ﺳﺎﺑﯩﻖ ﭘﺎﻛﯩﺴﺘﺎﻥ ﺑﺎﺵ ﻣﯩﻨﯩﺴﺘﯩﺮﻯ ﺑﻪﻧﻪﺯﯨﺮ ﺑﯘﺗﺘﻮ ﺳﯜﻳﻘﻪﺳﺘﻜﻪ ﺋﯘﭼﺮﯨﺪﻯ

2007.12.27

ﺳﺎﺑﯩﻖ ﭘﺎﻛﯩﺴﺘﺎﻥ ﺑﺎﺵ ﻣﯩﻨﯩﺴﺘﯩﺮﻯ، ﭘﺎﻛﯩﺴﺘﺎﻧﺪﯨﻜﻰ ﺋﻪﯓ ﭼﻮﯓ ﺋﯚﻛﺘﯩﭽﻰ ﮔﯘﺭﯗﻫ - ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺭﻩﺋﯩﺴﻰ ﺑﻪﻧﻪﺯﯨﺮ ﺑﯘﺗﺘﻮ ﭘﻪﻳﺸﻪﻧﺒﻪ ﻛﯜﻧﻰ ﺭﺍﯞﺍﻟﭙﯩﻨﺪﯨﺪﺍ ﺳﯜﻳﻘﻪﺳﺘﻜﻪ ﺋﯘﭼﺮﺍﭖ ﺋﯚﻟﺪﻯ. ﺑﯘﺗﺘﻮ ﺑﯘ ﻳﯩﻞ ﺋﯚﻛﺘﻪﺑﯩﺮﺩﻩ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺳﯜﺭﮔﯜﻥ ﻫﺎﻳﺎﺗﯩﺪﯨﻦ ﻛﯧﻴﯩﻦ ﭘﺎﻛﯩﺴﺘﺎﻧﻐﺎ ﻗﺎﻳﺘﯩﭗ ﻛﯧﻠﯩﭗ، ﻛﯧﻠﻪﺭ ﺋﺎﻳﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﭘﺎﺭﻻﻣﯧﻨﺖ ﺳﺎﻳﻠﯩﻤﯩﻐﺎ ﻗﺎﺗﻨﺎﺷﻤﺎﻗﭽﻰ ﺋﯩﺪﻯ. ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺑﯘﺗﺘﻮﻧﯩﯔ ﺋﯚﻟﯜﻣﻰ ﺳﯩﻴﺎﺳﻰ ﻛﯩﺮﺯﯨﺲ ﭘﺎﺗﻘﯩﻐﯩﺪﯨﻜﻰ ﭘﺎﻛﯩﺴﺘﺎﻥ ﯞﻩﺯﯨﻴﯩﺘﯩﻨﻰ ﺗﯧﺨﯩﻤﯘ ﻣﯘﺭﻩﻛﻜﻪﭘﻠﻪﺷﺘﯜﺭﯛﯞﯦﺘﯩﺸﻰ ﻣﯜﻣﻜﯩﻦ.
ﺑﻪﻧﻪﺯﯨﺮ ﺑﯘﺗﺘﻮ، ﺋﺎﺋﯩﻠﯩﺴﯩﺪﻩ ﺳﯩﻴﺎﺳﯩﻲ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﻗﯘﺭﺑﺎﻥ ﺑﻮﻟﻐﺎﻥ 4 - ﻛﯩﺸﯩﺪﯗﺭ
ﭘﻪﻳﺸﻪﻧﺒﻪ ﻛﯜﻧﻰ ﭘﺎﻛﯩﺴﺘﺎﻧﻨﯩﯔ ﺭﺍﯞﺍﻟﭙﯩﻨﺪﻯ ﺷﻪﻫﯩﺮﯨﺪﯨﻜﻰ ﻻﻳﺎﻗﻪﺕ ﺑﺎﻏﭽﯩﺴﯩﺪﺍ ﺑﻮﻣﺒﺎ ﭘﺎﺭﺗﻠﯩﻐﺎﻥ ﯞﻩ ﺑﯘﻧﯩﯔ ﺑﯩﻠﻪﻥ ﺗﻪﯕﻼ ﺳﺎﻻﻫﯩﻴﯩﺘﻰ ﻫﺎﺯﯨﺮﻏﺎ ﻗﻪﺩﻩﺭ ﻧﺎﻣﻪﻟﯘﻡ ﺑﯩﺮ ﺋﺎﺩﻩﻡ ﻳﺎﻛﻰ ﺋﺎﺩﻩﻣﻠﻪﺭ ﺑﻪﻧﻪﺯﯨﺮ ﺑﯘﺗﺘﻮﻧﻰ ﺋﻮﻗﻘﺎ ﺗﯘﺗﻘﺎﻥ ﻣﻪﺯﮔﯩﻠﺪﻩ، ﺑﯘﺗﺘﻮ ﺧﺎﻧﯩﻢ ﻻﻳﺎﻗﻪﺕ ﺑﺎﻏﭽﯩﺴﯩﺪﯨﻜﻰ ﻣﻪﻳﺪﺍﻧﺪﺍ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﻰ ﻗﻮﻟﻠﯩﻐﯘﭼﯩﻠﯩﺮﯨﻐﺎ ﺳﯚﺯﻟﯩﮕﻪﻥ ﺳﺎﻳﻼﻡ ﻧﯘﺗﯘﻗﯩﻨﻰ ﺋﻪﻣﺪﯨﻼ ﺋﺎﺧﯩﺮﻻﺷﺘﯘﺭﻏﺎﻥ ﻫﻪﻡ ﺋﺎﭘﺘﻮﻣﻮﺑﯩﻠﯩﻐﺎ ﭼﯜﺷﯜﭖ ﻣﻪﻳﺪﺍﻧﺪﯨﻦ ﺋﺎﻳﺮﯨﻠﻤﺎﻗﭽﻰ ﺑﻮﻟﯘﭖ ﺗﯘﺭﺍﺗﺘﻰ. ﯞﻩﻗﻪﺩﻩ ﺑﯘﺗﺘﻮ ﺧﺎﻧﯩﻢ ﺑﻮﻣﺒﺎ ﭘﺎﺭﺗﻼﺷﺘﯩﻦ ﺋﺎﻣﺎﻥ ﻗﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ ﺳﯜﻳﻘﻪﺳﺘﭽﯩﻠﻪﺭﻧﯩﯔ ﺋﺎﺗﻘﺎﻥ ﺋﻮﻗﯩﺪﺍ ﺋﯚﻟﮕﻪﻥ. ﯞﻩﻗﻪ ﻳﯜﺯ ﺑﻪﺭﮔﻪﻥ ﻻﻳﺎﻗﻪﺕ ﺑﺎﻏﭽﯩﺴﻰ ﭘﺎﻛﯩﺴﺘﺎﻧﻨﯩﯔ ﺳﺎﺑﯩﻖ ﭘﺮﯦﺰﯨﺪﯦﻨﺘﻰ ﻟﯩﻴﺎﻗﻪﺗﺨﺎﻧﻨﯩﯔ ﻧﺎﻣﯩﻐﺎ ﺑﯧﺮﯨﻠﮕﻪﻥ ﺟﺎﻱ ﺑﻮﻟﯘﭖ، ﻧﻪﻕ ﻣﻪﻳﺪﺍﻧﺪﯨﻜﻰ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﺋﺎﺯ ﺩﯦﮕﻪﻧﺪﻩ 20 ﺩﻩﻙ ﻗﻮﻟﻠﯩﻐﯘﭼﯩﺴﻰ ﺑﻮﻣﺒﺎ ﭘﺎﺭﺗﻠﯩﻐﺎﻧﺪﺍ ﺋﯚﻟﮕﻪﻥ.

ﺑﻪﻧﻪﺯﯨﺮ ﺑﯘﺗﺘﻮ ﺧﺎﻧﯩﻤﻨﯩﯔ ﺟﯩﻨﺎﺯﯨﺴﻰ. AFP Photo
ﭘﺎﻛﯩﺴﺘﺎﻧﻨﯩﯔ ﺭﺍﯞﺍﻟﭙﯩﻨﺪﻯ ﺷﻪﻫﯩﺮﯨﺪﻩ ﻳﺎﺷﺎﻳﺪﯨﻐﺎﻥ ﺋﯘﻳﻐﯘﺭ ﻣﯘﻫﺎﺟﯩﺮﻯ ﺋﺎﺑﺪﯗﺳﺎﻻﻡ ﯞﻩﻗﻪﻧﯩﯔ ﺗﻪﭘﺴﯩﻼﺗﻰ ﺗﻮﻏﺮﯨﺴﯩﺪﺍ ﻣﻪﻟﯘﻣﺎﺕ ﺑﻪﺭﺩﻯ. ﺑﯘ ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﭘﺎﻛﯩﺴﺘﺎﻧﻐﺎ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﺑﯧﺮﯨﻘﻰ ﺑﯩﺮﻗﺎﻧﭽﻪ ﺋﺎﻱ ﺋﯩﭽﯩﺪﻩ 2 - ﻗﯧﺘﯩﻢ ﺳﯜﻳﻘﻪﺳﺘﻜﻪ ﺋﯘﭼﺮﯨﺸﻰ ﺑﻮﻟﯘﭖ، ﺋﯘ ﭘﺎﻛﯩﺴﺘﺎﻥ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﯨﻜﻰ ﻣﻪﺷﻬﯘﺭ ﺑﯩﺮ ﺋﺎﺋﯩﻠﯩﻨﯩﯔ ﺋﻪﯞﻻﺩﻯ ﺷﯘﻧﺪﺍﻗﻼ ﺑﯘ ﺋﺎﺋﯩﻠﯩﺪﻩ ﺳﯩﻴﺎﺳﯩﻲ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﻗﯘﺭﺑﺎﻥ ﺑﻮﻟﻐﺎﻥ 4 - ﻛﯩﺸﯩﺪﯗﺭ. ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﺩﺍﺩﯨﺴﻰ، ﭘﺎﻛﯩﺴﺘﺎﻧﻨﯩﯔ ﺋﻪﻳﻨﻰ ﭼﺎﻏﺪﯨﻜﻰ ﺑﺎﺵ ﻣﯩﻨﯩﺴﺘﯩﺮﻯ ﺯﯗﻟﭙﯩﻘﺎﺭ ﺋﻪﻟﻰ ﺑﯘﺗﺘﻮ 1974 - ﻳﯩﻠﻰ ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﯩﻨﯩﯔ ﮔﯧﻨﯧﺮﺍﻟﻰ ﺯﯨﻴﺎ ﺋﯘﻟﻬﻪﻗﻨﯩﯔ ﻫﻪﺭﺑﯩﻲ ﺋﯚﺯﮔﯩﺮﯨﺸﯩﺪﻩ ﯞﻩﺗﻪﻧﮕﻪ ﺧﯩﻴﺎﻧﻪﺕ ﻗﯩﻠﯩﺶ ﺟﯩﻨﺎﻳﯩﺘﻰ ﺑﯩﻠﻪﻥ ﺩﺍﺭﻏﺎ ﺋﯧﺴﯩﻠﻐﺎﻧﺪﺍ ﺑﯘﺗﺘﻮ ﺧﺎﻧﯩﻢ ﺗﯧﺨﻰ 20 ﻳﺎﺷﻼﺭﺩﯨﻜﻰ ﻳﺎﺵ ﻗﯩﺰ ﺋﯩﺪﻯ. ﺑﯘﺗﺘﻮﻧﯩﯔ ﺋﯚﻟﯜﻣﻰ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﻰ ﻗﻮﻟﻠﯩﻐﯘﭼﯩﻠﯩﺮﯨﻨﯩﯔ ﺷﯩﺪﺩﻩﺗﻠﯩﻚ ﺋﯩﻨﻜﺎﺳﯩﻨﻰ ﻗﻮﺯﻏﯩﻤﺎﻗﺘﺎ. ﭘﺎﻛﯩﺴﺘﺎﻧﻨﯩﯔ ﺑﻪﺯﻯ ﺷﻪﻫﻪﺭﻟﯩﺮﯨﺪﻩ ﺑﯘﺗﺘﻮﻧﯩﯔ ﻗﻮﻟﻠﯩﻐﯘﭼﯩﻠﯩﺮﻯ ﺋﺎﻣﻤﯩﯟﻯ ﺋﻪﺳﻠﯩﻬﻪﻟﻪﺭﻧﻰ ﺋﯘﺭﯗﭖ - ﭼﺎﻗﻘﺎﻥ.
ﻧﺎﯞﺍﺯ ﺷﻪﺭﯨﭗ: "ﭘﺎﻛﯩﺴﺘﺎﻥ ﺋﯜﭼﯜﻥ ﺑﯩﺮ ﺗﺮﺍﮔﯧﺪﯨﻴﻪ"
ﭘﺎﻛﯩﺴﺘﺎﻧﺪﯨﻜﻰ 2- ﭼﻮﯓ ﺋﯚﻛﺘﯩﭽﻰ ﭘﺎﺭﺗﯩﻴﻪ- ﻣﯘﺳﯘﻟﻤﺎﻧﻼﺭ ﺋﯩﺘﺘﯩﭙﺎﻗﯩﻨﯩﯔ ﺭﻩﻫﺒﯩﺮﻯ ﻧﺎﯞﺍﺯ ﺷﻪﺭﯨﭗ، ﺑﯘﺗﺘﻮﻧﯩﯔ ﺋﯚﻟﯜﻣﯩﻨﻰ "ﭘﺎﻛﯩﺴﺘﺎﻥ ﺋﯜﭼﯜﻥ ﺑﯩﺮ ﺗﺮﺍﮔﯧﺪﯨﻴﻪ" ﺩﻩﭖ ﻛﯚﺭﺳﻪﺗﺘﻰ. ﺋﯘ، ﯞﻩﻗﻪﻧﻰ " ﺑﯩﺮ ﻣﺎﺗﻪﻣﻼ ﺋﻪﻣﻪﺱ، ﭘﺎﻛﯩﺴﺘﺎﻥ ﺗﺎﺭﯨﺨﯩﺪﯨﻜﻰ ﺋﻪﯓ ﺯﯗﻟﻤﻪﺗﻠﯩﻚ ﺑﯩﺮ ﻛﯜﻥ " ﺩﻩﻳﺪﯗ. ﺑﯘﺗﺘﻮ ﺧﺎﻧﯩﻢ ﺳﯜﻳﻘﻪﺳﺘﻜﻪ ﺋﯘﭼﺮﯨﻐﺎﻥ ﺷﯘ ﻛﯜﻧﻰ ﻧﺎﯞﺍﺯ ﺷﻪﺭﯨﭗ ﺭﺍﯞﺍﻟﭙﯩﻨﺪﯨﺪﺍ ﺋﯩﺪﻯ.

ﺑﻪﻧﻪﺯﯨﺮ ﺑﯘﺗﺘﻮ ﺧﺎﻧﯩﻢ ﺳﺎﻳﻼﻡ ﻳﯩﻐﯩﻠﯩﺸﯩﺪﺍ. AFP Photo
ﺑﯘﺗﺘﻮﻧﯩﯔ ﺋﯚﻟﯜﻣﯩﺪﻩ "ﻫﯚﻛﯜﻣﻪﺗﻨﯩﯔ ﻣﻪﺳﺌﯘﻟﯩﻴﯩﺘﻰ ﺑﺎﺭ،" ﺩﻩﭖ ﺋﻪﻳﯩﺒﻠﯩﮕﻪﻥ ﻧﺎﯞﺍﺯ ﺷﻪﺭﯨﭗ، ﻫﯚﻛﯜﻣﻪﺗﻨﻰ ﺋﯘﻧﯩﯔ "ﺑﯩﺨﻪﺗﻪﺭﻟﯩﻜﻜﻪ ﺳﻪﻝ ﻗﺎﺭﺍﺵ" ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ. ﭘﺎﻛﯩﺴﺘﺎﻧﺪﯨﻜﻰ ﺋﯘﻳﻐﯘﺭ ﻣﯘﻫﺎﺟﯩﺮﻯ ﺋﺎﺑﺪﯗﺳﺎﻻﻡ، ﭘﺎﻛﯩﺴﺘﺎﻥ ﻣﻪﺗﺒﯘﺋﺎﺗﻠﯩﺮﯨﻐﺎ ﺋﺎﺳﺎﺳﻪﻥ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ ﺋﻪﺳﻜﻪﺭﺗﯩﺸﯩﭽﻪ، ﻧﺎﯞﺍﺯ ﺷﻪﺭﯨﭗ ﻛﯧﻠﻪﺭ ﺋﺎﻳﺪﯨﻜﻰ ﭘﺎﺭﻻﻣﯧﻨﺖ ﺳﺎﻳﻠﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﭘﺮﯦﺰﯨﺪﯦﻨﺖ ﭘﻪﺭﯞﯨﺰ ﻣﯘﺷﻪﺭﺭﻩﭖ ﺑﯘﺗﺘﻮﻏﺎ ﺳﯜﻳﯩﻘﻪﺳﺖ ﻗﯩﻠﯩﺶ ﯞﻩﻗﻪﺳﯩﻨﻰ ﺋﻪﻳﯩﺒﻠﻪﺵ ﺑﯩﻠﻪﻥ ﺑﯩﺮﮔﻪ ﻛﯩﺸﯩﻠﻪﺭﻧﻰ ﺳﻮﻏﯘﻗﻘﺎﻥ ﺑﻮﻟﯘﺷﻘﺎ ﭼﺎﻗﯩﺮﺩﻯ ﯞﻩ ﺳﯜﻳﯩﻘﻪﺳﺘﻨﻰ "ﺗﯧﺮﺭﻭﺭﭼﯩﻼﺭﻧﯩﯔ ﻫﻪﺭﯨﻜﯩﺘﻰ" ﺩﻩﭖ ﺋﻪﻳﯩﺒﻠﯩﺪﻯ ﻫﻪﻣﺪﻩ ﺑﯘﺗﺘﻮﻏﺎ 3 ﻛﯜﻥ ﻣﺎﺗﻪﻡ ﺗﯘﺗﯘﺷﻨﻰ ﺋﯧﻼﻥ ﻗﯩﻠﺪﻯ.
ﺟﻮﺭﺝ ﺑﻮﺵ: "ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﯘﭼﯩﻼﺭ ﺋﺎﺩﺍﻟﻪﺕ ﺳﻮﺗﯩﻐﺎ ﺗﺎﺭﺗﯩﻠﯩﺸﻰ ﻛﯧﺮﻩﻙ"
ﺑﯘﺗﺘﻮﻏﺎ ﺳﯜﻳﯩﻘﻪﺳﺖ ﻗﯩﻠﯩﺶ ﯞﻩﻗﻪﺳﻰ ﻫﻪﺭ ﻗﺎﻳﺴﻰ ﺋﻪﻟﻠﻪﺭﻧﯩﯔ ﺷﯩﺪﺩﻩﺗﻠﯩﻚ ﺗﻪﻧﻘﯩﺪﯨﮕﻪ ﺋﯘﭼﺮﺍﭘﻼ ﻗﺎﻟﻤﺎﻱ، ﺩﯗﻧﻴﺎﺩﯨﻜﻰ ﺑﯩﺮﺩﯨﻦ - ﺑﯩﺮ ﻣﯘﺳﯘﻟﻤﺎﻥ ﻳﺎﺩﺭﻭ ﻗﻮﺭﺍﻟﻼﺭ ﺩﯙﻟﯩﺘﻰ ﭘﺎﻛﯩﺴﺘﺎﻧﻨﯩﯔ ﯞﻩﺯﯨﻴﯩﺘﻰ ﺑﯘ ﺋﻪﻟﻠﻪﺭﺩﻩ ﺋﻪﻧﺪﯨﺸﻪ ﻗﻮﺯﻏﯩﻤﺎﻗﺘﺎ. ﭘﺮﯦﺰﯨﺪﯦﻨﺖ ﺑﯘﺵ ﺷﯘ ﻛﯜﻧﻰ ﯞﺍﺷﯩﻨﮕﺘﻮﻧﺪﺍ ﺋﯧﻼﻥ ﻗﯩﻠﻐﺎﻥ ﺑﺎﻳﺎﻧﺎﺗﯩﺪﺍ ﯞﻩﻗﻪﻧﻰ ﭘﺎﻛﯩﺴﺘﺎﻥ ﺩﯦﻤﻮﻛﺮﺍﺗﯩﻴﯩﺴﯩﮕﻪ ﻗﺎﺭﺷﻰ "ﯞﻩﻫﺸﯩﻴﻠﻪﺭﭼﻪ ﻫﻪﺭﯨﻜﻪﺕ" ﺩﻩﭖ ﺋﻪﻳﯩﺒﻠﯩﺪﻯ. ﺋﯘ، "ﻗﻮﺷﻤﺎ ﺷﯩﺘﺎﺗﻼﺭ ﺩﯙﻟﯩﺘﻰ ﭘﺎﻛﯩﺴﺘﺎﻥ ﺩﯦﻤﻮﻛﺮﺍﺗﯩﻴﯩﺴﯩﮕﻪ ﻗﺎﺭﯨﺘﯩﻠﻐﺎﻥ ﺑﯘ ﺋﻪﺳﻪﺑﯩﻲ ﺟﯩﻨﺎﻳﻪﺗﭽﯩﻠﻪﺭﻧﯩﯔ ﯞﻩﻫﺸﯩﻴﻠﻪﺭﭼﻪ ﻫﻪﺭﯨﻜﯩﺘﯩﻨﻰ ﻛﻪﺳﻜﯩﻦ ﺋﻪﻳﯩﺒﻠﻪﻳﺪﯗ. ﺑﯘ ﺟﯩﻨﺎﻳﻪﺗﻨﻰ ﺳﺎﺩﯨﺮ ﻗﯩﻠﻐﯘﭼﯩﻼﺭ ﺋﺎﺩﺍﻟﻪﺕ ﺳﻮﺗﯩﻐﺎ ﺗﺎﺭﺗﯩﻠﯩﺸﻰ ﻛﯧﺮﻩﻙ"ﺩﻩﻳﺪﯗ.

ﺑﻪﻧﻪﺯﯨﺮ ﺑﯘﺗﺘﻮ ﺧﺎﻧﯩﻢ ﺳﯜﻳﯩﻘﻪﺳﺘﻜﻪ ﺋﯘﭼﺮﯨﻐﺎﻧﺪﯨﻦ ﻛﯧﻴﯩﻦ ﻛﻮﭼﯩﻼﺭﺩﯨﻜﻰ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﻪﺭ. AFP Photo
ﻧﯚﯞﻩﺗﺘﻪ ﻛﯧﻠﻪﺭ ﺋﺎﻳﺪﯨﻜﻰ ﭘﺎﻛﯩﺴﺘﺎﻥ ﭘﺎﺭﻻﻣﯧﻨﺖ ﺳﺎﻳﻠﯩﻤﯩﻨﻰ ﯞﺍﻗﺘﯩﺪﺍ ﺋﯚﺗﻜﯜﺯﯛﺵ - ﺋﯚﺗﻜﯜﺯﻣﻪﺳﻠﯩﻜﻨﯩﯔ ﺋﯚﺯﻯ ﻳﻪﻧﻪ ﺑﯩﺮ ﻣﻪﺳﯩﻠﻪ ﺑﻮﻟﯘﭖ ﻗﺎﻟﺪﻯ. ﭘﺎﻛﯩﺴﺘﺎﻥ ﻫﯚﻛﯜﻣﯩﺘﻰ ﺳﺎﻳﻼﻣﻨﯩﯔ ﯞﺍﻗﺘﻰ ﻗﻪﺭﻩﻟﻰ ﺗﻮﻏﺮﯨﺴﯩﺪﺍ ﻫﺎﺯﯨﺮﻏﺎ ﻗﻪﺩﻩﺭ ﺋﯩﭙﺎﺩﻩ ﺑﯩﻠﺪﯛﺭﻣﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﭘﺎﻛﯩﺴﺘﺎﻧﺪﺍ ﺋﻪﯓ ﺗﻮﻏﺮﺍ ﻳﻮﻟﻨﯩﯔ ﺩﯦﻤﻮﻛﺮﺍﺗﯩﻚ ﻣﯘﺳﺎﭘﯩﻨﻰ ﺩﺍﯞﺍﻣﻼﺷﺘﯘﺭﯗﺵ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﺗﺎﻡ ﻛﻪﻳﺴﯧﻲ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﯩﺪﺍ ﺩﯦﻤﻮﻛﺮﺍﺗﯩﻚ ﻣﯘﺳﺎﭘﯩﻨﻰ"ﻣﻪﻟﯘﻡ ﺷﻪﻛﯩﻠﺪﻩ ﻛﯧﭽﯩﻜﺘﯜﺭﯛﺵ ﻳﺎﻛﻰ ﺩﯦﻤﻮﻛﺮﺍﺗﯩﻚ ﻣﯘﺳﺎﭘﯩﻐﺎ ﺋﺎﻻﻗﯩﺪﺍﺭ ﻛﯩﭽﯩﻜﯩﺸﻠﻪﺭ ﺑﯘ ﯞﻩﻗﻪﮔﻪ ﺟﺎﯞﺍﺑﻜﺎﺭ ﺋﻪﺳﻪﺑﯩﻲ ﻛﯜﭼﻠﻪﺭﻧﯩﯔ ﻏﻪﻟﯩﺒﯩﺴﻰ ﺑﻮﻟﯘﭖ ﻗﺎﻟﯩﺪﯗ "ﺩﯦﺪﻯ. ﺗﺎﻡ ﻛﻪﻳﺴﯧﻴﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﯩﺲ ﺷﯘ ﻛﯜﻧﻰ ﭘﺎﻛﯩﺴﺘﺎﻥ ﺧﻪﻟﻖ ﭘﺎﺭﺗﯩﻴﯩﺴﯩﻨﯩﯔ ﻫﺎﺯﯨﺮﻗﻰ ﺭﻩﻫﺒﯩﺮﻯ، ﺑﻪﻧﻪﺯﯨﺮ ﺑﯘﺗﺘﻮﻧﯩﯔ ﯞﺍﺭﯨﺴﻰ ﺋﻪﻣﯩﻦ ﻓﺎﻫﯩﻤﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺋﺎﻣﯧﺮﯨﻜﯩﻨﯩﯔ ﺋﯘﻧﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
ﻫﯩﺪﺍﻳﻪﺕ: "ﭘﺎﻛﯩﺴﺘﺎﻥ ﺧﯩﺘﺎﻳﻨﯩﯔ ﺋﻪﯓ ﻳﯧﻘﯩﻦ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﯩﺘﺘﯩﭙﺎﻗﺪﺍﺷﻠﯩﺮﯨﻨﯩﯔ ﺑﯩﺮﻯ"
ﺳﯜﻳﯩﻘﻪﺳﺖ ﯞﻩﻗﻪﺳﯩﻨﻰ ﻛﯩﻤﻠﻪﺭﻧﯩﯔ ﭘﯩﻼﻧﻠﯩﻐﺎﻧﻠﯩﻘﻰ ﯞﻩ ﺋﻪﻣﻪﻟﮕﻪ ﺋﺎﺷﯘﺭﻏﺎﻧﻠﯩﻘﻰ ﻧﺎﻣﻪﻟﯘﻡ ﺑﻮﻟﯘﭖ، ﻫﺎﺯﯨﺮﻏﺎ ﻗﻪﺩﻩﺭ ﻫﯧﭽﻜﯩﻢ ﯞﻩﻗﻪﮔﻪ ﺟﺎﯞﺍﺑﻜﺎﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﯩﭗ ﺑﺎﻗﻤﯩﺪﻯ. ﺗﯜﺭﻛﯩﻴﯩﺪﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻫﯩﺪﺍﻳﻪﺕ ﺋﻮﻏﯘﺯﺧﺎﻥ ﺋﻪﭘﻪﻧﺪﻯ، ﺗﯚﯞﻩﻧﺪﯨﻜﻰ ﻛﯜﭼﻠﻪﺭﻧﯩﯔ ﺳﯜﻳﯩﻘﻪﺳﺖ ﭘﯩﻼﻧﻼﺵ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﺩﻯ.
ﭘﺎﻛﯩﺴﺘﺎﻥ ﺋﺎﻣﯧﺮﯨﻜﯩﻨﯩﯔ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﺳﯧﭙﯩﺪﯨﻜﻰ ﻣﯘﻫﯩﻢ ﺋﯩﺘﺘﯩﭙﺎﻗﭽﯩﺴﻰ ﺑﻮﻟﯘﭘﻼ ﻗﺎﻟﻤﺎﻱ، ﺋﯘ ﻳﻪﻧﻪ ﺧﯩﺘﺎﻳﻨﯩﯔ ﺋﻪﯓ ﻳﯧﻘﯩﻦ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﯩﺘﺘﯩﭙﺎﻗﺪﺍﺷﻠﯩﺮﯨﻨﯩﯔ ﺑﯩﺮﻯ ﺷﯘﻧﺪﺍﻗﻼ ﻣﯘﻫﯩﻢ ﺗﯧﺨﻨﯩﻜﺎ ﯞﻩ ﻗﻮﺭﺍﻝ-ﻳﺎﺭﺍﻗﻼﺭ ﺧﯧﺮﯨﺪﺍﺭﻯ ﺋﯩﺪﻯ. ﺑﯘﺗﺘﻮ ﺧﺎﻧﯩﻤﻨﯩﯔ ﺩﺍﺩﯨﺴﻰ ﺯﯗﻟﭙﯩﻘﺎﺭ ﺋﻪﻟﻰ ﺑﯘﺗﺘﻮ 1974 - ﻳﯩﻠﻰ ﺩﺍﺭﻏﺎ ﺋﯧﺴﯩﻠﻐﺎﻧﺪﺍ ﺋﻪﻳﻨﻰ ﭼﺎﻏﺪﯨﻜﻰ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﺟﯘ ﺋﯧﻨﻠﻪﻱ، ﭘﺎﻛﯩﺴﺘﺎﻥ ﻫﻪﺭﺑﯩﻲ ﺩﺍﺋﯩﺮﯨﻠﯩﺮﯨﮕﻪ ﺋﯘﻧﻰ ﻛﻪﭼﯜﺭﯛﻡ ﻗﯩﻠﯩﺶ ﺗﻮﻏﺮﯨﺴﯩﺪﺍ ﻣﻪﺳﻠﯩﻬﻪﺕ ﺑﻪﺭﮔﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﺪﯨﻜﻰ ﻫﯩﺪﺍﻳﻪﺕ ﺋﻮﻏﯘﺯﺧﺎﻥ، ﺋﯘﺯﯗﻥ ﻳﯩﻠﻼﺭ ﭘﺎﻛﯩﺴﺘﺎﻧﺪﺍ ﺋﯩﻠﯩﻢ ﺗﻪﻫﺴﯩﻠﻰ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﺯﺍﺗﻼﺭﻧﯩﯔ ﺑﯩﺮﯨﺪﯗﺭ. ﺋﯘ، ﺑﯘﺗﺘﻮ ﻧﯧﻤﻪ ﺋﯜﭼﯜﻥ ﺳﯜﻳﻘﻪﺳﺘﭽﯩﻠﻪﺭﻧﯩﯔ ﻧﯩﺸﺎﻧﯩﺪﯨﻜﻰ ﺋﺎﺩﻩﻡ ﺑﻮﻟﯘﭖ ﻗﺎﻟﻐﺎﻧﻠﯩﻘﯩﻨﻰ ﭼﯜﺷﻪﻧﺪﯛﺭﺩﻯ.
ﺑﻪﻧﻪﺯﯨﺮ ﺑﯘﺗﺘﻮ ﺑﯘ ﻳﯩﻠﻨﯩﯔ ﺋﯚﻛﺘﻪﺑﯩﺮ ﺋﯧﻴﯩﺪﺍ ﺋﯘﺯﯗﻥ ﻣﻪﺯﮔﯩﻠﻠﯩﻚ ﺳﯜﺭﮔﯜﻥ ﻫﺎﻳﺎﺗﯩﺪﯨﻦ ﻛﯧﻴﯩﻦ ﭘﺎﻛﯩﺴﺘﺎﻧﻐﺎ ﻗﺎﻳﺘﻘﺎﻧﺪﺍ ﭘﺮﯦﺰﯨﺪﯦﻨﺖ ﻣﯘﺷﻪﺭﺭﻩﭖ ﺑﯩﻠﻪﻥ ﻫﻮﻗﯘﻗﻨﻰ ﺑﯚﻟﯜﺷﯩﺪﯨﻐﺎﻥ، ﻣﯘﺷﻪﺭﺭﻩﭖ ﺑﯘﺗﺘﻮﻧﻰ ﺧﯩﻴﺎﻧﻪﺗﭽﯩﻠﯩﻚ ﺑﯩﻠﻪﻥ ﺋﻪﻳﯩﺒﻠﻪﺷﺘﯩﻦ ﻛﻪﭼﯜﺭﯛﻡ ﻗﯩﻠﯩﺪﯨﻐﺎﻥ ﺑﻮﻟﻐﺎﻥ ﺋﯩﺪﻯ. ﻟﯧﻜﯩﻦ ﺋﯘﺯﯗﻥ ﺋﯚﺗﻤﻪﻱ ﺑﯘﺗﺘﻮ ﺑﯩﻠﻪﻥ ﻣﯘﺷﻪﺭﺭﻩﭖ ﺋﺎﺭﯨﺴﯩﺪﯨﻜﻰ ﻛﯧﻠﯩﺸﯩﻢ ﺑﯘﺯﯗﻟﯘﭖ، ﺑﯘﺗﺘﻮ ﭘﺎﻛﯩﺴﺘﺎﻧﻐﺎ ﻗﺎﻳﺘﯩﭗ ﻛﻪﻟﮕﻪﻥ ﺷﯘ ﭼﺎﻏﻨﯩﯔ ﺋﯚﺯﯨﺪﻩ ﺋﯘﻧﯩﯔ ﺋﺎﭘﺘﻮﻣﻮﺑﯩﻞ ﺋﻪﺗﺮﯨﺘﻰ ﻛﺎﺭﺍﭼﯩﺪﺍ ﺋﯚﺯﯨﻨﻰ ﺋﯚﻟﺘﯜﺭﯛﯞﯦﻠﯩﺶ ﺧﺎﺭﺍﻛﺘﯧﺮﻟﯩﻚ ﻫﯘﺟﯘﻣﻐﺎ ﺋﯘﭼﺮﯨﻐﺎﻥ ﻫﻪﻡ ﯞﻩﻗﻪﺩﻩ 130 ﺋﺎﺩﻩﻡ ﺋﯚﻟﮕﻪﻥ. ﻟﯧﻜﯩﻦ ﺑﯘﺗﺘﻮ ﺷﯘ ﻗﯧﺘﯩﻤﻘﻰ ﺳﯜﻳﯩﻘﻪﺳﺘﺘﯩﻦ ﺋﺎﻣﺎﻥ ﻗﺎﻟﻐﺎﻥ ﺋﯩﺪﻯ.

ﺧﯩﺘﺎﻱ ﺋﯘﻳﻐﯘﺭ ﻳﯧﺰﯨﻠﯩﺮﯨﺪﯨﻦ ﻫﻪﺭ ﻳﯩﻠﻰ 300 ﻣﯩﯔ ﻛﯩﺸﯩﻨﻰ ﻳﯚﺗﻜﯩﻤﻪﻛﭽﻰ

2007.12.24
ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ ،12- ﺩﯦﻜﺎﺑﯩﺮ ﺋﺎﺧﯩﺮﻻﺷﻘﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ 7- ﻧﯚﯞﻩﺗﻠﯩﻚ ﻛﻮﻣﯩﺘﯧﺘﯩﻨﯩﯔ 5 - ﺋﻮﻣﯘﻣﯩﻲ ﻳﯩﻐﯩﻨﯩﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﯨﻜﻰ ﺋﯩﻜﻜﻰ ﯞﯨﻼﻳﻪﺕ ﯞﻩ ﺑﯩﺮ ﺋﻮﺑﻼﺳﺖ ﺗﻪﯞﻩﺳﯩﺪﯨﻜﻰ ﻳﯧﺰﯨﻼﺭﺩﺍ 1ﻣﯩﻠﻴﻮﻥ 300 ﻣﯩﯔ ﺩﯦﻬﻘﺎﻥ‏ - ﭼﺎﺭﯞﯨﭽﯩﻐﺎ ﺗﯧﺨﻨﯩﻜﺎ ﺗﻪﺭﺑﯩﻴﯩﺴﻰ ﺋﯧﻠﯩﭗ ﺑﯧﺮﯨﭗ "ﺑﯩﺮ ﺋﺎﺋﯩﻠﯩﺪﯨﻦ ﺑﯩﺮ ﻛﯩﺸﯩﻨﻰ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺵ" ﺳﯩﻴﺎﺳﯩﺘﯩﻨﻰ ﺋﻪﻣﻪﻟﯩﻴﻠﻪﺷﺘﯜﺭﯛﺵ ﺗﻪﻛﯩﺘﻠﻪﻧﮕﻪﻥ.
ﺗﻪﯕﺮﯨﺘﺎﻍ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﻩ "11- ﺑﻪﺵ ﻳﯩﻠﻠﯩﻖ" ﭘﯩﻼﻧﻨﯩﯔ ﻛﯧﻴﯩﻨﻜﻰ ﻣﻪﺯﮔﯩﻠﺪﻩ ﺋﯘﻳﻐﯘﺭ ﻳﯧﺰﯨﻠﯩﺮﯨﺪﺍ "ﻫﻪﺭ ﻳﯩﻠﻰ ﺋﯩﺰﭼﯩﻞ ﻫﺎﻟﺪﺍ 300 ﻣﯩﯔ ﻛﯩﺸﯩﻨﻰ ﻳﯚﺗﻜﻪﭖ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺷﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﭗ ، ﻳﯩﻠﯩﻐﺎ ﺗﻪﺧﻤﯩﻨﻪﻥ 1 ﻣﯩﻠﻴﻮﻥ 500 ﻣﯩﯖﺪﯨﻦ ﻛﯚﭘﺮﻩﻙ ﻛﯩﺸﯩﻨﻰ ﺋﻪﻣﮕﻪﻙ - ﻣﯘﻻﺯﯨﻤﻪﺕ ﺋﺎﺭﻗﯩﻠﯩﻖ ﻛﯩﺮﯨﻢ ﻗﯩﻠﯩﺸﻘﺎ" ﻗﺎﺗﻨﺎﺷﺘﯘﺭﯗﺷﻨﻰ ﭘﯩﻼﻥ ﻗﯩﻠﻐﺎﻥ.
ﺑﯘ ﺧﯩﻠﺪﯨﻜﻰ ﻗﺎﺭﺍﺭ، 2006- ﻳﯩﻠﻰ 7- ﻧﻮﻳﺎﺑﯩﺮ ﺋﯧﭽﯩﻠﻐﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻫﯚﻛﯜﻣﯩﺘﻰ 33- ﻗﯧﺘﯩﻤﻠﯩﻖ ﻳﯩﻐﯩﻨﯩﺪﺍ ﺋﯧﻠﯩﻨﻐﺎﻥ ﺑﻮﻟﯘﭖ ﻳﯧﺰﯨﻼﺭﺩﯨﻜﻰ 1 ﻣﯩﻠﻴﻮﻥ 550 ﻣﯩﯔ ﺋﻪﻣﮕﻪﻙ ﻛﯜﭼﯩﻨﻰ ﻳﯚﺗﻜﻪﺵ ﺑﯧﻜﯩﺘﯩﻠﮕﻪﻥ ﺋﯩﺪﻯ.
ﻣﯘﺷﯘ ﻗﺎﺭﺍﺭﻧﯩﯔ ﺭﻭﻫﯩﻐﺎ ﺋﺎﺳﺎﺳﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﯞﻩ ﺋﯘﻳﻐﯘﺭ ﺋﯩﻠﻰ ﻳﻪﺭﻟﯩﻚ ﻫﯚﻛﯜﻣﻪﺕ ﺗﺎﺭﻣﺎﻗﻠﯩﺮﻯ 2006- ﻳﯩﻠﯩﻨﯩﯔ ﺋﺎﺧﯩﺮﯨﺪﯨﻦ ﺑﺎﺷﻼﭖ، ﻳﯧﺰﯨﻼﺭﺩﯨﻜﻰ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯚﺗﻜﻪﭖ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺵ ﺑﺎﻫﺎﻧﯩﺴﻰ ﺑﯩﻠﻪﻥ، ﺋﯘﻳﻐﯘﺭﻟﯩﺮﯨﻨﯩﯔ ﺟﻪﻧﯘﺑﯩﺪﯨﻜﻰ ﻳﯧﺰﺍ ‏- ﻗﯩﺸﻼﻗﻼﺭﺩﯨﻦ ﻣﯩﯖﻼﭖ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯧﻠﯩﭗ ﻛﻪﺗﻜﻪﻥ ﺑﻮﻟﯘﭖ، ﺑﯘ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭﻧﻰ ﺋﯩﻨﺘﺎﻳﯩﻦ ﺑﯩﺌﺎﺭﺍﻡ ﻗﯩﻠﻐﺎﻥ ﺋﯩﺪﻯ.
ﻧﺎﻣﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻴﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﻳﯚﺗﻜﻪﺵ ﺳﯩﻴﺎﺳﯩﺘﯩﻨﯩﯔ ﻗﺎﻳﺘﺎ ﺗﯩﻠﻐﺎ ﺋﯧﻠﯩﻨﯩﺸﻰ ﺋﯘﻳﻐﯘﺭ ﺋﯧﻠﯩﺪﻩ ﻳﻪﻧﻪ ﺗﯜﺭﻛﯜﻣﻠﻪﭖ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺑﺎﺷﻘﺎ ﺟﺎﻳﻼﺭﻏﺎ ﻳﺎﻛﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﻳﯚﺗﻜﻪﺵ ﺋﯩﺸﻠﯩﺮﯨﻨﻰ ﺳﯩﻴﺎﺳﯩﻲ ﺩﻩﺳﺘﻪﻙ ﺑﯩﻠﻪﻥ ﺗﻪﻣﯩﻨﻠﻪﭖ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﻳﺎﻛﻰ ﺑﺎﺷﻘﺎ ﻳﺎﻗﺎ ﻳﯘﺭﺗﻼﺭﺩﺍ ﺳﻪﺭﺳﺎﻥ ﺑﻮﻟﯘﺷﯩﻐﺎ ﺳﻪﯞﻩﺏ ﺑﻮﻟﯩﺪﯨﻜﻪﻥ.

ﻳﺎﯞﻭﺭﭘﺎ ﭘﺎﺭﻻﻣﯧﻨﺘﻰ ﺧﯩﺘﺎﻳﺪﯨﻦ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﯩﻠﻐﺎﻥ ﺩﻩﭘﺴﻪﻧﺪﯨﭽﯩﻠﯩﻜﻨﻰ ﺩﻩﺭﻫﺎﻝ ﺋﺎﻳﺎﻏﻼﺷﺘﯘﺭﯗﺷﻨﻰ ﺗﻪﻟﻪﭖ ﻗﯩﻠﺪﻯ

2007.12.24
ﻳﺎﯞﻭﺭﭘﺎ ﭘﺎﺭﻻﻣﯧﻨﺘﻰ ﻗﺎﺭﺍﺭ ﻣﺎﻗﯘﻟﻼﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﮕﻪ ﺑﻮﻟﯘﭘﻤﯘ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﺗﯩﺒﻪﺗﻠﻪﺭﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﮕﻪ ﭘﻪﻗﻪﺕ ﻛﯚﯕﯜﻝ ﺑﯚﻟﻤﻪﻱ ﻛﻪﻟﮕﻪﻧﻠﯩﻜﯩﻨﻰ ﺋﻪﻳﯩﺒﻠﯩﺪﻯ ﯞﻩ ﻳﺎﯞﺭﻭﭘﺎ ﻛﻮﻣﯩﺘﯧﺘﯩﻨﻰ ﻣﻪﺯﻛﯘﺭ ﻣﻪﺳﯩﻠﯩﮕﻪ ﻗﺎﺭﯨﺘﺎ ﺗﯧﺨﯩﻤﯘ ﻗﺎﺗﺘﯩﻖ ﻫﻪﺭﯨﻜﻪﺕ ﻗﻮﻟﻠﯩﻨﯩﺸﻘﺎ ﻗﯩﺴﺘﯩﺪﻯ.
ﻗﺎﺭﺍﺭ ﺟﻪﻣﺌﯩﻲ 21 ﻣﺎﺩﺩﯨﻠﯩﻖ ﺑﻮﻟﯘﭖ، ﻗﺎﺭﺍﺭﺩﺍ ﻳﺎﯞﺭﻭﭘﺎ - ﺧﯩﺘﺎﻱ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻟﯩﺮﻯ ﺋﺎﺭﯨﺴﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮﻟﻪﺷﻤﻪ ﺑﺎﻳﺎﻧﺎﺗﻼﺭﻧﯩﯔ ﺭﻭﻫﯩﻐﺎ ﺋﺎﺳﺎﺳﻪﻥ، ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻫﻪﻣﻜﺎﺭﻟﯩﻖ ﺋﻮﺭﻧﯩﺘﯩﺶ ﺋﯜﭼﯜﻥ ﺑﻪﺭﮔﻪﻥ ﯞﻩﺩﯨﻠﻪﺭﻧﻰ ﺋﻪﻣﻪﻟﺪﻩ ﻛﯚﺭﺳﯩﺘﯩﺸﻨﻰ ﻛﯜﭼﻪﻳﺘﯩﺶ ﺋﯜﭼﯜﻥ ﻛﯚﺭﺳﯩﺘﯩﻠﮕﻪﻥ ﺗﯩﺮﯨﺸﭽﺎﻧﻠﯩﻘﻼﺭﻧﻰ ﻗﺎﺭﺷﻰ ﺋﺎﻟﯩﺪﯨﻐﺎﻧﻠﯩﻘﻰ، ﺋﻪﻣﻤﺎ ﻳﺎﯞﺭﻭﭘﺎ ﻛﻮﻣﯩﺘﯧﺘﯩﻨﯩﯔ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺋﯘﭼﺮﯨﺸﯩﺶ ﺩﺍﯞﺍﻣﯩﺪﺍ ﻛﯩﺸﯩﻠﯩﻚ ﻫﻮﻗﻮﻕ ﻣﻪﺳﯩﻠﯩﺴﯩﮕﻪ ﻗﺎﺭﯨﺘﺎ ﺳﯩﻴﺎﺳﻰ ﺟﻪﻫﻪﺗﺘﻪ ﺑﯧﺴﯩﻢ ﺋﯩﺸﻠﯩﺘﯩﺸﻜﻪ ﺩﯦﮕﻪﻧﺪﻩﻙ ﻛﯚﯕﯜﻝ ﺑﯚﻟﯘﭖ ﻛﯧﺘﻪﻟﻤﯩﮕﻪﻧﻠﯩﻜﯩﺪﯨﻦ ، ﺧﯩﺘﺎﻳﺪﺍ ﻧﺎﭼﺎﺭﻟﯩﺸﯩﭗ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ 2008- ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﯧﺨﯩﻤﯘ ﻛﯜﭼﻠﯜﻙ ﺭﻩﯞﯨﺸﺘﻪ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﯩﻐﺎﻧﻠﯩﻘﯩﻐﺎ ﺋﯚﻛﯜﻧﮕﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.
ﻗﺎﺭﺍﺭﺩﺍ ﻳﺎﯞﺭﻭﭘﺎ ﯞﻩ ﺧﯩﺘﺎﻱ ﺋﺎﺭﯨﺴﯩﺪﯨﻜﻰ ﺋﯩﻘﺘﯩﺴﺎﺩﻯ ﻫﻪﻣﻜﺎﺭﻟﯩﻘﻨﯩﯔ ﭼﻮﻗﯘﻡ ﺑﺎﺭﺍﯞﻩﺭﻟﯩﻚ ، ﺟﻪﻣﺌﯩﻴﻪﺗﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ، ﻣﯘﻫﯩﺖ، ﺋﯧﻨﯧﺮﮔﯩﻴﻪ ﻣﻪﺳﯩﻠﯩﺴﻰ ﯞﻩ ﻛﯩﻠﯩﻤﺎﺕ ﺋﯚﺯﮔﯩﺮﯨﺶ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﮕﻪﻥ ﺋﺎﺳﺎﺳﺘﺎ ﺋﯧﻠﯩﭗ ﺑﯧﺮﯨﻠﯩﺸﻰ ﻛﯧﺮﻩﻛﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.
ﻗﺎﺭﺍﺭﺩﺍ ﻳﻪﻧﻪ، ﺧﯩﺘﺎﻱ ﺗﻴﻪﻧﺌﻪﻧﻤﯧﻦ ﻧﺎﻣﺎﻳﯩﺸﯩﻨﻰ ﻗﺎﻧﻠﯩﻖ ﺑﺎﺳﺘﯘﺭﻏﺎﻧﺪﯨﻦ ﻛﯧﻴﯩﻦ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﺧﯩﺘﺎﻳﻐﺎ ﻗﺎﺭﯨﺘﺎ ﻳﯜﺭﮔﯜﺯﮔﻪﻥ ﻗﻮﺭﺍﻝ-ﻳﺎﺭﺍﻕ ﺋﯩﻤﺒﺎﺭﮔﻮﺳﯩﻨﻰ ﺩﺍﯞﺍﻣﻠﯩﻖ ﺋﯚﺯﮔﻪﺭﺗﻤﻪﻱ ﺳﺎﻗﻼﭖ ﻗﯧﻠﯩﺶ، ﻣﯘﺷﯘ ﺧﯩﻞ ﻫﺎﻟﻪﺗﻨﻰ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﺪﻩ ﻛﯚﺭﯛﻧﻪﺭﻟﯩﻚ ﻳﺎﺧﺸﯩﻠﯩﻨﯩﺶ ﺑﻮﻟﻤﯩﻐﯩﭽﻪ ﺩﺍﯞﺍﻣﻼﺷﺘﯘﺭﯗﺵ ﺑﯧﻜﯩﺘﯩﻠﮕﻪﻥ.
ﻣﻪﺯﻛﯘﺭ ﻗﺎﺭﺍﺭﺩﺍ ﺗﯩﻠﻐﺎ ﺋﯧﻠﯩﺸﻘﺎ ﺋﻪﺭﺯﯨﻴﺪﯨﻐﺎﻥ ﻳﻪﻧﻪ ﺑﯩﺮ ﻣﯘﻫﯩﻢ ﺗﻪﺭﻩﭖ، ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯨﻨﻰ ﺋﻪﺭﻛﯩﻨﻠﯩﻚ ﻣﻪﺳﯩﻠﯩﺴﻰ ﺑﻮﻟﯘﭖ، ﻗﺎﺭﺍﺭﺩﺍ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ ، ﺋﺎﺩﯞﻭﻛﺎﺗﻼﺭ، ﻳﺎﺯﻏﯘﭼﻰ ‏- ﻣﯘﺧﺒﯩﺮﻻﺭ ﯞﻩ ﺋﯘﻳﻐﯘﺭﻻﺭﻧﻰ ﺋﯩﭽﯩﮕﻪ ﺋﺎﻟﻐﺎﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﺘﯩﻠﻐﺎﻥ ﺳﯩﻴﺎﺳﯩﻲ ﺑﯧﺴﯩﻤﻼﺭﻏﺎ ﯞﻩ ﻧﯘﺭﻏﯘﻥ ﺋﺎﺩﻩﻣﻠﻪﺭﻧﯩﯔ ﻣﯘﺷﯘ ﻣﻪﺳﯩﻠﻪ ﺗﯜﭘﻪﻳﻠﻰ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻐﺎ ﻧﯩﺴﺒﻪﺗﻪﻥ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﻳﯧﻘﯩﻨﺪﯨﻦ ﻛﯚﯕﯜﻝ ﺑﻮﻟﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﯩﭗ: " ﺑﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯜﺭﻣﯩﮕﻪ ﺗﺎﺷﻼﻧﻐﺎﻥ ﺑﯘ ﺧﯩﻠﺪﯨﻜﻰ ﻛﯩﺸﯩﻠﻪﺭﻧﻰ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﺸﯩﻨﻰ ﯞﻩ ﺑﯘﻻﺭﻧﯩﯔ ﻛﯩﺸﻠﯩﻚ ﻫﻮﻗﯘﻗﯩﻐﺎ ﻗﺎﺭﯨﺘﯩﻠﻐﺎﻥ ﺩﻩﭘﺴﻪﻧﺪﯨﭽﯩﻠﯩﻜﯩﻨﻰ ﺩﻩﺭﻫﺎﻝ ﺋﺎﻳﺎﻏﻼﺷﺘﯘﺭﯗﺷﯩﻨﻰ ﺗﻪﻟﻪﭖ ﻗﯩﻠﯩﻤﯩﺰ "ﺩﯦﻴﯩﻠﮕﻪﻥ.
ﻳﻪﻧﻪ ، ﺧﯩﺘﺎﻳﻨﯩﯔ ﺑﯧﺮﻣﺎ ﯞﻩ ﺳﯘﺩﺍﻧﺪﯨﻜﻰ ﻣﯘﺳﺘﻪﺑﯩﺖ ﻫﯚﻛﯜﻣﻪﺗﻠﻪﺭﻧﻰ ﻗﻮﻟﻼﺵ ﻗﯩﻠﻤﯩﺸﻠﯩﺮﯨﻨﻰ ﺩﻩﺭﻫﺎﻝ ﺋﺎﻳﺎﻏﻼﺷﺘﯘﺭﯗﺵ ﺗﻪﻟﻪﭖ ﻗﯩﻠﯩﻨﻐﺎﻥ. ﻗﺎﺭﺍﺭ 21- ﺩﯦﻜﺎﺑﯩﺮ ﻣﺎﻗﯘﻟﻠﯩﻨﯩﭗ ﺭﻩﺳﯩﻤﯩﻲ ﺑﯧﻜﯩﺘﯩﻠﮕﻪﻥ.

ﺋﺎﺗﺎ ﺋﺎﻧﯩﻐﺎ ﻳﺎﺧﺸﯩﻠﯩﻖ ﻗﯩﻠﯩﺶ ﺋﯩﻨﺴﺎﻧﯩﻲ ﮔﯜﺯﻩﻝ ﺋﻪﺧﻼﻗﺘﯘﺭ

ﺋﯘﻳﻐﯘﺭﻻﺭ ﻫﻪﻗﯩﻘﻪﺗﻪﻥ ﯞﺍﭘﺎﺩﺍﺭ ﻣﯩﻠﻠﻪﺕ. ﺋﯘﻻﺭ ﻳﺎﺧﺸﯩﻠﯩﻘﻘﺎ ﻳﺎﺧﺸﯩﻠﯩﻖ ﻗﺎﻳﺘﯘﺭﯗﺷﻨﻰ ﺑﯩﻠﯩﺪﯗ. ﺋﯘﻳﻐﯘﺭﻻﺭﻧﯩﯔ ﯞﺍﭘﺎﺩﺍﺭﻟﯩﻖ ﺧﯩﺴﻠﯩﺘﻰ ﺋﯘﻻﺭﻧﯩﯔ ﺋﺎﺗﺎ - ﺋﺎﻧﯩﺴﯩﻐﺎ ﺑﻮﻟﻐﺎﻥ ﻛﯚﻳﯜﻣﭽﺎﻧﻠﯩﻘﻰ ﯞﻩ ﺗﻪﯕﺪﺍﺷﺴﯩﺰ ﺋﯩﺨﻼﺳﯩﺪﯨﻦ ﭼﯩﻘﯩﭗ ﺗﯘﺭﯨﺪﯗ.
ﺋﺎﺗﺎ - ﺋﺎﻧﯩﻨﯩﯔ ﺧﯩﺰﻣﯩﺘﯩﻨﻰ ﻗﯩﻠﯩﺶ ﺑﺎﻟﯩﻼﺭﻧﯩﯔ ﺑﯘﺭﭼﯩﺪﯗﺭ
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺋﺎﺗﺎ - ﺋﺎﻧﯩﻐﺎ ﻳﺎﺧﺸﯩﻠﯩﻖ ﻗﯩﻠﯩﺶ، ﺋﯘﻻﺭﻧﯩﯔ ﺧﯩﺰﻣﯩﺘﯩﻨﻰ ﻗﯩﻠﯩﺶ ﯞﻩ ﺋﯘﻻﺭﻧﻰ ﻫﯚﺭﻣﻪﺗﻠﻪﺵ ﭘﯜﺗﯜﻥ ﺋﯩﻨﺴﺎﻥ ﺋﯘﺭﯗﻗﯩﻨﯩﯔ ﺋﯘﻧﯩﯖﺪﯨﻦ ﺑﺎﺵ ﺗﺎﺭﺗﯩﭗ ﺑﻮﻻﻟﻤﺎﻳﺪﯨﻐﺎﻥ ﻣﻪﯕﮕﯜﻟﯜﻙ ﺑﯘﺭﭼﯩﺪﯗﺭ. ﭼﯜﻧﻜﻰ ﺋﺎﺗﺎ - ﺋﺎﻧﺎ ﺑﺎﻟﯩﻼﺭﻧﯩﯔ ﺩﯗﻧﻴﺎﻏﺎ ﻛﯧﻠﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ ﯞﻩ ﺋﯘﻻﺭﻧﻰ ﺑﯧﻘﯩﭗ ﭼﻮﯓ ﻗﯩﻠﻐﺎﻥ ﻛﯩﺸﯩﻠﯩﺮﯨﺪﯗﺭ. ﺩﯗﻧﻴﺎﺩﺍ ﺑﺎﻟﯩﻼﺭ ﺋﯜﭼﯜﻥ ﺋﺎﺗﺎ - ﺋﺎﻧﯩﻼﺭﺩﯨﻨﻤﯘ ﻣﯧﻬﺮﯨﺒﺎﻥ، ﭘﯩﺪﺍﻛﺎﺭ ﯞﻩ ﻛﯚﻳﯜﻣﭽﺎﻥ ﻛﯩﺸﯩﻠﻪﺭ ﻳﻮﻗﺘﯘﺭ. ﺷﯘﯕﺎ ﺑﺎﻟﯩﻼﺭ ﻗﺎﻧﭽﻪ ﻗﯩﻠﺴﯩﻤﯘ ﺋﯜﺳﺘﯩﺪﯨﻜﻰ ﺋﺎﻧﺎ - ﺋﺎﻧﺎ ﻫﻪﻗﻠﯩﺮﯨﻨﻰ ﻗﻪﺗﺌﯩﻲ ﺗﯚﻟﻪﭖ ﺑﻮﻻﻟﻤﺎﻳﺪﯗ. ﺋﺎﺗﺎ - ﺋﺎﻧﯩﺴﻰ ﻳﺎﺷﯩﻨﯩﭗ ﻗﺎﻟﻐﺎﻧﺪﺍ ﺋﯘﻻﺭﻧﻰ ﺑﺎﻗﻤﺎﻳﺪﯨﻐﺎﻧﻼﺭ ﭘﯜﺗﯜﻥ ﺋﯩﻨﺴﺎﻧﯩﻴﻪﺗﻨﯩﯔ ﻟﯘﻏﯩﺘﯩﺪﻩ ﺳﯚﻛﯜﻟﯩﺪﯨﻐﺎﻥ ﯞﻩ ﻗﺎﺭﻏﯩﺸﻼﺭﻏﺎ ﺋﯘﭼﺮﺍﻳﺪﯨﻐﺎﻥ ﺑﻪﺧﺘﺴﯩﺰﻟﻪﺭﺩﯗﺭ. ﺋﺎﺗﺎ - ﺋﺎﻧﯩﺴﯩﻨﻰ ﺑﺎﻗﻘﺎﻧﻼﺭﻧﻰ ﺑﺎﻟﯩﻠﯩﺮﯨﻤﯘ ﺑﺎﻗﯩﺪﯗ. ﭼﯜﻧﻜﻰ "ﺑﯘ ﺋﺎﻟﻪﻡ ﺋﯚﺗﻨﻪ ﺋﺎﻟﻪﻡ "ﺩﯗﺭ.
ﺋﺎﺗﺎ ﺋﺎﻧﯩﻐﺎ ﺋﯘﻻﺭ ﯞﺍﭘﺎﺕ ﺑﻮﻟﻐﺎﻧﺪﯨﻦ ﻛﯧﻴﯩﻨﻤﯘ ﻳﺎﺧﺸﯩﻠﯩﻖ ﻗﯩﻠﯩﺶ ﻛﯧﺮﻩﻙ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺋﺎﺗﺎ - ﺋﺎﻧﯩﻐﺎ ﺋﯘﻻﺭ ﯞﺍﭘﺎﺕ ﺑﻮﻟﯘﭖ ﻛﻪﺗﻜﻪﻧﺪﯨﻦ ﻛﯧﻴﯩﻨﻤﯘ ﻳﺎﺧﺸﯩﻠﯩﻖ ﻗﯩﻠﯩﺸﻨﯩﯔ ﭘﻪﺭﺯﻟﯩﻜﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯨﺪﻯ:" ﺋﻪﺑﯘ ﺳﻪﺋﯩﺪ ﺭﻩﺯﯨﻴﻪﻟﻼﻫﯘ ﺋﻪﻧﻬﯘﺩﯨﻦ ﺭﯨﯟﺍﻳﻪﺕ ﻗﯩﻠﯩﻨﯩﺪﯗﻛﻰ، ﺋﯘ ﻣﯘﻧﺪﺍﻕ ﺩﻩﻳﺪﯗ: 'ﺑﯩﺰ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﺋﻪﺗﺮﺍﭘﯩﺪﺍ ﺋﻮﻟﺘﯘﺭﺍﺗﺘﯘﻕ، ﺳﻪﻟﯩﻤﻪ ﻗﻪﺑﯩﻠﯩﺴﯩﺪﯨﻦ ﺑﯩﺮ ﺋﺎﺩﻩﻡ ﻛﯧﻠﯩﭗ 'ﻳﺎﺭﻩﺳﯘﻟﻪﻟﻼﻫ! ﺋﺎﺗﺎ ﺋﺎﻧﺎﻣﻐﺎ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻳﺎﺧﺸﯩﻠﯩﻘﻼﺭﺩﯨﻦ ﺋﯘﻻﺭ ﯞﺍﭘﺎﺕ ﺑﻮﻟﯘﭖ ﻛﻪﺗﻜﻪﻧﺪﯨﻦ ﻛﯧﻴﯩﻨﻤﯘ ﺑﺎﺭﻣﯘ؟' ﺩﻩﭖ ﺳﻮﺭﯨﺪﻯ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ، 'ﺋﻪﻟﯟﻩﺗﺘﻪ ﺑﺎﺭ، ﺋﯘﻻﺭﻧﯩﯔ ﻫﻪﻗﻘﯩﺪﻩ ﺩﯗﺋﺎ ﻗﯩﻠﯩﺶ، ﺋﯘﻻﺭﻧﯩﯔ ﮔﯘﻧﺎﻫﻠﯩﺮﯨﻨﯩﯔ ﻣﻪﻏﭙﯩﺮﻩﺕ ﻗﯩﻠﯩﻨﯩﺸﯩﻨﻰ ﺗﯩﻠﻪﺵ، ﺋﯘﻻﺭﻧﯩﯔ ﺋﻪﻫﺪﯨﻠﯩﺮﯨﻨﻰ ﻳﯜﺭﮔﯜﺯﯛﺵ، ﺋﯘﻻﺭ ﺋﺎﺭﻗﯩﻠﯩﻖ ﻗﯩﻠﯩﻨﯩﭗ ﻛﻪﻟﮕﻪﻥ ﺭﻩﻫﯩﻤﻠﻪﺭﻧﻰ ﺩﺍﯞﺍﻡ ﻗﯩﻠﺪﯗﺭﯗﺵ، ﺋﯘﻻﺭﻧﯩﯔ ﺑﯩﻠﻠﻪ ﺋﯚﺗﻜﻪﻥ ﺩﻭﺳﺖ ﺑﯘﺭﺍﺩﻩﺭﻟﯩﺮﯨﻨﻰ ﻫﯚﺭﻣﻪﺕ ﻗﯩﻠﯩﺶ' ﺩﻩﭖ ﺟﺎﯞﺍﺏ ﺑﻪﺭﺩﻯ. ﺑﯘ ﻫﻪﺩﯨﺴﺘﯩﻦ ﺷﯘﻧﻰ ﻛﯚﺭﯛﺷﻜﻪ ﺑﻮﻟﯩﺪﯗﻛﻰ، ﺋﺎﺗﺎ ﺋﺎﻧﯩﻼﺭﻧﯩﯔ ﭘﻪﺭﺯﻩﻧﺘﻠﯩﺮﻯ ﺋﯜﭼﯜﻥ ﻗﯩﻠﻐﺎﻥ ﻣﯧﻬﻨﻪﺗﻠﯩﺮﯨﻨﻰ ﺋﯘﻻﺭﻏﺎ ﻗﺎﻧﭽﯩﻠﯩﻚ ﻳﺎﺧﺸﯩﻠﯩﻖ ﻗﯩﻠﯩﭙﻤﯘ ﺋﺎﺩﺍ ﻗﯩﻠﯩﭗ ﺑﻮﻟﻐﯩﻠﻰ ﺑﻮﻟﻤﺎﻳﺪﯗ. ﺋﯘﻻﺭ ﺋﯚﻟﯜﭖ ﻛﻪﺗﻜﻪﻧﺪﯨﻦ ﻛﯧﻴﯩﻨﻤﯘ ﺑﺎﻟﯩﻼﺭﻧﯩﯔ ﮔﻪﺩﻩﻧﻠﯩﺮﯨﺪﻩ ﺋﯘﻻﺭﻏﺎ ﺩﯗﺋﺎ ﻗﯩﻠﯩﺶ، ﮔﯘﻧﺎﻫﻠﯩﺮﯨﻨﯩﯔ ﻣﻪﻏﭙﯩﺮﻩﺗﻠﯩﻜﯩﻨﻰ ﺗﯩﻠﻪﺵ، ﺋﯘﻻﺭﻧﯩﯔ ﯞﻩﺳﯩﻴﻪﺗﻠﯩﺮﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ، ﺋﯘﻻﺭﻧﯩﯔ ﺩﻭﺳﺘﻠﯩﺮﯨﻐﺎ ﺩﻭﺳﺖ ﺑﻮﻟﯘﭖ ﺋﯘﻻﺭﻏﺎ ﻫﯚﺭﻣﻪﺕ ﻗﯩﻠﯩﺶ، ﺋﯘﻻﺭﻧﯩﯔ ﺋﯩﺮﺍﺩﯨﺴﯩﮕﻪ ﯞﺍﺭﯨﺴﻠﯩﻖ ﻗﯩﻠﯩﺶ ﻗﺎﺗﺎﺭﻟﯩﻖ ﻫﻪﻗﻠﻪﺭﻧﯩﯔ ﻗﺎﻟﯩﺪﯨﻐﺎﻧﻠﯩﻘﻰ ﯞﻩ ﺑﯘ ﻫﻪﻗﻠﻪﺭﻧﻰ ﺋﺎﺩﺍ ﻗﯩﻠﯩﺸﻨﯩﯔ ﺯﯙﺭﯛﺭ ﺋﯩﻜﻪﻧﻠﯩﻜﻰ ﺋﯧﻨﯩﻖ ﺑﯩﺮ ﻫﻪﻗﯩﻘﻪﺗﺘﯘﺭ."
ﺋﺎﺗﺎ - ﺋﺎﻧﺎ ﻣﯘﺳﯘﻟﻤﺎﻥ ﺑﻮﻟﻤﯩﺴﯩﻤﯘ ﺋﯘﻻﺭﻧﯩﯔ ﺧﯩﺰﻣﯩﺘﯩﻨﻰ ﻗﯩﻠﯩﺶ ﻛﯧﺮﻩﻙ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻗﯘﺭﺋﺎﻥ ﻛﻪﺭﯨﻢ ﺋﺎﺗﺎ ﺋﺎﻧﯩﻼﺭﻧﯩﯔ ﻗﻪﺩﺭﯨﻨﻰ ﺷﯘﻧﭽﯩﻠﯩﻚ ﻛﯚﺗﯩﺮﯨﭗ، ﺋﯘﻻﺭﻧﯩﯔ ﻫﻪﻗﻠﯩﺮﯨﻨﻰ ﺷﯘﻧﭽﯩﻠﯩﻚ ﻗﻪﺩﯨﺮﻟﻪﻳﺪﯗﻛﻰ، ﻫﻪﺗﺘﺎ ﺋﯘﻻﺭ ﻛﺎﭘﯩﺮ، ﻣﯘﺷﺮﯨﻚ ﺑﻮﻟﻐﺎﻥ ﺗﻪﻗﺪﯨﺮﺩﯨﻤﯘ، ﺑﺎﻟﯩﻼﺭﻧﯩﯔ ﺋﯘﻻﺭﻏﺎ ﻳﺎﺧﺸﯩﻠﯩﻖ ﻗﯩﻠﯩﺸﯩﻨﻰ ﺗﻪﯞﺳﯩﻴﻪ ﻗﯩﻠﯩﺪﯗ.
ﺋﺎﻟﻼﻫ ﺗﺎﺋﺎﻻ ﻗﯘﺭﺋﺎﻥ ﻛﻪﺭﯨﻤﺪﻩ ﻣﯘﻧﺪﺍﻕ ﺩﻩﻳﺪﯗ: " ﺋﻪﮔﻪﺭ ﺋﺎﺗﺎ ﺋﺎﻧﺎﯓ ﺳﯧﻨﻰ ﺳﻪﻥ ﺑﯩﻠﻤﻪﻳﺪﯨﻐﺎﻥ ﻧﻪﺭﺳﯩﻨﻰ ﻣﺎﯕﺎ ﺷﯧﺮﯨﻚ ﻛﻪﻟﺘﯜﺭﯛﺷﻜﻪ ﺯﻭﺭﻟﯩﺴﺎ ﺋﯘﻻﺭﻏﺎ ﺋﯩﺘﺎﺋﻪﺕ ﻗﯩﻠﻤﯩﻐﯩﻦ، ﺋﯘﻻﺭﻏﺎ ﺩﯗﻧﻴﺎﺩﺍ ﻳﺎﺧﺸﯩﻠﯩﻖ ﻗﯩﻠﻐﯩﻦ."
ﺷﯘﻧﯩﯔ ﺋﯜﭼﯜﻥ ﺑﯩﺮﺍﯞﻧﯩﯔ ﺋﺎﺗﺎ ﺋﺎﻧﯩﺴﻰ ﺋﻪﮔﻪﺭ ﻛﺎﭘﯩﺮ ﺑﻮﻟﻐﺎﻥ ﺗﻪﻗﺪﯨﺮﺩﯨﻤﯘ، ﺋﺎﻟﻼﻫﻘﺎ ﺋﺎﺳﯩﻴﻠﯩﻖ ﺑﻮﻟﻤﺎﻳﺪﯨﻐﺎﻥ ﺑﺎﺭﻟﯩﻖ ﺋﯩﺸﻼﺭﺩﺍ ﺋﯘﻻﺭﻏﺎ ﺋﯩﺘﺎﺋﻪﺕ ﻗﯩﻠﯩﺸﻰ، ﺧﯩﺰﻣﻪﺗﻠﯩﺮﯨﻨﻰ ﻗﯩﻠﯩﺸﻰ ﯞﻩ ﺋﯘﻻﺭﻧﻰ ﻫﯚﺭﻣﻪﺗﻠﯩﺸﻰ ﺋﯩﺴﻼﻡ ﺷﻪﺭﯨﺌﯩﺘﯩﺪﻩ ﺑﯘﻳﺮﯗﻟﻐﺎﻥ ﻗﻪﺭﺯﺩﯗﺭ.
ﺋﺎﻧﯩﻨﯩﯔ ﻫﻪﻗﻘﻰ ﺋﺎﺗﯩﻨﯩﯔ ﻫﻪﻗﻘﯩﺪﯨﻦ ﭼﻮﯕﺪﯗﺭ
ﺋﺎﻧﯩﻼﺭﻧﯩﯔ ﺑﺎﻟﯩﻼﺭ ﺋﯜﺳﺘﯩﺪﯨﻜﻰ ﻫﻪﻗﻠﯩﺮﻯ ﺋﺎﺗﯩﻨﯩﯔ ﻫﻪﻗﻠﯩﺮﯨﺪﯨﻦ ﻛﯚﭘﺘﯘﺭ. ﺷﯘﻧﯩﯔ ﺋﯜﭼﯜﻥ ﺋﺎﻧﯩﻼﺭﻧﯩﯔ ﻫﻪﻗﻠﯩﺮﻯ ﺋﯘﻻﺭﻧﻰ ﺋﺎﺩﺍ ﻗﯩﻠﯩﺶ ﺟﻪﻫﻪﺗﺘﻪ، ﺋﺎﺗﯩﻼﺭﻧﯩﯔ ﻫﻪﻗﻠﯩﺮﯨﺪﯨﻦ ﺋﻪﯞﺯﻩﻝ ﯞﻩ ﺋﺎﯞﯞﺍﻟﻘﻰ ﺋﻮﺭﯗﻧﺪﺍ ﺗﯘﺭﯗﺷﻘﺎ ﺗﯧﮕﯩﺸﻠﯩﻚ. ﭼﯜﻧﻜﻰ ﺋﺎﻧﯩﻨﯩﯔ ﺑﺎﻟﯩﺴﯩﻨﻰ ﻗﯘﺭﺳﯩﻘﯩﺪﺍ ﻛﯚﺗﯩﺮﯨﭗ، ﺗﯘﻏﯘﭖ، ﺋﯧﻤﯩﺘﯩﭗ، ﭼﻮﯓ ﻗﯩﻠﯩﭗ ﻗﺎﺗﺎﺭﻏﺎ ﻗﻮﺷﯘﺵ ﺟﻪﺭﻳﺎﻧﯩﺪﺍ ﭼﻪﻛﻜﻪﻥ ﺟﺎﭘﺎ ﻣﯘﺷﻪﻗﻘﻪﺗﻠﯩﺮﻯ، ﺋﺎﺗﯩﻨﯩﯔ ﺋﺎﺋﯩﻠﯩﻨﯩﯔ ﻛﻪﻣﻠﯩﺮﯨﻨﻰ ﺑﺎﺭ ﻗﯩﻠﯩﭗ، ﺋﯘﻧﯩﯔ ﺋﯧﻬﺘﯩﻴﺎﺟﻠﯩﺮﯨﺪﯨﻦ ﭼﯩﻘﯩﺶ ﻳﻮﻟﯩﺪﺍ ﭼﻪﻛﻜﻪﻥ ﻣﯧﻬﻨﻪﺗﻠﯩﺮﯨﺪﯨﻦ ﺋﻪﻟﯟﻩﺗﺘﻪ ﺋﯧﻐﯩﺮ ﯞﻩ ﻛﯚﭘﺘﯘﺭ. ﺷﯘﻧﯩﯔ ﺋﯜﭼﯜﻥ ﺋﯩﺴﻼﻡ ﺩﯨﻨﻰ ﺋﺎﻧﯩﻼﺭﻧﯩﯔ ﺑﺎﻻ ﺗﯘﻏﯘﭖ ﭼﻮﯓ ﻗﯩﻠﯩﺶ ﻳﻮﻟﯩﺪﯨﻜﻰ ﻣﯧﻬﻨﻪﺗﻠﯩﺮﯨﻨﻰ ﺋﺎﻻﻫﯩﺪﻩ ﻗﻪﺩﯨﺮﻟﻪﭖ، ﺋﯘﻻﺭﻧﯩﯔ ﻫﻪﻗﻠﯩﺮﯨﻨﻰ ﺋﺎﺗﯩﻼﺭﻧﯩﯔ ﻫﻪﻗﻠﯩﺮﯨﺪﯨﻦ ﺋﺎﯞﯞﺍﻟﻘﻰ ﺋﻮﺭﯗﻧﺪﺍ ﻗﻮﻳﺪﻯ ﯞﻩ ﭘﻪﺭﺯﻩﻧﺘﻠﻪﺭﻧﯩﯔ ﺑﯘ ﻫﻪﻗﻠﻪﺭﻧﻰ ﺋﯚﺯ ﻳﻮﻟﯩﺪﺍ، ﺗﻮﻟﯘﻕ ﺋﻮﺭﯗﻧﺪﯨﺸﯩﻨﻰ ﺗﻪﯞﺳﯩﻴﻪ ﻗﯩﻠﺪﻯ.
ﺑﯘ ﺗﻮﻏﺮﯨﺪﺍ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻣﯘﻧﯘ ﻫﻪﺩﯨﺴﻰ ﺭﯨﯟﺍﻳﻪﺕ ﻗﯩﻠﯩﻨﻐﺎﻥ. ﺋﻪﺑﯘ ﻫﯜﺭﻩﻳﺮﻩ ﺭﻩﺯﯨﻴﻪﻟﻼﻫﯘ ﺋﻪﻧﻬﯘ ﻣﯘﻧﺪﺍﻕ ﺩﻩﻳﺪﯗ: "ﺑﯩﺮ ﺋﺎﺩﻩﻡ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻣﻨﯩﯔ ﻳﯧﻨﯩﻐﺎ ﻛﯧﻠﯩﭗ، "ﻳﺎ ﺭﻩﺳﯘﻟﯩﻠﻼﻫ! ﻳﺎﺧﺸﯩﻠﯩﻖ ﻗﯩﻠﯩﺸﯩﻢ ﺋﯜﭼﯜﻥ ﺋﻪﯓ ﻫﻪﻗﻠﯩﻖ ﺑﻮﻟﻐﺎﻥ ﻛﯩﺸﯩﻢ ﻛﯩﻢ؟" ﺩﻩﭖ ﺳﻮﺭﯨﻐﺎﻧﺪﺍ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺋﯘﻧﯩﯖﻐﺎ، "ﺋﺎﻧﺎﯓ" (ﻳﻪﻧﻰ ﻳﺎﺧﺸﯩﻠﯩﻖ ﻗﯩﻠﯩﺸﯩﯖﻐﺎ ﺋﻪﯓ ﻫﻪﻗﻠﯩﻖ ﻛﯩﺸﯩﻨﯩﯔ ﺋﺎﻧﺎﯓ) ﺩﻩﭖ ﺟﺎﯞﺍﺏ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺑﯘ ﺋﺎﺩﻩﻡ، "ﺋﯘﻧﯩﯖﺪﯨﻦ ﻗﺎﻟﺴﯩﭽﯘ؟" ﺩﻩﭖ ﺳﻮﺭﺍﻳﺪﯗ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ، "ﺋﺎﻧﺎﯓ" ﺩﻩﭖ ﺟﺎﯞﺍﺏ ﺑﯧﺮﯨﺪﯗ، ﺑﯘ ﺋﺎﺩﻩﻡ ﻳﻪﻧﻪ، "ﺋﯘﻧﯩﯖﺪﯨﻦ ﻗﺎﻟﺴﯩﭽﯘ؟" ﺩﻩﭖ ﺳﻮﺭﺍﻳﺪﯗ، ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ "ﺋﺎﻧﺎﯓ" ﺩﻩﭖ ﺟﺎﯞﺍﺏ ﺑﯧﺮﯨﺪﯗ، ﺑﯘ ﺋﺎﺩﻩﻡ ﻳﻪﻧﻪ، "ﺋﯘﻧﯩﯖﺪﯨﻦ ﻗﺎﻟﺴﺎ ﻛﯩﻢ؟" ﺳﻮﺭﺍﻳﺪﯗ، ﺑﯘ ﭼﺎﻏﺪﺍ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ "ﺋﺎﺗﺎﯓ" ﺩﻩﭖ ﺟﺎﯞﺍﺏ ﺑﯧﺮﯨﺪﯗ."

ﺋﯚﺯﺑﯧﻜﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﺍ ﺋﯩﺴﻼﻡ ﻛﻪﺭﯨﻤﻮﻑ ﺋﯘﺗﯘﭖ ﭼﯩﻘﺘﻰ

2007.12.24
ﺋﯚﺯﺑﯧﻜﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﻨﯩﯔ ﻧﻪﺗﯩﺠﯩﺴﻰ ﻳﻪﻛﺸﻪﻧﺒﻪ ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﻧﻪﺗﯩﺠﯩﺪﻩ ﺋﯩﺴﻼﻡ ﻛﻪﺭﯨﻤﻮﻑ ﺋﯘﺗﯘﭖ ﭼﯩﻘﯩﭗ، ﺋﯚﺯﺑﯧﻜﯩﺴﺘﺎﻧﻐﺎ 3- ﻧﯚﯞﻩﺕ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺳﺎﻳﻼﻧﺪﻯ.
ﺏ ﺏ ﺱ ﺋﺎﺧﺒﺎﺭﺍﺕ ﻗﺎﻧﯩﻠﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺋﯩﺴﻼﻡ ﻛﻪﺭﯨﻤﻮﻑ 88.1 ﭘﯩﺮﺳﻪﻧﺖ ﺋﺎﯞﺍﺯ ﺑﯩﻠﻪﻥ ﺋﯘﺗﯘﭖ ﭼﯩﻘﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻏﻪﺭﺏ ﺋﻪﻟﻠﯩﺮﯨﺪﯨﻦ ﻛﻪﻟﮕﻪﻥ ﺳﺎﻳﻼﻣﻨﻰ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺳﺎﻳﻼﻡ ﺩﯦﻤﻮﻛﺮﺍﺗﯩﻚ ﻳﻮﺳﯘﻧﺪﺍ ﺋﯧﻠﯩﭗ ﺑﯧﺮﯨﻠﻤﯩﻐﺎﻥ.
ﺑﯘ ﻧﯚﯞﻩﺗﻠﯩﻚ ﺳﺎﻳﻼﻣﺪﺍ ﺋﯩﺴﻼﻡ ﻛﻪﺭﯨﻤﻮﻑ ﺑﯩﻠﻪﻥ ﺭﯨﻘﺎﺑﻪﺗﻜﻪ ﭼﯜﺷﻜﻪﻥ ﺑﺎﺷﻘﺎ ﺋﯜﭺ ﻧﻪﭘﻪﺭ ﻛﺎﻧﺪﯨﺪﺍﺗﻼﺭ ﺋﺎﻧﭽﻪ ﺗﻮﻧﯘﻟﻤﯩﻐﺎﻥ ﺷﻪﺧﺴﻠﻪﺭ ﺑﻮﻟﯘﭖ، ﺋﯘﻻﺭ ﻛﻪﯓ ﺩﺍﺋﯩﺮﯨﻠﯩﻚ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﭗ ﺋﯚﺯﺑﯧﻚ ﺧﻪﻟﻘﯩﻨﻰ ﺋﯚﺯﻟﯩﺮﯨﮕﻪ ﺑﯩﻠﻪﺕ ﺗﺎﺷﻼﺷﻘﺎ ﺋﯜﻧﺪﻩﺷﻨﯩﯔ ﺋﻮﺭﻧﯩﻐﺎ، ﺋﻪﻛﺴﯩﭽﻪ ﺋﯩﺴﻼﻡ ﻛﻪﺭﯨﻤﻮﻓﻨﻰ ﻣﺎﺧﺘﯩﻐﺎﻥ ﺑﻮﻟﻐﺎﭼﻘﺎ، ﺋﯩﺴﻼﻡ ﻛﻪﺭﯨﻤﻮﻓﻨﯩﯔ ﺑﯘ ﻗﯧﺘﯩﻤﻠﯩﻖ ﺳﺎﻳﻼﻣﺪﺍ ﻣﯘﻗﻪﺭﺭﻩﺭ ﻫﺎﻟﺪﺍ ﺋﯘﺗﯘﭖ ﭼﯩﻘﯩﺸﻰ ﺋﺎﻟﺪﯨﻦ ﻣﯚﻟﭽﻪﺭﻟﻪﻧﮕﻪﻥ ﺋﯩﺪﻯ .
ﺳﺎﻳﻼﻣﻨﻰ ﻛﯚﺯﯨﺘﯩﺸﻜﻪ ﻗﺎﺗﻨﺎﺷﻘﺎﻥ ﻳﺎﯞﺭﻭﭘﺎ ﺑﯩﺨﻪﺗﻪﺭﻟﯩﻚ ﯞﻩ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ﻣﻪﺯﻛﯘﺭ ﺳﺎﻳﻼﻣﻨﯩﯔ " ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﻨﻐﺎﻥ ﺳﯩﻴﺎﺳﯩﻲ ﻣﯘﻫﯩﺖ " ﺗﺎ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﯞﻩ ﻫﻪﻗﯩﻘﯩﻲ ﻗﺎﺭﺷﻰ ﭘﯩﻜﯩﺮﺩﻩ ﺭﯨﻘﺎﺑﻪﺗﻠﯩﺸﯩﺸﻜﻪ ﻳﻮﻝ ﻗﻮﻳﯘﻟﻤﯩﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.
ﺏ ﺏ ﺱ ﺩﻩ ﺧﻪﯞﻩﺭ ﻗﯩﻠﯩﻨﯩﺸﯩﭽﻪ، ﻧﯘﺭﻏﯘﻥ ﻛﯩﺸﯩﻠﻪﺭ ﺋﯩﺴﻼﻡ ﻛﻪﺭﯨﻤﻮﻓﯩﺘﯩﻦ ﺋﯚﺯﮔﻪ ﺑﯩﺮﺳﯩﮕﻪ ﺑﯩﻠﻪﺕ ﺗﺎﺷﻼﺷﺘﯩﻦ ﻗﻮﺭﻗﯘﻧﭻ ﻫﯧﺲ ﻗﯩﻠﻐﺎﻧﻠﯩﻘﺘﯩﻦ، ﭘﻪﻗﻪﺕ ﺋﯩﺴﻼﻡ ﻛﻪﺭﯨﻤﻮﻓﻘﯩﻼ ﺑﯩﻠﻪﺕ ﺗﺎﺷﻼﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ.
ﺋﯚﺯﺑﯧﻜﯩﺴﺘﺎﻥ ﺋﺎﺳﺎﺳﯩﻲ ﻗﺎﻧﯘﻧﯩﻐﺎ ﺋﺎﺳﺎﺳﻼﻧﻐﺎﻧﺪﺍ ، ﯞﻩﺯﯨﭙﻪ ﺋﯚﺗﻪﻳﺪﯨﻐﺎﻥ ﯞﺍﻗﺘﻰ ﻳﻪﻧﻪ ﺋﯩﻜﻜﻰ ﻳﯩﻞ ﻗﺎﻟﻐﺎﻥ ﺋﯩﺴﻼﻡ ﻛﻪﺭﯨﻤﻮﻑ ﻗﺎﻧﯘﻧﻐﺎ ﻗﺎﺭﯨﻤﺎﻱ ﻳﻪﻧﻪ ﺑﯩﺮ ﻧﯚﯞﻩﺕ ﺳﺎﻳﻼﻣﻐﺎ ﭼﯜﺷﻜﻪﻥ ﺑﻮﻟﺴﯩﻤﯘ، ﻫﺎﻟﺒﯘﻛﻰ ﺷﯘﻧﺪﺍﻕ ﺗﯘﺭﯗﭖ ﻳﻪﻧﻪ ﻧﯧﻤﻪ ﺋﯜﭼﯜﻥ ﺳﺎﻳﻼﻣﻐﺎ ﭼﯜﺷﻜﻪﻧﻠﯩﻜﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﭼﯜﺷﻪﻧﺪﯛﺭﯛﺵ ﺑﻪﺭﻣﯩﮕﻪﻥ.
ﺋﯩﺴﻼﻡ ﻛﻪﺭﯨﻤﻮﻑ 1991- ﻳﯩﻠﻰ ﻣﯘﺳﺘﻪﻗﯩﻠﻠﯩﻖ ﺋﯩﻼﻥ ﻗﯩﻠﯩﻨﻐﺎﻧﺪﯨﻦ ﺑﯘﻳﺎﻥ ﺋﯚﺯﺑﯧﻜﯩﺴﺘﺎﻧﻨﻰ ﺋﯩﺪﺍﺭﻩ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﺋﯘﻧﯩﯔ 3- ﻧﯚﯞﻩﺕ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺳﺎﻳﻠﯩﻨﯩﺸﻰ.

ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻧﻪﺯﯨﺮﯨﺪﯨﻜﻰ ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ

- ﺩﯦﻜﺎﺑﯩﺮ ﻛﯜﻧﻰ ﺋﯚﺯﺑﯧﻜﯩﺴﺘﺎﻧﺪﺍ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺑﻮﻟﯘﭖ ﺋﯚﺗﺘﻰ ﻫﻪﻣﺪﻩ ﺋﯚﺯﺑﯧﻜﯩﺴﺘﺎﻥ ﭘﺮﯦﺰﯨﺪﯦﻨﺘﻰ ﺋﯩﺴﻼﻡ ﻛﻪﺭﯨﻤﻮﻑ %88 ﺋﺎﯞﺍﺯ ﺑﯩﻠﻪﻥ ﻳﻪﻧﻪ ﻳﻪﺗﺘﻪ ﻳﯩﻠﻠﯩﻖ ﻣﯚﻫﻠﻪﺕ ﺑﯩﻠﻪﻥ ﭘﺮﯦﺰﯨﺪﯦﻨﺘﻠﯩﻘﻘﺎ ﺳﺎﻳﻼﻧﺪﻯ. ﺋﯩﺴﻼﻡ ﻛﻪﺭﯨﻤﻮﻓﻨﯩﯔ ﺋﯜﭼﯩﻨﭽﻰ ﻗﯧﺘﯩﻢ ﺳﺎﻳﻠﯩﻨﯩﺸﻰ ﺋﯚﺯﺑﯧﻚ ﯞﻩ ﻏﻪﺭﺏ ﻛﯚﺯﻩﺗﻜﯜﭼﯩﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﺟﻪﻟﭗ ﻗﯩﻠﺪﻯ ﺷﯘﻧﯩﯖﺪﻩﻙ ﺗﻪﻧﻘﯩﺪﻟﯩﺮﯨﮕﻪ ﺋﯘﭼﺮﯨﺪﻯ.
ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ، ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﭘﯘﺗﯩﻦ ﺋﯘﻧﯩﯖﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﺋﯘﻧﯩﯔ ﻗﺎﻳﺘﯩﺪﯨﻦ ﺳﺎﻳﻼﻧﻐﺎﻧﻠﯩﻘﯩﻨﻰ ﺗﻪﺑﺮﯨﻜﻠﯩﮕﻪﻥ ﺷﯘﻧﯩﯖﺪﻩﻙ ﺧﯩﺘﺎﻱ، ﻣﺎﻻﻳﺸﯩﻴﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﻛﯚﺯﻩﺗﻜﯜﭼﯩﻠﯩﺮﻯ ﺑﯘ ﺳﺎﻳﻼﻣﻨﯩﯔ ﺗﻪﺭﺗﯩﭙﻠﯩﻚ ﺑﻮﻟﻐﺎﻧﻠﯩﻘﯩﻨﻰ ﻣﻪﺩﻫﯩﻴﯩﻠﻪﺷﻜﻪﻥ.
ﺋﯚﺯﺑﯧﻜﯩﺴﺘﺎﻥ ﺋﯚﻛﺘﯩﭽﯩﻠﯩﺮﻯ ﺑﻮﻟﺴﺎ، ﻛﻪﺭﯨﻤﻮﻓﻨﯩﯔ ﺩﯦﻤﻮﻛﺮﺍﺗﯩﻚ ﺋﯩﺴﻼﻫﺎﺕ ﻗﯩﻠﯩﺸﯩﻐﺎ ﻫﻪﻣﺪﻩ ﺋﯘﻧﯩﯔ ﻛﻪﻟﮕﯜﺳﻰ ﻳﻪﺗﺘﻪ ﻳﯩﻞ ﺋﯩﭽﯩﺪﻩ ﺋﯚﺯﺑﯧﻜﯩﺴﺘﺎﻧﺪﺍ ﺯﻭﺭ ﻳﺎﺧﺸﯩﻠﯩﻨﯩﺸﻼﺭﻧﯩﯔ ﺑﻮﻟﯘﺷﯩﻐﺎ ﺋﯩﺸﻪﻧﻤﻪﻳﺪﯨﻜﻪﻥ.
ﻳﯘﻗﯩﺮﯨﺪﯨﻜﻰ ﺋﯘﻟﯩﻨﯩﺸﺘﯩﻦ، ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﺰ.

2007 ‏- ﻳﯩﻠﯩﺪﯨﻜﻰ ﺩﯗﻧﻴﺎﯞﯨﻲ ﺳﯩﻴﺎﺳﯩﻲ ﻫﻪﺭﯨﻜﻪﺗﻠﻪﺭﺩﻩ ﺋﺎﻳﺎﻟﻼﺭ

2007 ‏- ﻳﯩﻠﻰ ﺩﯗﻧﻴﺎ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﻩ ﻳﯜﺯ ﺑﻪﺭﮔﻪﻥ ﭼﻮﯓ ﯞﻩﻗﻪﻟﻪﺭﻧﻰ ﻛﯚﺯﺩﯨﻦ ﻛﻪﭼﯜﺭﮔﻪﻥ ﺑﯩﺮ ﻗﯩﺴﯩﻢ ﻣﯘﻻﻫﯩﺰﯨﭽﯩﻠﻪﺭ، 2007 ‏- ﻳﯩﻠﯩﻨﻰ " ﺋﺎﻳﺎﻟﻼﺭ ﻳﯩﻠﻰ" ﻳﺎﻛﻰ " ﺋﺎﻳﺎﻟﻼﺭﻧﯩﯔ ﮔﻪﯞﺩﻩ ﻛﯚﺭﺳﯩﺘﯩﺶ"(ﻣﻪﯞﺟﯘﺗﻠﯘﻗﯩﻨﻰ ﺋﯩﭙﺎﺩﯨﻠﻪﺵ) ﻳﯩﻠﻰ ﺩﻩﭖ ﻗﺎﺭﺍﺷﻤﺎﻗﺘﺎ. ﺑﯘﻧﺪﺍﻕ ﻗﺎﺭﯨﻠﯩﺸﺘﯩﻜﻰ ﺳﻪﯞﻩﺏ، 2007 ‏- ﻳﯩﻠﻰ ﻳﯜﺯ ﺑﻪﺭﮔﻪﻥ ﺯﻭﺭ ﯞﻩﻗﻪﻟﻪﺭﺩﻩ ﺋﺎﻳﺎﻟﻼﺭﻧﯩﯔ ﻳﯩﻠﻼﺭﺩﯨﻜﯩﮕﻪ ﻧﯩﺴﺒﻪﺗﻪﻥ ﺋﺎﻛﺘﯩﭗ ﺭﻭﻝ ﺋﻮﻳﻨﯩﻐﺎﻧﻠﯩﻘﯩﺪﯗﺭ.
2007 ‏- ﻳﯩﻠﯩﺪﯨﻜﻰ ﺋﻪﯓ ﺯﻭﺭ ﯞﻩﻗﻪ، ﺑﯧﺮﻣﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﯩﺪﯗﺭ. ﺭﺍﻫﯩﺒﻼﺭ ﻧﺎﻣﺎﻳﯩﺸﻰ ﺑﯩﻠﻪﻥ ﺑﺎﺷﻼﻧﻐﺎﻥ ﺑﯘ ﻫﻪﺭﯨﻜﻪﺗﻨﯩﯔ ﯞﻩﻛﯩﻠﻰ ﺑﻮﻟﯘﭖ، 18 ﻳﯩﻠﺪﯨﻦ ﺑﯧﺮﻯ ﺋﯚﺯ ﻗﻮﺭﻭﺳﯩﺪﺍ ﻧﻪﺯﻩﺭﺑﻪﻧﺪ ﺋﺎﺳﺘﯩﺪﺍ ﺗﯘﺗﯘﻟﯘﯞﺍﺗﻘﺎﻥ ﺋﺎﯕﺴﺎﯓ ﺳﯘ ﭼﻰ ﺧﺎﻧﯩﻢ ﻣﻪﻳﺪﺍﻧﻐﺎ ﭼﯩﻘﺘﻰ. ﺋﯘ ﺏ ﺩ ﺕ ﯞﻩﻛﯩﻠﻰ ﯞﻩ ﺑﯧﺮﻣﺎ ﻫﻪﺭﺑﯩﻲ ﻫﯚﻛﯜﻣﯩﺘﻰ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﭖ ﺑﯧﺮﻣﺎ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﯩﺘﯩﮕﻪ ﺩﯨﭙﻠﻮﻣﺎﺗﯩﻚ ﻳﻮﻝ ﺑﯩﻠﻪﻥ ﻳﯧﺘﻪﻛﭽﯩﻠﯩﻚ ﻗﯩﻠﺪﻯ. ﺑﯘ ﺟﻪﺭﻳﺎﻧﺪﺍ، ﺋﯚﺯﯨﻨﯩﯔ ﺧﻪﭖ-ﺧﻪﺗﻪﺭﮔﻪ ﭘﻪﺭﯞﺍ ﻗﯩﻠﻤﺎﺳﻠﯩﻖ ﺭﻭﻫﯩﻲ ﺑﯩﻠﻪﻥ ﺩﯗﻧﻴﺎ ﺟﺎﻣﺎﺋﯩﺘﯩﻨﯩﯔ ﻳﻪﻧﻪ ﺑﯩﺮ ﻗﯧﺘﯩﻢ ﻫﯚﺭﻣﯩﺘﯩﮕﻪ ﺋﯧﺮﯨﺸﺘﻰ.
2007 ‏- ﻳﯩﻠﯩﺪﺍ ﺩﯗﻧﻴﺎﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ ﺳﺎﻳﻼﻣﻼﺭﺩﯨﻦ ﺑﯩﺮﻯ ﺋﺎﺭﮔﯧﻨﺘﯩﻨﺎ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﯗﺭ. ﭼﯜﻧﻜﻰ ﺑﯘ ﺳﺎﻳﻼﻣﻨﯩﯔ ﺭﯨﻘﺎﺑﻪﺗﭽﯩﻠﯩﺮﯨﺪﯨﻦ ﺑﯩﺮﻯ ﯞﻩﺯﯨﭙﻪ ﺋﯚﺗﻪﯞﺍﺗﻘﺎﻥ ﭘﺮﯦﺰﯨﺪﯦﻨﺖ ﻧﻪﺳﺘﻪﺭ ﻛﺮﯨﭽﻪﺭﻧﯩﯔ ﺋﺎﻳﺎﻟﻰ ﻛﯩﺮﯨﺴﺘﯩﻨﺎ ﻓﻪﺭﻧﺎﻧﺪﯦﺰ ﺧﺎﻧﯩﻤﺪﯗﺭ. ﺑﯘ ﻳﯩﻞ ﺋﯚﻛﺘﻪﺑﯩﺮ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯘ ﺳﺎﻳﻼﻣﺪﺍ، ﻛﯩﺮﯨﺴﺘﯩﻨﺎ ﻓﻪﺭﻧﺎﻧﺪﯦﺰ ﺧﺎﻧﯩﻢ، %45.29 ﺋﺎﯞﺍﺯ ﺋﺎﯞﺍﺯﻏﺎ ﺋﯧﺮﯨﺸﯩﭗ، %22 ﺋﺎﯞﺍﺯﻏﺎ ﺋﯧﺮﯨﺸﻜﻪﻥ ﺭﻩﻗﯩﺒﯩﻨﻰ ﻣﯘﺗﻠﻪﻕ ﺋﯜﺳﺘﯜﻧﻠﯜﻙ ﺑﯩﻠﻪﻥ ﻳﯧﯖﯩﭗ، ﻳﻮﻟﺪﯨﺸﻰ ﻧﻪﺳﺘﻪﺭ ﻛﺮﯨﭽﻪﺭﻧﯩﯔ ﭘﺮﯦﺰﯨﺪﯦﻨﺘﻠﯩﻖ ﺗﻪﺧﺘﯩﮕﻪ ﯞﺍﺭﯨﺴﻠﯩﻖ ﻗﯩﻠﺪﻯ. ﻧﻮﻳﺎﺑﯩﺮﺩﺍ ﺩﯙﻟﻪﺕ ﻛﺎﺑﯩﻨﺘﯩﻨﻰ ﺗﻪﺷﻜﯩﻠﻠﯩﮕﻪﻥ ﻓﻪﺭﻧﺎﻧﺪﻩﺯ ﺧﺎﻧﯩﻢ 10 ‏- ﺩﯦﻜﺎﺑﯩﺮ ﻛﯜﻧﻰ ﭘﺮﯦﺰﯨﺪﯦﻨﺘﻠﯩﻖ ﯞﻩﺯﯨﭙﯩﻨﻰ ﺋﯚﺗﻜﯜﺯﯛﯞﯦﻠﯩﭗ، ﺋﺎﺭﮔﯧﻨﺘﯩﻨﺎ ﺗﺎﺭﯨﺨﯩﺪﯨﻜﻰ ﺋﯩﻜﻜﯩﻨﭽﻰ ﺋﺎﻳﺎﻝ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺗﺎﺭﯨﺦ ﻳﺎﺭﺍﺗﺘﻰ.
2007 ‏- ﻳﯩﻠﺪﯨﻜﻰ ﻣﺎﺟﯩﺮﺍﻟﯩﻖ ﯞﻩﻗﻪﻟﻪﺭﺩﯨﻦ ﺑﯩﺮﻯ، ﭘﺎﻛﯩﺴﺘﺎﻧﻨﯩﯔ ﭘﺮﯦﺰﯨﺪﯦﻨﺖ ﺳﺎﻳﻼﻡ ﺗﻪﻳﻴﺎﺭﻟﯩﻘﯩﺪﯗﺭ. ﺳﺎﻳﻼﻣﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﻣﯘﻫﺎﺟﯩﺮﻩﺗﺘﯩﻦ ﻗﺎﻳﺘﻘﺎﻥ ﺑﯩﻨﻪﺯﻩﺭ ﺑﯘﺗﺘﻮ ﺧﺎﻧﯩﻢ، ﺗﯘﻧﺠﻰ ﻛﯜﻧﯩﻼ، 100ﺩﯨﻦ ﺋﺎﺭﺗﯘﻕ ﻛﯩﺸﯩﻨﯩﯔ ﺋﯚﻟﯜﻣﯩﮕﻪ ﺳﻪﯞﻩﺏ ﺑﻮﻟﻐﺎﻥ ﺋﯚﺯﯨﻨﻰ ﭘﺎﺭﺗﻠﯩﺘﯩﯟﯦﺘﯩﺶ ﺧﺎﺭﺍﻛﺘﯧﺮﻟﯩﻚ ﺑﻮﻣﺒﺎ ﻫﯘﺟﯘﻣﯩﻐﺎ ﺩﯗﭺ ﻛﻪﻟﺪﻯ. ﺷﯘﻧﺪﺍﻕ ﺗﯘﺭﯗﻗﻠﯘﻕ ﺋﺎﺭﻗﯩﺪﯨﻦ ﺋﯚﺗﻜﯜﺯﯛﻟﮕﻪﻥ ﺩﯦﻤﻮﻛﺮﺍﺗﯩﻚ ﻧﺎﻣﺎﻳﯩﺸﺘﺎ ﺳﻪﭘﻨﯩﯔ ﺋﺎﻟﺪﯨﺪﺍ ﺋﻮﺭﯗﻥ ﺋﺎﻟﺪﻯ. ﺩﻩﺳﻠﻪﭖ ﻣﯘﺷﻪﺭﺭﻩﭖ ﺑﯩﻠﻪﻥ ﻣﯘﺭﻩﺳﺴﻪﻟﯩﺸﯩﺶ ﻳﻮﻟﯩﻨﻰ ﺗﺎﻟﻠﯩﻐﺎﻥ ﺑﯩﻨﻪﺯﻩﺭ ﺑﯘﺗﺘﻮ، ﻣﯘﺷﻪﺭﺭﻩﭖ، ﻫﻪﺭﺑﯩﻲ ﻫﺎﻟﻪﺕ ﺋﯧﻼﻥ ﻗﯩﻠﻐﺎﻧﺪﺍ ﺩﻩﺭﻫﺎﻝ ﻗﺎﺭﺷﻰ ﻣﻪﻳﺪﺍﻧﻐﺎ ﺋﯚﺗﺘﻰ ﯞﻩ ﻫﻪﺭﺑﯩﻲ ﻫﺎﻟﻪﺗﻜﻪ ﻗﺎﺭﺷﻰ ﻧﺎﻣﺎﻳﯩﺶ ﺋﯚﺗﻜﯜﺯﺩﻯ، ﺑﯘ ﺳﻪﯞﻩﺑﻠﯩﻚ ﺋﺎﺭﻗﺎ-ﺋﺎﺭﻗﯩﺪﯨﻦ ﻗﻮﺭﺍﺳﻰ ﺋﯩﭽﯩﺪﻩ ﻧﺎﺯﺍﺭﻩﺕ ﺋﺎﺳﺘﯩﻐﺎ ﺋﯧﻠﯩﻨﺪﻯ.
2007 ‏- ﻳﯩﻠﺪﯨﻜﻰ، ﻣﯘﻫﯩﻢ ﺳﺎﻳﻼﻣﻼﺭﺩﯨﻦ ﺑﯩﺮﻯ، ﺧﻮﯕﻜﻮﯕﻨﯩﯔ ﺩﯦﻤﻮﻛﺮﺍﺗﯩﻴﻪ ﺭﯦﻔﯩﺮﺍﻧﺪﺍﻣﻰ ﺩﻩﭖ ﻗﺎﺭﺍﻟﻐﺎﻥ، ﺧﻮﯕﻜﻮﯓ ﺋﺎﺭﯨﻠﯩﻨﯩﯔ ﭘﺎﺭﻻﻣﯧﻨﺖ ﯞﻩﻛﯩﻞ ﺳﺎﻳﻠﯩﻤﯩﺪﯗﺭ. ﺑﯘ ﺳﺎﻳﻼﻣﺪﺍ ﺧﻮﯕﻜﻮﯓ ﺩﯦﻤﻮﻛﺮﺍﺗﯩﻴﻪ ﺗﻪﺭﻩﭘﺪﺍﺭﻟﯩﺮﻯ ﺑﯩﻠﻪﻥ ﺑﯧﻴﺠﯩﯔ ﺗﻪﺭﻩﭘﺪﺍﺭﻟﯩﺮﻯ ﺋﺎﺭﯨﺴﯩﺪﺍ ﺑﯩﺮ ﻧﯚﯞﻩﺕ ﻛﯘﭺ ﺳﯩﻨﯩﺸﯩﺶ ﻳﯜﺯ ﺑﻪﺭﺩﻯ. ﺳﺎﻳﻼﻣﺪﯨﻜﻰ ﺋﯩﻜﻜﻰ ﺭﯨﻘﺎﺑﻪﺗﭽﻰ ﺋﺎﻳﺎﻝ ﺑﻮﻟﯘﭖ، ﺳﺎﻳﻼﻣﺪﺍ ﺋﯘﺗﯘﭖ ﭼﯩﻘﻘﺎﻥ ﺩﯦﻤﻮﻛﺮﺍﺗﯩﻴﻪ ﺗﻪﺭﻩﭘﺪﺍﺭﻯ، ﺋﺎﯓ ﺳﺎﯕﭽﻪﻥ ﺧﺎﻧﯩﻢ ﺑﻮﻟﺪﻯ. 2007 ‏- ﻳﯩﻠﻰ ﺩﯗﻧﻴﺎﻧﯩﯔ ﺩﯨﻘﻘﻪﺕ ﻣﻪﺭﻛﯩﺰﯨﮕﻪ ﺋﺎﻳﻼﻧﻐﺎﻥ ﻫﻪﺭﯨﻜﻪﺕ، 2008 ‏- ﻳﯩﻠﻰ ﺋﯚﺗﻜﯜﺯﯨﻠﯩﺪﯨﻐﺎﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﻨﯩﯔ ﻧﺎﻣﺰﺍﺗﻠﯩﻘﯩﻨﻰ ﺗﺎﻟﯩﺸﯩﺶ ﺭﯨﻘﺎﺑﯩﺘﯩﺪﯗﺭ. ﺑﯘ ﺭﯨﻘﺎﺑﻪﺗﺘﻪ، ﺩﯦﻤﻮﻛﺮﺍﺗﭽﯩﻼﺭﻧﯩﯔ ﺋﺎﻟﺪﯨﻨﻘﻰ ﺋﻮﺭﯗﻧﺪﺍ ﻛﯧﺘﯩﯟﺍﺗﻘﺎﻥ ﺋﯩﻜﻜﻰ ﻧﺎﻣﺰﺍﺗﯩﺪﯨﻦ ﺑﯩﺮﻯ ﻫﯩﻠﻼﺭﯨﻲ ﻛﻠﯩﻨﺘﻮﻥ ﺧﺎﻧﯩﻤﺪﯗﺭ.
ﺩﯗﻧﻴﺎﺩﺍ ﺑﯜﮔﯜﻥ ﻣﯘﺳﺘﻪﻗﯩﻠﻠﯩﻖ ﺋﺎﺭﺯﯗﺳﻰ ﺑﯩﻠﻪﻥ ﺗﻪﺷﻜﯩﻠﻠﯩﻚ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻣﯩﻠﻠﻪﺗﻠﻪﺭﻧﯩﯔ ﺳﺎﻧﻰ ﻳﯜﺯﺩﯨﻦ ﺋﺎﺭﺗﯘﻕ ﺑﻮﻟﯘﭖ ﺑﯘﻻﺭﺩﯨﻦ، ﺧﻪﻟﻘﺌﺎﺭﺍ ﻛﯜﻧﺘﻪﺭﺗﯩﭙﯩﻨﻰ ﺋﯩﮕﯩﻠﻪﭖ ﻛﯧﻠﯩﯟﺍﺗﻘﺎﻧﻼﺭ ﻳﯩﮕﯩﺮﻣﯩﮕﻪ ﻳﻪﺗﻤﻪﻳﺪﯗ، ﻣﺎﻧﺎ ﺑﯘﻻﺭﺩﯨﻦ ﺑﯩﺮﻯ ﺑﻮﻟﻐﺎﻥ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ، 2007 ‏- ﻳﯩﻠﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﻳﯧﺘﻪﻛﭽﯩﻠﯩﻜﯩﺪﻩ ﻳﻪﻧﻪ ﺑﯩﺮ ﺑﺎﻟﺪﺍﻕ ﻳﯘﻗﯩﺮﻯ ﺑﺎﺳﻘﯘﭼﻘﺎ ﻛﯚﺗﯜﺭﯛﻟﺪﻯ. ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺑﯘ ﻳﯩﻞ ﺋﯩﭽﯩﺪﻩ ﭼﯧﺦ ﺟﯘﻣﻬﯘﺭﯨﻴﯩﺘﯩﻨﯩﯔ ﭘﺎﻳﺘﻪﺧﺘﻰ ﭘﺮﺍﮔﺎﺩﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺷﻨﯩﯔ ﻗﻮﺑﯘﻝ ﻗﯩﻠﯩﺸﯩﻐﺎ ﺋﯧﺮﯨﺸﺘﻰ ﯞﻩ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺗﻪﺭﯨﭙﯩﺪﯨﻦ ﺗﺎﻻﻧﺖ ﺋﯩﮕﯩﺴﻰ ﺩﻩﭖ ﻣﻪﺩﻫﯩﻴﯩﻠﻪﻧﺪﻯ. ﺷﯘﻧﺪﺍﻗﻼ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﯞﺍﺷﯩﻨﮕﺘﻮﻥ، ﺩﺍﻻﻱ ﻻﻣﺎ ﻗﺎﺗﺎﺭﻟﯩﻖ ﺩﯗﻧﻴﺎﯞﻯ ﺷﻪﺧﺴﻠﻪﺭ ﻗﺎﺗﺎﺭﯨﺪﺍ ﺗﯩﻠﻐﺎ ﺋﯧﻠﯩﻨﯩﭗ ﻣﻪﺩﻫﯩﻴﯩﻠﻪﻧﺪﻯ. ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، 2007 ‏- ﻳﯩﻠﻨﻰ، ﺋﯚﺯﯨﻨﯩﯔ ﻣﯘﻫﺎﺟﯩﺮﻩﺗﺘﯩﻜﻰ ﺳﯩﻴﺎﺳﯩﻲ ﻫﺎﻳﺎﺗﯩﺪﺍ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﯩﺮ ﻳﯩﻞ ﺩﻩﭖ ﻗﺎﺭﺍﻳﺪﯗ.
ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ 2007 ‏- ﻳﯩﻠﻰ ﻳﻪﻧﻪ 3 ‏- ﻗﯧﺘﯩﻢ ﻧﻮﺑﯩﻞ ﻣﯘﻛﺎﭘﺎﺗﻰ ﻧﺎﻣﺰﺍﺗﻠﯩﻘﯩﻐﺎ ﻛﯚﺭﺳﯩﺘﯩﻠﺪﻯ.

ﺑﯩﺮﺍﯞﻧﯩﯔ ﺭﻩﻫﻤﻪﺕ ﺋﯧﻴﺘﯩﺸﯩﻨﻰ ﻛﯜﺗﻤﻪﺳﺘﯩﻦ ﻳﺎﺧﺸﯩﻠﯩﻖ ﻗﯩﻠﯩﺶ ﮔﯜﺯﻩﻝ ﺋﻪﺧﻼﻗﺘﯘﺭ

ﺑﺎﺷﻘﯩﻼﺭﻏﺎ ﻗﻮﻟﯩﺪﯨﻦ ﻛﻪﻟﮕﻪﻧﭽﻪ ﻳﺎﺧﺸﯩﻠﯩﻖ ﻗﯩﻠﯩﺶ ﯞﻩ ﻗﯩﻠﻐﺎﻥ ﻳﺎﺧﺸﯩﻠﯩﻘﯩﻨﯩﯔ ﻣﯘﻛﺎﭘﺎﺗﯩﻨﻰ ﻛﯜﺗﻤﻪﺳﻠﯩﻚ ﺋﯩﻨﺴﺎﻧﯩﻲ ﮔﯜﺯﻩﻝ ﺋﻪﺧﻼﻗﺘﯘﺭ. ﭘﯜﺗﯜﻥ ﻗﯩﻠﻐﺎﻥ ﻳﺎﺧﺸﯩﻠﯩﻘﻠﯩﺮﯨﻤﯩﺰ ﺋﯜﭼﯜﻥ ﻣﯘﻛﺎﭘﺎﺕ ﻳﺎﻛﻰ ﺭﻩﻫﻤﻪﺕ ﺳﯚﺯﻯ ﺗﻪﻟﻪﭖ ﻗﯩﻠﯩﺪﯨﻐﺎﻥ ﺑﻮﻟﺴﺎﻕ، ﺋﯩﻨﺴﺎﻧﯩﻴﻪﺗﻜﻪ ﺧﺎﻟﯩﺲ ﻳﺎﺧﺸﯩﻠﯩﻖ ﻗﯩﻠﯩﺶ ﺩﺍﺋﯩﺮﯨﺴﯩﻨﻰ ﺋﯩﻨﺘﺎﻳﯩﻦ ﺗﺎﺭﺍﻳﺘﯩﭗ ﻗﻮﻳﻐﺎﻥ ﺑﻮﻟﯩﻤﯩﺰ. ﺩﯦﺌﯧﻞ ﻛﺎﺭﻧﯧﻚ ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﻛﻪﯓ ﺗﺎﺭﻗﺎﻟﻐﺎﻥ ﺗﯘﺯﻛﻮﺭﻟﯘﻕ ﻣﻪﺳﯩﻠﯩﺴﻰ ﺗﻮﻏﺮﯨﻠﯩﻖ ﻣﯘﻧﺪﺍﻕ ﺑﯩﺮ ﻗﺎﻧﭽﻪ ﻣﯩﺴﺎﻟﻨﻰ ﻛﻪﻟﺘﯜﺭﯨﺪﯗ: "ﺳﯩﺰ ﺑﯩﺮﺍﯞﻧﯩﯔ ﻫﺎﻳﺎﺗﯩﻨﻰ ﻫﺎﻻﻛﻪﺗﺘﯩﻦ ﻗﯘﺗﯘﻟﺪﯗﺭﻏﺎﻥ ﺑﻮﻟﺴﯩﯖﯩﺰ ﺋﯘﻧﯩﯖﺪﯨﻦ ﺷﯘ ﻗﯩﻠﻐﯩﻨﯩﯖﯩﺰ ﺑﻪﺩﯨﻠﯩﮕﻪ ﺭﻩﻫﻤﻪﺕ ﺳﯚﺯﻯ ﻛﯜﺗﻪﻣﺴﯩﺰ؟ ﺑﻪﻟﻜﻰ ﺷﯘﻧﺪﺍﻕ ﻗﯩﻠﯩﺸﯩﯖﯩﺰ ﻣﯘﻣﻜﯩﻦ. ﻟﯧﻜﯩﻦ 'ﺳﻪﻣﯘﺋﯧﻞ ﻻﻳﺒﯧﺘﺰ' ﺋﺎﯞﯞﺍﻝ ﺋﺎﺩﯞﻭﻛﺎﺕ، ﻛﯧﻴﯩﻨﭽﻪ ﺳﻮﺗﭽﻰ ﺑﻮﻟﯘﭖ ﺋﯩﺸﻠﻪﺵ ﺟﻪﺭﻳﺎﻧﯩﺪﺍ 87 ﻛﯩﺸﯩﻨﻰ ﺗﻮﻙ ﺋﻮﺭﯗﻧﺪﯨﻘﯩﺪﺍ ﺋﻮﻟﺘﯘﺭﻏﯘﺯﯗﭖ ﺋﯩﺠﺮﺍ ﻗﯩﻠﯩﻨﯩﺪﯨﻐﺎﻥ ﺋﯚﻟﯜﻡ ﺟﺎﺯﺍﺳﯩﺪﯨﻦ ﻗﯘﺗﯘﻟﺪﯗﺭﯗﭖ ﻗﺎﻟﻐﺎﻥ ﺑﻮﻟﺴﯩﻤﯘ، ﺋﯘﻻﺭﺩﯨﻦ ﺑﯩﺮﻩﺭﺳﯩﻤﯘ ﺋﯘﻧﯩﯖﻐﺎ ﺭﻩﻫﻤﻪﺕ ﺋﯧﻴﺘﻤﯩﻐﺎﻥ."
"ﺷﯜﻛﯜﺭ ﭘﻪﻗﻪﺕ ﺋﯘﻧﻰ ﻳﺎﺧﺸﻰ ﭘﻪﺭﯞﯨﺶ ﻗﯩﻠﯩﺶ ﺑﯩﻠﻪﻧﻼ ﺋﯜﻧﯜﭖ ﭼﯩﻘﯩﺪﯨﻐﺎﻥ ﮔﯜﻟﮕﻪ ﺋﻮﺧﺸﺎﻳﺪﯗ"
ﺋﻪﻳﺴﺎ ﭘﺎﻟﻪﭺ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﺎﻥ 10ﺋﺎﺩﻩﻣﻨﻰ ﺑﯩﺮ ﻛﯜﻧﺪﯨﻼ ﺳﺎﻗﺎﻳﺘﻘﺎﻥ ﺑﻮﻟﺴﯩﻤﯘ، ﺋﯘﻻﺭﺩﯨﻦ ﻗﺎﻧﭽﻪ ﻛﯩﺸﯩﻨﻰ ﺋﻪﻳﺴﺎﻏﺎ ﺭﻩﻫﻤﻪﺕ ﺋﯧﻴﺘﺘﻰ ﺩﻩﻳﺴﯩﺰ؟ ﺋﺎﺭﺍﻧﻼ ﺑﯩﺮ ﺋﺎﺩﻩﻡ. ﺋﻪﻣﻤﺎ ﺑﺎﺷﻘﯩﻼﺭ ﺷﯘﻧﭽﻪ ﺋﻪﺭﺯﺍﻥ ﺭﻩﻫﻤﻪﺕ ﺳﯚﺯﯨﻨﯩﻤﯘ ﺋﯧﻴﺘﻤﺎﺳﺘﯩﻦ ﻗﺎﻳﺘﯩﭗ ﻛﯧﺘﯩﺸﻜﻪﻧﯩﺪﻯ.
ﭼﺎﺭﻟﯩﺰ ﺷﻪﯞﺍﺏ ﻣﺎﯕﺎ ﻣﯘﻧﺪﺍﻕ ﺑﯩﺮ ﻗﯩﺴﺴﯩﻨﻰ ﺳﯚﺯﻟﻪﭖ ﺑﻪﺭﮔﻪﻧﯩﺪﻯ. ﺋﯘ ﺑﯩﺮ ﻗﯧﺘﯩﻢ ﺋﯩﻘﺘﯩﺴﺎﺩﯨﻲ ﺑﯘﻫﺮﺍﻧﻐﺎ ﺋﯘﭼﺮﯨﻐﺎﻥ ﺑﯩﺮ ﺳﻪﺭﺭﺍﭘﻨﻰ ﺗﯜﺭﻣﻪ ﺟﺎﺯﺍﺳﯩﺪﯨﻦ ﻗﯘﺗﻘﯘﺯﯗﭖ ﻗﺎﻟﻐﺎﻥ ﺋﯩﺪﻯ.ﻟﯧﻜﯩﻦ ﺳﻪﺭﺭﺍﭖ ﺋﯘﻧﯩﯖﻐﺎ ﺭﻩﻫﻤﻪﺕ ﺋﯧﻴﺘﺘﯩﻤﯘ؟ ﻫﻪﺋﻪ، ﺑﯩﺮ ﻛﯜﻧﻰ ﺋﯘﻧﯩﯖﻐﺎ ﺭﻩﻫﻤﻪﺕ ﺳﯚﺯﯨﻨﻰ ﻧﺎﻫﺎﻳﯩﺘﻰ ﻗﯩﻴﯩﻦ ﺩﯦﻴﻪﻟﯩﺪﻯ، ﺋﺎﻧﺪﯨﻦ ﺋﯘﻧﻰ ﺋﺎﺭﻗﯩﺴﯩﺪﯨﻦ ﺗﯩﻠﻼﺷﻘﺎ ﺑﺎﺷﻠﯩﺪﻯ."
ﺩﯦﺌﯩﻞ ﻛﺎﺭﻧﯩﻚ ﮔﻮﻳﺎ ﺋﺎﻟﻼﻫﻨﯩﯔ "ﺋﯩﻨﺴﺎﻥ ﻫﻪﻗﯩﻘﻪﺗﻪﻥ ﭘﻪﺭﯞﻩﺭﺩﯨﮕﺎﺭﯨﻨﯩﯔ ﻧﯧﻤﻪﺗﻠﯩﺮﯨﻨﻰ ﺷﻪﻛﺴﯩﺰ ﺋﯩﻨﻜﺎﺭ ﻗﯩﻠﻐﯘﭼﯩﺪﯗﺭ" ﺩﯦﮕﻪﻥ ﺳﯚﺯﯨﻨﻰ ﺷﻪﺭﻫﯩﻠﯩﮕﻪﻧﺪﻩﻙ ﻣﯘﻧﺪﺍﻕ ﺩﻩﻳﺪﯗ: " ﺗﯘﺯﻛﻮﺭﻟﯘﻕ ﺷﯘﻧﺪﺍﻕ ﺑﯩﺮ ﺗﻪﺑﯩﺌﻪﺕ ﺑﻮﻟﯘﭖ، ﺋﯘ ﺯﯦﻤﯩﻨﮕﻪ ﺋﯜﻧﮕﻪﻥ ﺋﻮﺕ ﭼﯚﭘﻠﻪﺭﮔﻪ ﺋﻮﺧﺸﺎﺵ ﺑﯩﺮﺍﯞ ﺋﯘﻧﻰ ﺗﯧﺮﯨﻤﺎﺳﺘﯩﻦ ﺋﯚﺯﻟﯩﻜﯩﺪﯨﻦ ﺋﯜﻧﯜﭖ ﭼﯩﻘﯩﺪﯨﻐﺎﻥ ﻧﻪﺭﺳﻪ، ﺋﻪﻣﻤﺎ ﺷﯜﻛﯜﺭ ﭘﻪﻗﻪﺕ ﺋﯘﻧﻰ ﻳﺎﺧﺸﻰ ﭘﻪﺭﯞﯨﺶ ﻗﯩﻠﯩﺶ ﺑﯩﻠﻪﻧﻼ ﺋﯜﻧﯜﭖ ﭼﯩﻘﯩﺪﯨﻐﺎﻥ ﮔﯜﻟﮕﻪ ﺋﻮﺧﺸﺎﻳﺪﯗ. ﺋﯩﻨﺴﺎﻥ ﺗﻪﺑﯩﺌﯩﺘﻰ ﻳﻪﻧﯩﻼ ﺷﯘ ﺋﻪﺯﻩﻟﺪﯨﻨﻜﻰ ﺋﯩﻨﺴﺎﻥ ﺗﻪﺑﯩﺌﯩﺘﯩﺪﯗﺭ!"
ﺋﻪﻫﯟﺍﻝ ﺑﯘﻧﺪﺍﻕ ﺋﯩﻜﻪﻥ، ﺋﯘﻧﻰ ﺷﯘ ﺑﯘﻳﯩﭽﻪ ﻗﻮﺑﯘﻝ ﻗﯩﻠﯩﺸﯩﻤﯩﺰ ﻛﯧﺮﻩﻙ. ﻧﯧﻤﻪ ﺋﯜﭼﯜﻥ ﻳﺎﺧﺸﯩﻠﯩﻘﻘﺎ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﻨﯩﯔ ﻳﻮﻗﺎﻟﻐﺎﻧﻠﯩﻘﻰ ﯞﻩ ﺗﯘﺯﻛﻮﺭﻟﯘﻗﻨﯩﯔ ﺋﻮﻣﯘﻣﻼﺷﻘﺎﻧﻠﯩﻘﯩﻐﺎ ﻫﻪﺳﺮﻩﺗﻠﯩﻨﯩﻤﯩﺰ؟ ﻛﯩﺸﯩﻠﻪﺭﻧﯩﯔ ﻳﺎﺧﺸﯩﻠﯩﻘﻘﺎ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺵ ﺑﯘﺭﭼﯩﻨﻰ ﺋﯘﻧﯘﺗﯘﺷﻰ ﺗﻪﺑﯩﺌﯩﻲ ﺋﻪﻫﯟﺍﻝ ﺋﻪﻣﻪﺳﻤﯘ؟ ﺋﻪﮔﻪﺭ ﺑﯩﺰ ﻗﯩﻠﻐﺎﻥ ﻫﻪﺭ ﺑﯩﺮ ﻳﺎﺧﺸﯩﻠﯩﻘﯩﻤﯩﺰ ﺋﯜﭼﯜﻥ ﻛﯩﺸﯩﻠﻪﺭﻧﯩﯔ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﯩﻨﻰ ﻛﯜﺗﯩﺪﯨﻐﺎﻥ ﺑﻮﻟﺴﺎﻕ، ﺋﯚﺯﯨﻤﯩﺰﮔﻪ ﻧﯘﺭﻏﯘﻧﻠﯩﻐﺎﻥ ﻗﯩﻴﯩﻨﭽﯩﻠﯩﻘﻼﺭﻧﻰ ﻛﻪﻟﺘﯜﺭﮔﻪﻥ ﺑﻮﻟﯩﻤﯩﺰ."
ﻳﺎﺧﺸﯩﻠﯩﻖ ﻗﯩﻠﻐﺎﻧﻨﯩﯔ ﻣﯘﻛﺎﭘﺎﺗﯩﻨﻰ ﺑﯧﺮﯨﺶ ﺋﯩﻨﺴﺎﻧﯩﻲ ﺋﻪﺧﻼﻗﺘﯘﺭ
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﻳﺎﺧﺸﯩﻠﯩﻘﻨﯩﯔ ﻣﯘﻛﺎﭘﺎﺗﯩﻨﻰ ﺑﯧﺮﯨﺸﻨﯩﯔ ﺯﯙﺭﯛﺭﻟﯩﻜﻰ ﺗﻮﻏﺮﯗﻟﯘﻕ ﻣﯘﻧﺪﺍﻕ ﺩﯨﺪﻯ: "ﻗﯘﺭﺋﺎﻥ ﻛﻪﺭﯨﻢ ﻛﯩﺸﯩﻠﻪﺭﻧﻰ ﻧﯧﻤﻪﺕ ﺑﻪﺭﮔﯜﭼﯩﮕﻪ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺵ ﯞﻩ ﻳﺎﺧﺸﯩﻠﯩﻖ ﻗﯩﻠﻐﺎﻧﻼﺭﻧﯩﯔ ﻣﯘﻛﺎﭘﺎﺗﯩﻨﻰ ﻗﺎﻳﺴﻰ ﻳﻮﻝ ﺑﯩﻠﻪﻥ ﺑﻮﻟﻤﯩﺴﯘﻥ ﺋﺎﺩﺍ ﻗﯩﻠﯩﺸﻘﺎ، ﺋﻪﮔﻪﺭ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﺋﯧﺮﯨﺸﻜﻪﻥ ﻳﺎﺧﺸﯩﻠﯩﻘﻰ ﺑﻪﺩﯨﻠﯩﮕﻪ ﺋﯘﻻﺭﻏﺎ ﺑﯧﺮﯨﺸﻜﻪ ﻣﺎﺩﺩﯨﻲ ﻣﯘﻛﺎﭘﺎﺕ ﺗﺎﭘﺎﻟﻤﯩﺴﺎ ﺗﯩﻠﻰ ﺑﯩﻠﻪﻥ ﺭﻩﻫﻤﻪﺕ ﺋﯧﻴﺘﯩﺶ ﺋﺎﺭﻗﯩﻠﯩﻖ ﺋﯘﻧﯩﯔ ﺗﻮﻟﯘﻕ ﻣﯘﻛﺎﭘﺎﺗﯩﻨﻰ ﺋﺎﻟﻼﻫﻨﯩﯔ ﺑﯧﺮﯨﺸﯩﮕﻪ ﺗﺎﭘﺸﯘﺭﯗﺵ ﺑﯩﻠﻪﻥ ﻛﯚﯕﻠﯩﻤﯩﺰﻧﻰ ﺭﺍﻫﻪﺗﻠﻪﻧﺪﯛﺭﯛﺷﻜﻪ ﭼﺎﻗﯩﺮﯨﺪﯗ.
ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻣﯘﻧﺪﺍﻕ ﺩﯦﮕﻪﻥ: " ﺳﯩﻠﻪﺭﮔﻪ ﻳﺎﺧﺸﯩﻠﯩﻖ ﻗﯩﻠﻐﺎﻥ ﻛﯩﺸﯩﮕﻪ ﻣﯘﻛﺎﭘﺎﺗﯩﻨﻰ ﺑﯧﺮﯨﯖﻼﺭ، ﺋﻪﮔﻪﺭ ﺋﯘﻧﯩﯔ ﻣﯘﻛﺎﭘﺎﺗﯩﻨﻰ ﺑﯧﺮﯨﺸﺘﯩﻦ ﺋﺎﺟﯩﺰ ﻛﻪﻟﺴﻪﯕﻼﺭ، ﻧﯧﻤﻪﺗﻜﻪ ﺷﯜﻛﯜﺭ ﻗﯩﻠﻐﺎﻧﻠﯩﻘﯩﯖﻼﺭﻧﻰ ﺋﯩﺴﭙﺎﺗﻼﺵ ﻳﯜﺯﯨﺴﯩﺪﯨﻦ ﺋﯘﻧﯩﯔ ﻫﻪﻗﻘﯩﺪﻩ ﺋﺎﻟﻼﻫﻘﺎ ﺩﯗﺋﺎ ﻗﯩﻠﯩﯖﻼﺭ. ﺋﺎﻟﻼﻫ ﻫﻪﻗﯩﻘﻪﺗﻪﻥ ﺷﯜﻛﯜﺭﻧﻰ ﻗﻮﺑﯘﻝ ﻗﯩﻠﻐﯘﭼﻰ ﯞﻩ ﺷﯜﻛﯜﺭ ﻗﯩﻠﻐﯘﭼﯩﻼﺭﻧﻰ ﻳﺎﻗﺘﯘﺭﻏﯘﭼﯩﺪﯗﺭ."
ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: " ﺑﯩﺮﺍﯞ ﺗﻪﺭﯨﭙﯩﺪﯨﻦ ﺋﺎﺗﺎ ﺋﯧﻬﺴﺎﻧﻐﺎ ﺋﯧﺮﯨﺸﻜﻪﻥ ﻛﯩﺸﻰ ﺋﯘﻧﯩﯔ ﺑﻪﺩﯨﻠﯩﮕﻪ ﻻﻳﯩﻖ ﻧﻪﺭﺳﻪ ﺗﺎﭘﺎﻟﯩﺴﺎ ﻣﯘﻛﺎﭘﺎﺗﯩﻨﻰ ﺋﺎﺩﺍ ﻗﯩﻠﺴﯘﻥ، ﺋﻪﮔﻪﺭ ﺗﺎﭘﺎﻟﻤﯩﺴﺎ، ﺋﯘﻧﯩﯖﻐﺎ ﻣﯩﻨﻨﻪﺗﺪﺍﺭﻟﯩﻘﯩﻨﻰ ﺑﯩﻠﺪﯛﺭﺳﯘﻥ. ﻫﻪﻗﯩﻘﻪﺗﻪﻥ ﻧﯧﻤﻪﺗﻜﻪ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﮔﻪﻥ ﺋﺎﺩﻩﻡ ﺷﯜﻛﯜﺭ ﻗﯩﻠﻐﺎﻥ ﯞﻩ ﺋﯘﻧﻰ ﻳﻮﺷﯘﺭﻏﺎﻥ ﺋﺎﺩﻩﻡ ﻧﯧﻤﻪﺗﻜﻪ ﻛﯘﭘﺮﯨﻠﯩﻖ ﻗﯩﻠﻐﺎﻥ ﺑﻮﻟﯩﺪﯗ."
ﺋﯘ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ:" ﺋﺎﻟﻼﻫﻘﺎ ﺋﻪﯓ ﺷﯜﻛﯜﺭ ﻗﯩﻠﯩﺪﯨﻐﺎﻥ ﻛﯩﺸﻰ ﻛﯩﺸﯩﻠﻪﺭﻧﯩﯔ ﺋﯧﻬﺴﺎﻧﯩﻐﺎ ﺭﻩﻫﻤﻪﺕ ﺋﯧﻴﺘﯩﺪﯨﻐﺎﻥ ﻛﯩﺸﯩﺪﯗﺭ." ﻳﻪﻧﻪ ﺑﯩﺮ ﺭﯨﯟﺍﻳﻪﺗﻜﻪ ﻛﯚﺭﻩ:" ﻛﯩﺸﯩﻠﻪﺭﺩﯨﻦ ﻛﻪﻟﮕﻪﻥ ﻳﺎﺧﺸﯩﻠﯩﻘﻘﺎ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﻨﻰ ﺑﯩﻠﻤﻪﻳﺪﯨﻐﺎﻥ ﺋﺎﺩﻩﻡ ﺋﺎﻟﻼﻫﻘﺎ ﺷﯜﻛﯜﺭ ﻗﯩﻠﯩﺸﻨﻰ ﺑﯩﻠﻤﻪﻳﺪﯨﻐﺎﻥ ﺋﺎﺩﻩﻣﺪﯗﺭ."
ﻳﻪﻧﻪ ﺑﯩﺮ ﻫﻪﺩﯨﺴﺘﻪ: " ﺋﺎﺯﻏﺎ ﺷﯜﻛﯜﺭ ﻗﯩﻠﻤﺎﻳﺪﯨﻐﺎﻥ ﺋﺎﺩﻩﻡ ﻛﯚﭘﻜﯩﻤﯘ ﺷﯜﻛﯜﺭ ﻗﯩﻠﻤﺎﻳﺪﯗ، ﻛﯩﺸﯩﻠﻪﺭﮔﻪ ﺭﻩﻫﻤﻪﺕ ﺋﯧﻴﺘﯩﺸﻨﻰ ﺑﯩﻠﻤﯩﮕﻪﻥ ﺋﺎﺩﻩﻡ ﺋﺎﻟﻼﻫﻘﯩﻤﯘ ﺷﯜﻛﯜﺭ ﻗﯩﻠﻤﺎﻳﺪﯗ، ﻧﯧﻤﻪﺗﻨﻰ ﻛﯩﺸﯩﻠﻪﺭﮔﻪ ﺳﯚﺯﻟﻪﺵ ﺷﯜﻛﯜﺭ، ﺋﯘﻧﻰ ﻳﻮﺷﯘﺭﯗﺵ ﻛﭙﺮﯨﺪﯗﺭ، ﺑﯩﺮﻟﯩﻚ ﺭﻩﻫﻤﻪﺕ، ﺋﺎﻳﺮﯨﻠﯩﺶ ﺋﺎﺯﺍﺑﺘﯘﺭ."
ﻳﻮﻗﯩﺮﯨﻘﻰ ﻫﻪﺩﯨﺴﺘﻪ ﺑﯩﺮﻟﯩﻜﻨﯩﯔ ﺭﻩﻫﻤﻪﺕ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﺶ ﻳﻮﻗﯩﺮﯨﻘﻰ ﺳﯚﺯﮔﻪ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﭖ، ﻣﻪﺳﯩﻠﯩﻨﯩﯔ ﻧﯧﮕﯩﺰﻯ ﻳﻪﻧﯩﻼ ﯞﺍﭘﺎﻏﺎ ﺟﺎﭘﺎ ﯞﻩ ﻧﯧﻤﻪﺗﻜﻪ ﺗﯘﺯﻛﻮﺭﻟﯘﻕ ﻗﯩﻠﯩﺸﻘﺎ ﺑﯧﺮﯨﭗ ﺗﺎﻗﯩﻠﯩﺪﯗ. ﭼﯜﻧﻜﻰ ﺑﯩﺮﻟﯩﻜﻨﻰ ﺗﯘﺗﯘﭖ ﺗﯘﺭﯨﺪﯨﻐﺎﻥ ﻧﻪﺭﺳﻪ ﭘﻪﻗﻪﺕ ﺋﯚﺯﺋﺎﺭﺍ ﻳﺎﺧﺸﯩﻠﯩﻘﻨﻰ ﺟﺎﺭﻯ ﻗﯩﻠﺪﯗﺭﯗﺵ ﯞﻩ ﺑﯩﺮ ﺑﯩﺮﯨﻨﻰ ﻫﯘﺭﻣﻪﺗﻠﻪﺷﺘﯘﺭ. ﺋﯩﻨﺎﻗﺴﯩﺰﻟﯩﻘﻨﯩﯔ ﺋﺎﺯﺍﺑﯩﻐﺎ ﺩﯗﭼﺎﺭ ﻗﯩﻠﯩﺪﯨﻐﺎﻥ ﻧﻪﺭﺳﻪ ﭘﻪﻗﻪﺕ ﺑﯩﺮ ﺑﯩﺮﯨﻨﯩﯔ ﻫﻪﻕ ﻫﻮﻗﯘﻗﻠﯩﺮﯨﻨﻰ ﺯﺍﻳﺎ ﻗﯩﻠﯩﺶ، ﺑﯩﺮ ﺑﯩﺮﯨﻨﯩﯔ ﻳﺎﺧﺸﯩﻠﯩﻘﯩﻐﺎ ﺗﯘﺯﻛﻮﺭﻟﯘﻕ ﻗﯩﻠﯩﺸﺘﯘﺭ.
ﻳﺎﺧﺸﯩﻠﯩﻘﻘﺎ ﺗﯘﺯﻛﻮﺭﻟﯘﻕ ﻗﯩﻠﯩﺶ ﺭﻩﺯﯨﻠﻠﯩﻜﺘﯘﺭ
ﻗﯘﺭﺋﺎﻥ ﻛﻪﺭﯨﻢ ﻣﯩﻨﻨﻪﺗﺪﺍﺭﻟﯩﻖ ﺑﯘﺭﭼﯩﻨﯩﯔ ﺯﯙﺭﯛﺭﻟﯩﻜﯩﻨﻰ ﯞﻩ ﻧﯧﻤﻪﺗﻜﻪ ﺗﯘﺯﻛﻮﺭﻟﯘﻕ ﻗﯩﻠﻐﯘﭼﯩﻼﺭﻧﯩﯔ ﺭﻩﺯﯨﻠﻠﯩﻜﯩﻨﻰ ﺗﻪﻛﯩﺘﻠﻪﺵ ﺑﯩﻠﻪﻥ ﺑﯩﺮﮔﻪ ﺋﯧﻬﺴﺎﻥ ﺋﯩﮕﯩﻠﯩﺮﯨﺪﯨﻦ ﺋﻪﻣﻪﻟﻠﯩﺮﯨﻨﻰ ﺋﺎﻟﻼﻫ ﺭﺍﺯﯨﻠﯩﻘﻰ ﺋﯜﭼﯜﻥ ﺧﺎﻟﯩﺲ ﻗﯩﻠﯩﺸﻠﯩﺮﯨﻨﻰ ﺗﻪﻟﻪﭖ ﻗﯩﻠﯩﺪﯗ. ﭼﯜﻧﻜﻰ ﻧﯩﻴﻪﺗﺘﻪ ﺷﻪﻛﯩﻠﯟﺍﺯﻟﯩﻖ ﻗﯩﻠﯩﺶ ﺋﻪﻣﻪﻟﻨﻰ ﻳﻮﻗﻘﺎ ﭼﯩﻘﯩﺮﯨﺪﯗ. ﺗﻪﻗﺪﯨﺮﻟﻪﺷﻜﻪ ﺳﺎﺯﺍﯞﻩﺭ ﺑﻮﻟﯩﺪﯨﻐﺎﻥ ﻳﺎﺧﺸﯩﻠﯩﻖ ﺑﯩﺮﺍﯞﻧﯩﯔ ﺭﻩﻫﻤﻪﺕ ﺋﯧﻴﺘﯩﺸﻰ ﻳﺎﻛﻰ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﯩﻨﻰ ﻛﯚﺯﻟﯩﻤﻪﺳﺘﯩﻦ، ﭘﻪﻗﻪﺕ ﺧﺎﻟﯩﺲ ﺋﺎﻟﻼﻫ ﺭﺍﺯﯨﻠﯩﻘﯩﻨﯩﻼ ﻛﯚﺯﻟﯩﮕﻪﻥ ﻫﺎﻟﺪﺍ ﻗﯩﻠﯩﻨﻐﺎﻥ ﻳﺎﺧﺸﯩﻠﯩﻘﺘﯘﺭ.
ﻗﯘﺭﺋﺎﻥ ﻛﻪﺭﯨﻢ ﺋﻪﻣﻪﻟﻠﻪﺭﻧﻰ ﺋﯩﺨﻼﺱ ﺑﯩﻠﻪﻥ ﻗﯩﻠﯩﺸﻘﺎ ﺑﯘﻳﺮﯗﺷﺘﺎ ﻛﯚﯕﯜﻟﻠﻪﺭﻧﻰ ﺩﯗﻧﻴﺎﻟﯩﻖ ﻣﻪﻧﭙﻪﺋﻪﺗﻠﻪﺭﮔﻪ ﭼﻮﻗﯘﻧﯘﺷﻨﯩﯔ ﻗﯘﻟﻠﯩﻘﯩﺪﯨﻦ ﺋﺎﺯﺍﺕ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯘﻧﻰ ﻣﯘﺗﻠﻪﻕ ﻛﺎﻣﺎﻟﻪﺕ ﺋﯩﮕﯩﺴﻰ ﺑﻮﻟﻐﺎﻥ ﺋﺎﻟﻼﻫﻘﯩﻼ ﻳﯜﺯﻟﻪﻧﺪﯛﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ. ﻣﯘﻧﺪﺍﻕ ﻛﯚﯕﯜﻝ ﻫﻪﺭﻗﺎﻧﺪﺍﻕ ﺑﯩﺮ ﻳﺎﺧﺸﯩﻠﯩﻘﻨﻰ ﻛﯩﺸﯩﻠﻪﺭﻧﯩﯔ ﻣﺎﺧﺘﯩﺸﯩﻐﺎ ﺋﯧﺮﯨﺸﯩﺶ ﻳﺎﻛﻰ ﺋﺎﺑﺮﻭﻳﻐﺎ ﺋﯩﮕﻪ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﻫﺎﻟﺪﺍ ﺋﯩﭽﯩﺪﯨﻦ ﻛﻪﻟﮕﻪﻥ ﺗﻪﺑﯩﺌﯩﻲ ﻗﯩﺰﯨﻘﺎﺭﻟﯩﻖ، ﻫﻪﻗﯩﻘﯩﻲ ﺳﻪﻣﯩﻤﯩﻴﻪﺕ ﯞﻩ ﺳﺎﭖ ﻧﯩﻴﻪﺕ ﺑﯩﻠﻪﻥ ﻗﯩﻠﯩﺪﯗ.
ﻣﺎﻧﺎ ﺑﯘﻧﺪﺍﻕ ﺋﺎﻟﯩﻴﺠﺎﻧﺎﭘﻠﯩﻖ ﻫﻪﻗﯩﻘﯩﻲ ﺋﯧﻬﺴﺎﻧﻨﯩﯔ ﺗﯜﺭﺗﻜﯩﺴﯩﺪﯗﺭ. ﻣﺎﻧﺎ ﺑﯘ ﻫﻪﺭﻗﺎﻧﺪﺍﻕ ﮔﯜﺯﻩﻝ ﺋﻪﺧﻼﻗﻨﯩﯔ ﺋﯜﻟﮕﯩﺴﯩﺪﯗﺭ. ﺋﻪﻫﯟﺍﻝ ﺑﯘﻧﺪﺍﻕ ﺋﯩﻜﻪﻥ، ﺑﯩﺰ ﭘﯜﺗﯜﻥ ﺋﯩﺶ ﭘﺎﺋﺎﻟﯩﻴﻪﺗﻠﯩﺮﯨﻤﯩﺰﺩﻩ ﻧﯩﻴﻪﺗﻠﯩﺮﯨﻤﯩﺰﻧﻰ ﯞﻩ ﺋﻪﻣﻪﻟﻠﯩﺮﯨﻤﯩﺰﻧﻰ ﻛﯩﺸﯩﻠﻪﺭﻧﯩﯔ ﻣﺎﺧﺘﯩﺸﻰ، ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯨﺸﻰ ﯞﻩ ﺭﻩﻫﻤﻪﺕ ﺋﯧﻴﺘﯩﺸﯩﻨﻰ ﻛﯜﺗﻤﻪﺳﺘﯩﻦ،ﺋﯚﺯﯨﻤﯩﺰﻧﻰ ﻛﯚﺭﺳﯩﺘﯩﺶ، ﺋﺎﺑﺮﻭﻱ ﻗﺎﺯﯨﻨﯩﺶ ﯞﻩ ﺑﺎﺷﻘﯩﻤﯘ ﺩﯗﻧﻴﺎﻟﯩﻖ ﻣﻪﻧﭙﻪﺋﻪﺗﻠﻪﺭﻧﻰ ﻛﯚﺯﻟﯩﻤﻪﺳﺘﯩﻦ ﭘﻪﻗﻪﺕ ﺧﺎﻟﯩﺴﻠﯩﻖ ﺑﯩﻠﻪﻥ ﻗﯩﻠﯩﺸﯩﻤﯩﺰ ﻛﯧﺮﻩﻙ.

ﺗﯜﺭﻙ ﻣﻪﺗﺒﯘﺋﺎﺗﯩﺪﺍ ﺧﯩﺘﺎﻱ ﻫﻪﻗﻘﯩﺪﻩ ﻣﯘﻧﺎﺯﯨﺮﻩ

2008- ﻳﯩﻠﻰ ﻳﺎﯞﺭﻭﭘﺎ ﺑﯩﺮﻟﯩﻜﻰ ﺩﯙﻟﻪﺗﻠﯩﺮﯨﻨﯩﯔ ﺧﯩﺘﺎﻱ ﺗﻮﻗﯘﻣﭽﯩﻠﯩﻖ ﻣﺎﻟﻠﯩﺮﯨﻐﺎ ﻗﻮﻳﻐﺎﻥ ﭼﻪﻛﻠﯩﻤﯩﺴﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯨﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﺗﯜﺭﻙ ﻛﺎﺭﺧﺎﻧﯩﭽﯩﻠﯩﺮﯨﻨﻰ ﯞﻩ ﺗﯜﺭﻛﯩﻴﻪ ﺩﯙﻟﯩﺘﯩﻨﻰ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ. ﺗﯜﺭﻛﯩﻴﯩﻤﯘ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﯨﻨﻰ ﺋﻪﯓ ﻛﯚﭖ ﻳﺎﯞﺭﯗﭘﺎ ﺑﯩﺮﻟﯩﻜﯩﮕﻪ ﺋﻪﺯﺍ ﺩﯙﻟﻪﺗﻠﻪﺭﮔﻪ ﺋﯧﻜﯩﺴﭙﻮﺭﺕ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭﺩﯨﻦ ﺑﯩﺮﻯ ﺑﻮﻟﻐﺎﭼﻘﺎ، ﺧﯩﺘﺎﻳﻼﺭﻧﯩﯔ ﺋﻪﺭﺯﺍﻥ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﻯ ﺑﯩﻠﻪﻥ ﻳﺎﯞﺭﯗﭘﺎ ﺑﺎﺯﯨﺮﯨﻨﻰ ﺑﯧﺴﯩﭗ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﯨﻤﻪﻛﺘﻪ. ﺑﯘ ﺳﻪﯞﻩﺑﺘﯩﻦ 25- ﺩﯦﻜﺎﺑﯩﺮ ﻛﯜﻧﻰ ﺗﯜﺭﻛﯩﻴﯩﻨﯩﯔ ﺋﻪﯓ ﭼﻮﯓ ﺗﯧﻠﯧﯟﯨﺰﯨﻴﯩﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ "ﻥ ﺕ ﯞ" ﺩﯨﻜﻰ "ﻳﻮﺭﯗﻡ ﻓﺎﺭﻗﻰ" ﻳﻪﻧﻰ "ﺋﻮﺧﺸﯩﻤﺎﻳﺪﯨﻐﺎﻥ ﺗﻪﻫﻠﯩﻞ" ﻧﺎﻣﻠﯩﻖ ﭘﺮﻭﮔﺮﺍﻣﻤﯩﺪﺍ ﺗﯜﺭﻛﯩﻴﯩﺪﯨﻜﻰ ﺋﺎﺗﺎﻗﻠﯩﻖ ﺟﻪﻣﯩﻴﻪﺗﺸﯘﻧﺎﺱ ﭘﺮﻭﻑ. ﺩﺭ. ﺋﻪﻣﺮﻩ ﻛﻮﯕﮕﺎﺭ ﺋﻪﭘﻪﻧﺪﻯ ﺑﯩﻠﻪﻥ ﺩﺍﯕﻠﯩﻖ ﺋﻮﺑﺰﻭﺭﭼﻰ ﻣﻪﻫﻤﻪﺕ ﺑﺎﺭﻻﺵ ﺧﯩﺘﺎﻱ ﻫﻪﻗﻘﯩﺪﻩ ﻣﯘﻧﺎﺯﯨﺮﻩ ﺋﯧﻠﯩﭗ ﺑﺎﺭﺩﻯ.
"ﺧﯩﺘﺎﻳﻼﺭ ﻳﺎﯞﺭﻭﭘﺎ ﺑﺎﺯﯨﺮﯨﻨﻰ ﺋﯩﮕﻪﻟﻠﻪﭖ ﻛﻪﺗﺴﻪ، ﺋﯩﻘﺘﯩﺴﺎﺩﯨﻤﯩﺰ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﻳﺪﯗ"
ﺋﻪﻣﺮﻩ ﻛﻮﯕﮕﺎﺭ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻱ 500 ﺩﻭﻟﻼﺭ ﻗﯩﻤﻤﯩﺘﯩﺪﯨﻜﻰ ﺗﻮﻗﯘﻣﯩﭽﯩﻠﯩﻖ ﺑﻮﻳﯘﻣﻠﯩﺮﻯ ﯞﻩ ﺳﺎﺋﻪﺗﻜﻪ ﺋﻮﺧﺸﺎﺵ ﻧﻪﺭﺳﯩﻠﻪﺭﻧﯩﯔ ﺳﺎﺧﺘﯩﺴﯩﻨﻰ ﺋﯩﺸﻠﻪﭖ ﭼﯩﻘﯩﺮﯨﭗ 5 ﺩﻭﻟﻼﺭﺩﯨﻦ ﺳﺎﺗﻤﺎﻗﺘﺎ. ﺋﻪﮔﻪﺭ ﺧﯩﺘﺎﻱ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﻯ ﺑﺎﺯﯨﺮﯨﻤﯩﺰﻏﺎ ﻛﯩﺮﯨﺸﻜﻪ ﺑﺎﺷﻠﯩﺴﺎ ﺑﯩﺰﻧﻰ ﻗﺎﺗﺘﯩﻖ ﺯﯨﻴﺎﻧﻐﺎ ﺋﯘﭼﺮﯨﺘﯩﺪﯗ. ﺧﯩﺘﺎﻱ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﻯ ﺗﯜﺭﻛﯩﻴﻪﮔﻪ ﺋﯩﻜﻜﻰ ﺟﻪﻫﻪﺗﺘﯩﻦ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﺑﯩﺮﯨﻨﭽﯩﺴﻰ ﺗﯜﺭﻛﯩﻴﯩﺪﯨﻜﻰ ﺗﻮﻗﯘﻣﯩﭽﯩﻠﯩﻖ ﻛﺎﺭﺧﺎﻧﯩﻠﯩﺮﯨﻨﯩﯔ ﺋﯧﺘﯩﻠﯩﭗ ﻛﯧﺘﯩﺸﯩﮕﻪ ﺳﻪﯞﻩﺏ ﺑﻮﻟﯩﺪﯗ. ﺧﯩﺘﺎﻳﻨﯩﯔ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﻯ ﺋﻪﺯﺍﻥ ﺑﻮﻟﻐﺎﭼﻘﺎ ﺗﯜﺭﻙ ﺧﻪﻟﻘﻰ ﺧﯩﺘﺎﻱ ﻣﺎﻟﻠﯩﺮﯨﻨﻰ ﺋﯧﻠﯩﺸﻘﺎ ﺑﺎﺷﻠﯩﺴﺎ، ﻣﯩﻠﻠﯩﻲ ﺗﻮﻗﯘﻣﯩﭽﯩﻠﯩﻖ ﺳﺎﻧﺎﺋﯩﺘﯩﻤﯩﺰ ﺋﯚﻟﯩﺪﯗ. ﺋﯩﻜﻜﯩﻨﭽﯩﺪﯨﻦ ﺑﯩﺰ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﯨﻤﯩﺰﻧﯩﯔ ﻛﯚﭘﯩﻨﻰ ﻳﺎﯞﺭﻭﭘﺎﻏﺎ ﺳﯧﺘﯩﯟﺍﺗﯩﻤﯩﺰ. ﺋﻪﮔﻪﺭ ﺧﯩﺘﺎﻳﻼﺭ ﻳﺎﯞﺭﻭﭘﺎ ﺑﺎﺯﯨﺮﯨﻨﻰ ﺋﯩﮕﻪﻟﻠﻪﭖ ﻛﻪﺗﺴﻪ ﻳﺎﯞﺭﻭﭘﺎﻏﺎ ﻣﯧﻠﯩﻤﯩﺰﻧﻰ ﺳﺎﺗﺎﻟﻤﺎﻳﻤﯩﺰ، ﺋﯩﻘﺘﯩﺴﺎﺩﯨﻤﯩﺰ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﻳﺪﯗ."
"ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﻰ ﺋﺎﻓﺮﯨﻘﺎ ﺩﯙﻟﻪﺗﻠﯩﺮﯨﻨﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﺪﯨﻨﻤﯘ ﺗﯚﯞﻩﻥ"
ﻣﻪﻣﻪﺕ ﺑﺎﺭﻻﺱ ﻣﯘﻧﺪﺍﻕ ﺩﻩﻳﺪﯗ: "ﺧﯩﺘﺎﻳﻐﺎ ﺋﯘﺯﺍﻗﺘﯩﻦ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ ﻛﯜﭼﻠﯜﻙ ﺑﯩﺮ ﺩﯙﻟﻪﺗﺘﻪﻙ ﻛﯚﺭﯛﻧﯩﺪﯗ. ﺋﻪﮔﻪﺭ ﺧﯩﺘﺎﻳﻨﻰ ﻳﺎﺧﺸﻰ ﻛﯚﺯﯨﺘﯩﭗ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺑﻮﻟﺴﯩﯖﯩﺰ ﻧﺎﻫﺎﻳﯩﺘﻰ ﺯﻭﺭ ﻗﯩﻴﯩﻨﭽﯩﻠﯩﻘﻠﯩﺮﻯ ﺑﺎﺭ ﺑﯩﺮ ﺩﯙﻟﻪﺕ. ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﻫﺎﺯﯨﺮ ﺧﯩﺘﺎﻳﺪﺍ 200 ﻣﯩﻠﻴﻮﻥ ﻛﯩﺸﻰ ﺋﻮﺗﺘﯘﺭﺍ ﻫﺎﻟﻠﯩﻖ ﺗﯘﺭﻣﯘﺵ ﺳﻪﯞﯨﻴﯩﺴﯩﮕﻪ ﺋﯧﺮﯨﺸﯩﭙﺘﯘ. ﺋﻪﻣﻤﺎ ﺧﯩﺘﺎﻳﻨﯩﯔ ﻧﻮﭘﯘﺳﻰ 1 ﻣﯩﻠﻴﺎﺭﺕ 300 ﻣﯩﻠﻴﻮﻥ ﺋﻪﺗﺮﺍﭘﯩﺪﺍ. ﺑﯘﻧﺪﺍﻗﺘﺎ ﺧﯩﺘﺎﻳﺪﺍ 1 ﻣﯩﻠﻴﺎﺭﺕ 100 ﻣﯩﻠﻴﻮﻥ ﻛﯩﺸﻰ ﻳﻪﻧﯩﻼ ﻧﺎﻣﺮﺍﺕ ﺩﯦﮕﻪﻧﻠﯩﻚ. ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﻛﯩﺮﯨﻤﯩﮕﻪ ﻗﺎﺭﺍﻳﺪﯨﻐﺎﻥ ﺑﻮﻟﺴﯩﯖﯩﺰ ﺋﯘﻻﺭﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﻰ ﺋﺎﻓﺮﯨﻘﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﺪﯨﻨﻤﯘ ﺗﯚﯞﻩﻥ. ﺧﯩﺘﺎﻱ ﺭﺍﺳﺘﯩﻨﻼ ﺗﯧﺰ ﺗﻪﺭﻩﻗﻘﻰ ﻗﯩﻠﯩﯟﺍﺗﯩﺪﯗ، ﺋﻪﻣﻤﺎ ﺑﯘﻧﯩﯖﻐﺎ ﺋﻪﮔﯩﺸﯩﭗ ﺋﯧﻨﯧﺮﮔﯩﻴﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻤﯘ ﺯﻭﺭﯨﻴﯩﯟﺍﺗﯩﺪﯗ. ﺋﻪﻣﻤﺎ ﺋﯚﺯﯨﻨﯩﯔ ﺋﯧﻨﯧﺮﮔﯩﻴﯩﺴﻰ ﻳﻮﻕ، ﭼﻪﺕ' ﺋﻪﻟﺪﯨﻦ ﺋﯩﻤﭙﻮﺭﺕ ﻗﯩﻠﻐﺎﻥ ﺋﯧﻨﯧﺮﮔﯩﻴﯩﮕﻪ ﺗﺎﻳﯩﻨﯩﺪﯗ. ﺧﯩﺘﺎﻳﻨﯩﯔ ﭘﻪﻗﻪﺗﻼ ﻛﯚﻣﯜﺭ ﺑﺎﻳﻠﯩﻘﻰ ﺑﺎﺭ، ﺋﻪﻣﻤﺎ ﺋﯩﻨﺘﺎﻳﯩﻦ ﺧﻪﺗﻪﺭﻟﯩﻚ، ﺋﻪﯓ ﻛﯚﭖ ﻗﺎﺯﺍ ﻣﻪﻳﺪﺍﻧﻐﺎ ﻛﯧﻠﯩﯟﺍﺗﻘﺎﻥ ﻛﯚﻣﯜﺭ ﻛﺎﻧﻠﯩﺮﻯ ﺧﯩﺘﺎﻳﺪﺍ."
"ﺋﻮﺗﺘﯘﺭﺍ ﺋﺎﺳﯩﻴﺎ ﻧﯧﻔﯩﺘﻰ ﺗﯜﭘﻪﻳﻠﯩﺪﯨﻦ ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﺍ ﺗﻮﻗﯘﻧﯘﺵ ﻣﻪﻳﺪﺍﻧﻐﺎ ﻛﯧﻠﯩﺪﯗ"
ﻣﻪﻫﻤﻪﺕ ﺑﺎﺭﻻﺱ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻱ ﭼﻪﺗﺌﻪﻝ ﻧﯧﻔﯩﺘﯩﮕﻪ ﻣﯘﻫﺘﺎﺝ. ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻧﯧﻔﯩﺖ ﺗﯜﭘﻪﻳﻠﯩﺪﯨﻦ ﻛﯧﻠﻪﭼﻪﻛﺘﻪ ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﺍ ﭼﻮﻗﯘﻡ ﺗﻮﻗﯘﻧﯘﺵ ﭘﻪﻳﺪﺍ ﺑﻮﻟﯩﺪﯗ. ﺑﯘ ﻗﻮﺭﺍﻟﻠﯩﻖ ﺋﯘﺭﯗﺵ ﺑﻮﻟﻤﯩﺴﯩﻤﯘ ﺑﯩﺮ ﺋﯩﻘﺘﯩﺴﺎﺩﻯ ﺋﯘﺭﯗﺵ. ﺧﯩﺘﺎﻳﻨﯩﯔ ﺋﯩﻜﻜﯩﻨﭽﻰ ﭼﻮﯓ ﻣﻪﺳﯩﻠﯩﺴﻰ ﺳﯘ ﻣﻪﺳﯩﻠﯩﺴﻰ. ﻫﺎﺯﯨﺮ ﺧﯩﺘﺎﻳﺪﺍ ﺳﯘ ﻛﻪﻣﭽﯩﻞ. ﺧﯩﺘﺎﻳﻼﺭﻧﯩﯔ ﭼﻮﯓ ﺷﻪﻫﻪﺭﻟﯩﺮﯨﺪﻩ ﺋﯩﭽﯩﺪﯨﻐﺎﻥ ﺳﯘ ﻳﻮﻕ. ﺧﯩﺘﺎﻱ ﻛﯚﭘﯩﻴﯩﯟﺍﺗﻘﺎﻥ ﻧﻮﭘﯘﺳﯩﻐﺎ ﺋﯩﭽﯩﺪﯨﻐﺎﻥ ﺳﯘ ﯞﻩ ﺗﯧﺮﯨﻠﻐﯘ ﻳﻪﺭﻟﯩﺮﯨﻨﻰ ﺳﯘﻏﯩﺮﯨﺪﯨﻐﺎﻥ ﺳﯘ ﺗﺎﭘﺎﻟﻤﺎﻳﯟﺍﺗﯩﺪﯗ. ﺧﯩﺘﺎﻳﺪﯨﻜﻰ ﺋﯜﭼﯩﻨﭽﻰ ﭼﻮﯓ ﺑﯩﺮ ﻣﻪﺳﯩﻠﻪ ﻳﻮﻟﺴﯩﺰﻟﯩﻖ ﯞﻩ ﭘﺎﺭﯨﺨﻮﺭﻟﯘﻕ. ﺧﯩﺘﺎﻳﺪﯨﻜﻰ ﭼﻮﯓ ﺳﺎﻧﺎﺋﻪﺗﻠﻪﺭﻧﯩﯔ ﻛﯚﭘﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﻪﺯﺍﻟﯩﺮﯨﻨﯩﯔ ﯞﻩ ﺋﯘﻻﺭﻧﯩﯔ ﺋﯘﺭﯗﻕ ﺗﯘﻏﻘﺎﻧﻠﯩﺮﯨﻨﯩﯔ ﻗﻮﻟﯩﺪﺍ. ﺩﯙﻟﻪﺕ ﺯﺍﯞﯗﺗﻠﯩﺮﯨﻨﻰ ﺷﻪﺧﺴﯩﻴﻠﻪﺭﮔﻪ ﻛﯚﺗﯜﺭﻩ ﺑﯧﺮﯨﻤﯩﺰ ﺩﻩﭖ ﻫﻪﻣﻤﯩﺴﯩﻨﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﻪﺯﺍﻟﯩﺮﯨﻐﺎ ﯞﻩ ﺗﯘﻏﻘﺎﻧﻠﯩﺮﯨﻐﺎ ﺋﻪﺯﺍﻥ ﺳﯧﺘﯩﯟﻩﺗﺘﻰ. ﺷﯘﻧﯩﯔ ﺑﯩﻠﻪﻥ ﻧﯘﺭﻏﯘﻧﻠﯩﻐﺎﻥ ﺋﯩﺸﭽﻰ ﺋﯩﺸﺴﯩﺰ ﻗﺎﻟﺪﻯ."
"ﺧﯩﺘﺎﻱ ﺩﯗﻧﻴﺎﺩﺍ ﭘﺎﺭﯨﺨﻮﺭﻟﯘﻕ ﺋﻪﯓ ﻛﯚﭖ ﺩﯙﻟﻪﺕ"
ﻣﻪﻫﻤﻪﺕ ﺑﺎﺭﻻﺱ ﻳﻪﻧﻪ ﻣﯘﻧﺪﺍﻕ ﺩﯦﺪﻯ: "ﻳﯧﻘﯩﻨﺪﯨﻦ ﺑﯧﺮﻯ ﺧﯩﺘﺎﻳﺪﺍ ﺩﺍﯞﺍﻣﻠﯩﻖ ﻫﺎﻟﺪﺍ ﺑﺎﻧﻜﺎ ﻣﯘﺩﯨﺮﻟﯩﺮﯨﮕﻪ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﯟﺍﺗﯩﺪﯗ، ﺷﻪﻫﻪﺭ ﺑﺎﺷﻠﯩﻘﻠﯩﺮﻯ ﺗﯜﺭﻣﯩﮕﻪ ﺗﺎﺷﻠﯩﻨﯩﯟﺍﺗﯩﺪﯗ. ﺋﯚﺗﻜﻪﻥ ﻳﯩﻠﻰ ﺷﺎﯕﺨﻪﻱ ﺷﻪﻫﺮﯨﻨﯩﯔ ﺑﺎﺷﻠﯩﻘﻰ ﯞﻩ ﺋﻮﻏﻠﻰ، ﺷﺎﯕﺨﻪﻱ ﺷﻪﻫﻪﺭﻟﯩﻚ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺑﺎﺵ ﺳﯧﻜﺮﯨﺘﺎﺭﻯ ﺗﯜﺭﻣﯩﮕﻪ ﺗﺎﺷﻼﻧﺪﻯ. ﺑﯘﻧﯩﯔ ﺳﻪﯞﻩﺑﻰ ﺑﯘﻻﺭ ﺑﯩﺮ ﻣﺎﺷﯩﻨﺎ ﻣﯘﺳﺎﺑﯩﻘﯩﺴﯩﻨﻰ ﺑﺎﻫﺎﻧﻪ ﻗﯩﻠﯩﭗ ﺗﯘﺭﯗﭖ، ﺩﯙﻟﻪﺗﻨﯩﯔ 1 ﻳﯧﺮﯨﻢ ﻣﯩﻠﻴﺎﺭﺕ ﺩﻭﻟﻠﯩﺮﯨﻨﻰ ﺧﯩﻴﺎﻧﻪﺕ ﻗﯩﻠﻐﺎﻥ. ﺧﯩﺘﺎﻱ ﺩﯗﻧﻴﺎﺩﯨﻜﻰ ﺋﻪﯓ ﻛﯚﭖ ﭘﺎﺭﯨﺨﻮﺭﻟﯘﻕ ﯞﻩ ﺧﯩﻴﺎﻧﻪﺗﭽﯩﻠﯩﻚ ﺑﺎﺭ ﺩﯙﻟﻪﺕ. ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻏﺎ ﻗﺎﺭﺍﻳﺪﯨﻐﺎﻥ ﺑﻮﻟﺴﯩﯖﯩﺰ ﺩﯗﻧﻴﺎﻧﯩﯔ ﺋﻪﯓ ﭼﻮﯓ ﺗﯚﻣﯜﺭ ﻳﻮﻝ ﺷﯩﺮﻛﯩﺘﻰ، ﺩﯗﻧﻴﺎﻧﯩﯔ ﺋﻪﯓ ﭼﻮﯓ ﺳﯘﻏﯘﺭﺗﺎ ﺷﯩﺮﻛﯩﺘﻰ، ﺋﻪﯓ ﭼﻮﯓ ﺑﺎﻧﻜﯩﺴﻰ ﺧﯩﺘﺎﻳﺪﺍ، ﺋﻪﻣﻤﺎ ﺩﯗﻧﻴﺎﻧﯩﯔ ﺋﻪﯓ ﭼﻮﯓ ﻣﻪﺳﯩﻠﯩﻠﯩﺮﯨﺪﻩ ﺧﯩﺘﺎﻳﺪﺍ. ﺷﯘﯕﺎ ﺧﯩﺘﺎﻳﻨﻰ ﻳﺎﺧﺸﻰ ﺗﻪﺗﻘﯩﻖ ﻗﯩﻠﯩﺶ ﻛﯧﺮﻩﻙ. ﺧﯩﺘﺎﻱ ﺗﻮﻗﯘﻣﯩﭽﯩﻠﯩﻖ ﻣﺎﻟﻠﯩﺮﻯ ﺗﯜﭘﻪﻳﻠﯩﺪﯨﻦ ﺋﯩﺘﺎﻟﯩﻴﻪ ﺗﻮﻗﯘﻣﯩﭽﯩﻠﯩﻖ ﺳﺎﻧﺎﺋﯩﺘﯩﺪﻩ ﻛﺮﯨﺰﯨﺲ ﭘﻪﻳﺪﺍ ﺑﻮﻟﺪﻯ."
"ﺗﯜﺭﻛﯩﻴﻪ ﺧﯩﺘﺎﻳﻐﺎ ﻗﺎﺭﺷﻰ ﺋﻪﻗﯩﻠﻠﯩﻖ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﻰ ﻛﯧﺮﻩﻙ"
ﺋﻪﻣﺮﻩ ﻛﻮﯕﺎﺭ ﻣﯘﻧﺪﺍﻕ ﺩﻩﻳﺪﯗ:" ﺳﯩﺰ ﺧﯩﺘﺎﻳﺪﯨﻜﻰ ﺋﯩﺴﺘﯩﻤﺎﻝ ﻗﯩﻠﻐﯘﭼﻰ ﺑﺎﻳﻼﺭﻧﯩﯔ ﺳﺎﻧﯩﻨﻰ 200 ﻣﯩﻠﻴﻮﻥ ﺩﯦﺪﯨﯖﯩﺰ. ﺧﯩﺘﺎﻳﻼﺭ ﺋﯚﺯﻟﯩﺮﻯ 'ﻧﻮﭘﯘﺳﯩﻤﯩﺰﻧﯩﯔ %20 ﻳﺎﯞﺭﻭﭘﺎﻟﯩﻘﺘﻪﻙ ﻳﺎﺷﺎﻳﺪﯗ' ﺩﻩﻳﺪﯗ. ﺋﻪﻣﻤﺎ ﭼﻪﺗﺌﻪﻟﻠﯩﻚ ﻛﯚﺯﻩﺗﻜﯜﭼﯩﻠﻪﺭ ﺧﯩﺘﺎﻱ ﻧﻮﭘﯘﺳﯩﻨﯩﯔ %15 ﻧﯩﯔ ﻳﺎﯞﺭﻭﭘﺎﻟﯩﻘﺘﻪﻙ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. ﻣﻪﻧﭽﻪ ﺧﯩﺘﺎﻱ ﻧﻮﭘﯘﺳﻨﯩﯔ %10 ﻳﺎﯞﺭﻭﭘﺎﻟﯩﻘﺘﻪﻙ ﻳﺎﺷﯩﺴﯩﻤﯘ، %90 ﻧﺎﻣﺮﺍﺕ ﻳﺎﺷﯩﻤﺎﻗﺘﺎ. ﻧﻮﭘﯘﺳﻨﯩﯔ 10% ﻳﺎﺧﺸﻰ ﻳﺎﺷﺎﯞﺍﺗﯩﺪﯗ ﺩﯦﮕﻪﻥ ﺗﻪﻏﺪﯨﺮﺩﯨﻤﯘ 130 ﻣﯩﻠﻴﻮﻥ ﺋﺎﺩﻩﻡ ﺑﺎﻱ ﺩﯦﮕﻪﻧﻠﯩﻚ ﺑﻮﻟﯩﺪﯗ، ﺑﯘ ﺗﯜﺭﻛﯩﻴﻪ ﻧﻮﭘﯘﺳﯩﻨﯩﯔ 2 ﻫﻪﺳﺴﯩﺴﻰ ﺩﯦﮕﻪﻧﻠﯩﻚ. ﺋﻪﮔﻪﺭ، ﺑﯘ ﺧﯩﺘﺎﻳﻼﺭ ﺋﯩﺸﻠﻪﭖ ﭼﯩﻘﯩﺮﯨﯟﺍﺗﻘﺎﻥ ﻣﺎﻟﻼﺭﻏﺎ ﻗﻮﻳﯘﻟﻐﺎﻥ ﭼﻪﻛﻠﯩﻤﻪ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺩﯨﻐﺎﻥ ﺑﻮﻟﺴﺎ، ﺑﯩﺰﻧﯩﯔ ﺳﺎﻧﺎﺋﯩﺘﯩﻤﯩﺰﻧﻰ ﯞﻩﻳﺮﺍﻥ ﻗﯩﻠﯩﯟﯦﺘﯩﺪﯗ. ﺷﯘﯕﺎ ﺗﯜﺭﻛﯩﻴﻪ ﺑﯘﻧﯩﯖﻐﺎ ﻗﺎﺭﯨﺘﺎ ﺋﻪﻗﯩﻠﻠﯩﻖ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﻰ ﻛﯧﺮﻩﻙ."

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﻮﻣﯘﻣﯩﻲ ﻳﯩﻐﯩﻨﯩﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻫﻪﻗﻘﯩﺪﯨﻜﻰ ﺗﻪﻛﻠﯩﭗ ﻣﺎﻗﯘﻟﻼﻧﺪﻯ

2007.12.19
ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﻮﻣﯘﻣﯩﻲ ﻳﯩﻐﯩﻨﯩﺪﺍ، ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻫﻪﻗﻘﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺗﻪﻛﻠﯩﭗ ﺑﻪﺯﻯ ﺩﯙﻟﻪﺗﻠﻪﺭﻧﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﻐﺎﻥ ﺑﻮﻟﺴﯩﻤﯘ، ﻳﻪﻧﯩﻼ ﻛﯚﭖ ﺳﺎﻧﻠﯩﻘﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﺘﻰ.
ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ 12 ‏- ﺋﺎﻳﻨﯩﯔ 18 ‏- ﻛﯜﻧﯩﺪﯨﻜﻰ ﺋﻮﻣﯘﻡ ﻳﯩﻐﯩﻨﯩﺪﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻳﺎﻛﻰ ﻗﺎﻟﺪﯗﺭﻣﺎﺳﻠﯩﻖ ﻫﻪﻗﻘﯩﺪﻩ ﺋﺎﯞﺍﺯ ﻗﻮﻳﻐﺎﻧﺪﺍ، 192 ﺋﻪﺯﺍ ﺩﯙﻟﻪﺗﻨﯩﯔ 104 ﻧﯩﯔ ﻗﻮﻟﻠﯩﺸﻰ، 54 ﻧﯩﯔ ﻗﺎﺭﺷﻰ ﺗﯘﺭﯗﺷﻰ، 29 ﻧﯩﯔ ﻫﻮﻗﯘﻗﯩﺪﯨﻦ ﯞﺍﺯ ﻛﯧﭽﯩﺸﻰ ﺑﯩﻠﻪﻥ، ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻫﻪﻗﻘﯩﺪﯨﻜﻰ ﺑﯘ ﺗﻪﻛﻠﯩﭗ ﺋﺎﺧﯩﺮ ﻣﺎﻗﯘﻟﻠﯘﻗﺘﯩﻦ ﺋﯚﺗﺘﻰ.
ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﯚﺗﻜﻪﻥ ﻳﯩﻠﯩﺪﺍ ﭘﯜﺗﯜﻥ ﺩﯗﻧﻴﺎ ﺑﻮﻳﯩﭽﻪ 5628 ﺋﺎﺩﻩﻣﮕﻪ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﮕﻪﻥ ﺑﻮﻟﯘﭖ، ﺑﯘﻧﯩﯔ 5000 ﺋﻰ ﺧﯩﺘﺎﻳﺪﺍ، ﻗﺎﻟﻐﺎﻥ 600 ﻧﻪﭼﭽﻪ ﺋﺎﺩﻩﻣﻨﯩﯔ ﻛﯚﭘﯩﻨﭽﯩﺴﻰ ﻛﻮﻣﻤﯘﻧﯩﺴﺖ ﺩﯙﻟﻪﺗﻠﯩﺮﯨﺪﻩ ﺋﯩﺠﺮﺍ ﻗﯩﻠﯩﻨﻐﺎﻥ.
ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺏ ﺩ ﺕ ﻧﯩﯔ ﺗﯜﻧﯜﮔﯜﻧﻜﻰ ﺋﻮﻣﯘﻣﯩﻲ ﻳﯩﻐﯩﻨﯩﺪﺍ، ﺑﺎﺵ ﻛﺎﺗﯩﭗ ﺑﺎﻥ ﻛﯩﻤﯘﻥ ﻫﻪﻣﻤﻪ ﺩﯙﻟﻪﺗﻨﻰ ﺑﯘ ﻗﺎﺭﺍﺭﻏﺎ ﺋﻪﻫﻤﯩﻴﻪﺕ ﺑﯧﺮﯨﺸﻜﻪ، ﭘﯜﺗﯜﻥ ﺩﯗﻧﻴﺎﺩﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺑﯩﻜﺎﺭ ﻗﯩﻠﯩﺸﻨﯩﯔ ﺑﯩﺮﯨﻨﭽﻰ ﻗﻪﺩﯨﻤﯩﻨﻰ ﺑﯧﺴﯩﺸﻘﺎ ﭼﺎﻗﯩﺮﻏﺎﻧﺪﺍ، ﻣﯩﺴﯩﺮ، ﻣﺎﻻﻳﺸﯩﻴﺎ، ﺑﯧﻨﮕﺎﻝ، ﺳﯜﺭﯨﻴﻪ ﻗﺎﺗﺎﺭﻟﯩﻖ ﺋﯩﺴﻼﻡ ﺩﯙﻟﻪﺗﻠﯩﺮﻯ ﻫﻪﺭ ﺑﯩﺮ ﺩﯙﻟﻪﺗﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻐﺎ ﺩﻩﺧﻠﻰ - ﺗﻪﺭﯨﺰ ﻗﯩﻠﯩﻨﻤﺎﺳﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺧﯩﺘﺎﻳﻨﯩﯔ ﯞﻩﻛﯩﻠﻰ ﺑﻮﻟﺴﺎ، ﺑﯘ ﻣﻪﺳﯩﻠﯩﻨﯩﯔ ﻫﻪﺭﺑﯩﺮ ﺩﯙﻟﻪﺗﻨﯩﯔ ﻗﺎﻧﯘﻧﯩﻐﺎ ﺑﯧﺮﯨﭗ ﺗﺎﻗﯩﻠﯩﺪﯨﻐﺎﻥ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ، ﺑﯘ ﻫﻪﻗﺘﻪ ﻫﻪﺭﺑﯩﺮ ﺩﯙﻟﻪﺕ ﺳﯩﺮﺗﺘﯩﻦ ﺋﺎﺭﯨﻠﯩﺸﯩﺶ ﻳﯜﺯ ﺑﻪﺭﻣﯩﮕﻪﻥ ﺋﻪﻫﯟﺍﻝ ﺋﺎﺳﺘﯩﺪﺍ ﺋﯚﺯﻯ ﻗﺎﺭﺍﺭ ﭼﯩﻘﯩﺮﯨﺸﻰ ﻻﺯﯨﻤﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﻳﯧﻘﯩﻨﺪﯨﻦ ﺑﯘﻳﺎﻥ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ، ﺋﺎﺩﻩﺗﺘﯩﻦ ﺗﺎﺷﻘﯩﺮﻯ ﺩﯨﻘﻘﻪﺗﻜﻪ ﺳﺎﺯﺍﯞﻩﺭ ﺑﻮﻟﻤﺎﻗﺘﺎ

2007.12.20
ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﻫﻪﻣﺪﻩ ﺧﯩﺘﺎﻱ ﺋﯩﭽﯩﺪﯨﻜﻰ ﺗﻪﻧﻘﯩﺪﭼﯩﻠﻪﺭﻧﯩﯔ ﺗﻪﻛﯩﺘﻠﯩﺸﯩﭽﻪ، ﺧﯩﺘﺎﻱ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﻐﺎ ﻗﻪﺩﻩﺭ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﺪﻩ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺋﯧﻠﯩﭗ ﺑﺎﺭﻣﯩﻐﺎﻥ ﯞﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺑﻪﺭﮔﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻥ.
ﺋﻮﻟﯩﻤﭙﯩﻚ ﻗﺎﻧﯘﻧﯩﺪﺍ ﺋﯧﻨﯩﻖ ﻫﺎﻟﺪﺍ ؛ " ﻣﯩﻠﻠﻪﺕ، ﺩﯨﻦ، ﺳﯩﻴﺎﺳﻪﺕ، ﺟﯩﻨﺴﻰ ﯞﻩ ﻳﺎﻛﻰ ﺑﺎﺷﻘﺎ ﺑﺎﻫﺎﻧﯩﻼﺭﺩﺍ ﺑﯩﺮ ﺩﯙﻟﻪﺗﻜﻪ ﻳﺎﻛﻰ ﺑﯩﺮ ﺷﻪﺧﺴﻜﻪ ﻗﺎﺭﯨﺘﺎ ﻫﻪﺭﻗﺎﻧﺪﺍﻕ ﺑﯩﺮ ﺷﻪﻛﯩﻠﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﻛﻪﻣﺴﯩﺘﯩﺶ ﻫﻪﺭﯨﻜﯩﺘﻰ، ﺋﻮﻟﯩﻤﭙﯩﻜﻘﺎ ﺋﻪﺯﺍ ﺑﻮﻟﯘﺵ ﺳﺎﻻﻫﯩﻴﯩﺘﯩﮕﻪ ﻣﯘﻧﺎﺳﯩﭗ ﻛﻪﻟﻤﻪﻳﺪﯗ". " ﻫﯧﭽﻘﺎﻧﺪﺍﻕ ﻛﻪﻣﺴﯩﺘﯩﺶ ﻳﯜﺯ ﺑﻪﺭﻣﯩﮕﻪﻥ ﺷﺎﺭﺍﺋﯩﺘﺘﺎ، ﺋﻮﻟﯩﻤﭙﯩﻚ ﺭﻭﻫﯩﻐﺎ ﻣﺎﺱ ﻛﯧﻠﯩﺪﯨﻐﺎﻥ ﺗﻪﻧﺘﻪﺭﺑﯩﻴﻪ ﭘﺎﺋﺎﻟﯩﻴﯩﺘﻰ ﺋﺎﺭﻗﯩﻠﯩﻖ ﻳﺎﺷﻼﺭﻧﻰ ﺗﻪﺭﺑﯩﻴﯩﻠﻪﭖ، ﺑﯘ ﺋﺎﺭﻗﯩﻠﯩﻖ، ﺗﯩﻨﭻ ﯞﻩ ﺗﯧﺨﯩﻤﯘ ﮔﯜﺯﻩﻝ ﺩﯗﻧﻴﺎ ﺑﻪﺭﭘﺎ ﻗﯩﻠﯩﺶ ﺋﯜﭼﯜﻥ ﺗﯚﻫﭙﻪ ﻗﻮﺷﯘﺵ" ﺩﯦﮕﻪﻥ ﻣﺎﺩﺩﯨﻼﺭ ﺗﻪﻛﯩﺘﻠﻪﻧﮕﻪﻥ ﺑﻮﻟﯘﭖ، ﺷﯘﯕﺎ ﻧﯚﯞﻩﺗﺘﯩﻜﻰ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﻰ ﺧﯩﺘﺎﻳﻨﯩﯔ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﻛﯚﺯﻩﺗﻜﯜﭼﯩﻠﻪﺭ ﯞﻩ ﺗﻪﻧﻘﯩﺪﭼﯩﻠﻪﺭﻧﯩﯔ ﺋﺎﻻﻫﯩﺪﻩ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ.
ﻧﯘﺭﻏﯘﻧﻠﯩﻐﺎﻥ ﺗﻪﻧﻘﯩﺪﭼﯩﻠﻪﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺋﻪﻳﻨﻰ ﯞﺍﻗﯩﺘﺘﺎ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﻰ ﺋﯚﺗﻜﯜﺯﯛﺵ ﻫﻪﻗﻘﯩﺪﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺑﻪﺭﮔﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻥ. ﻣﯘﻫﺎﺟﯩﺮﻩﺗﺘﯩﻜﻰ ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﻫﻮﻗﯘﻕ، ﺳﯩﻴﺎﺳﯩﻲ ﻫﻮﻗﯘﻗﻰ، ﺑﻮﻟﯘﭘﻤﯘ ﺋﯘﻳﻐﯘﺭ ﺋﺎﻳﺎﻟﻠﯩﺮﯨﻨﯩﯔ ﻛﻪﻣﺴﯩﺘﯩﻠﯩﺶ ﻣﻪﺳﯩﻠﯩﻠﯩﺮﯨﻨﯩﯔ ﺧﯩﺘﺎﻱ ﺑﻮﻳﯩﭽﻪ ﺋﻪﯓ ﺋﯧﻐﯩﺮ ﺩﻩﺭﯨﺠﯩﺪﻩ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﻫﻮﻗﯘﻗﻠﯩﺮﯨﻨﯩﯔ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ، ﺷﯘﯕﺎ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﺳﺎﻻﻫﯩﻴﯩﺘﯩﮕﻪ ﻫﻪﺭﮔﯩﺰ ﻣﯘﻧﺎﺳﯩﭗ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﻤﻪﻛﺘﻪ.
ﺧﯩﺘﺎﻱ ﺗﯧﺨﻰ ﻳﯧﻘﯩﻨﺪﯨﻼ ﺑﯩﺮ ﻗﺎﻧﭽﻪ ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻠﯩﺮﯨﻨﻰ ﺋﯚﻟﯜﻡ ﺟﺎﺯﺍﺳﻰ ﺑﯩﻠﻪﻥ ﺟﺎﺯﺍﻟﯩﻐﺎﻥ ﺋﯩﺪﻯ.

ﺧﯩﺘﺎﻱ ﺑﯩﻠﻪﻥ ﻫﯩﻨﺪﯨﺴﺘﺎﻥ " ﻗﻮﻟﻤﯘ - ﻗﻮﻝ 2007 " ﻧﺎﻣﻠﯩﻖ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻫﻪﺭﺑﯩﻲ ﻣﻪﺷﻖ ﺋﯚﺗﻜﯜﺯﻣﻪﻛﺘﻪ

2007.12.20

ﺧﯩﺘﺎﻱ ﺑﯩﻠﻪﻥ ﻫﯩﻨﺪﯨﺴﺘﺎﻥ ﺋﺎﺭﯨﺴﯩﺪﺍ 9 ﻛﯜﻥ ﺩﺍﯞﺍﻣﻠﯩﺸﯩﺸﻰ ﭘﯩﻼﻧﻼﻧﻐﺎﻥ، " ﻗﻮﻟﻤﯘ - ﻗﻮﻝ 2007 " ﻧﺎﻣﻠﯩﻖ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻫﻪﺭﺑﯩﻲ ﻣﻪﺷﻖ، ﭼﺎﺭﺷﻪﻧﺒﻪ ﻛﯜﻧﻰ ﻳﻪﻧﻰ 19 ‏- ﺋﯚﻛﺘﻪﺑﯩﺮ ﻛﯜﻧﻰ ﺧﯩﺘﺎﻳﻨﯩﯔ ﻳﯜﻧﻨﻪﻥ ﺋﯚﻟﻜﯩﺴﯩﺪﻩ ﺑﺎﺷﻼﻧﺪﻯ. ﺋﻮﺗﺘﯘﺭﯨﺴﯩﺪﯨﻜﻰ ﭼﯧﮕﺮﺍ ﻣﻪﺳﯩﻠﯩﺴﻰ ﻳﯧﺮﯨﻢ ﺋﻪﺳﯩﺮﺩﯨﻦ ﺑﯧﺮﻯ ﻫﻪﻝ ﺑﻮﻟﻤﺎﻱ ﻛﯧﻠﯩﯟﺍﺗﻘﺎﻥ ﺑﯘ ﺋﯩﻜﻜﻰ ﺩﯙﻟﻪﺕ ﻫﻪﺭﺑﯩﻲ ﻛﯜﭼﻠﯩﺮﻯ ﺋﺎﺭﯨﺴﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﺑﯩﻲ ﻣﻪﺷﻖ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺗﻪﺭﯨﭙﯩﺪﯨﻦ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﯨﻜﻰ ﺋﯚﺯﺍﺭﺍ ﺋﯩﺸﻪﻧﭽﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺋﯜﭼﯜﻧﺪﯗﺭ ﺩﻩﭖ ﻛﯚﺭﺳﯩﺘﯩﻠﺪﻯ.
ﭼﯩﻨﮕﺎﯓ: ﻫﻪﻣﻜﺎﺭﻟﯩﻖ ﻣﯘﻧﺎﺳﯩﯟﯨﺘﯩﻤﯩﺰﺩﯨﻜﻰ ﺋﺎﺳﺎﺳﻰ ﺋﯧﻘﯩﻢ
ﻫﯩﻨﺪﯨﺴﺘﺎﻥ ﺑﯩﻠﻪﻥ ﺧﯩﺘﺎﻱ ﺩﯗﻧﻴﺎﺩﺍ ﺑﯩﺮ ﻣﯩﻠﻴﺎﺭﺗﺘﯩﻦ ﺋﺎﺭﺗﯘﻕ ﻧﻮﭘﯘﺳﻘﺎ ﺋﯩﮕﻪ ﺑﻮﻟﯘﺵ، ﺷﻪﺭﻗﻰ ﯞﻩ ﺟﻪﻧﯘﺑﯩﻲ ﺋﺎﺳﯩﻴﺎﺩﺍ ﺋﻪﯓ ﭼﻮﯓ ﺯﯦﻤﯩﻨﮕﻪ ﺋﯩﮕﯩﺴﻰ ﺑﻮﻟﯘﺵ، ﻫﻪﺭ ﺋﯩﻜﻜﯩﺴﻰ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭ ﻗﺎﺗﺎﺭﯨﺪﺍ ﺑﻮﻟﯘﺵ ﻗﺎﺗﺎﺭﻟﯩﻖ ﺋﻮﺭﺗﺎﻗﻠﯩﻘﻠﯩﺮﯨﺪﯨﻦ ﺑﺎﺷﻘﺎ، ﺋﺎﻗﺴﺎﻳﭽﯩﻦ ﯞﻩ ﺋﺎﺭﯨﻨﺎﭼﺎﻝ ﺭﺍﻳﻮﻧﯩﻨﯩﯔ ﺋﯩﮕﯩﺪﺍﺭﭼﯩﻠﯩﻘﯩﻨﻰ ﺗﺎﻟﯩﺸﯩﺶ، ﯞﻩ ﺋﺎﺳﯩﻴﺎﻧﯩﯔ ﺧﻮﺟﺎﻳﯩﻨﻠﯩﻘﯩﻐﺎ ﺧﯩﺮﯨﺲ ﻗﯩﻠﯩﺶ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ، ﺯﯨﺖ ﻧﯘﻗﺘﯩﻠﯩﺮﻯ ﺑﻮﻟﻐﺎﻥ ﺋﯩﻜﻜﻰ ﻛﯜﭼﺘﯘﺭ.
ﺑﯘ ﻧﯘﻗﺘﯩﻨﻰ ﻧﻪﺯﻩﺭﺩﻩ ﺗﯘﺗﻘﺎﻥ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﭼﯩﻦ ﮔﺎﯓ، ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﻫﻪﺭﺑﯩﻲ ﻣﻪﺷﻖ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: " ﺋﺎﺭﯨﻤﯩﺰﺩﺍ، ﻫﻪﻝ ﺑﻮﻟﻤﺎﻱ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭ ﺑﺎﺭ. ﻣﻪﺳﯩﻠﻪﻥ ﭼﯧﮕﺮﺍ ﻣﻪﺳﯩﻠﯩﺴﻰ. ﺑﯩﺰ ﺑﯘ ﻣﻪﺳﯩﻠﯩﻠﻪﺭﻧﻰ ﺋﯩﻜﻜﻰ ﺗﻪﺭﻩﭖ ﺋﻮﺗﺘﯘﺭﯨﺪﯨﻜﻰ ﻣﯘﻧﺎﺳﯩﯟﻩﺗﻨﯩﯔ ﻳﺎﺧﺸﯩﻠﯩﻨﯩﺸﯩﻐﺎ ﺗﻮﺳﺎﻟﻐﯘ ﻗﯩﻠﯩﯟﺍﻟﻤﺎﻳﻤﯩﺰ. ﻫﻪﻣﻜﺎﺭﻟﯩﻖ ﺋﯩﻜﻜﻰ ﺗﻪﺭﻩﭖ ﻣﯘﻧﺎﺳﯩﯟﯨﺘﯩﺪﯨﻜﻰ ﺋﺎﺳﺎﺳﻰ ﺋﯧﻘﯩﻤﯩﺪﯗﺭ."
ﺭﻭﻳﺘﺮﯦﺲ: ﻫﻪﻣﻜﺎﺭﻟﯩﻘﻨﯩﯔ ﻧﯩﺸﺎﻧﻰ، ﻣﯘﺳﺘﻪﻗﯩﻠﻠﯩﻖ ﻛﯜﭼﻠﯩﺮﻯ
ﻳﯘﻗﯘﺭﯨﻘﯩﻼﺭﺩﯨﻦ ﺑﺎﺷﻘﺎ ﺗﯩﺒﻪﺕ ﻣﻪﺳﯩﻠﯩﺴﻰ، ﻛﻪﺷﻤﯩﺮ ﻣﻪﺳﯩﻠﯩﺴﻰ ﯞﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻤﯘ ﺧﯩﺘﺎﻱ- ﻫﯩﻨﺪﯨﺴﺘﺎﻥ ﻣﯘﻧﺎﺳﯩﯟﯨﺘﯩﮕﻪ ﭼﯧﺘﯩﻠﯩﭗ ﻛﯧﻠﯩﯟﺍﺗﻘﺎﻥ ﻣﯘﻫﯩﻢ ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﯩﻠﻪﺭﺩﯗﺭ. ﺧﯩﺘﺎﻱ ﻛﯜﻧﺪﯨﻠﯩﻚ ﮔﯧﺰﯨﺘﯩﻨﯩﯔ ﺧﻪﯞﯨﺮﯨﺪﻩ ﺑﯩﻠﺪﯛﺭﯛﻟﯩﺸﯩﭽﻪ، ﻣﻪﺯﻛﯘﺭ ﻫﻪﺭﺑﯩﻲ ﻣﻪﺷﯩﻘﻨﯩﯔ ﻣﻪﻗﺴﯩﺘﻰ ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻳﻪﻧﻰ، ﺑﯚﻟﮕﯜﻧﭽﯩﻠﯩﻜﻜﻪ، ﺭﺍﺩﯨﻜﺎﻟﯩﺰﻣﻐﺎ ﯞﻩ ﺗﯧﺮﻭﺭﯨﺰﯨﻤﻐﺎ ﺋﻮﺭﺗﺎﻕ ﻗﺎﺭﺷﻰ ﺗﯘﺭﯗﺷﺘﯘﺭ.
ﺭﯦﻴﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﻧﯚﯞﻩﺗﺘﻪ، ﺋﯘﻳﻐﯘﺭ ﺭﺍﻳﻮﻧﯩﺪﺍ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺩﯙﻟﯩﺘﯩﻨﻰ ﻗﯘﺭﯗﺵ ﺋﯜﭼﯜﻥ، ﻛﯜﺭﻩﺵ ﻗﯩﻠﯩﯟﺍﺗﻘﺎﻥ، ﺋﯘﻳﻐﯘﺭﻻﺭﻏﺎ ﺭﻩﻫﯩﻤﺴﯩﺰ ﺑﺎﺳﺘﯘﺭﯗﺵ ﻳﻮﻟﯩﻨﻰ ﺗﺎﻟﻠﯩﻐﺎﻥ ﺑﻮﻟﯘﭖ، ﺑﯘ ﻣﻪﺷﻖ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻛﯜﭼﻠﯩﺮﯨﻨﻰ ﺗﯩﺰﮔﯩﻨﻠﻪﺵ ﺋﯜﭼﯜﻥ ﺑﯧﺴﯩﻠﯩﯟﺍﺗﻘﺎﻥ ﻗﻪﺩﻩﻣﻠﻪﺭﺩﯨﻦ ﺑﯩﺮﻯ ﺑﻮﻟﯘﺷﻰ ﻣﯘﻣﻜﯩﻦ.
ﺋﯚﺯﺍﺭﺍ ﺋﯩﺸﻪﻧﭽﺴﯩﺰﻟﯩﻚ ﺋﺎﺳﺎﺳﻰ ﺋﻮﺭﯗﻧﺪﺍ
1962 ‏- ﻳﯩﻠﻰ 20 ‏- ﺋﯚﻛﺘﻪﺑﯩﺮﺩﯨﻦ 21 ‏- ﻧﻮﻳﺎﺑﯩﺮﻏﺎ ﻗﻪﺩﻩﺭ ﺩﺍﯞﺍﻡ ﻗﯩﻠﻐﺎﻥ ﺧﯩﺘﺎﻱ‏-ﻫﯩﻨﺪﯨﺴﺘﺎﻥ ﭼﯧﮕﺮﺍ ﺋﯘﺭﯗﺷﯩﺪﯨﻦ ﻛﯧﻴﯩﻦ ﺋﯩﻜﻜﻰ ﺗﻪﺭﻩﭖ ﺋﻮﺗﺘﯘﺭﯨﺴﯩﺪﺍ ﻛﻮﭖ ﻗﯧﺘﯩﻤﻼﭖ ﺳﯚﻫﺒﻪﺗﻠﻪﺭ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﺴﯩﻤﯘ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﺘﻪ ﺋﯩﻠﮕﯩﺮﯨﻠﻪﺵ ﺑﻮﻟﻤﯩﻐﺎﻥ. ﭘﻪﻗﻪﺕ، 2004 ‏- ﻳﯩﻠﻰ، ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﺍ 10 ﻣﯩﻠﻴﺎﺭﺩ ﺩﻭﻟﻼﺭﻟﯩﻖ ﺳﻮﺩﺍ ﻛﯧﻠﯩﺸﯩﻤﻰ ﺋﯩﻤﺰﺍﻟﯩﻨﯩﭗ، ﻗﻪﺩﯨﻤﯩﻲ ﻳﯩﭙﻪﻙ ﻳﻮﻟﯩﻨﯩﯔ ﺑﯩﺮ ﭘﺎﺭﭼﯩﺴﻰ ﺑﻮﻟﻐﺎﻥ ﻧﺎﺗﯘﻻ ﻳﻮﻟﻰ ﺋﯧﭽﯩﻠﻐﺎﻧﺪﯨﻦ ﻛﯧﻴﯩﻦ، ﺋﯩﻜﻜﻰ ﺗﻪﺭﻩﭖ ﻣﯘﻧﺎﺳﯩﯟﯨﺘﯩﺪﻩ ﻛﯚﺯﮔﻪ ﻛﯚﺭﯛﻧﻪﺭﻟﯩﻚ ﺋﯩﻠﮕﯩﺮﯨﻠﻪﺵ ﺑﻮﻟﻐﺎﻥ.
2005 ‏- ﻳﯩﻠﻰ ﺋﺎﭘﺮﯨﻠﺪﺍ، ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﯩﻴﺎﺑﺎﯞ ﻫﯩﻨﺪﯨﺴﺘﺎﻧﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺋﯩﻜﻜﻰ ﺩﯙﻟﻪﺗﻨﯩﯔ 21 ‏- ﺋﻪﺳﯩﺮﺩﻩ ﺩﯗﻧﻴﺎﻧﯩﯔ ﻳﯧﺘﻪﻛﭽﻰ ﺩﯙﻟﻪﺗﻠﯩﺮﻯ ﻗﺎﺗﺎﺭﺩﯨﻦ ﺗﻪﯓ ﺋﻮﺭﯗﻥ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ ﺑﻮﻟﺴﯩﻤﯘ، ﺑﯘ ﺋﯩﻠﮕﯩﺮﯨﻠﻪﺷﻠﻪﺭ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﺋﯚﺯﺍﺭﺍ ﺋﯩﺸﻪﻧﭽﺴﯩﺰﻟﯩﻜﻨﻰ ﻳﻮﻗﯘﺗﺎﻟﻤﯩﻐﺎﻧﻠﯩﻘﻰ ﺋﯘﺯﯗﻥ ﺑﺎﺭﻣﺎﻱ ﺋﺎﺷﻜﺎﺭﯨﻼﻧﻐﺎﻥ. ﻫﯩﻨﺪﯨﺴﺘﺎﻧﻨﯩﯔ ﺏ ﺩ ﺕ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﯩﻨﯩﯔ ﺩﺍﺋﯩﻤﯩﻲ ﺋﻪﺯﺍ ﺑﻮﻟﯘﺵ ﺋﺎﺭﺯﯗﺳﯩﻐﺎ ﺩﻩﺳﻠﻪﭖ ﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﯞﯦﻦ ﺟﻴﺎﺑﺎﯞ، ﺑﯧﻴﺠﯩﯖﻐﺎ ﻗﺎﻳﺘﻘﺎﻥ ﻛﯧﻴﯩﻦ ﺑﯘ ﭘﯩﻜﺮﯨﺪﯨﻦ ﻳﯧﻨﯩﯟﺍﻟﻐﺎﻥ. 2005 ‏- ﻳﯩﻠﻰ ﺋﯧﭽﯩﻠﻐﺎﻥ ﺷﻪﺭﻗﻰ ﺟﻪﻧﯘﺑﻰ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﻨﯩﯔ ﺭﺍﻳﻮﻥ ﺧﺎﺭﺍﻛﺘﯧﺮﻟﯩﻖ ﻫﻪﻣﻜﺎﺭﻟﯩﻖ ﻳﯩﻐﯩﻨﯩﺪﺍ، ﺧﯩﺘﺎﻳﻨﯩﯔ ﻧﺎﺯﺍﺭﻩﺗﭽﯩﻠﯩﻚ ﺋﻮﺭﻧﯩﻐﺎ ﻫﯩﻨﺪﯨﺴﺘﺎﻥ ﻗﺎﺭﺷﻰ ﺗﯘﺭﻏﺎﻥ.
ﻫﯩﻨﺪﯨﺴﺘﺎﻥ، ﺗﯩﺒﻪﺕ ﻣﯘﺳﺘﻪﻗﯩﻠﭽﯩﻠﯩﺮﯨﻨﯩﯔ ﭘﺎﻧﺎﻫﮕﺎﻫﻰ ﺑﻮﻟﯘﺵ ﺑﯩﻠﻪﻥ ﺑﯩﻠﻠﻪ ﺋﯘﻻﺭﻧﯩﯔ ﺗﺎﺷﻘﻰ ﺩﯗﻧﻴﺎﻏﺎ ﭼﯩﻘﯩﺶ ﺋﯩﺸﯩﮕﯩﺪﯗﺭ؛ ﻳﻪﻧﻪ ﺑﻪﺯﻯ ﻣﻪﻟﯘﻣﺎﺗﻼﺭﺩﯨﻦ ﻗﺎﺭﯨﻐﺎﻧﺪﺍ، ﺗﯩﺒﻪﺕ ﻳﻮﻟﻰ ﺋﺎﺭﻗﯩﻠﯩﻖ ﭼﻪﺗﺌﻪﻟﮕﻪ ﭼﯩﻘﻘﺎﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺋﯜﭼﯜﻧﻤﯘ ﻫﯩﻨﺪﯨﺴﺘﺎﻥ ﺑﯩﺮ ﺋﯚﺗﻪﯓ ﺑﻮﻟﯘﭖ ﻛﻪﻟﻤﻪﻛﺘﻪ. ﺑﯘ ﺳﻪﯞﻩﺑﺘﯩﻦ، ﺑﯘ ﻗﯧﺘﯩﻤﻘﻰ ﻫﻪﺭﺑﯩﻲ ﻣﻪﺷﻖ ﺭﯦﻴﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ ﺋﯩﺸﺎﺭﻩﺕ ﻗﯩﻠﯩﻨﻐﯩﻨﯩﺪﻩﻙ، ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻖ ﻛﯜﭼﻠﯩﺮﯨﻨﯩﯔ ﻫﻪﺭﻛﻪﺕ ﺩﺍﺋﯩﺮﯨﺴﯩﻨﻰ ﺗﺎﺭﺍﻳﺘﯩﺶ ﺋﯜﭼﯜﻥ ﺑﯧﺴﯩﻠﯩﯟﺍﺗﻘﺎﻥ ﻗﻪﺩﻩﻡ ﺑﻮﻟﯘﺷﻰ ﻣﯘﻣﻜﯩﻦ ﺋﯩﻜﻪﻥ.

