯗ. ﺋﻪﻣﻤﺎ ﺋﯚ ﺋﻪﺧﻼﻗﯩﻲ ﭘﻪﺯﯨﻠﻪﺗﻠﻪﺭﻧﯩﯔ ﻗﻮﺭﻏﺎﻧﻠﯩﺮﻯ ﺋﯩﭽﯩﮕﻪ ﻳﻮﺷﯘﺭﯗﻧﻐﺎﻥ ﺑﻮﻟﺴﺎ ﺑﯘﻧﭽﯩﻠﯩﻚ ﻫﺎﻟﻐﺎ ﻳﯧﺘﯩﭗ ﻗﺎﻟﻤﺎﻳﺪﯗ."
ﻏﻪﺯﻩﭘﻨﯩﯔ ﺯﯨﻴﯩﻨﻰ ﻛﯚﭖ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﻏﻪﺯﻩﺑﻠﯩﻨﯩﺸﻨﯩﯔ ﺯﯨﻴﯩﻨﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯨﺪﻯ:" ﻏﻪﺯﻩﭖ ﺋﺎﺩﻩﻡ ﺋﻪﯞﻻﺩﻯ ﻗﻪﻟﺒﯩﺪﻩ ﻳﺎﻧﻐﺎﻥ ﭼﻮﻏﺪﯗﺭ. ﻛﯚﺯﻟﯩﺮﯨﻨﯩﯔ ﻗﯩﺰﯨﺮﯨﭗ ﻛﻪﺗﻜﻪﻧﻠﯩﻜﻰ، ﮔﯜﺭﻩﻥ ﺗﻮﻣﯘﺭﻟﯩﺮﯨﻨﯩﯔ ﻛﯚﭘﯜﭖ ﻛﻪﺗﻜﻪﻧﻠﯩﻜﻰ ﻏﻪﺯﻩﭘﻨﯩﯔ ﺋﻪﯓ ﺋﯘﭼﯩﻐﺎ ﭼﯩﻘﻘﺎﻥ ﯞﺍﻗﺘﻰ ﺑﻮﻟﯘﭖ، ﺋﯘﻧﻰ ﻳﯧﯖﯩﺸﻨﯩﯔ ﭼﺎﺭﯨﺴﻰ ﺋﻮﺭﻧﯩﺪﯨﻦ ﻗﻮﺯﻏﺎﻟﻤﺎﺳﻠﯩﻖ، ﺋﯚﺭﻩ ﺗﯘﺭﻏﺎﻥ ﺑﻮﻟﺴﺎ ﺋﻮﻟﺘﯘﺭﯨﯟﯦﻠﯩﺸﺘﯘﺭ. ﻏﻪﺯﻩﭘﻨﯩﯔ ﻛﻪﻳﻨﯩﮕﻪ ﻛﯩﺮﮔﻪﻥ ﺋﺎﺩﻩﻡ ﺧﯘﺩﯨﻨﻰ ﺑﯩﻠﻤﻪﻱ ﺋﯩﺸﻼﺭﻧﻰ ﺋﯩﺴﻼﻫ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺩﻩﺭﯨﺠﯩﺪﻩ ﺑﯘﺯﯗﭖ ﻗﻮﻳﯩﺪﯗ. ﺑﻪﺯﻯ ﻛﯩﺸﯩﻠﻪﺭ ﻏﻪﺯﻩﭘﻠﻪﻧﮕﻪﻧﺪﻩ ﺋﯚﺯﯨﻨﻰ ﺑﯧﺴﯩﯟﺍﻻﻟﻤﺎﻳﺪﯗ، ﺩﺍﯞﺍﻣﻠﯩﻖ ﺗﯧﺮﯨﻜﯩﭗ ﻳﯜﺭﯨﺪﯗ، ﺋﯧﻐﯩﺰﯨﺪﯨﻦ ﻛﯚﭘﯜﻙ ﻗﺎﻳﻨﯩﺘﯩﭗ ﺗﯩﻠﻼﻳﺪﯗ، ﻗﺎﺭﻏﺎﻳﺪﯗ. ﻣﯘﻧﺪﺍﻕ ﻗﯩﻠﯩﺶ ﺋﯩﻨﺴﺎﻧﻰ ﮔﯜﺯﻩﻝ ﺋﻪﺧﻼﻗﻘﺎ ﺯﯨﺖ ﻛﯧﻠﯩﺪﯨﻐﺎﻥ ﻗﯩﻠﯩﻘﻼﺭﺩﯗﺭ." ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯩﺮ ﻫﻪﺩﯨﺴﯩﺪﻩ:" ﻣﯚﻣﯩﻦ ﺋﺎﺩﻩﻡ ﻛﯩﺸﯩﻠﻪﺭﻧﻰ ﺗﯩﻠﻠﯩﻤﺎﻳﺪﯗ، ﻟﻪﻧﻪﺕ ﺋﻮﻗﯘﻣﺎﻳﺪﯗ، ﺳﻪﺕ ﮔﻪﭖ ﻗﯩﻠﻤﺎﻳﺪﯗ ﯞﻩ ﻫﺎﻳﺎﺳﯩﺰﻟﯩﻖ ﻗﯩﻠﻤﺎﻳﺪﯗ،" ﺩﻩﭖ ﻛﯚﺭﺳﻪﺗﻜﻪﻥ.
ﺋﺎﺳﺎﻥ ﺋﺎﭼﭽﯩﻘﻠﯩﻨﯩﺪﯨﻐﺎﻥ ﺋﺎﺩﻩﻡ ﻛﯚﭖ ﻫﺎﻟﻼﺭﺩﺍ ﺋﺎﭼﭽﯩﻘﻨﯩﯔ ﻛﻪﻳﻨﯩﮕﻪ ﻛﯩﺮﯨﭗ ﻧﯘﺭﻏﯘﻥ ﺋﻪﺧﻤﯩﻘﺎﻧﻪ ﺋﯩﺸﻼﺭﻧﻰ ﻗﯩﻠﯩﭗ ﻗﻮﻳﯩﺪﯗ. ﺋﺎﺩﻩﺗﺘﻪ ﺋﯩﺸﯩﻚ ﺋﯧﭽﯩﻠﻐﯩﻠﻰ ﺋﯘﻧﯩﻤﯩﺴﺎ ﺋﯘﻧﻰ ﺗﯩﻠﻼﻳﺪﯗ، ﻗﻮﻟﯩﺪﺍ ﺗﯘﺭﻣﯩﻐﺎﻥ ﺳﺎﻳﻤﺎﻧﻨﻰ ﺳﯘﻧﺪﯗﺭﯗﭖ ﻗﻮﻳﯩﺪﯗ، ﺋﯜﺭﻛﯜﮔﻪﻥ ﻫﺎﻳﯟﺍﻧﻨﻰ ﻗﺎﺭﻏﺎﻳﺪﯗ. ﻏﻪﺯﻩﭘﻨﯩﯔ ﺯﯨﻴﯩﻨﻰ ﺗﻮﻻ، ﺋﺎﻗﯩﯟﯨﺘﻰ ﺧﻪﺗﻪﺭﻟﯩﻚ. ﺷﯘﯕﺎ ﻏﻪﺯﯨﭙﻰ ﻗﻮﺯﻏﺎﻟﻐﺎﻧﺪﺍ ﺋﯚﺯﯨﻨﻰ ﺗﯘﺗﯩﯟﺍﻟﻐﺎﻥ ﺋﯩﻨﺴﺎﻥ ﺑﺎﺗﯘﺭ ﻫﯧﺴﺎﺑﻠﯩﻨﯩﺪﯗ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺳﺎﻫﺎﺑﯩﻠﯩﺮﯨﺪﯨﻦ "ﺳﯩﻠﻪﺭ ﻗﺎﻧﺪﺍﻕ ﺋﺎﺩﻩﻣﻨﻰ ﺑﺎﺗﯘﺭ ﺩﻩﻳﺴﯩﻠﻪﺭ؟ "ﺩﻩﭖ ﺳﻮﺭﯨﻐﺎﻧﺪﺍ، ﺳﺎﻫﺎﺑﯩﻠﻪﺭ:' ﻫﯧﭽﻜﯩﻢ ﺋﯘﻧﻰ ﻳﯧﻘﯩﺘﺎﻟﻤﺎﻳﺪﯨﻐﺎﻥ ﺋﺎﺩﻩﻣﻨﻰ ﺑﺎﺗﯘﺭ ﺩﻩﻳﻤﯩﺰ' ﺩﻩﻳﺪﯗ. ﺑﯘ ﯞﺍﻗﯩﺘﺘﺎ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺋﯘﻻﺭﻏﺎ ﺟﺎﯞﺍﺏ ﺑﯧﺮﯨﭗ:' ﻏﻪﺯﻩﭘﻠﻪﻧﮕﻪﻥ ﯞﺍﻗﯩﺘﺘﺎ ﺋﯚﺯﯨﻨﻰ ﺗﯘﺗﺎﻟﯩﻐﺎﻥ ﺋﺎﺩﻩﻡ ﻫﻪﻗﯩﻘﯩﻲ ﺑﺎﺗﯘﺭﺩﯗﺭ' ﺩﻩﻳﺪﯗ."
ﻫﻪﻣﻤﯩﮕﻪ ﻣﻪﻟﯘﻣﻜﻰ، ﺋﯩﻨﺴﺎﻥ ﺋﯚﺯﯨﻨﻰ ﻗﺎﻧﭽﻪ ﺗﯘﺗﯘﯞﺍﻟﻐﺎﻧﺴﯧﺮﻯ، ﻏﻪﺯﻩﭘﻨﻰ ﻗﺎﻧﭽﻪ ﺑﯧﺴﯩﯟﺍﻟﻐﺎﻧﺴﯧﺮﻯ، ﺋﯧﻐﯩﺰﯨﻐﺎ ﻗﺎﻧﭽﻪ ﺋﯩﮕﻪ ﺑﻮﻟﻐﺎﻧﺴﯧﺮﻯ، ﻛﯩﺸﯩﻠﻪﺭﻧﯩﯔ ﺳﻪﯞﻩﻧﻠﯩﻜﯩﻨﻰ ﻗﺎﻧﭽﻪ ﺋﻪﭘﯘ ﻗﯩﻠﻐﺎﻧﺴﯧﺮﻯ ﺋﯘﻧﯩﯔ ﻛﯩﺸﯩﻠﻪﺭ ﯞﻩ ﺋﺎﻟﻼﻫ ﻧﻪﺯﯨﺮﯨﺪﯨﻜﻰ ﻫﯚﺭﻣﯩﺘﻰ ﻳﯘﻗﯩﺮﻯ ﺑﻮﻟﯩﺪﯗ.

ﺗﯜﺭﻙ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ ﺋﯘﻳﻐﯘﺭ ﺩﯨﻴﺎﺭﯨﺪﺍ ﻗﯘﺭﺑﺎﻥ ﻫﯧﻴﺖ ﺋﯚﺗﻜﯜﺯﺩﻯ

2008.01.04

ﺗﯜﺭﻛﯩﻴﯩﺪﻩ ﺋﯘﻳﻐﯘﺭ ﺩﯦﺴﻪ ﺑﯩﻠﻤﻪﻳﺪﯨﻐﺎﻥ ﻛﯩﺸﻰ ﻧﺎﻫﺎﻳﯩﺘﻰ ﺋﺎﺯ، ﭼﯜﻧﻜﻰ ﺑﺎﺷﻼﻧﻐﯘﭺ ﺋﻮﺗﺘﯘﺭﺍ ﻣﻪﻛﺘﻪﭖ ﺩﻩﺭﺳﻠﯩﻚ ﻛﯩﺘﺎﺑﻠﯩﺮﯨﺪﺍ ﺋﯘﻳﻐﯘﺭ ﺗﺎﺭﯨﺨﻰ ﻫﻪﻗﻘﯩﺪﻩ ﻣﻪﻟﯘﻣﺎﺗﻼﺭﻏﺎ ﻳﻪﺭ ﺑﯧﺮﯨﻠﮕﻪﻥ. 1950- ﻳﯩﻠﻼﺭﺩﯨﻦ ﺑﺎﺷﻼﭖ ﺋﻪﻳﺴﺎ ﻳﯘﺳﯘﻑ ﺋﺎﻟﯩﭙﺘﯧﻜﯩﻦ، ﻣﯘﻫﻪﻣﻤﻪﺕ ﺋﯩﻤﯩﻦ ﺑﯘﻏﺮﺍ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﺗﯜﺭﻛﯩﻴﯩﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺋﺎﯕﻼﺗﻘﺎﻥ ﺑﻮﻟﺴﺎ، ﺋﯘﻻﺭ ﯞﺍﭘﺎﺕ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯘﻻﺭ ﻗﯘﺭﯗﭖ ﻗﻮﻳﻐﺎﻥ ﺗﻪﺷﻜﯩﻼﺗﻼﺭ، ﻳﯧﺘﯩﺸﺘﯜﺭﮔﻪﻥ ﻛﯩﺸﯩﻠﻪﺭ ﺋﯘﻳﻐﯘﺭ ﺩﺍﯞﺍﺳﯩﻨﻰ ﺋﺎﯕﻼﺗﻤﺎﻗﺘﺎ. ﺷﯘﯕﺎ ﺗﯜﺭﻙ ﺳﯩﻴﺎﺳﻪﺗﭽﯩﻠﻪﺭﻣﯘ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻗﯩﺰﯨﻘﯩﺪﯗ ﯞﻩ ﺑﯧﺮﯨﺸﻨﻰ ﺧﺎﻻﻳﺪﯗ.
ﻳﯧﻘﯩﻨﺪﺍ ﻳﻪﻧﻰ ﻗﯘﺭﺑﺎﻥ ﻫﯧﻴﺖ ﻣﻪﺯﮔﯩﻠﯩﺪﻩ ﺳﺎﺑﯩﻖ ﺗﯜﺭﻛﯩﻴﻪ ﭘﺎﺭﻻﻣﯧﻨﺖ ﺋﻪﺯﺍﺳﻰ، ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﻰ ﺋﻪﺯﺍﺳﻰ ﻓﺎﺭﯗﻕ ﺋﯜﻧﺴﺎﻝ ﺋﻪﭘﻪﻧﺪﻯ ﺋﯩﻨﺴﺎﻧﻰ ﻳﺎﺭﺩﻩﻡ ﯞﻩﺧﭙﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﭗ ﻗﯘﺭﺑﺎﻥ ﻫﯧﻴﺘﯩﻨﻰ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﻯ ﺑﯩﻠﻪﻥ ﺑﯩﻠﻠﻪ ﺋﯚﺗﻜﯜﺯﮔﻪﻥ. 12- ﺋﺎﻳﻨﯩﯔ 17- ﻛﯜﻧﯩﺪﯨﻦ 28 - ﻛﯜﻧﯩﮕﯩﭽﻪ ﺩﺍﯞﺍﻡ ﻗﯩﻠﻐﺎﻥ ﺑﯘ ﺯﯨﻴﺎﺭﻩﺗﻜﻪ ﻛﻮﻧﺎ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﺪﯨﻦ 3 ﻛﯩﺸﻰ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯚﺯ ﺋﺎﻧﺎ ﻳﯘﺭﺗﻰ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻗﯘﺭﺑﺎﻥ ﻫﯧﻴﺘﻰ ﺋﯚﺗﻜﯜﺯﮔﻪﻧﻠﯩﻜﯩﺪﯨﻦ ﺋﯩﻨﺘﺎﻳﯩﻦ ﺧﯘﺷﺎﻝ ﺑﻮﻟﻐﺎﻧﻠﯩﻘﯩﻨﻰ، 21- ﺋﻪﺳﯩﺮﮔﻪ ﻛﯩﺮﮔﻪﻥ ﻛﯜﻧﯩﻤﯩﺰﺩﻩ ﺋﯘﻳﻐﯘﺭﻻﺭ ﺩﯗﭼﺎﺭ ﺑﻮﻟﯩﯟﺍﺗﻘﺎﻥ ﺑﯧﺴﯩﻢ ﺳﯩﻴﺎﺳﯩﺘﯩﻨﯩﯔ ﺩﯗﻧﻴﺎﻧﯩﯔ ﻫﯧﭽﻘﺎﻧﺪﺍﻕ ﻳﯧﺮﯨﺪﻩ ﻳﻮﻗﻠﯩﻘﯩﻨﻰ، ﺋﻪﻣﻤﺎ ﺑﯘ ﺑﯧﺴﯩﻤﻐﺎ ﻗﺎﺭﺷﻰ ﺋﯘﻳﻐﯘﺭﻻﺭﻣﯘ ﺋﯚﺯ ﻛﯩﻤﻠﯩﻜﯩﻨﻰ ﻗﻮﻏﺪﺍﭖ ﻗﯧﻠﯩﺸﻨﯩﯔ ﻳﻮﻟﻨﻰ ﺗﺎﭘﻘﺎﻧﻠﯩﻘﯩﻨﻰ، ﺑﯘﻧﯩﯔ ﺋﯜﭼﯜﻥ ﺋﯘﻳﻐﯘﺭﻻﺭﻧﻰ ﭼﯩﯔ ﻛﯚﯕﻠﯩﺪﯨﻦ ﺗﻪﺑﺮﯨﻜﻠﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻓﺎﺭﯗﻕ ﺋﯜﻧﺴﺎﻝ ﺋﻪﭘﻪﻧﺪﻯ ﺋﺎﻟﺪﻯ ﺑﯩﻠﻪﻥ ﺑﯩﺰﮔﻪ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﺸﺘﯩﻜﻰ ﻣﻪﻗﺴﯩﺪﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺗﻮﻏﺮﯨﺴﯩﻨﻰ ﺋﯧﻴﺘﺴﺎﻡ، ﺧﯩﺘﺎﻱ ﻫﯚﻛﯜﻣﯩﺘﻰ ﺷﯩﻨﺠﺎﯓ ﺩﻩﭖ ﺋﺎﺗﺎﯞﺍﺗﻘﺎﻥ، ﺑﯩﺰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﻩﭖ ﺋﺎﺗﺎﭖ ﻛﻪﻟﮕﻪﻥ ﺑﯘ ﺯﯦﻤﯩﻨﻐﺎ ﺑﻪﻛﻼ ﻗﯩﺰﯨﻘﺎﺗﺘﯘﻕ. ﭼﯜﻧﻜﻰ ﺗﯘﻧﺠﻰ ﺗﯜﺭﻙ ﻣﯘﺳﯘﻟﻤﺎﻥ ﺧﺎﻗﺎﻧﻰ ﺋﺎﺑﺪﯗﻟﻜﯧﺮﯨﻢ ﺳﺎﺗﯘﻕ ﺑﯘﻏﺮﺍﺧﺎﻧﻨﯩﯔ ﻣﺎﺯﯨﺮﻯ ﺋﯘ ﻳﻪﺭﺩﻩ ﺋﯩﺪﻯ. ﺗﯜﺭﻙ ﺩﯗﻧﻴﺎﺳﯩﺪﺍ ﺋﯩﺴﻼﻡ ﺩﯗﻧﻴﺎﺳﯩﺪﺍ ﺗﻮﻧﯘﻟﻐﺎﻥ ﻣﻪﺷﻬﯘﺭ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﺎﺯﯨﺮﻯ ﺋﯘ ﻳﻪﺭﺩﻩ ﺋﯩﺪﻯ. ﻣﻪﺷﻬﯘﺭ ﭘﻪﻳﻼﺳﻮﭖ، ﺋﺎﻟﯩﻢ ﻳﯘﺳﯘﻑ ﺧﺎﺱ ﻫﺎﺟﯩﭙﻨﯩﯔ ﻣﺎﺯﯨﺮﻯ ﺋﯘ ﻳﻪﺭﺩﻩ ﺋﯩﺪﻯ. ﺋﯘﻧﯩﯔ ﺋﯜﺳﺘﯩﮕﻪ ﺗﯜﺭﻙ ﺧﻪﻟﻘﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭ ﺋﻮﺗﺘﯘﺭﯨﺴﯩﺪﺍ ﺋﺎﺟﺎﻳﯩﭗ ﻛﯚﭖ ﺋﻮﺭﺗﺎﻗﻠﯩﻘﻼﺭ ﺑﺎﺭ، ﺑﯩﺰ ﺑﯘ ﺋﻮﺭﺗﺎﻗﻠﯩﻘﯩﻤﯩﺰﻧﻰ ﺗﯧﺨﯩﻤﯘ ﻛﯜﭼﻪﻳﺘﯩﺶ ﯞﻩ ﺗﺎﺭﯨﺨﻰ ﻳﯘﺭﺗﯩﻤﯩﺰﻧﻰ ﺋﯚﺯ ﻛﯚﺯﯨﻤﯩﺰ ﺑﯩﻠﻪﻥ ﻛﯚﺭﯛﺵ ﺋﯜﭼﯜﻥ ﺋﯩﻨﺴﺎﻧﻰ ﻳﺎﺭﺩﻩﻡ ﯞﻩﺧﭙﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﺎﺭﺩﯗﻕ."
ﺳﺎﺑﯩﻖ ﭘﺎﺭﻻﻣﯧﻨﺖ ﺋﻪﺯﺍﺳﻰ ﻓﺎﺭﯗﻕ ﺋﯜﻧﺴﺎﻝ ﺋﻪﭘﻪﻧﺪﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻘﻼﺭﻧﯩﯔ ﺋﯚﺯ ﻛﯩﻤﻠﯩﻜﯩﻨﻰ ﻗﻮﻏﺪﺍﭖ ﻗﺎﻟﻐﺎﻧﻠﯩﻘﯩﺪﯨﻦ ﺋﯩﻨﺘﺎﻳﯩﻦ ﺧﯘﺷﺎﻝ ﺑﻮﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺋﯘ ﺗﯘﭘﺮﺍﻗﻼﺭ ﻗﻪﺩﯨﻤﻘﻰ ﺗﯜﺭﻙ ﻳﯘﺭﺗﻰ ﺑﻮﻟﺴﯩﻤﯘ، ﻛﯧﻴﯩﻦ ﻛﯚﭖ ﺳﺎﻧﺪﺍ ﺧﯩﺘﺎﻱ ﻧﻮﭘﯘﺳﯩﻨﯩﯔ ﻳﻪﺭﻟﻪﺷﺘﯜﺭﯛﻟﯜﺷﻰ ﻧﻪﺗﯩﺠﯩﺴﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻣﯘﺳﯘﻟﻤﺎﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﻧﻮﭘﯘﺳﻰ 40%ﻟﻪﺭﮔﻪ ﭼﯜﺷﯜﭖ ﻗﺎﭘﺘﯘ. ﺑﯩﺰ ﺋﯘ ﻳﻪﺭﺩﻩ ﺧﯩﺘﺎﻱ ﺋﯩﻤﭙﯧﺮﯨﻴﺎﻟﯩﺴﺘﻠﯩﺮﯨﻨﯩﯔ ﺧﯩﺘﺎﻳﻼﺷﺘﯘﺭﯗﺵ ﺳﯩﻴﺎﺳﯩﺘﯩﮕﻪ ﻗﺎﺭﯨﻤﺎﺳﺘﯩﻦ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻧﯩﯔ ﺋﯚﺯ ﻛﯩﻤﻠﯩﻜﯩﻨﻰ ﻧﺎﻫﺎﻳﯩﺘﻰ ﻳﺎﺧﺸﻰ ﻗﻮﻏﺪﺍﭖ ﻗﺎﻻﻟﯩﻐﺎﻧﻠﯩﻘﯩﻨﻰ ﻛﯚﺭﯛﭖ ﻧﺎﻫﺎﻳﯩﺘﻰ ﺧﯘﺭﺳﻪﻥ ﺑﻮﻟﺪﯗﻡ. ﺋﯘﻻﺭﻧﻰ ﭼﯩﻦ ﻛﯚﯕﻠﯩﻤﯩﺰﺩﯨﻦ ﺗﻪﺑﺮﯨﻜﻠﯩﺸﯩﻤﯩﺰ ﻛﯧﺮﻩﻙ."
ﺳﺎﺑﯩﻖ ﭘﺎﺭﻻﻣﯧﻨﺖ ﺋﻪﺯﺍﺳﻰ ﻓﺎﺭﯗﻕ ﺋﯜﻧﺴﺎﻝ ﺋﻪﭘﻪﻧﺪﻯ ﺩﯗﻧﻴﺎﺩﺍ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﺑﯧﺴﯩﻢ ﺳﯩﻴﺎﺳﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺭﮔﯜﺯﯛﻟﯩﯟﺍﺗﻘﺎﻧﻠﯩﻘﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﮔﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ:"ﺋﯘ ﻳﻪﺭﺩﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﻰ ﺋﯩﻜﻜﻰ ﭘﻪﺭﺯﻩﻧﺖ ﺗﯘﻏﯘﺷﻘﺎ ﺭﯗﺧﺴﻪﺕ ﻗﯩﻠﯩﺪﯨﻜﻪﻥ، ﺋﻪﻣﻤﺎ ﺋﯘ ﻳﻪﺭﺩﯨﻜﻰ ﻗﯧﺮﯨﻨﺪﺍﺷﻠﯩﺮﯨﻤﯩﺰ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﮕﻪ ﭘﯘﻝ ﺑﯧﺮﯨﭙﻤﯘ ﺑﻮﻟﺴﺎ ﺋﯩﻜﻜﯩﺪﯨﻦ ﻛﯚﭖ ﺑﺎﻻ ﺗﯘﻏﯘﭖ، ﻧﻮﭘﯘﺳﻘﺎ ﺋﺎﻟﺪﯗﺭﯗﺵ ﺋﺎﺭﻗﯩﻠﯩﻖ ﺋﯚﺯ ﻧﻮﭘﯘﺳﯩﻨﻰ ﻛﯚﭘﻪﻳﺘﯩﺸﻜﻪ ﺗﯩﺮﯨﺸﯩﯟﯦﺘﯩﭙﺘﯘ. ﻳﻪﻧﻪ ﺑﯩﺮﻯ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻦ ﺧﯩﺘﺎﻳﻐﺎ ﺗﺎﻗﺎﺑﯩﻞ ﺗﯘﺭﯗﺷﻘﺎ ﺗﯩﺮﯨﺸﯩﯟﯦﺘﯩﭙﺘﯘ، ﺋﯜﺭﯛﻣﭽﻰ، ﺧﻮﺗﻪﻥ، ﻗﻪﺷﻘﻪﺭ ﺗﯘﺭﭘﺎﻥ ﻗﺎﺗﺎﺭﻟﯩﻖ ﻳﻪﺭﻟﻪﺭﺩﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﺒﺎﺩﻩﺕ ﻗﯩﻠﯩﺸﻨﻰ ﭼﻪﻛﻠﻪﯞﺍﺗﻘﺎﻥ ﺑﻮﻟﺴﯩﻤﯘ، ﺋﯘ ﻳﻪﺭﺩﯨﻜﻰ ﻣﻪﺳﭽﯩﺘﻠﻪﺭ ﺟﺎﻣﺎﺋﻪﺕ ﺑﯩﻠﻪﻥ ﺗﻮﻟﯘﭖ ﻛﯧﺘﯩﺪﯨﻜﻪﻥ. ﺷﯘﻧﯩﯖﻐﺎ ﻫﻪﻳﺮﺍﻥ ﻗﺎﻟﺪﯨﻢ، ﭼﻮﯓ ﺷﻪﻫﻪﺭﻟﻪﺭﺩﯨﻜﻰ ﻣﻪﺳﭽﯩﺘﻠﻪﺭﻧﯩﯔ ﺋﺎﻟﺪﯨﻐﺎ، ﻣﻪﺳﭽﯩﺘﻜﻪ ﻛﯩﺮﯨﺸﻜﻪ ﺭﯗﺧﺴﻪﺕ ﻗﯩﻠﯩﻨﻤﺎﻳﺪﯨﻐﺎﻥ ﻛﯩﺸﯩﻠﻪﺭ ﻫﻪﻗﻘﯩﺪﯨﻜﻰ ﺋﯘﻗﺘﯘﺭﯗﺵ ﺋﯧﺴﯩﻠﻤﯩﻐﺎﻥ. ﺋﻪﻣﻤﺎ ﻛﯩﭽﯩﻚ ﻳﻪﺭﻟﻪﺭﺩﯨﻜﻰ ﻣﻪﺳﭽﯩﺘﻨﯩﯔ ﺋﯩﺸﯩﻜﯩﻨﯩﯔ ﺋﺎﻟﺪﯨﻐﺎ ﻣﻪﺳﭽﯩﺘﻜﻪ ﻛﯩﺮﯨﺸﻜﻪ ﺑﻮﻟﻤﺎﻳﺪﯨﻐﺎﻥ ﻛﯩﺸﯩﻠﻪﺭ ﻫﻪﻗﻘﯩﺪﯨﻜﻰ ﻫﯚﻛﯜﻣﻪﺗﻨﯩﯔ ﺋﯘﻗﺘﯘﺭﯗﺷﻰ ﺋﯧﺴﯩﻠﻐﺎﻥ. ﺑﯘ ﺩﯗﻧﻴﺎﻧﯩﯔ ﻫﯩﭻ ﻗﺎﻧﺪﺍﻕ ﻳﯧﺮﯨﺪﻩ ﺑﻮﻟﻤﯩﻐﺎﻥ ﺑﯩﺮ ﺋﯩﺶ. ﺋﻮﻳﻼﭖ ﺑﯧﻘﯩﯔ ﻗﺎﻧﺪﺍﻕ ﻳﻪﺭﺩﻩ ﺑﯩﺮ ﺋﯩﺒﺎﺩﻩﺗﺨﺎﻧﯩﻨﯩﯔ ﺋﯩﺸﯩﻜﯩﮕﻪ ﻗﺎﻧﺪﺍﻕ ﻛﯩﺸﯩﻠﻪﺭ ﻣﻪﺳﭽﯩﺘﻜﻪ ﻛﯩﺮﺳﻪ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﻳﯧﺰﯨﻠﻐﺎﻥ؟"
"ﻛﯩﻤﻠﻪﺭ ﻛﯩﺮﺳﻪ ﺑﻮﻟﻤﺎﻳﺪﯨﻜﻪﻥ؟ ﺋﯘ ﺋﯘﻗﺘﯘﺭﯗﺷﻨﻰ ﺋﻮﻗﯘﭖ ﭼﯜﺷﯩﻨﻪﻟﯩﺪﯨﯖﯩﺰﻣﯘ؟" ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﻓﺎﺭﯗﻕ ﺋﯜﻧﺴﺎﻝ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﺪﻯ: "ﻛﻮﻧﺎ ﻳﯧﺰﯨﻖ ﺑﯩﻠﻪﻥ ﻳﯧﺰﯨﻠﻐﺎﭼﻘﺎ ﻣﻪﻥ ﺋﻮﻗﯘﻳﺎﻟﯩﺪﯨﻢ. ﻳﯧﻨﯩﻤﯩﺰﺩﯨﻜﻰ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻣﯘ ﺑﯘﻧﻰ ﺑﯩﺰﮔﻪ ﺗﻪﺭﺟﯩﻤﻪ ﻗﯩﻠﯩﭗ ﺑﻪﺭﺩﻯ. ﺑﯘ ﺋﯘﻗﺘﯘﺭﯗﺷﺘﺎ، ﺋﺎﻳﺎﻟﻼﺭ، 18 ﻳﺎﺷﺘﯩﻦ ﻛﯩﭽﯩﻜﻠﻪﺭ، ﺩﯙﻟﻪﺕ ﻛﺎﺩﯨﺮﻟﯩﺮﻯ، ﭘﺎﺭﺗﯩﻴﻪ ﺋﻪﺯﺍﻟﯩﺮﻯ، ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﻛﺎﺩﯨﺮﻻﺭ ﻣﻪﺳﭽﯩﺘﻜﻪ ﻛﯩﺮﯨﭗ ﺋﯩﺒﺎﺩﻩﺕ ﻗﯩﻠﺴﺎ ﺑﻮﻟﻤﺎﻳﺪﯗ ﺩﻩﭖ ﻳﯧﺰﯨﻠﻐﺎﻥ. ﺑﯘ ﺋﯘﻗﺘﯘﺭﯗﺷﻨﯩﯔ ﻳﯧﻨﯩﺪﺍ ﻣﻪﺳﭽﯩﺘﻨﯩﯔ ﺋﯩﺸﯩﻜﯩﻨﯩﯔ ﺋﺎﻟﺪﯨﺪﺍ ﺑﺎﻟﯩﺴﻰ ﺑﯩﻠﻪﻥ ﻧﺎﻣﺎﺯ ﻗﯩﻠﯩﯟﺍﺗﻘﺎﻥ ﺑﯩﺮ ﺋﺎﻳﺎﻟﻨﻰ ﻛﯚﺭﯛﭖ ﻧﺎﻫﺎﻳﯩﺘﻰ ﺗﻪﺳﯩﺮﻟﻪﻧﺪﯨﻢ ﯞﻩ ﺭﻩﺳﯩﻤﮕﻪ ﺗﺎﺭﺗﯩﯟﺍﻟﺪﯨﻢ. ﭘﯜﺗﯜﻥ ﺩﯗﻧﻴﺎ ﺧﻪﻟﻘﯩﻨﯩﯔ ﺑﯘﻧﻰ ﺑﯩﻠﯩﺸﻰ ﻛﯧﺮﻩﻙ. 21 - ﺋﻪﺳﯩﺮﮔﻪ ﻛﯩﺮﮔﻪﻥ ﻛﯜﻧﯩﻤﯩﺰﺩﻩ ﺑﯘﻧﺪﺍﻕ ﺋﯩﻨﺴﺎﻧﻠﯩﻖ ﻗﯧﻠﯩﭙﯩﺪﯨﻦ ﭼﯩﻘﻘﺎﻥ ﺑﯩﺮ ﺳﯩﻴﺎﺳﻪﺗﻨﯩﯔ ﺗﯧﺨﯩﻐﯩﭽﻪ ﻳﯜﺭﮔﯜﺯﯨﻠﯩﯟﺍﺗﻘﺎﻥ ﺑﻮﻟﯘﺷﯩﺪﯨﻦ ﺋﯩﻨﺴﺎﻧﻠﯩﻖ ﺋﺎﻟﯩﻤﻰ ﺩﻩﺭﺱ ﺋﯧﻠﯩﺸﻰ ﻛﯧﺮﻩﻙ. ﺋﯘﻳﻐﯘﺭﻻﺭ ﺑﯘﻧﭽﯩﯟﺍﻻ ﺩﯨﻨﻰ ﺑﯧﺴﯩﻤﻐﺎ ﻗﺎﺭﯨﻤﺎﺳﺘﯩﻦ ﺩﯨﻨﯩﻲ ﺋﯧﺘﯩﻘﺎﺩﻗﺎ ﺋﻪﻫﻤﯩﻴﻪﺕ ﺑﯧﺮﯨﺸﻰ ﺑﯩﺰﻧﻰ ﺑﻪﻛﻤﯘ ﺗﻪﺳﯩﺮﻟﻪﻧﺪﯛﺭﺩﻯ. ﺋﯘﻳﻐﯘﺭﻻﺭ ﺑﯘﻧﭽﯩﯟﺍﻻ ﺑﯧﺴﯩﻤﻐﺎ ﻗﺎﺭﺷﻰ ﺋﯚﺯ ﻛﯩﻤﻠﯩﻜﯩﻨﻰ ﻗﻮﻏﺪﺍﭖ ﻗﯧﻠﯩﺸﻨﯩﯔ ﻳﻮﻟﯩﻨﻰ ﺗﯧﭙﯩﭙﺘﯘ. ﺑﯩﺰ ﺑﯩﻠﻪﻥ ﺳﯚﺯﻟﯩﺸﯩﺸﺘﯩﻦ ﻗﻮﺭﻗﯘﺩﯨﻜﻪﻥ، ﺷﯘﯕﺎ ﺑﯩﺰﻣﯘ ﺋﯘﻻﺭ ﺑﯩﻠﻪﻥ ﻫﻪﻣﻤﻪ ﮔﻪﭘﻨﻰ ﺩﯦﻴﯩﺸﻤﯩﺪﯗﻕ، ﺋﯘﻻﺭﻧﯩﯔ ﺋﯚﻳﻠﯩﺮﯨﮕﻪ ﺑﯧﺮﯨﭗ ﻣﯧﻬﻤﺎﻥ ﺑﻮﻟﻤﯩﺪﯗﻕ. ﻗﺎﻳﺘﺎ ﺷﯘﻧﻰ ﺩﻩﭖ ﻗﻮﻳﺎﻳﻜﻰ ﺋﯘﻳﻐﯘﺭﻻﺭ ﺋﯚﺯ ﺋﯚﺭﭖ ﺋﺎﺩﻩﺗﻠﯩﺮﯨﻨﻰ، ﺋﯚﺯ ﻣﻪﺩﻩﻧﯩﻴﯩﺘﯩﻨﻰ ﯞﻩ ﺋﯚﺯ ﻛﯩﻤﻠﯩﻜﯩﻨﻰ ﻗﻮﻏﺪﺍﭖ ﻗﯧﻠﯩﺸﻨﯩﯔ ﻳﻮﻟﻨﻰ ﺗﯧﭙﯩﭙﺘﯘ. ﻣﻪﻥ ﺋﯘﻻﺭﻧﻰ ﭼﯩﻦ ﻛﯚﯕﻠﯜﻣﺪﯨﻦ ﺗﻪﺑﺮﯨﻜﻠﻪﻳﻤﻪﻥ."

