ﺗﯜﺭﻛﯩﺴﺘﺎﻥ ﭘﺎﺟﯩﺌﻪﺳﻰ (1)

ﺋﯚﺗﻜﻪﻥ ﺋﻪﺳﯩﺮﻧﯩﯔ 30 - ﻳﯩﻠﻠﯩﺮﯨﺪﺍ ﭘﯜﺗﯜﻥ ﺋﯘﻳﻐﯘﺭ ﺩﯨﻴﺎﺭﯨﺪﺍ ﻳﯜﺯ ﺑﻪﺭﮔﻪﻥ ﻣﯩﻠﻠﯩﻲ ﺋﺎﺯﺍﺩﻟﯩﻖ ﻫﻪﺭﯨﻜﻪﺗﻠﯩﺮﻯ ﻫﻪﻗﻘﯩﺪﻩ ﺗﯜﺭﻟﯜﻙ ﺋﻪﺳﻠﯩﻤﯩﻠﻪﺭ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﭽﻰ ﯞﻩ ﺳﯩﺮﺗﯩﺪﺍ ﻣﻪﻟﯘﻡ ﺳﺎﻧﺪﺍ ﺋﯧﻼﻥ ﻗﯩﻠﯩﻨﺪﻯ.

RFA / Arslan

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﻰ ﺗﻪﺷﯟﯨﻘﺎﺕ ﺑﯚﻟﯜﻣﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﻐﺎﻥ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﭘﺎﺟﯩﺌﻪﺳﻰ" ﻧﺎﻣﻠﯩﻖ ﺗﺎﺭﯨﺨﯩﻲ ﻛﯩﺘﺎﺑﻨﯩﯔ ﻣﯘﻗﺎﯞﯨﺴﻰ.

ﺋﻪﻟﯟﻩﺗﺘﻪ، ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﺑﻪﺯﯨﻠﯩﺮﯨﻨﯩﯔ ﺑﯘ ﺩﻩﯞﺭ ﻫﻪﻗﻘﯩﺪﯨﻜﻰ ﻗﻮﻝ ﻳﺎﺯﻣﺎ ﺋﻪﺳﻠﯩﻤﯩﻠﯩﺮﯨﻤﯘ ﺑﺎﺭ ﺑﻮﻟﯘﭖ، ﺑﯘﻻﺭ ﺗﯧﺨﻰ ﺭﻩﺳﻤﯩﻲ ﻧﻪﺷﯩﺮ ﻗﯩﻠﯩﻨﯩﺶ ﻣﯘﻣﻜﯩﻨﭽﯩﻠﯩﻜﯩﮕﻪ ﺋﯧﺮﯨﺸﻪﻟﻤﯩﮕﻪﻥ ﺋﯩﺪﻯ.

ﻳﯧﻘﯩﻨﺪﺍ 30 - ﻳﯩﻠﻼﺭﺩﺍ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﻣﯩﻠﻠﯩﻲ ﺋﺎﺯﺍﺩﻟﯩﻖ ﻗﻮﺯﻏﯩﻼﯓ ﻫﻪﺭﯨﻜﻪﺗﻠﯩﺮﻯ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﯘﺭﯗﻟﯘﺷﯩﻐﺎ ﺑﯩﯟﺍﺳﯩﺘﻪ ﻗﺎﺗﻨﺎﺷﻘﺎﻥ ﻫﻪﻣﺪﻩ ﻛﯧﻴﯩﻦ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻛﯧﺘﯩﭗ، ﺷﯘ ﻳﻪﺭﺩﻩ ﻳﺎﺷﺎﭖ ﯞﺍﭘﺎﺕ ﺑﻮﻟﻐﺎﻥ ﻣﯘﺳﺎ ﺗﯜﺭﻛﯩﺴﺘﺎﻧﯩﻨﯩﯔ "ﺗﯜﺭﻛﯩﺴﺘﺎﻥ ﭘﺎﺟﯩﺌﻪﺳﻰ" ﻣﺎﯞﺯﯗﻟﯘﻕ ﻛﯩﺘﺎﺑﻰ ﻧﻪﺷﯩﺮ ﻗﯩﻠﯩﻨﯩﭗ ﺗﺎﺭﻗﯩﺘﯩﻠﺪﻯ.

ﺑﯘ ﻛﯩﺘﺎﺑﻨﯩﯔ ﺋﺎﺳﺎﺳﯩﻲ ﻗﯩﺴﯩﻤﻰ ﺋﻪﻳﻨﻰ ﯞﺍﻗﯩﺘﺘﺎ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﮔﻪ ﺑﯧﻐﯩﺸﻼﻧﻐﺎﻥ ﺑﻮﻟﯘﭖ، ﻫﯩﻼﻝ ﺋﻪﺧﻤﻪﺭ ﺟﻪﻣﯩﻴﯩﺘﯩﻨﯩﯔ ﻗﯘﺭﻏﯘﭼﯩﺴﻰ ﻣﯘﺳﺎ ﺋﻪﭘﻪﻧﺪﻯ ﻗﻪﺷﻘﻪﺭ ﯞﻩﻗﻪﻟﯩﺮﯨﻨﯩﯔ ﻣﯘﻫﯩﻢ ﺷﺎﻫﯩﺪﻟﯩﺮﯨﺪﯨﻦ ﺑﯩﺮﯨﺪﯗﺭ.

30 - ﻳﯩﻠﻼﺭﺩﯨﻜﻰ ﻗﻪﺷﻘﻪﺭ ﺳﯩﻴﺎﺳﯩﻲ ﺗﻮﻗﯘﻧﯘﺷﻼﺭ ﻧﯘﻗﺘﯩﺴﻰ ﺋﯩﺪﻯ

ﺋﯚﺗﻜﻪﻥ ﺋﻪﺳﯩﺮﻧﯩﯔ 30 - ﻳﯩﻠﻠﯩﺮﯨﺪﯨﻜﻰ ﺋﯘﻳﻐﯘﺭ ﺋﯧﻠﻰ ﻛﻪﯓ ﻛﯚﻟﻪﻣﻠﯩﻚ ﺧﻪﻟﻖ ﻗﻮﺯﻏﯩﻼﯕﻠﯩﺮﻯ ﺑﯩﻠﻪﻥ ﺗﻮﻟﻐﺎﻥ، ﻣﯘﺭﻩﻛﻜﻪﭖ ﺋﯩﭽﻜﻰ - ﺗﺎﺷﻘﻰ ﺯﯨﺪﺩﯨﻴﻪﺗﻠﻪﺭ ﺋﻪﯞﺟﯩﮕﻪ ﭼﯩﻘﻘﺎﻥ ﺑﯩﺮ ﺩﻩﯞﺭﮔﻪ ﺩﯗﭺ ﻛﻪﻟﺪﻯ.

1931 - ﻳﯩﻠﻰ 2 - ﺋﺎﻳﺪﺍ ﺧﻮﺟﺎ ﻧﯩﻴﺎﺯ ﻫﺎﺟﯩﻢ ﻗﺎﺗﺎﺭﻟﯩﻘﻼﺭ ﺭﻩﻫﺒﻪﺭﻟﯩﻜﯩﺪﯨﻜﻰ ﻗﯘﻣﯘﻝ ﻗﻮﺯﻏﯩﻠﯩﯖﯩﻨﯩﯔ ﭘﺎﺭﺗﻠﯩﺸﻰ، ﺑﯩﺮ ﻣﻪﻳﺪﺍﻥ ﻣﯩﻠﻠﯩﻲ ﺋﺎﺯﺍﺩﻟﯩﻖ ﻫﻪﺭﯨﻜﯩﺘﯩﻨﯩﯔ ﭘﻪﺭﺩﯨﺴﯩﻨﻰ ﺋﺎﭼﻘﺎﻥ ﺑﻮﻟﯘﭖ، ﻗﯘﻣﯘﻝ ﺗﺎﻏﻠﯩﺮﯨﺪﺍ ﻳﺎﻧﻐﺎﻥ ﺑﯘ ﻳﺎﻟﻘﯘﻥ ﺗﯧﺰ ﺋﺎﺭﯨﺪﺍ ﭘﯜﺗﯜﻥ ﺋﯘﻳﻐﯘﺭ ﺩﯨﻴﺎﺭﻯ ﺟﯜﻣﻠﯩﺪﯨﻦ ﺗﻪﯕﺮﻯ ﺗﺎﻏﻠﯩﺮﯨﻨﯩﯔ ﺟﻪﻧﯘﺏ ﯞﻩ ﺷﯩﻤﺎﻟﯩﻐﺎ ﺗﯘﺗﯘﺷﯘﭖ، ﺟﯩﻦ ﺷﯘﺭﯦﻨﻨﯩﯔ ﻣﯩﻠﯩﺘﺎﺭﯨﺴﺘﻼﺭ ﻫﺎﻛﯩﻤﯩﻴﯩﺘﯩﻨﯩﯔ ﻳﻮﻗﯩﺘﯩﻠﯩﺸﻰ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﻪﺭﭘﺎ ﺑﻮﻟﯘﺷﯩﺪﻩﻙ ﺳﯩﻴﺎﺳﯩﻲ ﯞﻩﺯﯨﻴﻪﺗﻨﻰ ﻳﺎﺭﺍﺗﺘﻰ.

ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﭼﻮﯓ ﺷﻪﻫﻪﺭﻟﻪﺭﻧﯩﯔ ﺑﯩﺮﻯ ﺷﯘﻧﯩﯖﺪﻩﻙ ﺗﻪﯕﺮﻯ ﺗﯧﻐﯩﻨﯩﯔ ﺟﻪﻧﯘﺑﯩﺪﯨﻜﻰ ﺋﻪﯓ ﭼﻮﯓ ﺷﻪﻫﻪﺭ ﻫﯧﺴﺎﺑﻼﻧﻐﺎﻥ ﻗﻪﺷﻘﻪﺭ ﻣﯩﻠﻠﯩﻲ ﺋﺎﺯﺍﺩﻟﯩﻖ ﻗﻮﺯﻏﯩﻠﯩﯖﯩﻨﯩﯔ ﺋﺎﺳﺎﺳﻠﯩﻖ ﻣﻪﺭﻛﯩﺰﻯ ﺳﯜﭘﯩﺘﯩﺪﻩ ﺑﺎﺭﻟﯩﻖ ﻗﻮﺭﺍﻟﻠﯩﻖ ﮔﯘﺭﯗﭘﭙﯩﻼﺭﻧﯩﯔ ﺗﺎﻟﯩﺸﯩﺪﯨﻐﺎﻥ ﻣﯘﻫﯩﻢ ﺳﯩﻴﺎﺳﯩﻲ ﺳﻪﻫﻨﯩﺴﯩﮕﻪ ﺋﺎﻳﻼﻧﻐﺎﻥ ﺋﯩﺪﻯ. ﺋﯘﻧﯩﯔ ﺋﯜﺳﺘﯩﮕﻪ ﻣﻪﺯﻛﯘﺭ ﺷﻪﻫﻪﺭﺩﻩ ﺋﻪﻧﮕﯩﻠﯩﻴﻪ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﻛﻮﻧﺴﯘﻟﺨﺎﻧﯩﻠﯩﺮﯨﻨﯩﯔ ﯞﻩ ﺷﯩﯟﯦﺘﺴﯩﻴﻪ، ﺋﺎﻓﻐﺎﻧﯩﺴﺘﺎﻥ ﻗﺎﺗﺎﺭﻟﯩﻖ ﺋﻪﻟﻠﻪﺭﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﺧﺎﺩﯨﻤﻠﯩﺮﯨﻨﯩﯔ ﺋﯚﺯ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﯗﺷﻰ ﺗﯜﭘﻪﻳﻠﯩﺪﯨﻦ ﻗﻪﺷﻘﻪﺭﻧﯩﯔ ﺧﻪﻟﻘﺌﺎﺭﺍﻟﯩﻖ ﺗﻪﺳﯩﺮﻯ ﯞﻩ ﺋﻮﺭﻧﯩﻤﯘ ﺑﻪﻟﮕﯩﻠﯩﻚ ﺩﻩﺭﯨﺠﯩﺪﻩ ﺋﺎﺷﻘﺎﻥ، ﺑﯘ ﻳﻪﺭﺩﻩ ﺋﯩﭽﻜﻰ ﻛﯜﭼﻠﻪﺭﻧﯩﯖﻼ ﺋﻪﻣﻪﺱ، ﺑﻪﻟﻜﻰ ﺗﺎﺷﻘﻰ ﻛﯜﭼﻠﻪﺭﻧﯩﯔ ﻣﻪﻧﭙﻪﺋﻪﺗﻠﯩﺮﯨﻤﯘ ﺋﯚﺯﺍﺭﺍ ﺋﯘﭼﺮﺍﺷﻘﺎﻥ ﻫﻪﻡ ﺗﻮﻗﯘﻧﯘﺷﻘﺎﻥ ﺋﯩﺪﻯ.

ﺋﯘﻧﺪﺍﻗﺘﺎ، ﻗﯘﻣﯘﻝ ﺗﺎﻏﻠﯩﺮﯨﺪﯨﻦ ﭼﯩﻘﻘﺎﻥ ﻳﺎﻧﻐﯩﻦ ﻗﻪﺷﻘﻪﺭﮔﻪ ﺗﯘﺗﺎﺷﻘﺎﻥ ﺋﻪﺷﯘ ﺋﺎﻱ، ﺋﻪﺷﯘ ﻛﯜﻧﻠﻪﺭﺩﻩ ﺑﯘ ﻳﻪﺭﺩﻩ ﻗﺎﻧﺪﺍﻕ ﯞﻩﻗﻪﻟﻪﺭ ﻳﯜﺯ ﺑﻪﺭﺩﻯ؟ ﻣﻪﺯﻛﯘﺭ ﺳﻮﺋﺎﻟﻼﺭﻏﺎ ﻫﺎﺯﯨﺮﻏﯩﭽﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﺗﺒﯘﺋﺎﺗﻼﺭﺩﺍ ﺋﯧﻼﻥ ﻗﯩﻠﯩﻨﻐﺎﻥ ﻛﯚﭘﻠﯩﮕﻪﻥ ﺋﻪﺳﻠﯩﻤﯩﻠﻪﺭ ﺟﺎﯞﺍﺏ ﺑﯧﺮﯨﺸﻘﺎ ﺗﯩﺮﯨﺸﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﻪﺷﯘ ﯞﻩﻗﻪﻟﻪﺭﻧﯩﯔ ﺷﺎﻫﯩﺪﻟﯩﺮﯨﺪﯨﻦ ﺑﯩﺮﻯ، 1934 - ﻳﯩﻠﻰ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﯞﻩ ﺷﯧﯔ ﺷﯩﺴﻪﻳﻨﯩﯔ ﺋﯚﭺ ﺋﯧﻠﯩﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﭗ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻗﯧﭽﯩﭗ ﺑﯧﺮﯨﭗ ﭘﺎﻧﺎﻫﻠﯩﻨﯩﭗ، ﺷﯘ ﻳﻪﺭﺩﻩ ﯞﺍﭘﺎﺕ ﺑﻮﻟﻐﺎﻥ ﻣﯘﺳﺎ ﺋﻪﭘﻪﻧﺪﯨﻨﯩﯔ 80 - ﻳﯩﻠﻼﺭﺩﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﻳﯧﺰﯨﭗ ﻗﻮﻝ ﻳﺎﺯﻣﺎ ﺳﯜﭘﯩﺘﯩﺪﻩ ﺋﯧﻼﻥ ﻗﯩﻠﻐﺎﻥ، ﻳﯧﻘﯩﻨﺪﺍ ﺋﯩﺴﺘﺎﻧﺒﯘﻟﺪﯨﻜﻰ ﺳﯘﺗﯘﻕ ﺑﯘﻏﺮﺍﺧﺎﻥ ﻣﺎﺋﺎﺭﯨﭗ ﻧﻪﺷﯩﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻗﺎﻳﺘﯩﺪﯨﻦ ﻧﻪﺷﯩﺮ ﻗﯩﻠﯩﭗ ﺗﺎﺭﻗﯩﺘﯩﻠﻐﺎﻥ " ﺗﯜﺭﻛﯩﺴﺘﺎﻥ ﭘﺎﺟﯩﺌﻪﺳﻰ" ﻧﺎﻣﻠﯩﻖ ﺋﻪﺳﻠﯩﻤﯩﺴﻰ ﺗﯧﺨﯩﻤﯘ ﺋﻪﺗﺮﺍﭘﻠﯩﻖ ﻣﻪﻟﯘﻣﺎﺕ ﺑﯧﺮﯨﺪﯗ.

ﺋﻪﺳﻪﺭﻧﯩﯔ ﻣﻪﺯﻣﯘﻧﻠﯩﺮﻯ

ﻣﯘﺳﺎ ﺋﻪﭘﻪﻧﺪﻯ ﻳﻪﻧﻰ ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﻣﯘﺳﺎ ﺗﯜﺭﻛﯩﺴﺘﺎﻧﻰ ﺩﻩﭖ ﻧﺎﻡ ﺋﺎﻟﻐﺎﻥ ﺑﯘ ﺯﺍﺗﻨﯩﯔ ﻣﻪﺯﻛﯘﺭ ﻛﯩﺘﺎﺑﻰ 240 ﺑﻪﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﺋﻪﺳﻪﺭﻧﻰ ﻣﻪﺯﻣﯘﻥ ﺩﺍﺋﯩﺮﯨﺴﻰ ﺑﻮﻳﯩﭽﻪ ﺋﯜﭺ ﺑﯚﻟﻪﻛﻜﻪ ﺑﯚﻟﯜﺵ ﻣﯘﻣﻜﯩﻦ. ﺑﯩﺮﯨﻨﭽﻰ ﺑﯚﻟﯩﻜﯩﺪﻩ ﺋﺎﭘﺘﻮﺭ ﺋﺎﺳﺎﺳﻠﯩﻘﻰ ﺋﯚﺯﯨﻨﯩﯔ ﺑﯘ ﺋﻪﺳﻠﯩﻤﯩﺴﯩﻨﻰ ﻳﯧﺰﯨﺸﺘﯩﻜﻰ ﻣﻪﻗﺴﯩﺘﻰ ﯞﻩ ﺋﯩﺪﯨﻴﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﺎ، ﺋﯩﻜﻜﯩﻨﭽﻰ ﺑﯚﻟﯩﻜﻰ 19 - ﺋﻪﺳﯩﺮﺩﯨﻜﻰ ﻳﺎﻗﯘﭖ ﺑﻪﮒ ﻫﺎﻛﯩﻤﯩﻴﯩﺘﯩﺪﯨﻦ ﺗﺎﺭﺗﯩﭗ، ﺗﺎﻛﻰ 1934 - ﻳﯩﻠﻰ ﻣﯩﻠﻠﯩﻲ ﺋﺎﺯﺍﺩﻟﯩﻖ ﻫﻪﺭﯨﻜﯩﺘﻰ ﻣﻪﻏﻠﯘﭖ ﺑﻮﻟﯘﭖ، ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻳﺎﺭﺩﯨﻤﻰ ﺋﺎﺳﺘﯩﺪﺍ ﭘﯜﺗﯜﻥ ﺋﯚﻟﻜﻪ ﻣﯩﻘﻴﺎﺳﯩﺪﺍ ﺷﯧﯔ ﺷﯩﺴﻪﻱ ﻫﺎﻛﯩﻤﯩﻴﯩﺘﯩﻨﯩﯔ ﺗﯩﻜﻠﯩﻨﯩﺸﯩﮕﯩﭽﻪ ﺑﻮﻟﻐﺎﻥ ﺋﯘﺯﯗﻥ ﺑﯩﺮ ﺟﻪﺭﻳﺎﻧﻐﺎ ﺑﯧﻐﯩﺸﻼﻧﻐﺎﻥ. ﺋﻪﻟﯟﻩﺗﺘﻪ، ﺑﯘ ﺑﯚﻟﻪﻛﻨﯩﯔ ﻣﯘﺗﻠﻪﻕ ﻛﯚﭖ ﻗﯩﺴﯩﻤﻰ 30 - ﻳﯩﻠﻼﺭﺩﺍ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﻗﻮﺯﻏﯩﻼﯓ ﯞﻩﻗﻪﻟﯩﺮﯨﻨﻰ ﺗﻪﭘﺴﯩﻠﯩﻲ ﺋﻪﻛﯩﺲ ﺋﻪﺗﺘﯜﺭﯛﺷﻜﻪ ﻗﺎﺭﯨﺘﯩﻠﻐﺎﻥ.

ﺋﻪﺳﻪﺭﻧﯩﯔ ﺋﺎﺧﯩﺮﻗﻰ ﺋﺎﺯ ﺑﯩﺮ ﻗﯩﺴﯩﻤﻰ ﻗﻮﺯﻏﯩﻼﯕﻨﯩﯔ ﻣﻪﻏﻠﯘﭖ ﺑﻮﻟﯘﺷﯩﺪﯨﻦ ﻛﯧﻴﯩﻨﻜﻰ ﺋﻪﻫﯟﺍﻟﻼﺭ، ﺟﯜﻣﻠﯩﺪﯨﻦ ﺑﯧﻐﯩﺸﻠﯩﻤﯩﻼﺭﻏﺎ ﺋﺎﺟﺮﯨﺘﯩﻠﻐﺎﻥ.

ﺋﯚﺯﺑﯧﻚ ﭘﯩﺪﺍﺋﯩﻴﻠﯩﺮﯨﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻣﯘﻫﯩﻢ ﻳﯩﭗ ﺋﯘﭼﻰ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ

ﻣﯘﺳﺎ ﺗﯜﺭﻛﯩﺴﺘﺎﻧﯩﻨﯩﯔ "ﺗﯜﺭﻛﯩﺴﺘﺎﻥ ﭘﺎﺟﯩﺌﻪﺳﻰ" ﻧﺎﻣﻠﯩﻖ ﻛﯩﺘﺎﺑﯩﻨﯩﯔ ﺋﻪﻫﻤﯩﻴﻪﺗﻠﯩﻚ ﻳﯧﺮﻯ ﺷﯘﻛﻰ، ﺋﯘ ﺋﯚﺯﻯ 20 - ﺋﻪﺳﯩﺮﻧﯩﯔ ﺑﺎﺷﻠﯩﺮﯨﺪﺍ ﭘﻪﺭﻏﺎﻧﯩﺪﯨﻦ ﻗﻪﺷﻘﻪﺭﮔﻪ ﻛﯚﭼﯜﭖ ﻛﯧﻠﯩﭗ ﻣﺎﻛﺎﻧﻼﺷﻘﺎﻥ ﺋﯚﺯﺑﯧﻜﻠﻪﺭﺩﯨﻦ ﺑﻮﻟﻐﺎﭼﻘﺎ، ﻗﻪﺷﻘﻪﺭﺩﯨﻜﻰ ﻗﻮﺯﻏﯩﻼﯕﻐﺎ ﻗﺎﺗﻨﺎﺷﻘﺎﻥ ﺋﯚﺯﺑﯧﻚ ﻣﯘﻫﺎﺟﯩﺮﻟﯩﺮﯨﻨﯩﯔ ﺋﻪﻫﯟﺍﻟﻰ ﻫﻪﻡ ﺋﯘﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻳﺎﺧﺸﻰ ﺑﯩﻠﮕﻪﻥ. ﺋﯘ، ﻛﯩﺘﺎﺑﯩﺪﺍ ﺳﺎﺑﯩﺖ ﺩﺍﻣﻮﻟﻼﻡ ﻗﺎﺗﺎﺭﻟﯩﻖ ﺋﯘﻳﻐﯘﺭ ﻗﻮﺯﻏﯩﻼﯕﭽﯩﻠﯩﺮﻯ ﺑﯩﻠﻪﻥ ﺑﯩﺮ ﺳﻪﭘﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﻰ ﻗﯘﺭﯗﺷﻘﺎ ﻗﺎﺗﻨﺎﺷﻘﺎﻥ ﺋﯚﺯﺑﯧﻜﻠﻪﺭﺩﯨﻦ ﺳﯧﺘﯩﯟﺍﻟﺪﯨﺠﺎﻥ، ﻳﯜﺳﯜﭘﺠﺎﻥ ﻗﯘﺭﺑﯧﺸﻰ، ﺳﻮﭘﯩﺰﺍﺩﻩ، ﺯﯦﺮﯨﭗ ﻗﺎﺭﻯ ﻫﺎﺟﻰ ﻗﺎﺗﺎﺭﻟﯩﻖ ﻧﻪﭼﭽﻪ ﺋﻮﻧﻠﯩﻐﺎﻥ ﺋﺎﺗﺎﻗﻠﯩﻖ ﺋﯚﺯﺑﯧﻚ ﺗﺎﺭﯨﺨﯩﻲ ﺷﻪﺧﯩﺴﻠﯩﺮﯨﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﺪﯗ. ﺑﯘ ﺋﻪﺳﻪﺭ 30 - ﻳﯩﻠﻼﺭﺩﺍ ﻗﻪﺷﻘﻪﺭﺩﻩ ﻫﻪﺭﯨﻜﻪﺕ ﻗﯩﻠﻐﺎﻥ ﻣﻪﺷﻬﯘﺭ ﺋﯚﺯﺑﯧﻚ ﭘﻮﻟﻜﯩﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﯞﻩ ﺋﺎﺧﯩﺮﻗﻰ ﺗﻪﻗﺪﯨﺮﯨﻨﻰ ﭼﯜﺷﯩﻨﯩﺸﺘﯩﻤﯘ ﻣﯘﻫﯩﻢ ﻳﯩﭗ ﺋﯘﭼﻰ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ.

ﺋﺎﭘﺘﻮﺭ ﻳﻪﻧﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﯘﺭﯗﻟﯘﺷﻰ، ﻣﻪﺯﻛﯘﺭ ﻫﯚﻛﯜﻣﻪﺗﻨﯩﯔ ﺋﯩﭽﻜﻰ - ﺗﺎﺷﻘﻰ ﺧﯩﺰﻣﻪﺗﻠﯩﺮﻯ، ﻫﯩﻼﻝ ﺋﻪﺧﻤﻪﺭ ﺟﻪﻣﯩﻴﯩﺘﯩﻨﯩﯔ ﭘﺎﺋﺎﻟﯩﻴﻪﺗﻠﯩﺮﻯ، ﺋﯘﻳﻐﯘﺭ ﻗﻮﺯﻏﯩﻼﯕﭽﯩﻠﯩﺮﻯ ﺑﯩﻠﻪﻥ ﺗﯘﯕﮕﺎﻧﻼﺭ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻠﻪﺭ، ﻗﻮﺯﻏﯩﻼﯕﭽﯩﻼﺭ ﺋﺎﺭﯨﺴﯩﺪﯨﻜﻰ ﺋﯩﭽﻜﻰ ﻣﯘﻧﺎﺳﯩﯟﻩﺗﻠﻪﺭ ﻫﻪﻡ ﺯﯨﺪﺩﯨﻴﻪﺗﻠﻪﺭ ﺟﯜﻣﻠﯩﺪﯨﻦ ﺋﯩﺴﺘﯩﻘﻼﻝ ﺟﻪﻣﺌﻴﯩﺘﯩﻨﯩﯔ ﺋﯧﻠﯩﭗ ﺑﺎﺭﻏﺎﻥ ﺑﯩﺮ ﻗﺎﺗﺎﺭ ﭘﺎﺋﺎﻟﯩﻴﻪﺗﻠﯩﺮﻯ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﺋﯘﭼﯘﺭﻻﺭ ﺑﯧﺮﯨﺪﯗ.

ﺋﻪﺳﻪﺭ ﺋﯘﻳﻐﯘﺭ - ﺋﯚﺯﺑﻪﻙ ﺋﻮﻗﯘﺭﻣﻪﻧﻠﯩﺮﻯ ﺋﯜﭼﯜﻥ ﭼﯜﺷﯩﻨﯩﺸﻠﯩﻚ ﺑﻮﻟﻐﺎﻥ 30 - ﻳﯩﻠﻼﺭﺩﯨﻜﻰ ﺋﻪﺩﻩﺑﯩﻲ ﺗﯩﻠﺪﺍ ﻳﯧﺰﯨﭗ ﭼﯩﻘﯩﻠﻐﺎﻥ ﺑﻮﻟﯘﭖ، ﻳﯧﯖﻰ ﻧﻪﺷﺮﻯ ﺋﻪﺳﻠﻰ ﻧﯘﺳﺨﯩﺴﯩﻨﻰ ﺳﺎﻗﻼﭖ ﻗﺎﻟﻐﺎﻥ.

ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻨﻰ ﺭﻩﺳﻤﻰ ﺑﺎﺷﻠﯩﺪﻯ

ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ 10 - ﺋﺎﻳﻨﯩﯔ 26 - ﻛﯜﻧﻰ ﺗﯜﺭﻛﯩﻴﻪ ﯞﺍﻗﺘﻰ ﺑﯩﻠﻪﻥ ﺋﻪﺗﯩﮕﻪﻥ ﺳﺎﺋﻪﺕ 3 ﺗﻪ, ﻳﻪﻧﻰ ﺋﯜﺭﯛﻣﭽﻰ ﯞﺍﻗﺘﻰ ﺋﻪﺗﯩﮕﻪﻥ ﺳﺎﺋﻪﺕ 6 ﺩﺍ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻨﻰ ﺭﻩﺳﻤﻰ ﺑﺎﺷﻠﯩﺪﻯ.

RFA Photo / Erkin Tarim

ﺗﯜﺭﻛﯩﻴﻪ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﻰ ﺑﺎﺷﻠﯩﻘﻰ ﺋﯩﺒﺮﺍﻫﯩﻢ ﺷﺎﻫﯩﻦ ﺋﻪﭘﻪﻧﺪﻯ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﯟﺍﺗﻘﺎﻥ ﻛﯚﺭﯛﻧﯜﺵ.

ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ 29 ﺗﯩﻠﺪﺍ ﺋﺎﯕﻠﯩﺘﯩﺶ ﺑﯧﺮﯨﭗ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺋﯘﻳﻐﯘﺭ ﺗﯩﻠﻰ ﺑﯩﻠﻪﻥ ﺑﯩﺮﻟﯩﻜﺘﻪ 30 ﺗﯩﻠﺪﺍ ﺋﺎﯕﻠﯩﺘﯩﺶ ﺑﯧﺮﯨﺸﻜﻪ ﺑﺎﺷﻠﯩﺪﻯ. ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ، ﺗﯜﺭﻛﯩﻴﻪ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﻰ ﺗﺎﺭﻣﯩﻘﯩﺪﯨﻜﻰ ﺭﺍﺩﯨﺌﻮ ﺑﻮﻟﯘﭖ، ﺗﯜﺭﻛﯩﻴﻪ ﺟﯘﻣﻬﯘﺭﯨﻴﯩﺘﻰ ﺩﯙﻟﯩﺘﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯗ.

1991 - ﻳﯩﻠﯩﺪﯨﻦ ﺑﯘﺭﯗﻥ ﺩﯗﻧﻴﺎﺩﯨﻜﻰ ﭼﻮﯓ ﺗﯩﻠﻼﺭﺩﯨﻦ ﺋﯩﻨﮕﯩﻠﯩﺰﭼﻪ، ﻧﯧﻤﯩﺴﭽﻪ، ﺭﯗﺳﭽﻪ، ﺧﯩﺘﺎﻳﭽﯩﻐﺎ ﺋﻮﺧﺸﺎﺵ ﺗﯩﻠﻼﺭﺩﺍ ﺋﺎﯕﻠﯩﺘﯩﺶ ﺑﯧﺮﯨﭗ ﻛﻪﻟﮕﻪﻥ ﺑﻮﻟﯘﭖ، 1991 - ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﮕﻪﻧﺪﯨﻦ ﻛﯧﻴﯩﻦ ﺗﯜﺭﻛﯩﻲ ﺗﯩﻠﻼﺭﺩﯨﻤﯘ ﺋﺎﯕﻠﯩﺘﯩﺶ ﺑﯧﺮﯨﺸﻜﻪ ﺑﺎﺷﻠﯩﻐﺎﻥ ﺋﯩﺪﻯ. ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ ﺗﯜﺭﻛﯩﻲ ﺗﯩﻠﻼﺭ ﺋﯩﭽﯩﺪﯨﻜﻰ ﺋﻪﯓ ﻣﯘﻫﯩﻢ ﺗﯩﻠﻼﺭﺩﯨﻦ ﺑﯩﺮﻯ ﺑﻮﻟﻐﺎﻥ ﺋﯘﻳﻐﯘﺭ ﺗﯩﻠﯩﺪﯨﻤﯘ ﺋﺎﯕﻠﯩﺘﯩﺶ ﺑﯧﺮﯨﺸﻜﻪ ﺑﺎﺷﻠﯩﺪﻯ.

ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ ﺧﻪﯞﻩﺭ ﺑﯚﻟﯜﻣﯩﻨﯩﯔ ﻣﯘﺩﯨﺮﻯ ﺋﻪﯕﮕﯩﻦ ﺋﺎﺳﯧﻨﺎ ﺧﺎﻧﯩﻢ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻨﯩﯔ ﻣﻪﺯﻣﯘﻧﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: "ﺑﯩﺰ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﯩﻤﯩﺰﺩﺍ ﺋﺎﺳﺎﺳﻪﻥ، ﺧﻪﻟﻘﺌﺎﺭﺍ ﺧﻪﯞﻩﺭﻟﻪﺭ، ﺗﯜﺭﻙ ﺩﯗﻧﻴﺎﺳﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ، ﺗﯩﻞ، ﺗﺎﺭﯨﺦ، ﻣﻪﺩﻩﻧﯩﻴﻪﺕ ﯞﻩ ﺩﯨﻦ ﻫﻪﻗﻘﯩﺪﯨﻜﻰ ﭘﺮﻭﮔﺮﺍﻣﻤﯩﻼﺭﻏﺎ ﻳﻪﺭ ﺑﯧﺮﯨﻤﯩﺰ.

ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺶ ﻫﻪﻗﻘﯩﺪﻩ ﺗﯧﺨﯩﻤﯘ ﺗﻪﭘﺴﯩﻠﻰ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺗﯜﺭﻛﯩﻴﻪ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﻰ ﺑﺎﺷﻠﯩﻘﻰ ﺋﯩﺒﺮﺍﻫﯩﻢ ﺷﺎﻫﯩﻦ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﺋﯩﺒﺮﺍﻫﯩﻢ ﺷﺎﻫﯩﻦ ﺋﻪﭘﻪﻧﺪﻯ ﺋﯘﻳﻐﯘﺭﭼﻪ ﺑﯚﻟﯜﻣﻨﻰ ﻗﯘﺭﯗﺷﺘﯩﻜﻰ ﻣﻪﻗﺴﯩﺘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺑﯘ ﺋﺎﯕﻠﯩﺘﯩﺸﯩﻤﯩﺰﻧﯩﯔ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﻐﺎ ﺧﻪﻳﯩﺮﻟﯩﻚ ﺑﻮﻟﯘﺷﯩﻨﻰ ﺗﯩﻠﻪﻳﻤﻪﻥ. ﺑﯘ ﺋﺎﯕﻠﯩﺘﯩﺸﯩﻤﯩﺰ ﺋﯘﻳﻐﯘﺭﻻﺭ ﺑﯩﻠﻪﻥ ﺗﯜﺭﻛﻠﻪﺭ ﺋﻮﺗﺘﯘﺭﯨﺴﯩﺪﺍ ﻛﯚﯞﺭﯛﻛﻠﯜﻙ ﺭﻭﻟﻰ ﺋﻮﻳﻨﺎﻳﺪﯗ. ﺋﯚﺗﻜﻪﻧﺪﻩ ﺧﯩﺘﺎﻱ ﺩﯙﻟﯩﺘﯩﻨﯩﯔ ﺋﻪﻧﻘﻪﺭﻩ ﺋﻪﻟﭽﯩﺴﻰ ﺯﯨﻴﺎﺭﯨﺘﯩﻤﯩﺰﮔﻪ ﻛﻪﻟﮕﻪﻧﺪﻩ، ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺶ ﺑﯧﺮﯨﺸﻨﻰ ﺋﻮﻳﻼﯞﺍﺗﻘﺎﻧﻠﯩﻘﯩﻤﯩﺰﻧﻰ ﺋﯧﻴﺘﻘﺎﻥ ﺋﯩﺪﯨﻢ. ﺗﯜﺭﻛﯩﻴﻪ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﯩﻨﯩﯔ 30 - 40 ﻳﯩﻠﺪﯨﻦ ﺑﯧﺮﻯ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺶ ﭘﯩﻼﻧﻰ ﺑﺎﺭ ﺋﯩﺪﻯ، ﺋﻪﻣﻤﺎ ﺩﺍﯞﺍﻣﻠﯩﻖ ﻫﺎﻟﺪﺍ ﺑﻪﺯﻯ ﺗﻮﺳﺎﻟﻐﯘﻻﺭﻏﺎ

ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ 10 - ﺋﺎﻳﻨﯩﯔ 26 - ﻛﯜﻧﻰ ﺗﯜﺭﻛﯩﻴﻪ ﯞﺍﻗﺘﻰ ﺑﯩﻠﻪﻥ ﺋﻪﺗﯩﮕﻪﻥ ﺳﺎﺋﻪﺕ 3 ﺗﻪ، ﻳﻪﻧﻰ ﺋﯜﺭﯛﻣﭽﻰ ﯞﺍﻗﺘﻰ ﺋﻪﺗﯩﮕﻪﻥ ﺳﺎﺋﻪﺕ 6 ﺩﺍ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻨﻰ ﺭﻩﺳﻤﻰ ﺑﺎﺷﻠﯩﺪﻯ. ﺳﯜﺭﻩﺗﺘﻪ، ﺋﺎﯕﻠﯩﺘﯩﺶ ﺑﯧﺮﯨﯟﺍﺗﻘﺎﻥ ﺩﯨﻜﺘﻮﺭﻻﺭ.

ﺋﯘﭼﺮﺍﭖ ﺋﻪﻣﻪﻟﮕﻪ ﺋﺎﺷﯘﺭﺍﻟﻤﯩﻐﺎﻥ ﺋﯩﺪﯗﻕ. ﻣﻪﻥ ﺧﯩﺘﺎﻱ ﺋﻪﻟﭽﯩﺴﯩﮕﻪ ﺷﯘﻧﻰ ﺩﯦﺪﯨﻢ: 'ﺋﯘﻳﻐﯘﺭﻻﺭﻧﯩﯔ ﻧﻮﭘﯘﺳﻰ ﺋﺎﺯ ﺋﻪﻣﻪﺱ، ﺗﯜﺭﻛﻠﻪﺭﻧﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﻗﯧﺮﯨﻨﺪﺍﺷﻠﯩﻖ ﻣﯘﻧﺎﺳﯩﯟﯨﺘﻰ ﺑﺎﺭ، ﺑﯘ ﻣﯘﻧﺎﺳﯩﯟﻩﺗﻨﻰ ﻛﯜﭼﻪﻳﺘﯩﺸﯩﻤﯩﺰ ﻛﯧﺮﻩﻙ. ﺷﯘﯕﺎ ﺑﯩﺰ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺶ ﺑﯧﺮﯨﺸﯩﻤﯩﺰ ﻛﯧﺮﻩﻙ' ﺩﯦﺪﯨﻢ. 'ﺑﯩﺰ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺶ ﺑﻪﺭﻣﯩﺴﻪﻙ، ﺗﯧﺨﻨﻮﻟﻮﮔﯩﻴﻪ ﺗﻪﺭﻩﻗﻘﻰ ﻗﯩﻠﻐﺎﻥ ﺑﯜﮔﯜﻧﻜﻰ ﻛﯜﻧﺪﻩ ﺧﺎﻟﯩﻐﺎﻥ ﻛﯩﺸﯩﻠﻪﺭ ﺭﺍﺩﯨﺌﻮ ﺋﺎﭼﺴﺎ ﺳﯩﻠﻪﺭ ﺋﯜﭼﯜﻧﻤﯘ ﻳﺎﺧﺸﻰ ﺑﻮﻟﻤﺎﻳﺪﯗ' ﺩﯦﮕﻪﻥ ﺋﯩﺪﯨﻢ. ﺑﯘﻧﻰ ﺋﺎﯕﻼﭖ ﺧﯩﺘﺎﻱ ﺋﻪﻟﭽﯩﺴﯩﻤﯘ ﺑﯩﺮﺍﺯ ﻫﻪﻳﺮﺍﻥ ﻗﺎﻟﺪﻯ. TRT ﺋﯘﺯﯗﻥ ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ ﺑﯩﺮ ﺋﺎﺧﺒﺎﺭﺍﺕ ﺋﻮﺭﮔﯩﻨﻰ. ﻫﺎﺯﯨﺮﻏﯩﭽﻪ 29 ﺗﯩﻠﺪﺍ ﺋﺎﯕﻠﯩﺘﯩﺶ ﺑﯧﺮﯨﭗ ﻛﻪﻟﮕﻪﻥ ﺋﯩﺪﯗﻕ، ﺋﯘﻳﻐﯘﺭﭼﻪ ﺑﯩﻠﻪﻥ ﻫﺎﺯﯨﺮ 30 ﺗﯩﻞ ﺑﻮﻟﺪﻯ. ﺑﯩﺰ 10 - ﺋﺎﻳﻨﯩﯔ 26 - ﻛﯜﻧﻰ ﺋﻪﺗﯩﮕﻪﻥ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻘﺎ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭﺩﯨﻦ ﺗﻪﺑﺮﯨﻚ ﺧﻪﺗﻠﯩﺮﻯ ﻛﯧﻠﯩﺸﻜﻪ ﺑﺎﺷﻠﯩﺪﻯ. ﺑﯘ ﺑﯩﺰ ﺋﯜﭼﯜﻥ ﺑﯩﺮ ﺋﯩﻠﻬﺎﻡ."

ﺗﯜﺭﻛﯩﻴﻪ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﻰ ﻣﯘﺩﯨﺮﻯ ﺋﯩﺒﺮﺍﻫﯩﻢ ﺷﺎﻫﯩﻦ ﺋﻪﭘﻪﻧﺪﻯ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻨﯩﯔ ﺋﻪﻫﻤﯩﻴﯩﺘﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺗﯜﺭﻛﻠﻪﺭﻧﯩﯖﻤﯘ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻦ ﻛﻪﻟﮕﻪﻧﻠﯩﻜﯩﻨﻰ ﻧﻪﺯﻩﺭﮔﻪ ﺋﺎﻟﺴﺎﻕ ﺑﯩﺰ ﺋﯘﻳﻐﯘﺭﻻﺭ ﺑﯩﻠﻪﻥ ﺑﯩﺮ ﺩﻩﺭﻩﺧﻨﯩﯔ ﺷﺎﺧﻠﯩﺮﻯ ﻫﯧﺴﺎﺑﻠﯩﻨﯩﻤﯩﺰ. ﺷﯘﯕﺎ ﺑﯩﺰ ﺑﯩﺮﺑﯩﺮﯨﻤﯩﺰﻧﯩﯔ ﺧﯘﺷﺎﻟﻠﯩﻘﻰ ﺑﯩﻠﻪﻥ ﺧﻮﺷﺎﻝ ﺑﻮﻟﯘﺷﯩﻤﯩﺰ ﺑﯩﺮﺑﯩﺮﯨﻤﯩﺰﻧﯩﯔ ﻏﯧﻤﯩﻨﻰ ﻳﯧﻴﯩﺸﯩﻤﯩﺰ ﻛﯧﺮﻩﻙ. ﺑﯘ ﺟﻪﻫﻪﺗﺘﯩﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ ﺑﯘ ﺋﺎﯕﻠﯩﺘﯩﺸﯩﻤﯩﺰﻧﯩﯔ ﻣﻪﻧﯩﺴﻰ ﻧﺎﻫﺎﻳﯩﺘﻰ ﭼﻮﯕﻘﯘﺭ. ﺑﯘ ﺑﯩﺮ ﺑﺎﺷﻼﻧﻐﯘﭺ ﺑﻮﻟﻐﯘﺳﻰ، ﻛﯧﻠﻪﭼﻪﻛﺘﻪ ﺗﯧﻠﯧﯟﯨﺰﯨﻴﻪ ﻗﯘﺭﯗﺷﯩﻤﯩﺰﻧﯩﯔ ﺋﺎﺳﺎﺳﻰ ﺑﻮﻟﻐﯘﺳﻰ. ﺑﯩﺰ ﺗﯜﺭﻛﯩﻴﻪ ﺩﯙﻟﯩﺘﯩﻨﯩﯔ ﺋﺎﺧﺒﺎﺭﺍﺕ ﺋﻮﺭﮔﯩﻨﻰ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﺗﯩﻠﻰ ﺋﻪﺩﻩﺑﯩﻴﺎﺗﻰ ﻣﻪﺩﻩﻧﯩﻴﯩﺘﯩﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﻤﯩﺰ. ﺑﯩﺰ ﺩﯙﻟﻪﺕ ﺋﺎﺧﺒﺎﺭﺍﺕ ﺋﻮﺭﮔﯩﻨﻰ ﺑﻮﻟﯘﺵ ﺳﯜﭘﯩﺘﯩﻤﯩﺰ ﺑﯩﻠﻪﻥ ﺭﺍﺩﯨﺌﻮ ﺋﺎﯕﻠﯩﺘﯩﺸﯩﻤﯩﺰ ﺋﺎﺭﻗﯩﻠﯩﻖ ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﯨﻤﯩﺰﻏﺎ ﻳﯧﻘﯩﻨﻼﺷﻘﺎﻧﺴﯧﺮﻯ ﺋﯚﺯﯨﻤﯩﺰﻧﻰ ﺑﻪﺧﯩﺘﻠﯩﻚ ﻫﯩﺲ ﻗﯩﻠﯩﻤﯩﺰ. ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﯩﻤﯩﺰﻧﯩﯔ ﻫﻪﻣﻤﻪﻳﻠﻪﻧﮕﻪ ﺧﻪﻳﺮﻟﯩﻚ ﺑﻮﻟﯘﺷﯩﻨﻰ ﺗﯩﻠﻪﻳﻤﻪﻥ."

ﺋﯩﺒﺮﺍﻫﯩﻢ ﺷﺎﻫﯩﻦ ﺋﻪﭘﻪﻧﺪﻯ ﺗﯜﺭﻛﯩﻴﻪ ﺭﺍﺩﯨﺌﻮ ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﯩﻨﯩﯔ ﻳﯧﯖﻰ ﺧﯩﺰﻣﻪﺗﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: " ﻫﺎﺯﯨﺮﻏﯩﭽﻪ ﭘﻪﻗﻪﺗﻼ ﺗﯜﺭﻛﭽﻪ ﺗﻮﺭ ﺑﯧﺘﯩﻤﯩﺰ ﺑﺎﺭ ﺋﯩﺪﻯ. ﺑﯘﻧﯩﯖﻐﺎ ﻣﻪﻥ ﻫﻪﻳﺮﺍﻥ ﻗﺎﻟﻐﺎﻥ ﺋﯩﺪﯨﻢ. ﻣﻪﻥ ﻣﯘﺩﯨﺮ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺗﯜﺭﻛﯩﻴﻪ ﺋﺎﯞﺍﺯﻯ ﺭﺍﺩﯨﺌﻮﺳﻰ ﻳﯧﯖﯩﺪﯨﻦ 100 ﻛﯩﺸﻰ ﻗﻮﺑﯘﻝ ﻗﯩﻠﯩﭗ، ﭘﯜﺗﯜﻥ ﺗﯩﻠﻼﺭﺩﺍ ﺗﻮﺭ ﺑﯧﺘﻰ ﺋﺎﭼﺘﯘﻕ. 11 - ﺋﺎﻳﻨﯩﯔ 20 - ﻛﯜﻧﻰ ﺑﯘﻧﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﺑﺎﺭ. ﺑﯘﻧﯩﯖﻐﺎ ﭘﯜﺗﯜﻥ ﺩﯙﻟﻪﺗﻠﻪﺭﻧﯩﯔ ﺋﻪﻟﭽﯩﻠﯩﺮﻯ ﻗﺎﺗﻨﯩﺸﯩﺪﯗ. ﺑﯘﻻﺭﺩﯨﻦ ﺑﺎﺷﻘﺎ ﻳﯧﯖﻰ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﻯ ﯞﻩ ﺭﺍﺩﯨﺌﻮ ﺋﺎﯕﻠﯩﺘﯩﺸﻠﯩﺮﯨﻨﻰ ﺗﻪﺳﯩﺲ ﻗﯩﻠﯩﯟﺍﺗﯩﻤﯩﺰ. ﺋﺎﺧﺒﺎﺭﺍﺕ ﺳﺎﻫﺎﺳﯩﻐﺎ ﻧﯘﺭﻏﯘﻥ ﻣﻪﺑﻠﻪﻍ ﺳﺎﻟﺪﯗﻕ."

ﺋﯩﺒﺮﺍﻫﯩﻢ ﺷﺎﻫﯩﻦ ﺋﻪﭘﻪﻧﺪﻯ ﺋﻪﯓ ﺋﺎﺧﯩﺮﯨﺪﺍ ﺋﯘﻳﻐﯘﺭ ﺋﺎﯕﻠﯩﻐﯘﭼﯩﻼﺭﻏﺎ ﻧﯧﻤﻪ ﺩﯦﻤﻪﻛﭽﯩﺴﯩﺰ ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﻣﯘﻧﺪﺍﻕ ﺩﯦﺪﻯ: " ﺑﯩﺰ ﺗﺎﺭﯨﺨﻰ ﺋﯚﺗﻤﯜﺷﯩﻤﯩﺰﻧﻰ ﺩﻩﭖ ﺋﯘﻳﻐﯘﺭﭼﻪ ﺋﺎﯕﻠﯩﺘﯩﺸﻘﺎ ﺑﺎﺷﻠﯩﻤﯩﺪﯗﻕ. ﺑﯘ ﺑﯩﺰﻧﯩﯔ ﯞﻩﺯﯨﭙﯩﻤﯩﺰ. ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﯞﻩﺯﯨﭙﻪ ﺋﯘﻳﻐﯘﺭﭼﻪ ﺑﯚﻟﯜﻣﺪﯨﻜﻰ ﮊﻭﺭﻧﺎﻟﯩﺴﺘﻠﯩﺮﯨﻤﯩﺰﻏﺎ ﭼﯜﺷﯩﺪﯗ. ﺋﯘﻳﻐﯘﺭﻻﺭ ﺗﯜﺭﻙ ﻗﺎﻧﯘﻧﯩﻐﺎ ﻣﯘﯞﺍﭘﯩﻖ ﺋﺎﯕﻠﯩﺘﯩﺶ ﺑﯧﺮﯨﺪﯗ. ﺑﯘ ﺑﯩﺰﻧﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻤﯩﺰﺩﺍ ﺑﻪﻟﮕﯩﻠﻪﻧﮕﻪﻥ. ﺋﯘﻳﻐﯘﺭﻻﺭﻏﺎ ﺳﯚﻳﮕﯜ ﯞﻩ ﺳﺎﻻﻣﯩﻤﻨﻰ ﻳﻮﻟﻼﻳﻤﻪﻥ. ﺋﯘﻳﻐﯘﺭﻻﺭ ﺑﯩﻠﻪﻥ ﺟﯘﻏﺮﺍﭘﯩﻴﻪ ﺟﻪﻫﻪﺗﺘﯩﻦ ﺋﯘﺯﺍﻕ ﺑﻮﻟﺴﺎﻗﻤﯘ ﻛﯚﯕﻠﯩﻤﯩﺰ ﺑﯩﺮ."

ﺗﯜﺭﻛﯩﻴﻪ ﺭﺍﺩﯨﺌﻮ ﺗﯧﻠﯧﯟﯨﺰﯨﻴﻪ ﺋﯩﺪﺍﺭﯨﺴﻰ 1964 - ﻳﯩﻠﻰ ﻗﯘﺭﯗﻟﻐﺎﻥ ﺑﻮﻟﯘﭖ 10 ﻣﯩﯔ ﺋﻪﺗﺮﺍﭘﯩﺪﺍ ﺋﯩﺸﭽﻰ ﺧﯩﺰﻣﻪﺗﭽﯩﺴﻰ ﺑﺎﺭ ﺋﻪﯓ ﻣﯘﻫﯩﻢ ﺩﯙﻟﻪﺗﻠﯩﻚ ﺋﺎﺧﺒﺎﺭﺍﺕ ﺋﯩﺪﺍﺭﯨﺴﯩﺪﯗﺭ.

ﻗﻪﺷﻘﻪﺭﺩﻩ ﻣﯩﯖﻪ ﻳﯘﻳﯘﺵ ﯞﻩ ﻳﯜﺭﻩﻙ ﻣﯘﺟﯘﺵ ﻫﻪﺭﯨﻜﯩﺘﻰ ﺑﺎﺷﻼﻧﺪﻯ

ﺷﯩﯟﯦﺘﺴﯩﻴﯩﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﺴﻰ ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﯨﻨﯩﯔ ﻳﯧﻘﯩﻨﺪﺍ ﯞﻩﺗﻪﻧﺪﯨﻦ ﺑﯩﯟﺍﺳﺘﻪ ﺋﺎﻟﻐﺎﻥ ﻣﻪﻟﯘﻣﺎﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﺎﺧﯩﺮﻟﯩﺸﯩﭙﻼ ﻳﻮﻟﻐﺎ ﻗﻮﻳﻐﺎﻥ " ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ" ﻫﻪﺭﯨﻜﯩﺘﯩﮕﻪ ﺋﯘﻻﭘﻼ، ﺑﯜﮔﯜﻥ ﻳﻪﻧﻪ " ﯞﻩﺗﻪﻧﭙﻪﺭﯞﻩﺭﻟﯩﻚ ﺗﻪﺭﺑﯩﻴﯩﺴﻰ"ﺩﯨﻦ ﺋﯩﺒﺎﺭﻩﺕ ﻣﯩﯖﻪ ﻳﯘﻳﯘﺵ ﻫﻪﺭﯨﻜﯩﺘﻰ ﺑﯩﻠﻪﻥ " ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﺗﻪﺭﺑﯩﻴﯩﺴﻰ" ﺩﯨﻦ ﺋﯩﺒﺎﺭﻩﺕ ﻳﯜﺭﻩﻙ ﻣﯘﺟﯘﺵ ﻫﻪﺭﯨﻜﯩﺘﯩﻨﻰ ﭘﯜﺗﻜﯜﻝ ﺋﯘﻳﻐﯘﺭ ﺩﯨﻴﺎﺭﯨﺪﺍ ﻛﻪﯓ ﻗﺎﻧﺎﺕ ﻳﺎﻳﺪﯗﺭﻏﺎﻥ.

RFA Photo

ﺭﺍﺩﯨﺌﻮﻣﯩﺰﻏﺎ ﺋﯩﺌﺎﻧﻪ ﻗﯩﻠﯩﻨﻐﺎﻥ ﺑﯘ ﺳﯜﺭﻩﺗﺘﻪ، ﺧﯩﺘﺎﻱ ﻗﻮﺭﺍﻟﻠﯩﻖ ﺳﺎﻗﭽﯩﻠﯩﺮﯨﻐﺎ ﻗﯩﻠﯩﻨﻐﺎﻥ ﻫﯘﺟﯘﻡ ﻳﯜﺯﺑﻪﺭﮔﻪﻥ ﻗﻪﺷﻘﻪﺭ ﺷﻪﻫﯩﺮﯨﻨﯩﯔ ﻛﻮﭼﯩﻠﯩﺮﯨﻨﯩﯔ ﺑﯩﺮﯨﺪﻩ ﺋﻮﻟﺘﯘﺭﯗﺷﻘﺎﻥ ﺋﯘﻳﻐﯘﺭﻻﺭ.

ﺧﻪﻟﻖ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﻫﻪﻣﻜﺎﺭﻻﺷﻤﺎﻳﺪﯗ

ﻣﻪﻟﯘﻣﻜﻰ، 12 - ﺋﺎﯞﻏﯘﺳﺖ ﻳﺎﻣﺎﻧﻴﺎﺭ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﻣﯩﯖﻠﯩﻐﺎﻥ ﺧﯩﺘﺎﻱ ﻗﻮﺭﺍﻟﻠﯩﻖ ﻛﯜﭼﻠﯩﺮﻯ ﯞﻩ ﺳﺎﻗﭽﯩﻠﯩﺮﻯ ﻗﻪﺷﻘﻪﺭ ﺗﻪﯞﻩﺳﯩﺪﻩ ﯞﻩﻗﻪ ﮔﯘﻣﺎﻧﺪﺍﺭﻟﯩﺮﯨﻨﻰ ﺗﯘﺗﯘﺵ ﺋﯜﭼﯜﻥ ﻛﻪﯓ ﻛﯚﻟﻪﻣﻠﯩﻚ ﻫﻪﺭﯨﻜﻪﺕ ﻗﻮﺯﻏﯩﻐﺎﻥ.

"ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﻰ ﻗﻪﺷﻘﻪﺭﺩﻩ ﻛﯚﭘﻠﯩﮕﻪﻥ ﻛﯩﺸﯩﻠﻪﺭ ﺋﺎﯕﻼﻳﺪﯗ. ﺑﯩﺰ ﺑﯘ ﺭﺍﺩﯨﺌﻮﺩﯨﻦ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﺋﯩﻨﻘﯩﻼﺑﯩﺪﯨﻦ ﺧﻪﯞﻩﺭ ﺗﯧﭙﯩﭗ ﺗﯘﺭﯨﻤﯩﺰ. ﺧﻪﻟﻘﺌﺎﺭﺍ ﯞﻩﺯﯨﻴﻪﺗﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﻨﻰ ﺑﯩﻠﯩﭗ ﺗﯘﺭﯨﻤﯩﺰ. ﯞﻩﺗﯩﻨﯩﻤﯩﺰﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﻰ ﺋﯘﺩﯗﻟﻠﯘﻕ ﺋﺎﯕﻼﻳﻤﯩﺰ. ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﯞﻩﺭﻟﻪﺭﻧﻰ ﻗﺎﺗﺘﯩﻖ ﻗﺎﻣﺎﻝ ﻗﯩﻠﻐﺎﭺ، ﻧﻪﺩﻩ، ﻧﯧﻤﻪ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﯩﺶ ﺑﯩﺰ ﺋﯜﭼﯜﻥ ﺑﻪﻙ ﻗﯧﻴﯩﻦ ﺋﯩﺪﻯ. ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﺑﯩﺰﻧﻰ ﺑﯘ ﻗﯩﻴﯩﻨﭽﯩﻠﯩﻘﺘﯩﻦ ﻗﯘﺗﯘﻟﺪﯗﺭﻏﺎﻥ ﺑﯩﺮﺩﯨﻦ ‏ - ﺑﯩﺮ ﻗﻮﺭﺍﻝ. ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭘﻨﯩﯔ ﺭﻩﺯﯨﻠﻠﯩﻜﯩﻨﻰ ﭘﯜﺗﯜﻥ ﻗﻪﺷﻘﻪﺭ ﺧﻪﻟﻘﻰ ﺑﯩﻠﯩﭗ ﺑﻮﻟﺪﻯ. ﺑﯩﺰ ﺑﯘﻧﻰ ﺭﺍﺩﯨﺌﻮ ﺋﺎﺭﻗﯩﻠﯩﻖ ﯞﻩﺗﯩﻨﯩﻤﯩﺰﻧﯩﯔ ﺟﻪﻧﯘﺑﻰ ﯞﻩ ﺷﯩﻤﺎﻟﯩﺪﯨﻜﻰ ﭘﯜﺗﻜﯜﻝ ﺋﯘﻳﻐﯘﺭﯨﺴﺘﺎﻥ ﺧﻪﻟﻘﯩﮕﻪ ﺑﯩﻠﺪﯛﺭﯛﺷﻨﻰ ﺋﺎﺭﺯﯗ ﻗﯩﻠﯩﻤﯩﺰ."

ﺑﯘ ﻫﻪﺭﯨﻜﻪﺗﻠﻪﺭ ﺟﻪﺭﻳﺎﻧﯩﺪﺍ، ﺧﯩﺘﺎﻱ ﺗﻪﺭﻩﭘﻨﯩﯔ ﺧﻪﻟﻘﻨﻰ ﺳﻪﭘﻪﺭﯞﻩﺭ ﻗﯩﻠﯩﭗ ﺟﯩﻨﺎﻳﻪﺕ ﮔﯘﻣﺎﻧﺪﺍﺭﻟﯩﺮﯨﻨﻰ ﺗﯘﺗﯘﺵ ﻫﻪﺭﯨﻜﯩﺘﯩﮕﻪ ﺋﯘﻳﻐﯘﺭ ﺧﻪﻟﻘﻰ ﭘﺎﺳﺴﯩﭗ ﭘﻮﺯﯨﺘﺴﯩﻴﻪ ﺗﯘﺗﻘﺎﻥ. ﺧﻪﻟﻘﻨﯩﯔ ﺧﯩﺘﺎﻱ ﻫﯚﻛﯜﻣﻪﺕ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻻﺷﻤﯩﻐﺎﻧﻠﯩﻘﯩﻨﻰ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﻪﻳﻨﻰ ﭼﺎﻏﺪﺍ ﻣﯘﺧﺒﯩﺮﻻﺭﻏﺎ ﺋﯩﻘﺮﺍﺭ ﻗﯩﻠﻐﺎﻥ ﺋﯩﺪﻯ.

ﻳﯧﯖﻰ ﺧﺎﺋﯩﻨﻠﯩﻖ ﺑﺎﻳﺮﺍﻗﺪﺍﺭﻯ

ﻟﯧﻜﯩﻦ ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﯨﻨﯩﯔ ﻳﯧﻘﯩﻨﺪﺍ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، 27 - ﺋﺎﯞﻏﯘﺳﺖ ﻗﯩﺰﯨﻠﺒﯘﻳﺎ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻥ ﻣﻪﺯﮔﯩﻠﺪﻩ، ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭖ ﺩﯦﮕﻪﻥ ﺑﯩﺮ ﺋﯘﻳﻐﯘﺭ ﺧﯩﺘﺎﻱ ﺳﺎﻗﭽﻰ - ﺋﻪﺳﻜﻪﺭﻟﯩﺮﯨﮕﻪ ﺗﺎﻣﺎﻕ ﺗﻮﺷﯘﭖ، ﺋﯘﻻﺭﺩﯨﻦ ﻫﺎﻝ ﺳﻮﺭﯨﻐﺎﻥ. ﺧﯩﺘﺎﻳﻨﯩﯔ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﻗﻮﻟﻼﺵ ﺋﯩﭙﺎﺩﯨﺴﯩﻨﻰ ﺑﯩﻠﺪﯛﺭﮔﻪﻥ.

ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﯨﻨﯩﯔ ﺳﯚﺯﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭖ ﺋﻪﺳﻠﻰ ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﺪﯨﻦ ﺑﻮﻟﯘﭖ، ﻗﻪﺷﻘﻪﺭﺩﻩ ﺗﯩﺠﺎﺭﻩﺕ ﻗﯩﻠﯩﭗ ﺑﯧﻴﯩﻐﺎﻥ ﯞﻩ ﻧﺎﻡ ﭼﯩﻘﺎﺭﻏﺎﻥ ﺩﺍﯕﻠﯩﻖ ﺷﻪﺧﯩﺴﻠﻪﺭﻧﯩﯔ ﺑﯩﺮﯨﻜﻪﻥ. ﻗﺎﺳﺴﺎﭘﻠﯩﻘﺘﯩﻦ ﻛﯚﺗﯜﺭﯛﻟﯜﭖ، ﻳﻮﻝ ﯞﻩ ﻳﯜﺯ ﺗﺎﭘﻘﺎﻥ ﺑﯩﺮﯨﻜﻪﻥ. ﺋﯘﻧﯩﯔ ﻗﻮﻟﯩﺪﺍ ﻫﺎﺯﯨﺮ ﻗﺎﻧﭽﯩﻠﯩﻐﺎﻥ ﺩﯗﻛﺎﻥ ﯞﻩ ﺋﯩﺸﭽﻰ ﺑﺎﺭﻛﻪﻥ. ﺋﯘ ﺋﯚﺯﯨﻨﻰ ﻗﻪﺷﻘﻪﺭﺩﯨﻜﻰ ﺗﯚﺗﻨﯩﯔ ﺑﯩﺮﻯ ﺳﺎﻧﺎﭖ ﻳﺎﺷﺎﻳﺪﯨﻜﻪﻥ.

ﺧﺎﺋﯩﻨﻼﺭ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺶ ﻫﺎﺭﺍﻡ

ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭘﻨﯩﯔ ﻗﯩﺰﯨﻠﺒﯘﻳﯩﺪﺍ ﻗﻮﻧﺎﻗﻠﯩﻘﺘﯩﻜﻰ ﺋﯩﻨﻘﯩﻼﺑﭽﯩﻼﺭﻧﻰ ﻗﻮﺭﺷﺎﯞﻏﺎ ﺋﯧﻠﯩﭗ ﺗﯘﺭﻏﺎﻥ ﺧﯩﺘﺎﻱ ﺋﻪﺳﻜﻪﺭ - ﺳﺎﻗﭽﯩﻠﯩﺮﯨﺪﯨﻦ ﻫﺎﻝ ﺳﻮﺭﺍﭖ ﺑﺎﺭﻏﺎﻧﻠﯩﻘﻰ ﯞﻩ ﺑﯘ ﻳﻪﺭﺩﻩ ﺋﺎﻟﺘﻪ ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﺷﯧﻬﯩﺪ ﺑﻮﻟﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﺗﺎﺭﻗﺎﻟﻐﺎﻧﺪﯨﻦ ﻛﯧﻴﯩﻦ، ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭘﻨﯩﯔ ﺋﯘﻟﯘﻍ ﻧﺎﻣﻰ ﻳﻪﺭ ﺑﯩﻠﻪﻥ ﻳﻪﻛﺴﺎﻥ ﺑﻮﻟﻐﺎﻥ.

ﻗﻪﺷﻘﻪﺭ ﺧﻪﻟﻘﻰ ﺩﻩﺭﻫﺎﻝ ﭘﻪﺗﯩﯟﺍ ﭼﯩﻘﯩﺮﯨﭗ، ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭖ ﺑﯩﻠﻪﻥ ﺑﻮﻟﻐﺎﻥ ﻫﻪﺭ ﻗﺎﻧﺪﺍﻕ ﻣﯘﺋﺎﻣﯩﻠﯩﻨﻰ ﻫﺎﺭﺍﻡ ﻗﯩﻠﻐﺎﻥ.

ﻳﯧﺘﯩﻢ ﻗﺎﻟﻐﺎﻥ ﺧﺎﺋﯩﻦ

ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭖ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺑﯘ ﻳﯩﻠﻠﯩﻖ " ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﻧﻪﻣﯘﻧﯩﭽﯩﺴﻰ" ﺑﻮﻟﯘﭖ ﺑﺎﻫﺎﻻﻧﻐﺎﻥ ﯞﻩ ﺗﻪﻗﺪﯨﺮﻟﻪﻧﮕﻪﻥ.

ﺧﻪﻟﻖ ﺑﻮﻟﺴﺎ، ﺋﯚﺯﻟﯩﺮﯨﻨﯩﯔ ﻣﯩﻠﻠﯩﻲ ﻣﯘﻧﺎﭘﯩﻘﻼﺭﻏﺎ ﯞﻩ ﺧﺎﺋﯩﻨﻼﺭﻏﺎ ﺑﻮﻟﻐﺎﻥ ﻧﻪﭘﺮﯨﺘﯩﻨﻰ، ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﻮﻟﻐﺎﻥ ﺋﯚﭼﻤﻪﻧﻠﯩﻜﯩﻨﻰ ﺋﯩﭙﺎﺩﯨﻠﻪﺵ ﻳﯜﺯﯨﺴﯩﺪﯨﻦ، ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭘﻨﻰ ﺧﻪﻟﻖ ﺗﻮﭘﯩﺪﯨﻦ ﺋﺎﻳﺮﯨﭗ ﺗﺎﺷﻼﭖ ﻳﯧﺘﯩﻢ ﻗﺎﻟﺪﯗﺭﻏﺎﻥ.

ﺧﺎﺋﯩﻨﻨﯩﯔ ﺭﻩﺯﯨﻠﻠﯩﻜﯩﻨﻰ ﺧﻪﻟﻘﻰ ﺋﺎﻟﻪﻡ ﺑﯩﻠﺴﯘﻥ

ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﯞﻩﺗﻪﻧﺪﯨﻦ ﺑﯘ ﻫﻪﻗﺘﻪ ﺑﯩﯟﺍﺳﺘﻪ ﻣﻪﻟﯘﻣﺎﺕ ﺑﻪﺭﮔﻪﻥ ﻛﯩﺸﯩﻠﻪﺭ ﻣﯘﻧﺪﺍﻕ ﺩﯦﮕﻪﻥ: "ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﻰ ﻗﻪﺷﻘﻪﺭﺩﻩ ﻛﯚﭘﻠﯩﮕﻪﻥ ﻛﯩﺸﯩﻠﻪﺭ ﺋﺎﯕﻼﻳﺪﯗ. ﺑﯩﺰ ﺑﯘ ﺭﺍﺩﯨﺌﻮﺩﯨﻦ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﺋﯩﻨﻘﯩﻼﺑﯩﺪﯨﻦ ﺧﻪﯞﻩﺭ ﺗﯧﭙﯩﭗ ﺗﯘﺭﯨﻤﯩﺰ. ﺧﻪﻟﻘﺌﺎﺭﺍ ﯞﻩﺯﯨﻴﻪﺗﻨﯩﯔ ﻫﻪﻗﯩﻘﯩﻲ ﺋﻪﻫﯟﺍﻟﯩﻨﻰ ﺑﯩﻠﯩﭗ ﺗﯘﺭﯨﻤﯩﺰ. ﯞﻩﺗﯩﻨﯩﻤﯩﺰﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﻰ ﺋﯘﺩﯗﻟﻠﯘﻕ ﺋﺎﯕﻼﻳﻤﯩﺰ. ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﯞﻩﺭﻟﻪﺭﻧﻰ ﻗﺎﺗﺘﯩﻖ ﻗﺎﻣﺎﻝ ﻗﯩﻠﻐﺎﭺ، ﻧﻪﺩﻩ، ﻧﯧﻤﻪ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﯩﺶ ﺑﯩﺰ ﺋﯜﭼﯜﻥ ﺑﻪﻙ ﻗﯧﻴﯩﻦ ﺋﯩﺪﻯ. ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﺑﯩﺰﻧﻰ ﺑﯘ ﻗﯩﻴﯩﻨﭽﯩﻠﯩﻘﺘﯩﻦ ﻗﯘﺗﯘﻟﺪﯗﺭﻏﺎﻥ ﺑﯩﺮﺩﯨﻦ ‏ - ﺑﯩﺮ ﻗﻮﺭﺍﻝ. ﺋﺎﺑﺪﯗﺭﯦﺸﯩﺖ ﻗﺎﺳﺴﺎﭘﻨﯩﯔ ﺭﻩﺯﯨﻠﻠﯩﻜﯩﻨﻰ ﭘﯜﺗﯜﻥ ﻗﻪﺷﻘﻪﺭ ﺧﻪﻟﻘﻰ ﺑﯩﻠﯩﭗ ﺑﻮﻟﺪﻯ. ﺑﯩﺰ ﺑﯘﻧﻰ ﺭﺍﺩﯨﺌﻮ ﺋﺎﺭﻗﯩﻠﯩﻖ ﯞﻩﺗﯩﻨﯩﻤﯩﺰﻧﯩﯔ ﺟﻪﻧﯘﺑﻰ ﯞﻩ ﺷﯩﻤﺎﻟﯩﺪﯨﻜﻰ ﭘﯜﺗﻜﯜﻝ ﺋﯘﻳﻐﯘﺭﯨﺴﺘﺎﻥ ﺧﻪﻟﻘﯩﮕﻪ ﺑﯩﻠﺪﯛﺭﯛﺷﻨﻰ ﺋﺎﺭﺯﯗ ﻗﯩﻠﯩﻤﯩﺰ."

ﻛﯜﺭﻩﺵ ﺑﯩﻠﻪﻥ ﺋﯚﺗﻜﻪﻥ ﻫﺎﻳﺎﺕ

ﺋﯩﻨﺴﺎﻧﻨﯩﯔ ﻫﺎﻳﺎﺗﻰ ﭼﻪﻛﻠﯩﻚ ﺑﻮﻟﯩﺪﯗ، ﺋﻪﻣﻤﺎ ﻫﺎﻳﺎﺕ ﻗﻪﺩﯨﺮﻟﻪﻧﺴﻪ ﺋﯘﻧﯩﯖﺪﯨﻦ ﺗﯩﻠﻼﺭﺩﺍ ﺩﺍﺳﺘﺎﻥ ﺑﻮﻟﻐﯩﺪﻩﻙ ﭼﻪﻛﺴﯩﺰ ﻗﯩﻤﻤﻪﺕ ﻳﺎﺭﯨﺘﯩﻠﯩﺪﯗ. ﺑﯘﻧﯩﯖﺪﯨﻦ ﺋﯩﻜﻜﻰ ﻳﯩﻞ ﺋﺎﯞﺍﻟﻘﻰ 29 - ﺋﯚﻛﺘﻪﺑﯩﺮ ﻛﯜﻧﯩﺪﻩ ﺋﺎﺭﯨﻤﯩﺰﺩﯨﻦ ﺧﯘﺩﺩﻯ ﺗﯘﻳﯘﻗﺴﯩﺰ ﺳﺎﻗﯩﻐﺎﻥ ﻳﯘﻟﺘﯘﺯﺩﻩﻙ ﻏﺎﻳﯩﭗ ﺑﻮﻟﻐﺎﻥ ﻣﻪﺭﻫﯘﻡ ﻛﯜﺭﻩﺵ ﻛﯜﺳﻪﻥ ﺋﻪﭘﻪﻧﺪﯨﻨﯩﯔ ﺷﺎﻧﻠﯩﻖ ﻫﺎﻳﺎﺗﻰ ﻣﺎﻧﺎ ﺷﯘﻧﺪﺍﻕ ﻗﻪﺩﯨﺮ - ﻗﯩﻤﻤﯩﺘﯩﻨﻰ ﺗﺎﭘﻘﺎﻥ ﻫﻪﻗﯩﻘﯩﻲ ﻫﺎﻳﺎﺕ ﺋﯩﺪﻯ.

RFA Photo

ﺗﺎﻻﻧﺘﻠﯩﻖ ﻣﯘﺯﯨﻜﺎﻧﺖ ﻣﻪﺭﻫﯘﻡ ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﺭﺍﺩﺋﻮﻣﯩﺰﻧﻰ 2006 - ﻳﯩﻠﻰ 4 - ﻳﺎﻧﯟﺍﺭﺩﺍ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﻣﯘﺯﯨﻜﺎ ﺋﻮﺭﯗﻧﺪﺍﭖ ﻗﺎﻟﺪﯗﺭﻏﺎﻥ ﺧﺎﺗﯩﺮﻩ ﺳﯜﺭﯨﺘﻰ.

ﺋﯘﻧﯩﯔ ﺋﯚﻟﯜﻣﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﺭﻩﺵ ﺗﺎﺭﯨﺨﯩﻐﺎ ﺑﯩﺮ ﺑﻮﺷﻠﯘﻕ ﻗﺎﻟﺪﯗﺭﯗﭖ ﻛﻪﺗﻜﻪﻥ،ﺋﯘﻧﻰ ﺳﯚﻳﮕﻪﻥ، ﻗﻪﺩﯨﺮﻟﯩﮕﻪﻥ ﻛﯩﺸﯩﻠﻪﺭﻧﯩﯔ ﻗﻪﻟﺒﯩﻨﻰ ﻣﻪﯕﮕﯜﻟﯜﻙ ﺟﯘﺩﺍﻟﯩﻘﻘﺎ ﭼﯚﻣﺪﯛﺭﮔﻪﻥ ﻫﻪﺳﺮﻩﺗﻠﯩﻚ ﺑﯩﺮ ﺋﯚﻟﯜﻡ ﺋﯩﺪﻯ. 1959 - ﻳﯩﻠﻰ ﺋﯜﺭﯛﻣﭽﯩﺪﯨﻜﻰ ﺯﯨﻴﺎﻟﯩﻲ ﺋﺎﺋﯩﻠﯩﺴﯩﺪﻩ ﺗﯘﻏﯘﻟﻐﺎﻥ ﻛﯜﺭﻩﺵ ﻛﯚﺳﻪﻥ ﺋﻪﭘﻪﻧﺪﯨﻨﯩﯔ ﻫﺎﻳﺎﺕ ﺗﺎﺭﯨﺨﻰ ﺑﺎﻟﯩﻠﯩﻖ ﭼﺎﻏﻠﯩﺮﯨﺪﯨﻦ ﺗﺎﺭﺗﯩﭗ ﺗﺎﻛﻰ ﯞﺍﭘﺎﺕ ﺋﻪﺗﻜﯜﭼﻪ ﻫﺎﻳﺎﺕ، ﺋﯩﻠﯩﻢ ﯞﻩ ﯞﻩﺗﻪﻥ ﺋﺎﺯﺍﺩﻟﯩﻘﻰ ﺋﯜﭼﯜﻥ ﺋﯩﺰﺩﯨﻨﯩﺶ،ﺗﯩﺮﯨﺸﯩﺶ،ﺗﻮﺧﺘﯩﻤﺎﻱ ﻛﯜﺭﻩﺵ ﻗﯩﻠﯩﺶ ﯞﻩ ﻧﻪﺗﯩﺠﻪ ﻳﺎﺭﯨﺘﯩﺶ ﺑﯩﻠﻪﻥ ﺗﻮﻟﻐﺎﻥ ﺟﻪﯕﮕﯩﯟﺍﺭ ﯞﻩ ﻣﻪﺯﻣﯘﻧﻠﯘﻕ ﻫﺎﻳﺎﺕ ﺋﯩﺪﻯ.

ﻣﻪﺭﻫﯘﻡ ﻫﺎﻳﺎﺕ ﭼﯧﻐﯩﺪﺍ ﯞﻩﺗﻪﻥ ﺋﯩﭽﯩﺪﻩ ﺋﯚﺯﯨﻨﯩﯔ ﺳﻪﻧﺌﻪﺗﺘﯩﻜﻰ ﺋﺎﺟﺎﻳﯩﭗ ﺗﺎﻻﻧﺘﻰ ﺑﯩﻠﻪﻥ ﺧﻪﻟﻘﯩﻤﯩﺰ ﻗﻪﻟﺒﯩﺪﯨﻦ ﭼﻮﯕﻘﯘﺭ ﺋﻮﺭﯗﻥ ﺋﯧﻠﯩﭗ ﻧﺎﻡ ﭼﯩﻘﺎﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ ﺋﯚﺯﯨﻨﯩﯔ ﺳﻪﻧﺌﻪﺕ ﺳﺎﻫﻪﺳﯩﻨﻰ ﯞﻩﺗﻪﻥ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺸﻨﯩﯔ ﺟﻪﯓ ﻣﻪﻳﺪﺍﻧﯩﻐﺎ ﺋﺎﻳﻼﻧﺪﯗﺭﯗﭖ، ﺋﯘﻳﻐﯘﺭ ﺧﻪﻟﻘﯩﻨﻰ ﻫﻪﺭ ﻣﯩﻨﯘﺕ ﺋﻪﺭﻛﯩﻨﻠﯩﻚ ﺋﯜﭼﯜﻥ ﺑﻮﻟﯩﺪﯨﻐﺎﻥ ﻛﯜﺭﻩﺷﻜﻪ ﺗﻪﻳﻴﺎﺭ ﺑﻮﻟﯘﺷﻘﺎ ﭼﺎﻗﯩﺮﯨﻖ ﻗﯩﻠﻐﺎﻥ ﺋﯩﺪﻯ. ﺋﯘ ﻳﺎﯞﺭﻭﭘﺎﻏﺎ ﺳﯩﻴﺎﺳﯩﻲ ﻛﯚﭼﻤﻪﻥ ﺑﻮﻟﯘﭖ ﻛﻪﻟﮕﻪﻧﺪﯨﻦ ﻛﯧﻴﯩﻨﻤﯘ، ﺋﯚﺯﯨﻨﯩﯔ ﯞﻩﺗﻪﻧﻨﯩﯔ ﻫﯚﺭﻟﯜﻙ ﯞﻩ ﺋﺎﺯﺍﺩﻟﯩﻘﻰ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺶ، ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﯩﺶ ﺋﺎﺭﺯﯗﺳﯩﻨﻰ ﺭﻭﻳﺎﭘﻘﺎ ﭼﯩﻘﯩﺮﯨﺶ ﺋﯜﭼﯜﻥ ﺑﯩﺮ ﻣﯩﻨﯘﺗﻤﯘ ﺗﻮﺧﺘﺎﭖ ﻗﺎﻟﻤﯩﻐﺎﻥ ﺋﯩﺪﻯ. ﺋﯘ ﺋﯩﻠﮕﯩﺮﻯ - ﺋﺎﺧﯩﺮﻯ ﺑﻮﻟﯘﭖ ﺩﯗﻧﻴﺎ ﺋﯘﻳﻐﯘﺭ ﻳﺎﺷﻠﯩﺮﻯ ﻗﯘﺭﯗﻟﺘﯩﻴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﯞﻩ ﻛﯧﻴﯩﻦ ﺑﺎﺵ ﺭﻩﺋﯩﺴﻰ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﺵ ﺗﻪﭘﺘﯩﺸﻰ، ﺷﯩﯟﯦﺘﺴﯩﻴﻪ ﺋﯘﻳﻐﯘﺭ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﻗﺎﺗﺎﺭﻟﯩﻖ ﯞﻩﺯﯨﭙﯩﻠﻪﺭﻧﻰ ﺋﯚﺯ ﺋﯜﺳﺘﯩﮕﻪ ﺋﯧﻠﯩﭗ ﺋﯩﺸﻠﯩﮕﻪﻧﺪﯨﻦ ﺑﺎﺷﻘﺎ، ﻏﻪﺭﺏ ﺷﺎﻣﯩﻠﻰ ﮊﯗﺭﻧﯩﻠﯩﻨﻰ ﻧﻪﺷﺮ ﻗﯩﻠﯩﺶ، ﻫﯚﺭ ﺋﯘﻳﻐﯘﺭ ﺭﺍﺩﯨﺌﻮﺳﯩﻨﻰ ﺋﺎﯕﻠﯩﺘﯩﺶ، ﺷﯩﯟﯦﺘﺴﯩﻴﻪ ﺋﯘﻳﻐﯘﺭ ﻛﻮﻣﯩﺘﯧﺘﯩﻨﯩﯔ ﺗﻮﺭ ﺑﯩﺘﻰ ﯞﻩ ﺋﯚﺯﯨﻨﯩﯔ ﺷﻪﺧﺴﻰ ﺗﻮﺭ ﺑﯩﺘﻰ ﺑﻮﻟﻐﺎﻥ ﺩﯗﺗﺘﺎﺭ ﺗﻮﺭ ﺑﯧﺘﯩﻨﻰ ﺋﻪﺗﺮﺍﭘﯩﺪﯨﻜﻰ ﺋﯩﺴﺘﯧﺪﺍﺗﻠﯩﻖ ﻳﺎﺭﺩﻩﻣﭽﯩﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ ﻳﺎﺳﺎﺵ ﻗﺎﺗﺎﺭﻟﯩﻖ ﺗﯜﺭﻟﯜﻙ ﺋﯩﻠﻤﯩﻲ ﯞﻩ ﺗﯧﺨﻨﯩﻜﯩﻠﯩﻖ ﺧﯩﺰﻣﻪﺗﻠﻪﺭﻧﯩﻤﯘ ﯞﺍﻳﯩﻐﺎ ﻳﻪﺗﻜﯜﺯﯛﭖ ﺋﻮﺭﯗﻧﺪﯨﻐﺎﻥ ﺋﯩﺪﻯ.

ﻣﻪﺭﻫﯘﻡ ﻛﯜﺭﻩﺵ ﻛﯜﺳﻪﻥ ﺋﻪﭘﻪﻧﺪﻯ ﻳﻪﻧﻪ، ﺩﯗﻧﻴﺎ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﯩﮕﻪ ﺋﻪﺯﺍ ﺑﻮﻟﯘﭖ ﻛﯩﺮﯨﺶ ﺋﯜﭼﯜﻥ ﻳﯩﻠﻼﭖ ﺋﯩﺰﺩﯨﻨﯩﭗ،ﺋﺎﻣﯧﺮﯨﻜﺎ،ﻛﺎﻧﺎﺩﺍ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﮔﯩﭽﻪ ﺯﯨﻴﺎﺭﻩﺗﺘﻪ ﺑﻮﻟﯘﭖ ﺋﯘﻳﻐﯘﺭ ﻗﻪﻟﻪﻣﻜﻪﺷﻠﻪﺭ ﺟﻪﻣﺌﯩﻴﯩﺘﻰ ﺋﯘﭼﯘﻥ ﺋﯩﻘﺘﯩﺴﺎﺩﻯ ﻣﻪﻧﺒﻪﮔﻪ ﺋﯧﺮﯨﺸﯩﺶ ﭘﯘﺭﺳﯩﺘﯩﻨﻰ ﻳﺎﺭﺍﺗﻘﺎﻥ ﺑﻮﻟﺴﯩﻤﯘ، ﺋﻪﭘﺴﯘﺳﻜﻰ ﻣﻪﺭﻫﯘﻣﻨﯩﯔ ﺋﯚﻣﺮﻯ ﺋﯚﺯﻯ ﺯﻭﺭ ﺋﻪﺟﯩﺮ ﻗﯩﻠﯩﭗ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﻪﻣﮕﻪﻙ ﻣﯩﯟﯨﺴﯩﻨﻰ ﻛﯚﺭﯛﺷﻜﻪ ﻳﺎﺭ ﺑﻪﺭﻣﯩﺪﻯ.

ﻣﻪﺭﻫﯘﻡ ﻛﯜﺭﻩﺵ ﻛﯜﺳﻪﻥ ﺋﻪﭘﻪﻧﺪﻯ ﺷﯩﯟﯦﺘﺴﯩﻴﯩﻨﯩﯔ ﺋﻪﺳﻜﯘﻟﯩﺴﺘﯘﻧﺎ ﺷﻪﻫﯩﺮﯨﺪﻩ ﻳﺎﺷﺎﯞﺍﺗﻘﺎﻥ ﻣﻪﺯﮔﯩﻠﯩﺪﻩ ﺑﯩﺮ ﻳﺎﻗﺘﯩﻦ ﯞﻩﺗﻪﻥ ﺩﻩﯞﺍﺳﻰ ﺋﯧﻠﯩﭗ ﺑﺎﺭﺳﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯚﺯﯨﻨﯩﯔ ﻳﯜﻛﺴﻪﻙ ﭘﻪﻟﻠﯩﮕﻪ ﻳﻪﺗﻜﻪﻥ ﻛﻮﻣﭙﻮﺯﯨﺘﻮﺭﻟﯘﻕ ﻣﺎﻫﺎﺭﯨﺘﯩﻨﻰ ﺋﯩﺸﻘﺎ ﺳﯧﻠﯩﭗ ﺑﺎﺭﻟﯩﻖ ﺩﻭﻻﻥ،ﻗﯘﻣﯘﻝ ﻣﯘﻗﺎﻣﻠﯩﺮﯨﻨﻰ ﻳﯧﯖﯩﺪﯨﻦ ﺭﻩﺗﻠﻪﭖ ﻧﻮﺗﯩﻐﺎ ﺋﯧﻠﯩﺶ، ﻗﻪﺷﻘﻪﺭ، ﺋﺎﺗﯘﺵ، ﺋﯩﻠﻰ، ﺗﯘﺭﭘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﺋﯘﻳﻐﯘﺭ ﺧﻪﻟﻖ ﻧﺎﺧﺸﯩﻠﯩﺮﯨﻨﻰ ﻗﺎﻳﺘﯩﺪﯨﻦ ﺋﯧﻴﺘﯩﭗ ﻳﯧﯖﯩﺪﯨﻦ ﺋﯜﻧﮕﻪ ﺋﯧﻠﯩﺶ ﻗﺎﺗﺎﺭﻟﯩﻖ ﺧﯩﺰﻣﻪﺗﻠﯩﺮﯨﻨﻰ ﺑﺎﺷﻠﯩﯟﻩﺗﻜﻪﻥ ﯞﻩ ﺑﯘﻧﯩﯖﺪﯨﻦ 3 ﺋﯜﻥ CD ﻟﯩﻨﺘﯩﺴﯩﻨﯩﯔ ﺗﻪﻳﻴﺎﺭﻟﯩﻖ ﺧﯩﺰﻣﯩﺘﯩﻨﻰ ﭘﯜﺗﺘﯜﺭﮔﻪﻥ ﺋﯩﺪﻯ.

ﺋﯘﻧﯩﯔ 12 ﺗﻮﻣﻠﯘﻕ ﺋﯘﻳﻐﯘﺭ ﻧﺎﺧﺸﺎ - ﻣﯘﺯﯨﻜﺎ ﻗﺎﻣﯘﺳﻰ ﺗﻪﻳﻴﺎﺭﻻﭖ ﺷﯩﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﻣﻮﺯﯨﻴﯩﻐﺎ ﺗﻪﻗﺪﯨﻢ ﻗﯩﻠﯩﺸﺘﻪﻙ ﺯﻭﺭ ﭘﯩﻼﻧﻰ ﺑﺎﺭ ﺋﯩﺪﻯ. ﺋﯘﻧﯩﯔ ﻳﻪﻧﻪ ﺷﯩﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﺋﻮﺭﻛﯧﺴﺘﯩﺮﻯ ﺑﯩﻠﻪﻥ ﺑﯩﺮﻟﯩﺸﯩﭗ ﺋﻮﺭﯗﻧﺪﯨﻐﺎﻥ ﺷﻪﺭﻗﯩﻲ ﺗﯘﺭﻛﯩﺴﺘﺎﻥ ﺋﯩﺴﺘﯩﻘﻼﻝ ﻣﺎﺭﺷﻰ ﺩﻩﯞﯨﺮ ﺑﯚﻟﮕﯜﭺ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺑﻮﻟﯘﭖ، ﺑﯩﺰ ﺋﯜﭼﯜﻥ ﺋﻪﯓ ﺯﻭﺭ ﻣﯘﺯﯨﻜﺎ ﺑﺎﻳﻠﯩﻘﻰ ﺳﯜﭘﯩﺘﯩﺪﻩ ﻣﯩﺮﺍﺱ ﺑﻮﻟﯘﭖ ﻗﺎﻟﺪﻯ. ﻣﻪﺭﻫﯘﻡ ﺋﯚﻣﺮﯨﻨﯩﯔ ﺋﺎﺧﯩﺮﻗﻰ ﻳﯩﻠﻠﯩﺮﯨﺪﺍ ﺷﯩﯟﯦﺘﺴﯩﻴﻪ ﺩﯙﻟﻪﺗﻠﯩﻚ ﻧﺎﺧﺸﺎ - ﺋﯘﺳﯘﻝ ﺋﯚﻣﯩﻜﻰ ﺗﻪﺭﯨﭙﯩﺪﯨﻦ ﻣﯘﻗﯩﻢ ﺧﯩﺰﻣﻪﺗﭽﯩﻠﯩﻜﻜﻪ ﺗﻪﻛﻠﯩﭗ ﻗﯩﻠﯩﻨﻐﺎﻥ ﺑﻮﻟﯘﭖ، ﺋﯘﻧﯩﯖﻐﺎ ﺋﯘﻳﻐﯘﺭ ﻣﯘﺯﯨﻜﺎ ﺗﻪﺗﻘﯩﻘﺎﺗﻰ ﺋﯜﭼﯜﻥ ﻳﯧﺘﻪﺭﻟﯩﻚ ﺷﻪﺭﺕ ‏ - ﺷﺎﺭﺍﺋﯩﺖ ﻳﺎﺭﯨﺘﯩﭗ ﺑﯧﺮﯨﻠﮕﻪﻥ ﯞﻩ ﺯﻭﺭ ﺩﯨﻘﻘﻪﺕ ﺋﯧﺘﯩﺒﺎﺭﻏﺎ ﺋﯧﺮﯨﺸﻜﻪﻥ ﺋﯩﺪﻯ.

ﺧﯘﺩﺩﻯ ﻛﯜﺭﻩﺵ ﻛﯜﺳﻪﻥ ﺋﻪﭘﻪﻧﺪﻯ ﻫﺎﻳﺎﺕ ﭼﯧﻐﯩﺪﺍ ﺋﯧﻴﺘﻘﯩﻨﯩﺪﻩﻙ، ﻛﯜﺭﻩﺵ ﺋﯚﻟﻤﻪﻳﺪﯗ! ﺋﯘ ﺗﺎﻛﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﺎﺳﻤﯩﻨﯩﺪﺍ ﺋﺎﻱ - ﻳﯘﻟﺘﯘﺯﻟﯘﻕ ﻛﯚﻙ ﺑﺎﻳﺮﺍﻕ ﺟﻪﯞﻻﻥ ﻗﯩﻠﻐﺎﻧﻐﺎ ﻗﻪﺩﻩﺭ، ﻫﻪﺭ ﺑﯩﺮ ﺋﯘﻳﻐﯘﺭﻧﯩﯔ ﻗﻪﻟﺒﯩﻨﻰ ﻛﯜﺭﻩﺵ ﻣﺎﺭﺷﻰ ﺑﯩﻠﻪﻥ ﺋﻮﻳﻐﯩﺘﯩﭗ ﺗﯘﺭﯨﺪﯗ!

ﺋﯘﻳﻐﯘﺭ ﺋﺎﻟﯩﻢ ﺋﻪﺭﻛﯩﻦ ﺳﯩﺪﯨﻘﻨﯩﯔ ﺋﺎﻟﻪﻡ ﺗﯧﺨﻨﯩﻜﯩﺴﻰ ﺳﺎﻫﻪﺳﯩﺪﯨﻜﻰ ﻳﯧﯖﻰ ﻛﻪﺷﭙﯩﻴﺎﺗﻰ ﻣﯘﻛﺎﭘﺎﺗﻘﺎ ﺋﯧﺮﯨﺸﺘﻰ

ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﺋﺎﯞﯨﺌﺎﺗﺴﯩﻴﻪ ﯞﻩ ﺋﺎﻟﻪﻡ ﺑﻮﺷﻠﯘﻗﻰ ﺋﯩﺪﺍﺭﯨﺴﯩﻨﯩﯔ ﻛﺎﻟﯩﻔﻮﺭﻧﯩﻴﻪ ﺷﺘﺎﺗﯩﻐﺎ ﺟﺎﻳﻼﺷﻘﺎﻥ ﺑﯩﺮ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﺋﯩﻨﮋﯦﻨﯧﺮﻯ ﺩﻭﻛﺘﯘﺭ ﺋﻪﺭﻛﯩﻦ ﺳﯩﺪﯨﻖ، ﺋﺎﻟﻪﻡ ﺑﻮﺷﻠﯘﻗﯩﺪﯨﻜﻰ ﺗﯧﻠﯧﺴﻜﻮﭘﻨﻰ ﻳﻪﺭ ﺷﺎﺭﻯ ﺑﺎﺷﻘﯘﺭﯗﺵ ﻣﻪﺭﻛﯩﺰﯨﺪﻩ ﺗﯘﺭﯗﭖ ﺗﻪﯕﺸﻪﺷﺘﻪ ﺋﯩﺸﻠﯩﺘﯩﺪﯨﻐﺎﻥ ﺑﯩﺮ ﻳﯧﯖﻰ ﺗﯧﺨﻨﯩﻜﺎ ﻛﻪﺷﯩﭗ ﻗﯩﻠﻐﺎﻥ ﺑﻮﻟﯘﭖ، ﺋﺎﻟﯩﻤﻨﯩﯔ ﻣﻪﺯﻛﯘﺭ ﺗﯧﺨﻨﯩﻜﺎ ﻧﻪﺗﯩﺠﯩﺴﻰ ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﺋﺎﯞﯨﺌﺎﺗﺴﯩﻴﻪ ﯞﻩ ﺋﺎﻟﻪﻡ ﺑﻮﺷﻠﯘﻗﻰ ﺋﯩﺪﺍﺭﯨﺴﯩﻨﯩﯔ ﺋﺎﻻﻫﯩﺪﻩ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﻪﻥ.

RFA Photo / Erkin Tarim

ﺩﺭ. ﺋﻪﺭﻛﯩﻦ ﺳﯩﺪﯨﻖ ﺗﯜﺭﻛﯩﻴﯩﺪﯨﻜﻰ ﺋﯘﻧﯩﯟﯦﺮﺳﯩﺘﯧﺘﻼﺭﺩﺍ ﺩﻭﻛﻼﺕ ﺑﯧﺮﯨﯟﺍﺗﻘﺎﻥ ﻛﯚﺭﯛﻧﯜﺷﻠﻪﺭﺩﯨﻦ ﺑﯩﺮﻯ.

ﺋﯩﮕﯩﻠﯩﺸﯩﻤﯩﺰﭼﻪ، ﺑﯘ ﺗﯧﺨﻨﯩﻜﺎ ﺗﯧﺨﻰ ﺗﯘﻧﺠﻰ ﻗﯧﺘﯩﻢ ﺋﯩﺠﺎﺕ ﻗﯩﻠﯩﻨﻐﺎﻥ ﺑﻮﻟﯘﭖ، 28 - ﺋﯚﻛﺘﻪﺑﯩﺮ ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﺋﺎﯞﯨﺌﺎﺗﺴﯩﻴﻪ ﯞﻩ ﺋﺎﻟﻪﻡ ﺑﻮﺷﻠﯘﻗﻰ ﺋﯩﺪﺍﺭﯨﺴﯩﻨﯩﯔ " ﻛﻪﺷﭙﯩﻴﺎﺕ ﯞﻩ ﺗﯚﻫﭙﻪ ﺑﺎﺷﻘﺎﺭﻣﯩﺴﻰ" ﺋﺎﻟﯩﻤﻐﺎ، ﻣﯘﻛﺎﭘﺎﺕ ﺑﯘﻳﯘﻣﻰ ﯞﻩ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻧﻠﯩﻚ ﺷﻪﺭﻩﭖ ﮔﯘﯞﺍﻫﻨﺎﻣﯩﺴﯩﻨﻰ ﺗﻪﻗﺪﯨﻢ ﻗﯩﻠﯩﺶ ﻣﯘﺭﺍﺳﯩﻤﻰ ﺋﯚﺗﻜﯜﺯﻣﻪﻛﭽﻰ.

ﺩﻭﻛﺘﯘﺭ ﺋﻪﺭﻛﯩﻦ ﺳﯩﺪﯨﻘﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘ ﭘﻪﻗﻪﺕ ﻫﺎﺯﯨﺮ ﻣﯘﻛﺎﭘﺎﺕ ﺋﺎﻟﻐﺎﻥ ﺗﯧﺨﻨﯩﻜﯩﺴﻰ ﺑﯩﻠﻪﻧﻼ ﺗﻮﺧﺘﺎﭖ ﻗﺎﻟﻤﯩﻐﺎﻥ ﺑﻮﻟﯘﭖ، ﺋﯘ ﻳﯧﻘﯩﻨﺪﺍ ﻳﻪﻧﻪ ﺋﯚﺯﻯ ﻛﻪﺷﯩﭗ ﻗﯩﻠﻐﺎﻥ ﺋﯩﻜﻜﻰ ﺧﯩﻞ ﻳﯧﯖﻰ ﺗﯧﺨﻨﯩﻜﯩﻨﻰ ﺋﯧﻼﻥ ﻗﯩﻠﯩﺪﯨﻜﻪﻥ.

ﺋﺎﻟﻪﻡ ﺑﻮﺷﻠﯘﻗﯩﻨﻰ ﺗﻪﻛﺸﯜﺭﯛﺵ ﺳﺎﻫﻪﺳﯩﮕﻪ ﻧﯘﺭﻏﯘﻥ ﻗﻮﻻﻳﻠﯩﻘﻼﺭﻧﻰ ﻛﻪﻟﺘﯜﺭﯨﺪﯨﻐﺎﻥ ﺑﯘ ﺧﯩﻞ ﺗﯧﺨﻨﯩﻜﯩﻨﯩﯔ ﺗﯘﻧﺠﻰ ﻗﯧﺘﯩﻢ ﺑﯩﺮ ﺋﯘﻳﻐﯘﺭ ﺋﺎﻟﯩﻤﻰ ﺗﻪﺭﯨﭙﯩﺪﯨﻦ ﻛﻪﺷﯩﭗ ﻗﯩﻠﯩﻨﯩﺸﻰ، ﻛﯩﺸﯩﻨﻰ ﺗﻮﻟﯩﻤﯘ ﻫﺎﻳﺎﺟﺎﻧﻼﻧﺪﯗﺭﯨﺪﯨﻐﺎﻥ ﺑﻮﻟﯘﭖ، ﻣﻪﺯﻛﯘﺭ ﻛﻪﺷﭙﯩﻴﺎﺗﻼﺭ ﺋﯘﻳﻐﯘﺭﻻﺭﻧﯩﯔ ﺋﯩﻨﺴﺎﻧﯩﻴﻪﺕ ﺋﺎﻟﻪﻡ ﻗﺎﺗﻨﯩﺸﻰ ﺋﯩﻠﻤﯩﮕﻪ ﻗﻮﺷﻘﺎﻥ ﺗﯚﻫﭙﯩﻠﯩﺮﯨﻨﯩﯔ ﻧﺎﻣﺎﻳﻪﻧﺪﯨﺴﻰ ﺳﯜﭘﯩﺘﯩﺪﻩ ﺗﺎﺭﯨﺦ ﺑﯧﺘﯩﮕﻪ ﻳﯧﺰﯨﻠﻐﯘﺳﻰ.

ﺧﯩﺘﺎﻱ، ﺩﺍﺭﻓﯘﺭ ﭘﺎﺭﺗﯩﺰﺍﻧﻠﯩﺮﯨﻨﯩﻤﯘ ' ﺗﯧﺮﺭﻭﺭﭼﻰ' ﺩﻩﭖ ﺋﻪﻳﯩﺒﻠﯩﺪﻯ

ﺳﯘﺩﺍﻧﺪﺍ ﮔﯚﺭﯛﮔﻪ ﺋﯧﻠﯩﻨﻐﺎﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﺪﯨﻦ 5 ﻧﻪﭘﯩﺮﻯ ﺗﯜﻧﯜﮔﯜﻥ ﺋﯚﻟﺘﯜﺭﯛﻟﮕﻪﻧﺪﯨﻦ ﻛﯧﻴﯩﻦ، ﺑﯜﮔﯜﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﺑﯘ ﻫﻪﻗﺘﻪ ﭘﯩﻜﯩﺮ ﺑﺎﻳﺎﻥ ﻗﯩﻠﺪﻯ. ﺑﺎﻳﺎﻧﺎﺗﭽﻰ ﺳﯚﺯﯨﺪﻩ ﯞﻩﻗﻪﻧﻰ ﭘﻪﻳﺪﺍ ﻗﯩﻠﻐﺎﻥ ﭘﺎﺭﺗﯩﺰﺍﻧﻼﺭﻧﻰ ﺗﯧﺮﺭﻭﺭﭼﻰ ﺩﻩﭖ ﺋﻪﻳﯩﺒﻠﯩﺪﻯ.

AFP Photo

2008 - ﻳﯩﻠﻰ 28 - ﺋﯚﻛﺘﻪﺑﯩﺮ ﻛﯜﻧﻰ، ﺩﺍﺭﻓﯘﺭ ﭘﺎﺭﺗﯩﺰﺍﻧﻠﯩﺮﻯ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻥ ﺧﯩﺘﺎﻱ ﻧﯧﻔﯩﺖ ﺋﯩﺸﭽﯩﻠﯩﺮﯨﻨﯩﯔ ﺟﯩﻨﺎﺯﯨﺴﻰ ﺧﺎﺭﺗﯘﻡ ﺋﺎﻳﺮﯗﺩﯗﺭﯗﻣﯩﺪﺍ.

ﺳﯘﺩﺍﻥ ﻫﯚﻛﯜﻣﯩﺘﻰ ﯞﻩﻗﻪﻧﯩﯔ ﺟﺎﯞﺍﺑﻜﺎﺭﻟﯩﻘﯩﻨﻰ ﺩﺍﺭﻓﯘﺭ ﭘﺎﺭﺗﯩﺰﺍﻧﻠﯩﺮﯨﻐﺎ ﺋﺎﺭﺗﻘﺎﻥ ﯞﻩ ﺩﺍﺭﻓﯘﺭ ﻣﻪﺳﯩﻠﯩﺴﻰ ﺋﯜﭼﯜﻥ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺋﺎﺩﺍﻟﻪﺕ ﯞﻩ ﺑﺎﺭﺍﯞﻩﺭﻟﯩﻚ ﺗﻪﺷﻜﯩﻼﺗﯩﻨﻰ ﺋﻪﻳﯩﺒﻠﯩﮕﻪﻥ ﺋﯩﺪﻯ. ﺋﻪﻣﻤﺎ ﻣﻪﺯﻛﯘﺭ ﺗﻪﺷﻜﯩﻼﺕ ﯞﻩﻗﻪﻧﯩﯔ ﺟﺎﯞﺍﺑﻜﺎﺭﻟﯩﻘﯩﻨﻰ ﺭﻩﺕ ﻗﯩﻠﻤﺎﻗﺘﺎ. ﺗﻪﺷﻜﯩﻼﺗﻨﯩﯔ ﻟﻮﻧﺪﻭﻧﺪﯨﻜﻰ ﺑﺎﻳﺎﻧﺎﺗﭽﯩﺴﻰ ﺗﺎﻫﯩﺮ ﺋﻪﻟﻔﺎﻗﻰ ﻣﯘﺧﺒﯩﺮﻻﺭﻏﺎ ﻗﯩﻠﻐﺎﻥ ﺳﯚﺯﯨﺪﻩ ﯞﻩﻗﻪﻧﻰ ﺋﯚﺯﻟﯩﺮﻯ ﻗﯩﻠﻤﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﺭﺍﻳﻮﻧﺪﯨﻜﻰ ﺋﯚﺯﻟﯩﺮﻯ ﺑﯩﻠﻪﻥ ﺋﯩﺘﺘﯩﭙﺎﻗﺪﺍﺵ ﮔﯘﺭﯗﭘﭙﯩﻼﺭﻧﯩﯔ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﻪﻣﻤﺎ ﯞﻩﻗﻪﻧﻰ ﺋﻪﻳﯩﺒﻠﯩﻤﯩﮕﻪﻥ.

ﻧﯚﯞﻩﺗﺘﻪ ﯞﻩﻗﻪﻧﯩﯔ ﺗﻪﭘﺴﯩﻼﺗﻰ ﻫﻪﻗﻘﯩﺪﻩ ﺋﻮﺧﺸﯩﻤﯩﻐﺎﻥ ﺋﯘﭼﯘﺭﻻﺭ ﻣﻪﯞﺟﯘﺕ. ﺳﯘﺩﺍﻥ ﻫﯚﻛﯜﻣﯩﺘﻰ ﺗﯜﻧﯜﮔﯜﻥ ﮔﯚﺭﯛﮔﻪ ﺋﯧﻠﯩﻨﻐﺎﻥ 9 ﻧﻪﭘﻪﺭ ﺗﯘﺗﻘﯘﻧﺪﯨﻦ 5 ﻧﻪﭘﯩﺮﯨﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﻰ، 2 ﻧﻪﭘﯩﺮﯨﻨﯩﯔ ﻗﯧﭽﯩﭗ ﻗﯘﺗﯘﻟﻐﺎﻧﻠﯩﻘﻰ، ﻗﺎﻟﻐﺎﻥ ﺋﯩﻜﻜﻰ ﻧﻪﭘﯩﺮﯨﻨﯩﯔ ﻏﺎﻳﯩﭗ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯜﮔﯜﻥ ﺧﯩﺘﺎﻳﻨﯩﯔ ﺳﯘﺩﺍﻧﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﺪﺍ، ﺋﯚﻟﮕﯜﭼﯩﻨﯩﯔ 4، ﻳﺎﺭﯨﺪﺍﺭﻧﯩﯔ 4 ﻧﻪﭘﻪﺭ ﺋﯩﻜﻪﻧﻠﯩﻜﯩﻨﻰ ﯞﻩ ﺑﯩﺮ ﻛﯩﺸﯩﻨﯩﯔ ﻏﺎﻳﯩﭗ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﯞﻩﻗﻪ ﻳﯜﺯ ﺑﻪﺭﮔﻪﻥ ﺟﺎﻳﺪﯨﻜﻰ ﻳﻪﺭﻟﯩﻚ ﺋﺎﻫﺎﻟﯩﻠﻪﺭ، ﺳﯘﺩﺍﻥ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﻛﻮﻧﺴﯘﻟﺨﺎﻧﯩﺴﯩﻐﺎ 3 ﻛﯩﺸﯩﻨﯩﯔ ﺟﻪﺳﯩﺪﯨﻨﻰ ﺗﺎﭘﺸﯘﺭﻏﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺑﯜﮔﯜﻧﻜﻰ ﺧﻪﯞﻩﺭﻟﻪﺭﺩﻩ ﻳﻪﻧﻪ، ﺋﯚﻟﺘﯜﺭﯛﻟﮕﻪﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﺪﯨﻦ 3 ﻧﻪﭘﯩﺮﯨﻨﯩﯔ ﺟﻪﺳﯩﺪﯨﻨﯩﯔ ﺳﯘﺩﺍﻥ ﭘﺎﻳﺘﻪﺧﺘﻰ ﺧﺎﺭﺗﯘﻣﺪﯨﻦ ﺗﯧﭙﯩﻠﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻤﺎﻗﺘﺎ. ﺧﯩﺘﺎﻱ ﺗﻪﺭﻩﭖ ﺑﯜﮔﯜﻥ ﺑﺎﻳﺎﻧﺎﺗﯩﺪﺍ ﺋﯚﻟﺘﯜﺭﯛﻟﮕﻪﻥ ﭘﯘﻗﺮﺍﻻﺭﻧﯩﯔ ﻗﻮﺭﺍﻟﺴﯩﺰ ﺑﯩﮕﯘﻧﺎﻫ ﻛﯩﺸﯩﻠﻪﺭ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﭗ ﭘﺎﺭﺗﯩﺰﺍﻧﻼﺭﻧﻰ ﺋﻪﻳﯩﺒﻠﯩﺪﻯ. ﺋﻪﻣﻤﺎ ﺩﺍﺭﻓﯘﺭ ﭘﺎﺭﺗﯩﺰﺍﻧﻠﯩﺮﻯ ﺋﯘﺯﯗﻧﺪﯨﻦ ﺑﯧﺮﻯ ﺧﯩﺘﺎﻱ ﺷﯩﺮﻛﻪﺕ ﯞﻩ ﺧﯩﺘﺎﻱ ﺋﯩﺸﭽﯩﻠﯩﺮﯨﻨﻰ، ﺯﯗﻟﯘﻣﻐﺎ ﯞﺍﺳﺘﻪ ﺑﻮﻟﻐﺎﻧﻼﺭ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺑﻮﻟﺴﺎ ﺯﺍﻟﯩﻤﻐﺎ ﺷﯧﺮﯨﻚ ﺑﻮﻟﻐﺎﻧﻼﺭ ﺩﻩﭖ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ.

ﺩﺍﺭﻓﯘﺭ ﭘﺎﺭﺗﯩﺰﺍﻧﻠﯩﺮﯨﺪﯨﻦ ﺋﺎﺩﺍﻟﻪﺕ ﯞﻩ ﺑﺎﺭﺍﯞﻩﺭﻟﯩﻚ ﺗﻪﺷﻜﯩﻼﺗﻰ ﺋﯚﺗﻜﻪﻥ ﻳﯩﻠﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺳﯘﺩﺍﻧﺪﯨﻜﻰ ﭼﻪﺗﺌﻪﻝ ﺷﯩﺮﻛﻪﺗﻠﯩﺮﯨﻨﻰ ﺳﯘﺩﺍﻧﺪﯨﻦ ﭼﯧﻜﯩﻨﯩﺸﻜﻪ ﭼﺎﻗﯩﺮﻏﺎﻥ ﺋﯩﺪﻯ. ﺑﻮﻟﯘﭘﻤﯘ ﺧﯩﺘﺎﻳﻨﻰ ﭘﯘﻗﺮﺍﻟﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﺋﻮﻳﻠﯩﺸﯩﺸﻘﺎ ﺋﺎﮔﺎﻫﻼﻧﺪﯗﺭﻏﺎﻥ ﺋﯩﺪﻯ. ﺗﻪﺷﻜﯩﻼﺕ ﺑﺎﺷﻠﯩﻘﻰ ﺷﯘ ﻗﯧﺘﯩﻤﻘﻰ ﺑﺎﻳﺎﻧﺎﺗﯩﺪﺍ ﻣﯘﻧﺪﺍﻕ ﺩﯦﮕﻪﻥ ﺋﯩﺪﻯ: ﺧﯩﺘﺎﻱ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﻗﯩﺰﯨﻘﻤﺎﻳﺪﯗ، ﭘﻪﻗﻪﺕ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻘﺎ ﻗﯩﺰﯨﻘﯩﺪﯗ، ﺷﯘﯕﺎ ﺑﯩﺰ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﻰ ﺭﺍﻳﻮﻧﯩﻤﯩﺰﺩﺍ ﻛﯚﺭﯛﺷﻨﻰ ﺧﺎﻟﯩﻤﺎﻳﻤﯩﺰ.

ﺷﯘﻧﯩﯖﺪﯨﻦ ﻛﯧﻴﯩﻦ ﻫﺎﺯﯨﺮﻏﺎ ﻗﻪﺩﻩﺭ ﺳﯘﺩﺍﻧﺪﯨﻜﻰ ﺧﯩﺘﺎﻱ ﻧﯧﻔﯩﺖ ﺷﯩﺮﻛﻪﺗﻠﯩﺮﻯ ﺋﯜﭺ ﻗﯧﺘﯩﻢ ﻫﯘﺟﯘﻣﻐﺎ ﺋﯘﭼﺮﯨﺪﻯ. ﺑﯘ ﻗﯧﺘﯩﻤﻘﻰ ﯞﻩﻗﻪ 18‏ - ﺋﯚﻛﺘﻪﺑﯩﺮ ﻛﯜﻧﻰ ﻳﯜﺯ ﺑﯧﺮﯨﭗ، ﺧﯩﺘﺎﻱ ﺷﯩﺮﻛﯩﺘﯩﺪﯨﻦ 3 ﻧﻪﭘﻪﺭ ﺋﯧﻨﮋﯨﻨﯧﺮ ﯞﻩ 6 ﻧﻪﭘﻪﺭ ﺋﯩﺸﭽﻰ ﮔﯚﺭﯛﮔﻪ ﺋﯧﻠﯩﻨﺪﻯ.

ﺑﯜﮔﯜﻧﻜﻰ ﺧﻪﯞﻩﺭﻟﻪﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺳﯘﺩﺍﻥ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﻯ، ﺧﯩﺘﺎﻱ ﭘﯘﻗﺮﺍﻟﯩﺮﯨﻨﻰ ﻗﯘﺗﻘﯘﺯﯗﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﺪﺍ ﭘﺎﺭﺗﯩﺰﺍﻧﻼﺭ ﺑﯩﻠﻪﻥ ﺗﻮﻗﯘﻧﯘﺷﻘﺎﻥ، ﺗﻮﻗﯘﻧﯘﺵ ﺟﻪﺭﻳﺎﻧﯩﺪﺍ، ﭘﺎﺭﺗﯩﺰﺍﻧﻼﺭ ﺗﯘﺗﻘﯘﻧﻼﺭﺩﯨﻦ ﺋﺎﺯ ﺩﯦﮕﻪﻧﺪﻩ 4 ﻧﻪﭘﯩﺮﯨﻨﻰ ﺋﯧﺘﯩﭗ ﺋﯚﻟﺘﯜﺭﮔﻪﻥ. ﺧﯩﺘﺎﻱ ﺑﯜﮔﯜﻧﻜﻰ ﺑﺎﻳﺎﻧﺎﺗﯩﺪﺍ ﺳﯘﺩﺍﻥ ﻫﯚﻛﯜﻣﯩﺘﯩﺪﯨﻦ ﻗﺎﻟﻐﺎﻥ ﺗﯘﺗﻘﯘﻧﻼﺭﻧﯩﯔ ﺟﺎﻥ ﯞﻩ ﻣﺎﻝ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺷﻨﻰ ﺗﻪﻟﻪﭖ ﻗﯩﻠﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﻠﻠﻪ ﺑﯘ ﯞﻩﻗﻪ ﺳﻪﯞﻩﺑﻠﯩﻚ ﺳﯘﺩﺍﻥ ﺑﯩﻠﻪﻥ ﺑﻮﻟﻐﺎﻥ ﺩﻭﺳﺘﻠﯘﻕ ﻣﯘﻧﺎﺳﯩﯟﯨﺘﯩﻨﯩﯔ ﺑﯘﺯﯗﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺳﯘﺩﺍﻧﺪﯨﻜﻰ 26 ﯞﯨﻼﻳﻪﺗﺘﯩﻦ ﺑﯩﺮﻯ ﺑﻮﻟﻐﺎﻥ ﺩﺍﺭﻓﯘﺭ، ﻧﯚﯞﻩﺗﺘﻪ ﺳﯘﺩﺍﻧﺪﯨﻜﻰ ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺋﻮﺭﻧﯩﺪﯨﻦ ﺷﯩﻜﺎﻳﻪﺗﭽﻰ، ﺩﺍﺭﻓﯘﺭﺩﯨﻜﻰ ﻳﻪﺭﻟﯩﻚ ﺧﻪﻟﻖ ﺋﯚﺯ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻠﯩﺮﯨﺪﯨﻦ ﺋﯚﺯﻟﯩﺮﻯ ﭘﺎﻳﺪﯨﻠﯩﻨﯩﺶ، ﺋﯚﺯ ﺳﯩﻴﺎﺳﯩﻲ ﺗﻪﻗﺪﯨﺮﯨﻨﻰ ﺋﯚﺯﻟﯩﺮﻯ ﺑﻪﻟﮕﯩﻠﻪﺵ ﺋﯜﭼﯜﻥ ﻛﯜﺭﻩﺵ ﻗﯩﻠﻤﺎﻗﺘﺎ. ﺑﻮﻟﯘﭘﻤﯘ 2003 ‏ - ﻳﯩﻠﺪﯨﻦ ﺑﺎﺷﻼﭖ، ﺩﺍﺭﻓﯘﺭ ﭘﺎﺭﺗﯩﺰﺍﻧﻠﯩﺮﻯ ﺳﯘﺩﺍﻥ ﺩﯙﻟﻪﺕ ﺋﺎﺭﻣﯩﻴﯩﺴﯩﮕﻪ ﻗﻮﺭﺍﻟﻠﯩﻖ ﻗﺎﺭﺷﯩﻠﯩﻖ ﻛﯚﺭﺳﻪﺗﻤﻪﻛﺘﻪ. ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺵ ﺟﻪﺭﻳﺎﻧﯩﺪﺍ 200 ﻣﯩﯖﺪﯨﻦ ﺋﺎﺭﺗﯘﻕ ﻛﯩﺸﻰ ﺋﯚﻟﮕﻪﻥ، 2 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﻛﯩﺸﻰ ﻳﯘﺭﺗﯩﺪﯨﻦ ﺋﺎﻳﺮﯨﻠﻐﺎﻥ.

ﺳﯘﺩﺍﻥ ﻫﯚﻛﯜﻣﯩﺘﯩﻨﯩﯔ ﺩﺍﺭﻓﯘﺭﻟﯘﻗﻼﺭﻧﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﻏﻪﺭﺏ ﺩﯗﻧﻴﺎﺳﻰ ﺋﯧﺘﻨﯩﻚ ﻗﯩﺮﻏﯩﻨﭽﯩﻠﯩﻖ ﺩﻩﭖ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ. ﺧﯩﺘﺎﻱ ﺑﻮﻟﺴﺎ، ﺳﯘﺩﺍﻧﺪﺍ ﺋﻪﯓ ﻛﯚﭖ ﻣﻪﺑﻠﻪﻍ ﺳﺎﻟﻐﺎﻥ ﺩﯙﻟﻪﺕ ﺑﻮﻟﯘﺵ ﺑﯩﻠﻪﻥ ﺑﯩﻠﻠﻪ، ﺳﯘﺩﺍﻥ ﺑﯩﻠﻪﻥ ﻗﻮﺭﺍﻝ - ﻳﺎﺭﺍﻕ ﺳﻮﺩﯨﺴﯩﻨﻰ ﺩﺍﯞﺍﻡ ﻗﯩﻠﻤﺎﻗﺘﺎ. ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﻗﺎﺭﺷﻰ ﺗﯘﺭﯗﺷﺘﺎ، ﺧﯩﺘﺎﻳﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﻰ ﺑﯩﻠﻪﻥ ﺑﯩﺮﻟﯩﻜﺘﻪ، ﺧﯩﺘﺎﻳﻨﯩﯔ ﺩﺍﺭﻓﯘﺭ، ﺑﯧﺮﻣﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﯨﻜﻰ ﺩﯨﻜﺘﺎﺗﻮﺭ ﻫﺎﻛﯩﻤﯩﻴﻪﺗﻠﻪﺭ ﺑﯩﻠﻪﻥ ﺑﯩﻠﻪﻥ ﺑﻮﻟﻐﺎﻥ ﻫﻪﻣﻜﺎﺭﻟﯩﻘﯩﻨﻰ ﺋﺎﺳﺎﺳﻠﯩﻖ ﺳﻪﯞﻩﺏ ﻗﯩﻠﯩﭗ ﻛﯚﺭﺳﻪﺗﻜﻪﻥ ﺋﯩﺪﻯ.

ﻧﯚﯞﻩﺗﺘﻪ ﺧﯩﺘﺎﻱ ﺷﯩﺮﻛﻪﺗﻠﯩﺮﻯ ﭘﺎﻛﯩﺴﺘﺎﻥ، ﻧﯧﮕﯩﺮﯨﻴﻪ ﯞﻩ ﺳﯘﺩﺍﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﭘﺎﺭﺗﯩﺰﺍﻧﻼﺭﻧﯩﯔ ﻫﯘﺟﯘﻣﯩﻐﺎ ﺋﯘﭼﺮﯨﻤﺎﻗﺘﺎ. ﻛﯜﺯﻩﺗﻜﯜﭼﯩﻠﻪﺭ ﺑﯘ ﻫﯘﺟﯘﻣﻼﺭﻧﯩﯔ ﺑﯘﻧﺪﯨﻦ ﻛﯧﻴﯩﻨﻤﯘ ﺗﻮﺧﺘﯩﻤﺎﻳﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺑﯘ ﺟﻪﻫﻪﺗﺘﻪ ﻳﻪﻧﻪ ﺋﯧﻐﯩﺮ ﺑﻪﺩﻩﻝ ﺗﯚﻟﻪﻳﺪﯨﻐﺎﻧﻠﯩﻘﯩﻨﻰ ﺗﻪﺧﻤﯩﻦ ﻗﯩﻠﯩﺸﻤﺎﻗﺘﺎ.

ﺧﻮﯕﻜﻮﯕﺪﯨﻜﻰ ﺧﯩﺘﺎﻱ ﺋﯩﺸﻠﯩﺮﻯ ﺗﻪﺗﻘﯩﻘﺎﺗﭽﯩﺴﻰ david Zweig ﺑﯘ ﻫﻪﻗﺘﻪ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﭘﯩﻜﯩﺮ ﺑﺎﻳﺎﻥ ﻗﯩﻠﯩﭗ، ﺧﯩﺘﺎﻳﻨﯩﯔ ﺋﺎﺧﯩﺮﻯ ﭘﯘﻗﺮﺍﻟﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﻰ ﺳﻪﯞﻩﺑﻠﯩﻚ ﺳﯘﺩﺍﻧﺪﯨﻦ ﭼﯧﻜﯩﻨﯩﺸﻜﻪ ﻣﻪﺟﺒﯘﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﺳﺎﻟﻐﺎﻥ ﻣﻪﺑﻠﯩﻐﯩﻨﯩﯔ ﻛﯚﭘﻠﯜﻛﻰ ﺳﻪﯞﻩﺑﻠﯩﻚ ﭼﯧﻜﯩﻨﯩﺸﻨﯩﯔ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﭘﯜﺗﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺷﺎﯕﺨﻪﻱ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﺎﻓﺮﯨﻘﺎ ﺗﻪﺗﻘﯩﻘﺎﺗﭽﯩﺴﻰ Shu yungo ﺑﻮﻟﺴﺎ، ﺑﯘ ﯞﻩﻗﻪ ﻣﯘﻗﯩﻤﺴﯩﺰ ﺟﺎﻳﻼﺭﻏﺎ ﻣﻪﺑﻠﻪﻍ ﺳﯧﻠﯩﺸﻨﯩﯔ ﺧﻪﯞﭖ - ﺧﻪﺗﯩﺮﯨﺪﯨﻦ ﺑﯩﺮ ﺳﯩﮕﻨﺎﻝ ﺩﻩﭖ ﻛﯚﺭﺳﻪﺗﻜﻪﻥ.

ﮔﻮﻟﻼﻧﺪﯨﻴﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﻳﻐﯘﺭ ﺑﯩﺮﻟﯩﻜﻰ ﺗﻪﺷﻜﯩﻼﺗﻰ ﻗﺎﻧﯘﻧﻰ ﺗﻪﺳﺘﯩﻘﻘﺎ ﺋﯧﺮﯨﺸﺘﻰ

2008 - ﻳﯩﻠﻰ 27 - ﺋﯩﻴﯘﻝ ﻛﯜﻧﻰ ﮔﻮﻟﻼﻧﺪﯨﻴﯩﻨﯩﯔ ﺋﺎﻣﯩﺴﺘﯧﺮﺩﺍﻡ ﺷﻪﻫﺮﯨﺪﻩ ﻗﯘﺭﯗﻟﻐﺎﻥ "ﮔﻮﻟﻼﻧﺪﯨﻴﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﻳﻐﯘﺭ ﺑﯩﺮﻟﯩﻜﻰ" ﺗﻪﺷﻜﯩﻼﺗﻰ، 30 - ﺳﯧﻨﺘﻪﺑﯩﺮ ﻛﯜﻧﻰ ﮔﻮﻟﻼﻧﺪﯨﻴﻪ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺗﻪﺳﺘﯩﻘﻠﯩﻨﯩﭗ، ﺭﻩﺳﻤﯩﻲ ﺑﯩﺮ ﻗﺎﻧﯘﻧﯩﻲ ﺗﻪﺷﻜﯩﻼﺗﻘﺎ ﺋﺎﻳﻼﻧﻐﺎﻥ.

ﺋﺎﻣﯧﺮﯨﻜﺎ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻜﻰ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﻰ ﺩﻩﺭﻫﺎﻝ ﻗﻮﻳﯘﯞﯦﺘﯩﺶ ﺑﯘﻳﺮﯗﻗﯩﻨﻰ ﯞﺍﻗﯩﺘﻠﯩﻖ ﺗﻮﺧﺘﯩﺘﯩﭗ ﻗﻮﻳﺪﻯ

7 - ﺋﯚﻛﺘﻪﺑﯩﺮ ﺋﺎﻣﯧﺮﯨﻜﺎ ﯞﺍﺷﯩﻨﮕﺘﻮﻥ ﺭﺍﻳﻮﻧﻠﯘﻕ ﺳﻮﺕ ﻣﻪﻫﻜﯩﻤﯩﺴﻰ ﺳﻮﺩﯨﻴﯩﺴﻰ ﺭﯨﭽﺎﺭﺩﻭ ﺋﯘﺭﺑﯩﻨﺎ ﺋﻪﭘﻪﻧﺪﻯ، ﮔﯘﻩﻧﺘﺎﻧﺎﻣﻮ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﻰ ﺩﻩﺭﻫﺎﻝ ﻗﻮﻳﯘﯞﯦﺘﯩﺶ ﺑﯘﻳﺮﯗﻗﯩﻨﻰ ﭼﯩﻘﺎﺭﻏﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﻪﺯﻛﯘﺭ ﺑﯘﻳﺮﯗﻕ ﺗﯜﻧﯜﮔﯜﻥ ﻛﻪﭼﻘﯘﺭﯗﻥ ﺋﺎﻣﯧﺮﯨﻜﺎ ﺋﻪﺩﻟﯩﻴﻪ ﻣﯩﻨﯩﺴﺘﯩﺮﻟﯩﻜﻰ ﺗﻪﺭﯨﭙﯩﺪﯨﻦ ﯞﺍﻗﯩﺘﻠﯩﻖ ﺗﻮﺧﺘﯩﺘﯩﭗ ﻗﻮﻳﯘﻟﺪﻯ.

RFA Photo

7 - ﺋﯚﻛﺘﻪﺑﯩﺮ ﺋﻪﺗﯩﮕﻪﻥ ﺳﺎﺋﻪﺕ ﺋﻮﻧﺪﺍ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺳﻮﺕ ﻣﻪﻫﻜﯩﻤﯩﺴﯩﺪﻩ ﺳﻮﺩﯨﻴﻪ ﺭﯨﭽﺎﺭﺩﻭ ﺋﯘﺭﺑﯩﻨﺎ ﺋﻪﭘﻪﻧﺪﻯ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﯩﯔ ﺋﺎﻣﯧﺮﯨﻜﯩﻐﺎ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﻠﯩﺸﻰ ﻛﯧﺮﻩﻛﻠﯩﻜﻰ ﻫﻪﻗﻘﯩﺪﻩ ﺑﯘﻳﺮﯗﻕ ﭼﯜﺷﯜﺭﺩﻯ. ﺳﯜﺭﻩﺕ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﺑﯩﻨﺎﺳﻰ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘﺵ ﻫﯚﻛﯜﻣﯩﺘﻰ ﯞﻩ ﻫﯚﻛﯜﻣﻪﺕ ﺋﺎﺩﯞﯗﻛﺎﺗﻠﯩﺮﻯ ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﯨﻨﯩﯔ ﻣﻪﺯﻛﯘﺭ ﻗﺎﺭﺍﺭﻯ ﺋﯜﺳﺘﯩﺪﯨﻦ ﺋﺎﻣﯧﺮﯨﻜﺎ ﺋﻪﺭﺯﯨﻴﻪﺕ ﺳﻮﺗﯩﻐﺎ ﺋﻪﺭﺯ ﺳﯘﻧﻐﺎﻥ ﺑﻮﻟﯘﭖ، ﻧﻪﺗﯩﺠﯩﺪﻩ ﺋﯜﭺ ﻧﻪﭘﻪﺭ ﺳﻮﺩﯨﻴﻪ ﺑﯩﺮﻟﯩﻜﺘﻪ ﻣﻪﺯﻛﯘﺭ ﺑﯘﻳﺮﯗﻗﻨﻰ " ﻣﻪﻣﯘﺭﯨﻲ ﺟﻪﻫﻪﺗﺘﯩﻦ ﺗﻮﺧﺘﯩﺘﯩﭗ ﻗﻮﻳﯘﺵ" ﻗﺎﺭﺍﺭﻯ ﭼﯩﻘﺎﺭﻏﺎﻥ.

7 - ﺋﯚﻛﺘﻪﺑﯩﺮ ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﻯ ﻫﯚﻛﯜﻣﻪﺕ ﺗﺎﺭﻣﺎﻗﻠﯩﺮﯨﻐﺎ ﮔﯜﺋﺎﻧﺘﺎﻧﺎﻣﻮﺩﯨﻜﻰ 17 ﻧﻪﭘﻪﺭ ﺋﯘﻳﻐﯘﺭﻧﻰ 10 - ﺋﯚﻛﺘﻪﺑﯩﺮ ﺟﯜﻣﻪ ﻛﯜﻧﻰ ﺋﯚﺯ ﺳﻮﺗﺨﺎﻧﯩﺴﯩﻐﺎ ﻫﺎﺯﯨﺮ ﻗﯩﻠﯩﺶ ﻛﯧﺮﻩﻛﻠﯩﻜﯩﻨﻰ ﻫﻪﻣﺪﻩ ﺋﯘﻻﺭﻧﯩﯔ ﻛﯧﻴﯩﻨﻜﻰ ﻣﻪﺳﯩﻠﯩﺴﯩﻨﻰ ﻣﯘﺷﯘ ﻳﻪﺭﺩﻩ ﺑﯩﺮ ﺗﻪﺭﻩﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯘﻳﺮﯗﻏﺎﻥ ﺋﯩﺪﻯ.

ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻣﻪﺯﻛﯘﺭ ﻗﺎﺭﺍﺭﯨﻐﺎ ﻧﺎﺭﺍﺯﻯ

ﮔﯘﻩﻧﺘﺎﻧﺎﻣﻮ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﻰ ﻗﻮﻳﯘﭖ ﺑﯧﺮﯨﺶ ﺑﯘﻳﺮﯗﻗﻰ ﭼﯩﻘﯩﺮﯨﻠﻐﺎﻧﺪﯨﻦ ﻛﯩﻴﯩﻦ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﺋﺎﻗﺴﺎﺭﺍﻱ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﯨﻨﯩﯔ ﻣﻪﺯﻛﯘﺭ ﻗﺎﺭﺍﺭﯨﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ ﯞﻩ ﻣﻪﺯﻛﯘﺭ ﻗﺎﺭﺍﺭﻧﯩﯔ " ﺋﺎﻣﯧﺮﯨﻜﯩﻨﯩﯔ ﻗﺎﻧﯘﻧﯩﻐﺎ ﺧﯩﻼﭖ" ﺋﯩﻜﻪﻧﻠﯩﮕﯩﻨﻰ ﯞﻩ ﺑﯘ ﺧﯩﻠﯩﺪﯨﻜﻰ ﻗﺎﺭﺍﺭﻏﺎ ﻳﻮﻝ ﻗﻮﻳﯘﻟﺴﺎ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺑﺎﺷﻘﺎ ﺗﯘﺗﻘﯘﻧﻼﺭﻧﯩﯔ ﺋﻮﺧﺸﺎﺵ ﯞﺍﺳﯩﺘﯩﻠﻪﺭﻧﻰ ﺗﺎﻟﻠﯩﺸﯩﻐﺎ ﻳﻮﻝ ﺋﯧﭽﯩﭗ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺋﺎﻗﺴﺎﺭﺍﻱ ﺋﺎﺧﺒﺎﺭﺍﺕ ﺋﯩﺸﺨﺎﻧﯩﺴﻰ ﻛﺎﺗﯩﭙﻰ ﺩﺍﻧﺎ ﭘﯧﺮﯨﻨﻮ ﺋﯧﻼﻥ ﻗﯩﻠﻐﺎﻥ ﻣﻪﺯﻛﯘﺭ ﺑﺎﻳﺎﻧﺎﺗﺘﺎ: " ﺋﯚﺯ ﭘﯘﻗﺮﺍﻟﯩﺮﯨﻤﯩﺰﻧﯩﯔ ﻫﻪﻣﺪﻩ ﻣﻪﺯﻛﯘﺭ ﺋﯘﻳﻐﯘﺭﻻﺭﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻛﯚﺯﺩﻩ ﺗﯘﺗﯘﭖ، ﺋﺎﻣﯧﺮﯨﻜﺎ ﻗﻮﺷﻤﺎ ﺷﯩﺘﺎﺗﻠﯩﺮﻯ ﺑﯘ ﻛﯩﺸﯩﻠﻪﺭﻧﻰ ﻗﻮﺑﯘﻝ ﻗﯩﻠﯩﺪﯨﻐﺎﻥ ﺩﯙﻟﻪﺕ ﺗﯧﭙﯩﺸﻘﺎ ﻫﻪﺭﯨﻜﻪﺕ ﻗﯩﻠﯩﺸﻨﻰ ﺩﺍﯞﺍﻣﻼﺷﺘﯘﺭﯨﺪﯗ" ﺩﯦﻴﯩﻠﮕﻪﻥ.

ﺟﺎﻣﯩﻞ ﺟﻪﻓﻔﺎﺭ:" ﺑﯘ ﮔﯘﺋﺎﻧﺘﺎﻧﺎﻣﻮ ﻻﮔﯧﺮﯨﻨﯩﯔ ﻗﺎﻧﯘﻧﯩﻲ ﺋﺎﺳﺎﺳﯩﻐﺎ ﺑﯧﺮﯨﻠﮕﻪﻥ ﺋﺎﮔﺎﻫ"

ﺋﻪﻣﻤﺎ ﺑﻪﺯﻯ ﻗﺎﻧﯘﻧﺸﯘﻧﺎﺱ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﯨﻨﯩﯔ ﻗﺎﺭﺍﺭﯨﻐﺎ ﺑﻪﺭﮔﻪﻥ ﺑﺎﻫﺎﺳﻰ ﺑﺎﺷﻘﯩﭽﻪ ﺑﻮﻟﯘﭖ، ﺋﺎﺳﯩﻴﺎ ﯞﺍﻗﯩﺖ ﮔﯧﺰﯨﺘﯩﺪﻩ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﺎ ﺋﺎﯞﺍﻡ ﺋﻪﺭﻛﯩﻨﻠﯩﻜﻰ ﺋﯩﺘﺘﯩﭙﺎﻗﻰ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﻰ ﭘﺮﻭﮔﺮﺍﻣﻤﯩﺴﯩﻨﯩﯔ ﺩﯨﺮﯦﻜﺘﻮﺭﻯ ﺟﺎﻣﯩﻞ ﺟﻪﻓﻔﺎﺭ:"ﺑﯘ ﺑﯘﺵ ﻫﯚﻛﯜﻣﯩﺘﯩﻨﯩﯔ ﻫﯧﭽﻘﺎﻧﺪﺍﻕ ﻗﺎﻧﯘﻧﯩﻲ ﺋﺎﺳﺎﺳﻰ ﺑﻮﻟﻤﯩﻐﺎﻥ ﮔﯘﻩﻧﺘﺎﻧﺎﻣﻮ ﺳﯩﻴﺎﺳﯩﺘﯩﮕﻪ ﻗﺎﺭﺷﻰ ﭼﯩﻘﯩﺮﯨﻠﻐﺎﻥ ﺑﯩﺮ ﺩﻩﯞﻩﺭ ﺑﯚﻟﮕﯜﭺ ﻗﺎﺭﺍﺭﺩﯗﺭ. ﻫﺎﺯﯨﺮ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺭﯨﺌﺎﻟﻠﯩﻖ ﮔﯘﺋﺎﻧﺘﺎﻧﺎﻣﻮ ﻻﮔﯧﺮﯨﻨﯩﯔ ﺋﻪﺧﻼﻗﻰ ﯞﻩ ﻗﺎﻧﯘﻧﯩﻲ ﺋﺎﺳﺎﺳﯩﻐﺎ ﺑﯧﺮﯨﻠﮕﻪﻥ ﺑﯩﺮ ﺋﺎﮔﺎﻫ" ﺩﯦﮕﻪﻥ ﻫﻪﻣﺪﻩ ﺳﻮﺩﯨﻴﻪ ﺋﯘﺭﺑﯩﻨﺎ ﺋﻪﭘﻪﻧﺪﯨﻨﯩﯔ ﺑﯘ ﻫﻪﻗﺘﯩﻜﻰ ﻗﺎﺭﺍﺭﯨﻨﯩﯔ ﺗﻮﻏﺮﺍ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺋﻪﺭﺯﯨﻴﻪﺕ ﺳﻮﺗﯩﺪﺍ ﺑﯘ ﻫﻪﻗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﻣﯘﻧﺎﺯﯨﺮﯨﺪﻩ ﺋﯜﭺ ﺳﻮﺩﯨﻴﻪ ﺑﯩﺮﻟﯩﻜﺘﻪ ﻗﺎﺭﺍﺭ ﭼﯩﻘﯩﺮﯨﭗ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﯩﯔ ﺋﺎﻣﯧﺮﯨﻜﯩﻐﺎ ﺋﯧﻠﯩﭗ ﻛﯧﻠﯩﻨﯩﺶ ﯞﺍﻗﺘﯩﻨﻰ ﻳﻪﻧﻪ ﺋﻪﯓ ﺋﺎﺯ ﺩﯦﮕﻪﻧﺪﯨﻤﯘ ﺑﯩﺮ ﻫﻪﭘﺘﻪ ﺋﯘﺯﺍﺭﺗﯩﺶ ﻫﻪﻣﺪﻩ ﻣﯘﺷﯘ ﺟﻪﺭﻳﺎﻧﺪﺍ ﻫﻪﺭ ﺋﯩﻜﻜﻰ ﺗﻪﺭﻩﭖ ( ﻳﻪﻧﻰ ﻫﯚﻛﯜﻣﻪﺕ ﯞﻩ ﺋﯘﻳﻐﯘﺭ ﺗﯘﺗﻘﯘﻧﻼﺭ) ﺋﺎﺩﯞﻭﻛﺎﺗﻠﯩﺮﯨﻨﯩﯔ ﻳﻪﻧﯩﻤﯘ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﻣﯘﻧﺎﺯﯨﺮﻩ ﺋﯧﻠﯩﭗ ﺑﯧﺮﯨﺸﯩﻐﺎ ﺷﺎﺭﺍﺋﯩﺖ ﻫﺎﺯﯨﺮﻻﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﯩﯔ ﺋﺎﺩﯞﻭﻛﺎﺗﻰ ﺳﻪﻳﺒﯩﻦ ﯞﻩﻟﯧﺖ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﮕﻪ ﺳﺎﺋﻪﺗﻠﻪﺭ ﻗﺎﻟﻐﺎﻧﺪﺍ ﺋﯩﺸﻼﺭﺩﺍ ﺋﯚﺯﮔﯩﺮﯨﺶ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺋﻪﺳﻠﻰ ﺋﺎﻣﯧﺮﯨﻜﯩﻨﯩﯔ ﻗﺎﻧﯘﻥ ﺋﯩﺠﺮﺍ ﻗﯩﻠﻐﯘﭼﻰ ﺧﺎﺩﯨﻤﻠﯩﺮﻯ ﺋﯘﻳﻐﯘﺭﻻﺭﻧﻰ ﻗﻮﻳﯘﭖ ﺑﯧﺮﯨﺶ ﻫﯚﻛﯜﻣﻰ ﭼﯩﻘﯩﺮﯨﻠﯩﭗ ﺋﻪﺗﯩﺴﯩﻼ ﻳﻪﻧﻰ ﭼﺎﺭﺷﻪﻧﺒﻪ ﻛﯜﻧﻰ ﮔﯘﺋﺎﻧﺘﺎﻧﺎﻣﻮﻏﺎ ﻛﯧﻠﯩﭗ ﺑﻮﻟﻐﺎﻥ ﻫﻪﻣﺪﻩ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﭘﻪﻳﺸﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﯩﻐﺎ ﺋﯧﻠﯩﭗ ﻣﯧﯖﯩﺸﻘﺎ ﺗﻪﻳﻴﺎﺭﻟﯩﻖ ﻛﯚﺭﮔﻪﻥ.

ﺋﺎﺩﯞﻭﻛﺎﺕ ﯞﻩﻟﯧﺖ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭ ﺗﯘﺗﻘﺎﻧﻼﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺶ ﻣﻪﺳﯩﻠﯩﺴﻰ ﺑﻪﻟﻜﯩﻢ ﻳﻪﻧﻪ ﺑﯩﺮ‏ - ﺋﯩﻜﻜﻰ ﻫﻪﭘﺘﻪ ﻛﻪﻳﻨﯩﮕﻪ ﺳﯜﺭﯛﻟﯜﺷﻰ ﻣﯘﻣﻜﯩﻦ ﺋﯩﻜﻪﻥ.

ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺧﯩﺘﺎﻳﻼﺭ ﻗﺎﻳﺘﯘﺭﯗﭖ ﻛﯧﺘﯩﺸﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ

ﺋﯘﻳﻐﯘﺭ ﺗﯘﺗﻘﯘﻧﻼﺭﻧﻰ ﺋﺎﻣﯧﺮﯨﻜﯩﺪﺍ ﻗﻮﻳﯘﯞﯦﺘﯩﺶ ﻗﺎﺭﺍﺭﻯ ﯞﺍﻗﺘﯩﻨﭽﻪ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻥ ﭘﻪﻳﺘﻠﻪﺭﺩﻩ،ﺧﯩﺘﺎﻱ ﺗﻪﺭﻩﭖ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ﺑﯘ ﺋﯘﻳﻐﯘﺭﻻﺭﻧﻰ ﺋﯚﺯﻟﯩﺮﯨﮕﻪ ﻗﺎﻳﺘﯘﺭﯗﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﺪﻯ ﯞﻩ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﺑﯜﮔﯜﻥ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﻰ ﺗﯧﺮﺭﻭﺭﭼﯩﻼﺭ ﺩﻩﭖ ﺋﺎﺗﯩﺪﻯ ﻫﻪﻣﺪﻩ ﺑﯘﻻﺭﻧﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﻛﯧﻠﯩﺶ ﻣﻪﻳﺪﺍﻧﯩﻨﯩﯔ ﺋﯚﺯﮔﻪﺭﻣﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﻳﻪﻧﻪ، ﻫﺎﺯﯨﺮ ﺧﯩﺘﺎﻳﻨﯩﯔ ﻗﺎﻧﯘﻥ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﻥ ﺟﺎﺯﺍﺳﯩﻐﺎ ﻗﺎﺭﺷﻰ ﺗﯘﺭﯗﺵ ﺋﻪﻫﺪﯨﻨﺎﻣﯩﺴﯩﮕﻪ ﺋﯩﻤﺰﺍ ﻗﻮﻳﻐﺎﻥ ﺩﯙﻟﻪﺕ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﺪﺍ ﺗﻪﻥ ﺟﺎﺯﺍﺳﻰ ﻳﻮﻗﻠﯘﻗﯩﻨﻰ ﺋﯩﻠﮕﯩﺮﻯ ﺳﯘﺭﯗﭖ ﻣﻪﺯﻛﯘﺭ ﺋﯘﻳﻐﯘﺭﻻﺭ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﺴﺎ ﺗﻪﻥ ﺟﺎﺯﺍﺳﯩﻐﺎ ﻳﻮﻟﯘﻗﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

"ﺋﯘﻳﻐﯘﺭﻻﺭ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﺴﺎ ﺋﯧﻐﯩﺮ ﺟﺎﺯﺍﻏﺎ ﺋﯘﭼﺮﺍﻳﺪﯗ "

ﻫﺎﻟﺒﯘﻛﻰ، ﯞﺍﺷﯩﻨﮕﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﻰ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺑﺎﺷﻤﺎﻗﺎﻟﯩﺪﺍ، ﺋﺎﻣﯧﺮﯨﻜﺎ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﻯ ﮔﯘﻩﻧﺘﺎﻧﺎﻣﻮ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﻰ ﺋﻪﺳﻠﻰ 2003 - ﻳﯩﻠﯩﻼ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻧﻼﺭ ﻗﺎﺗﺎﺭﯨﻐﺎ ﻛﯩﺮﮔﯜﺯﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﺴﺎ ﺋﯧﻐﯩﺮ ﺟﺎﺯﺍﻏﺎ ﺋﯘﭼﺮﺍﭖ ﻛﯧﺘﯩﺶ ﺗﻪﻫﺪﯨﺘﻰ ﺑﻮﻟﻐﺎﭼﻘﺎ ﻻﮔﯩﺮﺩﺍ ﺩﺍﯞﺍﻣﻠﯩﻖ ﻗﺎﻟﺪﯗﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﯞﻩ: " ﺑﯩﺰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺷﻨﯩﯔ ﺑﯘ ﻛﯩﺸﯩﻠﻪﺭﻧﯩﯔ ﺑﯩﺮ ﻗﯩﺴﻤﯩﻐﺎ ﭘﺎﻧﺎﻫﻠﯩﻖ ﺑﯧﺮﯨﺸﯩﻨﻰ ﺟﯩﺪﺩﯨﻲ ﺗﻪﻟﻪﭖ ﻗﯩﻠﯩﻤﯩﺰ. ﺋﻪﮔﻪﺭ ﺋﯘ ﺷﯘﻧﺪﺍﻕ ﻗﯩﻠﻐﺎﻥ ﺑﻮﻟﺴﺎ ﺋﯩﺪﻯ، ﺋﻪﺩﯨﻠﯩﻴﻪ ﺋﻮﺭﮔﺎﻧﻠﯩﺮﯨﻨﯩﯔ ﻣﯘﺩﺍﺧﯩﻠﻪ ﻗﯩﻠﯩﺸﯩﺪﯨﻦ ﺳﺎﻗﻠﯩﻨﯩﭗ ﻗﺎﻟﻐﺎﻥ ﺑﻮﻻﺭ ﺋﯩﺪﻯ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺑﺎﺵ ﻣﺎﻗﺎﻟﯩﺪﻩ ﻳﻪﻧﻪ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺑﯘ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﯨﻨﯩﯔ ﺋﺎﻟﻠﯩﻘﺎﭼﺎﻥ ﺩﯗﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺳﻠﯩﻜﯩﻨﻰ، ﺋﯘﻻﺭﻧﯩﯔ ﺋﺎﻣﯧﺮﯨﻜﯩﻨﯩﯔ ﺩﯙﻟﻪﺕ ﻣﻪﻧﭙﻪﺋﻪﺗﻰ ﯞﻩ ﺑﯩﺨﻪﺗﻪﺭﻟﯩﻜﯩﮕﻪ ﻗﺎﺭﯨﺘﺎ ﺯﯨﻴﺎﻥ ﺳﺎﻟﯩﺪﯨﻐﺎﻥ ﻏﻪﺭﯨﺰﻯ ﻳﻮﻗﻠﯘﻗﯩﻨﻰ ﺋﯩﺴﭙﺎﺗﻼﭖ ﭼﯩﻘﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﯩﭗ "ﺑﯘ ﻛﯩﺸﯩﻠﻪﺭﻧﯩﯔ ﺋﺎﻟﻠﯩﺒﯘﺭﯗﻥ ﺷﯜﺑﻬﯩﺴﯩﺰ ﻫﺎﻟﺪﺍ ﻗﻮﻳﯘﭖ ﺑﯧﺮﯨﻠﯩﺸﻰ ﻛﯧﺮﻩﻙ ﺋﯩﺪﻯ" ﺩﯦﻴﯩﻠﮕﻪﻥ ﻫﻪﻣﺪﻩ ﺑﯘ ﺋﯘﻳﻐﯘﺭﻻﺭﻧﯩﯔ ﺑﯩﺮﺩﯨﻦ - ﺑﯩﺮ ﺩﯛﺷﻤﯩﻨﯩﻨﯩﯔ ﺋﺎﻣﯧﺮﯨﻜﺎ ﺋﻪﻣﻪﺱ ﺑﻪﻟﻜﻰ ﺧﯩﺘﺎﻱ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﭖ، ﺑﯘﻻﺭﻧﯩﯔ ﺩﯗﺷﻤﻪﻧﻠﯩﻜﯩﻨﯩﯔ ﺗﯩﻎ ﺋﯘﭼﻰ ﺋﯚﺯﻟﯩﺮﻯ ﻛﻪﻟﮕﻪﻥ ﺧﯩﺘﺎﻱ، ﻳﻪﻧﻰ ﺋﯘﻳﻐﯘﺭﻻﺭﻧﻰ ﻗﻪﺑﯩﻬ ﺑﺎﺳﺘﯘﺭﯗﺵ ﺗﺎﺭﯨﺨﯩﻐﺎ ﺋﯩﮕﻪ ﺧﯩﺘﺎﻱ ﻫﯚﻛﯜﻣﯩﺘﯩﺪﯗﺭ" ﺩﻩﭖ ﻳﯧﺰﯨﻠﻐﺎﻥ.

ﺋﯘﻳﻐﯘﺭ ﺟﺎﻣﺎﺋﯩﺘﻰ ﺋﯚﺯ ﻫﺎﻣﯩﻴﻠﯩﻘﯩﻐﺎ ﺋﺎﻟﻤﺎﻗﭽﻰ

ﯞﺍﺷﯩﻨﮕﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﯩﺪﻩ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﻳﻪﻧﻪ ﺑﯩﺮ ﭘﺎﺭﭼﻪ ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﯞﻩ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺩﯗﺷﻤﻪﻥ ﺟﻪﯕﭽﻰ ﺋﻪﻣﻪﺱ ﺩﻩﭖ ﺑﯧﻜﯩﺘﯩﻠﮕﻪﻥ ﺑﯘ ﺋﯘﻳﻐﯘﺭﻻﺭﻧﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﺑﻪﺭﻣﻪﺳﻠﯩﻜﯩﺪﯨﻜﻰ ﺑﯩﺮﯨﺪﯨﻦ ‏ - ﺑﯩﺮ ﺳﻪﯞﻩﺏ ﺑﯘ ﺋﯘﻳﻐﯘﺭ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﺴﺎ ﻗﯩﻴﻨﺎﺷﻘﺎ ﯞﻩ ﺗﻪﻥ ﺟﺎﺯﺍﺳﯩﻐﺎ ﺗﺎﺭﺗﯩﻠﯩﺶ ﺧﻪﺗﯩﺮﯨﮕﻪ ﻳﻮﻟﯘﻗﯩﺪﯨﻐﺎﻧﻠﯩﻘﯩﺪﺍ ﺋﯩﻜﻪﻥ.

ﺧﻪﯞﻩﺭﺩﻩ ﻣﯘﻧﺪﺍﻕ ﻛﯚﺭﺳﯩﺘﯩﻠﮕﻪﻥ: " ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ ﺋﯚﺯ ﺋﺎﻧﺎ ﯞﻩﺗﯩﻨﯩﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯘﭼﯘﻥ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺑﯘ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﯩﻼﺭ ﺩﻩﭖ ﻗﺎﺭﺍﻳﺪﯗ".

ﻫﺎﺯﯨﺮ ﮔﯘﻩﻧﺘﺎﻧﺎﻣﻮ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ 17 ﻧﻪﭘﻪﺭ ﺋﯘﻳﻐﯘﺭ ﻗﺎﻣﺎﻟﻐﺎﻥ ﺑﻮﻟﯘﭖ، ﺋﻪﮔﻪﺭ ﺑﯘﻻﺭ ﺋﺎﻣﯧﺮﯨﻜﯩﻐﺎ ﻗﻮﻳﯘﭖ ﺑﯧﺮﯨﻠﺴﻪ، ﺋﺎﻣﯧﺮﯨﻜﺎ ﯞﺍﺷﯩﻨﮕﺘﻮﻥ ﺭﺍﻳﻮﻧﯩﺪﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﻰ ﺑﯘﻻﺭﻧﻰ ﺋﯚﺯ ﻫﺎﻣﯩﻴﻠﯩﻘﯩﻐﺎ ﺋﺎﻟﯩﺪﯨﻐﺎﻧﻠﯩﻘﻰ ﺋﯜﺳﺘﯩﺪﻩ ﯞﻩﺩﻩ ﺑﯧﺮﯨﺸﻜﻪﻥ ﻫﻪﻣﺪﻩ ﺋﺎﻣﯧﺮﯨﻜﯩﺪﯨﻜﻰ ﺑﻪﺯﻯ ﺋﯩﺠﺘﯩﻤﺎﺋﯩﻲ ﯞﻩ ﺋﯩﻨﺴﺎﻧﯩﻲ ﻳﺎﺭﺩﻩﻡ ﺗﻪﺷﻜﯩﻼﺗﻠﯩﺮﯨﻤﯘ ﺑﯘ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺵ ﯞﻩ ﺟﻪﻣﺌﯩﻴﻪﺗﻜﻪ ﻣﺎﺳﻠﯩﺸﯩﺶ ﺋﯩﺸﻠﯩﺮﯨﻐﺎ ﻳﺎﺭﺩﻩﻣﺪﻩ ﺑﻮﻟﺪﯨﻐﺎﻧﻠﯩﻘﯩﻨﻰ ﺳﻮﺗﭽﯩﻐﺎ ﻳﻪﺗﻜﯜﺯﮔﻪﻥ ﺋﯩﺪﻯ.

ﮔﯘﺋﺎﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﺎﻣﯧﺮﯨﻜﯩﻐﺎ ﻗﻮﻳﯘﭖ ﺑﯧﺮﯨﻠﯩﺸﻰ ﻗﺎﺭﺍﺭ ﻗﯩﻠﯩﻨﺪﻯ

7- ﺋﯚﻛﺘﻪﺑﯩﺮ ﺳﻪﻳﺸﻪﻧﺒﻪ ﻛﯜﻧﻰ ﯞﺍﺷﯩﻨﮕﺘﻮﻧﺪﯨﻜﻰ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺳﻮﺗﯩﺪﺍ ﮔﯘﺋﺎﻧﺘﺎﻧﺎﻣﻮﺩﯨﻜﻰ 17 ﻧﻪﭘﻪﺭ ﺋﯘﻳﻐﯘﺭ ﺗﯘﺗﻘﯘﻧﻼﺭﻧﯩﯔ ﺋﺎﻣﯧﺮﯨﻜﯩﻐﺎ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﻠﯩﺸﻰ ﻗﺎﺭﺍﺭ ﻗﯩﻠﯩﻨﺪﻯ ﺷﯘﻧﺪﺍﻗﻼ ﺋﯘﻻﺭﻧﯩﯔ 10 - ﺋﯚﻛﺘﻪﺑﯩﺮ ﺟﯜﻣﻪ ﻛﯜﻧﻰ ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﻐﺎ ﻳﻪﺗﻜﯜﺯﯛﻟﯜﺷﻰ ﺑﯘﻳﺮﯗﻟﺪﻯ.
ﻳﻪﺗﺘﻪ ﻳﯩﻠﺪﯨﻦ ﺑﯘﻳﺎﻥ ﮔﯘﺋﺎﻧﺘﺎﻧﺎﻣﻮﺩﯨﻜﻰ ﻫﻪﺭﺑﯩﻲ ﺗﯜﺭﻣﯩﮕﻪ ﻗﺎﻣﺎﻟﻐﺎﻥ ﺋﯘﻳﻐﯘﺭ ﺗﯘﺗﻘﯘﻧﻠﯩﺮﻯ ﺋﯜﺳﺘﯩﺪﻩ ﺋﯧﭽﯩﻠﻐﺎﻥ ﻣﻪﺯﻛﯜﺭ ﺳﻮﺗﻘﺎ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﺭﻩﻫﺒﯩﺮﻯ ﺭﺍﺑﯩﻴﻪ ﺧﺎﻧﯩﻢ ﺑﺎﺷﻠﯩﻖ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ 50 ﺗﯩﻦ ﺋﺎﺭﺗﯘﻕ ﺋﯘﻳﻐﯘﺭﻻﺭ ﻫﻪﻣﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﭖ ﻛﯧﻠﯩﯟﺍﺗﻘﺎﻥ ﺑﯩﺮ ﻗﯩﺴﯩﻢ ﺋﻪﺭﺑﺎﺑﻼﺭﻣﯘ ﻗﺎﺗﻨﺎﺷﺘﻰ. ﻣﻪﺯﻛﯜﺭ ﺧﻪﯞﻩﺭ , CNN, AFP, VOA ﻗﺎﺗﺎﺭﻟﯩﻖ ﺩﺍﯕﻠﯩﻖ ﺧﻪﻟﻘﺌﺎﺭﺍﻟﯩﻖ ﺧﻪﯞﻩﺭ ﺋﺎﮔﯧﻨﺘﻠﯩﻘﻠﯩﺮﯨﻨﯩﯔ ﺑﯜﮔﯜﻧﻜﻰ ﻧﯘﻗﺘﯩﻠﯩﻖ ﺧﻪﯞﯨﺮﯨﮕﻪ ﺋﺎﻳﻼﻧﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﻣﯧﺮﯨﻜﯩﻨﯩﯔ ﻣﻪﺯﻛﯜﺭ ﻗﺎﺭﺍﺭﯨﻐﺎ ﻗﺎﺗﺘﯩﻖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﺑﻮﻟﯘﭖ، ﺑﯜﮔﯜﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ " ﺑﯩﺰ ﺋﺎﻣﯧﺮﯨﻜﯩﻨﯩﯔ ﺑﯘ ﺋﯘﻳﻐﯘﺭ ﺗﯧﺮﺭﻭﺭﭼﯩﻼﺭﻧﻰ ﺟﯘﯕﮕﻮﻧﯩﯔ ﺑﯩﺮ ﺗﻪﺭﻩﭖ ﻗﯩﻠﯩﺸﯩﻐﺎ ﻗﺎﻳﺘﯘﺭﯗﭖ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﯩﻤﯩﺰ " ﺩﯦﮕﻪﻥ.

ﺋﺎﻣﯧﺮﯨﻜﯩﻨﯩﯔ ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﺋﻪﺳﻠﻰ 22 ﺋﯘﻳﻐﯘﺭ ﻗﺎﻣﺎﻟﻐﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﻫﻪﻣﻤﯩﺴﻰ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺩﯛﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺱ ﺩﻩﭖ ﺋﺎﻗﻼﻧﻐﺎﻧﺪﯨﻦ ﻛﯧﻴﯩﻦ، ﺑﯘﻻﺭﻧﯩﯔ ﺑﻪﺵ ﻧﻪﭘﯩﺮﻯ2006 - ﻳﯩﻠﻰ ﺋﺎﻗﻠﯩﻨﯩﭗ ﺋﺎﻟﺒﺎﻧﯩﻴﯩﮕﻪ ﻳﻪﺭﻟﻪﺷﺘﯜﺭﯛﻟﮕﻪﻥ. ﺑﯜﮔﯜﻥ ﺋﺎﻣﯧﺮﯨﻜﯩﻐﺎ ﻗﻮﻳﯘﭖ ﺑﯧﺮﯨﻠﯩﺸﻰ ﻗﺎﺭﺍﺭ ﻗﯩﻠﯩﻨﻐﺎﻥ ﺑﯘ 17 ﻧﻪﭘﻪﺭ ﺋﯘﻳﻐﯘﺭﻧﻰ ﺑﺎﺷﻘﺎ ﻫﯧﭽﻘﺎﻧﺪﺍﻕ ﺩﯙﻟﻪﺕ ﻗﻮﺑﯘﻝ ﻗﯩﻠﻤﯩﻐﺎﻥ ﺷﺎﺭﺍﺋﯩﺘﺘﯩﻤﯘ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺋﯘﻻﺭﻧﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﭖ ﺑﯧﺮﯨﺸﻨﻰ ﺭﻩﺕ ﻗﯩﻠﯩﭗ ﻛﻪﻟﮕﻪﻥ ﺋﯩﺪﻯ.

ﺑﯜﮔﯜﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﻰ ﺑﯘ 17 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺋﺎﻣﯧﺮﯨﻜﯩﻐﺎ ﻗﻮﻳﯘﭖ ﺑﯧﺮﯨﻠﯩﺸﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﺎﺭﻟﯩﻖ ﻣﻪﺗﺒﯘﺋﺎﺗﻼﺭﻏﺎ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، " ﺑﯘ ﺋﯘﻳﻐﯘﺭﻻﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﻰ ﺋﺎﻣﯧﺮﯨﻜﯩﻨﯩﯔ ﻗﺎﻧﯘﻥ ﻫﻪﻡ ﺋﻪﺩﻟﯩﻴﻪ ﺳﯧﺴﺘﯩﻤﯩﺴﯩﻨﯩﯔ ﺋﺎﺩﯨﻠﻠﯩﻘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﯩﺴﭙﺎﺗﻠﯩﺪﻯ ﯞﻩ ﻳﻪﻧﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﻰ ﺩﻩﭖ ﻗﺎﺭﯨﻠﯩﺸﯩﻨﯩﯔ ﭘﯜﺗﯜﻧﻠﻪﻱ ﻳﺎﻟﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﺋﯧﭽﯩﭗ ﺑﻪﺭﺩﻯ " ﺩﯦﺪﻯ.

ﺋﯘﻳﻐﯘﺭ ﺩﯨﻴﺎﺭﯨﺪﺍ ﺗﯘﻧﺠﻰ ﻗﯧﺘﯩﻢ ﺳﯧﻠﯩﻨﻐﺎﻥ ﻣﻪﺳﭽﯩﺪ

ﺋﯘﻳﻐﯘﺭﻻﺭ ﺋﻪﺯﻩﻟﺪﯨﻦ ﺋﯚﺯﻟﯩﺮﻯ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﻗﻮﻏﺪﺍﺵ ﯞﻩ ﺋﯚﺯﻟﯩﺮﻯ ﻣﻪﻧﺴﯘﭖ ﺑﻮﻟﻐﺎﻥ ﺩﯨﻨﻐﺎ ﺳﺎﺩﺍﻗﻪﺕ ﺑﺎﻏﻼﺷﺘﺎ ﺋﻪﯓ ﺋﺎﻟﺪﯨﻨﻘﻰ ﺧﻪﻟﯩﻘﺘﯘﺭ. ﺩﯗﻧﻴﺎﺩﺍ ﺋﻪﺭﻩﺏ ﻣﯩﻠﻠﯩﺘﯩﺪﯨﻦ ﺑﺎﺷﻼﭖ ﺋﯩﺴﻼﻡ ﺩﯨﻨﯩﻐﺎ ﻣﻪﻧﺴﯘﭖ ﺑﻮﻟﻐﺎﻥ ﺧﻪﻟﻘﻠﻪﺭﻧﯩﯔ ﺋﯩﭽﯩﺪﻩ ﺑﺎﺷﻘﺎ ﺩﯨﻨﻼﺭﻏﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺋﺎﺯ ﺳﺎﻧﻠﯩﻘﻼﺭ ﺑﺎﺭ ﺗﯘﺭﯗﭖ، ﺋﯘﻳﻐﯘﺭﻻﺭﺩﺍ ﻣﯘﺳﯘﻟﻤﺎﻥ ﺑﻮﻟﻐﺎﻥ ﺗﺎﺭﯨﺨﯩﺪﯨﻦ ﺑﺎﺷﻼﭖ ﺑﺎﺷﻘﺎ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺑﯩﺮﻣﯘ ﺋﯘﻳﻐﯘﺭ ﻳﻮﻗﻠﯩﻘﯩﻤﯘ ﺋﯘﻳﻐﯘﺭﻻﺭﻧﯩﯔ ﺋﯚﺯﻟﯩﺮﯨﻨﯩﯔ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﻗﻮﻏﺪﺍﺷﺘﺎ ﯞﻩ ﺋﻪﺟﺪﺍﺩﻟﯩﺮﯨﻨﯩﯔ ﺋﻪﻧﺌﻪﻧﯩﺴﯩﮕﻪ ﯞﺍﺭﯨﺴﻠﯩﻖ ﻗﯩﻠﯩﺸﺘﺎ ﻧﻪﻗﻪﺩﻩﺭ ﻣﯘﻧﻪﯞﯞﻩﺭ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺪﯗ.

ھېتگاھ جامەسىدىن بىر كۆرۈنۈش.

ﭘﻪﻳﻐﻪﻣﺒﯩﺮﯨﻤﯩﺰ ﻫﻪﺯﺭﯨﺘﻰ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻡ ﺗﺎﺭﯨﺨﺘﺎ ﺗﯘﻧﺠﻰ ﻗﯧﺘﯩﻢ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﻣﻪﺳﭽﯩﺪ ﺳﺎﻟﻐﺎﻥ ﺑﻮﻟﺴﺎ، ﺋﯘﻳﻐﯘﺭﻻﺭ ﺗﯜﺭﻛﯩﻲ ﺧﻪﻟﻘﻠﻪﺭ ﺋﯩﭽﯩﺪﻩ ﺗﯘﻧﺠﻰ ﺑﻮﻟﯘﭖ ﻣﻪﺳﭽﯩﺪ ﺳﺎﻟﻐﺎﻥ ﺧﻪﻟﯩﻘﺘﯘﺭ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﻟﯧﺘﯩﭗ ﻫﺎﺟﯩﻢ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺗﯘﻧﺠﻰ ﻗﯧﺘﯩﻢ ﺳﯧﻠﯩﻨﻐﺎﻥ ﻣﻪﺳﭽﯩﺪ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯨﺪﻯ:" ﺋﯘﻳﻐﯘﺭ ﺩﯨﻴﺎﺭﯨﺪﺍ ﺗﯘﻧﺠﻰ ﻣﻪﺳﭽﯩﺘﻨﯩﯔ ﺳﯧﻠﯩﻨﯩﺸﻰ ﺑﯘ ﺟﺎﻳﻐﺎ ﺋﯩﺴﻼﻡ ﺩﯨﻨﯩﻨﯩﯔ ﺩﻩﺳﻠﻪﭖ ﻛﯩﺮﯨﺸﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﺑﯘ ﺋﯩﻜﻜﯩﺴﻰ ﺋﺎﺳﺎﺳﻪﻥ ﺑﯩﺮ ﻣﻪﺯﮔﯩﻠﮕﻪ ﺗﻮﻏﺮﺍ ﻛﯧﻠﯩﺪﯗ. ﻗﻪﺷﻘﻪﺭ ﺟﺎﻣﯩﺴﻰ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﻪﯓ ﻗﻪﺩﯨﻤﯩﻲ ﻣﻪﺳﭽﯩﺪ ﻫﯧﺴﺎﺑﻼﻧﺴﯩﻤﯘ، ﺋﻪﯓ ﺑﺎﻟﺪﯗﺭ ﺳﯧﻠﯩﻨﻐﺎﻥ ﺗﯘﻧﺠﻰ ﻣﻪﺳﭽﯩﺪ ﻫﯧﺴﺎﺑﻼﻧﻤﺎﻳﺪﯗ. 13 - ﺋﻪﺳﯩﺮﺩﻩ ﺋﯚﺗﻜﻪﻥ ﺋﺎﺗﺎﻗﻠﯩﻖ ﺋﯘﻳﻐﯘﺭ ﺋﺎﻟﯩﻤﻰ ﺟﺎﻣﺎﻝ ﻗﺎﺭﺷﻰ ﻗﻪﺷﻘﻪﺭﯨﻴﻪ ﺧﺎﻥ ﺟﻪﻣﻪﺗﻰ ﻛﯘﺗﯘﺑﺨﺎﻧﯩﺴﯩﺪﯨﻦ ﺗﺎﭘﻘﺎﻥ 11 - ﺋﻪﺳﯩﺮﺩﻩ ﻳﯧﺰﯨﻠﻐﺎﻥ " ﺳﯘﺧﻬﺎﻫ" ﻧﺎﻣﻠﯩﻖ ﺋﻪﺳﻪﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 9 - ﺋﻪﺳﯩﺮﻧﯩﯔ ﺋﺎﺧﯩﺮﻗﻰ ﻣﻪﺯﮔﯩﻠﻠﯩﺮﯨﺪﻩ ﻫﺎﺯﯨﺮﻗﻰ ﺋﯘﻳﻐﯘﺭ ﺩﯨﻴﺎﺭﻯ ﺑﯩﻠﻪﻥ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﻛﯜﭼﻠﯜﻙ ﺋﯩﻜﻜﻰ ﭼﻮﯓ ﺩﯙﻟﻪﺕ ﻗﻪﺩ ﻛﯚﺗﻪﺭﮔﻪﻥ ﺑﻮﻟﯘﭖ، ﺑﯘﻧﯩﯔ ﺑﯩﺮﻯ ﺑﯘﺩﺩﺍ ﯞﻩ ﻣﺎﻧﯩﻲ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﻰ، ﻳﻪﻧﻪ ﺑﯩﺮﻯ ﺋﯩﺴﻼﻡ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻥ ﺳﺎﻣﺎﻧﯩﻴﻼﺭ ﺳﯘﻻﻟﯩﺴﻰ ﺋﯩﺪﻯ. ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﯩﻨﯩﯔ 3 - ﺋﻪﯞﻻﺩ ﺧﺎﻧﻰ ﺋﻮﻏﯘﻟﭽﺎﻕ ﻫﺎﻛﯩﻤﯩﻴﻪﺕ ﻳﯜﺭﮔﯜﺯﯛﯞﺍﺗﻘﺎﻥ ﻣﻪﺯﮔﯩﻠﻠﻪﺭﺩﻩ ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﻰ ﺑﯩﻠﻪﻥ ﺳﺎﻣﺎﻧﯩﻴﻼﺭ ﺳﯘﻻﻟﯩﺴﻰ ﺋﻮﺗﺘﯘﺭﯨﺴﯩﺪﺍ ﺯﯨﺪﺩﯨﻴﻪﺕ ﻳﯜﺯ ﺑﯧﺮﯨﭗ، ﺑﯘﻻﺭ ﺑﯩﺮ - ﺑﯩﺮﯨﺪﯨﻦ ﺋﺎﻻﻗﯩﺴﯩﻨﻰ ﺋﯜﺯﯨﺪﯗ. 893 - ﺳﺎﻣﺎﻧﯩﻴﻼﺭ ﺳﯘﻻﻟﯩﺴﻰ ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﯩﮕﻪ ﻫﯘﺟﯘﻡ ﻗﯩﻠﯩﭗ، ﻗﺎﺭﺍﺧﺎﻧﯩﻴﻼﺭﻧﯩﯔ 2 - ﭘﺎﻳﺘﻪﺧﺘﻰ ﺗﺎﻻﺳﻨﻰ ﺑﯧﺴﯩﯟﺍﻟﯩﺪﯗ. ﺷﯘﻧﯩﯖﺪﯨﻦ ﻛﯧﻴﯩﻦ ﻗﺎﺭﺍﺧﺎﻧﯩﻴﻼﺭ ﭘﺎﻳﺘﻪﺧﺘﯩﻨﻰ ﻗﻪﺷﻘﻪﺭﮔﻪ ﻳﯚﺗﻜﻪﻳﺪﯗ. ﺋﯘﺯﺍﻕ ﺋﯚﺗﻤﻪﻱ ﺳﺎﻣﺎﻧﯩﻴﻼﺭ ﺳﯘﻻﻟﯩﺴﻰ ﺋﯩﭽﯩﺪﻩ ﺋﯩﭽﻜﻰ ﺋﯘﺭﯗﺵ ﭼﯩﻘﯩﭗ، ﺑﯘ ﺋﯘﺭﯗﺷﺘﺎ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﯨﻐﺎﻥ ﺷﺎﻫﺰﺍﺩﻩ ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻲ ﺳﻮﺩﯨﮕﻪﺭ ﻗﯩﻴﺎﭘﯩﺘﯩﺪﻩ ﻗﺎﺭﺍﺧﺎﻧﯩﻴﻼﺭ ﺩﯙﻟﯩﺘﯩﮕﻪ ﻛﯩﺮﯨﭗ ﭘﺎﻧﺎﻫﻠﯩﻨﯩﺪﯗ. ﻗﺎﺭﺍﺧﺎﻧﯩﻴﻼﺭ ﺧﺎﻧﻰ ﺋﻮﻏﯘﻟﭽﺎﻗﻤﯘ ﺋﯚﺯﯨﻨﯩﯔ ﺋﻪﺷﻪﺩﺩﯨﻲ ﺭﻩﻗﯩﺒﻰ ﺳﺎﻣﺎﻧﯩﻴﻼﺭ ﺗﻪﺭﯨﭙﯩﺪﯨﻦ ﻛﻪﻟﮕﻪﻥ ﺑﯘ ﺷﺎﻫﺰﺍﺩﯨﺪﯨﻦ ﭘﺎﻳﺪﯨﻠﯩﻨﯩﺶ ﺋﯜﭼﯜﻥ ﺋﯘﻧﻰ ﺋﯩﺰﺯﻩﺕ - ﺋﯩﻜﺮﺍﻣﻼﺭ ﺑﯩﻠﻪﻥ ﻗﺎﺭﺷﻰ ﺋﺎﻟﯩﺪﯗ ﯞﻩ ﺋﺎﺗﯘﺷﺘﺎ ﺋﺎﺯﺍﺩﻩ ﻫﺎﻳﺎﺕ ﻛﻪﭼﯜﺭﯛﺷﯩﮕﻪ ﻛﯧﭙﯩﻠﻠﯩﻖ ﻗﯩﻠﯩﺪﯗ. ﺋﺎﺗﯘﺷﻘﺎ ﻳﻪﺭﻟﻪﺷﻜﻪﻥ ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻲ ﻛﯩﺸﯩﻠﻪﺭﻧﻰ ﺋﯩﺴﻼﻡ ﺩﯨﻨﯩﻐﺎ ﺩﻩﯞﻩﺕ ﻗﯩﻠﯩﺸﻘﺎ ﺑﺎﺷﻼﭖ، ﺷﯘ ﺋﺎﺭﯨﺪﺍ ﺋﻮﻏﯘﻟﭽﺎﻗﻨﯩﯔ ﺟﯩﻴﻪﻥ ﺋﻮﻏﻠﻰ ﺳﻮﺗﯘﻕ ﺑﯘﻏﺮﺍ ﺧﺎﻧﻨﻰ ﻣﯘﺳﯘﻟﻤﺎﻥ ﻗﯩﻠﯩﺸﺘﺎ ﻏﻪﻟﯩﺒﻪ ﻗﯩﻠﯩﺪﯗ. ﺷﯘ ﯞﺍﻗﯩﺘﺘﺎ ﺋﺎﺗﯘﺷﺘﺎ ﻣﯘﺳﯘﻟﻤﺎﻧﻼﺭ ﺳﺎﻧﯩﻨﯩﯔ ﻛﯚﭘﯩﻴﯩﺸﻰ ﺑﯩﻠﻪﻥ ﻣﻪﺳﭽﯩﺪ ﺳﯧﻠﯩﺸﻘﺎ ﺋﯧﻬﺘﯩﻴﺎﺝ ﺗﯘﻏﯘﻟﯘﭖ ﺗﯘﻧﺠﻰ ﻣﻪﺳﭽﯩﺘﻨﻰ ﺳﺎﻟﯩﺪﯗ."

"ﻛﺎﻻ ﺗﯧﺮﯨﺴﻰ ﭘﯩﻼﻧﻰ"ﻧﯩﯔ ﺋﻪﻣﻪﻟﮕﻪ ﺋﯧﺸﯩﺸﻰ

ﺋﺎﺑﺪﯗﻟﯧﺘﯩﭗ ﻫﺎﺟﯩﻢ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺗﯘﻧﺠﻰ ﻣﻪﺳﭽﯩﺘﻨﯩﯔ ﺳﯧﻠﯩﻨﯩﺸﯩﺪﯨﻜﻰ ﻗﯩﺰﯨﻘﺎﺭﻟﯩﻖ ﻗﯩﺴﺴﻪ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻳﻪﻧﻪ ﻣﯘﻧﺪﺍﻕ ﺩﯨﺪﻯ:" ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ " ﺳﯘﺧﻬﺎﻫ" ﻧﺎﻣﻠﯩﻖ ﺋﻪﺳﻪﺭﺩﻩ ﺋﯧﻴﺘﯩﻠﯩﺸﯩﭽﻪ، ﻗﺎﺭﺍﺧﺎﻧﯩﻴﻼﺭﻧﯩﯔ ﺷﯘ ﯞﺍﻗﯩﺘﺘﯩﻜﻰ ﺧﺎﻧﻰ ﺋﻮﻏﯘﻟﭽﺎﻕ ﻣﯘﺳﯘﻟﻤﺎﻧﻼﺭﻧﻰ ﻳﺎﻗﺘﯘﺭﻣﺎﻳﺪﯨﻜﻪﻥ. ﻫﻪﺗﺘﺎ ﺩﯙﻟﯩﺘﯩﺪﻩ ﺋﯩﺴﻼﻡ ﺩﯨﻨﯩﻨﻰ ﺗﻪﺷﯟﯨﻖ ﻗﯩﻠﯩﺸﻘﺎ ﻳﻮﻝ ﻗﻮﻳﻤﺎﻳﺪﯨﻜﻪﻥ. ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻲ ﺋﯘﻧﯩﯔ ﺋﻪﺷﻪﺩﺩﯨﻲ ﺭﻩﻗﯩﺒﯩﻨﯩﯔ ﺋﺎﺋﯩﻠﯩﺴﯩﺪﯨﻦ ﺑﻮﻟﻐﺎﻥ ﺑﯩﺮ ﺷﺎﻫﺰﺍﺩﻩ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺋﯘﻧﯩﯖﺪﯨﻦ ﭘﺎﻳﺪﯨﻠﯩﻨﯩﺶ ﯞﻩ ﺩﯛﺷﻤﻪﻧﻨﯩﯔ ﺋﯩﭽﻜﻰ ﺋﻪﻫﯟﺍﻟﯩﻨﻰ ﺑﯩﻠﯩﺶ ﺋﯜﭼﯜﻥ ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻴﻐﺎ ﻧﺎﻫﺎﻳﯩﺘﻰ ﺯﻭﺭ ﺋﯩﺰﺯﻩﺕ - ﺋﯩﻜﺮﺍﻡ ﻛﯚﺭﺳﻪﺗﻜﻪﻥ، ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻴﻤﯘ ﺋﻮﻏﯘﻟﭽﺎﻗﻨﯩﯔ ﺋﯩﺸﻪﻧﭽﯩﺴﯩﮕﻪ ﺋﯧﺮﯨﺸﻜﻪﻥ ﺋﯩﻜﻪﻥ. ﺷﯘ ﯞﻩﺟﯩﺪﯨﻦ ﺋﯘﻧﯩﯔ ﺩﯨﻦ ﺗﺎﺭﻗﯩﺘﯩﺸﯩﻐﺎ ﻳﻮﻝ ﻗﻮﻳﻐﯩﻨﯩﺪﻩﻙ، ﺋﯘﻧﯩﯔ ﺋﺎﺗﯘﺷﺘﺎ ﻣﻪﺳﭽﯩﺪ ﺳﯧﻠﯩﺸﯩﻐﯩﻤﯘ ﻳﻮﻝ ﻗﻮﻳﻐﺎﻥ ﺋﯩﻜﻪﻥ. ﺋﺎﺗﯘﺷﺘﺎ ﺗﯘﻧﺠﻰ ﻣﻪﺳﭽﯩﺘﻨﻰ ﺳﯧﻠﯩﺸﻨﻰ ﭘﯩﻼﻧﻠﯩﻐﺎﻥ ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻲ ﺋﻮﻏﯘﻟﭽﺎﻗﺘﯩﻦ ﺑﯩﺮ ﻛﺎﻻ ﺗﯧﺮﯨﺴﻰ ﭼﻮﯕﻠﯘﻗﯩﺪﯨﻜﻰ ﻳﻪﺭﻧﻰ ﺑﯧﺮﯨﺸﯩﻨﻰ ﺳﻮﺭﺍﻳﺪﯗ. ﺋﻮﻏﯘﻟﭽﺎﻕ ﻣﺎﻗﯘﻝ ﻛﯧﻠﯩﺪﯗ ﯞﻩ ﺧﺎﻟﯩﻐﺎﻥ ﻳﯧﺮﯨﺪﯨﻦ ﺑﯩﺮ ﻛﺎﻻ ﺗﯧﺮﯨﺴﻰ ﭼﻮﯕﻠﯘﻗﯩﺪﯨﻜﻰ ﻳﻪﺭﻧﻰ ﺋﯩﺸﻠﯩﺘﯩﺸﯩﮕﻪ ﺭﯗﺧﺴﻪﺕ ﻗﯩﻠﯩﺪﯗ. ﺋﻪﺑﯘ ﻧﺎﺳﯩﺮ ﺋﯚﺯﯨﻨﯩﯔ " ﻛﺎﻻ ﺗﯧﺮﯨﺴﻰ ﭘﯩﻼﻧﻰ"ﻧﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﻘﺎ ﻛﯩﺮﯨﺸﯩﺪﯗ. ﺋﯘ ﺑﯩﺮ ﻛﺎﻟﯩﻨﻰ ﺳﻮﻳﯘﭖ، ﺋﯘﻧﯩﯔ ﺗﯧﺮﯨﺴﯩﻨﻰ ﺋﯩﻨﭽﯩﻜﻪ ﺗﯩﻠﯩﭗ، ﺑﯩﺮ - ﺑﯩﺮﯨﮕﻪ ﺋﯘﻻﭖ ﺋﯘﺯﯗﻥ ﺑﯩﺮ ﺗﺎﻧﺎ ﻳﺎﺳﺎﻳﺪﯗ ﯞﻩ ﺑﯘ ﺗﺎﻧﺎ ﺑﯩﻠﻪﻥ ﺋﺎﺗﯘﺷﺘﯩﻜﻰ ﻳﺎﺧﺸﻰ ﺑﯩﺮ ﺟﺎﻳﻨﻰ ﺗﺎﻡ ﺳﺎﻟﻐﺎﻧﺪﻩﻙ ﺋﻮﺭﺍﭖ ﻛﯚﺭﯛﭖ، ﺷﯘ ﺟﺎﻳﻐﺎ ﺗﯘﻧﺠﻰ ﻣﻪﺳﭽﯩﺘﻨﻰ ﺳﺎﻟﯩﺪﯗ. ﺋﻮﻏﯘﻟﭽﺎﻕ ﺑﯘ ﺋﯩﺸﺘﺎ ﺋﺎﻟﺪﺍﻧﻐﺎﻧﻠﯩﻘﯩﻨﻰ ﺑﯩﻠﮕﻪﻥ ﺑﻮﻟﺴﯩﻤﯘ، ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻴﻨﯩﯔ ﺋﻪﻗﯩﻞ - ﭘﺎﺭﺍﺳﯩﺘﯩﮕﻪ ﻫﻪﻳﺮﺍﻥ ﺑﻮﻟﯘﭖ ﻗﺎﻳﯩﻞ ﺑﻮﻟﯩﺪﯗ. ﺷﺎﻫﺰﺍﺩﻩ ﺋﻪﺑﯘ ﻧﺎﺳﯩﺮ ﺳﺎﻣﺎﻧﯩﻲ " ﻛﺎﻻ ﺗﯧﺮﯨﺴﻰ ﭘﯩﻼﻧﻰ"ﻧﻰ ﺋﯩﺸﻘﺎ ﺋﺎﺷﯘﺭﯗﭖ ﺳﺎﻟﻐﺎﻥ ﺑﯘ ﻣﻪﺳﭽﯩﺪ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺳﯧﻠﯩﻨﻐﺎﻥ ﺗﯘﻧﺠﻰ ﻣﻪﺳﭽﯩﺪ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺑﯘ ﻣﻪﺳﭽﯩﺪ 14 - ﺋﻪﺳﯩﺮﻧﯩﯔ ﺑﺎﺷﻠﯩﺮﯨﻐﺎ ﻗﻪﺩﻩﺭ " ﺋﺎﺗﯘﺵ ﺟﺎﻣﻪﺳﻰ" ﺩﻩﭖ ﺋﺎﺗﯩﻠﯩﭗ ﻧﺎﻣﻰ ﺗﻪﺭﻩﭖ - ﺗﻪﺭﻩﭘﻠﻪﺭﮔﻪ ﺗﺎﺭﻗﺎﻟﻐﺎﻥ ﺋﯩﻜﻪﻥ."

ﺧﯩﺘﺎﻱ ﺋﺎﻣﯧﺮﯨﻜﯩﻨﯩﯔ ﺗﻪﻳﯟﻩﻧﮕﻪ ﻗﻮﺭﺍﻝ ﺳﯧﺘﯩﭗ ﺑﯧﺮﯨﺶ ﭘﯩﻼﻧﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ

ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺟﯜﻣﻪ ﻛﯜﻧﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﯩﻠﯩﺴﯩﮕﻪ ﺩﻭﻛﻼﺕ ﻳﻮﻟﻼﭖ، ﺗﻪﻳﯟﻩﻧﮕﻪ ﻗﻮﺭﺍﻝ ﺳﯧﺘﯩﭗ ﺑﯧﺮﯨﺶ ﭘﯩﻼﻧﯩﻨﻰ ﺋﯘﻗﺘﯘﺭﻏﺎﻥ ﺋﯩﺪﻯ. ﺷﯘ ﻛﯜﻧﻰ ﺗﻪﻳﯟﻩﻥ ﭘﺮﯦﺰﯨﺪﯦﻨﺘﻰ ﻣﺎ ﻳﯩﯖﺠﻴﯘ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﮕﻪ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﺩﻯ. ﺧﯩﺘﺎﻱ ﺗﻪﺭﻩﭖ ﺟﯜﻣﻪ ﯞﻩ ﺩﯛﺷﻪﻧﺒﻪ ﻛﯜﻧﻰ ﺋﺎﺭﻗﺎ - ﺋﺎﺭﻗﯩﺪﯨﻦ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ.



ﺋﺎﻣﯧﺮﯨﻜﺎﻧﯩﯔ F-16 ﺗﯩﭙﻠﯩﻖ ﻛﯜﺭﻩﺷﭽﻰ ﺋﺎﻳﺮﯗﭘﯩﻼﻧﻰ.

ﺋﺎﻣﯧﺮﯨﻜﺎ ﺑﯘ ﻗﯧﺘﯩﻢ ﺗﻪﻳﯟﻩﻧﮕﻪ ﺳﯧﺘﯩﭗ ﺑﻪﺭﻣﻪﻛﭽﻰ ﺑﻮﻟﻐﺎﻥ ﻗﻮﺭﺍﻝ - ﻳﺎﺭﺍﻗﻼﺭ ﺋﯩﭽﯩﺪﻩ ﯞﻩﺗﻪﻧﭙﻪﺭﯞﻩﺭ‏ 3 - ﺗﯩﭙﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﻗﺎﻟﻘﺎﻥ ﺳﯧﺴﺘﯩﻤﯩﺴﻰ، E - 2T ﺗﯩﭙﻠﯩﻖ ﺋﺎﻟﺪﯨﻦ ﺳﯧﮕﻨﺎﻝ ﺑﯧﺮﯨﺶ ﺳﯧﺴﺘﯩﻤﯩﺴﻰ ﯞﻩ ﺋﺎﭘﺎﭼﯥ ﺗﯩﭙﻠﯩﻖ ﺗﯩﻚ ﺋﯘﭼﺎﺭ ﺑﻮﻟﯘﭖ، ﺋﻮﻣﯘﻣﻰ ﻗﯩﻤﻤﯩﺘﻰ 6 ﻣﯩﻠﻴﺎﺭﺩ 460 ﻣﯩﻠﻴﻮﻥ ﺩﻭﻟﻼﺭﺩﯗﺭ. ﺋﺎﻣﯧﺮﯨﻜﺎ ﺗﻪﺭﻩﭖ ﺩﻭﻛﻼﺗﺘﺎ، ﺑﯘ ﻗﻮﺭﺍﻟﻼﺭﻧﯩﯔ ﻣﯘﺩﺍﭘﯩﺌﻪ ﺧﺎﺭﺍﻛﺘﯧﺮﻟﯩﻚ ﻗﻮﺭﺍﻟﻼﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯜﮔﯜﻥ ﭘﻪﻧﺘﯩﮕﺎﻧﻨﯩﯔ ﺋﺎﻻﻗﯩﺪﺍﺭ ﺑﯩﺮ ﻣﻪﺳﺌﯘﻟﻰ ﻣﻪﺯﻛﯘﺭ ﻗﻮﺭﺍﻟﻼﺭﻧﻰ ﻧﯚﯞﯨﺘﻰ ﻛﻪﻟﮕﻪﻧﺪﻩ ﻫﯘﺟﯘﻡ ﻗﯩﻠﯩﺶ ﺋﯜﭼﯜﻧﻤﯘ ﻗﻮﻟﻠﯩﻨﯩﺸﻘﺎ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺟﯜﻣﻪ ﻛﯜﻧﻰ ﺧﯩﺘﺎﻱ ﺗﺎﺷﻘﻰ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﻴﻪﻧﭽﺎﯞ ﺑﯘ ﻫﻪﻗﺘﻪ ﺑﺎﻳﺎﻧﺎﺕ ﺑﯧﺮﯨﭗ،" ﺋﺎﻣﯧﺮﯨﻜﺎ ﺧﯩﺘﺎﻱ ﺧﻪﻟﻘﯩﻨﯩﯔ ﻗﻪﻟﺒﯩﻨﻰ ﺭﻩﻧﺠﯩﺘﺘﻰ، ﻣﻪﺯﻛﯘﺭ ﻗﺎﺭﺍﺭ ﺋﺎﻣﯧﺮﯨﻜﺎ - ﺧﯩﺘﺎﻱ ﻣﯘﻧﺎﺳﯩﯟﯨﺘﯩﮕﻪ ﺋﯧﻐﯩﺮ ﺯﯨﻴﺎﻥ ﻳﻪﺗﻜﯜﺯﯨﺪﯗ" ﺩﻩﭖ ﺋﺎﮔﺎﻫﻼﻧﺪﯗﺭﺩﻯ. ﻳﻪﻧﻪ ﺧﻪﯞﻩﺭﻟﻪﺭﺩﻩ ﺑﯩﻠﺪﯛﺭﯛﻟﯜﺷﯩﭽﻪ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯘﺋﺎﯞﯨﻦ ﻣﯩﻨﯩﺴﺘﯩﺮﻯ He yafei ﺟﯜﻣﻪ ﻛﯜﻧﻰ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﺑﯩﻠﻪﻥ ﻛﯚﺭﯛﺷﯜﭖ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺧﯩﺘﺎﻱ ﺗﻪﺭﻩﭖ ﺑﺎﻳﺎﻧﺎﺗﯩﺪﺍ، ﻣﻪﺯﻛﯘﺭ ﭘﯩﻼﻧﻨﻰ ﺧﯩﺘﺎﻳﻨﯩﯔ ﻣﻪﻧﭙﻪﺋﻪﺗﯩﮕﻪ ﯞﻩ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺷﯘﻧﺪﺍﻗﻼ، ﺋﺎﻣﯧﺮﯨﻜﺎ - ﺧﯩﺘﺎﻱ ﺋﺎﺭﯨﺴﯩﺪﯨﻜﻰ ﻛﯧﻠﯩﺸﯩﻤﻠﻪﺭﮔﯩﻤﯘ ﺧﯩﻼﭖ ﺩﻩﭖ ﻛﯚﺭﺳﻪﺗﺘﻰ.

ﺑﯜﮔﯜﻥ ﭘﻪﻧﺘﯧﮕﺎﻥ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ، ﺋﺎﻣﯧﺮﯨﻜﯩﻨﯩﯔ ﺗﻪﻳﯟﻩﻧﮕﻪ ﻗﻮﺭﺍﻝ ﺳﯧﺘﯩﭗ ﺑﯧﺮﯨﺸﯩﻨﯩﯔ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﻛﯧﻠﯩﺸﯩﻤﮕﻪ ﻫﻪﻡ ﺋﺎﻣﯧﺮﯨﻜﺎ ﻗﺎﻧﯘﻧﯩﻐﺎ ﺋﯘﻳﻐﯘﻥ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺋﺎﻣﯧﺮﯨﻜﺎ - ﺧﯩﺘﺎﻱ ﺩﻭﺳﺘﻠﯘﻕ ﺷﻪﺭﺗﻨﺎﻣﯩﺴﯩﺪﻩ، ﺋﺎﻣﯧﺮﯨﻜﺎ ﺗﻪﺭﻩﭖ ﺧﯩﺘﺎﻳﻨﯩﯔ ﺑﯩﺮ ﺟﯘﯕﮕﻮ ﭘﺮﯨﻨﺴﯩﭙﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺑﻮﻟﺴﯩﻤﯘ ، ﺋﻪﻣﻤﺎ ﺋﺎﻣﯧﺮﯨﻜﯩﻨﯩﯔ ﺗﻪﻳﯟﻩﻥ ﺑﯩﻠﻪﻥ ﺩﯨﭙﻠﻮﻣﺎﺗﯩﻴﻪ ﯞﻩ ﺩﯙﻟﻪﺕ ﻣﯘﺩﺍﭘﯩﺌﻪ ﺋﯩﺸﻠﯩﺮﯨﺪﺍ ﻫﻪﻣﻜﺎﺭﻟﯩﻘﯩﻨﯩﯔ ﺩﺍﯞﺍﻣﻠﯩﺸﯩﺪﯨﻐﺎﻧﻠﯩﻘﻰ ﺗﻪﺭﻩﭘﻠﻪﺭﻧﯩﯔ ﻣﺎﻗﯘﻟﻠﯘﻗﯩﺪﯨﻦ ﺋﯚﺗﻜﻪﻥ. ﺗﻪﻳﯟﻩﻥ ﺗﻪﺭﻩﭖ ﺟﯜﻣﻪ ﻛﯜﻧﯩﺪﯨﻜﻰ ﺑﺎﻳﺎﻧﺎﺗﯩﺪﺍ، ﺋﺎﻣﯧﺮﯨﻜﯩﻨﯩﯔ ﻣﻪﺯﻛﯘﺭ ﭘﯩﻼﻧﯩﻨﻰ ﺗﻪﻳﯟﻩﻧﻨﯩﯔ ﺗﯧﻨﭽﻠﯩﻖ ﯞﻩ ﺑﯩﺨﻪﺗﻪﺭﻟﯩﻜﻰ ﺟﻪﻫﻪﺗﺘﻪ ﻳﯧﯖﻰ ﺑﯩﺮ ﺩﻩﯞﺭﮔﻪ ﻛﯩﺮﮔﻪﻧﻠﯩﻜﯩﻨﯩﯔ ﺋﯩﭙﺎﺩﯨﺴﻰ، ﺷﯘﻧﺪﺍﻗﻼ ﺋﺎﻣﯧﺮﯨﻜﺎ - ﺗﻪﻳﯟﻩﻥ ﺋﺎﺭﯨﺴﯩﺪﯨﻜﻰ ﺋﯚﺯ ‏ - ﺋﺎﺭﺍ ﺋﯩﺸﻪﻧﭽﯩﻨﯩﯔ ﺳﯩﻤﯟﻭﻟﻰ ﺩﻩﭖ ﺋﺎﻟﻘﯩﺸﻠﯩﺪﻯ.

ﺗﻪﻳﯟﻩﻥ ﺗﻪﺭﻩﭖ ﺟﯜﻣﻪ ﻛﯜﻧﯩﺪﯨﻜﻰ ﺑﺎﻳﺎﻧﺎﺗﯩﺪﺍ، ﺋﺎﻣﯧﺮﯨﻜﯩﻨﯩﯔ ﻣﻪﺯﻛﯘﺭ ﭘﯩﻼﻧﯩﻨﻰ ﺗﻪﻳﯟﻩﻧﻨﯩﯔ ﺗﯧﻨﭽﻠﯩﻖ ﯞﻩ ﺑﯩﺨﻪﺗﻪﺭﻟﯩﻜﻰ ﺟﻪﻫﻪﺗﺘﻪ ﻳﯧﯖﻰ ﺑﯩﺮ ﺩﻩﯞﺭﮔﻪ ﻛﯩﺮﮔﻪﻧﻠﯩﻜﯩﻨﯩﯔ ﺋﯩﭙﺎﺩﯨﺴﻰ، ﺷﯘﻧﺪﺍﻗﻼ ﺋﺎﻣﯧﺮﯨﻜﺎ - ﺗﻪﻳﯟﻩﻥ ﺋﺎﺭﯨﺴﯩﺪﯨﻜﻰ ﺋﯚﺯ ‏ - ﺋﺎﺭﺍ ﺋﯩﺸﻪﻧﭽﯩﻨﯩﯔ ﺳﯩﻤﯟﻭﻟﻰ ﺩﻩﭖ ﺋﺎﻟﻘﯩﺸﻠﯩﺪﻯ.

ﺧﯩﺘﺎﻱ ﺗﺎﺷﻘﻰ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﺑﯜﮔﯜﻧﻜﻰ ﺑﺎﻳﺎﻧﺎﺗﯩﺪﺍ، ﺋﺎﻣﯧﺮﯨﻜﯩﻨﯩﯔ ﺗﻪﻳﯟﻩﻧﮕﻪ ﻗﻮﺭﺍﻝ ﺳﯧﺘﯩﭗ ﺑﯧﺮﯨﺶ ﻗﺎﺭﺍﺭﻯ، ﺋﺎﻣﯧﺮﯨﻜﺎ - ﺧﯩﺘﺎﻱ ﻣﯘﻧﺎﺳﯩﯟﯨﺘﯩﺪﻩ ﻳﺎﻟﻐﯘﺯ ﻫﻪﺭﺑﯩﻲ ﺟﻪﻫﻪﺗﺘﻪ ﺋﻪﻣﻪﺱ، ﻛﯚﭖ ﺟﻪﻫﻪﺗﻠﻪﺭﺩﻩ ﺗﻮﺳﺎﻟﻐﯘ ﭘﻪﻳﺪﺍ ﻗﯩﻠﯩﺪﯗ ﺩﻩﭖ ﺑﯩﻠﺪﯛﺭﺩﻯ. ﭘﻪﻧﺘﯧﮕﺎﻧﻨﯩﯔ ﺑﯜﮔﯜﻧﻜﻰ ﺑﺎﻳﺎﻧﺎﺗﯩﺪﺍ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﻛﯧﻠﯩﺸﯩﻤﻠﻪﺭﮔﻪ ﺧﯩﻼﭘﻠﯩﻖ ﻗﯩﻠﯩﯟﺍﺗﻘﺎﻥ ﺗﻪﺭﻩﭘﻨﯩﯔ ﺋﺎﻣﯧﺮﯨﻜﺎ ﺋﻪﻣﻪﺱ، ﺧﯩﺘﺎﻱ ﺋﯩﻜﻪﻧﻠﯩﻜﻰ ﺑﯩﻠﺪﯛﺭﯛﻟﺪﻯ. ﺑﺎﻳﺎﻧﺎﺗﺘﺎ ﺑﯩﻠﺪﯛﺭﯛﻟﯜﺷﯩﭽﻪ، ﺋﺎﻣﯧﺮﯨﻜﺎ - ﺧﯩﺘﺎﻱ ﺋﺎﺭﯨﺴﯩﺪﺍ ﺑﯘ ﻳﯩﻞ 8 ‏ - ﺋﺎﻱ ﺑﯩﻠﻪﻥ 11 ‏ - ﺋﺎﻱ ﺋﺎﺭﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﻤﺎﻗﭽﻰ ﺑﻮﻟﻐﺎﻥ ﺑﯩﺮ ﻗﺎﺗﺎﺭ ﺋﯘﭼﺮﯨﺸﯩﺸﻼﺭﻧﯩﯔ ﺧﯩﺘﺎﻱ ﺗﻪﺭﯨﭙﯩﺪﯨﻦ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻧﻠﯩﻘﻰ ﯞﻩ ﻛﯧﭽﯩﻜﺘﯜﺭﯛﻟﮕﻪﻧﻠﯩﻜﻰ ﺋﻪﺳﻜﻪﺭﺗﯩﻠﺪﻯ. ﺋﻪﻣﻤﺎ ﺑﯘ ﭘﯩﻼﻧﻼﺭﻧﯩﯔ ﻛﻮﻧﻜﺮﯦﺖ ﻣﻪﺯﻣﯘﻧﻰ ﺑﺎﻳﺎﻥ ﻗﯩﻠﯩﻨﻤﯩﺪﻯ. ﭘﻪﻧﺘﯧﮕﺎﻥ ﺑﺎﻳﺎﻧﺎﺗﭽﯩﺴﻰ ﺑﯜﮔﯜﻥ ﻣﯘﺧﺒﯩﺮﻻﺭﻏﺎ ﻗﯩﻠﻐﺎﻥ ﺳﯚﺯﯨﺪﻩ ، ﺧﯩﺘﺎﻱ ﺗﻪﺭﻩﭘﻨﯩﯔ ﻫﻪﺭﺑﯩﻲ ﺋﯩﺸﻼﺭﺩﺍ ﺋﺎﺷﻜﺎﺭﺍ ﺑﻮﻟﯘﺷﻘﺎ ﺋﻪﻣﻪﻝ ﻗﯩﻠﻤﺎﻳﯟﺍﺗﻘﺎﻧﻠﯩﻘﯩﻨﻰ، ﺑﯘﻧﯩﯔ ﺗﻪﻳﯟﻩﻧﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺭﺍﻳﻮﻥ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺷﻪﻛﯩﻠﻠﻪﻧﺪﯛﺭﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ ﯞﻩ ﺧﯩﺘﺎﻱ ﺗﻪﺭﻩﭘﻨﻰ ﺯﺍﻣﺎﻧﯩﯟﯨﻲ ﻫﻪﺭﺑﯩﻲ ﺋﻪﺳﻠﯩﻬﻪﻟﻪﺭﺩﻩ ﺋﺎﺷﻜﺎﺭﺍ ﺑﻮﻟﯘﺷﻘﺎ ﭼﺎﻗﯩﺮﺩﻯ.

ﻗﺎﻧﯘﻧﯩﻲ ﺗﻪﺭﺗﯩﭗ ﺑﯘﻳﯩﭽﻪ ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺗﻪﻳﯟﻩﻧﮕﻪ ﻗﻮﺭﺍﻝ ﺳﯧﺘﯩﭗ ﺑﯧﺮﯨﺶ ﭘﯩﻼﻧﯩﻐﺎ ﺋﻪﮔﻪﺭ ﺑﯩﺮ ﺋﺎﻱ ﺋﯩﭽﯩﺪﻩ ﺋﺎﻣﯧﺮﯨﻜﺎ ﭘﺎﻻﺗﺎ ﺋﻪﺯﺍﻟﯩﺮﻯ ﺋﯩﭽﯩﺪﯨﻦ ﻧﺎﺭﺍﺯﯨﻠﯩﻖ ﻛﻪﻟﻤﯩﺴﻪ ، ﭘﯩﻼﻥ ﺋﻪﻣﻪﻟﯩﻴﻠﯩﺸﯩﺶ ﺑﺎﺳﻘﯘﭼﯩﻐﺎ ﺋﯚﺗﯩﺪﯗ. ﺗﻪﻳﯟﻩﻥ ﭘﺎﺭﻻﻣﯧﻨﺘﻰ ﺋﯚﺗﻜﻪﻥ ﻳﯩﻞ 6‏ - ﺋﺎﻳﺪﺍ، ﺋﺎﻣﯧﺮﯨﻜﯩﺪﯨﻦ ﻗﻮﺭﺍﻝ - ﻳﺎﺭﺍﻕ ﺳﯧﺘﯩﯟﯦﻠﯩﺶ ﻫﻪﻗﻘﯩﺪﯨﻜﻰ ﭘﯩﻼﻧﻨﻰ ﺗﻪﺳﺘﯩﻘﻠﯩﻐﺎﻥ ﯞﻩ 12 ‏ - ﺋﺎﻳﺪﺍ ﻫﻪﺭﺑﯩﻲ ﺧﺎﻣﭽﻮﺗﻨﻰ ﺋﺎﺷﯘﺭﻏﺎﻥ ﺋﯩﺪﻯ. ﺷﯘﯕﺎ ﺑﯘ ﻗﯧﺘﯩﻤﻘﻰ ﻗﻮﺭﺍﻝ - ﻳﺎﺭﺍﻕ ﺳﯧﺘﯩﭗ ﺑﯧﺮﯨﺶ ﭘﯩﻼﻧﯩﻨﯩﯔ ﺋﺎﻣﯧﺮﯨﻜﺎ ﯞﻩ ﺗﻪﻳﯟﻩﻥ ﭘﺎﺭﻻﻣﯧﻨﺘﯩﺪﺍ ﺑﯩﺮﺩﻩﻙ ﻗﺎﺭﺷﻰ ﺋﯧﻠﯩﻨﯩﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ.

ﺋﺎﻣﯧﺮﯨﻜﺎ ﺧﯩﺘﺎﻳﻨﯩﯔ ﺑﯩﺮ ﺟﯘﯕﮕﻮ ﭘﺮﯨﻨﺴﯩﭙﯩﻨﻰ ﻗﻮﻟﻼﭖ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ، ﺧﯩﺘﺎﻱ ﺗﻪﻳﯟﻩﻧﻨﻰ ﻗﻮﺷﯘﯞﯦﻠﯩﺶ ﺋﯜﭼﯜﻥ ﻫﻪﺭﺑﯩﻲ ﻛﯜﭺ ﺋﯩﺸﻠﻪﺗﺴﻪ ﺗﻪﻳﯟﻩﻧﻨﻰ ﻗﻮﻏﺪﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻛﻪﻟﻤﻪﻛﺘﻪ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﺎﺵ ﻣﯩﻨﯩﺴﺘﯩﺮﯨﻨﻰ ﺗﯘﺗﻘﯘﻥ ﻗﯩﻠﻐﺎﻥ ﻏﯘﭘﯘﺭ ﺗﯘﻩﻧﺠﺎﯓ

1933 - ﻳﯩﻠﻰ ﻗﻪﺷﻘﻪﺭﺩﻩ ﻗﯘﺭﯗﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﻣﻪﺭﻫﯘﻡ ﺳﺎﺑﯩﺖ ﺩﺍﻣﻮﻟﻼﻣﻨﻰ ﺧﻮﺟﯩﻨﯩﻴﺎﺯ ﻫﺎﺟﯩﻨﯩﯔ ﺑﯘﻳﺮﯗﻗﻰ ﺑﯩﻠﻪﻥ ﺗﯘﺗﻘﯘﻥ ﻗﯩﻠﯩﭗ، ﺷﯩﯖﺪﯗﺑﻪﻧﮕﻪ ﺗﺎﭘﺸﯘﺭﯗﭖ ﺑﻪﺭﮔﻪﻥ 30 ﻛﯩﺸﯩﻠﯩﻚ ﺋﻪﺳﻜﻪﺭﻧﯩﯔ ﺑﺎﺷﻠﯩﻘﻰ ﻏﯘﭘﯘﺭ ﺗﯘﻩﻧﺠﺎﯓ ﺩﯦﮕﻪﻥ ﻛﯩﺸﻰ ﻫﺎﻳﺎﺗﯩﻨﯩﯔ ﺋﺎﺧﯩﺮﻗﻰ ﯞﺍﻗﯩﺘﻠﯩﺮﯨﻨﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﺍ ﺋﯚﺗﻜﯜﺯﯛﭖ، ﺷﯘ ﺟﺎﻳﺪﺍ ﯞﺍﭘﺎﺕ ﺑﻮﻟﻐﺎﻥ ﺋﯩﻜﻪﻥ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺋﻪﻫﻤﻪﺩ ﻣﯚﻣﯩﻦ ﺋﻪﭘﻪﻧﺪﻯ ﻏﯘﭘﯘﺭ ﺗﯘﻩﻧﺠﺎﯕﻨﻰ ﺗﻮﻧﯘﺷﺘﯘﺭﯗﭖ ﻣﯘﻧﺪﺍﻕ ﺩﯦﺪﻯ: " ﻏﯘﭘﯘﺭ ﺗﻪﻧﺠﺎﯓ ﺋﻪﺳﻠﯩﺪﻩ ﺳﺎﺑﯩﺖ ﺩﺍﻣﻮﻟﻼﻣﻨﯩﯔ ﺋﯩﻨﻘﯩﻼﺑﯩﺪﺍ ﺋﻪﺳﻜﻪﺭ ﺋﯩﻜﻪﻥ. 1934 - ﻳﯩﻠﻰ ﺑﺎﻫﺎﺭﺩﺍ ﺧﻮﺟﯩﻨﯩﻴﺎﺯ ﻫﺎﺟﯩﻢ ﻗﻪﺷﻘﻪﺭﮔﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺳﺎﺑﯩﺖ ﺩﺍﻣﻮﻟﻼﻣﻨﻰ ﺗﯘﺗﯘﺷﻘﺎ ﺑﯘﻳﺮﯗﻕ ﻗﯩﻠﻐﺎﻧﺪﺍ، 30 ﻛﯩﺸﯩﻠﯩﻚ ﺑﯩﺮ ﻫﻪﺭﺑﯩﻲ ﮔﯘﺭﯗﭘﭙﺎ ﺳﺎﺑﯩﺖ ﺩﺍﻣﻮﻟﻼﻣﻨﻰ ﺗﯘﺗﯘﺵ ﺋﯜﭼﯜﻥ ﺑﺎﺭﻏﺎﻥ ﺋﯩﻜﻪﻥ. ﻣﺎﻧﺎ ﻣﯘﺷﯘ 30 ﻛﯩﺸﯩﻠﯩﻚ ﻫﻪﺭﺑﯩﻲ ﮔﯘﺭﯗﭘﭙﯩﻨﯩﯔ ﺑﺎﺷﻠﯩﻘﻰ ﺗﺎﺭﯨﺨﺘﯩﻜﻰ ﻣﻪﺷﻬﯘﺭ ﻏﯘﭘﯘﺭ ﺗﯘﻩﻧﺠﺎﯓ ﺩﯦﮕﻪﻥ ﻛﯩﺸﻰ ﺋﯩﻜﻪﻥ. ﺑﯘ ﻛﯩﺸﻰ ﺷﯘ ﯞﻩﻗﻪﺩﯨﻦ ﻛﯧﻴﯩﻦ ﺋﺎﻧﺎ ﯞﻩﺗﻪﻧﺪﯨﻦ ﻗﯧﭽﯩﭗ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻐﺎ ﻛﯧﻠﯩﯟﺍﻟﻐﺎﻥ ﺋﯩﻜﻪﻥ. ﻫﺎﺯﯨﺮ ﺑﯘ ﻳﻪﺭﺩﻩ ﺑﯘ ﻛﯩﺸﯩﻨﯩﯔ ﻧﻪﯞﺭﻩ - ﭼﻪﯞﺭﯨﻠﯩﺮﻯ ﻫﻪﻣﻤﯩﺴﻰ ﺑﻮﻟﯘﭖ، 5 - ﺋﻪﯞﻻﺩﻗﯩﭽﻪ ﺑﺎﺭ.
ﻏﯘﭘﯘﺭ ﺗﯘﺋﻪﻧﺠﺎﯕﻨﯩﯔ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻐﺎ ﻛﯧﻠﯩﺸﻰ
ﺋﺎﻧﺎ ﯞﻩﺗﻪﻧﺪﻩ ﺧﻮﺟﯩﻨﯩﻴﺎﺯ ﻫﺎﺟﯩﻤﻨﯩﯔ ﺋﯩﻨﻘﯩﻼﺑﻰ ﻣﻪﻏﻠﯘﺏ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻐﺎ 1937 - ﻳﯩﻠﻰ ﺑﯜﻳﯜﻙ ﻗﻮﻣﺎﻧﺪﺍﻥ ﻣﻪﻫﻤﯘﺕ ﻣﯘﻫﯩﺘﻰ ﺑﯩﻠﻪﻥ ﺑﯩﺮﮔﻪ ﻛﻪﻟﮕﻪﻧﻠﯩﻜﻰ ﻣﻪﻟﯘﻡ. ﺑﯘ ﻛﯩﺸﻰ ﺷﯘ ﻛﻪﻟﮕﻪﻧﭽﻪ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﺍ ﻳﻪﺭﻟﯩﺸﯩﭗ ﻗﺎﻟﻐﺎﻥ ﺋﯩﻜﻪﻥ. ﺋﯚﺯﻯ ﺋﯘﺭﯗﻕ ﻛﻪﻟﮕﻪﻥ، ﺋﯩﻜﻜﻰ ﻛﯚﺯﻯ ﻗﯩﭙﻘﯩﺰﯨﻞ، ﯞﯗﺟﯘﺩﯨﺪﯨﻦ ﺋﻪﺳﻜﻪﺭﻟﯩﻜﻰ ﭼﯩﻘﯩﭗ ﺗﯘﺭﯨﺪﯨﻐﺎﻥ، ﺋﺎﭼﭽﯩﻘﻰ ﻳﺎﻣﺎﻥ، ﺗﯧﺘﯩﻚ ﺋﺎﺩﻩﻡ ﺋﯩﺪﻯ. ﻫﻪﺗﺘﺎ ﺧﻮﺟﯩﻨﯩﻴﺎﺯ ﻫﺎﺟﯩﻤﻨﯩﯔ ﺋﯩﻨﻘﯩﻼﺑﯩﺪﯨﻦ ﺋﻪﻟﻠﯩﻚ ﻧﻪﭼﭽﻪ ﻳﯩﻞ ﻛﯧﻴﯩﻦ ﺋﯚﺯﻯ 87 ﻳﺎﺷﻘﺎ ﺑﯧﺮﯨﭗ ﻗﺎﻟﻐﺎﻥ ﯞﺍﻗﺘﯩﺪﯨﻤﯘ ﺋﯚﺯﻯ ﺗﯧﺘﯩﻚ، ﺳﺎﻏﻼﻡ ﺋﯩﺪﻯ. ﻫﻪﺭﻩﻣﮕﻪ ﺋﯚﺯﻯ ﻣﯧﯖﯩﭗ ﺑﯧﺮﯨﭗ، ﻣﯧﯖﯩﭗ ﻛﯧﻠﻪﺗﺘﻰ. ﺑﯘ ﻛﯩﺸﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﺪﺍ ﻏﯘﭘﯘﺭ ﻫﺎﺟﯩﻢ ﺩﻩﭖ ﺗﻮﻧﯘﻟﻐﺎﻧﻠﯩﻘﺘﯩﻦ، ﺋﯘ ﻛﯩﺸﯩﻨﯩﯔ ﺳﺎﺑﯩﺖ ﺩﺍﻣﻮﻟﻼﻣﻨﻰ ﻗﻮﻟﻐﺎ ﺋﺎﻟﻐﺎﻥ ﻏﯘﭘﯘﺭ ﺗﻪﻧﺠﺎﯓ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﯩﮕﻪﻥ ﺋﯩﻜﻪﻧﻤﻪﻥ. ﺑﯩﻠﮕﻪﻥ ﺑﻮﻟﺴﺎﻡ ﺋﻪﻟﯟﻩﺗﺘﻪ ﺷﯘ ﯞﺍﻗﯩﺘﺘﯩﻜﻰ ﯞﻩﻗﻪﻟﯩﻜﻠﻪﺭﻧﻰ ﺳﻮﺭﯨﻐﺎﻥ ﺑﻮﻻﺗﺘﯩﻢ. ﻫﺎﺯﯨﺮﻣﯘ ﻧﻪﯞﺭﻩ - ﭼﻪﯞﺭﯨﻠﯩﺮﯨﺪﯨﻦ ﺑﻪﺯﻯ ﻣﻪﻟﯘﻣﺎﺗﻼﺭﻧﻰ ﺋﺎﻟﻐﯩﻠﻰ ﺑﻮﻟﯩﺪﯗ ."
ﻏﯘﭘﯘﺭ ﺗﯘﺋﻪﻧﺠﺎﯕﻨﯩﯔ ﯞﺍﭘﺎﺗﻰ
ﺋﻪﻫﻤﻪﺩ ﻣﯚﻣﯩﻦ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﻏﯘﭘﯘﺭ ﺗﯘﻩﻧﺠﺎﯓ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﻨﯩﯔ ﻣﻪﺳﻔﻪﻟﻪ ﻣﻪﻫﻪﻟﻠﯩﺴﯩﺪﻩ ﺋﻮﻟﺘﯘﺭﻏﺎﻥ ﺑﻮﻟﯘﭖ، ﺑﯩﺮﻻ ﻗﯩﺰ ﭘﻪﺭﺯﻩﻧﺘﻰ ﺑﺎﺭ ﺋﯩﻜﻪﻥ. ﻫﺎﺯﯨﺮ ﺷﯘ ﻗﯩﺰﯨﻨﯩﯔ ﺑﺎﻟﯩﻠﯩﺮﻯ ﯞﻩ ﻧﻪﯞﺭﯨﻠﯩﺮﻯ ﺑﻮﻟﯘﭖ ﻳﯜﺯﮔﻪ ﻳﯧﻘﯩﻦ ﻛﯩﺸﯩﻠﯩﻚ ﺑﯩﺮ ﺋﺎﺋﯩﻠﻪ ﺑﻮﻟﯘﭖ ﻗﺎﻟﻐﺎﻥ. ﻏﯘﭘﯘﺭ ﺗﯘﺋﻪﻧﺠﺎﯕﻨﯩﯔ ﺑﯩﺮ ﻧﻪﯞﺭﯨﺴﻰ ﻫﺎﺯﯨﺮ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﭘﻠﻮﺕ ﺋﯩﻜﻪﻥ. ﻏﯘﭘﯘﺭ ﺗﻪﻧﺠﺎﯓ 1989 - ﻳﯩﻠﻨﯩﯔ ﺑﺎﺷﻠﯩﺮﯨﺪﺍ ﯞﺍﭘﺎﺕ ﺑﻮﻟﻐﺎﻥ ﺋﯩﻜﻪﻥ.

ﻣﯩﻠﻠﯩﻲ ﻣﺎﺋﺎﺭﯨﭗ، ﻣﯩﻠﻠﯩﻲ ﻣﻪﯞﺟﯘﺗﻠﯘﻗﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﯩﺪﯨﻦ ﺋﯩﺒﺎﺭﻩﺕ

ﭼﻪﺗﺌﻪﻟﻠﻪﺭﺩﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩ ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﻰ ﺧﯩﺘﺎﻳﻼﺷﺘﯘﺭﯗﺵ ﻣﻪﻗﺴﯩﺘﯩﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﺎﺗﺎﻟﻤﯩﺶ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺳﯩﻴﺎﺳﯩﺘﯩﻨﻰ، " ﻧﯚﯞﻩﺗﺘﻪ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺋﻪﯓ ﺯﻭﺭ ﯞﻩ ﺋﻪﯓ ﺟﯩﺪﺩﯨﻲ ﺧﻪﯞﭖ " ﺩﻩﭖ ﻗﺎﺭﯨﻤﺎﻗﺘﺎ.
ﺋﯘﻳﻐﯘﺭ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﯩﯔ ﺧﯩﺘﺎﻳﻠﯩﺸﯩﺶ ﺳﯜﺭﺋﯩﺘﻰ ﺋﯩﻨﺘﺎﻳﯩﻦ ﺗﯧﺰﻟﻪﺷﻤﻪﻛﺘﻪ
ﭼﯜﻧﻜﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﺎﺗﺎﻟﻤﯩﺶ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺳﯩﻴﺎﺳﯩﺘﯩﻨﻰ ﺋﻮﻣﯘﻣﻴﯜﺯﻟﯜﻙ ﻳﻮﻟﻐﺎ ﻗﻮﻳﻐﺎﻥ 4 - 5 ﻳﯩﻠﺪﯨﻦ ﺑﯘﻳﺎﻥ، ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﻰ ﺧﯩﺘﺎﻳﻼﺷﺘﯘﺭﯗﺵ ﺟﻪﻫﻪﺗﺘﻪ ﻛﯩﺸﯩﻨﻰ ﺟﯩﺪﺩﯨﻲ ﺋﻪﻧﺪﯨﺸﯩﮕﻪ ﺳﺎﻟﯩﺪﯨﻐﺎﻥ ﻏﺎﻳﻪﺕ ﺯﻭﺭ ﻗﻪﺩﻩﻣﻠﻪﺭﻧﻰ ﺑﺎﺳﺘﻰ ﯞﻩ ﻗﯩﺴﻘﯩﻐﯩﻨﻪ 4 - 5 ﻳﯩﻞ ﺋﯩﭽﯩﺪﻩ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﺎﺋﺎﺭﯨﭙﻰ ﺗﯜﭖ ﻳﯩﻠﺘﯩﺰﯨﺪﯨﻦ ﯞﻩﻳﺮﺍﻧﭽﯩﻠﯩﻘﻘﺎ ﺋﯘﭼﺮﯨﺘﯩﻠﺪﻯ ﯞﻩ ﺑﯘﺧﯩﻞ ﯞﻩﻳﺮﺍﻧﭽﯩﻠﯩﻖ ﺧﯧﻠﻰ ﻛﯚﭘﻠﯩﮕﻪﻥ ﺋﯘﻳﻐﯘﺭﻻﺭﻧﯩﯔ ﻛﺎﻟﻠﯩﺴﯩﺪﺍ، " ﻣﯘﺷﯘﻧﺪﺍﻕ ﻛﯧﺘﯩﯟﻩﺭﺳﻪ، ﻳﻪﻧﻪ 20 - 30 ﻳﯩﻠﺪﯨﻦ ﻛﯧﻴﯩﻦ ﺋﯘﻳﻐﯘﺭﻻﺭ ﺋﯚﺯﻟﯩﺮﯨﻨﯩﯔ ﻣﯩﻠﻠﯩﻲ ﺋﺎﻻﻫﯩﺪﯨﻠﯩﻜﻠﯩﺮﯨﻨﻰ ﺗﺎﻣﺎﻣﻪﻥ ﻳﻮﻗﯩﺘﯩﭗ ﻗﻮﻳﺎﺭﻣﯘ ؟ " ﺩﯦﮕﻪﻥ ﺋﻪﻧﺪﯨﺸﯩﻨﻰ ﭘﻪﻳﺪﺍ ﻗﯩﻠﻤﺎﻗﺘﺎ.
" ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺩﯦﮕﻪﻥ ﺷﻮﺋﺎﺭ ﻗﺎﭼﺎﻥ ﺋﻮﺗﺘﯘﺭﯨﻐﺎ ﭼﯩﻘﺘﻰ ؟
ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ، " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺩﯦﮕﻪﻥ ﺋﺎﺗﺎﻟﻐﯘ 1992 - ﻳﯩﻠﻰ ﭘﻪﻳﺪﺍ ﺑﻮﻟﻐﺎﻥ ﯞﻩ ﺷﯘ ﻳﯩﻠﻰ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﯜﺭﯛﻣﭽﻰ ﻗﺎﺗﺎﺭﻟﯩﻖ ﭼﻮﯓ ﺷﻪﻫﻪﺭﻟﻪﺭﺩﯨﻜﻰ ﺑﻪﺯﻯ ﻣﯩﻠﻠﯩﻲ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﺩﻩ، " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ ﺗﻪﺟﺮﯨﺒﻪ ﺳﯩﻨﯩﭙﻠﯩﺮﻯ " ﻧﻰ ﺗﻪﺳﯩﺲ ﻗﯩﻠﯩﭗ، ﻣﺎﺗﯧﻤﺎﺗﯩﻜﺎ، ﻓﯩﺰﯨﻜﺎ، ﺧﯩﻤﯩﻴﻪ ﻗﺎﺗﺎﺭﻟﯩﻖ ﺗﻪﺑﯩﺌﯩﻲ ﭘﻪﻥ ﺩﻩﺭﺳﻠﯩﺮﯨﻨﻰ ﻣﯩﻠﻠﯩﻲ ﺋﻮﻗﯘﻏﯘﭼﯩﻼﺭﻏﺎ ﺧﯩﺘﺎﻱ ﺗﯩﻠﯩﺪﺍ ﺋﯚﺗﯜﺷﻨﻰ ﺳﯩﻨﺎﻕ ﺗﻪﺭﯨﻘﯩﺴﯩﺪﻩ ﺑﺎﺷﻠﯩﻐﺎﻥ ﺋﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯩﻠﻠﯩﻲ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﮔﻪ ﻗﺎﺭﯨﺘﺎ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﻧﻰ ﺭﻩﺳﻤﯩﻲ ﻳﻮﺳﯘﻧﺪﺍ ﺋﻮﻣﯘﻣﻴﯜﺯﻟﯜﻙ ﻳﻮﻟﻐﺎ ﻗﻮﻳﻐﺎﻥ ﯞﺍﻗﺘﻰ 2004 - ﻳﯩﻠﻰ ﺑﻮﻟﯘﭖ، ﺷﯘ ﻳﯩﻠﻰ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻫﯚﻛﯜﻣﯩﺘﻰ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ ﺧﯩﺰﻣﯩﺘﯩﻨﻰ ﺋﻮﻣﯘﻣﻴﯜﺯﻟﯜﻙ ﻗﺎﻧﺎﺕ ﻳﺎﻳﺪﯗﺭﯗﺵ ﻫﻪﻗﻘﯩﺪﻩ ﻗﺎﺭﺍﺭ " ﻧﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ.

2005 - ﻳﯩﻠﻰ ﻳﻪﻧﻪ ﺋﺎﭘﺘﻮﻧﻮﻡ ﺭﺍﻳﻮﻥ ﺗﻪﺭﯨﭙﯩﺪﯨﻦ، " ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﯚﺳﻤﯜﺭﻟﯩﺮﯨﮕﻪ ﻗﺎﺭﯨﺘﺎ ﻣﻪﻛﺘﻪﭘﻜﻪ ﻛﯩﺮﯨﺸﺘﯩﻦ ﺑﯘﺭﯗﻥ ﺧﯩﺘﺎﻳﭽﻪ ﺋﯚﮔﯩﺘﯩﺶ ﻫﻪﻗﻘﯩﺪﻩ ﭘﯩﻜﯩﺮ " ﺩﯦﮕﻪﻥ ﻧﻪﺭﺳﻪ ﺋﯧﻼﻥ ﻗﯩﻠﯩﻨﯩﭗ، ﺷﻪﻫﻪﺭ ﯞﻩ ﻳﯧﺰﺍ - ﻗﯩﺸﻼﻗﻼﺭﺩﯨﻜﻰ ﺋﯘﻳﻐﯘﺭ ﻳﻪﺳﻠﯩﻠﯩﺮﻯ ﺋﯚﺳﻤﯜﺭﻟﻪﺭﮔﻪ ﻗﺎﺭﯨﺘﺎﻣﯘ " ﻗﻮﺵ ﺗﯩﻠﻠﯩﻖ ﻳﻪﺳﻠﻰ " ﺩﯦﮕﻪﻥ ﻧﺎﻣﺪﺍ ﺧﯩﺘﺎﻳﭽﻪ ﺋﯚﮔﯩﺘﯩﺸﻨﻰ ﻗﺎﻧﺎﺕ ﻳﺎﻳﺪﯗﺭﯗﺷﻘﺎ ﺑﺎﺷﻠﯩﻐﺎﻥ ﺋﯩﺪﻯ. ﺷﯘﻧﺪﯨﻦ ﺑﯘﻳﺎﻥ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺧﯩﺰﻣﯩﺘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻫﻪﺭ ﺩﻩﺭﯨﺠﯩﻠﯩﻚ ﭘﺎﺭﺗﯩﻴﻪ - ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻨﯩﯔ ﺋﻪﯓ ﻣﯘﻫﯩﻢ ﺧﯩﺰﻣﻪﺕ ﻛﯜﻧﺘﻪﺭﺗﯩﭙﻰ ﻗﯩﻠﯩﻨﺪﻯ.
ﺋﯘﻳﻐﯘﺭ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﯩﯔ ﺑﯜﮔﯜﻧﻜﻰ ﺋﯧﭽﯩﻨﯩﺸﻠﯩﻖ ﯞﻩﺯﯨﻴﯩﺘﻰ
ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﺗﺎﻟﻤﯩﺶ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺳﯩﻴﺎﺳﯩﺘﻰ ﺋﻮﻣﯘﻣﻴﯜﺯﻟﯜﻙ ﺑﺎﺷﻼﻧﻐﺎﻥ 2004 - ﻳﯩﻠﯩﻨﯩﯔ ﺋﺎﺧﯩﺮﯨﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯘﻳﯩﭽﻪ 52 ﻣﯩﻠﻠﯩﻲ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﺘﻪ ﺗﻪﺳﯩﺲ ﻗﯩﻠﯩﻨﻐﺎﻥ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ ﺳﯩﻨﯩﭙﻰ " ﻧﯩﯔ ﺳﺎﻧﻰ 946، ﺑﯘ ﺳﯩﻨﯩﭙﻼﺭﺩﺍ ﺋﻮﻗﯘﻳﺪﯨﻐﺎﻥ ﻣﯩﻠﻠﯩﻲ ﺋﻮﻗﯘﻏﯘﭼﯩﻼﺭﻧﯩﯔ ﺳﺎﻧﻰ 35 ﻣﯩﯔ 948 ﻧﻪﭘﻪﺭ ﺋﯩﺪﻯ. ﺋﯘﻧﺪﺍﻗﺘﺎ ﻫﺎﺯﯨﺮﭼﯘ ؟ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﺑﯘ ﻳﯩﻞ 1 - ﺋﺎﻳﺪﺍ ﺋﯜﺭﯛﻣﭽﯩﺪﻩ ﭼﺎﻗﯩﺮﯨﻠﻐﺎﻥ " ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﺧﯩﺰﻣﯩﺘﻰ ﻳﯩﻐﯩﻨﻰ " ﺩﺍ ﻗﯩﻠﻐﺎﻥ ﺳﯚﺯﯨﺪﻩ، ﻳﯩﻞ ﺑﯧﺸﯩﻐﺎ ﻗﻪﺩﻩﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﻣﯩﻠﻠﯩﻲ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﺩﻩ ﺗﻪﺳﯩﺲ ﻗﯩﻠﯩﻨﻐﺎﻥ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ ﺳﯩﻨﯩﭙﻰ " ﻧﯩﯔ ﺳﺎﻧﯩﻨﯩﯔ 5000 ﮔﻪ ﻳﻪﺗﻜﻪﻧﻠﯩﻜﯩﻨﻰ، ﺑﯘﻧﯩﯖﺪﺍ ﺋﻮﻗﯘﯞﺍﺗﻘﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺳﺎﻧﯩﻨﯩﯔ 150 ﻣﯩﯔ ﻧﻪﭘﻪﺭﺩﯨﻦ ﺋﺎﺷﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺪﻯ.

2004 - ﻳﯩﻠﯩﺪﯨﻦ 2008 - ﻳﯩﻠﯩﻐﺎ ﻗﻪﺩﻩﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺧﯩﺘﺎﻱ ﻣﻪﻛﺘﻪﭘﻠﯩﺮﯨﮕﻪ ﻗﻮﺷﯘﯞﯦﺘﯩﻠﮕﻪﻥ ﻣﯩﻠﻠﯩﻲ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﻧﯩﯔ ﺋﻮﻣﯘﻣﻰ ﺳﺎﻧﻰ 891 ﺑﻮﻟﯘﭖ، ﻫﺎﺯﯨﺮ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻣﻪﯞﺟﯘﺕ ﻣﯩﻠﻠﯩﻲ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﻧﯩﯔ ﻫﻪﻣﻤﯩﺴﯩﺪﯨﻼ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﻳﻮﻟﻐﺎ ﻗﻮﻳﯘﻟﻤﺎﻗﺘﺎ. ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ ، ﻧﯚﯞﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺧﯩﺘﺎﻱ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﻠﯩﺮﯨﺪﻩ ﺋﻮﻗﯘﯞﺍﺗﻘﺎﻥ " ﻣﯩﻨﻜﺎﯞﺧﻪﻥ " ﻟﻪﺭ ﻳﻪﻧﻰ ﻣﯩﻠﻠﯩﻲ ﺋﻮﻗﯘﻏﯘﭼﯩﻼﺭ، ﺑﯘ ﻣﻪﻛﺘﻪﭘﻠﻪﺭﺩﯨﻜﻰ ﺋﻮﻣﯘﻣﯩﻲ ﺋﻮﻗﯘﻏﯘﭼﯩﻼﺭﻧﯩﯔ 20 ﭘﯩﺮﺳﻪﻧﺘﯩﺪﯨﻦ ﻛﯚﭘﺮﻩﻛﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ 2004 - ﻳﯩﻠﻰ ﺧﯩﺘﺎﻳﻨﯩﯔ ﺋﯩﭽﻜﻰ ﺋﯚﻟﻜﯩﻠﯩﺮﯨﺪﻩ ﺗﻪﺳﯩﺲ ﻗﯩﻠﯩﻨﻐﺎﻥ " ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﻯ " ﻏﯩﻤﯘ ﻳﯩﻠﯩﻐﺎ 5000 ﻧﻪﭘﻪﺭﺩﯨﻦ ﺋﺎﺭﺗﯘﻕ ﺋﻮﻗﯘﻏﯘﭼﻰ ﺋﻪﯞﻩﺗﯩﻠﻤﻪﻛﺘﻪ.
ﺋﺎﺗﺎﻟﻤﯩﺶ " ﻗﻮﺵ ﺗﯩﻠﻠﯩﻖ ﻳﻪﺳﻠﻰ " ﻧﯩﯔ ﺧﻪﺗﯩﺮﻯ
ﺧﯩﺘﺎﻳﻨﯩﯔ ﺭﻩﺳﻤﯩﻲ ﺳﺘﺎﺗﯩﺴﺘﯩﻜﯩﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﯩﺸﯩﭽﻪ، ﻧﯚﯞﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ 3 - 6 ﻳﺎﺵ ﺋﺎﺭﯨﻠﯩﻘﯩﺪﯨﻜﻰ ﺋﯚﺳﻤﯜﺭﻟﻪﺭﻧﯩﯔ ﺳﺎﻧﻰ 1 ﻣﯩﻠﻴﻮﻥ 200 ﻣﯩﯔ ﻧﻪﭘﻪﺭ ﺑﻮﻟﯘﭖ، ﺑﯘﻧﯩﯔ 720 ﻣﯩﯔ ﻧﻪﭘﯩﺮﻯ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﺪﯨﻦ ﺋﯩﺒﺎﺭﻩﺕ، ﻫﺎﺯﯨﺮﻏﺎ ﻗﻪﺩﻩﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﯘﻳﻐﯘﺭﻻﺭ ﺋﻮﻟﺘﯘﺭﺍﻗﻼﺷﻘﺎﻥ ﻳﯧﺰﯨﻠﯩﺮﯨﻨﯩﯔ 60 ﭘﯩﺮﺳﻪﻧﺘﯩﺪﻩ " ﻗﻮﺵ ﺗﯩﻠﻠﯩﻖ ﻳﻪﺳﻠﻰ " ﺩﻩﭖ ﺋﺎﺗﺎﻟﻐﺎﻥ ﺧﯩﺘﺎﻳﭽﻪ ﻳﻪﺳﻠﯩﻠﻪﺭ ﻗﯘﺭﯗﻟﯘﭖ ﺑﻮﻟﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﻪﺭﻟﯩﻚ ﺋﯚﺳﻤﯜﺭﻟﻪﺭﻧﯩﯔ ﻫﻪﻣﻤﯩﺴﯩﻨﯩﯔ ﻣﻪﻛﺘﻪﭘﻜﻪ ﻛﯩﺮﯨﺸﺘﯩﻦ ﺑﯘﺭﯗﻥ ﺧﯩﺘﺎﻳﭽﯩﺴﯩﻨﻰ ﭼﯩﻘﯩﺮﯨﭗ ﺑﻮﻟﯘﺷﻨﻰ ﻣﯘﻫﯩﻢ ﻧﯩﺸﺎﻧﻠﯩﺮﯨﻨﯩﯔ ﺑﯩﺮﻯ ﻗﯩﻠﯩﭗ ﺑﯧﻜﯩﺘﻜﻪﻥ ﯞﻩ ﺋﺎﻟﺪﯨﻤﯩﺰﺩﯨﻜﻰ 5 ﻳﯩﻞ ﺋﯩﭽﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﯘﻳﻐﯘﺭﻻﺭ ﺋﻮﻟﺘﯘﺭﺍﻗﻼﺷﻘﺎﻥ ﭘﯜﺗﯜﻥ ﻳﯧﺰﺍ - ﻛﻪﻧﺘﻠﯩﺮﯨﺪﻩ " ﻗﻮﺵ ﺗﯩﻠﻠﯩﻖ ﻳﻪﺳﻠﻰ " ﻧﻰ ﺋﻮﻣﯘﻣﻼﺷﺘﯘﺭﯗﭖ ﺑﻮﻟﯘﺷﻨﻰ ﺟﯩﺪﺩﯨﻲ ﭘﯩﻼﻥ ﻗﯩﻠﻤﺎﻗﺘﺎ.
ﻣﯩﻠﻠﯩﻲ ﻣﺎﺋﺎﺭﯨﭙﭽﯩﻼﺭ ﯞﻩ ﺋﻮﻗﯘﺗﻘﯘﭼﯩﻼﺭﻧﯩﯔ ﺋﯧﭽﯩﻨﯩﺸﻠﯩﻖ ﯞﻩﺯﯨﻴﯩﺘﻰ
ﺧﯩﺘﺎﻳﻨﯩﯔ ﺳﺎﻧﻠﯩﻖ ﻣﻪﻟﯘﻣﺎﺗﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، 4 ﻳﯩﻞ ﺋﯩﭽﯩﺪﻩ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﺳﯩﻴﺎﺳﯩﺘﯩﻨﻰ ﺋﯩﺠﺮﺍ ﻗﯩﻠﯩﺶ ﺋﯜﭼﯜﻥ ﺋﺎﺟﺮﺍﺗﻘﺎﻥ ﻣﻪﺑﻠﯩﻐﻰ 130 ﻣﯩﻠﻴﻮﻥ ﻳﯘﻩﻥ ﺑﻮﻟﯘﭖ، ﺑﯘ ﺟﻪﺭﻳﺎﻧﺪﺍ 10 ﻣﯩﯖﺪﯨﻦ ﺋﺎﺭﺗﯘﻕ ﻣﯩﻠﻠﯩﻲ ﺋﻮﻗﯘﺗﻘﯘﭼﻰ ﻣﻪﺟﺒﯘﺭﯨﻲ ﺧﯩﺘﺎﻳﭽﻪ ﻛﯘﺭﺳﻼﺭﻏﺎ ﺋﻪﯞﻩﺗﯩﻠﮕﻪﻥ، ﻛﯚﭘﻠﯩﮕﻪﻥ ﺋﻮﺗﺘﯘﺭﺍ ﻳﺎﺵ ﯞﻩ ﻳﺎﺷﺎﻧﻐﺎﻥ ﭘﯩﺸﻘﻪﺩﻩﻡ ﻣﯩﻠﻠﯩﻲ ﺋﻮﻗﯘﺗﻘﯘﭼﯩﻼﺭ، " ﺧﯩﺘﺎﻳﭽﯩﻨﻰ ﺑﯩﻠﻤﻪﻳﺪﯗ " ﺩﯦﮕﻪﻥ ﺳﻪﯞﻩﺏ ﺑﯩﻠﻪﻥ ﻣﻪﺟﺒﯘﺭﯨﻲ ﺩﻩﻡ ﺋﯧﻠﯩﺸﻘﺎ ﭼﯩﻘﯩﺮﯨﻠﻐﺎﻥ ﻳﺎﻛﻰ ﺑﺎﺷﻘﺎ ﻛﻪﺳﯩﭙﻠﻪﺭﮔﻪ ﻳﯜﺯﻟﻪﻧﺪﯛﺭﯛﻟﮕﻪﻥ، ﺋﯘﻻﺭﻧﯩﯔ ﺋﻮﺭﻧﯩﻐﺎ ﺑﻮﻟﺴﺎ ﺧﯩﺘﺎﻱ ﺋﻮﻗﯘﺗﻘﯘﭼﯩﻼﺭ ﻳﻪﺭﻟﻪﺷﺘﯜﺭﯛﻟﮕﻪﻥ.

ﻣﻪﺳﯩﻠﻪﻥ، " ﺗﻴﺎﻧﺸﺎﻥ ﺗﻮﺭﻯ " ﻧﯩﯔ 10 - ﺋﺎﻳﻨﯩﯔ 5 - ﻛﯜﻧﻰ ﺧﻪﯞﻩﺭ ﻗﯩﻠﯩﺸﯩﭽﻪ، ﻧﯚﯞﻩﺗﺘﻪ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﻧﯩﯔ ﻛﯚﻟﯩﻤﻰ ﺗﯩﺰ ﺳﯜﺭﻩﺗﺘﻪ ﻛﯧﯖﯩﻴﯩﭗ، ﻳﻪﺭﻟﯩﻚ ﻣﯩﻠﻠﻪﺗﻠﻪﺭ ﺋﯜﭼﯜﻥ ﺋﯧﭽﯩﻠﻐﺎﻥ " ﻗﻮﺵ ﺗﯩﻠﻠﯩﻖ ﺑﺎﺷﻼﻧﻐﯘﭺ ﻣﻪﻛﺘﻪﭖ " ﻟﻪﺭﻧﯩﯔ ﺳﺎﻧﻰ ﻛﯚﭘﻪﻳﮕﻪﭼﻜﻪ، ﺋﻮﻗﯘﺗﻘﯘﭼﻰ ﻳﯧﺘﯩﺸﻤﻪﺳﻠﯩﻚ ﻗﯩﻴﯩﻨﭽﯩﻠﯩﻘﻰ ﻛﯚﺭﯛﻟﮕﻪﻥ. ﺑﯘ ﺳﻪﯞﻩﺑﺘﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ 2008 - ﻳﯩﻠﯩﺪﯨﻦ 2013 - ﻳﯩﻠﯩﻐﯩﭽﻪ ﺑﻮﻟﻐﺎﻥ 6 ﻳﯩﻞ ﺋﯩﭽﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﯨﻜﻰ ﺋﺎﺗﺎﻟﻤﯩﺶ " ﻗﻮﺵ ﺗﯩﻠﻠﯩﻖ ﻣﻪﻛﺘﻪﭖ " ﻟﻪﺭ ﺋﯜﭼﯜﻥ ﻳﯧﯖﯩﺪﯨﻦ 15 ﻣﯩﯔ 600 ﻧﻪﭘﻪﺭ ﺋﻮﻗﯘﺗﻘﯘﭼﻰ ﻗﻮﺑﯘﻝ ﻗﯩﻠﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ. ﺋﺎﺩﻩﺗﺘﻪ ﺑﯘ " ﻗﻮﺵ ﺗﯩﻠﻠﯩﻖ ﺋﻮﻗﯘﺗﯘﺵ " ﻗﺎ ﻗﻮﺑﯘﻝ ﻗﯩﻠﯩﻨﻐﺎﻥ ﺋﻮﻗﯘﺗﻘﯘﭼﯩﻼﺭﻧﯩﯔ ﻫﻪﻣﻤﯩﺴﯩﻼ ﺧﯩﺘﺎﻳﻼﺭ ﺑﻮﻟﯘﭖ ﻛﻪﻟﻤﻪﻛﺘﻪ.
ﻣﯩﻠﻠﯩﻲ ﻣﺎﺋﺎﺭﯨﭙﯩﯔ ﺑﻮﻟﻤﯩﺴﺎ، ﻣﯩﻠﻠﯩﻲ ﻛﯩﻤﻠﯩﻜﯩﯖﻨﻰ ﺳﺎﻗﻼﭖ ﻗﯧﻠﯩﺸﯩﯔ ﻣﯘﻣﻜﯩﻦ ﺋﻪﻣﻪﺱ
ﺩﯦﻤﻪﻙ، ﻳﯘﻗﯩﺮﯨﻘﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ، ﻧﯚﯞﻩﺗﺘﻪ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﯩﯔ ﻧﻪﻗﻪﺩﻩﺭ ﺯﻭﺭ ﺑﯩﺮ ﺧﻪﯞﭘﻜﻪ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ، ﺷﯘﻧﺪﺍﻗﻼ ﺋﯘﻳﻐﯘﺭﻻﺭﻧﯩﯔ ﺑﯘ ﺟﻪﻫﻪﺗﺘﯩﻜﻰ ﺋﻪﻧﺪﯨﺸﯩﻠﯩﺮﯨﻨﯩﯔ ﻧﻪﻗﻪﺩﻩﺭ ﻫﻪﻗﻠﯩﻖ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ ﺗﯘﺭﻣﺎﻗﺘﺎ. ﭼﯜﻧﻜﻰ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﻰ ﻳﻮﻗﺎﺗﻘﺎﻥ ﻣﯩﻠﻠﻪﺕ ﻣﯩﻠﻠﯩﻲ ﺗﯩﻞ - ﻳﯧﺰﯨﻘﯩﻨﻰ ﻳﻮﻗﯩﺘﯩﭙﻼ ﻗﺎﻟﻤﺎﺳﺘﯩﻦ، ﻣﯩﻠﻠﯩﻲ ﺋﯚﺭﭖ - ﺋﺎﺩﻩﺗﻠﯩﺮﯨﻨﯩﻤﯘ ﻳﻮﻗﯩﺘﯩﺪﯗ، ﺋﯚﺭﭖ - ﺋﺎﺩﻩﺕ ﻳﻮﻗﺎﻟﺴﺎ ﻣﯩﻠﻠﻪﺗﻤﯘ ﻳﻮﻗﺎﻳﺪﯗ، ﻣﯩﻠﻠﻪﺕ ﻳﻮﻗﺎﻟﻐﺎﻥ ﺋﯩﻜﻪﻥ، ﺋﻮﺧﺸﺎﺵ ﯞﺍﻗﯩﺘﺘﺎ ﺋﯘﻧﯩﯔ ﺋﯩﻤﺎﻧﯩﻤﯘ ﻳﻮﻗﺎﻳﺪﯗ.

ﻣﯩﻠﻠﯩﻲ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭ ﺑﻮﻟﺴﺎ ﺋﯘﻳﻐﯘﺭ ﻳﺎﺵ - ﺋﯚﺳﻤﯜﺭﻟﯩﺮﯨﻨﯩﯔ ﺋﯚﺯﻟﯩﺮﯨﻨﯩﯔ ﻣﯩﻠﻠﯩﻲ ﺗﯩﻞ - ﻳﯧﺰﯨﻘﯩﻨﻰ، ﺗﺎﺭﯨﺨﯩﻨﻰ، ﺋﯚﺭﭖ - ﺋﺎﺩﻩﺗﻠﯩﺮﯨﻨﻰ، ﻣﯩﻠﻠﯩﻲ ﺋﻪﺩﻩﭖ - ﺋﻪﺧﻼﻕ ﯞﻩ ﺧﯩﺴﻠﻪﺗﻠﯩﺮﯨﻨﻰ ﺋﯚﮔﯩﻨﯩﺪﯨﻐﺎﻥ ﺋﻪﯓ ﻣﯘﻫﯩﻢ ﺩﻩﯞﺭﯨﺪﯨﻦ ﺋﯩﺒﺎﺭﻩﺕ، ﺳﯩﻨﯩﯔ ﺑﯘ ﻫﻪﻝ ﻗﯩﻠﻐﯘﭺ ﺩﻩﯞﺭﯨﯔ ﺧﯩﺘﺎﻳﭽﻪ ﺋﯚﮔﯩﻨﯩﺶ ﺑﯩﻠﻪﻥ ﺋﯚﺗﺴﻪ، ﺋﯘ ﻫﺎﻟﺪﺍ ﺳﻪﻥ ﻣﯩﻠﻠﯩﻲ ﻣﻪﯞﺟﯘﺗﻠﯘﻗﯘﯕﻨﻰ ﻗﺎﻧﺪﺍﻕ ﺳﺎﻗﻼﭖ ﻗﺎﻻﻻﻳﺴﻪﻥ ؟
ﺑﯩﺮ ﻣﯩﻠﻠﻪﺗﻨﯩﯔ ﻣﻪﺩﻩﻧﯩﻴﯩﺘﻰ، ﺩﯗﻧﻴﺎ ﯞﻩ ﺋﯩﻨﺴﺎﻧﯩﻴﻪﺕ ﻏﻪﺯﯨﻨﯩﺴﯩﻨﯩﯔ ﻣﯘﻫﯩﻢ ﺗﻪﺭﻛﯩﺒﻰ ﻗﯩﺴﻤﻰ
" ﻳﺎﯞﺭﻭﭘﺎ ﺑﯩﺮﻟﯩﻜﻰ " ﻧﻰ ﺋﯧﻠﯩﭗ ﺋﯧﻴﺘﺴﺎﻕ، ﺑﯘ ﺑﯩﺮﻟﯩﻜﻨﯩﯔ ﺗﻪﺭﻛﯩﺒﯩﺪﻩ ﻫﺎﺯﯨﺮ 30 ﻏﺎ ﻳﯧﻘﯩﻦ ﺩﯙﻟﻪﺕ ﺑﺎﺭ، ﺋﻪﻣﻤﺎ ﺑﯘ ﺑﯩﺮﻟﯩﻜﻨﯩﯔ ﺋﻮﺭﺗﺎﻕ ﺑﯩﺮ ﺗﯩﻠﻰ، ﺋﻮﺭﺗﺎﻕ ﺑﯩﺮ ﻳﯧﺰﯨﻘﻰ ﻳﺎﻛﻰ ﺋﻮﺭﺗﺎﻕ ﺑﯩﺮ ﻣﺎﺋﺎﺭﯨﭙﻰ ﻳﻮﻕ، ﺑﯘ ﺑﯩﺮﻟﯩﻜﻜﻪ ﺗﻪﯞﻩ ﺩﯙﯞﻟﻪﺗﻠﻪﺭﻻ ﺋﻪﻣﻪﺱ، ﻫﻪﺗﺘﺎ ﺑﯩﺮﻟﯩﻚ ﺗﻪﺭﻛﯩﺒﯩﺪﯨﻜﻰ ﺑﻪﺯﻯ ﺩﯙﻟﻪﺗﻠﻪﺭﻧﯩﯔ " ﻛﺎﻧﺘﻮﻥ " ﺩﻩﭖ ﺋﺎﺗﺎﻟﻐﺎﻥ " ﺋﺎﭘﺘﻮﻧﻮﻡ ﺭﺍﻳﻮﻥ " ﻟﯩﺮﯨﻤﯘ ﺋﯚﺯﯨﻨﯩﯔ ﺗﯩﻞ - ﻳﯧﺰﯨﻘﯩﻨﻰ، ﻣﯩﻠﻠﯩﻲ ﻣﺎﺋﺎﺭﯨﭙﯩﻨﻰ ﯞﻩ ﻣﯩﻠﻠﯩﻲ ﺋﯚﺭﭖ ﺋﺎﺩﻩﺗﻠﯩﺮﯨﻨﻰ ﻗﻮﻏﺪﺍﭖ ﻛﻪﻟﻤﻪﻛﺘﻪ. ﻣﻪﺳﯩﻠﻪﻥ ، ﺳﯩﺰ ﺷﯩﯟﯨﺘﺴﺎﺭﯨﻴﯩﮕﻪ ﺑﯧﺮﯨﭗ ﺑﯧﻘﯩﯔ، ﺑﯘ ﺩﯙﻟﻪﺕ ﺋﯩﻨﮕﯩﻠﯩﺰﭼﻪ، ﻓﺮﺍﻧﺴﯘﺯﭼﻪ، ﮔﯧﺮﻣﺎﻧﭽﻪ ﯞﻩ ﺋﯩﺘﺎﻟﯩﻴﯩﭽﻪ ﺳﯚﺯﻟﻪﻳﺪﯨﻐﺎﻥ ﻛﺎﻧﺘﻮﻧﻼﺭﻏﺎ، ﻳﻪﻧﻰ ﺋﺎﭘﺘﻮﻧﻮﻡ ﺭﺍﻳﻮﻧﻼﺭﻏﺎ ﺑﯚﻟﯜﻧﮕﻪﻥ ﺑﻮﻟﯘﭖ، ﻗﺎﻳﺴﻰ ﺧﯩﻠﺪﺍ ﺳﯚﺯﻟﻪﻳﺪﯨﻐﺎﻥ ﺋﺎﭘﺘﻮﻧﻮﻡ ﺭﺍﻳﻮﻧﻐﺎ ﺑﺎﺭﺳﯩﯖﯩﺰ، ﺷﯘ ﺭﺍﻳﻮﻧﻨﯩﯔ ﻗﻮﻟﻠﯩﻨﯩﯟﺍﺗﻘﺎﻥ ﺗﯩﻠﯩﻨﻰ ﺳﯚﺯﻟﯩﺸﯩﯖﯩﺰ ﻻﺯﯨﻢ، ﺩﯙﻟﻪﺗﻨﯩﯔ ﺋﻮﺭﺗﺎﻕ ﺑﯩﺮ ﺗﯩﻠﻰ ﻳﺎﻛﻰ ﻣﯩﻠﻠﯩﻲ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ ﻳﻮﻕ، ﻗﺎﻳﺴﻰ ﺭﺍﻳﻮﻧﻐﺎ ﺑﺎﺭﺳﯩﯖﯩﺰ، ﺷﯘ ﺭﺍﻳﻮﻧﻨﯩﯔ ﺗﯩﻠﯩﺪﺍ ﺳﯚﺯﻟﯩﺸﯩﯖﯩﺰ، ﺷﯘ ﺭﺍﻳﻮﻧﺪﺍ ﻳﺎﺷﺎﯞﺍﺗﻘﺎﻥ ﺧﻪﻟﻘﻠﻪﺭﻧﯩﯔ ﺋﯚﺭﭖ - ﺋﺎﺩﻩﺗﻠﯩﺮﯨﮕﻪ ﻫﯚﺭﻣﻪﺕ ﻗﯩﻠﯩﺸﯩﯖﯩﺰ ﻻﺯﯨﻢ.

ﻣﻪﺳﯩﻠﻪﻥ، " ﻳﺎﯞﺭﻭﭘﺎ ﺑﯩﺮﻟﯩﻜﻰ " ﻧﯩﯔ ﺋﻪﯓ ﻧﻮﭘﻮﺯﻟﯘﻕ ﺋﻪﺯﺍﺳﻰ ﻓﺮﺍﻧﺴﯩﻴﯩﻨﻰ ﺋﯧﻠﯩﭗ ﺋﯧﻴﺘﺴﺎﻕ، ﺑﯘ ﺩﯙﻟﻪﺗﻜﻪ ﺩﺍﺋﯩﺮ ﻣﯘﻧﺪﺍﻕ ﺑﯩﺮ ﺭﯨﯟﺍﻳﻪﺕ ﺑﺎﺭ. ﺋﻪﮔﻪﺭ ﺑﯩﺮ ﻛﯩﺸﻰ ﻓﺮﺍﻧﺴﯩﻴﯩﺪﻩ ﺳﯘﻏﺎ ﭼﯜﺷﯜﭖ ﻛﯧﺘﯩﭗ، ﺋﯩﻨﮕﯩﻠﯩﺰﭼﻪ، " ﻣﯩﻨﻰ ﻗﯘﺗﻘﯘﺯﯗﯕﻼﺭ " ﺩﻩﭖ ﯞﺍﺭﻗﯩﺮﯨﺴﺎ، ﺋﯘ ﻛﯩﺸﯩﮕﻪ ﻫﯧﭽﻜﯩﻢ ﻳﺎﺭﺩﻩﻡ ﻗﻮﻟﯩﻨﻰ ﺳﯘﻧﻤﺎﻳﺪﯗ، ﺋﻪﮔﻪﺭ ﻳﺎﺭﺩﻩﻡ ﻛﯧﺮﻩﻙ ﺑﻮﻟﺴﺎ ﺟﻪﺯﻣﻪﻥ ﻓﺮﺍﻧﺴﯘﺯﭼﻪ ﯞﺍﺭﻗﯩﺮﯨﺸﯩﯖﯩﺰ ﻻﺯﯨﻢ، ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ ﻳﺎﯞﺭﻭﭘﺎ ﺑﯩﺮﻟﯩﻜﻰ ﺗﻪﺭﻛﯩﺒﯩﺪﯨﻜﻰ ﺩﯙﻟﻪﺕ ﺧﻪﻟﻘﻠﯩﺮﯨﻨﯩﯔ ﻫﻪﻣﻤﯩﺴﯩﻼ ﺋﯩﻨﮕﯩﻠﯩﺰﭼﻪ ﺑﯩﻠﯩﺪﯗ، ﻣﻪﻛﺘﻪﭘﻠﻪﺭﺩﯨﻤﯘ ﺑﯘ ﺗﯩﻞ ﭘﻪﻗﻪﺗﻼ ﻗﻮﺷﯘﻣﭽﻪ ﭼﻪﺗﺌﻪﻝ ﺗﯩﻠﻰ ﺩﻩﺭﺳﻰ ﻗﺎﺗﺎﺭﯨﺪﺍ ﺋﯚﺗﯜﻟﯩﺪﯗ ﯞﻩ ﻳﺎﯞﺭﻭﭘﺎﺩﺍ ﻫﯧﭽﺒﯩﺮ ﺗﯩﻞ - ﻳﯧﺰﯨﻘﻨﯩﯔ ﻣﻮﻧﻮﭘﻮﻟﻠﯘﻗﻰ ﻳﻮﻕ. ﻳﺎﯞﺭﻭﭘﺎ ﺑﯩﺮﻟﯩﻜﯩﺪﯨﻜﻰ ﭘﯜﺗﯜﻥ ﺩﯙﻟﻪﺗﻠﻪﺭ ﺑﯩﺮ - ﺑﯩﺮﯨﻨﯩﯔ ﺗﯩﻞ - ﻳﯧﺰﯨﻘﯩﻐﺎ ﯞﻩ ﻣﻪﺩﻩﻧﯩﻴﯩﺘﯩﮕﻪ ﻳﯜﻛﺴﻪﻙ ﺩﻩﺭﯨﺠﯩﺪﻩ ﻫﯚﺭﻣﻪﺕ ﻗﯩﻠﯩﭗ ﻛﻪﻟﻤﻪﻛﺘﻪ.

ﭘﯜﺗﯜﻥ ﻳﺎﯞﺭﻭﭘﺎ ﺋﻪﻟﻠﯩﺮﯨﺪﯨﻜﻰ ﺋﻮﺗﺘﯘﺭﺍ - ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭ، ﺋﯚﺯ ﻣﯩﻠﻠﯩﺘﯩﻨﯩﯔ ﭘﻪﺭﺯﻩﻧﺘﻠﯩﺮﯨﮕﻪ ﺋﺎﻟﺪﻯ ﺑﯩﻠﻪﻥ ﻣﯩﻠﻠﯩﻲ ﺗﯩﻞ - ﻳﯧﺰﯨﻘﯩﻨﻰ، ﺗﺎﺭﯨﺨﯩﻨﻰ، ﺋﯚﺭﭖ - ﺋﺎﺩﻩﺗﻠﯩﺮﯨﻨﻰ، ﺩﯨﻨﯩﻨﻰ ﯞﻩ ﻣﻪﺩﻩﻧﯩﻴﯩﺘﯩﻨﻰ ﺋﯚﮔﯩﺘﯩﺸﻨﻰ ﺋﺎﺳﺎﺳﻰ ﺋﻮﺭﯗﻧﻐﺎ ﻗﻮﻳﯘﭖ ﻛﻪﻟﻤﻪﻛﺘﻪ. ﭼﯜﻧﻜﻰ ﺋﻪﺭﻛﯩﻦ ﺩﯗﻧﻴﺎ ﺩﯙﻟﻪﺗﻠﯩﺮﻯ ﺋﯜﭼﯜﻥ ﺑﯩﺮ ﻣﯩﻠﻠﻪﺗﻨﯩﯔ ﺗﯩﻞ - ﻳﯧﺰﯨﻘﻰ، ﻣﯩﻠﻠﯩﻲ ﻣﺎﺋﺎﺭﯨﭙﻰ ﯞﻩ ﺋﯚﺭﭖ - ﺋﺎﺩﻩﺗﻠﯩﺮﻯ ﺑﻮﻟﺴﺎ ﺩﯗﻧﻴﺎ ﯞﻩ ﺋﯩﻨﺴﺎﻧﯩﻴﻪﺕ ﻏﻪﺯﯨﻨﯩﺴﯩﻨﯩﯔ ﻣﯘﻫﯩﻢ ﺗﻪﺭﻛﯩﺒﻰ ﻗﯩﺴﻤﯩﺪﯨﻦ ﺋﯩﺒﺎﺭﻩﺕ !

ﺷﯘﯕﺎ، ﺑﯜﮔﯜﻧﻜﻰ ﻛﯜﻧﺪﻩ ﻏﻪﺭﺏ ﺩﯦﻤﻮﻛﺮﺍﺗﯩﻚ ﺋﻪﻟﻠﯩﺮﯨﻨﯩﯔ ﯞﻩ ﺧﻪﻟﻘﺌﺎﺭﺍﻟﯩﻖ ﻛﯩﺸﯩﻠﯩﻚ ﻫﻮﻗﻮﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﻰ ﺧﯩﺘﺎﻳﻼﺷﺘﯘﺭﯗﺵ ﺳﯩﻴﺎﺳﯩﺘﯩﮕﻪ ﻗﺎﺭﺷﻰ ﺗﯘﺭﯗﺷﻰ ﯞﻩ ﺑﯘ ﺧﯩﻞ ﺳﯩﻴﺎﺳﺘﯩﻨﻰ، " ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻣﻪﯞﺟﯘﺗﻠﯘﻗﯩﻨﻰ ﻳﻮﻗﯩﺘﯩﺶ ﺳﯩﻴﺎﺳﯩﺘﻰ " ﺩﻩﭖ ﻗﺎﺭﯨﺸﻰ ﻫﻪﺭﮔﯩﺰﻣﯘ ﺋﻪﺟﻪﭘﻠﯩﻨﻪﺭﻟﯩﻚ ﻫﺎﺩﯨﺴﻪ ﺋﻪﻣﻪﺱ !

ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﺸﺘﯩﻜﻰ ﺗﺎﺭﯨﺨﯩﻲ ﺑﺎﺳﻘﯘﭼﻼﺭ

ﺋﯘﻳﻐﯘﺭﻻﺭ ﻗﯘﺭﺋﺎﻥ ﻛﻪﺭﯨﻤﻨﻰ ﻧﺎﻫﺎﻳﯩﺘﻰ ﺑﻪﻙ ﺋﯘﻟﯘﻏﻼﻳﺪﯗ. ﺋﯘﻻﺭ ﻗﯘﺭﺋﺎﻥ ﻛﻪﺭﯨﻤﻨﻰ ﺗﺎﻫﺎﺭﻩﺗﺴﯩﺰ ﺗﯘﺗﻤﺎﻳﺪﯗ، ﺗﺎﻫﺎﺭﻩﺗﺴﯩﺰ ﺋﻮﻗﯘﻣﺎﻳﺪﯗ. ﺋﯘﻧﻰ ﺋﻮﻗﯘﻏﺎﻧﺪﺍ ﻫﯚﺭﻣﻪﺗﻠﯩﮕﻪﻧﻠﯩﻜﺘﯩﻦ، ﻛﯚﻛﺴﯩﻨﯩﯔ ﺋﯜﺳﺘﯩﺪﻩ ﺋﯧﮕﯩﺰ ﺗﯘﺗﯘﭖ ﺗﯘﺭﯗﭖ ﺋﻮﻗﯘﻳﺪﯗ. ﺋﯘﻧﻰ ﺳﺎﻗﻠﯩﻐﺎﻧﺪﯨﻤﯘ ﺋﯚﻳﻠﯩﺮﯨﻨﯩﯔ ﺋﻪﯓ ﺋﯧﮕﯩﺰ ﺟﺎﻳﻠﯩﺮﯨﺪﺍ ﻗﻮﻳﯘﭖ ﺳﺎﻗﻼﻳﺪﯗ. ﻗﯘﺭﺋﺎﻥ ﺋﻮﻗﯘﻟﻐﺎﻥ ﺟﺎﻳﺪﺍ ﺋﻪﺩﻩﺏ ﺑﯩﻠﻪﻥ ﺋﻮﻟﺘﯘﺭﯗﭖ ﺋﯘﻧﻰ ﺋﯩﺨﻼﺱ ﺑﯩﻠﻪﻥ ﺗﯩﯖﺸﺎﻳﺪﯗ.

ﺋﯘﻳﻐﯘﺭﻻﺭ ﺋﯚﻟﯜﻡ - ﻳﯧﺘﯩﻢ، ﻧﻪﺯﯨﺮ - ﭼﯩﺮﺍﻏﻼﺭﺩﺍ، ﺋﺎﺗﺎ - ﺋﺎﻧﯩﺴﯩﻨﯩﯔ ﻗﻪﺑﺮﯨﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﻠﯩﺮﯨﺪﺍ، ﺑﯩﺮ - ﺑﯩﺮﯨﻨﯩﯔ ﻣﯘﺳﯩﺒﻪﺗﻠﯩﺮﯨﮕﻪ ﺗﻪﺯﯨﻴﻪ ﺑﯩﻠﺪﯛﺭﮔﻪﻧﻠﯩﺮﯨﺪﻩ ﺋﺎﻟﺪﻯ ﺑﯩﻠﻪﻥ ﻗﯘﺭﺋﺎﻥ ﺋﻮﻗﯘﭖ ﺋﺎﻧﺪﯨﻦ ﺩﯗﺋﺎ ﻗﯩﻠﯩﺪﯗ. ﻗﯩﺰ - ﺋﻮﻏﯘﻟﻠﯩﺮﯨﻨﯩﯔ ﻧﯩﻜﺎﻫﻠﯩﺮﯨﻨﻰ ﺋﻮﻗﯘﺷﻨﯩﻤﯘ ﻗﯘﺭﺋﺎﻥ ﺋﻮﻗﯘﺵ ﺑﯩﻠﻪﻥ ﺑﺎﺷﻼﻳﺪﯗ. ﻫﻪﺗﺘﺎ ﻛﯜﻧﺪﯨﻠﯩﻚ ﻧﺎﻣﺎﺯﻟﯩﺮﯨﻨﻰ ﻗﯘﺭﺋﺎﻥ ﺳﯜﺭﯨﻠﯩﺮﯨﺪﯨﻦ ﺑﯩﺮ ﻗﺎﻧﭽﻪ ﺳﯜﺭﻩ ﺋﻮﻗﯘﻣﺎﺳﺘﯩﻦ ﺋﺎﺩﺍ ﻗﯩﻼﻟﻤﺎﻳﺪﯗ. ﺩﯦﻤﻪﻙ، ﻗﯘﺭﺋﺎﻥ ﻛﻪﺭﯨﻢ ﺋﯘﻳﻐﯘﺭﻻﺭﻧﯩﯔ ﻛﯜﻧﺪﯨﻠﯩﻚ ﻫﺎﻳﺎﺗﯩﺪﺍ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻮﺭﯗﻥ ﺗﯘﺗﯘﭖ ﻛﻪﻟﻤﻪﻛﺘﻪ.

ﻗﯘﺭﺋﺎﻥ ﻛﻪﺭﯨﻢ ﺋﯘﻳﻐﯘﺭﻻﺭﻧﯩﯔ ﻫﺎﻳﺎﺗﯩﺪﺍ ﺷﯘﻧﭽﯩﻠﯩﻚ ﻣﯘﻫﯩﻢ ﺋﻮﺭﯗﻥ ﺗﯘﺗﻘﺎﻧﻠﯩﻘﺘﯩﻦ ﺋﯘﻳﻐﯘﺭ ﺋﯚﻟﯩﻤﺎﻟﯩﺮﻯ ﺋﯘﻧﻰ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﺶ ﺋﺎﺭﻗﯩﻠﯩﻖ ﻛﯩﺸﯩﻠﻪﺭﮔﻪ ﺑﯘ ﻣﯘﻫﯩﻢ ﻛﯩﺘﺎﺑﻨﯩﯔ ﻣﻪﻧﯩﺴﻰ ﺑﯩﻠﺪﯛﺭﯛﺵ ﻳﻮﻟﯩﺪﺍ ﺑﺎﺭﭼﻪ ﻣﯘﺳﯘﻟﻤﺎﻥ ﻗﻪﯞﻣﻠﻪﺭ ﺋﯩﭽﯩﺪﻩ ﺋﻪﯓ ﺩﻩﺳﻠﻪﭖ ﻗﻪﻟﻪﻡ ﺗﻪﯞﺭﻩﺗﻜﻪﻥ ﻛﯩﺸﯩﻠﻪﺭﺩﯗﺭ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﺸﯩﺪﯨﻜﻰ ﺋﯘﺯﯗﻥ ﺗﺎﺭﯨﺨﯩﻲ ﺑﺎﺳﻘﯘﭼﻼﺭ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:" ﻗﯘﺭﺋﺎﻥ ﻛﻪﺭﯨﻢ ﺋﯩﺴﻼﻡ ﺋﻪﻫﻠﯩﻨﯩﯔ ﻣﯘﻗﻪﺩﺩﻩﺱ ﺩﻩﺳﺘﯘﺭﻯ. ﻗﻪﻳﻪﺭﺩﻩ ﻣﯘﺳﯘﻟﻤﺎﻥ ﺑﻮﻟﯩﺪﯨﻜﻪﻥ، ﺷﯘ ﻳﻪﺭﺩﻩ ﭼﻮﻗﯘﻡ ﻗﯘﺭﺋﺎﻥ ﻛﻪﺭﯨﻢ ﺑﻮﻟﯩﺪﯗ. ﺋﯩﺸﻪﻧﭽﻠﯩﻚ ﺗﺎﺭﯨﺨﯩﻲ ﻣﻪﻧﺒﻪﻟﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﻣﯘﺳﯘﻟﻤﺎﻥ ﻣﯩﻠﻠﻪﺗﻠﻪﺭ ﺋﯩﭽﯩﺪﻩ ﻗﯘﺭﺋﺎﻥ ﻛﻪﺭﯨﻤﻨﻰ ﺋﻪﯓ ﺩﻩﺳﻠﻪﭖ ﺗﻪﺭﺟﯩﻤﻪ ﻗﯩﻠﻐﺎﻥ ﺧﻪﻟﻖ ﺋﯘﻳﻐﯘﺭﻻﺭﺩﯗﺭ. ﺋﯘﻳﻐﯘﺭﻻﺭ ﺋﯩﭽﯩﺪﻩ ﻗﯘﺭﺋﺎﻥ ﻛﻪﺭﯨﻤﻨﻰ ﺩﻩﺳﻠﻪﭖ ﺷﻪﺭﻫﻠﻪﭖ ﭼﯜﺷﻪﻧﺪﯛﺭﮔﻪﻥ ﻛﯩﺸﻰ ﻣﻪﺷﻬﯘﺭ ﺋﺎﺗﺎﻗﻠﯩﻖ ﺗﯩﻠﺸﯘﻧﺎﺱ ﺋﺎﻟﯩﻢ ﻣﻪﻫﻤﯘﺩ ﻗﻪﺷﻘﻪﺭﯨﻴﻨﯩﯔ ﺋﯘﺳﺘﺎﺯﻯ ﻫﯜﺳﻪﻳﻦ ﺋﯩﺒﻨﻰ ﺋﻪﻟﻰ ﺋﯩﺒﻨﻰ ﺧﻪﻟﻪﻑ ﻗﻪﺷﻘﯩﺮﯨﻲ ﺩﯦﮕﻪﻥ ﻛﯩﺸﻰ ﺑﻮﻟﯘﭖ، ﺑﯘ ﺯﺍﺕ ﻗﺎﺭﺍﺧﺎﻧﯩﻴﻼﺭ ﺧﺎﻧﻠﯩﻘﯩﻨﯩﯔ ﺑﯩﺮ ﻗﺎﻧﭽﻪ ﺋﻪﯞﻻﺩ ﺧﺎﻧﻠﯩﺮﯨﻨﯩﯔ ﻣﻪﻧﯩﯟﻯ ﺩﺍﻫﯩﺴﻰ، ﺷﯘﻧﺪﺍﻗﻼ ﺗﻮﻧﯘﻟﻐﺎﻥ ﻣﯘﺩﻩﺭﺭﯨﺲ ﺋﯩﺪﻯ. ﺋﯘ ﺋﯚﻣﺮﻯ ﺋﯩﭽﯩﺪﻩ 200 ﭘﺎﺭﭼﯩﺪﯨﻦ ﻛﯚﭘﺮﻩﻙ ﻛﯩﺘﺎﺏ ﻳﺎﺯﻏﺎﻥ، ﺋﯘﻧﯩﯔ ﺑﯩﺮﻗﺎﻧﭽﻪ ﭘﺎﺭﭼﻪ ﺋﻪﺳﯩﺮﻯ " ﺗﯜﺭﻙ ﺗﯩﻠﻼﺭ ﺩﯨﯟﺍﻧﻰ"ﺩﺍ ﻧﻪﻗﯩﻞ ﻛﻪﻟﺘﯜﺭﯛﻟﮕﻪﻥ. ﺋﯘﻳﻐﯘﺭﻻﺭ ﻗﯘﺭﺋﺎﻥ ﻛﻪﺭﯨﻤﻨﻰ ﺷﻪﺭﻫ ﺋﺎﺭﻗﯩﻠﯩﻖ ﭼﯜﺷﯩﻨﯩﺸﺘﯩﻦ ﺑﺎﺷﻘﺎ ﺋﯘﻧﻰ ﺋﻪﺭﻩﺏ ﺗﯩﻠﯩﺪﯨﻦ ﺋﯚﺯ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ﭼﯜﺷﻨﯩﺸﺘﯩﻤﯘ ﺋﺎﻟﺪﯨﻨﻘﻰ ﺧﻪﻟﻖ ﺑﻮﻟﻐﺎﻥ. 12 - ﺋﻪﺳﯩﺮﺩﯨﻦ 14 - ﺋﻪﺳﯩﺮﮔﯩﭽﻪ ﺋﯩﻠﮕﯩﺮﻯ - ﻛﯧﻴﯩﻦ ﺑﻮﻟﯘﭖ ﺋﺎﻟﺘﻪ ﻗﯧﺘﯩﻢ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯘﻳﻐﯘﺭ ﺗﯜﺭﻛﯩﻲ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ. ﺋﯘﻧﯩﯔ ﺋﻪﯓ ﺩﻩﺳﻠﻪﭘﻜﻰ ﺗﻪﺭﺟﯩﻤﻪ ﻧﯘﺳﺨﯩﺴﯩﻨﻰ 1333 - ﻳﯩﻠﻰ ﻣﯘﻫﻪﻣﻤﻪﺩ ﺋﯩﺒﻨﻰ ﺩﯙﻟﻪﺗﺸﺎﻫ ﺩﯦﮕﻪﻥ ﻛﯩﺸﻰ ﺋﯩﺮﺍﻧﻨﯩﯔ ﺷﯩﺮﺍﺯ ﺷﻪﻫﯩﺮﯨﺪﻩ ﻧﻪﭘﯩﺲ ﺋﻪﺭﻩﺏ ﻳﯧﺰﯨﻘﻰ ﺑﯩﻠﻪﻥ ﻛﯚﭼﯜﺭﯛﭖ ﭼﯩﻘﻘﺎﻥ ﺑﻮﻟﯘﭖ، ﺟﻪﻣﻰ 902 - ﺑﻪﺕ، ﻫﻪﺭ ﺑﯩﺮ ﺑﯧﺘﯩﺪﻩ ﺗﻮﻗﻘﯘﺯ ﻗﯘﺭ ﺧﻪﺕ ﺑﺎﺭ، ﻣﻪﺯﻣﯘﻧﻰ ﺗﻮﻟﯘﻕ، ﺋﻪﺭﻩﺏ ﺗﯩﻠﯩﺪﯨﻜﻰ ﺋﺎﻳﻪﺗﻠﻪﺭﻧﯩﯔ ﺋﺎﺳﺘﯩﻐﺎ ﻗﯩﺰﯨﻞ ﺳﯩﻴﺎﻫ ﺑﯩﻠﻪﻥ ﺋﯘﺩﯗﻟﻤﯘﺋﯘﺩﯗﻝ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﻰ ﻳﯧﺰﯨﻠﻐﺎﻥ. ﺑﯘ ﻧﯘﺳﺨﺎ ﻫﺎﺯﯨﺮ ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﺪﯨﻜﻰ ﺗﯜﺭﻙ ﯞﻩ ﺋﯩﺴﻼﻡ ﺋﻪﺳﻪﺭﻟﯩﺮﻯ ﻣﯘﺯﯦﻴﯩﺪﺍ ﺳﺎﻗﻼﻧﻤﺎﻗﺘﺎ. ﺋﻪﭘﺴﯘﺳﻜﻰ ﺑﯘﻧﻰ ﻛﯩﻢ، ﻗﻪﻳﻪﺭﺩﻩ، ﻗﺎﭼﺎﻥ ﺗﻪﺭﺟﯩﻤﻪ ﻗﯩﻠﻐﺎﻧﻠﯩﻘﻰ ﻫﺎﺯﯨﺮﻏﯩﭽﻪ ﻣﻪﻟﯘﻡ ﺋﻪﻣﻪﺱ. ﺋﯘﻧﯩﯖﺪﯨﻦ ﻛﯧﻴﯩﻦ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﻧﯘﺳﺨﯩﻼﺭﻧﯩﯖﻤﯘ ﺗﻪﺭﺟﯩﻤﺎﻧﻠﯩﺮﻯ ﺋﯧﻨﯩﻖ ﺋﻪﻣﻪﺱ. ﺑﯘﻻﺭ ﻫﺎﺯﯨﺮ ﻟﻮﻧﺪﻭﻥ ﯞﻩ ﺗﺎﺷﻜﻪﻧﺖ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﻧﯩﯔ ﻣﯘﺯﯦﻴﻠﯩﺮﯨﺪﺍ ﺳﺎﻗﻠﯩﻨﯩﭗ ﻛﻪﻟﻤﻪﻛﺘﻪ ﺋﯩﻜﻪﻥ".

17 - ﯞﻩ 20 - ﺋﻪﺳﯩﺮﻟﻪﺭ ﺋﺎﺭﯨﻠﯩﻘﯩﺪﯨﻜﻰ ﻗﯘﺭﺋﺎﻥ ﻧﯘﺳﺨﯩﻠﯩﺮﻯ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﻳﻪﻧﻪ ﻣﯘﻧﺪﺍﻕ ﺩﯦﺪﻯ:" ﻗﯘﺭﺋﺎﻥ ﻛﻪﺭﯨﻢ 17 - ﺋﻪﺳﯩﺮﺩﯨﻦ 20 - ﺋﻪﺳﯩﺮﮔﯩﭽﻪ ﻳﻪﻧﻪ ﻛﯚﭖ ﻗﯧﺘﯩﻢ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ. ﻣﻪﺳﯩﻠﻪﻥ: 1735 - ﻳﯩﻠﯩﺪﯨﻦ 1756 - ﻳﯩﻠﯩﻐﯩﭽﻪ ﻳﻪﺭﻛﻪﻧﺖ ﻫﯚﻛﯜﻣﺪﺍﺭﻯ ﺑﻮﻟﻐﺎﻥ ﺧﻮﺟﺎ ﻳﺎﻗﯘﺏ ﺩﯙﻟﻪﺕ ﺧﯩﺮﺍﺟﯩﺘﻰ ﺑﯩﻠﻪﻥ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺗﻪﭘﺴﯩﺮﯨﻨﻰ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﺪﯗﺭﻏﺎﻥ. ﺋﯘﻧﯩﯖﺪﯨﻦ ﻛﯧﻴﯩﻦ ﻣﯘﻫﻪﻣﻤﻪﺩ ﺳﺎﺩﯨﻖ ﻗﻪﺷﻘﯩﺮﻯ ﺩﯦﮕﻪﻥ ﻛﯩﺸﯩﻤﯘ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺗﻪﭘﺴﯩﺮﯨﻨﻰ ﺗﻪﺭﺟﯩﻤﻪ ﻗﯩﻠﯩﭗ ﭼﯩﻘﻘﺎﻥ. ﻗﺎﻏﯩﻠﯩﻘﺘﺎ ﺋﯚﺗﻜﻪﻥ ﺩﺍﯕﻠﯩﻖ ﺋﯚﻟﯩﻤﺎ ﻫﯜﺳﻪﻳﻨﺨﺎﻥ ﺗﻪﺟﻪﻟﻠﻰ 1910 - ﻳﯩﻠﻰ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﯘﻳﻐﯘﺭﭼﻪ ﺗﻪﭘﺴﯩﺮﯨﻨﻰ ﺋﯩﺸﻠﻪﭖ ﭼﯩﻘﻘﺎﻥ. ﺗﻪﺟﻪﻟﻠﯩﻴﻨﯩﯔ ﺷﺎﮔﯩﺮﺗﻠﯩﺮﯨﺪﯨﻦ ﭘﯜﺗﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺗﻮﻧﯘﻟﻐﺎﻥ ﺋﺎﻟﯩﻢ ﻣﻪﺭﻫﯘﻡ ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻢ " ﺗﻪﺟﻪﻟﻠﻰ - ﻣﯘﺟﻪﻟﻠﻰ"ﻧﺎﻣﻠﯩﻖ ﺋﻪﺳﯩﺮﯨﺪﻩ ﺋﯧﻴﺘﯩﺸﯩﭽﻪ، ﻫﯜﺳﻪﻳﻨﺨﺎﻥ ﺗﻪﺟﻪﻟﻠﯩﻲ ﺑﯘ ﺗﻪﭘﺴﯩﺮﻧﻰ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ، ﺷﻪﻣﺴﯩﺪﯨﻦ ﺩﺍﻣﻮﻟﻼﻡ، ﻫﯜﺳﻪﻳﻦ ﺑﺎﻱ ﯞﻩ ﺑﺎﯞﯗﺩﯗﻥ ﺑﺎﻳﻼﺭﻧﯩﯔ ﺗﻪﺷﻪﺑﺒﯘﺳﯩﻐﺎ ﺋﺎﺳﺎﺳﻪﻥ ﻳﯧﺰﯨﭗ ﭼﯩﻘﻘﺎﻥ ﺋﯩﻜﻪﻥ. ﻳﻪﻧﻪ ﺷﯘ ﻳﯩﻠﻰ ﭼﯚﭼﻪﻛﺘﻪ ﻳﯜﺳﯜﭖ ﺩﺍﻣﻮﻟﻼﻡ ﺩﯦﮕﻪﻥ ﻛﯩﺸﯩﻤﯘ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺗﻪﭘﺴﯩﺮﯨﻨﻰ ﺋﯩﺸﻠﻪﭖ ﭼﯩﻘﻘﺎﻥ ﺋﯩﻜﻪﻥ. ﺷﻪﻣﺴﯩﺪﯨﻦ ﺩﺍﻣﻮﻟﻼﻡ ﺗﻪﺟﻪﻟﯩﻴﻨﯩﯔ ﺗﻪﺭﺟﯩﻤﯩﺴﯩﺪﯨﻦ ﻛﯧﻴﯩﻦ، ﻗﯘﺭﺋﺎﻧﻨﯩﯔ ﺗﻪﭘﺴﯩﺮﯨﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﻣﻤﯩﺒﺎﺏ ﯞﻩ ﭼﯜﺷﯩﻨﯩﺸﻠﯩﻚ ﻗﯩﻠﯩﭗ ﺋﯩﺸﻠﻪﭖ ﭼﯩﻘﻘﺎﻥ. ﺑﯜﻳﯜﻙ ﺋﯩﻨﻘﯩﻼﺑﭽﻰ ﺳﺎﺑﯩﺖ ﺩﺍﻣﻮﻟﻼﻡ 1937 - ﻳﯩﻠﻰ ﺷﯩﯖﺸﯩﺴﻪﻳﻨﯩﯔ ﺗﯜﺭﻣﯩﺴﯩﺪﻩ، ﺋﯚﻣﺮﯨﻨﯩﯔ ﺋﺎﺧﯩﺮﯨﻐﯩﭽﻪ ﺋﯩﺸﻠﻪﭖ ﭼﯩﻘﻘﺎﻥ " ﺭﻭﺷﻪﻥ ﺑﺎﻳﺎﻥ - ﺗﯜﺭﻛﯩﻲ ﺗﻪﭘﺴﯩﺮﯗﻝ ﻗﯘﺭﺋﺎﻥ" ﺩﯦﮕﻪﻥ ﻧﺎﻣﺪﯨﻜﻰ ﺋﯘﻳﻐﯘﺭﭼﻪ ﺗﻪﭘﺴﯩﺮ ﻧﯩﯔ 30 - ﭘﺎﺭﯨﺴﻰ 1948 - ﻳﯩﻠﻰ ﻏﯘﻟﺠﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺗﻪﺭﯨﭙﯩﺪﯨﻦ ﺑﯧﺴﯩﭗ ﺗﺎﺭﻗﯩﺘﯩﻠﻐﺎﻥ. ﺑﯘ ﺗﻪﭘﺴﯩﺮﻧﯩﯔ ﻗﻮﻟﻴﺎﺯﻣﺎ ﻧﯘﺳﺨﯩﺴﯩﻨﻰ ﺳﺎﺑﯩﺖ ﺩﺍﻣﻮﻟﻼﻣﻨﯩﯔ ﻏﯘﻟﺠﯩﺪﯨﻜﻰ ﺋﻮﻏﻠﻰ ﺋﺎﺑﺪﯗﻟﻼ 1961 - ﻳﯩﻠﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯩﻠﻠﻪﺗﻠﻪﺭ ﺗﻪﺗﻘﯩﻘﺎﺕ ﺋﻮﺭﻧﯩﻐﺎ ﺗﺎﭘﺸﯘﺭﻏﺎﻥ ﺋﯩﻜﻪﻥ."

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، 1955 - ﻳﯩﻠﻰ ﻣﯘﻫﻪﻣﻤﻪﺩ ﺯﯨﺮﯨﭗ ﻗﺎﺭﯨﻬﺎﺟﯩﻢ ﻏﯘﻟﺠﯩﺪﺍ "ﻗﯘﺭﺋﺎﻥ ﻛﻪﺭﯨﻢ ﺗﻪﭘﺴﯩﺮﻯ"ﻧﻰ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ﭼﯩﻘﻘﺎﻥ. ﺯﯨﺮﯨﭗ ﻗﺎﺭﯨﻬﺎﺟﯩﻤﻨﯩﯔ 1926 - ﻳﯩﻠﻰ ﻗﻪﺷﻘﻪﺭﺩﻩ ﻳﯧﺰﯨﭗ ﭼﯩﻘﻘﺎﻥ ﻗﯘﺭﺋﺎﻥ ﻛﻪﺭﯨﻤﻨﯩﯔ "ﺋﻪﻣﻤﻪ ﭘﺎﺭﯨﺴﯩﻨﯩﯔ ﺗﻪﭘﺴﯩﺮﻯ"ﻧﺎﻣﻠﯩﻖ ﺋﻪﺳﯩﺮﻯ 1987 - ﻳﯩﻠﻰ ﻗﺎﺗﺎﺭﺩﺍ ﻓﺎﻛﺴﻤﯧﻞ ﻗﯩﻠﯩﭗ ﺑﯧﺴﯩﻠﻐﺎﻥ ﻧﯘﺳﺨﯩﺴﯩﻐﺎ ﺋﺎﺳﺎﺳﻪﻥ 2003 - ﻳﯩﻠﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﺟﯩﺪﺩﻩ ﺷﻪﻫﯩﺮﯨﺪﻩ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﭗ ﻧﻪﺷﯩﺮ ﻗﯩﻠﯩﻨﻐﺎﻥ. ﻣﯘﻫﻪﻣﻤﻪﺩ ﺳﺎﻟﯩﻬ ﺩﺍﻣﻮﻟﻼﻡ ﺗﻪﺭﺟﯩﻤﻪ ﻗﯩﻠﯩﭗ، ﻣﯩﻠﻠﻪﺗﻠﻪﺭ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﺭﻩﺳﻤﻰ ﻧﻪﺷﯩﺮ ﻗﯩﻠﯩﻨﯩﭗ ﺗﺎﺭﻗﯩﺘﯩﻠﻐﺎﻥ " ﻗﯘﺭﺋﺎﻥ ﻛﻪﺭﯨﻢ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﻰ" ﺋﯩﺸﻪﻧﭽﻠﯩﻜﻠﯩﻜﻰ ﯞﻩ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﻰ ﺋﺎﻻﻫﯩﺪﯨﻠﯩﻜﻰ ﺑﻮﻳﯩﭽﻪ ﭼﯜﺷﯩﻨﯩﺸﻠﯩﻚ ﺋﯩﺸﻠﻪﻧﮕﻪﻧﻠﯩﻜﻰ ﺳﻪﯞﻩﺑﻠﯩﻚ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﭼﻪﺗﺌﻪﻟﻠﻪﺭﺩﯨﻤﯘ ﻧﺎﻡ ﭼﯩﻘﺎﺭﻏﺎﻥ.

ﻣﻪﺭﻫﯘﻡ ﺗﺎﺭﯨﺨﺸﯘﻧﺎﺱ ﺗﯘﺭﻏﯘﻥ ﺋﺎﻟﻤﺎﺳﻨﻰ ﺋﻪﺳﻠﻪﻳﻤﯩﺰ

ﺋﯘﻳﻐﯘﺭ ﺧﻪﻟﻘﯩﻨﯩﯔ ﻗﻪﻟﺐ ﺗﯚﺭﯨﺪﯨﻦ ﻣﻪﯕﮕﯜﻟﯜﻙ ﺋﻮﺭﯗﻥ ﺋﺎﻟﻐﺎﻥ ﺗﺎﺭﯨﺨﭽﻰ، ﺋﻮﺕ ﻳﯜﺭﻩﻙ ﺷﺎﺋﯩﺮ، ﺟﺎﻣﺎﺋﻪﺕ ﺋﻪﺭﺑﺎﺑﻰ ﺗﯘﺭﻏﯘﻥ ﺋﺎﻟﻤﺎﺱ ﺋﻪﭘﻪﻧﺪﻯ ﯞﺍﭘﺎﺗﯩﻐﺎ ﻣﺎﻧﺎ ﺑﯜﮔﯜﻥ 6 ﻳﯩﻞ ﺑﻮﻟﺪﻯ. ﺗﯘﺭﻏﯘﻥ ﺋﺎﻟﻤﺎﺱ ﺋﻪﭘﻪﻧﺪﻯ ﺋﯚﺯ ﺋﯚﻣﺮﯨﻨﯩﯔ ﻛﯚﭖ ﻗﯩﺴﻤﯩﻨﻰ ﺗﯜﺭﻣﯩﺪﻩ ﯞﻩ ﺗﻪﻗﯩﺐ ﺋﺎﺳﺘﯩﺪﺍ ﺋﯚﺗﻜﯜﺯﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻫﺎﻳﺎﺗﯩﻨﻰ ﺋﯘﻳﻐﯘﺭ ﺧﻪﻟﻘﯩﻨﻰ ﺋﻮﻳﻐﯩﺘﯩﺶ، ﺋﯩﻨﻘﯩﻼﺑﻘﺎ ﺋﯜﻧﺪﻩﺵ ، ﺋﺎﺯﺍﺩﻟﯩﻘﻘﺎ ﻳﯧﺘﻪﻛﻠﻪﺵ ﻳﻮﻟﯩﺪﺍ ﻫﺎﺭﻣﺎﻱ-ﺗﺎﻟﻤﺎﻱ ﺋﯩﻨﺘﺎﻳﯩﻦ ﻣﻮﻝ ﻫﻮﺳﯘﻟﻠﯘﻕ ﺋﯚﺗﻜﯜﺯﮔﻪﻥ ﺯﺍﺕ.

" ﺗﻪﻧﻠﯩﺮﯨﻢ ﻳﺎﭘﺮﺍﻕ ﺗﯩﺘﺮﻩﭖ ﺗﻮﺧﺘﯩﺪﻯ"

ﺑﯘ ﻧﺎﺧﺸﯩﻨﻰ ﺋﺎﯕﻼﭖ ﺑﺎﻗﻤﯩﻐﺎﻥ ﻳﺎﻛﻰ ﺑﯩﻠﻤﻪﻳﺪﯨﻐﺎﻥ ﺑﯩﺮﻣﯘ ﺋﯘﻳﻐﯘﺭ ﺯﯨﻴﺎﻟﯩﻲ ﺑﻮﻟﻤﯩﺴﺎ ﻛﯧﺮﻩﻙ. ﻣﺎﻧﺎ ﺑﯘ ﺧﻪﻟﻖ ﺋﺎﺭﯨﺴﯩﻐﺎ ﻛﻪﯓ ﺗﺎﺭﻗﯩﻠﯩﭗ ﻛﻪﺗﻜﻪﻥ ﻣﯘﯕﻠﯘﻕ ﻧﺎﺧﺸﺎ، ﻣﻪﺷﻬﯘﺭ ﺋﯘﻳﻐﯘﺭ ﺗﺎﺭﯨﺨﭽﻰ، ﺷﺎﺋﯩﺮ ﯞﻩ ﺟﺎﻣﺎﺋﻪﺕ ﺋﻪﺭﺑﺎﺑﻰ ﺗﯘﺭﻏﯘﻥ ﺋﺎﻟﻤﺎﺱ ﺋﻪﭘﻪﻧﺪﯨﻨﯩﯔ 1940 - ﻳﯩﻠﻠﯩﺮﻯ ﻗﻪﺷﻘﻪﺭ ﻛﻮﻧﯩﺸﻪﻫﻪﺭ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﺑﺎﺷﻼﻧﻐﯘﭺ ﻣﻪﻛﺘﻪﭘﺘﻪ ﺋﻪﭘﻪﻧﺪﯨﭽﯩﻠﯩﻚ ﻗﯩﻠﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﻳﺎﺯﻏﺎﻥ "ﺗﻪﻧﻠﯩﺮﯨﻢ ﻳﺎﭘﺮﺍﻕ" ﻧﺎﻣﻠﯩﻖ ﺷﯧﺌﯩﺮﯨﻐﺎ ﺋﺎﺳﺎﺳﻪﻥ ﺋﯩﺸﻠﻪﻧﮕﻪﻥ ﻣﻪﺷﻬﯘﺭ ﻧﺎﺧﺸﯩﺪﯗﺭ.

ﺗﯘﺭﻏﯘﻥ ﺋﺎﻟﻤﺎﺱ ﺋﯘﻳﻐﯘﺭ ﻳﯧﻘﯩﻨﻘﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﻣﻪﺷﯘﺭ ﺷﻪﺧﺲ ﺑﻮﻟﯘﭖ، ﺋﯘ 1924- ﻳﯩﻠﻰ ﻗﻪﺷﻘﻪﺭ ﻛﻮﻧﺎ ﺷﻪﻫﻪﺭ ﻧﺎﻫﯩﻴﯩﺴﻰ ﺩﯙﻟﻪﺗﺒﺎﻱ ﻳﯧﺰﯨﺴﯩﻨﯩﯔ ﺗﺎﺭﺑﻮﻏﯘﺯ ﻛﻪﻧﺘﯩﺪﻩ ﺩﯦﻬﻘﺎﻥ ﺋﺎﺋﯩﻠﯩﺴﯩﺪﻩ ﺩﯗﻧﻴﺎﻏﺎ ﻛﯚﺯ ﺋﺎﭼﻘﺎﻥ.

ﻣﻪﺭﻫﯘﻡ ﺋﯚﺯ ﻫﺎﻳﺎﺗﯩﺪﺍ 3 ﻗﯧﺘﯩﻢ ﺧﯩﺘﺎﻱ ﺗﯜﺭﻣﯩﺴﯩﮕﻪ ﺗﺎﺷﻼﻧﻐﺎﻥ ﯞﻩ ﺋﯚﻣﺮﯨﻨﯩﯔ ﺋﺎﺧﯩﺮﯨﻘﻰ ﻗﯩﺴﻤﯩﻨﻰ ﺗﻪﻗﯩﭗ ﺋﺎﺳﺘﯩﺪﺍ ﺋﺎﻳﺎﻏﻼﺷﺘﯘﺭﻏﺎﻥ. ﺗﯘﺭﻏﯘﻥ ﺋﺎﻟﻤﺎﺱ ﺋﯚﺯ ﻫﺎﻳﺎﺗﯩﺪﺍ ﺋﯩﻠﮕﯩﺮﻯ ‏- ﻛﯧﻴﯩﻦ ﺑﻮﻟﯘﭖ، ﺧﻪﻟﻖ ﻗﻪﻟﺒﯩﺪﯨﻦ ﭼﻮﯕﻘﯘﺭ ﺋﻮﺭﯗﻥ ﺋﺎﻟﻐﺎﻥ، "ﺗﯘﺗﻘﯘﻥ"، "ﻏﯧﺮﯨﭗ ﻣﻮﻣﺎﻱ" ، "ﺋﯩﻜﻜﻰ ﺗﺎﻣﭽﻪ ﻳﺎﺵ" ، "ﺋﺎﻧﺎ ﺗﯘﭘﺮﺍﻕ ﺋﯜﭼﯜﻥ"، " ﺗﻪﻧﻠﯩﺮﯨﻢ ﻳﺎﭘﺮﺍﻕ"، "ﭘﯩﭽﺎﻕ"، "ﺟﻪﻧﯘﺏ ﺳﺎﺩﺍﺳﻰ"، "ﺳﺎﺗﻘﯘﻧﻐﺎ ﺋﯚﻟﯜﻡ" ﻗﺎﺗﺎﺭﻟﯩﻖ ﺷﯧﺌﯩﺮ، ﺳﻪﻫﻨﻪ ﺋﻪﺳﻪﺭﻟﯩﺮﻯ ﯞﻩ ﻫﯧﻜﺎﻳﻪ- ﭘﻮﯞﯦﺴﺘﻼﺭﻧﻰ ﻳﯧﺰﯨﭗ ﻗﺎﻟﺪﯗﺭﻏﺎﻥ ﺑﻮﻟﺴﺎ، 1980- ﻳﯩﻠﻼﺭﻏﺎ ﻛﻪﻟﮕﻪﻧﺪﻩ ﺧﯩﺘﺎﻱ ﺗﯜﺭﻣﯩﺴﯩﺪﯨﻦ ﻳﯧﯖﯩﻼ ﻗﻮﻳﯘﭖ ﺑﯧﺮﯨﻠﮕﻪﻥ ﺗﯘﺭﻏﯘﻥ ﺋﺎﻟﻤﺎﺱ، ﺋﯘﻳﻐﯘﺭ ﻣﯩﻠﻠﯩﻲ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﻨﯩﯔ ﻧﻮﻗﯘﻝ ﻫﺎﻟﺪﺍ ﻗﻮﺭﺍﻟﻐﺎ ﺗﺎﻳﯩﻨﯩﭗ ﻫﻪﻝ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻮﻧﯘﭖ ﻳﻪﺗﻜﻪﻥ ﻫﻪﻣﺪﻩ ﺋﯘﻳﻐﯘﺭﻻﺭﻧﻰ ﺋﯚﺯ ﺗﺎﺭﯨﺨﯩﺪﺍ ﺗﻪﺭﺑﯩﻴﯩﻠﻪﺵ، ﻣﯩﻠﻠﯩﻲ ﺭﻭﻫﯩﻨﻰ ﺋﯘﺭﻏﯘﺗﯘﺵ ﺋﺎﺭﺯﯗﺳﯩﺪﺍ، "ﻫﯘﻧﻼﺭﻧﯩﯔ ﻗﯩﺴﻘﯩﭽﻪ ﺗﺎﺭﯨﺨﻰ"، "ﺋﯘﻳﻐﯘﺭﻻﺭ"، "ﺋﯩﺪﯨﻘﯘﺕ ﺋﯘﻳﻐﯘﺭ ﺧﺎﻧﻠﯩﻘﻰ"، "ﺋﯘﻳﻐﯘﺭ ﻛﻼﺳﺴﯩﻚ ﺋﻪﺩﻩﺑﯩﻴﺎﺗﻰ" ﻗﺎﺗﺎﺭﻟﯩﻖ ﺯﻭﺭ ﻫﻪﺟﯩﻤﻠﯩﻚ ﺗﺎﺭﯨﺨﯩﻲ ﺋﻪﺳﻪﺭﻟﻪﺭﻧﻰ ﻳﺎﺯﻏﺎﻥ. ﺋﯘﻧﯩﯔ " ﻫﯘﻧﻼﺭﻧﯩﯔ ﻗﯩﺴﻘﯩﭽﻪ ﺗﺎﺭﯨﺨﻰ" ﻧﺎﻣﻠﯩﻖ ﺋﻪﺳﯩﺮﻯ ﮔﯧﺮﻣﺎﻧﯩﻴﯩﺪﻩ ﻧﯧﻤﯩﺲ ﺗﯩﻠﯩﺪﺍ، ""، "ﺋﯘﻳﻐﯘﺭ ﻛﻼﺳﺴﯩﻚ ﺋﻪﺩﻩﺑﯩﻴﺎﺗﻰ" ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﺋﻪﺭﻩﭖ ﺗﯩﻠﯩﺪﺍ ﻧﻪﺷﺮ ﻗﯩﻠﯩﻨﻐﺎﻥ.

ﺋﻪﻣﻤﺎ، 1990- ﻳﯩﻠﻼﺭﻧﯩﯔ ﺑﯧﺸﯩﻐﺎ ﻛﻪﻟﮕﻪﻧﺪﻩ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﯘﺭﻏﯘﻥ ﺋﺎﻟﻤﺎﺱ ﺋﻪﺳﻪﺭﻟﯩﺮﯨﻨﻰ ﭼﻪﻛﻠﻪﺵ ﺑﯘﻳﺮﯗﻗﯩﻨﻰ ﭼﯜﺷﯜﺭﯛﭖ، ﺋﯘﻧﯩﯔ ﺋﻪﺳﻪﺭﻟﯩﺮﯨﻨﻰ ﻛﻪﯓ ﻛﯚﻟﻪﻣﺪﻩ ﻳﯩﻐﯩﺶ ﯞﻩ ﻛﯚﻳﺪﯛﺭﯛﺵ ﺋﯩﺸﻠﯩﺮﯨﻨﻰ ﺋﯩﻠﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﻪﻝ ﺋﺎﺭﯨﺴﯩﺪﺍ ﺗﯘﺭﻏﯘﻥ ﺋﺎﻟﻤﺎﺳﻨﯩﯔ ﺋﯩﻨﺎﯞﯨﺘﻰ ﺗﯧﺨﯩﻤﯘ ﻳﯘﻗﯩﺮﻯ ﻛﯚﺗﯜﺭﯛﻟﯜﭖ ﻛﻪﺗﻜﻪﻥ.

ﻗﯘﺗﻠﯘﻕ ﺋﺎﻟﻤﺎﺱ ﺋﻪﭘﻪﻧﺪﻯ:"ﺩﺍﺩﺍﻡ ﺑﯩﺮ ﻗﺎﻳﺘﻤﺎﺱ ﺋﺎﺩﻩﻡ ﺋﯩﺪﻯ"

ﺩﺍﺩﯨﺴﻰ ﺗﯘﺭﻏﯘﻥ ﺋﺎﻟﻤﺎﺱ ﺋﻪﭘﻪﻧﺪﯨﻨﻰ "ﺑﯩﺮ ﻗﺎﻳﺘﻤﺎﺱ ﺋﺎﺩﻩﻡ ﺋﯩﺪﻯ" ﺩﻩﭖ ﺳﯜﺭﻩﺗﻠﻪﭖ ﭼﻮﯕﻘﯘﺭ ﺳﯧﻐﯩﻨﯩﺶ ﯞﻩ ﻫﯚﺭﻣﻪﺕ ﺑﯩﻠﻪﻥ ﺗﯩﻠﻐﺎ ﺋﺎﻟﻐﺎﻥ ﺋﻮﻏﻠﻰ ﻗﯘﺗﻠﯘﻕ ﺋﺎﻟﻤﺎﺱ ﺋﻪﭘﻪﻧﺪﻯ، ﺗﯘﺭﻏﯘﻥ ﺋﺎﻟﻤﺎﺳﻨﯩﯔ ﺋﻪﺯﻩﻟﺪﯨﻦ ﺑﯩﺮ ﺋﺎﺯﺍﺩﻟﯩﻖ ﯞﻩ ﺋﻪﺭﻛﯩﻨﻠﯩﻚ ﺟﻪﯕﭽﯩﺴﻰ ﺳﯜﭘﯩﺘﯩﺪﻩ ﻳﺎﺷﯩﻐﺎﻧﻠﯩﻘﯩﻨﻰ ﺋﻪﺳﻠﻪﭖ ﺋﯚﺗﺘﻰ.

ﺗﯘﺭﻏﯘﻥ ﺋﺎﻟﻤﺎﺱ ﺋﻪﭘﻪﻧﺪﻯ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﯩﻨﯩﯔ ﺩﻩﺳﻠﻪﭘﻜﻰ ﻣﻪﺯﮔﯩﻠﯩﺪﻩ ﺋﯘﻳﻐﯘﺭ ﺧﻪﻟﻖ ﺋﯩﻨﻘﯩﻼﺑﯩﻲ ﭘﺎﺭﺗﯩﻴﯩﺴﯩﺪﻩ ﻣﯘﻫﯩﻢ ﯞﻩﺯﯨﭙﯩﻠﻪﺭﻧﻰ ﺋﯚﺗﯩﮕﻪﻥ ﺑﻮﻟﯘﭖ ، ﻫﺎﺯﯨﺮ ﺷﯟﯦﺘﺴﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺧﻪﻟﻖ ﺋﯩﻨﻘﯩﻼﺑﯩﻲ ﭘﺎﺭﺗﯩﻴﯩﺴﯩﻨﯩﯔ ﻗﺎﺗﻨﺎﺷﭽﯩﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻫﺎﺟﻰ ﺋﺎﺑﺪﯗﺭﯦﺸﯩﺖ ﻛﻪﺭﯨﻤﻰ ﺗﯘﺭﻏﯘﻥ ﺋﺎﻟﻤﺎﺳﻨﯩﯔ ﺋﻪﻳﻨﻰ ﯞﺍﻗﯩﺘﺘﺎ ﺧﻪﻟﻖ ﺋﯩﻨﻘﯩﻼﺑﯩﻲ ﭘﺎﺭﺗﯩﻴﯩﺴﯩﻨﯩﯔ ﭘﺎﺭﺗﯩﻴﻪ ﻧﯩﺰﺍﻣﻨﺎﻣﯩﺴﯩﻨﻰ ﻳﯧﺰﯨﺸﻘﺎ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻫﺎﺯﯨﺮ ﮔﯧﺮﻣﺎﻧﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﻣﻪﺭﻫﯘﻣﻨﯩﯔ ﺳﺎﺑﯩﻖ ﺋﻮﻗﯘﻏﯘﭼﯩﺴﻰ ﻛﯜﺭﻩﺵ ﺋﺎﺗﯩﺨﺎﻥ ﻣﻪﺭﻫﯘﻣﻨﯩﯔ ﺋﯩﺠﺎﺩﯨﻲ ﻫﺎﻳﺎﺗﯩﻨﻰ ﺋﻪﺳﻠﻪﭖ، ﺗﯘﺭﻏﯘﻥ ﺋﺎﻟﻤﺎﺳﻨﯩﯔ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﻣﻪﻧﯩﯟﯨﻲ ﺗﯜﯞﺭﯛﻛﻰ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﯘﻳﻐﯘﺭﻻﺭ ﺗﯘﺭﻏﯘﻥ ﺋﺎﻟﻤﺎﺳﻨﻰ ﻣﻪﯕﮕﯜ ﺋﻪﺳﻠﻪﻳﺪﯗ!

2001-ﻳﯩﻠﻰ 11- ﺳﯧﻨﺘﻪﺑﯩﺮ ﺑﯩﺮ ﺋﺎﻣﯧﺮﯨﻜﺎ ﺗﯧﺮﺭﻭﺭﻟﯘﻕ ﻫﯘﺟﯘﻣﯩﻐﺎ ﺋﯘﭼﺮﺍﭖ ﻗﺎﻳﻐﯘﻏﺎ ﭼﯚﻣﮕﻪﻥ ﺑﯩﺮ ﻗﺎﺭﺍ ﻛﯜﻥ ﺑﻮﻟﻐﺎﻥ ﺑﻮﻟﺴﺎ، ﺩﯗﻧﻴﺎﻧﯩﯔ ﻳﻪﻧﻪ ﺑﯩﺮ ﺑﯘﺭﺟﯩﻜﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﻰ ﺋﯜﭼﯜﻧﻤﯘ ﺋﯩﻨﺘﺎﻳﯩﻦ ﺑﯩﺮ ﻣﯘﺳﺒﻪﺗﻠﯩﻚ ﻛﯜﻥ ﺑﻮﻟﻐﺎﻥ ﺋﯩﺪﻯ. ﭼﯜﻧﻜﻰ ﺑﯘ ﻛﯜﻧﻰ، ﻳﻪﻧﻰ 2001-ﻳﯩﻠﻰ 11- ﺳﯧﻨﺘﻪﺑﯩﺮ ﺋﯘﻳﻐﯘﺭ ﺗﯘﺭﻏﯘﻥ ﺋﺎﻟﻤﺎﺳﺘﯩﻦ، ﺋﯘﻳﻐﯘﺭ ﻫﺎﺯﯨﺮﻗﻰ ﺯﺍﻣﺎﻥ ﺗﺎﺭﯨﺨﯩﺪﯨﻜﻰ ﺋﻪﯓ ﻗﻪﻳﺴﻪﺭ ﺗﺎﺭﯨﺨﺸﯘﻧﺎﺱ ، ﺋﻮﺕ ﻳﯜﺭﻩﻙ ﺷﺎﺋﯩﺮ ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻗﻪﻟﺐ ﺗﯚﺭﯨﺪﻩ ﭘﻪﺧﯩﺮﻟﯩﻚ ﺋﻮﺭﯗﻧﻐﺎ ﺋﯧﺮﯨﺸﻜﻪﻥ ﺯﺍﺕ ﺗﯘﺭﻏﯘﻥ ﺋﺎﻟﻤﺎﺳﺘﯩﻦ ﺋﺎﻳﺮﯨﻠﻐﺎﻥ ﺋﯩﺪﻯ. ﺋﯘﻳﻐﯘﺭﻻﺭ ﺗﯘﺭﻏﯘﻥ ﺋﺎﻟﻤﺎﺳﻨﻰ ﻣﻪﯕﮕﯜ ﺋﻪﺳﻠﻪﻳﺪﯗ! ﻣﻪﯕﮕﯜ ﻗﻪﻟﺐ ﺗﯚﺭﯨﺪﯨﻦ ﭼﯜﺷﯜﺭﻣﻪﻳﺪﯗ!

ﻣﯩﻠﻠﻰ ﺋﺎﺭﻣﯩﻴﻪ ﺧﺎﺗﯩﺮﻩ ﻛﯜﻧﻰ

4 - ﺋﺎﻳﻨﯩﯔ 8 - ﻛﯜﻧﻰ 1944-ﻳﯩﻠﯩﺪﯨﻦ 1949-ﻳﯩﻠﯩﻐﯩﭽﻪ ﺩﺍﯞﺍﻣﻼﺷﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﺋﺎﺯﺍﺩﻟﯩﻖ ﺋﯩﻨﻘﯩﻼﺑﯩﻨﯩﯔ ﺋﺎﯞﺍﻧﮕﺎﺭﺕ ﻣﯘﻧﺘﯩﺰﯨﻢ ﻗﻮﺷﯘﻧﻰ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻗﯘﺭﯗﻟﻐﺎﻥ 62 ﻳﯩﻠﻠﯩﻖ ﺧﺎﺗﯩﺮﻩ ﻛﯜﻧﻰ. ﺑﯘ ﻛﯜﻥ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺑﯩﺮ ﻗﯩﺴﯩﻢ ﻣﻪﻣﻠﯩﻜﻪﺗﻠﻪﺭﺩﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﻰ ﯞﻩ ﺳﺎﺑﯩﻖ ﻣﯩﻠﻠﯩﻲ ﺋﺎﺭﻣﯩﻴﻪ ﺟﻪﯕﭽﻰ ﺋﻮﻓﯩﺘﺴﯧﺮﻟﯩﺮﻯ ﺗﯜﺭﻟﯜﻙ ﺷﻪﻛﯩﻠﺪﻩ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﺩﻯ.

ﻣﯩﻠﻠﯩﻲ ﺋﺎﺭﻣﯩﻴﻪ 1945-ﻳﯩﻠﻰ 8-ﺋﺎﭘﺮﯨﻞ ﻛﯜﻧﻰ ﺭﻩﺳﻤﯩﻲ ﻗﯘﺭﯗﻟﯘﭖ، ﻏﯘﻟﺠﯩﺪﯨﻜﻰ ﯞﺍﯓ ﻗﺎﺩﯨﺮ ﺑﯧﻐﯩﺪﺍ ﺑﺎﻳﺮﺍﻕ ﺗﺎﭘﺸﯘﺭﯞﻩﻟﯩﺶ ﻣﯘﺭﺍﺳﯩﻤﻰ ﯞﻩ ﭘﺎﺭﺍﺕ ﺋﯚﺗﻜﯜﺯﮔﻪﻥ.

ﻣﯩﻠﻠﻰ ﺋﺎﺭﻣﯩﻴﻪ ﺭﻩﺳﻤﯩﻲ ﻗﯘﺭﯗﻟﻐﺎﻧﺪﺍ ﭘﺎﻟﯩﻨﻮﻑ ﺑﺎﺵ ﻗﻮﻣﺎﻧﺪﺍﻧﻠﯩﻘﯩﻘﺎ، ﺋﯩﺴﻬﺎﻗﺒﻪﮒ ﻣﯘﻧﯘﻧﯘﻑ، ﺯﯗﻧﯘﻥ ﺗﯩﻴﯩﭙﯘﻓﻼﺭ ﻣﯘﺋﺎﯞﯨﻦ ﻗﻮﻣﺎﻧﺪﺍﻧﻠﯩﻘﻘﺎ، ﻣﺎﺟﺮﻭﻑ ﺑﺎﺵ ﺷﺘﺎﭖ ﺑﺎﺷﻠﯩﻘﻠﯩﻘﯩﻐﺎ ﺗﻪﻳﯩﻨﻠﻪﻧﺪﻯ. ﺷﯘﻧﯩﯔ ﺑﯩﻠﻪﻥ ﻣﯩﻠﻠﻰ ﺋﺎﺭﻣﯩﻴﻪ ﺋﯩﭽﯩﺪﻩ ﺋﯘﻧﯟﺍﻥ ﯞﻩ ﺩﻩﺭﯨﺠﻪ ﺗﯜﺯﯛﻣﻰ ﻳﻮﻟﻐﺎ ﻗﻮﻳﯘﻟﺪﻯ. ﺑﯘ ﭼﺎﻏﺪﯨﻜﻰ ﺋﯘﻧﯟﺍﻥ ﻧﺎﻣﻠﯩﺮﻯ ﻛﯚﭘﺮﻩﻙ ﺳﻮﯞﯨﺖ ﺋﯩﺘﺘﯩﭙﺎﻗﻰ ﻫﻪﻡ ﺭﻭﺳﯩﻴﻪ ﺋﺎﺭﻣﯩﻴﯩﻠﯩﺮﯨﺪﻩ ﻗﻮﻟﻠﯩﻨﯩﻠﻐﺎﻥ ﺋﺎﺗﺎﻟﻐﯘﻻﺭ ﺋﯩﺪﻯ.

ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﻪﯓ ﺋﺎﻟﯩﻲ ﻫﻪﺭﺑﻰ ﺋﯘﻧﯟﺍﻧﻰ - ﻣﺎﺭﺷﺎﻝ ﺑﻮﻟﯘﭖ، ﺑﯘ ﺟﯘﻣﻬﯘﺭ ﺭﻩﺋﯩﺲ ﺋﻪﻟﯩﺨﺎﻥ ﺗﯚﺭﯨﮕﻪ ﺑﯧﺮﯨﻠﮕﻪﻥ. ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻛﯧﻴﯩﻨﻜﻰ ﺑﺎﺵ ﻗﻮﻣﺎﻧﺪﺍﻧﻰ ﺋﯩﺴﻬﺎﻗﺒﻪﮔﻜﻪ ﮔﯧﻨﯧﺮﺍﻝ ﻟﯧﻴﺘﯧﻨﺎﻧﺘﻠﯩﻖ ﺋﯘﻧﯟﺍﻧﻰ، ﭘﺎﻟﯩﻨﻮﭖ، ﻣﺎﺟﺎﺭﻭﭖ، ﺩﻩﻟﯩﻠﻘﺎﻧﻼﺭﻏﺎ ﮔﯧﻨﯧﺮﺍﻝ ﻣﺎﻳﻮﺭﻟﯘﻕ ﺋﯘﻧﯟﺍﻧﻠﯩﺮﻯ ﺑﯧﺮﯨﻠﮕﻪﻥ.

ﻣﻪﻟﯘﻣﺎﺗﻼﺭﻻﺭﻏﺎ ﻗﺎﺭﯨﻐﺎﻧﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺕ ﻫﯚﻛﯜﻣﯩﺘﻰ ﺋﯩﻠﮕﯩﺮﻯ ﻛﯧﻴﯩﻦ 25 ﺋﺎﺩﻩﻣﮕﻪ ﭘﻮﻟﻜﻮﯞﻧﯩﻜﻠﯩﻖ، 50 ﺋﺎﺩﻩﻣﮕﻪ ﭘﻮﺩﭘﻮﻟﻜﻮﯞﻧﯩﻜﻠﯩﻖ، 60 ﺗﯩﻦ ﺋﺎﺭﺗﯘﻕ ﺋﺎﺩﻩﻣﮕﻪ ﻣﺎﻳﻮﺭﻟﯘﻕ ﺋﯘﻧﯟﺍﻧﻰ ﺑﻪﺭﮔﻪﻥ. ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﺋﻮﺗﺘﯘﺭﺍ ﺗﻮﯞﻩﻥ ﺩﻩﺭﯨﺠﻠﯩﻚ ﺋﯘﻧﯟﺍﻧﻠﯩﻖ ﺋﻮﻓﯩﺘﺴﯧﺮﻻﺭﻣﯘ ﺧﯧﻠﻰ ﻛﯚﭖ ﺑﻮﻟﻐﺎﻥ.

ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺩﻩﻡ ﺳﺎﻧﻰ ﺗﺎﺯﺍ ﻛﯚﭘﻪﻳﮕﻪﻧﺪﻩ 30 ﻣﯩﯖﺪﯨﻦ ﺋﺎﺷﻘﺎﻧﻠﯩﻘﻰ ﻣﻪﻟﯘﻡ. ﻣﯩﻠﻠﯩﻲ ﺋﺎﺭﻣﯩﻴﻪ ﺋﯩﻠﮕﯩﺮﻯ ﻛﯧﻴﯩﻦ ﺟﯩﯔ، ﺷﯩﺨﻮ، ﻫﻪﺭﻩﻣﺒﺎﻍ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﭼﻮﯓ ﺟﻪﯕﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺗﻮﻗﻘﯘﺯ ﻗﯧﺘﯩﻢ ﭼﻮﯓ ﺟﻪﯓ، 36 ﻗﯧﺘﯩﻢ ﺋﻮﺗﺘﯘﺭﺍ ﺩﻩﺭﯨﺠﻠﯩﻚ ﺟﻪﯓ ﻗﯩﻠﻐﺎﻥ ﺑﻮﻟﯘﭖ، 20 ﻣﯩﯖﺪﯨﻦ ﺋﺎﺭﺗﯘﻕ ﺩﯛﺷﻤﻪﻧﻨﻰ ﻳﻮﻗﺎﺗﻘﺎﻥ، ﺑﻪﺵ ﻣﯩﯔ ﺋﻪﺗﺮﺍﭘﯩﺪﺍ ﺩﯛﺷﻤﻪﻧﻨﻰ ﺋﻪﺳﯩﺮﮔﻪ ﺋﺎﻟﻐﺎﻥ.

ﻣﯩﻠﻠﯩﻲ ﺋﺎﺭﻣﯩﻴﻪ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺋﺎﻟﻐﺎ" ﺩﯦﮕﻪﻥ ﺧﻪﺗﻠﻪﺭ ﻳﯧﺰﯨﻠﻐﺎﻥ ﺑﺎﻳﺮﺍﻗﻨﻰ ﺗﺎﻛﻰ 1949-ﻳﯩﻠﻰ 10-ﺋﺎﻳﻐﯩﭽﻪ ﻛﯚﺗﯜﺭﮔﻪﻥ ﺋﯩﺪﻯ. ﻫﻪﺭ ﻣﯩﻠﻠﻪﺕ ﺧﻪﻟﻘﯩﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﻣﻪﺯﻛﯘﺭ ﺑﺎﺗﯘﺭ ﺋﺎﺭﻣﯩﻴﻪ 1950-ﻳﯩﻠﻰ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﯩﯔ 5- ﻛﻮﺭﭘﯘﺳﻰ ﻗﯩﻠﯩﭗ ﺋﯚﺯﮔﻪﺭﺗﯩﻠﮕﻪﻥ ﻫﻪﻣﺪﻩ ﻛﯧﻴﯩﻦ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ.

ﻣﯩﻠﻠﯩﻲ ﺋﺎﺭﻣﯩﻴﻪ ﺧﺎﺗﯩﺮﯨﺴﻰ (2)

ﺑﺎﮬﺎﺩﯨﺮﻟﯩﻖ ﺋﻮﺭﺩﯨﻨﻰ

1945-ﻳﯩﻠﻰ 8-ﺋﺎﭘﺮﯨﻠﺪﺍ ﺗﻪﺳﯩﺲ ﻗﯩﻠﯩﻨﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﻪ ﺗﻪﺭﻛﯩﺒﯩﺪﻩ ﻳﻪﻧﻪ ﻫﻪﺭﺑﯩﻲ ﻣﻪﻛﺘﻪﭖ ﺋﯧﭽﯩﻠﻐﺎﻥ ﺑﻮﻟﯘﭖ، ﺑﯘ ﻣﻪﻛﺘﻪﭖ 2 ﻳﯩﻞ ﺋﯩﭽﯩﺪﻩ 700-800 ﻧﻪﭘﻪﺭ ﺋﻮﻓﯩﺘﺴﯧﺮ ﻳﯧﺘﯩﺸﺘﯜﺭﮔﻪﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﻫﻪﺭ ﻗﺎﻳﺴﻰ ﻗﯩﺴﯩﻤﻼﺭﺩﯨﻤﯘ ﻗﯩﺴﻘﺎ ﻣﯘﺩﺩﻩﺗﻠﯩﻚ ﻫﻪﺭﺑﯩﻲ ﻛﯘﺭﺳﻼﺭ ﺗﻪﺳﯩﺲ ﻗﯩﻠﯩﻨﻐﺎﻥ.
ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﻣﯩﻠﻠﯩﻲ ﺋﺎﺭﻣﯩﻴﻪ ﺭﻩﺳﻤﯩﻲ ﻗﯘﺭﯗﻟﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﭘﺎﺭﺗﯩﺰﺍﻧﻠﯩﻖ ﺩﻩﯞﺭﯨﺪﯨﻦ ﺗﺎﺭﺗﯩﭗ، ﺗﺎﻛﻰ ﺋﺎﺧﯩﺮﯨﻐﯩﭽﻪ ﺟﻪﻣﺌﯩﻲ 9 ﻗﯧﺘﯩﻢ ﭼﻮﯓ ﻛﯚﻟﻪﻣﻠﯩﻚ ﺟﻪﯓ، 36 ﻗﯧﺘﯩﻢ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﺟﻪﯓ، 350 ﻗﯧﺘﯩﻤﺪﯨﻦ ﺋﺎﺭﺗﯘﻕ ﻛﯩﭽﯩﻚ ﺟﻪﯕﻠﻪﺭﻧﻰ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺟﻪﺭﻳﺎﻧﯩﺪﺍ 20 ﻣﯩﯖﺪﯨﻦ ﺋﺎﺭﺗﯘﻕ ﺩﯛﺷﻤﻪﻧﻨﻰ ﻳﻮﻗﺎﺗﻘﺎﻥ، ﺑﻪﺵ ﻣﯩﯖﻐﺎ ﻳﯧﻘﯩﻦ ﺩﯛﺷﻤﻪﻥ ﺋﻮﻓﯩﺘﺴﯧﺮ ﯞﻩ ﺋﻪﺳﻜﯩﺮﯨﻨﻰ ﺋﻪﺳﯩﺮﮔﻪ ﺋﺎﻟﻐﺎﻥ. ﺑﯘﻻﺭﻧﯩﯔ ﺋﯩﭽﯩﺪﻩ ﺋﯩﻜﻜﻰ ﻧﻪﭘﻪﺭ ﮔﯧﻨﯧﺮﺍﻟﻤﯘ ﺑﻮﻟﻐﺎﻥ. ﺋﻮﻣﯘﻣﻪﻥ، ﮔﻮﻣﯩﻨﺪﺍﯓ ﺋﺎﺭﻣﯩﻴﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺷﯩﻤﺎﻟﯩﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﭘﯜﺗﯜﻥ ﻗﻮﺷﯘﻧﻠﯩﺮﻯ ﺋﺎﺳﺎﺳﻪﻥ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﯨﺘﯩﻠﻐﺎﻥ.
ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﯚﻛﯜﻣﯩﺘﻰ ﺟﻪﯕﭽﻰ ﺋﻮﻓﯩﺘﺴﯧﺮﻻﺭﻧﯩﯔ ﻣﯩﻠﻠﻰ ﺋﺎﺯﺍﺩﻟﯩﻖ ﺟﻪﯕﻠﯩﺮﯨﮕﻪ ﻛﯚﺭﺳﻪﺗﻜﻪﻥ ﭘﯩﺪﺍﻛﺎﺭﻟﯩﻘﻠﯩﺮﯨﻨﻰ ﻗﻪﺩﯨﺮﻟﻪﭖ، "ﺧﻪﻟﻖ ﻗﻪﻫﺮﯨﻤﺎﻧﻰ"، "ﺋﺎﺯﺍﺩﻟﯩﻖ"، "ﺋﯩﺴﺘﯩﻘﻼﻟﯩﻴﻪﺕ ﺋﯜﭼﯜﻥ"، "ﺑﺎﺗﯘﺭﻟﯘﻕ" ﺋﻮﺭﺩﯦﻦ ﯞﻩ ﻣﯧﺪﺍﻟﻠﯩﺮﯨﻨﻰ ﺗﻪﺳﯩﺲ ﻗﯩﻠﻐﺎﻥ. ﺋﯘﺭﯗﺵ ﺟﻪﺭﻳﺎﻧﯩﺪﺍ، ﻏﻪﻧﻰ ﺑﺎﺗﯘﺭ، ﻓﺎﺗﯩﺦ ﺑﺎﺗﯘﺭ، ﺋﻪﻛﺒﻪﺭ ﺑﺎﺗﯘﺭ، ﺭﯨﺰﯞﺍﻧﮕﯜﻝ، ﺯﯨﺨﺮﯗﻟﻼﻡ ﻗﺎﺗﺎﺭﻟﯩﻖ ﻗﻪﻫﺮﯨﻤﺎﻧﻼﺭ ﺯﻭﺭ ﺷﯚﻫﺮﻩﺕ ﻗﺎﺯﺍﻧﻐﺎﻥ ﺋﯩﺪﻯ.
ﺳﺎﺑﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﯩﻨﯩﯔ ﻛﺎﺗﯩﭙﻰ، ﻫﺎﺯﯨﺮ ﺋﺎﻟﻤﯘﺗﯩﺪﺍ ﻳﺎﺷﺎﻳﺪﯨﻐﺎﻥ ﺳﺎﺑﯩﻖ ﻛﺎﭘﯩﺘﺎﻥ ﻣﺎﺧﻤﯘﺩ ﭘﺎﺭﻣﺎﺷﯧﯟﻧﯩﯔ ﺋﯧﻴﺘﯩﺸﯩﭽﻪ، ﻣﯩﻠﻠﻰ ﺋﺎﺭﻣﯩﻴﻪ ﺩﻩﺳﻠﻪﭘﺘﻪ ﻗﯘﺭﯗﻟﻐﺎﻧﺪﺍ 15 ﻣﯩﯔ ﺋﻪﺗﺮﺍﭘﯩﺪﺍ ﺑﻮﻟﻐﺎﻥ، 1946-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺟﻪﯕﭽﻰ ﺋﻮﻓﯩﺘﺴﯧﺮﻟﯩﺮﯨﻨﯩﯔ ﺳﺎﻧﻰ 30 ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻥ. ﺑﺎﺭﻟﯩﻖ ﻫﻪﺭﺑﯩﻲ ﺋﯩﺸﻼﺭ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻣﻪﺧﭙﯩﻲ ﻣﻪﺳﻠﯩﻬﻪﺗﭽﯩﻠﻪﺭ ﺋﻮﺭﻧﻰ ﺑﻮﻟﻐﺎﻥ 2-ﺋﯚﻳﻨﯩﯔ ﭘﯩﻼﻧﻠﯩﺸﯩﺪﯨﻦ ﻛﯧﻴﯩﻦ، ﻫﻪﺭﺑﯩﻲ ﺋﯩﺸﻼﺭ ﺗﻪﺭﯨﭙﯩﺪﯨﻦ ﺋﻪﻣﻪﻟﮕﻪ ﺋﺎﺷﯘﺭﯨﻠﯩﺪﯨﻜﻪﻥ. ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﻰ ﺑﯩﻠﻪﻥ ﻗﻮﻣﺎﻧﺪﺍﻧﻠﯩﻖ ﺷﺘﺎﺏ ﻗﻮﻳﯘﻕ ﻣﯘﻧﺎﺳﯩﯟﻩﺗﺘﻪ ﺑﻮﻟﻐﺎﻥ. ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﭘﻮﻟﻜﻮﯞﻧﯩﻚ ﺋﯘﻧﯟﺍﻧﻰ ﺑﯩﻠﻪﻥ ﻫﻪﺭﺑﯩﻲ ﺑﯚﻟﯜﻣﻨﻰ ﺑﺎﺷﻘﯘﺭﻏﺎﻥ.
ﻣﯩﻠﻠﯩﻲ ﺋﺎﺭﻣﯩﻴﻪ 1945-ﻳﯩﻠﻰ 7-ﺋﺎﻳﺪﯨﻦ ﺑﺎﺷﻼﭖ، ﺋﯜﭺ ﻓﺮﻭﻧﺖ ﺑﻮﻳﯩﭽﻪ ﺟﻪﯓ ﻗﯩﻠﯩﺸﻨﻰ ﺑﺎﺷﻼﭖ، ﺷﯩﻤﺎﻟﯩﻲ ﻳﯚﻧﯩﻠﯩﺶ ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻳﻨﻰ ﺋﺎﺯﺍﺩ ﻗﯩﻠﻐﺎﻥ. ﺋﻮﺗﺘﯘﺭﺍ ﻳﯚﻧﯩﻠﯩﺶ ﺟﯩﯔ ﯞﻩ ﺷﯩﺨﻮﻻﺭﺩﯨﻜﻰ ﺧﯩﺘﺎﻱ ﻣﯘﺩﺍﭘﯩﺌﻪ ﺳﯩﺴﺘﯧﻤﯩﻠﯩﺮﯨﻨﻰ ﺑﯚﺳﯜﭖ ﺋﯚﺗﯜﭖ، ﺋﯜﺭﯛﻣﭽﯩﻨﻰ ﺋﺎﺯﺍﺩ ﻗﯩﻠﯩﺶ ﺋﯜﭼﯜﻥ ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﻐﺎ ﻛﯧﻠﯩﭗ ﺗﻮﺧﺘﯩﻐﺎﻥ. ﺟﻪﻧﯘﺑﻰ ﻳﯚﻧﯩﻠﯩﺶ ﺗﻪﯕﺮﻯ ﺗﯧﻐﯩﺪﯨﻦ ﺋﯚﺗﯜﭖ، ﺋﺎﻗﺴﯘ ﻛﻮﻧﺎ ﺷﻪﻫﻪﺭ، ﺑﺎﻱ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﺋﺎﺯﺍﺩ ﻗﯩﻠﻐﺎﻥ.
ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ 1945-ﻳﯩﻠﻰ 9-ﺋﺎﻳﻨﯩﯔ 17-ﻛﯘﻧﻰ ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﻐﺎ ﻳﯧﺘﯩﭗ ﻛﻪﻟﮕﻪﻧﺪﻩ ﻫﯘﺟﯘﻣﻨﻰ ﺗﻮﺧﺘﯩﺘﯩﺶ ﺑﯘﻳﺮﯗﻗﻰ ﺑﻮﻳﯩﭽﻪ ﻣﻪﺯﻛﯘﺭ ﺟﺎﻳﺪﺍ ﺗﺎﻛﻰ 1949-ﻳﯩﻠﻰ 12-ﺋﺎﻳﻐﯩﭽﻪ ﻣﯘﺩﺍﭘﯩﺌﻪﺩﻩ ﺗﯘﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﻨﻰ ﺋﯩﮕﯩﻠﯩﮕﻪﻧﺪﯨﻦ ﻛﯧﻴﯩﻦ، 1950-ﻳﯩﻠﻰ ﻣﯩﻠﻠﻰ ﺋﺎﺭﻣﯩﻴﻪ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 5-ﻛﻮﺭﭘﯘﺳﻰ ﻗﯩﻠﯩﭗ ﺋﯚﺯﮔﻪﺭﺗﯩﻠﯩﭗ، 2 ﺩﯨﯟﯨﺰﯨﻴﻪﮔﻪ ﺋﺎﻳﺮﯨﻠﯩﭗ، 13-ﺩﯨﯟﯨﺰﯨﻴﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﻐﺎ، 14-ﺩﯨﯟﯨﺰﯨﻴﻪ ﺷﯩﻤﺎﻟﯩﻐﺎ ﺋﻮﺭﯗﻧﻼﺷﺘﯘﺭﯗﻟﯘﭖ، ﻛﯧﻴﯩﻦ ﺑﺎﺭﺍ-ﺑﺎﺭﺍ ﻗﯩﺴﻘﺎﺭﺗﯩﻠﯩﭗ، ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ.
1945-ﻳﯩﻠﻰ 8-ﺋﺎﭘﺮﯨﻠﺪﺍ ﺗﻪﺳﯩﺲ ﻗﯩﻠﯩﻨﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﻪ ﺗﻪﺭﻛﯩﺒﯩﺪﻩ ﻳﻪﻧﻪ ﻫﻪﺭﺑﯩﻲ ﻣﻪﻛﺘﻪﭖ ﺋﯧﭽﯩﻠﻐﺎﻥ ﺑﻮﻟﯘﭖ، ﺑﯘ ﻣﻪﻛﺘﻪﭖ 2 ﻳﯩﻞ ﺋﯩﭽﯩﺪﻩ 700-800 ﻧﻪﭘﻪﺭ ﺋﻮﻓﯩﺘﺴﯧﺮ ﻳﯧﺘﯩﺸﺘﯜﺭﮔﻪﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﻫﻪﺭ ﻗﺎﻳﺴﻰ ﻗﯩﺴﯩﻤﻼﺭﺩﯨﻤﯘ ﻗﯩﺴﻘﺎ ﻣﯘﺩﺩﻩﺗﻠﯩﻚ ﻫﻪﺭﺑﯩﻲ ﻛﯘﺭﺳﻼﺭ ﺗﻪﺳﯩﺲ ﻗﯩﻠﯩﻨﻐﺎﻥ.
ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﻣﯩﻠﻠﯩﻲ ﺋﺎﺭﻣﯩﻴﻪ ﺭﻩﺳﻤﯩﻲ ﻗﯘﺭﯗﻟﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﭘﺎﺭﺗﯩﺰﺍﻧﻠﯩﻖ ﺩﻩﯞﺭﯨﺪﯨﻦ ﺗﺎﺭﺗﯩﭗ، ﺗﺎﻛﻰ ﺋﺎﺧﯩﺮﯨﻐﯩﭽﻪ ﺟﻪﻣﺌﯩﻲ 9 ﻗﯧﺘﯩﻢ ﭼﻮﯓ ﻛﯚﻟﻪﻣﻠﯩﻚ ﺟﻪﯓ، 36 ﻗﯧﺘﯩﻢ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﺟﻪﯓ، 350 ﻗﯧﺘﯩﻤﺪﯨﻦ ﺋﺎﺭﺗﯘﻕ ﻛﯩﭽﯩﻚ ﺟﻪﯕﻠﻪﺭﻧﻰ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺟﻪﺭﻳﺎﻧﯩﺪﺍ 20 ﻣﯩﯖﺪﯨﻦ ﺋﺎﺭﺗﯘﻕ ﺩﯛﺷﻤﻪﻧﻨﻰ ﻳﻮﻗﺎﺗﻘﺎﻥ، ﺑﻪﺵ ﻣﯩﯖﻐﺎ ﻳﯧﻘﯩﻦ ﺩﯛﺷﻤﻪﻥ ﺋﻮﻓﯩﺘﺴﯧﺮ ﯞﻩ ﺋﻪﺳﻜﯩﺮﯨﻨﻰ ﺋﻪﺳﯩﺮﮔﻪ ﺋﺎﻟﻐﺎﻥ. ﺑﯘﻻﺭﻧﯩﯔ ﺋﯩﭽﯩﺪﻩ ﺋﯩﻜﻜﻰ ﻧﻪﭘﻪﺭ ﮔﯧﻨﯧﺮﺍﻟﻤﯘ ﺑﻮﻟﻐﺎﻥ. ﺋﻮﻣﯘﻣﻪﻥ، ﮔﻮﻣﯩﻨﺪﺍﯓ ﺋﺎﺭﻣﯩﻴﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺷﯩﻤﺎﻟﯩﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﭘﯜﺗﯜﻥ ﻗﻮﺷﯘﻧﻠﯩﺮﻯ ﺋﺎﺳﺎﺳﻪﻥ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﯨﺘﯩﻠﻐﺎﻥ.
ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﯚﻛﯜﻣﯩﺘﻰ ﺟﻪﯕﭽﻰ ﺋﻮﻓﯩﺘﺴﯧﺮﻻﺭﻧﯩﯔ ﻣﯩﻠﻠﻰ ﺋﺎﺯﺍﺩﻟﯩﻖ ﺟﻪﯕﻠﯩﺮﯨﮕﻪ ﻛﯚﺭﺳﻪﺗﻜﻪﻥ ﭘﯩﺪﺍﻛﺎﺭﻟﯩﻘﻠﯩﺮﯨﻨﻰ ﻗﻪﺩﯨﺮﻟﻪﭖ، "ﺧﻪﻟﻖ ﻗﻪﻫﺮﯨﻤﺎﻧﻰ"، "ﺋﺎﺯﺍﺩﻟﯩﻖ"، "ﺋﯩﺴﺘﯩﻘﻼﻟﯩﻴﻪﺕ ﺋﯜﭼﯜﻥ"، "ﺑﺎﺗﯘﺭﻟﯘﻕ" ﺋﻮﺭﺩﯦﻦ ﯞﻩ ﻣﯧﺪﺍﻟﻠﯩﺮﯨﻨﻰ ﺗﻪﺳﯩﺲ ﻗﯩﻠﻐﺎﻥ. ﺋﯘﺭﯗﺵ ﺟﻪﺭﻳﺎﻧﯩﺪﺍ، ﻏﻪﻧﻰ ﺑﺎﺗﯘﺭ، ﻓﺎﺗﯩﺦ ﺑﺎﺗﯘﺭ، ﺋﻪﻛﺒﻪﺭ ﺑﺎﺗﯘﺭ، ﺭﯨﺰﯞﺍﻧﮕﯜﻝ، ﺯﯨﺨﺮﯗﻟﻼﻡ ﻗﺎﺗﺎﺭﻟﯩﻖ ﻗﻪﻫﺮﯨﻤﺎﻧﻼﺭ ﺯﻭﺭ ﺷﯚﻫﺮﻩﺕ ﻗﺎﺯﺍﻧﻐﺎﻥ ﺋﯩﺪﻯ.
ﺳﺎﺑﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﯩﻨﯩﯔ ﻛﺎﺗﯩﭙﻰ، ﻫﺎﺯﯨﺮ ﺋﺎﻟﻤﯘﺗﯩﺪﺍ ﻳﺎﺷﺎﻳﺪﯨﻐﺎﻥ ﺳﺎﺑﯩﻖ ﻛﺎﭘﯩﺘﺎﻥ ﻣﺎﺧﻤﯘﺩ ﭘﺎﺭﻣﺎﺷﯧﯟﻧﯩﯔ ﺋﯧﻴﺘﯩﺸﯩﭽﻪ، ﻣﯩﻠﻠﻰ ﺋﺎﺭﻣﯩﻴﻪ ﺩﻩﺳﻠﻪﭘﺘﻪ ﻗﯘﺭﯗﻟﻐﺎﻧﺪﺍ 15 ﻣﯩﯔ ﺋﻪﺗﺮﺍﭘﯩﺪﺍ ﺑﻮﻟﻐﺎﻥ، 1946-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺟﻪﯕﭽﻰ ﺋﻮﻓﯩﺘﺴﯧﺮﻟﯩﺮﯨﻨﯩﯔ ﺳﺎﻧﻰ 30 ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻥ. ﺑﺎﺭﻟﯩﻖ ﻫﻪﺭﺑﯩﻲ ﺋﯩﺸﻼﺭ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻣﻪﺧﭙﯩﻲ ﻣﻪﺳﻠﯩﻬﻪﺗﭽﯩﻠﻪﺭ ﺋﻮﺭﻧﻰ ﺑﻮﻟﻐﺎﻥ 2-ﺋﯚﻳﻨﯩﯔ ﭘﯩﻼﻧﻠﯩﺸﯩﺪﯨﻦ ﻛﯧﻴﯩﻦ، ﻫﻪﺭﺑﯩﻲ ﺋﯩﺸﻼﺭ ﺗﻪﺭﯨﭙﯩﺪﯨﻦ ﺋﻪﻣﻪﻟﮕﻪ ﺋﺎﺷﯘﺭﯨﻠﯩﺪﯨﻜﻪﻥ. ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﻰ ﺑﯩﻠﻪﻥ ﻗﻮﻣﺎﻧﺪﺍﻧﻠﯩﻖ ﺷﺘﺎﺏ ﻗﻮﻳﯘﻕ ﻣﯘﻧﺎﺳﯩﯟﻩﺗﺘﻪ ﺑﻮﻟﻐﺎﻥ. ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﭘﻮﻟﻜﻮﯞﻧﯩﻚ ﺋﯘﻧﯟﺍﻧﻰ ﺑﯩﻠﻪﻥ ﻫﻪﺭﺑﯩﻲ ﺑﯚﻟﯜﻣﻨﻰ ﺑﺎﺷﻘﯘﺭﻏﺎﻥ.
ﻣﯩﻠﻠﯩﻲ ﺋﺎﺭﻣﯩﻴﻪ 1945-ﻳﯩﻠﻰ 7-ﺋﺎﻳﺪﯨﻦ ﺑﺎﺷﻼﭖ، ﺋﯜﭺ ﻓﺮﻭﻧﺖ ﺑﻮﻳﯩﭽﻪ ﺟﻪﯓ ﻗﯩﻠﯩﺸﻨﻰ ﺑﺎﺷﻼﭖ، ﺷﯩﻤﺎﻟﯩﻲ ﻳﯚﻧﯩﻠﯩﺶ ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻳﻨﻰ ﺋﺎﺯﺍﺩ ﻗﯩﻠﻐﺎﻥ. ﺋﻮﺗﺘﯘﺭﺍ ﻳﯚﻧﯩﻠﯩﺶ ﺟﯩﯔ ﯞﻩ ﺷﯩﺨﻮﻻﺭﺩﯨﻜﻰ ﺧﯩﺘﺎﻱ ﻣﯘﺩﺍﭘﯩﺌﻪ ﺳﯩﺴﺘﯧﻤﯩﻠﯩﺮﯨﻨﻰ ﺑﯚﺳﯜﭖ ﺋﯚﺗﯜﭖ، ﺋﯜﺭﯛﻣﭽﯩﻨﻰ ﺋﺎﺯﺍﺩ ﻗﯩﻠﯩﺶ ﺋﯜﭼﯜﻥ ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﻐﺎ ﻛﯧﻠﯩﭗ ﺗﻮﺧﺘﯩﻐﺎﻥ. ﺟﻪﻧﯘﺑﻰ ﻳﯚﻧﯩﻠﯩﺶ ﺗﻪﯕﺮﻯ ﺗﯧﻐﯩﺪﯨﻦ ﺋﯚﺗﯜﭖ، ﺋﺎﻗﺴﯘ ﻛﻮﻧﺎ ﺷﻪﻫﻪﺭ، ﺑﺎﻱ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﺋﺎﺯﺍﺩ ﻗﯩﻠﻐﺎﻥ.
ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﻰ 1945-ﻳﯩﻠﻰ 9-ﺋﺎﻳﻨﯩﯔ 17-ﻛﯘﻧﻰ ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﻐﺎ ﻳﯧﺘﯩﭗ ﻛﻪﻟﮕﻪﻧﺪﻩ ﻫﯘﺟﯘﻣﻨﻰ ﺗﻮﺧﺘﯩﺘﯩﺶ ﺑﯘﻳﺮﯗﻗﻰ ﺑﻮﻳﯩﭽﻪ ﻣﻪﺯﻛﯘﺭ ﺟﺎﻳﺪﺍ ﺗﺎﻛﻰ 1949-ﻳﯩﻠﻰ 12-ﺋﺎﻳﻐﯩﭽﻪ ﻣﯘﺩﺍﭘﯩﺌﻪﺩﻩ ﺗﯘﺭﯗﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﻨﻰ ﺋﯩﮕﯩﻠﯩﮕﻪﻧﺪﯨﻦ ﻛﯧﻴﯩﻦ، 1950-ﻳﯩﻠﻰ ﻣﯩﻠﻠﻰ ﺋﺎﺭﻣﯩﻴﻪ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 5-ﻛﻮﺭﭘﯘﺳﻰ ﻗﯩﻠﯩﭗ ﺋﯚﺯﮔﻪﺭﺗﯩﻠﯩﭗ، 2 ﺩﯨﯟﯨﺰﯨﻴﻪﮔﻪ ﺋﺎﻳﺮﯨﻠﯩﭗ، 13-ﺩﯨﯟﯨﺰﯨﻴﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﻐﺎ، 14-ﺩﯨﯟﯨﺰﯨﻴﻪ ﺷﯩﻤﺎﻟﯩﻐﺎ ﺋﻮﺭﯗﻧﻼﺷﺘﯘﺭﯗﻟﯘﭖ، ﻛﯧﻴﯩﻦ ﺑﺎﺭﺍ-ﺑﺎﺭﺍ ﻗﯩﺴﻘﺎﺭﺗﯩﻠﯩﭗ، ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ.

ﻣﯩﻠﻠﯩﻲ ﺋﺎﺭﻣﯩﻴﻪ ﺧﺎﺗﯩﺮﯨﺴﻰ (1)

ﺳﺎﺑﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﯩﻨﯩﯔ ﻛﺎﺗﯩﭙﻰ، ﻫﺎﺯﯨﺮ ﺋﺎﻟﻤﯘﺗﯩﺪﺍ ﻳﺎﺷﺎﯞﺍﺗﻘﺎﻥ ﻣﺎﺧﻤﯘﺩ ﭘﺎﺭﻣﺎﺷﯧﯟ ﺋﻪﭘﻪﻧﺪﯨﻨﯩﯔ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺭﻩﺳﯩﻤﻰ.

4-ﺋﺎﻳﻨﯩﯔ 8-ﻛﯘﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﻨﯩﯔ ﻗﯘﺭﯗﻟﻐﺎﻥ ﺧﺎﺗﯩﺮﻩ ﻛﯜﻧﯩﺪﯗﺭ. ﺗﺎﺭﯨﺨﯩﻲ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ 1944-ﻳﯩﻠﻰ ﻧﯩﻠﻘﺎ ﻧﺎﻫﯩﻴﯩﺴﯩﺪﻩ ﻓﺎﺗﯩﺦ ﺑﺎﺗﯘﺭ، ﻏﻪﻧﻰ ﺑﺎﺗﯘﺭ ﺑﺎﺷﭽﯩﻠﯩﻘﯩﺪﺍ ﻗﻮﺯﻏﯩﻼﯓ ﻛﯚﺗﯜﺭﯛﻟﮕﻪﻧﺪﯨﻦ ﻛﯧﻴﯩﻦ، ﺑﯘ ﻗﻮﺯﻏﯩﻼﯓ ﺋﻮﺗﻠﯩﺮﻯ ﺗﯧﺰﺩﯨﻦ ﻛﯧﯖﯩﻴﯩﭗ، ﺋﺎﺧﯩﺮﻯ ﻏﯘﻟﺠﺎ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﺗﯘﺗﺎﺷﺘﻰ. ﻧﻪﺗﯩﺠﯩﺪﻩ، 1944-ﻳﯩﻠﻰ 12- ﻧﻮﻳﺎﺑﯩﺮ ﻛﯜﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﺪﻯ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ 2-ﺋﺎﻳﻐﺎ ﻛﻪﻟﮕﻪﻧﺪﻩ ﺋﯩﻠﻰ ﯞﯨﻼﻳﯩﺘﯩﻨﻰ ﺗﻮﻟﯘﻕ ﺋﺎﺯﺍﺩ ﻗﯩﻠﻐﺎﻧﺪﯨﻦ ﻛﯧﻴﯩﻦ ﭘﯜﺗﯜﻥ ﺋﯘﻳﻐﯘﺭ ﺋﯧﻠﻰ ﻣﯩﻘﻴﺎﺳﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﺎﻳﺮﯨﻘﯩﻨﻰ ﺗﯩﻜﻠﻪﺵ ﺋﯜﭼﯜﻥ ﺗﺎﺭﻗﺎﻕ ﭘﺎﺭﺗﯩﺰﺍﻧﻼﺭ ﯞﻩ ﻗﻮﺯﻏﯩﻼﯕﭽﯩﻼﺭﻧﻰ ﺑﯩﺮﻟﻪﺷﺘﯜﺭﯛﭖ، ﺋﯘﻻﺭﺩﯨﻦ ﺑﯩﺮ ﻣﯘﻧﺘﯩﺰﯨﻢ، ﺯﺍﻣﺎﻧﯩﯟﻯ، ﺟﻪﯕﮕﯩﯟﺍﺭ ﻗﻮﺷﯘﻥ ﻳﻪﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﻰ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﻰ ﻗﯘﺭﯗﭖ ﭼﯩﻘﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ. ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﯘﻧﯟﺍﻥ ﺗﯜﺯﯛﻣﻠﯩﺮﻯ ﯞﻩ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺏ ﻫﻪﻡ ﺋﯘﻧﯩﯔ ﺗﻪﺭﻛﯩﺒﻰ ﺗﻪﺳﯩﺲ ﻗﯩﻠﯩﻨﻐﺎﻥ.
ﻗﯩﺴﻘﺎ ﻣﯘﺩﺩﻩﺗﻠﯩﻚ ﻫﻪﺭﺑﯩﻲ ﺗﻪﻟﯩﻢ ﺗﻪﺭﺑﯩﻴﯩﺪﯨﻦ ﻛﯧﻴﯩﻦ 1945-ﻳﯩﻠﻰ 4-ﺋﺎﻳﻨﯩﯔ 8-ﻛﯘﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﻣﯩﻠﻠﻰ ﺋﺎﺭﻣﯩﻴﯩﺴﻰ ﺭﻩﺳﻤﻰ ﻗﯘﺭﯗﻟﯘﭖ ﻏﯘﻟﺠﺎ ﺷﻪﻫﺮﯨﺪﻩ ﭼﻮﯓ ﻫﻪﺭﺑﯩﻲ ﭘﺎﺭﺍﺕ ﯞﻩ ﻫﻪﺭ ﻗﺎﻳﺴﻰ ﻗﯩﺴﯩﻤﻼﺭﻏﺎ ﺑﺎﻳﺮﺍﻕ ﺗﺎﭘﺸﯘﺭﯗﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﺪﻯ. ﺳﺎﺑﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﯩﻨﯩﯔ ﻛﺎﺗﯩﭙﻰ، ﻫﺎﺯﯨﺮ ﺋﺎﻟﻤﯘﺗﯩﺪﺍ ﻳﺎﺷﺎﯞﺍﺗﻘﺎﻥ ﻣﺎﺧﻤﯘﺩ ﭘﺎﺭﻣﺎﺷﯧﯟ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﯚﺯﯨﻨﯩﯔ ﻛﯚﺭﮔﻪﻥ-ﺑﯩﻠﮕﻪﻧﻠﯩﺮﯨﻨﻰ ﺳﯚﺯﻟﻪﭖ ﺑﻪﺭﺩﻯ.
ﺋﯘﻧﯩﯔ ﺋﻪﺳﻠﯩﺸﯩﭽﻪ، ﺑﯘ ﻛﯜﻧﻰ ﻏﯘﻟﺠﺎ ﺷﻪﻫﯩﺮﻯ ﻗﺎﻳﻨﺎﻡ ﺗﺎﺷﻘﯩﻨﻐﺎ ﭼﯚﻣﮕﻪﻥ ﺑﻮﻟﯘﭖ، ﻫﻪﻳﯟﻩﺗﻠﯩﻚ ﻣﯩﻠﻠﻰ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺭﻩﺕ-ﺭﯦﺘﻰ ﺑﯩﻠﻪﻥ ﻣﺎﺭﺵ ﺩﻩﺳﺴﻪﭖ ﭘﺎﺭﺍﺗﺘﯩﻦ ﺋﯚﺗﻜﻪﻧﺪﻩ ﻫﺎﻳﺎﺟﺎﻧﻐﺎ ﺗﻮﻟﻐﺎﻥ ﺧﻪﻟﻖ ﻳﯩﻐﺎ ﺯﺍﺭﻩ ﻗﯩﻠﯩﭗ، ﺋﺎﺯﺍﺩﻟﯩﻖ ﺋﯜﭼﯜﻥ ﺟﯧﻨﯩﻨﻰ ﭘﯩﺪﺍ ﻗﯩﻠﯩﭗ ﻣﻪﻳﺪﺍﻧﻐﺎ ﭼﯩﻘﻘﺎﻥ ﺑﯘ ﻗﯩﻤﻤﻪﺗﻠﯩﻚ ﭘﻪﺭﺯﻩﻧﺘﻠﯩﺮﯨﮕﻪ ﮔﯜﻟﻠﻪﺭ ﭼﺎﭼﻘﺎﻥ، ﺋﯘﻻﺭﻏﺎ ﺋﺎﻟﻼﺩﯨﻦ ﻧﯘﺳﺮﻩﺕ ﺗﯩﻠﯩﮕﻪﻥ ﺋﯩﻜﻪﻥ. ﻣﯩﻠﻠﯩﻲ ﺋﺎﺭﻣﯩﻴﻪ ﻗﯘﺭﯗﻟﯘﺵ ﻣﯘﺭﺍﺳﯩﻤﯩﻨﯩﯔ ﻳﯩﻐﯩﻦ ﺳﻪﻫﻨﯩﺴﯩﺪﻩ ﺋﻪﻟﯩﺨﺎﻥ ﺗﯚﺭﻩ ﻗﺎﺗﺎﺭﻟﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﯩﺘﯩﻨﯩﯔ ﺭﻩﻫﺒﻪﺭﻟﯩﺮﻯ ﺋﻮﻟﺘﯘﺭﻏﺎﻥ ﺑﻮﻟﯘﭖ، ﺋﻪﻟﯩﺨﺎﻥ ﺗﯚﺭﻩ ﻧﯘﺗﯘﻕ ﺳﯚﺯﻟﻪﭖ، ﻫﻪﺭ ﻗﺎﻳﺴﻰ ﭘﻮﻟﻜﻼﺭﻏﺎ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺋﺎﻟﻐﺎ" ﺩﯦﮕﻪﻥ ﺷﻮﺋﺎﺭ ﻳﯧﺰﯨﻠﻐﺎﻥ ﻫﻪﺭﺑﯩﻲ ﺑﺎﻳﺮﺍﻗﻼﺭﻧﻰ ﺗﻪﻗﺪﯨﻢ ﻗﯩﻠﻐﺎﻥ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺑﺎﺵ ﻗﻮﻣﺎﻧﺪﺍﻧﻰ ﺩﻩﺳﻠﻪﭘﺘﻪ ﮔﯧﻨﯧﺮﺍﻝ ﻣﺎﻳﻮﺭ ﭘﺎﻟﯩﻨﻮﯞ، ﻣﯘﺋﺎﯞﯨﻦ ﺑﺎﺵ ﻗﻮﻣﺎﻧﺪﺍﻧﻰ ﭘﻮﻟﻜﻮﯞﻧﯩﻚ ﺯﯗﻧﻮﻥ ﺗﯧﻴﯩﭙﻮﯞ ﺑﻮﻟﻐﺎﻥ ﺑﻮﻟﺴﺎ، ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺏ ﺗﻪﺭﻛﯩﺒﯩﺪﻩ ﺑﯩﺮ ﻗﺎﻧﭽﻪ ﺑﯚﻟﯜﻣﻠﻪﺭ ﻗﯘﺭﯗﻟﻐﺎﻥ، ﻛﯧﻴﯩﻦ ﮔﯧﻨﯧﺮﺍﻝ ﺋﯩﺴﻬﺎﻕ ﺑﻪﮒ ﺑﺎﺵ ﻗﻮﻣﺎﻧﺪﺍﻥ، ﺯﯗﻧﻮﻥ ﺗﯧﻴﯩﭙﻮﯞ، ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﯧﯟ ﻣﯘﺋﺎﯞﯨﻦ ﺑﺎﺵ ﻗﻮﻣﺎﻧﺪﺍﻥ، ﻣﺎﺟﺎﺭﻭﯞ ﺷﯩﺘﺎﺏ ﺑﺎﺷﻠﯩﻘﻰ ﺑﻮﻟﻐﺎﻥ.
ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﻣﯩﻠﻠﻰ ﺋﺎﺭﻣﯩﻴﯩﻨﯩﯔ ﻫﻪﺭﺑﯩﻲ ﻓﻮﺭﻣﯩﻠﯩﺮﻯ ﯞﻩ ﻫﻪﺭﺑﯩﻲ ﺋﯘﻧﯟﺍﻥ ﺳﯩﺴﺘﯧﻤﯩﺴﻰ ﭼﺎﺭ ﺭﯗﺳﯩﻴﻪ ﯞﻩ ﺳﻮﯞﯦﺖ ﺋﺎﺭﻣﯩﻴﯩﺴﯩﻨﯩﯖﻜﯩﻨﻰ ﺋﯜﻟﮕﻪ ﻗﯩﻠﯩﻐﺎﻥ ﺋﯩﺪﻯ. ﺗﯚﯞﻩﻥ ﯞﻩ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﻫﻪﻡ ﻳﯘﻗﯩﺮﻯ، ﺋﺎﻟﯩﻲ ﺩﻩﺭﯨﺠﯩﻠﯩﻚ ﻫﻪﺭﺑﯩﻲ ﺋﯘﻧﯟﺍﻥ ﺗﯜﺯﯛﻣﻰ ﻗﻮﻟﻠﯩﻨﯩﻠﻐﺎﻥ ﺑﻮﻟﯘﭖ، ﺋﺎﻟﯩﻲ ﺩﻩﺭﺟﯩﻠﯩﻜﻠﯩﺮﻯ، ﻣﺎﺭﺷﺎﻝ، ﮔﯧﻨﯧﺮﺍﻝ ﻟﯧﻴﺘﯩﻨﺎﻧﺖ ﺑﻮﻟﯘﭖ، ﻛﯧﻴﯩﻦ ﻣﺎﺭﺷﺎﻝ ﺋﯘﻧﯟﺍﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﻡ ﻫﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺋﻪﻟﯩﺨﺎﻥ ﺗﯚﺭﯨﮕﻪ ﺑﯧﺮﯨﻠﮕﻪﻥ ﺋﯩﺪﻯ.
ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، 1949-ﻳﯩﻠﯩﻐﺎ ﻛﻪﻟﮕﻪﻧﺪﻩ ﻣﯩﻠﻠﯩﻲ ﺋﺎﺭﻣﯩﻴﻪ ﺋﯜﭺ ﻧﻪﭘﻪﺭ ﮔﯧﻨﯧﺮﺍﻝ، 25 ﭘﻮﻟﻜﻮﯞﻧﯩﻚ، 50 ﺗﯩﻦ ﺋﺎﺭﺗﯘﻕ ﭘﻮﺩﭘﻮﻟﻜﻮﯞﻧﯩﻚ، 60 ﺗﯩﻦ ﺋﻮﺷﯘﻕ ﻣﺎﻳﻮﺭ ﯞﻩ ﺑﺎﺷﻘﺎ ﺋﻮﺗﺘﯘﺭﺍ ﻫﻪﻡ ﺗﯚﯞﻩﻥ ﺩﻩﺭﯨﺠﯩﻠﯩﻚ ﺋﻮﻓﯩﺘﺴﯧﺮﻟﻪﺭﮔﻪ ﺋﯩﮕﻪ ﺑﻮﻟﻐﺎﻥ.
4-ﺋﺎﻳﻨﯩﯔ 8-ﻛﯘﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﻨﯩﯔ ﻗﯘﺭﯗﻟﻐﺎﻥ ﺧﺎﺗﯩﺮﻩ ﻛﯜﻧﯩﺪﯗﺭ. ﺗﺎﺭﯨﺨﯩﻲ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ 1944-ﻳﯩﻠﻰ ﻧﯩﻠﻘﺎ ﻧﺎﻫﯩﻴﯩﺴﯩﺪﻩ ﻓﺎﺗﯩﺦ ﺑﺎﺗﯘﺭ، ﻏﻪﻧﻰ ﺑﺎﺗﯘﺭ ﺑﺎﺷﭽﯩﻠﯩﻘﯩﺪﺍ ﻗﻮﺯﻏﯩﻼﯓ ﻛﯚﺗﯜﺭﯛﻟﮕﻪﻧﺪﯨﻦ ﻛﯧﻴﯩﻦ، ﺑﯘ ﻗﻮﺯﻏﯩﻼﯓ ﺋﻮﺗﻠﯩﺮﻯ ﺗﯧﺰﺩﯨﻦ ﻛﯧﯖﯩﻴﯩﭗ، ﺋﺎﺧﯩﺮﻯ ﻏﯘﻟﺠﺎ ﻗﺎﺗﺎﺭﻟﯩﻖ ﺟﺎﻳﻼﺭﻏﺎ ﺗﯘﺗﺎﺷﺘﻰ. ﻧﻪﺗﯩﺠﯩﺪﻩ، 1944-ﻳﯩﻠﻰ 12- ﻧﻮﻳﺎﺑﯩﺮ ﻛﯜﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﺪﻯ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ 2-ﺋﺎﻳﻐﺎ ﻛﻪﻟﮕﻪﻧﺪﻩ ﺋﯩﻠﻰ ﯞﯨﻼﻳﯩﺘﯩﻨﻰ ﺗﻮﻟﯘﻕ ﺋﺎﺯﺍﺩ ﻗﯩﻠﻐﺎﻧﺪﯨﻦ ﻛﯧﻴﯩﻦ ﭘﯜﺗﯜﻥ ﺋﯘﻳﻐﯘﺭ ﺋﯧﻠﻰ ﻣﯩﻘﻴﺎﺳﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﺎﻳﺮﯨﻘﯩﻨﻰ ﺗﯩﻜﻠﻪﺵ ﺋﯜﭼﯜﻥ ﺗﺎﺭﻗﺎﻕ ﭘﺎﺭﺗﯩﺰﺍﻧﻼﺭ ﯞﻩ ﻗﻮﺯﻏﯩﻼﯕﭽﯩﻼﺭﻧﻰ ﺑﯩﺮﻟﻪﺷﺘﯜﺭﯛﭖ، ﺋﯘﻻﺭﺩﯨﻦ ﺑﯩﺮ ﻣﯘﻧﺘﯩﺰﯨﻢ، ﺯﺍﻣﺎﻧﯩﯟﻯ، ﺟﻪﯕﮕﯩﯟﺍﺭ ﻗﻮﺷﯘﻥ ﻳﻪﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﻰ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﻰ ﻗﯘﺭﯗﭖ ﭼﯩﻘﯩﺸﻨﻰ ﻗﺎﺭﺍﺭ ﻗﯩﻠﻐﺎﻥ. ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﯘﻧﯟﺍﻥ ﺗﯜﺯﯛﻣﻠﯩﺮﻯ ﯞﻩ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺏ ﻫﻪﻡ ﺋﯘﻧﯩﯔ ﺗﻪﺭﻛﯩﺒﻰ ﺗﻪﺳﯩﺲ ﻗﯩﻠﯩﻨﻐﺎﻥ.
ﻗﯩﺴﻘﺎ ﻣﯘﺩﺩﻩﺗﻠﯩﻚ ﻫﻪﺭﺑﯩﻲ ﺗﻪﻟﯩﻢ ﺗﻪﺭﺑﯩﻴﯩﺪﯨﻦ ﻛﯧﻴﯩﻦ 1945-ﻳﯩﻠﻰ 4-ﺋﺎﻳﻨﯩﯔ 8-ﻛﯘﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﻣﯩﻠﻠﻰ ﺋﺎﺭﻣﯩﻴﯩﺴﻰ ﺭﻩﺳﻤﻰ ﻗﯘﺭﯗﻟﯘﭖ ﻏﯘﻟﺠﺎ ﺷﻪﻫﺮﯨﺪﻩ ﭼﻮﯓ ﻫﻪﺭﺑﯩﻲ ﭘﺎﺭﺍﺕ ﯞﻩ ﻫﻪﺭ ﻗﺎﻳﺴﻰ ﻗﯩﺴﯩﻤﻼﺭﻏﺎ ﺑﺎﻳﺮﺍﻕ ﺗﺎﭘﺸﯘﺭﯗﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﺪﻯ. ﺳﺎﺑﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﺭﺑﯩﻲ ﺋﯩﺸﻼﺭ ﺑﯚﻟﯜﻣﯩﻨﯩﯔ ﻛﺎﺗﯩﭙﻰ، ﻫﺎﺯﯨﺮ ﺋﺎﻟﻤﯘﺗﯩﺪﺍ ﻳﺎﺷﺎﯞﺍﺗﻘﺎﻥ ﻣﺎﺧﻤﯘﺩ ﭘﺎﺭﻣﺎﺷﯧﯟ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﯚﺯﯨﻨﯩﯔ ﻛﯚﺭﮔﻪﻥ-ﺑﯩﻠﮕﻪﻧﻠﯩﺮﯨﻨﻰ ﺳﯚﺯﻟﻪﭖ ﺑﻪﺭﺩﻯ.
ﺋﯘﻧﯩﯔ ﺋﻪﺳﻠﯩﺸﯩﭽﻪ، ﺑﯘ ﻛﯜﻧﻰ ﻏﯘﻟﺠﺎ ﺷﻪﻫﯩﺮﻯ ﻗﺎﻳﻨﺎﻡ ﺗﺎﺷﻘﯩﻨﻐﺎ ﭼﯚﻣﮕﻪﻥ ﺑﻮﻟﯘﭖ، ﻫﻪﻳﯟﻩﺗﻠﯩﻚ ﻣﯩﻠﻠﻰ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﻯ ﺭﻩﺕ-ﺭﯦﺘﻰ ﺑﯩﻠﻪﻥ ﻣﺎﺭﺵ ﺩﻩﺳﺴﻪﭖ ﭘﺎﺭﺍﺗﺘﯩﻦ ﺋﯚﺗﻜﻪﻧﺪﻩ ﻫﺎﻳﺎﺟﺎﻧﻐﺎ ﺗﻮﻟﻐﺎﻥ ﺧﻪﻟﻖ ﻳﯩﻐﺎ ﺯﺍﺭﻩ ﻗﯩﻠﯩﭗ، ﺋﺎﺯﺍﺩﻟﯩﻖ ﺋﯜﭼﯜﻥ ﺟﯧﻨﯩﻨﻰ ﭘﯩﺪﺍ ﻗﯩﻠﯩﭗ ﻣﻪﻳﺪﺍﻧﻐﺎ ﭼﯩﻘﻘﺎﻥ ﺑﯘ ﻗﯩﻤﻤﻪﺗﻠﯩﻚ ﭘﻪﺭﺯﻩﻧﺘﻠﯩﺮﯨﮕﻪ ﮔﯜﻟﻠﻪﺭ ﭼﺎﭼﻘﺎﻥ، ﺋﯘﻻﺭﻏﺎ ﺋﺎﻟﻼﺩﯨﻦ ﻧﯘﺳﺮﻩﺕ ﺗﯩﻠﯩﮕﻪﻥ ﺋﯩﻜﻪﻥ. ﻣﯩﻠﻠﯩﻲ ﺋﺎﺭﻣﯩﻴﻪ ﻗﯘﺭﯗﻟﯘﺵ ﻣﯘﺭﺍﺳﯩﻤﯩﻨﯩﯔ ﻳﯩﻐﯩﻦ ﺳﻪﻫﻨﯩﺴﯩﺪﻩ ﺋﻪﻟﯩﺨﺎﻥ ﺗﯚﺭﻩ ﻗﺎﺗﺎﺭﻟﯩﻖ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﯩﺘﯩﻨﯩﯔ ﺭﻩﻫﺒﻪﺭﻟﯩﺮﻯ ﺋﻮﻟﺘﯘﺭﻏﺎﻥ ﺑﻮﻟﯘﭖ، ﺋﻪﻟﯩﺨﺎﻥ ﺗﯚﺭﻩ ﻧﯘﺗﯘﻕ ﺳﯚﺯﻟﻪﭖ، ﻫﻪﺭ ﻗﺎﻳﺴﻰ ﭘﻮﻟﻜﻼﺭﻏﺎ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺋﺎﻟﻐﺎ" ﺩﯦﮕﻪﻥ ﺷﻮﺋﺎﺭ ﻳﯧﺰﯨﻠﻐﺎﻥ ﻫﻪﺭﺑﯩﻲ ﺑﺎﻳﺮﺍﻗﻼﺭﻧﻰ ﺗﻪﻗﺪﯨﻢ ﻗﯩﻠﻐﺎﻥ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺑﺎﺵ ﻗﻮﻣﺎﻧﺪﺍﻧﻰ ﺩﻩﺳﻠﻪﭘﺘﻪ ﮔﯧﻨﯧﺮﺍﻝ ﻣﺎﻳﻮﺭ ﭘﺎﻟﯩﻨﻮﯞ، ﻣﯘﺋﺎﯞﯨﻦ ﺑﺎﺵ ﻗﻮﻣﺎﻧﺪﺍﻧﻰ ﭘﻮﻟﻜﻮﯞﻧﯩﻚ ﺯﯗﻧﻮﻥ ﺗﯧﻴﯩﭙﻮﯞ ﺑﻮﻟﻐﺎﻥ ﺑﻮﻟﺴﺎ، ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺏ ﺗﻪﺭﻛﯩﺒﯩﺪﻩ ﺑﯩﺮ ﻗﺎﻧﭽﻪ ﺑﯚﻟﯜﻣﻠﻪﺭ ﻗﯘﺭﯗﻟﻐﺎﻥ، ﻛﯧﻴﯩﻦ ﮔﯧﻨﯧﺮﺍﻝ ﺋﯩﺴﻬﺎﻕ ﺑﻪﮒ ﺑﺎﺵ ﻗﻮﻣﺎﻧﺪﺍﻥ، ﺯﯗﻧﻮﻥ ﺗﯧﻴﯩﭙﻮﯞ، ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﯧﯟ ﻣﯘﺋﺎﯞﯨﻦ ﺑﺎﺵ ﻗﻮﻣﺎﻧﺪﺍﻥ، ﻣﺎﺟﺎﺭﻭﯞ ﺷﯩﺘﺎﺏ ﺑﺎﺷﻠﯩﻘﻰ ﺑﻮﻟﻐﺎﻥ.
ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﻣﯩﻠﻠﻰ ﺋﺎﺭﻣﯩﻴﯩﻨﯩﯔ ﻫﻪﺭﺑﯩﻲ ﻓﻮﺭﻣﯩﻠﯩﺮﻯ ﯞﻩ ﻫﻪﺭﺑﯩﻲ ﺋﯘﻧﯟﺍﻥ ﺳﯩﺴﺘﯧﻤﯩﺴﻰ ﭼﺎﺭ ﺭﯗﺳﯩﻴﻪ ﯞﻩ ﺳﻮﯞﯦﺖ ﺋﺎﺭﻣﯩﻴﯩﺴﯩﻨﯩﯖﻜﯩﻨﻰ ﺋﯜﻟﮕﻪ ﻗﯩﻠﯩﻐﺎﻥ ﺋﯩﺪﻯ. ﺗﯚﯞﻩﻥ ﯞﻩ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﻫﻪﻡ ﻳﯘﻗﯩﺮﻯ، ﺋﺎﻟﯩﻲ ﺩﻩﺭﯨﺠﯩﻠﯩﻚ ﻫﻪﺭﺑﯩﻲ ﺋﯘﻧﯟﺍﻥ ﺗﯜﺯﯛﻣﻰ ﻗﻮﻟﻠﯩﻨﯩﻠﻐﺎﻥ ﺑﻮﻟﯘﭖ، ﺋﺎﻟﯩﻲ ﺩﻩﺭﺟﯩﻠﯩﻜﻠﯩﺮﻯ، ﻣﺎﺭﺷﺎﻝ، ﮔﯧﻨﯧﺮﺍﻝ ﻟﯧﻴﺘﯩﻨﺎﻧﺖ ﺑﻮﻟﯘﭖ، ﻛﯧﻴﯩﻦ ﻣﺎﺭﺷﺎﻝ ﺋﯘﻧﯟﺍﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻫﻪﻡ ﻫﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺋﻪﻟﯩﺨﺎﻥ ﺗﯚﺭﯨﮕﻪ ﺑﯧﺮﯨﻠﮕﻪﻥ ﺋﯩﺪﻯ.
ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، 1949-ﻳﯩﻠﯩﻐﺎ ﻛﻪﻟﮕﻪﻧﺪﻩ ﻣﯩﻠﻠﯩﻲ ﺋﺎﺭﻣﯩﻴﻪ ﺋﯜﭺ ﻧﻪﭘﻪﺭ ﮔﯧﻨﯧﺮﺍﻝ، 25 ﭘﻮﻟﻜﻮﯞﻧﯩﻚ، 50 ﺗﯩﻦ ﺋﺎﺭﺗﯘﻕ ﭘﻮﺩﭘﻮﻟﻜﻮﯞﻧﯩﻚ، 60 ﺗﯩﻦ ﺋﻮﺷﯘﻕ ﻣﺎﻳﻮﺭ ﯞﻩ ﺑﺎﺷﻘﺎ ﺋﻮﺗﺘﯘﺭﺍ ﻫﻪﻡ ﺗﯚﯞﻩﻥ ﺩﻩﺭﯨﺠﯩﻠﯩﻚ ﺋﻮﻓﯩﺘﺴﯧﺮﻟﻪﺭﮔﻪ ﺋﯩﮕﻪ ﺑﻮﻟﻐﺎﻥ.

ﻳﻮﻗﻠﯘﻗﺘﯩﻦ ﺑﺎﺭ ﺑﻮﻟﻐﺎﻥ، ﺑﺎﺭﻟﯩﻘﺘﯩﻦ ﻳﻮﻕ ﺑﻮﻟﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﻪ

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﺋﺎﺭﻣﯩﻴﯩﺴﯩﻨﯩﯔ ﻣﯘﺳﺎﭘﯩﺴﻰ ﻳﻮﻗﻠﯘﻗﺘﯩﻦ ﺑﺎﺭ ﺑﻮﻟﯘﺵ، ﻣﯘﻧﺘﯩﺰﯨﻤﻠﯩﺸﯩﺶ، ﺟﻪﯕﻠﻪﺭﺩﻩ ﻏﻪﻟﯩﺒﯩﺴﯩﺮﻯ ﺗﺎﯞﻟﯩﻨﯩﺶ، ﻫﻪﺭﺑﯩﻲ - ﺗﯧﺨﻨﯩﻜﺎ، ﻣﺎﻫﺎﺭﻩﺕ، ﺳﯩﻴﺎﺳﯩﻲ ﺋﺎﯓ ﻫﻪﻡ ﻣﻪﺩﻩﻧﯩﻴﻪﺕ ﺳﺎﭘﺎ ﺟﻪﻫﻪﺗﻠﻪﺭﺩﯨﻦ ﺗﯧﺨﯩﻤﯘ ﺋﯚﺳﯜﭖ ﻳﯧﺘﯩﻠﯩﭗ، ﻣﯘﻛﻪﻣﻤﻪﻟﻠﯩﺸﯩﺶ، ﺷﯘﻧﯩﯖﺪﻩﻙ ﺋﺎﺧﯩﺮﯨﺪﺍ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯘﺷﺘﻪﻙ ﻣﯘﺭﻩﻛﻜﻪﭖ ﻣﯘﺳﺎﭘﯩﻼﺭﻧﻰ ﺑﺎﺷﺘﯩﻦ ﻛﻪﭼﯜﺭﺩﻯ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺩﻩﺳﻠﻪﭘﻜﻰ ﺗﻪﺭﻛﯩﺒﻰ
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺳﺎﺳﻰ ﺋﻪﺳﻠﯩﺪﻩ ﻧﯩﻠﻘﺎ ﺗﺎﻏﻠﯩﺮﯨﺪﺍ ﺗﯘﻧﺠﻰ ﺑﻮﻟﯘﭖ ﻛﯜﺭﻩﺷﻜﻪ ﺋﺎﺗﻼﻧﻐﺎﻥ ﻓﺎﺗﯩﺦ ﺑﺎﺗﯘﺭ، ﻏﯧﻨﻰ ﺑﺎﺗﯘﺭ، ﺋﻪﻛﺒﻪﺭ ﺑﺎﺗﯘﺭ ﻗﺎﺗﺎﺭﻟﯩﻘﻼﺭ ﺑﺎﺷﭽﯩﻠﯩﻘﯩﺪﯨﻜﻰ ﻫﻪﻣﺪﻩ 7-ﻧﻮﻳﺎﺑﯩﺮ ﻛﯜﻧﻰ ﻏﯘﻟﺠﺎ ﻗﻮﺯﻏﯩﻠﯩﯖﯩﻐﺎ ﻗﺎﺗﻨﺎﺷﻘﺎﻥ ﭘﯩﺪﺍﺋﯩﻴﻼﺭ، ﺷﯘﻧﯩﯖﺪﻩﻙ ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﻫﻪﺭ ﻗﺎﻳﺴﻰ ﺟﺎﻳﻼﺭﺩﺍ ﺗﻪﺷﻜﯩﻠﻠﯩﻨﯩﭗ ﺟﻪﯓ ﻗﯩﻠﻐﺎﻥ ﭘﺎﺭﺗﯩﺰﺍﻧﻼﺭ ﺑﻮﻟﯘﭖ، ﺗﻪﺧﻤﯩﻨﻪﻥ 60 ﺋﻪﺗﺮﺍﭘﯩﺪﯨﻜﻰ ﭘﺎﺭﺗﯩﺰﺍﻧﻠﯩﻖ ﺋﻪﺗﺮﻩﺗﻠﯩﺮﻯ ﺷﯘﻧﯩﯖﺪﻩﻙ ﻏﯘﻟﺠﺎ ﺷﻪﻫﯩﺮﻯ ﯞﻩ ﺋﯩﻠﻰ ﯞﯨﻼﻳﯩﺘﯩﻨﯩﯔ ﺑﺎﺷﻘﺎ ﺋﺎﺯﺍﺩ ﺑﻮﻟﻐﺎﻥ ﺟﺎﻳﻠﯩﺮﯨﺪﯨﻦ ﻳﯧﯖﯩﺪﯨﻦ ﺋﻪﺳﻜﻪﺭﮔﻪ ﺋﯧﻠﯩﻨﻐﺎﻧﻼﺭ ﺋﺎﺳﺎﺳﯩﺪﺍ ﺗﻪﺳﯩﺲ ﻗﯩﻠﯩﻨﻐﺎﻥ. 1945-ﻳﯩﻠﻰ 8-ﺋﺎﭘﺮﯨﻠﺪﺍ، ﻏﯘﻟﺠﺎ ﺷﻪﻫﯩﺮﯨﺪﻩ ﻣﯩﻠﻠﯩﻲ ﺋﺎﺭﻣﯩﻴﻪ ﺭﻩﺳﻤﯩﻲ ﻗﯘﺭﯗﻟﯘﭖ، ﺑﺎﻳﺮﺍﻕ ﺗﺎﭘﺸﯘﺭﯗﻟﻐﺎﻧﺪﺍ، ﻣﯩﻠﻠﯩﻲ ﺋﺎﺭﻣﯩﻴﻪ ﻳﻪﺗﺘﻪ ﭘﻮﻟﻚ، ﺗﯚﺕ ﺑﺎﺗﺎﻟﯩﻴﻮﻧﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﺑﯘﻻﺭ ﺗﯚﯞﻩﻧﺪﯨﻜﯩﭽﻪ؛
ﭘﻮﻟﻜﻼﺭ
1. ﺋﯩﻠﻰ ﭘﯩﻴﺎﺩﯨﻠﻪﺭ 2-ﭘﻮﻟﻜﻰ 2. ﺋﯩﻠﻰ ﺯﺍﭘﺎﺱ 4- ﭘﻮﻟﻜﻰ 3. ﺗﯩﻜﻪﺱ 1-ﺋﺎﺗﻠﯩﻖ ﭘﻮﻟﻜﻰ 4. ﺗﯩﻜﻪﺱ 2-ﺋﺎﺗﻠﯩﻖ ﭘﻮﻟﻜﻰ 5. ﺳﯜﻳﺪﯨﯔ ﭘﯩﻴﺎﺩﯨﻠﻪﺭ 1-ﭘﻮﻟﻜﻰ 6. ﻛﻪﯕﺴﺎﻱ ﺋﺎﺗﻠﯩﻖ 3- ﭘﻮﻟﻜﻰ 7. ﻛﯜﻧﻪﺱ ﺋﺎﺗﻠﯩﻖ ﭘﻮﻟﻜﻰ ﻛﯚﻧﻪﺱ
ﻣﯘﺳﺘﻪﻗﯩﻞ ﺑﺎﺗﺎﻟﯩﻴﻮﻥ ﯞﻩ ﺑﺎﺷﻘﯩﻼﺭ
1. ﺗﯘﯕﮕﺎﻥ ﺋﺎﺗﻠﯩﻖ ﺩﯨﯟﯨﺰﯨﻴﻮﻧﻰ 2. ﻣﯘﺳﺘﻪﻗﯩﻞ ﻣﻮﯕﻐﯘﻝ ﺋﺎﺗﻠﯩﻖ ﺑﺎﺗﺎﻟﯩﻴﻮﻧﻰ 3. ﺯﻩﻣﺒﯩﺮﻩﻛﭽﯩﻠﻪﺭ ﺩﯨﯟﯨﺰﯨﻴﻮﻧﻰ 4. ﻣﯘﻫﺎﭘﯩﺰﻩﺗﭽﯩﻠﻪﺭ ﺑﺎﺗﺎﻟﯩﻴﻮﻧﻰ 5. ﺷﯩﺒﻪ ﻣﯘﺳﺘﻪﻗﯩﻞ ﺑﺎﺗﺎﻟﯩﻴﻮﻧﻰ
ﻣﯩﻠﻠﯩﻲ ﺋﺎﺭﻣﯩﻴﻪ ﻗﯩﺴﯩﻤﻠﯩﺮﯨﻨﯩﯔ ﺗﯜﺯﯛﻟﻤﯩﺴﯩﺪﯨﻦ ﻗﺎﺭﯨﻐﺎﻧﺪﺍ، ﺑﯩﺮ ﭘﯩﻴﺎﺩﯨﻠﻪﺭ ﭘﻮﻟﻜﻰ ﺋﯩﻜﻜﻰ ﺑﺎﺗﺎﻟﯩﻴﻮﻧﺪﯨﻦ، ﺑﯩﺮ ﺑﺎﺗﺎﻟﯩﻴﻮﻥ ﺋﯜﭺ ﺭﻭﺗﯩﺪﯨﻦ، ﺑﯩﺮ ﺭﻭﺗﺎ ﺗﯚﺕ ﺋﯩﺰﯞﻭﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ. ﺋﺎﺗﻠﯩﻖ ﻗﻮﺷﯘﻧﻼﺭﻧﯩﯔ ﺗﯜﺯﯛﻟﻤﯩﺴﻰ ﺳﻪﻝ ﺑﺎﺷﻘﯩﭽﯩﺮﻩﻙ ﺑﻮﻟﻐﺎﻥ. ﻣﻪﺳﯩﻠﻪﻥ، ﺑﯩﺮ ﺋﺎﺗﻠﯩﻖ ﭘﻮﻟﻚ ﺗﯚﺕ ﺋﯧﺴﻜﺎﺩﺭﻭﻥ (ﺭﻭﺗﺎ) ﯞﻩ ﺑﯩﺮ ﭘﯩﻠﯩﻤﻮﺗﭽﯩﻼﺭ ﺭﻭﺗﯩﺴﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﭘﯩﻴﺎﺩﯨﻠﻪﺭ ﭘﻮﻟﻜﯩﻨﯩﯔ ﺋﺎﺩﻩﻡ ﺳﺎﻧﻰ 2000 ﺩﯨﻦ ﺋﺎﺭﺗﯘﻕ ﺑﻮﻟﺴﺎ، ﺋﺎﺗﻠﯩﻖ ﭘﻮﻟﻜﻨﯩﯔ 1200 ﺋﻪﺗﺮﺍﭘﯩﺪﺍ ﺑﻮﻟﻐﺎﻥ. ﺋﺎﺗﻠﯩﻖ ﻗﻮﺷﯘﻧﺪﺍ ﺋﺎﺗﻼﺭﻣﯘ ﺟﻪﯓ ﻗﯩﻠﻐﯘﭼﯩﻼﺭ ﻗﺎﺗﺎﺭﯨﺪﺍ ﻫﯧﺴﺎﺑﻼﻧﻐﺎﻥ.
ﺋﺎﺯﻟﯩﻘﺘﯩﻦ ﻛﯚﭘﯩﻴﯩﺶ ﻗﻪﺩﯨﻤﯩﻨﻰ ﺑﯧﺴﯩﺶ
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺩﻩﺳﻠﻪﭘﻜﻰ ﯞﺍﻗﯩﺘﻼﺭﺩﯨﻜﻰ ﺟﻪﯕﭽﻰ ﺋﻮﻓﯩﺘﺴﯧﺮﻟﯩﺮﯨﻨﯩﯔ ﺋﯧﻨﯩﻖ ﺳﺎﻧﻰ ﻫﻪﻗﻘﯩﺪﻩ ﺗﯜﺭﻟﯜﻙ ﺋﯘﭼﯘﺭﻻﺭ ﻣﻪﯞﺟﯘﺕ ﺑﻮﻟﯘﭖ، ﺳﺎﺑﯩﻖ ﻣﯩﻠﻠﯩﻲ ﺋﺎﺭﻣﯩﻴﻪ ﻣﺎﻳﻮﺭﻯ ﺯﺍﻫﯩﺮ ﺳﺎﯞﺩﺍﻧﻮﻑ، 15 ﻣﯩﯖﻐﺎ ﻳﯧﻘﯩﻦ ﺋﻪﺳﻜﻪﺭ ﯞﻩ ﺋﻮﻓﯩﺘﺴﯧﺮ ﺑﺎﺭ ﺋﯩﺪﻯ ﺩﯦﺴﻪ، ﻣﯩﻠﻠﯩﻲ ﺋﺎﺭﻣﯩﻴﻪ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﯩﻨﯩﯔ ﺳﯩﻴﺎﺳﯩﻲ ﺑﯚﻟﯜﻡ ﺑﺎﺷﻠﯩﻘﻰ ﺑﻮﻟﻐﺎﻥ ﺗﻮﺧﺘﻰ ﺋﯩﺒﺮﺍﻫﯩﻤﻮﭖ ﺋﻪﭘﻪﻧﺪﻯ ﻣﯩﻠﻠﯩﻲ ﻗﻮﺷﯘﻧﻨﯩﯔ ﺋﺎﺩﻩﻡ ﺳﺎﻧﯩﻨﯩﯔ 13 ﻣﯩﯖﺪﯨﻦ ﺋﺎﺭﺗﯘﻕ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﺪﯗ. ﺋﻮﻣﯘﻣﻪﻥ، ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺩﻩﺳﻠﻪﭘﻜﻰ ﺳﺎﻧﯩﻨﯩﯔ 13 ﻣﯩﯖﺪﯨﻦ 15 ﻣﯩﯖﻐﯩﭽﻪ ﺑﻮﻟﻐﺎﻧﻠﯩﻘﻰ ﻛﯚﭘﻠﯩﮕﻪﻥ ﺋﻪﺳﻠﯩﻤﯩﻠﻪﺭﺩﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺪﯗ. ﺋﻪﻟﯟﻩﺗﺘﻪ، ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺩﻩﻡ ﺳﺎﻧﻰ ﻫﻪﻣﺪﻩ ﻗﻮﺷﯘﻥ ﺗﻪﺭﻛﯩﺒﻰ ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻱ ﯞﯨﻼﻳﻪﺗﻠﯩﺮﯨﻨﻰ ﺋﺎﺯﺍﺩ ﻗﯩﻠﯩﺶ ﺟﻪﺭﻳﺎﻧﯩﺪﺍ ﯞﻩ ﺋﯘﻧﯩﯖﺪﯨﻦ ﻛﯧﻴﯩﻦ ﺗﺎﻛﻰ 1946-ﻳﯩﻠﻰ ﺑﯩﺘﯩﻢ ﺗﯜﺯﯛﻟﮕﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺩﺍﯞﺍﻣﻠﯩﻖ ﻛﯧﯖﻪﻳﮕﻪﻥ ﻫﻪﻡ ﻛﯚﭘﻪﻳﮕﻪﻥ.
1945-ﻳﯩﻠﻰ 6- ﺋﺎﻳﺪﺍ ﺷﯩﻤﺎﻟﯩﻲ، ﺋﻮﺗﺘﯘﺭﺍ ﯞﻩ ﺟﻪﻧﯘﺑﯩﻲ ﻳﯚﻧﯩﻠﯩﺸﺘﯩﻦ ﺋﯩﺒﺎﺭﻩﺕ ﺋﯜﭺ ﻓﺮﻭﻧﺘﺘﯩﻜﻰ ﺋﯘﺭﯗﺵ ﺑﺎﺷﻼﻧﻐﺎﻧﺪﯨﻦ ﻛﯧﻴﯩﻦ، ﻣﯩﻠﻠﯩﻲ ﺋﺎﺭﻣﯩﻴﻪ ﺷﯩﻤﺎﻟﺪﺍ ﭼﯚﭼﻪﻙ، ﺩﯙﺭﺑﯩﻠﺠﯩﻦ ﻧﺎﻫﯩﻴﯩﻠﯩﺮﻯ ﻫﻪﻡ ﺋﺎﻟﺘﺎﻱ ﯞﯨﻼﻳﯩﺘﯩﻨﻰ ﺗﻮﻟﯘﻕ ﺋﺎﺯﺍﺩ ﻗﯩﻠﯩﺶ ﺑﯩﻠﻪﻥ ﺷﯩﻤﺎﻟﯩﻲ ﻳﯚﻧﯩﻠﯩﺸﺘﯩﻜﻰ ﻗﻮﺷﯘﻧﻨﯩﯔ ﺗﻪﺭﻛﯩﺒﯩﺪﻩ ﺋﯚﺯﮔﯩﺮﯨﺶ ﺑﻮﻟﺪﻯ ﯞﻩ ﺋﺎﺩﻩﻡ ﺳﺎﻧﯩﻤﯘ ﺋﺎﺷﺘﻰ. ﭼﯚﭼﻪﻙ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ ﻟﯧﺴﻜﯩﻨﻨﯩﯔ ﻗﻮﻣﺎﻧﺪﺍﻧﻠﯩﻘﯩﺪﺍ ﻣﯘﺳﺘﻪﻗﯩﻞ ﺋﺎﺗﻠﯩﻖ ﺋﯜﭼﯩﻨﭽﻰ ﺑﺮﯨﮕﺎﺩﺍ ﺗﻪﺳﯩﺲ ﻗﯩﻠﯩﻨﯩﭗ، ﺑﯘﻧﯩﯔ ﺗﻪﺭﻛﯩﺒﯩﺪﻩ ﺋﯜﭺ ﭘﻮﻟﻚ ﺑﻮﻟﺪﻯ. ﺋﺎﻟﺘﺎﻱ ﺋﯧﻠﯩﻨﻐﺎﻧﺪﯨﻦ ﻛﯧﻴﯩﻦ ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﯧﻒ ﭘﺎﺭﺗﯩﺰﺍﻧﻠﯩﺮﻯ ﺋﺎﻟﺘﺎﻱ ﻣﯘﺳﺘﻪﻗﯩﻞ ﺋﺎﺗﻠﯩﻖ ﭘﻮﻟﻜﻰ ﺑﻮﻟﯘﭖ ﻗﯘﺭﯗﻟﺪﻯ.
ﻣﯩﻠﻠﯩﻲ ﺋﺎﺭﻣﯩﻴﻪ 1945-ﻳﯩﻠﻰ 9-ﺋﺎﻳﺪﺍ ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﻐﺎ ﻳﯧﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﻏﯘﻟﺠﯩﺪﯨﻜﻰ ﺑﺎﺵ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺏ ﺋﻮﺗﺘﯘﺭﺍ ﻳﯚﻧﯩﻠﯩﺶ، ﺷﯩﻤﺎﻟﯩﻲ ﻳﯚﻧﯩﻠﯩﺶ ﯞﻩ ﺟﻪﻧﯘﺑﻰ ﻳﯚﻧﯩﻠﯩﺸﺘﯩﻦ ﺋﯩﺒﺎﺭﻩﺕ ﺋﯜﭺ ﺗﺎﺭﻣﺎﻕ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺏ ﻗﯘﺭﯗﭖ، ﻳﯧﯖﯩﺪﯨﻦ ﺋﻮﺭﯗﻧﻼﺷﺘﯘﺭﯗﺵ ﺋﯧﻠﯩﭗ ﺑﺎﺭﺩﻯ. ﺑﯘ ﭼﺎﻏﺪﺍ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻗﯩﺴﯩﻤﻠﯩﺮﻯ ﻛﯚﭘﻪﻳﺪﻯ ﯞﻩ ﺳﺎﻧﻰ ﺗﯧﺨﯩﻤﯘ ﺋﺎﺷﺘﻰ. ﺋﻮﺗﺘﯘﺭﺍ ﻳﯚﻧﯩﻠﯩﺸﻜﻪ ﻣﯩﻠﻠﯩﻲ ﺋﺎﺭﻣﯩﻴﻪ ﺑﺎﺵ ﻗﻮﻣﺎﻧﺪﺍﻧﻰ ﭘﺎﻟﯩﻨﻮﻑ ﻗﻮﺷﯘﻣﭽﻪ ﻗﻮﻣﺎﻧﺪﺍﻧﻠﯩﻖ (ﻛﯧﻴﯩﻦ ﻣﻪﺭﻏﯘﭖ ﺋﯩﺴﻬﺎﻗﻮﻑ ﻗﻮﻣﺎﻧﺪﺍﻧﻰ ﺑﻮﻟﻐﺎﻥ) ﻗﯩﻠﺪﻯ. ﺑﯘﻧﯩﯔ ﺗﻪﺭﻛﯩﺒﯩﺪﻩ ﻣﺎﻧﺎﺱ ﺩﻩﺭﻳﺎﺳﯩﻨﯩﯔ ﻏﻪﺭﺑﯩﻲ ﻗﯩﺮﻏﯩﻘﯩﺪﺍ ﻣﻮﮔﻮﺗﻨﻮﻓﻨﯩﯔ ﻛﻮﻣﺎﻧﺪﯨﺮﻟﯩﻘﯩﺪﺍ، ﭘﯩﻴﺎﺩﻩ ﺋﻪﺳﻜﻪﺭﻟﻪﺭ 1-ﺑﺮﯨﮕﺎﺩﯨﺴﻰ، ﭘﯩﺪﺍﻳﻮﻓﻨﯩﯔ ﻛﻮﻣﺎﻧﺪﯨﺮﻟﯩﻘﯩﺪﺍ ﭘﯩﻴﺎﺩﻩ ﺋﻪﺳﻜﻪﺭﻟﻪﺭ 2- ﺑﺮﯨﮕﺎﺩﯨﺴﻰ ﺗﯘﺭﻏﯘﺯﯗﻟﺪﻯ، ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﭼﯚﭼﻪﻙ ﺋﺎﺗﻠﯩﻖ 6-ﭘﻮﻟﻜﻰ، ﺷﯩﺨﻪﻧﺰﯨﺪﻩ، ﺗﻮﻗﻘﯘﺯﺗﺎﺭﺍ ﺋﺎﺗﻠﯩﻖ 5- ﭘﻮﻟﻜﻰ ﯞﻩ ﺋﺎﺗﻠﯩﻖ 7-ﭘﻮﻟﻚ ﭼﺎﯞﻛﻪﻧﺪﻩ ﺗﯘﺭﺩﻯ. ﺋﻮﺗﺘﯘﺭﺍ ﻳﯚﻧﯩﻠﯩﺸﺘﯩﻜﻰ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺩﻩﻡ ﺳﺎﻧﻰ 15 ﻣﯩﯖﻐﺎ ﻳﻪﺗﻜﻪﻥ ﺑﻮﻟﯘﭖ، ﺋﯘﻻﺭﻧﯩﯔ ﻫﯘﺟﯘﻡ ﻧﯩﺸﺎﻧﻰ ﺑﯩﯟﺍﺳﯩﺘﻪ ﺋﯜﺭﯛﻣﭽﯩﮕﻪ ﻗﺎﺭﯨﺘﯩﻠﻐﺎﻥ ﺋﯩﺪﻯ.
ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻫﯚﻛﯜﻣﯩﺘﻰ ﯞﻩ ﻫﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﻗﺎﺭﺍﺭﻯ ﺑﻮﻳﯩﭽﻪ ﻣﻮﯕﻐﯘﻟﻜﯜﺭﻩﺩﻩ ﺟﻪﻧﯘﺑﯩﻲ ﻳﯚﻧﯩﻠﯩﺶ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﻰ ﻗﯘﺭﯗﻟﯘﭖ، ﺋﯩﺴﻬﺎﻗﺒﻪﮒ ﻣﯘﻧﻮﻧﻮﻑ ﻗﻮﻣﺎﻧﺪﺍﻧﻰ ﺑﻮﻟﺪﻯ. ﺑﯘﻧﯩﯔ ﺗﻪﺭﻛﯩﺒﯩﺪﻩ ﺋﺎﺗﻠﯩﻖ 1- ﺑﺮﯨﮕﺎﺩﻩ ( ﺑﺮﯨﮕﺎﺩﺍ ﻛﻮﻣﺎﻧﺪﯨﺮﻯ ﺋﯩﺴﻬﺎﻗﺒﻪﮒ ﺋﯚﺯﻯ ﺑﻮﻟﺪﻯ) ﻣﻮﯕﻐﯘﻝ ﻛﯜﺭﻩ ﺑﺎﺯﯨﺮﯨﺪﺍ ﺗﯘﺭﺩﻯ، 2-ﺋﺎﺗﻠﯩﻖ ﺑﺮﯨﮕﺎﺩﻩ ﻧﯘﺭﺑﺎﻳﻮﭘﻨﯩﯔ ﻛﻮﻣﺎﻧﺪﯨﺮﻟﯩﻘﯩﺪﺍ ﻳﯘﻟﺘﯘﺯﺩﺍ ﺗﯘﺭﺩﻯ. ﻣﺎﯞﻻﻧﻮﻓﻨﯩﯔ ﻛﻮﻣﺎﻧﺪﯨﺮﻟﯩﻘﯩﺪﯨﻜﻰ ﺗﯩﻜﻪﺱ 1-ﺋﺎﺗﻠﯩﻖ ﭘﻮﻟﻜﻰ ﻣﯘﺯﺍﺭﺕ ﺩﺍﯞﯨﻨﯩﺪﺍ، ﻧﻮﻏﺎﻳﺒﺎﻳﯧﯟﻧﯩﯔ ﺗﯩﻜﻪﺱ 2-ﺋﺎﺗﻠﯩﻖ ﭘﻮﻟﻜﻰ ﺷﻮﺗﯩﺪﺍ ﺗﯘﺭﺩﻯ.
ﻛﯧﻴﯩﻦ ﻳﻪﻧﻪ، ﻟﯧﺴﻜﯩﻨﻨﯩﯔ ﻣﯘﺳﺘﻪﻗﯩﻞ ﺋﺎﺗﻠﯩﻖ 3- ﺑﺮﯨﮕﺎﺩﯨﺴﯩﻨﯩﯔ ﺑﯩﺮ ﻗﯩﺴﯩﻤﻰ ﭼﯚﭼﻪﻛﺘﯩﻦ ﻣﺎﻧﺎﺱ ﺩﻩﺭﻳﺎﺳﻰ ﻟﯩﻨﯩﻴﯩﺴﯩﮕﻪ ﻳﯚﺗﻜﻪﭖ ﻛﯧﻠﯩﻨﺪﻯ. ﺑﯘ ﭼﺎﻏﺪﯨﻜﻰ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺩﻩﻡ ﺳﺎﻧﻰ 30 ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻥ ﺑﻮﻟﯘﭖ، 20 ﻣﯩﯖﺪﯨﻦ ﺋﺎﺭﺗﯘﻕ ﻣﯩﻠﺘﯩﻖ، ﺑﯩﺮ ﻣﯩﯔ ﻧﻪﭼﭽﻪ ﻳﯜﺯ ﭘﯩﻠﻠﯩﺌﻮﺕ، 70 ﺯﻩﻣﺒﯩﺮﻩﻙ، 4 ﺑﺮﻭﻧﺎﯞﯨﻚ، ﺋﯜﭺ ﺗﺎﻧﻜﺎ ﯞﻩ ﺗﯚﺕ ﺋﯘﺭﯗﺷﻘﺎ ﻳﺎﺭﺍﻳﺪﯨﻐﺎﻥ ﺋﺎﻳﺮﻭﭘﯩﻼﻥ' ﻏﺎ ﺋﯩﮕﻪ ﺑﻮﻟﺪﻯ.( ﺋﺎﻳﺮﻭﺩﺭﻭﻡ ﺋﯘﺭﯗﺷﯩﺪﺍ 50 ﺗﯩﻦ ﺋﺎﺭﺗﯘﻕ ﺋﺎﻳﺮﻭﭘﯩﻼﻥ ﻗﻮﻟﻐﺎ ﭼﯜﺷﻜﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻧﯩﯔ ﺳﺎﻗﻠﯩﺮﻯ ﺋﺎﺯ ﺋﯩﺪﻯ).
ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﺎﺭﻣﯩﻴﯩﺴﯩﻨﯩﯔ ﭘﻮﻟﻜﻮﯞﻧﯩﻜﻰ ﻗﻪﻫﺮﯨﻤﺎﻥ ﻏﻮﺟﺎﻣﺒﻪﺭﺩﯨﻨﯩﯔ ﺋﯧﻴﺘﯩﺸﯩﭽﻪ، ﻣﯩﻠﻠﯩﻲ ﺋﺎﺭﻣﯩﻴﻪ ﺋﻪﻳﻨﻰ ﯞﺍﻗﯩﺘﺘﺎ ﺋﯩﻠﻐﺎﺭ، ﺯﺍﻣﺎﻧﯩﯟﻯ ﺋﺎﺭﻣﯩﻴﻪ ﺑﻮﻟﯘﺵ ﺳﺎﻻﻫﯩﻴﯩﺘﯩﮕﻪ ﻻﻳﯩﻖ ﺑﻮﻟﺴﯩﻤﯘ، ﻟﯧﻜﯩﻦ ﻗﻮﺭﺍﻝ-ﻳﺎﺭﺍﻗﻠﯩﺮﻯ ﺧﯩﻞ ﺋﻪﻣﻪﺱ ﺋﯩﺪﻯ. ﺋﻪﻣﻤﺎ، ﺋﺎﺭﺍﻥ ﺋﯩﻜﻜﻰ- ﺋﯜﭺ ﺋﺎﻱ ﻫﻪﺭﺑﯩﻲ ﺗﻪﻳﻴﺎﺭﻟﯩﻘﺘﯩﻦ ﺋﯚﺗﻜﻪﻥ ﺑﯘ ﻗﻮﺷﯘﻧﻨﯩﯔ ﺷﯘﻧﭽﻪ ﺯﺍﻣﺎﻧﯩﯟﻯ ﮔﻮﻣﯩﻨﺪﺍﯓ ﺋﺎﺭﻣﯩﻴﯩﺴﯩﮕﻪ ﻫﯘﺟﯘﻡ ﻗﻮﺯﻏﺎﭖ، ﻳﯧﯖﯩﺸﻰ ﺑﯩﺮ ﻣﯚﺟﯩﺰﻩ ﺑﻮﻟﯘﭖ، ﺑﯘ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻗﻪﻫﺮﯨﻤﺎﻧﻠﯩﻖ ﺭﻭﻫﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻜﺘﯘﺭ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻗﯩﺴﻘﺎﺭﺗﯩﻠﯩﺸﻰ 1946-ﻳﯩﻠﻰ 7-ﺋﺎﻳﺪﺍ ﺑﯩﺘﯩﻢ ﺑﻮﻳﯩﭽﻪ ﺑﯩﺮﻟﻪﺷﻤﻪ ﻫﯚﻛﯜﻣﻪﺕ ﻗﯘﺭﯗﻟﻐﺎﻧﺪﺍ، ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺗﻪﺭﻛﯩﺒﻰ ﯞﻩ ﺋﻪﺳﻜﯩﺮﻯ ﺳﺎﻧﯩﺪﺍ ﻳﻪﻧﻪ ﺋﯚﺯﮔﯩﺮﯨﺶ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺋﻮﻣﯘﻣﯩﻲ ﻳﯜﺯﻟﯜﻙ ﻗﯩﺴﻘﺎﺭﺗﯩﻠﯩﺶ ﺋﯧﻠﯩﭗ ﺑﯧﺮﯨﻠﯩﭗ، ﺋﺎﻟﺘﻪ ﭘﻮﻟﻜﻘﺎ ﭼﯜﺷﯜﺭﯛﻟﯘﭖ، ﺋﺎﺩﻩﻡ ﺳﺎﻧﻰ 12 ﻣﯩﯖﻐﺎ ﻗﯩﺴﻘﺎﺭﺗﯩﻠﻐﺎﻥ. ﻟﯧﻜﯩﻦ، 1947-ﻳﯩﻠﻰ 8-ﺋﺎﻳﺪﺍ ﺑﯩﺮﻟﻪﺷﻤﻪ ﻫﯚﻛﯜﻣﻪﺕ ﺑﯘﺯﯗﻟﻐﺎﻧﺪﯨﻦ ﻛﯧﻴﯩﻦ، ﯞﻩ ﺋﻮﺳﻤﺎﻥ ﻫﻪﻡ ﻗﺎﻟﯩﺒﯧﻜﻠﻪﺭﻧﯩﯔ ﺗﻮﭘﯩﻠﯩﯖﻰ ﭘﺎﺭﺗﻠﯩﻐﺎﻧﺪﺍ، ﻳﻪﻧﻪ ﺋﻪﺳﻜﻪﺭ ﺋﯧﻠﯩﻨﯩﭗ، ﭘﻮﻟﻜﻼﺭ ﯞﻩ ﺋﺎﺩﻩﻡ ﺳﺎﻧﻰ ﻛﯚﭘﻪﻳﺘﯩﻠﯩﭗ، 20 ﻣﯩﯖﻐﺎ ﻳﻪﺗﻜﯜﺯﯛﻟﮕﻪﻥ. ﻛﯚﭘﯩﻨﭽﻪ ﺗﺎﺭﯨﺨﭽﯩﻼﺭ ﺑﯘ ﺳﺎﻧﻨﯩﯔ ﺗﺎﻛﻰ 1949-ﻳﯩﻠﯩﻨﯩﯔ ﺋﺎﺧﯩﺮﯨﻐﯩﭽﻪ ﻣﻪﯞﺟﯘﺕ ﺑﻮﻟﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﺪﯗ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻣﯩﻠﻠﻪﺕ ﺗﻪﺭﻛﯩﺒﻰ ﺋﺎﺳﺎﺳﻠﯩﻖ ﺋﯘﻳﻐﯘﺭﻻﺭ ﺑﯩﻠﻪﻥ ﻗﺎﺯﺍﻗﻼﺭ ﺑﻮﻟﯘﭖ، ﺋﯘﻧﯩﯖﺪﯨﻦ ﻛﯧﻴﯩﻦ ﻗﺎﻟﺴﺎ، ﻣﻮﯕﻐﯘﻝ، ﺗﯘﯕﮕﺎﻥ، ﻗﯩﺮﻏﯩﺰ، ﺋﯚﺯﺑﯧﻚ، ﺗﺎﺗﺎﺭ، ﺷﯩﺒﻪ، ﺭﯗﺱ، ﺗﺎﺟﯩﻚ ﯞﻩ ﺩﺍﻏﯘﺭ ﻗﺎﺗﺎﺭﻟﯩﻘﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ. ﺭﯗﺳﻼﺭ، ﺗﺎﺗﺎﺭﻻﺭ ﯞﻩ ﺋﯚﺯﺑﯧﻜﻠﻪﺭﻧﯩﯔ ﺳﺎﻧﻰ ﺋﺎﺯ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻻﺭﻧﯩﯔ ﺋﯩﭽﯩﺪﯨﻦ ﻛﯚﭘﻠﯩﮕﻪﻥ ﻳﯘﻗﯩﺮﻯ، ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﻛﻮﻣﺎﻧﺪﯨﺮﻻﺭ ﻳﯧﺘﯩﺸﯩﭗ ﭼﯩﻘﻘﺎﻥ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻳﻮﻗﯩﻠﯩﺸﻰ ﯞﻩ ﺋﯘﻳﻐﯘﺭﻻﺭﻏﺎ ﺑﯧﺮﯨﻠﮕﻪﻥ ﮔﯧﻨﯧﺮﺍﻟﻠﯩﻖ ﺳﻮﻏﯩﻠﯩﺮﻯ
ﻣﯩﻠﻠﯩﻲ ﺋﺎﺭﻣﯩﻴﻪ 1949-ﻳﯩﻠﻰ 12-ﺋﺎﻳﻨﯩﯔ 20-ﻛﯜﻧﻰ 5-ﻛﻮﺭﭘﯘﺱ ﻗﯩﻠﯩﭗ ﺋﯚﺯﮔﻪﺭﺗﯩﻠﮕﻪﻧﺪﯨﻦ ﻛﯧﻴﯩﻦ 13- ﯞﻩ 14- ﭘﯩﻴﺎﺩﯨﻠﻪﺭ ﺩﯨﯟﯨﺰﯨﻴﯩﺴﻰ ﻫﻪﻣﺪﻩ ﺋﯩﻜﻜﻰ ﻣﯘﺳﺘﻪﻗﯩﻞ ﺋﺎﺗﻠﯩﻖ ﭘﻮﻟﻜﻘﺎ ﺋﺎﻳﺮﯨﻠﯩﭗ، ﺟﻪﻧﯘﺑﯩﻲ ﯞﻩ ﺷﯩﻤﺎﻟﯩﻲ ﺗﻪﺭﻩﭘﻠﻪﺭﮔﻪ ﺗﺎﺭﻗﺎﻗﻼﺷﺘﯘﺭﯗﻟﺪﻯ. 50-ﻳﯩﻠﻼﺭﻧﯩﯔ ﺑﯧﺸﯩﺪﺍ ﻗﯩﺴﻘﺎﺭﺗﯩﺶ ﺋﯧﻠﯩﭗ ﺑﯧﺮﯨﻠﯩﭗ، ﺋﺎﺧﯩﺮﯨﺪﺍ 5 –ﻛﻮﺭﭘﯘﺳﻤﯘ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯘﭖ، 13-ﺩﯨﯟﯨﺰﯨﻴﯩﻨﯩﯔ 38- ﭘﻮﻟﻜﻰ ﺑﯩﻠﻪﻥ 14-ﺩﯨﯟﯨﺰﯨﻴﯩﻨﯩﯔ 40-ﭘﻮﻟﻜﻰ ﺳﺎﻗﻼﭖ ﻗﯧﻠﯩﻨﻐﺎﻧﺪﯨﻦ ﺑﺎﺷﻘﺎ ﻛﯚﭘﯩﻨﭽﻪ ﺋﻪﺳﻜﻪﺭ-ﺋﻮﻓﯩﺘﺴﯧﺮﻻﺭ ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﯘﺵ ﺋﺎﺭﻣﯩﻴﯩﺴﻰ ﻗﯩﻠﯩﭗ ﺋﯚﺯﮔﻪﺭﺗﯩﻠﮕﻪﻥ، ﺑﯩﺮ ﻗﯩﺴﯩﻤﻠﯩﺮﻯ ﻛﻪﺳﯩﭗ ﺋﺎﻟﻤﺎﺷﺘﯘﺭﻏﺎﻥ. ﺋﺎﺧﯩﺮﻯ 60-ﻳﯩﻠﯩﻐﺎ ﻛﻪﻟﮕﻪﻧﺪﻩ ﻣﻪﺯﻛﯘﺭ ﻗﺎﻟﺪﯗﻕ ﻣﯩﻠﻠﯩﻲ ﻗﻮﺷﯘﻧﻨﯩﯔ ﺑﯩﺮ ﻗﯩﺴﯩﻤﻰ ﻫﯩﻨﺪﯨﺴﺘﺎﻥ ﺋﯘﺭﯗﺷﯩﻐﺎ ﺳﯧﻠﯩﻨﻐﺎﻧﺪﯨﻦ ﻛﯧﻴﯩﻦ، ﺋﺎﺧﯩﺮﻯ ﭘﯜﺗﯜﻧﻠﻪﻱ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻥ. ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻫﻪﺭ ﻣﯩﻠﻠﻪﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ ﺗﯚﺕ ﻧﻪﭘﻪﺭ ﮔﯧﻨﯧﺮﺍﻟﻰ ﺑﺎﺭ ﺑﻮﻟﯘﭖ، ﺋﯘﻳﻐﯘﺭ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﺋﺎﺭﯨﺴﯩﺪﯨﻦ ﻳﯘﻗﯩﺮﻯ، ﺋﻮﺗﺘﯘﺭﺍ ﯞﻩ ﺗﯚﯞﻩﻥ ﺩﻩﺭﯨﺠﯩﻠﯩﻚ ﻛﻮﻣﺎﻧﺪﯨﺮﻻﺭ ﻛﯚﭘﻠﻪﭖ ﻳﯧﺘﯩﺸﯩﭗ ﭼﯩﻘﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ 1949-ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺳﺎﺳﯩﻲ ﻗﯩﺴﯩﻤﯩﻨﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﺋﯘﻳﻐﯘﺭﻻﺭﺩﯨﻦ ﮔﯧﻨﯧﺮﺍﻟﻠﯩﻖ ﺋﯘﻧﯟﺍﻧﯩﻐﺎ ﺋﯧﺮﯨﺸﻜﻪﻧﻠﻪﺭ ﭼﯩﻘﻤﯩﻐﺎﻥ، ﭘﻪﻗﻪﺕ ﭘﻮﻟﻜﻮﯞﻧﯩﻚ ﺋﯘﻧﯟﺍﻧﯩﺪﯨﻜﯩﻠﻪﺭﻻ ﺑﻮﻟﻐﺎﻥ. ﮔﯧﻨﯧﺮﺍﻟﻼﺭﻧﯩﯔ ﺋﯩﻜﻜﻰ ﻧﻪﭘﯩﺮﻯ ﺭﯗﺱ (ﭘﺎﻟﯩﻨﻮﻑ ﺑﯩﻠﻪﻥ ﻣﺎﺟﺎﺭﻭﻑ) ﺑﯩﺮ ﻧﻪﭘﯩﺮﻯ ﻗﯩﺮﻏﯩﺰ ( ﺋﯩﺴﻬﺎﻕ ﺑﻪﮒ )، ﺑﯩﺮ ﻧﻪﭘﯩﺮﻯ ﻗﺎﺯﺍﻕ ( ﺩﻩﻟﯩﻠﻘﺎﻥ) ﺑﻮﻟﯘﭖ، ﺋﻪﯓ ﺋﺎﻟﯩﻲ ﻣﺎﺭﺷﺎﻟﻠﯩﻖ ﺋﯘﻧﯟﺍﻧﻰ ﺋﯚﺯﺑﯧﻜﻠﻪﺭﺩﯨﻦ ﺑﻮﻟﻐﺎﻥ ﺟﯘﻣﻬﯘﺭﯨﻴﻪﺕ ﺭﻩﺋﯩﺴﻰ ﺋﻪﻟﯩﺨﺎﻥ ﺗﯚﺭﯨﮕﻪ ﺑﯧﺮﯨﻠﮕﻪﻥ ﺋﯩﺪﻯ.
ﻟﯧﻜﯩﻦ، ﺷﯘ ﻧﯘﻗﺘﯩﻨﻰ ﺗﻪﻛﯩﺘﻠﻪﺵ ﻛﯧﺮﻩﻛﻜﻰ، 1944-1949-ﻳﯩﻠﯩﻐﯩﭽﻪ ﺩﺍﯞﺍﻣﻼﺷﺎﻥ ﻣﯩﻠﻠﯩﻲ ﺋﯩﻨﻘﯩﻼﺏ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭ ﺑﯩﻠﻪﻥ ﺑﺎﺷﻘﺎ ﻫﻪﺭ ﻗﺎﻳﺴﻰ ﻣﯩﻠﻠﻪﺗﻠﻪﺭﻧﯩﯔ ﺋﯩﺘﺘﯩﭙﺎﻗﻠﯩﻘﻰ ﻧﺎﻫﺎﻳﯩﺘﻰ ﻳﺎﺧﺸﻰ ﺑﻮﻟﯘﭖ، ﻣﯩﻠﻠﯩﻲ ﺋﺎﻳﺮﯨﻤﯩﭽﯩﻠﯩﻖ ﺑﻮﻟﻤﯩﻐﺎﻥ، ﻫﻪﺭ ﻣﯩﻠﻠﻪﺕ ﺋﻮﻏﯘﻝ ﻗﯩﺰﻟﯩﺮﻯ ﻗﺎﻳﺴﻰ ﻣﯩﻠﻠﻪﺕ ﯞﻩ ﻗﺎﻳﺴﻰ ﺩﯨﻨﻐﺎ ﺗﻪﯞﻩ ﺑﻮﻟﯘﺷﺘﯩﻦ ﻗﻪﺗﺌﯩﻲ ﻧﻪﺯﻩﺭ ﻣﯚﺭﯨﻨﻰ - ﻣﯚﺭﯨﮕﻪ ﺗﯩﺮﻩﭖ ﺑﯩﺮﻟﯩﻜﺘﻪ ﺟﻪﯓ ﻗﯩﻠﯩﭗ، ﺋﺎﺯﺍﺩﻟﯩﻘﺘﯩﻦ ﺋﯩﺒﺎﺭﻩﺕ ﺋﻮﺭﺗﺎﻕ ﻧﯩﺸﺎﻥ ﺋﯜﭼﯜﻥ ﺗﻪﯓ ﻛﯜﭺ ﭼﯩﻘﺎﺭﻏﺎﻥ ﺋﯩﺪﻯ.
1955-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺧﯩﺘﺎﻱ ﻣﻪﺭﻛﯩﺰﯨﻲ ﻫﻪﺭﺑﯩﻲ ﺋﯩﺸﻼﺭ ﻛﻮﻣﯩﺘﯧﺘﻰ ﻣﯩﻠﻠﯩﻲ ﺋﺎﺭﻣﯩﻴﯩﻨﻰ(5-ﻛﻮﺭﭘﯘﺳﻨﻰ) ﺗﺎﻣﺎﻣﻪﻥ ﺋﻪﻣﻪﻟﺪﯨﻦ ﻗﺎﻟﺪﯗﺭﻏﺎﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭﺩﯨﻦ ﺗﯘﻧﺠﻰ ﺑﻮﻟﯘﭖ، ﺳﻪﻳﭙﯩﺪﯨﻦ ﺋﻪﺯﯨﺰﮔﻪ ﮔﯧﻨﯧﺮﺍﻝ ﻟﯧﻴﺘﯩﻨﺎﻧﺘﻠﯩﻖ، ﺯﺍﻫﯩﺮ ﺳﺎﯞﺩﺍﻧﻮﻑ، ﻣﯘﻫﻪﻣﻤﻪﺩ ﺋﯩﻤﯩﻦ ﺋﯩﻤﯩﻨﻮﻑ، ﺯﯗﻧﯘﻥ ﺗﯧﻴﯩﭙﻮﻓﻼﺭﻏﺎ ﮔﯧﻨﯧﺮﺍﻝ ﻣﺎﻳﻮﺭﻟﯘﻕ ﺋﯘﯞﺍﻧﻰ ﺑﻪﺭﮔﻪﻥ. ﺑﯘ ﭼﺎﻏﺪﺍ ﻳﻪﻧﻪ ﺗﺎﺗﺎﺭﻻﺭﺩﯨﻦ 5- ﻛﻮﺭﭘﯘﺳﻨﯩﯔ ﻗﻮﻣﺎﻧﺪﺍﻧﻰ ﺑﻮﻟﻐﺎﻥ ﻣﻪﺭﻏﯘﭖ ﺋﯩﺴﻬﺎﻗﻮﻓﻘﯩﻤﯘ ﮔﯧﻨﯧﺮﺍﻝ ﻣﺎﻳﻮﺭﻟﯘﻕ ﺋﯘﻧﯟﺍﻧﻰ ﺑﯧﺮﯨﻠﮕﻪﻥ ﺋﯩﺪﻯ.

ﭘﯩﺸﻘﻪﺩﻩﻡ ﺋﯘﻳﻐﯘﺭ ﺋﻮﻓﯩﺘﺴﯧﺮﻻﺭ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﻗﺎﺗﺎﺭﻟﯩﻘﻼﺭﻧﯩﯔ ﺋﯚﻟﯜﻣﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ

ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻛﻮﻣﭙﺎﺭﺗﯩﻴﯩﺴﻰ ﺭﻩﻫﺒﻪﺭﻟﯩﺮﻯ ﻫﻪﻣﺪﻩ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺭﻩﻫﺒﻪﺭﻟﯩﺮﻯ ﺋﻪﻳﻨﻰ ﭼﺎﻏﺪﺍ ﺋﺎﺧﺒﺎﺭﺍﺗﺘﺎ، 1944 ‏- ﻳﯩﻠﻰ ﻗﯘﺭﯗﻟﻐﺎﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﻪﺧﻤﻪﺗﺠﺎﻥ ﻗﺎﺳﯩﻤﻰ ﻗﺎﺗﺎﺭﻟﯩﻖ ﺭﻩﻫﺒﻪﺭﻟﯩﺮﯨﻨﯩﯔ 1949 ‏- ﻳﯩﻠﻰ 8 ‏- ﺋﺎﻳﺪﺍ ﺳﻮﯞﯨﺖ ﺋﯩﺘﺘﯩﭙﺎﻗﯩﺪﯨﻦ ﺧﯩﺘﺎﻳﻨﯩﯔ ﺳﯩﻴﺎﺳﯩﻲ ﻣﻪﺳﻠﯩﻬﻪﺕ ﻛﯧﯖﯩﺸﻰ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﺑﯧﻴﺠﯩﯖﻐﺎ ﻗﺎﺭﺍﭖ ﻛﯧﺘﯩﯟﯦﺘﯩﭗ ﻳﻮﻟﺪﺍ ﺋﺎﻳﺮﻭﭘﯩﻼﻥ ﻫﺎﺩﯨﺴﯩﺴﯩﮕﻪ ﺋﯘﭼﺮﺍﭖ ﯞﺍﭘﺎﺕ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻼﻥ ﻗﯩﻠﻐﺎﻧﺪﯨﻦ ﺑﯘﻳﺎﻥ ، ﺋﯘﻳﻐﯘﺭ ﺳﯩﻴﺎﺳﯩﻴﻮﻧﻼﺭ ﺋﯩﺰﭼﯩﻞ ﻫﺎﻟﺪﺍ ﺑﯘ ﻫﺎﺩﯨﺴﯩﻨﯩﯔ ﻳﺎﻟﻐﺎﻧﻠﯩﻘﻰ، ﺋﻪﻣﻪﻟﯩﻴﻪﺗﺘﻪ ﺑﯩﺮ ﺳﯜﻳﻘﻪﺳﺘﻨﯩﯔ ﭘﯩﻼﻧﻼﻧﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺋﯚﺯ ﮔﯘﻣﺎﻧﻠﯩﺮﯨﻨﻰ ﺋﯩﺴﭙﺎﺗﻼﺭ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻛﻪﻟﻤﻪﻛﺘﻪ.

ﺗﯚﯞﻩﻧﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯧﺸﻜﻪﻙ ﺷﻪﻫﯩﺮﯨﺪﯨﻜﻰ ﺑﯩﺮ ﻗﯩﺴﯩﻢ ﭘﯩﺸﻘﻪﺩﻩﻡ ﺋﯘﻳﻐﯘﺭ ﺋﻮﻓﯩﺘﺴﯩﺮﻻﺭﻧﯩﯔ ﺑﯘ ﻫﻪﻗﺘﯩﻜﻰ ﺋﯩﻨﻜﺎﺳﻠﯩﺮﯨﻨﻰ ﺋﺎﯕﻼﻳﺴﯩﻠﻪﺭ.

" 11 - ﺳﯧﻨﺘﻪﺑﯩﺮ " ﯞﻩﻗﻪﺳﯩﻨﯩﯔ 7 ﻳﯩﻠﻠﯩﻘﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ

- ﻳﯩﻠﻰ ﺋﺎﻣﯧﺮﯨﻜﯩﺪﺍ ﻳﯜﺯ ﺑﻪﺭﮔﻪﻥ " 11 - ﺳﯧﻨﺘﻪﺑﯩﺮ " ﺗﯧﺮﺭﻭﺭ ﯞﻩﻗﻪﺳﯩﺪﯨﻦ ﺑﯘﻳﺎﻥ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺯ ﺑﻪﺭﮔﻪﻥ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﻪﺗﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ، " ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﺑﺎﻏﻠﯩﻨﯩﺸﻰ ﺑﺎﺭ ﺗﯧﺮﺭﻭﺭﯨﺴﺘﯩﻚ ﻫﻪﺭﯨﻜﻪﺕ " ﺩﻩﭖ ﻗﺎﺭﯨﻼﭖ ﻛﻪﻟﻤﻪﻛﺘﻪ.
ﺋﻪﭘﺴﯘﺳﻜﻰ، ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺑﯘ 7 ﻳﯩﻞ ﻣﺎﺑﻪﻳﻨﯩﺪﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺋﻪﻝ - ﻗﺎﺋﯩﺪﻩ، ﺋﻮﺳﺎﻣﺎ - ﺑﯩﻦ ﻻﺩﯨﻦ ﻳﺎﻛﻰ ﺧﻪﻟﻘﺌﺎﺭﺍ ﺗﯧﺮﺭﻭﺭﻟﯘﻕ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭﻟﯩﻘﯩﻐﺎ ﺩﺍﺋﯩﺮ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ ﻫﯧﭽﺒﯩﺮ ﺩﻩﻟﯩﻞ - ﺋﯩﺴﭙﺎﺕ ﻛﯚﺭﺳﯩﺘﻪﻟﯩﮕﯩﻨﻰ ﻳﻮﻕ.
ﺧﯩﺘﺎﻳﻨﯩﯔ ﺋﯘﻳﻐﯘﺭ ﻛﯜﺭﻩﺷﭽﯩﻠﻪﺭ ﻫﻪﻗﻘﯩﺪﯨﻜﻰ ﺳﻪﭘﺴﻪﺗﯩﻠﯩﺮﻯ، ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﻣﺎﺯﺍﻕ ﻗﯩﻠﯩﺶ ﺋﻮﺑﯩﻜﺘﯩﻐﺎ ﺋﺎﻳﻠﯩﻨﯩﭗ ﻗﺎﻟﺪﻯﺧﯩﺘﺎﻳﻨﯩﯔ ﺑﯘ ﻛﻮﻧﺎ ﻣﯘﻗﺎﻣﯩﺪﯨﻦ ﺑﯩﺰﺍﺭ ﺑﻮﻟﻐﺎﻥ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﻯ ﻫﺎﺯﯨﺮ ﺑﯘ ﺳﻪﭘﺴﻪﺗﯩﻨﻰ ﻣﺎﺯﺍﻕ ﻗﯩﻠﯩﺪﯨﻐﺎﻥ ﺗﯧﻤﯩﻐﺎ ﺋﺎﻳﻼﻧﺪﯗﺭﯗﯞﺍﻟﺪﻯ. ﻣﻪﺳﯩﻠﻪﻥ، " ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ " ﺭﺍﺩﯨﺌﻮﺳﯩﻨﯩﯔ ﺑﯘ ﻳﯩﻞ 9 - ﺋﺎﻳﻨﯩﯔ 2 - ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﯩﺮ ﻣﯘﻻﻫﯩﺰﯨﺴﯩﺪﻩ، ﻛﯘﭼﺎﺩﯨﻜﻰ ﺗﻮﻗﯘﻧﯘﺷﻘﺎ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﺳﺎﻗﭽﯩﺨﺎﻧﯩﺴﯩﻐﺎ ﻫﯘﺟﯘﻡ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺋﯩﺸﻠﻪﺗﻜﻪﻥ ﺋﺎﺳﺎﺳﻠﯩﻖ ﻗﻮﺭﺍﻟﯩﻨﯩﯔ، ﺋﯚﻳﺪﻩ ﺗﺎﻣﺎﻕ ﻗﯩﻠﯩﺶ ﺋﯜﭼﯜﻥ ﺋﯩﺸﻠﯩﺘﯩﺪﯨﻐﺎﻥ ﻛﯩﭽﯩﻚ ﮔﺎﺯ ﺗﯘﯕﯩﺪﯨﻨﻼ ﺋﯩﺒﺎﺭﻩﺕ ﺋﯩﻜﻪﻧﻠﯩﻜﻰ ﺋﻪﺳﻜﻪﺭﺗﯩﻠﯩﭗ، " ﺋﻪﮔﻪﺭ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺋﻪﻳﯩﺒﻠﯩﮕﯩﻨﯩﺪﻩﻙ، ﺋﯘﻳﻐﯘﺭﻻﺭ ﺑﯘ ﻗﯧﺘﯩﻤﻘﻰ ﻫﯘﺟﯘﻣﻨﻰ ﺋﻪﻝ - ﻗﺎﺋﯩﺪﻩﻧﯩﯔ ﺑﯘﻳﺮﯗﻗﻰ ﺑﯩﻠﻪﻥ ﻗﯩﻠﻐﺎﻥ ﺑﻮﻟﺴﺎ، ﺋﯘ ﻫﺎﻟﺪﺍ ﺑﯩﻨﻼﺩﯨﻦ ﺑﯘﻧﯩﯖﺪﯨﻦ ﺋﺎﻧﭽﻪ ﺧﯘﺵ ﺑﻮﻟﯘﭖ ﻛﻪﺗﻤﻪﻳﺪﯗ، ﺋﻪﻝ - ﻗﺎﺋﯩﺪﻩﻧﯩﯔ ﺑﺎﻳﺎﻧﺎﺗﻠﯩﺮﯨﺪﺍ ﻫﯧﭽﺒﯩﺮ ﯞﺍﻗﯩﺖ ﺷﯩﻨﺠﺎﯓ ﯞﻩ ﺧﯩﺘﺎﻱ ﺗﯩﻠﻐﺎ ﺋﯧﻠﯩﻨﯩﭗ ﺑﺎﻗﻘﺎﻥ ﺋﻪﻣﻪﺱ ! " ﺩﻩﭖ ﻛﯚﺭﺳﯩﺘﯩﻠﮕﻪﻥ ﺋﯩﺪﻯ. ﺩﯦﻤﻪﻙ، ﺑﯘ ﻳﻪﺭﺩﻩ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﻳﯘﻗﯘﺭﻗﻰ ﺋﻪﻳﯩﺒﻠﻪﺷﻠﯩﺮﻯ ﺋﻮﭼﯘﻕ - ﺋﺎﺷﻜﺎﺭﺍ ﻫﺎﻟﺪﺍ ﻣﺎﺯﺍﻕ ﻗﯩﻠﯩﻨﻐﺎﻥ ﺋﯩﺪﻯ.
ﺋﻪﻝ - ﻗﺎﺋﯩﺪﻩﻧﯩﯔ ﻗﻮﺭﺍﻟﻰ ﻛﻪﺗﻤﻪﻥ - ﮔﯜﺭﺟﻪﻙ ﻳﺎﻛﻰ ﭘﺎﻟﺘﺎ - ﭘﯩﭽﺎﻕ ﺋﻪﻣﻪﺱﭼﯜﻧﻜﻰ ﺋﻪﻝ - ﻗﺎﺋﯩﺪﻩ ﺗﯧﺮﺭﻭﺭ ﺗﻪﺷﻜﯩﻼﺗﯩﻨﯩﯔ، ﺯﻭﺭ ﺋﯩﻘﺘﯩﺴﺎﺩﻯ ﻛﯜﭼﻜﻪ، ﻳﯘﻗﯩﺮﻯ ﻫﻪﺭﺑﯩﻲ ﺗﯧﺨﻨﯩﻜﯩﻐﺎ ﯞﻩ ﺯﺍﻣﺎﻧﯩﯟﯨﻲ ﻗﻮﺭﺍﻝ - ﻳﺎﺭﺍﻕ ﯞﻩ ﭘﺎﺭﺗﯩﻠﯩﺘﯩﺶ ﺋﯜﺳﻜﯜﻧﻠﯩﺮﯨﮕﻪ ﺋﯩﮕﻪ ﺋﯩﻜﻪﻧﻠﯩﻜﻰ ﭘﯜﺗﯜﻥ ﺩﯗﻧﻴﺎﻏﺎ ﻣﻪﻟﯘﻡ. " 11 - ﺳﯧﻨﺘﻪﺑﯩﺮ " ﯞﻩﻗﻪﺳﯩﺪﯨﻦ ﻛﯧﻴﯩﻨﻤﯘ ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﻰ ﯞﻩ ﺋﯘﻧﯩﯔ ﮔﯘﻣﺎﺷﺘﯩﻠﯩﺮﻯ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺋﻪﻟﻠﯩﺮﯨﺪﻩ ﻛﯚﭖ ﻗﯧﺘﯩﻢ ﺗﯧﺮﺭﻭﺭﻟﯘﻕ ﯞﻩﻗﻪ ﭘﻪﻳﺪﺍ ﻗﯩﻠﯩﭗ، ﻧﯘﺭﻏﯘﻧﻠﯩﻐﺎﻥ ﺑﯩﮕﯘﻧﺎﻫ ﺋﯩﻨﺴﺎﻧﻼﺭﻧﯩﯔ ﺋﯧﭽﯩﻨﯩﺸﻠﯩﻖ ﻫﺎﻟﺪﺍ ﺋﯚﻟﯜﭖ ﻛﯩﺘﯩﺸﯩﮕﻪ ﺳﻪﯞﻩﺑﭽﻰ ﺑﻮﻟﺪﻯ، ﺋﯘﻻﺭﻧﯩﯔ ﭘﯜﺗﯜﻥ ﯞﻩﻗﻪﻟﻪﺭﺩﻩ ﻗﻮﻟﻼﻧﻐﺎﻥ ﭘﺎﺭﺗﯩﻠﯩﺘﯩﺶ ﺋﯜﺳﻜﯜﻧﯩﻠﯩﺮﻯ ﺑﻮﻟﺴﺎ ﻳﯘﻗﯩﺮﻯ ﺗﯧﺨﻨﯩﻜﯩﻐﺎ ﯞﻩ ﺷﯩﺪﺩﻩﺗﻠﯩﻚ ﻛﯜﭼﻜﻪ ﺋﯩﮕﻪ ﺋﻪﯓ ﺯﺍﻣﺎﻧﯩﯟﻯ ﺑﻮﻣﺒﯩﻼﺭ ﺋﯩﺪﻯ. ﺋﻪﮔﻪﺭ ﺭﺍﺳﺘﯩﻨﻼ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﻗﺎﺭﯨﻼﭖ ﻛﻪﻟﮕﯩﻨﯩﺪﻩﻙ، ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻛﯜﭼﻠﯩﺮﯨﻨﯩﯔ ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﻣﯘﻧﺎﺳﯩﯟﯨﺘﻰ ﺑﻮﻟﻐﺎﻥ ﺑﻮﻟﺴﺎ ﺋﯩﺪﻯ، ﺧﯘﺩﺩﻯ " ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ " ﺭﺍﺩﯨﺌﻮﺳﯩﺪﯨﻜﻰ ﻣﯘﻻﻫﯩﺰﯨﺪﻩ ﻛﯩﻨﺎﻳﻪ ﻗﯩﻠﯩﻨﻐﯩﻨﯩﺪﻩﻙ، ﺋﻮﺳﺎﻣﺎ ﺑﯩﻨﻼﺩﯨﻨﻤﯘ ﻫﻪﺭﮔﯩﺰ " ﺋﯘﻳﻐﯘﺭ ﻗﯧﺮﯨﻨﺪﺍﺷﻠﯩﺮﻯ " ﻧﯩﯔ ﻫﺎﺯﯨﺮﻗﯩﺪﻩﻙ ﻛﻪﻛﻪ - ﭘﯩﭽﺎﻕ ﯞﻩ ﺗﺎﻣﺎﻕ ﭘﯩﺸﯘﺭﯨﺪﯨﻐﺎﻥ ﮔﺎﺯ ﺗﯘﯕﯩﻨﻰ ﻗﻮﺭﺍﻝ ﻗﯩﻠﯩﭗ، ﺋﻪﻝ - ﻗﺎﺋﯩﺪﻩﻧﯩﯔ " ﺋﯩﻨﺎﯞﯨﺘﻰ " ﮔﻪ ﺗﻪﺳﯩﺮ ﻳﻪﺗﻜﯜﺯﯛﺷﯩﮕﻪ ﻳﻮﻝ ﻗﻮﻳﻤﯩﻐﺎﻥ ﺑﻮﻻﺗﺘﻰ.
ﺋﯘﻳﻐﯘﺭ ﻛﯜﺭﻩﺷﭽﯩﻠﯩﺮﯨﻨﯩﯔ ﻗﻮﺭﺍﻟﻰ، ﭘﻪﻗﻪﺗﻼ ﻣﯩﻠﻠﯩﻲ ﺋﯩﺮﺍﺩﻩ ﯞﻩ ﺟﺎﺳﺎﺭﻩﺗﺘﯩﻦ ﺋﯩﺒﺎﺭﻩﺕﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺋﯚﺯﯨﻨﯩﯔ ﺧﻪﯞﻩﺭﻟﯩﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﯩﻤﯘ، ﻗﻪﺷﻘﻪﺭﺩﻩ ﺧﯩﺘﺎﻱ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﯨﻐﺎ ﻫﯘﺟﯘﻡ ﻗﯩﻠﻐﺎﻥ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭﻧﯩﯔ ﺋﯩﺸﻠﻪﺗﻜﻪﻥ ﻗﻮﺭﺍﻟﻰ ﺋﯚﺯﻟﯩﺮﻯ ﻳﺎﺳﯩﯟﺍﻟﻐﺎﻥ ﺋﯩﭙﺘﯩﺪﺍﺋﯩﻲ ﺷﻪﻛﯩﻠﺪﯨﻜﻰ ﺑﻮﻣﺒﺎ ﯞﻩ ﺧﻪﻧﺠﻪﺭ - ﭘﯩﭽﺎﻕ ﺋﯩﺪﻯ. ﭘﻪﻳﺰﯨﯟﺍﺕ ﻧﺎﻫﯩﻴﯩﺴﯩﺪﻩ ﺧﯩﺘﺎﻱ ﺳﺎﻗﭽﻰ ﯞﻩ ﺋﻪﺳﻜﻪﺭﻟﯩﺮﯨﮕﻪ ﻫﯘﺟﯘﻡ ﻗﯩﻠﻐﺎﻥ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﺟﻪﯕﭽﯩﻠﯩﺮﯨﻨﯩﯔ ﻗﻮﻟﻼﻧﻐﺎﻥ ﻗﻮﺭﺍﻟﻰ ﭘﻪﻗﻪﺗﻼ ﭘﯩﭽﺎﻕ ﯞﻩ ﺧﻪﻧﺠﻪﺭ ﺋﯩﺪﻯ. 2007 - ﻳﯩﻠﻰ 1 - ﺋﺎﻳﺪﺍ ﺧﯩﺘﺎﻱ ﺋﻪﺳﻜﻪﺭﻟﯩﺮﻯ ﺋﺎﻗﺘﯘﻧﯩﯔ ﻛﻮﺳﺮﺍﭖ ﻳﯧﺰﯨﺴﻰ ﺗﻪﯞﻩﺳﯩﺪﯨﻜﻰ ﺗﺎﻏﻠﯩﻖ ﺭﺍﻳﻮﻧﺪﺍ ﻗﯧﭽﯩﭗ ﻳﯜﺭﮔﻪﻥ 18 ﻧﻪﭘﻪﺭ ﺋﯘﻳﻐﯘﺭ ﺳﯩﻴﺎﺳﻰ ﻗﺎﭼﻘﯘﻧﻨﻰ ﺋﯧﺘﯩﭗ ﺋﯚﻟﺘﯜﺭﮔﻪﻥ، ﻳﻪﻧﻪ 17 ﻧﻪﭘﯩﺮﯨﻨﻰ ﻗﻮﻟﻐﺎ ﺋﺎﻟﻐﺎﻥ ﺋﯩﺪﻯ، ﺋﻪﻳﻨﻰ ﭼﺎﻏﺪﺍ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺑﯘﻻﺭﻏﺎ، " ﺋﺎﻓﻐﺎﻧﯩﺴﺘﺎﻧﺪﺍ ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﯩﺪﯨﻦ ﻫﻪﺭﺑﯩﻲ ﺗﻪﻟﯩﻢ ﺋﯧﻠﯩﭗ ﭼﯧﮕﺮﯨﺪﯨﻦ ﻳﻮﺷﯘﺭﯗﻧﯘﭖ ﻛﯩﺮﮔﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﺪﯨﻦ ﺋﯩﺒﺎﺭﻩﺕ " ﺩﯦﮕﻪﻥ ﻗﺎﻟﭙﺎﻗﻨﻰ ﻛﻪﻳﺪﯛﺭﮔﻪﻥ، ﻛﯧﻴﯩﻦ، ﺑﯘﻻﺭﻧﯩﯔ ﭘﻪﻗﻪﺗﻼ ﺑﯩﺮ - ﺋﯩﻜﻜﯩﺴﯩﺪﻩ ﺗﺎﭘﺎﻧﭽﺎ ﺑﺎﺭﻟﯩﻘﻰ، ﻗﺎﻟﻐﺎﻧﻠﯩﺮﯨﻨﯩﯔ ﭘﯜﺗﯜﻧﻠﻪﻱ ﻗﻮﺭﺍﻟﺴﯩﺰ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ ﺋﯩﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ، ﺑﯘﻻﺭﻧﯩﯔ ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﻰ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭﻟﯩﻘﯩﻐﺎ ﺩﺍﺋﯩﺮ ﻫﯧﭽﺒﯩﺮ ﺩﻩﻟﯩﻞ - ﺋﯩﺴﭙﺎﺗﻨﻰ ﺋﻮﺗﺘﯘﺭﯨﻐﺎ ﻗﻮﻳﺎﻟﻤﯩﻐﺎﻧﻠﯩﻘﻰ ﺋﯜﭼﯜﻥ، ﺧﻪﻟﻘﺌﺎﺭﺍﻟﯩﻖ ﻛﯩﺸﯩﻠﯩﻚ ﻫﻮﻗﻮﻕ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻳﻨﯩﯔ ﺑﯘ ﻗﺎﻧﻠﯩﻖ ﻗﯩﺮﻏﯩﻨﭽﯩﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﯩﮕﻪﻥ ﺋﯩﺪﻯ. ﻫﺎﺯﯨﺮ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﺑﯘﻧﺪﯨﻦ 18 ﻳﯩﻞ ﺑﯘﺭﯗﻥ، ﻳﻪﻧﻰ، 1990 - ﻳﯩﻠﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﯜﺯ ﺑﻪﺭﮔﻪﻥ " ﺑﺎﺭﯨﻦ ﺋﯩﻨﻘﯩﻼﺑﻰ " ﺟﻪﺭﻳﺎﻧﯩﺪﺍ، ﺯﻩﻳﻨﯩﺪﯨﻦ ﻳﯜﺳﯜﭖ ﺑﺎﺷﭽﯩﻠﯩﻘﯩﺪﯨﻜﻰ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﺟﻪﯕﭽﯩﻠﯩﺮﯨﻨﯩﯔ ﺧﯩﺘﺎﻱ ﺳﺎﻗﭽﻰ - ﺋﻪﺳﻜﻪﺭﻟﯩﺮﯨﮕﻪ ﻗﺎﺭﺷﻰ ﺋﯩﺸﻠﻪﺗﻜﻪﻥ ﻗﻮﺭﺍﻟﻰ ﺑﯩﻠﻪﻥ، ﺗﯧﺨﻰ ﻳﯧﻘﯩﻨﺪﯨﻼ ﻳﯜﺯ ﺑﻪﺭﮔﻪﻥ ﻗﻪﺷﻘﻪﺭ، ﻛﯘﭼﺎ ﯞﻩ ﭘﻪﻳﺰﯨﯟﺍﺗﻼﺭﺩﯨﻜﻰ ﺗﻮﻗﯘﻧﯘﺷﻼﺭﺩﺍ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﺟﻪﯕﭽﯩﻠﯩﺮﯨﻨﯩﯔ ﺋﯩﺸﻠﻪﺗﻜﻪﻥ ﻗﻮﺭﺍﻟﻰ ﺋﻮﺗﺘﯘﺭﯨﺴﯩﺪﺍ ﻫﯧﭽﺒﯩﺮ ﭘﻪﺭﻗﻨﯩﯔ ﻳﻮﻗﻠﯘﻗﯩﻨﻰ ﻛﯚﺭﯛﯞﯦﻠﯩﺶ ﻣﯘﻣﻜﯩﻦ. ﭼﯜﻧﻜﻰ ﺋﻪﻳﻨﻰ ﭼﺎﻏﺪﺍ ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺑﺎﺭﯨﻨﻠﯩﻖ ﺩﯦﻬﻘﺎﻧﻼﺭﻧﯩﯔ ﻛﻪﺗﻤﻪﻥ - ﮔﯜﺭﺟﻪﻙ، ﻛﺎﻟﺘﻪﻙ - ﺗﻮﺧﻤﺎﻕ، ﭼﻪﻳﺪﻭ - ﭘﯩﭽﺎﻕ ﯞﻩ ﺋﯚﺯﻟﯩﺮﻯ ﻳﺎﺳﯩﯟﺍﻟﻐﺎﻥ ﺋﺎﺯ ﺳﺎﻧﺪﯨﻜﻰ ﺋﯩﭙﺘﯩﺪﺍﺋﯩﻲ ﮔﯩﺮﺍﻧﺎﺗﻠﯩﺮﯨﻨﻰ ﺋﯜﺭﯛﻣﭽﯩﺪﯨﻜﻰ " ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻛﯚﺭﮔﻪﺯﻣﯩﺨﺎﻧﯩﺴﻰ " ﻏﺎ ﺗﻮﺷﯘﭖ ﻛﯧﻠﯩﭗ، " ﺑﺎﺭﯨﻨﻠﯩﻖ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﻧﯩﯔ ﻗﻮﺭﺍﻝ - ﻳﺎﺭﺍﻗﻠﯩﺮﻯ " ﺩﻩﭖ ﻫﻪﭘﺘﯩﻠﻪﭖ، ﺋﺎﻳﻼﭖ ﺳﺎﺯﺍﻳﻰ ﻗﯩﻠﻐﺎﻥ ﺋﯩﺪﻯ، ﺑﯜﮔﯜﻧﻤﯘ ﺋﻮﺧﺸﺎﺷﻼ ﭘﻪﻳﺰﯨﯟﺍﺗﻠﯩﻖ ﺩﯦﻬﻘﺎﻧﻼﺭﻧﯩﯔ ﻳﯧﻨﯩﻐﺎ ﺋﯧﺴﯩﭗ ﻳﯜﺭﯛﺩﯨﻐﺎﻥ ﭘﯩﭽﯩﻘﻰ، " ﺋﻪﻝ - ﻗﺎﺋﯩﺪﻩﺩﯨﻦ ﻳﺎﺭﺩﻩﻡ ﺋﺎﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺟﯩﻨﺎﻳﻪﺕ ﻗﻮﺭﺍﻟﻠﯩﺮﻯ،" ﺩﻩﭖ ﺳﺎﺯﺍﻳﻰ ﻗﯩﻠﯩﯟﺍﺗﯩﺪﯗ.
ﺧﯩﺘﺎﻱ، " 11 - ﺳﯧﻨﺘﻪﺑﯩﺮ " ﯞﻩﻗﻪﺳﻰ ﺋﺎﺭﻗﯩﻠﯩﻖ ﻧﯧﻤﯩﮕﻪ ﺋﯧﺮﯨﺸﺘﻰ ؟ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ " 11 - ﺳﯧﻨﺘﻪﺑﯩﺮ " ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﯧﺮﯨﺸﻜﻪﻥ ﺋﻪﯓ ﺯﻭﺭ ﻧﻪﺗﯩﺠﯩﻠﯩﺮﯨﻨﯩﯔ ﺑﯩﺮﻯ، 2002 - ﻳﯩﻠﻰ 8 - ﺋﺎﻳﺪﺍ، ﻫﻪﺳﻪﻥ ﻣﻪﺧﺴﯘﻡ ﺭﻩﻫﺒﻪﺭﻟﯩﻜﯩﺪﯨﻜﻰ " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ " ﺗﻪﺷﻜﯩﻼﺗﯩﻨﯩﯔ ﺋﺎﻣﯧﺮﯨﻜﺎ ﯞﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﻪﺭﯨﭙﯩﺪﯨﻦ، " ﺗﯧﺮﺭﻭﺭﭼﻰ ﺗﻪﺷﻜﯩﻼﺗﻼﺭ " ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﯛﻟﯜﺷﻰ ﯞﻩ ﺋﺎﻓﻐﺎﻧﯩﺴﺘﺎﻧﺪﺍ ﺗﯘﺗﯘﻟﻐﺎﻥ 20 ﻧﻪﭼﭽﻪ ﻧﻪﭘﻪﺭ ﺋﯘﻳﻐﯘﺭﻧﯩﯔ، " ﺗﯧﺮﺭﻭﺭﭼﻰ " ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﻛﯘﺑﺎﺩﯨﻜﻰ ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﻗﺎﻣﯩﻠﯩﺸﻰ ﺋﯩﺪﻯ. ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺑﯘﻧﻰ، " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺗﻪﺭﯨﭙﯩﺪﯨﻦ ﺋﯧﺘﯩﺮﺍﭖ ﻗﯩﻠﯩﻨﯩﺸﻰ " ﺩﻩﭖ ﺑﯩﻠﯩﭗ، ﺧﯘﺷﺎﻟﻠﯩﻘﯩﺪﺍ ﺧﯘﺩﯨﻨﻰ ﻳﻮﻗﺎﺗﺘﻰ ﯞﻩ ﻛﯚﭘﻠﯩﮕﻪﻥ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩ ﺋﯘﻳﻐﯘﺭ ﺳﯩﻴﺎﺳﻰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﺩﯗﻧﻴﺎﻏﺎ ﺋﺎﺭﻗﺎ - ﺋﺎﺭﻗﯩﺪﯨﻦ " ﺗﯧﺮﺭﻭﺭﭼﻰ ﺗﻪﺷﻜﯩﻼﺕ " ﯞﻩ " ﺗﯧﺮﺭﻭﺭﭼﻰ " ﺩﻩﭖ ﺋﯧﻼﻥ ﻗﯩﻠﯩﭗ، ﺑﯘ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺩﯗﻧﻴﺎ ﺳﯩﻴﺎﺳﻰ ﺳﻪﻫﻨﯩﻠﯩﺮﯨﺪﻩ ﺗﯜﭘﺘﯩﻦ ﻗﺎﺭﯨﻼﺷﻘﺎ ﺋﯘﺭﯗﻧﺪﻯ.
ﺋﺎﻣﯧﺮﯨﻜﺎ ﯞﻩ ﺏ ﺩ ﺕ ﻧﯩﯔ ﻗﺎﺭﺍﺭﻯ، ﭘﻪﻗﻪﺗﻼ ﺧﯩﺘﺎﻳﻨﯩﯔ ﺋﯧﻐﯩﺰﯨﻐﺎ ﺳﯧﻠﯩﻨﻐﺎﻥ ﻗﯘﺭﯗﻕ ﺳﻮﺳﻜﯩﺪﯨﻦ ﺋﯩﺒﺎﺭﻩﺕﺋﻪﻣﻤﺎ، ﺧﯘﺩﺩﻯ ﭼﻪﺗﺌﻪﻟﻠﯩﻚ ﺑﻪﺯﻯ ﺳﯩﻴﺎﺳﻰ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺑﺎﻳﺎﻥ ﻗﯩﻠﻐﯩﻨﯩﺪﻩﻙ، " ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ " ﺗﻪﺷﻜﯩﻼﺗﻰ ﻫﻪﻗﻘﯩﺪﯨﻜﻰ ﻳﯘﻗﯩﺮﯨﻘﻰ ﻗﺎﺭﺍﺭ، ﺧﯩﺘﺎﻳﻨﯩﯔ ﺋﯩﺮﺍﻧﻐﺎ ﻗﺎﺭﯨﺘﺎ ﺋﺎﺗﻮﻡ ﯞﻩ ﻳﺎﺩﺭﻭ ﺗﯧﺨﻨﯩﻜﯩﺴﻰ ﺟﻪﻫﻪﺗﺘﻪ ﻳﺎﺭﺩﻩﻡ ﺑﯧﺮﯨﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﯞﻩ ﺋﯩﺮﺍﻗﻘﺎ ﻗﺎﺭﯨﺘﯩﻠﯩﺪﯨﻐﺎﻥ ﻫﻪﺭﺑﯩﻲ ﻫﻪﺭﯨﻜﻪﺗﺘﻪ ﺧﯩﺘﺎﻳﻨﯩﯔ ﻗﻮﻟﻠﯩﺸﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ ﺧﯩﺘﺎﻳﻨﯩﯔ ﺋﯧﻐﯩﺰﯨﻐﺎ ﯞﺍﻗﯩﺘﻠﯩﻖ ﺳﯧﻠﯩﭗ ﻗﻮﻳﯘﻟﻐﺎﻥ ﻗﯘﺭﯗﻕ ﺋﯩﻤﯩﺰﮔﯩﺪﯨﻦ ﺋﯩﺒﺎﺭﻩﺕ ﺋﯩﺪﻯ. 2006 - ﻳﯩﻠﻰ ﮔﯘﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ 5 ﻧﻪﭘﻪﺭ ﺋﯘﻳﻐﯘﺭﻧﯩﯔ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ ﻗﻮﻳﯘﭖ ﺑﯧﺮﯨﻠﯩﭗ، ﺋﺎﻟﺒﺎﻧﯩﻴﯩﮕﻪ ﺋﻮﺭﯗﻧﻼﺷﺘﯘﺭﯗﻟﯘﺷﻰ، ﭼﻪﺗﺌﻪﻟﻠﯩﻚ ﺳﯩﻴﺎﺳﻰ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻳﯘﻗﯩﺮﯨﻘﻰ ﻗﺎﺭﺍﺷﻠﯩﺮﯨﻨﯩﯔ ﺗﻮﻏﺮﯨﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻥ ﺋﯩﺪﻯ. ﺷﯘ ﻳﯩﻠﻰ 5 - ﺋﺎﻳﻨﯩﯔ 9 - ﻛﯜﻧﻰ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﻪﻧﭽﺎﯞﻧﯩﯔ ﺑﯧﻴﺠﯩﯖﺪﺍ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﻗﯩﻠﻐﺎﻥ، " ﺑﯘ 5 ﻧﻪﭘﻪﺭ ﺋﯘﻳﻐﯘﺭ ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﺋﺎﻻﻗﯩﺴﻰ ﺑﻮﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﻰ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﺳﻰ، ﺷﯘﯕﺎ ﺑﯩﺰﮔﻪ ﻗﺎﻳﺘﯘﺭﯗﭖ ﺑﯧﺮﯨﻠﯩﺸﻰ ﻛﯧﺮﻩﻙ " ﺩﯦﮕﻪﻥ ﺳﯚﺯﯨﮕﻪ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﻰ " ﺑﯘ 5 ﻧﻪﭘﻪﺭ ﺋﯘﻳﻐﯘﺭ ﺋﺎﻣﯧﺮﯨﻜﯩﻨﯩﯔ ﺩﯛﺷﻤﯩﻨﻰ ﺋﻪﻣﻪﺱ، ﺷﯘﻧﯩﯔ ﺋﯜﭼﯜﻥ ﻗﻮﻳﯘﭖ ﺑﯧﺮﯨﻠﺪﻯ " ﺩﻩﭖ ﺟﺎﯞﺍﺏ ﺑﻪﺭﮔﻪﻥ ﺋﯩﺪﻯ.
ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﻫﯧﭽﺒﯩﺮ ﺋﻮﺧﺸﺎﺷﻠﯩﻖ ﺗﻪﺭﯨﭙﻰ ﻳﻮﻕﻫﻪﻣﻤﯩﮕﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، ﺋﺎﻣﯧﺮﯨﻜﯩﻨﯩﯔ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﺩﯛﺷﻤﯩﻨﻰ، ﺋﻮﺳﺎﻣﺎ ﺑﯩﻨﻼﺩﯨﻦ ﯞﻩ ﺋﯘﻧﯩﯔ ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﯩﺪﯨﻦ ﺋﯩﺒﺎﺭﻩﺕ، ﺷﯘﯕﺎ ﺋﺎﻣﯧﺮﯨﻜﯩﻨﯩﯔ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﻧﻰ، " ﺋﺎﻣﯧﺮﯨﻜﯩﻨﯩﯔ ﺩﯛﺷﻤﯩﻨﻰ ﺋﻪﻣﻪﺱ " ﺩﻩﭖ ﺟﺎﻛﺎﺭﻟﯩﻐﺎﻧﻠﯩﻘﻰ، ﺋﯘﻳﻐﯘﺭﻻﺭﻧﯩﯔ ﺋﯩﺪﯨﻴﻪ ﯞﻩ ﻫﻪﺭﯨﻜﻪﺕ ﺟﻪﻫﻪﺗﺘﻪ ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﻰ ﺑﯩﻠﻪﻥ ﻫﯧﭽﺒﯩﺮ ﺋﺎﻻﻗﯩﺴﯩﻨﯩﯔ ﻳﻮﻗﻠﯘﻗﯩﻨﯩﯔ ﺋﺎﻣﯧﺮﯨﻜﺎ ﺗﻪﺭﯨﭙﯩﺪﯨﻦ ﺋﯧﺘﯩﺮﺍﭖ ﻗﯩﻠﯩﻨﯩﺸﻰ ﻫﯧﺴﺎﺑﻠﯩﻨﯩﺪﯗ. ﺧﯘﺩﺩﻯ ﭼﻪﺗﺌﻪﻟﻠﯩﻚ ﺑﻪﺯﻯ ﺳﯩﻴﺎﺳﻰ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺋﺎﻧﺎﻟﯩﺰ ﻗﯩﻠﻐﯩﻨﯩﺪﻩﻙ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﻏﺎﻳﯩﺴﻰ، ﻣﻪﻗﺴﯩﺘﻰ ﯞﻩ ﺗﯜﭖ ﭘﺮﯨﻨﺴﯩﭙﻠﯩﺮﻯ ﺑﯩﻠﻪﻥ، ﺋﻪﻝ - ﻗﺎﺋﯩﺪﻩﻧﯩﯔ ﻏﺎﻳﻪ، ﻣﻪﻗﺴﻪﺕ ﯞﻩ ﭘﺮﯨﻨﺴﯩﭙﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﻗﯩﻠﭽﻪ ﺋﻮﺧﺸﺎﺷﻠﯩﻖ ﻳﻮﻕ ﺑﻮﻟﯘﭖ، ﻫﻪﺗﺘﺎ ﺑﯩﺮ - ﺑﯩﺮﯨﮕﻪ ﺗﺎﻣﺎﻣﻪﻥ ﺯﯨﺖ ﻛﯧﻠﯩﺪﯗ. ﺋﯩﻜﻜﯩﺴﻰ ﺋﻮﺗﺘﯘﺭﯨﺴﯩﺪﺍ ﺩﯨﻨﯩﻲ ﻣﻪﺯﻫﻪﭖ ﺟﻪﻫﻪﺗﺘﯩﻤﯘ ﭼﻮﯓ ﭘﻪﺭﻕ ﺑﺎﺭ ﺑﻮﻟﯘﭖ، ﺋﻪﻝ - ﻗﺎﺋﯩﺪﻩﭼﯩﻠﻪﺭ ﯞﺍﻫﺎﺑﯩﺰﯨﻤﻨﻰ ﺗﻪﺷﯟﯨﻖ ﯞﻩ ﺗﻪﺭﻏﯩﭗ ﻗﯩﻠﯩﺪﯗ. ﺋﻪﻝ - ﻗﺎﺋﯩﺪﻩ ﺗﻪﺷﻜﯩﻼﺗﯩﻨﯩﯔ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﺩﯛﺷﻤﯩﻨﻰ ﺑﻮﻟﺴﺎ ﺋﺎﻣﯧﺮﯨﻜﺎ ﯞﻩ ﺋﯩﺴﺮﺍﺋﯩﻠﯩﻴﯩﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، ﻏﻪﺭﺏ ﺗﯜﺳﯩﻨﻰ ﺋﺎﻟﻐﺎﻥ ﺩﯦﻤﻮﻛﺮﺍﺗﯩﻴﻪ، ﻗﺎﻧﯘﻥ ﺩﯙﻟﯩﺘﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭼﯜﺷﻪﻧﭽﯩﺴﯩﺪﯨﻦ ﻧﻪﭘﺮﻩﺕ ﻗﯩﻠﯩﺪﯗ؛ ﺋﯚﺯﻟﯩﺮﻯ ﻳﺎﺷﺎﯞﺍﺗﻘﺎﻥ ﻣﯘﻫﯩﺘﺘﺎ ﭘﯩﻜﯩﺮ - ﺋﯧﻘﯩﻢ ﻳﺎﻛﻰ ﻳﺎﺷﺎﺵ ﺋﯘﺳﯘﻟﻰ ﺟﻪﻫﻪﺗﺘﻪ ﺑﻮﻟﺴﯘﻥ، ﻏﻪﺭﺑﻜﻪ ﺋﺎﺋﯩﺖ ﻫﯧﭽﺒﯩﺮ ﻧﻪﺭﺳﯩﻨﯩﯔ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﺷﯩﻨﻰ ﺧﺎﻟﯩﻤﺎﻳﺪﯗ ﯞﻩ ﺑﯘﻻﺭﻧﻰ ﺗﺎﺯﯨﻼﭖ ﭼﯩﻘﯩﺮﯨﺸﻨﻰ ﻧﯩﺸﺎﻥ ﻗﯩﻠﯩﺪﯗ؛ ﺋﻪﻝ - ﻗﺎﺋﯩﺪﻩ، ﺋﯚﺯﻟﯩﺮﻯ ﺑﯩﻠﻪﻥ ﺋﻮﺧﺸﺎﺵ ﻗﺎﺭﺍﺷﻘﺎ ﺋﯩﮕﻪ ﺑﻮﻟﻤﯩﻐﺎﻥ ﻫﻪﺭ ﻗﺎﻧﺪﺍﻕ ﭼﯜﺷﻪﻧﭽﯩﮕﻪ ﻗﺎﺭﺷﻰ ﺗﯘﺭﯨﺪﯗ ﯞﻩ ﺑﯩﺮ ﺧﯩﻠﻼ ﺋﯩﺪﯦﺌﻮﻟﻮﮔﯩﻴﯩﻨﯩﯔ ﻫﯚﻛﯜﻡ ﺳﯜﺭﯛﺷﯩﺪﯨﻜﻰ ﻣﯘﺳﺘﻪﺑﯩﺖ، ﺩﯨﻜﺘﺎﺗﻮﺭ ﯞﻩ ﻣﯘﺳﺘﻪﺑﯩﺖ ﺗﯜﺯﯛﻡ ﻫﻪﻡ ﺳﯧﺴﺘﯩﻤﯩﻨﻰ ﻳﺎﻗﻼﻳﺪﯗ، ﺷﯘﻧﺪﺍﻗﻼ ﺟﯧﻨﯩﻨﯩﯔ ﺑﯧﺮﯨﭽﻪ ﺑﯘ ﺳﯧﺴﺘﯩﻤﯩﺴﯩﻨﻰ ﻗﻮﻏﺪﺍﺷﻘﺎ ﺗﯩﺮﯨﺸﯩﺪﯗ.ﺑﯘ ﺟﻪﻫﻪﺗﺘﻪ ﺋﻪﻝ - ﻗﺎﺋﯩﺪﻩﻧﯩﯔ ﺋﯩﺪﯦﺌﻮﻟﻮﮔﯩﻴﯩﺴﻰ، ﻛﯘﺑﺎ، ﺷﯩﻤﺎﻟﯩﻲ ﻛﻮﺭﯨﻴﻪ ﯞﻩ ﺧﯩﺘﺎﻱ ﻗﺎﺗﺎﺭﻟﯩﻖ ﻛﻮﻣﻤﯘﻧﯩﺴﺘﯩﻚ ﺋﻪﻟﻠﻪﺭﻧﯩﯔ ﺋﯩﺪﯦﺌﻮﻟﻮﮔﯩﻴﯩﺴﯩﮕﻪ ﺑﻪﻛﻼ ﺋﻮﺧﺸﺎﭖ ﻛﯧﺘﯩﺪﯗ.

ﯞﺍﯓ ﺯﻭﺋﻪﻥ : "ﺧﯩﺘﺎﻳﺪﺍ ﭘﺎﺭﺗﯩﻴﻪ ﺋﻪﺯﺍﺳﻰ ﺑﻮﻟﻤﯩﻐﺎﻥ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﯩﺸﯩﺸﻰ ﭼﻪﻛﻠﻪﻧﮕﻪﻥ ﺑﻮﻟﺴﺎ، ﺑﯘ ﺧﯩﺘﺎﻳﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ"

ﺧﯩﺘﺎﻱ ﻳﻪﺭﻟﯩﻚ ﻫﯚﻛﯜﻣﯩﺘﻰ ﺗﻮﺭ ﺑﻪﺗﻠﯩﺮﯨﺪﻩ ﺑﯧﺮﯨﻠﮕﻪﻥ ﺋﯘﻗﺘﯘﺭﯗﺷﻼﺭ ﯞﻩ ﺭﺍﺩﯨﺌﻮﻣﯩﺰ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺋﯘﻳﻐﯘﺭﻻﺭﺩﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺋﯘﻳﻐﯘﺭ ﺋﯧﻠﯩﺪﻩ ﻣﯘﺳﯘﻟﻤﺎﻥ ﺭﯦﺴﺘﻮﺭﺍﻧﻠﯩﺮﯨﻨﻰ ﺗﺎﻗﯩﻤﺎﺳﻠﯩﻖ، ﺳﺎﻗﺎﻝ ﻗﻮﻳﻐﺎﻧﻼﺭﻧﯩﯔ ﺳﺎﻗﺎﻟﻠﯩﺮﯨﻨﻰ ﭼﯜﺷﯜﺭﯛﯞﯦﺘﯩﺶ ﯞﻩ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﺪﺍ ﺋﯩﺸﻠﻪﻳﺪﯨﻐﺎﻥ ﻣﯘﺳﯘﻟﻤﺎﻥ ﻛﺎﺩﯨﺮﻻﺭﻧﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﻘﺎ ﻳﻮﻝ ﻗﻮﻳﻤﺎﺳﻠﯩﻖ ﻗﺎﺗﺎﺭﻟﯩﻖ ﺑﻪﻟﮕﯩﻠﯩﻤﯩﻠﻪﺭﻧﻰ ﭼﯩﻘﯩﺮﯨﻠﯩﭗ، ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﯩﮕﻪ ﭼﻪﻛﻠﯩﻤﻪ ﻗﻮﻳﯘﻟﻐﺎﻥ.

ﻫﺎﻟﺒﯘﻛﻰ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﺪﯨﻜﻰ ﺩﯨﻨﻐﺎ ﻣﻪﺳﺌﯘﻝ ﺧﺎﺩﯨﻤﻼﺭ ﺋﯘﻳﻐﯘﺭ ﺋﯧﻠﯩﺪﻩ ﺑﯘﻧﺪﺍﻕ ﺳﯩﻴﺎﺳﻪﺗﻠﻪﺭﻧﯩﯔ ﻳﯜﺭﮔﯜﺯﯛﻟﯜﺷﯩﻨﯩﯔ ﺧﯩﺘﺎﻱ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﻤﻪﻛﺘﻪ.
"ﭘﺎﺭﺗﯩﻴﯩﺴﯩﺰ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﯩﺸﯩﺸﯩﻨﻰ ﭼﻪﻛﻠﻪﺷﻨﯩﯔ ﺧﯩﺘﺎﻳﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ"ﺋﺎﻣﯧﺮﯨﻜﺎ ﺧﯩﺘﺎﻱ ﺧﯩﺰﻣﻪﺕ ﮔﯘﺭﯗﭘﭙﯩﺴﯩﻨﯩﯔ ﺗﻪﺷﻜﯩﻠﻠﯩﺸﻰ ﺑﯩﻠﻪﻥ، ﺧﯩﺘﺎﻳﻨﯩﯔ ﺩﯨﻨﯩﻲ ﺳﺎﻫﻪﺳﯩﺪﯨﻜﻰ ﻧﻮﭘﯘﺯﻟﯘﻕ ﺋﻪﺭﺑﺎﺑﻠﯩﺮﻯ 10 - ﺳﯧﻨﺘﻪﺑﯩﺮ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻨﯩﯔ ﺭﺍﻳﺒﯘﺭﻥ ﺳﺎﺭﯨﻴﻰ ﯞﻩ 11 - ﺳﯧﻨﺘﻪﺑﯩﺮ ﺋﺎﻣﯧﺮﯨﻜﺎ ﺑﺮﯗﻛﯩﯖﺲ ﺗﻪﺗﻘﯩﻘﺎﺕ ﺋﯩﻨﺴﺘﯩﺘﯘﺗﯩﺪﺍ ﺩﻭﻛﻼﺕ ﺑﻪﺭﺩﻯ.11 - ﺳﯧﻨﺘﻪﺑﯩﺮ ﺑﺮﯗﻛﯩﯔ ﺗﻪﺗﻘﯩﻘﺎﺕ ﺋﯩﻨﺴﺘﯩﺘﯘﺗﯩﺪﺍ ﺋﯚﺗﻜﯜﺯﯛﻟﮕﻪﻥ ﻳﯩﻐﯩﻦ ﺟﻪﺭﻳﺎﻧﯩﺪﺍ، ﺧﯩﺘﺎﻱ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺋﯩﺪﺍﺭﯨﺴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ، ﯞﺍﯓ ﺯﻭﺋﻪﻥ، ﺧﯩﺘﺎﻳﺪﺍ ﭘﺎﺭﺗﯩﻴﻪ ﺋﻪﺯﺍﺳﻰ ﺑﻮﻟﻤﯩﻐﺎﻥ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﯩﺸﯩﺸﻰ ﭼﻪﻛﻠﻪﻧﮕﻪﻥ ﺑﻮﻟﺴﺎ، ﺑﯘﻧﯩﯔ ﺧﯩﺘﺎﻳﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.ﯞﺍﻫﺎﻟﻪﻧﻜﻰ، ﺋﯘﻳﻐﯘﺭ ﺋﯧﻠﯩﺪﻩ ﺋﻪﻫﯟﺍﻝ ﺑﺎﺷﻘﯩﭽﻪ ﺑﻮﻟﯘﭖ، ﺋﯘﻳﻐﯘﺭ ﺋﯩﻠﯩﺪﯨﻜﻰ ﻫﻪﺭ ﻗﺎﻳﺴﻰ ﺩﻩﺭﯨﺠﯩﻠﯩﻚ ﻫﯚﻛﯜﻣﻪﺗﻠﻪﺭﻧﯩﯔ ﺗﻮﺭ ﺑﻪﺗﻠﯩﺮﯨﺪﻩ "ﺭﺍﻣﯩﺰﺍﻥ ﻣﻪﺯﮔﯩﻠﯩﺪﯨﻜﻰ ﺑﺎﺷﻘﯘﺭﯗﺵ ﺑﻪﻟﮕﯩﻠﯩﻤﯩﻠﯩﺮﻯ" ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﺑﯘ ﺧﯩﻞ ﺳﯩﻴﺎﺳﻪﺗﻠﻪﺭﻧﯩﯔ ﻳﯜﺭﮔﯜﺯﯛﻟﯩﯟﺍﺗﻘﺎﻧﻠﯩﻘﯩﻨﯩﯔ ﺩﻩﻟﯩﻠﯩﺪﯗﺭ.
" ﺳﺎﻗﺎﻝ ﻗﻮﻳﻐﺎﻥ ﯞﻩ ﭼﯜﻣﺒﻪﻝ ﺋﺎﺭﺗﻘﺎﻥ ﺷﻪﺧﺴﻠﻪﺭﮔﻪ ﻗﺎﺭﯨﺘﺎ ﺋﺎﻛﺘﯩﭗ ﯞﻩ ﺋﯜﻧﯜﻣﻠﯜﻙ ﭼﺎﺭﯨﻠﻪﺭﻧﻰ ﻗﻮﻟﻠﯩﻨﯩﺶ"ﺋﺎﻗﺴﯘ ﯞﯨﻼﻳﯩﺘﻰ ﻫﯚﻛﯜﻣﻪﺕ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺑﯩﺮ ﭘﺎﺭﭼﻪ ﺋﯘﻗﺘﯘﺭﯗﺷﺘﺎ " ﺳﺎﻗﺎﻝ ﻗﻮﻳﻐﺎﻥ ﯞﻩ ﭼﯜﻣﺒﻪﻝ ﺋﺎﺭﺗﻘﺎﻥ ﺷﻪﺧﺴﻠﻪﺭﮔﻪ ﻗﺎﺭﯨﺘﺎ ﺋﺎﻛﺘﯩﭗ ﯞﻩ ﺋﯜﻧﯜﻣﻠﯜﻙ ﭼﺎﺭﯨﻠﻪﺭﻧﻰ ﻗﻮﻟﻠﯩﻨﯩﭗ، ﺳﺎﻗﺎﻟﻠﯩﺮﯨﻨﻰ ﻗﯩﺮﺩﯗﺭﯗﺵ ﯞﻩ ﭼﯜﻣﺒﻪﻟﻠﯩﺮﯨﻨﻰ ﺋﺎﻟﺪﯗﺭﯗﺵ ﻛﯧﺮﻩﻙ"ﺩﻩﭖ ﻛﯚﺭﺳﯩﺘﯩﻠﮕﻪﻥ ﺑﻮﻟﺴﺎ ﻳﻪﻧﻪ "ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻐﺎ ﻗﺎﺭﯨﺘﺎ ﺗﻪﺭﺑﯩﻴﯩﻠﻪﺵ ﯞﻩ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﭗ، ﺋﯩﺪﺍﺭﻩ ‏ - ﺋﻮﺭﮔﺎﻧﻼﺭﺩﺍ ﻳﯜﺯ ﺑﻪﺭﮔﻪﻥ ﻫﻪﺭ ﺧﯩﻞ ﻣﻪﺳﯩﻠﯩﻠﻪﺭﻧﻰ ﺩﻩﺭﻫﺎﻝ ﻫﻪﻝ ﻗﯩﻠﯩﺸﻰ ﻫﻪﻣﺪﻩ ﺭﻭﺯﺍ ﺗﯘﺗﯘﺵ ﺋﯩﺸﻠﯩﺮﯨﻨﯩﯔ ﻳﯜﺯ ﺑﯧﺮﯨﭗ ﻗﯧﻠﯩﺸﯩﻨﯩﯔ ﻗﻪﺗﺌﯩﻲ ﺋﺎﻟﺪﯨﻨﻰ ﺋﯧﻠﯩﺶ ﻻﺯﯨﻢ" ﺩﻩﭖ ﻛﯚﺭﺳﯩﺘﯩﻠﮕﻪﻥ.ﺩﯨﺌﺎﻟﻮﮒ ﺟﻪﺭﻳﺎﻧﯩﺪﺍ ﺧﯩﺘﺎﻱ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺋﯩﺪﺍﺭﯨﺴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ، ﯞﺍﯓ ﺯﻭﺋﻪﻥ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺩﯨﻨﯩﻲ ﺳﯩﻴﺎﺳﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺧﯩﺘﺎﻳﻨﯩﯔ ﺩﯨﻨﯩﻲ ﺳﯩﻴﺎﺳﯩﺘﯩﺪﻩ ﭘﻪﻗﻪﺕ ﭘﺎﺭﺗﯩﻴﻪ ﺋﻪﺯﺍﻟﯩﺮﯨﻨﯩﯖﻼ ﺩﯨﻨﻐﺎ ﺋﯩﺸﯩﻨﯩﺸﯩﮕﻪ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﻣﻤﺎ، ﺑﺎﺷﻘﺎ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﯩﻐﺎ ﻳﻮﻝ ﻗﻮﻳﯘﻟﻤﺎﻳﺪﯗ ﺩﯦﮕﻪﻥ ﺑﻪﻟﮕﯩﻠﯩﻤﻪ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﺩﻯ.
" ﺑﯩﺰﺩﻩ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﺴﺎ ﺑﻮﻟﻤﺎﻳﺪﯗ ﺩﯦﮕﻪﻥ ﺑﻪﻟﮕﯩﻠﯩﻤﻪ ﻳﻮﻕ"ﯞﺍﯓ ﺯﻭﺋﻪﻥ ﻣﯘﻧﺪﺍﻕ ﺩﯦﺪﻯ: " ﺑﯩﺰﺩﻩ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﻯ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﺴﺎ ﺑﻮﻟﻤﺎﻳﺪﯗ ﺩﯦﮕﻪﻥ ﺑﻪﻟﮕﯩﻠﯩﻤﻪ ﻳﻮﻕ. ﺋﻪﮔﻪﺭ ﺑﻮﻟﺴﺎ ﺑﯘ ﺟﯘﯕﮕﻮﻧﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺧﯩﻼﭖ. ﺑﯘﻧﻰ ﭼﻮﻗﯘﻡ ﺋﯚﺯﮔﻪﺭﺗﯩﺶ ﻛﯧﺮﻩﻙ."ﺋﯘ ﻳﻪﻧﻪ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﺪﺍ، ﺧﯩﺘﺎﻳﺪﺍ ﺑﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﺗﯘﻏﯘﻟﯘﭖ ﻫﺎﻳﺎﺗﯩﻨﯩﯔ ﺋﺎﺧﯩﺮﯨﻐﯩﭽﻪ ﺩﯨﻨﻐﺎ ﺋﯩﺸﯩﻨﯩﺶ ﺋﻪﺭﻛﯩﻨﻠﯩﻜﻰ ﺑﺎﺭﻟﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯨﯟﺍﺗﻘﺎﻥ ﺩﯨﻨﯩﻲ ﺳﯩﻴﺎﺳﯩﺘﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺧﯩﺘﺎﻱ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺑﺎﺵ ﺋﯩﺪﺍﺭﯨﺴﻰ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﺍﯓ ﺯﻭﺋﻪﻥ ﺑﻮﻟﺴﯘﻥ ﯞﻩ ﻳﺎﻛﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﺪﯨﻜﻰ ﻣﻪﺳﺌﯘﻝ ﺧﺎﺩﯨﻤﻼﺭ ﺑﻮﻟﺴﯘﻥ ﺋﯘﻳﻐﯘﺭ ﺋﯧﻠﯩﺪﻩ ﺩﯨﻨﻐﺎ ﻗﺎﺭﯨﺘﯩﻠﻐﺎﻥ ﭼﻪﻛﻠﻪﺵ ﺧﺎﺭﺍﻛﺘﯧﺮﻟﯩﻚ ﺑﻪﻟﮕﯩﻠﯩﻤﯩﻠﻪﺭﻧﯩﯔ ﺑﻮﻟﯘﺷﻰ ﺋﺎﺳﺎﺳﺴﯩﺰ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺸﺘﻰ.
ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﺪﯨﻜﻰ ﻣﻪﺳﺌﯘﻝ ﺧﺎﺩﯨﻤﻼﺭ ﺋﯘﻳﻐﯘﺭ ﺋﯧﻠﯩﺪﻩ ﺩﯨﻨﻐﺎ ﻗﺎﺭﯨﺘﯩﻠﻐﺎﻥ ﭼﻪﻛﻠﻪﺵ ﺧﺎﺭﺍﻛﺘﯧﺮﻟﯩﻚ ﺑﻪﻟﮕﯩﻠﯩﻤﯩﻠﻪﺭﻧﯩﯔ ﺑﻮﻟﯘﺷﻰ ﺋﺎﺳﺎﺳﺴﯩﺰ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﺸﺘﻰﻳﯘﻗﯩﺮﯨﺪﯨﻜﻰ ﺧﯩﺘﺎﻱ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺩﯨﺌﺎﻟﻮﮒ ﺋﯚﻣﯩﻜﯩﻨﯩﯔ ﻣﻪﺳﺌﯘﻟﻰ، ﺋﺎﻣﯧﺮﯨﻜﯩﻨﯩﯔ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﺍ ﺗﯘﺭﯗﺷﻠﯘﻕ ﺧﯩﺘﺎﻱ ﺋﻪﻟﭽﯩﺨﺎﻧﺎ ﺧﺎﺩﯨﻤﻰ ﺷﺎﯞ ﺟﯧﻨﻨﯩﯔ ﺑﺎﻳﺎﻧﻠﯩﺮﻯ ﺑﻮﻟﯘﭖ، ﺋﯘ ﺋﯘﻳﻐﯘﺭ ﺋﯧﻠﯩﺪﻩ ﺑﯘﻧﺪﺍﻕ ﺧﺎﻫﯩﺸﻼﺭﻧﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﺋﺎﺳﺎﺳﺴﯩﺰ ﺩﻩﭖ ﺭﻩﺕ ﻗﯩﻠﺪﻯ.ﺋﻪﻣﻤﺎ ﺷﺎﯞ ﺟﯩﻦ ﻳﻪﻧﻪ ﺋﻪﮔﻪﺭ ﺋﯘﻳﻐﯘﺭ ﺋﯧﻠﯩﺪﻩ ﺭﺍﺳﺘﯩﻨﻼ ﺷﯘﻧﺪﺍﻕ ﺋﻪﻫﯟﺍﻝ ﻣﻪﯞﺟﯘﺕ ﺑﻮﻟﺴﺎ ﺧﯩﺘﺎﻳﻨﯩﯔ ﺩﯨﻨﻐﺎ ﺋﺎﻻﻗﯩﺪﺍﺭ ﺑﻪﻟﮕﯩﻠﯩﻤﯩﻠﯩﺮﯨﮕﻪ ﺧﯩﻼﭖ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ ﻣﯘﻧﺪﺍﻕ ﺩﯦﺪﻯ: "ﻣﻪﻧﭽﻪ ﺑﯘﻣﯘ ﺩﯨﻨﯩﻲ ﺑﻪﻟﮕﯩﻠﯩﻤﯩﻠﻪﺭﮔﻪ ﺧﯩﻼﭘﻠﯩﻖ ﻗﯩﻠﻐﺎﻧﻠﯩﻖ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ."ﺋﯘ ﻳﻪﻧﻪ، ﺋﯚﺯ ﻫﯚﻛﯜﻣﯩﺘﯩﻨﯩﯔ ﺑﺎﺷﻘﯩﻼﺭﻧﯩﯔ ﺩﯨﻨﻐﺎ ﺋﯩﺸﯩﻨﯩﺶ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻳﺪﺍ ﻫﺎﺯﯨﺮ ﻧﯘﺭﻏﯘﻥ ﺋﺎﻳﺎﻟﻼﺭﻧﯩﯔ ﭼﯜﻣﺒﻪﻝ ﺋﺎﺭﺗﯩﭗ ﻳﯜﺭﻩﻟﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.ﻫﺎﻟﺒﯘﻛﻰ، ﺭﺍﺩﯨﺌﻮﻣﯩﺰ ﻳﻪﺭﻟﯩﻚ ﺋﻮﺭﯗﻧﻼﺭﺩﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺋﯘﻳﻐﯘﺭ ﺋﺎﺷﺨﺎﻧﯩﻠﯩﺮﯨﻨﯩﯔ ﺗﺎﻗﯩﻠﯩﺸﻰ ﭼﻪﻛﻠﻪﻧﮕﻪﻥ ﺑﻮﻟﯘﭖ، ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﻟﯩﺮﻯ ﺋﺎﺷﺨﺎﻧﺎ ﺋﯧﭽﯩﺸﻨﻰ ﺭﻩﺕ ﻗﯩﻠﻐﺎﻥ ﻛﯩﺸﯩﻠﻪﺭﮔﻪ ﺟﻪﺭﯨﻤﺎﻧﻪ ﻗﻮﻳﯘﺵ ﻗﺎﺗﺎﺭﻟﯩﻖ ﺟﺎﺯﺍ ﻗﻮﻟﻠﯩﻨﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺑﻪﻟﮕﯩﻠﯩﻤﻪ ﭼﯩﻘﺎﺭﻏﺎﻥ ﯞﻩ ﭼﯜﻣﺒﻪﻝ ﺋﺎﺭﺗﻘﺎﻥ ﺋﺎﻳﺎﻟﻼﺭﻧﯩﯔ ﭼﯜﻣﺒﻪﻟﻠﯩﺮﯨﻨﻰ ﻣﻪﺟﺒﯘﺭﯨﻲ ﺋﺎﻟﺪﯗﺭﯗﯞﯦﺘﯩﺶ ﭼﺎﺭﯨﻠﯩﺮﯨﻨﻰ ﻳﻮﻟﻐﺎ ﻗﻮﻳﻐﺎﻥ.ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﻳﻪﻧﻪ، ﻣﻪﺳﭽﯩﺘﻠﻪﺭ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﻪ ﻗﯧﺘﯩﻢ ﺳﺎﻧﯩﻨﻰ ﻛﯚﭘﻪﻳﺘﯩﺶ، ﻳﯧﺰﺍ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺧﺎﺩﯨﻢ ﺑﻪﻟﮕﯩﻠﻪﭖ، ﻛﻪﻧﺖ ﻛﺎﺩﯨﺮﻟﯩﺮﯨﻨﯩﯔ ﻣﻪﺳﭽﯩﺘﺘﯩﻜﯩﻠﻪﺭ ﺑﯩﻠﻪﻥ ﻫﻪﺭ ﻫﻪﭘﺘﯩﺪﻩ ﺋﯩﻜﻜﻰ ﻗﯧﺘﯩﻢ، ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺋﺎﺯ ﺩﯦﮕﻪﻧﺪﯨﻤﯘ ﺳﻪﻛﻜﯩﺰ ﻗﯧﺘﯩﻢ ﻛﯚﺭﯛﺷﯜﺵ، ﻣﻪﺳﭽﯩﺖ، ﺩﯨﻨﯩﻲ ﺯﺍﺗﻼﺭ ﯞﻩ ﻧﯘﻗﺘﯩﻠﯩﻖ ﺷﻪﺧﺴﻠﻪﺭﻧﯩﯔ ﺋﻪﻫﯟﺍﻟﯩﻨﻰ ﻗﻪﺭﻩﻟﺴﯩﺰ ﺋﯩﮕﯩﻠﻪﭖ ﺗﯘﺭﯗﺵ ﻗﺎﺗﺎﺭﻟﯩﻖ ﺑﻪﻟﮕﯩﻠﯩﻤﯩﻠﻪﺭﻧﻰ ﭼﯩﻘﺎﺭﻏﺎﻥ.
ﺋﺎﺩﯨﻠﺠﺎﻥ ﻫﺎﺟﯩﻜﯧﺮﯨﻢ: ﺋﯘﻳﻐﯘﺭ ﺋﯩﻠﯩﺪﯨﻜﻰ ﺩﯨﻨﯩﻲ ﺳﯩﻴﺎﺳﻪﺗﻨﯩﯔ ﻳﺎﺧﺸﻰ ﺋﯩﻜﻪﻧﻠﯩﻜﯩﻨﻰ، ﻣﻪﺳﭽﯩﺘﻠﻪﺭﻧﯩﯔ ﺋﺎﺩﻩﻣﻠﻪﺭ ﺑﯩﻠﻪﻥ ﺗﻮﺷﯘﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﻫﯧﻜﺎﻳﻪ ﻗﯩﻠﺪﻯﻗﺎﺭﯨﻤﺎﻗﻘﺎ، ﺑﯘﺧﯩﻞ ﺑﻪﻟﮕﯩﻠﯩﻤﯩﻠﻪﺭﻧﻰ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﺪﯨﻜﻰ ﺋﻪﻣﻪﻟﺪﺍﺭﻻﺭ ﻧﺎﺗﻮﻏﺮﺍ ﺩﻩﭖ ﻗﺎﺭﺍﻳﺪﯨﻐﺎﻧﺪﻩﻙ ﻗﯩﻠﺴﯩﻤﯘ، ﺋﻪﻣﻤﺎ، ﺑﯘ ﻣﻪﻳﻠﻰ ﺋﻪﻟﺠﻪﺯﯨﺮﻩ ﯞﻩ ﻣﻪﻳﻠﻰ ﻧﻴﯘﻳﻮﺭﻙ ﯞﺍﻗﯩﺖ ﮔﯧﺰﯨﺘﻰ ﻫﻪﻣﺪﻩ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﻰ ﻗﺎﺗﺎﺭﻟﯩﻖ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﺋﯘﻳﻐﯘﺭ ﺋﯩﻠﯩﺪﯨﻦ ﺑﯩﯟﺍﺳﺘﻪ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭ ﺑﻮﻟﺴﯘﻥ، ﺑﯘﻻﺭﻧﯩﯔ ﻫﻪﻣﻤﯩﺴﻰ ﺋﯘﻳﻐﯘﺭ ﺋﯧﻠﯩﺪﻩ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﮕﻪ ﻗﺎﺭﯨﺘﺎ ﭼﻪﻛﻠﻪﺵ ﺳﯩﻴﺎﺳﻪﺗﻠﻪﺭﻧﯩﯔ ﻳﯜﺭﮔﯜﺯﯛﻟﯩﯟﺍﺗﻘﺎﻧﻠﯩﻘﯩﻨﯩﯔ ﺑﯩﺮ ﻫﻪﻗﯩﻘﻪﺕ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﭖ ﺗﯘﺭﻣﺎﻗﺘﺎ.ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻧﯚﯞﻩﺗﻠﯩﻚ ﺩﯨﺌﺎﻟﻮﮔﻨﻰ " ﺋﺎﻣﯧﺮﯨﻜﺎ - ﺧﯩﺘﺎﻱ ﺋﯩﺸﻼﺭ ﮔﯘﺭﯗﭘﭙﯩﺴﻰ" ﺗﻪﺷﻜﯩﻠﻠﯩﮕﻪﻥ ﺑﻮﻟﯘﭖ، ﺩﯨﺌﺎﻟﻮﮒ ﺋﯚﻣﯩﻜﯩﮕﻪ ﺧﯩﺘﺎﻱ ﺗﻪﺭﻩﭘﺘﯩﻦ ﺧﯩﺘﺎﻱ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺋﯩﺪﺍﺭﯨﺴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﯞﺍﯓ ﺯﯗﺋﻪﻥ ﺑﺎﺷﭽﯩﻠﯩﻘﯩﺪﯨﻜﻰ ﺩﯨﻨﯩﻲ ﺟﻪﻣﺌﯩﻴﻪﺕ ﻣﻪﺳﺌﯘﻟﻠﯩﺮﯨﺪﯨﻦ، ﺧﯩﺘﺎﻱ ﺩﯙﻟﻪﺗﻠﯩﻚ ﺋﯩﺴﻼﻡ ﺟﻪﻣﺌﯩﻴﯩﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺋﺎﺩﯨﻠﺠﺎﻥ ﻫﺎﺟﯩﻜﯧﺮﯨﻢ، ﺧﯩﺘﺎﻱ ﺧﺮﯨﺴﺘﺌﺎﻥ ﺩﯨﻨﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﻛﻪﻥ ﺑﺎﯞﭘﯩﯔ ﯞﻩ ﺑﯘﺩﺩﺍ ﺩﯨﻨﯩﻲ، ﺗﻪﺭﯨﻘﻪﺗﭽﯩﻠﻪﺭ ﺩﯨﻨﯩﻲ ﻣﻪﺯﻫﻪﭘﻠﻪﺭﻧﯩﯔ ﻣﻪﺳﺌﯘﻟﻠﯩﺮﻯ ﺑﻮﻟﯘﭖ، 7 ﻛﯩﺸﻰ ﻗﺎﺗﻨﺎﺷﺘﻰ.ﺋﺎﺩﯨﻠﺠﺎﻥ ﻫﺎﺟﯩﻜﯧﺮﯨﻢ ﺋﻪﺳﻠﻰ ﺋﯘﻳﻐﯘﺭ ﺋﯧﻠﯩﺪﻩ ﺗﯘﻏﯘﻟﻐﺎﻥ ﺋﯘﻳﻐﯘﺭ ﺑﻮﻟﯘﭖ، ﻫﺎﺯﯨﺮ ﺧﯩﺘﺎﻱ ﻣﻪﺭﻛﯩﺰﻯ ﺑﯧﻴﺠﯩﯖﻐﺎ ﺟﺎﻳﻼﺷﻘﺎﻥ ﺩﯙﻟﻪﺗﻠﯩﻚ ﺋﯩﺴﻼﻡ ﺟﻪﻣﺌﯩﻴﯩﺘﯩﺪﻩ ﺧﯩﺰﻣﻪﺕ ﻗﯩﻠﯩﺪﯗ. ﺑﯩﺰ ﻫﻪﺭ ﺋﯩﻜﻜﯩﻼ ﻛﯜﻧﺪﯨﻜﻰ ﻳﯩﻐﯩﻦ ﺋﺎﺧﯩﺮﯨﺪﺍ ﺋﺎﺩﯨﻠﺠﺎﻥ ﺑﯩﻠﻪﻥ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺩﯨﻨﯩﻲ ﺳﯩﻴﺎﺳﯩﺘﻰ ﻫﯧﻘﻘﯩﺪﻩ ﺳﯚﺯﻟﯩﺸﯩﺸﻜﻪ ﺋﯘﺭﯗﻧﻐﺎﻥ ﺑﻮﻟﺴﺎﻗﻤﯘ، ﺋﯘ ﺯﯗﯞﺍﻥ ﺳﯜﺭﻣﻪﻱ ﺟﯩﻢ ﺗﯘﺭﯗﯞﺍﻟﺪﻯ.ﻟﯧﻜﯩﻦ ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﺎﺩﯨﻠﺠﺎﻥ ﻫﺎﺟﯩﻜﯧﺮﯨﻢ، ﺋﯘﻳﻐﯘﺭ ﺋﯩﻠﯩﺪﯨﻜﻰ ﺩﯨﻨﯩﻲ ﺳﯩﻴﺎﺳﻪﺗﻨﯩﯔ ﻳﺎﺧﺸﻰ ﺋﯩﻜﻪﻧﻠﯩﻜﯩﻨﻰ، ﻣﻪﺳﭽﯩﺘﻠﻪﺭﻧﯩﯔ ﺋﺎﺩﻩﻣﻠﻪﺭ ﺑﯩﻠﻪﻥ ﺗﻮﺷﯘﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﻫﯧﻜﺎﻳﻪ ﻗﯩﻠﺪﻯ.