ﺧﯩﺘﺎﻱ ﺳﺎﻗﭽﯩﻠﯩﺮﻯ ﻧﺎﻣﺎﻳﯩﺸﭽﯩﻼﺭﻏﺎ ﻳﺎﺵ ﺋﺎﻗﺘﯘﺭﯗﺵ ﺑﻮﻣﺒﯩﺴﻰ ﺋﺎﺗﺘﻰ

2007.12.21
20- ﺩﯦﻜﺎﺑﯩﺮ ﭘﻪﻳﺸﻪﻧﺒﻪ ﻛﯜﻧﻰ ﺟﻪﻧﯘﺑﻰ ﺧﯩﺘﺎﻳﺪﺍ ﺧﯩﺘﺎﻱ ﺳﺎﻗﭽﯩﻠﯩﺮﻯ، ﻳﻪﺭﻟﯩﻚ ﻫﯚﻛﯜﻣﻪﺗﻨﯩﯔ ﺋﯚﺯﻟﯩﺮﯨﻨﯩﯔ ﺗﯩﺮﯨﻜﭽﯩﻠﯩﻚ ﻗﯩﻠﯩﺪﯨﻐﺎﻥ ﻳﻪﺭﻟﯩﺮﯨﻨﻰ ﺋﺎﺩﺍﻟﻪﺗﺴﯩﺰﻟﯩﻚ ﺑﯩﻠﻪﻥ ﺋﯩﮕﯩﻠﯩﯟﺍﻟﻐﺎﻧﻠﯩﻘﯩﻐﺎ ﻗﺎﺭﺷﻰ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻣﯩﯖﺪﻩﻙ ﻧﺎﻣﺎﻳﯩﺸﭽﯩﻐﺎ ﻳﺎﺵ ﺋﺎﻗﺘﯘﺭﯗﺵ ﺑﻮﻣﺒﯩﺴﻰ ﺋﯧﺘﯩﭗ ﺋﯘﻻﺭﻧﻰ ﺗﺎﺭﻗﺎﻗﻼﺷﺘﯘﺭﺩﻯ.
ﻣﻪﻟﯘﻡ ﺑﻮﻟﯘﺷﯩﭽﻪ، ﻧﺎﻣﺎﻳﯩﺶ ﮔﯘﺍﯕﺪﯗﯓ ﺋﯚﻟﻜﯩﺴﯩﻨﯩﯔ ﺩﯗﯕﺠﯘ ﻳﯧﺰﯨﺴﯩﺪﺍ 20 - ﺩﯦﻜﺎﺑﯩﺮ ﻛﻪﭼﻘﯘﺭﯗﻥ ﺳﺎﺋﻪﺕ 4ﻟﻪﺭﺩﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﯘﭖ، ﻧﻪﻕ ﻣﻪﻳﺪﺍﻧﻐﺎ ﻳﯜﺯﻟﯩﮕﻪﻥ ﺩﯦﻬﻘﺎﻧﻼﺭ ﻳﯩﻐﯩﻠﻐﺎﻥ.
ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺗﻮﻟﯘﻕ ﻗﻮﺭﺍﻟﻼﻧﻐﺎﻥ ﻣﯩﯖﺪﯨﻦ ﺋﺎﺭﺗﯘﻕ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻢ ﺋﻪﺳﻜﻪﺭﻟﯩﺮﻯ ﯞﻩ ﻧﺎﻣﺎﻳﯩﺸﯩﻨﻰ ﺑﺎﺳﺘﯘﺭﯗﺵ ﺋﻪﺗﺮﯨﺘﻰ ﺋﻪﺯﺍﻟﯩﺮﻯ ﺩﯗﯕﺠﯘ ﻳﯧﺰﯨﻐﺎ ﻛﯩﺮﮔﻪﻥ ﯞﻩ ﻛﯩﺮﯨﺶ ﺋﯧﻐﯩﺰﻧﻰ ﻗﺎﻣﺎﻝ ﻗﯩﻠﯩﭗ، ﻧﺎﻣﺎﻳﯩﺸﭽﻰ ﺋﺎﻣﻤﯩﻨﯩﯔ ﻣﻪﺯﻛﯘﺭ ﻳﯧﺰﯨﺪﯨﻜﻰ ﺧﻪﻳﯟﻩﻥ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﯞﻩ ﺗﻮﻙ ﺗﻪﻗﺴﯩﻤﻠﻪﺵ ﻣﯘﻧﺎﺭﯨﺴﻰ ﺋﯩﺶ ﻣﻪﻳﺪﺍﻧﯩﻐﺎ ﻗﺎﺭﺍﭖ ﺳﯜﺭﯛﻟﯜﺷﯩﻨﻰ ﺗﻮﺳﯩﻐﺎﻥ. ﺋﯚﺯﯨﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﯩﻐﺎﻥ ﺑﯩﺮ ﻛﯩﺸﻰ ﺳﺎﻗﭽﯩﻼﺭﻧﯩﯔ ﻧﺎﻣﺎﻳﯩﺸﭽﯩﻼﺭﻏﺎ ﻳﺎﺵ ﺋﺎﻗﺘﯘﺭﯗﺵ ﺑﻮﻣﺒﯩﺴﻰ ﺋﺎﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
ﻧﻪﺗﯩﺠﯩﺪﻩ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻛﯜﭺ ﻛﯚﺭﺳﯩﺘﯩﭗ ﻗﺎﺗﺘﯩﻖ ﺑﺎﺳﺘﯘﺭﯗﺷﻰ ﺋﺎﺭﻗﯩﺴﯩﺪﺍ، ﻧﺎﻣﺎﻳﯩﺶ ﺑﯧﺴﯩﻘﺘﯘﺭﯗﻟﯘﭖ ﺗﻮﻙ ﺗﻪﻗﺴﯩﻤﻠﻪﺵ ﻣﯘﻧﺎﺭﻯ ﻗﯘﺭﯗﻟﯘﺷﻰ ﺩﺍﯞﺍﻣﻼﺷﺘﯘﺭﯗﻟﻐﺎﻥ.
ﺋﯩﻜﻜﻰ ﻳﯩﻞ ﺋﯩﻠﮕﯩﺮﻯ ﺩﯗﯕﺠﯘﺩﺍ ﻫﯚﻛﯜﻣﻪﺕ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﻟﯘﺷﻰ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﺩﯦﻬﻘﺎﻧﻼﺭﻧﯩﯔ ﻳﻪﺭﻟﯩﺮﯨﻨﻰ ﻣﻪﺟﺒﯘﺭﯨﻲ ﻫﺎﻟﺪﺍ ﺗﺎﺭﺗﯩﯟﺍﻟﻐﺎﻧﺪﯨﻦ ﻛﯧﻴﯩﻦ ﺩﯦﻬﻘﺎﻧﻼﺭ ﻗﺎﺭﺷﯩﻠﯩﻖ ﺑﯩﻠﺪﯛﺭﯛﭖ ﻧﺎﻣﺎﻳﯩﺶ ﻗﯩﻠﻐﺎﻧﺪﺍ ﺳﺎﻗﭽﯩﻼﺭ ﻧﺎﻣﺎﻳﯩﺸﭽﯩﻼﺭﻏﺎ ﺋﻮﻕ ﭼﯩﻘﯩﺮﯨﭗ 3 ﺋﺎﺩﻩﻣﻨﻰ ﺋﯚﻟﺘﯜﺭﮔﻪﻥ ﺋﯩﺪﻯ.
ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﺧﯩﺘﺎﻳﺪﺍ ﻳﻪﺭﻟﻪﺭﻧﯩﯔ ﻗﺎﻻﻳﻤﯩﻘﺎﻥ ﺋﯩﮕﯩﻠﯩﯟﯦﻠﯩﻨﯩﺸﯩﻨﻰ ﺳﻪﯞﻩﺑﻠﯩﻚ ﺩﯦﻬﻘﺎﻧﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﺎﺭﯨﺴﯩﺪﺍ ﻫﻪﺭ ﺧﯩﻞ ﺷﻪﻛﯩﻠﺪﯨﻜﻰ ﺗﻮﻗﯘﻧﯘﺷﻼﺭ ﻳﯜﺯ ﺑﯧﺮﯨﭗ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ ﺑﯘ ﻧﯚﯞﻩﺗﺘﯩﻜﯩﺴﯩﻤﯘ ﺷﯘ ﺧﯩﻠﯩﺪﯨﻜﻰ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﯩﻨﯩﯔ ﺑﯩﺮ ﻗﯩﺴﻤﻰ ﻫﯧﺴﺎﺑﻠﯩﻨﯩﺪﯗ.

ﺗﺎﺭﯨﻢ ﻧﯧﻔﯩﺘﻠﯩﻜﯩﺪﻩ ﺗﻪﺑﯩﺌﯩﻲ ﮔﺎﺯ ﺋﯩﺸﻠﻪﭘﭽﯩﻘﯩﺮﯨﺶ ﺋﺎﻟﺪﯨﻨﻘﻰ ﻳﯩﻠﺪﯨﻜﯩﺪﯨﻦ 40 ﭘﯩﺮﺳﻪﻧﺖ ﺋﺎﺷﻘﺎﻥ

2007.12.21
ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﺑﻪﺭﮔﻪﻥ ﺧﻪﯞﻩﺭﻟﻪﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺑﯘ ﻳﯩﻞ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﺋﯩﺸﻠﻪﭘﭽﯩﻘﺎﺭﻏﺎﻥ ﺗﻪﺑﯩﺌﯩﻲ ﮔﺎﺯ ﻣﯩﻘﺪﺍﺭﻯ 15.5 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮﻏﺎ ﻳﯧﺘﯩﭗ، ﺑﯘﻟﺘﯘﺭﻗﯩﺪﯨﻦ 40 ﭘﯩﺮﺳﻪﻧﺖ ﺋﯚﺭﻟﯩﮕﻪﻥ.
ﺗﺎﺭﯨﻢ ﻧﯧﻔﯩﺘﻠﯩﻜﻰ ﺧﯩﺘﺎﻱ ﺩﯙﻟﻪﺗﻠﯩﻚ ﻧﯧﻔﯩﺖ ﮔﯘﺭﯗﻫﯩﻨﯩﯔ ﺑﺎﺷﻘﯘﺭﯗﺷﯩﺪﺍ ﺑﻮﻟﯘﭖ، 2006- ﻳﯩﻠﻰ 11 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﮔﺎﺯ ﺋﯩﺸﻠﻪﭖ ﭼﯩﻘﺎﺭﻏﺎﻥ ﺋﯩﺪﻯ.
ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺗﺎﺭﯨﻢ ﻧﯧﻔﯩﺘﻠﯩﻜﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﺎﺷﻼﭖ 19- ﺩﯦﻜﺎﺑﯩﺮﻏﯩﭽﻪ 12 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﺗﻪﺑﯩﺌﯩﻲ ﮔﺎﺯ ﺗﻮﺷﯘﭖ ﻛﻪﺗﻜﻪﻥ ﺑﻮﻟﯘﭖ، ﻧﯧﻔﯩﺖ ﺷﯩﺮﻛﯩﺘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، " ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﺗﯘﺭﯗﺑﺎ ﻟﯩﻨﯩﻴﯩﺴﻰ" ﺑﯘ ﻳﯩﻞ ﺋﺎﺧﯩﺮﻏﯩﭽﻪ ﺧﯩﺘﺎﻳﻐﺎ ﺟﻪﻣﺌﯩﻲ 13.7 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﺗﻪﺑﯩﺌﯩﻲ ﮔﺎﺯ ﻳﻪﺗﻜﯜﺯﯛﭖ ﺑﯘﻟﺘﯘﺭﻗﯩﺪﯨﻦ 9.8 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﺋﺎﺷﯘﺭﯨﺪﯨﻜﻪﻥ.
ﺗﺎﺭﯨﻢ ﻧﯧﻔﯩﺘﻠﯩﻜﯩﺪﯨﻦ ﺑﺎﺷﻠﯩﻨﯩﭗ ﺧﯩﺘﺎﻳﻨﯩﯔ ﺷﺎﯕﺨﻪﻱ ﺷﻪﻫﯩﺮﯨﺪﯨﻜﻰ ﺑﻪﻳﺨﯥ ﻳﯧﺰﯨﺴﯩﻐﺎ ﺗﯘﺗﯩﺸﯩﺪﯨﻐﺎﻥ 4200 ﻛﯩﻠﻮ ﻣﯧﺘﯩﺮﻟﯩﻖ ﺑﯘ ﺗﯘﺭﯗﺑﺎ ﻟﯩﻨﯩﻴﯩﺴﻰ ﺋﻪﺳﻠﯩﺪﻩ ﻳﯩﻠﯩﻐﺎ 12 ﻣﯩﻠﻴﺎﺭﺩ ﻛﯘﺏ ﻣﯧﺘﯩﺮ ﺗﻪﺑﯩﺌﯩﻲ ﮔﺎﺯ ﻳﯚﺗﻜﻪﺵ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﻗﯩﻠﯩﭗ ﻻﻳﯩﻬﯩﻠﻪﻧﮕﻪﻥ ﺑﻮﻟﯘﭖ، ﺑﯘ ﻳﯩﻞ ﺑﯘ ﺗﯘﺭﯗﺑﺎ ﻟﯩﻨﯩﻴﯩﺴﻰ ﺗﻮﺷﯘﻏﺎﻥ ﮔﺎﺯ ﺑﻪﻟﮕﯩﻠﯩﮕﻪﻥ ﭼﻪﻛﺘﯩﻦ ﺋﯧﺸﯩﭗ ﻛﻪﺗﻜﻪﻥ.
ﺋﺎﺷﻜﺎﺭﯨﻠﯩﻨﯩﺸﯩﭽﻪ، 560 ﻣﯩﯔ ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﻛﻪﯕﻠﯩﻜﺘﯩﻜﻰ ﺗﺎﺭﯨﻢ ﺋﻮﻳﻤﺎﻧﻠﯩﻘﯩﺪﺍ 526 ﻣﯩﻠﻴﻮﻥ ﺗﻮﻧﻨﺎ ﻧﯧﻔﯩﺖ ﺯﺍﭘﯩﺴﻰ ﯞﻩ 724 ﻣﯩﻠﻴﺎﺭﺩ ﻛﻮﺏ ﻣﯧﺘﯩﺮ ﺗﻪﺑﯩﺌﯩﻲ ﮔﺎﺯ ﺯﺍﭘﯩﺴﻰ ﺑﺎﺭﻟﯩﻘﻰ ﺋﯩﺴﭙﺎﺗﻼﻧﻐﺎﻥ.

ﺧﯩﺘﺎﻳﺪﺍ ﻳﯧﯖﯩﺪﯨﻦ ﺋﯧﭽﯩﻠﻐﺎﻥ 'ﭼﯩﺮﯨﻜﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺗﻮﺭ ﺑﯧﺘﻰ' ﮔﻪ ﻛﯩﺮﯨﺶ ﻗﯩﻴﯩﻦ

ﺧﯩﺘﺎﻳﺪﺍ ﻳﯧﯖﯩﺪﯨﻦ ﺑﯩﺮ 'ﭼﯩﺮﯨﻜﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺗﻮﺭ ﺑﯧﺘﻰ' ﺋﯧﭽﯩﻠﻐﺎﻥ ﺑﻮﻟﯘﭖ، ﺗﻮﺭﻏﺎ ﻛﯩﺮﯨﭗ ﻣﻪﺳﯩﻠﻪ ﭘﺎﺵ ﻗﯩﻠﯩﺪﯨﻐﺎﻥ، ﺑﺎﻫﺎ ﻳﺎﺯﯨﺪﯨﻐﺎﻥ ﺋﺎﺩﻩﻡ ﻛﯚﭖ ﺑﻮﻟﻐﺎﻧﻠﯩﻘﺘﯩﻦ، ﺑﯘ ﺗﻮﺭ ﺑﯧﺘﻰ ﺑﯩﺮ ﻛﯜﻥ ﺋﯚﺗﻤﻪﻳﻼ ﺗﯩﻘﯩﻠﯩﭗ، ﻫﯧﭽﻜﯩﻢ ﺗﻮﺭﻏﺎ ﻛﯩﺮﻩﻟﻤﻪﻳﺪﯨﻐﺎﻥ ﺑﻮﻟﯘﭖ ﻗﺎﻟﻐﺎﻥ.
ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، 'ﭼﯩﺮﯨﻜﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺗﻮﺭ ﺑﯧﺘﻰ'ﻧﯩﯔ ﻗﯘﺭﯗﻟﻐﺎﻧﻠﯩﻘﯩﻨﻰ ﻣﻪﻣﻠﯩﻜﻪﺗﻠﯩﻚ ﭼﯩﺮﯨﻜﻠﯩﻜﺘﯩﻦ ﺳﺎﻗﻠﯩﻨﯩﺶ ﺋﯩﺪﺍﺭﯨﺴﻰ ﺩﯦﮕﻪﻥ ﺋﻮﺭﮔﺎﻥ 12 ‏- ﺋﺎﻳﻨﯩﯔ 18 ‏- ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺗﻮﺭ ﺑﯧﺘﯩﺪﻩ ﺧﻪﻟﻘﻨﯩﯔ ﺋﻪﺭﺯ-ﺷﯩﻜﺎﻳﻪﺕ ﻗﯩﻠﯩﺸﻰ ﺭﯗﺧﺴﻪﺕ ﻗﯩﻠﯩﻨﻐﺎﻥ ﺋﯩﺪﻯ.
ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 12 ‏- ﺋﺎﻳﻨﯩﯔ 19 ‏- ﻛﯜﻧﻰ ﺗﺎﯓ ﺋﯧﺘﯩﭗ ﺑﻮﻟﻐﯘﭼﻪ، ﺑﯘ ﺗﻮﺭ ﺑﯧﺘﯩﮕﻪ 250 ﭘﺎﺭﭼﻪ ﺋﻮﺑﺰﻭﺭ ﭼﺎﭘﻼﻧﻐﺎﻥ. ﺋﯘﻧﯩﯖﺪﺍ ﺋﺎﺳﺎﺳﻪﻥ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ 'ﺧﯩﻴﺎﻧﻪﺗﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ' ﺩﯦﮕﻪﻥ ﺷﻮﺋﺎﺭﯨﻨﯩﯔ ﻳﺎﻟﻐﺎﻧﻠﯩﻘﻰ، ﺋﻪﻣﻪﻟﯩﻴﻪﺗﺘﻪ ﻣﯘﺷﯘ ﺷﯘﺋﺎﺭﺩﯨﻦ ﻛﯧﻴﯩﻦ ﻛﻮﻣﻤﯘﻧﯩﺴﺖ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺧﯩﻴﺎﻧﻪﺗﭽﯩﻠﯩﻚ ﻫﻪﺭﯨﻜﻪﺗﻠﯩﺮﻯ ﺑﺎﺭﻏﺎﻧﺴﯧﺮﻯ ﺋﻪﯞﺝ ﺋﯧﻠﯩﭗ ﻛﯧﺘﯩﯟﺍﺗﻘﺎﻧﻠﯩﻘﻰ، ﺩﯦﻬﻘﺎﻧﻼﺭﻧﯩﯔ ﺑﻮﻟﺴﺎ ﻧﺎﻣﺮﺍﺗﻠﯩﺸﯩﭗ ﻣﺎﺋﺎﺭﯨﭙﺴﯩﺰ ﻗﯧﻠﯩﯟﺍﺗﻘﺎﻧﻠﯩﻘﻰ ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭ ﺑﺎﻳﺎﻥ ﻗﯩﻠﯩﻨﻐﺎﻥ. ﻫﺎﺯﯨﺮ ﺑﯘ ﺗﻮﺭ ﺑﯧﺘﻰ ﻛﯩﺮﯨﺪﯨﻐﺎﻥ ﺋﺎﺩﻩﻣﻨﯩﯔ ﻛﯚﭘﻠﯩﻜﯩﺪﯨﻦ ﺗﯩﻘﯩﻠﯩﭗ ﻗﺎﻟﻤﺎﻗﺘﺎ.

ﺋﯘﻳﻐﯘﺭﻻﺭ ﺋﻪﺯﻩﻟﺪﯨﻦ ﺳﯚﻳﮕﯜ - ﻣﯘﻫﻪﺑﺒﻪﺗﻨﻰ ﻗﻪﺩﯨﺮﻟﻪﻳﺪﯨﻐﺎﻥ، ﭘﯜﺗﯜﻥ ﺋﯩﻨﺴﺎﻧﯩﻴﻪﺗﻨﻰ ﺳﯚﻳﯩﺪﯨﻐﺎﻥ ﯞﻩ ﻫﻪﺭ ﻛﯩﺸﯩﮕﻪ ﺷﯘ ﺳﯚﻳﮕﯜﻧﯩﯔ ﺗﯜﺭﺗﻜﯩﺴﻰ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻥ ﺋﯩﻠﻐﺎﺭ ﺧﻪﻟﻖ. ﭼﯜﻧﻜﻰ ﺋﯘﻻﺭ ﺑﯩﻠﯩﺪﯗﻛﻰ، ﺳﯚﻳﮕﯜ ﻫﺎﻳﺎﺗﻠﯩﻘﻨﯩﯔ ﺟﯧﻨﻰ، ﻗﻪﻟﺒﻨﯩﯔ ﺯﯨﻨﻨﯩﺘﻰ ﯞﻩ ﺑﻪﺧﺘﻨﯩﯔ ﻛﺎﭘﺎﻟﯩﺘﯩﺪﯗﺭ. ﺳﯚﻳﮕﯜﻧﯩﯔ ﻗﯩﻤﻤﯩﺘﯩﻨﻰ ﺗﻮﻧﯘﻏﺎﻥ ﺋﻪﺭﺑﺎﺑﻼﺭ "ﺩﯗﻧﻴﺎﺩﺍ ﺳﯚﻳﮕﯜ ﺋﻮﻣﯘﻣﻠﯩﺸﯩﺪﯨﻐﺎﻥ ﺑﻮﻟﺴﺎ، ﺋﯩﻨﺴﺎﻧﻼﺭ ﻧﻪ ﺋﺎﺩﺍﻟﻪﺗﻜﻪ، ﻧﻪ ﻗﺎﻧﯘﻧﻐﺎ ﻣﯘﻫﺘﺎﺝ ﺑﻮﻟﻤﯩﻐﺎﻥ ﺑﻮﻻﺗﺘﻰ" ﺩﯦﮕﻪﻧﯩﻜﻪﻥ ﻗﻪﺩﯨﻤﺪﻩ. ﺋﯘﻟﯘﻍ ﺋﺎﻟﯩﻢ ﺟﺎﻻﻟﯩﺪﯨﻦ ﺭﯗﻣﯩﻲ ﻣﯘﻧﺪﺍﻕ ﺩﯦﮕﻪﻧﯩﻜﻪﻥ: "ﺳﯚﻳﮕﯜ ﺋﺎﭼﭽﯩﻘﻨﻰ ﺗﺎﺗﻠﯩﻘﻘﺎ، ﺗﯘﭘﺮﺍﻗﻨﻰ ﺋﺎﻟﺘﯘﻧﻐﺎ، ﻛﯩﺮﻧﻰ ﺳﺎﭘﻠﯩﻘﻘﺎ، ﻛﯧﺴﻪﻟﻨﻰ ﺳﺎﻗﻠﯩﻘﻘﺎ، ﺗﯜﺭﻣﯩﻨﻰ ﺑﻮﺳﺘﺎﻧﻐﺎ، ﻏﻪﺯﻩﭘﻨﻰ ﺷﻪﭘﻘﻪﺗﻜﻪ ﺋﺎﻳﻼﻧﺪﯗﺭﯨﺪﯨﻐﺎﻥ، ﺗﯚﻣﯜﺭﻧﻰ ﺋﯧﺮﯨﺘﯩﺪﯨﻐﺎﻥ، ﺗﺎﺷﻨﻰ ﻳﯘﻣﺸﯩﺘﯩﺪﯨﻐﺎﻥ، ﺋﯚﻟﯜﻛﻨﻰ ﺗﯩﺮﯨﻠﺪﯛﺭﯨﺪﯨﻐﺎﻥ ﯞﻩ ﺋﯘﻧﯩﯖﻐﺎ ﺋﺎﺑﯩﻬﺎﻳﺎﺕ ﺑﻪﺧﺶ ﺋﯧﺘﯩﺪﯨﻐﺎﻥ ﺑﯩﺮ ﻣﯚﺟﯩﺰﯨﺪﯗﺭ."
ﻫﻪﺯﺭﯨﺘﻰ ﻣﯘﻫﻪﻣﻤﻪﺩ ﺋﻪﻟﻪﻳﻬﯩﺴﺴﺎﻻﻡ ﺳﯚﻳﮕﯜﻧﯩﯔ ﺋﻪﻫﻤﯩﻴﯩﺘﯩﻨﻰ ﺑﺎﻳﺎﻥ ﻗﯩﻠﯩﭗ، "ﺋﺎﻟﻼﻫ ﺗﺎﺋﺎﻻﻧﯩﯔ ﻧﺎﻣﻰ ﺑﯩﻠﻪﻥ ﻗﻪﺳﻪﻡ ﻗﯩﻠﯩﻤﻪﻧﻜﻰ، ﺳﯩﻠﻪﺭ ﻣﯚﻣﯩﻦ ﺑﻮﻟﻤﯩﻐﯩﭽﻪ ﺟﻪﻧﻨﻪﺗﻜﻪ ﻛﯩﺮﻩﻟﻤﻪﻳﺴﯩﻠﻪﺭ، ﺑﯩﺮ ﺑﯩﺮﯨﯖﻼﺭﻧﻰ ﺳﯚﻳﻤﯩﮕﯩﭽﻪ ﻣﯚﻣﯩﻦ ﺑﻮﻻﻟﻤﺎﻳﺴﯩﻠﻪﺭ" ﺩﻩﭖ ﻛﯚﺭﺳﻪﺗﻜﻪﻥ.
ﯞﻩﺗﻪﻥ ﺳﯚﻳﮕﯜﺳﻰ
ﺋﻪﯓ ﺷﻪﺭﻩﭘﻠﯩﻚ ﯞﻩ ﺋﯘﻟﯘﻍ ﺳﯚﻳﮕﯜ ﯞﻩﺗﻪﻥ ﺳﯚﻳﮕﯜﺳﯩﺪﯗﺭ. ﻫﻪﻗﯩﻘﯩﻲ ﻳﺎﺧﺸﻰ ﻛﯩﺸﻰ ﺋﯚﺯ ﯞﻩﺗﯩﻨﯩﮕﻪ ﺳﺎﺩﯨﻖ ﺑﻮﻟﯩﺪﯗ. ﭼﯜﻧﻜﻰ ﺋﯩﻨﺴﺎﻧﻠﯩﻘﻨﯩﯔ ﺗﻪﻗﻪﺯﺯﺍﺳﻰ ﯞﺍﭘﺎﺩﺍﺭﻟﯩﻘﻨﻰ ﺗﻪﻟﻪﭖ ﻗﯩﻠﯩﺪﯗ.
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺋﺎﻟﯩﻢ ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﯞﻩﺗﻪﻥ ﺳﯚﻳﮕﯜﺳﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻳﻪﻧﻪ ﻣﯘﻧﺪﺍﻕ ﺩﯨﺪﻯ:" ﯞﯨﺠﺪﺍﻧﻠﯩﻖ ﺋﯩﻨﺴﺎﻥ ﯞﻩﺗﯩﻨﯩﻨﻰ ﺳﯚﻳﯜﺷﻨﻰ ﺋﯩﻨﺴﺎﻧﻠﯩﻖ ﺑﯘﺭﭼﻰ ﺩﻩﭖ ﺑﯩﻠﯩﺪﯗ. ﭼﯜﻧﻜﻰ ﺋﯩﻨﺴﺎﻥ ﺧﺎﺭﺍﻛﺘﯧﺮﻯ ﻳﺎﺧﺸﯩﻠﯩﻘﻘﺎ ﻳﺎﺧﺸﯩﻠﯩﻖ ﻗﺎﻳﺘﯘﺭﯗﺷﻨﻰ، ﻳﺎﺧﺸﯩﻠﯩﻖ ﻗﯩﻠﻐﺎﻧﻨﻰ ﺳﯚﻳﯜﺷﻨﻰ ﺗﻪﺑﯩﺌﯩﻲ ﺯﯙﺭﯛﺭﯨﻴﻪﺕ ﺩﻩﭖ ﺗﻮﻧﯘﻳﺪﯗ. ﺩﯗﻧﻴﺎﺩﺍ ﺋﯩﻨﺴﺎﻥ ﺋﯜﭼﯜﻥ ﺋﯘﻧﯩﯖﻐﺎ ﺋﯩﻠﻠﯩﻖ ﺑﺎﻏﺮﯨﻨﻰ ﺋﯧﭽﯩﭗ، ﺋﯘﻧﻰ ﺗﯜﺭﻟﯜﻙ ﻧﯧﻤﻪﺗﻠﯩﺮﻯ ﺑﯩﻠﻪﻥ ﻛﯜﺗﯜﯞﺍﻟﻐﺎﻥ، ﺋﯘﻧﻰ ﺑﺎﺭﭼﻪ ﻳﺎﺧﺸﯩﻠﯩﻘﻠﯩﺮﯨﺪﯨﻦ ﺑﻪﻫﺮﯨﻤﻪﻥ ﻗﯩﻠﻐﺎﻥ، ﻛﯚﻛﺴﻰ ﻛﻪﯓ، ﻗﻮﻳﻨﻰ ﺋﯩﺴﺴﯩﻖ ﺋﺎﺷﯘ ﺋﺎﻧﺎ ﯞﻩﺗﯩﻨﯩﺪﯨﻨﻤﯘ ﺳﯚﻳﯜﻣﻠﯜﻙ ﺑﯩﺮﻯ ﺑﺎﺭﻣﯘ؟!
ﺋﯩﻨﺴﺎﻧﯩﻴﻪﺕ ﺳﯚﻳﮕﯜﺳﻰ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺋﯩﻨﺴﺎﻧﻼﺭﻧﻰ ﺳﯚﻳﯜﺵ ﺳﺎﻣﺎﯞﯨﻲ ﺩﯨﻨﻼﺭﻧﯩﯔ ﻫﻪﻣﻤﯩﺴﯩﺪﻩ ﺑﯩﺮﺩﻩﻙ ﺗﻪﺭﻏﯩﺐ ﻗﯩﻠﯩﻨﯩﭗ ﻛﻪﻟﮕﻪﻥ ﺋﯩﻼﻫﯩﻲ ﺩﻩﺳﺘﯘﺭﺩﯗﺭ. ﺧﯘﺳﯘﺳﻪﻥ ﺋﯩﺴﻼﻡ ﺩﯨﻨﯩﺪﺍ ﺋﯩﻨﺴﺎﻧﯩﻴﻪﺕ ﺳﯚﻳﮕﯜﺳﻰ ﮔﯜﺯﻩﻝ ﺋﻪﺧﻼﻗﻼﺭﺩﯨﻦ ﺳﺎﻧﯩﻠﯩﭙﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﺋﯩﺒﺎﺩﻩﺗﻜﻪ ﻳﺎﺗﯩﺪﯗ. ﺋﯩﻨﺴﺎﻧﻼﺭ ﺋﯩﻨﺴﺎﻧﻠﯩﻖ ﺋﯧﺘﯩﺒﺎﺭﻯ ﺑﯩﻠﻪﻥ ﺋﯚﺯ ﺋﺎﺭﺍ ﻗﯧﺮﯨﻨﺪﺍﺷﻼﺭ، ﺋﺎﻟﻼﻫ ﺗﺎﻻﻏﺎ ﺑﻪﻧﺪﯨﭽﯩﻠﯩﻚ ﺋﯧﺘﯩﺒﺎﺭﻯ ﺑﯩﻠﻪﻥ ﺑﯩﺮ ﺑﯩﺮﯨﮕﻪ ﺋﻮﺭﺗﺎﻗﻼﺭﺩﯗﺭ.
ﺋﻪﺧﻼﻗﻠﯩﻖ ﺋﺎﺩﻩﻡ ﻛﯩﺸﯩﻠﻪﺭﮔﻪ ﺋﯘﻻﺭﻧﯩﯔ ﺭﻩﯕﮕﻰ، ﺗﯩﻠﻰ، ﺋﯩﺮﻗﻰ، ﺩﯨﻨﻰ ﯞﻩ ﯞﻩﺗﻪﻧﻠﯩﺮﯨﻨﯩﯔ ﺋﻮﺧﺸﺎﺵ ﺑﻮﻟﻤﯩﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺩﯛﺷﻤﻪﻧﻠﯩﻚ ﻣﻪﯞﻗﯩﺌﻪﺳﯩﺪﻩ ﺑﻮﻟﻤﺎﻳﺪﯗ. ﭼﯜﻧﻜﻰ ﭘﯜﺗﯜﻥ ﺋﯩﻨﺴﺎﻧﻼﺭ ﻫﻪﺯﺭﯨﺘﻰ ﺋﺎﺩﻩﻣﺪﯨﻦ، ﺋﺎﺩﻩﻡ ﺗﯘﭘﺮﺍﻗﺘﯩﻦ ﻛﻪﻟﮕﻪﻥ. ﺋﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﺗﯩﻞ، ﺭﻩﯓ، ﺋﯩﺮﻕ ﭘﻪﺭﻗﻠﯩﺮﻯ ﭘﻪﻗﻪﺕ ﺋﺎﻟﻼﻫ ﺗﺎﺋﺎﻻﻧﯩﯔ ﭼﻪﻛﺴﯩﺰ ﻗﯘﺩﺭﯨﺘﯩﻨﻰ ﯞﻩ ﮔﯜﺯﻩﻝ ﺳﻪﻧﺌﻪﺗﻠﯩﺮﯨﻨﻰ ﻛﯚﺭﺳﯩﺘﯩﺪﯨﻐﺎﻥ ﺑﯧﺮﻩﺭ ﺋﺎﻻﻣﻪﺗﻠﻪﺭﺩﯗﺭ. "ﺋﺎﻟﻼﻫﻨﯩﯔ ﻗﯘﺩﺭﯨﺘﯩﻨﻰ ﻧﺎﻣﺎﻳﺎﻥ ﻗﯩﻠﯩﺪﯨﻐﺎﻥ ﺋﺎﻻﻣﻪﺗﻠﻪﺭﺩﯨﻦ ﺑﯩﺮﻯ، ﺋﺎﺳﻤﺎﻧﻼﺭﻧﻰ ﯞﻩ ﺯﯦﻤﯩﻨﻠﻪﺭﻧﻰ ﻳﺎﺭﺍﺗﻘﺎﻧﻠﯩﻘﻰ، ﺗﯩﻠﯩﯖﻼﺭﻧﯩﯔ، ﺭﻩﯕﮕﯩﯖﻼﺭﻧﯩﯔ ﺋﻮﺧﺸﺎﺷﻤﯩﻐﺎﻧﻠﯩﻘﯩﺪﯗﺭ. ﺷﯜﺑﻬﯩﺴﯩﺰﻛﻰ، ﺑﯘﻧﯩﯖﺪﺍ ﺑﯩﻠﯩﺪﯨﻐﺎﻧﻼﺭ ﺋﯜﭼﯜﻥ ﺋﯩﺒﺮﻩﺗﻠﻪﺭ ﺑﺎﺭﺩﯗﺭ" (ﺭﯗﻡ ﺳﯜﺭﯨﺴﻰ).
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻢ ﺋﯩﻨﺴﺎﻧﯩﻴﻪﺕ ﺳﯚﻳﮕﯜﺳﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻳﻪﻧﻪ ﻣﯘﻧﺪﺍﻕ ﺩﯦﺪﻯ" ﻳﺎﺧﺸﻰ ﺋﺎﺩﻩﻡ ﭘﯜﺗﯜﻥ ﺋﯩﻨﺴﺎﻧﻼﺭﻧﻰ ﺋﯘﻻﺭﻧﯩﯔ ﺩﯨﻨﯩﻲ ﺋﺎﻳﺮﯨﻤﭽﯩﻠﯩﻘﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﺳﯚﻳﯩﺪﯗ، ﻫﯚﺭﻣﻪﺗﻠﻪﻳﺪﯗ، ﺋﯘﻻﺭﻏﺎ ﻳﺎﺭﺩﻩﻡ ﻗﯩﻠﯩﺪﯗ ﯞﻩ ﺋﯘﻻﺭﻏﺎ ﻳﺎﺧﺸﯩﻠﯩﻖ ﺗﯩﻠﻪﻳﺪﯗ. ﺋﻪﻣﻤﺎ ﻛﯩﺸﯩﻠﻪﺭﻧﯩﯔ ﺩﯨﻨﯩﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﺎﻥ ﻳﺎﻛﻰ ﺋﯘﻻﺭﻧﯩﯔ ﺩﯨﻴﺎﺭﻟﯩﺮﯨﻐﺎ ﺧﯩﺮﯨﺲ ﻗﯩﻠﻐﺎﻥ ﺯﺍﻟﯩﻤﻼﺭﻧﻰ ﺳﯚﻳﻤﻪﻳﺪﯗ، ﺋﯘﻻﺭﻏﺎ ﻗﺎﺭﺷﻰ ﺗﯘﺭﯨﺪﯗ.
ﺋﯘﻻﺭﺩﯨﻦ ﺑﺎﺷﻘﯩﻼﺭ ﺩﯨﻦ ﻳﺎﻛﻰ ﭘﯩﻜﯩﺮ ﺋﺎﻳﺮﯨﻤﭽﯩﻠﯩﻘﻠﯩﺮﻯ ﺳﻪﯞﻩﺑﻠﯩﻚ ﻣﯘﺳﯘﻟﻤﺎﻧﻼﺭ ﺋﯜﭼﯜﻥ ﺩﯛﺷﻤﻪﻥ ﺳﺎﻧﺎﻟﻤﺎﻳﺪﯗ، ﺑﻪﻟﻜﻰ ﻣﯘﺳﯘﻟﻤﺎﻧﻼﺭ ﺑﯩﻠﻪﻥ ﺋﯩﻨﺴﺎﻧﯩﻲ ﻗﯧﺮﯨﻨﺪﺍﺷﻼﺭﺩﯗﺭ. ﺑﯘﻻﺭﻏﺎ ﺋﯩﻨﺴﺎﻧﯩﻲ ﻳﺎﺭﺩﻩﻣﻠﻪﺭﻧﻰ ﯞﻩ ﻳﺎﺧﺸﯩﻠﯩﻘﻼﺭﻧﻰ ﻗﯩﻠﯩﺶ ﮔﯜﺯﻩﻝ ﺋﻪﺧﻼﻗﻘﺎ ﻳﺎﺗﯩﺪﯗ. ﺋﺎﻟﻼﻫ ﺗﺎﺋﺎﻻ ﻗﯘﺭﺋﺎﻥ ﻛﻪﺭﯨﻤﺪﻩ: "ﻛﯘﻓﻔﺎﺭﻻﺭﺩﯨﻦ ﺳﯩﻠﻪﺭ ﺑﯩﻠﻪﻥ ﺋﯘﺭﯗﺵ ﻗﯩﻠﻤﯩﻐﺎﻥ ﯞﻩ ﺳﯩﻠﻪﺭﻧﻰ ﻳﯘﺭﺗﯘﯕﻼﺭﺩﯨﻦ ﻫﻪﻳﺪﻩﭖ ﭼﯩﻘﺎﺭﻣﯩﻐﺎﻧﻼﺭﻏﺎ ﻛﻪﻟﺴﻪﻙ، ﺋﺎﻟﻼﻫ ﺳﯩﻠﻪﺭﻧﻰ ﺋﯘﻻﺭﻏﺎ ﻳﺎﺧﺸﯩﻠﯩﻖ ﻗﯩﻠﯩﺸﯩﯖﻼﺭﺩﯨﻦ ﯞﻩ ﺋﯘﻻﺭﻏﺎ ﺋﺎﺩﯨﻞ ﺑﻮﻟﯘﺷﯘﯕﻼﺭﺩﯨﻦ ﺗﻮﺳﻤﺎﻳﺪﯗ." ﺩﻩﭖ ﻛﯚﺭﺳﻪﺗﻜﻪﻥ.
ﺗﻪﺑﯩﺌﻪﺕ ﺳﯚﻳﮕﯜﺳﻰ
ﻣﯘﻫﻪﻣﻤﻪﺩ ﻧﯩﻴﺎﺯ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﺗﻪﺑﯩﺌﻪﺕ ﺋﯩﻨﺴﺎﻧﯩﻴﻪﺗﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﻳﺎﺭﯨﺘﯩﻠﻐﺎﻥ. ﺋﯘﻧﯩﯖﺪﯨﻦ ﭘﺎﻳﺪﯨﻠﯩﻨﯩﺶ، ﺋﯘﻧﻰ ﺋﺎﺳﺮﺍﺵ، ﺋﯘﻧﻰ ﺳﯚﻳﯜﺵ ﯞﻩ ﻗﻮﻏﺪﺍﺵ ﮔﯜﺯﻩﻝ ﺋﻪﺧﻼﻗﻼﺭﺩﯨﻦ ﺳﺎﻧﯩﻠﯩﺪﯗ. ﺋﻪﺧﻼﻗﻠﯩﻖ ﻳﺎﺧﺸﻰ ﺋﺎﺩﻩﻡ ﺗﻪﺑﯩﺌﻪﺗﻨﻰ ﺳﯚﻳﯩﺪﯗ ﯞﻩ ﺋﯘﻧﻰ ﺋﺎﺳﺮﺍﻳﺪﯗ. ﺗﻪﺑﯩﺌﻪﺗﻨﯩﯔ ﺳﺎﭘﻠﯩﻘﯩﻨﻰ ﺳﺎﻗﻼﺵ ﺋﯩﻨﺴﺎﻧﻼﺭﻧﯩﯔ ﺗﻪﻥ ﺳﺎﻗﻠﯩﻘﯩﻨﻰ ﺳﺎﻗﻠﯩﺸﻰ ﺋﯜﭼﯜﻧﻤﯘ ﻣﯘﻫﯩﻢ ﺑﻮﻟﻐﺎﻥ ﺑﯩﺮ ﺋﯩﺸﺘﯘﺭ.
ﺗﻪﺑﯩﺌﻪﺗﻨﻰ ﺋﺎﺳﺮﺍﺷﻨﯩﯔ ﻳﻮﻟﻰ ﻣﯘﻫﯩﺖ ﺗﺎﺯﯨﻠﯩﻘﯩﻐﺎ ﺭﯨﺌﺎﻳﻪ ﻗﯩﻠﯩﺶ ﯞﻩ ﺗﻪﺑﯩﺌﻪﺗﻜﻪ ﻗﺎﺭﺷﻰ ﺋﻪﺧﻼﻗﻠﯩﻖ ﺑﻮﻟﯘﺷﺘﯩﻦ ﻛﯧﻠﯩﺪﯗ. ﺋﻪﺧﻼﻗﻠﯩﻖ ﺋﯩﻨﺴﺎﻥ ﺋﯚﺯﯨﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﻳﺎﺭﯨﺘﯩﻠﻐﺎﻥ ﺑﯘ ﺗﻪﺑﯩﺌﻪﺗﻨﻰ ﭼﻮﻗﯘﻡ ﺳﯚﻳﯩﺪﯗ. ﺋﯘﻧﻰ ﺳﯚﻳﮕﻪﻥ ﺋﯩﻜﻪﻥ، ﺋﻪﻟﯟﻩﺗﺘﻪ ﺋﯘﻧﻰ ﺋﺎﺳﺮﺍﻳﺪﯗ.

ﺏ ﺩ ﺕ ﻳﯩﻐﯩﻨﯩﺪﺍ، ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﺗﻪﻛﻠﯩﭗ ﻻﻳﯩﻬﯩﺴﻰ ﻛﯚﭖ ﺳﺎﻧﻠﯩﻖ ﺋﺎﯞﺍﺯ ﺑﯩﻠﻪﻥ ﻣﺎﻗﯘﻟﻠﯘﻗﺘﯩﻦ ﺋﯚﺗﺘﻰ

ﺗﯜﻧﯜﮔﯜﻥ ﻳﻪﻧﻰ 18 ‏- ﺩﯦﻜﺎﺑﯩﺮ ﻛﯜﻧﻰ ﺋﺎﺧﯩﺮﻻﺷﻘﺎﻥ،ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ 62 ‏- ﻧﯚﯞﻩﺗﻠﯩﻚ ﺋﻮﻣﯘﻣﯩﻲ ﻛﯧﯖﯩﺸﯩﻨﯩﯔ 76 ‏- ﯞﻩ 77 ‏- ﻗﯧﺘﯩﻤﻠﯩﻖ ﻳﯩﻐﯩﻨﻠﯩﺮﯨﺪﺍ، ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻻﻳﯩﻬﯩﺴﻰ ﻗﺎﻳﺘﺎ ﻣﯘﺯﺍﻛﯩﺮﯨﮕﻪ ﻗﻮﻳﯘﻟﺪﻯ. ﻣﯘﺯﺍﻛﯩﺮﯨﺪﻩ ﺟﯩﺪﺩﯨﻲ ﺗﺎﻻﺵ-ﺗﺎﺭﺗﯩﺸﻼﺭﺩﯨﻦ ﻛﯧﻴﯩﻦ، ﺗﻪﻛﻠﯩﭗ ﻻﻳﯩﻬﻪ ﺋﺎﯞﺍﺯﻏﺎ ﻗﻮﻳﯘﻟﺪﻯ. ﺗﻪﻛﻠﯩﭗ ﻻﻳﯩﻬﯩﺴﻰ 54 ﺭﻩﺕ ﺋﺎﯞﺍﺯﻏﺎ ﻗﺎﺭﺷﻰ 104 ﻣﺎﻗﯘﻟﻠﯘﻕ ﺋﺎﯞﺍﺯﯨﻨﯩﯔ ﺋﯜﺳﺘﯜﻧﻠﯜﻛﻰ ﺑﯩﻠﻪﻥ ﻗﻮﺑﯘﻝ ﻗﯩﻠﯩﻨﺪﻯ.
ﺧﯩﺘﺎﻱ: ﻗﺎﺭﺷﻰ ﺋﺎﯞﺍﺯﺩﯨﻜﯩﻠﻪﺭ ﺳﻪﻝ ﻗﺎﺭﺍﻟﻤﺎﺳﻠﯩﻘﻰ ﻛﯧﺮﻩﻙ
ﻳﯩﻐﯩﻨﺪﺍ، ﻳﺎﯞﺭﻭﭘﺎ ﺑﯩﺮﻟﯩﻜﯩﮕﻪ ﺋﻪﺯﺍ ﺩﯙﻟﻪﺗﻠﻪﺭ، ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻨﻰ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﻪ ﺩﻩﭖ ﻗﺎﺭﺍﭖ ﺧﻪﻟﻘﺌﺎﺭﺍ ﻗﺎﻧﯘﻥ ﺭﺍﻣﻜﯩﺴﻰ ﺋﯩﭽﯩﺪﻩ ﻗﺎﺭﺍﺭ ﺑﯧﺮﯨﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﺴﺎ، ﺧﯩﺘﺎﻱ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ، ﺑﯘ ﻣﻪﺳﯩﻠﯩﻨﯩﯔ ﺧﻪﻟﻘﺌﺎﺭﺍﻟﯩﻖ ﺋﻪﻣﻪﺱ، ﺑﻪﻟﻜﻰ ﺩﯙﻟﻪﺗﻠﻪﺭﻧﯩﯔ ﻗﺎﻧﯘﻥ ﺳﯩﺴﺘﯧﻤﯩﺴﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﻪ ﻫﻪﻡ ﺩﯙﻟﻪﺗﻠﻪﺭﻧﯩﯔ ﺋﯩﭽﻜﻰ ﺋﯩﺸﻰ ﺩﻩﭖ ﻗﺎﺭﯨﻠﯩﺸﯩﻨﻰ، ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺑﯩﺮ ﺗﻪﺭﻩﭖ، ﺑﯘ ﻻﻳﯩﻬﯩﻨﻰ ﺏ ﺩ ﺕ ﺋﯩﻨﺴﺎﻥ ﻫﻪﻗﻠﯩﺮﻯ ﻛﻮﻣﯩﺘﯧﺘﯩﻨﯩﯔ ﻣﯘﺯﺍﻛﯩﺮﻩ ﺗﯧﻤﯩﺴﻰ ﺩﯦﺴﻪ، ﻳﻪﻧﻪ ﺑﯩﺮ ﺗﻪﺭﻩﭖ ﺑﯘ ﻣﻪﺳﯩﻠﯩﻨﻰ ﺏ ﺩ ﺕ ﻧﯩﯔ ﺋﻮﻣﯘﻣﯩﻲ ﻛﯧﯖﯩﺸﯩﻨﯩﯔ ﻣﯘﺯﺍﻛﯩﺮﻩ ﺗﯧﻤﯩﺴﻰ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﺪﻩ ﭼﯩﯔ ﺗﯘﺭﺩﻯ.ﺧﯩﺘﺎﻱ ﻳﯩﻐﯩﻨﺪﺍ ﻣﻪﺯﻛﯘﺭ ﻻﻳﯩﻬﯩﮕﻪ ﺭﻩﺕ ﺋﺎﯞﺍﺯ ﻗﻮﻟﻼﻧﻐﺎﻥ ﺩﯙﻟﻪﺗﻠﻪﺭﻧﯩﯔ ﺑﯧﺸﯩﺪﺍ ﺗﯘﺭﺩﻯ. ﻳﯩﻐﯩﻦ ﺋﺎﺧﯩﺮﯨﺪﺍ ﺧﯩﺘﺎﻱ ﯞﻩﻛﯩﻠﻰ، ﻳﺎﯞﺭﻭﭘﺎ ﺩﯙﻟﻪﺗﻠﯩﺮﯨﻨﻰ، ﺩﯙﻟﻪﺗﻠﻪﺭﻧﯩﯔ ﭘﻪﺭﻗﻠﯩﻖ ﺋﻪﻫﯟﺍﻟﯩﻨﻰ ﻧﻪﺯﻩﺭﺩﻩ ﺗﯘﺗﻤﯩﺪﻯ، ﺋﯚﺯﻟﯩﺮﯨﻨﯩﯔ ﻛﯚﺯ ﻗﺎﺭﯨﺸﯩﻨﻰ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﺗﺎﯕﺪﻯ، ﺑﯘ ﺟﻪﺭﻳﺎﻧﺪﺍ ﺩﯨﭙﻠﻮﻣﺎﺗﯩﻚ ﻫﯜﻧﻪﺭ ﯞﻩ ﺑﯧﺴﯩﻢ ﺋﯩﺸﻠﻪﺗﺘﻰ ﺩﻩﭖ ﺋﻪﻳﯩﺒﻠﯩﺪﻯ.
ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﺗﻪﻛﻠﯩﭗ ﻻﻳﯩﻬﯩﺴﻰ، ﺏ ﺩ ﺕ ﺩﺍ 1994 ‏- ﯞﻩ 1999 ‏- ﻳﯩﻠﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﺴﯩﻤﯘ، ﻣﺎﻗﯘﻟﻠﯘﻗﺘﯩﻦ ﺋﯚﺗﻤﯩﮕﻪﻥ. ﺷﯘﯕﺎ ﺑﯘ ﻗﯧﺘﯩﻤﻠﯩﻖ ﺋﺎﯞﺍﺯﻧﯩﯔ ﻧﻪﺗﯩﺠﯩﺴﯩﺪﯨﻦ ﻣﻪﻣﻨﯘﻥ ﺑﻮﻟﻐﺎﻥ ﺏ ﺩ ﺕ ﺑﺎﺵ ﻛﺎﺗﯩﭙﻰ ﺑﻪﻥ ﻛﻮﻣﯩﻦ، ﻻﻳﯩﻬﯩﻨﯩﯔ ﻗﻮﺑﯘﻝ ﻗﯩﻠﯩﻨﯩﺸﯩﻨﻰ ﺋﯚﻟﯜﻡ ﺟﺎﺯﺍﺳﯩﻨﻰ ﺩﯗﻧﻴﺎ ﺑﻮﻳﯩﭽﻪ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﺋﯜﭼﯜﻥ ﺗﺎﺷﻼﻧﻐﺎﻥ ﻣﯘﻫﯩﻢ ﺑﯩﺮ ﻗﻪﺩﻩﻡ ﺩﻩﭖ ﻣﻪﺩﻫﯩﻴﯩﻠﯩﺪﻯ. ﺋﻪﻣﻤﺎ ﻳﯩﻐﯩﻨﻨﯩﯔ ﺧﯩﺘﺎﻱ ﯞﻩﻛﯩﻠﻰ: " ﻗﺎﺭﺷﻰ ﺋﺎﯞﺍﺯ ﻗﻮﻟﻼﻧﻐﺎﻧﻼﺭﻧﯩﯔ ﺳﺎﻧﻰ، ﺋﯜﺳﺘﯜﻧﻠﯜﻛﻨﻰ ﺗﻪﺷﻜﯩﻞ ﻗﯩﻼﻟﻤﯩﺴﯩﻤﯘ، ﺋﺎﺯ ﻣﯚﻟﭽﻪﺭﻟﯩﻨﯩﺸﯩﭽﻪ ﺑﻮﻟﻤﺎﻳﺪﯗ، ﺑﯘ ﺳﺎﻥ، ﺩﯗﻧﻴﺎﺩﺍ ﺗﯧﺨﻰ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﺘﺎ ﺋﻮﻣﯘﻣﯩﻲ ﭘﯩﻜﯩﺮ ﺑﯩﺮﻟﯩﻜﻰ ﺷﻪﻛﯩﻠﻠﻪﻧﻤﯩﮕﻪﻧﻠﯩﮕﯩﻨﻰ ﺋﯩﭙﺎﺩﯨﻠﻪﻳﺪﯗ ﺩﻩﭖ ﻛﯚﺭﺳﻪﺗﺘﻰ.
1976 ‏- ﻳﯩﻠﻰ ﺩﯗﻧﻴﺎﺩﺍ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﻏﺎﻥ ﺩﯙﻟﻪﺗﻠﻪﺭ ﺳﺎﻧﻰ ﺋﺎﺭﺍﻥ 16 ﺑﻮﻟﻐﺎﻥ ﺑﻮﻟﺴﺎ، ﻫﺎﺯﯨﺮ 133 ﻛﻪ ﻛﯚﭘﻪﻳﺪﻯ؛ ﭘﻪﻗﻪﺕ 64 ﺩﯙﻟﻪﺕ ﻳﻪﻧﻰ ﺩﯗﻧﻴﺎ ﺩﯙﻟﻪﺗﻠﯩﺮﯨﻨﯩﯔ ﺋﯜﭼﺘﯩﻦ ﺑﯩﺮﻯ ﺋﯚﻟﯜﻡ ﺟﺎﺯﺍﺳﯩﻨﻰ ﺳﺎﻗﻼﭖ ﻛﻪﻟﻤﻪﻛﺘﻪ. ﺋﯚﻟﯜﻡ ﺟﺎﺯﺍﺳﯩﻨﻰ ﺩﯗﻧﻴﺎ ﺑﻮﻳﯩﭽﻪ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻘﺎ ﺗﻪﺭﻩﭘﺪﺍﺭ ﺑﻮﻟﻐﺎﻧﻼﺭ ﺋﺎﺳﺎﺳﻪﻥ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭ ﺑﻮﻟﺴﺎ، ﻗﺎﺭﺷﻰ ﺗﯘﺭﻏﯘﭼﯩﻼﺭ ﺋﺎﺭﯨﺴﯩﺪﺍ، ﻧﺎﻣﺮﺍﺕ ﯞﻩ ﺩﯨﻜﺘﺎﺗﻮﺭ ﺩﯙﻟﻪﺗﻠﻪﺭ ﺋﺎﺳﺎﺳﻰ ﺳﺎﻟﻤﺎﻗﻨﻰ ﺋﯩﮕﯩﻠﯩﻤﻪﻛﺘﻪ. ﺋﯚﻟﯜﻡ ﺟﺎﺯﺍﺳﯩﻨﯩﯔ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯘﺵ ﻣﻪﺳﯩﻠﯩﺴﻰ، ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭﺩﻩ ﺑﯩﺮﻟﯩﻜﻜﻪ ﻛﯧﻠﻪﻟﻪﻳﺪﯨﻐﺎﻥ ﻧﺎﻫﺎﻳﯩﺘﻰ ﺋﺎﺯ ﺗﯧﻤﯩﻼﺭﺩﯨﻦ ﺑﯩﺮﻯ ﺑﻮﻟﯘﭖ، ﺋﺎﻣﯧﺮﯨﻜﯩﻤﯘ ﺋﯚﻟﯜﻡ ﺟﺎﺯﺍﺳﯩﻨﯩﯔ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯘﺷﯩﻐﺎ ﻗﺎﺭﺷﻰ ﺋﺎﯞﺍﺯﺩﯨﻜﯩﻠﻪﺭﺩﯨﻦ ﺑﯩﺮﻯ، ﺋﻪﻣﻤﺎ ﺋﺎﻣﯧﺮﯨﻜﯩﻨﯩﯔ 12 ﺷﺘﺎﺗﯩﺪﺍ، ﺋﯚﻟﯜﻡ ﺟﺎﺯﺍﺳﻰ ﺋﻪﻣﻪﻟﺪﯨﻦ ﻗﺎﻟﻐﺎﻥ، ﺑﯘﻻﺭﻧﯩﯔ ﺋﯩﭽﯩﺪﻩ ﻣﯩﭽﯩﮕﺎﻥ ﺷﺘﺎﺗﻰ 1846 ‏- ﻳﯩﻠﺪﯨﻼ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﭖ ﺑﻮﻟﻐﺎﻥ.
" ﺋﯚﻟﯜﻡ ﺟﺎﺯﺍﺳﻰ ﺋﻪﻣﻪﻟﺪﯨﻦ ﻗﺎﻟﻤﯩﺴﺎ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺯﯨﻴﺎﻧﻐﺎ ﺋﯘﭼﺮﺍﻳﺪﯗ"
ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻣﻪﺳﯩﻠﯩﺴﯩﺪﯨﻜﻰ ﭘﯩﻜﯩﺮ ﺋﯩﺨﺘﯩﻼﭘﻰ ﻣﺎﻫﯩﻴﻪﺗﺘﻪ، ﻛﯩﺸﯩﻠﯩﻚ ﻫﻮﻗﯘﻕ ﺋﯩﮕﯩﻠﯩﻚ ﻫﻮﻗﯘﻗﺘﯩﻦ ﺋﯜﺳﺘﯜﻧﻤﯘ ﻳﺎﻛﻰ ﺗﯚﯞﻩﻧﻤﯘ ؟ ﺩﯦﮕﻪﻥ ﺗﺎﻻﺵ-ﺗﺎﺭﺗﯩﺸﻨﯩﯔ ﻳﻪﻧﻪ ﺑﯩﺮ ﺧﯩﻞ ﺷﻪﻛﻠﻰ ﺑﻮﻟﯘﭖ، ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻘﺎ ﻗﺎﺭﺷﻰ ﺗﯘﺭﻏﯘﭼﯩﻼﺭ، ﺋﯚﻟﯜﻡ ﺟﺎﺯﺍﺳﻰ ﺋﻪﻣﻪﻟﺪﯨﻦ ﻗﺎﻟﺴﺎ، ﺟﯩﻨﺎﻳﻪﺗﭽﯩﻠﻪﺭ ﺗﯧﮕﯩﺸﻠﯩﻚ ﺟﺎﺯﺍﺳﯩﻨﻰ ﺗﺎﺭﺗﻤﯩﻐﺎﻥ ﺑﻮﻟﯩﺪﯗ، ﺟﻪﻣﺌﯩﻴﻪﺗﺘﻪ ﻣﯘﻗﯩﻤﺴﯩﺰﻟﯩﻖ ﺋﺎﻣﯩﻠﻠﯩﺮﻯ ﻛﯚﭘﯩﻴﯩﭗ ﻛﯧﺘﯩﺪﯗ ﺩﻩﭖ ﻗﺎﺭﺍﻳﺪﯗ. ﻳﺎﯞﺭﻭﭘﺎ ﺩﯙﻟﻪﺗﻠﯩﺮﻯ ﺑﻮﻟﺴﺎ، ﺋﯚﻣﯜﺭ ﺑﻮﻳﻰ ﻗﺎﻣﺎﻕ ﺟﺎﺯﺍﺳﯩﻤﯘ ﺋﯚﻟﯜﻡ ﺟﺎﺯﺍﺳﯩﻐﺎ ﺋﻮﺧﺸﺎﺷﻼ ﺟﺎﺯﺍﻻﺵ ﻛﯜﭼﯩﮕﻪ ﺋﯩﮕﻪ، ﺋﻪﮔﻪﺭ ﺋﯚﻟﯜﻡ ﺟﺎﺯﺍﺳﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻤﯩﺴﺎ، ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﺧﻠﻰ-ﺗﻪﺭﯛﺯﮔﻪ ﺋﯘﭼﺮﺍﻳﺪﯗ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﻫﻪﻕ- ﻫﻮﻗﯘﻗﻰ ﺩﻩﺧﻠﻰ-ﺗﻪﺭﯛﺯﺩﯨﻦ ﺳﺎﻗﻠﯩﻨﺎﻟﻤﺎﻳﺪﯗ ﺩﻩﭖ ﻗﺎﺭﺍﻳﺪﯗ.
2004 ‏- ﻳﯩﻠﻰ ﺧﯩﺘﺎﻳﺪﺍ ﺋﯚﻟﯜﻡ ﺟﺎﺯﺍﺳﯩﻐﺎ ﺑﯧﺮﯨﻠﮕﻪﻧﻠﻪﺭﻧﯩﯔ ﺳﺎﻧﻰ، 3400 ﺑﻮﻟﯘﭖ، ﺑﯘ ﺷﯘ ﻳﯩﻠﻰ ﺩﯗﻧﻴﺎ ﺑﻮﻳﯩﭽﻪ ﺋﯚﻟﯜﻡ ﺟﺎﺯﺍﺳﯩﻐﺎ ﺑﯘﻳﺮﯗﻟﻐﺎﻧﻼﺭﻧﯩﯔ %90 ﻧﻰ ﺋﯩﮕﯩﻠﯩﮕﻪﻥ.
2006 ‏- ﻳﯩﻠﻰ ﺩﯗﻧﻴﺎ ﺑﻮﻳﯩﭽﻪ، ﺋﯚﻟﯜﻣﮕﻪ ﺑﯘﻳﺮﯗﻟﻐﺎﻧﻼﺭ ﺳﺎﻧﻰ 5628 ﻧﻪﭘﻪﺭ ﺑﻮﻟﯘﭖ، ﺑﯘﻧﯩﯔ ﺋﯩﭽﯩﺪﻩ، 5000 ﺋﻰ ﺧﯩﺘﺎﻳﺪﺍ ﺋﯩﺠﺮﺍ ﻗﯩﻠﯩﻨﻐﺎﻥ. ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺳﯩﻴﺎﺳﯩﻲ ﺳﻪﯞﻩﺑﻠﯩﻚ ﺋﯚﻟﯜﻡ ﺟﺎﺯﺍﺳﯩﻐﺎ ﻳﻮﻟﯘﻗﯩﯟﺍﺗﻘﺎﻧﻼﺭ ﭘﻪﻗﻪﺕ ﺋﯘﻳﻐﯘﺭﻻﺭﺩﯗﺭ. ﺑﯘ ﻣﻪﻟﯘﻣﺎﺗﻼﺭ، ﻳﺎﯞﺭﯗﭘﺎﻟﯩﻘﻼﺭﻧﯩﯔ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻤﯩﺴﺎ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻫﻮﻗﯘﻗﻰ ﺯﯨﻴﺎﻧﻜﻪﺷﻠﯩﻜﺘﯩﻦ ﺧﺎﻟﯩﻲ ﺑﻮﻻﻟﻤﺎﻳﺪﯗ ﺩﯦﮕﻪﻥ ﻗﺎﺭﯨﺸﯩﻨﻰ ﺋﯩﺴﭙﺎﺗﻠﯩﻤﺎﻗﺘﺎ. ﺑﯘ ﻧﯚﯞﻩﺕ ﺏ ﺩ ﺕ ﺩﺍ ﻗﻮﺑﯘﻝ ﻗﯩﻠﯩﻨﻐﺎﻥ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﻻﻳﯩﻬﯩﺴﻰ ﺗﯧﺨﻰ ﺗﻪﻛﻠﯩﭗ ﻻﻳﯩﻬﻪ ﺑﻮﻟﯘﭖ، ﻗﺎﻧﯘﻧﯩﻲ ﻛﯜﭼﻜﻪ ﺋﯩﮕﻪ ﺋﻪﻣﻪﺱ، ﺑﯘ ﭘﻪﻗﻪﺕ، ﺩﯗﻧﻴﺎ ﺩﯙﻟﻪﺗﻠﯩﺮﻯ ﺋﯩﭽﯩﺪﻩ ﺗﯘﻧﺠﻰ ﻗﯧﺘﯩﻢ ﻛﻮﭖ ﺳﺎﻧﻠﯩﻘﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻜﻪﻧﻠﯩﻜﻰ ﺋﯜﭼﯜﻧﻼ، ﺋﯩﻠﮕﯩﺮﯨﻠﻪﺵ ﺩﻩﭖ ﻗﺎﺭﺍﻟﻤﺎﻗﺘﺎ.

ﺑﯜﮔﯜﻥ ﺋﯩﻜﻜﻰ ﻣﯩﯔ ﻳﻪﺗﺘﻪ ﻳﯜﺯ ﺋﯘﻳﻐﯘﺭ ﻫﺎﺟﻰ ﺑﻮﻟﺪﻯ

2007.12.19
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﯨﻜﻰ ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰﻧﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺑﯜﮔﯜﻥ 12 ‏- ﺋﺎﻳﻨﯩﯔ 19 ‏- ﻛﯜﻧﻰ، ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﻣﻪﻛﻜﻪ ﻣﻪﺩﯨﻨﯩﺪﻩ ﻫﻪﺝ ﭘﺎﺋﺎﻟﯩﻴﯩﺘﯩﺪﻩ ﺑﻮﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﺩﯨﻦ 2700 ﺋﺎﺩﻩﻡ ﻫﺎﺟﻰ ﺑﻮﻟﺪﻯ.
ﭼﻪﺕ' ﺋﻪﻟﻠﻪﺭﺩﻩ ﺗﯘﺭﯨﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺑﯩﺮ ﻗﯩﺴﻤﻰ ﺑﯜﮔﯜﻥ 19 ‏- ﺩﯦﻜﺎﺑﯩﺮ ﻛﯜﻧﻰ ﻗﯘﺭﺑﺎﻥ ﻫﯧﻴﺖ ﻧﺎﻣﯩﺰﻯ ﺋﯚﺗﻪﭖ ﻫﯧﻴﺖ ﻗﯩﻠﺪﻯ. ﻳﻪﻧﻪ ﺑﯩﺮ ﻗﯩﺴﻤﻰ ﺋﻪﺗﻪ 20 ‏- ﺩﯦﻜﺎﺑﯩﺮ ﻛﯜﻧﻰ ﻗﯘﺭﺑﺎﻥ ﻫﯧﻴﺖ ﻧﺎﻣﯩﺰﻯ ﺋﯚﺗﻪﭖ ﻫﯧﻴﺖ ﻗﯩﻠﯩﺪﯗ.
ﻣﯘﺧﺒﯩﺮﯨﻤﯩﺰﻧﯩﯔ ﺋﯩﮕﯩﻠﯩﺸﯩﭽﻪ، ﺑﯘ ﻳﯩﻞ ﻗﺎﺯﺍﻗﯩﺴﺘﺎﻥ ﻗﺎﺗﺎﺭﻟﯩﻖ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﺷﻪﺧﺴﯩﻲ ﭘﺎﺳﭙﻮﺭﺕ ﺑﯩﻠﻪﻥ ﺋﻪﺭﻛﯩﻦ ﻫﺎﻟﺪﺍ ﻫﻪﺝ ﻗﯩﻠﻐﯩﻠﻰ ﺑﺎﺭﺍﻟﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﻪﺭﻛﯩﻦ ﻫﺎﻟﺪﺍ ﻫﻪﺝ ﻗﯩﻠﯩﺸﯩﻨﻰ ﭼﻪﻛﻠﻪﭖ، ﻫﻪﺝ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭﻧﻰ ﻫﯚﻛﯜﻣﻪﺕ ﺋﯚﺯﻯ ﺗﻪﺷﻜﯩﻠﻠﻪﭖ ﺋﯧﻠﯩﭗ ﺑﺎﺭﺩﻯ.
ﺋﯘﻻﺭ ﻫﻪﺝ ﭘﺎﺋﺎﻟﯩﻴﯩﺘﯩﺪﻩ ﻛﻮﻣﻤﯘﻧﯩﺴﺖ ﺧﯩﺘﺎﻱ ﺑﻪﻟﮕﯩﻠﯩﮕﻪﻥ ﻗﺎﺗﺘﯩﻖ ﭼﻪﻛﻠﯩﻤﻪ ﺋﯩﭽﯩﺪﻩ ﻗﯧﻠﯩﭗ، ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ ﻗﺎﺗﺎﺭﻟﯩﻖ ﺋﻪﻗﻪﻟﻠﯩﻲ ﺋﻪﺭﻛﯩﻨﻠﯩﻜﻠﻪﺭﺩﯨﻦ ﺑﻪﻫﺮﯨﻤﺎﻥ ﺑﻮﻻﻟﻤﯩﺪﻯ.

ﺷﻪﻧﺸﻰ ﺋﯚﻟﻜﯩﺴﯩﺪﻩ 70 ﻣﯩﯔ ﺩﯦﻬﻘﺎﻥ ﻳﻪﺭﮔﻪ ﺋﯚﺯﻯ ﻣﻪﯕﮕﯘ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ

12 ‏- ﺋﺎﻳﻨﯩﯔ 8 ‏- ﻛﯜﻧﻰ ﺧﯧﻴﻠﻮﯕﺠﻴﺎﯓ ﺋﯚﻟﻜﯩﺴﯩﻨﯩﯔ ﻓﯘﺟﯩﻦ ﺷﻪﻫﯩﺮﯨﺪﯨﻜﻰ 72 ﻛﻪﻧﺘﺘﻪ 40 ﻣﯩﯔ ﺩﯦﻬﻘﺎﻥ ﺋﺎﯞﺍﺯ ﻗﻮﻳﯘﭖ ﻛﻪﻧﺖ ﺋﻪﻣﻪﻟﺪﺍﺭﻟﯩﺮﯨﻨﻰ ﯞﻩﺯﯨﭙﯩﺪﯨﻦ ﻗﺎﻟﺪﯗﺭﯗﭖ، 'ﺩﯙﻟﻪﺗﻨﯩﯔ' ﻳﺎﻛﻰ 'ﻛﻮﻟﻠﯧﻜﺘﯩﭙﻨﯩﯔ' ﺩﯦﮕﻪﻥ ﻧﺎﻡ ﺑﯩﻠﻪﻥ ﺗﺎﺭﺗﯩﯟﯦﻠﯩﻨﻐﺎﻥ ﻳﻪﺭﻟﻪﺭﻧﻰ ﻗﺎﻳﺘﯘﺭﯗﯞﺍﻟﻐﺎﻧﻠﯩﻘﯩﻨﻰ، ﺋﯘﻧﻰ ﻫﺎﺯﯨﺮ ﺩﯦﻬﻘﺎﻧﻼﺭﻧﯩﯔ ﺋﯚﺯﯨﮕﻪ ﻗﺎﻳﺘﯩﺪﯨﻦ ﺗﻪﻗﺴﯩﻢ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺋﯩﺪﻯ. ﺑﯘﻧﯩﯖﺪﯨﻦ 4 ﻛﯜﻥ ﺋﯚﺗﻜﻪﻧﺪﻩ، 12 ‏- ﺋﺎﻳﻨﯩﯔ 12 ‏- ﻛﯜﻧﻰ ﺷﻪﻧﺸﻰ ﺋﯚﻟﻜﯩﺴﯩﻨﯩﯔ ﺩﺍﻟﻰ، ﺧﯘﺋﺎﻳﯩﻦ، ﺗﻮﯕﮕﯘﺋﻪﻥ ﻧﺎﻫﯩﻴﯩﻠﯩﺮﯨﺪﯨﻜﻰ 76 ﻛﻪﻧﺘﺘﻪ 70 ﻣﯩﯔ ﺩﯦﻬﻘﺎﻥ ﺋﯩﻨﺘﯧﺮﻧﯧﺘﺘﻪ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﻛﻮﻣﻤﯘﻧﯩﺴﺘﻼﺭ ﺗﻪﺭﯨﭙﯩﺪﯨﻦ ﺗﺎﺭﺗﯩﯟﯦﻠﯩﻨﻐﺎﻥ ﻳﻪﺭﻟﯩﺮﯨﻨﻰ ﻗﺎﻳﺘﯘﺭﯗﯞﯦﻠﯩﭗ، ﺋﯘﻧﯩﯖﻐﺎ ﺋﯚﺯﻟﯩﺮﻯ ﻣﻪﯕﮕﯘ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ. ﺑﯘ ﻳﻪﺗﻤﯩﺶ ﻣﯩﯔ ﺩﯦﻬﻘﺎﻥ 'ﺩﯦﻬﻘﺎﻧﻼﺭ ﺋﯚﺯﯨﻨﯩﯔ ﻳﻪﺭﻟﯩﺮﯨﻨﻰ ﻗﺎﻳﺘﯘﺭﯗﯞﯦﻠﯩﭗ، ﺑﯘﻧﯩﯖﺪﯨﻦ ﻛﯧﻴﯩﻦ ﺋﯘﻧﯩﯖﻐﺎ ﺋﯚﺯﻯ ﻣﻪﯕﮕﯘ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﯩﺪﯗ ﯞﻩ ﺋﯚﺯﯨﻨﯩﯔ ﻫﺎﻳﺎﺗﻠﯩﻖ ﻳﯩﻠﺘﯩﺰﻯ ﺑﻮﻟﻐﺎﻥ ﻳﻪﺭ-ﺯﯦﻤﯩﻨﮕﻪ ﺗﺎﻳﯩﻨﯩﭗ، ﻣﺎﺋﺎﺭﯨﭗ، ﺩﺍﯞﺍﻟﯩﻨﯩﺶ ﺳﯩﺴﺘﯧﻤﯩﺴﻰ ﻗﺎﺗﺎﺭﻟﯩﻘﻼﺭﻧﻰ ﺋﯚﺯﻟﯩﺮﻯ ﻗﯘﺭﯗﭖ ﭼﯩﻘﯩﺪﯗ" ﺩﻩﭖ ﺟﺎﻛﺎﺭﻟﯩﺪﻯ.
ﺧﯘﺋﺎﻳﯩﻦ ﻧﺎﻫﯩﻴﯩﺴﯩﺪﯨﻜﻰ ﺩﯦﻬﻘﺎﻥ ﯞﻩﻛﯩﻠﻰ ﺟﺎﯓ ﺳﻪﻧﻤﯩﻦ "ﺑﯩﺰ ﭼﻮﻗﯘﻡ ﻳﻪﺭﻟﻪﺭﻧﻰ ﻫﻪﺭ ﺑﯩﺮ ﺩﯦﻬﻘﺎﻥ ﺋﺎﺋﯩﻠﯩﺴﯩﮕﯩﭽﻪ ﺗﻪﻗﺴﯩﻢ ﻗﯩﻠﯩﭗ ﺑﯧﺮﯨﻤﯩﺰ " ﺩﯦﺪﻯ
ﺷﻪﻧﺸﻰ ﺋﯚﻟﻜﯩﺴﯩﺪﯨﻜﻰ 76 ﻛﻪﻧﺘﺘﯩﻜﻰ 70 ﻣﯩﯔ ﺩﯦﻬﻘﺎﻧﻨﯩﯔ ﯞﻩﻛﯩﻠﻰ ﺩﯦﻴﯩﻠﮕﻪﻥ ﻛﯩﺸﯩﻠﻪﺭ ﺋﯩﻨﺘﯧﺮﻧﯧﺘﺘﻪ ﺋﯧﻼﻥ ﻗﯩﻠﻐﺎﻥ ﺗﯧﻠﯧﻔﻮﻥ ﻧﻮﻣﯘﺭﻻﺭﻏﺎ ﺋﺎﺳﺎﺳﻪﻥ ﺋﺎﻻﻗﻪ ﻗﯩﻠﻐﯩﻨﯩﻤﯩﺰﺩﺍ، ﺧﯘﺋﺎﻳﯩﻦ ﻧﺎﻫﯩﻴﯩﺴﯩﺪﯨﻜﻰ ﺩﯦﻬﻘﺎﻥ ﯞﻩﻛﯩﻠﻰ ﺟﺎﯓ ﺳﻪﻧﻤﯩﻨﻨﯩﯔ ﺗﯧﻠﯧﻔﻮﻧﻰ ﺋﯘﻻﻧﺪﻯ. ﮔﻪﺭﭼﻪ ﺗﯧﻠﯧﻔﻮﻧﻐﺎ ﻛﺎﺷﯩﻼ ﻗﯩﻠﯩﯟﺍﺗﻘﺎﻥ ﻏﻪﻳﺮﻯ ﺋﺎﯞﺍﺯﻻﺭ ﻛﯜﭼﻠﯜﻙ ﺑﻮﻟﺴﯩﻤﯘ، ﻳﻪﻧﯩﻼ ﺳﻮﺋﺎﻝ -ﺟﺎﯞﺍﺑﻼﺭﻧﻰ ﺋﻮﺯ-ﺋﺎﺭﺍ ﭼﯜﺷﯩﻨﯩﺸﻜﻪ ﻣﯘﻣﻜﯩﻦ ﺑﻮﻟﺪﻯ. ﺑﯘ ﻛﯩﺸﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﺎﺭﺷﻰ ﺋﺎﻟﺪﻯ. ﺋﯘ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ "ﺗﯧﻠﯧﻔﻮﻧﺪﺍ ﺳﯩﮕﻨﺎﻝ ﻧﺎﭼﺎﺭ... ﺑﺎﻳﺎﻧﺎﺗﯩﻤﯩﺰ ﺋﯧﻼﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺋﯘﻧﻰ ﮔﯧﺰﯨﺘﺨﺎﻧﯩﻼﺭﻏﯩﻤﯘ ﺋﻪﯞﻩﺗﺘﯘﻕ... ﺗﯧﻠﯧﻔﻮﻧﻼﺭ ﻛﻪﻟﺪﻯ... ﻫﺎﺯﯨﺮ ﻫﯚﻛﯜﻣﻪﺕ ﺗﯧﺨﻰ ﺋﯩﻨﻜﺎﺱ ﻗﺎﻳﺘﯘﺭﻣﯩﺪﻯ.... ﻣﻪﻥ ﺳﯩﺰﮔﻪ ﺩﻩﭖ ﻗﻮﻳﺎﻱ... ﺑﯩﺰ ﭼﻮﻗﯘﻡ ﻳﻪﺭﻟﻪﺭﻧﻰ ﻫﻪﺭ ﺑﯩﺮ ﺩﯦﻬﻘﺎﻥ ﺋﺎﺋﯩﻠﯩﺴﯩﮕﯩﭽﻪ ﺗﻪﻗﺴﯩﻢ ﻗﯩﻠﯩﭗ ﺑﯧﺮﯨﻤﯩﺰ... ﺩﯦﻬﻘﺎﻥ ﺩﯦﮕﻪﻥ ﻳﻪﺭ ﺗﯧﺮﯨﻴﺪﯗ... ﻳﻪﺭﺩﻩ ﻫﯚﻛﯜﻣﻪﺗﻨﯩﯔ ﻫﻮﻗﯘﻗﻰ ﻳﻮﻕ... ﺩﯦﻬﻘﺎﻧﻨﯩﯔ ﻳﯧﺮﯨﻨﻰ ﺑﺎﺷﻘﯩﻼﺭﻏﺎ ﺑﯧﺮﯨﯟﯦﺘﯩﺶ ﻣﯘﯞﺍﭘﯩﻖ ﺋﻪﻣﻪﺱ... ﻫﺎﺯﯨﺮ ﺩﯦﻬﻘﺎﻧﻨﯩﯔ ﺗﯧﺮﯨﻴﺪﯨﻐﺎﻥ ﻳﯧﺮﻯ ﻳﻮﻕ... ﺋﻪﻣﺪﻯ ﺩﯦﻬﻘﺎﻧﻼﺭ ﻫﻮﻗﯘﻗﻨﻰ ﻗﺎﻳﺘﯘﺭﯗﯞﺍﻟﯩﻤﯩﺰ.... ﺑﯘ ﻣﻪﺳﯩﻠﯩﺪﻩ ﻫﻪﻣﻤﻪ ﺩﯦﻬﻘﺎﻧﻨﯩﯔ ﮔﯧﭙﻰ ﺑﯩﺮ... ﺑﺎﻳﺎﻧﺎﺗﻘﺎ ﻫﻪﻣﻤﻪ ﺋﺎﺋﯩﻠﻪ ﺋﯚﺯﻯ ﺋﯩﻤﺰﺍ ﻗﻮﻳﻐﺎﻥ... ﺧﻪﻳﺮ ﺧﻮﺵ" ! ﺩﯦﺪﻯ.
ﺷﻪﻧﺸﻰ ﺋﯚﻟﻜﯩﺴﯩﻨﯩﯔ ﻛﯚﭼﻤﻪﻧﻠﻪﺭ ﺋﯩﺸﯩﻐﺎ ﻣﻪﺳﺌﯘﻝ ﺑﯩﺮ ﺧﺎﺩﯨﻤﻰ ﻳﻪﺭﻟﯩﻚ ﺋﻪﻣﻪﻟﺪﺍﺭﻻﺭﻧﻰ ﭘﺎﺵ ﻗﯩﻠﺪﻯ
ﺷﻪﻧﺸﻰ ﺋﯚﻟﻜﯩﺴﯩﻨﯩﯔ ﺳﻪﻧﻤﯧﻨﺸﺎ ﺳﯘ ﺋﺎﻣﺒﯩﺮﻯ ﺭﺍﻳﻮﻧﯩﺪﯨﻦ ﻛﯚﭼﯜﺭﯛﻟﮕﻪﻥ ﻛﯚﭼﻤﻪﻧﻠﻪﺭ ﻣﻪﺳﯩﻠﯩﺴﯩﮕﻪ ﻣﻪﺳﺌﯘﻝ ﺋﻪﻣﻪﻟﺪﺍﺭﻻﺭﺩﯨﻦ ﻟﻰ ﯞﻩﻧﻤﯩﻨﻨﯩﯔ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻐﺎ ﺋﯧﻴﺘﯩﭗ ﺑﯧﺮﯨﺸﯩﭽﻪ، ﺟﯘﯕﮕﻮ ﻫﯚﻛﯜﻣﯩﺘﻰ 1986 ‏- ﻳﯩﻠﻰ ﺳﯘ ﺋﺎﻣﺒﯩﺮﻯ ﺭﺍﻳﻮﻧﯩﺪﯨﻦ ﻛﯚﭼﯜﺭﯛﻟﮕﻪﻥ ﺩﯦﻬﻘﺎﻧﻼﺭ ﺋﯜﭼﯜﻥ 300 ﻣﯩﯔ ﻣﻮ ﻳﻪﺭ ﺑﯘﻳﺮﯗﭖ ﺑﻪﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺋﯘﻧﯩﯔ ﻳﯧﺮﯨﻤﯩﻨﻰ ﺩﯦﻬﻘﺎﻧﻼﺭﻏﺎ ﺑﻪﺭﻣﻪﻱ، ﺋﯚﺯﻟﯩﺮﻯ ﺋﯩﺠﺎﺭﯨﮕﻪ ﺑﯧﺮﯨﭗ، ﺳﯚﻳﯜﻧﭽﻪ ﺋﯧﻠﯩﭗ ﺗﺎﭘﺎﯞﻩﺕ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ. ﺩﯦﻬﻘﺎﻧﻼﺭﻏﺎ ﺑﯧﺮﯨﻠﮕﻪﻥ ﻳﻪﺭﻟﻪﺭﻧﯩﻤﯘ، ﻫﻪﺭﺧﯩﻞ ﻧﺎﻡ ﺑﯩﻠﻪﻥ ﺑﻪﺵ ﻗﯧﺘﯩﻢ 'ﻛﯚﺗﯜﺭﻩ' ﮔﻪ ﺑﯧﺮﯨﺶ ﺟﻪﺭﻳﺎﻧﯩﺪﺍ ﻳﻪﻧﻪ، ﺩﯦﻬﻘﺎﻧﻼﺭﺩﯨﻦ ﻫﻪﺭﺑﯩﺮ ﻣﻮ ﻳﻪﺭ ﺋﯜﭼﯜﻥ 400 ﻳﯘﻩﻧﺪﯨﻦ 600 ﻳﯜﻩﻧﮕﯩﭽﻪ ﭘﯘﻝ ﻳﯩﻐﯩﯟﺍﻟﻐﺎﻥ.
ﻳﻪﺗﻤﯩﺶ ﻣﯩﯔ ﺩﯦﻬﻘﺎﻧﻨﯩﯔ ﺑﺎﻳﺎﻧﺎﺗﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﻣﻪﺳﯩﻠﻪ
ﺷﻪﻧﺸﻰ ﺋﯚﻟﻜﯩﺴﯩﻨﯩﯔ ﺩﺍﻟﻰ، ﺧﯘﺋﺎﻳﯩﻦ، ﺗﻮﯕﮕﯘﺋﻪﻥ ﻧﺎﻫﯩﻴﯩﻠﯩﺮﯨﺪﯨﻜﻰ 70 ﻣﯩﯔ ﺩﯦﻬﻘﺎﻧﻨﯩﯔ ﺑﺎﻳﺎﻧﺎﺗﯩﺪﺍ، ﺋﯚﺗﻜﻪﻥ ﺋﻪﺳﯩﺮﻧﯩﯔ 50 ‏- ﻳﯩﻠﻠﯩﺮﯨﺪﺍ ﺑﯩﻨﺎ ﻗﯩﻠﯩﻨﻐﺎﻥ ﺳﻪﻧﻤﯧﻨﺸﺎ ﺳﯘ ﺋﺎﻣﺒﯩﺮﻯ ﺋﯜﭼﯜﻥ، ﻫﯚﻛﯜﻣﻪﺕ ﺩﯦﻬﻘﺎﻧﻼﺭﻧﯩﯔ 800 ﻣﯩﯔ ﻣﻮ ﻳﯧﺮﯨﻨﻰ ﺋﯚﺗﻜﯜﺯﯛﯞﺍﻟﻐﺎﻧﻠﯩﻘﻰ؛ ﻳﻪﺭﺳﯩﺰ ﻗﺎﻟﻐﺎﻥ ﺩﯦﻬﻘﺎﻧﻼﺭ ﺋﯘﺩﺍ 30 ﻳﯩﻞ ﺩﻩﯞﺍ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﻫﯚﻛﯜﻣﻪﺕ 80 ‏- ﻳﯩﻠﻼﺭﺩﺍ ﺋﯘﻻﺭﻏﺎ 300 ﻣﯩﯔ ﻣﻮ ﻳﻪﺭ ﺑﯘﻳﺮﯗﭖ ﺑﻪﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯖﺪﯨﻦ 150 ﻣﯩﯔ ﻣﻮ ﻳﻪﺭﻧﻰ ﻳﻪﺭﻟﯩﻚ ﺋﻪﻣﻪﻟﺪﺍﺭﻻﺭ ﺷﻪﺧﺴﻰ ﺋﯩﮕﯩﻠﯩﯟﯦﻠﯩﭗ، ﻫﻪﺭ ﻳﯩﻠﻰ 40 ﻣﯩﻠﻴﻮﻥ ﻳﯘﻩﻧﺪﯨﻦ 60 ﻣﯩﻠﻴﻮﻥ ﻳﯜﻩﻧﮕﯩﭽﻪ ﺗﺎﭘﺎﯞﻩﺕ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ؛ ﺑﯘﻧﯩﯖﺪﯨﻦ ﻛﯧﻴﯩﻦ ﺑﯘ ﻳﻪﺭﻧﻰ ﺩﯦﻬﻘﺎﻧﻼﺭ ﻗﺎﻳﺘﯘﺭﯗﯞﯦﻠﯩﭗ، ﺋﯚﺯﻟﯩﺮﻯ ﻣﻪﯕﮕﯘ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﯩﺪﯨﻐﺎﻧﻠﯩﻘﻰ؛ ﺳﯘ ﺋﺎﻣﺒﯩﺮﻯ ﺭﺍﻳﻮﻧﯩﺪﯨﻦ ﻛﯚﭼﯜﺭﯛﻟﮕﻪﻥ ﺩﯦﻬﻘﺎﻧﻼﺭ ﺋﯜﭼﯜﻥ، ﻧﻪﭼﭽﻪ ﺋﻮﻥ ﻳﯩﻠﻼﺭﺩﯨﻦ ﺑﯘﻳﺎﻥ ﻫﯚﻛﯜﻣﻪﺕ ﭼﯜﺷﯜﺭﯛﭖ ﺑﻪﺭﮔﻪﻥ ﻣﯩﻠﻴﺎﺭﺩ ﺧﺎﻧﯩﻠﯩﻖ ﺳﺎﻧﺪﯨﻜﻰ ﭘﯘﻟﻨﯩﯔ ﻫﯧﺴﺎﺑﯩﻨﻰ ﺧﯩﻴﺎﻧﻪﺗﭽﯩﻠﻪﺭﺩﯨﻦ ﺋﺎﻟﯩﺪﯨﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﺪﻯ.
ﺧﯧﻴﻠﯘﯕﺠﻴﺎﯕﺪﺍ 40 ﻣﯩﯔ ﺩﯦﻬﻘﺎﻥ ﺑﯩﺮ ﻧﯩﻴﻪﺗﻜﻪ ﻛﻪﻟﮕﻪﻥ ﺟﺎﻳﺪﺍ ﻫﯚﻛﯜﻣﻪﺕ ﺋﺎﺩﻩﻡ ﺗﯘﺗﯘﺷﻘﺎ ﺟﯜﺭﺋﻪﺕ ﻗﯩﻼﻟﻤﯩﻐﺎﻥ
'ﻛﯜﺯﯛﺗﯜﺵ ﺟﯘﺭﻧﯩﻠﻰ'ﺩﺍ 12 ‏- ﺋﺎﻳﻨﯩﯔ 13 ‏- ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺋﯩﻜﻜﯩﻨﺠﻰ ﻗﯧﺘﯩﻤﻠﯩﻖ ﻳﻪﺭ ﺋﯩﺴﻼﻫﺎﺗﻰ ﺩﻩﯞﺭﻯ ﻳﯧﺘﯩﭗ ﻛﻪﻟﺪﻯ' ﺩﯦﮕﻪﻥ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯧﻴﻠﻮﯕﺠﻴﺎﯓ ﺋﯚﻟﻜﯩﺴﯩﻨﯩﯔ ﻓﯘﺟﯩﻦ ﺷﻪﻫﯩﺮﯨﺪﯨﻜﻰ 72 ﻛﻪﻧﺘﺘﻪ 40 ﻣﯩﯔ ﺩﯦﻬﻘﺎﻥ ﻳﻪﺭﮔﻪ ﺑﻮﻟﻐﺎﻥ ﺋﯩﮕﯩﺪﺍﺭﭼﯩﻠﯩﻖ ﻫﻮﻗﯘﻗﯩﻨﻰ ﻗﺎﻳﺘﯘﺭﯗﭖ ﺋﺎﻟﻐﺎﻧﻠﯩﻘﯩﻨﻰ، ﺋﯘﻧﯩﯖﻐﺎ ﺋﯚﺯﻯ ﻣﻪﯕﮕﯘ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻧﺪﯨﻦ ﻛﯧﻴﯩﻦ، ﺩﯦﻬﻘﺎﻥ ﯞﻩﻛﯩﻠﻰ ﻳﯜ ﭼﺎﯕﯟﯗﻧﻰ ﺷﻪﻫﻪﺭﮔﻪ ﺑﯩﺮ ﻧﻪﺭﺳﻪ ﺋﺎﻟﻐﯩﻠﻰ ﻛﯩﺮﮔﻪﻧﺪﻩ ﺗﯘﺗﯘﯞﯦﻠﯩﻨﻐﺎﻥ. ﺋﯘﻧﯩﯔ ﻛﻪﻧﺘﻠﻪﺭ ﺑﯩﻠﻪﻥ ﯞﻩ ﺋﺎﺋﯩﻠﯩﺴﻰ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﺴﻰ ﺋﯜﺯﯛﭖ ﺗﺎﺷﻼﻧﻐﺎﻥ. ﺋﯘﻧﯩﯔ ﺧﻮﺗﯘﻧﻰ ﺭﺍﺩﯨﺌﻮﻣﯩﺰﻧﯩﯔ ﻣﯘﺧﺒﯩﺮﯨﻐﺎ ﺋﯧﻴﺘﯩﭗ ﺑﯧﺮﯨﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﺮ ﻧﯩﻴﻪﺕ - ﺑﯩﺮ ﻣﻪﻗﺴﻪﺗﻜﻪ ﻛﯧﻠﯩﭗ ﺋﯚﺯﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﻗﻮﻏﺪﺍﯞﺍﺗﻘﺎﻥ 72 ﻛﻪﻧﺘﺘﯩﻜﻰ 40 ﻣﯩﯔ ﺩﯦﻬﻘﺎﻥ ﺑﺎﺭ ﺟﺎﻳﻼﺭﻏﺎ ﺗﯧﺨﻰ ﺳﺎﻗﭽﻰ ﺋﻪﯞﻩﺗﻤﯩﮕﻪﻥ ﻳﺎﻛﻰ ﺩﯦﻬﻘﺎﻧﻼﺭﻧﯩﯔ ﯞﻩﻛﯩﻠﻠﯩﺮﯨﻨﻰ 40 ﻣﯩﯔ ﺩﯦﻬﻘﺎﻥ ﺑﺎﺭ ﺟﺎﻳﺪﺍ ﺗﯘﺗﯘﺷﻘﺎ ﺟﯜﺭﺋﻪﺕ ﻗﯩﻼﻟﻤﯩﻐﺎﻥ. ﺑﯘ ﻛﻪﻧﺘﻠﻪﺭﺩﯨﻜﻰ ﻫﻪﻣﻤﻪ ﺋﺎﺩﻩﻡ ﻫﺎﺯﯨﺮ ﺟﯧﻨﯩﻨﻰ ﺋﺎﻟﻘﯩﻨﯩﻐﺎ ﺋﯧﻠﯩﭗ ﻗﻮﻳﻐﺎﻥ.
20 ﻳﯩﻠﻠﯩﻖ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ، ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ ﺟﻪﺭﻳﺎﻧﯩﺪﺍ ﺩﯦﻬﻘﺎﻧﻼﺭ 3 ﺗﯩﺮﯨﻠﻴﻮﻥ 900 ﻣﯩﻠﻴﺎﺭﺩ ﻳﯜﺋﻪﻧﻠﯩﻚ ﻣﯜﻟﯜﻛﺘﯩﻦ ﻣﻪﻫﺮﯗﻡ ﻗﺎﻟﺪﻯ
ﺧﯩﺘﺎﻱ ﻫﯚﻛﯜﻣﯩﺘﻰ 1979 ‏- ﻳﯩﻠﯩﺪﯨﻦ 2003 ‏- ﻳﯩﻠﯩﻐﯩﭽﻪ ﺑﻮﻟﻐﺎﻥ 20 ﻳﯩﻠﻠﯩﻖ ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ، ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ ﺟﻪﺭﻳﺎﻧﯩﺪﺍ ﺳﺎﻧﺎﺋﻪﺗﻠﻪﺷﺘﯜﺭﯛﺵ ﺩﯦﮕﻪﻥ ﻧﺎﻡ ﺑﯩﻠﻪﻥ ﺋﯩﮕﯩﻠﯩﯟﯦﻠﯩﻨﻐﺎﻥ ﺗﯧﺮﯨﻠﻐﯘ ﻳﻪﺭ ﺳﺎﻧﻰ ﺗﻪﺧﻤﯩﻨﻪﻥ ﻳﯜﺯ ﻣﯩﻠﻴﻮﻥ ﻣﻮ. ﻳﯧﻘﯩﻨﻘﻰ 4 ﻳﯩﻞ ﺋﯩﭽﯩﺪﯨﻼ ﺳﻮﺩﯨﮕﻪﺭﻟﻪﺭ ﺋﯩﮕﯩﻠﯩﯟﺍﻟﻐﺎﻥ ﻳﻪﺭ ﺳﺎﻧﻰ 30 ﻣﯩﻠﻴﻮﻥ ﻣﻮ. ﻫﻪﺭﺑﯩﺮ ﻣﻮ ﻳﻪﺭﻧﻰ 30 ﻣﯩﯔ ﻳﯘﻩﻧﺪﯨﻦ ﻫﯧﺴﺎﺑﻠﯩﻐﺎﻧﺪﺍ ﺩﯦﻬﻘﺎﻧﻼﺭ ﻣﯘﺷﯘ 20 ﻳﯩﻞ ﺋﯩﭽﯩﺪﻩ 3 ﺗﯩﺮﯨﻠﻴﻮﻥ 900 ﻣﯩﻠﻴﺎﺭﺩ ﻳﯜﻩﻧﻠﯩﻚ ﻣﯜﻟﯜﻛﺘﯩﻦ ﻣﻪﻫﺮﯗﻡ ﻗﺎﻟﺪﻯ. ﺑﯘ ﺩﯦﻬﻘﺎﻧﻼﺭ ﻧﺎﻣﺮﺍﺗﻼﺷﻘﺎﻧﻠﯩﻘﯩﻨﯩﯔ ﺑﯩﺮ ﻣﯘﻫﯩﻢ ﺋﺎﻣﯩﻠﻰ.

ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻖ ﻫﻪﺭﻛﯩﺘﻰ ﻫﺎﻟﻘﯩﻠﯩﻖ ﺑﺎﺳﻘﯘﭼﺘﺎ

ﺋﺎﻣﯧﺮﯨﻜﺎ، ﺭﯗﺳﯩﻴﻪ ﯞﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﺎﺷﭽﯩﻠﯩﻘﯩﺪﺍ ﺗﻪﺷﻜﯩﻠﻠﻪﻧﮕﻪﻥ، ﻛﻮﺳﻮﯞﺍ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﺶ ﻫﻪﻳﺌﯩﺘﯩﻨﯩﯔ ﯞﻩﺯﯨﭙﻪ ﻣﯘﺩﺩﯨﺘﻰ ﺑﯘ ﻳﯩﻞ 10 ‏- ﺩﯦﻜﺎﺑﯩﺮ ﻛﯜﻧﻰ ﺋﺎﻳﺎﻗﻼﺷﺘﻰ. ﻣﻪﺯﻛﯘﺭ ﻫﻪﻳﺌﻪﺗﻨﯩﯔ ﻛﻮﺳﻮﯞﺍ ﻣﻪﺳﯩﻠﯩﺴﯩﺪﯨﻜﻰ ﺋﯩﻜﻜﻰ ﺗﻪﺭﻩﭘﻨﻰ ﻛﯧﻠﯩﺸﺘﯜﺭﯛﺵ ﻏﻪﻳﺮﯨﺘﻰ ﻧﻪﺗﯩﺠﻪ ﺑﻪﺭﻣﯩﺪﻯ. ﻧﯚﯞﻩﺗﺘﻪ، ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﻪﯓ ﻗﻪﺗﺌﯩﻲ ﻣﻪﻳﺪﺍﻧﺪﺍ ﺗﯘﺭﯗﭖ ﻗﻮﻟﻼﯞﺍﺗﻘﺎﻥ ﺩﯙﻟﻪﺕ ﺋﺎﻣﯧﺮﯨﻜﺎ، ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﯩﺴﻨﯩﯔ ﺑﯩﻠﺪﯛﺭﯛﺷﯩﭽﻪ، ﻛﻮﺳﻮﯞﺍ ﻣﯘﺯﺍﻛﯩﺮﯨﺴﯩﻨﻰ ﻳﻪﻧﯩﻤﯘ ﺳﻮﺯﯗﺷﻨﯩﯔ ﻫﺎﺟﯩﺘﻰ ﻳﻮﻕ، ﻗﺎﺭﺍﺭ

ﺭﯗﺳﯩﻴﻪ ﯞﻩ ﺧﯩﺘﺎﻱ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻐﻪ ﻗﺎﺭﺷﻰ
ﺭﯗﺳﯩﻴﻪ ﯞﻩ ﺧﯩﺘﺎﻱ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻐﻪ ﻗﺎﺭﺷﻰ ﻣﻪﻳﺪﺍﻧﺪﺍ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ 27 ﺩﯙﻟﻪﺗﺘﯩﻦ 22 ﺳﻰ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻨﻰ ﻗﻮﻟﻼﺵ ﺗﻪﺭﻩﭘﺪﺍﺭﻯ، ﺋﻪﻣﻤﺎ، ﺑﯘﻻﺭ ﻣﯘﺳﺘﻪﻗﯩﻠﻠﯩﻖ ﺑﺎﻳﺎﻧﺎﺗﯩﻨﯩﯔ ﺩﻩﺭﻫﺎﻝ ﺋﯧﻼﻥ ﻗﯩﻠﯩﻨﯩﺸﯩﻐﺎ ﻗﺎﺭﺷﻰ؛ ﻣﯘﺯﺍﻛﯩﺮﻩ ﻳﻪﻧﻪ ﺑﯩﺮ ﻣﻪﺯﮔﯩﻞ ﺩﺍﯞﺍﻡ ﻗﯩﻠﯩﺸﻰ، ﻣﯜﻣﻜﯩﻦ ﻗﻪﺩﻩﺭ ﺗﻪﺭﻩﭘﻠﻪﺭﻧﯩﯔ ﺗﻮﻟﯘﻕ ﻗﻮﺷﯘﻟﯘﺷﻰ ﺑﯩﻠﻪﻥ ﺋﯧﻼﻥ ﻗﯩﻠﯩﻨﯩﺸﻰ ﻛﯧﺮﻩﻙ. ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ ﮔﺮﯦﺘﺴﯩﻴﻪ، ﺋﯩﺴﭙﺎﻧﯩﻴﻪ، ﺭﻭﻣﺎﻧﯩﻴﻪ ﻗﺎﺗﺎﺭﻟﯩﻖ 5 ﺩﯙﻟﻪﺕ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻐﻪ ﻗﯩﺰﻏﯩﻦ ﭘﻮﺯﯨﺘﺴﯩﻴﯩﺪﻩ ﺋﻪﻣﻪﺱ.
ﺋﯘﻻﺭﻧﯩﯔ ﻗﺎﺭﯨﺸﯩﭽﻪ، ﻛﻮﺳﻮﯞﺍﻧﯩﯔ ﻣﯘﺳﺘﻪﻗﯩﻠﻠﯩﻘﻰ ﺩﯗﻧﻴﺎﻧﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻜﻰ ﺑﯚﻟﯜﻧﯜﺵ ﻫﻪﺭﯨﻜﻪﺗﻠﯩﺮﯨﻨﻰ ﺟﺎﺳﺎﺭﻩﺗﻠﻪﻧﺪﯛﺭﯛﭖ ﻗﻮﻳﯘﺵ ﺧﻪﯞﭘﻰ ﺑﺎﺭ. ﺏ ﺩ ﺕ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﻰ ﺋﺎﻟﺪﯨﻤﯩﺰﺩﯨﻜﻰ ﻫﻪﭘﺘﻪ ﻳﻪﻧﻰ 19 ‏-ﺩﯦﻜﺎﺑﯩﺮ ﻛﯜﻧﻰ، ﻛﻮﺳﻮﯞﺍ ﻣﻪﺳﯩﻠﯩﺴﻰ ﻣﯘﺯﺍﻛﯩﺮﻩ ﻫﻪﻳﺌﯩﺘﯩﻨﯩﯔ ﺩﻭﻛﻼﺗﯩﻨﻰ ﻛﯚﺯﺩﯨﻦ ﻛﯚﭼﯜﺭﻣﻪﻛﭽﻰ. ﺑﯘﻧﯩﯔ ﺑﯩﻠﻪﻥ ﻛﻮﺳﻮﯞﺍﻟﯩﻘﻼﺭﻧﯩﯔ ﺋﺎﻟﺪﯨﺪﺍ ﺑﯩﺮ ﺗﺎﻟﻼﺵ ﻳﻮﻟﻰ ﺗﯘﺭﻣﺎﻗﺘﺎ، ﺑﯩﺮﻯ، ﺳﯧﺮﺑﯩﻴﯩﻨﯩﯔ ﻣﺎﻗﯘﻟﻠﯘﻗﻰ ﯞﻩ ﺧﻪﻟﻘﺌﺎﺭﺍ ﻛﯜﭼﻠﻪﺭﻧﯩﯔ ﺗﻪﺳﺘﯩﻘﯩﻨﻰ ﻛﯜﺗﻤﻪﺳﺘﯩﻨﻼ ﻣﯘﺳﺘﻪﻗﯩﻠﻠﯩﻘﯩﻨﻰ ﺟﺎﻛﺎﺭﻻﺵ، ﻳﻪﻧﻪ ﺑﯩﺮﻯ ﺑﻮﻟﺴﺎ، ﺧﻪﻟﻘﺌﺎﺭﺍ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ، ﻳﻪﻧﻪ ﺑﯩﺮ ﻣﻪﺯﮔﯩﻞ ﭘﯘﺭﺳﻪﺕ ﻛﯜﺗﯜﺵ.
ﻛﻮﺳﻮﯞﺍ ﺗﺎﺭﯨﺨﺘﯩﻦ ﺑﯘﻳﺎﻥ ﺳﯧﺮﺑﯩﻴﯩﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﭘﺎﺭﭼﯩﺴﻰ ﺑﻮﻟﻐﺎﻥ ﺋﻪﻣﻪﺱ

ﻣﺎﻧﺎ ﺑﯘ ﺗﺎﺭﯨﺨﯩﻲ ﭘﯘﺭﺳﻪﺗﺘﻪ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻖ ﻣﻪﺳﯩﻠﯩﺴﻰ ﺩﯗﻧﻴﺎ ﺟﺎﻣﺎﺋﻪﺕ ﭘﯩﻜﺮﯨﻨﯩﯔ ﻣﯘﻫﯩﻢ ﺗﯧﻤﯩﺴﯩﻐﺎ ﺋﺎﻳﻼﻧﺪﻯ. ﺑﯘ ﺗﯧﻤﯩﺪﺍ ﻳﯧﺰﯨﻠﻐﺎﻥ ﻣﺎﻗﺎﻟﯩﻠﻪﺭﺩﯨﻦ ﺑﯩﺮﻯ ﺋﺎﻟﺒﺎﻥ ﭘﺮﻭﻓﯧﺴﺴﻮﺭ ﺋﻪﺳﻪﺕ ﺳﺘﺎﯞﯨﻠﭽﻨﯩﯔ " ﻛﻮﺳﻮﯞﺍ ﻫﻪﻗﯩﻘﯩﺘﻰ" ﺳﻪﺭﻟﻪﯞﻫﯩﻠﯩﻚ ﻣﺎﻗﺎﻟﯩﺴﻰ ﺑﻮﻟﯘﭖ، ﻣﻪﺯﻛﯘﺭ ﻣﺎﻗﺎﻟﻪ، ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﻰ ﻣﯘﺯﺍﻛﯩﺮﯨﺴﯩﺪﯨﻜﻰ ﻣﯘﻫﯩﻢ ﺗﺎﻻﺵ-ﺗﺎﺭﺗﯩﺸﻠﯩﻖ ﻣﻪﺳﯩﻠﯩﻠﻪﺭﮔﻪ ﺋﯩﺰﺍﻫﺎﺕ ﺑﻪﺭﮔﻪﻥ.
ﺳﯧﺮﺑﯩﻴﯩﻨﯩﯔ ﻛﻮﺳﻮﯞﺍ ﻣﻪﺳﯩﻠﯩﺴﯩﺪﯨﻜﻰ ﭘﻮﺯﯨﺘﺴﯩﻴﯩﺴﻰ، ﻛﻮﺳﻮﯞﺍ ﺳﯧﺮﺑﯩﻴﯩﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﭘﺎﺭﭼﯩﺴﻰ، ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻨﻰ ﻗﻮﻟﻼﺵ ﺳﯧﺮﺑﯩﻴﯩﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﺋﯩﻨﻜﺎﺭ ﻗﯩﻠﯩﺶ. ﺑﯘ، ﺧﻪﻟﻘﺌﺎﺭﺍ ﻗﺎﻧﯘﻧﻐﺎ، ﺟﯜﻣﻠﯩﺪﯨﻦ ﺏ ﺩ ﺕ ﺷﻪﺭﺗﻨﺎﻣﯩﺴﯩﻐﺎ ﺧﯩﻼﭖ. ﺳﯧﺮﺑﯩﻴﯩﻨﯩﯔ ﺑﯘ ﺋﯩﺪﯨﻴﯩﺴﯩﮕﻪ ﭘﺮﻭﻓﯧﺴﺴﻮﺭ ﺋﻪﺳﻪﺕ ﺳﺘﺎﯞﯨﻠﯩﭽﻰ ﻣﯘﻧﺪﺍﻕ ﺭﻩﺩﺩﯨﻴﻪ ﺑﻪﺭﮔﻪﻥ: "ﺋﺎﻟﺪﻯ ﺑﯩﻠﻪﻥ ﺳﯧﺮﺑﯩﻴﯩﻨﯩﯔ ﻛﻮﺳﻮﯞﺍ ﺋﯜﺳﺘﯩﺪﯨﻜﻰ ﺋﯩﮕﯩﻠﯩﻚ ﻫﻮﻗﯘﻗﻰ ﻗﺎﻧﯘﻧﯩﻲ ﺋﻪﻣﻪﺱ. ﭼﯜﻧﻜﻰ، ﻛﻮﺳﻮﯞﺍ، ﺧﻪﻟﻖ ﺋﺎﯞﺍﺯﻯ ﺋﺎﺭﻗﯩﻠﯩﻖ ﺳﯧﺮﺑﯩﻴﯩﮕﻪ ﻗﻮﺷﯘﻟﻐﺎﻥ ﺋﻪﻣﻪﺱ، ﺑﻪﻟﻜﻰ ﻗﻮﺭﺍﻝ ﻛﯜﭼﻰ ﺋﺎﺭﻗﯩﻠﯩﻖ ﺑﯧﺴﯩﯟﯦﻠﯩﻨﻐﺎﻥ."
ﻛﻮﺳﻮﯞﺍ ﺗﺎﺭﯨﺨﺘﯩﻦ ﺑﯘﻳﺎﻥ ﺳﯧﺮﺑﯩﻴﯩﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﭘﺎﺭﭼﯩﺴﻰ ﺑﻮﻟﻐﺎﻥ ﺋﻪﻣﻪﺱ، ﭘﻪﻗﻪﺕ 1912 ‏- ﻳﯩﻠﻰ ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﻰ ﭘﺎﺭﭼﯩﻠﯩﻨﯩﺸﻘﺎ ﺑﺎﺷﻠﯩﻐﺎﻧﺪﺍ، ﺗﻪﻟﻪﻳﺴﯩﺰﻟﯩﻚ ﺑﯩﻠﻪﻥ ﺳﯧﺮﺑﯩﻴﻪ ﺋﺎﺳﺎﺭﯨﺘﯩﮕﻪ ﻗﺎﻟﻐﺎﻥ.
ﺋﻪﺳﻪﺕ ﺳﺘﺎﯞﯨﻠﯩﭽﻰ، ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻖ ﺋﯩﺪﯨﻴﯩﺴﯩﻨﯩﯔ ﺋﺎﺳﺎﺳﻠﯩﺮﯨﺪﯨﻦ ﺑﯩﺮﻯ ﺳﯜﭘﯩﺘﯩﺪﻩ، ﻛﻮﺳﻮﯞﺍ ﯞﻩ ﺳﯩﺮﯨﺒﻼﺭ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺵ ﺗﺎﺭﯨﺨﯩﻨﻰ ﻛﯚﺭﺳﻪﺗﻜﻪﻥ. ﺋﯘﻧﯩﯔ ﻗﺎﺭﯨﺸﯩﭽﻪ، ﺗﺎﺭﯨﺦ ﺋﯩﻜﻜﻰ ﻣﯩﻠﻠﻪﺗﻨﯩﯔ ﺑﺎﺭﺍﯞﻩﺭ ﻳﺎﺷﯩﻴﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﭖ ﺑﻮﻟﻐﺎﻥ. ﺋﻪﺳﻪﺕ ﺳﺘﺎﯞﯨﻠﯩﭽﻨﯩﯔ ﺑﯩﻠﺪﯛﺭﮔﯩﻨﯩﺪﻩﻙ، ﻛﻮﺳﻮﯞﺍ ﺋﺎﻟﺒﺎﻧﻠﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﻰ 19 ‏- ﺋﻪﺳﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺑﺎﺷﻼﻧﻐﺎﻥ ﺑﻮﻟﺴﯩﻤﯘ، ﺋﯘﻻﺭ ﺋﻮﺳﻤﺎﻧﻠﻰ ﺋﯩﻤﭙﯧﺮﯨﻴﯩﺴﻰ ﭘﺎﺭﭼﯩﻼﻧﻐﺎﻧﺪﺍ ﺳﯧﺮﺑﯩﻴﯩﻨﯩﯔ ﻗﻮﻟﯩﻐﺎ ﻗﺎﻟﻐﺎﻥ. ﻳﯘﮔﻮﺳﻼﯞﯨﻴﻪ ﻓﯧﺪﯦﺮﺍﺗﺴﯩﻴﯩﺴﻰ ﻗﯘﺭﯗﻟﻐﺎﻧﺪﺍ ﺑﯧﺮﯨﻠﮕﻪﻥ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ 1989 ‏- ﻳﯩﻠﻰ ﺳﯧﺮﺑﯩﻴﻪ ﺗﻪﺭﯨﭙﯩﺪﯨﻦ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻧﺪﯨﻦ ﻛﯧﻴﯩﻦ، ﻣﯩﻠﻠﯩﻲ ﺗﻮﻗﯘﻧﯘﺵ ﺋﻪﯞﺟﯩﮕﻪ ﭼﯩﻘﻘﺎﻥ. ﺗﻮﻗﯘﻧﯘﺵ ﺋﺎﺧﯩﺮﻯ ﻧﺎﺗﻮ ﺋﺎﺭﻣﯩﻴﯩﺴﯩﻨﯩﯔ ﺋﺎﺭﯨﻠﯩﺸﯩﺸﻰ ﺑﯩﻠﻪﻥ ﺗﻮﺧﺘﯩﺘﯩﻠﻐﺎﻥ.
10% ﻧﻰ ﺋﯩﮕﯩﻠﻪﻳﺪﯨﻐﺎﻥ ﺳﯩﺮﯨﺒﻼﺭ ﻧﻮﭘﯘﺳﻰ ﭘﯩﻼﻧﻠﯩﻖ ﻫﺎﻟﺪﺍ ﻛﯚﭼﯜﺭﯛﭖ ﻛﯧﻠﯩﻨﮕﻪﻥ
ﺋﻪﺳﻪﺕ ﺳﺘﺎﯞﯨﻠﯩﭽﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻖ ﺋﯩﺪﯨﻴﯩﺴﯩﻨﯩﯔ ﻳﻪﻧﻪ ﺑﯩﺮ ﺋﺎﺳﺎﺳﻰ، ﺋﺎﻟﺒﺎﻧﻼﺭﻧﯩﯔ ﺋﯧﺘﻨﯩﻚ ﻛﯩﻤﻠﯩﻜﯩﺪﯗﺭ. ﺋﯘﻧﯩﯔ ﻗﺎﺭﯨﺸﯩﭽﻪ، ﺑﯜﮔﯜﻥ ﻛﻮﺳﻮﯞﺍ ﻧﻮﭘﯘﺳﯩﻨﯩﯔ %90 ﯨﻨﻰ ﺋﺎﻟﺒﺎﻧﻼﺭ ﺗﻪﺷﻜﯩﻞ ﻗﯩﻠﯩﺪﯗ، 10% ﻧﻰ ﺋﯩﮕﯩﻠﻪﻳﺪﯨﻐﺎﻥ ﺳﯧﺮﺑﻼﺭ ﻧﻮﭘﯘﺳﻰ ﭘﯩﻼﻧﻠﯩﻖ ﻫﺎﻟﺪﺍ ﻛﯚﭼﯜﺭﯛﭖ ﻛﯧﻠﯩﻨﮕﻪﻥ ﻧﻮﭘﯘﺱ.
ﻛﻮﺳﻮﯞﺍﺩﺍ ﺋﺎﺳﺎﺳﻠﯩﻖ ﻧﻮﭘﯘﺳﻨﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﺋﺎﻟﺒﺎﻧﻼﺭ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻯ ﺑﻪﻟﮕﯩﻠﻪﺵ ﻫﻮﻗﯘﻗﯩﻐﺎ ﺋﯩﮕﻪ.
ﻫﺎﺯﯨﺮ ﺏ ﺩ ﺕ ﻏﺎ ﺋﻪﺯﺍ ﺩﯙﻟﻪﺗﻠﻪﺭ ﺋﯩﭽﯩﺪﻩ، ﻧﻮﭘﯘﺱ ﺟﻪﻫﻪﺗﺘﯩﻦ ﻛﻮﺳﻮﯞﺍ ﺋﺎﻟﺒﺎﻧﻠﯩﺮﯨﻨﯩﯔ ﻧﻮﭘﯘﺳﯩﻐﺎ ﻳﻪﻧﻰ ﻧﻮﭘﯘﺳﻰ 2 ﻣﯩﻠﻴﻮﻧﻐﺎ ﻳﻪﺗﻤﻪﻳﺪﯨﻐﺎﻥ 58 ﺩﯙﻟﻪﺕ ﺑﺎﺭ. ﺗﯧﺮﺭﯨﺘﻮﺭﯨﻴﻪ ﺟﻪﻫﻪﺗﺘﯩﻦ ﻛﻮﺳﻮﯞﺍ ﺗﯧﺮﺭﯨﺘﻮﺭﯨﻴﯩﺴﯩﮕﻪ ﻳﻪﺗﻤﻪﻳﺪﯨﻐﺎﻥ ﺩﯙﻟﻪﺗﺘﯩﻦ 34 ﻯ ﺑﺎﺭ. ﺋﻪﮔﻪﺭ، ﺋﻪﮔﻪﺭ ﺋﯩﮕﯩﻠﯩﻚ ﻫﻮﻗﯘﻗﻠﯘﻕ ﺩﯙﻟﻪﺗﻠﻪﺭﮔﻪ ﭼﯧﻘﯩﻠﻤﺎﺳﻠﯩﻖ ﺧﻪﻟﻘﺌﺎﺭﺍ ﻗﺎﻧﯘﻧﺪﯨﻜﻰ ﻣﯘﺗﻠﻪﻕ ﺷﻪﺭﺕ ﺑﻮﻟﯩﺪﯨﻐﺎﻥ ﺋﯩﺶ ﺑﻮﻟﺴﺎ، ﺏ ﺩ ﺕ ﺋﯚﺯﯨﮕﻪ ﻳﯧﯖﻰ ﺋﻪﺯﺍ ﻗﻮﺑﯘﻝ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ ﺋﯩﺪﻯ، ﺋﻪﻣﻤﺎ 1992 ‏- ﻳﯩﻠﯩﺪﯨﻦ 2002 ‏- ﻳﯩﻠﯩﻐﯩﭽﻪ، ﺏ ﺩ ﺕ ﻏﺎ ﻳﯧﯖﯩﺪﯨﻦ 34 ﺋﻪﺯﺍ ﻗﯧﺘﯩﻠﺪﻯ.
ﺋﻪﺳﻪﺕ ﺳﺘﺎﯞﯨﻠﯩﭽﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺳﺎﺑﯩﻖ ﻳﯘﮔﻮﺳﻼﯞﯨﻴﻪ ﻓﯧﺪﯨﺮﺍﺗﺴﯩﻴﯩﺴﯩﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻤﯘ، ﻛﻮﺳﻮﯞﺍﻧﻰ ﺳﯧﺮﺑﯩﻴﯩﻨﯩﯔ ﺑﯩﺮ ﭘﺎﺭﭼﯩﺴﻰ ﺩﻩﭖ ﺗﻮﻧﯘﻏﺎﻥ ﺋﻪﻣﻪﺱ، ﺷﯘﯕﺎ ﻛﻮﺳﻮﯞﺍﻏﺎ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ ﺑﯧﺮﯨﻠﮕﻪﻥ. ﻛﻮﺳﻮﯞﺍﻏﺎ ﺑﯧﺮﯨﻠﮕﻪﻥ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ ﻛﻮﺳﻮﯞﺍﻟﯩﻘﻼﺭﻧﯩﯔ ﺋﯧﺘﻨﯩﻚ ﻛﯩﻤﻠﯩﻜﻰ ﯞﻩ ﺗﯧﺮﺭﯨﺘﻮﺭﯨﻴﻪ ﭼﯧﮕﺮﯨﺴﯩﻨﯩﯔ ﺳﯧﺮﺑﯩﻴﯩﺪﯨﻦ ﺋﺎﻳﺮﯨﻢ ﺗﻮﻧﯘﻟﻐﺎﻧﻠﯩﻘﯩﻨﯩﯔ ﺋﯩﺴﭙﺎﺗﯩﺪﯗﺭ.
ﻛﻮﺳﻮﯞﺍﺩﯨﻜﻰ ﺳﯩﻴﺎﺳﯩﻲ ﭘﺎﺭﺗﯩﻴﯩﻠﻪﺭﻧﯩﯔ ﺑﯩﺮﯨﻨﭽﻰ ﺷﯘﺋﺎﺭﻯ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻨﻰ ﺩﻩﺭﻫﺎﻝ ﺋﯧﻼﻥ ﻗﯩﻠﯩﺶ
ﭘﺮﻭﻓﯧﺴﺴﻮﺭ ﺋﻪﺳﻪﺕ ﺳﺘﺎﯞﯨﻠﯩﭽﻰ، ﺑﻪﺯﻯ ﺩﯙﻟﻪﺗﻠﻪﺭﻧﯩﯔ ﺋﻪﻧﺪﯨﺸﯩﺴﯩﻨﯩﯔ ﺋﻮﺭﯗﻧﺴﯩﺰ ﺋﯩﻜﻪﻧﻠﯩﻜﯩﻨﻰ ﺋﯩﺰﺍﻫﻼﭖ ﻣﯘﻧﺪﺍﻕ ﺩﯦﮕﻪﻥ: ﻛﻮﺳﻮﯞﺍ ﻣﻪﺳﯩﻠﯩﺴﻰ ﺩﯗﻧﻴﺎﻧﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻜﻰ ﺑﯚﻟﯜﻧﯜﺵ ﻫﻪﺭﯨﻜﻪﺗﻠﯩﺮﯨﺪﯨﻦ ﭘﻪﺭﻗﻠﯩﻖ. ﻣﻪﺳﯩﻠﻪﻥ، ﻳﺎﯞﺭﻭﭘﺎﺩﯨﻜﻰ، ﺷﻮﺗﻼﻧﺪﯨﻴﯩﻠﯩﻜﻠﻪﺭ، ﺑﺎﺳﻜﻼﺭ ﯞﻩ ﻛﺎﺗﻮﻟﯩﻨﻼﺭ ﺋﯚﺯﻟﯩﺮﻯ ﻳﺎﺷﺎﯞﺍﺗﻘﺎﻥ ﺩﯙﻟﻪﺗﺘﻪ ﻗﯩﺮﻏﯩﻨﭽﯩﻠﯩﻘﻘﺎ ﻳﻮﻟﯘﻗﻘﯩﻨﻰ ﻳﻮﻕ، ﻫﻪﺗﺘﺎ ﺯﯗﻟﯘﻣﻐﯩﻤﯘ ﺋﯘﭼﺮﯨﻐﯩﻨﻰ ﻳﻮﻕ. ﺷﯘﯕﺎ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﻰ ﺗﯩﻨﭻ ﻳﺎﺷﺎﯞﺍﺗﻘﺎﻥ ﻣﯩﻠﻠﻪﺗﻠﻪﺭﻧﻰ ﺑﯚﻟﯜﻧﯜﺷﻜﻪ ﭼﺎﻗﯩﺮﯨﺶ ﺭﻭﻟﯩﻨﻰ ﺋﻮﻳﻨﯩﻤﺎﻳﺪﯗ. ﻛﻮﺳﻮﯞﺍ ﺑﯩﻠﻪﻥ ﺳﯧﺮﺑﯩﻴﻪ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ، ﻫﯩﻨﺪﻭﻧﯧﺰﯨﻴﻪ ﺑﯩﻠﻪﻥ ﺷﻪﺭﻗﻰ ﺗﯩﻤﻮﺭ، ﻣﺎﻻﻳﺸﯩﻴﺎ ﺑﯩﻠﻪﻥ ﺳﯩﻨﮕﺎﭘﻮﺭ، ﺋﯧﻔﯩﺌﻮﭘﯩﻴﻪ ﺑﯩﻠﻪﻥ ﺋﯧﺮﯨﺘﺮﯨﻨﺎ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻜﻪ ﺋﻮﺧﺸﺎﻳﺪﯗ. ﺋﯘﻻﺭ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﻗﻮﺭﺍﻝ ﺑﯩﻠﻪﻥ ﻣﻪﺟﺒﯘﺭﯨﻲ ﺷﻪﻛﯩﻠﻠﻪﻧﮕﻪﻥ ﻣﯘﻧﺎﺳﯩﯟﻩﺕ ﺋﯩﺪﻯ، ﺋﺎﺧﯩﺮﯨﺪﺍ ﺧﺎﺗﯩﻤﻪ ﺑﯧﺮﯨﻠﺪﻯ. ﻛﻮﺳﻮﯞﺍ ﺑﯩﻠﻪﻥ ﺳﯧﺮﺑﯩﻴﯩﻨﯩﯔ ﭘﯜﺗﯜﻧﻠﯩﻜﯩﻤﯘ ﺷﯘﻧﺪﺍﻕ ﺷﻪﻛﯩﻠﻠﻪﻧﮕﻪﻥ ﯞﻩ ﺧﺎﺗﯩﻤﻪ ﺑﯧﺮﯨﻠﯩﺸﻰ ﻛﯧﺮﻩﻙ.
ﻛﻮﺳﻮﯞﺍ ﺋﺎﻟﺒﺎﻧﻠﯩﺮﻯ ﺑﯜﮔﯜﻥ، ﻣﯘﺳﺘﻪﻗﯩﻠﻠﯩﻖ ﺋﺎﺭﺯﯗﺳﯩﺪﺍ ﺑﯩﺮﺩﻩﻛﻠﯩﻜﻜﻪ ﺋﯩﮕﻪ. ﺷﯘﯕﻼﺷﻘﺎ، ﻛﻮﺳﻮﯞﺍﺩﯨﻜﻰ ﺳﯩﻴﺎﺳﯩﻲ ﭘﺎﺭﺗﯩﻴﯩﻠﻪﺭﻧﯩﯔ ﺗﻪﺷﯟﯨﻘﺎﺕ ﺭﯨﻘﺎﺑﯩﺘﯩﺪﯨﻜﻰ ﺑﯩﺮﯨﻨﭽﻰ ﺷﯘﺋﺎﺭ، ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻨﻰ ﺩﻩﺭﻫﺎﻝ ﺋﯧﻼﻥ ﻗﯩﻠﯩﺶ. ﺷﯘﯕﺎ ﺏ ﺩ ﺕ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﯩﻨﯩﯔ 19 ‏- ﺩﯦﻜﺎﺑﯩﺮﺩﯨﻜﻰ ﻣﯘﺯﺍﻛﯩﺮﯨﺴﯩﻨﯩﯔ ﻗﺎﺭﺍﺭﯨﺪﯨﻦ ﻛﯧﻴﯩﻦ، ﻛﻮﺳﻮﯞﺍ ﺧﻪﻟﻘﯩﻨﯩﯔ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﯩﺪﻩ ﻗﻪﺩﻩﻣﻨﻰ ﻗﺎﻧﺪﺍﻕ ﺑﺎﺳﯩﺪﯨﻐﺎﻧﻠﯩﻘﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻤﺎﻗﺘﺎ.

ﺗﯘﺭﭘﺎﻥ ﺋﻮﻳﻤﺎﻧﻠﯩﻘﯩﺪﯨﻜﻰ ﺑﯩﺮ ﻗﻪﺩﯨﻤﻘﻰ ﻗﻪﺑﺮﯨﺪﯨﻦ ﺑﯘﻏﺪﺍﻱ ﻗﯧﺰﯨﯟﯦﻠﯩﻨﻐﺎﻥ

ﻳﯧﻘﯩﻨﺪﺍ ﺗﯘﺭﭘﺎﻥ ﺋﻮﻳﻤﺎﻧﻠﯩﻘﯩﺪﯨﻜﻰ ﺑﯩﺮ ﻗﻪﺩﯨﻤﻘﻰ ﻗﻪﺑﺮﯨﺪﯨﻦ ﻛﯚﭖ ﻣﯩﻘﺪﺍﺭﺩﺍ ﺑﯘﻏﺪﺍﻱ ﻗﯧﺰﯨﯟﯦﻠﯩﻨﻐﺎﻥ.
ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻳﯧﻘﯩﻨﺪﺍ ﺗﯘﺭﭘﺎﻧﺪﯨﻜﻰ ﺑﯩﺮ ﻗﻪﺩﯨﻤﻘﻰ ﻗﻪﺑﺮﯨﺪﯨﻦ ﻗﯧﺰﯨﯟﯦﻠﯩﻨﻐﺎﻥ ﺑﯘﻏﺪﺍﻱ ﺟﯘﯕﮕﻮﻧﯩﯔ ﺑﯘﻧﯩﯖﺪﯨﻦ 2400 ﻳﯩﻞ ﺑﯘﺭﯗﻧﻘﻰ ﺋﯘﺭﯗﺷﻘﺎﻕ ﺑﻪﮔﻠﯩﻜﻠﻪﺭ ﺩﻩﯞﺭﯨﺪﯨﻦ - ﭼﯩﻦ ﺳﯘﻻﻟﯩﺴﯩﻐﯩﭽﻪ ﺑﻮﻟﻐﺎﻥ ﺩﻩﯞﯨﺮﮔﻪ ﻣﻪﻧﺴﯘﭖ.
ﻣﻪﺭﻛﯩﺰﻯ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺗﯘﺭﭘﺎﻧﺪﯨﻜﻰ ﻗﻪﺩﯨﻤﻘﻰ ﻗﻪﺑﺮﯨﻠﻪﺭﺩﯨﻦ ﻗﯧﺰﯨﯟﯦﻠﯩﻨﻐﺎﻥ ﺑﯘﻏﺪﺍﻳﻨﯩﯔ ﺳﻮﺭﺗﻰ ﺋﯧﺴﯩﻞ، ﺋﯘﻧﯩﯔ ﺭﻩﯕﮕﻰ ﺋﯘﺯﯗﻥ ﻳﯩﻠﻼﺭﻏﯩﭽﻪ ﺋﯚﺯﮔﻪﺭﻣﯩﮕﻪﻥ، ﺷﻪﻛﻠﯩﻤﯘ ﺑﯘﺯﯗﻟﻤﯩﻐﺎﻥ. ﺑﯘ ﺋﺎﺳﺎﺭﻩ‏ - ﺋﻪﺗﯩﻘﯩﻠﻪﺭ ﺗﯘﺭﭘﺎﻧﺪﺍ ﻗﻪﺩﯨﻤﻘﻰ ﺯﺍﻣﺎﻧﺪﺍ ﺑﯘﻏﺪﺍﻱ ﺗﯧﺮﯨﻘﭽﯩﻠﯩﻘﻰ ﺋﻪﯞﺝ ﺋﺎﻟﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﻳﺪﯗ. ﺑﯘﻧﯩﯖﺪﯨﻦ ﺑﯘﺭﯗﻥ ﺗﺎﺭﯨﻢ ﺩﻩﺭﻳﺎﺳﯩﻨﯩﯔ ﺗﯚﯞﻩﻥ ﺋﯧﻘﯩﻨﯩﺪﯨﻜﻰ ﻗﻪﺩﯨﻤﻘﻰ ﻗﻪﺑﺮﯨﺴﺘﺎﻧﻠﯩﻘﻼﺭﺩﯨﻨﻤﯘ 4000 ﻳﯩﻞ ﺑﯘﺭﯗﻧﻘﻰ ﺑﯘﻏﺪﺍﻱ ﺩﺍﻧﻠﯩﺮﻯ ﺗﯧﭙﯩﻠﻐﺎﻥ ﺋﯩﺪﻯ.

ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻗﺎﺭ - ﻣﯘﺯ ﭼﻮﻗﯩﻠﯩﺮﯨﻨﯩﯔ ﺋﯧﺮﯨﺶ ﺳﯜﺭﺋﯩﺘﻰ ﺗﯧﺰﻟﻪﺷﻤﻪﻛﺘﻪ

ﺧﯩﺘﺎﻱ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﮔﯧﺌﻮﻟﻮﮔﯩﻴﯩﻠﯩﻚ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﯩﻜﻰ ﺋﯧﮕﯩﺰ ﻗﺎﺭ -ﻣﯘﺯ ﭼﻮﻗﯩﻠﯩﺮﯨﻨﯩﯔ ﻳﯧﻘﯩﻨﻘﻰ ﺑﻪﺵ ﻳﯩﻞ ﺋﯩﭽﯩﺪﻩ %18 ﺋﻰ ﺋﯧﺮﯨﭗ ﺗﯜﮔﯩﮕﻪﻥ. ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﻩ ﺑﯘﻧﯩﯖﻐﺎ ﻳﻪﺭ ﺷﺎﺭﻯ ﻫﺎﯞﺍ ﻛﯩﻠﯩﻤﺎﺗﯩﻨﯩﯔ ﺋﯩﺴﺴﯩﭗ ﻛﯧﺘﯩﺸﻰ ﺳﻪﯞﻩﺑﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.
ﺷﯩﻨﺨﯘﺋﺎ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﺗﻪﺗﻘﯩﻘﺎﺗﭽﯩﻼﺭ ﻗﺎﺭ-ﻣﯘﺯﻻﺭﻧﯩﯔ ﺋﯧﺮﯨﺶ ﺳﯜﺭﺋﯩﺘﻰ ﺋﻪﯓ ﻛﯚﺭﯛﻧﻪﺭﻟﯩﻚ ﺟﺎﻳﻼﺭ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺕ ﺋﯩﻜﻪﻧﻠﯩﻜﯩﻨﻰ ﺑﺎﻳﻘﯩﻐﺎﻥ. ﺗﻪﺗﻘﯩﻘﺎﺕ ﮔﯘﺭﯗﭘﭙﯩﺴﯩﺪﯨﻜﻰ ﺧﯩﺘﺎﻱ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﺩﯨﯔ ﻳﻮﯕﺠﻴﻪﻥ، ﻣﯘﺯ ﻗﺎﺗﻠﯩﻤﯩﺪﯨﻜﻰ ﺋﯚﺯﮔﯩﺮﯨﺶ ﺧﯩﺘﺎﻱ ﻣﯘﻫﯩﺖ ﻣﻪﺳﯩﻠﯩﺴﯩﺪﻩ ﺩﯗﭺ ﻛﯧﻠﯩﯟﺍﺗﻘﺎﻥ ﺑﯧﺴﯩﻤﻨﯩﯔ ﺑﯩﺮ ﺋﯩﭙﺎﺩﯨﺴﻰ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﭗ،" ﻳﻪﺭ ﺷﺎﺭﯨﻨﯩﯔ ﺋﯩﺴﺴﯩﭗ ﻛﯧﺘﯩﺸﻰ ﺑﯘ ﺭﺍﻳﻮﻧﻼﺭﺩﺍ ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﺋﻮﻥ ﻳﯩﻠﺪﯨﻦ ﺑﯧﺮﻯ ﺗﯧﻤﭙﯧﺮﺍﺗﯘﺭﯨﻨﯩﯔ ﺋﯚﺭﻟﻪﭖ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﻣﯘﺯﻟﯘﻗﻼﺭ ﯞﻩ ﺗﻮﯓ ﻳﻪﺭﻟﻪﺭﻧﯩﯔ ﺋﯧﺮﯨﺸﯩﻨﻰ ﺷﯘﻧﺪﺍﻗﻼ ﻗﯘﺭﻏﺎﻗﭽﯩﻠﯩﻘﻨﯩﯔ ﻛﯜﭼﯩﻴﯩﺸﯩﮕﻪ ﺳﻪﯞﻩﺑﭽﻰ ﺑﻮﻟﻤﺎﻗﺘﺎ،" ﺩﻩﻳﺪﯗ. ﻟﯧﻜﯩﻦ، ﻳﻪﻧﻪ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﺗﺎﻍ ﺳﺎﻳﺎﻫﻪﺗﭽﯩﻠﯩﻜﻰ، ﭘﯩﻼﻧﺴﯩﺰ ﻣﻪﺩﻩﻥ ﻗﯧﺰﯨﺶ، ﻳﺎﻳﻼﻗﻼﺭﻧﯩﯔ ﯞﻩﻳﺮﺍﻥ ﻗﯩﻠﯩﻨﯩﺸﻰ، ﻛﯚﭼﻤﻪﻧﻠﻪﺭﻧﯩﯔ ﭘﺎﺋﺎﻟﯩﻴﯩﺘﻰ ﻗﺎﺗﺎﺭﻟﯩﻘﻼﺭ ﺋﯘﻳﻐﯘﺭ ﺋﯧﻠﻰ ﯞﻩ ﺗﯩﺒﻪﺗﺘﯩﻜﻰ ﻗﺎﺭ - ﻣﯘﺯﻟﯘﻗﻼﺭﻧﯩﯔ ﺋﯧﺮﯨﺶ ﺳﯜﺭﺋﯩﺘﯩﻨﻰ ﺗﯧﺰﻟﯩﺘﯩﯟﺍﺗﻘﺎﻥ ﺋﺎﻣﯩﻠﻼﺭﻧﯩﯔ ﺑﯩﺮﻯ، ﺩﻩﭖ ﻛﯚﺭﺳﻪﺗﻤﻪﻛﺘﻪ.
ﺧﯩﺘﺎﻱ ﻛﯧﻠﻪﺭ ﻳﯩﻠﻰ ﻫﺎﯞﺍﻏﺎ ﻛﺎﺭﺑﻮﻥ ﺩﯨﺌﻮﻛﺴﯩﺪ ﮔﺎﺯﯨﻨﻰ ﺋﻪﯓ ﻛﯚﭖ ﻗﻮﻳﯘﭖ ﺑﯧﺮﯨﺪﯨﻐﺎﻥ ﺩﯙﻟﻪﺗﻜﻪ ﺋﺎﻳﻠﯩﻨﯩﺪﯨﻐﺎﻥ ﺑﻮﻟﯘﭖ، ﺋﯘ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻛﯧﺮﻩﻛﺴﯩﺰ ﮔﺎﺯﻧﻰ ﺗﯧﺰﮔﯩﻨﻠﻪﺵ ﻫﻪﻗﻘﯩﺪﯨﻜﻰ ﻛﯜﻧﺴﯧﺮﻯ ﺋﯧﻐﯩﺮﻟﯩﺸﯩﯟﺍﺗﻘﺎﻥ ﺑﯧﺴﯩﻤﯩﻐﺎ ﺩﯗﭺ ﻛﻪﻟﻤﻪﻛﺘﻪ. ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﺯ ﻗﺎﺗﻼﻣﻠﯩﺮﯨﻨﯩﯔ ﺋﯧﺮﯨﺶ ﻣﻪﺳﯩﻠﯩﺴﯩﺪﻩ ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺑﯩﻠﻪﻥ ﺧﯩﺘﺎﻱ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﻛﯚﺯ ﻗﺎﺭﯨﺸﻰ ﺑﯩﺮ - ﺑﯩﺮﯨﮕﻪ ﺯﯨﺖ ﺑﻮﻟﯘﭖ، ﺧﯩﺘﺎﻱ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﺪﯨﻜﻰ ﺗﻪﺗﻘﯩﻘﺎﺗﭽﯩﻼﺭ ﺑﯘﺭﯗﻥ ﺋﯧﻼﻥ ﻗﯩﻠﻐﺎﻥ ﺑﯩﺮ ﺩﻭﻛﻼﺗﯩﺪﺍ ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﺯ ﭼﻮﻗﻘﯩﻼﺭﻧﯩﯔ 100 ﻳﯩﻞ ﺋﯩﭽﯩﺪﻩ ﭘﯜﺗﯜﻧﻠﻪﻱ ﺋﯧﺮﯨﭗ ﺗﯜﮔﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﺎ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﻪﺭﻟﯩﻚ ﮔﯧﺌﻮﻟﻮﮔﯩﻴﻪ ﺩﺍﺋﯩﺮﯨﻠﯩﺮﻯ ﺭﺍﻳﻮﻧﺪﯨﻜﻰ ﻣﯘﺯ ﻗﺎﺗﻠﯩﻤﯩﻨﯩﯔ 100 ﻳﯩﻠﺪﺍ ﺋﯧﺮﯨﻤﻪﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ ﺋﯩﺪﻯ.

ﺋﻮﺳﻤﺎﻥ ﺑﺎﺗﯘﺭ ﺭﻭﻣﺎﻧﻰ ﺗﯜﺭﻛﯩﻴﯩﺪﻩ ﻧﻪﺷﯩﺮ ﻗﯩﻠﯩﻨﺪﻯ

ﻗﺎﺯﺍﻕ ﻳﺎﺯﻏﯘﭼﻰ ﺟﺎﻗﺴﯩﻠﯩﻖ ﺳﺎﻣﯩﻴﺖ ﺋﻮﻏﻠﻰ ﻳﺎﺯﻏﺎﻥ ﺋﻮﺳﻤﺎﻥ ﺑﺎﺗﯘﺭﻧﯩﯔ ﻫﺎﻳﺎﺗﻰ ﺑﺎﻳﺎﻥ ﻗﯩﻠﯩﻨﻐﺎﻥ "ﻗﺎﻫﺎﺭﻟﻰ ﺋﺎﻟﺘﺎﻱ" ﺋﯩﺴﯩﻤﻠﯩﻖ ﺭﻭﻣﺎﻥ ﺗﯜﺭﻛﭽﯩﮕﻪ ﺗﻪﺭﺟﯩﻤﻪ ﻗﯩﻠﯩﻨﯩﭗ ﻧﻪﺷﯩﺮ ﻗﯩﻠﯩﻨﺪﻯ. ﻛﯩﺘﺎﺏ 2004 - ﻳﯩﻠﻰ ﺋﺎﻟﻤﺎﺗﺎﺩﺍ "ﺳﻪﺭﮔﻪﻥ" ﻳﻪﻧﻰ "ﻗﺎﻻﻳﻤﯩﻘﺎﻧﭽﯩﻠﯩﻖ" ﺋﯩﺴﻤﯩﺪﺍ ﻗﺎﺯﺍﻗﭽﻪ ﻧﻪﺷﯩﺮ ﻗﯩﻠﯩﻨﻐﺎﻥ ﺑﻮﻟﯘﭖ ﺟﻪﻣﺌﯩﻲ 3 ﺗﻮﻡ. ﺑﯘ ﻛﯩﺘﺎﺑﻨﯩﯔ 3-ﺗﻮﻣﯩﻨﯩﯔ ﺋﯩﺴﻤﻰ "ﻗﺎﻫﺎﺭﻟﻰ ﺋﺎﻟﺘﺎﻱ" ﺑﻮﻟﯘﭖ، ﺋﻮﺳﻤﺎﻥ ﺑﺎﺗﯘﺭﻧﯩﯔ ﺋﺎﺧﯩﺮﻗﻰ ﻫﺎﻳﺎﺗﻰ ﺑﺎﻳﺎﻥ ﻗﯩﻠﯩﻨﻐﺎﻥ . ﻛﯩﺘﺎﺑﻨﯩﯔ 3-ﺗﻮﻣﯩﻨﻰ ﺗﯜﺭﻛﯩﻴﻪ ﻳﺎﯞﺭﻭ ﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ ﺗﯜﺭﻛﭽﯩﮕﻪ ﺗﻪﺭﺟﯩﻤﻪ ﻗﯩﻠﺪﯗﺭﯗﭖ، ﺋﯚﺯﻟﯩﺮﯨﻨﯩﯔ ﺑﻪﻧﮕﯘ ﻧﻪﺷﺮﻳﺎﺗﯩﺪﺍ ﻧﻪﺷﯩﺮ ﻗﯩﻠﺪﯗﺭﻏﺎﻥ. ﺑﯘ ﺗﺎﺭﯨﺦ ﻛﯩﺘﺎﺑﻰ ﺋﻪﻣﻪﺱ، ﺭﻭﻣﺎﻧﺪﯗﺭ. ﺋﻪﻣﻤﺎ ﺋﯘﺯﯗﻥ ﯞﺍﻗﯩﺖ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺶ ﻧﻪﺗﯩﺠﯩﺴﯩﺪﻩ ﺑﯘ ﺭﻭﻣﺎﻧﻨﻰ ﻳﺎﺯﻏﺎﻥ ﻗﺎﺯﺍﻕ ﺋﺎﭘﺘﻮﺭ ﺟﺎﻗﺴﯩﻠﯩﻖ ﺳﺎﻣﯩﻴﺖ ﺋﻮﻏﻠﻰ ﺭﻭﻣﺎﻧﺪﺍ ﻧﯘﺭﻏﯘﻥ ﺗﺎﺭﯨﺨﻰ ﯞﻩﻗﻪﻟﻪﺭﻧﯩﻤﯘ ﻳﺎﺯﻏﺎﻥ. ﺷﯘﯕﺎ ﺑﯘ ﺋﻪﺳﻪﺭ ﺋﯘ ﻣﻪﺯﮔﯩﻠﺪﯨﻜﻰ ﺗﺎﺭﯨﺨﻰ ﯞﻩﻗﻪﻟﻪﺭﻧﻰ ﺑﯩﻠﯩﯟﯦﻠﯩﺶ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ. ﺑﯘ ﺋﻪﺳﻪﺭﻧﻰ ﻗﺎﺯﺍﻗﭽﯩﺪﯨﻦ ﺗﯜﺭﻛﭽﯩﮕﻪ ﻗﺎﺯﺍﻕ ﻗﯩﺰﻯ ﻣﺎﺧﻼﺳﻠﻰ ﺑﯩﺮﻯ ﺗﻪﺭﺟﯩﻤﻪ ﻗﯩﻠﻐﺎﻥ ﺑﻮﻟﯘﭖ، ﺋﻪﺳﻪﺭ 329 ﺑﻪﺗﺘﯩﻦ ﺗﻪﺭﻛﯩﭗ ﺗﺎﭘﻘﺎﻥ. ﺋﻪﺳﻪﺭﻧﯩﯔ ﺗﺎﺵ ﯞﺍﺭﯨﻘﯩﻐﺎ ﺋﻮﺳﻤﺎﻥ ﺑﺎﺗﯘﺭﻧﯩﯔ ﺋﺎﺗﻘﺎ ﻣﯩﻨﯩﭗ ﺗﯘﺭﻏﺎﻥ ﺭﻩﺳﯩﻤﻰ ﻗﻮﻳﯘﻟﻐﺎﻥ.
ﻫﺎﺯﯨﺮﻏﯩﭽﻪ ﺋﻮﺳﻤﺎﻥ ﺑﺎﺗﯘﺭ ﻫﻪﻗﻘﯩﺪﻩ ﻛﯚﭖ ﺳﺎﻧﺪﺍ ﻛﯩﺘﺎﺏ ﯞﻩ ﻣﺎﻗﺎﻟﯩﻼﺭ ﺋﯧﻼﻥ ﻗﯩﻠﯩﻨﺪﻯ. ﺗﯧﺨﻰ ﺋﯚﺗﻜﻪﻥ ﻳﯩﻠﻰ ﺋﯩﺴﺘﺎﻧﺒﯘﻝ ﻣﯩﻤﺎﺭﺳﯩﻨﺎﻥ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺗﺎﺭﯨﺨﭽﻰ ﭘﺮﻭﻑ. ﺩﺭ. ﮔﯘﻟﭽﯩﻦ ﭼﺎﻧﺪﺍﺭﻟﯩﺌﻮﻏﻠﯘ ﻳﺎﺯﻏﺎﻥ "ﺋﯚﺯﮔﯜﺭﻟﯜﻙ ﻳﻮﻟﯘ، ﻧﯘﺭﮔﻮﺟﺎﻱ ﺑﺎﺗﯘﺭﯗﻥ ﺋﺎﻧﯩﻼﺭﯨﻴﻼ ﺋﻮﺳﻤﺎﻥ ﺑﺎﺗﯘﺭ ﻳﻪﻧﻰ ﺋﻪﺭﻛﯩﻨﻠﯩﻚ ﻳﻮﻟﻰ ﻧﯘﺭﮔﻮﺟﺎﻱ ﺑﺎﺗﯘﺭﻧﯩﯔ ﺋﻪﺳﻠﯩﻤﯩﻠﯩﺮﻯ "ﺑﯩﻠﻪﻥ ﺋﻮﺳﻤﺎﻥ ﺑﺎﺗﯘﺭ ﻧﺎﻣﻠﯩﻖ ﺋﻪﺳﻪﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩﻗﭙﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﻐﺎﻥ ﺋﯩﺪﻯ. ﺑﯘ ﻳﯩﻞ ﺑﻮﻟﺴﺎ ﺋﻮﺳﻤﺎﻥ ﺑﺎﺗﯘﺭﻧﯩﯔ ﻫﺎﻳﺎﺗﻰ ﺋﺎﯕﻠﯩﺘﯩﻠﻐﺎﻥ ﻗﺎﻫﺎﺭﻟﻰ ﺋﺎﻟﺘﺎﻱ ﻧﺎﻣﻠﯩﻖ ﺋﻪﺳﻪﺭ ﻧﻪﺷﯩﺮ ﻗﯩﻠﯩﻨﺪﻯ. ﺑﯘ ﺋﻪﺳﻪﺭﺩﻩ ﻧﯧﻤﯩﻠﻪﺭ ﺑﺎﻳﺎﻥ ﻗﯩﻠﯩﻨﻐﺎﻥ؟ ﺋﻪﺳﻪﺭﻧﯩﯔ ﻗﯩﻤﻤﯩﺘﻰ ﻧﯧﻤﻪ؟ ﺑﯘ ﻫﻪﻗﺘﻪ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯧﻠﯩﺶ ﺋﯜﭼﯜﻥ ﻣﯩﻤﺎﺭﺳﯩﻨﺎﻥ ﺋﯘﻧﯩﯟﯦﺮﺳﯩﺘﯧﺘﻰ ﺗﺎﺭﯨﺦ ﺋﻮﻗﯘﺗﻘﯘﭼﯩﺴﻰ ﺋﺎﺑﺪﯗﻟﯟﺍﻫﺎﭖ ﻗﺎﺭﺍ ﺑﯩﻠﻪﻥ ﺑﯘ ﺭﻭﻣﺎﻧﻨﻰ ﻧﻪﺷﯩﺮ ﻗﯩﻠﺪﯗﺭﻏﺎﻥ ﻳﺎﯞﺭﻭ ﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ ﺑﺎﺷﻠﯩﻘﻰ ﻳﺎﻗﯘﭖ ﺩﻩﻟﯩﺌﻮﻣﻪﺭﻭﻏﻠﻰ ﺑﯩﻠﻪﻥ ﺳﯚﻫﺒﻪﺗﻠﻪﺷﺘﯘﻕ.
ﺋﯩﺴﺘﺎﻧﺒﯘﻝ ﻣﯩﻤﺎﺭﺳﯩﻨﺎﻥ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﺗﺎﺭﯨﺨﭽﻰ ﺩﺭ. ﺋﺎﺑﺪﯗﯞﺍﻫﺎﭖ ﻗﺎﺭﺍ ﺋﻪﭘﻪﻧﺪﻯ ﺑﯘ ﺭﻭﻣﺎﻧﻨﯩﯔ ﺋﯩﻜﻜﻰ ﺟﻪﻫﻪﺗﺘﯩﻦ ﺋﻪﻫﻤﯩﻴﯩﺘﻰ ﺑﺎﺭﻟﯩﻘﯩﻨﻰ ﺩﻩﭖ ﻣﯘﻧﺪﺍﻕ ﺩﯦﺪﻯ: "ﺑﯘ ﺗﺎﺭﯨﺨﻰ ﺭﻭﻣﺎﻧﻐﺎ ﻛﯩﺮﯨﺪﯗ، ﺑﯘ ﻛﯩﺘﺎﺏ ﺋﯩﻜﻜﻰ ﺟﻪﻫﻪﺗﺘﯩﻦ ﻣﯘﻫﯩﻢ. ﺑﯩﺮﯨﻨﭽﯩﺴﻰ ﺋﺎﭘﺘﻮﺭﻧﯩﯔ ﺋﺎﻧﭽﻪ ﺑﯩﻠﯩﻨﻤﯩﮕﻪﻥ ﺑﯩﺮ ﺗﯧﻤﯩﻨﻰ ﺋﯘﺯﯗﻥ ﯞﺍﻗﯩﺖ ﺋﻪﺗﺮﺍﭘﻠﯩﻖ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺶ ﻧﻪﺗﯩﺠﯩﺴﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ. ﺋﯩﻜﻜﯩﻨﭽﯩﺪﯨﻦ ﺑﯘ ﺭﻭﻣﺎﻧﻨﯩﯔ ﺋﺎﭘﺘﻮﺭﻯ ﺟﺎﻗﺴﯩﻠﯩﻖ ﺳﺎﻣﯩﻴﺖ ﺋﻮﻏﻠﯩﻨﯩﯔ، ﺧﯩﺘﺎﻳﭽﻪ ﻗﺎﺯﺍﻗﭽﻪ ﺑﯩﻠﯩﺪﯨﻐﺎﻥ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻠﯩﻖ ﺑﻮﻟﯘﺷﻰ. ﺑﯘ ﺭﻭﻣﺎﻧﻨﯩﯔ ﺗﺎﺭﯨﺨﻰ ﻫﻪﻗﯩﻘﻪﺗﻠﻪﺭﮔﻪ ﺋﺎﺳﺎﺳﻠﯩﻨﯩﭗ ﺗﯘﺭﯗﭖ ﻳﯧﺰﯨﻠﻐﺎﻧﻠﯩﻘﯩﺪﯗﺭ."
ﺗﺎﺭﯨﺨﭽﻰ ﺩﺭ. ﺋﺎﺑﺪﯗﯞﺍﻫﺎﭖ ﻗﺎﺭﺍ ﺋﻪﭘﻪﻧﺪﻯ ﺑﯘ ﺋﻪﺳﻪﺭﻧﯩﯔ ﺋﻮﺳﻤﺎﻥ ﺑﺎﺗﯘﺭ ﻳﺎﺷﯩﻐﺎﻥ ﻣﻪﺯﮔﯩﻠﻨﻰ ﯞﻩ ﺋﻮﺳﻤﺎﻥ ﺑﺎﺗﯘﺭﻧﯩﯔ ﺋﻪﺭﻛﯩﻨﻠﯩﻚ ﻛﯜﺭﯨﺸﯩﻨﯩﯔ ﺗﺎﺭﯨﺨﻰ ﺋﺎﺭﻗﺎ ﻛﯚﺭﯛﻧﯜﺷﯩﻨﻰ ﺑﯩﻠﯩﯟﯦﻠﯩﺶ ﺋﯜﭼﯜﻥ ﺑﯘ ﺋﻪﺳﻪﺭﻧﯩﯔ ﺋﯩﻨﺘﺎﻳﯩﻦ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺗﺎﺭﯨﺦ ﺗﻪﺗﻘﯩﻘﺎﺗﻰ ﺋﯜﭼﯜﻥ ﺭﻭﻣﺎﻧﺪﯨﻦ ﭘﺎﻳﺪﯨﻠﯩﻨﺎﻟﻤﺎﻳﻤﯩﺰ. ﺗﺎﺭﯨﺨﻰ ﻣﺎﺗﯧﺮﯨﻴﺎﻟﻼﺭﻏﺎ ﺋﺎﺳﺎﺳﻠﯩﻨﯩﭗ ﻳﯧﺰﯨﻠﻐﺎﻥ ﺑﻮﻟﺴﯩﻤﯘ ﻳﻪﻧﯩﻼ ﺭﻭﻣﺎﻧﺪﯗﺭ. ﺋﻪﻣﻤﺎ ﺋﯘ ﻣﻪﺯﮔﯩﻠﺪﯨﻜﻰ ﯞﻩﺯﯨﻴﻪﺕ ﻫﻪﻗﻘﯩﺪﻩ ﻛﯩﺸﯩﻠﻪﺭﮔﻪ ﻣﻪﻟﯘﻣﺎﺕ ﺑﯧﺮﯨﺶ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻤﺪﯗﺭ. ﺗﺎﺭﯨﺨﻘﺎ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ ﺋﻮﺳﻤﺎﻥ ﺑﺎﺗﯘﺭ ﺑﯩﺮ ﻗﻪﻫﺮﯨﻤﺎﻥ. ﺑﯘ ﺭﻭﻣﺎﻥ 3 ﺗﻮﻡ ﺑﻮﻟﯘﭖ، ﺑﯘ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ 3-ﺗﻮﻣﻰ، ﺑﯘﻧﯩﯖﺪﺍ ﺋﻮﺳﻤﺎﻥ ﺑﺎﺗﯘﺭﻧﯩﯔ ﺋﺎﺧﯩﺮﻗﻰ ﻣﻪﺯﮔﯩﻠﺪﯨﻜﻰ ﻫﺎﻳﺎﺗﻰ ﺋﺎﯕﻠﯩﺘﯩﻠﻐﺎﻥ. ﺭﻭﻣﺎﻧﺪﺍ ﻳﻪﻧﻪ ﺋﻮﺳﻤﺎﻥ ﺑﺎﺗﯘﺭﻧﯩﯔ ﺋﯜﺭﯛﻣﭽﯩﺪﻩ ﺋﻪﻳﺴﺎ ﻳﯘﺳﯘﻑ ﺋﺎﻟﯩﭙﺘﯧﻜﯩﻦ، ﺩﯦﻠﯩﻠﺨﺎﻥ ﺟﺎﻧﺎﻟﺘﺎﻱ ﯞﻩ ﺑﺎﺷﻘﺎ ﺭﻩﻫﺒﻪﺭﻟﻪﺭ ﺗﻪﺭﯨﭙﯩﺪﯨﻦ ﻛﯜﺗﯩﯟﯦﻠﯩﻨﻐﺎﻧﻠﯩﻘﻰ، ﺋﯜﺭﯛﻣﭽﯩﺪﯨﻜﻰ ﺋﺎﻣﯧﺮﯨﻜﺎ ﻛﻮﻧﺴﯘﻟﻰ ﺩﻭﮔﻼﺱ ﻣﺎﻛﻜﯩﺌﻪﺭﻧﺎﻧﻨﯩﯔ ﺋﻮﺳﻤﺎﻥ ﺑﺎﺗﯘﺭﻧﻰ ﻛﻮﻣﻤﯘﻧﯩﺴﺘﻼﺭﺩﯨﻦ ﻗﯘﺗﯘﻟﺪﯗﺭﯗﺷﻰ، ﺋﻮﺳﻤﺎﻥ ﺑﺎﺗﯘﺭﻧﯩﯔ ﻗﻮﻟﻐﺎ ﺋﯧﻠﯩﻨﯩﺸﻰ ﯞﻩ ﺳﻮﺭﺍﻗﻘﺎ ﺗﺎﺭﺗﯩﻠﯩﺸﻰ ﻗﺎﺗﺎﺭﻟﯩﻖ ﺑﯚﻟﯜﻣﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ."
ﺋﻮﺳﻤﺎﻥ ﺑﺎﺗﯘﺭﻧﯩﯔ ﻫﺎﻳﺎﺗﻰ ﺋﺎﯕﻠﯩﺘﯩﻠﻐﺎﻥ ﻗﺎﻫﺎﺭﻟﻰ ﺋﺎﻟﺘﺎﻱ ﻧﺎﻣﻠﯩﻖ ﻛﯩﺘﺎﺑﻨﻰ ﺗﯜﺭﻛﯩﻴﯩﺪﻩ ﻧﻪﺷﯩﺮ ﻗﯩﻠﺪﯗﺭﯗﺷﺘﯩﻜﻰ ﻣﻪﻗﺴﯩﺪﻯ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻥ ﻳﺎﯞﺭﻭ ﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ ﺑﺎﺷﻠﯩﻘﻰ ﻳﺎﻗﯘﭖ ﺩﻩﻟﯩﺌﻮﻣﻪﺭﻭﻏﻠﻰ ﻣﯘﻧﺪﺍﻕ ﺩﯦﺪﻯ: "ﺑﯘ ﺭﻭﻣﺎﻥ ﻳﺎﯞﺭﻭ ﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﯩﻨﯩﯔ ﺑﻪﻧﮕﯘ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﻧﻪﺷﯩﺮ ﻗﯩﻠﯩﻨﻐﺎﻥ ﺗﯘﻧﺠﻰ ﺭﻭﻣﺎﻥ. ﺑﻪﻧﮕﯘ ﻧﻪﺷﺮﯨﻴﺎﺗﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺋﻪﺳﻪﺭﻟﯩﺮﯨﻨﻰ ﺗﯜﺭﻛﯩﻴﯩﺪﻩ ﻧﻪﺷﯩﺮ ﻗﯩﻠﯩﺶ ﺋﯜﭼﯜﻥ ﻗﯘﺭﯗﻟﻐﺎﻥ ﺑﯩﺮ ﻧﻪﺷﺮﯨﻴﺎﺕ. ﺑﯘ ﻧﻪﺷﺮﯨﻴﺎﺗﯩﻤﯩﺰ ﺑﯘﻧﺪﯨﻦ ﻛﯧﻴﯩﻦ، ﻗﺎﺯﺍﻗﭽﻪ، ﺋﻪﺯﻩﺭﯨﭽﻪ، ﺋﯚﺯﺑﯧﻜﭽﻪ ﯞﻩ ﺋﯘﻳﻐﯘﺭﭼﻪ ﺭﻭﻣﺎﻧﻼﺭﻧﻰ ﺗﯜﺭﻛﭽﯩﮕﻪ ﺗﻪﺭﺟﯩﻤﻪ ﻗﯩﻠﯩﭗ ﺑﺎﺳﻤﺎﻗﭽﻰ. ﺋﻮﺳﻤﺎﻥ ﺑﺎﺗﯘﺭﻧﯩﯔ ﻫﺎﻳﺎﺗﻰ ﺋﺎﯕﻠﯩﺘﯩﻠﻐﺎﻥ ﺑﯘ ﺭﻭﻣﺎﻧﻨﻰ ﺗﯘﻧﺠﻰ ﺑﻮﻟﯘﭖ ﻧﻪﺷﯩﺮ ﻗﯩﻠﯩﺸﯩﻤﯩﺰﺩﯨﻜﻰ ﻣﻪﻗﺴﻪﺕ ﺋﻮﺳﻤﺎﻥ ﺑﺎﺗﯘﺭﻧﯩﯔ ﺗﯜﺭﻛﯩﻴﯩﺪﻩ ﻳﺎﺧﺸﻰ ﺑﯩﻠﯩﻨﯩﺪﯨﻐﺎﻥ ﺑﯩﺮ ﺷﻪﺧﺲ ﺑﻮﻟﯘﺷﯩﺪﯗﺭ. ﺋﻮﺳﻤﺎﻥ ﺑﺎﺗﯘﺭﻧﯩﯔ 14 ﻳﯩﻞ ﺩﺍﯞﺍﻡ ﻗﯩﻠﻐﺎﻥ ﺑﯩﺮ ﻣﯘﺳﺘﻪﻗﯩﻠﻠﯩﻖ ﻛﯜﺭﯨﺸﻰ ﺑﺎﺭ. ﺋﻮﺳﻤﺎﻥ ﺑﺎﺗﯘﺭﻧﯩﯔ ﺧﯩﺘﺎﻳﻼﺭﻏﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻣﯘﺟﺎﺩﯨﻠﯩﺴﻰ ﺗﯜﺭﻛﯩﻴﯩﺪﻩ ﻗﯩﺴﻘﯩﭽﻪ ﺑﯩﻠﯩﻨﺴﯩﻤﯘ ﺋﯘ ﻣﻪﺯﮔﯩﻠﺪﯨﻜﻰ ﺗﺎﺭﯨﺨﻰ ﯞﻩﻗﻪﻟﻪﺭ، ﻗﺎﺯﺍﻕ ﯞﻩ ﺋﯘﻳﻐﯘﺭﻻﺭﻧﯩﯔ ﺋﯩﻘﺘﯩﺴﺎﺩﯨﻲ ﯞﻩ ﺳﯩﻴﺎﺳﻰ، ﺋﯩﺠﺘﯩﻤﺎﺋﯩﻲ ﻫﺎﻳﺎﺗﻰ ﻳﺎﺧﺸﻰ ﺑﯩﻠﯩﻨﻤﻪﻳﺪﯗ. ﺑﯘ ﺗﺎﺭﯨﺨﺘﺎ ﺋﯘﻳﻐﯘﺭ، ﻗﺎﺯﺍﻕ ﯞﻩ ﺗﯘﯕﮕﺎﻧﻼﺭﻧﯩﯔ ﺧﯩﺘﺎﻳﻼﺭﻏﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﺑﯘ ﻣﯘﺟﺎﺩﯨﻠﯩﻠﯩﺮﯨﻨﻰ، ﺑﯘ ﻣﻪﺯﮔﯩﻠﻨﯩﯔ ﺗﺎﺭﯨﺨﻰ ﺋﺎﺭﻗﺎ ﻛﯚﺭﯛﻧﯩﺸﻰ ﺋﯘﻗﯘﺵ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ ﺑﯩﺮ ﺋﻪﺳﻪﺭ ﺑﻮﻟﻐﺎﭼﻘﺎ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺋﻪﺳﻪﺭﻟﯩﺮﯨﻨﻰ ﺗﻪﺭﺟﯩﻤﻪ ﻗﯩﻠﯩﺶ ﭘﺎﺋﺎﻟﯩﻴﯩﺘﯩﻤﯩﺰﻧﻰ ﺑﯘ ﺋﻪﺳﻪﺭﻧﻰ ﻧﻪﺷﯩﺮ ﻗﯩﻠﯩﺶ ﺑﯩﻠﻪﻥ ﺑﺎﺷﻠﯩﺪﯗﻕ."
ﻳﺎﯞﺭﻭ ﺋﺎﺳﯩﻴﺎ ﻳﺎﺯﻏﯘﭼﯩﻼﺭ ﺟﻪﻣﺌﯩﻴﯩﺘﻰ ﺑﺎﺷﻠﯩﻘﻰ ﻳﺎﻗﯘﭖ ﺩﯦﻠﯩﺌﻮﻣﻪﺭﻭﻏﻠﯘ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﻩ ﻣﻪﺷﻬﯘﺭ ﻳﺎﺯﻏﯘﭼﯩﻼﺭﻧﯩﯔ ﺩﯗﻧﻴﺎﻏﺎ ﻣﻪﺷﻬﯘﺭ ﺋﻪﺳﻪﺭﻟﯩﺮﯨﻨﯩﯔ ﺑﺎﺭﻟﯩﻘﯩﻨﻰ ﺑﯘﻻﺭﻧﯩﯔ ﺗﯜﺭﻙ ﺩﯗﻧﻴﺎﺳﯩﺪﺍ ﺑﯩﻠﯩﻨﻤﻪﻳﺪﯨﻐﺎﻧﻠﯩﻘﯩﻨﻰ ﺷﯘﯕﺎ ﺑﯘ ﺋﻪﺳﻪﺭﻟﻪﺭﻧﯩﯔ ﭘﯜﺗﯜﻥ ﺗﯜﺭﻛﯩﻲ ﺗﯩﻠﻼﺭﻏﺎ ﺗﻪﺭﺟﯩﻤﻪ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ:" ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﻩ ﻣﻪﺷﻬﯘﺭ ﻳﺎﺯﻏﯘﭼﯩﻠﯩﺮﯨﻤﯩﺰ ﺑﺎﺭ، ﺋﻪﻣﻤﺎ ﺑﯘﻻﺭﻧﻰ ﻫﻪﺭﻗﺎﻳﺴﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﻳﺎﺧﺸﻰ ﺑﯩﻠﻤﻪﻳﺪﯗ. ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﺮ ﺑﯩﺮﯨﻨﯩﯔ ﺋﻪﺩﻩﺑﯩﻲ ﺋﻪﺳﻪﺭﻟﯩﺮﯨﺪﯨﻦ ﺧﻪﯞﻩﺭﺩﺍﺭ ﺑﻮﻟﻤﯩﺴﺎ، ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺗﺎﺭﯨﺨﯩﻨﻰ، ﺑﯜﮔﯜﻧﻜﻰ ﯞﻩﺯﯨﻴﯩﺘﯩﻨﯩﻤﯘ ﺑﯩﻠﮕﯩﻠﻰ ﺑﻮﻟﻤﺎﻳﺪﯗ ﺩﯦﮕﻪﻧﻠﯩﻚ. ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺭﻭﻣﺎﻧﯩﻨﻰ ﻫﯧﻜﺎﻳﯩﻠﯩﺮﯨﻨﻰ ﺋﻮﻗﯘﻏﺎﻥ ﯞﺍﻗﺘﯩﻤﯩﺰﺩﺍ ﺋﯘ ﻣﯩﻠﻠﻪﺗﻨﯩﯔ ﺗﺎﺭﯨﺨﻰ، ﺋﯚﺭﯛﭖ ﺋﺎﺩﯨﺘﻰ ﻫﻪﺗﺘﺎ ﺳﯩﻴﺎﺳﻰ ﺗﺎﺭﯨﺨﯩﻨﯩﻤﯘ ﺋﯚﮔﯩﻨﻪﻟﻪﻳﻤﯩﺰ. ﻧﻪﺷﺮﯨﻴﺎﺗﯩﻤﯩﺰ ﺑﯘﻧﯩﯖﺪﯨﻦ ﻛﯧﻴﯩﻦ ﺋﺎﻳﺪﺍ ﺑﯩﺮ ﺗﯜﺭﻛﯩﻲ ﻣﯩﻠﻠﻪﺗﻨﯩﯔ ﺗﻮﻧﯘﻟﻐﺎﻥ ﺑﯩﺮ ﺭﻭﻣﺎﻧﯩﻨﻰ ﺗﻪﺭﺟﯩﻤﻪ ﻗﯩﻠﯩﭗ ﻧﻪﺷﯩﺮ ﻗﯩﻠﻤﺎﻗﭽﻰ."

ﺋﺎﻟﻤﺎﺗﺎﺩﺍ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﻫﻪﻳﻜﯩﻠﻰ ﺋﻮﺭﻧﯩﺘﯩﻠﺪﻯ

ﻗﺎﺯﺍﻗﯩﺴﺘﺎﻧﻨﯩﯔ ﻛﻮﻧﺎ ﭘﺎﻳﺘﻪﺧﺘﻰ ﺋﺎﻟﻤﯘﺗﺎ ﺷﻪﻫﯩﺮﯨﺪﯨﻜﻰ ﺯﺍﺭﯨﻴﺎ ﯞﻭﺳﺘﻮﻛﺎ ﻣﻪﻫﻪﻟﻠﯩﺴﯩﺪﯨﻜﻰ ﻗﻪﺑﺮﯨﺴﺘﺎﻧﻠﯩﻘﻘﺎ ﺭﯗﺳﯩﻴﻪ ﯞﻩ ﭘﯜﺗﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻣﺪﻭﺳﺘﻠﯘﻗﯩﻐﺎ ﻣﻪﺷﻬﯘﺭ ﺑﻮﻟﯘﭖ ﺗﻮﻧﯘﻟﻐﺎﻥ ﺋﯘﻳﻐﯘﺭ ﻧﺎﺧﺸﯩﭽﯩﺴﻰ، ﻛﻮﻣﭙﻮﺯﯨﺘﻮﺭﻯ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﻫﻪﻳﻜﯩﻠﻰ ﺋﻮﺭﻧﯩﺘﯩﻠﺪﻯ.
ﻫﻪﻳﻜﻪﻟﻨﯩﯔ ﻳﻮﭘﯘﻗﯩﻨﻰ ﺋﯧﭽﯩﺶ ﻣﯘﺭﺍﺳﯩﻤﻰ 13- ﺩﯦﻜﺎﺑﯩﺮ ﻛﯜﻧﻰ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ، ﻣﯘﺭﺍﺳﯩﻤﻐﺎ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﺋﺎﺋﯩﻠﻪ -ﺗﺎﯞﺍﺑﯩﺌﺎﺗﻠﯩﺮﻯ، ﺋﺎﻟﻤﯘﺗﺎﺩﯨﻜﻰ ﺋﯘﻳﻐﯘﺭ، ﻗﺎﺯﺍﻕ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭﻧﯩﯔ ﺑﯩﺮ ﻗﯩﺴﯩﻢ ﺳﻪﻧﺌﻪﺗﻜﺎﺭﻟﯩﺮﻯ، ﺯﯨﻴﺎﻟﯩﻴﻠﯩﺮﻯ ﺷﯘﻧﯩﯖﺪﻩﻙ ﺋﯘﻳﻐﯘﺭ ﺟﺎﻣﺎﺋﻪﺕ ﯞﻩﻛﯩﻠﻠﯩﺮﻯ، ﺋﻮﻗﯘﻏﯘﭼﯩﻼﺭ ﻫﻪﻣﺪﻩ ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﺩﻭﺳﺖ - ﻳﺎﺭﻩﻧﻠﯩﺮﻯ ﯞﻩ ﺋﯘﻧﯩﯔ ﻧﺎﺧﺸﯩﻠﯩﺮﯨﻨﯩﯔ ﻣﯘﺧﻠﯩﺴﻠﯩﺮﻯ ﻗﺎﺗﻨﺎﺷﺘﻰ.
ﻣﯘﺭﺍﺳﯩﻤﺪﺍ ﻣﯘﺭﺍﺗﻘﺎ ﺋﺎﺗﺎﭖ ﺧﻪﺗﻤﻪ-ﻗﯘﺭﺋﺎﻥ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﺋﯘﻧﯩﯔ ﺳﻪﻧﺌﻪﺕ ﻫﺎﻳﺎﺗﻰ ﺋﻪﺳﻠﯩﻨﯩﭗ ﺋﯚﺗﯜﻟﺪﻯ. ﻣﯘﺭﺍﺕ ﻧﺎﺳﯩﺮﻭﭘﻨﯩﯔ ﻫﻪﻳﻜﯩﻠﯩﻨﻰ ﺋﻮﺭﻧﯩﺘﯩﺶ ﻫﻪﻣﺪﻩ ﺋﯘﻧﯩﯔ ﻧﺎﻣﯩﻨﻰ ﺋﺎﻟﻤﯘﺗﺎﺩﯨﻜﻰ ﺑﯩﺮﻩﺭ ﻣﻪﻛﺘﻪﭖ ﯞﻩ ﻳﺎﻛﻰ ﻛﻮﭼﯩﻐﺎ ﺑﯧﺮﯨﺶ ﻣﻪﺳﯩﻠﯩﺴﻰ ﺋﯚﺗﻜﻪﻥ ﻳﯩﻠﻰ 3- ﺋﺎﻳﺪﺍ ﻣﻪﻳﺪﺍﻧﻐﺎ ﭼﯩﻘﻘﺎﻥ ﺑﻮﻟﯘﭖ، ﺋﺎﻟﻤﯘﺗﺎﺩﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﯩﻨﯩﯔ ﺗﯩﺮﯨﺸﭽﺎﻧﻠﯩﻘﻰ ﺑﯩﻠﻪﻥ ﻫﺎﺯﯨﺮﭼﻪ ﭘﻪﻗﻪﺕ ﺋﯘﻧﯩﯔ ﻫﻪﻳﻜﯩﻠﯩﻨﻰ ﺋﯚﺯﻯ ﯞﻩ ﺩﺍﺩﯨﺴﻰ ﻳﺎﺗﻘﺎﻥ ﻗﻪﺑﺮﯨﺴﺘﺎﻧﻠﯩﻘﻘﺎ ﺋﻮﺭﻧﯩﺘﯩﺶ ﻣﯘﻣﻜﯩﻨﭽﯩﻠﯩﻜﻰ ﺑﻮﻟﻐﺎﻥ.
ﻣﯘﺭﺍﺕ ﻧﺎﺳﯩﺮﻭﭖ ﺋﯚﺗﻜﻪﻥ ﻳﯩﻠﻰ 19- ﻳﺎﻧﯟﺍﺭ ﻛﯜﻧﻰ ﻣﻮﺳﻜﯟﺍﺩﺍ ﺳﯩﺮﻟﯩﻖ ﺗﯜﺭﺩﻩ ﯞﺍﭘﺎﺕ ﺑﻮﻟﻐﺎﻥ ﺋﯩﺪﻯ. ﺋﯘﻧﯩﯔ ﺋﯚﻟﯜﻣﻰ ﻫﻪﻗﻘﯩﺪﻩ ﺗﯜﺭﻟﯜﻙ ﻗﯩﻴﺎﺳﻼﺭ ﺑﺎﺭ ﺑﻮﻟﯘﭖ، " ﺋﯚﺯ ﺋﯚﻳﯩﻨﯩﯔ ﺑﺎﻟﻜﻮﻧﯩﺪﯨﻦ ﺋﯚﺯﯨﻨﻰ ﺗﺎﺷﻼﭖ ﺋﯚﻟﯜﯞﺍﻟﺪﻯ" ﺩﯦﮕﻪﻥ ﻳﻪﻛﯜﻥ ﭼﯩﻘﯩﺮﯨﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻛﯚﭘﯩﻨﭽﻪ ﻛﯩﺸﯩﻠﻪﺭ ﺑﺎﺷﻘﺎ ﻫﻪﺭ ﺧﯩﻞ ﻗﯩﻴﺎﺳﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻤﺎﻗﺘﺎ.

ﺋﯩﻜﻜﻰ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﻳﯧﺮﯨﻢ ﺋﻪﺳﺮﺩﯨﻦ ﻛﯧﻴﯩﻦ ﭘﻮﻳﯩﺰ ﻗﺎﺗﻨﯩﺪﻯ

12- ﺋﺎﻳﻨﯩﯔ 11 ‏- ﻛﯜﻧﻰ، ﺟﻪﻧﯘﺑﯩﻲ ﻛﻮﺭﯨﻴﻪﻧﯩﯔ ﮔﯜﻟﺪﻩﺳﺘﻪ ﺑﯩﻠﻪﻥ ﺑﯧﺰﻩﻟﮕﻪﻥ 12 ﯞﺍﮔﻮﻧﻠﯘﻕ ﻳﯜﻙ ﭘﻮﻳﯩﺰﻯ ﺷﯩﻤﺎﻟﯩﻲ ﻛﻮﺭﯨﻴﯩﮕﻪ ﻛﯩﺮﺩﻯ. ﺑﯘ 1950 ‏- ﻳﯩﻠﻰ ﺋﯩﻜﻜﻰ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﺋﯘﺭﯗﺵ ﭘﺎﺭﺗﻼﭖ ﺋﺎﻻﻗﻪ ﺋﯜﺯﯛﻟﮕﻪﻧﺪﯨﻦ ﻛﯧﻴﯩﻦ ﭘﻪﻳﺪﺍ ﺑﻮﻟﻐﺎﻥ ﺗﯘﻧﺠﻰ ﻳﯧﯖﯩﻠﯩﻖ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.
ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺟﻪﻧﯘﺑﯩﻲ ﻛﻮﺭﯨﻴﯩﺪﯨﻦ ﺷﯩﻤﺎﻟﯩﻲ ﻛﻮﺭﯨﻴﯩﮕﻪ ﺑﺎﺭﯨﺪﯨﻐﺎﻥ ﻳﯜﻙ ﭘﻮﻳﯩﺰﯨﻨﻰ ﻫﻪﺭﺑﯩﻴﻠﻪﺭ ﯞﻩ ﺩﯙﻟﻪﺕ ﭘﯘﻗﺮﺍﻟﯩﺮﻯ ﻳﻮﻝ ﺑﻮﻳﯩﺪﺍ ﺳﻪﭖ ﺗﺎﺭﺗﯩﭗ، ﮔﯜﻟﺪﻩﺳﺘﻪ ﺗﯘﺗﯘﭖ ﺋﺎﻟﻘﯩﺸﻼﭖ ﺋﯘﺯﯗﺗﯘﭖ ﻗﻮﻳﺪﻯ. ﺑﯘ ﻳﯜﻙ ﭘﻮﻳﯩﺰﻯ ﺷﯩﻤﺎﻟﯩﻲ ﻛﻮﺭﯨﻴﯩﮕﻪ 25 ﻛﯩﻠﻮﻣﯧﺘﯩﺮ ﺋﯩﭽﻜﯩﺮﯨﻠﻪﭖ ﻛﯩﺮﯨﭗ، ﺷﯩﻤﺎﻟﯩﻲ ﻛﻮﺭﯨﻴﯩﻨﯩﯔ ﺳﺎﻧﺎﺋﻪﺕ ﺭﺍﻳﻮﻧﻰ ﺋﯜﭼﯜﻥ ﻛﯧﺮﻩﻛﻠﯩﻚ ﻗﯘﺭﯗﻟﯘﺵ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﻳﻪﺗﻜﯜﺯﯛﭖ ﺑﯧﺮﯨﺪﯨﻜﻪﻥ. ﺋﯘ ﻗﺎﻳﺘﯩﭗ ﻛﻪﻟﮕﻪﻧﺪﻩ ﺷﯩﻤﺎﻟﯩﻲ ﻛﻮﺭﯨﻴﯩﺪﯨﻜﻰ ﻛﺎﻳﺴﻮﯓ ﺳﺎﻧﺎﺋﻪﺕ ﺭﺍﻳﻮﻧﯩﺪﯨﻦ ﺋﺎﻳﺎﻕ ﻗﺎﺗﺎﺭﻟﯩﻖ ﻣﺎﻝ ﺋﯧﻠﯩﭗ ﻛﯧﻠﯩﺪﯨﻜﻪﻥ.
ﺋﯩﻜﻜﻰ ﻛﻮﺭﯨﻴﯩﻨﻰ ﺋﯘﺭﯗﺵ ﺑﯚﻟﯜﯞﻩﺗﻜﻪﻥ، ﺗﯩﻨﭽﻠﯩﻖ ﻳﯧﻘﯩﻨﻼﺷﺘﯘﺭﻣﺎﻗﺘﺎ
ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺷﯩﻤﺎﻟﯩﻲ ﻛﻮﺭﯨﻴﻪ 1950 ‏- ﻳﯩﻠﻰ ﺟﻪﻧﯘﺑﯩﻲ ﻛﻮﺭﯨﻴﯩﮕﻪ ﻫﯘﺟﯘﻡ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺋﯩﻜﻜﻰ ﺗﻪﺭﻩﭖ ﺑﯩﺮ ﻧﻪﭼﭽﻪ ﻳﯩﻠﻐﯩﭽﻪ ﺋﯘﺭﯗﺵ ﻫﺎﻟﯩﺘﯩﺪﻩ ﺗﯘﺭﺩﻯ. 1953 ‏- ﻳﯩﻠﻰ ﺋﯘﺭﯗﺵ ﺗﻮﺧﺘﯩﺘﯩﺶ ﻛﯧﻠﯩﺸﯩﻤﻰ ﺋﯩﻤﺰﺍﻻﻧﻐﺎﻧﺪﯨﻦ ﻛﯧﻴﯩﻨﻤﯘ، ﺋﯘﻻﺭﻧﻰ ﭘﯜﺗﯜﻧﻠﻪﻱ ﺋﻮﺧﺸﯩﻤﺎﻳﺪﯨﻐﺎﻥ ﺋﯩﺠﺘﯩﻤﺎﺋﯩﻲ ﺗﯜﺯﯛﻡ ﺋﯩﻜﻜﯩﮕﻪ ﺋﺎﻳﺮﯨﭗ ﺗﯘﺭﺩﻯ. 2000 ‏- ﻳﯩﻠﻰ ﺋﯩﻜﻜﻰ ﻛﻮﺭﯨﻴﻪ ﺭﻩﻫﺒﻪﺭﻟﯩﺮﻯ ﺗﯘﻧﺠﻰ ﻗﯧﺘﯩﻢ ﺳﯚﻫﺒﻪﺕ ﺋﯚﺗﻜﯜﺯﺩﻯ.
ﺑﯘ ﻳﯩﻞ 10 ‏- ﺋﺎﻳﻨﯩﯔ 4 ‏- ﻛﯜﻧﻰ، ﺟﻪﻧﯘﺑﯩﻲ ﻛﻮﺭﯨﻴﻪ ﭘﺮﯦﺰﯨﺪﯦﻨﺘﻰ ﺭﻭﻣﯘﺧﻴﯘﻥ ﺑﯩﻠﻪﻥ ﺷﯩﻤﺎﻟﯩﻲ ﻛﻮﺭﯨﻴﻪ ﺭﻩﺋﯩﺴﻰ ﻛﯩﻢ ﻳﻮﯕﺌﯧﻞ ﺳﯚﻫﺒﻪﺕ ﺋﺎﺭﻗﯩﻠﯩﻖ 'ﺋﯩﻜﻜﻰ ﺗﻪﺭﻩﭖ ﻣﯘﻧﺎﺳﯩﯟﯨﺘﯩﻨﻰ ﺗﯩﻨﭻ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ ﺧﯩﺘﺎﺑﻨﺎﻣﯩﺴﻰ' ﺋﯧﻼﻥ ﻗﯩﻠﺪﻯ. ﺋﯘﺯﯗﻥ ﻳﯩﻠﻠﯩﻖ ﺗﯩﺮﯨﺸﭽﺎﻧﻠﯩﻖ ﺋﺎﺭﻗﯩﻠﯩﻖ ﻫﺎﺯﯨﺮ ﺋﯩﻜﻜﻰ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﻳﯜﻙ ﭘﻮﻳﯩﺰﻯ ﻗﺎﺗﻨﯩﺪﻯ. ﺑﯘﻧﯩﯖﺪﯨﻦ ﻛﯧﻴﯩﻦ ﻳﻮﻟﯘﭼﯩﻼﺭ ﭘﻮﻳﯩﺰﻯ ﻗﺎﺗﻨﺎﻳﺪﯗ. ﺑﯘ ﺋﺎﺭﻗﯩﻠﯩﻖ ﺋﯩﻜﻜﻰ ﻛﻮﺭﯨﻴﯩﻨﯩﯔ ﺑﯩﺮﻟﯩﻜﻜﻪ ﻛﯧﻠﯩﭗ ﺋﻮﺭﺗﺎﻕ ﺗﻪﺭﻩﻗﻘﻰ ﻗﯩﻠﯩﺸﯩﺪﯨﻦ ﺋﯜﻣﯩﺪ ﻛﯚﺭﯛﻧﻤﻪﻛﺘﻪ. ﺟﻪﻧﯘﺑﯩﻲ ﻛﻮﺭﯨﻴﻪ ﺗﻪﺭﻩﭖ ﺑﯘ ﻗﯧﺘﯩﻢ ﺑﺎﺷﻼﻧﻐﺎﻥ ﭘﻮﻳﯩﺰ ﻗﺎﺗﻨﯩﺸﯩﻨﯩﯔ ﺳﯧﺒﯩﺮﯨﻴﻪ ﺋﺎﺭﻗﯩﻠﯩﻖ ﻳﺎﯞﺭﻭﭘﺎﻏﺎ ﺗﯘﺗﺎﺷﺘﯘﺭﯗﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﺪﯗ.
ﭘﻮﻳﯩﺰ ﻗﺎﺗﻨﯩﻐﺎﻧﺪﯨﻦ ﻛﯧﻴﯩﻨﻼ ﺋﯩﻜﻜﻰ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﮔﯧﻨﯧﺮﺍﻝ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻻﺭ ﺳﯚﻫﺒﻪﺕ ﺋﯚﺗﻜﯜﺯﺩﻯ
ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ 13 ‏- ﺩﯦﻜﺎﺑﯩﺮ ﻛﯜﻧﻰ ﭘﺎﻧﻤﯘﻧﺠﻮﻥ ﺷﻪﻫﻪﺭﭼﯩﺴﯩﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﻳﯧﺮﯨﻢ ﺋﻪﺳﺮﺩﯨﻦ ﺑﯘﻳﺎﻥ ﺋﯩﻜﻜﻰ ﻛﻮﺭﯨﻴﯩﻨﯩﯔ ﺋﺎﻟﺪﯨﻨﻘﻰ ﺳﯧﭙﻰ ﺑﻮﻟﯘﭖ ﻛﯧﻠﯩﯟﺍﺗﻘﺎﻥ 38 ‏- ﭘﺎﺭﺍﻟﻠﯧﻞ ﺳﯩﺰﯨﻘﯩﺪﯨﻜﻰ ﭘﺎﻧﻤﯘﻧﺠﻮﻥ ﺷﻪﻫﻪﺭﭼﯩﺴﯩﺪﻩ ﺑﯜﮔﯜﻥ ﺋﯩﻜﻜﻰ ﺗﻪﺭﻩﭘﻨﯩﯔ ﮔﯧﻨﯧﺮﺍﻝ ﺩﻩﺭﯨﺠﯩﻠﯩﻜﻠﻪﺭ ﺳﯚﻫﺒﯩﺘﻰ ﺋﯚﺗﻜﯜﺯﯛﻟﺪﻯ.
ﺟﻪﻧﯘﺑﯩﻲ ﻛﻮﺭﯨﻴﻪ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺷﯩﻤﺎﻟﯩﻲ ﻛﻮﺭﯨﻴﻪ ﺗﻪﺭﻩﭖ ﺑﯘ ﺳﯚﻫﺒﻪﺗﺘﻪ ﺟﻪﻧﯘﺑﯩﻲ ﻛﻮﺭﯨﻴﻪ ﺋﯩﺸﭽﯩﻠﯩﺮﻯ ﯞﻩ ﺳﺎﻳﺎﻫﻪﺗﭽﯩﻠﯩﺮﯨﻨﯩﯔ ﭼﯧﮕﺮﯨﺪﯨﻦ ﺋﯚﺗﯜﺵ ﺭﻩﺳﻤﯩﻴﻪﺗﻠﯩﺮﯨﻨﻰ ﺋﺎﺩﺩﯨﻴﻼﺷﺘﯘﺭﯗﺷﻘﺎ؛ ﺷﯩﻤﺎﻟﺪﯨﻜﻰ ﻛﺎﻳﺴﻮﯓ ﺳﺎﻧﺎﺋﻪﺕ ﺭﺍﻳﻮﻧﯩﺪﺍ ﯞﻩ ﺳﯧﺮﯨﻖ ﺩﯦﯖﯩﺰ ﻗﯩﺮﻏﯩﻘﯩﺪﯨﻜﻰ ﭼﻪﻛﻠﻪﻧﮕﻪﻥ ﺭﺍﻳﻮﻧﻼﺭﺩﺍ ﻛﯩﺸﯩﻠﻪﺭﻧﯩﯔ ﺋﯩﻨﺘﯧﺮﻧﯧﺘﺘﯩﻦ، ﺳﯩﻤﻠﯩﻖ ﯞﻩ ﺳﯩﻤﺴﯩﺰ ﺗﯧﻠﯧﻔﻮﻥ ﻣﯘﻻﺯﯨﻤﯩﺘﯩﺪﯨﻦ ﭘﺎﻳﺪﯨﻠﯩﻨﯩﺸﯩﻐﺎ ﻗﻮﺷﯘﻟﺪﻯ. ﺑﯘ ﺳﯚﻫﺒﻪﺗﺘﻪ ﻳﻪﻧﻪ، ﺋﺎﻟﺪﯨﻨﻘﻰ ﺳﻪﭘﺘﯩﻜﻰ ﺷﻪﻫﻪﺭﭼﯩﻠﻪﺭﺩﻩ ﻗﻮﻟﻠﯩﻨﯩﻠﯩﺪﯨﻐﺎﻥ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﻯ ﻣﻪﺳﯩﻠﯩﺴﯩﺪﻩ ﯞﻩ ﻳﯧﺮﯨﻢ ﺋﻪﺳﺮﺩﯨﻦ ﺑﯘﻳﺎﻥ ﺗﻪﯞﻩﻟﯩﻚ ﻣﻪﺳﯩﻠﯩﺴﻰ ﺗﺎﻻﺵ-ﺗﺎﺭﺗﯩﺸﺘﺎ ﺗﯘﺭﯗﯞﺍﺗﻘﺎﻥ، ﻫﻪﺗﺘﺎ ﻗﺎﻧﻠﯩﻖ ﯞﻩﻗﻪ ﻳﯜﺯ ﺑﻪﺭﮔﻪﻥ ﺩﯦﯖﯩﺰ ﻳﯜﺯﯨﺪﻩ ﺑﯧﻠﯩﻖ ﺗﯘﺗﯘﺵ ﻣﻪﺳﯩﻠﯩﺴﯩﺪﻩ ﺟﻪﻧﯘﺑﯩﻲ ﻛﻮﺭﯨﻴﻪ ﺧﻪﻟﻘﻘﻪ ﺋﺎﺳﺎﻧﻠﯩﻖ ﺗﯘﻏﺪﯗﺭﯗﺵ ﻫﻪﻗﻘﯩﺪﻩ ﻳﯧﯖﻰ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﯩﻨﺪﻯ.
ﺋﺎﻣﯧﺮﯨﻜﺎ ﺑﯩﻠﻪﻥ ﺷﯩﻤﺎﻟﯩﻲ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﺋﻮﻣﯘﻣﻴﯜﺯﻟﯜﻙ ﺋﺎﻻﻗﻪ ﻗﯩﻠﯩﺸﻨﯩﯔ ﺗﻪﻳﻴﺎﺭﻟﯩﻘﻰ ﺗﯧﺨﻰ ﭘﯜﺗﻤﯩﺪﻯ
ﺏ ﺏ ﺱ ﻧﯩﯔ ﺑﯜﮔﯜﻥ ﺧﻪﯞﻩﺭ ﻗﯩﻠﯩﺸﯩﭽﻪ، ﮔﻪﺭﭼﻪ ﻫﺎﺯﯨﺮ ﺋﺎﻣﯧﺮﯨﻜﺎ ﺑﯩﻠﻪﻥ ﺷﯩﻤﺎﻟﯩﻲ ﻛﻮﺭﯨﻴﻪ ﻣﯘﻧﺎﺳﯩﯟﯨﺘﯩﺪﻩ ﻳﺎﺧﺸﯩﻠﯩﻨﯩﺶ ﭘﻪﻳﺪﺍ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺲ ﺧﺎﻧﯩﻢ ﺑﯜﮔﯜﻥ ﺋﺎﻣﯧﺮﯨﻜﺎ ﺑﯩﻠﻪﻥ ﺷﯩﻤﺎﻟﯩﻲ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﺋﻮﻣﯘﻣﻴﯜﺯﻟﯜﻙ ﺋﺎﻻﻗﻪ ﻗﯩﻠﯩﺸﻨﯩﯔ ﺗﻪﻳﻴﺎﺭﻟﯩﻘﻰ ﺗﯧﺨﻰ ﭘﯜﺗﻤﯩﮕﻪﻧﻠﯩﻜﯩﻨﻰ، ﺑﯘﻧﯩﯔ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺷﯩﻤﺎﻟﯩﻲ ﻛﻮﺭﯨﻴﻪ ﻳﺎﺩﺭﻭ ﻗﻮﺭﺍﻟﻠﯩﺮﻯ ﭘﯩﻼﻧﻠﯩﺮﯨﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﻏﺎﻧﻠﯩﻘﯩﻨﻰ ﺗﻪﭘﺴﯩﻠﯩﻲ ﺋﺎﺷﻜﺎﺭﯨﻠﯩﺸﻰ ﻻﺯﯨﻤﻠﯩﻘﯩﻨﻰ ﺋﻪﺳﻜﻪﺭﺗﺘﻰ.
ﺷﯘﻧﺪﺍﻗﻼ ﻳﻪﻧﻪ، ﻧﻴﯘﻳﻮﺭﻙ ﻓﯩﻼﺭﻣﻮﻧﯩﻚ ﺋﻮﺭﻛﯩﺴﺘﯧﺮﯨﻨﯩﯔ ﺷﯩﻤﺎﻟﯩﻲ ﻛﻮﺭﯨﻴﯩﮕﻪ ﺑﯧﺮﯨﭗ ﺋﻮﻳﯘﻥ ﻗﻮﻳﯘﺷﯩﻐﺎ ﺭﯗﺧﺴﻪﺕ ﻗﯩﻠﯩﻨﻐﺎﻧﻠﯩﻘﯩﻨﻰ ﺋﺎﻟﻘﯩﺸﻼﻳﺪﯨﻐﺎﻧﻠﯩﻘﯩﻨﻰ، ﺑﯘﻧﺪﺍﻕ ﺋﺎﻟﯩﻲ ﺩﻩﺭﯨﺠﯩﻠﯩﻚ ﻣﻪﺩﻩﻧﯩﻴﻪﺕ ﺋﺎﻟﻤﺎﺷﺘﯘﺭﯗﺷﺘﯩﻦ ﻛﻪﻟﮕﯜﺳﯩﺪﻩ ﻳﯧﯖﻰ ﺋﯚﺯﮔﯩﺮﯨﺸﻠﻪﺭ ﭘﻪﻳﺪﺍ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺋﯩﻜﻜﻰ ﻛﻮﺭﯨﻴﻪ ﻣﻪﺳﯩﻠﯩﺴﯩﻨﯩﯔ ﺗﺎﺭﯨﺨﯩﻲ ﺋﺎﺭﻗﺎ ﻛﯚﺭﯛﻧﯜﺷﻰ
ﺧﻪﯞﻩﺭ ﺋﺎﺭﺧﯩﭙﻠﯩﺮﯨﻐﺎ ﻗﺎﺭﯨﻐﺎﻧﺪﺍ، 1943 ‏- ﻳﯩﻠﻰ 12 ‏- ﺋﺎﻳﻨﯩﯔ 1 ‏- ﻛﯜﻧﻰ ﺧﯩﺘﺎﻱ، ﺋﺎﻣﯧﺮﯨﻜﺎ، ﺋﻪﻧﮕﯩﻠﯩﻴﻪ "ﻗﺎﻫﯩﺮﻩ ﺧﯩﺘﺎﺑﻨﺎﻣﯩﺴﻰ" ﺋﯧﻼﻥ ﻗﯩﻠﺪﻯ. ﺋﯘﻧﯩﯖﺪﺍ ﻛﻮﺭﯨﻴﯩﻨﻰ ﻳﺎﭘﻮﻧﯩﻴﯩﺪﯨﻦ ﻣﯘﺳﺘﻪﻗﯩﻞ ﻗﯩﻠﯩﺶ ﻧﯩﺸﺎﻧﻰ ﺑﻪﻟﮕﯩﻠﻪﻧﮕﻪﻥ ﺋﯩﺪﻯ. ﺋﺎﻣﯧﺮﯨﻜﺎ ﺑﯘ ﯞﺍﻗﯩﺘﺘﺎ ﻳﺎﭘﻮﻧﯩﻴﯩﻨﻰ ﺗﻪﺳﻠﯩﻢ ﻗﯩﻠﺪﯗﺭﯗﺷﻨﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯩﺸﻘﺎ ﺋﺎﺷﯘﺭﯗﺷﻨﻰ ﺋﯜﻣﯩﺪ ﻗﯩﻠﻐﺎﻥ ﺋﯩﺪﻯ. 1945‏- ﻳﯩﻞ 2 ‏- ﺋﺎﻳﻨﯩﯔ 4 ‏- ﻛﯜﻧﯩﺪﯨﻦ 11 - ﻛﯜﻧﯩﮕﯩﭽﻪ ﺩﺍﯞﺍﻣﻼﺷﻘﺎﻥ ﻳﺎﻟﺘﺎ ﻳﯩﻐﯩﻨﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ، ﺋﻪﻧﮕﯩﻠﯩﻴﻪ، ﺋﺎﻣﯧﺮﯨﻜﯩﺪﯨﻦ ﺋﯩﺒﺎﺭﻩﺕ ﺋﯜﭺ ﭼﻮﯓ ﺩﯙﻟﻪﺕ ﺑﺎﺷﻠﯩﻘﻠﯩﺮﻯ ﻣﻮﯕﻐﯘﻟﯩﻴﻪ، ﻛﻮﺭﯨﻴﻪ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻖ ﺑﯩﺮ ﻳﯜﺭﯛﺵ ﻣﻪﺳﯩﻠﯩﻠﻪﺭﺩﻩ ﻣﻪﺧﭙﯩﻲ ﻛﯧﻠﯩﺸﻜﻪﻧﺪﯨﻦ ﻛﯧﻴﯩﻦ، ﺳﻮﯞﯦﺖ ﺋﯩﺘﺘﯩﭙﺎﻗﻰ 1945 ‏- ﻳﯩﻠﻰ 8 ‏- ﺋﺎﻳﻨﯩﯔ 8 ‏- ﻛﯜﻧﻰ ﻳﺎﭘﻮﻧﯩﻴﯩﮕﻪ ﺋﯘﺭﯗﺵ ﺋﯧﻼﻥ ﻗﯩﻠﯩﺸﻨﻰ ﺑﺎﻫﺎﻧﻪ ﻗﯩﻠﯩﭗ ﻛﻮﺭﯨﻴﯩﻨﯩﯔ ﺷﯩﻤﺎﻝ ﺗﻪﺭﯨﭙﯩﮕﻪ ﺋﻪﺳﻜﻪﺭ ﻛﯩﺮﮔﯜﺯﺩﻯ. ﺋﺎﻣﯧﺮﯨﻜﺎ ﺋﯚﺯﯨﻨﯩﯔ ﻛﻮﺭﯨﻴﻪ ﻳﯧﺮﯨﻢ ﺋﺎﺭﯨﻠﻰ ﯞﻩ ﺗﯩﻨﭻ ﺋﻮﻛﻴﺎﻥ ﺭﺍﻳﻮﻧﯩﺪﯨﻜﻰ ﻣﻪﻧﭙﻪﺋﻪﺗﻠﯩﺮﯨﻨﻰ ﻗﻮﻏﺪﺍﺵ ﺋﯜﭼﯜﻥ ﺋﯩﻜﻜﻰ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ 38‏- ﭘﺎﺭﺍﻟﻠﯧﻞ ﺳﯩﺰﯨﻘﻰ ﭘﻪﻳﺪﺍ ﻗﯩﻠﯩﺸﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﯘﻧﯩﯖﻐﺎ ﻗﻮﺷﯘﻟﺪﻯ.
ﻳﺎﭘﻮﻧﯩﻴﻪ 1945 ‏- ﻳﯩﻠﻰ 9 ‏- ﺋﺎﻳﻨﯩﯔ 2 ‏- ﻛﯜﻧﻰ ﺗﻪﺳﻠﯩﻤﻨﺎﻣﯩﻐﺎ ﺋﯩﻤﺰﺍ ﻗﻮﻳﻐﺎﻧﺪﯨﻦ ﻛﯧﻴﯩﻦ، 1948 ‏- ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺷﯩﻤﺎﻟﺪﯨﻦ، ﺋﺎﻣﯧﺮﯨﻜﺎ ﺟﻪﻧﯘﺑﺘﯩﻦ ﺋﻪﺳﻜﻪﺭ ﭼﯧﻜﯩﻨﺪﯛﺭﺩﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﻛﻮﺭﯨﻴﯩﺪﯨﻜﻰ ﺋﯩﻜﻜﻰ ﻫﯚﻛﯜﻣﻪﺕ ﺑﯩﺮ-ﺑﯩﺮﯨﻨﻰ ﺋﯧﺘﯩﺮﺍﭖ ﻗﯩﻠﻤﯩﺪﻯ. ﺷﯩﻤﺎﻟﯩﻲ ﻛﻮﺭﯨﻴﻪ 1950 ‏- ﻳﯩﻠﻰ 6 ‏- ﺋﺎﻳﻨﯩﯔ 25 ‏- ﻛﯜﻧﻰ ﺟﻪﻧﯘﺑﯩﻲ ﻛﻮﺭﯨﻴﯩﮕﻪ ﻗﺎﺭﺷﻰ ﺋﯘﺭﯗﺵ ﻗﻮﺯﻏﯩﺪﻯ. ﻛﻮﻣﻤﯘﻧﯩﺴﺖ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺷﯩﻤﺎﻟﯩﻲ ﻛﻮﺭﯨﻴﯩﻨﻰ ﻗﻮﻟﻼﭖ ﺋﯘﺭﯗﺷﻘﺎ ﺋﺎﺭﯨﻼﺷﻘﺎﻧﺪﯨﻦ ﻛﯧﻴﯩﻦ، 27 ‏- ﻛﯜﻧﻰ، ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ 16 ﺩﯙﻟﻪﺗﺘﯩﻦ ﺗﻪﺷﻜﯩﻠﻠﻪﻧﮕﻪﻥ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺋﺎﺭﻣﯩﻴﯩﺴﻰ ﺳﻮﺗﺴﯩﻴﺎﻟﯩﺰﻣﻨﯩﯔ ﻛﯧﯖﯩﻴﯩﺸﯩﻨﻰ ﭼﻪﻛﻠﻪﺵ ﺋﯜﭼﯜﻥ ﺋﯘﺭﯗﺷﯩﻐﺎ ﺋﺎﺭﯨﻼﺷﺘﻰ.
1953 ‏- ﻳﯩﻠﻰ 7 ‏- ﺋﺎﻳﻨﯩﯔ 23 ‏- ﻛﯜﻧﻰ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺷﯩﻤﺎﻟﯩﻲ ﻛﻮﺭﯨﻴﻪ ﺑﯩﺮ ﺗﻪﺭﻩﭖ، ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺟﻪﻧﯘﺑﯩﻲ ﻛﻮﺭﯨﻴﻪ ﻳﻪﻧﻪ ﺑﯩﺮﺗﻪﺭﻩﭖ ﺑﻮﻟﯘﭖ ﺳﯚﻫﺒﻪﺕ ﺋﯚﺗﻜﯜﺯﮔﻪﻧﺪﯨﻦ ﻛﯧﻴﯩﻦ ﺋﯘﺭﯗﺵ ﺗﻮﺧﺘﯩﺪﻯ. ﺋﯩﻜﻜﻰ ﻛﻮﺭﯨﻴﻪ ﺋﻮﺗﺘﯘﺭﯨﺴﯩﺪﺍ ﺋﯘﺯﯗﻧﻠﯩﻘﻰ 241 ﻛﯩﻠﻮﻣﯧﺘﯩﺮ، ﻛﻪﯕﻠﯩﻜﻰ 4 ﻛﯩﻠﻮﻣﯧﺘﯩﺮﻟﯩﻖ ﺋﯘﺭﯗﺷﺘﯩﻦ ﺧﺎﻟﻰ ﺭﺍﻳﻮﻥ ﺷﻪﻛﯩﻠﻠﻪﻧﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺋﯩﻜﻜﻰ ﻛﻮﺭﯨﻴﻪ ﺑﯩﺮ-ﺑﯩﺮﯨﻨﻰ ﭼﯧﮕﺮﯨﺪﯨﻦ ﺋﯚﺗﻜﯜﺯﻣﯩﺪﻯ. 1991 ‏- ﻳﯩﻠﯩﻐﺎ ﻛﻪﻟﮕﻪﻧﺪﻩ، ﺑﯘ ﺋﯩﻜﻜﻰ ﻛﻮﺭﯨﻴﻪ ﺋﺎﻳﺮﯨﻢ-ﺋﺎﻳﺮﯨﻢ ﻫﺎﻟﺪﺍ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺑﻮﻟﯘﭖ ﻛﯩﺮﺩﻯ. ﺑﯘﻧﺪﺍﻕ ﻫﺎﻟﻪﺕ ﺋﻮﻥ ﻧﻪﭼﭽﻪ ﻳﯩﻞ ﺩﺍﯞﺍﻣﻼﺷﻘﺎﻧﺪﯨﻦ ﻛﯧﻴﯩﻦ، ﻫﺎﺯﯨﺮ ﻗﺎﺭﺷﯩﻠﯩﺸﯩﺸﺘﯩﻦ ﺗﯩﻨﭽﻠﯩﻘﻘﺎ ﯞﻩ ﺑﯩﺮﻟﯩﺸﯩﺸﻜﻪ ﻗﺎﺭﺍﭖ ﻗﻪﺩﻩﻡ ﺑﺎﺳﺘﻰ.

ﻣﺎﺧﻤﯘﺩ ﻗﻪﺷﻘﯩﺮﻯ، ﻳﯜﺳﯜﭖ ﺧﺎﺱ ﻫﺎﺟﯩﭙﻼﺭﻧﯩﯔ ﺭﻩﺳﯩﻤﻰ ﻛﯘﭼﺎﺭ ﻧﺎﻫﯩﻴﯩﻠﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﺪﯨﻜﻰ ﻟﻴﯘﻧﯩﯔ ﻧﻪﺭﯨﮕﻪ ﭘﯘﺗﻼﺷﺘﻰ؟

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯘﭼﯘﺭ ﻣﻪﻧﺒﻪﻟﯩﺮﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻛﯘﭼﺎﺭ ﻧﺎﻫﯩﻴﯩﻠﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ، ﻣﺎﺋﺎﺭﯨﭗ ﺋﯩﺪﺍﺭﯨﺴﻰ ﭘﺎﺭﺗﯩﻴﻪ ﮔﯘﺭﯗﭘﭙﯩﺴﯩﻨﯩﯔ ﺳﯧﻜﺮﯨﺘﺎﺭﻯ ﻟﻴﯘ ﺟﻮﯓ، ﻛﯘﭼﺎﺭ ﻧﺎﻫﯩﻴﯩﺴﯩﻨﯩﯔ ﺋﻮﭼﺎ ﺑﺎﺯﺍﺭ ﺑﺎﺷﻼﻧﻐﯘﭺ ﻣﻪﻛﺘﯩﭙﯩﻨﻰ ﻛﯚﺯﺩﯨﻦ ﻛﻪﭼﯜﺭﮔﻪﻧﺪﻩ ﻣﻪﻛﺘﻪﭖ ﺋﻮﻗﯘﺗﯘﺵ ﺑﯩﻨﺎﺳﯩﻨﯩﯔ ﺗﯧﻤﯩﻐﺎ ﺋﯧﺴﯩﻠﻐﺎﻥ 11 - ﺋﻪﺳﯩﺮﺩﯨﻜﻰ ﺋﯘﻳﻐﯘﺭ ﻣﯘﺗﻪﭘﻪﻛﻜﯘﺭﻟﯩﺮﻯ ﻣﺎﺧﻤﯘﺩ ﻗﻪﺷﻘﯩﺮﻯ ﺑﯩﻠﻪﻥ ﻳﯜﺳﯜﭖ ﺧﺎﺱ ﻫﺎﺟﯩﭙﻨﯩﯔ ﺭﻩﺳﯩﻤﯩﻨﻰ ﺗﺎﻣﺪﯨﻦ ﻳﯘﻟﯘﭖ ﺋﯧﻠﯩﭗ ﺗﺎﺷﻠﯩﯟﻩﺗﻜﻪﻥ.
ﺧﻪﯞﻩﺭ ﻣﻪﻧﺒﻪﺋﻪﻟﯩﺮﯨﺪﻩ، ﺑﯘ ﯞﻩﻗﻪ 6 - ﺋﺎﻳﻨﯩﯔ ﺋﺎﺧﯩﺮﻟﯩﺮﯨﺪﺍ ﺳﺎﺩﯨﺮ ﺑﻮﻟﻐﺎﻧﻠﯩﻘﯩﻨﻰ، ﺑﯘ ﯞﻩﻗﻪ ﻣﻪﻛﺘﻪﭘﺘﯩﻜﻰ ﺋﻮﻗﯘﺗﻘﯘﭼﻰ ﯞﻩ ﺋﻮﻗﯘﻏﯘﭼﯩﻼﺭﻏﺎ ﺋﯧﻐﯩﺮ ﻫﺎﻗﺎﺭﻩﺕ ﺗﯘﻳﯘﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻫﯧﭽﻜﯩﻤﻨﯩﯔ ﻟﻴﯘ ﺟﻮﯕﻐﺎ ﭘﯧﺘﯩﻨﯩﭗ ﺑﯩﺮ ﻧﯧﻤﻪ ﺩﯦﻴﻪﻟﻤﯩﮕﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. ﺧﻪﯞﻩﺭﺩﻩ ﺋﻪﺳﻜﻪﺭﺗﯩﻠﯩﺸﯩﭽﻪ، ﻟﻴﯘ ﺟﻮﯓ "ﺭﻩﺳﯩﻤﺪﯨﻜﻰ ﺑﯘ ﻛﯩﺸﯩﻠﻪﺭﻧﯩﯔ ﺳﺎﻗﯩﻠﻰ ﯞﻩ ﺳﻪﻟﻠﯩﺴﻰ ﺑﺎﺭ ﺋﯩﻜﻪﻥ. ﻣﻪﻛﺘﻪﭘﻜﻪ ﺳﻪﻟﻠﯩﻠﯩﻚ ﯞﻩ ﺳﺎﻗﺎﻟﻠﯩﻘﻼﺭﻧﯩﯔ ﺭﻩﺳﯩﻤﯩﻨﻰ ﺋﯧﺴﯩﺸﻘﺎ ﺑﻮﻟﻤﺎﻳﺪﯗ،" ﺩﻩﭖ ﺗﻪﻛﯩﺘﻠﯩﮕﻪﻥ.
ﯞﻩﻗﻪ ﻳﯜﺯ ﺑﻪﺭﮔﻪﻧﺪﻩ ﻧﺎﻫﯩﻴﯩﻠﯩﻚ ﻣﺎﺋﺎﺭﯨﭗ ﻣﯘﭘﻪﺗﺘﯩﺶ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﻣﻪﻣﻪﺕ ﻧﯩﻴﺎﺯ ﺷﯘ ﻣﻪﻳﺪﺍﻧﺪﺍ ﺑﺎﺭ ﺑﻮﻟﯘﭖ، ﺋﯘ ﻟﻴﯘ ﺟﻮﯓ ﺗﺎﺷﻠﯩﯟﻩﺗﻜﻪﻥ ﻣﺎﺧﻤﯘﺩ ﻗﻪﺷﻘﯩﺮﻯ ﺑﯩﻠﻪﻥ ﻳﯜﺳﯜﭖ ﺧﺎﺱ ﻫﺎﺟﯩﭙﻨﯩﯔ ﺭﻩﺳﯩﻤﯩﻨﻰ ﺋﯧﻠﯩﭗ ﺗﯧﺨﯩﻤﯘ ﻳﯩﺮﺍﻗﻘﺎ ﺋﺎﺗﻘﺎﻥ. ﯞﻩﻗﻪ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﻣﻪﻛﺘﻪﭘﺘﯩﻜﻰ ﺋﻮﻗﯘﺗﻘﯘﭼﯩﻼﺭ ﻟﻴﯘ ﺟﻮﯓ ﯞﻩ ﻣﻪﻣﻪﺕ ﻧﯩﻴﺎﺯﻻﺭﻧﯩﯔ ﻫﻪﺭﯨﻜﯩﺘﯩﻨﻰ ﺳﯜﺭﯛﺷﺘﯜﺭﯛﺷﻨﻰ ﺗﻪﻟﻪﭖ ﻗﯩﻠﯩﭗ، ﻧﺎﻫﯩﻴﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻼﺭ ﺑﯩﻠﻪﻥ ﺋﺎﻻﻗﯩﻼﺷﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺩﺍﺋﯩﺮﯨﻠﻪﺭ ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﯞﻩﻗﻪﻧﻰ ﺳﯜﺭﯛﺷﺘﯜﺭﻣﯩﮕﻪﻥ ﯞﻩ ﻫﯧﭽﻜﯩﻤﻨﯩﯖﻤﯘ ﻛﺎﺭﻯ ﺑﻮﻟﻤﯩﻐﺎﻥ.
ﻣﺎﺧﻤﯘﺩ ﻗﻪﺷﻘﻪﺭﻯ ﯞﻩ ﻳﯜﺳﯜﭖ ﺧﺎﺱ ﻫﺎﺟﯩﭙﻼﺭ 11 - ﺋﻪﺳﯩﺮﺩﻩ ﻳﺎﺷﯩﻐﺎﻥ ﺋﯘﻳﻐﯘﺭ ﺗﺎﺭﯨﺨﯩﺪﯨﻜﻰ ﻣﻪﺷﻬﯘﺭ ﺗﯩﻠﺸﯘﻧﺎﺱ ﯞﻩ ﻣﯘﺗﻪﭘﻪﻛﻜﯘﺭﻻﺭ ﺑﻮﻟﯘﭖ، ﺋﯘﻻﺭ ﻳﻪﻧﻪ ﻛﯩﺸﯩﻠﻪﺭﻧﯩﯔ ﻧﻪﺯﯨﺮﯨﺪﻩ ﺋﯘﻳﻐﯘﺭ ﺋﯩﻠﯩﻢ - ﭘﻪﻥ ﺭﻭﻫﯩﻨﯩﯔ ﺳﯩﻤﯟﻭﻟﻰ، ﺩﻩﭖ ﻗﺎﺭﺍﻟﻐﺎﻥ ﺯﺍﺗﻼﺭ ﺋﯩﺪﻯ.

ﺳﺎﺭﻛﻮﺯﯨﻲ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩ ﺧﻪﻟﻖ ﭘﯘﻟﻰ ﻣﻪﺳﯩﻠﯩﺴﯩﺪﻩ ﺧﯘ ﺟﯩﻨﺘﺎﯞﻏﺎ ﻧﻪﺳﯩﻬﻪﺕ ﺑﻪﺭﺩﻯ

ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﯟﺍﺗﻘﺎﻥ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﯩﻜﻮﻻﺱ ﺳﺎﺭﻛﻮﺯﯨﻲ ﺩﯛﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﮔﻪﻧﺪﻩ ﺧﯩﺘﺎﻱ ﺭﻩﻫﺒﯩﺮﯨﻨﻰ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺗﻪﯕﺸﻪﺷﻜﻪ ﭼﺎﻗﯩﺮﯨﭗ، ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﺗﻪﻛﯩﺘﻠﯩﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺳﺎﺭﻛﻮﺯﯨﻴﻨﯩﯔ ﺑﯘ ﺳﻪﭘﯩﺮﯨﺪﻩ ﺧﯩﺘﺎﻱ ﺑﯩﻠﻪﻥ ﻓﺮﺍﻧﺴﯩﻴﻪ ﺳﻮﻣﻤﯩﺴﻰ ﺯﻭﺭ ﻣﯩﻘﺪﺍﺭﺩﯨﻜﻰ ﻳﺎﺩﺭﻭ ﺋﯧﻨﯧﺮﮔﯩﻴﻪ ﯞﻩ ﺋﺎﯞﯨﺌﺎﺗﺴﯩﻴﻪ ﺗﻮﺧﺘﺎﻣﻨﺎﻣﯩﺴﻰ ﺋﯩﻤﺰﺍﻟﯩﺪﻯ.
" ﻓﺮﺍﻧﺴﯩﻴﻪ ﺋﻪﺩﻟﯩﻴﻪ، ﻗﺎﻧﯘﻥ، ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻨﻠﯩﻜﻰ ﯞﻩ ﺋﯚﻟﯜﻡ ﺟﺎﺯﺍﺳﻰ ﻗﺎﺗﺎﺭﻟﯩﻘﻼﺭﺩﺍ ﺋﯩﻠﮕﯩﺮﯨﻠﯩﮕﻪﻥ ﺗﻪﺭﻩﻗﻘﯩﻴﺎﺗﻨﻰ ﻛﯚﺭﯛﺷﻜﻪ ﺗﻪﻗﻪﺯﺯﺍ "
ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﯩﻜﻮﻻﺱ ﺳﺎﺭﻛﻮﺯﯨﻴﻨﯩﯔ 3 ﻛﯜﻧﻠﯜﻙ ﺧﯩﺘﺎﻱ ﺯﯨﻴﺎﺭﯨﺘﯩﺪﻩ ﻣﯘﺯﺍﻛﯩﺮﻩ ﻗﯩﻠﯩﻨﯩﺪﯨﻐﺎﻥ ﺗﯩﺰﯨﻤﻠﯩﻜﺘﯩﻜﻰ ﻣﯘﻫﯩﻢ ﺗﯧﻤﯩﻼﺭﻧﯩﯔ ﺑﯩﺮﻯ ﺋﻪﻣﻪﺱ، ﺩﻩﭖ ﻗﺎﺭﺍﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺳﺎﺭﻛﻮﺯﯨﻲ ﺩﯛﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺧﻪﻟﻖ ﺳﺎﺭﯨﻴﯩﺪﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﻳﻪﻧﻰ ﺋﯚﻟﯜﻡ ﺟﺎﺯﺍﺳﯩﻨﻰ ﺋﺎﺯﺍﻳﺘﯩﺶ، ﺟﻪﻣﺌﯩﻴﻪﺗﻨﻰ ﻗﺎﻧﯘﻥ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﺶ، ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ، ﺑﯧﺮﻣﺎ ﻣﻪﺳﯩﻠﯩﺴﯩﺪﻩ ﻳﺎﺭﺩﻩﻣﭽﻰ ﺑﻮﻟﯘﺵ ﺷﯘﻧﺪﺍﻗﻼ ﻣﯘﻫﯩﺘﻨﻰ ﺗﯜﺯﻩﺵ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﻧﻰ ﺗﯩﻠﻐﺎ ﺋﺎﻟﺪﻯ.
ﺳﺎﺭﻛﻮﺯﯨﻴﯩﻨﯩﯔ ﺯﯨﻴﺎﺭﯨﺘﻰ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﺎﻧﮕﯧﻼ ﻣﯧﺮﻛﯧﻠﻨﯩﯔ ﺩﺍﻻﻱ ﻻﻣﺎﻧﻰ ﺑﺎﺵ ﻣﯩﻨﯩﺴﺘﯩﺮﻟﯩﻚ ﺋﯩﺸﺨﺎﻧﯩﺴﯩﺪﺍ ﻛﯜﺗﯩﯟﯦﻠﯩﺶ ﯞﻩﻗﻪﺳﻰ ﺗﯜﭘﻪﻳﻠﻰ ﺧﯩﺘﺎﻳﻨﯩﯔ ﮔﯧﺮﻣﺎﻧﯩﻴﯩﮕﻪ ﺑﻮﻟﻐﺎﻥ ﻏﻪﺯﯨﭙﻰ ﭘﻪﺳﻪﻳﻤﯩﮕﻪﻥ ﻣﻪﺯﮔﯩﻠﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﯘﭖ، ﺋﯘ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ. ﻟﯧﻜﯩﻦ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ، ﺋﯚﻟﯜﻡ ﺟﺎﺯﺍﺳﻰ ﯞﻩ ﺟﻪﻣﺌﯩﻴﻪﺗﻨﻰ ﻗﺎﻧﯘﻥ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﺶ ﻗﺎﺗﺎﺭﻟﯩﻘﻼﺭﺩﺍ ﺧﯩﺘﺎﻳﻨﻰ ﻗﻪﺩﻩﻡ ﺑﯧﺴﯩﺸﻘﺎ ﭼﺎﻗﯩﺮﺩﻯ.
ﺳﺎﺭﻛﻮﺯﯨﻲ ﻣﯘﺧﺒﯩﺮﻻﺭﻏﺎ ﺧﯩﺘﺎﻳﻨﯩﯔ ﭘﯘﻗﺮﺍﻻﺭ ﻫﻮﻗﯘﻗﯩﻨﻰ ﻳﺎﺧﺸﯩﻼﺵ ﺟﻪﻫﻪﺗﺘﯩﻜﻰ ﺋﯩﻠﮕﯩﺮﯨﻠﯩﺸﯩﮕﻪ ﻣﻪﺩﻫﯩﻴﻪ ﺋﻮﻗﯘﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺶ ﺑﯩﻠﻪﻥ ﺑﯩﺮﮔﻪ، ﺋﯘ ﻳﻪﻧﻪ ﺑﯘ ﺳﺎﻫﻪﺩﻩ" ﻓﺮﺍﻧﺴﯩﻴﻪ ﺋﯩﻠﮕﯩﺮﯨﻠﯩﮕﻪﻥ ﺗﻪﺭﻩﻗﻘﯩﻴﺎﺗﻨﻰ ﻛﯚﺭﯛﺷﻜﻪ، ﺑﻮﻟﯘﭘﻤﯘ ﺋﻪﺩﻟﯩﻴﻪ ﺳﺎﻫﻪﺳﯩﺪﻩ ﻗﺎﻧﯘﻧﻐﺎ ﻫﯚﺭﻣﻪﺕ ﻗﯩﻠﯩﺶ، ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻨﻠﯩﻜﻰ ﯞﻩ ﺋﯚﻟﯜﻡ ﺟﺎﺯﺍﺳﻰ ﻗﺎﺗﺎﺭﻟﯩﻘﻼﺭﺩﺍ ﺋﯩﻠﮕﯩﺮﯨﻠﯩﮕﻪﻥ ﺗﻪﺭﻩﻗﻘﯩﻴﺎﺗﻨﻰ ﻛﯚﺭﯛﺷﻜﻪ ﺗﻪﻗﻪﺯﺯﺍ " ﺩﻩﻳﺪﯗ.
" ﺳﺎﺭﻛﻮﺯﯨﻴﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﺗﻪﻛﯩﺘﻠﯩﮕﻪﻧﻠﯩﻜﻰ ﭘﻪﻗﻪﺕ ﻳﺎﯞﺭﻭﭘﺎﻟﯩﻘﻼﺭﻏﺎ ﺗﻪﺳﻪﻟﻠﻰ ﺑﯧﺮﯨﺶ "
ﺳﺎﺭﻛﻮﺯﯨﻲ ﺧﯩﺘﺎﻱ ﺳﻪﭘﯩﺮﯨﮕﻪ ﻳﻮﻟﻐﺎ ﭼﯩﻘﯩﺶ ﺋﺎﻟﺪﯨﺪﺍ ﻣﻪﺭﻛﯩﺰﻯ ﭘﺎﺭﯨﮋﺩﯨﻜﻰ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺋﯘﻧﯩﯖﻐﺎ ﺧﻪﺕ ﻳﯧﺰﯨﭗ، ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ، ﺑﻮﻟﯘﭘﻤﯘ ﺧﯩﺘﺎﻱ ﺗﯜﺭﻣﯩﺴﯩﺪﯨﻜﻰ 33 ﻧﻪﭘﻪﺭ ﻣﯘﺧﺒﯩﺮ ﻫﻪﻣﺪﻩ 55 ﻧﻪﭘﻪﺭ ﺋﯩﻨﺘﯧﺮﻧﯧﺖ ﺋﻮﺑﺰﻭﺭﭼﯩﺴﯩﻨﯩﯔ ﺩﯦﻠﻮﺳﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻨﻰ ﺗﻪﻟﻪﭖ ﻗﯩﻠﻐﺎﻥ.
ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺖ ﺋﯩﺸﺨﺎﻧﯩﺴﻰ ﺋﯧﻠﯧﻴﺴﯥ ﺳﺎﺭﯨﻴﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺳﺎﺭﻛﻮﺯﯨﻲ ﻳﻪﻛﺸﻪﻧﺒﻪ ﻛﯜﻧﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﻪﭼﻠﯩﻚ ﺯﯨﻴﺎﭘﻪﺗﻜﻪ ﻗﺎﺗﻨﺎﺷﻘﺎﻧﺪﺍ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﯩﮕﻪ ﺋﯚﻟﯜﻡ ﺟﺎﺯﺍﺳﯩﻨﻰ ﺋﺎﺯ ﺑﯧﺮﯨﺶ ﺗﻮﻏﺮﯨﺴﯩﺪﺍ ﻧﻪﺳﯩﻬﻪﺕ ﺑﻪﺭﮔﻪﻥ. ﺋﻪﮔﻪﺭ ﺋﯧﻠﯧﺴﯧﻲ ﺳﺎﺭﯨﻴﯩﻨﯩﯔ ﺑﺎﻳﺎﻧﺎﺗﻰ ﺗﻮﻏﺮﺍ ﺑﻮﻟﺴﺎ، ﺑﯘ ﻧﻪﺳﯩﻬﻪﺕ ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﯨﻼ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻗﻪﺷﻘﻪﺭ ﺷﻪﻫﯩﺮﯨﺪﻩ 6 ﻧﻪﭘﻪﺭ ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻥ ﻣﻪﺯﮔﯩﻠﯩﮕﻪ ﺗﻮﻏﺮﺍ ﻛﻪﻟﺪﻯ.
ﺳﺎﺭﻛﻮﺯﯨﻴﻨﯩﯔ ﺩﯙﻟﻪﺕ ﺭﻩﻫﺒﻪﺭﻟﯩﻚ ﺳﺎﻻﻫﯩﻴﯩﺘﻰ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺑﯘ ﻗﯧﺘﯩﻤﻘﻰ ﺯﯨﻴﺎﺭﯨﺘﻰ ﻓﺮﺍﻧﺴﯩﻴﯩﻨﯩﯔ ﺧﯩﺘﺎﻱ ﺳﯩﻴﺎﺳﯩﺘﯩﻨﻰ ﺋﯩﮕﯩﻠﻪﺷﻨﯩﯔ ﻳﺎﺧﺸﻰ ﭘﯘﺭﺳﯩﺘﻰ ﺑﻮﻟﯘﭖ، ﻛﯚﺯﻩﺗﻜﯜﭼﯩﻠﻪﺭ ﻓﺮﺍﻧﺴﯩﻴﯩﻨﯩﯔ ﺧﯩﺘﺎﻱ ﺳﯩﻴﺎﺳﯩﺘﯩﺪﻩ ﺋﯚﺯﮔﯩﺮﯨﺶ ﺑﻮﻟﻐﺎﻥ ﻳﺎﻛﻰ ﺑﻮﻟﻤﯩﻐﺎﻧﻠﯩﻘﯩﻐﺎ ﺩﯨﻘﻘﻪﺕ ﻗﯩﻠﻤﺎﻗﺘﺎ ﺋﯩﺪﻯ. ﺋﺎﻣﯧﺮﯨﻜﺎ ﻣﯩﻠﯟﺍﻛﯥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭ ﺩﻭﻛﺘﻮﺭ ﻛﺎﻧﺪﯨﺪﺍﺗﻰ ﻗﯩﻠﯩﭻ ﻗﺎﻧﺎﺗﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﻓﺮﺍﻧﺴﯩﻴﯩﻨﯩﯔ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﺋﻪﻧﺌﻪﻧﯩﯟﯨﻲ ﻣﯘﻧﺎﺳﯩﯟﯨﺘﯩﺪﯨﻜﻰ ﻣﻪﻧﭙﻪﺋﻪﺗﻨﻰ ﺋﺎﺳﺎﺱ ﻗﯩﻠﯩﺶ ﺳﯩﻴﺎﺳﯩﺘﯩﺪﻩ ﺋﯚﺯﮔﯩﺮﯨﺶ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ. ﺋﯘ، "ﺳﺎﺭﻛﻮﺯﯨﻴﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﺗﻪﻛﯩﺘﻠﯩﮕﻪﻧﻠﯩﻜﻰ ﭘﻪﻗﻪﺕ ﻳﺎﯞﺭﻭﭘﺎﻟﯩﻘﻼﺭﻏﺎ ﺗﻪﺳﻪﻟﻠﻰ ﺑﯧﺮﯨﺸﻼ ﺋﯜﭼﯜﻥ ﺧﺎﻻﺱ، " ﺩﻩﻳﺪﯗ.
ﺧﯩﺘﺎﻱ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺗﻪﯕﺸﻪﺵ ﻛﯧﺮﻩﻙ
ﺳﺎﺭﻛﻮﺯﯨﻲ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺧﻪﻟﻖ ﺳﺎﺭﯨﻴﯩﺪﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻣﯘﻫﯩﻢ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ، ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺗﻪﯕﺸﻪﺵ ﻣﻪﺳﯩﻠﯩﺴﯩﺪﯗﺭ. ﺋﯘ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺧﻪﻟﻖ ﭘﯘﻟﻰ ﺋﯩﺴﻼﻫﺎﺕ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﭗ،"ﺧﻪﻟﻖ ﭘﯘﻟﯩﻨﯩﯔ ﺋﺎﻳﺮﯨﯟﺍﺷﻼﺵ ﻗﯩﻤﻤﯩﺘﯩﻨﻰ ﻣﯘﯞﺍﭘﯩﻖ ﯞﻩ ﺋﺎﺩﯨﻞ" ﺗﻪﯕﺸﻪﺷﻜﻪ ﭼﺎﻗﯩﺮﺩﻯ ﻫﻪﻣﺪﻩ ﺧﯩﺘﺎﻳﻨﯩﯔ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺑﯩﻠﻪﻥ ﺑﻮﻟﻐﺎﻥ ﺳﻮﺩﯨﺪﯨﻜﻰ ﺋﺎﻛﺘﯩﭗ ﺑﺎﻻﻧﯩﺴﯩﻨﻰ ﺋﺎﺯﺍﻳﺘﯩﺸﻨﻰ ﺗﻪﻟﻪﭖ ﻗﯩﻠﺪﻯ.
ﻳﺎﯞﺭﻭﭘﺎ ﻛﺎﺭﺧﺎﻧﺎ ﺳﺎﻫﻪﺳﻰ ﺧﯩﺘﺎﻳﻨﻰ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﺗﯚﯞﻩﻥ ﺗﯘﺗﯘﭖ، ﺋﻪﺭﺯﺍﻥ ﺑﺎﻫﺎﺩﯨﻜﻰ ﺧﯩﺘﺎﻱ ﺗﻮﯞﺍﺭﻟﯩﺮﯨﻨﻰ ﻳﺎﯞﺭﻭﭘﺎﻏﺎ ﺗﯚﻛﻤﻪ ﻗﯩﻠﯩﺶ ﯞﻩ ﻓﺮﺍﻧﺴﯩﻴﻪ ﻫﻪﻡ ﻳﺎﯞﺭﻭﭘﺎ ﺑﯩﻠﻪﻥ ﺑﻮﻟﻐﺎﻥ ﺳﻮﺩﯨﺪﺍ ﺋﯜﺳﺘﯜﻧﻠﯜﻛﻜﻪ ﺋﯧﺮﯨﺸﯩﯟﺍﺗﯩﺪﯗ، ﺩﻩﭖ ﺗﻪﻧﻘﯩﺪ ﻗﯩﻠﻤﺎﻗﺘﺎ. ﺳﺎﺭﻛﻮﺯﯨﻲ،"ﺧﯩﺘﺎﻱ ﺋﯚﺯﯨﻨﯩﯔ ﭘﺎﻳﺪﯨﺴﯩﻨﻰ ﻛﯚﺯﺩﻩ ﺗﯘﺗﯘﭖ ﺑﻮﻟﺴﯩﻤﯘ، ﺧﻪﻟﻖ ﭘﯘﻟﻰ ﺑﯩﻠﻪﻥ ﻳﺎﯞﺭﻭﻧﯩﯔ ﻗﯩﻤﻤﯩﺘﯩﻨﻰ ﺗﻪﯕﺸﻪﺷﻜﻪ ﺋﺎﻟﺪﯨﺮﯨﺸﻰ ﻛﯧﺮﻩﻙ" ﺩﻩﭖ ﻛﯚﺭﺳﻪﺗﺘﻰ.
ﻣﯘﻫﯩﺖ ﻣﻪﺳﯩﻠﯩﺴﯩﻨﯩﯔ ﺑﻪﺩﯨﻠﻰ ﺋﯧﻐﯩﺮ ﺑﻮﻟﯩﺪﯗ
ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺳﺎﺭﻛﻮﺯﯨﻲ ﺧﯩﺘﺎﻳﻨﻰ ﻣﯘﻫﯩﺖ ﻣﻪﺳﯩﻠﯩﺴﯩﺪﻩ ﺋﺎﮔﺎﻫﻼﻧﺪﯗﺭﯗﭖ، ﻣﯘﻫﯩﺖ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﻤﯩﺴﻪ، ﺑﯘﻧﯩﯔ ﺑﻪﺩﯨﻠﻰ ﻧﺎﻫﺎﻳﯩﺘﻰ ﺋﯧﻐﯩﺮ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ، "ﺑﯩﺰ ﺧﯩﺘﺎﻳﻨﯩﯔ ﺗﻪﺭﻩﻗﻘﯩﻴﺎﺗﻰ ﺩﺍﯞﺍﻡ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ. ﻟﯧﻜﯩﻦ ﺑﯩﺰ ﻳﻪﻧﻪ ﺧﯩﺘﺎﻱ ﺗﻪﺭﻩﻗﻘﯩﻴﺎﺗﯩﻨﯩﯔ ﻛﺎﺭﺑﻮﻧﺴﯩﺰ، ﻣﯘﻫﯩﺖ ﻣﻪﺳﯩﻠﯩﺴﯩﮕﻪ ﺩﻭﺳﺘﺎﻧﻪ ﺑﻮﻟﯘﺷﯩﻨﻰ ﺋﺎﺭﺯﯗ ﻗﯩﻠﯩﻤﯩﺰ. ﺑﯩﺰ ﺑﯘﻧﯩﯔ ﺧﯩﺘﺎﻱ ﺑﯩﻠﻪﻧﻼ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﻪ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻥ ﺩﯗﻧﻴﺎﻧﯩﯔ ﻣﻪﻧﭙﻪﺋﻪﺗﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﻤﯩﺰ " ﺩﻩﭖ ﻛﯚﺭﺳﻪﺗﺘﻰ.
ﺧﯘ ﺟﯩﻨﺘﺎﯞ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﺳﺎﺭﻛﻮﺯﯨﻲ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﯩﻨﯩﯔ "ﻗﯩﺰﻏﯩﻦ" ﯞﻩ "ﺩﻭﺳﺘﺎﻧﻪ " ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ، ﺳﺎﺭﻛﻮﺯﯨﻴﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺶ ﺗﻪﻛﻠﯩﭙﯩﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻣﯧﻠﯟﺍﻛﻰ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﻗﯩﻠﯩﭻ، ﻳﺎﯞﺭﻭﭘﺎ ﺑﯩﻠﻪﻥ ﺧﯩﺘﺎﻱ ﺋﺎﺭﯨﺴﯩﺪﺍ ﻣﻪﻫﺴﯘﻻﺗﻼﺭﻧﯩﯔ ﺑﯩﺨﻪﺗﻪﺭﻟﯩﻜﻰ، ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﻰ ﯞﻩ ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﻰ ﻗﺎﺗﺎﺭﻟﯩﻘﻼﺭﺩﺍ ﺋﯩﺨﺘﯩﻼﭖ ﻣﻪﯞﺟﯜﺕ ﺑﻮﻟﯘﭘﻼ ﻗﺎﻟﻤﺎﻱ، ﻳﻪﻧﻪ ﻛﯩﺸﯩﻠﯩﻚ ﻫﻮﻗﯘﻕ ﺳﺎﻫﻪﺳﯩﺪﻩ ﺯﻭﺭ ﺋﯩﺨﺘﯩﻼﭖ ﺑﺎﺭﻟﯩﻘﯩﻨﻰ ﯞﻩ ﺳﺎﺭﻛﻮﺯﯨﻴﻨﯩﯔ ﻫﻪﺭﯨﻜﯩﺘﻰ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﺍ ﻗﺎﺭﺷﻰ ﺋﯧﻠﯩﻨﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
" ﺑﯩﺰﻧﯩﯔ ﺳﻪﯞﺭ ‏- ﺗﺎﻗﯩﺘﯩﻤﯩﺰ ﻳﻪﻧﻪ ﻗﺎﻧﭽﯩﻠﯩﻚ ﺩﺍﯞﺍﻣﻠﯩﺸﯩﺪﯗ، ﺑﯩﺮ ﻧﯧﻤﻪ ﺩﯦﻤﻪﻙ ﺗﻪﺱ "
ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺳﻮﺩﺍ ﻛﻮﻣﯩﺴﺴﺎﺭﻯ ﻣﺎﻧﺪﯦﻠﺴﻮﻥ ﺩﯛﺷﻪﻧﺒﻪ ﻛﯜﻧﻰ ﺧﯩﺘﺎﻳﻨﻰ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﭖ، ﺑﯘ ﻣﻪﺳﯩﻠﯩﺪﻩ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺳﻪﯞﺭ - ﺗﺎﻗﯩﺘﻰ ﺗﯜﮔﻪﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﻳﺎﯞﺭﻭﭘﺎ ﺗﺎﯞﺍﺭﻟﯩﺮﯨﻨﯩﯔ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﯩﻨﻰ ﻗﻮﻏﺪﺍﺵ ﺋﯩﺸﯩﺪﺍ ﻳﯧﺘﻪﺭﻟﯩﻚ ﺗﻪﺩﺑﯩﺮ ﺋﺎﻟﻤﯩﺪﻯ، ﺩﻩﭖ ﺋﻪﻳﯩﺒﻠﯩﮕﻪﻥ ﻣﺎﻧﺪﯦﻠﺴﻮﻥ، "ﺋﯘﻻﺭ ﺑﯩﺰﻧﯩﯔ ﺑﯘ ﻣﻪﺳﯩﻠﯩﺪﯨﻜﻰ ﺳﻪﻣﯩﻤﯩﻴﯩﺘﯩﻤﯩﺰﻧﻰ ﺳﯩﻨﺎﯞﺍﺗﯩﺪﯗ. ﺋﻪﮔﻪﺭ ﺧﯩﺘﺎﻱ ﺑﯘﻧﯩﯖﻐﺎ ﺗﻪﺩﺑﯩﺮ ﺋﺎﻟﻤﯩﺴﺎ، ﺑﯩﺰﻧﯩﯔ ﺳﻪﯞﺭ ‏- ﺗﺎﻗﯩﺘﯩﻤﯩﺰ ﻳﻪﻧﻪ ﻗﺎﻧﭽﯩﻠﯩﻚ ﺩﺍﯞﺍﻣﻠﯩﺸﯩﺪﯗ، ﺑﯩﺮ ﻧﯧﻤﻪ ﺩﯦﻤﻪﻙ ﺗﻪﺱ " ﺩﻩﻳﺪﯗ.
ﺳﺎﺭﻛﻮﺯﯨﻴﻨﯩﯔ ﺧﯩﺘﺎﻱ ﺳﻪﭘﯩﺮﯨﺪﯨﻜﻰ ﺋﻪﯓ ﺯﻭﺭ ﻣﯘﯞﺍﭘﭙﻪﻗﯩﻴﯩﺘﻰ ﻓﺮﺍﻧﺴﯩﻴﯩﻨﯩﯔ ﺧﯩﺘﺎﻱ ﺑﯩﻠﻪﻥ ﺳﻮﻣﻤﯩﺴﻰ ﺯﻭﺭ ﻫﻪﺟﯩﻤﻠﯩﻚ ﻳﺎﺩﺭﻭ ﺋﯧﻨﯧﺮﮔﯩﻴﻪ ﯞﻩ ﺋﺎﯞﯨﺌﺎﺗﺴﯩﻴﻪ ﺳﻮﺩﺍ ﺗﻮﺧﺘﺎﻣﻨﺎﻣﯩﺴﻰ ﺋﯩﻤﺰﺍﻟﯩﻐﺎﻧﻠﯩﻘﯩﺪﯗﺭ. ﻓﺮﺍﻧﺴﯩﻴﻪ ﺩﯛﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺑﯩﻠﻪﻥ ﻗﯩﻤﻤﯩﺘﻰ 30 ﻣﯩﻠﻴﺎﺭﺩ ﺩﻭﻟﻼﺭ ﻛﯧﻠﯩﺪﯨﻐﺎﻥ ﺳﻮﺩﺍ ﺗﻮﺧﺘﺎﻣﻨﺎﻣﯩﺴﻰ ﺋﯩﻤﺰﺍﻻﭖ، ﺧﯩﺘﺎﻳﻐﺎ 160 ﺩﺍﻧﻪ ﻳﻮﻟﯘﭼﯩﻼﺭ ﺋﺎﻳﺮﯗﭘﯩﻼﻧﻰ، ﻓﺮﺍﻧﺴﯩﻴﻪ ﺋﺎﺭﯦﯟﺍ ﺷﯩﺮﻛﯩﺘﻰ ﺧﯩﺘﺎﻳﻨﯩﯔ ﮔﯘﺍﯕﺪﯗﯓ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯧﻨﯧﺮﮔﯩﻴﻪ ﺷﯩﺮﻛﯩﺘﯩﮕﻪ 2 ﺩﺍﻧﻪ ﻳﺎﺩﺭﻭ ﺭﯦﺌﺎﻛﺘﻮﺭ ﻗﺎﺯﯨﻨﻰ ﺳﯧﺘﯩﭗ ﺑﯧﺮﯨﺪﯨﻐﺎﻥ ﺑﻮﻟﺪﻯ.

ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﺪﯨﻜﻰ ﭘﻪﺭﻗﻠﻪﺭﻧﻰ ﺑﯩﻠﯩﺸﻜﻪ ﻗﯩﺰﯨﻘﻘﯘﭼﯩﻼﺭ ﺋﯜﭼﯜﻥ ﺋﯘﭼﯘﺭﻻﺭ (2)

ﺧﯩﺘﺎﻳﺪﺍ ﻫﺎﺯﯨﺮ ﺋﺎﺯ ﺩﯦﮕﻪﻧﺪﻩ 56 ﻣﯩﻠﻴﻮﻥ ﺋﺎﺩﻩﻡ ﺋﯩﻨﺘﯧﺮﻧﯧﺘﻜﻪ ﻛﯩﺮﯨﯟﺍﺗﯩﺪﯗ. ﺑﯘﻻﺭﻧﯩﯔ ﺑﻪﺯﯨﻠﯩﺮﻯ ﺧﻪﻟﻘﻨﯩﯔ ﻛﯜﻧﺪﯨﻠﯩﻚ ﺗﯘﺭﻣﯘﺵ ﺳﻪﺭﭘﯩﻴﺎﺗﻰ ﺗﯧﺨﻰ ﺋﯩﻜﻜﻰ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻐﺎ ﻳﻪﺗﻤﻪﻳﺪﯨﻐﺎﻥ ﺗﯘﺭﻣﯘﺵ ﺳﻪﯞﯨﻴﯩﺴﯩﺪﯨﻜﻰ ﺟﺎﻳﻼﺭﺩﺍ ﻳﺎﺷﺎﻳﺪﯨﻐﺎﻥ ﻛﯩﺸﯩﻠﻪﺭ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭﺩﺍ ﻗﯩﺰﻏﯩﻨﻠﯩﻖ ﺑﺎﺭ. (ﺏ ﺏ ﺱ ﻧﯩﯔ 2007 ‏- ﻳﯩﻞ 4 ‏- ﺋﺎﻳﻨﯩﯔ 22 ‏- ﻛﯜﻧﯩﺪﯨﻜﻰ ﺧﻪﯞﯨﺮﯨﮕﻪ ﻗﺎﺭﺍﯓ) . ﺧﯩﺘﺎﻳﺪﯨﻜﻰ ﺗﻮﺭ ﺋﻪﻫﻠﻰ ﻗﯩﺰﯨﻘﯩﯟﺍﺗﻘﺎﻥ ﺗﯧﻤﯩﻼﺭﻏﺎ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ، ﺋﯘﻻﺭ ﻛﯚﭘﯩﻨﭽﻪ ﻫﺎﻟﺪﺍ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﺪﯨﻜﻰ ﭘﻪﺭﻗﻠﻪﺭﻧﻰ ﺳﯧﻠﯩﺸﺘﯘﺭﯗﺷﻘﺎ ﻧﺎﻫﺎﻳﯩﺘﻰ ﻗﯩﺰﯨﻘﯩﺪﯗ.
ﻳﯧﻘﯩﻨﺪﺍ ﺧﻪﻟﻘﺌﺎﺭﺍﺩﺍ ﺋﯘﭼﯘﺭ ﯞﺍﺳﺘﯩﻠﯩﺮﻯ، ﺋﺎﻣﯧﺮﯨﻜﯩﺪﺍ 'ﺳﺎﻳﻼﻡ' ﺩﯦﮕﻪﻧﻨﯩﯔ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﻰ، 'ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ' ﺩﯦﮕﻪﻧﻨﯩﯔ ﻗﺎﻧﺪﺍﻕ ﺋﯧﭽﯩﻠﯩﺪﯨﻐﺎﻧﻠﯩﻘﻰ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻨﯩﯔ ﯞﻩ ﻳﻪﺭﻟﯩﻚ ﺋﻪﻣﻪﻟﺪﺍﺭﻻﺭﻧﯩﯔ ﻗﺎﻧﺪﺍﻕ ﺳﺎﻳﻠﯩﻨﯩﺪﯨﻐﺎﻧﻠﯩﻘﻰ، ﺑﯘﻧﯩﯔ ﺧﯩﺘﺎﻳﺪﯨﻜﻰ 'ﺳﺎﻳﻼﻡ'، 'ﻗﯘﺭﯗﻟﺘﺎﻱ' ﯞﻩ 'ﺩﯙﻟﻪﺕ ﺭﻩﺋﯩﺴﻰ' ﻧﻰ ﺳﺎﻳﻼﺵ ﺑﯩﻠﻪﻥ ﻗﺎﻧﺪﺍﻕ ﭘﻪﺭﻗﻰ ﺑﺎﺭﻟﯩﻘﻰ ﻫﻪﻗﻘﯩﺪﻩ ﺋﻮﺑﺰﻭﺭﻻﺭ ﯞﻩ ﻣﯘﻻﻫﯩﺰﯨﻠﻪﺭﻧﻰ ﺋﯧﻼﻥ ﻗﯩﻠﺪﻯ. ﺑﯘﻧﯩﯖﺪﯨﻜﻰ ﺳﯧﻠﯩﺸﺘﯘﺭﻣﯩﻼﺭﺩﯨﻦ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﺍ ﻗﺎﻧﺪﺍﻕ ﭘﻪﺭﻕ ﺑﺎﺭﻟﯩﻘﯩﻨﻰ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ.
ﺧﻪﻟﻖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻣﻪﺳﯩﻠﯩﻨﯩﯔ ﻫﻪﻝ ﻗﯩﻠﯩﻨﯩﺶ - ﻗﯩﻠﯩﻨﻤﺎﺳﻠﯩﻘﻰ ﺟﻪﻫﻪﺗﺘﻪ
ﺋﺎﻣﯧﺮﯨﻜﯩﺪﺍ 2008 ‏- ﻳﯩﻠﯩﺪﯨﻜﻰ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺋﯜﭼﯜﻥ ﻧﺎﻣﺰﺍﺕ ﻛﯚﺭﺳﯩﺘﯩﺶ ﭘﺎﺋﺎﻟﯩﻴﯩﺘﻰ ﺑﯘ ﻳﯩﻠﻨﯩﯔ ﺑﺎﺵ ﻳﯧﺮﯨﻤﯩﺪﯨﻼ ﺑﺎﺷﻼﻧﻐﺎﻥ ﺋﯩﺪﻯ. ﺑﻮﻟﯘﭘﻤﯘ ﺋﺎﻣﯧﺮﯨﻜﯩﺪﯨﻜﻰ ﺋﯚﻛﺘﯩﭽﻰ ﭘﺎﺭﺗﯩﻴﻪ ‏-‏ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﯩﻨﯩﯔ ﭘﺮﯦﺰﯨﺪﯦﻨﺘﻠﯩﻘﻘﺎ ﻧﺎﻣﺰﺍﺕ ﻛﯚﺭﺳﯩﺘﯩﺶ ﭘﺎﺋﺎﻟﯩﻴﯩﺘﻰ ﻫﺎﺯﯨﺮ ﻧﺎﻫﺎﻳﯩﺘﻰ ﺩﺍﻏﺪﯗﻏﯩﻠﯩﻖ ﺑﻮﻟﻤﺎﻗﺘﺎ. ﺑﯘ ﻳﯩﻞ ﺋﺎﻣﯧﺮﯨﻜﯩﺪﺍ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ ﻛﯚﺭﺳﻪﺗﻜﻪﻥ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻠﯩﺮﯨﻨﯩﯔ ﺑﯩﺮﻯ ﻗﺎﺭﺍ ﺗﻪﻧﻠﯩﻜﻠﻪﺭﺩﯨﻦ، ﺋﯘﻧﯩﯔ ﺋﯩﺴﻤﻰ ﺑﺎﺭﺍﻙ ﺋﻮﺑﺎﻣﺎ ﺋﻪﭘﻪﻧﺪﻯ. ﻫﺎﺯﯨﺮﻗﻰ ﺳﺎﻳﻼﻡ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﻗﺎﺭﯨﻐﺎﻧﺪﺍ، ﺋﯘﻧﯩﯔ ﺭﺍﻳﻮﻧﻼﺭ ﺑﯘﻳﯩﭽﻪ ﺋﺎﯞﺍﺯﻏﺎ ﺋﯧﺮﯨﺸﯩﺸﻰ ﺋﺎﻟﺪﯨﻨﻘﻰ ﻳﺎﻛﻰ ﺋﯩﻜﻜﯩﻨﭽﻰ ﻗﺎﺗﺎﺭﺩﺍ ﺗﯘﺭﯗﭖ ﻛﯧﻠﯩﯟﺍﺗﯩﺪﯗ. (ﻛﯚﺯﯨﺘﯩﺶ ﮊﯗﺭﻧﯩﻠﯩﻨﯩﯔ2007 ‏- ﻳﯩﻞ 11 ‏- ﺋﺎﻳﻨﯩﯔ 20 ‏- ﻛﯜﻧﯩﺪﯨﻜﻰ ﺳﺎﻧﯩﻐﺎ ﻗﺎﺭﺍﯓ)
ﻣﯘﺷﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ 17 ‏- ﻗﯘﺭﯗﻟﺘﺎﻱ ﺋﯧﭽﯩﻠﯩﺶ ﻫﺎﺭﭘﯩﺴﯩﺪﺍ، ﺑﯘ ﻳﯩﻞ 9 ‏- ﺋﺎﻳﺪﺍ ﺋﺎﻣﯧﺮﯨﻜﯩﻨﯩﯔ ﻟﯘﺋﯩﺴﯩﻴﺎﻧﺎ ﺷﺘﺎﺗﯩﺪﺍ ﻳﯜﺯ ﺑﻪﺭﮔﻪﻥ ﺋﯧﺮﻗﯩﻲ ﻛﻪﻣﺴﯩﺘﯩﺸﻜﻪ ﻗﺎﺭﺷﻰ ﺗﯘﺭﯗﺵ ﻧﺎﻣﺎﻳﯩﺸﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭﻧﻰ ﺋﺎﻻﻫﯩﺪﻩ ﮔﻪﯞﺩﯨﻠﻪﻧﺪﯛﺭﯛﭖ ﻛﻪﯓ ﺩﺍﺋﯩﺮﯨﺪﻩ ﺩﺍﻏﺪﯗﻏﺎ ﻗﯩﻠﺪﻯ. (ﺷﯩﻨﺨﯘﺍ ﺗﻮﺭﯨﻨﯩﯔ 2007 ‏- ﻳﯩﻞ 9 ‏- ﺋﺎﻳﻨﯩﯔ 21 ‏- ﻛﯜﻧﯩﺪﯨﻜﻰ ﺳﺎﻧﯩﻐﺎ ﻗﺎﺭﺍﯓ)
ﻫﺎﻟﺒﯘﻛﻰ، ﺋﺎﻣﯧﺮﯨﻜﯩﺪﺍ ﺋﯧﺮﻗﯩﻲ ﻛﻪﻣﺴﯩﺘﯩﺶ ﻣﻪﺳﯩﻠﯩﺴﻰ ﻧﺎﻫﺎﻳﯩﺘﻰ ﺳﻪﺯﮔﯜﺭ ﻣﻪﺳﯩﻠﻪ. ﺋﻪﻣﻤﺎ ﺋﺎﻣﯧﺮﯨﻜﯩﺪﺍ ﻛﯩﻢ ﺑﯘ ﻣﻪﺳﯩﻠﯩﻨﻰ ﺋﺎﺯﺭﺍﻕ ﻫﯧﺲ ﻗﯩﻠﺴﯩﻼ ﺋﯘﻧﻰ ﺩﻩﺭﻫﺎﻝ ﺋﯩﭙﺎﺩﯨﻠﻪﻳﺪﯗ، ﻫﻪﺗﺘﺎ ﭼﻮﯓ ﻧﺎﻣﺎﻳﯩﺶ ﺗﻪﺷﻜﯩﻠﻠﻪﻳﺪﯗ. ﺋﯘﭼﯘﺭ ﯞﺍﺳﺘﯩﻠﯩﺮﻯ ﺑﯘﻧﺪﺍﻕ ﺧﻪﯞﻩﺭﻟﻪﺭﻧﻰ ﺗﯧﺨﯩﻤﯘ ﺗﯧﺰ ﺋﺎﯕﻠﯩﺘﯩﺪﯗ. ﻟﯧﻜﯩﻦ ﺧﯩﺘﺎﻳﺪﺍ ﺋﯘﻧﺪﺍﻕ ﺋﻪﻣﻪﺱ، ﺧﻪﻟﻖ ﺑﯘﻧﺪﺍﻕ ﺳﻪﺯﮔﯜﺭ ﻣﻪﺳﯩﻠﯩﺪﻩ ﺋﯚﺯﯨﻨﯩﯔ ﻫﯧﺴﺴﯩﻴﺎﺗﯩﻨﻰ ﺋﺎﺳﺎﻥ ﺋﯩﭙﺎﺩﯨﻠﯩﻴﻪﻟﻤﻪﻳﺪﯗ. ﻧﻮﭘﯘﺱ ﺳﺎﻧﻰ ﺋﺎﺯ ﻣﯩﻠﻠﻪﺗﻠﻪﺭﺩﯨﻦ ﺩﯙﻟﻪﺗﻨﯩﯔ ﭘﺮﯦﺰﯨﺪﯦﻨﺘﻠﯩﻘﯩﻐﺎ ﻧﺎﻣﺰﺍﺕ ﻛﯚﺭﺳﯩﺘﯩﻠﯩﺸﻰ ﻣﯘﻣﻜﯩﻦ ﺋﻪﻣﻪﺱ. ﺧﻪﻟﻘﺘﻪ ﻧﺎﺭﺍﺯﻯ ﺑﻮﻟﻐﺎﻥ ﻣﻪﺳﯩﻠﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯨﻐﺎﻥ ﺷﺎﺭﺍﺋﯩﺘﻤﯘ ﻳﻮﻕ . ﻧﺎﻣﺎﻳﯩﺶ ﻗﯩﻠﺴﺎ ﺑﺎﺳﺘﯘﺭﯨﺪﯗ. ﺋﺎﻣﯧﺮﯨﻜﯩﺪﺍ ﻫﻪﺭ ﻗﺎﻧﺪﺍﻕ ﻣﻪﺳﯩﻠﻪ ﻛﯚﺭﯛﻟﺴﻪ ﻛﯩﺸﯩﻠﻪﺭ ﺋﯘﻧﻰ ﭘﺎﺵ ﻗﯩﻼﻻﻳﺪﯗ، ﻛﯚﺭﯛﻟﮕﻪﻥ ﻣﻪﺳﯩﻠﻪ ﻫﻪﻝ ﻗﯩﻠﯩﻨﯩﺸﻰ ﻣﯘﻣﻜﯩﻦ. ﺋﻪﻣﻤﺎ ﺧﯩﺘﺎﻳﺪﺍ ﻛﯚﺭﯛﻟﮕﻪﻥ ﻣﻪﺳﯩﻠﯩﻨﻰ ﻫﯚﻛﯜﻣﻪﺕ ﺋﯧﺘﯩﺮﺍﭖ ﻗﯩﻠﻤﺎﻳﺪﯗ ﻫﻪﻡ ﻫﻪﻝ ﻗﯩﻠﻤﺎﻳﺪﯗ. ﻣﻪﺳﯩﻠﻪﻥ، 62 ‏- ﻳﯩﻠﯩﺪﯨﻜﻰ ﺋﺎﭼﺎﺭﭼﯩﻠﯩﻖ ﻣﻪﺳﯩﻠﯩﺴﻰ، 57 ‏- ﻳﯩﻠﯩﺪﯨﻜﻰ 'ﺋﻮﯕﭽﻰ' ﺩﻩﭖ ﻗﺎﻟﭙﺎﻕ ﻛﻪﻳﮕﯜﺯﯛﻟﯜﺵ ﻣﻪﺳﯩﻠﯩﺴﻰ، 89 ‏- ﻳﯩﻠﻰ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﺍ ﻳﯜﺯ ﺑﻪﺭﮔﻪﻥ ﻗﺎﻧﻠﯩﻖ ﺑﺎﺳﺘﯘﺭﯗﺵ ﯞﻩﻗﻪﺳﻰ ﻗﺎﺗﺎﺭﻟﯩﻘﻼﺭ. (ﻛﯚﺯﯨﺘﯩﺶ ﮊﯗﺭﻧﯩﻠﯩﻨﯩﯔ2007 ‏- ﻳﯩﻞ 11 ‏- ﺋﺎﻳﻨﯩﯔ 20 ‏- ﻛﯜﻧﯩﺪﯨﻜﻰ ﺳﺎﻧﯩﻐﺎ ﻗﺎﺭﺍﯓ)
ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻠﯩﺮﯨﻨﯩﯔ ﺧﻪﻟﻘﻘﻪ ﻗﺎﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻧﻠﯩﻘﻰ ﺟﻪﻫﻪﺗﺘﻪ
1976 ‏- ﻳﯩﻠﻰ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ ﭘﺮﯦﺰﯨﺪﯦﻨﺘﻠﯩﻘﻘﺎ ﻛﯚﺭﺳﻪﺗﻜﻪﻥ ﺑﯩﺮ ﻧﺎﻣﺰﺍﺕ ﺳﺎﻳﻼﻡ ﺋﻪﻫﻠﯩﮕﻪ ﺭﻩﻫﻤﻪﺕ ﺋﯧﻴﺘﯩﭗ "ﻣﯧﻨﯩﯔ ﺋﯩﺴﯩﻤﯩﻢ ﺟﯩﻤﻰ ﻛﺎﺭﺗﯧﺮ، ﺳﺎﻳﻼﻡ ﺋﻪﻫﻠﻰ ﻣﯧﻨﻰ ﭘﺮﯦﺰﯨﺪﯦﻨﺘﻠﯩﻘﻘﺎ ﻛﯚﺭﺳﻪﺗﻜﻪﻥ ﻛﯜﻧﺪﯨﻦ ﺗﺎﺭﺗﯩﭗ ﺑﯜﮔﯜﻧﮕﻪ ﻗﻪﺩﻩﺭ، ﻣﻪﻥ ﺩﯙﻟﯩﺘﯩﻤﯩﺰﻧﯩﯔ ﻫﻪﻣﻤﻪ ﻳﯧﺮﯨﻨﻰ ﺋﺎﻳﻠﯩﻨﯩﭗ ﭼﯩﻘﺘﯩﻢ. ﺋﻪﻣﺪﻯ ﺑﯜﮔﯜﻥ ﺳﯩﻠﻪﺭﻧﯩﯔ ﻣﯧﻨﻰ ﻧﺎﻣﺰﺍﺗﻠﯩﻘﻘﺎ ﻛﯚﺭﺳﻪﺗﻜﻪﻧﻠﯩﻜﯩﯖﻼﺭﻧﻰ ﻗﻮﺑﯘﻝ ﻗﯩﻠﺪﯨﻢ ، ﺩﻩﯞﺍﺗﯩﻤﻪﻥ. ﻣﻪﻥ ﺑﯘﻧﯩﯖﺪﯨﻦ ﻫﺎﻳﺎﺟﺎﻧﻼﻧﺪﯨﻢ، ﻣﻪﻥ ﺳﯩﻠﻪﺭﮔﻪ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯨﻤﻪﻥ" ﺩﯦﮕﻪﻥ. ﺷﯘﻧﺪﺍﻗﻼ ﺋﯘ ﺳﯚﺯﯨﻨﻰ ﺩﺍﯞﺍﻣﻼﺷﺘﯘﺭﯗﭖ " ﻣﻪﻧﺪﻩ ﻫﺎﺯﯨﺮ ﺑﯩﺮﻻ ﻧﯩﻴﻪﺕ ﺑﺎﺭ، ﺋﯘ ﺑﻮﻟﺴﯩﻤﯘ، ﭘﯜﺗﯜﻥ ﻫﯘﺟﯘﺩﯗﻡ، ﻣﯧﯖﻪﻡ ﯞﻩ ﻧﯧﺮﯞﺍ ﺋﻪﺯﺍﻟﯩﺮﯨﻤﻨﻰ ﺩﯙﻟﯩﺘﯩﻤﯩﺰﻧﻰ ﺗﯧﺨﯩﻤﯘ ﺋﯘﻟﯘﻍ ﺩﯙﻟﻪﺕ ﻗﯩﻠﯩﺸﻘﺎ ﺑﯧﻐﯩﺸﻼﻳﻤﻪﻥ" ﺩﯦﮕﻪﻥ ‏-‏ ﻣﺎﻧﺎ ﺑﯘ ، ﺋﺎﻣﯧﺮﯨﻜﯩﺪﺍ ﺑﯩﺮ ﭘﺎﺭﺗﯩﻴﻪ ﻛﯚﺭﺳﻪﺗﻜﻪﻥ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﯩﻨﯩﯔ ﺋﺎﻏﺰﯨﺪﯨﻦ ﭼﯩﻘﻘﺎﻥ ﺳﯚﺯ ﺋﯩﺪﻯ.
ﺋﺎﻣﯧﺮﯨﻜﯩﺪﺍ ﭘﺮﯦﺰﯨﺪﯦﻨﺘﻠﯩﻘﻘﺎ ﻛﯚﺭﺳﯩﺘﯩﻠﮕﻪﻥ ﻧﺎﻣﺰﺍﺗﻼﺭﻧﯩﯔ ﺧﻪﻟﻖ ﺋﺎﻟﺪﯨﺪﺍ ﺑﯘﻧﺪﺍﻕ ﻫﯧﺴﺴﯩﻴﺎﺕ ﺋﯩﭙﺎﺩﯨﻠﯩﺸﯩﻨﻰ ﺧﯩﺘﺎﻳﺪﺍ ﺗﻪﺳﻪﯞﯞﯗﺭ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﺧﯩﺘﺎﻳﺪﺍ ﺑﯘﻧﺪﺍﻕ ﺷﻪﻛﯩﻠﺪﻩ ﻧﺎﻣﺰﺍﺕ ﻛﯚﺭﺳﯩﺘﯩﺶ ﺩﯦﮕﻪﻧﻤﯘ ﻳﻮﻕ، ﺩﯙﻟﻪﺕ ﺭﻩﺋﯩﺴﯩﻨﻰ ﯞﻩ ﺑﺎﺷﻘﺎ ﺋﻪﻣﻪﻟﺪﺍﺭﻻﺭﻧﻰ ﻣﯘﺳﺘﻪﺑﯩﺘﻠﻪﺭ ﺋﯚﺯﻯ ﺑﻪﻟﮕﯩﻠﯩﯟﺍﻟﯩﺪﯗ، ﺷﯘﯕﻼﺷﻘﺎ ﺋﯘﻻﺭ ﺧﻪﻟﻘﻘﻪ ﺭﻩﻫﻤﻪﺕ ﺋﯧﻴﺘﻤﺎﻳﺪﯗ ﺑﻪﻟﻜﻰ ﺩﻩﺭﻫﺎﻝ ﺧﻪﻟﻘﻘﻪ ﺩﻭﻛﻼﺕ ﺑﯧﺮﯨﭗ ﺑﯘﻳﺮﯗﻕ ﭼﯜﺷﯜﺭﯨﺪﯗ. ﻗﯩﻠﻐﺎﻥ ﮔﻪﭘﻠﯩﺮﯨﻨﻰ ﺯﯨﻴﺎﻟﯩﻴﻼﺭﻏﺎ ﻣﻪﺩﻫﯩﻴﯩﻠﯩﮕﯜﺯﯨﺪﯗ. (ﻛﯚﺯﯨﺘﯩﺶ ﮊﯗﺭﻧﯩﻠﯩﻨﯩﯔ2007 ‏- ﻳﯩﻞ 11 ‏- ﺋﺎﻳﻨﯩﯔ 20 ‏- ﻛﯜﻧﯩﺪﯨﻜﻰ ﺳﺎﻧﯩﻐﺎ ﻗﺎﺭﺍﯓ)
ﻳﯩﻐﯩﻦ ﺋﻪﻫﻠﯩﻨﯩﯔ ﺭﺍﻳﯩﻐﺎ ﺑﯧﻘﯩﺶ - ﺑﺎﻗﻤﺎﺳﻠﯩﻖ ﺟﻪﻫﻪﺗﺘﻪ
ﺋﺎﻣﯧﺮﯨﻜﯩﺪﺍ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﯩﻨﯩﯔ 2004 ‏- ﻳﯩﻠﯩﺪﯨﻜﻰ ﻗﯘﺭﯗﻟﺘﯧﻴﻰ ﻣﺎﺳﺎﭼﯘﺳﯧﺘﺲ ﺷﺘﺎﺗﯩﻨﯩﯔ ﺑﻮﺳﺘﻮﻥ ﺷﻪﻫﯩﺮﯨﺪﻩ ﺋﯧﭽﯩﻠﻐﺎﻥ ﺑﻮﻟﺴﺎ، ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﻨﯩﯔ ﻗﯘﺭﯗﻟﺘﯩﻴﻰ ﻧﻴﯘﻳﻮﺭﻛﺘﺎ ﺋﯧﭽﯩﻠﺪﻯ. 2008 ‏- ﻳﯩﻠﻠﯩﻖ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺋﯜﭼﯜﻥ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﻗﯘﺭﯗﻟﺘﯧﻴﻰ ﻣﯩﻨﻨﯩﺴﯘﺩﺍ ﺷﺘﺎﺗﯩﻨﯩﯔ ﺳﻪﻧﺘﭙﻮﻝ ﺷﻪﻫﯩﺮﯨﺪﻩ ﺋﯧﭽﯩﻠﻐﺎﻥ ﺑﻮﻟﺴﺎ، ﺩﯦﻤﻮﻛﺮﺍﺗﻼﺭ ﻛﺎﻟﯩﺮﺍﺩﻭ ﺷﯩﺘﺎﺗﯩﻨﯩﯔ ﺩﯦﻨﯟﯦﺮ ﺷﻪﻫﯩﺮﯨﻨﻰ ﺗﺎﻟﻠﯩﺪﻯ. ﺋﻪﻣﻤﺎ ﺧﯩﺘﺎﻳﺪﺍ ﺑﻮﻟﺴﺎ ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ 1949 ‏- ﻳﯩﻠﯩﺪﯨﻦ ﺗﺎﺭﺗﯩﭗ ﺑﯧﻴﺠﯩﯖﺪﯨﻦ ﺑﺎﺷﻘﺎ ﺟﺎﻳﺪﺍ ﺋﯧﭽﯩﻠﻤﺎﻳﺪﯗ. ﺋﺎﻣﯧﺮﯨﻜﯩﺪﺍ ﺑﯘﻧﺪﺍﻕ ﭼﻮﯓ ﻳﯩﻐﯩﻨﻨﯩﯔ ﯞﺍﻗﺘﻰ 4 ﻛﯜﻧﺪﯨﻦ ﺋﺎﺷﻤﺎﻳﺪﯗ. ﺧﯩﺘﺎﻳﺪﺍ ﺑﻮﻟﺴﺎ ﺋﻪﯓ ﺋﺎﺯ ﺩﯦﮕﻪﻧﺪﻩ ﺑﯩﺮ ﻫﻪﭘﺘﻪ ﺩﺍﯞﺍﻡ ﻗﯩﻠﯩﺪﯗ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 7 ‏- ﻗﯘﺭﯗﻟﺘﯧﻴﻰ 1945 ‏- ﻳﯩﻠﻰ 4 ‏- ﺋﺎﻳﻨﯩﯔ 23 ‏- ﻛﯜﻧﯩﺪﯨﻦ 6 ‏- ﺋﺎﻳﻨﯩﯔ 11 ‏- ﻛﯜﻧﯩﮕﯩﭽﻪ ﺋﯩﻜﻜﻰ ﺋﺎﻱ ﺩﺍﯞﺍﻡ ﻗﯩﻠﻐﺎﻥ ﻣﯩﺴﺎﻟﻤﯘ ﺑﺎﺭ.
ﺋﺎﻣﯧﺮﯨﻜﯩﺪﺍ ﻫﻪﺭ ﻗﺎﻧﺪﺍﻕ ﻳﯩﻐﯩﻨﺪﺍ ﻫﻪﻝ ﻗﯩﻠﯩﺪﯨﻐﺎﻥ ﻣﻪﺳﯩﻠﻪ ﺑﯩﺮﻻ، ﺷﯘ ﺑﯩﺮﻻ ﻣﻪﺳﯩﻠﯩﻨﻰ ﻛﯚﭖ ﺋﺎﺩﻩﻡ ﻣﯘﻻﻫﯩﺰﻩ ﻗﯩﻠﯩﭗ ﺋﯩﺴﭙﺎﺗﻼﭖ ﻛﯚﺭﺳﯩﺘﯩﺪﯗ. ﺋﻪﮔﻪﺭ ﻳﯩﻐﯩﻨﺪﺍ ﻗﯩﻠﯩﻨﻐﺎﻥ ﺳﯚﺯ ﻳﯩﻐﯩﻦ ﺋﻪﻫﻠﯩﻨﯩﯔ ﻗﯘﻟﯩﻘﯩﻐﺎ ﻳﺎﻗﻤﯩﺴﺎ، ﺋﺎﯕﻠﯩﻤﺎﻱ ﭼﯩﻘﯩﭗ ﻛﻪﺗﺴﻪ ﻳﺎﻛﻰ ﺑﯩﺮﻧﻪﭼﭽﻪ ﻛﯩﺸﻰ 'ﻛﯩﭽﯩﻚ ﻳﯩﻐﯩﻦ' ﺋﯧﭽﯩﭗ ﺋﻮﻟﺘﯘﺭﺳﺎ ﺑﻮﻟﯩﯟﯦﺮﯨﺪﯗ. ﻟﯧﻜﯩﻦ ﺧﯩﺘﺎﻳﺪﺍ ﺋﯘﻧﺪﺍﻕ ﺋﻪﻣﻪﺱ، 'ﻳﯩﻐﯩﻨﺪﺍ ﻫﻪﻝ ﻗﯩﻠﯩﺪﯨﻐﺎﻥ ﻣﻪﺳﯩﻠﻪ' ﺩﯦﻴﯩﻠﮕﻪﻥ ﻣﻪﺳﯩﻠﯩﻨﯩﯔ ﺗﯜﺭﻟﯩﺮﻯ ﻧﺎﻫﺎﻳﯩﺘﻰ ﻛﯚﭖ، ﺋﯘﻧﻰ ﺳﯚﺯﻟﻪﻳﺪﯨﻐﺎﻥ ﺋﺎﺩﻩﻡ ﺑﯩﺮ ﻳﺎﻛﻰ ﺋﯩﻜﻜﻰ، ﺋﯘ ﺳﯚﺯﻟﯩﮕﻪﻧﺪﻩ ﺑﺎﺷﻘﯩﻼﺭ ﭼﯘﻗﯘﻡ ﺟﯩﻢ ﺋﻮﻟﺘﯘﺭﯗﭖ ﺋﺎﯕﻼﺵ، ﭼﺎﯞﺍﻙ ﭼﯧﻠﯩﭗ ﺋﺎﻟﻘﯩﺸﻼﺵ، ﺋﻪﻣﻤﺎ ﺋﯘﻧﯩﯖﻐﺎ ﻗﺎﺭﺷﻰ ﺋﯩﭙﺎﺩﻩ ﺑﯩﻠﺪﯛﺭﻣﻪﺳﻠﯩﻚ ﻛﯧﺮﻩﻙ، ﺋﻪﻣﻤﺎ ﻳﯩﻐﯩﻨﺪﺍ ﻣﻪﺳﯩﻠﻪ ﻫﻪﻝ ﻗﯩﻠﯩﻨﻤﺎﻳﺪﯗ.

ﺑﯩﯖﺘﯜﻩﻥ - ﺋﯧﻠﻰ ﺋﯩﭽﯩﺪﯨﻜﻰ ﻣﯘﺳﺘﻪﻗﯩﻞ ﺋﯩﻤﭙﯧﺮﯨﻴﻪ (1)

ﺧﯩﺘﺎﻱ 1949 - ﻳﯩﻠﻰ ﺋﯘﻳﻐﯘﺭ ﺋﯧﻠﯩﮕﻪ ﺑﯧﺴﯩﭗ ﻛﯩﺮﮔﻪﻧﺪﯨﻦ ﻛﯩﻴﯩﻦ، 1954 - ﻳﯩﻠﻰ 10 - ﺋﺎﻳﺪﺍ ﺳﻪﭘﺘﯩﻦ ﭼﯧﻜﯩﻨﮕﻪﻥ ﺋﻪﺳﻜﻪﺭﻟﻪﺭ ﯞﻩ ﮔﻮﻣﯩﻨﺪﺍﯕﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺗﻪﺳﻠﯩﻢ ﺑﻮﻟﻐﺎﻥ ﻗﯩﺴﯩﻤﻠﯩﺮﯨﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﯩﺮ ﺑﯚﻟﻪﻙ ﻗﻮﺷﯘﻧﻨﻰ ﺋﯘﻳﻐﯘﺭ ﺋﯧﻠﯩﮕﻪ ﻳﻪﺭﻟﻪﺷﺘﯜﺭﯛﺵ ﻣﻪﻗﺴﯩﺘﯩﺪﻩ ﺋﺎﺗﺎﻟﻤﯩﺶ ﺑﯩﯖﺘﯜﻩﻧﻨﻰ ﻗﯘﺭﯗﭖ ﭼﯩﻘﻘﺎﻥ ﺑﻮﻟﯘﭖ، ﺋﻪﻳﻨﻰ ﯞﺍﻗﯩﺘﺘﺎ ﺑﯘﻻﺭﻧﯩﯔ ﻣﻪﺟﺒﯘﺭﯨﻴﯩﺘﻰ "ﺋﻪﻣﮕﻪﻙ ﺑﯩﻠﻪﻥ ﺋﻪﺳﻜﯩﺮﯨﻲ ﺋﯩﺸﻼﺭﻧﻰ ﺑﯩﺮﻟﻪﺷﺘﯜﺭﯛﺵ، ﺋﻪﺳﻜﻪﺭ ﺗﯘﺭﻏﯘﺯﯗﭖ ﺑﻮﺯ ﻳﻪﺭ ﺋﯚﺯﻟﻪﺷﺘﯜﺭﯛﭖ، ﭼﯧﮕﺮﯨﻨﻰ ﻣﯘﻫﺎﭘﯩﺰﻩﺕ ﻗﯩﻠﯩﺶ" ﺩﻩﭖ ﺑﻪﻟﮕﯩﻠﻪﻧﮕﻪﻥ.
ﺑﯩﯖﺘﯜﻩﻥ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﻐﺎ 14 ﺩﯨﯟﯨﺰﯨﻴﻪ 244 ﭘﻮﻟﻚ ﻗﯘﺭﻏﺎﻥ
ﺑﯩﯖﺘﯜﻩﻥ ﻫﺎﺯﯨﺮﻏﺎ ﻛﻪﻟﮕﯜﭼﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ 14 ﯞﯨﻼﻳﻪﺕ ﯞﻩ ﺋﻮﺑﻼﺳﺘﻼﺭﻧﻰ ﻗﻮﺭﺷﺎﯞﻏﺎ ﺋﺎﻟﻐﺎﻥ ﺋﺎﺳﺎﺳﺘﺎ ﺟﻪﻣﺌﯩﻲ 14 ﺩﯨﯟﯨﺰﯨﻴﻪ 244 ﭘﻮﻟﻚ ﻗﯘﺭﻏﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﯨﻜﻰ 175 ﭘﻮﻟﻚ ﺋﯘﻳﻐﯘﺭ ﺋﯩﻠﻜﯩﺪﯨﻜﻰ 63 ﺷﻪﻫﻪﺭ ‏- ﻧﺎﻫﯩﻴﯩﮕﻪ ﺟﺎﻳﻼﺷﺘﯘﺭﯗﻟﻐﺎﻥ.
"ﺟﯘﯕﮕﻮ ﺋﯩﻘﺘﯩﺴﺎﺩ ﻫﻪﭘﺘﯩﻠﯩﻜﻰ" ﮊﯗﺭﻧﯩﻠﯩﺪﺍ ﺑﯧﺮﯨﻠﮕﻪﻥ " ﺷﯩﻨﺠﺎﯓ ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﯘﺵ ﺑﯩﯖﺘﯜﻩﻧﯩﻨﯩﯔ 53 ﻳﯩﻠﻰ: ﻧﺎﻣﺮﺍﺕ ﻫﻪﻡ ﻗﺎﻻﻗﻠﯩﻘﺘﯩﻦ، ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﻰ ﺟﻪﻫﻪﺗﺘﻪ ﻏﻪﺭﺑﻰ ﺭﺍﻳﻮﻧﺪﯨﻜﻰ 6- ﺋﻮﺭﯗﻧﻐﺎ ﺋﯚﺗﻜﯩﭽﻪ " ﺗﯧﻤﯩﻠﯩﻖ ﻣﺎﻗﺎﻟﯩﺪﻩ ﺧﯩﺘﺎﻱ ﺩﯙﻟﻪﺕ ﺋﯩﺸﻼﺭ ﻛﺎﺑﯩﻨﺘﻰ ( ﮔﻮﯞﯗﻳﯜﻩﻥ) ﺋﺎﺧﺒﺎﺭﺍﺕ ﺋﯩﺸﺨﺎﻧﯩﺴﻰ ﺋﯧﻼﻥ ﻗﯩﻠﻐﺎﻥ " ﺷﯩﻨﺠﺎﯕﻨﯩﯔ ﺗﺎﺭﯨﺨﻰ ﯞﻩ ﺗﻪﺭﻩﻗﻘﯩﻴﺎﺗﻰ" ﻧﺎﻣﻠﯩﻖ ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﯩﻦ ﻧﻪﻗﯩﻞ ﺋﯧﻠﯩﭗ، " 'ﺋﺎﻕ ﺗﺎﺷﻠﯩﻖ ﻛﯩﺘﺎﺑﺘﺎ' ﺑﯩﯖﺘﯜﻩﻥ ﺩﯙﻟﻪﺕ ﭘﯩﻼﻧﯩﺪﯨﻜﻰ ﻳﻪﻛﻜﻪ ﻗﺎﺗﺎﺭﻏﺎ ﺗﯩﺰﯨﻠﻐﺎﻥ ﺋﺎﻻﻫﯩﺪﻩ ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺕ ﺑﻮﻟﯘﭖ، ﺋﯘ ﻣﻪﺭﻛﯩﺰﻯ ﻫﯚﻛﯜﻣﻪﺕ ﯞﻩ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺧﻪﻟﻖ ﻫﯚﻛﯜﻣﯩﺘﯩﻨﯩﯔ ﻗﻮﺵ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯗ، ﺩﻩﭖ ﺋﯧﻨﯩﻖ ﻛﯚﺭﺳﯩﺘﯩﻠﮕﻪﻥ" ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﺑﯩﯖﺘﯜﻩﻧﯩﻨﯩﯔ ﻏﻪﻳﺮﯨﻲ ﺷﻪﻛﯩﻠﺪﯨﻜﻰ ﺑﯩﺮ ﻫﯚﻛﯜﻣﻪﺕ ﺋﺎﭘﭙﺎﺭﺍﺗﯩﺪﯨﻦ ﺋﯩﺒﺎﺭﻩﺕ ﺋﺎﻻﻫﯩﺪﻩ ﺋﻮﺭﻧﯩﻐﺎ ﺋﯧﻨﯩﻘﻠﯩﻤﺎ ﺑﯧﺮﯨﻠﯩﭗ، ﺑﯩﯖﺘﯜﻩﻧﯩﻨﯩﯔ ﻳﻪﺭﻟﯩﻚ ﺧﻪﻟﻘﻨﯩﯔ ﻳﯜﻛﯩﻨﻰ ﻳﯧﻨﯩﻜﻠﯩﺘﯩﭗ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺗﯧﺰﻟﯩﺘﯩﺸﻜﻪ ﺗﯚﻫﭙﻪ ﻗﻮﺷﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.
ﺗﻴﻪﻥ ﭼﯩﻠﻴﺎﯞ ﺧﺎﻧﯩﻢ: "ﺑﯩﯖﺘﯜﻩﻥ ﺋﯘﻳﻐﯘﺭ ﺋﯩﻠﻰ ﺋﯩﭽﯩﺪﯨﻜﻰ ﻛﯩﭽﯩﻚ ﺋﯩﻤﭙﯧﺮﯨﻴﻪ"
ﺑﯘ ﻗﯘﺭﻻﺭﻧﻰ ﺋﻮﻗﯘﻏﺎﻥ ﻛﯩﺸﻰ ﺋﯩﺨﺘﯩﻴﺎﺭﺳﯩﺰ ﻫﺎﻟﺪﺍ، ﺑﯩﯖﺘﯜﻩﻥ ﺭﺍﺳﺘﺘﯩﻨﻼ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺑﺎﺷﻘﯘﺭﯗﺷﯩﻨﻰ ﻗﻮﺑﯘﻝ ﻗﯩﻼﻣﺪﯗ ﻳﺎﻛﻰ ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻞ ﺑﯩﺮﻟﯩﻜﻤﯘ؟ ﺑﯩﯖﺘﯜﻩﻧﯩﻨﯩﯔ ﻳﻪﺭﻟﯩﻚ ﺧﻪﻟﻘﻨﯩﯔ ﻳﯜﻛﯩﻨﻰ ﻳﯧﻨﯩﻜﻠﯩﺘﯩﺶ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺗﯧﺰﻟﯩﺘﯩﺸﻜﻪ ﺗﯚﻫﭙﻪ ﻗﻮﺷﯘﺵ ﺩﯦﮕﻪﻧﻠﯩﺮﻯ ﻧﯧﻤﯩﻠﻪﺭﺩﯨﻦ ﺩﯦﺮﻩﻙ ﺑﯧﺮﯨﺪﯗ؟ ﺩﯦﮕﻪﻧﮕﻪ ﺋﻮﺧﺸﺎﺵ ﺷﯜﺑﻬﯩﻠﯩﻚ ﺋﻮﻳﻼﺭﻏﺎ ﭘﺎﺗﯩﺪﯗ.
ﺑﯘ ﺳﻮﺋﺎﻟﻐﺎ ﺟﺎﯞﺍﺏ ﺋﯩﺰﺩﻩﺵ ﺋﯜﭼﯜﻥ ﺧﯩﺘﺎﻳﻨﯩﯔ ﺩﯙﻟﻪﺕ ﺋﻪﻫﯟﺍﻟﻰ ﯞﻩ ﺳﯩﻴﺎﺳﯩﺘﯩﻨﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺗﻪﺷﻜﯩﻼﺕ ﺟﯘﯕﮕﻮ ﺋﯩﻨﻔﻮﺭﻣﺎﺗﺴﯩﻴﻪ ﺗﻪﺗﻘﯩﻘﺎﺕ ﺟﻪﻣﺌﯩﻴﯩﺘﯩﺪﯨﻜﻰ ﺗﻪﺗﻘﯩﻘﺎﺗﭽﻰ ﺗﯩﻴﻪﻥ ﭼﯩﻠﻴﺎﯞ ﺧﺎﻧﯩﻤﻐﺎ ﻣﯘﺭﺍﺟﯩﺌﻪﺕ ﻗﯩﻠﺪﯗﻕ.
ﺋﯘ ﺑﯩﯖﺘﯜﻩﻧﯩﻨﯩﯔ ﺋﯚﺯ ﺋﺎﻟﺪﯨﻐﺎ ﺳﻮﺩﺍ ﯞﻩ ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﻛﻮﻧﺘﺮﻭﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﯘﻧﯩﯔ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﮕﻪ ﺑﯩﯟﺍﺳﯩﺘﻪ ﻗﺎﺭﺍﻳﺪﯨﻐﺎﻥ ﺑﯩﺮ ﻣﯘﺳﺘﻪﻗﯩﻞ ﻫﯚﻛﯜﻣﻪﺕ ﺋﯩﻜﻪﻧﻠﯩﻜﻰ ﻫﻪﻣﺪﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯩﻘﺘﯩﺴﺎﺩﻯ ﻛﯜﭼﻨﻰ ﻛﻮﻧﺘﺮﻭﻝ ﻗﯩﻠﯩﺪﯨﻐﺎﻥ ﺑﯩﺮ ﺋﻮﺭﮔﺎﻥ ﺋﯩﻜﻪﻧﻠﯩﻜﻰ ﺗﻪﻛﯩﺘﻠﻪﭖ: " ﺑﯩﯖﺘﯜﻩﻥ ﺧﯘﺩﺩﻯ ﺋﺎﺷﯘ ﺭﺍﻳﻮﻧﺪﯨﻜﻰ ﺑﯩﺮ ﻛﯩﭽﯩﻚ ﺋﯩﻤﭙﯧﺮﯨﻴﯩﮕﻪ ﺋﻮﺧﺸﺎﻳﺪﯗ. ﺋﻪﻣﻤﺎ ﺑﯘ ﺋﯩﻤﭙﯧﺮﯨﻴﻪ ﻣﻪﺭﻛﯩﺰﻯ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺑﺎﺷﻘﯘﺭﯗﻟﯩﺪﯗ " ﺩﯦﺪﻯ.
ﺑﯩﯖﺘﯜﻩﻧﻨﻰ ﺑﺎﺷﻘﯘﺭﯗﺵ ﺋﯩﺸﻠﯩﺮﯨﻐﺎ ﺋﺎﭘﺘﻮﻧﻮﻡ ﺭﺍﻳﻮﻥ ﺋﺎﺭﯨﻠﯩﺸﺎﻟﻤﺎﻳﺪﯗ
ﺷﯘﻧﯩﯖﻐﺎ ﻳﺎﻧﺪﺍﺷﻘﺎﻥ ﻫﺎﻟﺪﺍ، ﺑﯩﯖﺘﯜﻩﻥ ﻗﺎﺭﻣﯩﻘﯩﺪﯨﻜﻰ ﺷﯩﺨﻪﻧﺰﻩ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﺳﺎﺑﯩﻖ ﺋﻮﻗﯘﺗﻘﯘﭼﯩﺴﻰ، ﺳﯩﻴﺎﺳﯩﻲ ﻛﯚﺯﻩﺗﭽﻰ ﺋﯩﻠﺸﺎﺕ ﺋﻪﭘﻪﻧﺪﯨﻤﯘ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ " ﺑﯩﯖﺘﯜﻩﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺧﻪﻟﻖ ﻫﯚﻛﯜﻣﯩﺘﻰ ﯞﻩ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﻗﻮﺵ ﻳﯚﻧﯩﻠﯩﺸﻠﯩﻚ ﺑﺎﺷﻘﯘﺭﯗﺷﯩﺪﺍ ﺑﻮﻟﯩﺪﯗ" ﺩﯦﮕﻪﻥ ﺑﻪﻟﮕﯩﻠﯩﻤﯩﺴﯩﻨﯩﯔ ﺋﻪﻣﻪﻟﯩﻴﻪﺗﺘﻪ ﻗﯘﺭﯗﻕ ﻫﯚﺟﺠﻪﺗﺘﯩﻨﻼ ﺋﯩﺒﺎﺭﻩﺕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﻪﭖ، ﺑﯩﯖﺘﯜﻩﻧﻨﻰ ﺑﺎﺷﻘﯘﺭﯗﺵ ﺋﯩﺸﻠﯩﺮﯨﻐﺎ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺋﺎﺭﯨﻠﯩﺸﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.
ﺋﯘ ﻳﻪﻧﻪ ﺑﯩﯖﺘﯜﻩﻧﻨﯩﯔ ﺳﻮﺕ، ﺳﺎﻗﭽﻰ، ﻗﻮﺭﺍﻟﻠﯩﻖ ﺳﺎﻗﭽﻰ ﺋﻮﺭﮔﺎﻧﻠﯩﺮﯨﻨﯩﯔ ﺋﯩﺴﯩﻤﻠﯩﺮﯨﻨﯩﯖﻤﯘ ﺋﺎﻳﺮﯨﻢ ﺋﯩﻜﻪﻧﻠﯩﻜﯩﻨﻰ، ﺑﯩﯖﺘﯜﻩﻧﻨﯩﯔ ﺋﯧﻨﯩﻘﻜﻰ، ﺋﯘﻳﻐﯘﺭ ﺋﯩﻠﻰ ﺋﯩﭽﯩﺪﯨﻜﻰ ﺋﺎﻳﺮﯨﻢ ﻣﯘﺳﺘﻪﻗﯩﻞ ﻫﺎﻛﯩﻤﯩﻴﻪﺕ ﺋﯩﻜﻪﻧﻠﯩﻜﯩﻨﻰ ﻗﻮﺷﯘﻣﭽﻪ ﻗﯩﻠﺪﻯ.
ﺑﯩﯖﺘﯜﻩﻧﯩﻨﯩﯔ "ﻳﻪﺭﻟﯩﻚ ﺧﻪﻟﻖ ﺑﯩﻠﻪﻥ ﻣﻪﻧﭙﻪﺋﻪﺕ ﺗﺎﻻﺷﻤﺎﺳﻠﯩﻖ" ﻣﻪﺳﻠﯩﻜﻰ
ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﮕﻪ ﻳﻪﺭﻟﻪﺷﺘﯜﺭﮔﻪﻥ ﺑﯩﯖﺘﯜﻩﻧﺪﯨﻦ ﺋﯩﺒﺎﺭﻩﺕ ﺑﯘ ﻏﻪﻳﺮﯨﻲ ﺷﻪﻛﯩﻠﺪﯨﻜﻰ ﻗﻮﺭﺍﻟﻠﯩﻖ ﺗﯧﺮﯨﻘﭽﯩﻼﺭ، ﺧﯩﺘﺎﻱ ﻣﻪﺭﻛﯩﺰﯨﻲ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﻪﺭﻟﯩﻚ ﺧﻪﻟﻘﻨﻰ ﺋﯩﺴﻜﻪﻧﺠﯩﮕﻪ ﺋﯧﻠﯩﺶ ﯞﻩ ﺑﯘ ﺯﯦﻤﯩﻨﻨﻰ ﺧﺎﻟﯩﻴﻼﺷﺘﯘﺭﯗﺵ ﭘﯩﻼﻧﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﺘﯩﻜﻰ ﺗﯧﺮﯨﻘﭽﯩﻠﯩﻖ ﺑﯩﻠﻪﻥ ﺋﯚﺯﯨﻨﻰ ﻧﯩﻘﺎﺑﻼﻧﻐﺎﻥ ﻫﻪﺭﺑﯩﻲ ﺋﻮﺭﯗﻥ ﺋﯩﻜﻪﻧﻠﯩﻜﻰ ﻫﻪﻣﻤﻪ ﺋﺎﺩﻩﻣﮕﻪ ﺋﺎﻳﺪﯨﯔ ﻣﻪﺳﯩﻠﯩﮕﻪ ﺋﺎﻳﻠﯩﻨﯩﭗ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﯖﺘﯜﻩﻧﻨﻰ، ﺧﯘﺩﺩﻯ "ﺟﯘﯕﮕﻮ ﺋﯩﻘﺘﯩﺴﺎﺩ ﻫﻪﭘﺘﯩﻠﯩﻜﻰ" ﮊﯗﺭﻧﯩﻠﯩﺪﺍ ﺑﯧﺮﯨﻠﮕﻪﻥ ﺑﯩﯖﺘﯜﻩﻥ ﻫﻪﻗﻘﯩﺪﯨﻜﻰ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﮕﻪﻧﺪﻩﻙ "ﭼﯧﮕﺮﯨﻨﻰ ﻣﯘﺳﺘﻪﻫﻜﻪﻣﻠﻪﺵ، ﺷﯩﻨﺠﺎﯕﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺗﯩﺰﻟﯩﺘﯩﺶ، ﻳﻪﺭﻟﯩﻚ ﻫﯚﻛﯜﻣﻪﺕ ﯞﻩ ﻫﻪﺭ ﻣﯩﻠﻠﻪﺕ ﺧﻪﻟﻘﯩﻨﯩﯔ ﺋﯩﻘﺘﯩﺴﺎﺩﻯ ﻳﯜﻛﯩﻨﻰ ﻳﯧﻨﯩﻜﻠﯩﺘﯩﺶ" ﺩﻩﭖ ﺳﯜﺭﻩﺗﻠﻪﭖ ﻛﻪﻟﻤﻪﻛﺘﻪ ﯞﻩ ﺑﯩﯖﺘﯜﻩﻥ " ﻳﻪﺭﻟﯩﻜﺘﯩﻦ ﻣﻪﻧﭙﻪﺋﻪﺕ ﺗﺎﻻﺷﻤﺎﺳﻠﯩﻖ" ﻣﻪﺳﻠﯩﻜﯩﻨﯩﯔ ﺭﻭﻫﻰ ﺑﻮﻳﯩﭽﻪ ﻳﻪﺭﻟﯩﻚ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﯩﮕﻪ ﺩﻩﺧﻠﻰ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﻗﺎﻳﺘﺎ-ﻗﺎﻳﺘﺎ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ.
ﻫﺎﻟﺒﯘﻛﻰ، ﺋﯚﺗﻜﻪﻥ 50 ﻧﻪﭼﭽﻪ ﻳﯩﻞ ﺟﻪﺭﻳﺎﻧﯩﺪﺍ ﺑﯩﯖﺘﯜﻩﻥ ﺋﯚﺯﻯ ﺋﯩﮕﯩﻠﯩﮕﻪﻥ ﺯﯦﻤﯩﻨﻨﻰ ﺋﯜﺯﻟﯜﻛﺴﯩﺰ ﻛﯧﯖﻪﻳﺘﯩﭗ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺏ‏ - ﺷﯩﻤﺎﻟﯩﺪﯨﻜﻰ ﺑﯩﭙﺎﻳﺎﻥ ﻣﯘﻧﺒﻪﺕ ﺗﯘﭘﺮﺍﻗﻨﻰ، ﻣﻮﻝ ﺳﯘ ﻣﻪﻧﺒﯩﻴﯩﻨﻰ ﭼﺎﯕﮕﯩﻠﯩﻐﺎ ﻛﯩﺮﮔﯜﺯﯛﭖ، ﻳﻪﺭﻟﯩﻚ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﻰ، ﻫﺎﻳﺎﺗﻰ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺑﯩﺌﯩﻲ ﺟﯘﻏﺮﺍﭘﯩﻴﯩﻠﯩﻚ ﻣﯘﻫﯩﺘﯩﻐﺎ ﺋﻪﺟﻪﻟﻠﯩﻚ ﺗﻪﻫﺪﯨﺖ ﺳﯧﻠﯩﭗ ﻛﻪﻟﻤﻪﻛﺘﻪ.
ﺑﯩﯖﺘﯜﻩﻥ ﻗﺎﺭﻣﯩﻘﯩﺪﯨﻜﻰ ﺷﯩﺨﻪﻧﺰﻩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﺎﺑﯩﻖ ﺋﻮﻗﯘﺗﻘﯘﭼﯩﺴﻰ ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﻲ ﺋﯩﻠﺸﺎﺕ ﺋﻪﭘﻪﻧﺪﻯ، ﺑﯩﯖﺘﯜﻩﻧﯩﻨﯩﯔ " ﻳﻪﺭﻟﯩﻚ ﺧﻪﻟﻘﻨﯩﯔ ﺋﯩﻘﺘﯩﺴﺎﺩﻯ ﻳﯜﻛﯩﻨﻰ ﻳﯧﻨﯩﻜﻠﯩﺘﯩﺶ" ﺷﻮﺋﺎﺭﯨﻨﻰ ﺋﯩﻨﻜﺎﺭ ﻗﯩﻠﯩﭗ ﺋﯘﻻﺭﻧﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﻣﯘﻧﺒﻪﺕ ﻳﻪﺭﻟﻪﺭﻧﻰ ﺋﻪﯓ ﮔﯜﺯﻩﻝ ﻳﺎﻳﻼﻗﻼﺭﻧﻰ ﺋﯩﮕﯩﻠﯩﮕﻪﻧﻠﯩﻜﯩﻨﻰ ﻣﯩﺴﺎﻝ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﻫﺎﺯﯨﺮ ﻳﻪﺭﻟﯩﻚ ﭼﺎﺭﯞﯨﭽﯩﻼﺭﻧﯩﯔ ﻳﺎﻳﻼﻗﻘﺎ ﻣﺎﻝ ﭼﯩﻘﯩﺮﯨﺸﻘﺎ ﺗﻮﻏﺮﺍ ﻛﻪﻟﺴﻪ ﺑﯩﯖﺘﯜﻩﻥ ﺩﺍﺋﯩﺮﯨﻠﯩﺮﯨﮕﻪ ﻫﻪﻕ ﺗﯚﻟﻪﺷﻜﻪ ﻣﻪﺟﺒﯘﺭ ﺋﯩﻜﻪﻧﻠﯩﻜﻨﻰ ﻗﻮﺷﯘﻣﭽﻪ ﻗﯩﻠﺪﻯ.
ﺧﻮﺗﻪﻧﮕﻪ ﺟﺎﻳﻼﺷﻘﺎﻥ 244 - ﻣﻪﻳﺪﺍﻥ 3 ﻳﯩﻠﺪﺍ 217 ﻣﯩﯔ 300 ﻣﻮ ﻳﻪﺭ ﺋﯧﮕﯩﻠﯩﮕﻪﻥ
ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﻩ ﺑﯩﯖﺘﯜﻩﻥ ﻗﯘﺭﯗﻟﯘﺷﯩﻨﻰ ﺋﯜﺯﻟﯜﻛﺴﯩﺰ ﻛﯧﯖﻪﻳﺘﯩﯟﺍﺗﻘﺎﻥ ﺑﻮﻟﯘﭖ، ﭘﻪﻗﻪﺕ 2004 - ﻳﯩﻠﻰ 3 - ﺋﺎﻳﺪﺍ ﻳﯧﯖﯩﺪﯨﻦ ﻗﯘﺭﯗﺵ ﺑﺎﺷﻼﻧﻐﺎﻥ 244 - ﺗﯜﻩﻥ، 3 ﻳﯩﻠﻐﺎ ﻳﻪﺗﻤﯩﮕﻪﻥ ﯞﺍﻗﺘﻰ ﺋﯩﭽﯩﺪﻩ 217 ﻣﯩﯔ 300 ﻣﻮ ﻳﻪﺭ ﺋﯩﮕﯩﻠﻪﭖ ﺋﺎﺩﻩﻡ ﻛﯚﭼﯜﺭﯛﭖ ﻳﻪﺭﻟﻪﺷﺘﯜﺭﯛﺷﻜﻪ ﺑﺎﺷﻠﯩﻐﺎﻥ.
ﮔﻪﺭﭼﻪ ﺋﯘﻳﻐﯘﺭ ﺋﯧﻠﯩﻨﯩﯔ ﺋﻮﻣﯘﻣﻰ ﻳﻪﺭ ﻣﻪﻳﺪﺍﻧﻰ 1 ﻣﯩﻠﻴﻮﻥ 600 ﻣﯩﯔ ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﺑﻮﻟﺴﯩﻤﯘ، ﺋﻪﻣﻤﺎ ﺋﺎﺩﻩﻡ ﻳﺎﺷﺎﺷﻘﺎ ﺑﺎﺏ ﻛﯧﻠﯩﺪﯨﻐﺎﻥ ﺑﻮﺳﺘﺎﻧﻠﯩﻘﻨﯩﯔ ﺋﺎﻧﭽﻪ ﻛﻮﭖ ﺋﻪﻣﻪﺳﻠﯩﻜﻰ ﻫﻪﻣﻤﯩﻤﯩﺰﮔﻪ ﺋﺎﻳﺎﻥ. ﺋﯘﻧﺪﺍﻗﺘﺎ ﺋﯘﻳﻐﯘﺭ ﺋﯧﻠﯩﺪﻩ ﺗﯧﺮﯨﻠﻐﯘ ﻳﻪﺭ ﺯﺍﺩﻯ ﻗﺎﻧﭽﯩﻠﯩﻚ؟ ﺑﯩﯖﺘﯜﻩﻥ ﺋﯘﻳﻐﯘﺭ ﺋﯩﻠﻰ ﺑﻮﺳﺘﺎﻧﻠﯩﻘﻨﯩﯔ ﻗﺎﻧﭽﯩﻠﯩﻚ ﻗﯩﺴﻤﯩﻨﻰ ﺋﯩﮕﯩﻠﯩﯟﺍﻟﻐﺎﻥ؟ ﻫﯚﺭﻣﻪﺗﻠﯩﻚ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ، ﻛﯧﻠﻪﺭ ﻗﯧﺘﯩﻤﻠﯩﻖ ﭘﺮﻭﮔﺮﺍﻣﻤﯩﻤﯩﺰﺩﺍ ﺑﯘ ﻫﻪﻗﺘﻪ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﻤﯩﺰ.

ﺋﯘﻳﻐﯘﺭ ﺋﯩﻠﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﻳﯚﺗﻜﻪﭖ ﺋﻪﻣﮕﻪﻛﻜﻪ ﺳﯧﻠﯩﻨﻐﺎﻥ ﻗﯩﺰﻻﺭﻧﯩﯔ ﺑﯩﺮ ﻗﯩﺴﯩﻤﻰ ﻗﺎﻳﺘﯩﭗ ﻛﻪﻟﺪﻯ

ﺋﯘﻳﻐﯘﺭ ﺋﯩﻠﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﻳﯚﺗﻜﻪﭖ ﺋﻪﻣﮕﻪﻛﻜﻪ ﺳﯧﻠﯩﻨﻐﺎﻥ ﻗﯩﺰﻻﺭﻧﯩﯔ ﺑﯩﺮ ﻗﯩﺴﯩﻤﻰ ﻗﺎﻳﺘﯩﭗ ﻛﻪﻟﺪﻯ
2007.12.11
ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﺑﻪﺭﮔﻪﻥ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، 10 - ﺩﯦﻜﺎﺑﯩﺮ ﺧﯩﺘﺎﻳﻨﯩﯔ ﺟﯧﺠﻴﺎﯓ ﺋﯚﻟﻜﯩﺴﻰ ﭘﯩﯖﺨﯘ ﺷﻪﻫﯩﺮﯨﮕﻪ ﺟﺎﻳﻼﺷﻘﺎﻥ ﻣﻪﻟﯘﻡ ﺯﺍﯞﯗﺗﻘﺎ ﺋﯩﺸﻠﻪﻣﭽﯩﻠﯩﻜﻜﻪ ﺋﯧﻠﯩﭗ ﻛﯧﺘﯩﻠﮕﻪﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﻗﯩﺰﻟﯩﺮﻯ ﻳﯘﺭﺗﯩﻐﺎ ﻗﺎﻳﺘﯩﭗ ﻛﻪﻟﮕﻪﻥ. ﺑﯘ ﻧﯚﯞﻩﺕ ﻗﺎﻳﺘﯩﭗ ﻛﻪﻟﮕﻪﻥ ﻗﯩﺰﻻﺭﻧﯩﯔ ﻛﯚﭘﯩﻨﭽﯩﺴﻰ ﻳﯧﯖﯩﺴﺎﺭ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﯨﻦ ﺑﯘ ﻳﯩﻞ 3- ﺋﺎﻳﺪﺍ ﺧﯩﺘﺎﻳﻨﯩﯔ ﺟﯧﺠﻴﺎﯓ ﺋﯚﻟﻜﯩﺴﯩﮕﻪ ﺋﯧﻠﯩﭗ ﻛﯧﺘﯩﻠﮕﻪﻥ ﺑﻮﻟﯘﭖ، ﺑﯘ ﻗﯩﺰﻻﺭﻧﯩﯔ ﺋﺎﺷﯘ ﺋﯚﺗﻜﻪﻥ 9 ﺋﺎﻱ ﺟﻪﺭﻳﺎﻧﯩﺪﺍ ﺧﯩﺘﺎﻱ ﺋﯚﻟﻜﯩﺴﯩﺪﻩ ﻧﯧﻤﻪ ﺋﯩﺸﻼﺭﻏﺎ ﺳﯧﻠﯩﻨﻐﺎﻧﻠﯩﻘﻰ ﯞﻩ ﺧﯩﺰﻣﻪﺕ ﺗﻪﺭﺗﯩﭙﯩﻨﯩﯔ ﻗﺎﻧﺪﺍﻗﻠﯩﻘﻰ ﺗﯧﺨﻰ ﻧﯘﺭﻏﯘﻥ ﺋﺎﺩﻩﻣﻠﻪﺭﮔﻪ ﻗﺎﺭﺍﯕﻐﯘ. ﻫﺎﻟﺒﯘﻛﻰ، ﺑﯩﺰ ﺑﯘﺭﯗﻥ ﺧﯩﺘﺎﻱ ﺯﺍﯞﯗﺗﻠﯩﺮﯨﺪﯨﻦ ﻗﯧﭽﯩﭗ ﻛﻪﻟﮕﻪﻥ ﺋﯘﻳﻐﯘﺭ ﻗﯩﺰﻻﺭﺩﯨﻦ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺋﯘﻻﺭ ﺟﯩﺴﻤﺎﻧﯩﻲ ﺧﻮﺭﻟﯘﻗﻘﺎ ﺋﯘﭼﺮﯨﻐﺎﻥ ﺋﯩﻜﻪﻥ.
ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯩﻠﻜﯩﺪﯨﻜﻰ ﻫﯚﻛﯜﻣﯩﺘﻰ ﯞﻩ ﻳﻪﺭﻟﯩﻚ ﻫﯚﻛﯜﻣﻪﺕ ﺋﺎﭘﭙﺎﺭﺍﺗﻠﯩﺮﻯ 2006- ﻳﯩﻠﯩﻨﯩﯔ ﺋﺎﺧﯩﺮﯨﺪﯨﻦ ﺑﺎﺷﻼﭘﻼ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻣﻪﺟﺒﯘﺭﯨﻲ ﺗﻮﺷﯘﭖ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﺑﯘ ﻗﯩﻠﻤﯩﺸﻰ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻗﺎﺗﺘﯩﻖ ﺋﻪﻧﺪﯨﺸﯩﮕﻪ ﺳﺎﻟﻐﺎﻥ ﯞﻩ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺗﯩﺮﯨﺸﭽﺎﻧﻠﯩﻘﻰ ﺋﺎﺭﻗﯩﺴﯩﺪﺍ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ ﺋﯩﺪﻯ.
ﺋﺎﻣﯧﺮﯨﻜﺎ ﺗﺎﺷﯩﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻜﯩﮕﻪ ﻗﺎﺭﺷﻰ ﺗﯘﺭﯗﺵ ﯞﻩ ﻛﯚﺯﯨﺘﯩﺶ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ، ﺑﺎﺵ ﺋﻪﻟﭽﻰ ﻣﺎﺭﻙ ﻟﻮﮔﺎﻥ، ﺋﯘﻳﻐﯘﺭﻻﺭﻧﯩﯔ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻚ ﻗﯩﻠﻤﯩﺸﯩﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺋﯘﻳﻐﯘﺭ ﻗﯩﺰﻻﺭﻧﻰ ﻣﻪﯞﺟﯘﺕ ﺷﻪﺭﺗﻠﻪﺭ ﺑﯩﻠﻪﻥ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺋﯩﺸﻠﻪﺷﻜﻪ ﻣﻪﺟﺒﯘﺭﯨﻲ ﻳﯚﺗﻜﻪﺵ ﻫﻪﺭﯨﻜﯩﺘﻰ ﺭﺍﺳﺖ ﺑﻮﻟﺴﺎ، ﺑﯘ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻚ ﻗﯩﻠﻤﯩﺸﯩﻐﺎ ﻳﺎﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.
ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﻨﯩﯔ ﺑﯘ ﺑﯩﺮ ﺗﯜﺭﻛﯜﻡ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺗﯘﻳﯘﻗﺴﯩﺰ ﻳﯚﺗﻜﻪﭖ ﻛﯧﻠﯩﺸﻰ ﻗﺎﻧﺪﺍﻗﺘﯘﺭ ﺑﯩﺮ ﺗﺎﺳﺎﺩﯨﭙﯩﻲ ﺋﻪﻫﯟﺍﻝ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺧﯩﺘﺎﻱ ﻣﯘﺷﯘ ﺟﻪﻫﻪﺗﺘﻪ ﺑﺎﺷﻘﺎ ﺋﻪﻟﻠﻪﺭﻧﯩﯔ ﺑﯧﺴﯩﻤﯩﻐﺎ ﺋﯘﭼﺮﯨﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ ﺋﯩﻜﻪﻥ.
ﺩﯨﻠﺸﺎﺕ ﺭﯨﺸﯩﺖ ﻳﻪﻧﻪ، ﮔﻪﺭﭼﻪ ﺧﯩﺘﺎﻳﻨﯩﯔ ﻣﻪﺯﻛﯘﺭ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﺑﯩﺮ ﻗﯩﺴﻤﯩﻨﻰ ﻗﺎﻳﺘﯘﺭﯗﭖ ﻛﯧﻠﯩﭗ ﺑﺎﺭﻟﯩﻖ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﯨﺪﺍ ﺗﻪﺷﯟﯨﻖ ﻗﯩﻠﯩﺸﯩﺪﯨﻜﻰ ﺳﻪﯞﻩﺑﻨﻰ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﻰ ﺋﺎﻟﺪﺍﺵ ﯞﻩ ﺗﯧﺨﯩﻤﯘ ﻛﯚﭖ ﻗﯩﺰﻻﺭﻧﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯧﻠﯩﭗ ﻛﯩﺘﯩﺸﯩﺪﯨﻜﻰ ﻫﯧﻠﯩﺴﻰ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﺑﯩﺮ ﺗﯜﺭﻛﯜﻡ ﻗﯩﺰﻻﺭﻧﯩﯔ ﺋﯚﺯ ﻳﯘﺭﺗﻠﯩﺮﯨﻐﺎ ﻗﺎﻳﺘﯩﭗ ﻛﯧﻠﯩﺸﻰ ﻳﻪﻧﯩﻼ ﻳﺎﺧﺸﻰ ﺋﯩﺶ ﺋﯩﻜﻪﻥ.

ﻛﻮﺳﻮﯞﺍ ﺋﺎﻟﺒﺎﻧﻠﯩﺮﻯ ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻠﻠﯩﻖ ﺟﺎﻛﺎﺭﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ

10- ﺩﯦﻜﺎﺑﯩﺮ ﻛﯜﻧﻰ ﻣﯩﯖﻠﯩﻐﺎﻥ ﻛﯩﺸﻰ ﻛﻮﺳﻮﯞﺍ ﭘﺎﻳﺘﻪﺧﺘﻰ ﭘﺮﯨﺴﺘﯩﻨﺎﺩﺍ ﻧﺎﻣﺎﻳﯩﺶ ﻗﯩﻠﯩﭗ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺑﯧﺮﯨﻠﮕﻪﻥ ﯞﻩﺩﯨﻠﻪﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﻨﻰ ﺗﻪﻟﻪﭖ ﻗﯩﻠﯩﭗ ﻛﻮﺳﻮﯞﺍ ﺭﻩﻫﺒﻪﺭﻟﯩﺮﯨﮕﻪ ﺑﯧﺴﯩﻢ ﺋﯩﺸﻠﻪﺗﺘﻰ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻛﻮﺳﻮﯞﺍﻧﯩﯔ ﺗﻪﻗﺪﯨﺮﯨﻨﻰ ﺑﻪﻟﮕﯩﻠﻪﺵ ﺗﻮﻏﺮﯨﺴﯩﺪﺍ ﻛﯧﻠﯩﺸﯩﻢ ﻫﺎﺳﯩﻞ ﻗﯩﻠﯩﺪﯨﻐﺎﻥ ﺋﺎﺧﯩﺮﻗﻰ ﭼﯧﻜﻰ 10- ﺩﯦﻜﺎﺑﯩﺮ ﺗﻮﺷﯘﭖ، ﻛﻮﺳﻮﯞﺍﻧﯩﯔ ﺗﻪﻗﺪﯨﺮﻯ ﺗﻮﻏﺮﯨﺴﯩﺪﺍ ﻫﯧﭽﻘﺎﻧﺪﺍﻕ ﺑﯩﺮ ﻗﺎﺭﺍﺭ ﺋﯧﻠﯩﻨﻤﯩﻐﺎﻧﺪﯨﻦ ﻛﯩﻴﯩﻦ، ﻛﻮﺳﻮﯞﺍﻟﯩﻖ ﺋﺎﻟﺒﺎﻧﻼﺭ ﺋﯚﺯﻟﯩﺮﯨﻨﯩﯔ ﻏﻪﺭﺑﺘﯩﻜﻰ ﻗﻮﻟﻠﯩﻐﯘﭼﯩﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﭖ ﺳﯧﺮﺑﯩﻴﯩﺪﯨﻦ ﺋﺎﻳﺮﯨﻠﯩﭗ ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻠﻠﯩﻖ ﺟﺎﻛﺎﺭﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺋﻪﻣﻤﺎ ﻛﻮﺳﻮﯞﺍ ﺋﺎﻟﺒﺎﻧﻠﯩﺮﯨﻨﯩﯔ ﺑﯘ ﺧﯩﻞ ﻣﻪﻳﺪﺍﻧﯩﻐﺎ ﻗﺎﺭﯨﺘﺎ ﺭﯗﺳﯩﻴﻪ ﻛﻮﺳﻮﯞﺍﻧﯩﯔ ﺋﯚﺯ ﺑﯧﺸﯩﻤﭽﯩﻠﯩﻖ ﺑﯩﻠﻪﻥ ﺋﯧﻼﻥ ﻗﯩﻠﻐﺎﻥ ﻣﯘﺳﺘﻪﻗﯩﻠﻠﯩﻘﻰ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﺯﻩﻧﺠﯩﺮﺳﯩﻤﺎﻥ ﺋﯩﻨﻜﺎﺱ ﭘﻪﻳﺪﺍ ﻗﯩﻠﯩﺪﯗ ﺩﻩﭖ ﺋﺎﮔﺎﻫﻼﻧﺪﯗﺭﯗﺵ ﺑﻪﺭﺩﻯ.
ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﻯ، ﺭﯗﺳﯩﻴﻪ ﯞﻩ ﺳﯧﺮﺑﯩﻴﻪﻟﻪﺭﻧﯩﯔ ﻛﯜﭼﻠﯜﻙ ﻗﺎﺭﺷﯩﻠﯩﻘﯩﻐﺎ ﻗﺎﺭﯨﻤﺎﻱ ﻛﻮﺳﻮﯞﺍﻧﻰ ﺑﯩﺮ ﻳﺎﯞﺭﻭﭘﺎ ﺩﯙﻟﯩﺘﻰ ﺩﻩﭖ ﺗﻮﻧﯘﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﯞﻩﺩﻩ ﺑﯧﺮﯨﭗ ﻛﻮﺳﻮﯞﺍ ﻣﯘﺳﺘﻪﻗﯩﻠﻠﯩﻘﯩﻨﯩﯔ ﻣﯘﻣﻜﯩﻨﭽﯩﻠﯩﻜﯩﻨﻰ ﺋﺎﺷﻜﺎﺭﯨﻠﯩﻐﺎﻥ.
ﺋﺎﯞﺳﺘﺮﺍﻟﯩﻴﯩﺪﻩ ﭼﯩﻘﯩﺪﯨﻐﺎﻥ ﻧﻮﭘﯘﺯﻟﯘﻕ ﮔﯧﺰﯨﺖ ﺋﺎﯞﺳﺘﺮﺍﻟﯩﻴﺎﻥ ﮔﯧﺰﯨﺘﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﻛﻮﺳﻮﯞﺍﻧﯩﯔ ﺳﯧﺮﺑﯩﻴﻪ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ ﯞﻩﻛﯩﻠﻠﻪﺭ ﺋﯚﻣﯩﻜﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺋﯩﺴﻜﻪﻧﺪﻩﺭ ﻫﻴﺴﻪﻧﯩﻲ ﭘﺮﯨﺴﺘﯩﻨﺎﺩﺍ ﻣﯘﻧﺪﺍﻕ ﺩﯦﮕﻪﻥ: " ﺑﯜﮔﯜﻧﺪﯨﻦ ﺑﺎﺷﻼﭖ ﻛﻮﺳﻮﯞﺍ ﺋﯚﺯﯨﻨﯩﯔ ﻣﯘﻫﯩﻢ ﺧﻪﻟﻘﺌﺎﺭﺍﻟﯩﻖ ﺷﯧﺮﯨﻜﻠﯩﺮﻯ ﺑﯩﻠﻪﻥ ﻛﻮﺳﻮﯞﺍﻧﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺋﺎﻟﯩﺪﯨﻐﺎﻥ ﺋﯩﻜﻜﯩﻨﭽﻰ ﻗﻪﺩﯨﻤﻰ ﻫﻪﻗﻘﯩﺪﻩ ﺳﯚﻫﺒﯩﺘﯩﻨﻰ ﺑﺎﺷﻼﻳﺪﯗ " .
ﺋﯘ ﻳﻪﻧﻪ: " ﻛﻮﺳﻮﯞﺍ ﯞﻩ ﻛﻮﺳﻮﯞﺍ ﺧﻪﻟﻘﻰ ﺋﯚﺯ ﻛﻪﻟﮕﯜﺳﯩﻨﻰ ﺭﻭﺷﻪﻥ ﺑﯩﻠﯩﺸﻜﻪ ﺗﻪﺷﻨﺎ . ﻛﻮﺳﻮﯞﺍ ﺋﺎﺳﺎﺳﯩﻲ ﻗﺎﻧﯘﻧﻰ ﺷﯘ ﺧﯩﻞ ﺭﻭﺷﻪﻧﻠﯩﻜﻨﻰ ﺋﯘﺯﯗﻧﻐﺎ ﻗﺎﻟﻤﺎﻱ ﺟﺎﻛﺎﺭﻻﻳﺪﯗ" ﺩﯦﮕﻪﻥ.
ﻣﻪﻟﯘﻡ ﺑﻮﻟﯘﺷﯩﭽﻪ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﻣﯩﻨﯩﺴﺘﯩﺮﻟﯩﺮﻯ 10 - ﺩﯦﻜﺎﺑﯩﺮ ﺑﯩﻠﮕﯩﻴﯩﻨﯩﯔ ﺑﺮﯗﺳﺴﯧﻞ ﺷﻪﻫﯩﺮﯨﮕﻪ ﻳﯩﻐﯩﻠﯩﭗ ﻛﻮﺳﻮﯞﺍﻧﯩﯔ ﻣﯘﺳﺘﻪﻗﯩﻠﻠﯩﻘﻰ ﻫﻪﻗﻘﯩﺪﻩ ﭘﯩﻜﯩﺮ ﺑﯩﺮﻟﯩﻜﻰ ﻫﺎﺳﯩﻞ ﻗﯩﻠﯩﺶ ﺋﯜﭼﯜﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﻣﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭﻻﺭ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﯞﺍﺷﯩﻨﮕﺘﻮﻧﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﺧﺎﺗﯩﺮﯨﻠﯩﺪﻯ

2007 - ﻳﯩﻠﻰ 10 - ﺩﯦﻜﺎﺑﯩﺮ، ﺩﯛﺷﻪﻧﺒﻪ ﻛﯜﻧﻰ، ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻗﻰ ﺋﻮﻣﯘﻣﻰ ﺋﻪﻫﺪﯨﻨﺎﻣﯩﺴﻰ ﻣﺎﻗﯘﻟﻼﻧﻐﺎﻧﻠﯩﻘﯩﻨﯩﯔ 59 ﻳﯩﻠﻠﯩﻘﻰ ﺗﻮﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﺩﻩﯞﺭﯨﻤﯩﺰﺩﻩ ﻳﻪﻧﯩﻼ ﺗﺎﻻﺵ - ﺗﺎﺭﺗﯩﺸﺘﯩﻜﻰ ﺯﻭﺭ ﻣﻪﺳﯩﻠﻪ ﺑﻮﻟﯘﭖ، ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﺩﯗﻧﻴﺎﻧﯩﯔ ﻧﯘﺭﻏﯘﻥ ﺟﺎﻳﻠﯩﺮﯨﺪﺍ ﺩﺍﯞﺍﻡ ﻗﯩﻠﻤﺎﻗﺘﺎ ﯞﻩ ﺑﯘ ﻧﯘﺭﻏﯘﻥ ﺗﻮﻗﯘﻧﯘﺷﻼﺭﻏﺎ ﺳﻪﯞﻩﺑﭽﻰ ﺑﻮﻟﻤﺎﻗﺘﺎ. ﺩﯛﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭ ﯞﺍﺷﯩﻨﮕﺘﻮﻧﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﺋﯚﺗﻜﯜﺯﮔﻪﻥ ﻧﺎﻣﺎﻳﯩﺶ ، ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻗﻰ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻗﻰ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻫﻪﺭﯨﻜﻪﺗﻠﻪﺭﻧﯩﯔ ﺑﯩﺮﯨﺪﯗﺭ.
ﺋﺎ ﺋﯘ ﺝ: ﺧﯩﺘﺎﻱ ﺋﻮﻟﯩﻤﭙﯩﻚ ﯞﻩﺩﯨﺴﯩﺪﻩ ﺗﯘﺭﻣﯩﺪﻯ
ﺋﺎﻣﯧﺮﯨﻜﯩﻨﯩﯔ ﺷﻪﺭﻗﯩﻲ ﺩﯦﯖﯩﺰ ﺳﺎﻫﯩﻠﯩﺪﯨﻜﻰ ﯞﺍﺷﯩﻨﮕﺘﻮﻥ ﺋﺎﻻﻫﯩﺪﻩ ﺭﺍﻳﻮﻧﻰ ﯞﻩ ﺋﯘﻧﯩﯔ ﺋﻪﺗﺮﺍﭘﯩﺪﺍ ﺋﻮﻟﺘﯘﺭﺍﻗﻼﺷﻘﺎﻥ ﺑﻪﻟﮕﯩﻠﯩﻚ ﺳﺎﻧﺪﯨﻜﻰ ﺋﯘﻳﻐﯘﺭ ﻣﯘﻫﺎﺟﯩﺮﻻﺭ، ﺑﯘ ﻳﯩﻠﻘﻰ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺧﯩﺘﺎﻳﻨﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﺑﺎﺵ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﯛﺵ ﺑﯩﻠﻪﻥ ﻛﯜﺗﯜﯞﺍﻟﺪﻯ. ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺗﻪﺷﻜﯩﻠﻠﯩﺸﯩﺪﯨﻜﻰ ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺶ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺷﻪﺭﺕ- ﺷﺎﺭﺍﺋﯩﺘﻰ ﻳﺎﺭ ﺑﻪﺭﮔﻪﻥ ﺋﻪﻟﻠﻪﺭﺩﻩ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻧﺎﻣﺎﻳﯩﺶ ﻗﯩﻠﯩﺶ ﭼﺎﻗﯩﺮﯨﻘﯩﻐﺎ ﺋﺎﺳﺎﺳﻪﻥ ﺋﻮﻳﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻏﺎ ﭘﺎﻛﯩﺘﺴﯩﺰ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﺶ ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ.
ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﻧﺎﻣﺎﻳﯩﺶ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﺪﺍ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﯨﻜﻰ ﻳﯩﻐﯩﻠﯩﺸﻨﯩﯔ ﻣﻪﻗﺴﯩﺪﻯ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯ ﯞﺍﻗﺘﯩﺪﺍ 2008 - ﻳﯩﻠﯩﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﻰ ﺑﯧﺮﯨﻠﺴﻪ، ﺋﯚﺯﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﺗﻮﻏﺮﯨﺴﯩﺪﺍ ﯞﻩﺩﻩ ﺑﻪﺭﮔﻪﻥ ﺑﻮﻟﺴﯩﻤﯘ،" ﺋﻪﻣﻤﺎ ﺑﯘ ﻣﯘﺳﺎﺑﯩﻘﯩﻨﻰ ﺋﯚﺗﻜﯜﺯﯛﺵ ﻫﻮﻗﯘﻗﯩﻐﺎ ﺋﯩﮕﻪ ﺑﻮﻟﯘﯞﯦﻠﯩﭙﻼ ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﺩﻩﭘﺴﻪﻧﺪﻩ ﻗﯩﻠﺪﻯ. ﺗﯧﺨﻰ ﺋﯩﻜﻜﻰ ﻫﻪﭘﺘﯩﻨﯩﯔ ﺋﺎﻟﺪﯨﺪﯨﻼ ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﺧﭙﯩﻲ ﺳﻮﺕ ﺋﯧﭽﯩﭗ، ﭘﺎﻛﯩﺘﺴﯩﺰ ﻫﺎﻟﺪﺍ 4 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ، ﺋﯩﻜﻜﯩﺴﯩﮕﻪ ﻛﯧﭽﯩﻜﺘﯜﺭﯛﭖ ﺋﯚﻟﯜﻡ ﺟﺎﺯﺍﺳﻰ ﺑﻪﺭﺩﻯ. ﺑﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﺋﯜﺯﻟﯜﻛﺴﯩﺰ ﺩﻩﭘﺴﻪﻧﺪﻩ ﻗﯩﻠﯩﺸﯩﻐﺎ ﻗﺎﺭﺍﭖ ﺋﻮﻟﺘﯘﺭﻣﺎﺳﻠﯩﻘﯩﻤﯩﺰ ﻛﯧﺮﻩﻙ " ﺩﻩﭖ ﺗﻪﻛﯩﺘﻠﯩﮕﻪﻥ.
ﺧﯩﺘﺎﻳﺪﺍ ﺳﯩﻴﺎﺳﻰ ﻣﻪﻫﺒﯘﺳﻼﺭ ﺳﺎﻧﻰ ﻛﯚﭘﻪﻳﮕﻪﻥ

ﯞﺍﺷﯩﻨﮕﺘﻮﻥ ﺋﻪﺗﺮﺍﭘﯩﺪﺍ ﺋﻮﻟﺘﯘﺭﺍﻗﻼﺷﻘﺎﻥ ﺋﯘﻳﻐﯘﺭﻻﺭ، ﺑﯘ ﻳﯩﻠﻘﻰ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺧﯩﺘﺎﻳﻨﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﺑﺎﺵ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﯛﺵ ﺑﯩﻠﻪﻥ ﻛﯜﺗﯜﯞﺍﻟﺪﻯ.

ﺋﺎﻣﯧﺮﯨﻜﺎ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺑﺎﺵ ﻛﺎﺗﯩﭙﻰ، ﺑﯘ ﻗﯧﺘﯩﻤﻘﻰ ﻳﯩﻐﯩﻠﯩﺸﻨﯩﯔ ﺭﯨﻴﺎﺳﻪﺗﭽﯩﺴﻰ ﺋﺎﻟﯩﻢ ﺳﯧﻴﯩﺘﻮﻑ، ﺭﺍﺩﯨﺌﻮﻣﯩﺰﻏﺎ ﺋﻪﻟﭽﯩﺨﺎﻧﺎ ﺋﺎﻟﺪﯨﺪﯨﻜﻰ ﻳﯩﻐﯩﻠﯩﺸﻨﯩﯔ ﻣﻪﻗﺴﯩﺪﻯ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺩﯨﻘﻘﯩﺘﯩﻨﻰ ﺧﯩﺘﺎﻳﻨﯩﯔ ﺋﯘﻳﻐﯘﺭ ﻣﻪﻫﺒﯘﺳﻼﺭﻏﺎ ﺋﯚﻟﯜﻡ ﺟﺎﺯﺍﺳﻰ ﯞﻩ ﺗﻪﻥ ﺟﺎﺯﺍﺳﻰ ﺑﯧﺮﯨﺶ ﻗﯩﻠﻤﯩﺸﯩﻐﺎ ﺗﺎﺭﺗﯩﺸﺘﯘﺭ، ﺩﯦﺪﻯ. ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺗﺎﻻﺷﻘﺎﻥ ﭼﺎﻏﺪﺍ ﺑﻪﺭﮔﻪﻥ ﯞﻩﺩﯨﻠﯩﺮﯨﺪﻩ ﺗﯘﺭﻣﯩﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ، ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﻛﯚﭖ ﻳﺎﺧﺸﯩﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﻪﺭﮔﻪ ﺯﻩﺭﺑﻪ ﺑﯧﺮﯨﺸﻨﻰ ﻛﯜﭼﻪﻳﺘﯩﺶ ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ.
ﺋﺎﻣﯧﺮﯨﻜﯩﻨﯩﯔ ﺳﺎﻥ - ﻓﺮﺍﻧﺴﯩﺴﻜﻮ ﺷﻪﻫﯩﺮﯨﺪﯨﻜﻰ ﺳﯚﻫﺒﻪﺕ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﺋﯚﺗﻜﻪﻥ ﺋﺎﻱ ﺋﯧﻼﻥ ﻗﯩﻠﻐﺎﻥ ﺑﯩﺮ ﺩﻭﻛﻼﺗﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺭﻩﺳﻤﯩﻲ ﺳﯩﻴﺎﺳﯩﻲ ﻣﻪﻫﺒﯘﺱ، ﺩﻩﭖ ﺋﯧﺘﯩﺮﺍﭖ ﻗﯩﻠﻐﺎﻥ ﺗﯜﺭﻣﯩﺪﯨﻜﻰ ﺳﯩﻴﺎﺳﯩﻲ ﺋﯚﻛﺘﯩﭽﯩﻠﻪﺭﻧﯩﯔ ﺳﺎﻧﻰ 2006 - ﻳﯩﻠﻰ ﺋﺎﻟﺪﯨﻨﻘﻰ ﻳﯩﻠﯩﻐﺎ ﻗﺎﺭﯨﻐﺎﻧﺪﺍ ﺑﯩﺮ ﻫﻪﺳﺴﻪ ﻛﯚﭘﻪﻳﮕﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ. ﺳﯚﻫﺒﻪﺕ ﻓﻮﻧﺪﻯ ﺟﻪﻣﺌﯩﻴﯩﺘﻰ ﺩﻭﻛﻼﺗﯩﺪﺍ ﺋﯘﻳﻐﯘﺭ ﺩﺍﯞﺍﺳﯩﻨﯩﯔ ﺭﻩﻫﺒﯩﺮﻯ، ﻛﯩﺸﯩﻠﯩﻚ ﻫﻮﻗﯘﻕ ﻳﯧﺘﻪﻛﭽﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺋﺎﻟﯩﻢ ﯞﻩ ﺋﺎﺑﻠﯩﻜﯩﻢ ﺋﺎﺑﺪﯗﺭﯦﻬﯩﻢ ﺋﯩﺴﯩﻤﻠﯩﻚ ﺋﻮﻏﯘﻟﻠﯩﺮﻯ ﻣﯘﺷﯘ ﻣﻪﺯﮔﯩﻠﺪﻩ "ﺑﯚﻟﮕﯜﻧﭽﯩﻠﯩﻚ" ﺑﯩﻠﻪﻥ ﺋﻪﻳﯩﺒﻠﯩﻨﯩﭗ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﮕﻪﻥ ﺋﯩﺪﻯ.
ﺋﯘﻳﻐﯘﺭ ﻧﺎﻣﺎﻳﯩﺸﭽﻰ: ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﯩﺪﯗ
ﺩﯛﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﻧﺎﻣﺎﻳﯩﺶ ﺋﯚﺗﻜﯜﺯﮔﻪﻥ ﺋﯘﻳﻐﯘﺭﻻﺭﻧﯩﯔ ﺑﯘ ﻳﻪﺭﮔﻪ ﻛﯧﻠﯩﺶ ﺳﻪﯞﻩﺑﻰ ﯞﻩ ﺋﻪﻧﺪﯨﺸﯩﺴﻰ ﺋﯘﻳﻐﯘﺭ ﺳﯩﻴﺎﺳﯩﻲ ﻣﻪﻫﺒﯘﺳﻠﯩﺮﯨﻨﻰ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﺶ ﺑﯩﻠﻪﻥ ﭼﻪﻛﻠﻪﻧﻤﻪﻳﺪﯗ. ﻗﺎﺳﯩﻢ ﺋﻪﭘﻪﻧﺪﻯ ﺋﻪﻟﭽﯩﺨﺎﻧﺎ ﺋﺎﻟﺪﯨﺪﯨﻜﻰ ﺋﯘﻳﻐﯘﺭ ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﯩﻨﯩﯔ ﺑﯩﺮ ﺋﻪﺯﺍﺳﻰ ﺑﻮﻟﯘﭖ، ﺋﯘ ﺭﺍﺩﯨﺌﻮﻣﯩﺰﻏﺎ ﺋﯘﻳﻐﯘﺭ ﻗﯩﺰﻟﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺋﯧﻐﯩﺮ ﺩﻩﭘﺴﻪﻧﺪﯨﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﻗﯩﺰﻻﺭﻧﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﻣﻪﺟﺒﯘﺭﯨﻲ ﻳﯚﺗﻜﻪﺷﻨﻰ ﺗﻮﺧﺘﯩﺘﯩﺸﯩﻨﻰ ﺗﻪﻟﻪﭖ ﻗﯩﻠﯩﺶ ﺋﯜﭼﯜﻥ ﺑﯘ ﻳﻪﺭﺩﻩ ﻫﺎﺯﯨﺮ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺧﯩﺰﻣﻪﺗﻜﻪ ﺋﻮﺭﯗﻧﻼﺷﺘﯘﺭﯗﺵ ﻧﺎﻣﻰ ﺋﺎﺳﺘﯩﺪﺍ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﻳﯚﺗﻜﻪﺵ ﺳﯩﻴﺎﺳﯩﺘﻰ ﺋﺎﺧﯩﺮﻗﻰ ﻛﯜﻧﻠﻪﺭﺩﻩ ﺗﺎﺷﻘﻰ ﺩﯗﻧﻴﺎﺩﯨﻜﻰ ﺋﯘﻳﻐﯘﺭﻻﺭ ﯞﻩ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﯨﻨﯩﯖﻼ ﺋﻪﻣﻪﺱ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﻫﻪﻡ ﺩﯨﻘﻘﯩﺘﯩﻨﻰ ﻗﻮﺯﻏﺎﯞﺍﺗﻘﺎﻥ ﻣﻪﺳﯩﻠﻪ ﺑﻮﻟﯘﭖ ﻗﺎﻟﻤﺎﻗﺘﺎ ﺋﯩﺪﻯ.
ﻻﮔﻮﻥ: ﺗﯘﻏﯘﺕ ﻳﯧﺸﯩﺪﯨﻜﻰ ﻳﺎﺷﻼﺭﻧﻰ ﺋﯩﭽﻜﯩﺮﯨﮕﻪ ﻳﯚﺗﻜﻪﺵ ﺗﺎﺳﺎﺩﺩﯨﭙﯩﻲ ﺋﻪﻣﻪﺱ
ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻜﯩﮕﻪ ﻗﺎﺭﺷﻰ ﺗﯘﺭﯗﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ، ﺑﺎﺵ ﺋﻪﻟﭽﻰ ﻣﺎﺭﻙ ﻻﮔﻮﻥ، ﺋﯚﺗﻜﻪﻥ ﻫﻪﭘﺘﻪ ﺋﺎﻣﯧﺮﯨﻜﺎ ﺟﻮﻥ ﺧﻮﭘﻜﯧﻨﺲ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭ ﻣﻪﻛﺘﯩﭙﯩﺪﯨﻜﻰ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻚ ﺳﻮﺩﯨﺴﯩﻨﻰ ﺗﯧﻤﺎ ﻗﯩﻠﻐﺎﻥ ﺑﯩﺮ ﻳﯩﻐﯩﻨﺪﺍ ﺋﯘﻳﻐﯘﺭ ﻗﯩﺰﻟﯩﺮﯨﻨﻰ ﺋﯩﭽﻜﯩﺮﻯ ﺋﯚﻟﻜﯩﻠﻪﺭﮔﻪ ﻳﯚﺗﻜﻪﺵ ﻣﻪﺳﯩﻠﯩﺴﯩﻨﻰ ﺗﯩﻠﻐﺎ ﺋﯧﻠﯩﭗ، ﺑﻮﻟﯘﭘﻤﯘ ﺗﯘﻏﯘﺕ ﻳﯧﺸﯩﺪﯨﻜﻰ ﺋﯘﻳﻐﯘﺭ ﻗﯩﺰﻻﺭﻧﻰ ﺋﯩﭽﻜﯩﺮﯨﮕﻪ ﻳﯚﺗﻜﻪﺵ ﺑﯩﺮ ﺗﺎﺳﺎﺩﺩﯨﭙﯩﻲ ﯞﻩﻗﻪ ﺋﻪﻣﻪﺱ، ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.
ﻣﺎﺭﻙ ﻻﮔﻮﻥ، ﺷﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ: "ﻣﻪﻥ ﺋﯚﺯﻩﻣﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﯩﯔ ﻣﯘﺗﻪﺧﻪﺳﺴﯩﺴﻰ ﺩﯨﻴﻪﻟﻤﯩﺴﻪﻣﻤﯘ، ﻟﯧﻜﯩﻦ ﻣﻪﻥ ﺭﺍﺑﯩﻴﻪ ﻗﺎﺩﯨﺮ ﺑﯩﻠﻪﻥ ﭘﺎﺭﺍﯕﻼﺷﻘﺎﻥ. ﺋﯘﻧﻰ ﻣﯩﯖﻠﯩﻐﺎﻥ ﻳﺎﺵ ﻗﯩﺰﻻﺭﻧﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺋﻪﺗﻜﻪﺳﭽﯩﻠﯩﻚ ﻳﻮﻟﻰ ﺑﯩﻠﻪﻥ ﺧﯩﺘﺎﻳﻼﺭﻧﯩﯔ ﻧﻪﺯﯨﺮﯨﺪﯨﻜﻰ ﺷﯩﻨﺠﺎﯕﺪﯨﻦ ﺋﯩﭽﻜﯩﺮﯨﺪﯨﻜﻰ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﭖ ﻛﯧﻠﯩﯟﺍﺗﻘﺎﻧﻠﯩﻘﻰ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ. ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﻳﯚﺗﻜﻪﭖ ﻛﯧﻠﯩﭗ ﺋﯘﻻﺭﻧﻰ ﻳﺎﺧﺸﻰ ﺧﯩﺰﻣﻪﺗﻜﻪ ﺋﻮﺭﯗﻧﻼﺷﺘﯘﺭﯗﺵ، ﻳﺎﺵ ﺋﯘﻳﻐﯘﺭ ﻗﯩﺰﻻﺭﻧﻰ ﺑﻮﻟﺴﺎ ﺋﯩﭽﻜﯩﺮﯨﮕﻪ ﻳﯚﺗﻜﻪﺷﻨﻰ ﺗﺎﺳﺎﺩﺩﯨﭙﯩﻲ، ﺩﯦﮕﯩﻠﻰ ﺑﻮﻟﻤﺎﻳﺪﯗ. ﭼﯜﻧﻜﻰ ﺋﯘﻻﺭﻧﯩﯔ ﻛﯚﭘﭽﯩﻠﯩﻜﻰ ﺗﯘﻏﯘﺕ ﻳﯧﺸﯩﺪﯨﻜﻰ ﻳﺎﺷﻼﺭﺩﯗﺭ "ﺩﯦﮕﻪﻥ ﺋﯩﺪﻯ.
ﺋﺎﻣﯧﺮﯨﻜﺎ : ﺑﯩﺰ ﺋﯚﺯ ﺧﻪﻟﻘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﻰ ﻗﻮﻏﺪﯨﻐﯘﭼﯩﻠﯩﺮﻯ ﺳﯧﭙﯩﺪﻩ
ﺧﯩﺘﺎﻳﻨﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺶ ﺳﺎﺋﻪﺕ 3:00 ﻟﻪﺭﺩﻩ ﺑﺎﺷﻠﯩﻨﯩﭗ، ﺳﺎﺋﻪﺕ 6:00 ﻟﻪﺭﮔﻪ ﻗﻪﺩﻩﺭ ﺩﺍﯞﺍﻡ ﻗﯩﻠﺪﻯ. ﯞﺍﺷﯩﻨﮕﺘﻮﻧﺪﯨﻜﻰ ﺋﯘﻳﻐﯘﺭﻻﺭ ﺩﯗﻧﻴﺎ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﺪﺍ ﺧﺎﺗﯩﺮﻟﯩﮕﻪﻥ ﺷﯘ ﻛﯜﻧﻰ، ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﻳﻪﺭ ﺷﺎﺭﯨﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻛﯩﺸﯩﻠﯩﻚ ﻫﻮﻗﯘﻕ ﺋﯜﭼﯜﻥ ﻗﯘﺭﺑﺎﻥ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﻪﺭﮔﻪ ﺋﯧﻬﺘﯩﺮﺍﻡ ﺑﯩﻠﺪﯛﺭﺩﻯ. ﺑﺎﻳﺎﻧﺎﺗﺘﺎ " ﺑﯩﺰ ﺋﯚﺯ ﺧﻪﻟﻘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻰ ﺋﯜﭼﯜﻥ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﻨﯩﺶ، ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﺍﺵ، ﻗﻮﻟﻐﺎ ﺋﯧﻠﯩﻨﯩﺶ ﯞﻩ ﺋﯚﻟﯜﻡ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﯩﺶ ﺧﻪﯞﭘﯩﮕﻪ ﺗﻪﯞﻩﻛﻜﯜﻝ ﻗﯩﻠﯩﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﯨﻐﯘﭼﯩﻼﺭﻧﯩﯔ ﺧﯩﺰﻣﯩﺘﯩﮕﻪ ﻳﯜﻛﺴﻪﻙ ﺑﺎﻫﺎ ﺑﯧﺮﯨﻤﯩﺰ " ﺩﻩﭖ ﻛﯚﺭﺳﻪﺗﺘﻰ.
ﻗﯩﺶ ﭘﻪﺳﻠﯩﻨﯩﯔ ﻳﯧﺘﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻐﺎ ﻗﺎﺭﯨﻤﺎﻱ، ﯞﺍﺷﯩﻨﮕﺘﻮﻧﺪﺍ ﺷﯘ ﻛﯜﻧﻜﻰ ﻫﺎﯞﺍ ﺗﯧﻤﭙﯧﺮﺍﺗﯘﺭﯨﺴﻰ 12 ﮔﺮﺍﺩﯗﺱ ﺑﻮﻟﯘﭖ، ﺋﯘﻳﻐﯘﺭﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻛﯜﻧﯩﻨﻰ ﺧﺎﺗﯩﺮﯨﻠﻪﺵ ﻧﺎﻣﺎﻳﯩﺸﻰ ﻫﯚﻝ ‏- ﻳﯧﻐﯩﻦ ﻫﺎﯞﺍﺳﯩﺪﺍ ﺋﯚﺗﺘﻰ.