ﻛﻮﺳﺮﺍﭖ ﻗﯩﺮﻏﯩﻨﭽﯩﻠﯩﻘﯩﻨﯩﯔ ﺑﯩﺮ ﻳﯩﻠﻠﯩﻘﻰ

2008.01.07

ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ 2007 - ﻳﯩﻠﻠﯩﻖ ﺋﻮﻣﯘﻣﯩﻲ ﺳﯩﻴﺎﺳﻰ ﯞﻩﺯﯨﻴﯩﺘﯩﮕﻪ ﻧﻪﺯﻩﺭ ﺳﺎﻟﻐﯩﻨﯩﻤﯩﺰﺩﺍ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺑﯘ ﺑﯩﺮ ﻳﯩﻠﯩﻨﯩﯖﻤﯘ ﺧﯘﺩﺩﻯ ﺋﺎﯞﺍﻟﻘﻰ ﻳﯩﻠﻼﺭﺩﯨﻦ ﭘﻪﺭﻗﺴﯩﺰ ﻫﺎﻟﺪﺍ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺩﯙﻟﻪﺕ ﺗﯧﺮﺭﻭﺭﻯ ﺳﯩﻴﺎﺳﯩﺘﯩﻨﯩﯔ ﯞﻩﻫﯩﻤﯩﺴﻰ ﯞﻩ ﺑﯘ ﺭﻩﻫﯩﻤﺴﯩﺰ ﺳﯩﻴﺎﺳﻪﺕ ﺗﯜﭘﻪﻳﻠﯩﺪﯨﻦ ﺷﻪﻛﯩﻠﻠﻪﻧﮕﻪﻥ ﺳﯩﻴﺎﺳﻰ ﺑﻮﺭﺍﻥ - ﭼﺎﭘﻘﯘﻧﻼﺭ ﺋﯩﭽﯩﺪﻩ ﺋﯚﺗﻜﻪﻧﻠﯩﻜﯩﻨﻰ ﻛﯚﺭﯛﯞﯦﻠﯩﺶ ﺗﻪﺱ ﺋﻪﻣﻪﺱ.
ﺋﻪﺭﻛﯩﻦ ﺩﯗﻧﻴﺎ ﺧﻪﻟﻘﻠﯩﺮﻯ 2007 - ﻳﯩﻠﯩﻐﺎ ﻗﻪﺩﻩﻡ ﺑﺎﺳﻘﺎﻧﻠﯩﻘﯩﻨﻰ ﻛﯚﺭﻛﻪﻡ ﯞﻩ ﺭﻩﯕﺪﺍﺭ ﺳﺎﻟﻴﯘﺗﻼﺭ ﺑﯩﻠﻪﻥ ﻗﯘﺗﻠﯘﻗﻼﯞﺍﺗﻘﺎﻥ ﻛﯜﻧﻠﻪﺭﺩﻩ، ﭘﺎﻣﯩﺮ ﯞﺍﺩﯨﺴﯩﺪﯨﻦ ﻛﻪﻟﮕﻪﻥ ﻣﯩﻠﺘﯩﻖ - ﺯﻩﻣﺒﯩﺮﻩﻙ ﺋﺎﯞﺍﺯﻯ، ﺋﯘﻳﻐﯘﺭ ﺧﻪﻟﻘﯩﻨﻰ ﺑﯘ ﻳﯩﻞ ﺋﯩﭽﯩﺪﯨﻤﯘ ﻳﻪﻧﻪ ﻣﯘﺳﯩﺒﻪﺕ ﯞﻩ ﺋﺎﺯﺍﭖ - ﺋﻮﻗﯘﺑﻪﺗﻠﻪﺭﻧﻰ ﻛﯜﺗﯩﯟﺍﺗﻘﺎﻧﻠﯩﻘﯩﻨﯩﯔ ﺧﻪﯞﻩﺭﭼﯩﺴﻰ ﺋﯩﺪﻯ. ﻫﻪﻗﯩﻘﻪﺗﻪﻧﻤﯘ ﺷﯘﻧﺪﺍﻕ ﺑﻮﻟﺪﻯ.
ﺧﯘﺩﺩﻯ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻏﺎ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، 2007 - ﻳﯩﻠﻰ 1 - ﺋﺎﻳﻨﯩﯔ 5 - ﻛﯜﻧﻰ ﺧﯩﺘﺎﻳﻨﯩﯔ ﺗﻮﻟﯘﻕ ﻗﻮﺭﺍﻟﻼﻧﻐﺎﻥ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ، " ﺗﯧﺮﺭﻭﺭﭼﯩﻼﺭﻧﻰ ﺋﺎﺧﺘﯘﺭﯗﭖ ﺗﯘﺭﯗﺵ " ﺩﯦﮕﻪﻥ ﺑﺎﻫﺎﻧﻪ ﺑﯩﻠﻪﻥ ﺋﺎﻗﺘﯘ ﻧﺎﻫﯩﻴﯩﺴﯩﻨﯩﯔ ﻛﻮﺳﺮﺍﭖ ﻳﯧﺰﯨﺴﯩﻨﻰ ﻗﺎﺗﻤﯘ - ﻗﺎﺕ ﻗﻮﺭﺷﯩﯟﯦﻠﯩﭗ، ﺑﯘ ﻳﯧﺰﺍ ﺗﻪﯞﻩﺳﯩﺪﯨﻜﻰ ﻣﯘﺯﻟﯘﻕ ﺗﺎﻏﻼﺭﺩﺍ ﺧﯩﺘﺎﻳﻨﯩﯔ ﺯﯨﻴﺎﻧﻜﻪﺷﻠﯩﻜﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ ﻳﻮﺷﯘﺭﯗﻧﯘﭖ ﻳﯜﺭﯛﺷﻜﻪ ﻣﻪﺟﺒﯘﺭ ﺑﻮﻟﻐﺎﻥ ﺋﯘﻳﻐﯘﺭ ﺳﯩﻴﺎﺳﯩﻲ ﻗﺎﭼﻘﯘﻧﻼﺭﻏﺎ ﻗﺎﺭﯨﺘﺎ ﻛﻪﯓ ﻛﯚﻟﻪﻣﻠﯩﻚ ﻫﯘﺟﯘﻡ ﻗﻮﺯﻏﯩﻐﺎﻥ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺷﯘ ﻗﯧﺘﯩﻤﻘﻰ ﻗﯩﺮﻏﯩﻨﭽﯩﻠﯩﻘﺘﺎ 18 ﻧﻪﭘﻪﺭ ﺋﯘﻳﻐﯘﺭ ﺳﯩﻴﺎﺳﯩﻲ ﻗﺎﭼﻘﯘﻥ ﺭﻩﻫﯩﻤﺴﯩﺰﻟﻪﺭﭼﻪ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻥ، 17 ﻧﻪﭘﯩﺮﻯ ﻗﻮﻟﻐﺎ ﺋﯧﻠﯩﻨﻐﺎﻥ، ﺧﯩﺘﺎﻱ ﺗﻪﺭﻩﭘﺘﯩﻦ ﺑﻮﻟﺴﺎ ﺑﯩﺮ ﺋﻪﺳﻜﻪﺭ ﺋﯚﻟﮕﻪﻥ، ﺑﯩﺮﻯ ﻳﺎﺭﯨﻼﻧﻐﺎﻥ ﺋﯩﺪﻯ.
ﮔﻪﺭﭼﻪ ﻛﻮﺳﺮﺍﭖ ﻗﯩﺮﻏﯩﻨﭽﯩﻠﯩﻘﻰ ﻳﯜﺯ ﺑﻪﺭﮔﯩﻨﯩﮕﻪ ﺑﯩﺮ ﻳﯩﻞ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﯞﻩﻗﻪﻧﯩﯔ ﺯﻩﻧﺠﯩﺮﺳﯩﻤﺎﻥ ﺋﯩﻨﻜﺎﺳﻰ ﻫﺎﺯﯨﺮﻏﺎ ﻗﻪﺩﻩﺭ ﺩﺍﯞﺍﻡ ﻗﯩﻠﯩﭗ ﻛﻪﻟﻤﻪﻛﺘﻪ. ﻣﻪﺳﯩﻠﻪﻥ 2007 - ﻳﯩﻠﻰ 11 - ﺋﺎﻳﻨﯩﯔ 8 - ﻛﯜﻧﻰ، ﻛﻮﺳﺮﺍﭖ ﯞﻩﻗﻪﺳﻰ ﺑﯩﻠﻪﻥ ﭼﯧﺘﯩﺸﻠﯩﻘﻰ ﺑﺎﺭ ﺩﻩﭖ ﻗﺎﺭﺍﻟﻐﺎﻥ ﺋﺎﺑﺪﯗﯞﻩﻟﻰ ﺋﯩﻤﯩﻦ ﻗﺎﺗﺎﺭﻟﯩﻖ 6 ﻧﻪﭘﻪﺭ ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻨﯩﯔ ﺧﯩﺘﺎﻱ ﺳﻮﺗﻰ ﺗﻪﺭﯨﭙﯩﺪﯨﻦ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻧﻠﯩﻘﻰ، ﻳﯩﻞ ﺑﯧﺸﯩﺪﺍ ﺑﺎﺷﻼﻧﻐﺎﻥ ﺑﯘ ﻗﯩﺮﻏﯩﻨﭽﯩﻠﯩﻘﻨﯩﯔ ﻗﯘﻳﺮﯗﻗﯩﻨﯩﯔ ﺗﯧﺨﻰ ﺋﯜﺯﯛﻟﻤﯩﮕﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ ﺗﯘﺭﻣﺎﻗﺘﺎ.
ﺋﻪﻟﯟﻩﺗﺘﯩﻜﻰ ﻛﻮﺳﺮﺍﭖ ﻗﯩﺮﻏﯩﻨﭽﯩﻠﯩﻘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻛﯧﻴﯩﻨﻜﻰ ﻳﯩﻠﻼﺭﺩﺍ ﻳﯜﺯ ﺑﻪﺭﮔﻪﻥ ﺯﻭﺭ ﺳﯩﻴﺎﺳﻰ ﯞﻩﻗﻪﻟﻪﺭﻧﯩﯔ ﺑﯩﺮﻯ ﺳﯜﭘﯩﺘﯩﺪﻩ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺩﯨﻘﻘﻪﺕ - ﺋﯧﺘﯩﺒﺎﺭﯨﻨﻰ ﻗﻮﺯﻏﯩﻐﺎﻥ، ﮔﻪﺭﭼﻪ ﺧﻪﻟﻘﺌﺎﺭﺍﻟﯩﻖ ﻛﯩﺸﯩﻠﯩﻚ ﻫﻮﻗﻮﻕ ﺗﻪﺷﻜﯩﻼﺗﻠﯩﺮﻯ ﯞﻩ ﻧﻮﭘﯘﺯﻟﯘﻕ ﭼﻪﺗﺌﻪﻝ ﻣﻪﺗﺒﯘﺋﺎﺗﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﯩﺪﯨﻦ ﺑﯘ ﻗﯧﺘﯩﻤﻘﻰ ﯞﻩﻗﻪﻧﯩﯔ ﻫﻪﻗﯩﻘﯩﻲ ﺟﻪﺭﻳﺎﻧﯩﻨﻰ ﺩﯗﻧﻴﺎﻏﺎ ﺋﺎﺷﻜﺎﺭﯨﻼﺷﻨﻰ ﯞﻩ ﺗﻮﻗﯘﻧﯘﺷﺘﺎ ﺋﯚﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﻛﯩﻤﻠﯩﻜﻠﯩﺮﯨﻨﻰ ﺋﯧﻼﻥ ﻗﯩﻠﯩﺸﻨﻰ ﻛﯚﭖ ﻗﯧﺘﯩﻢ ﺗﻪﻟﻪﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﺋﻮﺭﯗﻧﻠﯘﻕ ﺗﻪﻟﻪﭘﻠﻪﺭﻧﻰ ﺭﻩﺕ ﻗﯩﻠﯩﭗ ﻛﻪﻟﺪﻯ.
ﺋﻪﻣﻤﺎ ﺧﯩﺘﺎﻳﻨﯩﯔ ﺋﯚﺯﯨﻨﯩﯔ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﻪﺯﻯ ﺋﯘﭼﯘﺭﻻﺭ، ﺧﯩﺘﺎﻱ ﺋﻪﺳﻜﻪﺭﻟﯩﺮﯨﻨﯩﯔ ﻛﻮﺳﺮﺍﭘﺘﺎ ﺋﯘﻳﻐﯘﺭ ﺳﯩﻴﺎﺳﯩﻲ ﻗﺎﭼﻘﯘﻧﻼﺭﻏﺎ ﻗﺎﺭﯨﺘﺎ ﻗﻮﻏﻼﭖ ﺗﯘﺗﯘﺵ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻧﻠﻪﻱ ﻗﯩﺮﯨﭗ ﻳﻮﻗﯩﺘﯩﺶ ﺗﺎﻛﺘﯩﻜﯩﺴﯩﻨﻰ ﻗﻮﻟﻼﻧﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﻪﺭﮔﻪﻥ ﺋﯩﺪﻯ.
" ﺷﯩﻨﺠﺎﯓ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ" ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﺋﺎﺧﺒﺎﺭﺍﺗﺘﺎ، ﻛﻮﺳﺮﺍﭘﺘﺎ ﻳﻮﺷﯘﺭﯗﻧﯘﭖ ﻳﯜﺭﮔﻪﻥ ﺋﯘﻳﻐﯘﺭ ﺳﯩﻴﺎﺳﯩﻲ ﻗﺎﭼﻘﯘﻧﻼﺭﻧﯩﯔ ﺳﺎﻧﻰ 50 ﻧﻪﭘﻪﺭﺩﯨﻦ ﺋﺎﺭﺗﯘﻕ ﺩﻩﭖ ﻛﯚﺭﺳﯩﺘﯩﻠﮕﻪﻥ ﺷﯘﻧﺪﺍﻗﻼ ﺑﯘﻻﺭﻧﯩﯔ ﻫﻪﻣﻤﯩﺴﯩﻨﯩﯔ ﺋﻪﻣﻪﺱ، ﭘﻪﻗﻪﺗﻼ ﺑﯩﺮ ﻗﯩﺴﻤﯩﻨﯩﯔ ﻗﻮﻟﯩﺪﺍ ﺋﯚﺯﻟﯩﺮﻯ ﻳﺎﺳﯩﯟﺍﻟﻐﺎﻥ ﻳﻪﺭﻟﯩﻚ ﻗﻮﺭﺍﻟﻨﯩﯔ ﺑﺎﺭﻟﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ ﺋﯩﺪﻯ، ﺋﻪﻣﻤﺎ ﺑﯘ 50 ﻧﻪﭼﭽﻪ ﻧﻪﭘﻪﺭ ﻛﯩﺸﯩﮕﻪ، ﭼﯩﺶ - ﺗﯩﺮﻧﯩﻘﯩﻐﯩﭽﻪ ﺯﺍﻣﺎﻧﯩﯟﯨﻲ ﻗﻮﺭﺍﻟﻼﺭ ﺑﯩﻠﻪﻥ ﻗﻮﺭﺍﻟﻼﻧﻐﺎﻥ 1000 ﺩﯨﻦ ﺋﺎﺭﺗﯘﻕ ﺧﯩﺘﺎﻱ ﺋﻪﺳﻜﯩﺮﻯ ﺭﻩﻫﯩﻤﺴﯩﺰﻟﻪﺭﭼﻪ ﻫﯘﺟﯘﻡ ﻗﯩﻠﻐﺎﻥ.
ﻣﻪﺳﯩﻠﻪﻥ، ﺧﯩﺘﺎﻳﻨﯩﯔ " ﻳﻪﺭ ﺷﺎﺭﻯ ﮔﯧﺰﯨﺘﻰ " ﻧﯩﯔ 2007 - ﻳﯩﻠﻰ 1 - ﺋﺎﻳﻨﯩﯔ 16 - ﻛﯜﻧﯩﺪﯨﻜﻰ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﮔﯧﺰﯨﺘﻨﯩﯔ ﻣﯘﺧﺒﯩﺮﻯ ﭼﻪﻥ ﮔﺎﯓ ﻧﻪﻕ ﻣﻪﻳﺪﺍﻧﻨﻰ ﺯﯨﻴﺎﺭﻩﺕ ﻗﯩﻠﯩﺶ ﻣﻪﻗﺴﯩﺘﯩﺪﻩ، ﯞﻩﻗﻪ ﻳﯜﺯ ﺑﯧﺮﯨﭗ 2 - ﻛﯜﻧﻰ ﺑﯧﻴﺠﯩﯖﺪﯨﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﭘﺎﻣﯩﺮ ﺭﺍﻳﻮﻧﯩﻐﺎ ﻗﺎﺭﺍﭖ ﻳﻮﻟﻐﺎ ﭼﯩﻘﻘﺎﻥ ﯞﻩ 1 - ﺋﺎﻳﻨﯩﯔ 10 - ﻛﯜﻧﻰ ﺋﺎﻗﺘﯘﻧﯩﯔ ﻛﻮﺳﺮﺍﭖ ﻳﯧﺰﯨﺴﯩﻐﺎ ﻳﯧﺘﯩﭗ ﺑﺎﺭﻏﺎﻥ.
ﺧﯩﺘﺎﻱ ﻣﯘﺧﺒﯩﺮﻯ، ﺋﺎﻗﺘﯘﺩﯨﻦ ﻛﻮﺳﺮﺍﭖ ﻳﯧﺰﯨﺴﯩﻐﺎ ﺑﺎﺭﻏﯩﭽﻪ، ﻳﻪﺭﻟﯩﻚ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﻳﻮﻝ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﺋﯩﻜﻜﻰ ﺗﻪﻛﺸﯜﺭﯛﺵ ﭼﺎﺯﯨﺴﯩﺪﯨﻦ ﺋﯚﺗﻜﻪﻥ. ﻳﻪﺭﻟﯩﻚ ﺳﺎﻗﭽﯩﻼﺭﻧﯩﯔ ﻣﯘﺧﺒﯩﺮﻏﺎ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯘ ﺗﻪﻛﺸﯜﺭﯛﺵ ﭼﺎﺯﯨﻠﯩﺮﻯ ﯞﻩﻗﻪﺩﯨﻦ ﺑﯩﺮ ﻛﯜﻥ ﺑﯘﺭﯗﻥ، ﻳﻪﻧﻰ، 1 - ﺋﺎﻳﻨﯩﯔ 4 - ﻛﯜﻧﻰ ﻗﯘﺭﯗﻟﻐﺎﻥ. ﻣﯘﺧﺒﯩﺮ ﭼﻪﻥ ﮔﺎﯓ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﺪﻩ، ﺑﯘﺧﯩﻞ ﭼﺎﺯﯨﻼﺭﻧﯩﯔ ﺋﺎﺗﺎﻟﻤﯩﺶ " ﺗﯧﺮﺭﻭﺭﭼﯩﻼﺭ " ﻧﻰ ﺗﯘﺗﯘﺵ ﻫﻪﺭﯨﻜﯩﺘﯩﺪﻩ ﻧﺎﻫﺎﻳﯩﺘﻰ ﻣﯘﻫﯩﻢ ﺭﻭﻝ ﺋﻮﻳﻨﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ ﻛﯧﻠﯩﭗ، ﻳﻪﺭﻟﯩﻚ ﺳﺎﻗﭽﯩﻼﺭﺩﯨﻦ ﺋﯩﮕﯩﻠﯩﺸﯩﭽﻪ، ﺗﯧﺨﻰ ﺑﯩﺮ ﻧﻪﭼﭽﻪ ﻛﯜﻥ ﺑﯘﺭﯗﻧﻼ ﻛﻮﺳﺮﺍﭘﻘﺎ ﻗﻮﺷﻨﺎ ﺑﻮﻟﻐﺎﻥ ﺋﺎﺭﯨﺘﺎﺵ ﻳﯧﺰﯨﺴﯩﺪﺍ ﻗﯘﺭﯗﻟﻐﺎﻥ ﭼﺎﺯﯨﺪﯨﻜﻰ ﺳﺎﻗﭽﻰ ﯞﻩ ﻗﻮﻏﺪﯨﻐﯘﭼﯩﻼﺭﻧﯩﯔ، ﺑﯘ ﻗﯧﺘﯩﻤﻘﻰ ﺗﻮﻗﯘﻧﯘﺷﺘﯩﻦ ﻗﯧﭽﯩﭗ ﻗﯘﺗﯘﻟﻐﺎﻥ ﺑﯩﺮ ﻣﯘﺳﺘﻪﻗﯩﻠﻠﯩﻖ ﺟﻪﯕﭽﯩﺴﯩﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ، ﺑﯘ ﻣﯘﺳﺘﻪﻗﯩﻠﻠﯩﻖ ﺟﻪﯕﭽﯩﺴﯩﻨﯩﯔ ﻗﻪﻫﺮﯨﺘﺎﻥ ﺳﻮﻏﯘﻗﺘﺎ ﺗﺎﻏﻠﯩﻖ ﺩﺍﻻﺩﺍ 5 ﻛﯜﻥ ﻳﻮﻝ ﻳﯜﺭﯛﭖ ﻫﺎﻟﯩﺪﯨﻦ ﻛﻪﺗﻜﻪﻧﻠﯩﻜﯩﻨﻰ، ﻗﻮﻟﻐﺎ ﺋﯧﻠﯩﻨﻐﺎﻧﺪﺍ ﺋﯘﻧﯩﯔ ﻳﯧﻨﯩﺪﯨﻦ ﺋﯚﺭﯛﻙ ﯞﻩ ﭼﯩﻼﻥ ﻗﯧﻘﻰ ﭼﯩﻘﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ.
ﻣﯘﺧﺒﯩﺮ ﻳﻪﻧﻪ، ﺑﯘﻧﺪﺍﻕ ﺗﻪﻛﺸﯜﺭﯛﺵ ﭼﺎﺯﯨﻠﯩﺮﯨﻨﯩﯔ ﭘﯜﺗﯜﻥ ﭼﻮﯓ - ﻛﯩﭽﯩﻚ ﻳﻮﻟﻼﺭﻏﺎ ﻗﺎﺗﻤﯘ - ﻗﺎﺕ ﻗﯘﺭﯗﻟﻐﺎﻧﻠﯩﻘﯩﻨﻰ، ﻣﯘﺳﺘﻪﻗﯩﻠﻠﯩﻖ ﺟﻪﯕﭽﯩﻠﯩﺮﯨﻨﯩﯔ ﺑﯘ ﺗﻮﺭﺩﯨﻦ ﻗﯘﺗﯘﻟﯘﭖ ﭼﯩﻘﯩﭗ ﻛﯧﺘﯩﺸﯩﻨﯩﯔ ﻧﺎﻫﺎﻳﯩﺘﻰ ﺗﻪﺳﻠﯩﻜﯩﻨﻰ ﺋﯩﺰﺍﻫﻼﭖ ﺋﯚﺗﻜﻪﻥ.
ﻣﯘﺧﺒﯩﺮ ﭼﻪﻥ ﮔﺎﯓ، ﻛﻮﺳﺮﺍﭖ ﻳﯧﺰﯨﺴﯩﺪﺍ ﺋﯩﻨﺴﺎﻧﻼﺭﻧﯩﯔ ﻧﺎﻫﺎﻳﯩﺘﻰ ﺋﺎﺯ ﺋﯩﻜﻪﻧﻠﯩﻜﯩﻨﻰ، ﻫﻪﺭﯨﻜﻪﺕ ﺋﯧﻠﯩﭗ ﺑﯧﺮﯨﻠﻐﺎﻥ ﻛﯜﻧﻰ ﺑﯘﻳﻪﺭﺩﯨﻜﻰ ﺳﺎﻗﭽﻰ ﯞﻩ ﺋﻪﺳﻜﻪﺭﻟﻪﺭﻧﯩﯔ ﺳﺎﻧﯩﻨﯩﯔ 1000 ﺩﯨﻦ ﺋﺎﺷﻘﺎﻧﻠﯩﻘﯩﻨﻰ، 30 - 40 ﻣﺎﺷﯩﻨﺎ ﺋﻪﺳﻜﻪﺭ ﻛﻪﻟﮕﻪﻧﻠﯩﻜﯩﻨﻰ، ﺋﻪﺗﺮﺍﭘﻨﻰ ﭘﯜﺗﯜﻧﻠﻪﻱ ﻫﻪﺭﺑﯩﻲ ﭼﯧﺪﯨﺮﻻﺭﻧﯩﯔ ﻗﺎﭘﻼﭖ ﻛﻪﺗﻜﻪﻧﻠﯩﻜﯩﻨﻰ، ﻳﻪﺭﻟﯩﻚ ﺋﯘﻳﻐﯘﺭ ﺋﻪﺭﻟﯩﺮﯨﻨﯩﯔ ﺑﯩﺮ ﻳﻪﺭﮔﻪ ﺗﻮﭘﻠﯘﺷﯘﭖ ﺋﻮﻟﺘﯘﺭﯗﭖ ﻣﻮﺧﯘﺭﻛﺎ ﭼﯧﻜﯩﯟﺍﺗﻘﺎﻧﻠﯩﻘﯩﻨﻰ، ﺑﺎﻟﯩﻼﺭﻧﯩﯔ ﺑﻮﻟﺴﺎ ﻣﯘﺯ ﺗﯘﺗﻘﺎﻥ ﺋﯧﺮﯨﻘﻼﺭﺩﺍ ﺋﯚﺯﻟﯩﺮﻯ ﻳﺎﺳﯩﯟﺍﻟﻐﺎﻥ ﭼﺎﻧﯩﻠﯩﺮﯨﻨﻰ ﻫﻪﻳﺪﻩﭖ ﺋﻮﻳﻨﯩﺸﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ.
ﺩﯦﻤﻪﻙ، ﺧﯩﺘﺎﻱ ﻣﯘﺧﺒﯩﺮﻯ ﭼﻪﻥ ﮔﺎﯕﻨﯩﯔ ﻳﯘﻗﯩﺮﯨﻘﻰ ﻧﻪﻕ ﻣﻪﻳﺪﺍﻥ ﺯﯨﻴﺎﺭﻩﺕ ﺧﺎﺗﯩﺮﯨﺴﯩﺪﯨﻨﻤﯘ، 1000 ﺩﯨﻦ ﺋﺎﺭﺗﯘﻕ ﺧﯩﺘﺎﻱ ﺋﻪﺳﻜﯩﺮﯨﻨﯩﯔ، ﺳﺎﻧﻰ ﺗﻪﺧﻤﯩﻨﻪﻥ 50 ﺋﻪﺗﺮﺍﭘﯩﺪﯨﻜﻰ ﯞﻩ ﻛﯚﭘﯩﻨﭽﯩﺴﯩﻨﯩﯔ ﻗﻮﻟﯩﺪﺍ ﻗﻮﺭﺍﻟﯩﻤﯘ ﺑﻮﻟﻤﯩﻐﺎﻥ ﻣﯘﺳﺘﻪﻗﯩﻠﻠﯩﻖ ﺟﻪﯕﭽﯩﻠﯩﺮﯨﻨﻰ ﻗﺎﺗﻤﯘ - ﻗﺎﺕ ﻗﻮﺭﺷﯩﯟﺍﻟﻐﺎﻧﻠﯩﻘﯩﻨﻰ ﯞﻩ ﺋﯘﻻﺭﻏﺎ ﺯﺍﻣﺎﻧﯩﯟﯨﻲ ﻗﻮﺭﺍﻟﻼﺭ ﺑﯩﻠﻪﻥ ﺭﻩﻫﯩﻤﺴﯩﺰﻟﻪﺭﭼﻪ ﻫﯘﺟﯘﻡ ﻗﯩﻠﻐﺎﻧﻠﯩﻘﯩﻨﻰ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺑﯘﻳﻪﺭﺩﻩ ﭘﯜﺗﯜﻧﻠﻪﻱ ﻗﯩﺮﯨﭗ ﻳﻮﻗﯩﺘﯩﺶ ﺗﺎﻛﺘﯩﻜﯩﺴﯩﻨﻰ ﻗﻮﻟﻼﻧﻐﺎﻧﻠﯩﻘﯩﻨﻰ ﻛﯚﺭﯛﯞﯦﻠﯩﺶ ﺗﻪﺱ ﺋﻪﻣﻪﺱ.
" ﺟﻪﻧﻮﺑﯩﻲ ﺟﯘﯕﮕﻮ ﺋﺎﺧﺒﺎﺭﺍﺕ ﺗﻮﺭﻯ " ﻧﯩﯔ ﻣﯘﺧﺒﯩﺮﯨﻨﯩﯔ ﻧﻪﻕ ﻣﻪﻳﺪﺍﻧﻨﻰ ﺯﯨﻴﺎﺭﻩﺕ ﻗﯩﻠﯩﭗ ﻳﺎﺯﻏﺎﻥ ﯞﻩ 2007 - ﻳﯩﻠﻰ 1 - ﺋﺎﻳﻨﯩﯔ 17 - ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺴﯩﺪﻩ ﻳﻪﻛﻪﻥ ﻧﺎﻫﯩﻴﯩﻠﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻨﯩﯔ ﻛﺎﺩﯨﺮﻯ ﺋﻪﻣﻪﺗﺠﺎﻥ ﺳﺎﯞﯗﺗﻨﯩﯔ، " ﺑﯩﺰ ﺋﯚﺗﻜﻪﻥ ﻳﯩﻠﻨﯩﯔ ﺋﺎﺧﯩﺮﯨﺪﯨﻼ ﺑﯘﻳﺮﯗﻕ ﺗﺎﭘﺸﯘﺭﯗﭖ ﺋﺎﻟﻐﺎﻥ ﺋﯩﺪﯗﻕ، ﺑﯘﻳﺮﯗﻗﻘﺎ ﺋﺎﺳﺎﺳﻪﻥ، ﻗﺎﻏﯩﻠﯩﻖ، ﻳﯧﯖﯩﺴﺎﺭ، ﭘﻪﻳﺰﯨﯟﺍﺕ، ﻳﻪﻛﻪﻥ، ﺋﺎﻗﺘﯘ ﻗﺎﺗﺎﺭﻟﯩﻖ ﻧﺎﻫﯩﻴﯩﻠﻪﺭﺩﯨﻜﻰ ﺳﺎﻗﭽﯩﻼﺭﻧﯩﯔ ﻫﻪﻣﻤﯩﺴﻰ ﻛﻮﺳﺮﺍﭘﻘﺎ ﻳﯧﺘﯩﭗ ﻛﯧﻠﯩﭗ، ﺑﯘ ﻳﯧﺰﯨﻨﻰ ﻗﺎﺗﻤﯘ - ﻗﺎﺕ ﻗﻮﺭﺷﯩﯟﺍﻟﺪﯗﻕ، ﺑﯩﺰ ﻗﻮﺭﺷﺎﺷﻨﻰ ﺗﺎﻣﺎﻣﻠﯩﻐﺎﻧﺪﯨﻦ ﻛﯧﻴﯩﻦ، 1 - ﺋﺎﻳﻨﯩﯔ 4 - ﻛﯜﻧﻰ ﻗﻪﺷﻘﻪﺭﺩﯨﻦ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﻯ 3 ﺗﯩﻚ ﺋﯘﭼﺎﺭ ﺋﺎﻳﺮﯗﭘﯩﻼﻥ ﺑﯩﻠﻪﻥ ﻳﯧﺘﯩﭗ ﻛﻪﻟﺪﻯ " ﺩﯦﮕﻪﻥ ﺳﯚﺯﻟﯩﺮﻯ ﻳﻪﺭ ﺋﺎﻟﻐﺎﻥ ﺑﻮﻟﯘﭖ، ﺑﯘﻣﯘ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻛﯜﭼﻠﯩﺮﻯ ﺑﯩﻠﻪﻥ ﺋﺎﻟﺪﯨﻦ ﻫﯧﭽﻘﺎﻧﺪﺍﻕ ﺩﯨﺌﺎﻟﻮﮒ ﺋﯧﻠﯩﭗ ﺑﺎﺭﻣﯩﻐﺎﻧﻠﯩﻘﯩﻨﻰ، ﺋﯘﻻﺭﻧﻰ ﭘﯜﺗﯜﻧﻠﻪﻱ ﻗﯩﺮﯨﭗ ﺗﯜﮔﯩﺘﯩﺶ ﭘﯩﻼﻧﯩﻨﻰ ﺧﯧﻠﻰ ﺑﯘﺭﯗﻧﻼ ﺗﯜﺯﯛﭖ ﭼﯩﻘﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺗﯘﺭﻣﺎﻗﺘﺎ.
ﺑﻪﺯﻯ ﻏﻪﻳﺮﻯ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻼﺭﺩﺍ، ﻛﻮﺳﺮﺍﭖ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﺑﯘﻳﺎﻥ، ﺧﯩﺘﺎﻱ ﺋﻪﺳﻜﻪﺭﻟﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻘﻴﺎﺳﻰ ﺑﯘﻳﯩﭽﻪ ﺋﻮﻣﯘﻣﻴﯜﺯﻟﯜﻙ ﺋﺎﺧﺘﯘﺭﯗﭖ ﺗﯘﺗﯘﺵ ﻫﻪﺭﯨﻜﯩﺘﻰ ﻗﻮﺯﻏﺎﭖ، ﺗﻪﺧﻤﯩﻨﻪﻥ 1500 ﮔﻪ ﻳﯧﻘﯩﻦ ﺋﯘﻳﻐﯘﺭﻧﻰ، " ﺗﯧﺮﺭﻭﺭ ﮔﯘﻣﺎﻧﺪﺍﺭﻯ" ﺩﻩﭖ ﻗﻮﻟﻐﺎ ﺋﺎﻟﻐﺎﻧﻠﯩﻘﻰ ﻗﻪﻳﺖ ﻗﯩﻠﯩﻨﻐﺎﻥ ﺋﯩﺪﻯ.

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺋﻮﺗﺘﯘﺭﺍ ﺷﻪﺭﻗﻘﻪ ﻗﺎﺭﯨﺘﺎ ﺯﯨﻴﺎﺭﯨﺘﯩﻨﻰ ﺑﺎﺷﻠﯩﺪﻯ

2008.01.08
ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ، ﺳﻪﻳﺸﻪﻧﺒﻪ ﻛﯜﻧﻰ ﺗﯜﺭﻛﯩﻴﻪ ﭘﺮﯦﺰﯨﺪﯦﻨﺘﻰ ﺋﺎﺑﺪﯗﻟﻼ ﮔﯜﻝ ﺑﯩﻠﻪﻥ ﻛﯚﺭﯛﺷﻜﻪﻧﺪﯨﻦ ﻛﯧﻴﯩﻦ، ﺋﯩﺮﺍﻗﻨﻰ ﻗﺎﻳﺘﺎ ﻗﯘﺭﯗﺵ ﻣﻪﺳﯩﻠﯩﺴﻰ ﺋﯜﺳﺘﯩﺪﯨﻜﻰ ﺗﯧﻠﯧﻔﻮﻥ ﺳﯚﻫﺒﯩﺘﯩﻨﻰ ﺋﺎﺧﯩﺮﻻﺷﺘﯘﺭﯗﭖ ﻛﻪﭼﺘﻪ ﺋﻮﺗﺘﯘﺭﺍ ﺷﻪﺭﻗﻘﻪ ﻗﺎﺭﺍﭖ ﻳﯜﺭﯛﭖ ﻛﻪﺗﻜﻪﻥ.
ﺑﯘ ﺋﺎﺑﺪﯗﻟﻼ ﮔﯜﻟﻨﯩﯔ ﭘﺮﯦﺰﯨﺪﯦﻨﺖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﺎﻣﯧﺮﯨﻜﯩﺪﺍ ﺑﯩﺮﯨﻨﭽﻰ ﻗﯧﺘﯩﻢ ﺯﯨﻴﺎﺭﻩﺗﺘﻪ ﺑﻮﻟﯘﺷﻰ ﻫﯧﺴﺎﺑﻠﯩﻨﯩﺪﯗ.
ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘﺷﻨﯩﯔ ﺋﺎﺑﺪﯗﻟﻼ ﮔﯜﻝ ﺑﯩﻠﻪﻥ ﺋﯘﭼﺮﯨﺸﯩﺸﯩﺪﯨﻜﻰ ﻣﯘﻫﯩﻢ ﺳﯚﻫﺒﻪﺕ ﺗﯧﻤﯩﺴﻰ ﺋﯩﺮﺍﻗﻨﯩﯔ ﺷﯩﻤﺎﻟﯩﺪﯨﻜﻰ ﻛﯘﺭﺩ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﮕﻪ ﻫﯘﺟﯘﻡ ﻗﯩﻠﯩﺶ ﻣﻪﺳﯩﻠﯩﺴﻰ ﺑﻮﻟﯘﭖ، ﺋﯘﻧﯩﯖﺪﯨﻦ ﺑﺎﺷﻘﺎ ﺋﺎﻓﻐﺎﻧﯩﺴﺘﺎﻥ ﻣﻪﺳﯩﻠﯩﺴﻰ ﯞﻩ ﺗﯜﺭﻛﯩﻴﯩﻨﯩﯔ ﻳﺎﯞﺭﯗﭘﺎ ﺑﯩﺮﻟﯩﻜﯩﮕﻪ ﺋﻪﺯﺍ ﺑﻮﻟﯘﺵ ﻣﻪﺳﯩﻠﯩﻠﯩﺮﻯ ﺋﯜﺳﺘﯩﺪﯨﻤﯘ ﻣﯘﺯﺍﻛﯩﺮﯨﻠﻪﺭ ﺑﻮﻟﻐﺎﻥ.
ﺋﻮﺗﺘﯘﺭﺍ ﺷﻪﺭﻗﻘﻪ ﻳﯜﺭﯛﺵ ﺋﺎﻟﺪﯨﺪﺍ ﺑﯘﺵ ﻣﻪﺧﭙﯩﻲ ﺗﯧﻠﯧﻔﻮﻥ ﺳﯚﻫﺒﯩﺘﻰ ﺋﯚﺗﻜﯜﺯﯛﭖ ﺋﯩﺮﺍﻗﺘﯩﻜﻰ ﺋﺎﻣﯧﺮﯨﻜﺎ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﯞﻩﺯﯨﭙﯩﻠﯩﺮﻯ ﯞﻩ ﻗﺎﻳﺘﺎ ﻗﯘﺭﯗﻟﯘﺵ ﺋﯩﺸﻠﯩﺮﻯ ﺋﯜﺳﺘﯩﺪﻩ ﻣﯘﻫﯩﻢ ﻳﻮﻟﻴﻮﺭﯗﻗﻠﯩﺮﯨﻨﻰ ﺑﻪﺭﮔﻪﻥ. ﺑﯘﺵ ﺑﯘ ﻗﯧﺘﯩﻤﻠﯩﻖ ﺋﻮﺗﺘﯘﺭﺍ ﺷﻪﺭﻕ ﺯﯨﻴﺎﺭﯨﺘﯩﻨﻰ ﺋﯩﺴﺮﺍﺋﯩﻠﯩﻴﯩﺪﯨﻦ ﺑﺎﺷﻠﯩﻤﺎﻗﭽﻰ ﺑﻮﻟﯘﭖ، ﺑﯘ ﺋﯘﻧﯩﯔ ﭘﺮﯦﺰﯨﺪﯦﻨﺘﻠﯩﻖ ﻣﯚﻫﻠﯩﺘﻰ ﺗﻮﺷﯘﺵ ﺋﺎﻟﺪﯨﺪﯨﻜﻰ ﺋﻮﺗﺘﯘﺭﺍ ﺷﻪﺭﻗﻘﻪ ﻗﺎﺭﺍﺗﻘﺎﻥ ﺋﻪﯓ ﺋﯘﺯﯗﻥ ﻣﯘﺩﺩﻩﺗﻠﯩﻚ، ﺗﻪﯞﻩﻛﻜﯜﻟﻠﯜﻙ ﺳﻪﭘﯩﺮﻯ ﺑﻮﻟﯘﭖ ﻗﯧﻠﯩﺸﻰ ﻣﯘﻣﻜﯩﻦ. ﺑﯘﺵ ﺋﻮﺗﺘﯘﺭﺍ ﺷﻪﺭﻕ ﺳﻪﭘﯩﺮﯨﺪﻩ ﻳﻪﻧﻪ ﭘﻪﻟﻪﺳﺘﯩﻦ، ﻛﯘﯞﻩﻳﺖ، ﺋﻪﺭﻩﭖ ﺑﯩﺮﻟﻪﺷﻤﻪ ﺧﻪﻟﯩﭙﯩﻠﯩﻜﻰ،ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻫﻪﻡ ﻣﯩﺴﯩﺮﻻﺭﺩﺍ ﺗﻮﺧﺘﺎﭖ ﺋﯚﺗﻤﻪﻛﭽﻰ.
ﺑﯘﺷﻨﯩﯔ ﺋﻮﺗﺘﯘﺭﺍ ﺷﻪﺭﻗﻘﻪ ﻗﺎﺭﺍﺗﻘﺎﻥ ﺑﯘ ﺯﯨﻴﺎﺭﯨﺘﻰ11 - ﺋﺎﻳﺪﺍ ﺋﺎﻣﯧﺮﯨﻜﯩﺪﺍ ﺋﯧﭽﯩﻠﻐﺎﻥ ﺋﻮﺗﺘﯘﺭﺍ ﺷﻪﺭﻕ ﺗﯩﻨﭽﻠﯩﻖ ﺳﯚﻫﺒﯩﺘﯩﺪﯨﻦ ﻛﯧﻴﯩﻦ ﺋﯩﺴﺮﺍﺋﯩﻠﯩﻴﻪ ﺑﯩﻠﻪﻥ ﭘﻪﻟﻪﺳﺘﯩﻨﻨﻰ ﺗﯩﻨﭽﻠﯩﻖ ﺋﯜﭼﯜﻥ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﺸﻜﻪ ﺭﯨﻐﺒﻪﺗﻠﻪﻧﺪﯛﺷﻨﻰ ﻫﻪﻣﺪﻩ ﺋﻪﺭﻩﭖ ﺩﯙﻟﻪﺗﻠﯩﺮﯨﻨﯩﯔ ﺋﯩﺴﺮﺍﺋﯩﻠﯩﻴﻪ ﭘﻪﻟﻪﺳﺘﯩﻦ ﺗﯩﻨﭽﻠﯩﻘﯩﻐﺎ ﺑﻮﻟﻐﺎﻥ ﻳﺎﺭﺩﯨﻤﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ. ﺷﯘﻧﺪﺍﻗﻼ ﺑﯘ ﺑﯘﺷﻨﯩﯔ ﺗﯘﻧﺠﻰ ﻗﯧﺘﯩﻢ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻠﯩﻖ ﺳﺎﻻﻫﯩﺘﻰ ﺑﯩﻠﻪﻥ ﺋﯩﺴﺮﺍﺋﯩﻠﯩﻴﻪ ﻫﻪﻡ ﭘﻪﻟﻪﺳﺘﯩﻨﺪﻩ ﺯﯨﻴﺎﺭﻩﺗﺘﻪ ﺑﻮﻟﯘﺷﯩﺪﯗﺭ.ﺋﯘ ﺑﯘ ﺟﻪﺭﻳﺎﻧﺪﺍ ﺋﯩﺮﺍﻥ ﯞﻩ ﺋﻮﺗﺘﯘﺭﺍ ﺷﻪﺭﻕ ﺗﯩﻨﭽﻠﯩﻖ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﻣﯘﺯﺍﻛﯩﺮﯨﻠﻪﺭﮔﻪ ﻗﺎﺗﻨﯩﺸﯩﺪﯗ.
ﺑﯘﺵ ﺋﻮﺗﺘﯘﺭﺍ ﺷﻪﺭﻕ ﺯﯨﻴﺎﺭﯨﺘﯩﻨﻰ ﺑﺎﺷﻼﺷﺘﯩﻦ ﺑﯘﺭﯗﻥ، ﻳﻪﻧﻰ ﯞﺍﺷﯩﻨﮕﺘﻮﻧﺪﯨﻦ ﺋﺎﻳﺮﯨﻠﯩﺶ ﺋﺎﻟﺪﯨﺪﺍ، ﺋﻮﺗﺘﯘﺭﺍ ﺷﻪﺭﻕ ﺗﯩﻨﭽﻠﯩﻘﯩﻨﯩﯔ ﺷﻪﺭﺗﻠﯩﺮﻯ ﭘﯩﺸﯩﭗ ﻳﯧﺘﯩﻠﮕﻪﻧﻠﯩﻜﯩﮕﻪ ﺋﯩﺸﻪﻧﮕﻪﻧﻠﯩﻜﻰ ﺋﯜﭼﯜﻥ ﺑﯘ ﺯﯨﻴﺎﺭﯨﺘﯩﻨﻰ ﺑﺎﺷﻠﯩﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ ﻫﻪﻣﺪﻩ "ﺋﻮﺗﺘﯘﺭﺍ ﺷﻪﺭﻕ ﺋﺎﻣﯧﺮﯨﻜﯩﻐﺎ ﻧﯩﺴﺒﻪﺗﻪﻥ ﺋﻪﯓ ﻣﯘﻫﯩﻢ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﺭﺍﻳﻮﻥ، ﻣﻪﻥ ﺑﯘ ﻗﯧﺘﯩﻤﻠﯩﻖ ﺯﯨﻴﺎﺭﯨﺘﯩﻤﻨﻰ ﺑﺎﺷﻼﺷﻘﺎ ﺗﻪﻗﻪﺯﺯﺍ"ﺩﻩﭖ ﺑﯩﻠﺪﯛﺭﮔﻪﻥ.

ﺋﯜﭺ ﺑﻮﻏﯘﺯ ﺳﯘ ﺗﻮﺳﻤﯩﺴﯩﻨﯩﯔ ﭘﺎﻳﺪﯨﺴﯩﺪﯨﻦ ﺯﯨﻴﯩﻨﻰ ﻛﯚﭖ

1992- ﻳﯩﻠﻰ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﻗﺎﺭﺍﺭ ﻣﺎﻗﯘﻟﻼﭖ، ﭼﺎﯕﺠﻴﺎﯓ ﺩﻩﺭﻳﺎﺳﯩﻨﯩﯔ ﻳﯘﻗﯩﺮﻯ ﺋﯧﻘﯩﻤﯩﺪﯨﻜﻰ ﭼﯘﯕﭽﯩﯔ ﺷﻪﻫﯩﺮﻯ ﺭﺍﻳﻮﻧﻰ ﯞﻩ ﺧﯘﺑﯧﻲ ﺋﯚﻟﻜﯩﺴﻰ ﭼﯧﮕﺮﯨﻠﯩﻨﯩﺪﯨﻐﺎﻥ ﺟﯘﻏﺮﺍﭘﯩﻴﯩﻠﯩﻚ ﺋﻮﺭﯗﻧﻨﻰ ﺗﻮﺳﯘﭖ ﺳﯘ ﺋﺎﻣﺒﯩﺮﻯ ﻗﻮﺭﯗﺵ ﭘﯩﻼﻧﯩﻨﻰ ﺗﻪﺳﺘﯩﻘﻠﯩﻐﺎﻧﺪﯨﻦ ﻛﯩﻴﯩﻦ، ﻣﻪﺯﻛﯘﺭ ﻗﯘﺭﯗﻟﯘﺵ 1994- ﻳﯩﻠﻰ 12- ﺋﺎﻳﻨﯩﯔ 1994- ﻳﯩﻠﻰ ﺭﻩﺳﻤﯩﻲ ﺑﺎﺷﻼﻧﻐﺎﻥ ﺋﯩﺪﻯ.
ﺋﯜﭺ ﺑﻮﻏﯘﺯ ﺳﯘ ﺗﻮﺳﻤﯩﺴﻰ ﻧﯘﺭﻏﯘﻥ ﻣﻪﺳﯩﻠﯩﻠﻪﺭﮔﻪ ﺳﻪﯞﻩﺏ ﺑﻮﻟﻤﺎﻗﺘﺎ
ﺧﯩﺘﺎﻳﻨﯩﯔ ﭘﯩﻼﻧﯩﻐﺎ ﻗﺎﺭﯨﻐﺎﻧﺪﺍ، ﺑﯘ ﻗﯘﺭﯗﻟﯘﺵ 2009- ﻳﯩﻠﻰ ﺗﻮﻟﯘﻕ ﺗﺎﻣﺎﻣﻠﯩﻨﯩﭗ 3 ﺑﻮﻏﯘﺯ ﺳﯘ ﺋﺎﻣﺒﯩﺮﯨﻐﺎ ﭘﯜﺗﯜﻧﻠﻪﻱ ﺳﯘ ﺗﻮﻟﺪﯗﺭﯗﻟﯩﺪﯗ. ﻫﺎﻟﺒﯘﻛﻰ، ﺳﯘ ﻳﯜﺯﯨﻨﯩﯔ ﻳﯘﻗﯩﺮﻯ ﻛﯚﺗﯜﺭﯛﻟﯜﺷﯩﮕﻪ ﺋﻪﮔﯩﺸﯩﭗ، ﺑﯘ ﻗﯘﺭﯗﻟﯘﺵ ﻫﻪﻗﻘﯩﺪﻩ ﻫﻪﺭ ﺧﯩﻞ ﻣﯘﻧﺎﺯﯨﺮﯨﻠﻪﺭ ﻣﻪﻳﺪﺍﻧﻐﺎ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺑﯘﻧﯩﯔ ﺋﯩﭽﯩﺪﻩ ﺳﯘ ﺋﺎﺳﺘﯩﺪﺍ ﻗﯩﻠﯩﯟﺍﺗﻘﺎﻥ ﺧﯩﺘﺎﻱ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﻠﯩﺮﻯ ﯞﻩ ﻛﯚﭼﯜﺵ ﭘﯘﻟﯩﻐﺎ ﺋﯧﺮﯨﺸﻪﻟﻤﯩﮕﻪﻥ ﻳﻪﺭﻟﯩﻜﻠﻪﺭ ﺋﯘﭼﺮﺍﯞﺍﺗﻘﺎﻥ ﻣﻪﺳﯩﻠﯩﻠﻪﺭ، ﺋﺎﺩﻩﻡ ﻛﯚﭼﯜﺭﯛﺵ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻥ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭ ﯞﻩ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺖ ﻣﻪﺳﯩﻠﯩﺴﻰ ﺋﻪﯓ ﺩﯨﻘﻘﻪﺗﻜﻪ ﺳﺎﺯﺍﯞﻩﺭ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ ﻗﯩﺴﻤﯩﺪﯗﺭ.
ﻫﺎﺯﯨﺮﻏﺎ ﻛﻪﻟﮕﯩﭽﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﭺ ﺑﻮﻏﯘﺯ ﺗﻮﺳﻤﯩﺴﯩﺪﯨﻦ ﭘﺎﻳﺪﯨﻠﯩﻨﯩﭗ ﻏﺎﻳﻪﺕ ﺯﻭﺭ ﻣﯩﻘﺪﺍﺭﺩﺍ ﺗﻮﻙ ﺋﯩﺸﻠﻪﭘﭽﯩﻘﯩﺮﯨﭗ ﺋﯧﻨﯧﺮﮔﯩﻴﻪ ﺋﯧﻬﺘﯩﻴﺎﺟﯩﻨﻰ ﻗﺎﻧﺪﯗﺭﯗﺵ ﯞﻩ ﻛﯚﻣﯜﺭ ﻗﺎﻻﺵ ﺋﺎﺭﻗﯩﻠﯩﻖ ﻫﺎﯞﺍﻏﺎ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻥ ﻛﺎﺭﺑﻮﻥ ﺗﯚﺕ ﺋﻮﻛﺴﯩﺪﯨﻨﻰ ﺋﺎﺯﻟﯩﺘﯩﺶ ﭘﯩﻼﻧﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﻏﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻛﻪﻟﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﻪﻧﻘﯩﺪﭼﯩﻠﻪﺭ ﺑﯘ ﻗﯘﺭﯗﻟﯘﺷﻨﯩﯔ ﻣﯩﻠﻴﻮﻧﻠﯩﻐﺎﻥ ﻛﯩﺸﯩﻠﻪﺭﻧﻰ ﻛﯚﭼﯜﺭﯛﺵ ﯞﻩ ﻗﻮﺷﻨﺎ ﺭﺍﻳﻮﻧﻼﺭﺩﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﺗﻪﯕﭙﯘﯕﻠﯘﻗﻨﻰ ﺑﯘﺯﯗﺵ ﺑﻪﺩﯨﻠﯩﮕﻪ ﯞﯗﺟﯘﺗﻘﺎ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﺋﯩﺪﻯ.
ﺋﯜﭺ ﺑﻮﻏﯘﺯ ﺳﯘ ﺗﻮﺳﻤﯩﺴﻰ ﺭﺍﻳﻮﻧﯩﺪﯨﻦ ﻳﻪﻧﻪ 400 ﻣﯩﯔ ﺋﺎﺩﻩﻡ ﻳﯚﺗﻜﯩﻠﯩﺪﯗ
ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﺋﺎﻣﻤﯩﯟﯨﻲ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﻛﯚﺭﺳﯩﺘﯩﺸﯩﭽﻪ، ﺋﯘﭺ ﺑﻮﻏﯘﺯ ﺳﯘ ﺋﺎﻣﺒﯩﺮﻯ ﺳﯘ ﻳﯜﺯﯨﻨﯩﯔ ﻛﯧﯖﯩﻴﯩﺸﯩﮕﻪ ﺋﻪﮔﯩﺸﯩﭗ، ﻳﯧﯖﯩﺪﯨﻦ ﺳﯘ ﺑﯧﺴﯩﭗ ﻛﯧﺘﯩﺶ ﺧﻪﯞﭘﻰ ﺑﺎﺭ ﺯﯦﻤﯩﻦ 400 ﻛﯟﺍﺩﺭﺍﺕ ﺋﯩﻨﮕﻠﯩﺰ ﻣﯩﻠﻰ ﻳﺎﻛﻰ ﺗﻪﺧﻤﯩﻨﻪﻥ 1035 ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮﻏﺎ ﻫﻪﻣﺪﻩ، ﻳﻪﻧﻪ ﺑﺎﺷﻘﺎ ﺟﺎﻳﻼﺭﻏﺎ ﻳﯧﯖﯩﺪﯨﻦ ﻳﯚﺗﻜﯩﻠﯩﺪﯨﻐﺎﻥ ﺋﺎﺩﻩﻡ 400 ﻣﯩﯖﻐﺎ ﻳﯧﺘﯩﺪﯨﻜﻪﻥ.
ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﻛﯚﺭﺳﯩﺘﯩﻠﯩﺸﯩﭽﻪ، ﮔﻪﺭﭼﻪ ﻫﯚﻛﯜﻣﻪﺕ ﻛﯚﭼﻤﻪﻧﻠﻪﺭﻧﯩﯔ ﻛﯚﭼﯜﺵ ﯞﻩ ﻳﯧﯖﻰ ﺟﺎﻳﻼﺭﻏﺎ ﺟﺎﻳﻠﯩﺸﯩﺶ ﺋﯩﺸﻠﯩﺮﯨﻐﺎ ﻧﯘﺭﻏﯘﻥ ﭘﯘﻝ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﭘﯘﻝ ﭼﯩﺮﯨﻚ ﺑﺎﺷﻠﯩﻘﻼﺭﻧﯩﯔ ﭼﯚﻧﺘﯩﻜﯩﮕﻪ ﭼﯜﺷﯜﭖ ﻛﻪﺗﻜﻪﻥ ﺑﻮﻟﯘﭖ، ﭘﯘﻗﺮﺍﻻﺭﻏﺎ ﺗﻪﮔﻤﯩﮕﻪﻥ.
ﻫﺎﺯﯨﺮ ﺑﯘ ﺭﺍﻳﻮﻧﺪﯨﻦ ﻛﯚﭼﯜﭖ ﻛﯧﺘﯩﺶ ﺋﺎﻟﺪﯨﺪﺍ ﺗﯘﺭﻏﺎﻥ ﻓﯘ ﺷﻴﯘﯓ ﺋﯩﺴﯩﻤﻠﯩﻚ ﺑﯩﺮ ﺩﯦﻬﻘﺎﻧﻨﯩﯔ ﺋﺎﻣﯧﺮﯨﻜﺎ ﺋﺎﯞﺍﺯﯨﻐﺎ ﺑﯩﻠﺪﯛﺭﯛﺷﯩﭽﻪ، ﻫﯚﻛﯜﻣﻪﺕ ﺋﯘﻻﺭﻧﻰ ﻛﯚﭼﯜﺭﯛﺷﻜﻪ ﯞﻩﺩﻩ ﻗﯩﻠﻐﺎﻥ ﭘﯘﻝ ﻗﻮﻟﯩﻐﺎ ﺗﻪﮔﻤﯩﮕﻪﻧﻠﯩﻜﻰ ﺋﯜﭼﯜﻥ ﺋﯘ ﻫﺎﺯﯨﺮ ﻛﯚﭼﯜﺷﻜﻪ ﭼﯩﻘﯩﺶ ﻗﯩﻼﻟﻤﺎﻳﺪﯨﻜﻪﻥ.
ﺗﻮﺳﻤﺎ ﺭﺍﻳﻮﻧﯩﺪﯨﻦ ﻛﯚﭼﯜﺭﯛﻟﮕﻪﻥ ﺋﺎﺩﻩﻡ 1.5 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ
ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻮﺳﻤﺎ ﺭﺍﻳﻮﻧﯩﺪﯨﻦ ﻫﺎﺯﯨﺮﻏﺎ ﻛﻪﻟﮕﯜﭼﻪ 1 ﻳﯧﺮﯨﻢ ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺋﺎﺩﻩﻣﻠﻪﺭﻧﻰ ﻛﯚﭼﯜﺭﯛﭖ ﺑﻮﻟﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺑﯩﺮ ﻗﯩﺴﻤﻰ ﻗﻮﺷﻨﺎ ﺭﺍﻳﻮﻧﻼﺭﺩﺍ ﻳﯧﯖﯩﺪﯨﻦ ﺑﻪﺭﭘﺎ ﻗﯩﻠﯩﻨﻐﺎﻥ ﺋﻮﻟﺘﯘﺭﺍﻕ ﺭﺍﻳﻮﻧﻼﺭﻏﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﻛﯩﺸﯩﻠﻪﺭ ﺗﯘﺭﻣﯘﺵ ﭼﯩﻘﯩﻤﻰ ﻳﯘﻗﯩﺮﻯ ﺑﻮﻟﻐﺎﭼﻘﺎ ﺑﯘ ﻳﯧﯖﻰ ﺋﻮﻟﺘﯘﺭﺍﻕ ﺭﺍﻳﻮﻧﻼﺭﺩﺍ ﺩﺍﯞﺍﻣﻠﯩﻖ ﺗﯘﺭﯗﺷﻘﺎ ﺋﺎﻣﺎﻟﺴﯩﺰ ﻗﺎﻟﻐﺎﻥ ﯞﻩ ﻧﯘﺭﻏﯘﻧﻠﯩﺮﻯ ﺑﺎﺷﻘﺎ ﻳﯘﺭﺗﻼﺭﻏﺎ ﻛﯚﭼﯜﭖ ﻛﻪﺗﻜﻪﻥ.
ﺳﯜﻧﺌﯩﻲ ﻛﯚﭘﻪﻳﺘﯩﻠﮕﻪﻥ ﻧﻮﭘﯘﺱ ﺋﯘﻳﻐﯘﺭ ﺋﯩﻠﻰ ﺗﻪﺑﯩﺌﯩﻲ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﯩﻐﺎ ﺯﻭﺭ ﺗﻪﻫﺪﯨﺖ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﻳﺪﯨﻐﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻴﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯜﭺ ﺑﻮﻏﯘﺯ ﺗﻮﺳﻤﺎ ﺭﺍﻳﻮﻧﯩﻐﺎ ﻗﻮﺷﻨﺎ ﺟﺎﻳﻼﺭﻧﯩﯔ ﻧﻮﭘﯘﺱ ﺯﯨﭽﻠﯩﻘﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺑﻮﻟﻐﺎﭼﻘﺎ ﺧﯩﺘﺎﻳﻼﺭ ﺑﯘ ﺋﺎﺭﺗﯘﻕ ﻧﻮﭘﯘﺳﻨﻰ ﭘﯩﻼﻧﻠﯩﻖ ﯞﻩ ﻳﺎﻛﻰ ﭘﯩﻼﻧﺴﯩﺰ ﻫﺎﻟﺪﺍ ﺋﯘﻳﻐﯘﺭ ﺋﯧﻠﯩﮕﻪ ﻛﯚﭼﯜﺭﯛﭖ ﻛﻪﻟﮕﻪﻥ ﺑﻮﻟﯘﭖ، ﺑﯘ ﺳﯜﻧﺌﯩﻲ ﻛﯚﭘﻪﻳﺘﯩﻠﮕﻪﻥ ﻧﻮﭘﯘﺱ ﺋﯘﻳﻐﯘﺭ ﺋﯩﻠﻰ ﺗﻪﺑﯩﺌﯩﻲ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﯩﻐﺎ ﻳﻮﺷﯘﺭﯗﻥ ﯞﻩ ﺋﺎﺷﻜﺎﺭﺍ ﺗﻪﻫﺪﯨﺘﻠﻪﺭﻧﻰ ﺳﯧﻠﯩﭗ ﺗﯘﺭﻣﺎﻗﺘﺎ ﺋﯩﻜﻪﻥ.
ﺋﯘﻧﯩﯔ ﺋﯧﻴﺘﯩﺸﯩﭽﻪ، ﻫﺎﺯﯨﺮﻏﺎ ﻛﻪﻟﮕﯩﭽﻪ ﺋﯘﻳﻐﯘﺭ ﺋﯧﻠﯩﻨﯩﯔ ﻧﻮﭘﯘﺳﻰ 1954- ﻳﯩﻠﻰ 4 ﻣﯩﻠﻴﻮﻥ ﺋﻪﺗﺮﺍﭘﯩﺪﺍ ﺑﻮﻟﯘﭖ، 2000- ﻳﯩﻠﯩﻐﺎ ﻛﻪﻟﮕﻪﻧﺪﻩ 19 ﻣﯩﻠﻴﻮﻧﺪﯨﻦ ﺋﯧﺸﯩﭗ ﺋﻪﺳﻠﯩﺪﯨﻜﯩﺪﯨﻦ 15 ﻣﯩﻠﻴﻮﻧﺪﯨﻦ ﻛﯚﭘﺮﻩﻙ ﺋﺎﺷﻘﺎﻥ. ﺑﯘﻻﺭﻧﯩﯔ ﺋﯩﭽﯩﺪﻩ ﺧﯩﺘﺎﻳﻼﺭﻧﯩﯔ ﻧﻮﭘﯘﺳﻰ 25 ﻫﻪﺳﺴﻪ ﻛﯚﭘﻪﻳﮕﻪﻥ ﺑﻮﻟﯘﭖ، ﺋﻪﻛﺴﯩﭽﻪ ﺑﯘ ﺭﺍﻳﻮﻧﺪﺍ ﺗﯘﻏﯘﻟﯘﭖ ﺋﯚﺳﻜﻪﻥ ﺋﯘﻳﻐﯘﺭﻻﺭﻧﯩﯔ ﻧﻮﭘﯘﺳﻰ 2.5 ﻫﻪﺳﺴﻪ ﻛﯚﭘﻪﻳﮕﻪﻥ.
ﻧﻮﭘﯘﺳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺷﯘﻧﭽﻪ ﺗﯩﺰ ﻛﯚﭘﯩﻴﯩﭗ ﻛﯧﺘﯩﺸﻨﯩﯔ ﺋﯘﻳﻐﯘﺭﻻﺭﻧﯩﯔ ﺋﯩﺠﺘﯩﻤﺎﺋﯩﻲ ﻫﺎﻳﺎﺗﯩﻐﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺋﻮﻏﯘﺯ ﺋﻪﭘﻪﻧﺪﻯ، ﻧﻮﭘﯘﺳﻨﯩﯔ ﺳﯜﻧﺌﯩﻲ ﻫﺎﻟﺪﺍ ﻛﯚﭘﯩﻴﯩﺸﻰ ﺋﯘﻳﻐﯘﺭ ﺋﯧﻠﯩﺪﻩ ﻗﯘﺗﯘﭘﻠﯩﺸﯩﺶ ﻫﺎﺩﯨﺴﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺶ ﻣﯘﻣﻜﯩﻨﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ.
ﺋﻮﻏﯘﺯ ﺋﻪﭘﻪﻧﺪﻯ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺑﻮﻟﯘﭖ، ﺋﯘ ﺋﺎﻣﯧﺮﯨﻜﯩﺪﺍ ﺟﻪﻣﺌﯩﻴﻪﺕ ﺷﯘﻧﺎﺳﻠﯩﻖ ﺑﯘﻳﯩﭽﻪ ﻣﺎﮔﯩﺴﺘﯩﺮﻟﯩﻖ ﺋﯘﻧﯟﺍﻧﯩﻐﺎ ﺋﯧﺮﯨﺸﻜﻪﻥ.
ﺳﯘ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﯩﺪﯨﻦ ﻫﺎﺳﯩﻞ ﻗﯩﻠﯩﻨﻐﺎﻥ ﺋﯧﻨﯧﺮﮔﯩﻴﯩﻨﻰ ﻳﯧﯖﯩﻠﯩﻐﯩﻠﻰ ﺑﻮﻟﯩﺪﯨﻐﺎﻥ ﺋﯧﻨﯧﺮﮔﯩﻴﻪ ﺩﯦﻴﯩﺸﻜﻪ ﺑﻮﻟﻤﺎﻳﺪﯗ
ﮔﻪﺭﭼﻪ ﺋﯜﭺ ﺑﻮﻏﯘﺯ ﺳﯘ ﺋﯩﻨﺸﺎﺋﺎﺗﻰ ﻗﯘﺭﯗﻟﯘﺷﻰ ﺧﯩﺘﺎﻳﻨﯩﯔ ﺋﯚﺯ ﺋﯩﭽﯩﺪﻩ ﻫﻪﺭ ﺧﯩﻞ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﻨﯩﯔ ﺑﯘ ﻗﯘﺭﯗﻟﯘﺷﻘﺎ ﻣﻪﺳﺌﯘﻝ ﺧﺎﺩﯨﻤﻠﯩﺮﻯ ﻣﻪﺯﻛﯘﺭ ﻗﯘﺭﯗﻟﯘﺷﺘﯩﻦ ﻛﯚﭘﻠﻪﭖ ﻳﯧﯖﯩﻠﯩﻐﯩﻠﻰ ﺑﻮﻟﯩﺪﯨﻐﺎﻥ ﺋﯧﻨﯧﺮﮔﯩﻴﻪ ﻫﺎﺳﯩﻞ ﻗﯩﻠﻐﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﺎﺧﯩﺮﻗﻰ ﻫﯧﺴﺎﺑﺘﺎ ﺋﯧﺮﯨﺸﯩﻠﯩﺪﯨﻐﺎﻥ ﭘﺎﻳﺪﯨﻨﯩﯔ ﻳﻪﻧﯩﻼ ﻛﯚﭖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﻤﻪﻛﺘﻪ.
ﺋﺎﻣﯧﺮﯨﻜﺎ ﺋﺎﯞﺍﺯﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﯜﭺ ﺑﻮﻏﯘﺯ ﺳﯘ ﺋﯩﻨﺸﺎﺋﺎﺗﻰ ﻗﯘﺭﯗﻟﯘﺷﻘﺎ ﻣﻪﺳﺌﯘﻝ ﺳﯘﻥ ﺟﯩﻴﯘﻧﯩﯔ ﺩﯦﻴﯩﺸﯩﭽﻪ، ﺑﯘ ﻗﯘﺭﯗﻟﯘﺵ ﭘﯜﺗﻜﻪﻧﺪﯨﻦ ﻛﯧﻴﯩﻦ ﺋﯧﺮﯨﺸﯩﺪﯨﻐﺎﻥ ﻣﻪﻧﭙﻪﺋﻪﺕ ﺋﯘﭼﺮﯨﻐﺎﻥ ﺯﯨﻴﺎﻧﺪﯨﻦ ﻳﯘﻗﯩﺮﻯ ﺑﻮﻟﯩﺪﯨﻜﻪﻥ.
ﻧﻴﯘ-ﻳﻮﺭﻙ ﯞﺍﻗﯩﺖ ﮔﯧﺰﯨﺘﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﺷﯩﭽﻪ، ﻫﺎﺯﯨﺮ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﺘﻪ ﺧﯩﺘﺎﻳﻨﯩﯔ ﺋﯜﭺ ﺑﻮﻏﯘﺯ ﺳﯘ ﺗﻮﺳﻤﯩﻐﺎ ﺋﻮﺧﺸﺎﺵ ﺯﻭﺭ ﻛﯚﻟﻪﻣﻠﯩﻚ ﺳﯘ ﺋﯩﻨﺸﺎﺋﺎﺕ ﻗﯘﺭﯗﻟﯘﺷﻰ ﻫﻪﻗﻘﯩﺪﻩ ﺋﯘ ﻗﺎﻟﺪﯗﺭﯨﺪﯨﻐﺎﻥ ﺋﺎﺳﺎﺭﻩﺗﻠﻪﺭ ﯞﻩ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﭘﺎﺭﺍﻛﻪﻧﺪﯨﭽﯩﻠﯩﻚ ﺗﯜﭘﻪﻳﻠﻰ ﻛﯜﭼﻠﯜﻙ ﺑﻪﺱ-ﻣﯘﻧﺎﺯﯨﺮﯨﻠﻪﺭ ﻣﻪﻳﺪﺍﻧﻐﺎ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﻧﯘﺭﻏﯘﻧﻠﯩﻐﺎﻥ ﻣﯘﺗﻪﺧﻪﺳﺴﯩﺴﻠﻪﺭ ﺳﯘ ﺋﯧﻠﯧﻜﺘﺮ ﺋﯩﺴﺘﺎﻧﺴﯩﺴﯩﺪﯨﻦ ﻫﺎﺳﯩﻞ ﻗﯩﻠﯩﻨﻐﺎﻥ ﺋﯧﻨﯧﺮﮔﯩﻴﯩﻨﻰ، ﺋﯘ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﯩﺠﺘﯩﻤﺎﺋﯩﻲ ﺯﯨﻴﺎﻥ ﯞﻩ ﻣﯘﻫﯩﺘﻘﺎ ﻛﻪﻟﺘﯜﺭﯨﺪﯨﻐﺎﻥ ﺑﯘﺯﻏﯘﻧﭽﯩﻠﯩﻘﻰ ﺗﯜﭘﻪﻳﻠﻰ ﻳﯧﯖﯩﻠﯩﻐﯩﻠﻰ ﺑﻮﻟﯩﺪﯨﻐﺎﻥ ﺋﯧﻨﯧﺮﮔﯩﻴﻪ ﺩﯦﻴﯩﺸﻜﻪ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻤﺎﻗﺘﺎ.
ﺋﺎﻣﯧﺮﯨﻜﯩﺪﯨﻤﯘ ﻧﯘﺭﻏﯘﻥ ﺯﻭﺭ ﻛﯚﻟﻪﻣﻠﯩﻚ ﺳﯘ ﺋﺎﻣﺒﺎﺭﻟﯩﺮﻯ ﺑﺎﺭ ﺑﻮﻟﯘﭖ، ﻣﯘﻫﯩﺖ ﻣﻪﺳﯩﻠﯩﺴﻰ ﺗﯜﭘﻪﻳﻠﻰ ﻫﺎﺯﯨﺮ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯘ ﺧﯩﻠﯩﺪﯨﻜﻰ ﻗﯘﺭﯗﻟﯘﺷﻼﺭﻧﻰ ﻣﻪﺑﻠﻪﻍ ﺑﯩﻠﻪﻥ ﺗﻪﻣﯩﻨﻠﻪﺷﻨﻰ ﺗﻮﺧﺘﺎﺗﺘﻰ.

ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﻰ ﺧﯩﺘﺎﭘﻨﺎﻣﯩﺴﻰ ﺋﯧﻼﻥ ﻗﯩﻠﯩﻨﺪﻯ

2008.01.01
ﭼﻪﺗﺌﻪﻟﻠﻪﺭﺩﯨﻜﻰ ﺧﯩﺘﺎﻱ ﺩﯦﻤﻮﻛﺮﺍﺗﻠﯩﺮﯨﻨﯩﯔ ﺗﻮﺭ ﺑﻪﺗﻠﯩﺮﯨﻨﯩﯔ 2008 - ﻳﯩﻠﻰ 1 - ﻳﺎﻧﯟﺍﺭ ﺧﻪﯞﻩﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﻨﯩﯔ ﭼﻪﺗﺌﻪﻟﺪﯨﻜﻰ ﺩﯦﻤﻮﻛﺮﺍﺗﻠﯩﺮﻯ، ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﺭﻩﺳﻤﯩﻲ ﻗﯘﺭﯗﻟﻐﺎﻧﻠﯩﻘﯩﻨﻰ ﺟﺎﻛﺎﺭﻻﭖ، ﺋﯚﺯﯨﻨﯩﯔ ﺧﯩﺘﺎﭘﻨﺎﻣﯩﺴﯩﻨﻰ ﺋﯧﻼﻥ ﻗﯩﻠﺪﻯ. ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﻰ، ﭼﻪﺗﺌﻪﻟﺪﯨﻜﻰ ﺧﯩﺘﺎﻳﻼﺭﻧﯩﯔ ﭼﯧﮕﺮﯨﺴﯩﺰ، ﺋﯩﻘﺘﯩﺴﺎﺩﯨﻲ ﻣﻪﻧﭙﻪﺋﻪﺗﺴﯩﺰ ﺗﻪﺷﻜﯩﻼﺗﻰ، ﺋﯚﺗﻜﯜﻧﭽﻰ ﻫﯚﻛﯜﻣﻪﺕ ﺧﯩﺘﺎﻱ ﺗﯘﭘﺮﯨﻘﯩﻐﺎ ﻳﻪﺭﻟﯩﺸﯩﺸﺘﯩﻦ ﺑﯘﺭﯗﻥ، ﺋﻪﺯﺍﻻﺭﻏﺎ ﺩﯙﻟﻪﺕ ﺗﻪﯞﻩﻟﯩﻜﻰ، ﻛﯩﻤﻠﯩﻚ، ﻳﺎﺵ ﭼﻪﻛﻠﯩﻤﯩﻠﯩﺮﻯ ﺗﻪﻟﻪﭖ ﻗﯩﻠﯩﻨﻤﯩﺴﯩﻤﯘ، ﺋﻪﻣﻤﺎ ﭼﻮﻗﯘﻡ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﺪﯨﻦ ﭼﯧﻜﯩﻨﮕﻪﻥ ﺑﻮﻟﯘﺷﻰ ﺷﻪﺭﺕ ﻗﯩﻠﯩﻨﻐﺎﻥ.
ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﻪﺕ ﺧﯩﺘﺎﭘﻨﺎﻣﯩﺴﯩﺪﺍ، ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﺧﺎﺭﺍﻛﺘﯧﺮﻯ - ﺧﯩﺘﺎﻳﺪﺍ ﻛﻮﻣﻤﯘﻧﯩﺴﺘﯩﻚ ﺗﯜﺯﯛﻣﻨﻰ ﺑﯩﻜﺎﺭ ﻗﯩﻠﯩﭗ، ﺩﯦﻤﻮﻛﺮﺍﺗﯩﻚ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ ﺷﯘﻧﺪﺍﻗﻼ ﻫﺎﻛﯩﻤﯩﻴﻪﺗﻜﻪ ﺧﻪﻟﻖ ﺋﯩﮕﯩﺪﺍﺭﻟﯩﻖ ﻗﯩﻠﯩﺪﯨﻐﺎﻥ ﺳﯩﻴﺎﺳﻪﺗﻨﯩﯔ ﻫﻪﻗﯩﻘﯩﻲ ﺳﯩﻤﯟﻭﻟﻰ ﺩﻩﭖ ﻛﯚﺭﺳﯩﺘﯩﻠﮕﻪﻥ.
ﻣﻪﺯﻛﯘﺭ ﺧﯩﺘﺎﭘﻨﺎﻣﯩﺪﺍ ﻳﻪﻧﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺧﯩﺘﺎﻱ ﺧﻪﻟﻘﯩﻨﻰ ﺳﯩﻴﺎﺳﯩﻲ ﻫﻮﻗﻮﻗﯩﻐﺎ ﺗﺎﻳﯩﻨﯩﭗ ﺑﺎﺳﺘﯘﺭﯗﭖ ﻛﻮﻧﺘﺮﻭﻝ ﻗﯩﻠﯩﯟﺍﺗﻘﺎﻥ ﻫﺎﻛﯩﻤﯩﻴﻪﺕ، ﺧﯩﺘﺎﻱ ﺧﻪﻟﻘﻰ ﺋﺎﻟﻼ ﺑﯘﺭﯗﻧﻼ ﺳﯩﻴﺎﺳﻪﺕ ﻫﻪﻡ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻦ ﻗﯘﻝ ﻗﯩﻠﯩﻨﻐﺎﻥ.ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﺋﻪﻣﻪﻟﯩﻴﯩﺘﯩﻤﯘ ﺋﯩﺴﭙﺎﺗﻼﻳﺪﯗﻛﻰ، ﺧﯩﺘﺎﻳﻨﯩﯔ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﻰ ﺑﻮﻟﺴﺎ ﺋﯩﭽﻰ ‏- ﺋﯩﭽﯩﺪﯨﻦ ﭼﯩﺮﯨﮕﻪﻥ، ﭘﺎﺭﯨﺨﻮﺭ ﻗﺎﺭﺍ ﻗﻮﻝ ﮔﯘﺭﯗﻫ. ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺑﻮﻟﺴﺎ ﺩﻩﻝ ﺑﯘ ﻗﺎﺭﺍ ﻗﻮﻟﻼﺭﻧﻰ ﺗﻪﺭﺑﯩﻴﯩﻠﯩﮕﻪﻥ ﻫﻪﻡ ﺋﯘﻻﺭﻧﻰ ﻗﻮﻏﺪﺍﻳﺪﯨﻐﺎﻥ ﺋﻪﻛﺴﯩﭽﻪ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﻰ، ﺑﺎﺭﻟﯩﻖ ﻗﺎﻧﯘﻧﯩﻲ ﻫﻮﻗﯘﻗﻠﯩﺮﯨﻨﻰ ﺩﻩﭘﺴﻪﻧﺪﻩ ﻗﯩﻠﯩﺪﯨﻐﺎﻥ ﻗﺎﺭﺍ ﺳﯩﻴﺎﺳﯩﻲ ﻛﯜﭺ ﺩﯦﻴﯩﻠﮕﻪﻥ ﺷﯘﻧﺪﺍﻗﻼ ﺧﯩﺘﺎﻱ ﺋﯚﺗﻜﯜﻧﭽﻰ ﻫﯚﻛﯜﻣﯩﺘﯩﻨﯩﯔ ﺗﯜﭖ ﻧﯩﺸﺎﻧﯩﻨﯩﯔ،ﺧﯩﺘﺎﻳﺪﺍ ﺑﺎﺭﻟﯩﻖ ﺳﺎﻫﻪﻟﻪﺭﺩﯨﻜﻰ ﻫﻪﻗﻨﻰ ﻗﻮﻏﺪﯨﻐﯘﭼﻰ ﺋﺎﻣﻤﯩﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﭖ، ﺩﯦﻤﻮﻛﺮﺍﺗﯩﻴﻪ ﻫﻪﻡ ﻛﯩﺸﯩﻠﯩﻚ ﻫﻮﻗﯘﻗﻘﺎ ﺗﻮﺳﺎﻟﻐﯘﻟﯘﻕ ﻗﯩﻠﯩﯟﺍﺗﻘﺎﻥ ﺑﺎﺭﻟﯩﻖ ﺳﯩﻴﺎﺳﯩﻲ ﺗﻮﺳﺎﻟﻐﯘﻻﺭﻧﻰ ﺳﯜﭘﯜﺭﯛﭖ ﺗﺎﺯﯨﻼﺵ ﺩﻩﭖ ﺋﻪﺳﻜﻪﺭﺗﯩﻠﮕﻪﻥ.
ﻧﯚﯞﻩﺗﺘﻪ، ﺧﯩﺘﺎﻱ ﺋﯩﭽﻰ ﻫﻪﻡ ﺳﯩﺮﺗﯩﺪﯨﻜﻰ ﺋﯚﻛﺘﯩﭽﻰ، ﺩﯦﻤﻮﻛﺮﺍﺗﯩﻴﯩﭽﻰ ﻛﯜﭼﻠﻪﺭ ﺑﺎﺭﻏﺎﻧﭽﻪ ﺋﯘﻳﯘﺷﯘﯞﺍﺗﻘﺎﻥ ﺑﻮﻟﯘﭖ، ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﺪﯨﻦ ﭼﯧﻜﯩﻨﯩﭗ ﭼﯩﻘﻘﯘﭼﯩﻼﺭﻧﯩﯔ ﺑﺎﺭﻏﺎﻧﭽﻪ ﻛﯚﭘﯩﻴﯩﯟﺍﺗﻘﺎﻧﻠﯩﻘﻰ ﺑﯩﻠﺪﯛﺭﯛﻟﻤﻪﻛﺘﻪ.

ﺧﯩﺘﺎﻱ، ﻗﺎﺯﺍﻗﯩﺴﺘﺎﻥ ﻗﺎﺗﺎﺭﻟﯩﻖ ﺋﺎﻟﺘﻪ ﺩﯙﻟﻪﺕ ﻗﻪﺩﯨﻤﻘﻰ ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﯨﻨﻰ ﺩﯗﻧﻴﺎ ﻣﻪﺩﻩﻧﯩﻴﻪﺕ ﻣﯩﺮﺍﺳﻰ ﻗﯩﻠﯩﺶ ﺋﯜﭼﯜﻥ ﺗﻪﻛﻠﯩﭗ ﺗﻪﻳﻴﺎﺭﻟﯩﻤﺎﻗﺘﺎ

2008.01.02
ﺧﯩﺘﺎﻱ، ﻗﺎﺯﺍﻗﯩﺴﺘﺎﻥ ﻗﺎﺗﺎﺭﻟﯩﻖ ﺋﺎﻟﺘﻪ ﺩﯙﻟﻪﺕ ﻗﻪﺩﯨﻤﻘﻰ ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﯨﻨﻰ ﺩﯗﻧﻴﺎ ﻣﻪﺩﻩﻧﯩﻴﻪﺕ ﻣﯩﺮﺍﺳﻰ ﻗﯩﻠﯩﺶ ﺋﯜﭼﯜﻥ ﺗﻪﻛﻠﯩﭗ ﺗﻪﻳﻴﺎﺭﻻﺷﻘﺎ ﻛﯩﺮﯨﺸﺘﻰ. ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯘ ﺗﻪﻛﻠﯩﭗ ﺗﻪﻳﻴﺎﺭﻟﯩﻨﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، 2008 ‏- ﻳﯩﻠﻰ 8 ‏- ﺋﺎﻳﺪﯨﻦ 9 ‏- ﺋﺎﻳﻐﯩﭽﻪ ﺧﻪﻟﻘﺌﺎﺭﺍﻟﯩﻖ ﻣﯘﺗﻪﺧﻪﺳﺴﯩﺴﻠﻪﺭ ﺋﯘﻧﻰ ﺗﻪﻛﺸﯜﺭﯛﭖ ﺑﺎﻫﺎﻻﻳﺪﯗ.
ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺩﯗﻧﻴﺎ ﻣﻪﺩﻩﻧﯩﻴﻪﺕ ﻣﯩﺮﺍﺳﻰ ﻗﯩﻠﯩﺶ ﺋﯜﭼﯜﻥ ﺧﯩﺘﺎﻳﺪﯨﻦ ﻳﻮﻟﻼﻳﺪﯨﻐﺎﻥ 48 ﺋﻮﺭﯗﻧﻨﯩﯔ ﺋﯩﭽﯩﺪﻩ، ﻳﺎﺭﻏﻮﻝ ﻗﻪﺩﯨﻤﻘﻰ ﺷﻪﻫﻪﺭ ﺧﺎﺭﺍﺑﯩﺴﻰ، ﻧﯩﻴﻪ ﺧﺎﺭﺍﺑﯩﻠﯩﻘﻰ، ﻗﯩﺰﯨﻞ ﻣﯩﯖﺌﯚﻱ، ﻛﺮﻭﺭﺍﻥ ﻗﻪﺩﯨﻤﻘﻰ ﺷﻪﻫﯩﺮﻯ ﺧﺎﺭﺍﺑﯩﺴﻰ ﻗﺎﺗﺎﺭﻟﯩﻖ 12 ﺋﻮﺭﯗﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ.
ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ ﻗﻪﺩﯨﻤﻘﻰ ﻳﯩﭙﻪﻙ ﻳﻮﻟﻰ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﻯ ﻧﺎﻫﺎﻳﯩﺘﻰ ﻛﯚﭖ، ﺋﻪﻣﻤﺎ ﺋﯘﻧﯩﯔ ﻛﯚﭘﯩﻨﭽﯩﺴﻰ ﺗﻪﺑﯩﺌﯩﻲ ﺋﺎﭘﻪﺕ ﻳﺎﻛﻰ ﺋﺎﺩﻩﻡ ﺋﺎﭘﯩﺘﻰ ﺗﯜﭘﻪﻳﻠﯩﺪﯨﻦ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﺯﯗﻟﻐﺎﻥ. ﺑﯘﻻﺭﻧﯩﯔ ﻫﯧﭽﻘﺎﻳﺴﻰ ﺗﯧﺨﻰ ﻗﻮﻏﺪﯨﻠﯩﺪﯨﻐﺎﻥ ﺩﯗﻧﻴﺎ ﻣﻪﺩﻩﻧﯩﻴﻪﺕ ﻣﯩﺮﺍﺳﻠﯩﺮﻯ ﺋﯚﻟﭽﯩﻤﯩﮕﻪ ﻳﻪﺗﻤﻪﻳﺪﯗ.
ﺷﯘﯕﻼﺷﻘﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻞ 3 ‏- ﺋﺎﻳﺪﯨﻦ ﺑﺎﺷﻼﭖ، ﻣﻪﺩﻩﻧﯩﻴﻪﺕ ﺋﯩﺰﻟﯩﺮﯨﻨﯩﯔ ﻣﯘﻫﯩﺘﯩﻨﻰ ﻳﺎﺧﺸﯩﻼﺵ ﺋﯜﭼﯜﻥ، ﺩﯗﻧﻴﺎ ﺑﯘﻳﯩﭽﻪ ﻗﻮﻏﺪﺍﺵ ﺋﯚﻟﭽﯩﻤﯩﮕﻪ ﺋﺎﺳﺎﺳﻪﻥ ﻗﯘﺭﯗﻟﯘﺵ ﺋﯧﻠﯩﭗ ﺑﯧﺮﯨﺸﻘﺎ ﯞﻩ ﻣﻪﺩﻩﻧﯩﻲ ﻣﯩﺮﺍﺳﻼﺭﻏﺎ ﺯﯨﺖ ﺑﻮﻟﻐﺎﻥ ﺳﻮﺩﺍ -ﺗﯩﺠﺎﺭﻩﺕ ﺋﻮﺭﯗﻧﻠﯩﺮﻯ ﻗﺎﺗﺎﺭﻟﯩﻘﻼﺭﻧﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯨﺪﯗ.

ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﯞﻩ 1000 ﺋﺎﻟﺘﯘﻥ ﻣﯘﻛﺎﭘﺎﺕ

ﺗﯜﺭﻛﯩﻴﻪ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺑﯩﺮﻟﯩﻜﻰ 2008- ﻳﯩﻠﯩﻨﻰ ﺗﯜﺭﻛﯩﻲ ﺗﯩﻠﻠﯩﺮﯨﻨﯩﯔ ﺗﯘﻧﺠﻰ ﻟﯘﻏﯩﺘﯩﻨﻰ ﻳﺎﺯﻏﺎﻥ ﺑﯜﻳﯜﻙ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﻯ ﺗﯘﻏﯘﻟﻐﺎﻧﻠﯩﻘﯩﻐﺎ 1000 ﻳﯩﻞ ﺑﻮﻟﻐﺎﻧﻠﯩﻘﯩﻐﺎ ﺋﺎﺗﺎﭖ "ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ" ﺋﯧﻼﻥ ﻗﯩﻠﺪﻯ. ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺑﯩﺮﻟﯩﻜﻰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯧﺨﯩﻐﯩﭽﻪ ﺗﯧﭙﯩﻠﻤﯩﻐﺎﻥ `ﻛﯩﺘﺎﺑﻰ ﺟﻪﯞﺍﻫﯩﺮﯗﻥ-ﻧﺎﯞﻫ ﻓﻰ ﻟﯘﻏﺎﺗﯩﺖ ﺗﯜﺭﻙ` ﻧﺎﻣﻠﯩﻖ ﮔﺮﺍﻣﻤﺎﺗﯩﻜﺎ ﻛﯩﺘﺎﺑﯩﻨﻰ ﺗﺎﭘﻘﺎﻥ ﻛﯩﺸﯩﮕﻪ 1000 ﺋﺎﻟﺘﯘﻥ ﻣﯘﻛﺎﭘﺎﺕ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﻐﺎﻥ.

ﺗﯜﺭﻛﯩﻴﻪ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺑﯩﺮﻟﯩﻜﻰ 2008- ﻳﯩﻠﯩﻨﻰ ﺑﯜﻳﯜﻙ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﻯ ﺗﯘﻏﯘﻟﻐﺎﻧﻠﯩﻘﯩﻐﺎ 1000 ﻳﯩﻞ ﺑﻮﻟﻐﺎﻧﻠﯩﻘﯩﻐﺎ ﺋﺎﺗﺎﭖ "ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ" ﺋﯧﻼﻥ ﻗﯩﻠﺪﻯ

ﺑﯘ ﻫﻪﻗﺘﻪ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺑﯩﺮﻟﯩﻜﻰ ﺑﺎﺷﻠﯩﻘﻰ ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.
ﺋﻪﺭﻛﯩﻦ ﺗﺎﺭﯨﻢ: ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﻏﯘﻟﻐﺎﻥ ﻛﯜﻧﻰ ﻫﻪﻗﻘﯩﺪﻩ ﺋﯧﻨﯩﻖ ﻣﻪﻟﯘﻣﺎﺕ ﻳﻮﻕ، ﺳﯩﻠﻪﺭ ﻗﺎﻧﺪﺍﻕ ﺑﻮﻟﯘﭖ 1008-ﻳﯩﻠﯩﻨﻰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﻏﯘﻟﻐﺎﻥ ﻳﯩﻠﻰ ﺩﻩﭖ ﺑﯧﻜﯩﺘﺘﯩﯖﻼﺭ؟
ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ: ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﻏﯘﻟﻐﺎﻥ ﻛﯜﻧﯩﻨﻰ ﺋﯧﻨﯩﻘﻼﭖ ﭼﯩﻘﯩﺶ ﻣﯘﻣﻜﯩﻦ ﺋﻪﻣﻪﺱ. ﺑﯘ ﻫﻪﻗﺘﻪ ﻫﯧﭻ ﺑﯩﺮ ﻣﻪﻟﯘﻣﺎﺕ ﻳﻮﻕ. `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ` ﻧﺎﻣﻠﯩﻖ ﺋﻪﺳﻪﺭﻧﯩﯔ ﻛﯩﺮﯨﺶ ﺳﯚﺯﯨﺪﯨﻤﯘ ﺑﯘ ﻫﻪﻗﺘﻪ ﻣﻪﻟﯘﻣﺎﺕ ﻳﻮﻕ. ﺋﻪﻣﻤﺎ ﺋﻪﺯﻩﺭﺑﻪﻳﺠﺎﻧﻠﯩﻖ ﺗﯜﺭﻛﻮﻟﻮﮒ ﺭﺍﻣﯩﺰ ﺋﻪﺳﻘﻪﺭﻧﯩﯔ ﻣﻪﻫﻤﯘﺕ ﻗﻪﺷﻘﯩﺮﻯ ﻫﻪﻗﻘﯩﺪﻩ ﻳﺎﺯﻏﺎﻥ ﺋﻪﺳﯩﺮﻯ ﺑﯩﻠﻪﻥ ﺗﯜﺭﻛﯩﻴﯩﺪﻩ ﻧﻪﺷﯩﺮ ﻗﯩﻠﯩﻨﻐﺎﻥ ﺑﯩﺮ ﻗﺎﻧﭽﻪ ﺋﻪﺳﻪﺭﺩﻩ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ 1008-ﻳﯩﻠﻰ ﺗﯘﻏﯘﻟﻐﺎﻧﻠﯩﻘﻰ ﻳﯧﺰﯨﻠﻐﺎﻥ. ﺑﯘﻧﯩﯖﻐﺎ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ 2008-ﻳﯩﻠﻰ ﻣﻪﻫﻤﯘﺕ ﻗﻪﺷﻘﯩﺮﻯ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000-ﻳﯩﻠﻰ ﺩﻩﭖ ﺑﯧﻜﯩﺘﯩﻠﯩﭗ، ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﺩﻩﭖ ﺋﯧﻼﻥ ﻗﯩﻠﯩﻨﺪﻯ.
ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﺩﺭ. ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ ﺋﻪﭘﻪﻧﺪﻯ ﺳﯩﻠﻪﺭﻧﯩﯔ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻫﺎﺯﯨﺮﻏﯩﭽﻪ ﺗﯧﭙﯩﻠﻤﯩﻐﺎﻥ `ﻛﯩﺘﺎﺑﻰ ﺟﻪﯞﺍﻫﯩﺮﯗﻥ-ﻧﺎﯞﻫ ﻓﻰ ﻟﯘﻏﺎﺗﯩﺖ ﺗﯜﺭﻙ` ﻧﺎﻣﻠﯩﻖ ﮔﺮﺍﻣﻤﺎﺗﯩﻜﺎ ﻛﯩﺘﺎﺑﯩﻨﻰ ﺗﺎﭘﻘﺎﻥ ﻛﯩﺸﯩﮕﻪ 1000 ﺋﺎﻟﺘﯘﻥ ﻣﯘﻛﺎﭘﺎﺕ ﺑﯧﺮﯨﺪﯨﻐﺎﻧﻠﯩﻘﯩﯖﻼﺭﻧﻰ ﺋﯧﻼﻥ ﻗﯩﻠﺪﯨﯖﻼﺭ، ﺑﯘ ﻫﻪﻗﺘﻪ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﻪﺭﺳﯩﯖﯩﺰ؟

ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯧﺨﯩﻐﯩﭽﻪ ﺗﯧﭙﯩﻠﻤﯩﻐﺎﻥ `ﻛﯩﺘﺎﺑﻰ ﺟﻪﯞﺍﻫﯩﺮﯗﻥ-ﻧﺎﯞﻫ ﻓﻰ ﻟﯘﻏﺎﺗﯩﺖ ﺗﯜﺭﻙ` ﻧﺎﻣﻠﯩﻖ ﮔﺮﺍﻣﻤﺎﺗﯩﻜﺎ ﻛﯩﺘﺎﺑﯩﻨﻰ ﺗﺎﭘﻘﺎﻥ ﻛﯩﺸﯩﮕﻪ 1000 ﺋﺎﻟﺘﯘﻥ ﻣﯘﻛﺎﭘﺎﺕ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﻐﺎﻥ. Source: www.kaskarlimahmut.org

ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ: ﺳﯩﺰﮔﯩﻤﯘ ﻣﻪﻟﯘﻡ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ 2 ﺋﻪﺳﯩﺮﻯ ﺑﺎﺭ. ﺑﯩﺮﻯ ﺋﯧﻨﺴﯩﻜﻠﻮﭘﯧﺪﯨﻴﯩﻠﯩﻚ ﻟﯘﻏﻪﺕ ﺑﻮﻟﻐﺎﻥ `ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ`، ﻳﻪﻧﻪ ﺑﯩﺮﺳﻰ ﺑﻮﻟﺴﺎ ﮔﺮﺍﻣﻤﺎﺗﯩﻜﺎ ﻛﯩﺘﺎﺑﻰ. ﺗﺎﺭﯨﺦ ﻛﯩﺘﺎﺑﻠﯩﺮﯨﺪﺍ ﯞﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﻛﯩﺮﯨﺶ ﺳﯚﺯﯨﺪﻩ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻛﯩﺘﺎﺑﻰ `ﻛﯩﺘﺎﺑﻰ ﺟﻪﯞﺍﻫﯩﺮﯗﻥ-ﻧﺎﯞﻫ ﻓﻰ ﻟﯘﻏﺎﺗﯩﺖ ﺗﯜﺭﻙ` ﻧﺎﻣﻠﯩﻖ ﺑﯩﺮ ﺋﻪﺳﯩﺮﯨﻨﯩﯔ ﺑﺎﺭﻟﯩﻘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﻠﮕﻪﻥ، ﺋﻪﻣﻤﺎ ﺑﯘ ﺋﻪﺳﻪﺭﻧﯩﯔ ﺗﯧﺨﯩﻐﯩﭽﻪ ﺋﯩﺰ-ﺩﯦﺮﯨﻜﻰ ﻳﻮﻕ. ﺑﯘ ﻛﯩﺘﺎﺑﻨﻰ ﺗﯧﭙﯩﺶ ﯞﻩ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺩﯨﻘﻘﯩﺘﯩﻨﻰ ﺑﯘ ﻛﯩﺘﺎﺑﻘﺎ ﺗﺎﺭﺗﯩﺶ ﺋﯜﭼﯜﻥ ﺑﯩﺰ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﺗﯘﻏﯘﻟﻐﺎﻧﻠﯩﻘﯩﻨﯩﯔ 1000 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، ﺑﯘ ﻛﯩﺘﺎﺑﻨﻰ ﺗﺎﭘﻘﺎﻥ ﻛﯩﺸﯩﮕﻪ 1000 ﺋﺎﻟﺘﯘﻥ ﻣﯘﻛﺎﭘﺎﺕ ﺑﯧﺮﯨﺶ ﻗﺎﺭﺍﺭﯨﻨﻰ ﭼﯩﻘﺎﺭﺩﯗﻕ. ﺋﻪﻣﻤﺎ ﺑﯘ 1000 ﺋﺎﻟﺘﯘﻧﻨﯩﯔ ﻛﯩﺘﺎﺑﻨﯩﯔ ﻗﯩﻤﻤﯩﺘﻰ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻕ. ﺑﯘ ﺑﯩﺒﺎﻫﺎ ﺑﯩﺮ ﺋﻪﺳﻪﺭ. ﭼﯜﻧﻜﻰ، ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻤﯘ ﺑﯩﺒﺎﻫﺎ ﺋﻪﺳﻪﺭ ﺑﻮﻟﻐﺎﭼﻘﺎ ﺗﯜﺭﻛﯩﻴﻪ ﻣﻪﺩﻩﻧﯩﻴﻪﺕ ﻣﯩﻨﯩﺴﺘﯩﺮﻟﯩﻜﻰ ﺋﯘﻧﻰ ﺳﯘﻏﯘﺭﺗﺎ ﻗﯩﻠﺪﯗﺭﯗﺵ ﺋﯜﭼﯜﻥ ﺷﯩﺮﻛﻪﺕ ﺗﺎﭘﺎﻟﻤﺎﻳﯟﺍﺗﯩﺪﯗ. ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﮔﺮﺍﻣﻤﺎﺗﯩﻜﺎ ﻛﯩﺘﺎﺑﯩﻤﯘ ﺑﯩﺒﺎﻫﺎ ﺑﯩﺮ ﺋﻪﺳﻪﺭﺩﯗﺭ. ﺑﯩﺰ 2008-ﻳﯩﻠﻰ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﺑﻮﻟﻐﺎﭼﻘﺎ ﺑﯘ ﺋﻪﺳﻪﺭﻧﻰ ﺗﺎﭘﻘﺎﻥ ﻛﯩﺸﯩﮕﻪ 1000 ﺋﺎﻟﺘﯘﻥ ﺑﯧﺮﯨﺸﻨﻰ ﻗﺎﺭﺍﺭ ﻗﯩﻠﺪﯗﻕ.
ﺋﻪﺭﻛﯩﻦ ﺗﺎﺭﯨﻢ: ﺳﯩﻠﻪﺭ ﺑﯘ ﺋﯘﻗﺘﯘﺭﯗﺷﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ ﻛﯩﺘﺎﺏ ﻫﻪﻗﻘﯩﺪﻩ ﺑﯩﺮ ﺧﻪﯞﻩﺭ ﺑﺎﺭﻣﯘ؟ ﺑﯘ ﻛﯩﺘﺎﺑﻨﯩﯔ ﺋﯩﻠﻤﻰ ﻗﯩﻤﻤﯩﺘﻰ ﺯﺍﺩﻯ ﻧﯧﻤﻪ؟
ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ: ﻛﯩﺸﯩﻠﻪﺭﻧﯩﯔ ﺑﯘ ﻛﯩﺘﺎﺑﻨﻰ ﺋﯩﺰﺩﻩﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭ ﻛﯧﻠﯩﯟﺍﺗﯩﺪﯗ. ﺑﻮﻟﯘﭘﻤﯘ ﺑﻪﺯﻯ ﺗﯜﺭﻛﻮﻟﻮﮔﻼﺭ ﻗﻪﺩﯨﻤﻘﻰ ﺋﻪﺳﻪﺭﻟﻪﺭ ﻛﯜﺗﯜﭘﺨﺎﻧﯩﻠﯩﺮﯨﺪﺍ ﺑﯘ ﻛﯩﺘﺎﺑﻨﯩﯔ ﺋﯩﺴﻤﯩﻨﯩﯔ ﺧﺎﺗﺎ ﻳﯧﺰﯨﻠﯩﭗ ﻗﺎﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ. ﻗﻮﻝ ﻳﺎﺯﻣﺎ ﺋﻪﺳﻪﺭﻟﯩﺮﻯ ﺳﺎﻗﻠﯩﻨﯩﯟﺍﺗﻘﺎﻥ ﻛﯜﺗﯜﭘﺨﺎﻧﯩﻼﺭﺩﺍ ﺑﯘ ﻛﯩﺘﺎﺑﻨﻰ ﺋﯩﺰﺩﻩﯞﺍﺗﻘﺎﻥ ﺗﯜﺭﻛﻮﻟﻮﮔﻼﺭ ﺑﺎﺭ. ﺋﯩﺮﺍﻥ، ﺋﻪﺯﻩﺭﺑﻪﻳﺠﺎﻥ ﯞﻩ ﺋﯩﺮﺍﻕ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﯨﻦ ﺑﻪﺯﻯ ﻛﯩﺸﯩﻠﻪﺭﻧﯩﯔ ﺑﯘ ﻛﯩﺘﺎﺑﻨﻰ ﺋﯩﺰﺩﻩﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭﻟﻪﺭ ﻛﯧﻠﯩﯟﺍﺗﯩﺪﯗ. ﺳﯩﺰﮔﯩﻤﯘ ﻣﻪﻟﯘﻡ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﭘﻪﻗﻪﺗﻼ ﺑﯩﺮ ﻟﯘﻏﻪﺕ ﺋﻪﻣﻪﺱ، ﺑﯩﺮ ﺋﯧﻨﺴﯩﻜﻠﻮﭘﯧﺪﯨﻴﻪ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺗﯩﻠﻰ، ﺗﺎﺭﯨﺨﻰ، ﺋﻪﺩﻩﺑﯩﻴﺎﺗﻰ ﯞﻩ ﺋﯚﺭﭖ ﺋﺎﺩﻩﺗﻠﯩﺮﯨﻨﻰ ﺗﻪﺗﻘﯩﻖ ﻗﯩﻠﯩﺶ ﺋﯜﭼﯜﻥ ﺑﯩﺒﺎﻫﺎ ﺑﯩﺮ ﺋﻪﺳﻪﺭ. ﺑﯘ ﮔﺮﺍﻣﻤﺎﺗﯩﻜﺎ ﻛﯩﺘﺎﺑﯩﻤﯘ ﺗﯜﺭﻛﯩﻲ ﺗﯩﻠﻼﺭﻧﯩﯔ ﺋﯘ ﻣﻪﺯﮔﯩﻠﺪﯨﻜﻰ ﺋﻪﻫﯟﺍﻟﯩﻨﻰ ﺗﻪﺗﻘﯩﻖ ﻗﯩﻠﯩﺶ، ﺷﯘﻧﺪﺍﻗﻼ ﺑﯜﮔﯜﻧﻜﻰ ﺗﯜﺭﻛﯩﻲ ﺗﯩﻠﻼﺭﻧﯩﯔ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺶ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﻛﯩﺘﺎﺏ ﺩﻩﭖ ﺋﻮﻳﻼﻳﻤﻪﻥ.
ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﺩﺭ. ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ ﺋﻪﭘﻪﻧﺪﻯ 2008-ﻳﯩﻠﻰ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﺋﯧﻼﻥ ﻗﯩﻠﯩﻨﺪﻯ. ﺳﯩﻠﻪﺭ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺑﯩﺮﻟﯩﻜﻰ 2008-ﻳﯩﻠﯩﺪﺍ ﻧﯧﻤﻪ ﭘﺎﺋﺎﻟﯩﻴﻪﺗﻠﻪﺭﻧﻰ ﻗﯩﻠﻤﺎﻗﭽﻰ؟
ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ: ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﯩﺰﻧﯩﯔ ﯞﻩ ﺑﺎﺷﻘﺎ ﺋﯩﺪﺍﺭﻩ ﺟﻪﻣﺌﯩﻴﻪﺗﻠﻪﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﺑﺎﺭ. ﻫﺎﺯﯨﺮﺩﯨﻦ ﺗﺎﺭﺗﯩﭗ ﺑﯘ ﺧﯩﻞ ﭘﺎﺋﺎﻟﯩﻴﻪﺗﻠﻪﺭﮔﻪ ﺑﺎﺷﻠﯩﯟﻩﺗﺘﯘﻕ، ﺗﯜﺭﻛﯩﻴﯩﺪﯨﻜﻰ ﻫﻪﺭﻗﺎﻳﺴﻰ ﺋﯘﻧﯩﯟﯦﺮﺳﯩﺘﯧﺘﻼﺭﺩﺍ ﻣﻪﻫﻤﯘﺕ ﻗﻪﺷﻘﯩﺮﻯ ﻫﻪﻗﻘﯩﺪﻩ ﻳﯩﻐﯩﻨﻼﺭ ﭼﯩﻘﯩﺮﯨﻠﯩﯟﺍﺗﯩﺪﯗ. ﺋﻪﻧﻘﻪﺭﻩ ﻫﺎﺟﻪﺗﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﻣﻪﻫﻤﯘﺕ ﻗﻪﺷﻘﯩﺮﻯ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﭼﺎﻗﯩﺮﯨﻠﻤﺎﻗﭽﻰ. ﺋﻪﺯﻩﺭﺑﻪﻳﺠﺎﻥ ﻣﻪﻫﻤﯘﺕ ﻗﻪﺷﻘﯩﺮﻯ ﯞﻩﺧﭙﯩﻤﯘ ﭘﺎﺋﺎﻟﯩﻴﻪﺕ ﺋﯚﺗﻜﯜﺯﻣﻪﻛﭽﻰ. ﻣﻪﻧﭽﻪ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﭘﯜﺗﯜﻥ ﺩﯗﻧﻴﺎﺩﺍ ﺑﻮﻟﯘﭘﻤﯘ ﻣﯘﺳﺘﻪﻗﯩﻞ ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﯩﺮﯨﺪﻩ ﺗﻪﻧﺘﻪﻧﯩﻠﯩﻚ ﺋﯚﺗﻜﯜﺯﯛﻟﯩﺪﯗ.
ﺋﻪﺭﻛﯩﻦ ﺗﺎﺭﯨﻢ: ﻫﯚﺭﻣﻪﺗﻠﯩﻚ ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ ﺋﻪﭘﻪﻧﺪﻯ ﻳﺎﯞﺭﻭﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺑﯩﺮﻟﯩﻜﯩﻨﯩﯔ ﻣﻪﻫﻤﯘﺕ ﻗﻪﺷﻘﯩﺮﻯ ﺗﻮﺭ ﺑﯧﺘﻰ ﺑﺎﺭ، ﺑﯘ ﻫﻪﻗﺘﻪ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﻪﺭﺳﯩﯖﯩﺰ ﻗﺎﻧﺪﺍﻕ؟
ﻳﺎﻗﯘﭖ ﺩﯦﻠﯩﺌﯚﻣﻪﺭﻭﻏﻠﻰ: ﻣﻪﻫﻤﯘﺕ ﻗﻪﺷﻘﯩﺮﻯ ﺗﻮﺭ ﺑﯧﺘﻰ، 2008-ﻳﯩﻠﻰ ﻣﻪﻫﻤﯘﺕ ﻗﻪﺷﻘﯩﺮﻯ ﻳﯩﻠﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯚﺗﻜﯜﺯﯛﻟﯩﺪﯨﻐﺎﻥ ﭘﺎﺋﺎﻟﯩﻴﻪﺗﻠﻪﺭﻧﻰ ﺋﯧﻼﻥ ﻗﯩﻠﯩﺶ ﺋﯜﭼﯜﻥ ﺗﻪﺳﯩﺲ ﻗﯩﻠﯩﻨﺪﻯ. ﺑﯩﺰ ﻣﻪﻫﻤﯘﺕ ﻗﻪﺷﻘﯩﺮﻯ ﺗﻮﺭ ﺑﯧﺘﯩﺪﻩ ﻣﻪﻫﻤﯘﺕ ﻗﻪﺷﻘﯩﺮﻯ ﯞﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻫﻪﻗﻘﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﭘﯜﺗﯜﻥ ﺗﻪﺗﻘﯩﻘﺎﺕ ﻣﺎﻗﺎﻟﯩﻠﯩﺮﯨﻐﺎ ﻳﻪﺭ ﺑﻪﺭﻣﻪﻛﭽﻰ. ﺗﻮﺭ ﺑﯧﺘﻰ ﺋﺎﺩﺭﯨﺴﯩﻤﯩﺰ www.kaskarlimahmut.org, ﺗﻮﺭ ﺑﯧﺘﯩﻤﯩﺰﻧﯩﯔ ﺋﺎﺳﺘﯩﺪﺍ ﺋﯥ-Mail ﺋﺎﺩﺭﯦﺴﯩﻤﯩﺰﻣﯘ ﺑﺎﺭ، ﻣﻪﻫﻤﯘﺕ ﻗﻪﺷﻘﯩﺮﻯ ﻫﻪﻗﻘﯩﺪﻩ ﻣﺎﻗﺎﻟﻪ ﻳﺎﺯﻏﺎﻥ ﺯﯨﻴﺎﻟﯩﻴﻠﯩﺮﯨﻤﯩﺰ ﻣﺎﻗﺎﻟﯩﺴﯩﻨﻰ ﺑﯘ ﺋﺎﺩﺭﯦﺴﻘﺎ ﺋﻪﯞﻩﺗﺴﻪ ﺋﯧﻼﻥ ﻗﯩﻠﯩﻤﯩﺰ.

ﺋﯩﺴﺴﯩﻖ ﻛﯚﻝ ﺋﺎﺳﺘﯩﺪﯨﻦ ﻗﻪﺩﯨﻤﻜﻰ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﻯ ﺗﯧﭙﯩﻠﺪﻯ

2007.12.30
ﺭﯗﺳﯩﻴﻪ-ﻗﯩﺮﻏﯩﺰﯨﺴﺘﺎﻥ ﺋﺎﻟﯩﻤﻠﯩﺮﻯ ﺋﯩﺴﺴﯩﻖ ﻛﯚﻝ ﺋﺎﺳﺘﯩﻨﻰ ﺋﯘﺯﯗﻥ ﻣﻪﺯﮔﯩﻞ ﺗﻪﻛﺸﯜﺭﮔﻪﻥ ﺑﻮﻟﯘﭖ، 2007- ﻳﯩﻠﯩﺪﯨﻜﻰ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﻩ ﻛﯚﻝ ﺋﺎﺳﺘﯩﺪﯨﻦ 2500 ﻳﯩﻞ ﺋﯩﻠﮕﯩﺮﯨﻜﻰ ﺋﯩﻨﺴﺎﻧﻼﺭ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﯨﻨﻰ ﺗﯧﭙﯩﭗ، ﺋﯩﺴﺴﯩﻖ ﻛﯚﻝ ﺭﺍﻳﻮﻧﯩﻨﯩﯔ ﻣﻪﺯﻛﯘﺭ ﻣﻪﺩﻩﻧﯩﻴﯩﺘﯩﻨﯩﯔ ﺋﻪﻫﻤﯩﻴﻪﺕ ﺟﻪﻫﻪﺗﺘﻪ ﺷﯩﻤﺎﻟﯩﻲ ﻗﺎﺭﺍ ﺩﯦﯖﯩﺰ ﺑﻮﻳﻠﯩﺮﯨﺪﯨﻜﻰ ﯞﻩ ﺋﻮﺗﺘﯘﺭﺍ ﻳﻪﺭ ﺩﯦﯖﯩﺰﻯ ﻗﯩﺮﻏﺎﻗﻠﯩﺮﯨﺪﯨﻜﻰ ﻣﯩﺴﯩﺮ ﻣﻪﺩﻩﻧﯩﻴﻪﺗﻠﯩﺮﯨﺪﯨﻦ ﻗﯧﻠﯩﺸﻤﺎﻳﺪﯨﻐﺎﻧﻠﯩﻘﯩﻨﻰ ﻫﯚﻛﯜﻡ ﻗﯩﻠﯩﺸﺘﻰ.
ﺭﯗﺳﯩﻴﯩﻨﯩﯔ ﺧﻪﯞﻩﺭﻟﻪﺭ ﺋﺎﮔﯧﻨﺘﻠﯩﻘﯩﻨﯩﯔ ﺗﺎﺭﻗﺎﺗﻘﺎﻥ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﺋﯩﺴﺴﯩﻖ ﻛﯚﻝ ﺋﺎﺳﺘﯩﺪﯨﻜﻰ ﺑﯘ ﻣﻪﺩﻩﻧﯩﻴﻪﺗﻨﻰ ﺋﯩﺰﺩﻩﺷﻜﻪ ﻗﺎﺗﻨﺎﺷﻘﺎﻥ ﻧﯩﻜﻮﻻﻱ ﻟﯘﻛﺎﺷﯧﯟ ﻳﯘﻗﯩﺮﯨﺪﯨﻜﻰ ﺋﯘﭼﯘﺭﻧﻰ ﻣﻪﻟﯘﻡ ﻗﯩﻠﻐﺎﻥ. ﺑﯘ ﻗﯧﺘﯩﻤﻘﻰ ﺗﻪﻛﺸﯜﺭﯛﺵ ﭘﺎﺋﺎﻟﯩﻴﯩﺘﯩﮕﻪ ﻗﯩﺮﻏﯩﺰﯨﺴﺘﺎﻥ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﻻﺩﯨﻤﯩﺮ ﭘﻠﻮﺳﻜﯩﺦ ﯞﻩ ﺭﯗﺳﯩﻴﻪ ﺋﺎﻟﯩﻤﻠﯩﺮﯨﺪﯨﻦ ﺳﯟﯦﺘﻼﻧﺎ ﻟﯘﻛﺎﺷﯧﯟﺍﻧﯩﯔ ﺑﺎﺷﭽﯩﻠﯩﻘﯩﺪﺍ ﺭﯗﺳﯩﻴﻪ ﺳﯘ ﺋﺎﺳﺘﻰ ﭘﺎﺋﺎﻟﯩﻴﻪﺗﻠﯩﺮﻯ ﺋﯧﻠﯩﭗ ﺑﺎﺭﻏﯘﭼﯩﻼﺭ ﺟﻪﻣﺌﯩﻴﯩﺘﯩﻨﯩﯔ ﺑﯩﺮ ﻗﯩﺴﯩﻢ ﺋﻪﺯﺍﻟﯩﺮﻯ ﻗﺎﺗﻨﺎﺷﻘﺎﻥ. ﻏﻪﯞﯞﺍﺳﻼﺭ ﻛﯚﻝ ﺋﺎﺳﺘﯩﻐﺎ ﻗﺎﻳﺘﺎ -ﻗﺎﻳﺘﺎ ﭼﯚﻛﯜﭖ، ﻛﯚﻝ ﺋﺎﺳﺘﯩﻨﻰ ﺗﻪﺗﻘﯩﻖ ﻗﯩﻠﯩﭗ، ﻗﻪﺩﯨﻤﻜﻰ ﻣﻪﺩﻩﻧﯩﻴﻪﺕ ﭘﺎﻛﯩﺘﻠﯩﺮﯨﻨﻰ ﺋﯩﺰﺩﯨﺪﻯ.
ﺋﯘﻻﺭ ﺋﯩﺴﺴﯩﻖ ﻛﯚﻟﻨﯩﯔ ﺷﯩﻤﺎﻟﯩﻲ ﻗﯩﺮﻏﺎﻗﻠﯩﺮﯨﺪﺍ 5 ﻣﯧﺘﯩﺮﺩﯨﻦ 10 ﻣﯧﺘﯩﺮﻏﯩﭽﻪ ﺑﻮﻟﻐﺎﻥ ﺋﯘﺱ ﺋﺎﺳﺘﯩﺪﯨﻦ ﺋﯘﺯﯗﻧﻠﯘﻗﻰ ﻳﯧﺮﯨﻢ ﻛﯩﻠﻮﻣﯧﺘﯩﺮﻏﺎ ﺳﻮﺯﯗﻟﻐﺎﻥ ﺳﯧﭙﯩﻠﻨﯩﯔ ﺋﯩﺰﯨﻨﻰ ﺗﺎﭘﻘﺎﻥ. ﺑﯘ ﭼﻮﯓ ﺑﯩﺮ ﺷﻪﻫﻪﺭﻧﯩﯔ ﺑﻪﻟﮕﯩﺴﻰ ﺑﻮﻟﯘﭖ، ﺩﺍﺋﯩﺮﯨﺴﻰ ﺑﯩﺮ ﻗﺎﻧﭽﻪ ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﻛﯧﻠﯩﺪﯗ. ﻛﯚﻟﻨﯩﯔ ﺋﺎﺳﺘﯩﺪﯨﻦ ﻳﺎﺧﺸﻰ ﺳﺎﻗﻼﻧﻐﺎﻥ ﺳﺎﻙ ﺩﻩﯞﺭﯨﮕﻪ ﻣﻪﻧﺴﯘﭖ، ﺑﯘﻳﯘﻣﻼﺭ ﺗﯧﭙﯩﻠﻐﺎﻥ. ﺑﯘﻻﺭ ﻣﯩﺴﺘﯩﻦ ﻳﺎﺳﺎﻟﻐﺎﻥ ﻫﻪﺭ ﺧﯩﻞ ﺑﯘﻳﯘﻣﻼﺭ، ﺋﻮﻗﻴﺎ، ﺋﯚﺯﯨﻨﻰ ﻗﻮﻏﺪﺍﺷﻘﺎ ﺋﯩﺸﻠﯩﺘﯩﺪﯨﻐﺎﻥ ﺧﻪﻧﺠﻪﺭ ﯞﻩ ﺑﺎﺷﻘﯩﻼﺭﺩﯗﺭ. ﻫﺎﺯﯨﺮﻏﯩﭽﻪ ﻛﯚﻝ ﺋﺎﺳﺘﯩﺪﯨﻦ ﺋﻮﻥ ﻧﻪﭼﭽﻪ ﻗﻪﻟﺌﻪ ﯞﻩ ﺋﺎﻫﺎﻟﻪ ﭘﻮﻧﻜﯩﺘﻠﯩﺮﻯ ﺧﺎﺭﺍﺑﯩﺴﻰ ﺗﯧﭙﯩﻠﻐﺎﻥ.
ﻳﯘﻗﯩﺮﯨﺪﯨﻜﻰ ﺳﯘ ﺋﺎﺳﺘﯩﻐﺎ ﭼﯚﻛﯜﭖ ﻛﻪﺗﻜﻪﻥ ﻣﻪﺩﻩﻧﯩﻴﻪﺕ ﺋﯩﺰﻟﯩﺮﯨﻨﯩﯔ ﻫﻪﻣﻤﯩﺴﻰ ﺋﯩﺴﺴﯩﻖ ﻛﯚﻟﻨﯩﯔ ﺷﯩﻤﺎﻟﯩﻲ ﻗﯩﺮﻏﺎﻗﻠﯩﺮﯨﻐﺎ ﻳﯧﻘﯩﻦ ﺑﻮﻟﯘﭖ، ﺑﯘ ﻳﻪﺭﺩﯨﻜﻰ ﺧﻪﻟﻘﻠﻪﺭ ﺋﺎﺭﯨﺴﯩﺪﯨﻤﯘ ﺋﯩﺴﺴﯩﻖ ﻛﯚﻟﻨﯩﯔ ﺋﺎﺳﺘﯩﺪﺍ ﭼﯚﻛﯜﭖ ﻛﻪﺗﻜﻪﻥ ﺷﻪﻫﻪﺭﻟﻪﺭ ﺑﺎﺭﻟﯩﻘﻰ ﻫﻪﻗﻘﯩﺪﯨﻜﻰ ﺗﯜﺭﻟﯜﻙ ﺭﯨﯟﺍﻳﻪﺗﻠﻪﺭ ﻣﻪﯞﺟﯘﺕ ﺋﯩﻜﻪﻥ.

ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﺋﻮﻏﻠﻰ ﺋﯘﻧﯩﯔ ﺋﯩﺰﯨﻨﻰ ﺑﺎﺳﺘﻰ

27 - ﺩﯦﻜﺎﺑﯩﺮ ﻛﯜﻧﻰ ﻧﺎﻣﻪﻟﯘﻡ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻥ ﭘﺎﻛﯩﺴﺘﺎﻧﻨﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ ﯞﻩ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺭﻩﺋﯩﺴﻰ ﺑﻪﻧﻪﺯﯨﺮ ﺑﯘﺗﺘﻮﻧﯩﯔ 19 ﻳﺎﺷﻠﯩﻖ ﺋﻮﻏﻠﻰ ﺑﯩﻼﯞﺍﻝ ﺋﯘﻧﯩﯔ ﺋﯩﺰﯨﻨﻰ ﺑﯧﺴﯩﭗ، ﻣﻪﺯﻛﯘﺭ ﭘﺎﺭﺗﯩﻴﯩﻨﯩﯔ ﺭﻩﻫﺒﯩﺮﻯ ﺑﻮﻟﺪﻯ.
ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﯨﻦ ﻗﺎﺭﯨﻐﺎﻧﺪﺍ، ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺭﻩﺋﯩﺴﻰ، ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﺋﯧﺮﻯ ﺋﺎﺳﯩﭗ ﺋﻪﻟﻰ ﺯﻩﺭﺩﺍﺭﻯ ﺑﯩﺮﻟﻪﺷﻤﻪ ﺭﻩﺋﯩﺴﻠﯩﻜﻜﻪ ﺑﯧﻜﯩﺘﯩﻠﯩﭗ، ﺋﻮﻏﻠﯩﻨﯩﯔ ﺋﯩﺸﻠﯩﺮﯨﻐﺎ ﻣﺎﺳﻠﯩﺸﯩﺪﯨﻜﻪﻥ. ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﻰ ﻛﯧﻠﻪﺭ ﻳﯩﻠﻰ 8 - ﻳﺎﻧﯟﺍﺭ ﻛﯜﻧﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﭘﺎﺭﻻﻣﯧﻨﺖ ﺳﺎﻳﻠﯩﻤﯩﻐﺎ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯩﺮﺍﻕ، ﻫﺎﺯﯨﺮ ﻣﻪﺯﻛﯘﺭ ﺳﺎﻳﻼﻡ ﻛﯜﻧﯩﻨﯩﯔ ﺋﺎﺭﻗﯩﻐﺎ ﺳﯜﺭﯛﻟﯜﺷﻰ، ﺑﻪﻟﻜﻰ ﻳﻪﻧﻪ ﺋﯩﻜﻜﻰ ﺋﺎﻳﻼﺭﺩﯨﻦ ﻛﯧﻴﯩﻦ ﺋﯚﺗﻜﯜﺯﯛﺵ ﺋﯧﻬﺘﯩﻤﺎﻟﻠﯩﻘﻰ ﺑﺎﺭﻟﯩﻘﯩﻨﻰ ﻗﯩﻴﺎﺱ ﻗﯩﻠﯩﻨﻤﺎﻗﺘﺎ. ﭼﯜﻧﻜﻰ، ﺑﯘﺗﺘﻮﻧﯩﯔ ﺋﯚﻟﯜﻣﯩﺪﯨﻦ ﻛﯧﻴﯩﻦ ﻫﻪﺭ ﻗﺎﻳﺴﻰ ﺟﺎﻳﻼﺭﺩﺍ ﻗﺎﻻﻳﻤﯩﻘﺎﻧﭽﯩﻠﯩﻖ ﯞﻩﻗﻪﻟﯩﺮﻯ ﺩﺍﯞﺍﻣﻠﯩﻖ ﻳﯜﺯ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﺋﯚﻟﮕﻪﻧﻠﻪﺭﻧﯩﯔ ﺳﺎﻧﻰ 40 ﺗﯩﻦ ﺋﯧﺸﯩﭗ ﻛﻪﺗﻜﻪﻥ.
ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺑﯘﻧﺪﺍﻕ ﻧﺎﺭﺍﺯﯨﻠﯩﻖ ﻗﺎﻻﻳﻤﯩﻘﺎﻧﭽﯩﻠﯩﻘﻠﯩﺮﯨﻨﯩﯔ ﻳﻪﻧﻪ ﻗﺎﻧﭽﯩﻠﯩﻚ ﺩﺍﯞﺍﻣﻠﯩﺸﯩﺸﻰ ﻫﻪﻣﺪﻩ ﻳﻪﻧﻪ ﻗﺎﻧﺪﺍﻕ ﺋﯧﻐﯩﺮ ﺋﺎﻗﯩﯟﻩﺗﻠﻪﺭ ﻛﯧﻠﯩﭗ ﭼﯩﻘﯩﺸﻰ ﻫﻪﻗﻘﯩﺪﻩ ﺑﯩﺮ ﻧﻪﺭﺳﻪ ﺩﯦﻴﯩﺶ ﻫﺎﺯﯨﺮ ﺗﻪﺱ ﺑﻮﻟﯘﭖ، ﯞﻩﺯﯨﻴﻪﺕ ﻧﺎﻫﺎﻳﯩﺘﻰ ﻣﯘﻗﯩﻤﺴﯩﺰ ﺋﯩﻜﻪﻥ.
ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﻰ ﭘﺎﻛﯩﺴﺘﺎﻧﺪﯨﻜﻰ ﻛﻪﻣﺒﻪﻏﻪﻟﻠﻪﺭ ﺳﯩﻨﯩﭙﯩﻐﺎ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﺋﻪﯓ ﭼﻮﯓ ﭘﺎﺭﺗﯩﻴﯩﺪﯗﺭ. ﭘﺎﺭﻻﻣﯧﻨﺖ ﺳﺎﻳﻠﯩﻤﯩﻐﺎ ﻣﯘﺳﯘﻟﻤﺎﻧﻼﺭ ﺋﯩﺘﺘﯩﭙﺎﻗﯩﻨﯩﯔ ﻧﺎﯞﺍﺯ ﺷﻪﺭﯨﭗ ﺑﺎﺷﭽﯩﻠﯩﻘﯩﺪﯨﻜﻰ ﯞﻩﻛﯩﻠﻠﯩﺮﯨﻤﯘ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
ﺭﯗﺳﯩﻴﯩﻨﯩﯔ "ﻧﻪﯞﺳﺮﯗ" ﺋﯘﭼﯘﺭ ﺗﻮﺭﯨﻨﯩﯔ ﺧﻪﯞﯨﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﺋﯘﭼﯘﺭﻻﺭ ﺗﺎﺭﻗﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻰ ﺩﻩﭖ ﻗﺎﺭﯨﻠﯩﯟﺍﺗﻘﺎﻥ ﻣﻪﺯﻛﯘﺭ ﺗﻪﺷﻜﯩﻼﺕ ﺑﯘ ﺋﯩﺸﻘﺎ ﺋﯚﺯﻟﯩﺮﯨﻨﯩﯔ ﻗﺎﺗﻨﺎﺷﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﻜﻪﻥ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻫﯚﻛﯜﻣﻪﺕ ﻣﻪﺗﺒﻪﺋﻪﺳﯩﺪﻩ ﺑﯧﺴﯩﻠﻐﺎﻥ ﺗﯘﻧﺠﻰ ﺋﯘﻳﻐﯘﺭﭼﻪ ﻛﯩﺘﺎﺏ

ﯧﺮﯨﻢ ﺋﻪﺳﯩﺮﺩﯨﻦ ﻛﯚﭘﺮﻩﻙ ﯞﺍﻗﯩﺘﺘﯩﻦ ﺑﯧﺮﻯ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﺋﯘﻳﻐﯘﺭ ﻣﯘﻫﺎﺟﯩﺮﻟﯩﺮﻯ ﺋﯚﺯﻟﯩﺮﯨﻨﯩﯔ ﺩﯨﻨﻰ ﯞﻩ ﻣﯩﻠﻠﯩﻲ ﻣﻪﺳﯩﻠﯩﻠﯩﺮﯨﮕﻪ ﺋﺎﺋﯩﺖ ﺋﻪﺳﻪﺭﻟﯩﺮﯨﻨﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺋﻪﺭﻩﺏ ﯞﻩ ﭼﺎﻏﺎﺗﺎﻱ ﺗﯩﻠﻠﯩﺮﯨﺪﺍ ﻧﻪﺷﯩﺮ ﻗﯩﻠﺪﯗﺭﯗﭖ ﻛﻪﻟﮕﻪﻥ ﺋﯩﻜﻪﻥ. ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ، ﺧﯘﺳﯘﺳﻪﻥ 80- ﻳﯩﻠﻼﺭﺩﯨﻦ ﻛﯧﻴﯩﻦ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﯩﺪﺍ ﻳﯧﺰﯨﻠﻐﺎﻥ ﺑﻪﺯﻯ ﺋﻪﺳﻪﺭﻟﻪﺭﻣﯘ ﻣﯩﺴﯩﺮ، ﭘﺎﻛﯩﺴﺘﺎﻥ، ﺗﯜﺭﻛﯩﻴﻪ، ﺳﯜﺭﯨﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﻧﻪﺷﯩﺮ ﻗﯩﻠﯩﻨﯩﺸﻘﺎ ﺑﺎﺷﻠﯩﺪﻯ.
ﻛﯩﺘﺎﺑﻨﯩﯔ ﺗﻮﻧﯘﺷﺘﯘﺭﯗﻟﯘﺷﻰ
2007- ﻳﯩﻠﻰ ﻧﻮﻳﺎﺑﯩﺮﺩﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﺭﯗﺧﺴﯩﺘﻰ ﺑﯩﻠﻪﻥ ﻫﯚﻛﯜﻣﻪﺕ ﻣﻪﺗﺒﻪﺋﻪﺳﯩﺪﻩ ﺑﯧﺴﯩﻠﻐﺎﻥ " ﻧﺎﻣﺎﺯ ﯞﻩ ﺋﯘﻧﯩﯔ ﺋﻪﻫﻜﺎﻣﻠﯩﺮﻯ" ﻧﺎﻣﻠﯩﻖ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﯩﺪﺍ ﻳﯧﺰﯨﻠﻐﺎﻥ ﺑﯘ ﻛﯩﺘﺎﺏ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻫﯚﻛﯜﻣﻪﺕ ﻣﻪﺗﺒﻪﺋﻪﺳﯩﺪﻩ ﺑﯧﺴﯩﻠﻐﺎﻥ ﺗﯘﻧﺠﻰ ﺋﯘﻳﻐﯘﺭﭼﻪ ﻛﯩﺘﺎﺏ ﻫﯧﺴﺎﺑﻠﯩﻨﯩﺪﯗ. ﺑﯘ ﻛﯩﺘﺎﺑﻨﻰ ﺑﯧﺴﯩﭗ ﺗﺎﺭﻗﯩﺘﯩﺶ ﺋﯩﺸﻠﯩﺮﯨﻨﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭ ﺷﻪﻫﯩﺮﯨﺪﯨﻜﻰ ﺧﻮﺗﻪﻥ ﯞﻩﻗﯩﭗ ﺋﯚﻳﯩﻨﯩﯔ ﻣﻪﺳﺌﯘﻟﻰ ﺋﯘﺳﺘﺎﺯ ﺋﺎﺑﺪﯗﻟﻼ ﺩﯙﻟﻪﺕ ﺋﯜﺳﺘﯩﮕﻪ ﺋﺎﻟﻐﺎﻥ ﺑﻮﻟﯘﭖ، ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﻛﯩﺘﺎﺑﻨﻰ ﺑﺎﺳﺘﯘﺭﯗﺵ ﺭﯗﺧﺴﯩﺘﯩﻨﻰ ﺋﯧﻠﯩﺶ ﯞﻩ ﺑﺎﺳﺘﯘﺭﯗﺵ ﺋﯩﺸﻠﯩﺮﯨﻨﻰ ﺑﯩﯟﺍﺳﺘﻪ ﺋﯚﺯﻯ ﺋﻮﺭﯗﻧﺪﯨﻐﺎﻥ.
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺑﯘ ﻧﺎﻣﺎﺯ ﻛﯩﺘﺎﺑﯩﻨﻰ ﺗﻮﻧﯘﺷﺘﯘﺭﯗﭖ ﻣﯘﻧﺪﺍﻕ ﺩﯦﺪﻯ:" ﺑﯘ ﻛﯩﺘﺎﺏ ﺋﯘﻳﻐﯘﺭ ﺋﯧﻠﯩﺪﻩ ﻣﯘﺳﯘﻟﻤﺎﻥ ﺧﻪﻟﻖ ﻣﯩﯔ ﻳﯩﻠﺪﯨﻦ ﻛﯚﭘﺮﻩﻙ ﯞﺍﻗﯩﺘﺘﯩﻦ ﺑﯩﺮﻯ ﻗﻮﺑﯘﻝ ﻗﯩﻠﯩﭗ ﻛﻪﻟﮕﻪﻥ ﺋﯩﻤﺎﻡ ﺋﻪﺯﻩﻣﻨﯩﯔ ﻣﻪﺯﻫﯩﭙﻰ ﺑﻮﻳﯩﭽﻪ ﻳﯧﺰﯨﻠﻐﺎﻥ ﺑﻮﻟﯘﭖ، ﺋﯘﻳﻐﯘﺭﻻﺭ ﺩﺍﯞﺍﻡ ﻗﯩﻠﺪﯗﺭﯗﭖ ﻛﻪﻟﮕﻪﻥ ﺋﯩﺒﺎﺩﻩﺕ ﺳﯩﺴﺘﯧﻤﯩﻠﯩﺮﯨﻐﺎ ﺗﺎﻣﺎﻣﻪﻥ ﻣﯘﯞﺍﭘﯩﻖ ﻫﺎﻟﺪﺍ ﻫﺎﺯﯨﺮﻻﻧﻐﺎﻥ. ﺋﯘﻳﻐﯘﺭﻻﺭﻏﺎ ﻳﺎﺕ ﻣﻪﺯﻫﻪﭘﻠﻪﺭﻧﯩﯔ ﻗﺎﺭﺍﺷﻠﯩﺮﻯ ﯞﻩ ﺋﯩﺨﺘﯩﻼﭘﻠﯩﻖ ﻣﻪﺳﯩﻠﯩﻠﻪﺭﺩﯨﻦ ﻳﯩﺮﺍﻕ ﺑﻮﻟﻐﺎﻥ. ﺑﯘ ﻛﯩﺘﺎﺑﺘﺎ ﻧﺎﻣﺎﺯﻧﯩﯔ ﭘﻪﺭﺯﻟﯩﻜﯩﺪﯨﻦ ﺑﺎﺷﻼﭖ، ﺋﯘﻧﯩﯔ ﺑﯘﻳﺮﯗﻟﯘﺷﯩﻨﯩﯔ ﻫﯧﻜﻤﻪﺗﻠﯩﺮﻯ، ﻣﻪﻗﺴﻪﺕ، ﻏﺎﻳﯩﻠﯩﺮﻯ، ﺳﯩﺮ - ﺋﻪﺳﺮﺍﺭﻟﯩﺮﻯ، ﭘﺎﻳﺪﯨﻠﯩﺮﻯ، ﻧﺎﻣﺎﺯ ﺋﻮﻗﯘﺷﻨﯩﯔ ﻗﺎﺋﯩﺪﻩ - ﺗﻪﺭﺗﯩﭙﻠﯩﺮﻯ ﯞﻩ ﻧﺎﻣﺎﺯﻻﺭﻧﯩﯔ ﺗﯜﺭﻟﯩﺮﻯ ﻧﺎﻫﺎﻳﯩﺘﻰ ﭼﯜﺷﯩﻨﯩﺸﻠﯩﻚ ﺷﻪﻛﯩﻠﺪﻩ ﺋﯩﺰﺍﻫﻼﭖ ﺑﯧﺮﯨﻠﮕﻪﻥ. ﻛﯩﺘﺎﺑﺘﺎ ﻳﻪﻧﻪ ﺗﺎﻫﺎﺭﻩﺕ ﺋﯧﻠﯩﺶ، ﺗﻪﻳﻪﻣﻤﯘﻡ ﻗﯩﻠﯩﺶ ﯞﻩ ﻧﺎﻣﺎﺯ ﺋﻮﻗﯘﺵ ﺋﯘﺳﯘﻟﻠﯩﺮﻯ ﺭﻩﺳﯩﻤﻠﻪﺭ ﺑﯩﻠﻪﻥ ﻛﯚﺭﺳﯩﺘﯩﭗ ﺑﯧﺮﯨﻠﮕﻪﻥ. ﻫﻪﺟﻤﻰ 500 ﺑﻪﺗﻜﻪ ﻳﯧﻘﯩﻨﻠﯩﺸﯩﺪﯗ."
ﺋﺎﭘﺘﻮﺭﻧﯩﯔ ﻣﯘﻗﻪﺩﺩﯨﻤﯩﺴﻰ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: " ﻛﯩﺘﺎﺑﯩﻨﯩﯔ ﻣﯘﻗﻪﺩﺩﯨﻤﯩﺴﯩﺪﻩ: 'ﻫﯚﺭﻣﻪﺗﻠﯩﻚ ﻛﯩﺘﺎﺑﺨﺎﻥ! ﻗﻮﻟﯩﯖﯩﺰﺩﯨﻜﻰ ﺑﯘ ﻛﯩﺘﺎﺏ ﻧﺎﻣﺎﺯ ﻫﻪﻗﻘﯩﺪﻩ ﺗﻪﭘﺴﯩﻠﻰ ﻳﯧﺰﯨﻠﻐﺎﻥ ﻫﻪﻣﻤﯩﮕﻪ ﺋﺎﻣﻤﯩﺒﺎﺏ ﺋﻪﺳﻪﺭ ﺑﻮﻟﯘﭖ، ﺳﯩﺰﻧﯩﯔ ﻧﺎﻣﺎﺯ ﻫﻪﻗﻘﯩﺪﯨﻜﻰ ﺑﯩﻠﯩﻤﻠﻪﺭﮔﻪ ﺑﻮﻟﻐﺎﻥ ﺑﺎﺭﻟﯩﻖ ﺋﯧﻬﺘﯩﻴﺎﺟﯩﯖﯩﺰﻧﻰ ﻗﺎﻧﺪﯗﺭﯨﺪﯗ، ﺑﯩﻠﻤﻪﻳﺪﯨﻐﺎﻧﻼﺭﻏﺎ ﺋﯚﮔﯩﺘﯩﺪﯗ، ﺑﯩﻠﯩﺪﯨﻐﺎﻧﻼﺭﻧﯩﯔ ﺑﯩﻠﯩﻤﯩﻨﻰ ﺋﺎﺷﯘﺭﯨﺪﯗ، ﻣﯘﻛﻪﻣﻤﻪﻟﻠﻪﺷﺘﯜﺭﯨﺪﯗ ﯞﻩ ﺋﯘﻻﺭﻧﻰ ﻧﺎﻣﺎﺯ ﻫﻪﻗﻘﯩﺪﯨﻜﻰ ﻧﯘﺭﻏﯘﻥ ﺳﯩﺮ - ﺋﻪﺳﺮﺍﺭﻻﺭﻏﺎ ﺋﯩﮕﻪ ﻗﯩﻠﯩﺪﯗ. ﺑﯘ ﻛﯩﺘﺎﺏ ﭘﻪﻳﻐﻪﻣﺒﯩﺮﯨﻤﯩﺰ ﻫﻪﺯﺭﯨﺘﻰ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻧﺎﻣﺎﺯ ﻫﻪﻗﻘﯩﺪﻩ ﺋﯚﮔﻪﺗﻜﻪﻥ ﯞﻩ ﻛﯚﺭﺳﻪﺗﻜﻪﻥ ﺋﻪﯓ ﺋﯩﺸﻪﻧﭽﻠﯩﻚ ﻫﻪﺩﯨﺴﻠﯩﺮﯨﮕﻪ ﻳﯚﻟﻪﻧﮕﻪﻥ ﯞﻩ ﺋﯩﻤﺎﻡ ﺋﻪﺯﻩﻡ ﺋﻪﺑﯘ ﻫﻪﻧﯩﻔﻪﻧﯩﯔ ﻣﻪﺯﻫﯩﭙﯩﻨﻰ ﺋﺎﺳﺎﺱ ﻗﯩﻠﻐﺎﻥ ﻫﺎﻟﺪﺍ ﻳﯧﺰﯨﻠﺪﻯ. ﻛﯩﺘﺎﺑﺘﯩﻜﻰ ﺷﻪﺭﯨﺌﻪﺕ ﺋﻪﻫﻜﺎﻣﻠﯩﺮﯨﻨﯩﯔ ﻫﻪﻣﻤﯩﺴﻰ ﻣﻪﺯﻫﻪﭖ ﻣﯚﺗﯩﯟﻩﺭﻟﯩﺮﯨﻨﯩﯔ ﯞﻩ ﺑﺎﺷﻘﺎ ﻛﺎﺗﺘﺎ ﺋﯚﻟﯩﻤﺎﻻﺭﻧﯩﯔ ﺋﻪﯓ ﺗﻮﻏﺮﺍ ﯞﻩ ﺋﻪﯓ ﺋﯩﻠﻐﺎﺭ ﻗﺎﺭﺍﺷﻠﯩﺮﯨﺪﯨﻦ ﺗﺎﻟﻼﭖ ﺋﯧﻠﯩﻨﺪﻯ،' ﺩﻩﭖ ﻳﯧﺰﯨﻠﻐﺎﻥ."
ﻣﻪﺯﻛﯘﺭ ﻛﯩﺘﺎﺏ "ﺗﯘﺭﻏﯘﻥ ﻫﺎﺟﯩﻢ ﯞﻩﺧﭙﯩﺴﻰ"ﻧﯩﯔ ﻣﺎﺩﺩﯨﻲ ﻳﺎﺭﺩﯨﻤﻰ ﺑﯩﻠﻪﻥ 8000 ﻧﯘﺳﺨﺎ ﺑﯧﺴﯩﻠﻐﺎﻥ ﺑﻮﻟﯘﭖ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﯨﻦ ﻫﻪﺟﮕﻪ ﻛﻪﻟﮕﻪﻥ ﺋﯘﻳﻐﯘﺭﻻﺭﻏﺎ ﻣﻪﻛﻜﻪ ﯞﻩ ﻣﻪﺩﯨﻨﻪ ﺷﻪﻫﻪﺭﻟﯩﺮﯨﺪﻩ ﻫﻪﻗﺴﯩﺰ ﺗﺎﺭﻗﯩﺘﯩﻠﻤﺎﻗﺘﺎ ﺋﯩﻜﻪﻥ.

ﭘﻪﻳﺰﯨﯟﺍﺗﺘﯩﻜﻰ 100 ﻳﯜﻩﻧﻠﯩﻚ ﭘﻮﻟﻮ

ﻳﯧﻘﯩﻨﺪﺍ ﻗﻪﺷﻘﻪﺭ ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﻨﯩﯔ ﺟﺎﻧﺒﺎﺯ ﻳﯧﺰﯨﺴﯩﺪﺍ، ﻳﯧﺰﯨﻠﯩﻖ ﻫﯚﻛﯜﻣﻪﺕ ﻳﯩﻐﯩﻦ ﺯﺍﻟﯩﺪﺍ 17- ﻗﯘﺭﯗﻟﺘﺎﻱ ﺭﻭﻫﯩﻨﻰ ﺋﯚﮔﯩﻨﯩﺶ ﻳﯩﻐﯩﻨﯩﻐﺎ ﻗﺎﺗﻨﺎﺷﻘﺎﻥ ﻳﯧﺰﺍ - ﻛﻪﻧﺖ ﻛﺎﺩﯨﺮ ﯞﻩ ﺋﯩﺸﭽﻰ ﺧﯩﺰﻣﻪﺗﭽﯩﻠﯩﺮﻯ، ﻳﯧﺰﯨﻠﯩﻖ ﭘﺎﺭﺗﯩﻴﻪ ﻳﺎﭼﯧﻴﻜﺎ ﺳﯧﻜﺮﯨﺘﺎﺭﻯ ﺋﻮﺭﯗﻧﻼﺷﺘﯘﺭﻏﺎﻥ ﺑﯩﺮ ﯞﺍﻕ ﺗﺎﻣﺎﻕ ﺋﯜﭼﯜﻥ ﻳﻪﻧﻰ ﺑﯩﺮ ﻗﺎﭼﺎ ﭘﻮﻟﻮ ﺋﯜﭼﯜﻥ 100ﻳﯜﻩﻥ ﺗﯚﻟﻪﺷﻜﻪ ﻣﻪﺟﺒﯘﺭ ﺑﻮﻟﻐﺎﻥ، ﺑﯘﻧﯩﯖﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﭖ ﭘﯘﻝ ﺑﯧﺮﯨﺸﻜﻪ ﻛﯚﻧﻤﯩﮕﻪﻥ ﺋﯘﻳﻐﯘﺭ ﻛﺎﺩﯨﺮﻻﺭ ﻫﻪﺗﺘﺎ ﻫﺎﻗﺎﺭﻩﺗﻜﻪ ﺋﯘﭼﺮﯨﻐﺎﻥ. ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﻛﺎﺩﯨﺮﯨﻨﯩﯔ ﺳﺎﺩﯨﺮ ﻗﯩﻠﻐﺎﻥ ﺑﯘ ﻳﯜﺯ ﺳﻮﻣﻠﯘﻕ ﭘﻮﻟﻮ ﯞﻩﻗﻪﺳﻰ ﺟﺎﻧﺒﺎﺯ ﻳﯧﺰﯨﺴﯩﺪﯨﻼ ﺋﻪﻣﻪﺱ ﻧﯘﺭﻏﯘﻥ ﺟﺎﻳﻼﺭﺩﺍ ﻏﯘﻟﻐﯘﻻ ﻗﻮﺯﻏﺎﭖ، ﺧﻪﻟﻘﻨﯩﯔ ﻗﺎﺗﺘﯩﻖ ﻏﻪﺯﯨﭙﯩﻨﻰ ﻗﻮﺯﻏﯩﻐﺎﻥ ﺑﯩﺮ ﯞﻩﻗﻪﮔﻪ ﺋﺎﻳﻼﻧﻐﺎﻥ.
ﻳﯧﺰﺍ ﺋﻪﻣﻪﻟﺪﺍﺭﯨﻨﯩﯔ ﻳﻪﺭﻟﯩﻚ ﺳﯩﻴﺎﺳﯩﺘﻰ
ﻣﻪﻟﯘﻡ ﺑﯩﺮ ﺋﯘﻳﻐﯘﺭ ﻛﯩﺸﯩﻨﯩﯔ ﺋﯩﻨﻜﺎﺱ ﻗﯩﻠﯩﺸﯩﭽﻪ، ﻧﯚﯞﻩﺗﺘﻪ ﻗﻪﺷﻘﻪﺭﻧﯩﯔ ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﺪﻩ ﻳﯜﺯ ﺑﻪﺭﮔﻪﻥ ﺑﯩﺮ ﯞﻩﻗﻪ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻏﯘﻟﻐﯘﻻ ﻗﻮﺯﻏﯩﻐﺎﻥ. ﻳﻪﻧﻰ،2007- ﻳﯩﻠﻰ 12 - ﺋﺎﻳﻨﯩﯔ 29 - ﻛﯜﻧﻰ ﭘﻪﻳﺰﯨﯟﺍﺕ ﻧﺎﻫﯩﻴﻪ ﺟﺎﻧﺒﺎﺯ ﻳﯧﺰﯨﻠﯩﻖ ﺧﻪﻟﻖ ﻫﯚﻛﯜﻣﯩﺘﯩﻨﯩﯔ ﻳﯩﻐﯩﻦ ﺯﺍﻟﯩﺪﺍ،ﻳﯧﺰﯨﻨﯩﯔ ﺭﻩﻫﺒﻪﺭﻟﯩﺮﻯ ﻳﯧﺰﯨﺪﯨﻜﻰ ﻫﻪﺭ ﻗﺎﻳﺴﻰ ﻛﻪﻧﺖ ﺷﯘﺟﯩﻠﯩﺮﻯ ﯞﻩ ﺑﻪﺵ ﭘﻮﻧﻜﯩﺘﻨﯩﯔ ﺑﺎﺭﻟﯩﻖ ﺋﻪﺯﺍﻟﯩﺮﻯ، ﻳﯧﺰﺍ ﻛﺎﺩﯨﺮﻟﯩﺮﯨﻨﻰ ﻗﺎﺗﻨﺎﺷﺘﯘﺭﯗﭖ ﭘﺎﺭﺗﯩﻴﻪ 17 - ﻗﯘﺭﯗﻟﺘﺎﻱ ﺭﻭﻫﯩﻨﻰ ﺋﯚﮔﯩﻨﯩﺶ ﻗﯩﻠﻐﺎﻥ.
ﺋﻪﺳﻠﯩﺪﻩ ﻳﯧﺰﺍ ﺭﻩﻫﺒﻪﺭﻟﯩﺮﻯ ﻛﺎﺩﯨﺮﻻﺭﻏﺎ ﺋﯘﻗﺘﯘﺭﯗﺵ ﻗﯩﻠﻐﺎﻧﺪﺍ ﺋﯚﮔﯩﻨﯩﺸﻨﻰ ﺳﺎﺋﻪﺕ 9:30 ﺩﺍ ﺑﺎﺷﻠﯩﻨﯩﺪﯗ ﺩﻩﭖ ﺋﯘﻗﺘﯘﺭﻏﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯚﮔﯩﻨﯩﺶ ﺋﯩﻜﻜﻰ ﺳﺎﺋﻪﺕ ﻛﯧﭽﯩﻜﯩﭗ 11ﻳﯧﺮﯨﻤﺪﺍ ﺑﺎﺷﻼﻧﻐﺎﻥ،ﭼﯜﻧﻜﻰ ﻛﺎﺩﯨﺮﻻﺭﻧﯩﯔ ﻫﻪﻣﻤﯩﺴﻰ ﺑﻪﻟﮕﯩﻠﻪﻧﮕﻪﻥ ﯞﺍﻗﯩﺘﺘﺎ ﻳﯩﻐﯩﻦ ﺯﺍﻟﯩﻐﺎ ﻳﯧﺘﯩﭗ ﻛﻪﻟﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻳﯧﺰﯨﻨﯩﯔ ﺭﻩﻫﺒﻪﺭﻟﯩﺮﻯ ﻳﯩﻐﯩﻦ ﺯﺍﻟﯩﻐﺎ ﺳﺎﺋﻪﺕ 11:30 ﺩﺍ ﻛﯩﺮﯨﭗ ﻛﻪﻟﮕﻪﻥ.
ﻳﯩﻐﯩﻦ ﺋﯧﭽﯩﻠﯩﭗ ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﻰ ﺑﻮﻟﻐﺎﻧﺪﺍ،ﻳﯧﺰﯨﻨﯩﯔ ﺭﻩﻫﺒﻪﺭﻟﯩﺮﻯ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻧﻼﺭﻏﺎ ﻳﯧﺰﯨﺪﯨﻦ ﺗﺎﻣﺎﻗﻘﺎ ﺋﻮﺭﯗﻧﻼﺷﺘﯘﺭﻏﺎﻧﻠﯩﻘﯩﻨﻰ ﺗﺎﻣﺎﻕ ﺋﯜﭼﯜﻥ ﺗﺎﺷﻘﯘﺭﻏﺎﻧﺪﯨﻦ ﻗﺎﻣﭽﺎ ﻗﯘﻳﺮﯗﻗﻠﯘﻕ ﻗﻮﻱ ﺋﻪﻛﻪﻟﮕﻪﻧﻠﯩﻜﯩﻨﻰ ﻫﻪﻡ ﺑﯘ ﻗﻮﻳﻨﯩﯔ ﮔﯚﺷﯩﻨﻰ ﺑﯧﺴﯩﭗ ﭘﻮﻟﻮ ﻗﯩﻠﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ. ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻧﻼﺭ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 3 ﮔﯩﭽﻪ ﻏﯩﺰﺍﻟﯩﻨﺎﻟﻤﺎﻱ ﭘﻮﻟﻮﻧﯩﯔ ﭘﯩﺸﯩﺸﯩﻨﻰ ﺳﺎﻗﻼﭖ ﺋﻮﻟﺘﯘﺭﯗﺷﻘﺎﻥ.
ﺳﺎﺋﻪﺕ 3 ﺋﻪﺗﺮﺍﭘﯩﺪﺍ ﺑﯩﺮﺩﯨﻦ ﺗﺎﻣﺎﻕ ﻗﺎﭼﯩﺴﯩﻐﺎ ﮔﯚﺵ ﺑﯧﺴﯩﻠﻐﺎﻥ ﭘﻮﻟﻮﻧﻰ ﺋﻪﻛﯩﺮﯨﭗ ﻫﻪﺭﺑﯩﺮ ﺋﺎﺩﻩﻣﮕﻪ ﺗﺎﺭﻗﺎﺗﻘﺎﻥ ﻫﻪﻡ ﺑﯘﻧﯩﯔ ﺋﯜﭼﯜﻥ 100 ﻳﯜﻩﻧﺪﯨﻦ ﺗﺎﭘﺸﯘﺭﯗﺷﻨﻰ ﺋﯧﻴﺘﻘﺎﻥ، ﻛﺎﺩﯨﺮ ﯞﻩ ﺧﯩﺰﻣﻪﺗﭽﯩﻠﻪﺭ ﺑﻪﺭﮔﯩﻠﻰ ﺋﯘﻧﯩﻤﯩﺴﺎ، ﻳﯧﺰﯨﻠﯩﻖ ﭘﺎﺭﺗﯩﻴﻪ ﻳﺎﭼﯧﻴﻜﯩﺴﯩﻨﯩﯔ ﺑﺎﺵ ﺳﯧﻜﺮﯨﺘﺎﺭﻯ ﻧﻰ ﺗﻪﻳﻔﯘ ﻗﻮﭘﺎﻝ ﺗﻪﻟﻪﭘﭙﯘﺯﺩﺍ "ﺑﯘ ﺟﺎﻧﺒﺎﺯﻧﯩﯔ ﺳﯩﻴﺎﺳﯩﺘﻰ، ﭘﯘﻝ ﺑﻪﺭﻣﯩﺴﻪﯓ ﺟﺎﻧﺒﺎﺯﺩﯨﻦ ﻳﻮﻗﺎﻝ" ﺩﯦﮕﻪﻥ. ﻣﻪﺯﻛﯘﺭ ﻛﻮﻣﭙﺎﺭﺗﯩﻴﻪ ﻛﺎﺩﯨﺮﻯ ﻳﻪﻧﻪ ﺑﯩﺮ ﯞﺍﻕ ﺗﺎﻣﺎﻕ ﺋﯜﭼﯜﻥ 100ﻳﯜﻩﻥ ﺗﯚﻟﯩﮕﯩﻠﻰ ﺋﯘﻧﯩﻤﯩﻐﺎﻥ ﺋﺎﻳﺎﻟﻼﺭﻧﻰ "ﻫﻪﺭﻗﺎﻳﺴﯩﯔ ﺧﯧﻠﻰ ﭼﯩﺮﺍﻳﻠﯩﻖ ﺗﯘﺭﯨﺴﻪﻥ، 100 ﻳﯜﻩﻥ ﭘﯘﻟﻐﺎ ﻳﺎﺭﺍﺷﻤﺎﻣﺴﻪﻥ" ﺩﻩﭖ ﻫﺎﻗﺎﺭﻩﺗﻠﯩﮕﻪﻥ. ﻳﯧﺰﯨﻠﯩﻖ ﻫﯚﻛﯜﻣﻪﺗﻨﯩﯔ ﺗﻪﺭﺟﯩﻤﺎﻧﻰ ﺋﺎﻟﯩﻢ ﻣﻪﻣﻪﺕ ﺑﯘ ﮔﻪﭘﻠﻪﺭﻧﻰ ﺋﯚﺯ ﺋﻪﻳﻨﻰ ﺑﯘﻳﯩﭽﻪ ﺗﻪﺭﺟﯩﻤﻪ ﻗﯩﻠﻐﺎﻥ.
ﻳﯧﺰﺍ ﺑﺎﺷﻠﯩﻘﻰ ﻏﯧﻨﻰ ﻫﯧﻴﺖ ﻧﻪﻕ ﻣﻪﻳﺪﺍﻧﺪﺍ ﺑﻮﻟﺴﯩﻤﯘ، ﻳﯧﺰﯨﻠﯩﻖ ﭘﺎﺭﺗﯩﻴﻪ ﻳﺎﭼﯧﻴﻜﺎ ﺳﯧﻜﺮﯨﺘﺎﺭﯨﻨﯩﯔ ﻫﺎﻗﺎﺭﻩﺗﻠﯩﻚ ﺳﯚﺯﻟﯩﺮﯨﮕﻪ ﺑﯩﺮ ﺋﯧﻐﯩﺰﻣﯘ ﺗﻪﻧﺒﯩﻬ ﺑﻪﺭﻣﯩﮕﻪﻧﺪﯨﻦ ﺳﯩﺮﺕ، ﺋﻪﻛﺴﯩﭽﻪ ﺧﻮﺭﻟﯘﻕ ﻫﻪﻡ ﻫﻪﻗﺴﯩﺰﻟﯩﻘﺘﯩﻦ ﻧﺎﺭﺍﺯﻯ ﺑﻮﻟﯘﯞﺍﺗﻘﺎﻥ ﺋﺎﻣﻤﯩﻐﺎ ﺗﯧﺨﯩﻤﯘ ﺑﯧﺴﯩﻢ ﺋﯩﺸﻠﯩﺘﯩﭗ ﻳﯜﺯ ﻳﯜﻩﻧﺪﯨﻦ ﺗﺎﻣﺎﻕ ﭘﯘﻟﯩﻨﻰ ﺗﺎﭘﺸﯘﺭﯗﺷﻨﻰ ﺋﯧﻴﺘﻘﺎﻥ، ﻳﯧﺰﯨﻨﯩﯔ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﺳﯧﻜﺮﯨﺘﺎﺭﻯ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻧﻼﺭﺩﯨﻦ ﭘﯘﻝ ﻳﯩﻐﯩﺸﻘﺎ ﻣﻪﺳﺌﯘﻝ ﺑﻮﻟﻐﺎﻥ.
ﻳﯧﺰﯨﻨﯩﯔ ﻗﺎﻧﯘﻥ ﺳﯧﻜﺮﯨﺘﺎﺭﻯ ﺑﻪﺧﺘﯩﻴﺎﺭ ﺗﯘﺭﺳﯘﻧﻤﯘ ﻫﯧﭽﻘﺎﻧﺪﺍﻕ ﻗﺎﺭﺷﻰ ﭘﯩﻜﯩﺮﺩﻩ ﺑﻮﻟﯘﺷﻘﺎ ﺟﯜﺭﺋﻪﺕ ﻗﯩﻼﻟﻤﯩﻐﺎﻥ.
100ﻳﯜﻩﻧﻠﯩﻚ ﭘﻮﻟﻮ ﺗﻮﻏﺮﯨﺴﯩﺪﺍ ﻳﯧﺰﯨﺪﯨﻜﻰ ﭘﺎﺭﺍﯕﻼﺭ
ﺑﯩﺰ ﺑﯘ ﺋﯘﭼﯘﺭﻏﺎ ﺋﺎﺳﺎﺳﻪﻥ ﻣﻪﺯﻛﯘﺭ ﯞﻩﻗﻪ ﻫﻪﻗﻘﯩﺪﻩ ﻳﻪﻧﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯩﮕﯩﻠﻪﺵ ﺋﯜﭼﯜﻥ ﺟﺎﻧﺒﺎﺯ ﻳﯧﺰﯨﺴﯩﻐﺎ ﺗﯧﻠﯧﻔﻮﻥ ﺋﺎﻟﻐﯩﻨﯩﻤﯩﺰﺩﺍ، ﻳﯜﺯ ﻳﯜﻩﻧﻠﯩﻚ ﭘﻮﻟﻮ ﯞﻩﻗﻪﺳﯩﻨﯩﯔ ﺧﻪﻟﻖ ﺋﺎﺭﯨﺴﯩﺪﺍ ﺧﯧﻠﯩﻼ ﻏﯘﻟﻐﯘﻻ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﻣﻪﻟﯘﻡ ﺑﻮﻟﺪﻯ. ﻳﯧﺰﯨﺪﯨﻜﻰ ﺑﯩﺮ ﺩﯦﻬﻘﺎﻥ ﺑﻮﯞﺍﻳﻨﯩﯔ ﺋﯧﻴﺘﯩﺸﯩﭽﻪ، ﺷﯘ ﻛﯜﻧﯩﺪﯨﻜﻰ ﻳﯩﻐﯩﻨﻐﺎ ﻳﯧﺰﯨﻠﯩﻖ ﻫﯚﻛﯜﻣﻪﺕ ﻫﻪﻡ ﻣﻪﻣﯘﺭﯨﻲ ﺋﻮﺭﯗﻧﻼﺭﻧﯩﯔ ﻛﺎﺩﯨﺮﻟﯩﺮﯨﺪﯨﻦ ﺑﺎﺷﻘﺎ ﻛﻪﻧﺖ ﻛﺎﺩﯨﺮﻟﯩﺮﻯ ﯞﻩ ﺋﯩﺸﭽﻰ ‏- ﺧﯩﺰﻣﻪﺗﭽﯩﻠﻪﺭ ﺑﻮﻟﯘﭖ ﺋﯩﻜﻜﻰ ﻳﯜﺯﮔﻪ ﻳﯧﻘﯩﻦ ﻛﯩﺸﻰ ﻗﺎﺗﻨﺎﺷﻘﺎﻥ ﺋﯩﻜﻪﻥ.
ﻳﯧﺰﯨﻨﯩﯔ ﻣﻪﻟﯘﻡ ﻛﻪﻧﺘﯩﺪﯨﻦ 29 - ﺩﯦﻜﺎﺑﯩﺮﺩﯨﻜﻰ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻥ ﺑﯩﺮ ﻛﺎﺩﯨﺮ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﻮﻟﺴﯩﻤﯘ ﺋﯧﻬﺘﯩﻴﺎﺗﭽﺎﻧﻠﯩﻖ ﺑﯩﻠﻪﻥ ﻗﯩﺴﻘﯩﻼ ﻧﺎﺭﺍﺯﯨﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ.
ﺑﯩﺰ ﻳﯧﺰﯨﺪﯨﻜﯩﻠﻪﺭﺩﯨﻦ ﺋﯩﮕﯩﻠﯩﮕﻪﻥ ﺋﯘﭼﯘﺭﻻﺭﻏﺎ ﺋﺎﺳﺎﺳﻪﻥ، ﻳﯧﺰﯨﻠﯩﻖ ﭘﺎﺭﺗﯩﻴﻪ ﻳﺎﭼﯧﻴﻜﺎ ﺳﯧﻜﺮﯨﺘﺎﺭﯨﻨﯩﯔ ﻫﻪﺩﺩﯨﺪﯨﻦ ﺋﺎﺷﻘﺎﻥ ﻳﻮﻟﺴﯩﺰﻟﯩﻘﯩﻐﺎ ﻣﺎﺳﻠﯩﺸﯩﭗ ﺋﺎﻣﻤﯩﻐﺎ ﺑﯧﺴﯩﻢ ﺋﯩﺸﻠﯩﺘﯩﭗ ﺑﯩﺮ ﻗﺎﭼﺎ ﭘﻮﻟﻮ ﺋﯜﭼﯜﻥ ﻛﺎﺩﯨﺮ ‏- ﺧﯩﺰﻣﻪﺗﭽﯩﻠﻪﺭﻧﻰ ﻳﯜﺯ ﻳﯜﻩﻥ ﺗﯚﻟﻪﺷﻜﻪ ﻣﻪﺟﺒﯘﺭﻟﯩﻐﺎﻥ ﺟﺎﻧﺒﺎﺯ ﻳﯧﺰﯨﺴﯩﻨﯩﯔ ﻳﯧﺰﺍ ﺑﺎﺷﻠﯩﻘﻰ ﻏﯧﻨﻰ ﻫﯧﻴﺘﻘﺎ ﺗﯧﻠﯧﻔﻮﻥ ﺋﯘﻟﯩﺪﯗﻕ.
ﺳﺎﻗﭽﻰ: "ﻗﺎﻧﯘﻧﻐﺎ ﺧﯩﻼﭖ ... ﺋﻪﻣﻤﺎ ..."
ﺑﯩﺰ ﺧﻪﻟﻘﻨﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﻨﻰ ﺋﺎﺷﯘﺭﯗﭖ، ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﻫﻪﻡ ﻫﯚﻛﯜﻣﯩﺘﯩﻨﯩﯔ ﺳﯩﻴﺎﺳﻪﺗﻠﯩﺮﯨﻨﻰ ﻣﻪﺯﻛﯘﺭ ﻳﯧﺰﯨﺪﺍ ﺗﻮﻏﺮﺍ ﻳﯜﺭﮔﯜﺯﯛﺷﻜﻪ ﻣﻪﺳﺌﯘﻝ ﺑﻮﻟﻐﺎﻥ ﭘﺎﺭﺗﯩﻴﻪ ‏- ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﻫﻮﻗﯘﻗﯩﺪﯨﻦ ﭘﺎﻳﺪﯨﻠﯩﻨﯩﭗ ﺧﻪﻟﻘﻨﻰ ﻗﺎﻗﺘﻰ ‏- ﺳﻮﻗﺘﻰ ﻗﯩﻠﯩﺶ، ﻣﻪﺟﺒﯘﺭﯨﻲ ﭘﯘﻝ ﻳﯩﻐﯩﺶ ﻫﻪﺗﺘﺎ ﻫﺎﻗﺎﺭﻩﺕ ﻗﯩﻠﯩﺶ ﻗﯩﻠﻤﯩﺸﯩﻨﯩﯔ ﺧﻪﻟﻘﻨﯩﯔ ﻗﺎﻧﯘﻧﯩﻲ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺷﻘﺎ ﻣﻪﺳﺌﯘﻝ ﻳﯧﺰﯨﻠﯩﻖ ﻗﺎﻧﯘﻥ ﺋﻮﺭﻧﯩﻨﯩﯔ ﺧﻪﯞﯨﺮﻯ ﺑﺎﺭ ‏- ﻳﻮﻗﻠﯘﻗﯩﻨﻰ ﺑﯩﻠﯩﺶ ﻣﻪﻗﺴﯩﺘﯩﺪﻩ ﻳﯧﺰﯨﻠﯩﻖ ﺳﺎﻗﭽﻰ ﭘﻮﻧﻜﯩﺘﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ، ﺩﻩﺭﯞﻩﻗﻪ ﺋﯘﻻﺭﻧﯩﯔ ﻣﻪﺯﻛﯘﺭ ﯞﻩﻗﻪﺩﯨﻦ ﺧﻪﯞﯨﺮﻯ ﺑﻮﻟﺴﯩﻤﯘ، ﺋﯘﻻﺭﻧﯩﯔ ﺑﯘ ﯞﻩﻗﻪﮔﻪ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﺑﯩﺰﻧﻰ ﺗﻪﺋﻪﺟﺠﯜﭘﻠﻪﻧﺪﯛﺭﺩﻯ.
ﺟﺎﻧﺒﺎﺯ ﻳﯧﺰﯨﺴﯩﺪﺍ ﺑﯩﺮ ﻗﺎﻧﭽﻪ ﻛﺎﺩﯨﺮ ﻫﻪﻡ ﺩﯦﻬﻘﺎﻧﻼﺭ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺶ ﺟﻪﺭﻳﺎﻧﯩﺪﺍ، ﻫﻪﻣﻤﯩﺴﯩﻨﯩﯔ ﻣﻪﺯﻛﯘﺭ ﯞﻩﻗﻪﺩﯨﻦ ﺧﻪﯞﯨﺮﻯ ﺑﺎﺭﻟﯩﻘﻰ ﺷﯘﻧﺪﺍﻗﻼ، ﻳﯧﺰﺍ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺑﯘ ﻫﻪﺩﺩﯨﺪﯨﻦ ﺋﺎﺷﻘﺎﻥ ﺯﻭﻣﯩﮕﻪﺭﻟﯩﻚ ﻗﯩﻠﻤﯩﺸﯩﺪﯨﻦ ﻏﻪﺯﻩﭘﻠﻪﻧﮕﻪﻥ ﺑﻮﻟﺴﯩﻤﯘ،ﺋﺎﺷﻜﺎﺭﺍ ﺋﯧﺘﯩﺮﺍﺯ ﺑﯩﻠﺪﯛﺭﯛﺷﺘﯩﻦ ﺋﯧﻬﺘﯩﻴﺎﺕ ﻗﯩﻠﯩﯟﺍﺗﻘﺎﻧﻠﯩﻘﻰ ﺷﯘﻧﺪﺍﻗﻼ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﺭﯗﻧﻼﺭﻧﯩﯖﻤﯘ ﻳﯧﺰﺍ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺟﺎﯞﺍﺑﻜﺎﺭﻟﯩﻘﯩﻨﻰ ﺳﯜﺭﯛﺷﺘﻪ ﻗﯩﻠﯩﺸﯩﻐﺎ ﺋﯩﺸﻪﻧﭽﺴﯩﺰ ﻗﺎﺭﺍﻳﺪﯨﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﺪﻯ.
ﺑﯘ ﻫﻪﻗﺘﻪ ﺑﯩﺮ ﻳﺎﺵ ﺩﯦﻬﻘﺎﻥ، ﻳﯧﺰﺍ ﭘﺎﺭﺗﯩﻴﻪ ‏- ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﻗﯩﻠﻤﯩﺸﯩﺪﯨﻦ ﻳﯧﺰﯨﺪﯨﻜﻰ ﺋﺎﻣﻤﺎ ﺋﯩﻨﺘﺎﻳﯩﻦ ﻏﻪﺯﻩﭘﻠﻪﻧﮕﻪﻥ ﻫﻪﻡ ﺑﯘ ﻫﻪﻗﺘﻪ ﺋﯚﺯ ‏- ﺋﺎﺭﺍ ﻏﯘﻟﻐﯘﻻ ﻗﯩﻠﯩﺸﯩﯟﺍﺗﻘﺎﻥ ﺑﻮﻟﺴﯩﻤﯘ، ﻳﻪﻧﯩﻼ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭﻏﺎ ﺋﻪﺭﺯ ﻗﯩﻠﯩﭗ ﺋﯚﺯ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺷﻘﺎ ﺟﯜﺭﺋﻪﺕ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ ﯞﻩ ﻳﯧﺰﯨﺪﯨﻜﯩﻠﻪﺭﻧﯩﯔ ﻗﺎﻧﯘﻧﯩﻲ ﺋﯧﯖﯩﻨﯩﯔ ﺗﯚﯞﻩﻧﻠﯩﻜﯩﻨﻰ ﺑﯩﻠﺪﯛﺭﺩﻯ.
ﺋﯘﻳﻐﯘﺭ ﻳﯧﺰﯨﻠﯩﺮﯨﺪﯨﻜﻰ ﺩﯦﻬﻘﺎﻧﻼﺭﺩﯨﻦ ﺋﯩﮕﯩﻠﯩﺸﯩﻤﯩﺰﭼﻪ، ﻧﯚﯞﻩﺗﺘﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻳﯧﺰﺍ ‏- ﻛﻪﻧﺖ ﻛﺎﺩﯨﺮﻟﯩﺮﯨﻨﻰ ﻳﯩﻠﺪﺍ، ﺋﯘﺯﯗﻥ ﺑﻮﻟﻐﺎﻧﺪﺍ ﺋﯩﻜﻜﻰ ﻳﯩﻠﺪﺍ ﺑﯩﺮ ﺋﺎﻟﻤﺎﺷﺘﯘﺭﯗﯞﺍﺗﻘﺎﻥ ﺑﻮﻟﯘﭖ، ﭘﺎﺭﺗﯩﻴﻪ ﻳﺎﭼﯧﻴﻜﺎ ﺳﯧﻜﺮﯨﺘﺎﺭﻯ ﯞﻩ ﻳﯧﺰﺍ ﺑﺎﺷﻠﯩﻘﻠﯩﺮﯨﻨﻰ ﻳﻪﺭﻟﯩﻚ ﺋﯩﭽﯩﺪﯨﻦ ﺳﺎﻳﻠﯩﻤﺎﻱ ﺑﻪﻟﻜﻰ ﺳﯩﺮﺗﻼﺭﺩﯨﻦ ﻳﻪﻧﻰ ﺑﯩﯖﺘﯘﻩﻥ ﻳﺎﻛﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻦ ﻳﯚﺗﻜﻪﭖ ﻛﯧﻠﯩﺪﯨﻜﻪﻥ. ﻫﻪﺭ ﺑﯩﺮ ﻳﯧﯖﻰ ﻛﺎﺩﯨﺮ ﻛﻪﻟﮕﻪﻧﺪﻩ ﺋﯚﺯ ﺋﺎﻟﺪﯨﻐﺎ ﻳﻪﺭﻟﯩﻚ ﺳﯩﻴﺎﺳﻪﺗﻠﻪﺭﻧﻰ ﺑﯧﻜﯩﺘﯩﭗ ﺩﯦﻬﻘﺎﻧﻼﺭﺩﯨﻦ ﻗﺎﻻﻳﻤﯩﻘﺎﻥ ﻫﻪﻕ ﺋﺎﻟﯩﺪﯨﻐﺎﻥ، ﺋﺎﻟﯟﺍﯓ ‏- ﺳﯧﻠﯩﻘﻼﺭﻧﻰ ﺳﺎﻟﯩﺪﯨﻐﺎﻥ ﻗﺎﻧﯘﻧﺴﯩﺰ ﻫﻪﺭﯨﻜﻪﺗﻠﻪﺭ ﺋﺎﺭﻗﯩﻠﯩﻖ ﺩﯦﻬﻘﺎﻧﻼﺭﻧﯩﯔ ﻫﻪﻕ ‏- ﻫﻮﻗﻮﻗﻠﯩﺮﯨﻨﻰ ﺧﺎﻟﯩﻐﺎﻧﭽﻪ ﺩﻩﭘﺴﻪﻧﺪﻩ ﻗﯩﻠﻤﺎﻗﺘﺎ ﺋﯩﻜﻪﻥ. ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺩﺍﺋﯩﺮﯨﻠﻪﺭﻣﯘ ﻳﯧﺰﯨﻼﺭﻏﺎ ﺑﯧﻜﯩﺘﻜﻪﻥ ﺑﯘ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﭘﻪﻗﻪﺕ ﻣﯘﻗﯩﻤﻠﯩﻖ ﺧﯩﺰﻣﯩﺘﯩﻨﻰ ﻳﺎﺧﺸﻰ ﺋﯩﺸﻠﯩﺴﯩﻼ ﺑﺎﺷﻘﺎ ﺟﻪﻫﻪﺗﻠﻪﺭﺩﻩ ﺋﯚﺗﻜﯜﺯﮔﻪﻥ ﭼﻮﯓ ﺧﺎﺗﺎﻟﯩﻘﻠﯩﺮﻯ ﻫﻪﻡ ﻗﺎﻧﯘﻧﺴﯩﺰ ﻗﯩﻠﻤﯩﺸﻠﯩﺮﯨﻐﯩﻤﯘ ﻛﯚﺯ ﻳﯘﻣﯘﭖ ﻛﻪﻟﻤﻪﻛﺘﻪ ﺋﯩﻜﻪﻥ.

ﺗﯘﺭﭘﺎﻥ ﻛﺎﺭﯨﺰﻯ ﺋﺎﺧﯩﺮﻗﻰ ﺋﯚﻣﺮﯨﻨﻰ ﻳﺎﺷﺎﯞﺍﺗﺎﻣﺪﯗ ؟

2008.01.02

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﻳﯧﻘﯩﻨﻘﻰ ﺑﯩﺮ ﺧﻪﯞﯨﺮﯨﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﯩﺘﻰ ﺗﯘﺭﭘﺎﻥ ﯞﻩ ﻗﯘﻣﯘﻝ ﯞﯨﻼﻳﻪﺗﻠﯩﺮﯨﻨﯩﯔ ﺳﯘ ﺋﯩﻨﺸﺎﺋﺎﺕ ﺋﺎﺳﺎﺳﻰ ﺋﻪﺳﻠﯩﻬﻪﻟﻪﺭ ﻗﯘﺭﯗﻟﯘﺷﯩﻐﺎ 182 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻍ ﺳﯧﻠﯩﭗ، ﺷﻪﺭﻗﯩﻲ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺳﯘ ﻳﯧﺘﯩﺸﻤﻪﺳﻠﯩﻚ ﻣﻪﺳﯩﻠﯩﺴﯩﻨﻰ ﻳﻪﯕﮕﯩﻠﻠﻪﺗﻤﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﯞﻩ ﺑﯘ ﻗﯘﺭﯗﻟﯘﺷﻨﯩﯔ ﺋﯘﻳﻐﯘﺭ ﺋﯩﻠﯩﺪﯨﻜﻰ ﻗﻪﺩﯨﻤﯩﻲ ﻳﻪﺭ ﺋﺎﺳﺘﻰ ﻗﺎﻧﯩﻠﻰ - ﻛﺎﺭﯨﺰﻻﺭﻧﻰ ﻗﻮﻏﺪﺍﺵ ﯞﻩ ﻳﯧﯖﯩﻼﺷﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ. ﻳﻪﺭﻟﯩﻚ ﺩﺍﺋﯩﺮﯨﻠﻪﺭﻧﯩﯔ ﻣﻪﺯﻛﯘﺭ ﭘﯩﻼﻧﻰ ﺗﯘﺭﭘﺎﻧﺪﯨﻜﻰ ﻛﺎﺭﯨﺰ ﺗﻪﺗﻘﯩﻘﺎﺕ ﺟﻪﻣﺌﯩﻴﯩﺘﻰ ﯞﻩ ﭼﻪﺗﺌﻪﻟﻠﻪﺭﺩﯨﻜﻰ ﺳﯘ ﺋﯩﻨﺸﺎﺋﺎﺕ ﻫﻪﻡ ﻣﻪﺩﻩﻧﯩﻴﻪﺕ ﺗﻪﺗﻘﯩﻘﺎﺗﭽﯩﻠﯩﺮﻯ ﺗﯘﺭﭘﺎﻥ ﻛﺎﺭﯨﺰﻟﯩﺮﯨﻨﻰ ﻫﺎﺯﯨﺮﻧﯩﯔ ﺋﯚﺯﯨﺪﻩ ﻗﯘﺗﻘﯘﺯﯗﯞﺍﻟﻤﯩﺴﺎ، ﻛﻪﻟﮕﯜﺳﻰ 23 ﻳﯩﻠﺪﺍ ﭘﯜﺗﯜﻧﻠﻪﻱ ﻗﯘﺭﯗﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﯗﯞﺍﺗﻘﺎﻥ ﻣﻪﺯﮔﯩﻠﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ.
ﺗﯘﺭﭘﺎﻥ ﻛﺎﺭﯨﺰﻟﯩﺮﯨﻨﯩﯔ ﯞﻩﻳﺮﺍﻥ ﺑﻮﻟﯘﺷﯩﺪﺍ ﻧﯧﻔﯩﺘﻠﯩﻚ ﯞﻩ ﺳﯘ ﺗﯘﺭﯗﺑﯩﻠﯩﺮﯨﻨﯩﯔ ﺭﻭﻟﻰ ﺑﺎﺭ
ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ 182 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻏﻨﯩﯔ 100 ﻣﯩﻠﻴﻮﻥ ﺩﻭﻟﻠﯩﺮﯨﻨﻰ ﺩﯗﻧﻴﺎ ﺑﺎﻧﻜﯩﺴﻰ ﻗﻪﺭﺯ ﺑﻪﺭﺳﻪ، ﻗﺎﻟﻐﯩﻨﯩﻨﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭ ﭼﯩﻘﯩﺮﯨﺪﯨﻐﺎﻥ ﺑﻮﻟﯘﭖ، ﻗﯘﺭﯗﻟﯘﺵ 2008 - ﻳﯩﻠﺪﯨﻦ 2010 - ﻳﯩﻠﻐﺎ ﻗﻪﺩﻩﺭ ﺋﯩﻜﻜﻰ ﻳﯩﻠﺪﺍ ﺗﺎﻣﺎﻣﻠﯩﻨﯩﺪﯨﻜﻪﻥ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺗﻪﺭﻩﻗﻘﯩﻴﺎﺕ ﯞﻩ ﺋﯩﺴﻼﻫﺎﺕ ﻛﻮﻣﯩﺘﯧﺘﯩﻨﯩﯔ ﺑﯩﺮ ﺑﺎﻳﺎﻧﺎﺗﭽﯩﺴﻰ ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﺑﻪﺭﮔﻪﻥ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ " ﺑﯘ ﭘﯩﻼﻥ ﺗﯘﺭﭘﺎﻥ ﯞﻩ ﻗﯘﻣﯘﻝ ﯞﯨﻼﻳﻪﺗﻠﯩﺮﯨﺪﻩ ﻫﺎﺯﯨﺮﻏﺎ ﻗﻪﺩﻩﺭ ﺋﯩﺸﻠﯩﺘﯩﻠﯩﯟﺍﺗﻘﺎﻥ ﻛﺎﺭﯨﺰﻻﺭﻧﻰ ﻗﻮﻏﺪﺍﭖ ﻗﯧﻠﯩﺸﻘﺎ ﻳﺎﺭﺩﻩﻣﭽﻰ ﺑﻮﻟﯘﭘﻼ ﻗﺎﻟﻤﺎﻱ، ﺑﯘ ﻳﻪﻧﻪ ﺳﯘ ﺋﯩﻨﺸﺎﺋﺎﺕ ﺋﺎﺳﺎﺳﻰ ﺋﻪﺳﻠﯩﻬﻪﻟﻪﺭ ﻗﯘﺭﯗﻟﯘﺷﯩﻨﻰ ﻳﺎﺧﺸﯩﻼﭖ، ﺷﻪﺭﻗﯩﻲ ﺷﯩﻨﺠﺎﯕﺪﯨﻜﻰ ﺳﯘ ﻳﯧﺘﯩﺸﻤﻪﺳﻠﯩﻚ ﻣﻪﺳﯩﻠﯩﺴﯩﻨﻰ ﻳﻪﯕﮕﯩﻠﻠﯩﺘﯩﺪﯗ " ﺩﻩﭖ ﺗﻪﻛﯩﺘﻠﯩﮕﻪﻥ.
ﻳﻪﺭﻟﯩﻚ ﺧﺎﺩﯨﻤﻼﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺗﯘﺭﭘﺎﻥ ﻛﺎﺭﯨﺰﻟﯩﺮﯨﻨﯩﯔ ﯞﻩﻳﺮﺍﻥ ﺑﻮﻟﯘﺷﯩﻨﻰ ﺗﯧﺰﻟﯩﺘﯩﯟﺍﺗﻘﺎﻥ ﺗﯜﭘﻜﻰ ﺳﻪﯞﻩﺏ ﻛﺎﺭﯨﺰ ﺳﯘ ﻣﻪﻧﺒﻪﺳﯩﻨﯩﯔ ﻗﯘﺭﯗﭖ ﻛﯧﺘﯩﯟﺍﺗﻘﺎﻧﻠﯩﻘﻰ ﺑﻮﻟﯘﭖ، ﺑﯘﻧﯩﯖﺪﺍ ﺭﺍﻳﻮﻧﺪﯨﻜﻰ ﻧﯧﻔﯩﺘﻠﯩﻚ ﯞﻩ ﺳﯘ ﺗﯘﺭﯗﺑﯩﻠﯩﺮﯨﻨﯩﯔ ﻫﻪﻝ ﻗﯩﻠﻐﯘﭺ ﺭﻭﻟﻰ ﺑﺎﺭ. ﺑﯘ ﺳﯚﺯﻟﻪﺭﻧﻰ ﺗﯘﺭﭘﺎﻥ ﺷﻪﻫﯩﺮﯨﺪﯨﻜﻰ ﺳﯘ ﺋﯩﺸﻼﺭ ﺳﯩﺴﺘﯧﻤﯩﺴﯩﺪﺍ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﺑﯩﺮ ﺧﺎﺩﯨﻢ ﺑﯘ ﻫﻪﻗﺘﯩﻜﻰ ﺳﯘﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻧﺪﻩ ﺋﻪﺳﻜﻪﺭﺗﺘﻰ.
ﺗﯘﺭﭘﺎﻥ ﻛﺎﺭﯨﺰﻯ ﻗﯩﻤﻤﻪﺗﻠﯩﻚ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﺘﯘﺭ
ﺋﺎﻻﻗﯩﺪﺍﺭ ﺩﺍﺋﯩﺮﯨﻠﻪﺭﻧﯩﯔ 182 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻏﻨﯩﯔ ﻗﺎﻧﭽﯩﻠﯩﻚ ﻗﯩﺴﯩﻤﯩﻨﻰ ﻛﺎﺭﯨﺰﻧﻰ ﻗﻮﻏﺪﺍﺵ ﺋﯜﭼﯜﻥ ﺳﻪﺭﭖ ﻗﯩﻠﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﺷﯘﻧﺪﺍﻗﻼ ﻛﺎﺭﯨﺰﻧﯩﯔ ﺳﯘ ﻣﻪﻧﺒﻪﺳﯩﻨﻰ ﻗﺎﻧﺪﺍﻕ ﺋﻪﺳﻠﯩﮕﻪ ﻛﻪﻟﺘﯜﺭﻣﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﻣﻪﻟﯘﻡ ﺋﻪﻣﻪﺱ. ﺋﯘﻧﯩﯔ ﺋﯜﺳﺘﯩﮕﻪ ﻛﺎﺭﯨﺰﻧﻰ ﻗﻮﻏﺪﺍﺵ ﻳﺎﻛﻰ ﯞﺍﺯ ﻛﯧﭽﯩﺶ ﻣﻪﺳﯩﻠﯩﺴﯩﺪﻩ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﺪﺍ ﭘﯩﻜﯩﺮ ﺋﯩﺨﺘﯩﻼﭘﻰ ﻣﻪﯞﺟﯘﺕ ﺑﻮﻟﯘﭖ، ﺗﯘﺭﭘﺎﻥ ﯞﯨﻼﻳﻪﺗﻠﯩﻚ ﺳﯘ ﺋﯩﺸﻼﺭ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﻟﯘ ﺟﯩﻦ، "ﻛﺎﺭﯨﺰﻧﯩﯔ ﯞﺍﻗﺘﻰ ﺋﯚﺗﺘﻰ "ﺩﯦﮕﯜﭼﻰ ﺋﻪﻣﻪﻟﺪﺍﺭﻻﺭﻧﯩﯔ ﺑﯩﺮﻯ ﺋﯩﺪﻯ. ﺋﯘ، ﺑﯘ ﻫﻪﻗﺘﯩﻜﻰ ﺑﯩﺮ ﺑﺎﻳﺎﻧﺎﺗﯩﺪﺍ "ﻛﺎﺭﯨﺰﻧﻰ ﺑﯩﻜﺎﺭ ﻗﯩﻠﯩﭗ، ﺋﯘﻧﯩﯔ ﺋﻮﺭﻧﯩﻐﺎ ﺳﯘ ﺋﺎﻣﺒﺎﺭﻟﯩﺮﯨﻨﻰ ﻗﯘﺭﯗﺵ ﻛﯧﺮﻩﻙ" ﺩﻩﭖ ﺗﻪﻛﯩﺘﻠﯩﮕﻪﻥ.
ﺗﯘﺭﭘﺎﻥ ﻛﺎﺭﯨﺰﻟﯩﺮﯨﻨﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﯞﻩ ﺳﯘ ﺋﯩﻨﺸﺎﺋﺎﺕ ﻗﯘﺭﯗﻟﯘﺷﻰ ﺗﻮﻏﺮﯨﺴﯩﺪﺍ ﻣﻪﻟﯘﻣﺎﺕ ﺋﯧﻠﯩﺶ ﻣﻪﻗﺴﯩﺘﯩﺪﻩ ﻛﺎﺭﯨﺰ ﺗﻪﺗﻘﯩﻘﺎﺕ ﺟﻪﻣﺌﯩﻴﯩﺘﯩﻨﯩﯔ ﺑﺎﺵ ﻛﺎﺗﯩﭙﻰ ﻏﻮﭘﯘﺭ ﻧﯘﺭﯨﺪﯨﻨﻐﺎ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺋﯘ ﺗﯧﻠﯧﻔﻮﻧﯩﻤﯩﺰﻧﻰ ﺋﯧﻠﯩﺸﻨﻰ ﺭﻩﺕ ﻗﯩﻠﺪﻯ. ﺋﯘﺯﯗﻥ ﻳﯩﻠﻼﺭ ﻛﺎﺭﯨﺰ ﺗﻪﺗﻘﯩﻘﺎﺗﻰ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﻳﻪﺭ - ﻧﺎﻣﻼﺭ ﻣﯘﺗﻪﺧﻪﺳﺴﯩﺴﻰ، "ﻛﺎﺭﯞﺍﻥ ﻳﻮﻟﯩﺪﯨﻜﻰ ﻳﻪﺭ ﻧﺎﻣﻼﺭ" ﻫﻪﻗﻘﯩﺪﯨﻜﻰ ﺋﻪﺳﻪﺭﻧﯩﯔ ﺋﺎﭘﺘﻮﺭﻯ ﻧﯩﻴﺎﺯ ﻛﯧﺮﯨﻤﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺗﯘﺭﭘﺎﻥ ﻛﺎﺭﯨﺰﻯ ﺋﯘﻟﯘﻍ ﺳﯘ ﺋﯩﻨﺸﺎﺋﺎﺕ ﻛﻪﺷﭙﯩﻴﺎﺗﻰ ﺑﻮﻟﯘﭘﻼ ﻗﺎﻟﻤﺎﻱ، ﺑﯘ ﻳﻪﻧﻪ ﺧﯩﺘﺎﻳﻼﺭﻧﯩﯔ ﺳﻪﺩﺩﯨﭽﯩﻦ ﺳﯧﭙﯩﻠﻰ، ﻣﯩﺴﯩﺮﻟﯩﻘﻼﺭﻧﯩﯔ ﭘﯩﺮﺍﻣﯩﺪﯨﺴﻰ ﺑﯩﻠﻪﻥ ﺑﯩﺮ ﻗﺎﺗﺎﺭﺩﯨﻜﻰ ﻗﻮﻏﺪﺍﭖ ﻗﯧﻠﯩﺶ ﺯﯙﺭﯛﺭ ﺑﻮﻟﻐﺎﻥ ﻗﯩﻤﻤﻪﺗﻠﯩﻚ ﻣﻪﺩﻩﻧﯩﻲ ﻳﺎﺩﯨﻜﺎﺭﻟﯩﻘﺘﯘﺭ.
ﻛﺎﺭﯨﺰﻻﺭ ﻗﯘﺗﻘﯘﺯﯗﯞﯦﻠﯩﺸﻘﺎ ﻣﯘﻫﺘﺎﺝ
ﺷﯩﻨﺠﺎﯓ ﻛﺎﺭﯨﺰ ﺗﻪﺗﻘﯩﻘﺎﺕ ﺟﻪﻣﺌﯩﻴﯩﺘﻰ 3 ﻳﯩﻠﻨﯩﯔ ﺋﺎﻟﺪﯨﺪﺍ ﺋﯧﻼﻥ ﻗﯩﻠﻐﺎﻥ ﺑﯩﺮ ﺗﻪﻛﺸﯜﺭﯛﺵ ﺩﻭﻛﻼﺗﯩﺪﺍ، ﺗﯘﺭﭘﺎﻥ ﻛﺎﺭﯨﺰﻟﯩﺮﯨﻨﯩﯔ ﻫﻪﺭ ﻳﯩﻠﻰ 20 ﺳﻰ ﻗﯘﺭﯗﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ، ﺋﻪﮔﻪﺭ ﺑﯘ ﺳﯜﺭﺋﻪﺕ ﺑﯩﻠﻪﻥ ﻣﺎﯕﺴﺎ 23 ﻳﯩﻠﻐﺎ ﺑﺎﺭﻣﺎﻱ ﺗﯘﺭﭘﺎﻥ ﯞﯨﻼﻳﯩﺘﯩﺪﻩ ﻛﺎﺭﯨﺰ ﻗﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﯨﺪﯗ. ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﻳﯧﺮﯨﻢ ﺋﻪﺳﯩﺮ ﺋﯩﻠﮕﯩﺮﻯ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﻛﺎﺭﯨﺰﻧﯩﯔ ﺳﺎﻧﻰ 1700 ﮔﻪ ﻳﯧﺘﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.
ﻛﺎﺭﯨﺰ ﺗﻪﺗﻘﯩﻘﺎﺕ ﺟﻪﻣﺌﯩﻴﯩﺘﻰ 2004 - ﻳﯩﻠﺪﯨﻜﻰ ﺩﻭﻛﻼﺗﯩﺪﺍ ﺷﯘ ﻳﯩﻠﻰ ﺗﯘﺭﭘﺎﻧﺪﯨﻜﻰ ﻛﺎﺭﯨﺰﻻﺭﻧﯩﯔ 400 ﺋﻪﺗﺮﺍﭘﯩﻐﺎ ﭼﯜﺷﯜﭖ ﻗﺎﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﻧﯩﻴﺎﺯ ﻛﯧﺮﯨﻢ، ﻛﯜﻧﯩﻤﯩﺰﺩﻩ ﻛﺎﺭﯨﺰﻧﯩﯔ ﺗﯘﺭﭘﺎﻥ ﺷﻪﻫﯩﺮﻯ ﯞﻩ ﭘﯩﭽﺎﻥ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﻗﯩﺴﯩﻢ ﺟﺎﻳﻼﺭﺩﯨﻼ ﻗﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺗﻪﺭﻩﻗﻘﯩﻴﺎﺕ ﯞﻩ ﺋﯩﺴﻼﻫﺎﺕ ﻛﻮﻣﯩﺘﯧﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺗﯘﺭﭘﺎﻥ ﻛﺎﺭﯨﺰﻯ ﺩﯗﭺ ﻛﯧﻠﯩﯟﺍﺗﻘﺎﻥ ﺧﻪﺗﻪﺭﻧﻰ،" ﻛﺎﺭﯨﺰﻻﺭ ﻗﻮﻏﺪﺍﺵ ﯞﻩ ﻗﯘﺗﻘﯘﺯﯗﯞﯦﻠﯩﺸﻘﺎ ﺟﯩﺪﺩﯨﻲ ﻣﯘﻫﺘﺎﺝ ﺑﻮﻟﯘﯞﺍﺗﯩﺪﯗ " ﺩﻩﭖ ﺗﻪﺳﯟﯨﺮﻟﯩﺪﻯ. ﻟﯧﻜﯩﻦ ﺗﻪﺗﻘﯩﻘﺎﺗﭽﻰ ﻧﯩﻴﺎﺯ ﻛﯧﺮﯨﻤﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﻛﺎﺭﯨﺰﻧﻰ ﻗﯘﺗﻘﯘﺯﯗﯞﯦﻠﯩﺸﻨﯩﯔ ﺑﯩﺮﺩﯨﻦ - ﺑﯩﺮ ﻳﻮﻟﻰ ﺳﯘ ﻣﻪﻧﺒﻪﺳﯩﻨﻰ ﻗﻮﻏﺪﺍﺵ ﯞﻩ ﺗﯘﺭﯗﺑﯩﺪﺍ ﺳﯘ ﭼﯩﻘﯩﺮﯨﺸﻨﻰ ﺗﻮﺧﺘﯩﺘﯩﺸﺘﯘﺭ.
ﺗﯘﺭﭘﺎﻧﻠﯩﻘﻼﺭ 2000 ﻳﯩﻞ ﺋﯩﻠﮕﯩﺮﻯ ﻛﺎﺭﯨﺰ ﻗﯧﺰﯨﺸﻘﺎ ﺑﺎﺷﻠﯩﻐﺎﻥ
ﺗﺎﺭﯨﺨﭽﯩﻼﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﻛﺎﺭﯨﺰﻧﯩﯔ ﺋﻪﯓ ﺑﯘﺭﯗﻥ ﺯﺍﺩﻯ ﻗﻪﻳﻪﺭﺩﻩ ﺋﯩﺠﺎﺕ ﻗﯩﻠﯩﻨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺋﯩﻠﯩﻢ ﺳﺎﻫﻪﺳﯩﺪﯨﻜﯩﻠﻪﺭﻧﯩﯔ ﭘﯩﻜﯩﺮﻯ ﺋﻮﺧﺸﺎﺵ ﺋﻪﻣﻪﺱ. ﻟﯧﻜﯩﻦ ﺋﯩﻠﯩﻢ ﺳﺎﻫﻪﺳﻰ ﺗﯘﺭﭘﺎﻧﻠﯩﻘﻼﺭﻧﯩﯔ ﻛﺎﺭﯨﺰ ﻗﯧﺰﯨﺶ ﺗﺎﺭﯨﺨﯩﻨﻰ2000 ﻳﯩﻞ ﺋﯩﻠﮕﯩﺮﯨﻜﻰ ﺩﻩﯞﺭﻟﻪﺭﮔﻪ ﻗﻪﺩﻩﺭ ﺳﯜﺭﯛﺷﻜﻪ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﺎﻓﻐﺎﻧﻼﺭ ﻫﻪﻡ ﺋﯩﺮﺍﻧﻼﺭﻧﯩﯔ ﻗﻪﺩﯨﻤﺪﻩ ﻛﺎﺭﯨﺰ ﺳﯜﻳﻰ ﻗﻮﻟﻼﻧﻐﺎﻧﻠﯩﻘﯩﻨﻰ ﻗﻮﺑﯘﻝ ﻗﯩﻠﯩﺪﯗ.
ﻳﯧﻘﯩﻨﻘﻰ ﻳﯩﻠﻼﺭﺩﺍ ﺑﻪﺯﻯ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﯨﻨﯩﯔ ﺋﯩﭽﯩﺪﻩ ﻛﺎﺭﯨﺰﻧﯩﯔ ﺋﻪﯓ ﺑﯘﺭﯗﻥ ﮔﻪﻧﺴﯘ، ﺷﻪﻧﺸﻰ ﯞﻩ ﺳﻪﻧﺸﻰ ﺋﯚﻟﻜﯩﺴﯩﺪﯨﻜﻰ ﺗﯚﭘﯩﻠﯩﻜﻠﻪﺭﺩﻩ ﺋﯩﺠﺎﺩ ﻗﯩﻠﯩﻨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﯘﭼﯩﻼﺭ ﺑﻮﻟﺪﻯ. ﻳﻪﻧﻪ ﺑﻪﺯﻯ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﻯ ﺋﯩﭽﯩﺪﻩ ﻛﺎﺭﯨﺰﻧﻰ 18- ﺋﻪﺳﯩﺮﻧﯩﯔ 40 - ﻳﯩﻠﻠﯩﺮﯨﺪﯨﻜﻰ ﻣﻪﻧﭽﯩﯔ ﺧﺎﻧﻠﯩﻘﯩﻨﯩﯔ "ﻏﻪﺭﺑﯩﻲ ﺩﯨﻴﺎﺭﺩﯨﻜﻰ ﻳﺎﺗﻼﺭ ﺯﯦﻤﯩﻨﻰ"ﻏﺎ ﭘﺎﻻﻧﺪﻯ ﺋﻪﻣﻪﻟﺪﺍﺭﻯ ﻟﯩﻦ ﺯﯦﺸﯜﻱ، ﺋﯩﻠﯩﻐﺎ ﭘﺎﻟﯩﻨﯩﺶ ﺳﻪﭘﯩﺮﯨﺪﻩ ﺗﯘﺭﭘﺎﻧﻐﺎ ﻛﯧﻠﯩﭗ ﻗﺎﺯﺩﯗﺭﻏﺎﻥ، ﺩﯦﮕﯜﭼﯩﻠﻪﺭ ﭼﯩﻘﻘﺎﻥ ﺋﯩﺪﻯ. ﻟﯧﻜﯩﻦ ﺑﯘ ﻫﻪﻗﺘﯩﻜﻰ ﺗﺎﺭﯨﺨﯩﻲ ﮔﯘﻣﺎﻧﻼﺭﻧﻰ ﺗﻪﺗﻘﯩﻘﺎﺗﭽﻰ ﻧﯩﻴﺎﺯ ﻛﯧﺮﯨﻤﻰ ﺭﻩﺕ ﻗﯩﻠﯩﺪﯗ.
ﺋﺎﻣﯧﺮﯨﻜﯩﺪﯨﻜﻰ ﺑﻪﺯﻯ ﺗﻪﺗﻘﯩﻘﺎﺗﭽﯩﻼﺭ ﻛﺎﺭﯨﺰ ﺳﯘﻧﯩﯔ ﭘﺎﺭﻏﺎ ﺋﺎﻳﻠﯩﻨﯩﺸﯩﻨﻰ ﺗﯩﺰﮔﯩﻨﻠﻪﭘﻼ ﻗﺎﻟﻤﺎﻱ، ﺳﯘ ﺗﯧﺠﻪﺵ ﺭﻭﻟﻰ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ، ﻳﻪﺭ ﺋﺎﺳﺘﻰ ﺳﯜﻳﯩﻨﻰ ﭘﯩﻼﻧﺴﯩﺰ ﻗﯧﺰﯨﭗ، ﻛﺎﺭﯨﺰﻧﻰ ﻗﯘﺭﯗﺗﯩﯟﻩﺗﺴﻪ ﺭﺍﻳﻮﻧﺪﯨﻜﻰ ﺋﯧﻜﻮﻟﻮﮔﯩﻴﯩﻠﯩﻚ ﺗﻪﯕﭙﯘﯕﻠﯘﻗﻨﯩﯔ ﺗﻪﺳﯩﺮﮔﻪ ﺋﯘﭼﺮﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﺎﻣﯧﺮﯨﻜﺎ ﺑﻮﺯ ﻳﻪﺭ ﺋﯚﺯﻟﻪﺷﺘﯜﺭﯛﺵ ﺋﯩﺪﺍﺭﯨﺴﻰ ﭘﯩﻼﻧﻼﺵ ﺑﯚﻟﯜﻣﯩﻨﯩﯔ ﺑﺎﺷﻠﯩﻘﻰ ﺭﻭﺟﯧﺮ ﺧﻪﻧﺴﯧﻦ ﺋﯩﻠﮕﯩﺮﻯ ﺭﺍﺩﯨﺌﻮﻣﯩﺰﻧﯩﯔ ﺑﯘ ﻫﻪﻗﺘﯩﻜﻰ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ ﻳﻪﺭ ﺋﺎﺳﺘﻰ ﺳﯜﻳﯩﻨﻰ ﺋﯧﭽﯩﯟﯦﺮﯨﺸﻨﯩﯔ ﺋﯧﻜﻮﻟﻮﮔﯩﻴﯩﮕﻪ ﻣﻪﻟﯘﻡ ﺗﻪﺳﯩﺮﻯ ﻳﯧﺘﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺋﯩﺪﻯ. ﺋﯘ ﺷﯘ ﻗﯧﺘﯩﻤﻘﻰ ﺳﯚﺯﯨﺪﻩ "ﺑﻮﻟﯘﭘﻤﯘ ﺗﯘﺭﭘﺎﻧﻐﺎ ﺋﻮﺧﺸﺎﺵ ﺋﯧﻜﻮﻟﻮﮔﯩﻴﯩﻠﯩﻚ ﺗﻪﯕﭙﯘﯕﻠﯘﻗﻰ ﺋﺎﺟﯩﺰ ﺟﺎﻳﻼﺭﺩﺍ ﻳﻪﺭ ﺋﺎﺳﺘﻰ ﺳﯜﻳﯩﻨﻰ ﻗﺎﻻﻳﻤﯩﻘﺎﻥ ﺋﯧﭽﯩﺶ ﺗﻮﻏﺮﺍ ﺋﻪﻣﻪﺱ"ﺩﻩﻳﺪﯗ.

"ﻳﯩﭙﻪﻙ ﻳﻮﻟﯩﻨﯩﯔ ﻣﻪﻧﺒﻪﺳﻰ --- ﺷﯩﻨﺠﺎﯕﺪﯨﻦ ﻳﯧﯖﻰ ﺗﯧﭙﯩﻠﻐﺎﻥ ﺟﺎﻫﺎﻧﻨﻰ ﺯﯨﻞ - ﺯﯨﻠﮕﻪ ﺳﺎﻟﻐﺎﻥ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭ ﻛﺎﺗﺎﻟﻮﮔﻰ"

2008.01.02

ﻫﺎﺯﯨﺮ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﻳﯧﯖﯩﺪﯨﻦ ﺗﯧﭙﯩﻠﻐﺎﻥ 190 ﺧﯩﻠﺪﯨﻦ ﺋﺎﺭﺗﯘﻕ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﺋﻪﯞﺭﯨﺸﻜﯩﻠﯩﺮﻯ ﮔﯧﺮﻣﺎﻧﯩﻴﻪ ﻣﯘﺯﯨﻴﻠﯩﺮﻯ ﯞﻩ ﺳﻪﻧﺌﻪﺕ ﺳﺎﺭﺍﻳﻠﯩﺮﯨﺪﺍ ﻛﯚﺭﮔﻪﺯﻣﻪ ﻗﯩﻠﯩﻨﯩﯟﺍﺗﻘﺎﻥ ﺑﻮﻟﯘﭖ، ﺑﯘ، ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﮕﻪ ﺋﺎﺋﯩﺖ ﻳﺎﻟﺪﺍﻣﯩﻼﺭﻧﯩﯔ ﺗﯘﻧﺠﻰ ﻗﯧﺘﯩﻢ ﻳﺎﯞﺭﯗﭘﺎ ﺗﯘﭘﺮﺍﻗﻠﯩﺮﯨﺪﺍ ﺋﺎﺷﻜﺎﺭﺍ ﻛﯚﺭﺳﯩﺘﯩﻠﯩﺸﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.
2007 - ﻳﯩﻠﻰ 13 - ﺋﯚﻛﺘﻪﺑﯩﺮ ﻛﯜﻧﻰ ﺑﺎﺷﻼﻧﻐﺎﻥ ﺑﯘ ﻛﯚﺭﮔﻪﺯﻣﻪ 2008 - ﻳﯩﻠﻰ 14 - ﻳﺎﻧﯟﺍﺭ ﻛﯜﻧﯩﮕﯩﭽﻪ ﺩﺍﯞﺍﻡ ﻗﯩﻠﯩﺪﯨﻜﻪﻥ. ﺧﻪﯞﻩﺭﻟﻪﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯚﺗﻜﻪﻥ ﻳﯩﻠﻰ ﺋﯚﻛﺘﻪﺑﯩﺮﺩﯨﻦ ﺑﺎﺷﻼﭖ ﮔﯧﺰﯨﺖ - ﮊﯗﺭﻧﺎﻟﻼﺭ ﯞﻩ ﺋﯩﻨﺘﯧﺮﻧﯧﺖ ﺳﻪﻫﯩﭙﯩﻠﯩﺮﯨﺪﻩ ﺩﺍﯞﺭﯨﯖﻰ ﺑﻮﻟﯘﯞﺍﺗﻘﺎﻥ ﺑﯘ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﺗﺎﺭﯨﺨﻰ ﯞﻩ ﺳﯜﭘﯩﺘﻰ ﺯﯨﻴﺎﺭﻩﺗﭽﯩﻠﻪﺭﻧﯩﯔ ﻗﻪﻟﺒﯩﻨﻰ ﻟﻪﺭﺯﯨﮕﻪ ﺳﺎﻟﻐﺎﻥ.
ﺑﯜﮔﯜﻥ "ﺟﻪﻧﯘﺑﯩﻲ ﮔﯧﺮﻣﺎﻧﯩﻴﻪ ﮔﯧﺰﯨﺘﻰ" ﯞﻩ ﺯ ﺩ ﻑ، ﺋﺎﺭﺗﻪ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﯨﻨﯩﯔ ﺗﻮﺭ ﺑﻪﺗﻠﯩﺮﯨﺪﻩ ﺑﯘ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ ﻛﺎﺗﺎﻟﻮﮔﻰ ﺑﺎﺯﺍﺭﻏﺎ ﺳﯧﻠﯩﻨﻤﺎﻗﺘﺎ. ﺑﯘ ﻛﺎﺗﺎﻟﻮﮔﻘﺎ "ﻳﯩﭙﻪﻙ ﻳﻮﻟﯩﻨﯩﯔ ﻣﻪﻧﺒﻪﺳﻰ __ ﺷﯩﻨﺠﺎﯕﺪﯨﻦ ﻳﯧﯖﻰ ﺗﯧﭙﯩﻠﻐﺎﻥ ﺟﺎﻫﺎﻧﻨﻰ ﺯﯨﻞ - ﺯﯨﻠﯩﮕﻪ ﺳﺎﻟﻐﺎﻥ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭ ﻛﺎﺗﺎﻟﻮﮔﻰ،" ﺩﻩﭖ ﻧﺎﻡ ﻗﻮﻳﯘﻟﻐﺎﻥ ﺑﻮﻟﯘﭖ، 29.90 ﻳﺎﯞﺭﻭ ﺑﺎﻫﺎ ﺑﯧﻜﯩﺘﯩﻠﮕﻪﻥ. ﺋﺎﻟﻔﺮﯨﺌﻪﺩ ﯞﯨﺌﻪﻛﺰﻭﺭﻩﻙ ﯞﻩ ﭼﺮﯨﺴﺘﻮﭘﻬ ﻟﯩﻨﺪ ﺗﻪﺭﯨﭙﯩﺪﯨﻦ ﺗﯜﺯﯛﻟﮕﻪﻥ 300 ﺑﻪﺗﻠﯩﻚ ﺑﯘ ﻛﺎﺗﺎﻟﻮﮔﻘﺎ ﺋﯘﻳﻐﯘﺭﻻﺭ ﻣﻪﺩﻩﻧﯩﻴﯩﺘﯩﮕﻪ ﺋﺎﺋﯩﺖ ﺑﻮﻟﻐﺎﻥ ﻫﻪﺭ ﺧﯩﻞ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭﻧﯩﯔ 300 ﭘﺎﺭﭼﻪ ﺭﻩﺳﯩﻤﻰ ﻛﯩﺮﮔﯜﺯﯛﻟﮕﻪﻥ.

ﺑﯘ ﻛﺎﺗﺎﻟﻮﮔﻘﺎ ﻛﯩﺮﮔﯜﺯﯛﻟﮕﻪﻥ ﺋﺎﺳﺎﺭﻩ - ﺋﻪﺗﯩﻘﯩﻠﻪﺭ ﺋﯩﭽﯩﺪﻩ 4 ﻣﯩﯔ ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ ﺑﻮﻟﻐﺎﻥ ﻗﯩﻤﻤﻪﺗﻠﯩﻚ ﻳﺎﺩﯨﻜﺎﺭﻟﯩﻘﻼﺭﻧﯩﯖﻤﯘ ﺋﻮﺭﯗﻥ ﺗﯘﺗﯩﺪﯨﻐﺎﻧﻠﯩﻘﻰ ﻫﻪﻣﺪﻩ ﺗﺎﺭﯨﻢ ﯞﺍﺩﯨﺴﯩﺪﯨﻦ ﺗﯧﭙﯩﻠﻐﺎﻥ ﭘﯜﺗﯜﻥ ﺳﺎﻗﻼﻧﻐﺎﻥ ﺟﻪﺳﻪﺗﻠﻪﺭ ﯞﻩ ﻫﻪﺭ ﺧﯩﻞ ﻣﻪﺩﻩﻧﯩﻴﻪﺕ ﻳﺎﺩﯨﻜﺎﺭﻟﯩﻘﻠﯩﺮﯨﻨﯩﯔ ﺟﺎﻫﺎﻧﻨﻰ ﻟﻪﺭﺯﯨﮕﻪ ﺳﺎﻟﯩﺪﯨﻐﺎﻧﻠﯩﻘﻰ ﺗﻪﭘﺴﯩﻠﯩﻲ ﺋﯩﺰﺍﻫﻼﻧﻐﺎﻥ.

ﮔﯧﺮﻣﺎﻧﯩﻴﯩﻨﯩﯔ ﺑﯧﺮﻟﯩﻨﺪﺍ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ، 2007 -ﻳﯩﻠﻰ 14 - ﺋﯚﻛﺘﻪﺑﯩﺮﺩﯨﻦ ﺗﺎﺭﺗﯩﭗ 2008 - ﻳﯩﻠﻰ 14 - ﻳﺎﻧﯟﺍﺭﻏﯩﭽﻪ ﺩﺍﯞﺍﻣﻠﯩﺸﯩﺪﯨﻐﺎﻥ، "ﻳﯩﭙﻪﻙ ﻳﻮﻟﯩﻨﯩﯔ ﺋﻪﺳﻠﻰ ﻗﯩﻴﺎﭘﯩﺘﻰ" ﻧﺎﻣﻠﯩﻖ ﻛﯚﺭﮔﻪﺯﻣﯩﺪﻩ ﻛﯚﺭﺳﯩﺘﯩﻠﯩﯟﺍﺗﻘﺎﻥ، ﺋﯘﻳﻐﯘﺭ ﺋﯧﻠﯩﻨﺪﯨﻦ ﺗﻪﭘﯩﻠﻐﺎﻥ، 4000 ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ، ﺋﺎﺩﻩﻡ ﺋﻪﯞﺭﯨﺸﻜﯩﺴﻰ ﯞﻩ ﺧﯘﺭﯗﻡ ﺋﯚﺗﯘﻙ

2 ‏- ﻳﺎﻧﯟﺍﺭ ﻛﯜﻧﻰ ﺋﯜﺭﯛﻣﭽﯩﺪﯨﻜﻰ ﺩﯦﺨﯘﻱ ﺧﻪﻟﻘﺌﺎﺭﺍ ﺳﻮﺩﺍ ﺑﺎﺯﯨﺮﯨﻐﺎ ﺋﻮﺕ ﻛﻪﺗﺘﻰ

2008.01.02
2 ‏- ﻳﺎﻧﯟﺍﺭ ﻛﯜﻧﻰ ﺋﯜﺭﯛﻣﭽﯩﺪﯨﻜﻰ ﺩﯦﺨﯘﻱ ﺧﻪﻟﻘﺌﺎﺭﺍ ﺳﻮﺩﺍ ﺑﺎﺯﯨﺮﻯ ﺩﻩﭖ ﺋﺎﺗﯩﻠﯩﺪﯨﻐﺎﻥ 12 ﻗﻪﯞﻩﺗﻠﯩﻚ ﺗﻮﭖ ﺳﯧﺘﯩﺶ ﺑﯩﻨﺎﺳﯩﻐﺎ ﺋﻮﺕ ﻛﻪﺗﻜﻪﻥ. ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ 2 ‏- ﻳﺎﻧﯟﺍﺭ ﻛﯜﻧﻰ ﻛﻪﭺ ﺳﺎﺋﻪﺕ 11 ﺩﻩ ﺋﯜﺭﯛﻣﭽﯩﺪﯨﻦ ﺗﺎﺭﻗﺎﺗﻘﺎﻥ ﺋﯧﻨﮕﯩﻠﯩﺰﭼﻪ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻛﻪﭺ ﺳﺎﺋﻪﺕ 8 ﺩﯨﻦ 20 ﻣﯩﻨﯘﺕ ﺋﯚﺗﻜﻪﻧﺪﻩ، ﺋﯜﺭﯛﻣﭽﯩﻨﯩﯔ ﺟﻪﻧﯘﺑﯩﺪﯨﻜﻰ ﻛﯚﻟﯩﻤﻰ 100 ﻣﯩﯔ ﻛﯟﺍﺩﺭﺍﺕ ﻣﯧﺘﯩﺮ ﻛﯧﻠﯩﺪﯨﻐﺎﻥ 12 ﻗﻪﯞﻩﺗﻠﯩﻚ ﺩﯦﺨﯘﻱ ﺧﻪﻟﻘﺌﺎﺭﺍ ﺑﺎﺯﺍﺭ ﺑﯩﻨﺎﺳﯩﻨﯩﯔ 5 ‏- ﻗﻪﯞﯨﺘﯩﺪﯨﻦ ﺩﻩﻫﺸﻪﺗﻠﯩﻚ ﺋﯩﺲ ‏- ﺗﯜﺗﻪﻙ ﻛﯚﺗﯜﺭﯛﻟﮕﻪﻧﺪﯨﻦ ﻛﯧﻴﯩﻦ، 48 ﺋﻮﺕ ﺋﯚﭼﯜﺭﯛﺵ ﻣﺎﺷﯩﻨﯩﺴﻰ ﻳﯧﺘﯩﭗ ﻛﯧﻠﯩﭗ، 181 ﻧﻪﭘﻪﺭ ﺋﻮﺕ ﺋﯚﭼﯜﺭﯛﺵ ﺧﺎﺩﯨﻤﻰ ﺑﯘ ﺑﯩﻨﺎﺩﺍ ﺋﻮﺕ ﺋﯚﭼﯜﺭﯛﺷﻜﻪ ﺑﺎﺷﻠﯩﻐﺎﻥ.
ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، 2000 ﺩﯨﻦ ﺋﺎﺭﺗﯘﻕ ﻳﺎﻳﻤﯩﭽﻰ ﻛﯩﻴﯩﻢ -ﻛﯧﭽﻪﻙ، ﭘﻪﺩﺍﺯ ﺑﯘﻳﯘﻣﻠﯩﺮﻯ، ﯞﻩ ﻫﻪﺭ ﺧﯩﻞ ﻗﻮﻧﭽﺎﻕ ﺗﯩﺠﺎﺭﯨﺘﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﺑﯘ ﭼﻮﯓ ﺑﺎﺯﺍﺭ ﺋﺎﺩﻩﺗﺘﻪ ﻛﻪﭺ ﺳﺎﺋﻪﺕ 9 ﺩﺍ ﺗﺎﻗﯩﻼﺗﺘﻰ. ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺑﯘ ﻗﯧﺘﯩﻤﻘﻰ ﺋﻮﺕ ﺋﺎﭘﯩﺘﯩﻨﯩﯔ ﺋﺎﺩﻩﻣﻠﻪﺭﮔﻪ ﯞﻩ ﻣﯜﻟﯜﻛﻜﻪ ﻗﺎﻧﭽﯩﻠﯩﻚ ﺯﯨﻴﺎﻥ ﻳﻪﺗﻜﯜﺯﮔﻪﻧﻠﯩﻜﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ. ﺋﻪﻣﻤﺎ ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺋﻮﺕ ﺋﯚﭼﯜﺭﯛﺵ ﺩﺍﯞﺍﻣﻠﯩﺸﯩﯟﺍﺗﻘﺎﻧﺪﺍ، ﻗﺎﺗﻨﺎﺵ ﻣﻪﺟﺒﯘﺭﯨﻲ ﺗﻮﺧﺘﯩﺘﯩﻠﻐﺎﻥ، ﺋﻪﻣﻤﺎ ﺑﯘ ﺑﯩﻨﺎﻏﺎ ﻳﯧﻘﯩﻦ ﺟﺎﻳﺪﯨﻜﻰ ﭘﻮﻳﯩﺰ ﺋﯩﺴﺘﺎﻧﺴﯩﺴﯩﻨﯩﯔ ﺋﯩﺶ ﺗﻪﺭﺗﯩﭙﯩﮕﻪ ﺗﻪﺳﯩﺮ ﻳﻪﺗﻤﯩﮕﻪﻥ. ﺷﯘﻧﺪﺍﻗﻼ، ﻳﯧﻘﯩﻦ ﺟﺎﻳﺪﯨﻜﻰ 20 ﻗﻪﯞﻩﺗﻠﯩﻚ ﺑﯩﺮ ﭼﻮﯓ ﻣﯧﻬﻤﺎﻧﺨﺎﻧﺎ ﺋﯜﭼﯜﻧﻤﯘ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﺋﯧﻠﯩﻨﻐﺎﻥ.
ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ ﻳﻪﻧﻪ، ﺑﯘ ﺗﻮﭖ ﺳﯧﺘﯩﺶ ﺑﺎﺯﯨﺮﯨﻨﻰ ﻗﯘﺭﯗﺵ ﺋﯜﭼﯜﻥ ﺟﯧﺠﻴﺎﯓ ﺋﯚﻟﻜﯩﺴﯩﻨﯩﯔ ﺳﻮﺩﯨﮕﻪﺭﻟﯩﺮﻯ 380 ﻣﯩﻠﻴﻮﻥ ﻳﯘﻩﻥ ﻣﻪﺑﻠﻪﻍ ﺳﺎﻟﻐﺎﻥ ﺋﯩﻜﻪﻥ. ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺑﯘ ﺋﻮﺕ ﺋﺎﭘﯩﺘﻰ ﺑﯩﻨﺎﻧﯩﯔ ﺗﯚﯞﻩﻥ ﻗﻪﯞﯨﺘﯩﺪﯨﻦ ﺑﺎﺷﻼﻧﻐﺎﻥ.

ﺋﺎﻣﯧﺮﯨﻜﺎ ﯞﻩ ﻏﻪﺭﺑﻨﯩﯔ ﭘﺎﻛﯩﺴﺘﺎﻥ ﺗﻪﺷﯟﯨﺸﻠﯩﺮﻯ

2008.01.01
ﭘﺎﻛﯩﺴﺘﺎﻧﻨﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ، ﺑﻪﻧﻪﺯﯨﺮ ﺑﯘﺗﺘﻮﻧﯩﯔ، ﺋﯚﺗﻜﻪﻥ ﭘﻪﻳﺸﻪﻧﺒﻪ ﻛﯜﻧﻰ ﺭﺍﯞﺍﻟﭙﯩﻨﺪﻯ ﺷﻪﻫﯩﺮﯨﺪﻩ، ﺑﯩﺮ ﺳﯜﻳﯩﻘﻪﺳﺖ ﻧﻪﺗﯩﺠﯩﺴﯩﺪﻩ ﺋﯚﻟﺘﯜﺭﯛﻟﯜﺷﻰ، ﻏﻪﺭﺏ ﺩﯙﻟﻪﺗﻠﯩﺮﻯ ﯞﻩ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺩﯨﻘﻘﯩﺘﯩﻨﯩﯔ ﻗﺎﻳﺘﯩﺪﯨﻦ ﭘﺎﻛﯩﺴﺘﺎﻥ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﻣﻪﺳﯩﻠﺴﯩﮕﻪ ﺑﯘﺭﯗﻟﯘﺷﯩﻐﺎ ﺳﻪﯞﻩﺏ ﺑﻮﻟﺪﻯ. ﮔﯧﺮﻣﺎﻧﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻓﺮﺍﻧﻚ ﯞﺍﻟﺘﻪﺭ ﺷﺘﺎﻳﻦ ﻣﺎﻳﻪﺭ ﯞﻩ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺑﻪﺯﻯ ﺋﻪﺯﺍﻟﯩﺮﻯ، ﺋﻪﮔﻪﺭ ﺑﻪﻧﻪﺯﯨﺮ ﺑﻮﺗﻮ ﻧﯩﯔ ﺋﯚﻟﺘﯜﺭﯛﻟﯜﺷﯩﺪﯨﻦ ﻛﯧﻴﯩﻦ، ﭘﺎﻛﯩﺴﺘﺎﻧﺪﺍ ﺑﺎﺷﻼﻧﻐﺎﻥ ﺳﯩﻴﺎﺳﯩﻲ ﻛﺮﯨﺰﯨﺲ ﺗﯧﺨﯩﻤﯘ ﺟﯩﺪﺩﯨﻠﻪﺷﺴﻪ، ﺑﯘ ﺩﯙﻟﯩﺘﯩﻨﯩﯔ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺭﺍﺩﯨﻜﺎﻝ ﮔﯘﺭﯗﭘﭙﯩﻼﺭﻧﯩﯔ ﻗﻮﻟﻐﺎ ﭼﯜﺷﯜﭖ ﻗﯩﻠﯩﺶ ﺧﻪﯞﭘﻰ ﺑﺎﺭﻟﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.
ﮔﯧﺮﻣﺎﻧﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺷﺘﺎﻳﯩﻦ ﻣﺎﻳﻪﺭ، ﻳﻪﻛﺸﻪﻧﺒﻪ ﻛﯜﻧﻰ، ﮔﯧﺮﻣﺎﻧﯩﻴﯩﺪﻩ ﭼﯩﻘﯩﺪﯨﻐﺎﻥ "ﺑﯩﻠﺪ ﺋﺎﻡ ﺳﻮﻧﺘﺎﻙ" ﮔﯧﺰﯨﺘﯩﮕﻪ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، " ﻳﺎﺩﺭﻭ ﻗﻮﺭﺍﻟﻼﺭ ﺭﺍﺩﯨﻜﺎﻝ ﺋﯩﺴﻼﻣﯩﻲ ﮔﯘﺭﯗﭘﭙﯩﻼﺭﻧﯩﯔ ﻗﻮﻟﻐﺎ ﭼﯜﺷﯜﭖ ﻗﺎﻟﻤﺎﺳﻠﯩﻘﻰ ﻛﯧﺮﻩﻙ. ﮔﻪﺭﭼﻪ، ﭘﺎﻛﯩﺴﺘﺎﻧﺪﺍ ﺳﯩﻴﺎﺳﯩﻲ ﯞﻩﺯﯨﻴﻪﺕ ﻛﻪﺳﻜﯩﻨﻠﻪﺷﻜﻪﻥ ﺑﻮﻟﺴﯩﻤﯘ، ﻫﺎﺯﯨﺮﻏﯩﭽﻪ، ﺑﯘﻧﺪﺍﻕ ﺑﯩﺮ ﺧﻪﯞﭘﻨﯩﯔ ﺑﺎﺭﻟﯩﻘﻰ ﻫﻪﻗﻘﯩﺪﻩ ﺋﯧﻨﯩﻖ ﺑﯩﺮ ﺋﺎﻻﻣﻪﺕ ﻣﻪﯞﺟﯘﺕ ﺋﻪﻣﻪﺱ، ﺋﻪﻣﻤﺎ ﯞﻩﺯﯨﻴﻪﺕ ﺗﯧﺨﯩﻤﯘ ﺟﯩﺪﺩﯨﻠﻪﺷﺴﻪ، ﺑﯘﻧﺪﺍﻕ ﺑﯩﺮ ﺧﻪﯞﭘﻨﯩﯔ ﺋﻮﺗﺘﯘﺭﯨﻐﺎ ﭼﯩﻘﯩﺶ ﺋﯧﻬﯩﺘﻤﺎﻟﻠﯩﻘﻰ ﺑﺎﺭ" ﺩﯦﮕﻪﻥ.
ﺋﺎﻣﯧﺮﯨﻜﯩﺪﯨﻜﻰ ﺑﻪﺯﻯ ﺳﯩﻴﺎﺳﯩﻴﻮﻧﻼﺭ، ﭘﺎﻛﯩﺴﺘﺎﻥ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﻫﻪﻗﻘﯩﺪﻩ ﺟﯩﺪﺩﯨﻲ ﺋﻪﻧﺪﯨﺸﯩﻠﯩﺮﻯ ﺑﺎﺭﻟﯩﻘﯩﻨﻰ ﺗﻪﻛﯩﺘﻠﻪﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﭘﺎﻛﯩﺴﺘﺎﻥ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﻨﻰ ﻳﯧﻘﯩﻨﺪﯨﻦ ﻛﯜﺯﯨﺘﯩﯟﺍﺗﻘﺎﻥ ﺋﺎﻣﯧﺮﯨﻜﺎ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻜﻰ، ﻧﯚﯞﻩﺗﺘﻪ، ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﯩﻨﯩﯔ ﻗﺎﺗﺘﯩﻖ ﻛﻮﻧﺘﺮﻭﻟﻠﯩﻘﯩﺪﯨﻜﻰ ﻳﺎﺩﺭﻭ ﻗﻮﺭﺍﻟﻼﺭﻧﯩﯔ ﺑﯩﺨﻪﺗﻪﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ.
ﭘﺎﻛﯩﺴﺘﺎﻥ، ﻳﺎﺩﺭﻭ ﻗﻮﺭﺍﻟﻠﯩﺮﯨﻐﺎ ﺋﯩﮕﻪ ﺩﯗﻧﻴﺎﺩﯨﻜﻰ ﺑﯩﺮﺩﯨﻦ ﺑﯩﺮ ﻣﯘﺳﯘﻟﻤﺎﻥ ﺩﯙﻟﻪﺕ ﺑﻮﻟﯘﭖ، ﭘﺎﻛﯩﺴﺘﺎﻥ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﯞﻩ ﺑﯘ ﻗﻮﺭﺍﻟﻼﺭﻧﯩﯔ ﺭﺍﺩﯨﻜﺎﻝ ﺩﯨﻨﯩﻲ ﮔﯘﺭﯗﭘﭙﯩﻼﺭﻧﯩﯔ ﻗﻮﻟﻐﺎ ﭼﯜﺷﯜﭖ ﻗﯩﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ، ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺩﯙﻟﻪﺗﻠﯩﺮﻯ ﺑﻮﻟﯘﭘﻤﯘ 11‏- ﺳﯧﻨﺘﻪﺑﯩﺮ ﺗﯧﺮﺭﻭﺭﻟﯘﻕ ﻫﯘﺟﯘﻣﻠﯩﺮﯨﺪﯨﻦ ﻛﯧﻴﯩﻦ، ﺋﻪﯓ ﻛﯚﭖ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯗ. ﺋﻪﻟﻘﺎﺋﯩﺪﻩ ﺗﻪﺷﻜﯩﻼﺗﻰ ﯞﻩ ﺑﯘ ﺗﻪﺷﻜﯩﻼﺗﻨﯩﯔ ﺭﻩﺋﯩﺴﻰ، ﺋﯘﺳﺎﻣﺎ ﺑﯩﻦ ﻻﺩﯨﻨﻨﯩﯔ ﺋﯘﺯﯗﻧﺪﯨﻦ ﺑﯧﺮﻯ، ﻳﺎﺩﺭﻭ ﻗﻮﺭﺍﻝ ﯞﻩ ﻳﺎﺩﺭﻭ ﺗﯧﺨﻨﯩﻜﯩﺴﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﭼﯩﻘﯩﯟﺍﺗﻘﺎﻥ ﺧﻪﯞﻩﺭﻟﻪﺭ، ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺑﯘ ﻣﻪﺳﯩﻠﯩﮕﻪ ﺗﯧﺨﯩﻤﯘ ﺩﯨﻘﻘﻪﺕ ﺑﯩﻠﻪﻥ ﻗﺎﺭﯨﺸﯩﻐﺎ ﺳﻪﯞﻩﺏ ﺑﻮﻟﺪﻯ.
ﺩﯦﮕﻪﻧﺪﻩﻙ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ 11‏- ﺳﯧﻨﺘﻪﺑﯩﺮ ﺗﯧﺮﺭﻭﺭﻟﯘﻕ ﻫﯘﺟﯘﻣﻠﯩﺮﯨﺪﯨﻦ ﻛﯧﻴﯩﻦ، ﭘﺎﻛﯩﺴﺘﺎﻥ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﺋﯜﭼﯜﻥ ﺋﺎﻻﻫﯩﺪﻩ ﺑﯩﺮ ﻫﻪﺭﯨﻜﻪﺕ ﺑﺎﺷﻼﺗﻘﺎﻥ ﺑﻮﻟﯘﭖ، "ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﻰ"ﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﭘﺮﯦﺰﯨﺪﯦﻨﺖ ﺑﯘﺵ ﻫﯚﻛﯜﻣﯩﺘﻰ، ﺋﯚﺗﻜﻪﻥ ﺋﺎﻟﺘﻪ ﻳﯩﻞ ﺋﯩﭽﯩﺪﻩ، ﻳﺎﺩﺭﻭ ﻗﻮﺭﺍﻟﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﺳﺎﻗﻼﺵ ﻣﻪﺳﯩﻠﺴﯩﮕﻪ ﺋﯩﺸﻠﯩﺘﯩﺶ ﺋﯜﭼﯜﻥ ﭘﻪﺭﯞﯦﺰ ﻣﯘﺷﻪﺭﺭﻩﭖ ﻫﯚﻛﯜﻣﯩﺘﯩﮕﻪ 100 ﻣﯩﻠﻴﻮﻥ ﺩﻭﻟﻼﺭ ﭘﯘﻝ ﻳﺎﺭﺩﻩﻡ ﺑﻪﺭﮔﻪﻥ.
ﻟﯧﻜﯩﻦ ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﮔﻪﺭﭼﻪ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺧﺎﺩﯨﻤﻠﯩﺮﻯ، ﭘﺎﻛﯩﺴﺘﺎﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺑﺎﻳﺎﻧﻠﯩﺮﯨﻐﺎ ﺋﺎﺳﺎﺳﻪﻥ، ﻫﺎﺯﯨﺮﭼﻪ، ﭘﺎﻛﯩﺴﺘﺎﻥ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﺋﯜﭼﯜﻥ، ﻫﯧﭽﻘﺎﻧﺪﺍﻕ ﺗﻪﻫﺪﯨﺘﻨﯩﯔ ﻣﻪﯞﺟﯘﺕ ﺋﻪﻣﻪﺳﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﭘﺎﻛﯩﺴﺘﺎﻥ ﺩﺍﺋﯩﺮﯨﻠﯩﺮﻯ، ﻳﺎﺩﺭﻭ ﻗﻮﺭﺍﻟﻼﺭﻧﯩﯔ ﻗﺎﻧﺪﺍﻕ ﯞﻩ ﻗﺎﻳﺴﻰ ﻳﻪﺭﺩﻩ ﺳﺎﻗﻠﯩﻨﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺋﺎﻣﯧﺮﯨﻜﺎ ﺗﻪﺭﻩﭘﻜﻪ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ.
ﺩﯦﻤﻪﻙ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ، ﭘﺎﻛﯩﺴﺘﺎﻧﻐﺎ ﻳﺎﺩﺭﻭ ﻗﻮﺭﺍﻟﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﺋﯩﺸﻠﯩﺘﯩﺶ ﺋﯜﭼﯜﻥ 100 ﻣﯩﻠﻴﻮﻥ ﺩﻭﻟﻼﺭﺩﯨﻦ ﺋﺎﺭﺗﻮﻕ ﭘﯘﻝ ﻳﺎﺭﺩﯨﻤﻰ ﺑﻪﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﺎﻣﯧﺮﯨﻜﺎ، ﻳﺎﺩﺭﻭ ﻗﻮﺭﺍﻟﻼﺭﻧﯩﯔ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﺴﯩﺪﻩ ﻓﺮﺍﻧﺴﯩﻴﻪ ﯞﻩ ﺭﯗﺳﯩﻴﻪ ﺑﯩﻠﻪﻥ ﺋﻮﺭﻧﺎﺗﻘﺎﻥ ﺗﯧﺨﻨﯩﻚ ﻫﻪﻣﻜﺎﺭﻟﯩﻘﯩﻨﻰ، ﻣﻪﯞﺟﯘﺕ ﻗﺎﻧﯘﻧﻰ ﭼﻪﻛﻠﯩﻤﯩﻠﻪﺭ ﺗﯜﭘﻪﻳﻠﻰ ﺗﯧﺨﻰ ﭘﺎﻛﯩﺴﺘﺎﻥ ﺑﯩﻠﻪﻥ ﺋﻮﺭﻧﯩﺘﺎﻟﻤﯩﻐﺎﻥ.
ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﮔﻪﺭﭼﻪ ﺋﺎﻣﯧﺮﯨﻜﺎ ﯞﻩ ﭘﺎﻛﯩﺴﺘﺎﻥ ﺋﯩﻜﻜﻰ ﺋﯩﺘﺘﯩﭙﺎﻗﺪﺍﺵ ﺩﯙﻟﻪﺕ ﺑﻮﻟﺴﯩﻤﯘ، ﺋﻪﻣﻤﺎ ﻳﺎﺩﺭﻭ ﻗﻮﺭﺍﻟﻼﺭ ﻣﻪﺳﯩﻠﺴﯩﺪﻩ، ﻗﺎﻧﯘﻧﻰ ﭼﻪﻛﻠﯩﻤﯩﻠﻪﺭﺩﯨﻦ ﺑﺎﺷﻘﺎ ﻳﻪﻧﻪ، ﺋﯩﻜﻜﻰ ﺗﻪﺭﻩﭖ ﺋﻮﺗﺘﯘﺭﯨﺴﯩﺪﺍ ﺋﯩﺸﻪﻧﭽﺴﯩﺰﻟﯩﻚ ﻣﻪﯞﺟﯘﺕ ﺋﯩﻜﻪﻥ. ﭘﺎﻛﯩﺴﺘﺎﻧﻠﯩﻘﻼﺭ، ﺋﺎﻣﯧﺮﯨﻜﯩﻨﯩﯔ ﻳﺎﺩﺭﻭ ﻗﻮﺭﺍﻟﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ ﺋﯜﭼﯜﻥ ﭘﺎﻛﯩﺴﺘﺎﻧﻐﺎ ﺑﻪﺭﮔﻪﻥ ﺗﯧﺨﻨﯩﻚ ﻳﺎﺭﺩﯨﻤﯩﮕﻪ ﮔﯘﻣﺎﻥ ﺑﯩﻠﻪﻥ ﻗﺎﺭﯨﺴﺎ، ﺋﺎﻣﯧﺮﯨﻜﯩﻨﯩﯔ ﺑﻪﺯﻯ ﻫﯚﻛﯜﻣﻪﺕ ﺋﻪﺭﺑﺎﺑﻠﯩﺮﻯ، ﭘﺎﻛﯩﺴﺘﺎﻧﻐﺎ ﺑﯘﻧﺪﺍﻕ ﺗﯧﺨﻨﯩﻜﯩﻨﯩﯔ ﺑﯧﺮﯨﻠﯩﺸﻰ، ﺑﯘ ﺩﯙﻟﻪﺗﻨﯩﯔ ﺋﺎﻣﯧﺮﯨﻜﯩﻨﯩﯔ ﻳﺎﺩﺭﻭ ﺗﯧﺨﻨﯩﻜﯩﺴﻰ ﻫﻪﻗﻘﯩﺪﻩ ﻧﯘﺭﻏﯘﻥ ﻣﻪﻟﯘﻣﺎﺗﻘﺎ ﺋﯩﮕﻪ ﺑﻮﻟﯘﭖ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﯘﺷﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﺪﯨﻜﻪﻥ.