ﺧﯩﺘﺎﻳﺪﯨﻜﻰ ﻳﻪﻧﻪ ﺑﯩﺮ ﺋﯘﻧﺘﯘﻟﻐﺎﻥ ﺧﻪﻟﻖ - ﺋﯘﻳﻐﯘﺭﻻﺭ

ﺑﯘ ﻳﯩﻞ 16 ‏ - ﻣﺎﻱ ﻛﯜﻧﻰ ﺋﻪﺭﻩﺏ ﺩﯗﻧﻴﺎﺳﯩﺪﺍ ﺗﺎﺭﻗﯩﺘﯩﻠﯩﺪﯨﻐﺎﻥ ﺷﻪﺭﻕ ﻛﯚﯞﺭﯛﻛﻰ ﮔﯧﺰﯨﺘﯩﻨﯩﯔ ﺋﯧﻨﮕﯩﻠﯩﺰﭼﻪ ﺳﺎﻧﯩﺪﺍ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺑﯩﺮ ﭘﺎﺭﭼﻪ ﻣﺎﻗﺎﻟﻪ ﺋﯧﻼﻥ ﻗﯩﻠﯩﻨﺪﻯ. ﻣﺎﻗﺎﻟﯩﻨﯩﯔ ﺗﯧﻤﯩﺴﻰ " ﺧﯩﺘﺎﻳﺪﯨﻜﻰ ﻳﻪﻧﻪ ﺑﯩﺮ ﺋﯘﻧﺘﯘﻟﻐﺎﻥ ﺧﻪﻟﻖ ‏ - ﺋﯘﻳﻐﯘﺭﻻﺭ."
ﻣﺎﻗﺎﻟﯩﻨﯩﯔ ﺋﺎﭘﺘﻮﺭﻯ ﺋﺎﺗﺎﻗﻠﯩﻖ ﮊﯗﺭﻧﺎﻟﯩﺴﺖ ﺋﺎﻣﯩﺮ ﺗﺎﻫﯩﺮﻯ. ﻣﺎﻗﺎﻟﯩﺪﻩ، ﺗﯩﺒﻪﺕ ﻣﻪﺳﯩﻠﯩﺴﻰ ﺑﯩﻠﻪﻥ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺳﯧﻠﯩﺸﺘﯘﺭﯗﻟﻐﺎﻥ ﯞﻩ ﺋﯘﻳﻐﯘﺭﻻﺭﻧﯩﯔ ﺗﯧﺨﯩﻤﯘ ﺯﻭﺭ ﺗﻪﻫﺪﯨﺖ ﺋﺎﺳﺘﯩﺪﺍ ﻳﺎﺷﺎﯞﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.ﺋﺎﭘﺘﻮﺭ ﺋﺎﻣﯩﺮ ﺗﺎﻫﯩﺮﻯ ﺋﯩﺮﺍﻧﺪﺍ ﺗﯘﻏﯘﻟﻐﺎﻥ، ﻟﻮﻧﺪﻭﻥ ﯞﻩ ﭘﺎﺭﯨﮋﺩﺍ ﺗﻪﻫﺴﯩﻞ ﻛﯚﺭﮔﻪﻥ، ﺋﯘﻧﯩﯔ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ ﺑﯘﻳﯩﭽﻪ ﻳﺎﺯﻏﺎﻥ ﻛﯩﺘﺎﺑﻠﯩﺮﻯ 20 ﺩﯨﻦ ﺋﺎﺭﺗﯘﻕ ﺗﯩﻠﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ. ﺋﺎﭘﺘﻮﺭ" ﺧﯩﺘﺎﻳﺪﯨﻜﻰ ﻳﻪﻧﻪ ﺑﯩﺮ ﺋﯘﻧﺘﯘﻟﻐﺎﻥ ﺧﻪﻟﻖ ‏ - ﺋﯘﻳﻐﯘﺭﻻﺭ" ﻧﺎﻣﻠﯩﻖ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ : ﺩﯗﻧﻴﺎ ﺗﯧﻠﯧﯟﯨﺰﻭﺭ ﺋﯧﻜﺮﺍﻧﻠﯩﺮﯨﺪﯨﻦ ﺗﯩﺒﻪﺗﺘﯩﻜﻰ ﯞﻩﺯﯨﻴﻪﺗﻨﻰ ﻛﯚﺭﯛﯞﺍﺗﻘﺎﻥ ﭼﯧﻐﯩﺪﺍ ، ﺑﯘﻧﯩﯖﺪﯨﻦ ﺋﯧﻐﯩﺮﺭﺍﻕ ﯞﻩﺯﯨﻴﻪﺗﻨﯩﯔ ﺧﯩﺘﺎﻳﻨﯩﯔ ﻳﻪﻧﻪ ﺑﺎﺷﻘﺎ ﺟﺎﻳﯩﺪﺍ ﻣﻪﯞﺟﯘﺗﻠﯘﻗﯩﻨﻰ ﺑﯩﻠﻤﻪﻱ ﻗﺎﻟﺪﻯ. ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻳﺪﺍ ﻫﻪﻗﯩﻘﯩﻲ ﺋﯘﻧﺘﯘﻟﻐﺎﻥ ﺧﻪﻟﻖ ﺗﯩﺒﻪﺕ ﺋﻪﻣﻪﺱ ، ﺑﻪﻟﻜﻰ ﺋﯘﻳﻐﯘﺭﻻﺭ.
ﺷﻪﺭﻗﻰ ﺗﯜﺭﻛﯩﺴﺘﺎﻥ 1949 ‏ - ﻳﯩﻠﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ ﺑﯧﺴﯩﯟﯦﻠﯩﻨﻐﺎﻥﺋﺎﭘﺘﻮﺭ ﺑﯘ ﻗﺎﺭﯨﺸﯩﻨﻰ ﺩﻩﻟﯩﻠﻠﻪﺵ ﺋﯜﭼﯜﻥ، ﺗﯩﺒﻪﺗﻜﻪ ﺋﯩﻠﮕﯩﺮﻯ - ﺋﺎﺧﯩﺮ ﺑﻮﻟﯘﭖ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﻛﯩﺮﯨﭗ - ﭼﯩﻘﯩﭗ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ، ﺋﯩﺒﺎﺩﻩﺗﺨﺎﻧﯩﻼﺭﺩﺍ ﺑﻪﻟﮕﯩﻠﯩﻚ ﺩﻩﺭﯨﺠﯩﺪﻩ ﺩﯨﻨﯩﻲ ﺋﻪﺭﻛﯩﻨﻠﯩﻚ ﺑﺎﺭﻟﯩﻘﯩﻨﻰ ﯞﻩ ﺧﯩﺘﺎﻳﻨﯩﯔ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﻨﯩﯔ ﺗﯩﺒﻪﺗﺘﻪ ﻗﺎﺗﺘﯩﻖ ﺋﻪﻣﻪﺳﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭﻧﯩﯔ ﺑﯘﻧﺪﺍﻕ ﺋﯩﻤﻜﺎﻧﻼﺭﺩﯨﻦ ﺗﺎﻣﺎﻣﻪﻥ ﻣﻪﻫﺮﯗﻣﻠﯘﻗﯩﻨﻰ ﺑﯩﻠﺪﯛﺭﯨﺪﯗ ﯞﻩ ﻣﯘﻧﺪﺍﻕ ﻳﺎﺯﯨﺪﯗ. ﺋﯘﻳﻐﯘﺭﻻﺭ ﻣﻪﻳﻠﻰ ﺋﯧﺘﻨﯩﻚ ﻛﯧﻠﯩﭗ ﭼﯩﻘﯩﺶ، ﻣﻪﻳﻠﻰ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻦ ﺑﻮﻟﺴﯘﻥ، ﺧﯩﺘﺎﻱ ﺑﯩﻠﻪﻥ ﻫﯧﭽﻘﺎﻧﺪﺍﻕ ﺋﺎﻻﻗﯩﺴﻰ ﺑﻮﻟﻤﯩﻐﺎﻥ ﺑﯩﺮ ﻣﯩﻠﻠﻪﺕ. ﺋﯘﻳﻐﯘﺭﻻﺭﻧﯩﯔ ﯞﻩﺗﯩﻨﯩﻨﯩﯔ ﻧﺎﻣﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ، 1949 ‏ - ﻳﯩﻠﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺗﻪﺭﯨﭙﯩﺪﯨﻦ ﺑﯧﺴﯩﯟﯦﻠﯩﻨﻐﺎﻥ. ﺋﺎﭘﺘﻮﺭ ﺋﯘﻳﻐﯘﺭﻻﺭ ﻳﻮﻟﯘﻗﻘﺎﻥ ﺋﻪﯓ ﭼﻮﯓ ﺗﻪﻫﺪﯨﺘﻨﯩﯔ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺋﯩﻜﻪﻧﻠﯩﻜﯩﻨﻰ، 1949 ‏ - ﻳﯩﻠﻰ ﺭﺍﻳﻮﻧﺪﯨﻜﻰ ﻧﻮﭘﯘﺱ ﻧﯩﺴﺒﯩﺘﯩﺪﻩ %92 ﻧﻰ ﺋﯩﮕﯩﻠﻪﻳﺪﯨﻐﺎﻥ ﺋﯘﻳﻐﯘﺭﻻﺭﻧﯩﯔ ﻧﯚﯞﻩﺗﺘﻪ %46 ﮔﻪ ﭼﯜﺷﯜﭖ ﻗﺎﻟﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺪﯗ ﯞﻩ ﻣﯘﻧﺪﺍﻕ ﻳﺎﺯﯨﺪﯗ: ﺋﯘﻳﻐﯘﺭﻻﺭﻧﯩﯔ 1949 ‏ - ﻳﯩﻠﯩﺪﯨﻜﻰ ﻧﻮﭘﯘﺳﻰ 18 ﻣﯩﻠﻴﻮﻥ ﺩﻩﭖ ﺧﺎﺗﯩﺮﯨﻠﻪﻧﮕﻪﻥ، ﻫﺎﺯﯨﺮ 8 ﻣﯩﻠﻴﻮﻥ ﺩﯦﻴﯩﻠﯩﯟﺍﺗﯩﺪﯗ. ﺩﯦﻤﻪﻙ ﺋﯘﻳﻐﯘﺭﻻﺭﺩﯨﻜﻰ ﻧﻮﭘﯘﺱ ﺋﺎﺯﯨﻴﯩﺶ ﺭﯗﺳﯩﻴﯩﺪﯨﻜﻰ ﭼﯧﭽﻪﻧﻠﻪﺭﺩﯨﻨﻤﯘ ﻛﯚﭖ. ﺋﺎﭘﺘﻮﺭ ﻳﻪﻧﻪ ﻣﯘﻧﺪﺍﻕ ﻳﺎﺯﯨﺪﯗ: ﺋﯘﻳﻐﯘﺭﻻﺭ ﺩﯗﻧﻴﺎﺩﺍ ﻧﻮﭘﯘﺳﻰ ﻛﯚﭘﻪﻳﻤﻪﻳﯟﺍﺗﻘﺎﻥ ﺑﯩﺮﺩﯨﻦ - ﺑﯩﺮ ﻣﯘﺳﯘﻟﻤﺎﻥ ﺧﻪﻟﻖ.
ﺋﯘﻳﻐﯘﺭﻻﺭ 100 ﻳﯩﻠﺪﺍ 40 ﻗﯧﺘﯩﻤﺪﯨﻦ ﺋﺎﺭﺗﯘﻕ ﺋﯩﺴﻴﺎﻥ ﻛﯚﺗﯜﺭﯛﭖ ﺋﯩﻨﻘﯩﻼﺏ ﻗﯩﻠﻐﺎﻥﺋﺎﻣﯩﺮ ﺗﺎﻫﯩﺮ ﻣﺎﻗﺎﻟﯩﺴﯩﺪﻩ ﻳﻪﻧﻪ، ﺷﯩﻨﺠﻴﺎﯓ ﺩﯦﮕﻪﻥ ﺋﺎﺗﺎﻟﻐﯘﻧﯩﯔ ﺧﯩﺘﺎﻳﭽﯩﺪﺍ ﻳﯧﯖﻰ ﺯﯦﻤﯩﻦ، ﻳﯧﯖﻰ ﭼﯧﮕﺮﺍ ﺩﯦﮕﻪﻥ ﻣﻪﻧﯩﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﻗﯩﺴﺘﯘﺭﯗﭖ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭ ﺋﺎﺳﺎﺭﻩﺗﻜﻪ ﭼﯜﺷﻜﻪﻧﺪﯨﻦ ﺑﺎﺷﻼﭖ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﺗﻪﯞﻩ ﻫﻪﺭ ﻗﺎﻧﺪﺍﻕ ﭘﺎﺭﺗﯩﻴﻪ ﯞﻩ ﮔﯘﺭﯗﻫﺘﯩﻦ ﺋﯘﻳﻐﯘﺭﻻﺭﻏﺎ ﻳﺎﺧﺸﯩﻠﯩﻖ ﻛﻪﻟﻤﯩﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﺪﯗ ﯞﻩ ﺑﯘﻧﯩﯖﻐﺎ ﻣﺎﺱ ﻫﺎﻟﺪﺍ ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﻛﯜﺭﯨﺸﯩﻨﻰ ﻫﯧﭽﻘﺎﭼﺎﻥ ﺗﻮﺧﺘﺎﺗﻤﯩﻐﺎﻧﻠﯩﻘﯩﻨﻰ، ﺋﯘﻳﻐﯘﺭﻻﺭﻧﯩﯔ 100 ﻳﯩﻠﻐﺎ ﻳﯧﻘﯩﻦ ﯞﺍﻗﯩﺖ ﺋﯩﭽﯩﺪﻩ 40 ﻗﯧﺘﯩﻤﺪﯨﻦ ﺋﺎﺭﺗﯘﻕ ﺋﯩﺴﻴﺎﻥ ﻛﯚﺗﯜﺭﯛﭖ ﺋﯩﻨﻘﯩﻼﺏ ﻗﯩﻠﻐﺎﻧﻠﯩﻘﯩﻨﻰ،ﺑﯘ ﺟﻪﺭﻳﺎﻧﺪﺍ ﺋﯩﻜﻜﻰ ﻗﯧﺘﯩﻢ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺩﯙﻟﯩﺘﯩﻨﻰ ﻗﯘﺭﻏﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﺪﯗ. ﺋﺎﭘﺘﻮﺭ ﻳﻪﻧﻪ ، ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﺘﺎ ﺋﺎﺯﺭﺍﻗﻼ ﭘﯘﺭﺳﻪﺕ ﺗﯘﻏﯘﻟﺴﺎ ﺋﯩﺴﻴﺎﻥ ﻛﯚﺗﯜﺭﯛﭖ ﻣﯘﺳﺘﻪﻗﯩﻠﻠﯩﻖ ﺋﯩﺮﺍﺩﯨﺴﯩﻨﻰ ﻛﯚﺭﺳﯩﺘﯩﭗ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯗ. ﺋﺎﭘﺘﻮﺭ ﺋﺎﻣﯩﺮ ﺗﺎﻫﯩﺮﻯ ﻟﻮﻧﺪﻭﻥ ﯞﺍﻗﺘﻰ ﮔﯧﺰﯨﺘﻰ، ﯞﺍﺷﯩﻨﮕﯩﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﻰ، ﯞﺍﻝ ﺳﺘﯩﺮﯨﺖ ﮊﯗﺭﻧﯩﻠﻰ ﻗﺎﺗﺎﺭﻟﯩﻖ ﻧﻮﭘﯘﺯﻟﯘﻕ ﮔﯧﺰﯨﺖ ‏ - ﮊﯗﺭﻧﺎﻟﻼﺭﺩﺍ، ﻗﻪﻟﻪﻡ ﺗﻪﯞﺭﯨﺘﯩﭗ ﻛﯧﻠﯩﯟﺍﺗﻘﺎﻥ ﺑﯩﺮ ﺋﺎﭘﺘﻮﺭ؛ ﺋﯘ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﻣﺎﻗﺎﻟﯩﺴﯩﺪﻩ ﻳﻪﻧﻪ ﻣﯘﻧﯘﻻﺭﻧﻰ ﺑﯩﻠﺪﯛﺭﯨﺪﯗ: ﻧﯚﯞﻩﺗﺘﻪ ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ ﻗﺎﺗﺎﺭﻟﯩﻖ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﻩ ، ﭘﺎﻛﯩﺴﺘﺎﻥ ﯞﻩ ﺗﯜﺭﻛﯩﻴﻪ ﻗﺎﺗﺎﺭﻟﯩﻖ ﺋﻪﻟﻠﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ ﺑﺎﺭ، ﺑﯘﻻﺭ ﻫﻪﺭ ﻗﯧﺘﯩﻤﻠﯩﻖ ﺋﯩﻨﻘﯩﻼﺑﺘﯩﻦ ﻛﯧﻴﯩﻦ ﻫﯩﺠﺮﻩﺕ ﻗﯩﻠﻐﺎﻧﻼﺭ. ﺋﺎﭘﺘﻮﺭ ﻳﻪﻧﻪ ﺋﯩﻨﺴﺎﻥ ﻫﻪﻗﻠﯩﺮﻯ ﻫﯚﺭﻣﻪﺕ ﻗﯩﻠﯩﻨﻤﺎﻳﯟﺍﺗﯩﺪﯗ ﺩﻩﭖ ﺋﺎﺗﺎﺷﻨﯩﯔ ﺋﯘﻳﻐﯘﺭ ﯞﻩﺯﯨﻴﯩﺘﯩﻨﻰ ﺗﻮﻟﯘﻕ ﺋﻪﻛﺲ ﺋﻪﺗﺘﯜﺭﯛﭖ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ، ﺋﯘﻳﻐﯘﺭﻻﺭﻧﯩﯔ ﺋﯩﻨﺴﺎﻧﯩﻲ ﻫﻪﻗﻘﯩﻨﯩﯔ ﻫﯚﺭﻣﻪﺕ ﻗﯩﻠﯩﻨﻤﺎﺳﻠﯩﻘﻼ ﺋﻪﻣﻪﺱ ، ﺩﻩﭘﺴﻪﻧﺪﻩ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺪﯗ. ﺗﻮﻱ ﻗﯩﻠﯩﺶ ﻳﯧﺸﯩﺪﯨﻜﻰ ﻗﯩﺰﻻﺭﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﯩﻠﯩﺸﯩﻨﯩﯔ ﻣﻪﻗﺴﯩﺘﻰ ﻗﺎﻧﺪﺍﻗﺘﯘﺭ ﺋﯩﺶ ﺑﯩﻠﻪﻥ ﺗﻪﻣﯩﻨﻠﻪﺵ ﺋﻪﻣﻪﺱ ﺩﻩﭖ ﻛﯚﺭﺳﻪﺗﻜﻪﻥ ﺋﺎﭘﺘﻮﺭ، 7 ﻣﯩﻠﻴﻮﻥ ﺧﯩﺘﺎﻱ ﻛﯚﭼﻤﯩﻨﯩﻨﯩﯔ ﺋﯘﻳﻐﯘﺭ ﺯﯦﻤﯩﻨﯩﺪﺍ ﺋﯩﺶ ﺋﯩﻤﻜﺎﻧﯩﻐﺎ ﺋﯧﺮﯨﺸﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﺪﯗ.
ﺋﯘﻳﻐﯘﺭﻻﺭ ﺩﯗﻧﻴﺎﻧﯩﯔ ﺩﯨﻘﻘﻪﺕ - ﺋﯧﺘﯩﺒﺎﺭﻯ ﺑﯧﺮﯨﻠﯩﺸﻜﻪ ﺗﯧﮕﯩﺸﻠﯩﻚ ﺑﯩﺮ ﻣﯩﻠﻠﻪﺕﺋﺎﻣﯩﺮ ﺗﺎﻫﯩﺮﯨﻨﯩﯔ ﻳﯧﺰﯨﻘﭽﯩﻠﯩﻖ ﺋﯩﺸﻠﯩﺮﯨﺪﺍ ﻣﯘﺗﻪﺧﻪﺳﺴﯩﺴﻠﻪﺷﻜﻪﻥ ﺳﺎﻫﻪﺳﻰ ﺗﯧﺮﺭﻭﺭﭼﯩﻠﯩﻖ ﺑﻮﻟﯘﭖ، ﺋﯘ 1988 ‏ - ﻳﯩﻠﻰ ﻳﺎﺯﻏﺎﻥ ﺋﯘﻟﯘﻍ ﺗﯧﺮﺭﻭﺭ ﻧﺎﻣﻠﯩﻖ ﻛﯩﺘﺎﺏ ﺷﯘ ﻳﯩﻠﻨﯩﯔ ﺋﻪﯓ ﺳﻪﺭ ﺧﯩﻞ ﻛﯩﺘﺎﺑﻰ ﺑﻮﻟﯘﭖ ﺑﺎﻫﺎﻻﻧﻐﺎﻥ. ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﻟﯘﻕ ﺑﯩﻠﻪﻥ ﺋﻪﻳﯩﺒﻠﻪﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻐﺎﻧﺪﯨﻦ ﻛﯧﻴﯩﻦ ﻣﯘﻧﺪﺍﻕ ﺩﻩﻳﺪﯗ: ﺋﯘﻳﻐﯘﺭﻻﺭ ﺋﻪﯓ ﺋﺎﺯ ﺩﯦﮕﻪﻧﺪﻩ ﺗﯩﺒﻪﺗﻠﯩﻜﻠﻪﺭﭼﯩﻠﯩﻚ ﺩﯗﻧﻴﺎﻧﯩﯔ ﺩﯨﻘﻘﻪﺕ - ﺋﯧﺘﯩﺒﺎﺭﻯ ﺑﯧﺮﯨﻠﯩﺸﻜﻪ ﺗﯧﮕﯩﺸﻠﯩﻚ ﺑﯩﺮ ﻣﯩﻠﻠﻪﺕ؛ ﺋﻪﮔﻪﺭ ﺧﯩﺘﺎﻳﻨﯩﯔ ﺩﯦﮕﯩﻨﯩﺪﻩﻙ، ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﯧﺮﺭﻭﺭﭼﯩﻼﺭ ﺑﺎﺭ ﺩﻩﭖ ﻗﺎﺭﺍﻟﻐﺎﻥ ﺗﻪﻗﺪﯨﺮﺩﯨﻤﯘ، ﺑﯘ ﻗﺎﻟﭙﺎﻕ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﺍ ﻳﺎﺷﺎﯞﺍﺗﻘﺎﻥ ﭘﯜﺗﯜﻥ ﺧﻪﻟﻘﻘﻪ ﻛﻪﻳﺪﯛﺭﯛﻟﻤﻪﺳﯩﻠﯩﻜﻰ ﯞﻩ ﭘﯜﺗﯜﻥ ﺑﯩﺮ ﻣﯩﻠﻠﻪﺕ ﺯﯗﻟﯘﻡ ﺋﺎﻟﺪﯨﺪﺍ ﻣﯘﺩﺍﭘﯩﺌﻪﺳﯩﺰ ﻗﺎﻟﻤﺎﺳﻠﯩﻘﻰ ﻛﯧﺮﻩﻙ. ﺋﯩﺮﺍﻧﻠﯩﻖ ﮊﯗﺭﻧﺎﻟﯩﺴﺖ ﺋﺎﻣﯩﺮ ﺗﺎﻫﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﻳﻪﻧﻪ ﺑﯩﺮ ﺋﯘﻧﺘﯘﻟﻐﺎﻥ ﺧﻪﻟﻖ - ﺋﯘﻳﻐﯘﺭﻻﺭ" ﻧﺎﻣﻠﯩﻖ ﻣﺎﻗﺎﻟﯩﺴﻰ ﺑﯧﺴﯩﻠﻐﺎﻥ، ﺷﻪﺭﻕ ﻛﯚﯞﺭﯛﻛﻰ ﮔﯧﺰﯨﺘﻰ ﺋﻪﻧﮕﻠﯩﻴﯩﺪﻩ ﻧﻪﺷﺮ ﻗﯩﻠﯩﻨﯩﺪﯗ، 4 ﻗﯩﺘﺌﻪﺩﻩ ﺗﺎﺭﻗﯩﺘﯩﻠﯩﺪﯗ.


English: http://voiceofuyghur.blogspot.com/2008/05/chinas-other-forgotten-people.html

" ﻛﯚﻙ ﺑﺎﻳﺮﺍﻕ ﺋﯩﺸﻘﯩﻐﺎ " ﻧﺎﻣﻠﯩﻖ ﺋﻪﺳﻪﺭ ﺗﯜﺭﻛﯩﻴﯩﺪﻩ ﻧﻪﺷﯩﺮ ﻗﯩﻠﯩﻨﺪﻯ

ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺗﯜﺭﻛﯩﻴﯩﺪﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﺗﻪﺗﻘﯩﻘﺎﺗﻼﺭ ﻛﯜﻧﺴﯧﺮﻯ ﻛﯚﭘﻪﻳﻤﻪﻛﺘﻪ. ﻳﯧﻘﯩﻨﺪﺍ ﺋﯘﻳﻐﯘﺭ ﺧﻪﻟﻖ ﺩﺍﺳﺘﺎﻧﻠﯩﺮﯨﺪﯨﻦ `ﺋﺎﺑﺪﯗﺭﺍﺧﻤﺎﻥ ﻏﻮﺟﺎ ﺩﺍﺳﺘﺎﻧﻰ` ﺑﺎﻟﯩﻼﺭ ﺋﻪﺩﻩﺑﯩﻴﺎﺗﻰ ﻳﺎﺯﻏﯘﭼﯩﺴﻰ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﺋﻮﻗﯘﺗﻘﯘﭼﻰ ﻫﺎﺳﺎﻥ ﻛﺎﻟﻠﯩﻤﺠﻰ ﺗﻪﺭﯨﭙﯩﺪﯨﻦ ﺑﺎﻟﯩﻼﺭ ﺭﻭﻣﺎﻧﯩﻐﺎ ﺋﺎﻳﻼﻧﺪﯗﺭﯗﻟﯘﭖ `ﻛﯚﻙ ﺑﺎﻳﺮﺍﻕ ﺋﯩﺸﻘﯩﻐﺎ `ﻧﺎﻣﯩﺪﺍ ﻧﻪﺷﯩﺮ ﻗﯩﻠﯩﻨﺪﻯ.
ﻛﯩﺘﺎﭖ 13 ﺑﯚﻟﯜﻡ، 112 ﺑﻪﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥﺑﯘ ﻛﯩﺘﺎﺏ ﺋﯩﺴﺘﺎﻧﺒﯘﻟﺪﯨﻜﻰ ﺑﯩﻠﮕﻰ ﺋﻮﻏﯘﺯ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﻐﺎﻥ ﺑﻮﻟﯘﭖ، ﺟﻪﻣﺌﯩﻲ 112 ﺑﻪﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ. ﻛﯩﺘﺎﺏ 13 ﻛﯩﭽﯩﻚ

" ﻛﯚﻙ ﺑﺎﻳﺮﺍﻕ ﺋﯩﺸﻘﯩﻐﺎ " ﻧﺎﻣﻠﯩﻖ ﺋﻪﺳﻪﺭ ﺑﯚﻟﯜﻣﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﺑﯘﻻﺭ ﺩﺍﺳﺘﺎﻥ ﯞﻩ ﺩﺍﺳﺘﺎﻧﻠﯩﺮﯨﻤﯩﺰ، ﻛﯩﺮﯨﺶ ﺳﯚﺯ، ﺋﺎﻗﺴﺎﻗﺎﻟﻨﯩﯔ ﺩﯗﺋﺎﺳﻰ، ﻣﯘﺋﻪﻟﻠﯩﻢ ﺋﺎﺑﺪﯗﺭﺍﺧﻤﺎﻧﺨﺎﻥ، ﺋﻪﺭﻛﯩﻨﻠﯩﻜﻤﯘ ﻣﺎﺋﺎﺭﯨﭙﻤﯘ؟ ﺧﯩﺘﺎﻱ ﯞﺍﻟﯩﻨﯩﯔ ﻛﯚﺭﮔﻪﻥ ﭼﯜﺷﻰ، ﺑﯩﺮ ﺧﺎﺋﯩﻨﻨﯩﯔ ﻗﯩﻠﻐﺎﻧﻠﯩﺮﻯ، ﺩﺍﺩﺍ ﺑﯩﻠﻪﻥ ﺋﻮﻏﯘﻟﻨﯩﯔ ﺋﯘﭼﺮﯨﺸﯩﺸﻰ، ﺋﯘﺭﯗﺵ ﺑﺎﺷﻠﯩﺪﻯ، ﻗﯩﺮﯨﻖ ﺑﯩﺮﯨﻨﭽﻰ ﻳﯩﮕﯩﺖ، ﺳﯧﺴﯩﻖ ﻳﺎﯕﺎﻕ، ﭘﯩﻴﺎﻟﻤﺎ ﺋﺎﻟﺪﯨﺪﺍ، ﻳﯩﻐﻠﯩﺴﺎ ﺋﺎﻧﯩﻼﺭ ﻳﯩﻐﻼﻳﺪﯗ ﻗﺎﺗﺎﺭﻟﯩﻖ ﺗﯧﻤﯩﻼﺭﺩﯨﻦ ﺋﯩﺒﺎﺭﻩﺕ. ﻛﯩﺘﺎﺑﻨﻰ ﻧﻪﺷﯩﺮﮔﻪ ﺗﻪﻳﻴﺎﺭﻟﯩﻐﺎﻥ ﻫﻪﺳﻪﻥ ﻛﺎﻟﻠﯩﻤﭽﻰ ﺋﻪﭘﻪﻧﺪﻯ ﻫﺎﺯﯨﺮﻏﯩﭽﻪ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺩﺍﺳﺘﺎﻧﻠﯩﺮﯨﺪﯨﻦ ﻳﯩﮕﯩﺮﻣﯩﺴﯩﻨﻰ ﺑﺎﻟﯩﻼﺭ ﺭﻭﻣﺎﻧﯩﻐﺎ ﺋﺎﻳﻼﻧﺪﯗﺭﯗﭖ ﻳﯧﺰﯨﭗ ﻧﻪﺷﯩﺮ ﻗﯩﻠﺪﯗﺭﻏﺎﻥ ﺑﻮﻟﯘﭖ، ﺑﯘ ﻛﯩﺘﺎﺑﻨﻰ ﺋﯩﺰﻣﯩﺮ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻑ. ﺩﺭ. ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﻳﯧﺰﯨﭗ ﻧﻪﺷﯩﺮ ﻗﯩﻠﺪﯗﺭﻏﺎﻥ ﺋﯘﻳﻐﯘﺭ ﺧﻪﻟﻖ ﺩﺍﺳﺘﺎﻧﻠﯩﺮﻯ ﻧﺎﻣﻠﯩﻖ ﻛﯩﺘﺎﺑﻨﯩﯔ ﺋﯩﭽﯩﺪﯨﻜﻰ ﺋﺎﺑﺪﯗﺭﺍﺧﻤﺎﻥ ﻏﻮﺟﺎ ﺩﺍﺳﺘﺎﻧﯩﻐﺎ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﺗﻪﻳﻴﺎﺭﻟﯩﻐﺎﻥ. ﻛﯩﺘﺎﺑﺘﺎ ﺩﺍﺳﺘﺎﻧﯩﻨﯩﯔ ﻣﻪﺯﻣﯘﻧﯩﻐﺎ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﺳﯩﺰﯨﻠﻐﺎﻥ ﻛﯚﭖ ﺳﺎﻧﺪﺍ ﻗﯩﺴﺘﯘﺭﻣﺎ ﺭﻩﺳﯩﻤﻠﻪﺭﮔﯩﻤﯘ ﻳﻪﺭ ﺑﯧﺮﯨﻠﮕﻪﻥ. ﺑﯩﺰ ﺑﯘ ﻛﯩﺘﺎﺏ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻛﯩﺘﺎﺑﻨﯩﯔ ﺋﺎﭘﺘﻮﺭﻯ ﺑﺎﻟﯩﻼﺭ ﺋﻪﺩﻩﺑﯩﻴﺎﺗﻰ ﻳﺎﺯﻏﯘﭼﯩﺴﻰ ﻫﻪﺳﻪﻥ ﻛﺎﻟﻠﯩﻤﺠﻰ ﺋﻪﭘﻪﻧﺪﻯ ﺑﯩﻠﻪﻥ ﺗﯧﻠﯧﻔﻮﻥ ﺯﯨﻴﺎﺭﯨﺘﻰ ﺋﯧﻠﯩﭗ ﺑﺎﺭﺩﯗﻕ.
`ﻛﯚﻙ ﺑﺎﻳﺮﺍﻕ ﺋﯩﺸﻘﯩﻐﺎ` ﻧﺎﻣﻠﯩﻖ ﻛﯩﺘﺎﺑﻨﻰ ﻳﯧﺰﯨﺸﺘﯩﻜﻰ ﻣﻪﻗﺴﻪﺕﺋﯘ، `ﻛﯚﻙ ﺑﺎﻳﺮﺍﻕ ﺋﯩﺸﻘﯩﻐﺎ` ﻧﺎﻣﻠﯩﻖ ﺑﯘ ﻛﯩﺘﺎﺑﻨﻰ ﻳﯧﺰﯨﺶ ﭘﯩﻜﺮﻯ ﺳﯩﺰﺩﻩ ﻗﺎﻧﺪﺍﻕ ﭘﻪﻳﺪﺍ ﺑﻮﻟﺪﻯ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﻣﻪﻥ ﺗﯜﺭﻙ ﻣﯩﻠﻠﻪﺗﭽﯩﺴﯩﻤﻪﻥ، ﻣﻪﻥ ﺗﯜﺭﻛﯩﻴﯩﺪﯨﻜﻰ ﺗﯜﺭﻛﻠﻪﺭﻧﻰ ﯞﻩ ﺩﯗﻧﻴﺎﺩﯨﻜﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﻰ ﻗﯧﺮﯨﻨﺪﺍﺷﻠﯩﺮﯨﻢ ﺩﻩﭖ ﻗﻮﺑﯘﻝ ﻗﯩﻠﯩﻤﻪﻥ ﯞﻩ ﺋﯘﻻﺭﻧﻰ ﺑﻪﻛﻼ ﻳﺎﺧﺸﻰ ﻛﯚﺭﯨﻤﻪﻥ. ﻳﯜﺭﯨﻜﯩﻢ ﺋﯘﻻﺭﻧﯩﯔ ﺋﯩﺸﻘﻰ ﺑﯩﻠﻪﻥ ﺗﻮﻟﻐﺎﻥ. ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺗﻰ ﺋﯩﻨﺴﺘﯩﺘﯘﺗﻰ ﭘﯜﺗﯜﻥ ﺗﯜﺭﻛﯩﻲ ﻣﯩﻠﻠﻪﺗﻠﯩﺮﯨﻨﯩﯔ ﺩﺍﺳﺘﺎﻧﻠﯩﺮﯨﻨﻰ ﺗﯜﺭﻛﭽﯩﮕﻪ ﺗﻪﺭﺟﯩﻤﻪ ﻗﯩﻠﯩﭗ ﻧﻪﺷﯩﺮ ﻗﯩﻠﺪﯗﺭﺩﻯ. ﻣﻪﻥ ﺑﯩﺮﻗﺎﻧﭽﻪ ﻳﯩﻞ ﺑﯘﺭﯗﻥ` ﺳﯩﺒﯩﺮﯨﻴﯩﺪﯨﻜﻰ ﻫﺎﻗﺎﺳﻼﺭﻧﯩﯔ ﺋﺎﻟﺘﯘﻥ ﺋﺎﺭﯨﻎ `ﻧﺎﻣﻠﯩﻖ ﺩﺍﺳﺘﺎﻧﯩﻨﻰ ﺗﯜﺭﻛﭽﯩﮕﻪ ﺗﻪﺭﺟﯩﻤﻪ ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﯛﭖ، ﺋﯘﻧﻰ ﺳﯧﺘﯩﯟﯦﻠﯩﭗ ﺑﺎﻟﯩﻼﺭ ﭼﯜﺷﯩﻨﻪﻟﻪﻳﺪﯨﻐﺎﻥ ﺗﯩﻞ ﺑﯩﻠﻪﻥ ﺭﻭﻣﺎﻧﻐﺎ ﺋﺎﻳﻼﻧﺪﯗﺭﯗﭖ ﻧﻪﺷﯩﺮ ﻗﯩﻠﺪﯗﺭﻏﺎﻥ ﺋﯩﺪﯨﻢ. ﺋﯘﻧﯩﯖﺪﯨﻦ ﻛﯧﻴﯩﻦ ﺋﯚﺯﺑﻪﻙ، ﻗﺎﺯﺍﻕ، ﻗﯩﺮﻏﯩﺰ ﯞﻩ ﺗﯜﺭﻛﻤﻪﻧﻠﻪﺭﮔﻪ ﺋﻮﺧﺸﺎﺵ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺩﺍﺳﺘﺎﻧﻠﯩﺮﯨﺪﯨﻦ 20 ﺩﺍﺳﺘﺎﻧﯩﻨﻰ ﺗﺎﻟﻼﭖ ﺑﺎﻟﯩﻼﺭ ﺭﻭﻣﺎﻧﻰ ﻫﺎﻟﯩﻐﺎ ﺋﻪﻛﯩﻠﯩﭗ ﻧﻪﺷﯩﺮ ﻗﯩﻠﺪﯗﺭﺩﯗﻡ. ﻛﯧﻴﯩﻦ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺩﺭ. ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺗﻪﻳﻴﺎﺭﻟﯩﻐﺎﻥ `ﺋﯘﻳﻐﯘﺭ ﺧﻪﻟﻖ ﺩﺍﺳﺘﺎﻧﻠﯩﺮﻯ `ﻧﺎﻣﻠﯩﻖ ﻛﯩﺘﺎﺑﻨﻰ ﺋﯧﻠﯩﭗ ﺑﯩﺮ ﻗﺎﻧﭽﻪ ﻗﯧﺘﯩﻢ ﺋﻮﻗﯘﭖ ﭼﯩﻘﺘﯩﻢ، ﺑﯘﻧﯩﯔ ﺋﯩﭽﯩﺪﯨﻦ `ﺋﺎﺑﺪﯗﺭﺍﺧﻤﺎﻥ ﻏﻮﺟﺎ ﺩﺍﺳﺘﺎﻧﻰ `ﺗﺎﻟﻼﭖ ﺑﺎﻟﯩﻼﺭ ﺭﻭﻣﺎﻧﻰ ﺷﻪﻛﻠﯩﺪﻩ ﻳﯧﺰﯨﭗ `ﻛﯚﻙ ﺑﺎﻳﺮﺍﻕ ﺋﯩﺸﻘﻰ` ﻧﺎﻣﯩﺪﺍ ﻛﯩﺘﺎﺏ ﻗﯩﻠﯩﭗ ﻧﻪﺷﯩﺮ ﻗﯩﻠﺪﯗﺭﺩﯗﻡ. ﺑﯘﻧﯩﯖﺪﯨﻜﻰ ﻣﻪﻗﺴﯩﺘﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ، ﺋﯘﻳﻐﯘﺭ ﺗﯜﺭﻛﻠﯩﺮﯨﻨﻰ ﺑﺎﻟﯩﻠﯩﺮﯨﻤﯩﺰﻏﺎ ﻳﺎﺵ ﺋﯚﺳﻤﯜﺭﻟﯩﺮﯨﻤﯩﺰﮔﻪ ﺋﺎﯕﻠﯩﺘﯩﺸﺘﯩﻦ ﺋﯩﺒﺎﺭﻩﺕ."
ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺩﺍﺳﺘﺎﻧﯩﺪﯨﻦ ﻳﯩﮕﯩﺮﻣﯩﺴﻰ ﺑﺎﻟﯩﻼﺭ ﺭﻭﻣﺎﻧﯩﻐﺎ ﺋﺎﻳﻼﻧﺪﯗﺭﯗﻟﯘﭖ ﻧﻪﺷﯩﺮ ﻗﯩﻠﺪﯗﺭﯗﻟﻐﺎﻥﺳﯩﺰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺩﺍﺳﺘﺎﻧﯩﺪﯨﻦ ﻳﯩﮕﯩﺮﻣﯩﻨﭽﻰ ﺑﺎﻟﯩﻼﺭ ﺭﻭﻣﺎﻧﯩﻐﺎ ﺋﺎﻳﻼﻧﺪﯗﺭﯗﭖ ﻧﻪﺷﯩﺮ ﻗﯩﻠﺪﯗﺭﯗﭘﺴﯩﺰ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺩﺍﺳﺘﺎﻧﻠﯩﺮﻯ ﺗﯜﺭﻛﯩﻴﯩﺪﻩ ﺑﯩﻠﯩﻨﻪﻣﺪﯗ؟ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﺑﯩﺰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﻫﻪﻗﻘﯩﺪﻩ 1991-ﻳﯩﻠﯩﺪﯨﻦ ﺗﺎﺭﺗﯩﭗ ﻣﻪﻟﯘﻣﺎﺕ ﺋﯩﮕﯩﺴﻰ ﺑﻮﻟﯘﺷﻘﺎ ﺑﺎﺷﻠﯩﺪﯗﻕ. ﺗﯜﺭﻛﯩﻲ ﺟﯘﻣﻬﯘﺭﯨﻴﻪﺗﻠﻪﺭﺩﯨﻦ ﺋﻪﺯﻩﺭﺑﻪﻳﺠﺎﻥ، ﺗﯜﺭﻛﻤﻪﻧﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﺋﯚﺯﺑﯧﻜﯩﺴﺘﺎﻥ ﯞﻩ ﻗﺎﺯﺍﻗﯩﺴﺘﺎﻧﻼﺭ ﻣﯘﺳﺘﻪﻗﯩﻞ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺗﯜﺭﻙ ﺩﯗﻧﻴﺎﺳﯩﻨﯩﯔ ﺋﯩﺸﯩﻜﻰ ﺋﯧﭽﯩﻠﺪﻯ، ﺑﯩﺮ-ﺑﯩﺮﯨﻤﯩﺰﻧﻰ ﺗﻮﻧﯘﺷﻘﺎ ﺑﺎﺷﻠﯩﺪﯗﻕ. ﺗﯜﺭﻛﯩﻴﯩﺪﻩ ﻛﯚﭖ ﺳﺎﻧﺪﺍ ﺗﯜﺭﻙ ﺩﯗﻧﻴﺎﺳﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻗﯘﺭﯗﻟﺪﻯ، ﺗﯜﺭﻙ ﺩﯗﻧﻴﺎﺳﻰ ﻫﻪﻗﻘﯩﺪﻩ ﺟﯘﺭﻧﺎﻟﻼﺭ ﮔﯧﺰﯨﺘﻠﻪﺭ ﭼﯩﻘﯩﺸﻘﺎ ﺑﺎﺷﻠﯩﺪﻯ. ﺗﯜﺭﻙ ﺩﯗﻧﻴﺎﺳﯩﻨﯩﯔ ﭘﯜﺗﯜﻥ ﺩﺍﺳﺘﺎﻧﻠﯩﺮﻯ ﺗﯜﺭﻛﭽﯩﮕﻪ ﺗﻪﺭﺟﯩﻤﻪ ﻗﯩﻠﯩﻨﺪﻯ، ﻣﻪﺗﺒﯘﺋﺎﺗﭽﯩﻼﺭ ﯞﺍﺳﯩﺘﯩﺴﻰ ﺑﯩﻠﻪﻥ ﺗﯜﺭﻛﯩﻴﯩﺪﻩ ﺗﯜﺭﻙ ﺩﯗﻧﻴﺎﺳﯩﻨﻰ ﺟﯜﻣﻠﯩﺪﯨﻦ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﻰ، ﺋﯘﻳﻐﯘﺭﻻﺭﻧﻰ ﺑﯩﻠﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺳﺎﻧﯩﻤﯘ ﻛﯚﭘﻪﻳﻤﻪﻛﺘﻪ."
`ﻛﯚﻙ ﺑﺎﻳﺮﺍﻕ ﺋﯩﺸﻘﯩﻐﺎ `ﻧﺎﻣﻠﯩﻖ ﺋﻪﺳﻪﺭﻧﯩﯔ ﺋﺎﺳﺎﺳﯩﻲ ﻣﻪﺯﻣﯘﻧﻰﺋﻪﺳﻪﺭﻧﯩﯔ ﺗﯧﻤﯩﺴﻰ ﻫﻪﻣﻤﯩﻤﯩﺰﮔﻪ ﻣﻪﻟﯘﻡ، ﺋﯘﻳﻐﯘﺭ ﺭﺍﻳﻮﻧﻰ ﻳﻪﻧﻰ ﺋﺎﺑﺪﯗﺭﺍﺧﻤﺎﻥ ﻏﻮﺟﺎ ﻳﺎﺷﯩﻐﺎﻥ ﺗﯘﭘﺮﺍﻗﻼﺭ ﻫﺎﺯﯨﺮ ﺧﯩﺘﺎﻳﻼﺭﻧﯩﯔ ﺋﯩﺸﻐﺎﻟﻰ ﺋﺎﺳﺘﯩﺪﺍ. ﺋﺎﺑﺪﯗﺭﺍﺧﻤﺎﻧﺨﺎﻥ ﺩﺍﺳﺘﺎﻧﯩﺪﺍ ﺋﺎﺑﺪﯗﺭﺍﺧﻤﺎﻥ ﻏﻮﺟﯩﻨﯩﯔ ﻣﺎﻧﺠﯘ ﺧﯩﺘﺎﻳﻼﺭﻧﯩﯔ ﺑﯧﺴﯩﻤﻰ ﺋﺎﺳﺘﯩﺪﺍ ﺋﯧﺰﯨﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺗﻪﺷﻜﯩﻠﻠﻪﭖ ﺯﺍﻟﯩﻢ ﺧﯩﺘﺎﻳﻼﺭﻏﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻧﺎﻣﺎﻳﯩﺶ ﺑﺎﻳﺎﻥ ﻗﯩﻠﯩﻨﻐﺎﻥ. ﺩﺍﺳﺘﺎﻧﺪﺍ ﺑﺎﻟﯩﻠﯩﻖ ﭼﯧﻐﯩﺪﯨﻦ ﺗﺎﺭﺗﯩﭗ ﻗﻪﻫﺮﯨﻤﺎﻥ ﺑﻮﻟﯘﭖ ﻳﯧﺘﯩﺸﻜﻪﻥ ﺋﺎﺑﺪﯗﺭﺍﺧﻤﺎﻥ ﻏﻮﺟﯩﻨﯩﯔ ﺩﺍﺩﯨﺴﯩﻨﯩﯔ ﺗﻮﺳﯘﺷﯩﻐﺎ ﻗﺎﺭﯨﻤﺎﺳﺘﯩﻦ ﺯﺍﻟﯩﻢ ﻫﯚﻛﯜﻣﺪﺍﺭﻻﺭﻏﺎ ﻗﺎﺭﺷﻰ ﻗﻮﺯﻏﯩﻼﯓ ﺑﺎﺷﻼﺗﻘﺎﻧﻠﯩﻘﻰ، ﻗﻮﺯﻏﯩﻼﯓ ﻧﻪﺗﯩﺠﯩﺴﯩﺪﻩ ﺋﯩﻠﭽﯩﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﻰ، ﺋﻪﻣﻤﺎ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﺎﺑﺪﯗﺭﺍﺧﻤﺎﻥ ﻏﻮﺟﯩﻨﯩﯔ ﺩﻭﺳﺘﻠﯩﺮﻯ ﺋﯩﭽﯩﺪﯨﻜﻰ ﺧﺎﺋﯩﻦ ﺋﯩﺴﻤﺎﺋﯩﻞ ﺑﯩﻠﻪﻥ ﺗﯩﻞ ﺑﯩﺮﯨﻜﺘﯜﺭﯛﭖ ﺋﺎﺑﺪﯗﺭﺍﺧﻤﺎﻥ ﻏﻮﺟﯩﻨﻰ ﺋﯚﻟﺘﯜﺭﯨﯟﻩﺗﻜﻪﻧﻠﯩﻜﻰ، ﺷﯘﻧﯩﯔ ﺑﯩﻠﻪﻥ ﺋﺎﺑﺪﯗﺭﺍﺧﻤﺎﻥ ﻏﻮﺟﺎ ﺑﺎﺷﻼﺗﻘﺎﻥ ﻣﯘﺟﺎﺩﯨﻠﯩﻨﯩﯔ ﻣﯘﯞﯞﻩﭘﭙﻪﻗﯩﻴﻪﺗﺴﯩﺰﻟﯩﻜﻜﻪ ﺋﯘﭼﺮﯨﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ. ﺑﯘ ﻛﯩﺘﺎﺑﻨﻰ ﺋﻮﻗﯘﻏﺎﻥ ﺑﺎﻟﯩﻼﺭ ﺑﯘ ﯞﻩﻗﻪﻧﻰ ﺑﯩﻠﯩﺶ ﺋﺎﺭﻗﯩﻠﯩﻖ، ﺋﯘﻳﻐﯘﺭ ﺗﯜﺭﻛﻠﯩﺮﻯ ﯞﻩ ﺋﯘﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﻛﯜﺭﯨﺸﻰ، ﺋﯘﻳﻐﯘﺭﻻﺭ ﺗﺎﺭﺗﯩﯟﺍﺗﻘﺎﻥ ﺩﻩﺭﺕ- ﺋﻪﻟﻪﻡ، ﺧﯩﺘﺎﻱ ﺯﯗﻟﯘﻣﻰ ﯞﻩ ﺧﯩﺘﺎﻳﻼﺭﻧﯩﯔ ﻗﺎﻧﺪﺍﻕ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﺪﯨﻦ ﺧﻪﯞﻩﺭﺩﺍﺭ ﺑﻮﻟﯩﺪﯗ.
ﺑﯘ ﺋﻪﺳﻪﺭﻟﻪﺭﮔﻪ ﺗﯜﺭﻛﻠﻪﺭﻧﯩﯔ ﻗﯩﺰﯨﻘﯩﺸﻰﺑﯘ ﺩﺍﺳﺘﺎﻥ ﺭﻭﻣﺎﻧﻼﺭ 3 ﻳﯩﻠﺪﯨﻦ ﺑﯧﺮﻯ ﺗﯜﺭﻛﯩﻴﯩﺪﻩ ﺳﯧﺘﯩﻠﯩﯟﺍﺗﯩﺪﯗ. `ﻛﯚﻙ ﺑﺎﻳﺮﺍﻕ ﺋﯩﺸﻘﻰ `ﻧﺎﻣﻠﯩﻖ ﻛﯩﺘﺎﺏ 2008-ﻳﯩﻠﯩﻨﯩﯔ ﺑﺎﺷﻠﯩﺮﯨﺪﺍ ﻧﻪﺷﯩﺮﺩﯨﻦ ﭼﯩﻘﺘﻰ. ﺑﻪﺯﻯ ﻛﯩﺘﺎﺑﻠﯩﺮﯨﻢ 2-ﻗﯧﺘﯩﻢ ﻗﺎﻳﺘﺎ ﻧﻪﺷﯩﺮ ﻗﯩﻠﯩﻨﺪﻯ. ﺑﯩﺰ ﺧﻪﻟﻘﯩﻤﯩﺰﮔﻪ ﺗﯜﺭﻙ ﺩﯗﻧﻴﺎﺳﯩﻨﻰ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺋﺎﯕﻠﯩﺘﺎﻟﻤﯩﻐﺎﭼﻘﺎ ﺑﯘ ﺋﻪﺳﻪﺭﻟﻪﺭﮔﻪ ﺑﻮﻟﻐﺎﻥ ﻗﯩﺰﯨﻘﯩﺶ ﺑﺎﺷﻘﺎ ﺑﺎﻟﯩﻼﺭ ﺭﻭﻣﺎﻧﻠﯩﺮﯨﻐﺎ ﻗﯩﻴﺎﺳﻠﯩﻐﺎﻧﺪﺍ ﺋﺎﺯ. ﺩﯗﻧﻴﺎﺩﯨﻜﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﻧﻮﭘﯘﺳﻰ 250 ﻣﯩﻠﻴﻮﻥ ﺋﻪﺗﺮﺍﭘﯩﺪﺍ، ﺑﯘ ﻛﯩﺘﺎﺑﻼﺭ ﺗﯧﺨﯩﻤﯘ ﻛﯚﭖ ﺳﯧﺘﯩﻠﯩﺸﻰ ﻛﯧﺮﻩﻙ ﺋﯩﺪﻯ. ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﺩﯗﻧﻴﺎ ﻛﯜﻥ ﺗﻪﺭﺗﯩﭙﯩﮕﻪ ﻛﯧﻠﯩﺸﯩﮕﻪ ﺋﻪﮔﯩﺸﯩﭗ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﻛﯩﺘﺎﺑﻼﺭﻏﺎ ﺑﻮﻟﻐﺎﻥ ﻗﯩﺰﯨﻘﯩﺸﻤﯘ ﻛﯜﭼﯩﻴﯩﯟﺍﺗﯩﺪﯗ. ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻛﯩﺘﺎﺏ ﻳﯧﺰﯨﯟﺍﺗﻘﺎﻧﻼﺭﻧﯩﯔ ﺳﺎﻧﯩﻤﯘ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﯟﺍﺗﯩﺪﯗ.

ﺋﺎﻟﺘﻪ ﺋﯩﻤﭙﯧﺮﯨﻴﯩﻨﯩﯔ ﺋﯧﻠﯩﺸﯩﺸﻰ، ﺷﯩﻨﺠﺎﯓ ﺋﯜﭼﯜﻥ ﺟﻪﯓ (1)

ﺋﯘﻳﻐﯘﺭ ﺋﯧﻠﻰ، ﺋﯚﺗﻜﻪﻥ ﺋﻪﺳﯩﺮﻧﯩﯔ ﺑﯩﺮﯨﻨﭽﻰ ﻳﯧﺮﯨﻤﯩﺪﺍ ﻣﯘﺭﻩﻛﻜﻪﭖ ﺗﺎﺭﯨﺨﯩﻲ ﺟﻪﺭﻳﺎﻧﻼﺭﻧﻰ ﺑﺎﺷﺘﯩﻦ ﻛﻪﭼﯜﺭﺩﻯ. ﺑﯘ ﺟﻪﺭﻳﺎﻧﺪﺍ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﯩﻲ ﺗﻪﻗﺪﯨﺮﻯ ﺩﯗﻧﻴﺎﻧﯩﯔ ﻣﯘﻫﯩﻢ ﻗﯘﺩﺭﻩﺗﻠﯩﻚ ﻛﯜﭼﻠﯩﺮﯨﻨﯩﯔ ﺗﻪﺳﯩﺮﻯ ﺋﺎﺳﺘﯩﺪﺍ ﻗﺎﻟﻐﺎﻥ ﺑﻮﻟﯘﭖ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﯘ ﻛﯜﺭﻩﺷﻠﻪﺭﺩﻩ ﻣﯘﻫﯩﻢ ﺭﻭﻝ ﺋﻮﻳﻨﺎﭖ، ﺑﯘ ﺩﯨﻴﺎﺭﻧﻰ ﺋﯚﺯﯨﻨﯩﯔ ﺗﯜﺭﻟﯜﻙ ﺗﻪﺳﯩﺮﻯ ﺋﺎﺳﺘﯩﺪﺍ ﺗﯘﺗﯘﺷﻘﺎ ﻣﯘﯞﻩﭘﭙﻪﻕ ﺑﻮﻟﺪﻯ. ﺋﯘﻧﺪﺍﻗﺘﺎ، ﺑﯘ ﻣﻪﺯﮔﯩﻠﺪﻩ ﻗﯘﺩﺭﻩﺗﻠﯩﻚ ﺩﯙﻟﻪﺗﻠﻪﺭ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﻩ ﻗﺎﻧﺪﺍﻕ ﺋﯧﻠﯩﺸﺘﻰ؟
ﺗﺎﺭﯨﺦ ﭘﺮﻭﮔﺮﺍﻣﻤﺎﻣﯩﺰ ﺑﻮﻳﯩﭽﻪ ﺑﯘ ﻫﻪﻗﺘﻪ ﺳﯩﻠﻪﺭ ﺋﯚﺯ ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺗﻪﻳﻴﺎﺭﻟﯩﺸﯩﺪﺍ ﺭﯗﺱ ﻣﯘﺗﻪﺧﻪﺳﺴﯩﺴﻰ، ﯞﺍﺟﯩﻢ ﺋﻮﺑﯘﺧﻮﻑ ﻳﺎﺯﻏﺎﻥ " ﺋﺎﻟﺘﻪ ﺋﯩﻤﭙﯧﺮﯨﻴﯩﻨﯩﯔ ﺋﯧﻠﯩﺸﯩﺸﻰ، ﺷﯩﻨﺠﺎﯓ ﺋﯜﭼﯜﻥ ﺟﻪﯓ " ﻣﺎﯞﺯﯗﻟﯘﻕ ﻛﯩﺘﺎﺑﯩﻨﯩﯔ ﻣﻪﺯﻣﯘﻧﻠﯩﺮﯨﻨﻰ ﺋﺎﯕﻼﻳﺴﯩﻠﻪﺭ.
ﭼﻮﯓ ﺋﻮﻳﯘﻥ19 - ﺋﻪﺳﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﯨﻦ ﺗﺎﺭﺗﯩﭗ، ﺗﺎﻛﻰ 20 - ﺋﻪﺳﯩﺮﻧﯩﯔ ﺩﻩﺳﻠﻪﭘﻜﻰ ﻳﯧﺮﯨﻤﯩﻐﯩﭽﻪ ﺑﻮﻟﻐﺎﻥ ﺑﯩﺮ ﺋﻪﺳﯩﺮﮔﻪ ﻳﯧﻘﯩﻦ ﯞﺍﻗﯩﺖ ﺋﯩﭽﯩﺪﻩ ﺋﯘﻳﻐﯘﺭ ﺋﯧﻠﻰ ﺩﯗﻧﻴﺎﻧﯩﯔ ﻗﯘﺩﺭﻩﺗﻠﯩﻚ ﺩﯙﻟﻪﺗﻠﯩﺮﯨﻨﯩﯔ ﺑﯩﺮ ﻣﻪﻳﺪﺍﻥ ﻫﻪﺭﺑﯩﻲ - ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ ﯞﻩ ﺩﯨﭙﻠﻮﻣﺎﺗﯩﻚ ﻛﯜﺭﻩﺷﻠﯩﺮﯨﻨﯩﯔ ﺗﻮﻗﯘﻧﯘﺵ ﻧﯘﻗﺘﯩﺴﯩﻐﺎ ﺋﺎﻳﻼﻧﺪﻯ. 19 - 20 - ﺋﻪﺳﯩﺮﺩﯨﻜﻰ ﺑﯘ ﻛﯜﺭﻩﺷﻠﻪﺭ ﻏﻪﺭﺏ ﻣﯘﺗﻪﺧﻪﺳﺴﯩﺴﻠﯩﺮﻯ ﺋﻪﻳﻨﻰ ﯞﺍﻗﯩﺘﺘﺎ ﺋﯘﻟﯘﻍ ﺑﯧﺮﯨﺘﺎﻧﯩﻴﻪ، ﭼﺎﺭ ﺭﯗﺳﯩﻴﻪ، ﻣﻪﻧﭽﯩﯔ ﺋﯩﻤﭙﯧﺮﯨﻴﯩﺴﻰ، ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﻰ ﻗﺎﺗﺎﺭﻟﯩﻖ ﻗﯘﺩﺭﻩﺗﻠﯩﻚ ﻛﯜﭼﻠﻪﺭﻧﯩﯔ ﻣﻪﺭﻛﯩﺰﯨﻲ ﻳﺎﯞﺭﻭﭘﺎ ﺋﺎﺳﯩﻴﺎ ﺋﯜﭼﯜﻥ ﺋﯧﻠﯩﭗ ﺑﺎﺭﻏﺎﻥ ﺑﯩﺮ ﻣﻪﻳﺪﺍﻥ ﻛﯜﺭﻩﺷﻠﯩﺮﯨﻨﻰ ﺋﻪﻛﯩﺲ ﺋﻪﺗﺘﯜﺭﯨﺪﯨﻐﺎﻥ " ﭼﻮﯓ ﺋﻮﻳﯘﻥ" ﻻﺭ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﭘﻼ ﻗﺎﻟﻤﺎﺳﺘﯩﻦ ﺑﻪﻟﻜﻰ، ﺋﯘﻳﻐﯘﺭ ﺩﯨﻴﺎﺭﯨﻨﻰ ﻗﯘﺩﺭﻩﺗﻠﯩﻚ ﻛﯜﭼﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻣﻪﻧﭙﻪﺋﻪﺗﻠﻪﺭﻧﻰ ﻣﻪﻗﺴﻪﺕ ﻗﯩﻠﻐﺎﻥ ﭼﻮﯓ ﺋﻮﻳﯘﻧﻼﺭ ﺋﻮﻳﻨﯩﻠﯩﺪﯨﻐﺎﻥ ﺷﺎﻫﻤﺎﺕ ﺗﺎﺧﺘﯩﺴﻰ ﺩﻩﭘﻤﯘ ﺋﺎﺗﯩﺪﻯ. ﺋﯘﻧﺪﺍﻗﺘﺎ، ﻣﻪﺯﻛﯘﺭ ﺷﺎﺧﻤﺎﺕ ﺗﺎﺧﺘﯩﺴﯩﺪﯨﻜﻰ ﺋﻮﻳﯘﻧﻼﺭﻏﺎ ﻛﯩﻤﻠﻪﺭ ﺋﯩﺸﺘﯩﺮﺍﻙ ﻗﯩﻠﺪﻯ؟ ﯞﻩ ﻛﯩﻤﻠﻪﺭ ﻏﻪﻟﯩﺒﻪ ﻗﯩﻠﺪﻯ؟ ﻛﯩﻤﻠﻪﺭ ﻣﻪﻏﻠﯘﭖ ﺑﻮﻟﺪﻯ؟ ﺩﯦﮕﻪﻥ ﺳﻮﺋﺎﻟﻨﯩﯔ ﻗﻮﻳﯘﻟﯘﺷﻰ ﻣﯘﻗﻪﺭﺭﻩﺭ. ﺑﯘ ﺳﻮﺋﺎﻟﻐﺎ ﻗﺎﺯﺍﻗﯩﺴﺘﺎﻧﻠﯩﻖ ﺭﯗﺱ ﮊﯗﺭﻧﺎﻟﯩﺴﺘﻰ ﯞﺍﺩﯨﻢ ﺋﻮﺑﯘﺧﻮﻑ ﺟﺎﯞﺍﺏ ﺑﯧﺮﯨﺸﻜﻪ ﺗﯩﺮﯨﺸﻘﺎﻥ ﺑﻮﻟﯘﭖ، ﺋﯘ 2007 - ﻳﯩﻠﻰ ﻣﻮﺳﻜﯟﺍﺩﯨﻜﻰ "ﯞﯦﭽﻪ" ﻧﻪﺷﯩﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﺋﯚﺯﯨﻨﯩﯔ ﺋﯘﺯﯗﻥ ﻳﯩﻠﻼﺭ ﺋﯩﺰﺩﯨﻨﯩﺸﻠﯩﺮﻯ ﺋﺎﺳﺎﺳﯩﺪﺍ ﻳﺎﺯﻏﺎﻥ " ﺋﺎﻟﺘﻪ ﺋﯩﻤﭙﯧﺮﯨﻴﯩﻨﯩﯔ ﺋﯧﻠﯩﺸﯩﺸﻰ، ﺷﯩﻨﺠﺎﯓ ﺋﯜﭼﯜﻥ ﺟﻪﯓ" ﻣﺎﯞﺯﯗﻟﯘﻕ ﭼﻮﯓ ﻫﻪﺟﯩﻤﻠﯩﻚ ﻛﯩﺘﺎﺑﯩﻨﻰ ﻧﻪﺷﯩﺮ ﻗﯩﻠﺪﯗﺭﺩﻯ.
ﺑﯘ ﺋﺎﻟﺘﻪ ﺋﯩﻤﭙﯧﺮﯨﻴﻪ ﻗﺎﻳﺴﻰ؟ﺋﺎﭘﺘﻮﺭﻧﯩﯔ ﻧﻪﺯﻩﺭﮔﻪ ﺋﺎﻟﻐﺎﻥ ﺋﺎﻟﺘﻪ ﺋﯩﻤﭙﯧﺮﯨﻴﻪ ﻗﺎﻳﺴﻰ ﺩﯦﮕﻪﻥ ﺳﻮﺋﺎﻟﻨﯩﯔ ﺗﯘﻏﯘﻟﯘﺷﻰ ﺗﻪﺑﯩﺌﯩﻲ. ﻣﻪﺯﻛﯘﺭ ﺭﯗﺱ ﺋﺎﭘﺘﻮﺭﯨﻨﯩﯔ ﻧﻪﺯﯨﺮﯨﺪﯨﻜﻰ ﺋﺎﻟﺘﻪ ﺋﯩﻤﭙﯧﺮﯨﻴﻪ ﺭﯗﺳﯩﻴﻪ، ﺑﯧﺮﯨﺘﺎﻧﯩﻴﻪ، ﮔﯧﺮﻣﺎﻧﯩﻴﻪ، ﻳﺎﭘﻮﻧﯩﻴﻪ، ﺧﯩﺘﺎﻱ، ﺋﺎﻣﯧﺮﯨﻜﯩﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﻗﯩﺰﯨﻖ ﻳﯧﺮﻯ ﺋﯘ ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﻰ ﯞﻩ ﻛﯧﻴﯩﻨﻜﻰ ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﯩﻨﻰ ﺑﯘ ﻗﺎﺗﺎﺭﻏﺎ ﻛﯩﺮﮔﯜﺯﻣﯩﮕﻪﻥ. ﺋﺎﭘﺘﻮﺭﻧﯩﯔ ﻫﯧﭻ ﺑﻮﻟﻤﯩﻐﺎﻧﺪﺍ، ﻧﯧﻤﻪ ﺳﻪﯞﻩﺑﺘﯩﻦ ﻳﺎﻗﯘﭖ ﺩﻩﯞﺭﯨﺪﻩ ﺷﯘﻧﭽﻪ ﻣﯘﻫﯩﻢ ﺭﻭﻝ ﺋﻮﻳﻨﯩﻐﺎﻥ ﻫﻪﺗﺘﺎ ﻗﻪﺷﻘﻪﺭ ﺧﺎﻧﻰ ﻳﺎﻗﯘﭖ ﺑﻪﮒ ﺋﯚﺯﯨﻨﻰ ﺗﻪﯞﻩ ﺩﻩﭖ ﺋﯧﻼﻥ ﻗﯩﻠﻐﺎﻥ ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﯩﻨﻰ ﺑﯘ ﻗﺎﺗﺎﺭﻏﺎ ﻛﯩﺮﮔﯜﺯﻣﯩﮕﻪﻧﻠﯩﻜﯩﻨﻰ ﭘﻪﺭﻩﺯ ﻗﯩﻠﯩﺶ ﻣﯘﻣﻜﯩﻦ. ﭼﯜﻧﻜﻰ، ﺋﺎﭘﺘﻮﺭ ﻛﯩﺘﺎﺑﯩﺪﺍ ﺋﺎﺳﺎﺳﯩﻲ ﺩﯨﻘﻘﻪﺗﻨﻰ 20 - ﺋﻪﺳﯩﺮﮔﻪ ﻗﺎﺭﺍﺗﻘﺎﻥ ﺑﻮﻟﯘﭖ، ﺋﯘ 20 - ﺋﻪﺳﯩﺮﻧﯩﯔ ﺑﯩﺮﯨﻨﭽﻰ ﻳﯧﺮﯨﻤﯩﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭ، ﺩﯗﻧﻴﺎ ﯞﻩﺯﯨﻴﯩﺘﻰ ﻫﻪﻡ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭﻧﯩﯔ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﯩﭙﺎﺩﯨﻠﯩﺮﯨﻨﻰ ﻳﻮﺭﯗﺗﯘﺷﻘﺎ ﺑﻪﻛﺮﻩﻙ ﺋﻪﻫﻤﯩﻴﻪﺕ ﺑﻪﺭﮔﻪﻥ.
ﺋﺎﺳﺎﺳﯩﻲ ﺗﯧﻤﺎ 20 - ﺋﻪﺳﯩﺮﻧﯩﯔ ﺑﯩﺮﯨﻨﭽﻰ ﻳﯧﺮﯨﻤﻰﺭﯗﺱ ﺋﺎﭘﺘﻮﺭﻯ ﯞﺍﺩﯨﻢ ﺋﻮﺑﯘﺧﻮﯞ ﺋﯚﺯﯨﻨﯩﯔ ﻣﻪﺯﻛﯘﺭ ﺗﺎﺭﯨﺨﯩﻲ ﺑﺎﻳﺎﻥ ﺧﺎﺭﺍﻛﺘﯧﺮﻟﯩﻖ ﺋﻪﺳﯩﺮﯨﺪﻩ ﺋﯚﺗﻜﻪﻥ ﺋﻪﺳﯩﺮﻧﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﺍ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﯧﻠﯩﭗ ﺑﺎﺭﻏﺎﻥ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﻗﻮﺯﻏﯩﻼﯕﻠﯩﺮﻯ ﯞﻩ ﻗﻮﺯﻏﯩﻼﯕﻼﺭ ﻧﻪﺗﯩﺠﯩﺴﯩﺪﻩ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺷﯘﻧﯩﯖﺪﻩﻙ ﺑﯘ ﺩﻩﯞﺭﺩﯨﻜﻰ ﺳﯩﻴﺎﺳﯩﻲ ﺗﺎﺭﯨﺨﺘﺎ ﺭﯗﺳﯩﻴﻪ ﻛﯚﭼﻤﻪﻧﻠﯩﺮﻯ ﯞﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺋﻮﻳﻨﯩﻐﺎﻥ ﺭﻭﻟﻰ ﻫﻪﻡ ﺑﺎﺷﻘﺎ ﻣﻪﺳﯩﻠﯩﻠﻪﺭ ﻳﻮﺭﯗﺗﯘﻟﻐﺎﻥ. ﺋﺎﭘﺘﻮﺭ ﺋﻪﺳﻪﺭﺩﻩ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺳﯩﺮﻟﯩﻖ ﺑﻮﻟﯘﭖ ﻛﻪﻟﮕﻪﻥ ﻧﯘﺭﻏﯘﻥ ﻣﻪﺳﯩﻠﯩﻠﻪﺭﻧﻰ ﺋﺎﺷﻜﺎﺭﯨﻼﺷﻘﺎ ﺗﯩﺮﯨﺸﻘﺎﻥ، ﯞﺍﺩﯨﻢ ﺋﻮﺑﯘﺧﻮﯞ ﻛﯩﺘﺎﺑﯩﺪﺍ 20 - ﺋﻪﺳﯩﺮﻧﯩﯔ ﺑﯩﺮﯨﻨﭽﻰ ﻳﯧﺮﯨﻤﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ، ﺋﻪﻧﮕﯩﻠﯩﻴﻪ، ﮔﯧﺮﻣﺎﻧﯩﻴﻪ، ﺧﯩﺘﺎﻱ، ﻳﺎﭘﻮﻧﯩﻴﻪ، ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺋﻪﻳﻨﻰ ﯞﺍﻗﯩﺘﺘﺎ ﺋﯘﻳﻐﯘﺭ ﺋﯧﻠﯩﻨﯩﯔ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﻩ ﺑﯩﺮ ﻣﻪﻳﺪﺍﻥ ﻳﻮﺷﯘﺭﯗﻥ ﻫﻪﻡ ﺋﺎﺷﻜﺎﺭﻩ ﻛﯜﺭﻩﺵ ﺋﯧﻠﯩﭗ ﺑﺎﺭﻏﺎﻧﻠﯩﻘﻰ، ﺑﯘ ﻛﯜﺭﻩﺷﻠﻪﺭﺩﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻫﻪﺭ ﺧﯩﻞ ﺋﺎﻣﯩﻠﻼﺭﺩﯨﻦ ﭘﺎﻳﺪﯨﻠﯩﻨﯩﭗ، ﻏﺎﻟﯩﭗ ﭼﯩﻘﯩﭗ، ﺋﯘﻳﻐﯘﺭ ﺋﯧﻠﯩﻨﻰ ﻧﺎﻣﺪﺍ ﺧﯩﺘﺎﻳﻨﯩﯔ ﺗﻪﯞﻩﺳﯩﺪﻩ ﻗﺎﻟﺪﯗﺭﺳﯩﻤﯘ، ﺋﻪﻣﻪﻟﯩﻴﻪﺗﺘﻪ ﺋﯘﻧﻰ ﺋﯚﺯﯨﻨﯩﯔ ﻫﻪﺭﺑﯩﻲ - ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ ﯞﻩ ﻣﻪﺩﻩﻧﯩﻴﻪﺕ ﺗﻪﺳﯩﺮﻯ ﺋﺎﺳﺘﯩﺪﺍ ﺗﯘﺗﯘﺷﻘﺎ ﻣﯘﯞﻩﭘﭙﻪﻕ ﺑﻮﻟﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ. ﯞﺍﺩﯨﻢ ﺋﻮﺑﯘﺧﻮﯞﻧﯩﯔ ﻛﯩﺘﺎﺑﯩﺪﯨﻜﻰ ﺋﺎﻻﻫﯩﺪﯨﻠﯩﻚ ﺷﯘﻛﻰ، ﺋﯘﻧﯩﯔ ﺳﻮﯞﯨﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﮕﻪﻧﺪﯨﻦ ﻛﯧﻴﯩﻨﻜﻰ ﭘﺎﺵ ﺑﻮﻟﻐﺎﻥ ﻛﯚﭘﻠﯩﮕﻪﻥ ﺋﺎﺭﺧﯩﭗ ﻣﺎﺗﯧﺮﯨﻴﺎﻟﻠﯩﺮﻯ ﯞﻩ ﺳﻮﯞﯨﺖ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﯨﻨﯩﯔ ﺋﻪﺳﻠﯩﻤﯩﻠﯩﺮﻯ ﺋﺎﺭﻗﯩﻠﯩﻖ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺳﯩﺮﻟﯩﻖ ﺗﯜﺱ ﺋﺎﻟﻐﺎﻥ ﻫﻪﻣﺪﻩ ﺋﯩﺪﯦﺌﻮﻟﻮﮔﯩﻴﯩﻠﯩﻚ ﺳﻪﯞﻩﺏ ﺗﯜﭘﻪﻳﻠﯩﺪﯨﻦ ﺳﻮﯞﯨﺖ ﺋﯩﺘﺘﯩﭙﺎﻗﻰ ﻫﯚﻛﯜﻣﯩﺘﯩﻨﯩﯔ ﺗﺎﻗﺎﻕ ﺳﯧﻠﯩﯟﻩﺗﻜﻪﻥ ﻣﻪﺳﯩﻠﯩﻠﻪﺭﻧﻰ ﻳﻮﺭﯗﺗﯘﺷﻘﺎ ﺋﯩﻨﺘﯩﻠﯩﺸﯩﺪﯗﺭ. ﺋﺎﭘﺘﻮﺭ ﺑﯘ ﻣﻪﺳﯩﻠﯩﻠﻪﺭﺩﻩ ﺧﯧﻠﻰ ﻛﻮﭖ ﺋﯘﭼﯘﺭﻻﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻘﺎ ﻣﯘﯞﻩﭘﭙﻪﻕ ﺑﻮﻟﻐﺎﻥ.
ﻛﯩﺘﺎﺑﻨﯩﯔ ﺗﯜﺯﯛﻟﻤﯩﺴﻰﺭﯗﺱ ﺗﯩﻠﯩﺪﺍ ﻳﯧﺰﯨﻠﻐﺎﻥ ﻣﻪﺯﻛﯘﺭ ﻛﯩﺘﺎﺏ 510 ﺑﻪﺕ ﺑﻮﻟﯘﭖ، ﻣﻪﺯﻛﯘﺭ ﺋﻪﺳﻪﺭ " ﺋﯩﻜﻜﻰ ﺋﯩﻤﭙﯧﺮﯨﻴﯩﻨﯩﯔ ﭼﻮﯓ ﺋﻮﻳﯘﻧﻰ"، " ﺷﯩﻨﺠﺎﯕﺪﯨﻜﻰ ﺋﺎﻕ ﻗﯘﻳﺎﺵ"، " ﻛﯩﻢ ﺷﯩﻨﺠﺎﯕﻨﯩﯔ ﺧﻮﺟﺎﻳﯩﻨﻰ؟"، " ﺧﻪﻟﻖ ﻗﻮﺭﺍﻟﻠﯩﻖ ﻗﻮﺯﻏﯩﻠﯩﯖﯩﻨﻰ ﺑﺎﺷﻼﺵ"،" " ﺋﯜﭺ ﯞﯨﻼﻳﻪﺕ ﺋﯩﻨﻘﯩﻼﺑﯩﻨﯩﯔ ﺋﺎﺧﯩﺮﻟﯩﺸﯩﺸﻰ"، " ﺑﺎﻣﺒﯘﻙ ﭘﻪﺭﺩﯨﻠﻪﺭ ﺋﺎﺭﻗﯩﺴﯩﺪﺍ" ﺩﯦﮕﻪﻥ ﻣﺎﯞﺯﯗﻻﺭ ﺋﺎﺳﺘﯩﺪﯨﻜﻰ ﺋﺎﻟﺘﻪ ﺑﯚﻟﻪﻛﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﻫﻪﻣﺪﻩ ﻛﯩﺘﺎﺏ ﺋﺎﺧﯩﺮﯨﺪﺍ ﭘﺎﻳﺪﯨﻼﻧﻐﺎﻥ ﺋﻪﺳﻪﺭﻟﻪﺭ ﺗﯩﺰﯨﻤﻠﯩﻜﻰ ﺑﯧﺮﯨﻠﮕﻪﻥ ﺑﻮﻟﯘﭖ، ﻛﯚﺭﯛﻧﯜﭖ ﺗﯘﺭﯗﭘﺘﯩﻜﻰ ﺋﺎﭘﺘﻮﺭﻧﯩﯔ ﺋﺎﺳﺎﺳﻠﯩﻖ ﻣﺎﺗﯧﺮﯨﻴﺎﻝ ﻣﻪﻧﺒﻪﺳﻰ ﺭﯗﺱ ﺗﯩﻠﻰ ﺑﻮﻟﻐﺎﻥ. ﻣﻪﺯﻛﯘﺭ ﺋﺎﻟﺘﻪ ﺑﯚﻟﻪﻙ ﺑﯩﺮ ﻗﺎﻧﭽﻪ ﺋﻮﻧﻠﯩﻐﺎﻥ ﻗﯩﺴﯩﻤﻼﺭ ﯞﻩ ﭘﺎﺭﺍﮔﺮﺍﭘﻼﺭﺩﯨﻦ ﺗﯜﺯﯛﻟﮕﻪﻥ ﺑﻮﻟﯘﭖ، ﻛﯩﺘﺎﺏ ﺗﺎﺭﯨﺨﯩﻲ ﭘﺎﻛﯩﺘﻼﺭ ﯞﻩ ﯞﻩﻗﻪﻟﻪﺭﻧﻰ ﺋﺎﻣﻤﯩﺒﺎﺏ ﻳﻮﺳﯘﻧﺪﺍ ﺑﺎﻳﺎﻥ ﻗﯩﻠﯩﺶ ﺋﯘﺳﯘﻟﯩﺪﺍ ﻳﯧﺰﯨﻠﻐﺎﻥ. ﻣﻪﺯﻛﯘﺭ ﻛﯩﺘﺎﺑﻨﯩﯔ ﻳﻪﻧﻪ ﺑﯩﺮ ﺋﺎﻻﻫﯩﺪﯨﻠﯩﻜﻰ ﺷﯘﻛﻰ، ﺑﯘﻧﯩﯖﺪﺍ ﭼﺎﺭ ﺭﯗﺳﯩﻴﻪ ﯞﻩ ﻛﯧﻴﯩﻨﻜﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺋﯘﻳﻐﯘﺭ ﺩﯨﻴﺎﺭﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻛﯚﭘﻠﯩﮕﻪﻥ ﺭﺍﺯﯞﯦﺘﻜﺎ ﺧﺎﺩﯨﻤﻠﯩﺮﻯ ﯞﻩ ﺭﺍﺯﯞﯦﺘﻜﺎ ﺋﯩﺸﻠﯩﺮﻯ ﺑﻮﻳﯩﭽﻪ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﺭﺑﺎﺑﻠﯩﺮﯨﻨﯩﯔ ﺳﯜﺭﻩﺗﻠﯩﺮﻯ ﺑﯧﺮﯨﻠﮕﻪﻥ. ﺋﺎﭘﺘﻮﺭ ﻛﯩﺘﺎﺑﻨﻰ ﺋﯚﺯﯨﻨﯩﯔ ﻛﻮﻧﺎ ﺳﯚﻫﺒﻪﺗﺪﯦﺸﻰ، 20 - ﻳﯩﻠﻼﺭﺩﺍ ﺭﯗﺳﯩﻴﯩﺪﯨﻦ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻛﯚﭼﯜﭖ ﺑﺎﺭﻏﺎﻥ ﺋﺎﻕ ﺭﯗﺳﻼﺭﻧﯩﯔ ﺋﻪﯞﻻﺩﻯ ﻫﻪﻣﺪﻩ 40 - ﻳﯩﻠﻼﺭﺩﯨﻜﻰ ﻣﯩﻠﻠﯩﻲ ﺋﺎﺯﺍﺩﻟﯩﻖ ﺋﯩﻨﻘﯩﻼﺑﻘﺎ ﻗﺎﺗﻨﯩﺸﯩﭗ، ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺷﯩﻤﺎﻟﯩﻲ ﻳﯚﻧﯩﻠﯩﺶ ﻗﯩﺴﯩﻤﻠﯩﺮﯨﺪﺍ ﺧﯩﺰﻣﻪﺕ ﻗﯩﻠﻐﺎﻥ، ﻛﯧﻴﯩﻦ ﻗﺎﺯﺍﻗﯩﺴﺘﺎﻧﺪﺍ ﺋﯚﻟﮕﻪﻥ ﺭﯗﺱ ﺋﻮﻓﯩﺘﺴﯧﺮ ﻧﯩﻜﯩﻔﻮﺭ ﺳﺘﯘﺩﯦﻨﻜﻮﯞﻗﺎ ﺑﯧﻐﯩﺸﻠﯩﻐﺎﻥ ﺑﻮﻟﯘﭖ، ﺋﯘ ﻛﯩﺘﺎﺑﻨﯩﯔ ﺑﯧﺸﯩﺪﯨﻼ ﻣﯘﻧﺪﺍﻕ ﺩﻩﭖ ﻳﺎﺯﻏﺎﻥ. " ﻣﻪﻥ ﺑﯘ ﺋﻪﺳﯩﺮﯨﻤﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﻨﯩﯔ ﻣﺎﻳﻮﺭﻯ ﻧﯩﻜﯩﻔﻮﺭ ﺳﺘﯘﺩﯦﻨﻜﻮﯞﻧﯩﯔ ﻧﯘﺭﻟﯘﻕ ﺧﺎﺗﯩﺮﯨﺴﯩﮕﻪ ﺑﯧﻐﯩﺸﻼﻳﻤﻪﻥ."

ﺷﻪﺭﻡ - ﻫﺎﻳﺎ ﯞﻩ ﻧﻮﻣﯘﺳﭽﺎﻧﻠﯩﻖ ﮔﯜﺯﻩﻝ ﺋﻪﺧﻼﻗﺘﯘﺭ

ﺷﻪﺭﻡ - ﻫﺎﻳﺎ ﺳﻪﺕ ﺋﯩﺸﻼﺭﺩﯨﻦ ﺳﺎﻗﻠﯩﻨﯩﺸﻘﺎ، ﻫﻪﺭ ﻗﺎﻧﺪﺍﻕ ﻫﻪﻕ ﺋﯩﮕﯩﺴﯩﻨﯩﯔ ﻫﻪﻗﻘﯩﻨﻰ ﺗﻮﻟﯘﻕ ﺋﺎﺩﺍ ﻗﯩﻠﯩﺸﻘﺎ ﺗﯜﺭﺗﻜﻪ ﺑﻮﻟﯩﺪﯨﻐﺎﻥ ﺑﯩﺮ ﺧﯩﻞ ﮔﯜﺯﻩﻝ ﺋﻪﺧﻼﻕ. ﻫﺎﻳﺎ ﻛﯩﺸﯩﺪﻩ ﺩﯗﻧﻴﺎ ﯞﻩ ﺋﺎﺧﯩﺮﻩﺗﺘﻪ ﺭﻩﺳﯟﺍ ﺑﻮﻟﯘﭖ ﻗﺎﻻﺭﻣﻪﻧﻤﯘ ﺩﯦﮕﻪﻥ ﻏﻪﻡ - ﺋﻪﻧﺪﯨﺸﻪ ﻗﻮﺭﻗﯘﻧﭽﯩﺴﯩﻨﻰ ﭘﻪﻳﺪﺍ ﻗﯩﻠﯩﺪﯗ. ﺷﯘﻧﯩﯔ ﺑﯩﻠﻪﻥ ﻛﯩﺸﻰ ﻧﺎﭼﺎﺭ ﺋﯩﺸﻼﺭﺩﯨﻦ ﺳﺎﻗﻠﯩﻨﯩﺪﯗ، ﻳﺎﺧﺸﻰ ﺋﯩﺸﻼﺭﻧﻰ ﻗﯩﻠﯩﺪﯗ. ﺷﻪﺭﻡ - ﻫﺎﻳﺎ ﺋﯩﻨﺴﺎﻥ ﺋﯜﭼﯜﻥ ﺗﻮﻟﯩﻤﯘ ﻣﯘﻫﯩﻢ ﺑﻮﻟﻐﺎﭼﻘﺎ ﺋﺎﺗﺎ - ﺑﻮﯞﯨﻠﯩﺮﯨﻤﯩﺰ ﺑﯩﺰﮔﻪ " ﻫﺎﻳﺎﺳﯩﺰﺩﺍ ﺋﯩﻤﺎﻥ ﻳﻮﻕ" ﺩﯦﮕﻪﻥ ﻫﯧﻜﻤﻪﺗﻨﻰ ﻗﺎﻟﺪﯗﺭﻏﺎﻥ.
ﺷﻪﺭﻡ - ﻫﺎﻳﺎ ﯞﻩ ﻧﻮﻣﯘﺱ ﺋﯧﺴﯩﻞ ﮔﯜﺯﻩﻟﻠﯩﻚ. ﺋﯘ ﺋﯩﻨﺴﺎﻥ ﺋﻪﻗﻠﯩﻨﯩﯔ ﺋﯘﻝ ﺗﯧﻤﻰ. ﻗﯩﺴﻘﯩﺴﻰ ﺋﯩﻤﺎﻧﻨﯩﯔ ﭘﻮﺳﺘﻰ ﺷﻪﺭﻡ - ﻫﺎﻳﺎ ﯞﻩ ﻧﻮﻣﯘﺳﺘﯘﺭ. ﭘﻮﺳﺘﻰ ﺳﻮﻳﯘﯞﯦﺘﯩﻠﮕﻪﻥ ﺩﻩﺭﻩﺥ ﻗﯘﺭﯗﭖ ﻛﻪﺗﻜﻪﻧﺪﻩﻙ ﺷﻪﺭﻡ - ﻫﺎﻳﺎ ﯞﻩ ﻧﻮﻣﯘﺳﺘﯩﻦ ﺋﺎﻳﺮﯨﻠﻐﺎﻥ ﺋﯩﻨﺴﺎﻧﻤﯘ ﺋﯩﻤﺎﻧﯩﻲ ﺧﯩﺴﻠﻪﺗﺘﯩﻦ ﺋﺎﻳﺮﯨﻠﯩﭗ ﻗﺎﻟﯩﺪﯗ. ﯞﯨﺠﺪﺍﻥ ﺑﻮﻟﺴﺎ ﺋﯩﭽﻜﻰ ﻧﻮﻣﯘﺳﺘﯘﺭ. ﺑﯩﺮ ﻫﻪﺩﯨﺴﺘﻪ:" ﺋﺎﺩﻩﻡ ﺑﺎﻟﯩﻠﯩﺮﯨﻨﯩﯔ ﺗﯧﻨﯩﺪﻩ ﺗﯚﺕ ﺟﻪﯞﻫﻪﺭ ﺑﺎﺭ. ﺋﯘﻻﺭ: ﺋﻪﻗﯩﻞ، ﺩﯨﻦ ، ﻫﺎﻳﺎ ﯞﻩ ﻳﺎﺧﺸﻰ ﺋﻪﻣﻪﻝ. ﺑﯘ ﺗﯚﺕ ﺟﻪﯞﻫﻪﺭﻧﻰ ﻳﻮﻗﯩﺘﯩﺪﯨﻐﺎﻥ ﺗﯚﺕ ﻧﻪﺭﺳﻪ ﺑﺎﺭ: ﺋﻪﻗﯩﻠﻨﻰ ﻏﻪﺯﻩﭖ ﻳﻮﻗﯩﺘﯩﺪﯗ. ﻛﯚﺭﻩﻟﻤﻪﺳﻠﯩﻚ ﺩﯨﻨﻨﻰ ﻳﻮﻗﯩﺘﯩﺪﯗ. ﺗﻪﻣﻪﺧﻮﺭﻟﯘﻕ ﻫﺎﻳﺎﻧﻰ ﻳﻮﻕ ﻗﯩﻠﯩﺪﯗ. ﻏﻪﻳﯟﻩﺕ ﻳﺎﺧﺸﻰ ﺋﻪﻣﻪﻟﻨﻰ ﻳﻮﻕ ﻗﯩﻠﯩﺪﯗ"ﺩﻩﭖ ﻛﻪﻟﮕﻪﻥ. ﺷﻪﺭﻡ - ﻫﺎﻳﺎ ﺑﯩﻠﻪﻥ ﻧﻮﻣﯘﺳﭽﺎﻧﻠﯩﻖ ﻫﻪﺭ ﻗﺎﻧﺪﺍﻕ ﺋﯩﻨﺴﺎﻧﻨﯩﯔ ﺋﯩﻨﺴﺎﻧﯩﻲ ﻗﻪﺩﯨﺮ - ﻗﯩﻤﻤﯩﺘﯩﻨﻰ ﺑﯧﻴﯩﺘﯩﭗ ﻫﯚﺭﻣﯩﺘﯩﻨﻰ ﺋﺎﺷﯘﺭﯨﺪﯨﻐﺎﻥ ﻳﻮﺷﯘﺭﯗﻥ ﮔﯜﺯﻩﻟﻠﯩﻜﺘﯘﺭ.ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺋﺎﺑﺪﯗﻛﯧﺮﯨﻢ ﻫﺎﺟﯩﻢ ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.
ﺷﻪﺭﻡ - ﻫﺎﻳﺎ ﻗﯩﻤﻤﻪﺗﻠﯩﻚ ﺟﻪﯞﻫﻪﺭﺩﯗﺭﺋﺎﺑﺪﯗﻛﯧﺮﯨﻢ ﻫﺎﺟﯩﻢ ﻣﯘﻧﺪﺍﻕ ﺩﯦﺪﻯ: "ﻫﻪﻗﯩﻘﯩﻲ ﻫﺎﻳﺎ ﯞﻩ ﻧﻮﻣﯘﺱ ﻛﯚﭘﭽﯩﻠﯩﻚ ﺋﯜﭼﯜﻥ ﻣﻪﻧﭙﻪﺋﻪﺗﻠﯩﻚ ﺋﯩﺸﻘﺎ ﻫﻪﺭ ﻗﺎﻧﺪﺍﻕ ﯞﻩﺯﯨﻴﻪﺗﺘﻪ ﺟﯜﺭﺋﻪﺕ ﻗﯩﻠﯩﺸﻨﻰ ﺑﯩﻠﯩﺸﺘﯘﺭ. ﻧﻮﻣﯘﺱ ، ﻫﺎﻳﺎ ﺋﯧﯖﻰ ﺋﯩﻨﺴﺎﻧﻨﻰ ﺟﺎﺯﺍ ﻫﻪﻗﻘﯩﺪﯨﻜﻰ ﻫﻪﺭ ﻗﺎﻧﺪﺍﻕ ﯞﻩﺯ - ﻧﻪﺳﯩﻬﻪﺕ ﻛﯩﺘﺎﺑﻠﯩﺮﯨﺪﯨﻨﻤﯘ ﺑﻪﻛﺮﻩﻙ ﺗﻮﻏﺮﺍ ﻳﻮﻟﻐﺎ ﺳﺎﻟﯩﺪﯗ. ﺑﺎﺭﭼﻪ ﺳﺎﻣﺎﯞﻯ ﺩﯨﻨﻼﺭ ﺋﯩﻨﺴﺎﻧﻐﺎ ﺷﻪﺭﻡ - ﻫﺎﻳﺎ ﯞﻩ ﻧﻮﻣﯘﺳﻨﻰ ﺋﯚﮔﻪﺗﺘﻰ ﯞﻩ ﺋﯘﻧﯩﯖﻐﺎ ﺗﻪﺷﻪﺑﺒﯘﺱ ﻗﯩﻠﺪﻯ. ﺋﯩﻨﺴﺎﻧﻼﺭﻧﯩﯔ ﺗﻪﺑﯩﺌﯩﺘﯩﺪﻩ ﺋﯚﺯﯨﻨﯩﯔ ﻛﻪﻣﭽﯩﻠﯩﻜﯩﻨﻰ، ﻣﯘﻛﻪﻣﻤﻪﻟﺴﯩﺰﻟﯩﻜﯩﻨﻰ ﻫﯧﺲ ﻗﯩﻠﯩﺶ ﺋﯩﻘﺘﯩﺪﺍﺭﻯ ﻣﻪﯞﺟﯘﺩ. ﺷﯘ ﺳﻪﯞﻩﺑﺘﯩﻦ ﺑﻮﻟﺴﺎ ﻛﯧﺮﻩﻙ، ﻳﺎﺭﺍﺗﻘﯘﭼﻰ ﺋﯩﻨﺴﺎﻧﻼﺭﻏﺎ ﺋﯘﻳﺎﺗﻨﻰ ﻳﻪﻧﻰ ﺋﯚﺯ ﻛﻪﻣﭽﯩﻠﯩﻜﻠﯩﺮﻯ، ﻣﯘﻛﻪﻣﻤﻪﻟﺴﯩﺰﻟﯩﻜﻰ ﯞﻩ ﺋﺎﺟﯩﺰﻟﯩﻘﯩﺪﯨﻦ ﺋﯘﻳﯘﻟﯘﺵ ﺗﯘﻳﻐﯘﺳﯩﻨﻰ ﺋﺎﺗﺎ ﻗﯩﻠﻐﺎﻥ. ﺷﯘﯕﺎ ﻗﺎﻧﯘﻥ ﺗﻪﻗﯩﭗ ﻗﯩﻼﻟﻤﯩﻐﺎﻥ ﺋﯩﺸﻼﺭﻧﻰ ﻫﺎﻳﺎ - ﻧﻮﻣﯘﺱ ﺗﻪﻗﯩﭗ ﻗﯩﻼﻻﻳﺪﯗ. ﺋﯩﻨﺴﺎﻥ ﺋﯚﺯﯨﺪﯨﻦ ﺧﯘﺩﺩﻯ ﺑﺎﺷﻘﺎ ﺋﺎﺩﻩﻣﻠﻪﺭﺩﯨﻦ ﻫﺎﻳﺎ ﻗﯩﻠﻐﺎﻧﺪﻩﻙ ﻫﺎﻳﺎ ﻗﯩﻠﯩﺸﻰ ﯞﻩ ﻳﺎﻟﻐﯘﺯ ﺋﯚﺯﯨﻼ ﺑﯩﻠﯩﭗ ﺗﯘﺭﯗﭘﻤﯘ ، ﺑﺎﺷﻘﯩﻼﺭﻧﯩﯔ ﺑﯩﻠﯩﺶ - ﺑﯩﻠﻤﻪﺳﻠﯩﻜﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﻳﺎﻣﺎﻥ ﺋﯩﺸﺘﯩﻦ ﻗﻪﺗﺌﯩﻲ ﻗﻮﻝ ﺋﯜﺯﯛﺷﻰ ﻻﺯﯨﻢ. ﺋﻪﺩﻩﺏ - ﺋﻪﺧﻼﻗﻨﻰ ﻧﻮﻣﯘﺳﺘﯩﻦ، ﻧﻮﻣﯘﺳﻨﻰ ﺋﻪﺩﻩﺏ ﺋﻪﺧﻼﻗﺘﯩﻦ ﺋﺎﺟﺮﺍﺗﻘﯩﻠﻰ ﺑﻮﻟﻤﺎﻳﺪﯗ. ﻧﺎﯞﺍﺩﺍ ﺋﯘﻣﯘ، ﺑﯘﻣﯘ ﻳﯧﻤﯩﺮﯨﻠﯩﺸﻜﻪ ﺑﺎﺷﻠﯩﺴﺎ ﺑﺎﺭﻟﯩﻖ ﻛﯚﺭﻛﻪﻡ ﺑﯩﻨﺎ ﻳﯧﻘﯩﻠﻐﺎﻥ ﺑﻮﻟﯩﺪﯗ، ﻗﻪﺩﯨﺮﺳﯩﺰ ﺑﻮﻟﯩﺪﯗ ﯞﻩ ﻧﻪﭘﺮﻩﺗﺘﯩﻦ ﺑﺎﺷﻘﺎ ﻫﯧﭽﺒﯩﺮ ﺗﯘﻳﻐﯘ ﺋﻮﻳﻐﺎﺗﻤﺎﻳﺪﯗ. ﺷﯘﯕﺎ ﺋﯘﻟﯘﻍ ﻣﯘﺗﻪﭘﻪﻛﻜﯘﺭ ﺋﻪﻟﯩﺸﯩﺮ ﻧﺎﯞﺍﻳﻰ:ﻫﺎﻳﺎﺳﯩﺰﺩﺍ ﯞﺍﭘﺎ ﻳﻮﻕ،ﯞﺍﭘﺎﺳﯩﺰﺩﺍ ﻫﺎﻳﺎ ﻳﻮﻕ.ﺩﯦﮕﻪﻥ ﺋﯩﻜﻪﻥ.ﺋﻪﺟﺪﺍﺩﻟﯩﺮﯨﻤﯩﺰﻣﯘ : "ﻫﺎﻳﺎﻟﯩﻖ ﻛﯩﺸﻰ ﺑﺎﻫﺎﻟﯩﻖ ﻛﯩﺸﻰ"ﺩﯦﮕﻪﻥ ﺋﯘﻟﯘﻍ ﻫﯧﻜﻤﻪﺗﻨﻰ ﻗﺎﻟﺪﯗﺭﻏﺎﻥ. ﻫﺎﻳﺎ ﯞﺍﭘﺎﺩﺍﺭﻟﯩﻘﻨﯩﯔ ﺋﺎﭼﻘﯘﭼﯩﺪﯗﺭ. ﯞﺍﭘﺎﺩﺍﺭﻟﯩﻘﻨﻰ ﭘﻪﻗﻪﺕ ﺷﻪﺭﻡ - ﻫﺎﻳﺎﻟﯩﻖ ﻛﯩﺸﯩﻠﻪﺭﺩﯨﻨﻼ ﻛﯜﺗﯜﺵ ﻣﯘﻣﻜﯩﻦ."
ﺷﻪﺭﻡ - ﻫﺎﻳﺎ ﺑﯩﻠﻪﻥ ﻣﯧﻬﺮﻯ - ﻣﯘﻫﻪﺑﺒﻪﺕ ﺋﯩﻜﻜﯩﺴﻰ ﻗﻮﺵ ﻛﯧﺰﻩﻛﺘﯘﺭﺋﺎﺑﺪﯗﻛﯧﺮﯨﻢ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺷﻪﺭﻡ ﻫﺎﻳﺎ ﺑﯩﻠﻪﻥ ﻣﯧﻬﺮﻯ - ﻣﯘﻫﻪﺑﺒﻪﺕ ﺑﯩﺮ ﯞﺍﺭﺍﻕ ﻗﻪﻏﻪﺯﻧﯩﯔ ﺋﯩﻜﻜﻰ ﻳﯜﺯﯨﮕﻪ ﺋﻮﺧﺸﺎﻳﺪﯗ. ﭘﻪﻗﻪﺕ ﺑﯩﺮﻻ ﻳﯜﺯﻯ ﺑﺎﺭ ﻗﻪﻏﻪﺯﻧﻰ ﺗﻪﺳﻪﯞﯞﯗﺭ ﻗﯩﻠﻐﯩﻠﻰ ﺑﻮﻟﻤﯩﻐﯩﻨﯩﺪﻩﻙ، ﺷﻪﺭﻡ - ﻫﺎﻳﺎﺳﯩﺰ ﻣﯧﻬﺮﻯ - ﻣﯘﻫﻪﺑﺒﻪﺗﻨﻰ، ﻣﯧﻬﺮﻯ - ﻣﯘﻫﻪﺑﺒﻪﺗﺴﯩﺰ ﺷﻪﺭﻡ - ﻫﺎﻳﺎﻧﯩﻤﯘ ﺗﻪﺳﻪﯞﯞﯗﺭ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﻣﯧﻬﺮﻯ - ﻣﯘﻫﻪﺑﺒﻪﺕ ﺷﻪﺭﻡ - ﻫﺎﻳﺎ ﺩﻩﺭﯨﺨﯩﻨﯩﯔ ﺭﻩﯕﺪﺍﺭ ﭼﺎﻗﻨﺎﭖ ﺗﯘﺭﯨﺪﯨﻐﺎﻥ ﺧﯘﺷﺒﯘﻱ، ﻛﯩﺸﯩﻨﯩﯔ ﺋﻪﻗﻠﯩﻨﻰ ﻻﻝ ﻗﯩﻠﯩﺪﯨﻐﺎﻥ ﻣﯧﯟﯨﺴﯩﺪﯗ. ﺋﺎﺩﻩﻣﻠﻪﺭﻧﯩﯔ ﺋﻪﯓ ﭘﻪﺳﻜﯩﺸﻰ ﻧﻮﻣﯘﺱ، ﻫﺎﻳﺎ ﺋﯧﯖﻰ ﻳﻮﻕ ﻛﯩﺸﯩﻠﻪﺭﺩﯗﺭ. ﻣﯘﻧﺪﺍﻕ ﻛﯩﺸﯩﻠﻪﺭﮔﻪ ﻫﻪﻣﻤﯩﻼ ﻳﻪﺭﺩﻩ ﻧﻪﭘﺮﻩﺗﻠﻪﺭ ﻳﯧﻐﯩﭗ ﺗﯘﺭﯨﺪﯗ. ﺷﻪﺭﻡ - ﻫﺎﻳﺎ ﺑﯩﻠﻪﻥ ﻧﻮﻣﯘﺳﻨﻰ ﻳﻮﻗﺎﺗﻘﺎﻥ ﻛﯩﺸﯩﻨﻰ ﺋﯚﻟﯜﻙ ﺩﻩﭖ ﺳﺎﻧﯩﺴﺎ ﺑﻮﻟﯩﺪﯗ. ﺋﯩﻨﺴﺎﻧﻨﯩﯔ ﺑﯩﺮ ﻛﻪﺗﻜﻪﻥ ﺋﯘﻳﺎﺕ ﻧﻮﻣﯘﺳﻰ ﻗﺎﻳﺘﯩﭗ ﻛﻪﻟﻤﻪﻳﺪﯗ. ﺷﯘﯕﺎ ﻫﻪﺭﻛﯩﻢ ﺋﯚﺯﯨﻨﯩﯔ ﺋﯘﻳﺎﺕ، ﻧﻮﻣﯘﺳﯩﻨﻰ ﺟﯧﻨﯩﺪﯨﻨﻤﯘ ﺋﻪﺯﯨﺰ ﺑﯩﻠﯩﭗ ﻗﻮﻏﺪﯨﺸﻰ ﻻﺯﯨﻢ. ﺷﺎﺋﯩﺮ ﺗﺎﮔﻮﺭ:" ﮔﯜﺯﻩﻝ ﻧﻪﺭﺳﯩﻠﻪﺭﻧﯩﯔ ﻫﻪﻣﻤﯩﺴﻰ ﺭﻩﯕﺪﺍﺭ"ﺩﯦﮕﻪﻥ ﺋﯩﻜﻪﻥ. ﺩﯗﻧﻴﺎﺩﺍ ﻗﺎﻳﺴﻰ ﺭﻩﯓ ﺋﻪﯓ ﮔﯜﺯﻩﻝ ﯞﻩ ﺋﻪﯓ ﺭﻩﯕﺪﺍﺭ ﺩﯦﺴﻪ ﻧﻮﻣﯘﺳﭽﺎﻧﻠﯩﻘﻨﻰ ﺑﯩﻠﺪﯛﺭﯨﺪﯨﻐﺎﻥ ﺭﻩﯓ ﺋﻪﯓ ﮔﯜﺯﻩﻝ ﺩﻩﭖ ﺟﺎﯞﺍﺏ ﺑﯧﺮﯨﻠﯩﺪﯗ. ﺋﺎﺩﻩﻡ ﺧﯩﺠﯩﻞ ﺑﻮﻟﻐﺎﻧﺪﺍ، ﻫﺎﻳﺎ ﻗﯩﻠﻐﺎﻧﺪﺍ، ﻧﻮﻣﯘﺱ ﻗﯩﻠﻐﺎﻧﺪﺍ ﺗﻪﻧﻠﯩﺮﻯ ﺗﯩﺘﺮﻩﭖ ﻳﯜﺯﻯ ﻗﯩﺰﯨﺮﯨﺪﯗ. ﻣﺎﻧﺎ ﻣﯘﺷﯘ ﭼﺎﻏﺪﯨﻜﻰ ﻗﯩﺰﺍﺭﻏﺎﻥ ﯞﻩ ﺋﻮﺕ ﺋﺎﻟﻐﺎﻥ ﻳﯜﺯﻧﯩﯔ ﺭﻩﯕﮕﻰ ﺋﻪﯓ ﮔﯜﺯﻩﻟﺪﯗﺭ.
ﻫﺎﻳﺎ ﯞﻩ ﻧﻮﻣﯘﺳﭽﺎﻧﻠﯩﻖ ﭼﻮﯓ ﻧﯧﻤﻪﺕﺋﺎﺑﺪﯗﻛﯧﺮﯨﻢ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻫﺎﻳﺎ ﯞﻩ ﻧﻮﻣﯘﺳﭽﺎﻧﻠﯩﻖ ﺋﺎﻟﻼﻫ ﺋﺎﺗﺎ ﻗﯩﻠﻐﺎﻥ ﭼﻮﯓ ﻧﯧﻤﻪﺕ، ﺷﯘﻧﺪﺍﻗﻼ ﺋﺎﯕﻨﯩﯔ، ﺗﻪﺭﺑﯩﻴﯩﻨﯩﯔ، ﻣﻪﺩﻩﻧﯩﻴﻪﺕ ﺗﻪﺭﻩﻗﻘﯩﻴﺎﺗﯩﻨﯩﯔ ﻣﻪﻫﺴﯘﻟﯩﺪﯗﺭ. ﺩﯦﻤﻪﻙ، ﺷﻪﺭﻡ - ﻫﺎﻳﺎ ﺑﯩﻠﻪﻥ ﻧﻮﻣﯘﺱ ﭘﯜﺗﻜﯜﻝ ﮔﯜﺯﻩﻝ ﺋﻪﺧﻼﻗﻼﺭﻧﯩﯔ ﻳﯜﺭﯨﻜﻰ ﯞﻩ ﺗﯜﭖ ﻳﯩﻠﺘﯩﺰﯨﺪﯗﺭ. ﺷﻪﺭﻡ - ﻫﺎﻳﺎ ﺑﯩﻠﻪﻥ ﻧﻮﻣﯘﺱ ﺗﯘﻳﻐﯘﺳﻰ ﺋﯩﻨﺴﺎﻧﻼﺭﺩﯨﻜﻰ ﺋﻪﯓ ﺳﺎﭖ، ﺋﻪﯓ ﺗﻪﺑﯩﺌﯩﻲ ﺑﻮﻟﻐﺎﻥ ﻫﯧﺴﺴﯩﻲ ﻫﺎﺩﯨﺴﻪ، ﺋﯘ ﺋﻪﯓ ﺋﺎﻟﯩﻲ ﻣﺎﻗﺎﻣﺪﯨﻜﻰ ﺋﻪﺧﻼﻕ ﺋﯘﺳﺘﺎﺯﻯ. ﺷﯘﻧﺪﺍﻕ ﺩﯦﻴﯩﺸﻜﻪ ﺑﻮﻟﯩﺪﯗﻛﻰ، ﻗﯘﻻﻗﻨﯩﯔ ﻗﯩﺰﯨﺮﯨﺸﻰ، ﻛﯚﺯﻧﯩﯔ ﻫﻪﺭﯨﻜﯩﺘﻰ ﻛﯩﺸﯩﻨﯩﯔ ﭼﯧﻬﺮﯨﺪﻩ ﮔﻪﯞﺩﯨﻠﻪﻧﮕﻪﻥ ﻧﻮﻣﯘﺱ ﺗﯘﻳﻐﯘﺳﯩﻨﻰ ﭼﻪﻛﺴﯩﺰ ﺳﯧﻬﺮﯨﻲ ﻛﯜﭼﻜﻪ ﺋﯩﮕﻪ ﻗﯩﻠﯩﺪﯗ. ﻧﻮﻣﯘﺱ ﺗﯘﻳﻐﯘﺳﻰ ﺑﻮﻟﻤﺎﻱ ﺗﯘﺭﯗﭖ ﻧﻮﻣﯘﺳﭽﺎﻥ ﻳﯜﺯ ﺑﻮﻟﻤﺎﻳﺪﯗ. ﻧﻮﻣﯘﺱ ﺗﯘﻳﻐﯘﺳﻰ ﺋﯩﻨﺴﺎﻧﻼﺭﻏﺎ ﺧﺎﺱ ﺋﺎﻻﻫﯩﺪﯨﻠﯩﻚ. ﺷﯘﯕﺎ ﻫﺎﻳﯟﺍﻧﻼﺭﺩﺍ ﻣﯘﻧﺪﺍﻕ ﺗﯘﻳﻐﯘ ﺑﻮﻟﻤﺎﻳﺪﯗ. ﺋﯩﻨﺴﺎﻧﯩﻴﻪﺗﻨﯩﯔ ﺋﯩﭙﺘﯩﺨﺎﺭﻟﯩﻖ ﺋﯜﻟﮕﯩﺴﻰ ﻫﻪﺯﺭﯨﺘﻰ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻡ ﺋﻪﯓ ﻫﺎﻳﺎﻟﯩﻖ ﺋﯩﺪﻯ. ﺋﯘ ﻛﯩﺸﯩﻠﻪﺭﻧﯩﯔ ﺋﻪﻳﯩﺒﻠﯩﺮﯨﻨﻰ ﻛﯚﺭﻣﻪﺳﻜﻪ ﺳﺎﻻﺗﺘﻰ. ﺋﻪﺑﯘ ﺳﻪﺋﯩﺪ ﺧﯘﺩﻩﺭﻯ ﺋﯩﺴﯩﻤﻠﯩﻚ ﺳﺎﻫﺎﺑﻪ:" ﺭﻩﺳﯘﻟﯘﻟﻼﻫ ﻳﯜﺯﻯ ﺋﯧﭽﯩﻠﻤﯩﻐﺎﻥ ﻗﯩﺰﺩﯨﻨﻤﯘ ﺑﻪﻙ ﻫﺎﻳﺎﻟﯩﻖ ﺋﯩﺪﻯ. ﺋﯘﻧﯩﯔ ﺑﯧﺮﻩﺭ ﺋﯩﺸﻨﻰ ﻳﺎﻗﺘﯘﺭﻣﯩﻐﺎﻧﻠﯩﻘﯩﻨﻰ ﭼﯩﺮﺍﻳﯩﺪﯨﻦ ﺑﯩﻠﮕﯩﻠﻰ ﺑﻮﻻﺗﺘﻰ. ﺋﯘﻧﯩﯔ ﺋﯚﯕﻰ ﺳﯜﺯﯛﻙ ﯞﻩ ﻧﯧﭙﯩﺰ ﺋﯩﺪﻯ. ﺭﻩﺳﯘﻟﯘﻟﻼﻫ ﺋﺎﻟﯩﻴﺠﺎﻧﺎﭖ، ﻫﺎﻳﺎﻟﯩﻖ ﺑﻮﻟﻐﺎﻧﻠﯩﻘﺘﯩﻦ ﻛﯩﺸﯩﻠﻪﺭ ﻳﺎﻗﺘﯘﺭﻣﺎﻳﺪﯨﻐﺎﻥ ﺋﯩﺸﻨﻰ ﺋﯘﻻﺭﻏﺎ ﻳﯜﺯﻣﯘ ‏- ﻳﯜﺯ ﺗﯘﺭﯗﭖ ﺋﯧﻴﺘﻤﺎﻳﺘﺘﻰ"ﺩﯦﮕﻪﻥ.ﺩﯦﻤﻪﻙ، ﻗﯩﺰ - ﺋﺎﻳﺎﻟﻼﺭ ﺋﯜﭼﯜﻧﻤﯘ ﺷﻪﺭﻡ - ﻫﺎﻳﺎ ﯞﻩ ﻧﻮﻣﯘﺱ ﺗﯘﻳﻐﯘﺳﻰ ﻫﺎﻳﺎﺗﻠﯩﻖ ﺩﯦﻤﻪﻛﺘﯘﺭ. ﻫﻪﺗﺘﺎ ﻫﺎﻳﺎﺗﺘﯩﻨﻤﯘ ﻗﯩﻤﻤﻪﺗﻠﯩﻜﺘﯘﺭ. ﻧﻮﻣﯘﺳﻨﻰ ﻗﻮﻏﺪﺍﺵ ﻳﻮﻟﯩﺪﺍ ﺟﺎﻧﻨﻰ ﭘﯩﺪﺍ ﻗﯩﻠﯩﺶ ﺋﻪﯓ ﺋﺎﺩﺩﯨﻲ ﺗﻪﻟﻪﺑﺘﯘﺭ. ﺧﯘﺩﺩﻯ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﻧﻮﺯﯗﮔﯜﻡ ﯞﻩ ﻳﻪﺗﺘﻪ ﻗﯩﺰﻟﯩﺮﯨﻤﺪﻩﻙ ﻧﻮﻣﯘﺱ ﺋﺎﺑﯩﺪﯨﻠﯩﺮﻯ ﺗﺎﺭﯨﺨﺘﯩﻦ ﺑﯘﻳﺎﻥ ﺋﯩﻨﺴﺎﻧﻼﺭﻧﯩﯔ ﻗﻪﻟﺒﯩﺪﻩ ﺳﯚﻳﮕﯜ ﺑﯩﻠﻪﻥ ﻳﺎﺩﻟﯩﻨﯩﭗ ﻛﻪﻟﻤﻪﻛﺘﻪ.

"ﺧﯩﺘﺎﻳﻨﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﻘﺎﻥ ﺗﯩﺒﻪﺗﻠﯩﻜﻠﻪﺭ ﺋﻪﻣﻪﺱ، ﺋﯘﻳﻐﯘﺭﻻﺭ"

ﺋﺎﻣﯧﺮﯨﻜﯩﺪﯨﻜﻰ ﺧﻪﻟﻘﺎﺭﺍ ﺋﯧﻨﯩﺮﮔﯩﻴﻪ ﻣﻪﺳﻠﯩﻬﻪﺕ ﺷﯩﺮﻛﯩﺘﯩﻨﯩﯔ ﻣﯘﺗﻪﺧﻪﺳﺴﯩﺴﻰ Michael Lelyveld ﻳﯧﻘﯩﻨﺪﺍ، ﺧﯩﺘﺎﻳﻨﯩﯔ ﺷﯩﻨﺠﺎﯕﺪﯨﻜﻰ ﺋﯧﻨﯩﺮﮔﯩﻴﻪ ﺋﻪﻧﺪﯨﺸﯩﺴﻰ ﻧﺎﻣﻠﯩﻖ ﺑﯩﺮ ﺩﻭﻛﻼﺕ ﺗﻪﻳﻴﺎﺭﻟﯩﻐﺎﻥ.
ﺩﻭﻛﻼﺗﺘﺎ ﺑﯩﻠﺪﯛﺭﯛﻟﯩﺸﯩﭽﻪ، ﺧﯩﺘﺎﻱ ﻧﯚﯞﻩﺗﺘﻪ ﻗﺎﺭﯨﻤﺎﻗﻘﺎ ﺗﯩﺒﻪﺗﺘﯩﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﺪﻩﻙ ﺑﯩﺮ ﻛﯚﺭﯛﻧﯜﺷﺘﻪ، ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ، ﺧﯩﺘﺎﻳﻨﯩﯔ ﻫﻪﻗﯩﻘﯩﻲ ﺋﻪﻧﺪﯨﺸﯩﺴﻰ ﺋﯘﻳﻐﯘﺭ ﻣﻪﺳﯩﻠﯩﺴﻰ.
ﺧﯩﺘﺎﻱ ﺋﯜﭼﯜﻥ ﺑﯩﺮ ﺧﻮﺵ، ﺑﯩﺮ ﺷﯘﻡ ﺧﻪﯞﻩﺭﺩﻭﻛﻼﺗﺘﺎ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺧﯩﺘﺎﻳﻨﯩﯔ ﺋﻪﯓ ﭼﻮﯓ ﺋﯧﻨﯩﺮﮔﯩﻴﻪ ﻣﻪﻧﺒﻪﺳﯩﮕﻪ ﺋﺎﻳﻼﻧﻐﺎﻧﻠﯩﻘﻰ ﻛﯚﺭﺳﯩﺘﯩﻠﯩﭗ ﻣﯘﻧﺪﺍﻕ ﺩﯦﻴﯩﻠﮕﻪﻥ: " ﺧﯩﺘﺎﻱ ﺷﯩﻨﺠﺎﯕﺪﺍ ﺋﯚﺗﻜﻪﻥ ﻳﯩﻠﻰ، 26 ﻣﯩﻠﻴﻮﻥ 400 ﻣﯩﯔ ﺗﻮﻧﻨﺎ ﺧﺎﻡ ﻧﯧﻔﯩﺖ ﺋﯩﺸﻠﻪﭘﭽﯩﻘﺎﺭﺩﻯ؛ 21 ﻣﯩﻠﻴﺎﺭﺩ 200 ﻣﯩﯔ ﻛﯜﭖ ﻣﯧﺘﯩﺮ ﺗﻪﺑﯩﺌﯩﻲ ﮔﺎﺯ ﺋﯩﺸﻠﻪﭘﭽﯩﻘﺎﺭﺩﻯ. ﺩﯦﻤﻪﻙ ﺧﯩﺘﺎﻱ ﻏﻪﺭﺑﻨﻰ ﺋﯧﭽﯩﺶ ﭘﯩﻼﻧﯩﻨﯩﯔ ﻣﯧﻐﯩﺰﯨﻨﻰ ﭼﯧﻘﯩﯟﺍﺗﯩﺪﯗ. ﺑﯘ ﺋﻪﻟﯟﻩﺗﺘﻪ ﺧﯩﺘﺎﻱ ﺋﯜﭼﯜﻥ ﺧﻮﺵ ﺧﻪﯞﻩﺭ. ﺋﻪﻣﻤﺎ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﺘﺎ، ﻣﻪﺭﻛﻪﺯﺩﯨﻦ ﻳﯩﺮﺍﻕ ﯞﻩ ﻣﯘﻗﯩﻤﺴﯩﺰ ﺑﯩﺮ ﺭﺍﻳﻮﻧﻐﺎ ﺗﺎﻳﯩﻨﯩﭗ ﻗﯧﻠﯩﺸﻰ ﺧﯩﺘﺎﻳﻨﯩﯔ ﻛﻪﻟﮕﯜﺳﻰ ﺋﯜﭼﯜﻥ ﺑﯩﺮ ﺷﯘﻡ ﺧﻪﯞﻩﺭ." ﺩﻭﻛﻼﺗﺘﺎ، ﺑﯩﺮ ﺗﯜﺭﻛﯜﻡ ﺩﺍﯕﻠﯩﻖ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﭘﯩﻜﯩﺮﻟﯩﺮﯨﮕﻪ ﺋﻮﺭﯗﻥ ﺑﯧﺮﯨﻠﮕﻪﻥ. ﺑﯘ ﺗﯧﻤﯩﺪﺍ ﭘﯩﻜﯩﺮ ﺑﺎﻳﺎﻥ ﻗﯩﻠﻐﯘﭼﯩﻼﺭﺩﯨﻦ ﺑﯩﺮﻯ، ﺋﺎﻣﯧﺮﯨﻜﯩﻠﯩﻖ ﻣﯘﺗﻪﺧﻪﺳﺴﯩﺲ June Dreyer ﺩﯗﺭ. ﺩﺭﺍﻳﯧﺮ ﺋﺎﻣﯧﺮﯨﻜﯩﺪﯨﻜﻰ ﻣﯩﺌﺎﻣﻰ ﺋﯘﻧﯩﯟﯦﺮﺳﯩﺘﯧﺘﻰ ﺳﯩﻴﺎﺳﻪﺕ ﭘﺎﻛﯘﻟﺘﯩﺘﯩﻨﯩﯔ ﭘﺮﻭﻓﯧﺴﺴﻮﺭﻯ. ﺋﯘ، ﺧﯩﺘﺎﻳﻨﯩﯔ ﺩﯙﻟﻪﺕ ﻣﯘﺩﺍﭘﯩﺌﻪﺳﻰ ﯞﻩ ﺗﺎﺷﻘﻰ ﺳﯩﻴﺎﺳﯩﺘﻰ، ﺧﯩﺘﺎﻳﻨﯩﯔ ﺯﺍﻣﺎﻧﯩﯟﯨﻴﻠﯩﺸﯩﺸﻰ ﯞﻩ ﺋﻪﻧﺌﻪﻧﯩﭽﯩﻠﯩﻚ، 21 ‏-ﺋﻪﺳﯩﺮﺩﻩ ﺧﯩﺘﺎﻱ-ﺋﺎﻣﯧﺮﯨﻜﺎ ﻣﯘﻧﺎﺳﯩﯟﯨﺘﻰ ﻗﺎﺗﺎﺭﻟﯩﻖ ﻳﯩﺮﯨﻚ ﺗﻪﺗﻘﯩﻘﺎﺕ ﺋﻪﺳﻪﺭﻟﯩﺮﯨﻨﯩﯔ ﺋﺎﭘﺘﻮﺭﻯ. ﺩﺭﺍﻳﯧﺮ ﻳﻪﻧﻪ ﺧﯩﺘﺎﻳﻨﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﯨﻜﻰ ﻣﻪﺩﻩﻧﯩﻴﻪﺕ ﺳﯩﻴﺎﺳﯩﺘﻰ ﻗﺎﺗﺎﺭﻟﯩﻖ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﻛﯩﺘﺎﺏ ﻳﺎﺯﻏﺎﻥ ﻣﯘﺗﻪﺧﻪﺳﺴﯩﺲ.
" ﺧﯩﺘﺎﻳﻨﯩﯔ ﺋﺎﺟﯩﺰ ﻧﯘﻗﺘﯩﻠﯩﺮﻯ: ﻧﯧﻔﯩﺖ-ﺗﯘﺭﯗﺑﺒﺎ ﻟﯩﻨﯩﻴﯩﻠﯩﺮﻯﺩﺭﺍﻳﯧﺮ، ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﻣﻪﺳﯩﻠﯩﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ: " ﺧﯩﺘﺎﻳﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﺩﯨﻴﺎﻟﻮﮔﺪﯨﻦ ﻗﯧﭽﯩﺸﻰ، ﻳﻪﻧﻰ ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻠﻠﯩﻖ ﺋﻪﻣﻪﺱ، ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﯩﭙﯩﮕﯩﻤﯘ ﻳﯧﻘﯩﻦ ﻛﻪﻟﻤﻪﺳﻠﯩﻜﻰ، ﺷﯩﻨﺠﺎﯕﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﻰ ﺋﯜﭼﯜﻧﺪﯗﺭ. ﭼﯜﻧﻜﻰ ﺗﯩﺒﻪﺕ ﻗﯘﺭﯗﻕ ﺑﯩﺮ ﺯﯦﻤﯩﻦ، ﺷﯩﻨﺠﺎﯓ ﺑﻮﻟﺴﺎ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺑﺎﻱ ﺑﯩﺮ ﺯﯦﻤﯩﻦ. ﺧﯩﺘﺎﻱ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﻳﻮﻝ ﻗﻮﻳﺴﺎ ﺷﯩﻨﺠﺎﯕﻠﯩﻘﻼﺭﻏﯩﻤﯘ ﺋﻮﺕ ﺗﯘﺗﯘﺷﯘﭖ ﻛﯧﺘﯩﺸﺘﯩﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﯩﺪﯗ."ﺷﻪﺭﻗﻰ ﺗﯜﺭﻛﯩﺴﺘﺎﻧﻨﻰ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺑﺎﻱ ﺯﯦﻤﯩﻦ ﺩﻩﭖ ﺗﻪﺭﯨﭙﻠﯩﮕﻪﻥ ﺑﯘ ﻣﯘﺗﻪﺧﻪﺳﺴﯩﺲ، ﺧﯩﺘﺎﻳﻨﯩﯔ ﻳﯧﻘﯩﻨﻘﻰ ﺗﻪﺭﻩﻗﻘﯩﻴﺎﺗﯩﻨﯩﯔ ﺋﺎﺳﺎﺳﻠﯩﻖ ﻣﻪﻧﺒﻪﺳﻰ ﺋﯧﻨﯩﺮﮔﯩﻴﻪ ﺑﺎﻳﻠﯩﻘﻰ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﻐﺎ ﺋﺎﺳﺎﺳﻠﯩﻖ ﺋﯧﻨﯩﺮﮔﯩﻴﻪ ﺗﻪﻣﯩﻨﺎﺗﯩﻨﯩﯔ ﺋﯘﻳﻐﯘﺭ ﺯﯦﻤﯩﻨﯩﺪﯨﻦ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﺩﻭﻛﻼﺗﺘﺎ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺯﯦﻤﯩﻨﯩﺪﯨﻜﻰ ﻛﯜﻧﺪﯨﻠﯩﻚ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﺶ ﻣﯩﻘﺪﺍﺭﻯ 530000 ﺑﺎﺭﻩﻝ ﺑﻮﻟﯘﭖ، ﺑﯘ ﺧﯩﺘﺎﻳﻨﯩﯔ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﯨﻦ ﺋﯩﻤﭙﻮﺭﺕ ﻗﯩﻠﯩﯟﺍﺗﻘﺎﻥ ﻧﯧﻔﯩﺖ ﻣﯩﻘﺪﺍﺭﯨﺪﯨﻨﻤﯘ ﺋﺎﺭﺗﯘﻕ. ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻥ ﺑﻮﻟﺴﺎ ﺧﯩﺘﺎﻳﻐﺎ ﺋﻪﯓ ﻛﯚﭖ ﻧﯧﻔﯩﺖ ﺋﯧﻜﯩﺴﭙﻮﺭﺕ ﻗﯩﻠﯩﯟﺍﺗﻘﺎﻥ ﺩﯙﻟﻪﺕ. ﺩﻭﻛﻼﺗﺘﺎ ﺑﯩﻠﺪﯛﺭﯛﻟﯩﺸﯩﭽﻪ ﻳﻪﻧﻪ، ﺧﯩﺘﺎﻱ 2002 ‏- ﻳﯩﻠﻰ، ﺋﯘﻳﻐﯘﺭ ﺋﯧﻠﻰ ﺑﯩﻠﻪﻥ ﺷﺎﯕﺨﻪﻳﻨﻰ ﺗﯘﺗﺎﺷﺘﯘﺭﻏﺎﻥ 4000 ﻛﯩﻠﻮﻣﯧﺘﯩﺮ ﻣﯘﺳﺎﭘﯩﺪﯨﻜﻰ ﻏﻪﺭﺏ-ﺷﻪﺭﻕ ﮔﺎﺯ ﻟﯩﻨﯩﻴﯩﺴﯩﻨﻰ ﺗﺎﻣﺎﻣﻠﯩﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﻧﭙﻪﺋﻪﺗﻰ ﺑﯩﺮ ﻫﻪﺳﺴﻪ ﺋﺎﺷﻘﺎﻥ. ﺧﯩﺘﺎﻱ ﻧﯚﯞﻩﺗﺘﻪ ﻗﯘﺭﯗﻟﯘﺷﯩﻨﻰ ﺩﺍﯞﺍﻣﻼﺷﺘﯘﺭﯨﯟﺍﺗﻘﺎﻥ ﺗﯜﺭﻛﻤﻪﻧﯩﺴﺘﺎﻥ ﮔﺎﺯ ﻟﯩﻨﯩﻴﯩﺴﯩﻤﯘ، 2000 ﻛﯩﻠﻮﻣﯧﺘﯩﺮ ﺋﯘﺯﯗﻧﻠﯘﻗﺘﺎ ﺑﻮﻟﯘﭖ، ﺧﯩﺘﺎﻳﻨﯩﯔ ﻏﻪﺭﺏ-ﺷﻪﺭﻕ ﻧﯧﻔﯩﺖ ﻳﻮﻟﻰ ﭘﯩﻼﻧﯩﺪﯨﻜﻰ ﻣﯘﻫﯩﻢ ﺑﯩﺮ ﻫﺎﻟﻘﺎ. ﺩﺭﺍﻳﯧﺮ ﺧﯩﺘﺎﻳﻨﯩﯔ ﺑﯘ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻗﯘﺭﯗﻟﯘﺷﯩﻨﻰ ﺧﯩﺘﺎﻳﻨﯩﯔ ﻧﺎﺯﯗﻙ ﻧﯘﻗﺘﯩﺴﻰ ﺩﻩﭖ ﻛﯚﺭﺳﻪﺗﻜﻪﻥ ﯞﻩ " ﺑﯘﻧﭽﯩﯟﺍﻻ ﺋﯘﺯﯗﻧﻠﯘﻗﺘﯩﻜﻰ ﮔﺎﺯ ﻳﻮﻟﯩﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻛﺎﭘﺎﻟﻪﺕ ﺋﺎﺳﺘﯩﻐﺎ ﺋﯧﻠﯩﺶ ﻣﯜﻣﻜﯩﻦ ﺋﻪﻣﻪﺱ " ﺩﻩﭖ ﺑﯩﻠﺪﯛﺭﮔﻪﻥ.
" ﺋﯘﻳﻐﯘﺭﻻﺭ ﺭﺍﺯﻯ ﻗﯩﻠﯩﻨﻤﺎﻱ ﺗﯘﺭﯗﭖ، ﺷﯩﻨﺠﺎﯕﺪﺍ ﻣﯘﻗﯩﻤﻠﯩﻖ ﺷﻪﻛﯩﻠﻠﻪﻧﻤﻪﻳﺪﯗ"ﯞﺍﺷﯩﻨﮕﺘﻮﻧﺪﯨﻜﻰ ﺟﻮﻥ ﻫﻮﭘﻜﯩﻦ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ Fredrick Starr ﺑﯘ ﺗﯧﻤﯩﺪﺍ ﻣﯘﻧﺪﺍﻕ ﺩﯦﮕﻪﻥ: " ﺷﯩﻨﺠﺎﯓ ﺧﯩﺘﺎﻱ ﺋﯜﭼﯜﻥ ﻳﺎﻟﻐﯘﺯ ﺯﯦﻤﯩﻦ ﺑﺎﻳﻠﯩﻘﻰ ﺑﯩﻠﻪﻧﻼ ﮔﯚﻫﻪﺭ ﺟﺎﻱ ﺋﻪﻣﻪﺱ، ﺋﯘ ﺧﯩﺘﺎﻱ ﺑﯩﻠﻪﻥ ﻳﺎﯞﺭﻭﭘﺎ ﺋﺎﺭﯨﺴﯩﺪﯨﻜﻰ ﻗﺎﺗﻨﺎﺵ ﯞﻩ ﺗﯩﺠﺎﺭﻩﺕ ﺋﯩﺸﻠﯩﺮﯨﺪﺍ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺑﯩﺮ ﻛﯚﯞﺭﯛﻙ. ﺧﯩﺘﺎﻳﻨﯩﯔ ﺷﯩﻨﺠﺎﯓ ﻧﻪﭼﭽﻪ ﻣﯩﯔ ﻳﯩﻠﺪﯨﻦ ﺑﯧﺮﻯ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺩﯦﮕﯩﻨﻰ ﻛﯜﻟﻜﯩﻠﯩﻚ ﺑﯩﺮ ﺳﯚﺯ، ﻣﯘﺷﯘﻧﯩﯔ ﺋﯚﺯﯨﻼ، ﺧﯩﺘﺎﻳﻨﯩﯔ ﺑﯘ ﺭﺍﻳﻮﻧﺪﯨﻜﻰ ﺋﻪﻧﺪﯨﺸﯩﺴﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺸﻜﻪ ﻳﯧﺘﻪﺭﻟﯩﻚ. ﺩﻩﻝ ﻣﯘﺷﯘﻧﯩﯔ ﺋﯜﭼﯜﻥ ﺷﯩﻨﺠﺎﯓ ﻣﻪﺳﯩﻠﯩﺴﻰ ﺑﯧﻴﺠﯩﯔ ﺋﯜﭼﯜﻥ ﻧﺎﺯﯗﻙ ﺑﯩﺮ ﻣﻪﺳﯩﻠﻪ.ﻓﺮﻩﺩﯨﺮﯨﻚ ﺳﺘﺎﺭ، ﺟﻮﻥ ﻫﻮﭘﻜﯩﻦ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﺎﺳﯩﻴﺎ-ﻛﺎﻓﻜﺎﺳﯩﻴﺎ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﺑﺎﺷﻠﯩﻘﻰ. ﺋﯘ " ﺧﯩﺘﺎﻳﻨﯩﯔ ﻣﯘﺳﯘﻟﻤﺎﻥ ﭼﯧﮕﺮﯨﺴﻰ" ﻧﺎﻣﻠﯩﻖ ﺋﯘﻳﻐﯘﺭ ﻣﻪﺳﯩﻠﯩﺴﮕﻪ ﺋﺎﺋﯩﺖ ﻛﯩﺘﺎﺑﻨﯩﯔ ﺋﺎﭘﺘﻮﺭﻯ. ﺋﯘ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻣﯘﻗﯩﻤﻠﯩﻘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻱ ﺷﯩﻨﺠﺎﯕﻐﺎ ﭘﻪﺭﻗﻠﯩﻖ ﻣﯘﺋﺎﻣﯩﻠﻪ ﻗﯩﻠﯩﺸﻰ ﻛﯧﺮﻩﻙ، ﺋﯘﻳﻐﯘﺭﻻﺭ ﺭﺍﺯﻯ ﻗﯩﻠﯩﻨﯩﺸﻰ ﻛﯧﺮﻩﻙ. ﺋﯘﻧﺪﺍﻕ ﺑﻮﻟﻤﺎﻳﺪﯨﻜﻪﻥ، ﺑﯘ ﺟﺎﻳﺪﺍ ﻣﯘﻗﯩﻤﻠﯩﻖ ﭘﯘﺕ ﺗﯩﺮﻩﭖ ﺗﯘﺭﺍﻟﻤﺎﻳﺪﯗ."ﺧﯩﺘﺎﻱ، ﻳﯧﻘﯩﻨﻘﻰ ﺑﯩﺮ ﺋﺎﻳﺪﯨﻦ ﺑﯘﻳﺎﻥ ﺧﯩﺘﺎﻱ ﺧﻪﻟﻘﻰ ﺋﯩﭽﯩﺪﻩ ﺩﯙﻟﻪﺗﭽﯩﻠﯩﻚ ﯞﻩ ﻣﯩﻠﻠﻪﺗﭽﯩﻠﯩﻚ ﺗﻪﺷﯟﯨﻘﺎﺗﯩﻨﻰ ﻛﯜﭼﻪﻳﺘﯩﭗ، ﺧﯩﺘﺎﻳﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﯞﻩﺯﯨﻴﯩﺘﯩﺪﻩ ﺗﯧﺨﯩﻤﯘ ﺋﺎﺭﻗﯩﻐﺎ ﭼﯧﻜﯩﻨﯩﺸﻨﯩﯔ ﺟﺎﻣﺎﺋﻪﺕ ﭘﯩﻜﺮﻯ ﻣﯘﻫﯩﺘﯩﻨﻰ ﻳﺎﺭﺍﺗﻤﺎﻗﺘﺎ. ﺑﯩﺮ ﻗﯩﺴﯩﻢ ﭼﻪﺗﺌﻪﻟﻠﯩﻚ ﻣﯘﺗﻪﺧﻪﺳﺴﯩﺴﻠﻪﺭ ﯞﻩ ﺩﯙﻟﻪﺕ ﺋﻪﺭﺑﺎﺑﻠﯩﺮﻯ ﺑﻮﻟﺴﺎ، ﺧﯩﺘﺎﻳﻐﺎ ﺋﺎﺟﯩﺰ ﻧﯘﻗﺘﯩﻠﯩﺮﯨﻨﻰ ﺋﻪﺳﻠﯩﺘﯩﭗ، ﻫﯘﺷﻴﺎﺭ ﺑﻮﻟﯘﺷﻘﺎ، ﻣﻪﺳﯩﻠﯩﻠﻪﺭﻧﻰ ﺗﯧﻨﭻ ﯞﻩ ﯞﺍﻗﺘﯩﺪﺍ ﻫﻪﻝ ﻗﯩﻠﯩﺸﻘﺎ ﭼﺎﻗﯩﺮﻣﺎﻗﺘﺎ.
" ﺋﺎﺳﺴﯩﻤﯩﻼﺗﺴﯩﻴﻪ ﻳﻮﻟﻰ ﺋﯘﻳﻐﯘﺭﻻﺭﻏﺎ ﺋﯩﺸﻠﯩﻤﻪﻳﺪﯗ"ﺋﯚﺗﻜﻪﻥ ﻫﻪﭘﺘﻪ ﺋﺎﻣﯧﺮﯨﻜﯩﻨﯩﯔ ﻳﺎﺭﺩﻣﭽﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻧﯧﮕﺮﻭﭘﻮﻧﺘﯥ، ﺧﯩﺘﺎﻳﻨﻰ ﺋﺎﮔﺎﻫﻼﻧﺪﯗﺭﯗﭖ، ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﻤﯩﺴﺎ ﻣﯘﻗﯩﻤﻠﯩﻘﻨﻰ ﻛﺎﭘﺎﻟﻪﺕ ﺋﺎﺳﺘﯩﻐﺎ ﺋﺎﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﻳﻪﻧﻪ ﺷﯘ ﻫﻪﭘﺘﯩﺪﻩ ﺧﻪﻟﻘﺌﺎﺭﺍ ﺳﺎﻗﭽﻰ ﺋﻮﺭﮔﯩﻨﯩﻨﯩﯔ ﺑﺎﺷﻠﯩﻘﻰ ﺧﯩﺘﺎﻳﻨﯩﯔ ﺋﺎﺟﯩﺰ ﭘﻪﻳﺘﯩﻨﻰ ﻛﯚﺭﺳﯩﺘﯩﭗ ﻣﯘﻧﺪﺍﻕ ﺩﯦﮕﻪﻥ: " ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ 18 ﻣﯩﯔ ﺗﻪﻧﻬﻪﺭﯨﻜﻪﺗﭽﻰ، 25 ﻣﯩﯔ ﺋﺎﺧﺒﺎﺭﺍﺗﭽﻰ، 500 ﻣﯩﯖﺪﯨﻦ ﺋﺎﺭﺗﯘﻕ ﺳﺎﻳﺎﻫﻪﺗﭽﻰ ﻗﺎﺗﻨﯩﺸﯩﺪﯗ، ﭘﯜﺗﯜﻥ ﺩﯗﻧﻴﺎ ﻛﯚﺯﯨﻨﻰ ﺑﯧﻴﺠﯩﯖﻐﺎ ﺗﯩﻜﯩﺪﯗ، ﺩﯦﻤﻪﻙ، ﺩﯗﻧﻴﺎﻏﺎ ﺋﺎﯞﺍﺯﯨﻨﻰ ﺋﺎﯕﻼﺗﻤﺎﻗﭽﻰ ﺑﻮﻟﻐﺎﻧﻼﺭ ﺋﯜﭼﯜﻥ ﺑﯘ ﻗﺎﭼﯘﺭﯗﭖ ﻗﻮﻳﯘﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﺑﯩﺮ ﭘﯘﺭﺳﻪﺕ." ﺋﯘ، ﺑﯘ ﺳﯚﺯﻟﯩﺮﻯ ﺋﺎﺭﻗﯩﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺗﻪﻫﺪﯨﺖ ﺋﺎﺳﺘﯩﺪﺍ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﭘﺮﻭﻓﯧﺴﺴﻮﺭ ﺩﺍﺭﻳﻨﻪﺭ ﺑﯘ ﻫﻪﻗﺘﻪ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻳﻨﯩﯔ ﺋﯘﺯﯗﻥ ﻟﯩﻨﯩﻴﯩﻠﯩﻚ ﺗﯘﺭﯗﺑﺒﺎ ﻳﻮﻟﻠﯩﺮﻯ ﺧﯩﺘﺎﻳﻐﺎ ﻗﺎﺭﺷﻰ ﺋﯚﻛﺘﯩﭽﻰ ﻛﯜﭼﻠﻪﺭﻧﯩﯔ ﻫﯘﺟﯘﻡ ﻧﯩﺸﺎﻧﻰ ﺑﻮﻟﯘﺵ ﺋﯧﻬﺘﯩﻤﺎﻟﻰ ﻳﯘﻗﯩﺮﻯ. ﺑﯘ ﻗﯘﺭﯗﻟﯘﺷﻨﻰ ﻣﯘﺩﺍﭘﯩﺌﻪ ﻗﯩﻠﯩﺶ ﺋﯜﭼﯜﻥ ﻧﺎﻫﺎﻳﯩﺘﻰ ﻛﯚﭖ ﺋﺎﻟﺪﯨﻨﻰ ﺋﯧﻠﯩﺶ ﺗﻪﺩﺑﯩﺮﻟﯩﺮﻯ ﻛﯧﺘﯩﺪﯗ." ﺧﯩﺘﺎﻳﻨﯩﯔ ﻣﻪﺩﻩﻧﯩﻴﻪﺕ ﺳﯩﻴﺎﺳﯩﺘﯩﻨﻰ ﺗﻪﻧﻘﯩﺪﻟﻪﭖ ﻛﯧﻠﯩﯟﺍﺗﻘﺎﻥ ﺗﻪﺗﻘﯩﻘﺎﺗﭽﻰ ﻓﺮﻩﺩﯨﺮﯨﻚ ﺳﺘﺎﺭ ﺋﺎﻟﺪﯨﻨﻘﻰ ﻳﯩﻠﻼﺭﺩﯨﻜﻰ ﺑﯩﺮ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ ﻣﯘﻧﺪﺍﻕ ﺩﯦﮕﻪﻥ. "ﺧﯩﺘﺎﻱ ﺋﯘﻳﻐﯘﺭﻻﺭﻧﻰ ﺋﺎﺳﺴﯩﻤﯩﻠﯩﻴﺎﺗﺴﯩﻴﻪ ﻗﯩﻠﯩﭗ ﻳﻮﻕ ﻗﯩﻠﯩﯟﯦﺘﯩﺸﻨﻰ ﭘﯩﻼﻧﻼﯞﺍﺗﯩﺪﯗ. ﺋﯘﻳﻐﯘﺭﻻﺭ ﺑﻮﻟﺴﺎ ﺋﯚﺯﻟﯩﺮﯨﻨﯩﯔ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ، ﻣﯩﻠﻠﯩﻲ ﺋﺎﯓ ﯞﻩ ﻣﯩﻠﻠﯩﻲ ﻫﯧﺴﺴﯩﻴﺎﺗﻘﺎ ﺳﺎﻫﯩﭗ ﺑﯩﺮ ﻣﯩﻠﻠﻪﺕ، ﻣﯘﻧﺪﺍﻕ ﺑﯩﺮ ﻣﯩﻠﻠﻪﺗﻨﻰ ﺋﺎﺳﺴﯩﻤﯩﻠﯩﻴﺎﺗﺴﯩﻴﻪ ﻳﻮﻟﻰ ﺑﯩﻠﻪﻥ ﻳﯘﺗﯘﯞﯦﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﺧﯩﺘﺎﻱ، ﺋﺎﻟﺠﯩﺮﯨﻴﯩﻨﻰ ﺋﺎﺯﺍﺕ ﻗﯩﻠﻐﺎﻧﻼﺭﻧﯩﯔ، ﻓﺮﺍﻧﺴﯘﺯﭼﻪ ﺳﯚﺯﻟﻪﻳﺪﯨﻐﺎﻥ ﺋﻪﺭﻩﺑﻠﻪﺭ ﺋﯩﻜﻪﻧﻠﯩﻜﯩﻨﻰ ﺋﯘﻧﺘﯘﻣﺎﺳﻠﯩﻘﻰ ﻛﯧﺮﻩﻙ."ﺗﯩﺒﻪﺕ ﺩﺍﻫﯩﺴﻰ ﺩﺍﻻﻱ ﻻﻣﺎﻣﯘ ﺋﺎﻟﺪﯨﻨﻘﻰ ﺋﺎﻳﺪﯨﻜﻰ ﺑﯩﺮ ﺳﯚﺯﯨﺪﻩ، ﺧﯩﺘﺎﻳﻨﯩﯔ ﺩﯨﻴﺎﻟﻮﮔﺪﯨﻦ ﻗﯧﭽﯩﺸﯩﺪﯨﻜﻰ ﻣﯘﻫﯩﻢ ﺳﻪﯞﻩﺑﻠﻪﺭﺩﯨﻦ ﺑﯩﺮﯨﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺪﻯ.