ﺋﯘﻳﻐﯘﺭ ﺭﺍﻳﻮﻧﻠﯘﻕ ﺝ ﺥ ﻧﺎﺯﺍﺭﯨﺘﻰ ﺋﯩﻨﺘﯧﺮﻧﯧﺘﺘﻪ 16 ﺧﯩﻞ ﺗﯧﻤﯩﺪﺍ ﻣﯘﻫﺎﻛﯩﻤﻪ ﻗﯩﻠﯩﺸﻨﻰ ﭼﻪﻛﻠﯩﮕﻪﻥ

ﻣﻪﺭﻛﯩﺰﻯ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺑﯜﮔﯜﻥ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﺋﯘﻗﺘﯘﺭﯗﺵ ﭼﯜﺷﯜﺭﯛﭖ، ﺋﯩﻨﺘﯧﺮﻧﯧﺘﺘﻪ 16 ﺧﯩﻞ ﺗﯧﻤﯩﺪﺍ ﻣﯘﻫﺎﻛﯩﻤﻪ ﻗﯩﻠﯩﺸﻨﻰ ﭼﻪﻛﻠﯩﮕﻪﻥ.
ﺑﻪﻟﮕﯩﻠﯩﻤﯩﻨﯩﯔ ﺑﯩﺮﯨﻨﭽﻰ ﻣﺎﺩﺩﯨﺴﯩﺪﺍ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﯞﻩ ﻳﻪﺭﻟﯩﻚ ﻫﯚﻛﯜﻣﻪﺗﻨﯩﯔ ﺧﯩﺰﻣﻪﺗﻠﯩﺮﯨﺪﻩ ﺳﺎﻗﻼﻧﻐﺎﻥ ﻣﻪﺳﯩﻠﯩﻠﻪﺭﻧﻰ ﻣﯘﻫﺎﻛﯩﻤﻪ ﻗﯩﻠﻤﺎﺳﻠﯩﻖ ﻛﯚﺭﺳﯩﺘﯩﻠﮕﻪﻥ. ﺋﯩﻜﻜﯩﻨﭽﻰ ﻣﺎﺩﺩﯨﺴﯩﺪﺍ ﺑﻮﻟﺴﺎ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﮕﻪ ﭘﺎﻳﺪﯨﺴﯩﺰ ﺗﯧﻤﯩﺪﺍ، ﺟﯜﻣﻠﯩﺪﯨﻦ، ﺟﯘﯕﮕﻮ ﺟﻪﻣﺌﯩﻴﯩﺘﯩﻨﯩﯔ ﺩﯦﻤﻮﻛﺮﺍﺗﯩﻴﻪ، ﺋﻪﺭﻛﯩﻨﻠﯩﻚ ﺳﻪﯞﯨﻴﯩﺴﻰ ﻫﻪﻗﻘﯩﺪﻩ ﻣﯘﻫﺎﻛﯩﻤﻪ ﻳﯜﺭﮔﯜﺯﻣﻪﺳﻠﯩﻚ ﺗﻪﻛﯩﺘﻠﻪﻧﮕﻪﻥ. ﺑﻪﻟﮕﯩﻠﯩﻤﯩﺪﻩ ﭼﻪﻛﻠﻪﻧﮕﻪﻥ ﻗﺎﻟﻐﺎﻥ ﺗﯧﻤﯩﻼﺭ ﺑﻮﻟﺴﺎ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺳﯩﻴﺎﺳﯩﻲ ﯞﻩﺯﯨﻴﯩﺘﻰ، ﺧﻪﻟﻖ ﺗﯘﺭﻣﯘﺷﻰ ﺳﻪﯞﯨﻴﯩﺴﻰ، ﺳﻪﺯﮔﯜﺭ ﺑﻮﻟﻐﺎﻥ ﺗﺎﺭﯨﺨﯩﻲ ﯞﻩﻗﻪ ﯞﻩ ﺗﺎﺭﯨﺨﯩﻲ ﺷﻪﺧﯩﺴﻠﻪﺭ؛ ﺟﻪﻣﺌﯩﻴﻪﺗﻨﯩﯔ ﻗﺎﺭﺍﯕﻐﯘ ﺗﻪﺭﻩﭘﻠﯩﺮﯨﮕﻪ ﺋﺎﻻﻗﯩﺪﺍﺭ ﺧﻪﯞﻩﺭﻟﻪﺭ، ﻧﺎﺯﯗﻙ ﺧﻪﻟﻘﺌﺎﺭﺍ ﻣﻪﺳﯩﻠﯩﻠﻪﺭ، ﺳﻪﺯﮔﯜﺭ ﺩﯨﻨﯩﻲ ﺗﯧﻤﯩﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.ﺑﻪﻟﮕﯩﻠﯩﻤﯩﺪﻩ ﻳﻪﻧﻪ،ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﯩﻐﺎ ﭘﺎﻳﺪﯨﺴﯩﺰ ﺗﯧﻤﯩﻼﺭﺩﺍ، ﻣﯘﻧﺎﺯﯨﺮﻩ ﻗﻮﺯﻏﺎﻳﺪﯨﻐﺎﻥ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﭘﯩﻜﯩﺮ ﺑﺎﻳﺎﻥ ﻗﯩﻠﻤﺎﺳﻠﯩﻖ ﺋﻪﺳﻜﻪﺭﺗﯩﻠﮕﻪﻥ. ﺑﻪﻟﮕﯩﻠﯩﻤﯩﺪﻩ ﻳﻪﻧﻪ، ﻳﯘﻗﯩﺮﯨﻘﯩﺪﻩﻙ ﭼﻪﻛﻠﻪﻧﮕﻪﻥ ﺗﯧﻤﯩﻼﺭﻧﯩﯔ ﺳﯩﻤﯟﻭﻟﻠﯘﻕ ﯞﺍﺳﺘﯩﻼﺭ ﺑﯩﻠﻪﻥ ﻳﺎﻛﻰ ﺋﯩﻜﻜﻰ ﺑﯩﺴﻠﯩﻖ ﺷﻪﻛﯩﻞ ﺑﯩﻠﻪﻥ ﯞﻩ ﻳﺎﻛﻰ ﺗﻪﻧﻪ - ﻫﻪﺟﯟﯨﻲ ﻳﻮﻝ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﻟﯩﺸﯩﻐﯩﻤﯘ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﻰ ﺋﻪﺳﻜﻪﺭﺗﯩﻠﮕﻪﻥ. ﻣﻪﺭﻛﯩﺰﻯ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯘ ﺧﻪﯞﻩﺭﻧﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺗﻪﻣﯩﻨﻠﯩﮕﻪﻥ ﺋﯘﭼﯘﺭﻏﺎ ﺋﺎﺳﺎﺳﻪﻥ ﺗﻪﻳﻴﺎﺭﻟﯩﻐﺎﻥ. ﻛﯚﺯﻩﺗﻜﯜﭼﯩﻠﻪﺭ، ﺋﯘﻳﻐﯘﺭ ﺗﺎﺭﯨﺨﯩﻐﺎ ﺋﺎﺋﯩﺖ ﻣﺎﻗﺎﻟﯩﻠﻪﺭ ﺋﯧﻼﻥ ﻗﯩﻠﯩﯟﺍﺗﻘﺎﻥ ﺋﻮﺭﺧﯘﻥ ﺋﯘﻳﻐﯘﺭ ﺗﺎﺭﯨﺨﻰ ﺗﻮﺭﯨﻨﯩﯔ ﺗﯜﻧﯜﮔﯜﻧﺪﯨﻦ ﺑﺎﺷﻼﭖ 25 ‏ - ﺋﺎﯞﻏﯘﺳﺘﻘﯩﭽﻪ ﺗﺎﻗﺎﻟﻐﺎﻧﻠﯩﻘﻰ ﻣﻪﺯﻛﯘﺭ ﺋﯘﻗﺘﯘﺭﯗﺷﻨﯩﯔ ﺭﻭﻫﯩﻐﺎ ﺋﺎﺳﺎﺳﻪﻥ ﺑﻮﻟﻐﺎﻧﻠﯩﻘﯩﻨﻰ ﭘﻪﺭﻩﺯ ﻗﯩﻠﯩﺸﻤﺎﻗﺘﺎ.

ﻫﯜﺳﻪﻳﯩﻦ ﺟﯧﻠﯩﻞ : "ﺋﺎﺩﻩﻡ ﺳﯧﻐﯩﻨﺪﯨﻢ"

ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ ﻳﻪﺭ ﺷﺎﺭﻯ ﭘﻮﭼﺘﺎ ﮔﯧﺰﯨﺘﻰ ﺑﯜﮔﯜﻥ، ﺧﯩﺘﺎﻱ ﺗﯜﺭﻣﯩﺴﯩﺪﻩ ﻳﯧﺘﯩﯟﺍﺗﻘﺎﻥ ﻛﺎﻧﺎﺩﺍ ﭘﯘﻗﺮﺍﺳﻰ ﻫﯜﺳﻪﻳﯩﻦ ﺟﯧﻠﯩﻞ ﻫﻪﻗﻘﯩﺪﻩ ﺧﻪﯞﻩﺭ ﺑﻪﺭﺩﻯ. ﺧﻪﯞﻩﺭﺩﻩ ﺑﯩﻠﺪﯛﺭﯛﻟﯩﺸﯩﭽﻪ، ﻫﯜﺳﻪﻳﯩﻦ ﺟﯧﻠﯩﻞ ﻣﯘﺷﯘ ﺋﺎﻳﻨﯩﯔ 10 ‏ - ﻛﯜﻧﻰ ﺋﺎﺋﯩﻠﯩﺴﻰ ﺑﯩﻠﻪﻥ ﻛﯚﺭﯛﺷﻜﻪﻥ.
30 ﻣﯩﻨﯘﺕ ﺩﺍﯞﺍﻣﻼﺷﻘﺎﻥ ﻛﯚﺭﯛﺷﯜﺷﺘﻪ، ﺋﯘ ﻗﻪﺷﻘﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﺎﻧﯩﺴﻰ، ﺳﯩﯖﻠﯩﺴﻰ ﯞﻩ ﺋﯩﻜﻜﻰ ﺋﻮﻏﻠﻰ ﺑﯩﻠﻪﻥ ﺩﯨﺪﺍﺭﻻﺷﻘﺎﻥ. ﻛﯚﺭﯛﺷﯜﺵ 10 ﻧﻪﭘﻪﺭ ﺳﺎﻗﭽﻰ ﺧﺎﺩﯨﻤﯩﻨﯩﯔ ﻧﺎﺯﺍﺭﯨﺘﻰ ﺋﺎﺳﺘﯩﺪﺍ ﺩﺍﯞﺍﻡ ﻗﯩﻠﻐﺎﻥ.ﺧﻪﯞﻩﺭﺩﻩ ﻳﻪﻧﻪ، ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﻧﯚﯞﻩﺗﺘﻪ ﻗﺎﺭﺍﯕﻐﯘ ﺑﯩﺮ ﻛﺎﻣﯩﺮﺩﺍ ﻳﺎﻟﻐﯘﺯ ﺗﯘﺭﯗﯞﺍﺗﻘﺎﻧﻠﯩﻘﻰ، ﻛﯜﻧﯩﮕﻪ ﭘﻪﻗﻪﺕ ﺑﯩﺮ ﯞﺍﻗﻼ ﭼﯜﺷﻠﯜﻙ ﺗﺎﻣﺎﻕ ﺑﯧﺮﯨﻠﯩﺪﯨﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ. ﺧﻪﯞﻩﺭﺩﻩ ﺑﯩﻠﺪﯛﺭﯛﻟﯩﺸﯩﭽﻪ، ﻫﯜﺳﻪﻳﯩﻦ ﺟﯧﻠﯩﻞ ﺳﺎﻗﭽﻰ ﺗﻪﺭﻩﭘﻜﻪ ﺋﯩﻠﺘﯩﻤﺎﺱ ﺳﯘﻧﯘﭖ، ﺋﯚﺯﯨﻨﯩﯔ ﻗﯘﻳﺎﺵ ﻧﯘﺭﻯ ﯞﻩ ﺋﺎﺩﻩﻡ ﺳﯧﻐﯩﻨﻐﺎﻧﻠﯩﻘﯩﻨﻰ؛ ﺷﯘﯕﺎ، ﺟﺎﺯﺍ ﻣﯘﺩﺩﯨﺘﯩﻨﻰ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﻣﻪﻳﺪﺍﻧﻠﯩﺮﯨﺪﺍ ﺋﯚﺗﻪﺷﻨﻰ ﺗﻪﻟﻪﭖ ﻗﯩﻠﻐﺎﻥ. ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﺋﺎﺋﯩﻠﯩﺴﻰ ﺑﯩﻠﻪﻥ ﻛﯚﺭﯛﺷﯜﺷﻰ، ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ Stephen Harper ﻧﯩﯔ ﺧﯩﺘﺎﻱ ﭘﺮﯦﺰﯨﺪﯦﻨﺘﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻳﺎﭘﻮﻧﯩﻴﯩﺪﯨﻜﻰ ﺋﯘﭼﺮﯨﺸﯩﺸﯩﺪﯨﻦ ﺑﯩﺮ ﻛﯜﻥ ﻛﯧﻴﯩﻦ ﺑﻮﻟﻐﺎﻥ. ﻫﺎﺭﭘﯧﺮ ﺷﯘ ﻗﯧﺘﯩﻤﻘﻰ ﺋﯘﭼﺮﯨﺸﯩﺸﺘﺎ ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻫﻪﻡ ﺋﯘﻧﯩﯔ ﺋﺎﺋﯩﻠﯩﺴﻰ ﺑﯩﻠﻪﻥ ﻛﯚﺭﯛﺷﯜﺷﯩﮕﻪ ﻳﻮﻝ ﻗﻮﻳﯘﺵ ﻗﺎﺗﺎﺭﻟﯩﻖ ﺑﯩﺮ ﻗﺎﺗﺎﺭ ﭘﯩﻜﯩﺮﻟﯩﺮﯨﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﺋﺎﺋﯩﻠﯩﺴﻰ ﺑﯩﻠﻪﻥ ﻛﯚﺭﯛﺷﯜﺷﯩﮕﻪ ﺑﺎﺵ ﻣﯩﻨﺴﯩﺘﯩﺮ ﻫﺎﺭﭘﻪﺭﻧﯩﯔ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯘﭼﺮﯨﺸﯩﺸﻨﯩﯔ ﺳﻪﯞﻩﺏ ﺑﻮﻟﻐﺎﻥ - ﺑﻮﻟﻤﯩﻐﺎﻧﻠﯩﻘﻰ ﺋﯧﻨﯩﻖ ﺋﻪﻣﻪﺱ.

ﺋﯘﻳﻐﯘﺭﻻﺭ ﺑﯧﻴﺠﯩﯖﺪﺍ ﺗﯘﺭﯗﺵ ﺋﯜﭼﯜﻥ ﻛﯩﻤﻠﯩﻚ ﺋﯚﺯﮔﻪﺭﺗﯩﺸﻜﻪ ﻣﻪﺟﺒﯘﺭ

ﺋﯘﻳﻐﯘﺭﻻﺭ ﺋﯜﭼﯜﻥ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﻣﯧﻬﻤﺎﻧﺨﺎﻧﺎ ﻗﯩﻴﯩﻨﭽﯩﻠﯩﻘﻰ ﻳﯧﯖﻰ ﺑﯩﺮ ﺋﻪﻫﯟﺍﻝ ﺋﻪﻣﻪﺱ. ﺑﯘ ﻗﯩﻴﯩﻨﭽﯩﻠﯩﻖ 90 ‏ - ﻳﯩﻠﻼﺭﺩﯨﻼ ﺑﺎﺷﻼﻧﻐﺎﻥ. ﺋﻪﻣﻤﺎ، ﻣﯧﻬﻤﺎﻧﺨﺎﻧﯩﻐﺎ ﺗﯩﺰﯨﻤﻠﯩﺘﯩﺶ ﺋﯜﭼﯜﻥ، ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭ ﺑﻮﻟﯘﺵ، ﺑﯘﻧﯩﯔ ﺑﯩﻠﻪﻥ ﺑﯩﻠﻠﻪ، ﺧﯩﺰﻣﻪﺗﻜﻪ ﭼﺎﻗﯩﺮﺗﯩﻠﻐﺎﻥ ﯞﻩ ﺧﯩﺰﻣﻪﺗﻜﻪ ﺋﻪﯞﻩﺗﯩﻠﮕﻪﻥ ﺋﯩﺴﭙﺎﺕ ﺧﯧﺘﻰ ﺑﻮﻟﯘﺵ ﻳﯧﯖﻰ ﺗﯜﺯﯛﻣﻠﻪﺭﺩﯨﻦ ﺑﻮﻟﺴﺎ ﻛﯧﺮﻩﻙ.
ﺑﯜﮔﯜﻧﻜﻰ ﺋﻪﻫﯟﺍﻝ ﺋﯩﮕﯩﻠﯩﺸﯩﻤﯩﺰﺩﻩ ﺑﯩﺮ ﺋﯘﻳﻐﯘﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﻪﺯﻯ ﺋﯚﻟﻜﯩﻠﻪﺭﺩﻩ ﺋﯘﻳﻐﯘﺭﻻﺭ ﺋﯜﭼﯜﻥ ﻗﯩﻤﻤﻪﺕ ﺑﺎﻫﺎﻟﯩﻖ ﻣﯧﻬﻤﺎﻧﺨﺎﻧﯩﻼﺭﺩﺍ ﺗﯘﺭﯗﺷﻘﺎ ﭼﻪﻛﻠﯩﻤﻪ ﻳﻮﻕ، ﺗﯚﯞﻩﻥ ﯞﻩ ﺋﻮﺗﺘﯘﺭﺍ ﺑﺎﻫﺎﺩﯨﻜﻰ ﻣﯧﻬﻤﺎﻧﺨﺎﻧﯩﻼﺭﺩﺍ ﭼﻪﻛﻠﯩﻤﻪ ﺑﺎﺭ. ﻳﻪﻧﻪ ﺑﯩﺮ ﺋﯘﻳﻐﯘﺭﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯘ ﺗﯧﺨﻰ ﺑﯩﺮ ﻗﺎﻧﭽﻪ ﺋﺎﻳﻨﯩﯔ ﺋﺎﻟﺪﯨﺪﯨﻜﻰ ﺋﻪﻫﯟﺍﻝ، ﻫﺎﺯﯨﺮﻗﻰ ﺋﻪﻫﯟﺍﻝ ﺑﻮﻟﺴﺎ ﺑﯘﻧﯩﯖﺪﯨﻦ ﻣﯜﺷﻜﯜﻝ، ﺋﺎﻟﺪﯨﻨﻘﻰ ﺗﯜﺯﯛﻡ ﺑﯘﻳﯩﭽﻪ ﺑﻮﻟﻐﺎﻧﺪﺍ ﺋﯘﻳﻐﯘﺭﻻﺭ ﺳﻮﺩﯨﮕﻪﺭ ﺑﻮﻟﻐﺎﻧﺪﯨﻼ ﺗﯘﺭﯗﺵ ﺳﺎﻻﻫﯩﻴﯩﺘﯩﮕﻪ ﺋﯧﺮﯨﺸﻪﻟﯩﮕﻪﻥ ﺑﻮﻻﺗﺘﻰ؛ ﻫﺎﺯﯨﺮﻗﻰ ﺋﻪﻫﯟﺍﻟﺪﺍ ﺑﻮﻟﺴﺎ ﭘﻪﻗﻪﺗﻼ ﺋﻪﻣﻪﻟﺪﺍﺭ ﺑﻮﻟﯘﺷﻰ ﻛﯧﺮﻩﻙ، ﺋﯘﻧﯩﯔ ﺋﯜﺳﺘﯩﮕﻪ ﺋﻪﻣﻪﻟﺪﺍﺭ ﺑﻮﻟﯘﺷﻼ ﻛﯘﭘﺎﻳﻪ ﺋﻪﻣﻪﺱ، ﭼﺎﻗﯩﺮﯨﻠﻐﺎﻥ ﯞﻩ ﺧﯩﺰﻣﻪﺗﻜﻪ ﺋﻪﯞﻩﺗﯩﻠﮕﻪﻥ ﺑﻮﻟﯘﺷﻰ ﻛﯧﺮﻩﻙ. ﺑﯘ ﺋﯘﻳﻐﯘﺭﻧﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﺧﯩﺘﺎﻳﺪﯨﻜﻰ ﺑﯩﺮ ﻣﯧﻬﻤﺎﻧﺨﺎﻧﺎ ﺧﺎﺩﯨﻤﻰ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ ﺋﯩﺴﭙﺎﺗﻠﯩﺪﻯ.ﻧﯚﯞﻩﺗﺘﻪ ﺑﯧﻴﺠﯩﯔ، ﺷﺎﯕﺨﻪﻱ، ﮔﯘﺍﯕﺠﯘ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﺷﯩﺮﻛﻪﺕ ﻗﯘﺭﻏﺎﻥ ﺋﯘﻳﻐﯘﺭﻻﺭﻏﺎ ﺋﺎﺷﻜﺎﺭﺍ ﭼﻪﻛﻠﯩﻤﻪ ﻗﻮﻳﯘﻟﻤﯩﻐﺎﻥ، ﺋﻪﻣﻤﺎ ﺋﯘﻻﺭ ﺋﯘﻳﻐﯘﺭ ﻛﯩﻤﻠﯩﻜﻰ ﺳﻪﯞﻩﺑﯩﺪﯨﻦ ﻛﻮﭖ ﺗﻪﺭﻩﭘﻠﯩﻤﻪ ﺋﺎﯞﺍﺭﯨﭽﯩﻠﯩﻘﻼﺭﻏﺎ ﻳﻮﻟﯘﻗﯘﭖ ﻛﯩﻤﻠﯩﻚ ﺋﯚﺯﮔﻪﺭﺗﯩﺸﻜﻪ ﻣﻪﺟﺒﯘﺭ ﺑﻮﻟﻐﺎﻥ، ﻫﻪﺗﺘﺎ ﺑﻪﺯﯨﻠﯩﺮﻯ ﺷﯩﺮﻛﻪﺗﻠﯩﺮﯨﻨﯩﯔ ﻧﺎﻣﯩﻨﻰ ﺋﯚﺯﮔﻪﺭﺗﻜﻪﻥ. ﻳﻪﻧﻪ ﺑﯘ ﺋﯘﻳﻐﯘﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯧﻴﺠﯩﯖﺪﺍ ﺋﯘﻳﻐﯘﺭﻻﺭﻏﺎ ﺋﻮﻱ ﻛﯩﺮﺍﻟﯩﻐﺎﻥ ﺋﺎﺋﯩﻠﻪ ﯞﻩ ﻣﯧﻬﻤﺎﻧﺨﺎﻧﯩﻼﺭﻏﺎ 2000 ﺩﻭﻟﻼﺭ ﺟﻪﺭﯨﻤﺎﻧﻪ ﻗﻮﻳﯘﺵ ﺗﯜﺯﯛﻣﻰ ﻳﻮﻟﻐﺎ ﻗﻮﻳﯘﻟﻐﺎﻥ.ﭼﻪﺗﺌﻪﻝ ﭘﺎﺳﭙﻮﺭﺗﻰ ﺑﯩﻠﻪﻥ ﺧﯩﺘﺎﻳﻐﺎ ﺑﺎﺭﻏﺎﻥ ﺋﯘﻳﻐﯘﺭﻻﺭﻣﯘ ﺋﻮﺧﺸﺎﺷﻼ ﺋﺎﯞﺍﺭﯨﭽﯩﻠﯩﻘﻘﺎ ﺩﯗﭺ ﻛﻪﻟﮕﻪﻥ. ﻳﻪﻧﻪ ﺑﯩﺮ ﺋﯘﻳﻐﯘﺭﻧﯩﯔ ﺧﺎﯕﺠﯘﺩﯨﻜﻰ ﺑﯩﺮ ﻣﯧﻬﻤﺎﻧﺨﺎﻧﯩﺪﺍ ﻳﻮﻟﯘﻗﻘﺎﻧﻠﯩﺮﻯ ﺑﯘﻧﯩﯔ ﺋﯩﺴﭙﺎﺗﻰ. ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺋﯘﻳﻐﯘﺭﻻﺭﻧﯩﯔ ﺑﯧﺸﯩﻐﺎ ﻛﻪﻟﮕﻪﻥ ﺋﺎﯞﺍﺭﯨﭽﯩﻠﯩﻖ ﺑﯩﺮ ﻗﯩﺴﯩﻢ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯖﻤﯘ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ. ﺋﺎﻟﺪﯨﻨﻘﻰ ﻛﯜﻧﻰ ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ ﻳﻪﺭﺷﺎﺭﻯ ﺧﻪﯞﻩﺭﻟﻪﺭ ﮔﯧﺰﯨﺘﻰ، ﺑﯧﻴﺠﯩﯖﺪﺍ ﻳﺎﺷﺎﯞﺍﺗﻘﺎﻥ ﺑﯩﺮ ﻳﺎﺵ ﺋﻪﺭ - ﺋﺎﻳﺎﻟﻨﯩﯔ ﻛﻪﭼﯜﺭﻣﯩﺸﻠﯩﺮﯨﻨﻰ ﺧﻪﯞﻩﺭ ﻗﯩﻠﺪﻯ. ﺧﻪﯞﻩﺭﺩﻩ ﺑﯩﻠﺪﯛﺭﯛﻟﯩﺸﯩﭽﻪ، ﺑﯘ ﺋﺎﺋﯩﻠﻪ 5 ﻳﯩﻠﺪﯨﻦ ﺑﯧﺮﻯ ﺑﯧﻴﺠﯩﯖﺪﺍ ﺋﺎﺷﺨﺎﻧﺎ ﺋﺎﭼﻘﺎﻥ ﺑﻮﻟﯘﭖ، ﺧﯩﺘﺎﻱ ﺋﻮﻟﯩﻤﭙﯩﻚ ﺳﻪﯞﻩﺑﻠﯩﻚ ﺋﯘﻻﺭﻧﻰ ﺋﺎﺷﺨﺎﻧﯩﺴﯩﻨﻰ ﺗﺎﻗﺎﺷﻘﺎ ﻣﻪﺟﺒﯘﺭﻟﯩﻐﺎﻥ، ﺗﯘﺭﯗﯞﺍﺗﻘﺎﻥ ﻗﻮﺭﺍﺳﯩﺪﯨﻨﻤﯘ ﻫﻪﻳﺪﯨﮕﻪﻥ. ﺋﯘﻻﺭ ﻣﯧﻬﻤﺎﻧﺨﺎﻧﯩﻐﺎ ﻛﯩﺮﮔﻪﻧﺪﻩ ﺩﻩﺳﻠﻪﭖ ﭼﻪﺗﺌﻪﻟﻠﯩﻜﻜﻪ ﺋﻮﺧﺸﯩﺘﯩﻠﯩﭗ ﻗﯩﺰﻏﯩﻦ ﻛﯜﺗﯜﯞﯦﻠﯩﻨﻐﺎﻥ، ﺋﺎﺭﻗﯩﺪﯨﻦ ﺋﯘﻻﺭ ﺳﺎﻻﻫﯩﻴﻪﺕ ﻛﯧﻨﯩﺸﻜﯩﺴﯩﻨﻰ ﭼﯩﻘﺎﺭﻏﺎﻧﺪﺍ ﺋﯘﻳﻐﯘﺭﻟﯩﻘﯩﻨﻰ ﺑﯩﻠﮕﻪﻥ ﻣﯘﻻﺯﯨﻤﻪﺗﭽﯩﻠﻪﺭ ﺩﻩﺭﻫﺎﻝ ﻣﯘﺋﺎﻣﯩﻠﯩﺴﯩﻨﻰ ﺋﯚﺯﮔﻪﺭﺗﻜﻪﻥ ﯞﻩ ﻳﺎﺗﺎﻕ ﺗﯜﮔﻪﭖ ﻛﻪﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺑﯘ ﺋﻪﻫﯟﺍﻝ ﺋﯩﺰﭼﯩﻞ ﺗﻪﻛﺮﺍﺭﻻﻧﻐﺎﻧﺪﯨﻦ ﻛﯧﻴﯩﻦ، ﻳﯘﺭﺗﯩﻐﺎ ﻗﺎﻳﺘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ. ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭ، ﺋﻮﻟﯩﻤﭙﯩﻜﻨﯩﯔ ﺧﯩﺘﺎﻳﻨﻰ ﻫﻪﻗﯩﻘﯩﻲ ﻗﯩﻴﺎﭘﯩﺘﻰ ﺑﯩﻠﻪﻥ ﺩﯗﻧﻴﺎﻏﺎ ﺗﻮﻧﯘﺗﯩﺪﯨﻐﺎﻥ ﺑﯩﺮ ﺩﻩﺭﺳﻠﯩﻜﻼ ﺑﻮﻟﯘﭘﻼ ﻗﺎﻟﻤﺎﻱ، ﺋﯘﻳﻐﯘﺭﻻﺭ ﺋﯜﭼﯜﻧﻤﯘ ﺑﯩﺮ ﺋﯘﻧﺘﯘﻟﻤﺎﺱ ﻣﯩﻠﻠﯩﻲ ﻛﯩﻤﻠﯩﻚ ﺩﻩﺭﺳﻰ ﺑﻮﻟﯘﭖ ﻗﺎﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺧﯩﺘﺎﻳﻨﯩﯔ ﺋﯩﺪﺍﺭﻩ ﻗﯩﻠﯩﺶ ﺋﯘﺳﯘﻟﻰ

ﮔﯧﺮﻣﺎﻧﯩﻴﻪ 1 - ﺗﯧﻠﯧﯟﯨﺰﯨﻴﻪ ﻗﺎﻧﯩﻠﻰ (ﺋﺎ ﺭ ﺩ)ﻧﯩﯔ 7 - ﺋﺎﻳﻨﯩﯔ 20 - ﻛﯜﻧﻰ ﺳﺎﺋﻪﺕ 11:00 ﺩﯨﻦ 12:00 ﮔﻪ ﻗﻪﺩﻩﺭ ﺑﻮﻟﻐﺎﻥ ﺑﯩﺮ ﺳﺎﺋﻪﺗﻠﯩﻚ ﭘﺮﻭﮔﺮﺍﻣﻤﯩﺴﻰ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻗﺎﻧﻠﯩﻖ ﺑﺎﺳﺘﯘﺭﯗﻟﯘﺷﯩﻐﺎ ﺋﺎﺋﯩﺖ ﺧﻪﯞﻩﺭﻟﻪﺭﮔﻪ ﺋﻮﺭﯗﻥ ﺑﻪﺭﮔﻪﻥ.
ﻓﯩﻠﯩﻤﻨﯩﯔ ﻣﻪﺯﻣﯘﻧﻰﻗﻮﺭﺍﻝ ﻛﯜﭼﯩﮕﻪ ﺗﺎﻳﺎﻧﻐﺎﻥ ﺯﻭﺭﺍﯞﺍﻧﻠﯩﻖ " ﻗﯘﺩﺭﻩﺕ ﺗﯧﭙﯩﺶ ﺑﺎﺳﻘﯘﭼﯩﺪﯨﻜﻰ ﯞﺍﻗﯩﺘﻠﯩﻖ ﮔﯜﻟﻠﯩﻨﯩﺶ ﯞﻩ ﺳﺎﻗﭽﻰ ﻛﻮﻧﺘﯩﺮﻭﻟﻰ" ﻧﺎﻣﻠﯩﻖ ﺑﯘ ﻫﯚﺟﺠﻪﺗﻠﯩﻚ ﻓﯩﻠﯩﻤﺪﺍ، ﺋﯘﻳﻐﯘﺭﻻﺭ ﯞﻩﺗﯩﻨﯩﻨﯩﯔ 1949 - ﻳﯩﻠﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ ﺑﯧﺴﯩﯟﯦﻠﯩﻨﻐﺎﻧﺪﯨﻦ ﻛﯧﻴﯩﻨﻜﻰ ﻣﺎﯞ ﺯﯦﺪﯗﯓ ﺩﻩﯞﺭﯨﺪﻩ، ﺋﯘﻳﻐﯘﺭﻻﺭﻧﯩﯔ ﺋﯧﺘﻨﯩﻚ ﻗﯩﺮﻏﯩﻨﭽﯩﻠﯩﻖ ﯞﻩ ﻣﻪﺩﻩﻧﯩﻴﻪﺕ ﺑﯘﺯﻏﯘﻧﭽﯩﻠﯩﻘﻠﯩﺮﯨﻐﺎ ﺩﯗﭺ ﻛﻪﻟﮕﻪﻥ ﺋﺎﺯﺍﺑﻠﯩﻖ ﺗﺎﺭﯨﺨﻰ ﻛﯚﺭﺳﯩﺘﯩﻠﯩﭙﻼ ﻗﺎﻟﻤﺎﻱ، ﻳﻪﻧﻪ ﺋﯘﻳﻐﯘﺭ ﯞﻩﺗﯩﻨﯩﺪﻩ ﻳﯜﺯ ﺑﻪﺭﮔﻪﻥ ﺗﯜﺭﻟﯜﻙ ﻗﺎﻧﻠﯩﻖ ﯞﻩﻗﻪﻟﻪﺭﻣﯘ ﻗﯩﺴﺘﯘﺭﯗﻟﯘﭖ ﺋﯚﺗﯜﻟﮕﻪﻥ.ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﻰ ﻫﻪﺭﺑﯩﻲ ﯞﻩ ﺳﺎﻗﭽﻰ ﻛﯜﭼﯩﮕﻪ ﺗﺎﻳﯩﻨﯩﭗ ﻛﻮﻧﺘﺮﻭﻝ ﻗﯩﻠﯩﯟﺍﺗﻘﺎﻧﻠﯩﻘﻰ، ﺋﯚﺯ ﻣﯘﺳﺘﻪﻣﻠﯩﻜﯩﺴﯩﺪﯨﻜﻰ ﺑﯘ ﺭﺍﻳﻮﻧﻨﻰ ﻗﻮﺭﺍﻝ ﻛﯜﭼﯩﮕﻪ ﺗﺎﻳﯩﻨﯩﭗ ﺳﺎﻗﻼﭖ ﻗﯧﻠﯩﺸﻘﺎ ﺋﯘﺭﯗﻧﯘﯞﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ. 8 - ﺋﯩﻴﯘﻝ ﯞﻩ 9 - ﺋﯩﻴﯘﻝ ﻛﯜﻧﻠﯩﺮﻯ ﺋﯜﺭﯛﻣﭽﻰ ﻫﻪﻡ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﻗﺎﻧﻠﯩﻖ ﻗﯩﺮﻏﯩﻨﭽﯩﻠﯩﻘﻨﻰ ﺋﺎﺭﻗﺎ ﻛﯚﺭﯛﻧﯜﺵ ﻗﯩﻠﻐﺎﻥ ﺑﯘ ﻓﯩﻠﯩﻤﺪﺍ، ﺧﯩﺘﺎﻳﺪﯨﻜﻰ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﺑﺎﻳﻠﯩﻘﻠﯩﺮﯨﻨﯩﯔ ﺋﻪﯓ ﺯﻭﺭ ﻏﻪﺯﯨﻨﯩﺴﻰ ﺑﻮﻟﻐﺎﻥ ﺋﯘﻳﻐﯘﺭ ﯞﻩﺗﯩﻨﯩﺪﻩ ﻳﺎﺷﺎﯞﺍﺗﻘﺎﻥ ﺧﻪﻟﻘﻠﻪﺭﻧﯩﯔ، ﺋﻪﻛﺴﯩﭽﻪ ﻧﺎﻣﺮﺍﺗﻠﯩﻖ ﯞﻩ ﺑﯩﭽﺎﺭﯨﻠﯩﻖ ﺗﻪﻗﺪﯨﺮﯨﮕﻪ ﻣﻪﻫﻜﯘﻡ ﻗﯩﻠﯩﻨﯩﭙﻼ ﻗﺎﻟﻤﺎﻱ، ﺧﺎﻟﯩﻐﺎﻧﭽﻪ ﺑﺎﺳﺘﯘﺭﯗﺵ، ﺋﯚﻟﺘﯜﺭﯛﺷﻠﻪﺭﮔﻪ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﻰ ﭼﯜﺷﻪﻧﺪﯛﺭﯛﻟﮕﻪﻥ.
ﺋﯘﻳﻐﯘﺭﻻﺭ ﻣﻪﯕﮕﯜ ﺳﯜﻛﯜﺕ ﻗﯩﻼﻟﻤﺎﻳﺪﯗﺧﺎﻳﻨﯧﺮ ﯞﯦﻤﺒﯧﺮ ﯞﻩ ﺗﯩﻠﻤﺎﻥ ﯞﯙﺭﺗﯩﺰ ﻗﺎﺗﺎﺭﻟﯩﻘﻼﺭ ﺗﻪﺭﯨﭙﯩﺪﯨﻦ ﺋﯩﺸﻠﻪﻧﮕﻪﻥ ﺑﯘ ﺑﯩﺮ ﺳﺎﺋﻪﺗﻠﯩﻚ ﻓﯩﻠﯩﻤﺪﺍ ﻳﻪﻧﻪ، 1997 - ﻳﯩﻠﻰ ﻳﯜﺯ ﺑﻪﺭﮔﻪﻥ "5 - ﻓﯧﯟﺭﺍﻝ ﻏﯘﻟﺠﺎ ﯞﻩﻗﻪﺳﻰ" ﺑﺎﻳﺎﻥ ﻗﯩﻠﯩﻨﻐﺎﻥ. ﺑﯘ ﯞﻩﻗﻪﺩﻩ 100 ﺩﯨﻦ ﺋﺎﺭﺗﯘﻕ ﺋﯘﻳﻐﯘﺭﻧﯩﯔ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻧﻠﯩﻜﻰ، ﻗﺎﻧﭽﻪ ﻣﯩﯖﻠﯩﻐﺎﻥ ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﺩ ﺋﯘ ﻕ ﺭﻩﺋﯩﺴﻰ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﯩﻠﻰ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﯞﻩ ﯞﻩﻗﻪ ﺟﻪﺭﻳﺎﻧﯩﺪﺍ ﻳﯜﺯ ﺑﻪﺭﮔﻪﻥ ﭘﺎﺟﯩﺌﻪﻟﻪﺭ ﺳﯚﺯﻟﻪﻧﮕﻪﻥ.ﻓﯩﻠﯩﻤﺪﺍ، ﺧﯩﺘﺎﻳﻨﯩﯔ ﺑﯜﮔﯜﻧﻜﻰ ﮔﯜﻟﻠﯩﻨﯩﺸﯩﻨﯩﯔ ﺋﯚﺗﻜﯜﻧﭽﻰ ﻫﺎﺩﯨﺴﻪ ﺋﯩﻜﻪﻧﻠﯩﻜﻰ، ﺋﺎﺭﻣﯩﻴﻪ ﯞﻩ ﺳﺎﻗﭽﯩﻨﯩﯔ ﻣﯘﺗﻠﻪﻕ ﺯﻭﺭﺍﯞﺍﻧﻠﯩﻘﯩﻐﺎ ﺗﺎﻳﯩﻨﯩﭗ ﺋﯩﺪﺍﺭﻩ ﻗﯩﻠﯩﺶ ﺑﯩﻠﻪﻥ ﺋﻪﻣﻪﻟﮕﻪ ﺋﯧﺸﯩﯟﺍﺗﻘﺎﻥ ﺑﯘ ﺗﻪﺭﻩﻗﻘﯩﻴﺎﺗﻨﯩﯔ ﻫﯧﭽﻘﺎﻧﺪﺍﻕ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻻﻟﻤﺎﻳﺪﯨﻐﺎﻧﻠﯩﻘﻰ، ﺑﻮﻟﯘﭘﻤﯘ ﺑﺎﻳﻠﯩﻘﻠﯩﺮﻯ ﺗﺎﻻﻥ - ﺗﺎﺭﺍﺝ ﻗﯩﻠﯩﻨﯩﭗ، ﺋﯩﺴﻴﺎﻧﻜﺎﺭﻟﯩﺮﻯ ﺋﯜﺯﻟﯜﻛﺴﯩﺰ ﺗﯜﺭﺩﻩ ﺋﯚﻟﯜﻣﮕﻪ ﻣﻪﻫﻜﯘﻡ ﻗﯩﻠﯩﻨﯩﯟﺍﺗﻘﺎﻥ ﯞﻩ ﻫﻪﻗﺴﯩﺰﻟﻪﺭﭼﻪ ﺋﯚﻟﺘﯜﺭﯛﻟﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﻣﻪﯕﮕﯜ ﺳﯜﻛﯜﺕ ﻗﯩﻠﯩﭗ ﻳﺎﺷﯩﺸﯩﻨﯩﯔ ﻣﯘﻣﻜﯩﻦ ﺋﻪﻣﻪﺳﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.
ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﯩﺘﻰ ﻛﯜﭼﻪﻳﻤﻪﻛﺘﻪﻓﯩﻠﯩﻤﺪﺍ ﻳﻪﻧﻪ، ﺋﯘﻳﻐﯘﺭ ﯞﻩﺗﯩﻨﯩﺪﯨﻜﻰ ﺧﯩﺘﺎﻱ ﺩﯛﺷﻤﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﺗﻮﺧﺘﯩﻠﯩﭗ، ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﻪﻣﻪﻟﯩﻴﻪﺗﺘﻪ ﺗﯩﺒﻪﺗﻠﻪﺭﻧﯩﯔ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﺪﯨﻦ ﺟﺎﻧﻠﯩﻖ ﯞﻩ ﻛﯚﭖ ﺋﯩﻜﻪﻧﻠﯩﻜﻰ، ﺋﯘﻳﻐﯘﺭﻻﺭﻧﯩﯔ ﺋﯩﺰﭼﯩﻞ ﺗﯜﺭﺩﻩ ﺋﯚﺯ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺑﻪﺩﻩﻝ ﺗﯚﻟﻪﭖ ﻛﯧﻠﯩﯟﺍﺗﻘﺎﻧﻠﯩﻘﻰ، ﻣﯩﯖﻼﺭﭼﻪ ﻛﯩﺸﻰ ﺗﯜﺭﻣﯩﻠﻪﺭﮔﻪ ﺑﻪﻧﺖ ﻗﯩﻠﯩﻨﯩﭗ، ﻳﻪﻧﻪ ﻣﯩﯖﻼﺭﭼﻪ ﻛﯩﺸﻰ ﺋﯚﻟﺘﯜﺭﯛﻟﯩﯟﺍﺗﻘﺎﻥ ﺑﻮﻟﺴﯩﻤﯘ، ﺑﯘ ﻗﺎﺭﺷﯩﻠﯩﻘﻼﺭﻧﯩﯔ ﻳﯩﻠﺪﯨﻦ ‏ - ﻳﯩﻠﻐﺎ ﻛﯜﭼﯩﻴﯩﭗ، ﺑﯧﻴﺠﯩﯖﻨﻰ ﭘﺎﺭﺍﻛﻪﻧﺪﻩ ﻗﯩﻠﯩﯟﺍﺗﻘﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.ﻗﺎﻧﻠﯩﻖ ﺑﺎﺳﺘﯘﺭﯗﺵ ﯞﻩ ﻣﯘﺳﺘﻪﺑﯩﺘﻠﻪﺭﭼﻪ ﺋﯩﺪﺍﺭﻩ ﻗﯩﻠﯩﺸﻨﯩﯔ ﺋﯘﻳﻐﯘﺭﻻﺭﻏﺎ ﻧﯩﺴﺒﻪﺗﻪﻥ ﺋﯜﻧﯜﻡ ﺑﻪﺭﻣﻪﻳﯟﺍﺗﻘﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ. ﭼﻪﺕ ﺋﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻖ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﻛﯚﻟﯩﻤﻰ ﻛﻪﯓ، ﺗﯜﺭﻯ ﻛﯚﭖ ﺑﻮﻟﺴﯩﻤﯘ، ﻟﯧﻜﯩﻦ ﻣﻪﺗﺒﯘﺋﺎﺕ ﯞﻩ ﺧﻪﻟﻘﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﯩﺒﻪﺗﻠﯩﻜﻠﻪﺭﺩﻩﻙ ﺗﺎﺭﺗﺎﻟﻤﺎﻳﯟﺍﺗﻘﺎﻧﻠﯩﻘﻰ، ﺑﯘﻧﯩﯖﺪﯨﻜﻰ ﺋﺎﺳﺎﺳﻰ ﺳﻪﯞﻩﺑﻨﯩﯔ، ﺋﯘﻳﻐﯘﺭﻻﺭﻧﯩﯔ ﻣﯘﺳﯘﻟﻤﺎﻥ ﺧﻪﻟﻖ ﺑﻮﻟﻐﺎﻧﻠﯩﻘﻰ، 11 - ﺳﯧﻨﺘﻪﺑﯩﺮﺩﯨﻦ ﻛﯧﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺗﯧﺮﺭﻭﺭﭼﻰ ﺑﯚﻫﺘﺎﻥ ﺑﯩﻠﻪﻥ ﻗﺎﺭﯨﻠﯩﻨﯩﭗ ﻛﻪﻟﮕﻪﻧﻠﯩﻜﯩﺪﯨﻦ ﺋﯩﺒﺎﺭﻩﺕ ﺋﯩﻜﻪﻧﻠﯩﻜﻰ ﺋﯩﺰﺍﻫﻼﻧﻐﺎﻥ.
"ﻛﯜﭼﻠﯜﻛﻠﻪﺭ ﺋﺎﺧﯩﺮﻯ ﺋﺎﺟﯩﺰﻻﺭ ﻗﻮﻟﯩﺪﺍ ﻫﺎﻻﻙ ﺑﻮﻟﯩﺪﯗ "" ﺋﯜﺯﻟﯜﻛﺴﯩﺰ ﺋﯚﻟﯜﯞﺍﺗﻘﺎﻥ، ﺋﯚﻟﺘﯜﺭﯛﻟﯩﯟﺍﺗﻘﺎﻥ، ﻣﯩﯖﻼﭖ ﺗﯘﺭﻣﯩﻼﺭﻏﺎ ﻗﺎﻣﯩﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭ ﻧﯧﻤﻪ ﺋﯜﭼﯜﻥ ﺗﯩﺒﻪﺗﻠﯩﻜﻠﻪﺭ ﻛﻪﺑﻰ ﺩﯗﻧﻴﺎﻧﯩﯔ ﺩﯨﻘﻘﻪﺕ - ﺋﯧﺘﯩﺒﺎﺭﯨﻐﺎ ﺋﯧﺮﯨﺸﻪﻟﻤﻪﻳﺪﯗ؟ ﺋﯘﻻﺭ ﺧﯩﺮﺳﺘﯩﺌﺎﻥ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻧﻤﯘ؟ ﺑﯘﺩﺩﯨﺴﺖ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻧﻤﯘ؟" ﺩﻩﭖ ﻧﯩﺪﺍ ﻗﯩﻠﻐﺎﻥ ﺋﯩﺪﻯ، ﺋﺎﻟﺪﯨﻨﻘﻰ ﻫﻪﭘﺘﻪ ﺑﯩﺮ ﮔﯧﺮﻣﺎﻥ ﺯﯨﻴﺎﻟﯩﺴﻰ ﺋﯚﺯ ﺋﻪﺳﯩﺮﯨﺪﻩ. " ﻗﯘﺩﺭﻩﺕ ﺗﯧﭙﯩﺶ ﺑﺎﺳﻘﯘﭼﯩﺪﯨﻜﻰ ﯞﺍﻗﯩﺘﻠﯩﻖ ﮔﯜﻟﻠﯩﻨﯩﺶ ﯞﻩ ﺳﺎﻗﭽﻰ ﻛﻮﻧﺘﯩﺮﻭﻟﻰ" ﻧﺎﻣﻠﯩﻖ ﺑﯘ ﻫﯚﺟﺠﻪﺗﻠﯩﻚ ﻓﯩﻠﯩﻢ، ﻛﯚﭖ ﻗﯩﺴﯩﻤﻠﯩﻖ ﻗﯩﻠﯩﭗ ﺋﯩﺸﻠﻪﻧﮕﻪﻥ ﺑﻮﻟﯘﭖ، ﺋﺎ ﺭ ﺩ ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﺪﯨﻦ ﺳﯩﺮﺕ، ﮔﯧﺮﻣﺎﻧﯩﻴﯩﻨﯩﯔ ﺑﺎﺷﻘﺎ ﺕ ﯞ ﯞﻩ ﺭﺍﺩﯨﺌﻮ ﻗﺎﻧﺎﻟﻠﯩﺮﯨﺪﯨﻤﯘ ﻛﯚﭼﯜﺭﯛﭖ ﺋﺎﯕﻠﯩﺘﯩﻠﻤﺎﻗﺘﺎ.ﻓﯩﻠﯩﻢ ﺋﺎﻟﻐﺎ ﺳﯜﺭﮔﻪﻥ ﺋﯩﺪﯨﻴﯩﻨﻰ ﺑﯩﺮ ﺟﯜﻣﻠﻪ ﺑﯩﻠﻪﻥ ﺧﯘﻻﺳﯩﻼﺵ ﻣﯘﻣﻜﯩﻦ: "ﺯﯗﻟﯘﻡ ﺑﺎﺭ ﻳﻪﺭﺩﻩ ﻗﺎﺭﺷﯩﻠﯩﻖ ﻫﺎﻣﺎﻥ ﺑﻮﻟﯩﺪﯗ. ﻳﻪﻧﻪ ﻛﯧﻠﯩﭗ، ﻣﯘﺗﻠﻪﻕ ﺯﻭﺭﺍﯞﺍﻧﻠﯩﻘﻘﺎ ﺗﺎﻳﯩﻨﯩﭗ ﺋﯚﺯﯨﻨﻰ ﻗﯘﯞﯞﻩﺗﻠﻪﻧﺪﯛﺭﮔﻪﻥ ﻛﯜﭼﻠﻪﺭ، ﺋﺎﺧﯩﺮﻗﻰ ﻫﯧﺴﺎﺑﺘﺎ ﺋﯚﺯﻯ ﺯﯗﻟﯘﻡ ﺳﺎﻟﻐﺎﻥ ﺋﺎﺟﯩﺰﻻﺭﻧﯩﯔ ﻗﻮﻟﯩﺪﺍ ﻫﺎﻻﻙ ﺑﻮﻟﯩﺪﯗ."

ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﻗﺎﻳﺘﺎ ﺗﻪﻛﯩﺘﻠﯩﺪﻯ

ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ ﺳﺘﯧﭙﻬﯧﻦ ﻫﺎﺭﭘﯧﺮ، ﺋﺎﻟﺪﯨﻨﻘﻰ ﻫﻪﭘﺘﯩﺪﻩ،ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﻗﺎﻳﺘﺎ ﺗﻪﻛﯩﺘﻠﯩﺪﻯ. ﺋﯘ، ﺗﯩﺒﻪﺗﺘﯩﻜﻰ ﻧﺎﺭﺍﺯﯨﻠﯩﻖ ﻫﻪﺭﻛﻪﺗﻠﯩﺮﻯ ﻗﻮﺭﺍﻟﻠﯩﻖ ﺑﺎﺳﺘﯘﺭﯗﻟﻐﺎﻥ ﺋﺎﭘﺮﯨﻞ ﺋﯧﻴﯩﻨﯩﯔ ﺑﯧﺸﯩﺪﺍ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﯩﺪﻯ.

AFP Photo
ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ ﺳﺘﯧﭙﻬﯧﻦ ﻫﺎﺭﭘﯧﺮ، ﻳﺎﭘﻮﻧﯩﻪﺩﯨﻜﻰ 8 ﺩﯙﻟﻪﺕ ﻳﯩﻐﯩﻨﯩﺪﺍ ﺑﯘﺵ ﯞﻩ ﺧﯘﻻﺭ ﺑﯩﻠﻪﻥ ﺑﯩﺮﮔﻪ.
ﻳﯧﻘﯩﻨﺪﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺵ ﺑﯩﻠﻪﻥ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﻧﯩﻜﻮﻻﺱ ﺳﺎﺭﻛﻮﺯﯨﻲ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﻛﯩﺸﯩﻠﻪﺭ ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯖﻤﯘ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺑﯧﺴﯩﻤﻠﯩﺮﯨﻐﺎ ﺑﺎﺵ ﺋﯧﮕﯩﭗ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻰ ﻣﯘﻣﻜﯩﻨﭽﯩﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ.
ﺧﯩﺘﺎﻳﻐﺎ ﺑﯧﺮﯨﻠﮕﻪﻥ ﺋﺎﮔﺎﻫﻼﻧﺪﯗﺭﯗﺵﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ ﺳﺘﯧﭙﻬﯧﻦ ﻫﺎﺭﭘﯧﺮ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻗﺎﺗﻨﯩﺸﯩﺶ ﻣﻪﺳﯩﻠﯩﺴﯩﺪﻩ ﻫﻪﺭ ﺗﻪﺭﻩﭘﺘﯩﻦ ﺑﯧﺴﯩﻤﻐﺎ ﺋﯘﭼﺮﯨﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘ،ﺋﺎﻟﺪﯨﻨﻘﻰ ﻫﻪﭘﺘﯩﺪﻩ ﺋﯚﺯﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﭘﯩﻼﻧﯩﻨﯩﯔ ﻳﻮﻗﻠﯘﻗﯩﻨﻰ ﻗﺎﻳﺘﺎ ﺋﻪﺳﻜﻪﺭﺗﺘﻰ. ﺋﯘ : "ﻣﯧﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﭘﯩﻼﻧﯩﻢ ﻳﻮﻕ. ﻣﻪﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺑﯩﺰﻧﯩﯔ ﺑﯘ ﺳﯩﮕﻨﺎﻟﻠﯩﺮﯨﻤﯩﺰﻏﺎ ﺟﯩﺪﺩﯨﻲ ﻣﯘﺋﺎﻣﯩﻠﻪ ﻗﯩﻠﯩﺸﻘﺎ ﺩﻩﯞﻩﺕ ﻗﯩﻠﯩﻤﻪﻥ.ﺋﻮﻟﯩﻤﭙﯩﻜﻨﯩﯔ ﻫﺎﺭﭘﯩﺴﯩﺪﺍ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﯞﻩﺯﯨﻴﯩﺘﻰ ﺑﺎﺭﻏﺎﻧﺴﯧﺮﻯ ﻛﯩﺸﯩﻨﻰ ﺋﻪﻧﺪﯨﺸﯩﮕﻪ ﺳﺎﻟﻤﺎﻗﺘﺎ،" ﺩﯦﺪﻯ. ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯔ ﺑﯘ ﻗﺎﺭﺍﺭﻯ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﺘﻰ. ﺋﻪﻣﻤﺎ ﻛﺎﻧﺎﺩﺍﺩﯨﻜﻰ ﺋﯚﻛﺘﯩﭽﻰ ﭘﺎﺭﺗﯩﻴﻪ ﺑﻮﻟﻐﺎﻥ ﻟﯩﺒﯧﺮﺍﻝ ﭘﺎﺭﺗﯩﻴﯩﺴﻰ، ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯔ ﺑﯘ ﻗﺎﺭﺍﺭﯨﻨﯩﯔ ﻛﺎﻧﺎﺩﺍ ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺯﯨﻴﺎﻥ ﻳﻪﺗﻜﯜﺯﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.ﻟﯩﺒﯧﺮﺍﻝ ﭘﺎﺭﺗﯩﻴﯩﺴﻰ ﻛﺎﻧﺎﺩﺍﺩﯨﻜﻰ ﺧﯩﺘﺎﻳﻐﺎ ﻣﺎﻳﯩﻞ ﺳﯩﻴﺎﺳﻪﺕ ﻳﯜﺭﮔﯜﺯﯛﭖ ﻛﻪﻟﮕﻪﻥ ﺳﯩﻴﺎﺳﯩﻲ ﭘﺎﺭﺗﯩﻴﻪ.ﻟﯩﺒﯧﺮﺍﻝ ﭘﺎﺭﺗﯩﻴﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ،ﭘﺎﺭﻻﻣﯧﻨﺖ ﺋﻪﺯﺍﺳﻰ ﺑﻮﺏ ﺭﺍﺋﯥ ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯔ ﻗﺎﺭﺍﺭﯨﻨﯩﯔ ﻧﺎﺯﯗﻙ ﺑﯩﺮ ﻣﻪﺯﮔﯩﻠﺪﻩ ﺗﯘﺭﯗﯞﺍﺗﻘﺎﻥ ﻛﺎﻧﺎﺩﺍ ‏ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺳﻪﻟﺒﯩﻲ ﺋﺎﻗﯩﯟﻩﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ: "ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯔ ﺧﯩﺘﺎﻳﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﺳﻮﻏﯘﻕ ﻣﯘﻧﺎﺳﯩﯟﻩﺗﻠﻪﺭ ﺋﯘﺭﯗﺷﻰ ﺩﻩﯞﺭﯨﺪﯨﻜﻰ ﭘﯩﺴﺨﯩﻜﯩﻨﻰ ﺋﻪﺳﻠﯩﺘﯩﺪﯗ. ﺑﯘ ﻗﺎﺭﺍﺭ ﻛﺎﻧﺎﺩﺍ ‏ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﭙﻼ ﻗﺎﻟﻤﺎﺳﺘﯩﻦ، ﺋﻪﻛﺴﯩﭽﻪ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻳﺎﺧﺸﯩﻼﺷﻘﯩﻤﯘ ﻫﯧﭽﻘﺎﻧﺪﺍﻕ ﻳﺎﺭﺩﯨﻤﻰ ﺑﻮﻟﻤﺎﻳﺪﯗ. ﻫﻪﺗﺘﺎ ﺑﯘ ﻫﻪﺭﯨﻜﻪﺕ ﻛﺎﻧﺎﺩﺍﻏﺎ ﺑﻪﺩﻩﻝ ﺗﯚﻟﯩﺘﯩﺪﯗ،" ﺩﯦﺪﻯ. ﺋﯘ ﺳﯚﺯﯨﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﻛﺎﻧﺎﺩﺍﻏﺎ ﻗﺎﺭﯨﺘﺎ ﺋﯩﻘﺘﯩﺴﺎﺩﻯ ﻛﻮﺯﯗﺭﻧﻰ ﺋﯩﺸﻘﺎ ﺳﯧﻠﯩﺸﻰ ﻣﯘﻣﻜﯩﻨﭽﯩﻠﯩﻜﯩﻨﻰ ﺋﻪﺳﻜﻪﺭﺗﺘﻰ.
ﺩﯙﻟﻪﺗﻠﻪﺭ ﻣﯘﻧﺎﺳﯩﯟﯨﺘﻰ ﻛﯚﭖ ﻗﯩﺮﻟﯩﻖ ﺑﻮﻟﯩﺪﯗﻛﺎﻧﺎﺩﺍ ﺳﻮﺩﺍ ﻣﯩﻨﯩﺴﺘﯩﺮﻯ ﻣﯩﭽﺎﺋﯧﻞ ﻓﻮﺭﺗﯩﺌﯧﺮ ﻟﯩﺒﯧﺮﺍﻝ ﭘﺎﺭﺗﯩﻴﯩﻨﯩﯔ ﺑﯘ ﻗﺎﺭﺍﺷﻠﯩﺮﯨﻨﻰ ﺭﻩﺕ ﻗﯩﻠﺪﻯ ﯞﻩ ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﺳﻠﯩﻘﻰ ﺑﯩﻠﻪﻥ ﻛﺎﻧﺎﺩﺍ ‏ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺯﯨﻴﺎﻥ ﻳﻪﺗﻤﻪﻳﺪﯨﻐﺎﻧﻠﯩﻘﯩﻨﻰ،ﺩﯙﻟﻪﺗﻠﻪﺭ ﻣﯘﻧﺎﺳﯩﯟﯨﺘﯩﻨﯩﯔ ﻣﯘﺭﻩﻛﻜﻪﭖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ: "ﺋﻪﮔﻪﺭ ﺑﺎﺵ ﻣﯩﻨﯩﺴﺘﯩﺮ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﯩﺴﺎ، ﻛﺎﻧﺎﺩﺍ‏ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺯﯨﻴﺎﻥ ﻳﯧﺘﯩﺪﯗ،ﺩﻩﭖ ﻗﺎﺭﺍﻟﺴﺎ، ﺑﯘ ﺑﺎﻟﯩﻼﺭﭼﻪ ﻗﺎﺭﺍﺷﺘﯩﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ،" ﺩﯦﺪﻯ. ﺳﺘﯧﭙﻬﯧﻦ ﻫﺎﺭﭘﯧﺮ ﺧﯩﺘﺎﻳﻨﯩﯔ ﻧﺎﭼﺎﺭ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﻰ ﺋﺎﺷﻜﺎﺭﺍ ﺗﻪﻧﻘﯩﺪﻟﻪﺵ ﭘﻮﺯﯨﺘﺴﯩﻴﯩﺴﯩﻨﻰ ﻗﻮﻟﻠﯩﻨﯩﭗ ﻛﻪﻟﮕﻪﻥ ﺑﻮﻟﯘﭖ، ﺋﯩﻠﮕﯩﺮﻯ ﺋﯘ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﺳﻮﺩﺍ ﺋﯜﭼﯜﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﯘﺭﺑﺎﻥ ﻗﯩﻠﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﯩﺪﻯ. ﺋﯘﻧﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﮕﻪ ﺗﯘﺗﻘﺎﻥ ﻗﺎﺗﺘﯩﻖ ﻣﻪﻳﺪﺍﻧﻰ ﻛﺎﻧﺎﺩﺍ ‏ - ﺧﯩﺘﺎﻱ ﺳﻮﺩﺍ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺸﻰ ﻣﯘﻣﻜﯩﻦ،ﺩﻩﭖ ﻗﺎﺭﺍﻟﻐﺎﻥ ﺑﻮﻟﺴﯩﻤﯘ، ﻳﯧﻘﯩﻨﺪﺍ ﺋﯧﻼﻥ ﻗﯩﻠﯩﻨﻐﺎﻥ،ﻛﺎﻧﺎﺩﺍ ﺳﻮﺩﺍ ﺳﺎﻫﻪﺳﯩﺪﯨﻜﻰ ﺑﯩﺮ ﺩﻭﻛﻼﺗﺘﺎ،ﻛﺎﻧﺎﺩﺍ ‏ - ﺧﯩﺘﺎﻱ ﻣﯘﻧﺎﺳﯩﯟﯨﺘﯩﺪﻩ ﻛﻮﭖ ﺗﻪﻛﯩﺘﻠﻪﻧﮕﻪﻥ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﯩﯔ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﯨﻨﯩﯔ ﺋﯧﺸﯩﺸﯩﻐﺎ ﺗﻪﺳﯩﺮ ﻛﯚﺭﺳﻪﺗﻤﯩﮕﻪﻧﻠﯩﻜﻰ ﺗﯩﻠﻐﺎ ﺋﯧﻠﯩﻨﻐﺎﻥ. ﻛﺎﻧﺎﺩﺍ ﺳﻮﺩﺍ ﻣﯩﻨﯩﺴﺘﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺑﯘ ﻳﯩﻠﻘﻰ ﺋﯧﻜﺴﭙﻮﺭﺗﻰ %29 ﺋﺎﺷﻘﺎﻥ. ﻛﺎﻧﺎﺩﺍ ‏ - ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﺍ، ﻛﺎﻧﺎﺩﺍﻏﺎ ﭘﺎﻳﺪﯨﺴﯩﺰ ﻗﯩﺰﯨﻞ ﺭﻩﻗﻪﻣﺪﯨﻦ ﺳﻮﺩﺍ ﺗﻪﯕﭙﯘﯕﻠﯘﻗﯩﻐﺎ ﻗﺎﺭﺍﭖ ﻳﯜﺯﻟﻪﻧﮕﻪﻥ.
ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻫﻪﺭﯨﻜﯩﺘﻰ ﺑﯩﺮ ‏ - ﺑﯩﺮﯨﮕﻪ ﺯﯨﺖﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ، ﺳﺘﯧﭙﻬﯧﻦ ﻫﺎﺭﭘﯧﺮﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﺳﻠﯩﻖ ﻗﺎﺭﺍﺭﯨﻐﺎ ﻧﯩﺴﺒﻪﺗﻪﻥ ﺋﻪﻳﯩﺒﻠﻪﺵ ﭘﻮﺯﯨﺘﺴﯩﻴﯩﺴﻰ ﺗﯘﺗﺘﻰ. ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﻣﻪﺗﺒﯘﺋﺎﺗﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ، ﺳﺘﯧﭙﻬﯧﻦ ﻫﺎﺭﭘﯧﺮ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، " ﻫﺎﺭﭘﯧﺮ ﺧﺎﺗﺎ ﻳﻮﻟﺪﺍ ﺩﺍﯞﺍﻡ ﻗﯩﻠﯩﯟﺍﺗﯩﺪﯗ. ﺋﯘ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻨﻰ ﺋﻮﯕﺸﺎﻳﺪﯨﻐﺎﻥ ﻳﺎﺧﺸﻰ ﭘﯘﺭﺳﻪﺗﻨﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﺪﻯ. ﺋﯘ ﺳﻮﻏﯘﻕ ﻣﯘﻧﺎﺳﯩﯟﻩﺗﻠﻪﺭ ﺋﯘﺭﯗﺷﻰ ﻣﻪﺯﮔﯩﻠﯩﺪﯨﻜﻰ ﺋﺎﯓ ﺑﯩﻠﻪﻥ ﺧﯩﺘﺎﻱ ﺩﯙﻟﯩﺘﯩﮕﻪ ﻣﯘﺋﺎﻣﯩﻠﻪ ﻗﯩﻠﯩﯟﺍﺗﯩﺪﯗ" ﺩﻩﭖ ﻳﯧﺰﯨﻠﻐﺎﻥ ﺑﻮﻟﺴﺎ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ، ﺩﯙﻟﻪﺕ ﺑﺎﺷﻠﯩﻘﻠﯩﺮﯨﻨﻰ ﺋﻪﻣﻪﺱ، ﭘﻪﻗﻪﺕ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﻧﯩﯔ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻠﯩﺮﯨﻨﻰ ﺗﻪﻛﻠﯩﭗ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﺋﻪﻣﻤﺎ ﻛﺎﻧﺎﺩﺍﻧﯩﯔ ﻙ ﺕ ﯞ ﺗﯧﻠﯧﯟﯨﺰﯨﻴﯩﺴﻰ، ﺋﻮﻟﯩﻤﭙﯩﻜﻨﯩﯔ ﯞﺍﻗﺘﻰ ﻳﯧﻘﯩﻨﻼﭖ ﻗﺎﻟﻐﺎﻥ ﺑﻮﻟﺴﯩﻤﯘ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻣﯘﺳﺎﺑﯩﻘﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ،ﻏﻪﺭﺏ ﺩﯙﻟﻪﺗﻠﯩﺮﻯ ﺭﻩﻫﺒﻪﺭﻟﯩﺮﯨﻨﯩﯔ ﻗﺎﺗﻨﯩﺸﯩﺸﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﻫﻪﺭﯨﻜﯩﺘﯩﻨﻰ ﺩﺍﯞﺍﻡ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﻛﺎﻧﺎﺩﺍ ‏ - ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﻳﺎﭘﻮﻧﯩﻴﯩﺪﻩ ﺋﺎﻳﺮﯨﻢ ﻛﯚﺭﯛﺷﻜﻪﻧﺪﻩ، ﺧﯘ ﺟﯩﻨﺘﺎﯞﻧﯩﯔ ﺳﺘﯧﭙﻬﯧﻦ ﻫﺎﺭﭘﯧﺮﻏﺎ ﻛﺎﻧﺎﺩﺍﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﻗﻮﻟﻠﯩﻐﺎﻧﻠﯩﻘﯩﻐﺎ ﺭﻩﻫﻤﻪﺕ ﺋﯧﻴﺘﻘﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﺪﻯ. ﺑﯘﻧﯩﯖﺪﯨﻦ ﺋﯩﻠﮕﯩﺮﻯ، ﺋﻪﻧﮕﯩﻠﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﮔﻮﺭﺩﻭﻥ ﺑﺮﻭﯞﻥ ﺑﯩﻠﻪﻥ ﮔﯧﺮﻣﺎﻧﯩﻴﯩﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﻣﯧﺮﻛﯧﻞ ﺧﺎﻧﯩﻢ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﯩﺪﻯ. ﻛﺎﻧﺎﺩﺍ ﻣﻪﺗﺒﯘﺋﺎﺗﻠﯩﺮﻯ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺭﻩﺋﯩﺴﻰ ﻫﺎﻧﺲ ﮔﻪﺭﺕ ﭘﻮﺗﺘﻪﺭﯨﯔ ﺋﻪﭘﻪﻧﺪﯨﻨﯩﯖﻤﯘ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﺪﻯ.

ﻓﺮﺍﻧﺴﯩﻴﯩﺪﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺋﯩﺸﻠﻪﻧﮕﻪﻥ `ﺋﺎﺗﺎ` ﻓﯩﻠﯩﻤﻰ ﻫﻪﻗﻘﯩﺪﻩ ﺳﯚﻫﺒﻪﺕ (1)

2008-07-23
ﺩﯗﻧﻴﺎﻧﯩﯔ ﻛﯚﺯﯨﺪﯨﻦ ﺋﯘﺯﺍﻕ ﻫﺎﻟﺪﺍ ﺋﯜﻥ - ﺗﯩﻨﺴﯩﺰ ﻫﺎﻳﺎﺗﻠﯩﻖ ﻛﯜﺭﯨﺸﯩﻨﻰ ﺩﺍﯞﺍﻡ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﻰ ﺋﺎﺳﺘﺎ - ﺋﺎﺳﺘﺎ ﺩﯗﻧﻴﺎﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﺸﻘﺎ ﺑﺎﺷﻠﯩﺪﻯ. ﺋﯘﻻﺭﻧﯩﯔ ﻣﻪﺩﻩﻧﯩﻴﯩﺘﻰ، ﺋﯚﺭﭖ - ﺋﺎﺩﻩﺗﻠﯩﺮﻯ، ﻧﺎﺧﺸﺎ - ﺋﯘﺳﯘﻟﻠﯩﺮﻯ، ﻳﯧﻤﻪﻙ - ﺋﯩﭽﻤﻪﻛﻠﯩﺮﻯ ﺩﯗﻧﻴﺎﻧﯩﯔ ﻗﯩﺰﯨﻘﯩﺸﯩﻨﻰ ﻗﻮﺯﻏﯩﺴﺎ، ﺋﯘﻻﺭ ﺩﯗﭼﺎﺭ ﺑﻮﻟﯘﯞﺍﺗﻘﺎﻥ ﺳﺎﻧﺴﯩﺰ ﺗﻪﻟﻪﻳﺴﯩﺰ ﻗﯩﺴﻤﻪﺗﻠﻪﺭﻣﯘ ﻫﻪﻡ ﺩﯗﻧﻴﺎﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻤﺎﻗﺘﺎ.

RFA Photo / ﻓﯩﻠﯩﻢ ﺋﺎﭘﺘﻮﺭﻯ ﭼﺎﻏﻼ ﺯﻩﻧﺠﯩﺮﺟﻰ ﺧﺎﻧﯩﻢ ﺗﻪﻣﯩﻨﻠﯩﺪﻯ.
ﻓﯩﻠﯩﻢ ﺋﺎﭘﺘﻮﺭﻯ ﭼﺎﻏﻼ ﺯﻩﻧﺠﯩﺮﺟﻰ ﺧﺎﻧﯩﻢ ﺑﯩﻠﻪﻥ ﻓﯩﻠﯩﻢ ﻗﻪﺧﺮﯨﻤﺎﻧﻰ ﺋﻪﻫﻪﺕ ﺋﯧﻠﻰ ﺋﻪﭘﻪﻧﺪﯨﻨﯩﯔ ﻓﯩﻠﯩﻤﺪﯨﻜﻰ ﻛﯚﺭﯛﻧﯜﺷﻰ.
ﺑﯜﮔﯜﻧﮕﯩﭽﻪ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺋﯩﺸﻠﻪﻧﮕﻪﻥ ﻫﯚﺟﺠﻪﺗﻠﯩﻚ ﻓﯩﻠﯩﻤﻠﻪﺭ، ﻣﺎﻗﺎﻟﯩﻠﻪﺭ، ﻛﯩﺘﺎﺑﻼﺭ ﻫﻪﻣﻤﯩﺴﻰ ﺋﻮﻗﯘﺭﻣﻪﻧﻠﯩﺮﯨﻨﯩﯔ، ﺗﺎﻣﺎﺷﯩﺒﯩﻨﻠﯩﺮﯨﻨﯩﯔ ﻗﯩﺰﻏﯩﻦ ﺋﺎﻟﻘﯩﺸﯩﻐﺎ ﺳﺎﺯﺍﯞﻩﺭ ﺑﻮﻟﯘﭖ، ﺩﯗﻧﻴﺎﻧﯩﯔ ﺋﯘﻧﺘﯘﻟﻐﺎﻥ ﺑﯘﻟﯘﯕﯩﺪﺍ ﻳﺎﺷﺎﯞﺍﺗﻘﺎﻥ ﺑﯘ ﺧﻪﻟﻘﻨﻰ ﺑﺎﻳﻘﯩﻐﺎﻥ ﯞﻩ ﺑﯩﻠﯩﺪﯨﻐﺎﻥ ﻛﯩﺸﯩﻠﻪﺭ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﭗ ﻣﺎﯕﻤﺎﻗﺘﺎ. ﻳﯧﻘﯩﻨﺪﺍ ﻓﺮﺍﻧﺴﯩﻴﯩﺪﻩ ﺋﯩﺸﻠﻪﻧﮕﻪﻥ "ﺋﺎﺗﺎ" ﻧﺎﻣﻠﯩﻖ ﻓﯩﻠﯩﻤﻤﯘ ﻣﺎﻧﺎ ﺑﯘﻻﺭﻧﯩﯔ ﺑﯩﺮﻯ. ﻓﺮﺍﻧﺴﯩﻴﯩﺪﻩ ﻳﺎﺷﺎﻳﺪﯨﻐﺎﻥ ﺗﯜﺭﻙ ﺳﻪﻧﺌﻪﺗﭽﯩﺴﻰ ﭼﺎﻏﻼ ﺯﻩﻧﺠﯩﺮﺟﻰ ﺧﺎﻧﯩﻢ ﺋﯩﺸﻠﯩﮕﻪﻥ ﺑﯘ ﻓﯩﻠﯩﻢ ﻓﺮﺍﻧﺴﯩﻴﯩﺪﯨﻜﻰ ﺗﯜﺭﻟﯜﻙ ﻓﯧﺴﯩﺘﯩﯟﺍﻟﻼﺭﺩﺍ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ ﺑﻮﻟﯘﭖ ﺗﺎﻣﺎﺷﯩﺒﯩﻨﻼﺭﻧﯩﯔ ﻗﺎﺗﺘﯩﻖ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ. ﺋﯚﺯﯨﻨﯩﯔ ﺑﯘ ﻓﯩﻠﯩﻤﻨﻰ ﺋﯩﺸﻠﻪﺷﺘﯩﻜﻰ ﻣﻪﻗﺴﯩﺘﯩﻨﯩﯔ ﺋﻪﺳﻠﯩﺪﻩ ﺋﯘﻳﻐﯘﺭﻻﺭﻧﻰ ﺩﯗﻧﻴﺎﻏﺎ ﺗﻮﻧﯘﺗﯘﺵ، ﺋﯘﻻﺭﻧﯩﯔ ﺋﺎﯞﺍﺯﯨﻨﻰ ﺋﺎﯕﻠﯩﺘﯩﺸﻘﺎ ﺋﺎﺯﺭﺍﻕ ﺑﻮﻟﺴﯩﻤﯘ ﻳﺎﺭﺩﻩﻡ ﻗﯩﻠﯩﺶ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﻘﺎﻥ ﭼﺎﻏﻼﺭ ﺯﻩﻧﺠﯩﺮﺟﻰ ﺧﺎﻧﯩﻢ ﻣﻪﻗﺴﯩﺘﯩﮕﻪ ﺋﯘﻻﺷﻘﺎﻧﻠﯩﻘﯩﺪﯨﻦ ﺋﯩﻨﺘﺎﻳﯩﻦ ﺧﻮﺷﺎﻝ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﺘﻰ. ﺑﯩﺰ ﺑﯜﮔﯜﻧﻜﻰ ﭘﺮﻭﮔﺮﺍﻣﯩﻤﯩﺰﺩﺍ ﭼﺎﻏﻼ ﺧﺎﻧﯩﻢ ﺑﯩﻠﻪﻥ ﻣﺎﻧﺎ ﺑﯘ "ﺋﺎﺗﺎ" ﻓﯩﻠﯩﻤﻰ ﺋﯜﺳﺘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ﺋﻪﮔﻪﺭ ﺳﯩﺰﻣﯘ ﺑﯘ ﻓﯩﻠﯩﻤﮕﻪ ﻗﯩﺰﯨﻘﺴﯩﯖﯩﺰ، ﭼﺎﻏﻼ ﺧﺎﻧﯩﻢ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﯩﻤﯩﺰﮔﻪ ﻗﯘﻻﻕ ﺳﺎﻟﻐﺎﻳﺴﯩﺰ. ﭼﺎﻏﻼ ﺧﺎﻧﯩﻢ، " ﻣﻪﻥ ﺟﯘﻣﻬﯘﺭﯨﻴﻪﺕ ﮔﯧﺰﯨﺘﯩﺪﻩ ﺳﯩﺰﻧﯩﯔ ﺑﯘ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ ﻫﯚﺟﺠﻪﺗﻠﯩﻚ ﻓﯩﻠﯩﻤﯩﯖﯩﺰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ ﻛﯚﺭﮔﻪﻥ ﺋﯩﺪﯨﻢ. ﺋﺎﻟﺪﻯ ﺑﯩﻠﻪﻥ ﺑﯘ ﻫﯚﺟﺠﻪﺗﻠﯩﻚ ﻓﯩﻠﯩﻢ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﮔﻪﻥ ﺑﻮﻟﺴﯩﯖﯩﺰ؟ " ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ: "ﻣﻪﻥ ﻓﺮﺍﻧﺴﯩﻴﯩﺪﻩ ﺑﯘﻧﺪﯨﻦ 5 ﻳﯩﻞ ﺋﺎﯞﯞﺍﻝ ﺋﻪﻫﻪﺗﺠﺎﻥ ﺋﻪﭘﻪﻧﺪﯨﻢ ﺑﯩﻠﻪﻥ ﺗﻮﻧﯘﺷﯘﭖ ﻗﺎﻟﺪﯨﻢ، ﺋﯘ ﺑﯩﺰﮔﻪ ﺋﯚﺯﯨﻨﯩﯔ ﻗﺎﻧﺪﺍﻕ ﻗﯩﻠﯩﭗ ﭘﺎﺭﯨﮋﻏﺎ ﻛﯧﻠﯩﭗ ﻗﺎﻟﻐﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﻪﺭﺩﻯ، ﺑﯩﺰ ﺑﯘﻧﯩﯖﻐﺎ ﺋﯩﻨﺘﺎﻳﯩﻦ ﻗﯩﺰﯨﻘﺘﯘﻕ. ﭼﯜﻧﻜﻰ ﺋﻪﻫﻪﺕ ﺋﻪﭘﻪﻧﺪﯨﻢ ﺋﯚﺯﯨﻤﯘ ﺋﯩﻨﺘﺎﻳﯩﻦ ﻫﯚﺭﻣﻪﺗﻜﻪ ﺳﺎﺯﺍﯞﻩﺭ ﯞﻩ ﻗﯩﺰﯨﻘﺎﺭﻟﯩﻖ ﺋﺎﺩﻩﻡ. ﺷﯘﻧﯩﯔ ﺑﯩﻠﻪﻥ ﺑﯩﺰ ﻛﯧﻴﯩﻦ ﺋﯘﻧﯩﯔ ﻫﺎﻳﺎﺗﯩﻨﻰ ﺋﯚﺭﻧﻪﻙ ﺋﯧﻠﯩﭗ ﺗﯘﺭﯗﭖ ﺑﯩﺮ ﻫﯚﺟﺠﻪﺗﻠﯩﻚ ﻓﯩﻠﯩﻢ ﺋﯩﺸﻠﻪﺷﻨﻰ ﺋﻮﻳﻼﺷﺘﯘﻕ، ﺋﻪﻣﻤﺎ ﻛﯧﻴﯩﻦ ﺑﯘﻧﯩﯔ ﺗﯧﺨﯩﻤﯘ ﻛﯚﭖ ﻛﯩﺸﯩﻠﻪﺭﮔﻪ ﺋﯘﻟﯩﺸﯩﺸﻰ ﺋﯜﭼﯜﻥ ﺑﯩﺮ ﻫﯧﻜﺎﻳﻪ ﻓﯩﻠﯩﻢ ﻗﯩﻠﯩﭗ ﺋﯩﺸﻠﻪﭖ ﭼﯩﻘﺘﯘﻕ."ﺳﻮﺋﺎﻝ : ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻏﺎ ﺳﯚﺯﻟﻪﭖ ﺑﻪﺭﮔﻪﻥ ﺑﻮﻟﺴﯩﯖﯩﺰ، ﻫﯧﻜﺎﻳﻪ ﻓﯩﻠﯩﻤﯩﯖﯩﺰﺩﻩ ﻧﯧﻤﻪ ﺑﺎﻳﺎﻥ ﻗﯩﻠﯩﻨﯩﺪﯗ؟ﻫﯧﻜﺎﻳﻪ ﺋﻪﺳﻠﯩﺪﻩ ﺗﯜﺭﻛﯩﻴﯩﺪﯨﻦ ﭘﺎﺭﯨﮋﻏﺎ ﻛﻪﻟﮕﻪﻥ ﺑﯩﺮ ﺗﯜﺭﻙ ﻗﯩﺰﯨﻨﯩﯔ ﻫﯧﻜﺎﻳﺴﯩﺪﯨﻦ ﺑﺎﺷﻠﯩﻨﯩﺪﯗ. ﺑﯘ ﻗﯩﺰ ﺑﯘﺭﯗﻥ ﺋﯚﺯﻯ ﺗﻮﻧﯘﺷﻘﺎﻥ ﺑﯩﺮﯨﺴﮕﻪ ﺋﻪﮔﯩﺸﯩﭗ ﭘﺎﺭﯨﮋﻏﺎ ﻛﻪﻟﮕﻪﻥ ﺑﻮﻟﯘﭖ، ﺑﯘ ﻳﻪﺭﺩﻩ ﺋﯚﺯﯨﮕﻪ ﻳﯧﯖﻰ ﺑﯩﺮ ﻫﺎﻳﺎﺕ ﻗﯘﺭﯗﺵ ﺋﯜﭼﯜﻥ ﻛﻪﻟﮕﻪﻥ ﺋﯩﺪﻯ. ﻟﯧﻜﯩﻦ ﺋﯘ ﺑﯘ ﻳﻪﺭﺩﻩ ﺋﯩﻨﺘﺎﻳﯩﻦ ﻳﺎﻟﻐﯘﺯﻟﯘﻕ ﻫﯧﺲ ﻗﯩﻠﯩﺪﯗ. ﺋﯘ ﺑﯩﺮ ﻛﯜﻧﻰ ﺩﯦﺮﯨﺰﯨﺴﯩﻨﯩﯔ ﺋﺎﻟﺪﯨﺪﯨﻜﻰ ﻳﻪﺭﺩﻩ ﺑﻮﻟﯘﯞﺍﺗﻘﺎﻥ ﻗﯘﺭﯗﻟﯘﺷﻘﺎ ﻗﺎﺭﺍﭖ ﺗﯘﺭﯗﯞﺍﺗﻘﯩﻨﯩﺪﺍ ﻗﯘﺭﯗﻟﯘﺷﺘﯩﻜﻰ ﺑﯩﺮ ﻛﯩﺸﯩﻨﯩﯔ ﮔﻪﺭﭼﻪ ﭼﯩﺮﺍﻱ ﺷﻪﻛﻠﻰ ﺋﯚﺯﯨﮕﻪ ﺋﻮﺧﺸﯩﻤﯩﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﺋﯚﺯﯨﺪﻩﻙ ﺗﯜﺭﻙ ﺗﯩﻠﯩﺪﺍ ﺳﯚﺯﻟﯩﺸﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﻘﺎﻳﺪﯗ. ﺷﯘﻧﯩﯔ ﺑﯩﻠﻪﻥ ﺑﯘ ﺋﺎﻳﺎﻝ ﺋﯘ ﻛﯩﺸﻰ ﺑﯩﻠﻪﻥ ﺗﻮﻧﯘﺷﯘﺵ ﺟﻪﺭﻳﺎﻧﯩﺪﺍ ﺋﯘ ﻛﯩﺸﯩﻨﯩﯔ ﺋﯘﻳﻐﯘﺭ ﺋﯩﻜﻪﻧﻠﯩﻜﯩﻨﻰ ﯞﻩ ﺋﯘﻧﯩﯔ ﺑﯘﻳﻪﺭﮔﻪ ﻛﻪﻟﮕﯩﻨﯩﮕﻪ 5 ﻳﯩﻞ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﯩﺪﯗ. ﻓﯩﻠﯩﻤﺪﻩ ﻳﺎﺕ ﺑﯩﺮ ﺩﯙﻟﻪﺗﺘﻪ ﻳﺎﻟﻐﯘﺯ ﻳﺎﺷﺎﺵ، ﻳﺎﺕ ﺑﯩﺮ ﺩﯙﻟﻪﺗﺘﻪ ﻫﺎﻳﺎﺕ ﻣﯘﺟﺎﺩﯨﻠﯩﺴﻰ ﺑﯧﺮﯨﺶ، ﺑﯘ ﺋﯩﻜﻜﯩﺴﻰ ﺋﻮﺗﺘﯘﺭﯨﺴﯩﺪﯨﻜﻰ ﯞﻩﻗﻪﻟﯩﻜﻠﻪﺭ ﺋﺎﺭﻗﯩﻠﯩﻖ ﺑﺎﻳﺎﻥ ﻗﯩﻠﯩﻨﯩﺪﯗ. ﮔﻪﺭﭼﻪ ﺋﯘﻻﺭ ﺑﯩﺮ - ﺑﯩﺮﯨﻨﻰ ﺗﻮﻧﯘﻣﯩﺴﯩﻤﯘ، ﺋﯘﻻﺭﻧﻰ ﺋﻮﺧﺸﺎﺵ ﺑﯩﺮ ﺗﯩﻞ ﻳﯧﻘﯩﻨﻼﺷﺘﯘﺭﯗﯞﺍﺗﻘﺎﻥ ﺋﯩﺪﻯ، ﺋﯘﻻﺭﻣﯘ ﺋﯚﺯﻟﯩﺮﯨﻨﯩﯔ ﺗﯩﻠﯩﻨﯩﯔ ﺑﯩﺮ - ﺑﯩﺮﯨﮕﻪ ﻗﺎﻧﭽﯩﻠﯩﻚ ﺋﻮﺧﺸﺎﻳﺪﯨﻐﺎﻧﻠﯩﻘﯩﻨﻰ ﺗﻮﻧﯘﺷﻘﺎﻧﺴﯧﺮﻯ ﻫﯧﺲ ﻗﯩﻠﯩﺪﯗ. ﮔﻪﺭﭼﻪ ﺋﯘﻻﺭﻧﯩﯔ ﻓﺮﺍﻧﺴﯩﻴﯩﮕﻪ ﻛﯧﻠﯩﺶ ﺳﻪﯞﻩﺑﻠﯩﺮﻯ، ﻫﺎﻳﺎﺗﻰ ﺑﯩﺮ - ﺑﯩﺮﯨﺪﯨﻦ ﻧﺎﻫﺎﻳﯩﺘﻰ ﭘﻪﺭﻗﻠﯩﻖ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻻﺭﻧﯩﯔ ﺋﻮﺧﺸﺎﺵ ﺑﯩﺮ ﺗﯩﻠﺪﺍ ﺳﯚﺯﻟﯩﺸﯩﺸﻰ ﺋﯘﻻﺭﻧﻰ ﺑﺎﺭﺍ - ﺑﺎﺭﺍ ﺩﺍﺩﺍ ﺑﯩﻠﻪﻥ ﻗﯩﺰﯨﻐﺎ ﺋﻮﺧﺸﺎﺵ ﻳﯧﻘﯩﻨﻼﺷﺘﯘﺭﯨﺪﯗ. ﭼﺎﻏﻼ ﺧﺎﻧﯩﻢ، ﺳﯩﺰ ﺑﯘ ﻓﯩﻠﯩﻢ ﺋﺎﺭﻗﯩﻠﯩﻖ ﺗﺎﻣﺎﺷﯩﺒﯩﻨﻼﺭﻏﺎ ﻧﯧﻤﻪ ﺩﯦﻤﻪﻛﭽﯩﺴﯩﺰ ؟ ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﯧﺮﯨﭗ ﺋﯘ ﻣﯘﻧﺪﺍﻕ ﺩﯦﺪﻯ: "ﻣﻪﻥ 5 ﻳﯩﻞ ﺑﯘﺭﯗﻥ ﻓﺮﺍﻧﺴﯩﻴﯩﮕﻪ ﻛﻪﻟﮕﯩﻨﯩﻤﺪﻩ ﻓﺮﺍﻧﺴﯘﺯﭼﻪ ﺑﯩﻠﮕﯩﻨﯩﻤﮕﻪ ﯞﻩ ﻛﯚﺭﯛﻧﯜﺵ ﺟﻪﻫﻪﺗﺘﯩﻦ ﻓﺮﺍﻧﺴﯘﺯﻻﺭﻏﺎ ﺋﻮﺧﺸﯩﻐﺎﻧﻠﯩﻘﯩﻤﻐﺎ ﻗﺎﺭﯨﻤﺎﻱ، ﺑﯘ ﻳﻪﺭﮔﻪ ﻛﯚﻧﻪﻟﻤﻪﻱ ﺟﺎﭘﺎ ﺗﺎﺭﺗﻘﺎﻥ ﺋﯩﺪﯨﻢ. ﺋﻪﻫﻪﺗﺠﺎﻥ ﺋﻪﭘﻪﻧﺪﯨﻢ ﺑﻮﻟﺴﺎ ﻓﺮﺍﻧﺴﯘﺯﭼﯩﻨﻰ ﻳﺎﺧﺸﻰ ﺑﯩﻠﻤﻪﻳﺘﺘﻰ، ﻛﯚﺭﯛﻧﯜﺵ ﺟﻪﻫﻪﺗﺘﯩﻨﻤﯘ ﻓﺮﺍﻧﺴﯘﺯﻻﺭﺩﯨﻦ ﭘﻪﺭﻗﻠﯩﻖ ﺋﯩﺪﻯ، ﻳﻪﻧﻰ ﺑﯩﺮ ﻗﺎﺭﺍﺷﻘﯩﻼ ﺋﯘﻧﯩﯔ ﭼﻪﺗﺌﻪﻟﻠﯩﻚ ﺋﯩﻜﻪﻧﻠﯩﻜﻰ ﻛﯚﺭﯛﻧﯜﭖ ﺗﯘﺭﺍﺗﺘﻰ. ﺋﯘ ﻛﯩﺸﯩﻨﯩﯖﻤﯘ ﺋﻮﺧﺸﺎﺵ ﻗﯩﻴﯩﻨﭽﯩﻠﯩﻘﻼﺭﻧﻰ ﺗﺎﺭﺗﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺩﯛﻡ. ﺋﯚﺯ ﺩﯙﻟﯩﺘﯩﯖﯩﺰﺩﻩ ﺑﻮﻟﻤﯩﺴﯩﯖﯩﺰ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺑﯩﺮ ﻛﯚﻧﯜﺵ ﺑﺎﺳﻘﯘﭼﯩﻨﻰ ﺑﺎﺷﺘﯩﻦ ﻛﻪﭼﯜﺭﯨﺴﯩﺰ. ﻣﻪﻥ ﺑﯘﻧﻰ ﺩﯦﻤﻪﻛﭽﻰ. ﻓﯩﻠﯩﻤﺪﯨﻜﻰ ﻗﯩﺰﻧﯩﯖﻤﯘ ﺋﯚﺯﯨﮕﻪ ﭼﯘﺷﻠﯘﻕ ﻣﻪﺳﯩﻠﯩﻠﯩﺮﻯ ﺑﺎﺭ، ﺋﻪﻫﻪﺕ ﺋﻪﭘﻪﻧﺪﯨﻤﻨﯩﯖﻤﯘ ﺋﯚﺯﯨﮕﻪ ﭼﯘﺷﻠﯘﻕ ﺳﯩﻴﺎﺳﯩﻲ ﯞﻩ ﺷﻪﺧﺴﯩﻲ ﻣﻪﺳﯩﻠﯩﻠﯩﺮﻯ ﺑﺎﺭ. ﻟﯧﻜﯩﻦ ﻣﻪﻥ ﺑﯘﻻﺭﻧﻰ ﻓﯩﻠﯩﻤﺪﻩ ﺑﻪﻙ ﺋﺎﻟﺪﯨﻐﺎ ﭼﯩﻘﯩﺮﯨﯟﻩﺗﻤﻪﻱ ﺑﻪﻟﻜﻰ ﺋﯘﻻﺭﻧﻰ ﻓﯩﻠﯩﻤﻨﯩﯔ ﺑﯩﺮ ﺯﯨﻨﻨﯩﺘﻰ ﻗﯩﻠﯩﭗ ﺗﯘﺭﯗﭖ ﺋﯩﺸﻠﻪﺗﺘﯩﻢ. ﻣﻪﻳﻠﻰ ﺳﯩﺰ ﻗﺎﻳﺴﻰ ﻣﻪﺩﻩﻧﯩﻴﻪﺗﺘﯩﻦ ﻛﻪﻟﮕﻪﻥ ﺑﻮﻟﯘﯓ، ﻳﺎﺕ ﺑﯩﺮ ﺩﯙﻟﻪﺗﻜﻪ ﻛﻪﻟﮕﯩﻨﯩﯖﯩﺰﺩﻩ ﭼﻮﻗﯘﻡ ﺋﯘ ﻳﻪﺭﮔﻪ ﻛﯚﻧﯜﯞﺍﻟﻐﯘﭼﻪ ﺟﺎﭘﺎ ﺗﺎﺭﺗﯩﺴﯩﺰ، ﻫﻪﻣﻤﯩﻤﯩﺰ ﺷﯘﻧﺪﺍﻕ. ﻣﻪﻥ ﻛﯩﻨﻮﺩﺍ ﻓﺮﺍﻧﺴﯩﻴﯩﺪﻩ ﭼﻪﺗﺌﻪﻟﻠﯩﻚ ﺑﻮﻟﯘﺵ ﻗﺎﻧﺪﺍﻕ ﺑﯩﺮ ﺗﯘﻳﻐﯘ، ﻗﺎﻧﺪﺍﻕ ﺑﺎﺳﻘﯘﭼﻼﺭﻧﻰ ﺑﺎﺷﺘﯩﻦ ﻛﻪﭼﯜﺭﯨﺪﯗ، ﺑﯘﻧﻰ ﻗﺎﻧﺪﺍﻕ ﻗﯩﻠﻐﺎﻧﺪﺍ ﻳﯧﯖﯩﭗ ﭼﯩﻘﻘﯩﻠﻰ ﺑﻮﻟﯩﺪﯗ، ﺩﯦﮕﻪﻧﻨﻰ ﺋﺎﺳﺎﺱ ﻗﯩﻠﺪﯨﻢ." ﭼﺎﻏﻼ ﺧﺎﻧﯩﻢ، " ﺋﻪﻟﯟﻩﺗﺘﻪ ﺗﯜﺭﻛﻠﻪﺭﻧﯩﯔ ﻳﺎﯞﺭﻭﭘﺎﻏﺎ ﺑﯧﺮﯨﺶ ﺗﺎﺭﯨﺨﻰ ﺋﯘﻳﻐﯘﺭﻻﺭﺩﯨﻦ ﻛﯚﭖ ﺑﺎﻟﺪﯗﺭ. ﻳﺎﯞﺭﻭﭘﺎﺩﯨﻜﻰ ﺗﯜﺭﻙ ﻧﻮﭘﯘﺳﯩﻤﯘ ﺳﻪﻝ ﻗﺎﺭﯨﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺩﻩﺭﯨﺠﯩﺪﻩ ﺟﯩﻖ. ﺋﻪﻣﻤﺎ ﺋﯘﻳﻐﯘﺭﻻﺭ ﺑﻮﻟﺴﺎ ﺗﯧﺨﻰ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﭼﻪﺗﺌﻪﻟﻠﻪﺭﮔﻪ ﭼﯩﻘﯩﺸﻘﺎ ﺑﺎﺷﻠﯩﺪﻯ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﺧﯩﺘﺎﻳﻼﺭﻧﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻤﻰ ﻛﯜﭼﻪﻳﮕﻪﻧﺪﯨﻦ ﺑﯧﺮﻯ ﺋﯘﻳﻐﯘﺭﻻﺭ ﭼﻪﺗﺌﻪﻟﻠﻪﺭﮔﻪ ﭼﯩﻘﯩﺸﻘﺎ ﺑﺎﺷﻠﯩﺪﻯ. ﻣﻪﻥ ﻣﻪﻳﻠﻰ ﻳﺎﯞﺭﻭﭘﺎﺩﯨﻜﻰ، ﻣﻪﻳﻠﻰ ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺑﻮﻟﺴﯘﻥ ﺑﺎﺭﻏﺎﻧﻠﯩﻜﻰ ﺩﯙﻟﯩﺘﯩﺪﻩ ﺗﯜﺭﻙ ﺟﺎﻣﺎﺋﯩﺘﻰ ﺑﯩﻠﻪﻥ ﺋﺎﺭﯨﻠﯩﺸﯩﺪﯨﻐﺎﻧﻠﯩﻘﯩﻨﻰ ﻛﯚﺭﺩﯛﻡ. ﮔﻪﺭﭼﻪ ﺋﯩﻜﻜﻰ ﺗﯘﻏﻘﺎﻥ ﻣﯩﻠﻠﻪﺕ ﺑﯩﺮ - ﺑﯩﺮﯨﺪﯨﻦ ﻣﯩﯖﻼﺭﭼﻪ ﭼﺎﻗﯩﺮﯨﻢ ﺋﯘﺯﺍﻗﺘﺎ ﻳﺎﺷﺎﯞﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻳﻪﻧﯩﻼ ﭼﻪﺗﺌﻪﻟﻠﻪﺭﺩﻩ ﺑﯩﺮ - ﺑﯩﺮﻯ ﺑﯩﻠﻪﻥ ﻧﺎﻫﺎﻳﯩﺘﻰ ﺗﯧﺰ ﭼﯩﻘﯩﺸﯩﭗ ﻳﺎﺷﯩﻤﺎﻗﺘﺎ. ﺳﯩﺰ ﺑﯘﻧﻰ ﻧﯧﻤﯩﮕﻪ ﺑﺎﻏﻼﻳﺴﯩﺰ؟ " ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ: "ﻣﻪﻥ ﺋﻪﻫﻪﺕ ﺋﻪﭘﻪﻧﺪﯨﻢ ﺋﯚﺯﯨﻨﯩﯔ ﺋﯘﻳﻐﯘﺭ ﺩﻭﺳﺘﻠﯩﺮﻯ ﺑﯩﻠﻪﻥ ﺳﯚﺯﻟﻪﺷﻜﻪﻧﺪﻩ ﺋﯘﻧﯩﯔ ﮔﯧﭙﯩﻨﻰ ﻳﯜﺯﺩﻩ ﻳﯜﺯ ﭼﯜﺷﯩﻨﯩﭗ ﻛﯧﺘﻪﻟﻤﯩﺴﯩﻪﻣﻤﯘ، ﺋﻪﻣﻤﺎ ﺋﺎﺳﺎﺳﻰ ﺟﻪﻫﻪﺗﺘﯩﻦ ﻧﯧﻤﻪ ﺩﻩﯞﺍﺗﻘﺎﻧﻠﯩﻘﯩﻨﻰ ﺑﯩﻠﻪﻟﻪﻳﻤﻪﻥ. ﺗﻪﺧﻤﯩﻨﯩﻤﭽﻪ ﺋﯜﺭﯛﻣﭽﯩﮕﻪ ﺑﺎﺭﺳﺎﻡ 3 ﺋﺎﻱ ﺋﯩﭽﯩﺪﻩ ﻣﻪﻥ ﺋﯘﻳﻐﯘﺭﭼﯩﻨﻰ ﺗﻮﻟﯘﻕ ﭼﯜﺷﯜﻧﻪﻟﻪﻳﺪﯨﻐﺎﻥ ﺑﻮﻟﯘﭖ ﭼﯩﻘﯩﻤﻪﻥ. ﻣﺎﻧﺎ ﺑﯘ ﺗﯩﻞ ﺑﯩﺰﻧﻰ ﻳﯧﻘﯩﻨﻼﺷﺘﯘﺭﯗﯞﺍﺗﻘﺎﻥ ﺑﯩﺮ ﺋﺎﻣﯩﻞ. ﺋﯘﻧﯩﯔ ﺋﯜﺳﺘﯩﮕﻪ ﺑﯩﺰﻧﯩﯔ ﺋﯚﺭﭖ - ﺋﺎﺩﻩﺗﻠﯩﺮﯨﻤﯩﺰﻣﯘ ﺋﻮﺧﺸﺎﺵ. ﺋﻪﺳﻠﯩﺪﻩ ﻣﻪﻥ ﺋﻪﻫﻪﺗﺠﺎﻥ ﺋﻪﭘﻪﻧﺪﯨﻢ ﺑﯩﻠﻪﻥ ﺗﻮﻧﯘﺷﻘﺎﻧﺪﯨﻦ ﻛﯧﻴﯩﻦ ﺑﯩﺰﻧﯩﯔ ﺋﯚﺭﭖ - ﺋﺎﺩﻩﺗﻠﯩﺮﯨﻤﯩﺰﻧﯩﯔ ﻧﻪﺩﯨﻦ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯨﻢ. ﭼﯜﻧﻜﻰ ﺋﺎﺭﯨﺪﯨﻦ ﻳﯩﻠﻼﺭ ﺋﯚﺗﻪ - ﺋﯚﺗﻪ ﺑﯩﺰ ﺗﯩﻠﯩﻤﯩﺰﻧﻰ ﻧﯧﻤﯩﺸﻘﺎ ﺑﯘﻧﺪﺍﻕ ﺋﯩﺸﻠﯩﺘﯩﺪﯨﻐﺎﻧﻠﯩﻘﯩﻤﯩﺰﻧﻰ، ﺋﯚﺭﭖ - ﺋﺎﺩﻩﺗﻠﯩﺮﯨﻤﯩﺰﻧﯩﯔ ﻧﻪﺩﯨﻦ ﻛﻪﻟﮕﻪﻧﻠﯩﻜﯩﻨﻰ ﺋﯘﻧﺘﯘﭖ ﻗﯧﻠﯩﯟﺍﺗﯩﻤﯩﺰ. ﻣﯘﻧﺪﺍﻗﭽﻪ ﺋﯧﻴﺘﻘﺎﻧﺪﺍ، ﻣﻪﻥ ﺋﻪﻫﻪﺕ ﺋﻪﭘﻪﻧﺪﯨﻢ ﺑﯩﻠﻪﻥ ﺗﻮﻧﯘﺷﻘﺎﻧﺪﯨﻦ ﻛﯧﻴﯩﻦ ﺋﯚﺯﯨﻤﯩﺰﻧﯩﯔ ﺋﯚﺗﻤﯜﺷﯩﮕﻪ ﺑﯩﺮ ﺳﻪﭘﻪﺭ ﻗﯩﻠﺪﯨﻢ ﺩﯦﺴﻪﻣﻤﯘ ﺑﻮﻟﯩﺪﯗ. ﻣﯧﻨﯩﯔ ﺋﻪﻫﻪﺗﺠﺎﻥ ﺋﻪﭘﻪﻧﺪﯨﻢ ﻫﻪﻗﻘﯩﺪﻩ ﻛﯩﻨﻮ ﺋﯩﺸﻠﻪﺵ ﺧﯩﻴﺎﻟﯩﻐﺎ ﻛﯧﻠﯩﭗ ﻗﯧﻠﯩﺸﯩﻤﻤﯘ، ﻣﯧﻨﯩﯔ ﺋﯘﻧﯩﯖﺪﯨﻦ ﺋﯚﺯﻩﻣﻨﯩﯔ ﺋﯚﺗﻤﯜﺷﯜﻣﮕﻪ ﺋﺎﺋﯩﺖ ﻧﻪﺭﺳﯩﻠﻪﺭﻧﻰ ﺋﯚﮔﻪﻧﮕﻪﻧﻠﯩﻜﯩﻤﺪﯨﻦ ﺑﻮﻟﺪﻯ. ﺋﯘﻳﻐﯘﺭ ﺗﯜﺭﻛﻠﯩﺮﻯ ﻣﺎﯕﺎ ﺋﻮﺧﺸﺎﺵ ﺗﯜﺭﻛﯩﻴﯩﺪﯨﻦ ﻛﻪﻟﮕﻪﻥ ﺗﯜﺭﻛﯩﻴﻪ ﺗﯜﺭﻛﻠﯩﺮﻯ ﺋﯜﭼﯜﻥ ﻫﻪﺭﻛﯜﻥ ﻛﯚﺭﯛﭖ ﺗﯘﺭﯨﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ، ﺑﯩﺰ ﺋﯘﻧﻰ ﭘﻪﻗﻪﺕ ﺗﺎﺭﯨﺦ ﺩﻩﺭﺳﻠﯩﺮﯨﺪﯨﻼ ﻛﯚﺭﯨﻤﯩﺰ. ﺋﯘﻧﻰ ﺑﯩﺮﺩﯨﻨﻼ ﺋﯚﺯ ﻛﯚﺯﯨﯖﯩﺰ ﺑﯩﻠﻪﻥ ﻛﯚﺭﮔﯩﻨﯩﯖﯩﺰﺩﻩ ﺋﻪﻟﯟﻩﺗﺘﻪ ﺋﯘﻧﯩﯖﻐﺎ ﺋﯩﻨﺘﺎﻳﯩﻦ ﻗﯩﺰﯨﻘﯩﺴﺰ. ﻣﻪﻥ ﺑﯘ ﻳﯩﻘﯩﻨﻠﯩﺸﯩﺸﯩﻤﯩﺰﻧﯩﯔ ﺳﻪﯞﻩﺑﯩﻨﻰ ﺗﯩﻞ ﺩﻩﭖ ﻗﺎﺭﺍﻳﻤﻪﻥ، ﺋﻪﻟﯟﻩﺗﺘﻪ ﻣﻪﺩﻩﻧﯩﻴﯩﺘﯩﻤﯩﺰﻣﯘ ﺑﯩﺮ - ﺑﯩﺮﯨﮕﻪ ﺷﯘﻧﺪﺍﻕ ﺋﻮﺧﺸﺎﻳﺪﯗ. ﺳﻮﺋﺎﻝ : ﺳﯩﺰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﭗ ﺑﺎﻗﻘﺎﻧﻤﯘ؟ ﺟﺎﯞﺍﺏ : ﺗﯧﺨﻰ ﺑﯧﺮﯨﭗ ﺑﺎﻗﻤﯩﺪﯨﻢ، ﺋﻪﻣﻤﺎ ﺑﯧﺮﯨﺸﯩﻨﻰ ﺗﻮﻟﯩﻤﯘ ﺋﺎﺭﺯﯗ ﻗﯩﻠﯩﻤﻪﻥ. " ﺳﯩﺰﻧﯩﯔ ﺑﯘ ﻓﯩﻠﯩﻤﯩﯖﯩﺰ ﻣﯘﻛﺎﭘﺎﺗﻘﺎ ﺋﯧﺮﯨﺸﯩﭙﺘﯘ، ﺑﯘ ﻫﻪﻗﺘﻪ ﺑﯩﺰﮔﻪ ﺗﯧﺨﯩﻤﯘ ﺗﻮﻟﯘﻕ ﻣﻪﻟﯘﻣﺎﺕ ﺑﻪﺭﮔﻪﻥ ﺑﻮﻟﺴﯩﯖﯩﺰ؟ " ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻥ ﭼﺎﻏﻼ ﺧﺎﻧﯩﻢ ﺳﯚﺯﯨﻨﻰ ﻣﯘﻧﺪﺍﻕ ﺩﺍﯞﺍﻡ ﻗﯩﻠﺪﻯ: "ﺑﯩﺰ ﺑﯘ ﻓﯩﻠﯩﻤﻨﻰ ﺑﯘﻟﺘﯘﺭ 12 - ﺋﺎﻳﺪﺍ ﺗﯜﮔﻪﺗﺘﯘﻕ. ﻛﯩﻨﻮﻧﻰ ﻓﯧﺴﺘﯩﯟﺍﻟﻼﺭﻏﺎ 2008 - ﻳﯩﻠﻰ1 - ﺋﺎﻳﺪﺍ ﻗﺎﺗﻨﺎﺷﺘﯘﺭﺩﯗﻕ. ﺋﻪﯓ ﻣﯘﻫﯩﻤﻰ ﻓﯩﻠﯩﻤﯩﻤﯩﺰ ﻛﻼﺭﻣﯘﻧﻔﯧﻼﻥ ﻗﯩﺴﻘﺎ ﻓﯩﻠﯩﻢ ﻓﯧﺴﺘﯩﯟﺍﻟﯩﻐﺎ ﻗﺎﺗﻨﺎﺷﺘﯘﺭﯗﻟﺪﻯ. ﺑﯘ ﻓﯧﺴﺘﯩﯟﺍﻝ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﻓﯧﺴﺘﯩﯟﺍﻝ ﺑﻮﻟﯘﭖ، ﺋﯘ ﻳﻪﺭﺩﻩ ﻫﻪﻡ ﻓﯩﻠﯩﻤﻨﯩﯔ، ﻫﻪﻡ ﻓﯩﻠﯩﻢ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯘﻳﻐﯘﺭ ﺗﯜﺭﻛﻠﯩﺮﯨﻨﯩﯔ ﺋﯩﺴﻤﯩﻨﯩﯔ ﺗﯩﻠﻐﺎ ﺋﯧﻠﯩﻨﯩﺸﻰ ﻧﺎﻫﺎﻳﯩﺘﻰ ﻳﺎﺧﺸﻰ ﺑﻮﻟﺪﻯ. ﭼﯜﻧﻜﻰ ﻧﯘﺭﻏﯘﻥ ﻛﯩﺸﯩﻠﻪﺭ ﻛﯧﻠﯩﭗ ﺑﯩﺰﮔﻪ "ﺋﯘ ﻳﻪﺭﺩﻩ ﺑﯘﻧﺪﺍﻕ ﺑﯩﺮ ﺧﻪﻟﻘﻨﯩﯔ ﻳﺎﺷﺎﻳﺪﯨﻐﺎﻧﻠﯩﻘﯩﻨﻰ ﺑﯩﺰ ﭘﻪﻗﻪﺗﻼ ﺑﯩﻠﻤﻪﻳﺘﺘﯘﻕ، ﺑﯘ ﻓﯩﻠﯩﻤﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ ﺑﯩﻠﺪﯗﻕ"، ﺩﯦﺪﻯ. ﺑﯩﺰﻧﯩﯔ ﺋﻪﺳﻠﻰ ﻣﻪﻗﺴﯩﺘﯩﻤﯩﺰﻣﯘ ﻣﺎﻧﺎ ﺷﯘ ﺋﯩﺪﻯ. ﻳﻪﻧﻰ ﺋﯘﻳﻐﯘﺭ ﺗﯜﺭﻛﻠﯩﺮﯨﻨﯩﯔ ﻣﻪﯞﺟﯘﺗﻠﯘﻗﻰ، ﺋﯘﻻﺭﻧﯩﯔ ﻫﺎﺯﯨﺮﻗﻰ ﯞﻩﺯﯨﻴﯩﺘﯩﻨﻰ ﺋﺎﯕﻠﯩﺘﯩﺶ ﺋﯩﺪﻯ. ﻣﻪﻗﺴﯩﺘﯩﻤﯩﺰﮔﻪ ﺋﯘﻻﺷﻘﺎﻥ ﺑﻮﻟﺪﯗﻕ. ﺋﯩﻜﻜﯩﻨﭽﻰ ﺑﻮﻟﯘﭖ، ﻛﯧﺮﯨﺘﯩﺮﻳﻪﺱ ﺋﺎﻳﺎﻟﻼﺭ ﻓﯩﻠﯩﻤﻠﯩﺮﻯ ﻓﯧﺴﺘﯩﯟﺍﻟﯩﺪﺍ ﻛﯚﺭﺳﯩﺘﯩﻠﺪﻯ. ﺋﯘ ﻓﯧﺴﺘﯩﯟﺍﻟﺪﺍ ﺑﯩﺰﻧﯩﯔ ﺑﯘ ﻓﯩﻠﯩﻤﯩﻤﯩﺰ ﻣﯘﻛﺎﭘﺎﺗﻼﻧﺪﻯ. ﺋﺎﻟﻐﺎﻥ ﻣﯘﻛﺎﭘﺎﺗﯩﻤﯩﺰ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﻣﯘﻛﺎﭘﺎﺕ، ﭼﯜﻧﻜﻰ ﺋﯘ ﻓﯧﺴﺘﯩﯟﺍﻟﻐﺎ ﻗﺎﺗﻨﺎﺷﺘﯘﺭﯗﻟﻐﺎﻥ ﻓﯩﻠﯩﻤﻠﻪﺭﻧﯩﯔ ﺋﺎﺭﯨﺴﯩﺪﯨﻦ ﺧﻪﻟﻖ ﺋﯚﺯﻯ ﺑﺎﻫﺎﻻﺵ ﺋﺎﺭﻗﯩﻠﯩﻖ ﺧﻪﻟﻖ ﺗﻪﺭﯨﭙﯩﺪﯨﻦ ﺑﯧﺮﯨﻠﯩﺪﯨﻐﺎﻥ ﻣﯘﻛﺎﭘﺎﺕ. ﺑﺎﻫﺎﻟﯩﻐﯘﭼﯩﻼﺭ ﺗﻪﺭﯨﭙﯩﺪﯨﻦ ﺋﻪﻣﻪﺱ، ﺧﻪﻟﻖ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﺑﯩﺮ ﻣﯘﻛﺎﭘﺎﺕ، ﺋﯘﻧﯩﯔ ﺋﯜﺳﺘﯩﮕﻪ ﺑﯩﺰ ﺑﯘ ﻣﯘﻛﺎﭘﺎﺗﻨﻰ ﻧﺎﻫﺎﻳﯩﺘﻰ ﻳﯘﻗﯩﺮﻯ ﺑﯩﺮ ﭘﻪﺭﻕ ﺑﯩﻠﻪﻥ ﺋﺎﻟﺪﯗﻕ. ﺑﯩﺰﻧﯩﯔ ﺑﯘ ﻓﯩﻠﯩﻤﯩﻤﯩﺰ ﻳﻪﻧﻪ ﻓﺮﺍﻧﺴﯩﻴﯩﺪﯨﻜﻰ ﻣﻮﻧﻮﭘﻮﻟﯩﻴﻪ ﻓﯩﻠﯩﻢ ﻓﯧﺴﺘﯩﯟﺍﻟﯩﺪﺍ ﮔﺮﺍﻧﭙﯩﻞ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﺘﻰ. ﺑﯘﻣﯘ ﻓﯩﻠﯩﻤﻨﯩﯔ ﺗﺎﺭﺗﯩﻠﯩﺸﯩﻐﺎ، ﺭﯦﮋﯨﺴﺴﻮﺭﻟﯘﻗﯩﻐﺎ ﺑﯧﺮﯨﻠﮕﻪﻥ ﻣﯘﻛﺎﭘﺎﺕ. ﺑﯩﺰ ﺑﯘﻻﺭﺩﯨﻦ ﺋﯩﻨﺘﺎﻳﯩﻦ ﺧﻮﺷﺎﻝ ﺑﻮﻟﺪﯗﻕ." ﭼﺎﻏﻼﺭ ﺧﺎﻧﯩﻢ، " ﺳﯩﺰ ﻳﺎﯞﺭﻭﭘﺎﺩﯨﻜﻰ ﻓﯩﻠﯩﻢ ﻓﯧﺴﯩﺘﯩﯟﺍﻟﻼﺭﺩﺍ ﺋﯘﻳﻐﯘﺭﻻﺭﻧﻰ ﺗﻮﻧﯘﺗﯘﺵ ﺋﯜﭼﯜﻥ ﻛﯜﭺ ﭼﯩﻘﯩﺮﯨﭙﺴﯩﺰ. ﺑﯘﻧﺪﯨﻦ ﻛﯧﻴﯩﻨﻤﯘ ﺑﺎﺷﻘﺎ ﭘﯩﻼﻧﻠﯩﺮﯨﯖﯩﺰ ﺑﺎﺭﻣﯘ؟ " ﺩﯦﮕﻪﻥ ﺳﻮﺋﺎﻟﯩﻤﯩﺰﻏﺎ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ: "ﺑﯘﻧﺪﯨﻦ ﻛﯧﻴﯩﻨﻜﻰ ﭘﯩﻼﻧﯩﻤﺪﺍ ﻣﻪﻥ ﮔﯩﻴﯩﻤﯩﺠﻮﻧﯩﺘﺘﻰ ﺑﯩﻠﻪﻥ ﺑﯩﺮﻟﯩﻜﺘﻪ ﭘﺎﻛﯩﺴﺘﺎﻧﺪﺍ ﺋﯘﺯﯗﻥ ﺑﯩﺮ ﻛﯩﻨﻮ ﺋﯩﺸﻠﻪﺷﻜﻪ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﯩﻤﯩﺰ. ﺑﯘﻧﻰ 9 - ﺋﺎﻳﺪﺍ ﺑﺎﺷﻼﻳﻤﯩﺰ. ﺑﯩﻠﯩﺸﯩﻤﭽﻪ، ﭘﺎﻛﯩﺴﺘﺎﻧﺪﯨﻤﯘ ﺋﯘﻳﻐﯘﺭ ﺗﯜﺭﻛﻠﯩﺮﻯ ﺑﺎﺭ، ﺋﯘﻻﺭﻧﻰ ﻗﻪﺷﻘﻪﺭﯨﻴﻠﻪﺭ ﺩﻩﭖ ﺋﺎﺗﺎﻳﺪﯨﻜﻪﻥ. ﺋﯘﻻﺭ ﻗﻪﺷﻘﻪﺭﺩﯨﻦ ﻛﯧﻠﯩﭗ ﭘﺎﻛﯩﺴﺘﺎﻧﺪﺍ ﭼﻮﯓ ﺗﯩﺠﺎﺭﻩﺕ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭ ﺋﯩﻜﻪﻥ. ﻫﺎﺯﯨﺮﭼﻪ ﺗﻮﻟﯘﻕ ﻣﻪﺯﻣﯘﻧﯩﻨﻰ ﺩﻩﭖ ﺑﯧﺮﻩﻟﻤﯩﺴﻪﻣﻤﯘ، ﻓﯩﻠﯩﻤﯩﻤﯩﺰﺩﻩ ﻳﻪﻧﯩﻼ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻣﻪﺯﻣﯘﻧﻼﺭ ﺋﯚﺗﯩﺪﯗ." "ﺭﻩﻫﻤﻪﺕ ﺳﯩﺰﮔﻪ، ﺋﺎﺧﯩﺮﯨﺪﺍ ﻗﻮﺷﯘﭖ ﻗﻮﻳﻤﺎﻗﭽﻰ ﺑﻮﻟﻐﺎﻥ ﺳﯚﺯﯨﯖﯩﺰ ﺑﺎﺭﻣﯘ؟ "ﺩﯦﮕﯩﻨﯩﻤﯩﺰﺩﻩ، ﺋﯘ ﻳﻪﻧﻪ ﺷﯘﻧﺪﺍﻕ ﺩﯦﺪﻯ: "ﻣﻪﻧﻤﯘ ﺳﯩﺰﮔﻪ ﺭﻩﻫﻤﻪﺕ ﺋﯧﻴﺘﯩﻤﻪﻥ، ﺑﯘ ﻳﻪﺭﺩﯨﻦ ﻫﻪﻡ ﺋﻪﻫﻪﺗﺠﺎﻥ ﺋﻪﭘﻪﻧﺪﯨﻤﮕﻪ ﻛﯚﭖ ﺭﻩﻫﻤﻪﺕ ﺋﯧﻴﺘﯩﻤﻪﻥ. ﭼﯜﻧﻜﻰ ﺋﻪﻫﻪﺗﺠﺎﻥ ﺋﻪﭘﻪﻧﺪﯨﻤﻨﯩﯔ ﺑﯘ ﻛﯩﻨﻮﻧﻰ ﺋﯩﺸﻠﻪﭖ ﭼﯩﻘﯩﺸﯩﻤﯩﺰﻏﺎ ﻛﯚﭖ ﻳﺎﺭﺩﯨﻤﻰ ﺑﻮﻟﺪﻯ. ﺋﯩﻨﺸﺎﺋﺎﻟﻼﻫ ﺑﯘ ﻓﯩﻠﯩﻤﻨﯩﯔ ﺋﯘﻳﻐﯘﺭ ﺗﯜﺭﻛﻠﯩﺮﯨﻨﻰ ﺩﯗﻧﻴﺎﻏﺎ ﺗﻮﻧﯘﺗﯘﺷﻘﺎ ﻳﺎﺭﺩﯨﻤﻰ ﺑﻮﻻﺭ"!

" ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺑﯧﻴﺠﯩﯔ ﻫﺎﯞﺍ ﻗﺎﺗﻨﯩﺸﯩﻨﻰ 4 ﺳﺎﺋﻪﺕ ﺗﻮﺧﺘﺎﺷﻘﺎ ﻣﻪﺟﺒﯘﺭﻟﯩﺪﻯ"

2008-07-18

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯜﮔﯜﻧﻜﻰ ﺧﻪﯞﯨﺮﯨﺪﻩ ﺑﯧﻴﺠﯩﯖﻨﯩﯔ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﻣﻪﺯﮔﯩﻠﯩﺪﻩ ﺑﯧﻴﺠﯩﯔ ﻫﺎﯞﺍ ﻗﺎﺗﻨﯩﺸﯩﻨﻰ 4 ﺳﺎﺋﻪﺕ ﺗﻮﺧﺘﯩﺶ ﻗﺎﺭﺍﺭﻯ ﺋﺎﻟﻐﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﺪﻯ. ﺧﻪﯞﻩﺭﺩﻩ، ﺧﯩﺘﺎﻱ ﺋﺎﯞﯨﺌﺎﺗﺴﯩﻴﻪ ﺩﺍﺋﯩﺮﯨﻠﯩﺮﻯ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﯧﭙﯩﻠﻠﯩﻚ ﻗﯩﻠﯩﺶ ﺋﯜﭼﯜﻥ، ﺑﯧﻴﺠﯩﯖﺪﯨﻜﻰ ﺋﺎﻳﺮﻭﺩﺭﻭﻡ ﯞﻩ ﻫﺎﯞﺍ ﻳﻮﻟﻰ ﺷﯩﺮﻛﻪﺗﻠﯩﺮﯨﮕﻪ ﺋﻮﻟﯩﻤﭙﯩﻚ ﻣﯘﺭﺍﺳﯩﻢ ﻣﻪﺯﮔﯩﻠﯩﺪﻩ ﺑﯧﻴﺠﯩﯖﻐﺎ ﻛﯧﻠﯩﺪﯨﻐﺎﻥ ﯞﻩ ﺑﯧﻴﺠﯩﯖﺪﯨﻦ ﺋﯘﭼﯩﺪﯨﻐﺎﻥ ﻫﺎﯞﺍ ﻗﺎﺗﻨﯩﺸﯩﻨﻰ ﺗﺎﻣﺎﻣﻪﻥ ﺗﻮﺧﺘﯩﺘﯩﺶ ﻫﻪﻗﻘﯩﺪﻩ ﺋﯘﻗﺘﯘﺭﯗﺵ ﭼﯜﺷﯜﺭﮔﻪﻥ. ﺋﯘﻗﺘﯘﺭﯗﺷﻨﯩﯔ ﺭﻭﻫﻰ ﺑﯘﻳﯩﭽﻪ، ﺑﯧﻴﺠﯩﯔ ﻫﺎﯞﺍ ﻗﺎﺗﻨﯩﺸﻰ، 8 ‏ - ﺋﺎﯞﻏﯘﺳﺖ ﻛﯜﻧﻰ ﻛﻪﭺ ﺳﺎﺋﻪﺕ 7 :59 ﺩﯨﻦ ﻛﯧﭽﻪ ﺳﺎﺋﻪﺕ 12 ﮔﻪ ﻗﻪﺩﻩﺭ 4 ﺳﺎﺋﻪﺕ ﺗﻮﺧﺘﺎﻳﺪﯗ.

ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﺎﯞﺍ ﻗﺎﺗﻨﯩﺸﯩﻨﻰ ﺗﻮﺧﺘﯩﺘﯩﺶ ﺋﯘﻗﺘﯘﺭﯗﺷﯩﻨﻰ ﺋﺎﺷﻜﺎﺭﺍ ﺋﯧﻼﻥ ﻗﯩﻠﻤﯩﻐﺎﻥ، ﭘﻪﻗﻪﺕ ﺋﺎﻳﺮﻭﺩﺭﻭﻡ ﯞﻩ ﻫﺎﯞﺍ ﻳﻮﻟﻰ ﺷﯩﺮﻛﻪﺗﻠﯩﺮﯨﮕﻪ ﺋﯘﻗﺘﯘﺭﯗﺵ

 ﭼﯜﺷﯜﺭﮔﻪﻥ. ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺧﻮﯕﻜﻮﯕﺪﯨﻜﻰ Cathay Pacific ﻫﺎﯞﺍ ﻳﻮﻟﻰ ﺷﯩﺮﻛﯩﺘﯩﺪﯨﻦ ﺑﯘ ﻫﻪﻗﺘﻪ ﻣﻪﻟﯘﻣﺎﺕ ﺋﯩﮕﯩﻠﯩﮕﻪﻥ. ﺷﯩﺮﻛﻪﺕ ﺑﺎﻳﺎﻧﺎﺗﭽﯩﺴﻰ Carolyn Leung ﺧﺎﻧﯩﻢ، ﺑﯧﻴﺠﯩﯔ ﺧﻪﻟﻘﺌﺎﺭﺍ ﺋﺎﻳﺮﻭﺩﺭﻭﻣﯩﻨﯩﯔ 8 ‏ - ﺋﺎﯞﻏﯘﺳﺖ ﻛﯜﻧﻰ ﻛﻪﭼﺘﻪ ﺗﺎﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﻗﺘﯘﺭﯗﺵ ﺗﺎﭘﺸﯘﺭﯗﯞﺍﻟﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ. ﺋﯘ ﻳﻪﻧﻪ ﺷﯘ ﻛﯜﻧﻰ ﻛﻪﭺ ﺳﺎﺋﻪﺕ 9:45 ﺩﻩ ﺑﯧﻴﺠﯩﯖﻐﺎ ﻗﻮﻧﯩﺪﯨﻐﺎﻥ ﺑﯩﺮ ﺋﺎﻳﺮﻭﭘﯩﻼﻧﻨﯩﯔ، ﺑﯧﻴﺠﯩﯖﻐﺎ ﻗﻮﻧﯘﺵ ﯞﺍﻗﺘﯩﻨﻰ ﺋﻪﺗﯩﺴﻰ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 1ﮔﻪ ﺋﯚﺯﮔﻪﺭﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. 

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻖ ﺧﯩﺘﺎﻱ ﻫﺎﯞﺍ ﻳﻮﻟﻠﯩﺮﻯ ﺷﯩﺮﻛﯩﺘﯩﺪﯨﻦ ﺋﻪﻫﯟﺍﻝ ﺋﯩﮕﯩﻠﯩﮕﻪﻧﺪﯨﻤﯘ ﺋﻮﺧﺸﺎﺵ ﺟﺎﯞﺍﺑﻘﺎ ﺋﯧﺮﯨﺸﻜﻪﻥ. ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺧﻪﯞﯨﺮﯨﺪﻩ، ﺧﯩﺘﺎﻳﻨﯩﯔ ﻫﺎﯞﺍ ﻗﺎﺗﻨﯩﺸﯩﻨﻰ ﺗﻮﺧﺘﯩﺘﯩﺶ ﻗﺎﺭﺍﺭﯨﻨﻰ ﺷﯩﻨﺠﺎﯓ ﯞﻩ ﺷﯩﺰﺍﯕﺪﯨﻦ ﻛﯧﻠﯩﺪﯨﻐﺎﻥ ﺗﻪﻫﺪﯨﺘﺘﯩﻦ ﻗﻮﺭﻗﯘﭖ ﺋﺎﻟﻐﺎﻧﻠﯩﻘﯩﻨﻰ ﻳﺎﺯﯨﺪﯗ ﯞﻩ ﺧﯩﺘﺎﻳﻨﯩﯔ ﺧﻪﻟﻖ ﮔﯧﺰﯨﺘﯩﺪﻩ ﺋﯚﺗﻜﻪﻥ ﻫﻪﭘﺘﻪ، ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺗﺎﺭﯨﺨﺘﺎ ﻛﯚﺭﯛﻟﻤﯩﮕﻪﻥ ﺑﯩﺨﻪﺗﻪﺭﻟﯩﻚ ﺗﻪﻫﺪﯨﺘﯩﮕﻪ ﺩﯗﭺ ﻛﻪﻟﺪﻯ ﺩﻩﭖ ﺧﻪﯞﻩﺭ ﺑﻪﺭﮔﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﺪﯗ.

ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﯘﻳﺎﻥ، ﺧﯩﺘﺎﻱ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻣﯩﻨﯩﺴﺘﯩﺮﻟﯩﻘﻰ، ﺝ ﺥ ﻣﯩﻨﯩﺴﺘﯩﺮﻟﯩﻘﻰ، ﺋﯘﻳﻐﯘﺭ ﺭﺍﻳﻮﻧﻠﯘﻕ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻧﺎﺯﺍﺭﯨﺘﻰ ﯞﻩ ﺝ ﺥ ﻧﺎﺯﺍﺭﯨﺘﻰ ﺋﺎﺭﻗﺎ - ﺋﺎﺭﻗﯩﺪﯨﻦ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺗﯧﺮﺭﻭﺭﻟﯘﻕ ﺗﻪﻫﺪﯨﺘﯩﮕﻪ ﺩﯗﭺ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ، ﺑﯘﻻﺭﻧﯩﯔ ﺋﯩﭽﯩﺪﯨﻜﻰ ﺋﻪﯓ ﻳﯧﻘﯩﻨﻘﻰ ﺑﯩﺮ ﺑﺎﻳﺎﻧﺎﺗﺘﺎ، ﺗﯧﺮﺭﻭﺭﻟﯘﻕ ﺗﻪﻫﺪﯨﺘﯩﻨﯩﯔ ﺋﺎﺳﺎﺳﻠﯩﻘﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﺪﯨﻦ ﻛﯧﻠﯩﯟﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ ﺋﯩﺪﻯ. 

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﺑﺎﻳﺎﻧﺎﺗﻠﯩﺮﻯ ﺑﯩﻠﻪﻥ ﺑﯩﺮﻟﯩﻜﺘﻪ ﻳﻪﻧﻪ، ﺧﯩﺘﺎﻳﺪﺍ ﺑﺎﺭﻟﯩﻖ ﻣﯩﻠﻠﻪﺗﻠﻪﺭﻧﯩﯔ ﺗﯧﻨﭻ - ﺑﺎﺭﺍﯞﻩﺭ ﻳﺎﺷﺎﯞﺍﺗﻘﺎﻧﻠﯩﻘﻰ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﻣﯘﻗﯩﻤﻠﯩﻖ ﺟﻪﻫﻪﺗﺘﻪ ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﺑﺎﺳﻘﯘﭼﺘﺎ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺋﺎﻟﺪﯨﻨﻘﻰ ﺑﺎﻳﺎﻧﺎﺗﻠﯩﺮﻯ ﺑﯩﻠﻪﻥ ﺯﯨﺘﻠﯩﻖ ﺷﻪﻛﯩﻠﻠﻪﻧﺪﯛﺭﯛﭖ ﻛﻪﻟﻤﻪﻛﺘﻪ ﺋﯩﺪﻯ. ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻥ ﺑﯘ ﻳﯩﻞ ﺑﯧﻴﺠﯩﯖﺪﺍ ﺋﯩﻜﻜﻰ ﻳﯩﻐﯩﻦ ﻣﻪﺯﮔﯩﻠﯩﺪﻩ ﺳﯚﺯ ﻗﯩﻠﯩﭗ، " ﺩﯙﻟﯩﺘﯩﻤﯩﺰ ﻛﯜﭼﻠﯜﻙ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﻯ ﺋﺎﺟﯩﺰ، ﺋﯘﻻﺭ ﺋﯩﺶ ﺗﻪﯞﺭﯨﺘﻪﻟﻤﻪﻳﺪﯗ" ﺩﻩﭖ ﺑﺎﻳﺎﻧﺎﺕ ﺑﻪﺭﮔﻪﻥ ﺋﯩﺪﻯ. ﺑﯧﻴﺠﯩﯖﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﮕﻪ ﺋﻪﯓ ﭼﻮﯓ ﺗﻪﻫﺪﯨﺖ ﺳﯜﭘﯩﺘﯩﺪﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﻰ ﻛﯚﺭﺳﯩﺘﯩﺸﻰ، ﯞﻩ ﺑﯩﺨﻪﺗﻪﺭﻟﯩﻜﻨﻰ ﻛﯚﺯﻟﻪﭖ ﻫﺎﯞﺍ ﻗﺎﺗﻨﯩﺸﯩﻨﻰ ﺗﻮﺧﺘﯩﺘﯩﺶ ﻗﺎﺭﺍﺭﻯ ﺋﯧﻠﯩﺸﻰ، ﯞﺍﯓ ﻟﯧﭽﯜﻩﻧﻨﯩﯔ ﻳﯘﻗﯩﺮﯨﻘﻰ ﺑﺎﻳﺎﻧﻠﯩﺮﯨﻐﺎ ﺯﯨﺖ ﻛﻪﻟﻤﻪﻛﺘﻪ.

ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﯩﺮﯨﺪﯨﻦ ﻛﺎﻧﺎﺩﺍ ﻳﺎﺷﺎﯞﺍﺗﻘﺎﻥ ﮔﯜﻟﺸﻪﻥ ﺋﺎﺑﺪﯗﻗﺎﺩﯨﺮ ﯞﻩ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﺴﻰ ﺋﯩﻠﺸﺎﺕ ﺋﻪﭘﻪﻧﺪﯨﻠﻪﺭ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ. 

ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﺴﻰ ﺋﯩﻠﺸﺎﺕ ﺋﻪﭘﻪﻧﺪﻯ ﻣﯘﻧﺪﺍﻕ ﺩﻩﻳﺪﯗ: "ﺧﯩﺘﺎﻱ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﮕﻪ ﺋﺎﺋﯩﺖ ﺑﺎﻳﺎﻧﺎﺗﻠﯩﺮﯨﺪﺍ ﺋﺎﺷﻜﺎﺭﺍ ﻫﺎﻟﺪﺍ ﺋﺎﺳﺎﺳﻠﯩﻖ ﺗﻪﻫﺪﯨﺘﻨﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﻯ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﭗ ﻛﻪﻟﺪﻯ. ﻣﯧﻨﯩﯖﭽﻪ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ ﻳﻪﻧﻰ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﻨﯩﯔ ﺋﻮﻟﯩﻤﭙﯩﻜﻘﺎ ﻫﯘﺟﯘﻡ ﻗﯩﻠﯩﺶ ﭘﯩﻼﻧﻰ ﺑﺎﺭ - ﻳﻮﻗﻠﯘﻗﻰ، ﺑﯘﻧﺪﺍﻕ ﻗﯩﻠﯩﺸﻘﺎ ﻛﯜﭼﻰ ﻳﯧﺘﯩﺪﯨﻐﺎﻥ - ﻳﻪﺗﻤﻪﻳﺪﯨﻐﺎﻧﻠﯩﻘﻰ ﺋﺎﻳﺮﯨﻢ ﻣﻪﺳﯩﻠﻪ. ﺑﯘ ﻳﻪﺭﺩﻩ ﺋﺎﺷﻜﺎﺭﯨﻼﻧﻐﺎﻥ ﻣﻪﺳﯩﻠﻪ، ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻏﺎ ﺗﺎﻣﺎﻣﻪﻥ ﺋﯩﺸﻪﻧﻤﻪﺳﻠﯩﻜﯩﺪﯗﺭ. ﺩﯦﻤﻪﻙ ﺧﯩﺘﺎﻱ ﺷﯘﻧﭽﻪ ﻛﯚﭖ ﻛﯩﺸﯩﻠﻪﺭﮔﻪ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﭗ، ﺷﯘﻧﭽﻪ ﻛﯚﭖ ﻛﯩﺸﯩﻠﻪﺭﻧﻰ ﺗﯜﺭﻣﯩﮕﻪ ﻗﺎﻣﺎﭖ ﺗﯘﺭﯗﭖ، ﺋﯘﻳﻐﯘﺭﻻﺭﻧﻰ ﺗﺎﺭﯨﺨﺘﺎ ﺋﺎﺯ ﺋﯘﭼﺮﺍﻳﺪﯨﻐﺎﻥ ﺗﻪﻗﯩﭗ ﺋﺎﺳﺘﯩﻐﺎ ﺋﯧﻠﯩﭗ ﺗﯘﺭﯗﭘﻤﯘ ﻳﻪﻧﯩﻼ ﺧﺎﺗﯩﺮﺟﻪﻡ ﺑﻮﻻﻟﻤﯩﻐﺎﻥ. ﺩﯦﻤﻪﻙ ﻣﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﻯ، ﺋﯘﻳﻐﯘﺭ ﻣﯩﻠﻠﯩﺘﻰ ﺧﯩﺘﺎﻳﻨﻰ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﻣﻪﺯﮔﯩﻠﯩﺪﻩ ﻫﺎﯞﺍ ﻗﺎﺗﻨﺎﺷﻨﻰ 4 ﺳﺎﺋﻪﺕ ﺗﻮﺧﺘﯩﺘﯩﺸﻘﺎ ﻣﻪﺟﺒﯘﺭﻟﯩﺪﻯ ﺩﻩﭖ ﻗﺎﺭﺍﻳﻤﻪﻥ. ﺩﯦﻤﻪﻙ ﯞﺍﯓ ﻟﯧﭽﯜﻩﻧﻨﯩﯔ ﺩﯦﮕﯩﻨﻰ ﺧﺎﺗﺎ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﻯ ﺋﺎﺟﯩﺰ ﺋﻪﻣﻪﺱ، ﺋﯘﻳﻐﯘﺭ ﺧﻪﻟﻘﻰ ﭼﺎﺭﯨﺴﯩﺰ ﺋﻪﻣﻪﺱ." 

ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﺑﺎﻟﯩﻼﺭﻧﯩﯔ ﻗﯧﻨﯩﻨﻰ ﺷﻮﺭﺍﯞﺍﺗﻘﺎﻥ ﻳﺎﻟﻤﺎﯞﯗﺯﻻﺭ ﺟﻪﻣﻪﺗﻰ ﭘﺎﺵ ﺑﻮﻟﺪﻯ

2008-07-18

ﺋﯘﻳﻐﯘﺭ ﺋﯧﻠﯩﻨﯩﯔ ﻗﺎﻧﯘﻥ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻳﯧﻘﯩﻨﺪﺍ ﻗﻪﺷﻘﻪﺭ ﺷﻪﻫﻪﺭﻟﯩﻚ ﺧﻪﻟﻖ ﺳﻮﺗﻰ ﻳﯧﻘﯩﻨﺪﺍ ﺑﯩﺮ ﺟﻪﻣﻪﺗﺘﯩﻦ ﺷﻪﻛﯩﻠﻠﻪﻧﮕﻪﻥ ﺋﺎﺩﻩﻡ ﺑﯧﺪﯨﻜﻠﯩﺮﻯ ﮔﯘﺭﯗﻫﻰ ﺋﯜﺳﺘﯩﺪﯨﻦ ﺳﻮﺕ ﺋﺎﭼﻘﺎﻥ ﺑﻮﻟﯘﭖ، ﻳﯧﯖﯩﺴﺎﺭ ﻧﺎﻫﯩﻴﯩﺴﯩﺪﯨﻦ ﺑﻮﻟﻐﺎﻥ ﺗﻮﺧﺘﻰ ﯞﻩ ﺋﯘﻧﯩﯔ ﺋﺎﻳﺎﻟﻰ ﮔﯜﻟﻨﯩﺴﺎ ﻗﺎﺗﺎﺭﻟﯩﻖ 38 ﻗﺎﺭﺍ ﻧﯩﻴﻪﺗﻠﯩﻚ ﺋﺎﺩﻩﻡ ﺑﯧﺪﯨﻜﻠﯩﺮﻯ، ﻧﺎﺭﺳﯩﺪﻩ ﺑﺎﻟﯩﻼﺭﻧﻰ ﭘﯘﻝ ﺗﯧﭙﯩﺶ ﻗﻮﺭﺍﻟﻰ ﻗﯩﻠﯩﯟﺍﻟﻐﺎﻥ ﺑﻮﻟﯘﭖ، 10 ﻳﯩﻞ ﺋﯩﭽﯩﺪﻩ 83 ﻧﻪﭘﻪﺭ ﺑﺎﻟﯩﻨﻰ ﺋﯩﭽﻜﯩﺮﯨﺪﻩ ﺋﺎﺷﺨﺎﻧﺎ ﺋﺎﭼﯩﻤﯩﺰ ﺩﯦﮕﻪﻧﮕﻪ ﺋﻮﺧﺸﺎﺵ ﺑﺎﻫﺎﻧﯩﻠﻪﺭ ﺑﯩﻠﻪﻥ ﺋﺎﻟﺪﺍﭖ ﺋﺎﭘﯩﺮﯨﭗ ﻗﻪﺑﯩﻬ ﺋﯘﺳﯘﻟﻼﺭ ﺋﺎﺭﻗﯩﻠﯩﻖ ﺋﯘﻻﺭﻧﻰ ﺳﯧﺘﯩﭗ ﻫﻪﻣﺪﻩ ﺋﻮﻏﺮﯨﻠﯩﻘﻘﺎ ﺳﯧﻠﯩﺶ ﺋﺎﺭﻗﯩﻠﯩﻖ ﭘﯘﻝ ﺗﺎﭘﻘﺎﻥ.

 ﻳﻪﺭﻟﯩﻚ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ ﺑﯘ ﭘﻪﯞﻗﯘﻟﺌﺎﺩﺩﻩ ﺯﻭﺭ ﺋﺎﺩﻩﻡ ﺑﯧﺪﯨﻜﻠﯩﺮﻯ ﮔﯘﺭﯗﻫﻰ ﮔﯘﺍﯕﺠﯘﺩﺍ ﭘﺎﺵ ﺑﻮﻟﻐﺎﻥ ﺑﻮﻟﯘﭖ،ﮔﯘﺭﯗﻫ ﺋﻪﺯﺍﻟﯩﺮﻯ ﺗﯧﮕﯩﺸﻠﯩﻚ ﻗﺎﻧﯘﻧﻰ ﺟﺎﺯﺍﻏﺎ ﺗﺎﺭﺗﯩﻠﻐﺎﻥ.

ﺑﯩﺮ ﺟﻪﻣﻪﺕ ﺋﺎﺩﻩﻡ ﺑﯧﺪﯨﻜﻠﯩﺮﯨﻨﯩﯔ ﺋﯘﯞﯨﺴﻰ ﭼﯘﯞﯗﻟﺪﻯ

ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﺧﯩﺘﺎﻱ ﺧﻪﯞﻩﺭ ﻣﻪﻧﺒﻪﻟﯩﺮﯨﺪﻩ ﺋﯧﻼﻥ ﻗﯩﻠﯩﻨﯩﺸﯩﻐﺎ ﻗﺎﺭﯨﻐﺎﻧﺪﺍ، ﻣﻪﺧﺴﯘﺱ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﺎﻟﺪﺍﭖ ﺋﺎﭘﯩﺮﯨﭗ ﺋﯘﻻﺭﻧﻰ ﺋﻮﻏﺮﯨﻠﯩﻖ ﯞﻩ ﺑﯘﻻﯕﭽﯩﻠﯩﻘﻘﺎ ﺳﯧﻠﯩﺸﻘﺎ

ﺋﻮﺧﺸﺎﺵ ﻗﻪﺑﯩﻬ ﺟﯩﻨﺎﻳﻰ ﻫﻪﺭﯨﻜﻪﺗﻠﻪﺭ، ﺑﻪﺯﻯ ﻗﺎﺭﺍ ﻧﯩﻴﻪﺗﻠﯩﻚ ﺋﺎﺩﻩﻣﻠﻪﺭﻧﯩﯔ ﻣﻪﺧﺴﯘﺱ ﺗﯩﺠﺎﺭﻩﺕ ﯞﺍﺳﯩﺘﯩﺴﻰ ﺑﻮﻟﯘﭖ ﻗﺎﻟﻐﺎﻥ. ﮔﻪﺭﭼﻪ ﺑﻪﺯﻯ ﻣﻪﺗﺒﯘﺋﺎﺗﻼﺭ ﺩﺍﯞﺍﻣﻠﯩﻖ ﺗﯜﺭﻛﯜﻣﻠﻪﭖ ﺋﺎﻟﺪﺍﻧﻐﺎﻥ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺋﯘﻳﻐﯘﺭ ﺋﯧﻠﯩﮕﻪ ﻗﺎﻳﺘﯘﺭﯗﭖ ﻛﻪﻟﮕﻪﻧﻠﯩﻜﻰ ﻫﻪﻗﻘﯩﺪﻩ ﺧﻪﯞﻩﺭﻟﻪﺭ ﺑﯧﺮﯨﭗ ﺗﯘﺭﯗﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﺋﺎﻟﺪﯨﻨﯩﭗ ﻳﺎﻛﻰ ﺳﯧﺘﯩﻠﯩﭗ ﻳﺎﻧﭽﯘﻗﭽﯩﻠﯩﻖ ﯞﻩ ﺋﻮﻏﺮﯨﻠﯩﻘﻘﺎ ﺳﯧﻠﯩﻨﯩﺸﻰ ﺧﯩﺘﺎﻳﻨﯩﯔ ﻫﻪﻣﻤﻪ ﺟﺎﻳﻠﯩﺮﯨﺪﺍ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﻩﺭﯨﺠﯩﺪﻩ ﻣﻪﯞﺟﯘﺕ ﺑﻮﻟﯘﭖ،ﻫﻪﻣﻤﯩﮕﻪ ﺗﻮﻧﯘﺷﻠﯘﻕ ﺷﯘﻧﺪﺍﻗﻼ ﺋﯘﻳﻐﯘﺭﻻﺭﺩﺍ ﭼﻮﯕﻘﯘﺭ ﺋﻪﻧﺪﯨﺸﯩﻠﻪﺭ ﭘﻪﻳﺪﺍ ﻗﯩﻠﯩﯟﺍﺗﻘﺎﻥ ﺑﯩﺮ ﺋﯧﻐﯩﺮ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﻪ ﺋﺎﻳﻼﻧﻐﺎﻥ ﺋﯩﺪﻯ. 

ﺭﺍﺩﯨﺌﻮﻣﯩﺰﻏﺎ ﺋﯘﻳﻐﯘﺭ ﺟﻪﻣﺌﯩﻴﻪﺕ ﻣﻪﺳﯩﻠﯩﻠﯩﺮﯨﻨﻰ ﺋﯩﻨﻜﺎﺱ ﻗﯩﻠﻐﯘﭼﯩﻼﺭ، ﺑﻪﺯﻯ ﻗﺎﺭﺍ ﻧﯩﻴﻪﺗﻠﯩﻚ ﻛﯩﺸﯩﻠﻪﺭﻧﯩﯔ ﺋﯘﻳﻐﯘﺭ ﺋﯚﺳﻤﯜﺭ ﺑﺎﻟﯩﻼﺭﻧﻰ، ﻧﺎﺗﻮﻧﯘﺵ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﺎﻟﺪﺍﭖ ﺋﺎﭘﯩﺮﯨﭗ، ﺋﻮﻏﺮﯨﻠﯩﻘﻘﺎ ﺳﯧﻠﯩﺸﻨﻰ ﭘﯘﻝ ﺗﺎﭘﯩﺪﯨﻐﺎﻥ ﻛﻪﺳﯩﭗ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﺷﯘﻧﺪﺍﻗﻼ ﺑﯘ ﺧﯩﻞ ﻛﯩﺸﯩﻠﻪﺭ ﺩﺍﺋﯩﺮﯨﺴﺪﻩ ﭘﻪﻳﺪﺍ ﺑﻮﻟﻐﺎﻥ ﻗﺎﺭﺍ ﺟﻪﻣﺌﯩﻴﻪﺗﻜﻪ ﻫﻪﺗﺘﺎ ه ﻳﻪﺭﻟﯩﻚ ﺳﺎﻗﭽﯩﻼﺭﻧﯩﯖﻤﯘ ﺷﯧﺮﯨﻚ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﺸﻘﺎﻥ ﺋﯩﺪﻯ. ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ، ﻧﯚﯞﻩﺗﺘﻪ ﻛﯩﭽﯩﻚ ﺑﻮﻟﻐﺎﻧﺪﺍ 7ﻳﺎﺷﺘﯩﻦ 16ﻳﺎﺷﻼﺭﻏﯩﭽﻪ ﺑﻮﻟﻐﺎﻥ، ﻛﻮﭼﯩﻼﺭﺩﺍ ﺋﻮﻏﺮﯨﻠﯩﻖ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﻳﺎﺵ ﺋﯚﺳﻤﯜﺭﻟﯩﺮﯨﻨﻰ ﺧﯩﺘﺎﻳﻨﯩﯔ ﺑﯧﻴﺠﯩﯔ، ﺷﺎﯕﺨﻪﻱ، ﮔﯘﺍﯕﺠﯘ ﺩﯦﮕﻪﻧﺪﻩﻙ ﭼﻮﯓ ﺷﻪﻫﻪﺭﻟﯩﺮﯨﺪﻩه ﻛﯚﭖ ﺋﯘﭼﺮﺍﺗﻘﯩﻠﻰ ﺑﻮﻟﯩﺪﯨﻜﻪﻥ، ﺑﯘ ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﺑﻪﺯﯨﻠﯩﺮﻯ ﺋﺎﺩﻩﻡ ﺑﯧﺪﯨﻜﻠﯩﺮﻯ ﺗﻪﺭﯨﭙﯩﺪﯨﻦ ﺋﻮﻏﺮﯨﻠﯩﻖ ﮔﯘﺭﯗﭘﭙﯩﻠﯩﺮﯨﻨﯩﯔ ﻛﺎﺗﺘﺎ ﺑﺎﺷﻠﯩﺮﯨﻐﺎ ﺳﯧﺘﯩﯟﯦﺘﯩﻠﮕﻪﻥ ﺑﻮﻟﺴﺎ، ﻛﯚﭖ ﺳﺎﻧﺪﯨﻜﯩﺴﻰ ﺷﯘ ﻛﺎﺗﺘﯩﺒﺎﺷﻼﺭ ﺋﯚﺯﻟﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻦ ﺋﺎﻟﺪﺍﭖ ﻛﻪﻟﮕﻪﻥ ﺑﺎﻟﯩﻼﺭ ﺑﻮﻟﯘﭖ، ﻧﺎﺭﺳﯩﺪﻩ ﺑﺎﻟﯩﻼﺭﻧﻰ ﺋﺎﻟﺪﺍﭖ ﺟﯩﻨﺎﻳﻪﺕ ﻳﻮﻟﯩﻐﺎ ﺑﺎﺷﻼﺵ ﺋﺎﺭﻗﯩﻠﯩﻖ ﭘﯘﻝ ﺗﯧﭙﯩﯟﺍﺗﻘﺎﻧﻼﺭﻧﯩﯔ ﻛﯚﭖ ﺳﺎﻧﺪﯨﻜﯩﺴﯩﻤﯘ ﺋﯘﻳﻐﯘﺭﻻﺭ ﺋﯩﻜﻪﻥ.

ﺳﯩﻨﺎ ﺧﻪﯞﻩﺭ ﺗﻮﺭﯨﺪﺍ - 18 ﺋﯩﻴﯘﻝ ﺋﯧﻼﻥ ﻗﯩﻠﯩﻨﯩﺸﯩﭽﻪ، ﻳﯧﻘﯩﻨﺪﺍ ﻗﻪﺷﻘﻪﺭ ﺷﻪﻫﻪﺭﻟﯩﻚ ﺧﻪﻟﻖ ﺳﻮﺗﻰ 90 ﺋﺎﺩﻩﻣﮕﻪ ﭼﯧﺘﯩﺸﻠﯩﻖ، 38 ﺋﺎﺳﺎﺳﯩﻲ ﺟﯩﻨﺎﻳﻪﺗﭽﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺋﺎﺩﻩﻡ ﺑﯧﺪﯨﻜﻰ ﮔﯘﺭﯗﻫﻰ ﺋﻪﺯﺍﻟﯩﺮﻯ ﺋﯜﺳﺘﯩﺪﯨﻦ ﻫﯚﻛﯜﻡ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺋﻪﺯﺍﻟﯩﺮﻯ ﺑﯩﺮ ﺟﻪﻣﻪﺗﻨﻰ ﻣﻪﺭﻛﻪﺯ ﻗﯩﻠﯩﭗ ﺗﻮﭘﻼﻧﻐﺎﻥ ﻣﻪﺯﻛﯘﺭ ﮔﯘﺭﯗﻫ 10 ﻳﯩﻠﺪﯨﻦ ﺑﯘﻳﺎﻥ ﻗﻮﺭﺍﻣﯩﻐﺎ ﻳﻪﺗﻤﯩﮕﻪﻥ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﻗﻪﺷﻘﻪﺭ،ﺧﻮﺗﻪﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﺧﯩﺘﺎﻳﻨﯩﯔ ﮔﯘﺍﯕﺠﯘ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﺷﻪﻫﻪﺭﻟﯩﺮﯨﮕﻪ ﺋﺎﻟﺪﺍﭖ ﺋﺎﭘﯩﺮﯨﭗ ﻳﺎﻧﭽﯘﻗﭽﯩﻠﯩﻖ ﯞﻩ ﺋﻮﻏﺮﯨﻠﯩﻘﻨﻰ، ﺳﺎﻗﭽﯩﻼﺭﻏﺎ ﺗﯘﺗﯘﻟﯘﭖ ﻗﺎﻟﻐﺎﻧﺪﺍ ﻗﺎﻧﺪﺍﻕ ﻗﯘﺗﯘﻟﯘﺵ ﺗﺎﻛﺘﯩﻜﯩﻠﯩﺮﯨﻨﻰ ﺋﯚﮔﻪﺗﻜﻪﻥ ﻫﻪﻣﺪﻩ ﺑﯘ ﺟﻪﺭﻳﺎﻧﺪﺍ ﺑﺎﻟﯩﻼﺭﻧﻰ ﺭﻭﻫﯩﻲ، ﺟﯩﺴﻤﺎﻧﯩﻲ ﺟﻪﻫﻪﺗﻠﻪﺭﺩﯨﻦ ﺋﯧﻐﯩﺮ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﺍﺗﻘﺎﻥ.

ﻣﻪﺯﻛﯘﺭ ﺟﯩﻨﺎﻳﻪﺗﭽﯩﻠﻪﺭ ﮔﯘﺭﯗﻫﯩﻨﯩﯔ ﻛﺎﺗﺘﯩﺒﯧﺸﻰ ﻗﻪﺷﻘﻪﺭ ﻳﯧﯖﯩﺴﺎﺭﻟﯩﻖ ﺗﻮﺧﺘﻰ ﻫﻪﻣﺪﻩ ﺋﯘﻧﯩﯔ ﺋﺎﻳﺎﻟﻰ ﮔﯘﻟﻨﯩﺴﺎﻻﺭ ﮔﯘﺍﯕﺠﯘﺩﺍ ﺋﺎﺷﺨﺎﻧﺎ ﺋﯧﭽﯩﭗ ﯞﻩ ﺑﺎﺷﻘﺎ ﺗﯩﺠﺎﺭﻩﺗﻠﻪﺭ ﻗﯩﻠﯩﭗ ﺋﺎﺳﺘﯩﺮﺗﯩﻦ ﺋﺎﻟﺪﺍﭖ ﻛﻪﻟﮕﻪﻥ ﺑﺎﻟﯩﻼﺭﻧﻰ ﻛﻮﭼﯩﻐﺎ ﭼﯩﻘﯩﭗ ﺋﻮﻏﺮﯨﻠﯩﻖ ﻗﯩﻠﯩﺸﻘﺎ ﻣﻪﺟﺒﯘﺭﻟﯩﻐﺎﻥ. ﺋﯘﻻﺭ ﭘﺎﺵ ﺑﻮﻟﯘﭖ ﺗﯘﺗﯘﻟﻐﺎﻧﺪﺍ ﺋﻮﻏﺮﯨﻼﭖ ﻛﯧﻠﯩﻨﮕﻪﻥ 107 ﻳﺎﻧﻔﻮﻥ ﻫﻪﻣﺪﻩ ﺑﯩﺮ ﻣﯩﻠﻴﻮﻥ ﺧﻪﻟﻖ ﭘﯘﻟﻰ ﺑﯩﻠﻪﻥ ﻗﻮﻟﻐﺎ ﭼﯜﺷﻜﻪﻥ. ﺋﯘﻧﯩﯔ ﮔﯘﺍﯕﺠﯘﺩﯨﻜﻰ ﺋﯘﯞﯨﺴﯩﺪﯨﻦ ﺳﻪﻛﻜﯩﺰ ﻳﺎﺷﺘﯩﻦ 16 ﻳﺎﺷﻘﯩﭽﻪ ﺑﻮﻟﻐﺎﻥ ﺋﻮﻥ ﻧﻪﭼﭽﻪ ﺋﯘﻳﻐﯘﺭ ﺑﺎﻟﯩﺴﻰ ﻗﯘﺗﻘﯘﺯﯨﯟﯦﻠﯩﻨﻐﺎﻥ.
 
ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺑﯘ ﺋﺎﻟﺪﺍﭖ ﻳﺎﻧﭽﯘﻗﭽﯩﻠﯩﻘﻘﺎ ﻣﻪﺟﺒﯘﺭﻻﻧﻐﺎﻥ ﺑﺎﻟﯩﻼﺭﻧﯩﯔ ﺋﯩﭽﯩﺪﯨﻜﻰ ﺗﻮﻗﻘﯘﺯ ﻳﺎﺷﻠﯩﻖ ﺗﯘﺭﻏﯘﻧﻨﯩﯔ ﭘﺎﺵ ﻗﯩﻠﯩﺸﯩﭽﻪ، ﺑﯘ ﮔﯘﺭﯗﻫﻨﯩﯔ ﻛﺎﺗﺘﯩﺒﯧﺸﻰ ﺑﻮﻟﻐﺎﻥ ﺗﻮﺧﺘﻰ، ﺋﻮﻏﺮﯨﻠﯩﻘﻨﻰ ﻗﺎﻣﻼﺷﺘﯘﺭﺍﻟﻤﯩﻐﺎﻧﺪﺍ ﺑﯘ ﺑﺎﻟﯩﻨﻰ ﻗﺎﺗﺘﯩﻖ ﺋﯘﺭﻏﺎﻥ ﻫﻪﺗﺘﺎ ﺗﯩﺮﻧﯩﻘﯩﻨﻰ ﺳﯘﻏﯘﺭﯗﯞﺍﻟﻐﺎﻥ. 10 ﻳﯩﻞ ﺟﻪﺭﻳﺎﻧﯩﺪﺍ ﺑﯘ ﺋﺎﺩﻩﻡ ﺑﯧﺪﯨﻜﻠﯩﺮﻯ ﮔﯘﺭﯗﻫﻰ ﺗﻪﺭﯨﭙﯩﺪﯨﻦ ﺋﺎﻟﺪﺍﭖ ﻳﺎﻧﭽﯘﻗﭽﯩﻠﯩﻘﻘﺎ ﺳﯧﻠﯩﻨﻐﺎﻥ، ﺳﯧﺘﯩﻠﻐﺎﻥ ﺑﺎﻟﯩﻼﺭﻧﯩﯔ ﺳﺎﻧﻰ 83 ﻛﻪ ﻳﯧﺘﯩﺪﯨﻜﻪﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺋﺎﻟﺪﯨﺪﺍ ﭼﻮﯓ ﺗﺎﺯﯨﻼﺵ ﺑﻮﻟﻤﯩﻐﺎﻥ ﺑﻮﻟﺴﺎ ﺋﯘﻻﺭ ﭘﺎﺵ ﺑﻮﻟﻤﺎﺳﻤﯩﺪﻯ؟

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﻧﯚﯞﻩﺗﺘﻪ ﻗﻪﺷﻘﻪﺭ ﺧﻪﻟﻖ ﺳﻮﺗﻰ ﺗﻮﺧﺘﻰ ﯞﻩ ﺋﯘﻧﯩﯔ ﺷﺎﻳﻜﯩﻠﯩﺮﯨﻨﯩﯔ ﺋﻮﻏﺮﯨﻠﯩﻖ، ﺑﺎﻻ ﯞﻩ ﺋﺎﻳﺎﻟﻼﺭﻧﻰ ﺳﯧﺘﯩﺶ، ﻗﺎﻧﯘﻧﺴﯩﺰ ﻣﺎﻟﻼﺭﻧﻰ ﺳﯧﺘﯩﺶ، ﺑﺎﻟﯩﻼﺭﻧﯩﯔ ﯞﻩ ﺋﺎﻳﺎﻟﻼﺭﻧﯩﯔ ﻫﻮﻗﯘﻕ ﻣﻪﻧﭙﻪﺋﻪﺗﯩﮕﻪ ﺩﻩﺧﻠﻰ ‏ - ﺗﻪﺭﯗﺯ ﻗﯩﻠﯩﺶ ﺟﯩﻨﺎﻳﻪﺗﻠﯩﺮﯨﻨﻰ ﺑﯧﻜﯩﺘﯩﭗ، ﺋﯘﻻﺭﻧﻰ ﺟﯩﻨﺎﻳﯩﺘﯩﻨﯩﯔ ﺋﯧﻐﯩﺮ ‏ - ﻳﯧﻨﯩﻜﻠﯩﻜﯩﮕﻪ ﻗﺎﺭﺍﭖ 6 ﺋﺎﻳﺪﯨﻦ 18 ﻳﯩﻠﻐﯩﭽﻪ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﻐﺎﻥ.

ﺑﯩﺰ ﻣﻪﺯﻛﯘﺭ ﺋﯘﭼﯘﺭﺩﯨﻦ ﺧﻪﯞﻩﺭ ﺗﺎﭘﻘﺎﻧﺪﯨﻦ ﻛﯧﻴﯩﻦ، ﺋﺎﺩﻩﻡ ﺑﯧﺪﯨﻜﻠﯩﺮﯨﻨﯩﯔ ﻗﺎﺭﺍ ﻗﻮﻟﯩﺪﯨﻦ ﻗﯘﺗﻘﯘﺯﯗﭖ ﻛﯧﻠﯩﻨﮕﻪﻥ ﺑﺎﻟﯩﻼﺭﻧﯩﯔ ﻫﺎﺯﯨﺮﻗﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺩﻩﺳﻠﻪﭖ ﻗﻪﺷﻘﻪﺭ ﻳﯧﯖﯩﺴﺎﺭ ﻧﺎﻫﯩﻴﯩﺴﻰ ﺳﺎﻗﭽﯩﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ، ﺗﯧﻠﯧﻔﻮﻧﻨﻰ ﺋﺎﻟﻐﺎﻥ ﺳﺎﻗﭽﻰ ﻧﯚﯞﻩﺗﺘﻪ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﻮﻟﯩﻤﭙﯩﻚ ﺋﺎﻟﺪﯨﺪﺍ ﭼﻮﯓ ﺗﺎﺯﯨﻼﺵ ﺑﻮﻟﯘﯞﺍﺗﻘﺎﭼﻘﺎ ﺑﺎﻟﯩﻼﺭﻧﻰ ﺳﺎﺗﯩﺪﯨﻐﺎﻥ، ﻳﺎﻧﭽﯘﻗﭽﯩﻠﯩﻘﻘﺎ ﺳﺎﻟﯩﺪﯨﻐﺎﻥ ﻫﺎﺩﯨﺴﯩﻨﯩﯔ ﺗﯜﮔﯩﺘﯩﻠﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺑﯩﺰ ﻳﻪﻧﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﻪﺭﮔﻪﺭﺩﺍﻧﻼﺭ ﯞﻩ ﺑﺎﻟﯩﻼﺭ ﭘﺎﺭﺍﯞﺍﻧﻠﯩﻖ ﺋﻮﺭﻧﻰ ﺑﯩﻠﻪﻥ ﺋﺎﻻﻗﯩﻼﺷﺘﯘﻕ. ﺋﻪﻣﻤﺎ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﯘﭼﻰ ﺋﯘﻳﻐﯘﺭ ﻛﺎﺩﯨﺮ، ﭼﻪﺗﺌﻪﻝ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﯨﻐﺎ ﻳﯘﻗﯩﺮﯨﻨﯩﯔ ﺭﯗﺧﺴﯩﺘﯩﺴﯩﺰ ﺋﯘﭼﯘﺭ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺑﯘ ﻳﺎﻟﻐﯘﺯ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻼ ﺋﻪﻣﻪﺱ...

ﺋﯩﻠﮕﯩﺮﻯ ﮔﯘﻳﻴﺎﯓ ﺋﯚﻟﻜﯩﺴﯩﻨﯩﯔ ﺑﯩﺮ ﺧﯩﺘﺎﻱ ﺳﺎﻗﭽﯩﺴﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﺎﺩﻩﻡ ﺑﯧﺪﯨﻜﻠﯩﺮﻯ ﺗﻪﺭﯨﭙﯩﺪﯨﻦ ﻳﺎﻧﭽﯘﻗﭽﯩﻠﯩﻘﻘﺎ ﺋﯚﮔﯩﺘﯩﻠﮕﻪﻥ ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﭘﻪﯞﻗﯘﻟﺌﺎﺩﺩﻩ ﻛﯚﭖ ﺑﻮﻟﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﻪﺭﮔﻪﻧﺪﻩ "ﺷﯩﻨﺠﺎﯕﺪﯨﻦ ﺧﯩﺘﺎﻱ ﺋﯚﻟﻜﯩﻠﻪﺭﮔﻪ ﭼﯩﻘﯩﭗ ﺑﯘﻧﺪﺍﻕ ﺟﯩﻨﺎﻳﻪﺕ ﻳﻮﻟﻠﯩﺮﻯ ﺋﺎﺭﻗﯩﻠﯩﻖ ﺟﺎﻥ ﺑﯧﻘﯩﺸﯩﻐﺎ ﺋﯘﻻﺭﻧﯩﯔ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﯩﻨﯩﯔ ﻧﺎﭼﺎﺭﻟﯩﻘﻰ ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺑﯩﻠﯩﻢ ﺳﻪﯞﯨﻴﯩﺴﯩﻨﯩﯔ ﺗﯚﯞﻩﻥ ﺑﻮﻟﻐﺎﻧﻠﯩﻘﻰ ﺋﺎﺳﺎﺳﯩﻲ ﺳﻪﯞﻩﺏ ﺑﻮﻟﻐﺎﻥ. ﺋﯚﺯ ﻳﯘﺭﺗﻠﯩﺮﯨﺪﺍ ﻧﺎﻫﺎﻳﯩﺘﻰ ﻧﺎﻣﺮﺍﺕ، ﻳﻮﻝ ﺗﺎﭘﺎﻟﻤﯩﻐﺎﻥ ﻛﯩﺸﯩﻠﻪﺭ ﻛﯚﭘﯩﻨﭽﻪ ﺑﺎﺷﻘﺎ ﺷﻪﻫﻪﺭﮔﻪ ﺑﯧﺮﯨﭗ ﺟﺎﻥ ﺑﯧﻘﯩﺶ ﻳﻮﻟﻰ ﺋﯩﺰﺩﻩﻳﺪﯗ، ﺋﯘﻻﺭﻣﯘ ﺩﻩﻝ ﺷﯘﻧﺪﺍﻕ. ﺧﯩﺘﺎﻳﻨﯩﯔ ﻫﻪﻣﻤﻪ ﺟﺎﻳﻠﯩﺮﯨﺪﺍ ﺑﺎﻟﯩﻼﺭﻧﻰ ﺋﺎﻟﺪﺍﭖ ﺋﺎﭘﯩﺮﯨﭗ ﻳﺎﻧﭽﯘﻗﭽﯩﻠﯩﻘﻘﺎ ﺳﺎﻟﯩﺪﯨﻐﺎﻥ ﺋﯩﺸﻼﺭ ﻛﯚﭖ ﺑﻮﻟﺴﯩﻤﯘ، ﺋﯘﻳﻐﯘﺭﻻﺭ ﭼﯩﺮﺍﻱ ﯞﻩ ﺑﺎﺷﻘﺎ ﺟﻪﻫﻪﺗﺘﻪ ﺧﯩﺘﺎﻱ ﻣﯩﻠﻠﯩﺘﯩﺪﯨﻦ ﭘﻪﺭﻗﻠﯩﻖ ﺑﻮﻟﻐﺎﭼﻘﺎ ﺑﻪﻛﻤﯘ ﻛﯚﺯﮔﻪ ﻛﯚﺭﯛﻧﯜﭖ ﻗﺎﻟﻐﺎﻥ، ﺑﻪﻟﻜﯩﻢ ﻣﯘﺷﯘ ﺋﺎﻣﯩﻞ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺋﻮﺑﺮﺍﺯﯨﻨﻰ ﺧﯜﻧﯜﻛﻠﻪﺷﺘﯜﺭﮔﻪﻥ ﺑﻮﻟﯘﺷﻰ ﻣﯘﻣﻜﯩﻦ. ﺩﯦﮕﻪﻥ ﻗﺎﺭﺍﺷﻠﯩﺮﯨﻨﻰ ﺋﯧﻴﺘﻘﺎﻥ ﺋﯩﺪﻯ.

ﮔﻪﺭﭼﻪ ﺑﯘ ﻣﻪﺳﯩﻠﻪ ﺧﯩﺘﺎﻳﺪﯨﻜﻰ ﯞﻩ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯖﻤﯘ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ ﺑﻮﻟﺴﯩﻤﯘ ﻧﯧﻤﯩﺸﻘﯩﺪﯗﺭ، ﺗﯧﺨﯩﻤﯘ ﻛﯚﭖ ﺋﯘﻳﻐﯘﺭ ﺑﺎﻟﯩﻠﯩﺮﻯ ﺩﺍﯞﺍﻣﻠﯩﻖ ﺗﯜﺭﺩﻩ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﺎﻟﺪﯨﻨﯩﭗ ﺑﯧﺮﯨﭗ، ﺋﯘ ﺟﺎﻳﻼﺭﺩﺍ ﺭﻭﻫهﯨﻲ، ﺟﯩﺴﻤﺎﻧﯩﻲ ﺟﻪﻫﻪﺗﻠﻪﺭﺩﯨﻦ ﺯﯨﻴﺎﻧﻜﻪﺷﻠﯩﻜﻠﻪﺭﮔﻪ ﺋﯘﭼﺮﯨﻤﺎﻗﺘﺎ. ﺋﯘﻳﻐﯘﺭ ﻳﺎﺵ ﺋﯚﺳﻤﯜﺭﻟﯩﺮﯨﻨﯩﯔ ﺋﺎﻟﺪﯨﻨﯩﭗ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺟﯩﻨﺎﻳﻪﺕ ﻳﻮﻟﻠﯩﺮﯨﻐﺎ ﻣﯧﯖﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ ﺋﺎﻣﯩﻠﻼﺭ ﻫﻪﻗﻘﯩﺪﻩ ﻣﻪﺯﻛﯘﺭ ﻣﻪﺳﯩﻠﯩﮕﻪ ﻛﯚﯕﯜﻝ ﺑﯚﻟﯜﯞﺍﺗﻘﺎﻥ ﭼﻪﺗﺌﻪﻟﻠﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﻠﯩﺮﯨﻨﯩﯔ ﺑﻪﺯﯨﻠﯩﺮﻯ، ﺑﯘ ﺧﯩﻞ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﮕﻪ ﺧﯩﺘﺎﻳﻨﯩﯔ ﻗﺎﻧﯘﻥ ﺳﯩﺴﺘﯧﻤﯩﺴﯩﻨﯩﯔ ﺗﻮﻏﺮﺍ، ﺋﺎﺩﯨﻞ ﺑﻮﻟﻤﯩﻐﺎﻧﻠﯩﻘﯩﻨﻰ ﺋﺎﺳﺎﺳﯩﻲ ﺳﻪﯞﻩﺏ ﺩﻩﭖ ﻗﺎﺭﺍﯞﺍﺗﻘﺎﻥ ﺑﻮﻟﺴﺎ، ﻳﻪﻧﻪ ﺑﻪﺯﯨﻠﻪﺭ، ﺑﯘ ﻣﻪﺳﯩﻠﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺋﯩﻘﺘﯩﺴﺎﺩﻯ، ﺩﯨﻨﯩﻲ، ﯞﻩ ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﯩﯔ ﻧﺎﺗﻮﻏﺮﯨﻠﯩﻘﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ، ﺋﻪﮔﻪﺭﺩﻩ ﺧﯩﺘﺎﻳﺪﺍ ﺋﺎﺩﺍﻟﻪﺕ ﺑﻮﻟﻐﺎﻥ ﺑﻮﻟﺴﺎ، ﺋﯘﻳﻐﯘﺭ ﺧﻪﻟﻘﯩﺪﻩ ﺩﯨﻨﯩﻲ، ﺳﯩﻴﺎﺳﯩﻲ ﺋﻪﺭﻛﯩﻨﻠﯩﻚ ﺑﻮﻟﺴﺎ، ﻣﻪﻧﯩﯟﯨﻲ ﯞﻩ ﻣﺎﺩﺩﯨﻲ ﺟﻪﻫﻪﺗﻠﻪﺭﺩﯨﻦ ﻧﺎﻣﺮﺍﺕ ﺑﻮﻟﻤﯩﺴﺎ، ﺑﺎﻟﯩﻼﺭ ﺑﯘ ﺧﯩﻠﺪﯨﻜﻰ ﺟﯩﻨﺎﻳﻪﺕ ﻳﻮﻟﯩﻐﯩﻤﯘ ﻛﯩﺮﻣﯩﮕﻪﻥ ﺑﻮﻻﺗﺘﻰ ﺩﻩﭖ ﻗﺎﺭﯨﻤﺎﻗﺘﺎ.

 ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭﻻﺭ، ﮔﻪﺭﭼﻪ ﺑﯘ ﻣﻪﺳﯩﻠﯩﮕﻪ ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﻗﺎﻧﯘﻥ ﯞﻩ ﺟﻪﻣﺌﯩﻴﻪﺕ ﺳﯩﺴﺘﯧﻤﯩﺴﻰ، ﺋﯘﻳﻐﯘﺭﻻﺭﻧﯩﯔ ﺋﯩﺠﺘﯩﻤﺎﺋﯩﻲ، ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ ﺋﻮﺭﻧﻰ ﺋﺎﺳﺎﺳﻠﯩﻖ ﺳﻪﯞﻩﺏ ﺑﻮﻟﯘﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻣﯘﺷﯘﻧﺪﺍﻕ ﺑﯩﺮ ﺷﺎﺭﺍﺋﯩﺘﺘﺎ ﺋﯘﻳﻐﯘﺭﻻﺭﻧﯩﯔ ﺋﯚﺯﻯ ﻫﻪﻡ ﭘﻪﺭﺯﻩﻧﺘﻠﯩﺮﯨﮕﻪ ﺩﯨﻨﯩﻲ ﯞﻩ ﺋﯚﺭﭖ‏ - ﺋﺎﺩﻩﺕ ﺋﻪﺧﻼﻕ ﺗﻪﺭﺑﯩﻴﯩﺴﯩﻨﻰ ﻛﯜﭼﻪﻳﺘﯩﺸﻰ ﻣﻪﺯﻛﯘﺭ ﻣﻪﺳﯩﻠﯩﻨﯩﯔ ﺋﯘﻳﻐﯘﺭﻻﺭﺩﺍ ﻳﻪﻧﯩﻤﯘ ﺋﯧﻐﯩﺮﻟﯩﺸﯩﺸﯩﻨﻰ ﺗﻮﺳﯘﭖ ﻗﯧﻠﯩﺸﺘﺎ ﺭﻭﻝ ﺋﻮﻳﻨﺎﻳﺪﯗ ﺩﻩﭖ ﻗﺎﺭﯨﻤﺎﻗﺘﺎ. 

ﻳﺎﭘﻮﻧﯩﻴﻪ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﯘﺭﺍﻧﻠﯩﺮﯨﻐﺎ ﺋﯧﺮﯨﺸﻤﻪﻛﭽﻰ

ﻳﺎﭘﻮﻧﯩﻴﻪ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺋﻪﻟﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﻫﻪﻣﻜﺎﺭﻟﯩﻘﻼﺭﻧﻰ ﻗﻮﻳﯘﻗﻼﺷﺘﯘﺭﻣﺎﻗﺘﺎ. ﺑﯘ ﻫﻪﻣﻜﺎﺭﻟﯩﻘﻼﺭﻧﯩﯔ ﺋﯩﭽﯩﺪﻩ ﺋﯩﻘﺘﯩﺴﺎﺩﯨﻲ، ﭘﻪﻥ - ﺗﯧﺨﻨﯩﻜﺎ ﻫﻪﻣﻜﺎﺭﻟﯩﻘﻠﯩﺮﯨﻤﯘ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ.

 ﻳﺎﭘﻮﻧﯩﻴﻪ ﻗﯩﺮﻏﯩﺰﯨﺴﺘﺎﻥ، ﻗﺎﺯﺍﻗﯩﺴﺘﺎﻥ، ﺋﯚﺯﺑﯧﻜﯩﺴﺘﺎﻥ ﺑﯩﻠﻪﻥ ﮔﯧﺌﻮﻟﻮﮔﯩﻴﯩﻠﯩﻚ ﺗﻪﻛﺸﯜﺭﯛﺵ ﯞﻩ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻠﯩﺮﯨﻨﻰ ﺋﯩﺰﺩﻩﺵ ﻫﻪﻡ ﻗﯧﺰﯨﺶ ﺋﯩﺸﻠﯩﺮﯨﺪﯨﻤﯘ ﻫﻪﻣﻜﺎﺭﻟﯩﺸﯩﺶ ﻗﻪﺩﻩﻣﻠﯩﺮﯨﻨﻰ ﺑﺎﺳﻘﺎﻥ ﺑﻮﻟﯘﭖ، ﻳﺎﭘﻮﻧﯩﻴﯩﻨﯩﯔ ﺑﯘ ﺩﯙﻟﻪﺗﻠﻪﺭﺩﯨﻜﻰ ﺋﻮﺭﯗﻧﻼﺭﻏﺎ ﻗﯩﺰﯨﻘﯩﯟﺍﺗﻘﺎﻧﻠﯩﻘﻰ ﻣﻪﻟﯘﻡ. ﭘﻪﺭﻏﺎﻧﻪ ﺋﺎﮔﯧﻨﺘﻠﯩﻘﯩﻨﯩﯔ ﺭﯗﺳﯩﻴﯩﻨﯩﯔ ﺋﯘﭼﯘﺭ ﺋﺎﮔﯧﻨﺘﻠﯩﻘﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﺧﻪﯞﻩﺭ ﻗﯩﻠﯩﺸﯩﭽﻪ، ﻳﺎﭘﻮﻧﯩﻴﯩﻨﯩﯔ Mitsui. we CO, LTDﺷﯩﺮﻛﯩﺘﻰ ﺋﯚﺯﺑﯧﻜﯩﺴﺘﺎﻧﻨﯩﯔ ﺩﯙﻟﻪﺗﻠﯩﻚ ﮔﯧﺌﻮﻟﻮﮔﯩﻴﻪ ﯞﻩ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻠﯩﺮﻯ ﻛﻮﻣﯩﺘﯧﺘﻰ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﯛﭖ، ﺑﯩﺮﻟﯩﻜﺘﻪ ﺷﯩﺮﻛﻪﺕ ﻗﯘﺭﯗﭖ، ﺋﯚﺯﺑﯧﻜﯩﺴﺘﺎﻧﺪﺍ ﺋﯘﺭﺍﻥ ﻛﺎﻧﻠﯩﺮﯨﻨﻰ ﺋﯩﺰﺩﻩﺵ ﻫﻪﻡ ﻗﯧﺰﯨﺶ ﺋﯧﻠﯩﭗ ﺑﺎﺭﻣﺎﻗﭽﻰ ﺑﻮﻟﻐﺎﻥ. 

ﺑﯘﻧﺪﺍﻕ ﺋﯘﺭﺍﻥ ﺋﯩﺰﺩﻩﺵ ﺗﻪﻛﻠﯩﭙﻰ ﻳﺎﭘﻮﻧﯩﻴﻪ ﺗﻪﺭﻩﭘﺘﯩﻦ 2007 - ﻳﯩﻠﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﯩﺪﻯ. ﺋﻪﮔﻪﺭ ﺋﯩﻜﻜﻰ ﺗﻪﺭﻩﭖ ﺑﯩﺮﻟﯩﻜﺘﻪ ﺋﯘﺭﺍﻥ ﻗﯧﺰﯨﺸﻨﻰ ﺋﯩﺸﻘﺎ ﺋﺎﺷﯘﺭﺳﺎ، ﺋﯧﺮﯨﺸﯩﻠﮕﻪﻥ ﺋﯘﺭﺍﻧﻼﺭﻧﻰ ﺋﺎﺗﻮﻡ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﻠﯩﺮﻯ ﻗﯘﺭﯗﺵ ﺋﯜﭼﯜﻥ ﺳﯧﺘﯩﺶ ﯞﻩ ﺋﯩﺸﻠﯩﺘﯩﺶ ﻣﻪﻗﺴﻪﺗﻠﯩﺮﯨﮕﻪ ﻳﯧﺘﯩﺪﯨﻜﻪﻥ. 

ﺋﻮﺗﺘﯘﺭﺍ ﺋﺎﺳﯩﻴﺎﻧﯩﯔ ﺋﯘﺭﺍﻥ ﺯﺍﭘﺎﺳﻠﯩﺮﻯ ﻣﻮﻝ ﺑﻮﻟﯘﭖ، ﻧﯚﯞﻩﺗﺘﻪ، ﺭﯗﺳﯩﻴﻪ، ﺧﯩﺘﺎﻱ ﯞﻩ ﺑﺎﺷﻘﺎ ﺩﯙﻟﻪﺗﻠﻪﺭ ﺋﻮﺗﺘﯘﺭﺍ ﺋﺎﺳﯩﻴﺎ ﻣﻪﻣﻠﯩﻜﻪﺗﻠﯩﺮﻯ ﺑﯩﻠﻪﻥ ﺋﯘﺭﺍﻥ ﺳﺎﻫﻪﺳﻰ ﺑﻮﻳﯩﭽﻪ ﺳﻮﺩﺍ ﯞﻩ ﻗﯧﺰﯨﺶ ﻛﯧﻠﯩﺸﯩﻤﻠﯩﺮﻯ ﺗﯜﺯﮔﻪﻥ ﺋﯩﺪﻯ. ﺋﯘﺭﺍﻥ ﻳﺎﺩﺭﻭ ﻗﻮﺭﺍﻟﻠﯩﺮﻯ ﺋﯜﭼﯜﻥ ﺋﯩﺸﻠﯩﺘﯩﺪﯨﻐﺎﻥ ﻗﯩﻤﻤﻪﺗﻠﯩﻚ ﺭﺍﺩﯨﺌﺎﻛﺘﯩﭗ ﻣﺎﺩﺩﺍ ﻫﯧﺴﺎﺑﻠﯩﻨﯩﺪﯗ. 

1949 ‏ - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﯟﺍﺗﻘﺎﻥ 'ﺷﯩﻨﺠﺎﯓ' (2)

2008-07-21

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺶ ﺑﯩﻠﻪﻥ ﺗﻮﻧﯘﻟﻐﺎﻥ، ﻫﺎﺯﯨﺮ ﺗﻪﻳﯟﻩﻧﺪﻩ ﺗﯘﺭﯗﯞﺍﺗﻘﺎﻥ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﻯ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﯩﻨﻰ ﺗﻪﻳﯟﻩﻥ ﺧﻪﻟﻘﯩﮕﻪ ﺗﻮﻧﯘﺷﺘﯘﺭﯗﺵ ﺋﯜﭼﯜﻥ ﻳﺎﺯﻏﺎﻥ " 1949 ‏ - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﯟﺍﺗﻘﺎﻥ ﺷﯩﻨﺠﺎﯓ" ﺩﯦﮕﻪﻥ ﺋﯩﺨﭽﺎﻡ ﻛﯩﺘﺎﺑﯩﻨﯩﯔ ﺋﯩﻜﻜﯩﻨﭽﻰ ﺑﺎﺑﯩﻨﻰ، ﻳﻪﻧﻰ 'ﺷﯩﻨﺠﺎﯓ'ﺩﻩﭖ ﺋﺎﺗﯩﻠﯩﯟﺍﺗﻘﺎﻥ ﺑﯘ ﺟﺎﻳﻨﯩﯔ ﺧﯩﺘﺎﻳﺪﯨﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﻧﻰ' ﺩﯦﮕﻪﻥ ﺑﺎﺑﯩﻨﻰ ﺗﯚﯞﻩﻧﺪﯨﻜﯩﺪﻩﻙ ﺑﺎﺷﻼﻳﺪﯗ.

news.boxun.com / Wang Lixiong

ﺳﯜﺭﻩﺕ، ﺧﯩﺘﺎﻱ ﺳﺎﻗﭽﯩﻠﯩﺮﻯ، ﺋﯘﻳﻐﯘﺭ ﺋﺎﭘﺘﻮﻧﻮﭖ ﻳﺎﻳﻮﻧﯩﻨﯩﯔ ﻧﺎﻣﻪﻟﯘﻡ ﻳﯧﺰﯨﺴﯩﺪﺍ ﺋﯘﻳﻐﯘﺭ ﺩﯨﺨﺎﻧﻠﯩﺮﯨﻨﻰ ﺗﯘﺗﻘﯘﻥ ﻗﯩﻠﯟﺍﺗﻘﺎﻥ ﻛﯚﻧﯜﻧﯜﺵ.

 
"ﺧﯩﺘﺎﻳﭽﻪ 'ﺷﯩﻨﺠﺎﯓ' ﻳﻪﻧﻰ ﻳﯧﯖﻰ ﭼﯧﮕﺮﺍ ﺩﻩﭖ ﺋﺎﺗﯩﻠﯩﯟﺍﺗﻘﺎﻥ ﺑﯘ ﺋﻪﻟﺪﻩ ﺋﯩﻨﺘﺎﻳﯩﻦ ﻣﻮﻝ ﺗﻪﺑﯩﺌﯩﻲ ﺑﺎﻳﻠﯩﻘﻼﺭ ﺑﻮﻟﻐﺎﭼﻘﺎ، ﺧﯩﺘﺎﻱ ﺑﯘ ﺟﺎﻳﻨﻰ ﺋﯚﺯﯨﻨﯩﯔ ﺋﯧﻨﯧﺮﮔﯩﻴﻪ ﺑﺎﺯﯨﺴﻰ، ﺧﻪﻟﻘﺌﺎﺭﺍﺩﯨﻦ ﺋﯧﻨﯧﺮﮔﯩﻴﻪ ﺋﻪﻛﯩﻠﯩﺪﯨﻐﺎﻥ ﻳﻮﻟﻰ ﯞﻩ ﺋﺎﺗﻮﻡ ﻗﻮﺭﺍﻟﻠﯩﺮﻯ ﺳﯩﻨﺎﻕ ﺑﺎﺯﯨﺴﻰ ﻗﯩﻠﯩﭗ ﻗﯘﺭﯗﭖ ﭼﯩﻘﯩﺸﻨﻰ ﻣﻪﻗﺴﻪﺕ ﻗﯩﻠﻤﺎﻗﺘﺎ. ﺑﯘ ﺟﺎﻳﻨﯩﯔ ﺟﯘﻏﺮﺍﭘﯩﻴﯩﻠﯩﻚ ﺋﻮﺭﻧﻰ ﺧﯩﺘﺎﻱ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﻗﻮﻟﺪﯨﻦ ﻛﻪﺗﺴﻪ ﺋﻮﺭﻧﯩﻨﻰ ﺗﻮﻟﺪﯗﺭﻏﯩﻠﻰ ﺑﻮﻟﻤﺎﻳﺪﯨﻐﺎﻥ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﯗﻥ." 

ﺋﯩﻜﻜﯩﻨﭽﻰ ﺑﺎﺏ: ﺷﯩﻨﺠﺎﯓ ﺩﻩﭖ ﺋﺎﺗﯩﻠﯩﯟﺍﺗﻘﺎﻥ ﺑﯘ ﺟﺎﻳﻨﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﻧﻰ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺑﯩﺮﯨﻨﭽﻰ ﺩﺍﻻ ﺋﺎﺭﻣﯩﻴﯩﺴﯩﻨﯩﯔ ﺑﯩﺮﯨﻨﭽﻰ ﺑﯩﯖﺘﯘﻩﻧﯩﻨﻰ ﺑﺎﺷﻼﭖ 1949 ‏ - ﻳﯩﻠﻰ 10 ‏ - ﺋﺎﻳﺪﺍ 'ﺷﯩﻨﺠﺎﯓ'ﻏﺎ ﻛﯩﺮﮔﻪﻥ ﯞﺍﯓ ﺟﯧﻦ، ﺋﺎﻟﺪﻯ ﺑﯩﻠﻪﻥ، ﺗﻪﺳﻠﯩﻢ ﺑﻮﻟﻐﺎﻥ ﮔﻮﻣﯩﻨﺪﺍﯓ ﻗﯩﺴﯩﻤﻠﯩﺮﯨﻨﻰ ﯞﻩ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﯩﻠﻪﻥ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻗﻮﻟﻼﯞﺍﺗﻘﺎﻥ ﺋﯩﻠﯩﺪﯨﻜﻰ ﻣﯩﻠﻠﻲ ﺋﺎﺭﻣﯩﻴﯩﻨﻰ ﺋﯚﺯﮔﻪﺭﺗﯩﭗ ﺋﯚﺯﯨﮕﻪ ﻗﻮﺷﯘﯞﺍﻟﻐﺎﻧﺪﯨﻦ ﻛﯧﻴﯩﻦ، ﯞﺍﯓ ﺟﯧﻦ ﺋﯚﺯﻯ 'ﺷﯩﻨﺠﺎﯓ ﭘﺎﺩﯨﺸﺎﻫﻰ' ﺑﻮﻟﯘﯞﺍﻟﺪﻯ، ﮔﻪﺭﭼﻪ ﺑﯘ ﻗﻮﺷﯘﻧﻨﯩﯔ ﻗﻮﻣﺎﻧﺪﺍﻧﻰ ﭘﯧﯔ ﺩﯦﺨﯘﺍﻱ ﺩﻩﭖ ﺋﺎﺗﺎﻟﻐﺎﻥ ﺑﻮﻟﺴﯩﻤﯘ. 

ﯞﺍﯓ ﺟﯧﻦ ﺷﯘﻧﯩﯖﺪﯨﻦ ﻛﯧﻴﯩﻨﻼ، ﻗﺎﺭﺷﯩﻠﯩﻖ ﻛﯚﺭﺳﻪﺗﻜﻪﻥ ﮔﻮﻣﯩﻨﺪﺍﯓ ﻗﯩﺴﯩﻤﻠﯩﺮﯨﻨﻰ، ﺋﻮﺳﻤﺎﻥ ﺋﯩﺴﻼﻡ ﻗﺎﺗﺎﺭﻟﯩﻖ ﻛﯩﺸﯩﻠﻪﺭﻧﯩﯔ ﻛﻮﻣﻤﯘﻧﯩﺰﻣﻐﺎ ﻗﺎﺭﺷﻰ ﭘﺎﺭﺗﯩﺰﺍﻧﻠﯩﺮﯨﻨﻰ ﯞﻩ ﻳﻪﺭﻟﯩﻚ ﻣﯩﻠﻠﻪﺗﺴﯚﻳﻪﺭ ﺋﻪﺭﺑﺎﺑﻼﺭﻧﻰ ﺗﺎﺯﯨﻼﺷﻘﺎ ﻛﯩﺮﯨﺸﺘﻰ. ﯞﺍﯓ ﺟﯧﻦ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﺋﺎﺯﺍﺑﻠﯩﻖ - ﺋﯧﭽﯩﻨﯩﺸﻠﯩﻖ ﯞﺍﺳﺘﯩﻼﺭﻧﻰ ﻗﻮﻟﻼﻧﺪﻯ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺋﺎﺭﻗﯩﻠﯩﻖ ﻳﻪﺭﻟﯩﻚ ﺧﻪﻟﻘﻨﻰ ﺧﯩﺘﺎﻳﻼﺷﺘﯘﺭﯗﺵ ﯞﻩ ﺑﯩﯖﺘﯘﻩﻥ ﺋﺎﺭﻗﯩﻠﯩﻖ ﻳﻪﺭ ﺋﯩﮕﯩﻠﻪﺵ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ 'ﺷﯩﻨﺠﺎﯓ' ﺩﻩﭖ ﺋﺎﺗﺎﻟﻐﺎﻥ ﺑﯘﺟﺎﻳﺪﺍ ﺋﯚﺯﯨﻨﯩﯔ ﻫﯚﻛﯜﻣﺮﺍﻧﻠﯩﻘﯩﻨﻰ ﺗﯘﺭﻏﯘﺯﯗﯞﺍﻟﻐﺎﻧﺪﯨﻦ ﻛﯧﻴﯩﻨﻼ، 1955 ‏ - ﻳﯩﻠﻰ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻗﯘﺭﯗﭖ، ﺑﯘ ﺋﺎﺭﻗﯩﻠﯩﻖ ﻫﻪﺭﺑﯩﻲ ﻗﯩﺴﯩﻤﻼﺭ ﺑﯩﻠﻪﻥ ﻳﻪﺭ ﺋﯩﮕﯩﻠﻪﺵ، ﻳﻪﺭﻟﯩﻚ ﺧﻪﻟﻘﻨﻰ ﺧﯩﺘﺎﻳﻼﺷﺘﯘﺭﯗﺵ ﯞﻩ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻧﻠﻪﺭﻧﻰ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻗﻮﻟﻠﯩﻨﯩﺸﻘﺎ ﺑﺎﺷﻠﯩﺪﻯ. 

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺟﺎﻳﺪﺍ ﺋﺎﭘﺘﻮﻧﻮﻡ ﺭﺍﻳﻮﻥ ﻗﯘﺭﻏﺎﻥ ﺑﯩﺮ ﯞﺍﻗﯩﺘﺘﺎ ﻳﻪﻧﻪ، ﺧﯩﺘﺎﻳﻼﺭﻧﻰ ﻛﯚﭘﻠﻪﭖ ﻛﯚﭼﯜﺭﯛﭖ ﻛﯧﻠﯩﭗ، ﺧﯩﺘﺎﻳﻼﺭﻧﻰ ﺋﺎﺳﺎﺱ ﻗﯩﻠﻐﺎﻥ ﻫﺎﻟﺪﺍ ﺑﯩﺮ ﺋﯩﺸﻠﻪﭘﭽﯩﻘﯩﺮﯨﺶ - ﻗﯘﺭﯗﻟﯘﺵ ﺑﯩﯖﺘﯘﻩﻧﻰ ﻗﯘﺭﺩﻯ. ﺷﯩﻨﺠﺎﯓ ﺩﯦﮕﻪﻥ ﺑﯘ ﺟﺎﻳﻨﻰ ﺋﯩﻘﺘﯩﺴﺎﺩﯨﻲ ﯞﻩ ﺳﯩﻴﺎﺳﯩﻲ ﺟﻪﻫﻪﺗﻠﻪﺭﺩﻩ ﻣﯘﻗﯩﻢ ﻗﯩﻠﯩﺶ ﺋﯜﭼﯜﻥ ﺑﯩﯖﺘﯘﻩﻧﮕﻪ ﺗﺎﻳﺎﻧﺪﻯ. 

ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﯩﺪﺍ ﻗﻮﺭﺍﻟﻠﯩﻖ ﺋﯘﺭﯗﺷﻨﻰ ﺑﯩﯖﺘﯘﻩﻥ ﺑﺎﺷﻠﯩﺪﻯ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، 'ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰ' ﺩﯦﮕﻪﻥ ﻫﻪﺭﯨﻜﻪﺗﺘﻪ ﺷﯩﻨﺠﺎﯓ 'ﺋﯩﭽﻜﻰ ﺋﯘﺭﯗﺵ' ﺋﯩﭽﯩﺪﻩ ﻗﺎﻟﺪﻯ. ﺑﯩﺮﯨﻨﭽﻰ ﭘﺎﻱ ﺋﻮﻕ 1967‏ - ﻳﯩﻠﻰ 1 ‏ - ﺋﺎﻳﻨﯩﯔ 26 ‏ - ﻛﯜﻧﻰ ﺑﯩﯖﺘﯘﻩﻧﻨﯩﯔ ﺗﺎﯓ ﺳﺎﻳﺪﯨﻜﻰ ﺋﺎﭘﺘﻮﻣﻮﺑﯩﻞ ﺭﻭﺗﯩﺴﯩﺪﺍ ﺋﯧﺘﯩﻠﯩﭗ ﺑﺎﺷﻼﻧﻐﺎﻥ ﺑﯘ ﺋﯘﺭﯗﺷﺘﺎ ﻛﻮﻣﻤﯘﻧﯩﺴﺖ ﻫﻮﻗﯘﻗﺪﺍﺭﻟﯩﺮﻯ ﻗﻮﻟﻼﯞﺍﺗﻘﺎﻥ ﻫﻪﺭﺑﯩﻲ ﻗﯩﺴﯩﻢ ﻏﻪﻟﯩﺒﻪ ﻗﯩﻠﺪﻯ. ﻛﻮﻣﻤﯘﻧﯩﺴﺖ ﻗﯩﺴﯩﻤﻠﯩﺮﻯ ﻫﻮﻗﯘﻗﻨﻰ ﺗﺎﺭﺗﯩﯟﺍﻟﻐﺎﻧﺪﯨﻦ ﻛﯧﻴﯩﻦ، ﺷﯩﻨﺠﺎﯕﺪﺍ ﻗﻮﺭﺍﻟﻠﯩﻖ ﺗﻮﻗﯘﻧﯘﺵ ﺗﯧﺨﯩﻤﯘ ﺋﻪﯞﺝ ﺋﺎﻟﺪﻯ، ﻫﻪﺗﺘﺎ ﻣﯩﻠﻠﻪﺗﻠﻪﺭ ﺋﺎﺭﺍ ﻗﻮﺭﺍﻟﻠﯩﻖ ﺗﻮﻗﯘﻧﯘﺵ ﭘﻪﻳﺪﺍ ﺑﻮﻟﺪﻯ. 

'ﺋﯩﺸﯩﻜﻨﻰ ﺋﯧﭽﯩﯟﯦﺘﯩﺶ - ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ' ﺑﺎﺷﻼﻧﻐﺎﻧﺪﺍ،ﺷﯩﻨﺠﺎﯕﺪﺍ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﯗﺷﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﺩﻯ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ 'ﺋﯩﺸﯩﻨﻰ ﺋﯧﭽﯩﯟﯦﺘﯩﺶ - ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺶ' ﺑﺎﺷﻼﻧﻐﺎﻧﺪﺍ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﮔﻪﺭﭼﻪ ﺷﯩﻨﺠﺎﯕﺪﺍ ﭼﯧﻜﯩﺪﯨﻦ ﺋﺎﺷﻘﺎﻥ 'ﺳﻮﻝ' ﺳﯩﻴﺎﺳﻪﺕ ﻳﯜﺯﮔﯜﺯﮔﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺧﯩﺘﺎﻱ ﺭﻩﻫﺒﯩﺮﻯ ﺧﯘ ﻳﺎﯞﺑﺎﯕﻨﻰ 'ﺑﯘﺭﮊﯗﺋﺎﭼﻪ ﺋﻪﺭﻛﯩﻨﻠﻪﺷﺘﯜﺭﯛﺵ' ﻳﻮﻟﻐﺎ ﻗﻮﻳﺪﻯ ﺩﻩﭖ ﺋﻪﻳﯩﺒﻠﻪﺵ ﺋﺎﺭﻗﯩﻠﯩﻖ، ﺷﯩﻨﺠﺎﯕﺪﺍ ﻗﺎﻳﺘﯩﺪﯨﻦ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﯗﺷﻨﻰ ﺋﻪﺳﻠﯩﮕﻪ ﻛﻪﻟﺘﯜﺭﺩﻯ. 

ﺧﯩﺘﺎﻱ ﻫﯚﻛﯜﻣﯩﺘﻰ 11 ‏ - ﺳﯧﻨﺘﻪﺑﯩﺮ ﺩﯨﻦ ﻛﯧﻴﯩﻦ 'ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ' ﺑﺎﻳﺮﯨﻘﯩﻨﻰ ﻛﯚﺗﯜﺭﯛﯞﺍﻟﺪﻯ

2001 ‏ - ﻳﯩﻠﯩﺪﯨﻜﻰ 11 ‏ - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ 'ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ' ﺑﺎﻳﺮﯨﻘﯩﻨﻰ ﻛﯚﺗﯜﺭﯛﯞﯦﻠﯩﭗ، ﺑﯘ ﺟﺎﻳﺪﯨﻜﻰ ﻳﻪﺭﻟﯩﻚ ﺧﻪﻟﻘﻨﯩﯔ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﯨﻨﻰ ﻗﺎﺗﺘﯩﻖ ﺑﺎﺳﺘﯘﺭﺩﻯ، ﻫﻪﺗﺘﺎ ﻗﺎﺭﺍ ﻗﻮﻟﯩﻨﻰ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭﻏﯩﻤﯘ ﺳﯘﻧﺪﻯ. ﻟﯧﻜﯩﻦ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﻯ ﻫﺎﺯﯨﺮﻏﺎ ﻗﻪﺩﻩﺭ ﺗﻮﺧﺘﺎﭖ ﻗﺎﻟﻐﯩﻨﻰ ﻳﻮﻕ.　

ﺷﯘﻧﯩﯖﺪﯨﻦ ﻛﯧﻴﯩﻦ، ﺋﻮﺗﺘﯘﺭﺍ ﺷﻪﺭﻗﺘﯩﻦ ﺟﻪﻧﯘﺑﯩﻲ ﺋﺎﺳﯩﻴﺎﻏﯩﭽﻪ ﺑﻮﻟﻐﺎﻥ ﺑﯘ ﺭﺍﻳﻮﻥ ﺧﯩﺘﺎﻱ، ﺭﯗﺳﯩﻴﻪ ﯞﻩ ﺋﺎﻣﯧﺮﯨﻜﯩﻠﯩﻘﻼﺭ ﺋﯚﺯ - ﺋﺎﺭﺍ ﺋﯜﺳﺘﯜﻧﻠﯜﻙ ﺗﺎﻟﯩﺸﯩﺪﯨﻐﺎﻥ ﻣﯘﻫﯩﻢ ﻧﯘﻗﺘﺎ ﺑﻮﻟﯘﭖ ﻗﺎﻟﺪﻯ. ﺧﯩﺘﺎﻱ ﻫﯚﻛﯜﻣﯩﺘﻰ 'ﺷﯩﻨﺠﺎﯓ' ﺩﯦﮕﻪﻥ ﺑﯘ ﺟﺎﻳﻨﯩﯔ ﺧﯩﺘﺎﻳﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﺘﺎ ﻛﺎﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﺭﻭﻟﯩﻨﻰ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻥ، ﺷﯩﻨﺠﺎﯕﺪﯨﻜﻰ ﻳﻪﺭﻟﯩﻚ ﻣﯩﻠﻠﻪﺗﻠﻪﺭﻧﯩﯔ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﯨﻨﻰ ﻛﯜﻧﺪﯨﻠﯩﻚ ﺧﯩﺰﻣﻪﺗﻠﯩﺮﯨﻨﯩﯔ ﻣﯘﻫﯩﻢ ﻛﯜﻥ ﺗﻪﺭﺗﯩﭙﯩﮕﻪ ﻗﻮﻳﺪﻯ. 

ﺧﯩﺘﺎﻳﻨﯩﯔ ﺷﯩﻨﺠﺎﯕﺪﯨﻦ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻛﯧﯖﯩﻴﯩﺶ ﺋﯩﺴﺘﺮﺍﺗﯧﮕﯩﻴﯩﺴﻰ

ﺷﯩﻨﺠﺎﯕﻨﯩﯔ ﻫﺎﺯﯨﺮﻗﻰ ﻛﻮﻣﻤﯘﻧﯩﺴﺖ ﺋﻪﻣﻪﻟﺪﺍﺭﻯ ﯞﺍﯓ ﻟﯧﭽﯜﻩﻥ ﻧﯧﻔﯩﺖ، ﻛﯚﻣﯜﺭ ﻗﺎﺗﺎﺭﻟﯩﻖ ﺋﯧﻨﯧﺮﮔﯩﻴﻪ ﺯﺍﭘﯩﺴﻰ ﭘﯜﺗﯜﻥ ﻣﻪﻣﻠﯩﻜﻪﺗﻨﯩﯔ 40% ﻧﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﺷﯩﻨﺠﺎﯕﻨﻰ ﺧﯩﺘﺎﻳﻨﯩﯔ ﻣﯘﻫﯩﻢ ﺋﯧﻨﯧﺮﮔﯩﻴﻪ ﺑﺎﺯﯨﺴﻰ ﻗﯩﻠﯩﺶ ﯞﻩ ﺷﯩﻨﺠﺎﯕﺪﯨﻦ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﻛﯧﯖﯩﻴﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﻰ ﻳﻮﻟﻐﺎ ﻗﻮﻳﺪﻯ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﻗﺎﺯﺍﻗﯩﺴﺘﺎﻧﺪﺍ ﻧﯧﻔﯩﺖ ﺋﯧﻘﯩﺘﯩﺶ ﺗﯘﺭﯗﺑﯩﺴﻰ ﻗﯘﺭﯗﭖ، ﻏﻪﺭﺑﻨﯩﯔ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﯨﻨﻰ ﺷﻪﺭﻗﻘﻪ ﺑﯩﯟﺍﺳﺘﻪ ﺋﯧﻘﯩﺘﯩﭗ ﻛﯧﻠﯩﺸﻜﻪ ﺑﺎﺷﻠﯩﺪﻯ. 

ﻟﻮﭘﻨﻮﺭ ﻛﯚﻟﻰ ﺭﺍﻳﻮﻧﯩﺪﺍ ﺋﺎﺗﻮﻡ ﺳﯩﻨﺎﻕ ﻗﯩﻠﯩﭗ ﻣﯘﻫﯩﺘﻨﻰ ﺑﯘﻟﻐﯩﺪﻯ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻟﻮﭘﻨﻮﺭ ﻛﯚﻟﻰ ﺭﺍﻳﻮﻧﯩﺪﺍ ﺋﺎﺗﻮﻡ ﻗﻮﺭﺍﻟﻠﯩﺮﯨﻨﻰ ﺳﯩﻨﺎﻕ ﻗﯩﻠﯩﺪﯨﻐﺎﻥ ﺑﺎﺯﺍ ﻗﯘﺭﯗﭖ 1966 ‏ - ﻳﯩﻠﯩﺪﯨﻦ ﺑﺎﺷﻼﭖ 45 ﻗﯧﺘﯩﻢ ﻳﺎﺩﺭﻭ ﺳﯩﻨﯩﻘﻰ ﺋﯧﻠﯩﭗ ﺑﺎﺭﺩﻯ. ﺑﯘﻧﯩﯔ ﺑﯩﻠﻪﻥ ﺧﯩﺘﺎﻳﻐﺎ ﺗﯚﻫﭙﻪ ﻗﻮﺷﯘﭖ، ﺷﯩﻨﺠﺎﯕﻨﯩﯔ ﺗﻪﺑﯩﺌﯩﻲ ﻣﯘﻫﯩﺘﯩﻨﻰ ﺑﯘﻟﻐﺎﭖ، ﻳﻪﺭﻟﯩﻚ ﺧﻪﻟﻘﻨﻰ ﺗﯜﮔﯩﻤﻪﺱ ﺧﻪﺗﻪﺭﮔﻪ ﻳﯜﺯﻟﻪﻧﺪﯛﺭﺩﻯ. 

ﺧﯩﺘﺎﻱ ﺋﯚﺯﯨﻨﯩﯔ ﺑﯘ ﻣﻪﻧﭙﻪﺋﻪﺗﻠﯩﺮﻯ ﺋﯜﭼﯜﻥ ﺋﯘﻳﻐﯘﺭﻻﺭﻧﻰ ﻫﻪﺭﺧﯩﻞ ﺗﯚﻫﻤﻪﺕ ﭼﺎﭘﻼﭖ ﺑﺎﺳﺘﯘﺭﯗﭖ ﻛﯧﻠﯩﯟﺍﺗﯩﺪﯗ. ﺋﻪﻣﻤﺎ ﺑﯘﺟﺎﻳﻨﯩﯔ ﺋﻪﺳﻠﻰ ﺧﻪﻟﻘﻰ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﻯ ﺗﻮﺧﺘﯩﻤﺎﻱ ﻛﯧﻠﯩﯟﺍﺗﯩﺪﯗ. ﺑﯘ ﻣﻪﺳﯩﻠﻪ ﻫﺎﺯﯨﺮ ﺧﯩﺘﺎﻱ ﻫﻪﻝ ﻗﯩﻠﻤﯩﺴﺎ ﺑﻮﻟﻤﺎﻳﺪﯨﻐﺎﻥ ﻣﻪﺳﯩﻠﻪ ﺑﻮﻟﯘﭖ ﻗﺎﻟﺪﻯ.

1949 ‏ - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﯟﺍﺗﻘﺎﻥ 'ﺷﯩﻨﺠﺎﯓ' (1)

2008-07-18

ﺧﯩﺘﺎﻳﭽﻪ 'ﺷﯩﻨﺠﺎﯓ' ﻳﻪﻧﻰ ﻳﯧﯖﻰ ﭼﯧﮕﺮﺍ ﺩﯦﮕﻪﻥ ﺑﯘ ﻧﺎﻣﺪﯨﻜﻰ 'ﻳﯧﯖﻰ' ﺩﯦﮕﻪﻥ ﺳﯚﺯﻧﯩﯔ ﺋﯚﺯﻯ ﺑﯘ ﺟﺎﻳﻨﯩﯔ ﺋﻪﺯﻩﻟﺪﯨﻦ ﺧﯩﺘﺎﻳﻨﯩﯔ ﺯﯦﻤﯩﻨﻰ ﺋﻪﻣﻪﺳﻠﯩﻜﯩﻨﻰ ﺋﯩﺴﭙﺎﺗﻼﻳﺪﯗ، - ﺩﻩﭖ ﻛﯩﺘﺎﺑﯩﻨﻰ ﺑﺎﺷﻼﻳﺪﯗ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺗﺎﺭﯨﺨﯩﻨﻰ ﺗﻪﺗﻘﯩﻖ ﻗﯩﻠﯩﺶ ﺑﯩﻠﻪﻥ ﺗﻮﻧﯘﻟﻐﺎﻥ، ﻫﺎﺯﯨﺮ ﺗﻪﻳﯟﻩﻧﺪﻩ ﺗﯘﺭﯗﯞﺍﺗﻘﺎﻥ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﻯ، - ﺧﯩﺘﺎﻳﻼﺭ 'ﺷﯩﻨﺠﺎﯓ' ﺩﻩﭖ ﺋﺎﺗﯩﯟﺍﻟﻐﺎﻥ ﺑﯘ ﺟﺎﻳﻨﯩﯔ ﺗﺎﺭﯨﺨﻰ ﺧﯩﺘﺎﻳﻼﺭ ﺗﺎﺟﺎﯞﯗﺯ ﻗﯩﻠﻐﺎﻥ ﺗﺎﺭﯨﺦ، ﺷﯘﻧﺪﺍﻗﻼ، ﺑﯘ ﺋﻪﻟﺪﯨﻜﻰ ﻳﻪﺭﻟﯩﻚ ﺧﻪﻟﻘﻨﯩﯔ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﻯ ﺗﻮﺧﺘﺎﭖ ﻗﺎﻟﻤﯩﻐﺎﻥ ﺗﺎﺭﯨﺦ.

news.boxun.com / Wang Lixiong

ﺳﯜﺭﻩﺕ، ﺧﯩﺘﺎﻱ ﺳﺎﻗﭽﯩﻠﯩﺮﻯ، ﺋﯘﻳﻐﯘﺭ ﺋﺎﭘﺘﻮﻧﻮﭖ ﻳﺎﻳﻮﻧﯩﻨﯩﯔ ﻧﺎﻣﻪﻟﯘﻡ ﻳﯧﺰﯨﺴﯩﺪﺍ ﺋﯘﻳﻐﯘﺭ ﺩﯨﺨﺎﻧﻠﯩﺮﯨﻨﻰ ﺗﯘﺗﻘﯘﻥ ﻗﯩﻠﯟﺍﺗﻘﺎﻥ ﻛﯚﻧﯜﻧﯜﺵ.

  ﺑﯘ ﻛﯩﺘﺎﺑﺘﺎ ﺑﺎﻳﺎﻥ ﻗﯩﻠﯩﻨﻐﺎﻥ ﻣﻪﺯﻣﯘﻧﻼﺭ

ﺋﺎﭘﺘﻮﺭ ﻛﯩﺘﺎﺑﯩﺪﺍ، ﻳﯘﻗﯩﺮﯨﺪﺍ ﺑﺎﻳﺎﻥ ﻗﯩﻠﯩﻨﻐﺎﻥ ﺑﯩﺮ ﻣﻪﺯﻣﯘﻧﺪﯨﻦ ﺑﺎﺷﻘﺎ ﻳﻪﻧﻪ، 'ﺷﯩﻨﺠﺎﯓ' ﺩﯦﮕﻪﻥ ﺑﯘ ﺟﺎﻳﺪﺍ ﻣﻮﻝ ﺗﻪﺑﯩﺌﯩﻲ ﺑﺎﻳﻠﯩﻘﻼﺭ ﺳﺎﻗﻠﯩﻨﯩﯟﺍﺗﻘﺎﻧﻠﯩﻘﻰ ﺋﯜﭼﯜﻥ، ﺧﯩﺘﺎﻱ ﺑﯘ ﺟﺎﻳﻨﻰ ﺋﯚﺯﯨﻨﯩﯔ ﺋﯧﻨﯧﺮﮔﯩﻴﻪ ﯞﻩ ﺋﺎﺗﻮﻡ ﻗﻮﺭﺍﻝ ﺑﺎﺯﯨﺴﻰ ﻗﯩﻠﯩﭗ ﻗﯘﺭﯗﭖ ﭼﯩﻘﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ؛ ﺧﯩﺘﺎﻱ ﺑﯘ ﺟﺎﻳﻐﺎ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﺶ ﺋﯜﭼﯜﻥ ﻳﺎﻟﻐﺎﻥ ﺋﺎﭘﺘﻮﻧﻮﻡ ﺭﺍﻳﻮﻥ ﻗﯘﺭﻏﺎﻧﻠﯩﻘﻰ، ﻳﻪﺭﻟﯩﻚ ﺧﻪﻟﻘﻨﻰ ﺑﯘ ﺋﺎﭘﺘﻮﻧﻮﻡ ﺭﺍﻳﻮﻥ ﺋﺎﺭﻗﯩﻠﯩﻖ ﺑﯩﺮ ﺗﻪﺭﻩﭘﺘﯩﻦ ﺋﺎﺳﺴﯩﻤﯩﻼﺗﺴﯩﻴﻪ ﻗﯩﻠﯩﭗ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﻰ؛ ﻳﻪﺭﻟﯩﻚ ﺧﻪﻟﻘﻨﻰ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﺶ ﺋﯜﭼﯜﻥ، ﺑﯘ ﺟﺎﻳﻐﺎ ﺧﯩﺘﺎﻳﻼﺭﻧﻰ ﻛﯚﭘﻠﻪﭖ ﻛﯚﭼﯜﺭﯛﭖ ﻛﯧﻠﯩﭗ، ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺋﺎﺭﻗﯩﻠﯩﻖ ﻳﻪﺭﻟﯩﻚ ﺋﯘﻳﻐﯘﺭﻻﺭﻧﯩﯔ ﺩﯨﻦ ﯞﻩ ﻣﻪﺩﻩﻧﯩﻴﻪﺗﻠﯩﺮﯨﻨﻰ ﮔﯘﻣﺮﺍﻥ ﻗﯩﻠﯩﯟﺍﺗﻘﺎﻧﻠﯩﻘﻰ؛ ﺧﯩﺘﺎﻳﻨﯩﯔ ﺑﯘ ﺳﯩﻴﺎﺳﻪﺗﻠﻪﺭﻧﻰ ﻗﻮﻟﻠﯩﻨﯩﺶ ﺋﯜﭼﯜﻥ ﭘﻪﻗﻪﺕ 'ﺑﯩﯖﺘﯘﻩﻥ'ﮔﯩﻼ ﺗﺎﻳﯩﻨﯩﯟﺍﺗﻘﺎﻧﻠﯩﻘﻰ؛ ﺋﯘﻳﻐﯘﺭﻻﺭ ﺑﻮﻟﺴﺎ ﺧﯩﺘﺎﻱ ﻫﯚﻛﯜﻣﺮﺍﻧﻠﯩﻘﯩﻐﺎ ﻗﺎﺭﺷﻰ ﺋﯜﺯﻟﯜﻛﺴﯩﺰ ﺟﻪﯓ ﺋﯧﻼﻥ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ، ﺧﯩﺘﺎﻱ ﺋﯘﻻﺭﻧﻰ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﻰ، ﺧﯩﺘﺎﻱ ﻫﺎﺯﯨﺮ ﺩﻩﯞﺍﺗﻘﺎﻥ 'ﺋﯩﻨﺎﻕ ﺟﻪﻣﺌﯩﻴﻪﺕ' ﺋﻪﻣﻪﻟﯩﻴﻪﺗﺘﻪ ﻗﺎﻧﻠﯩﻖ ﺟﻪﻣﺌﯩﻴﻪﺕ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ ﺑﺎﻳﺎﻥ ﻗﯩﻠﯩﻨﻐﺎﻥ. 

ﺑﯩﺮﯨﻨﭽﻰ ﺑﺎﺏ: 'ﺷﯩﻨﺠﺎﯓ' ﺩﯦﮕﻪﻥ ﺑﯘﺟﺎﻱ ﻗﻪﺩﯨﻤﺪﯨﻦ ﺑﯘﻳﺎﻥ ﺟﯘﯕﮕﻮﻧﯩﯔ ﺯﯦﻤﯩﻨﻰ ﺑﻮﻟﻤﯩﻐﺎﻥ

ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﺭﻟﯩﻚ ﺧﻪﻟﻘﻨﻰ 'ﺩﯙﻟﻪﺗﻨﻰ ﭘﺎﺭﭼﯩﻠﯩﻤﺎﻗﭽﻰ' ﺩﻩﭖ ﺋﻪﻳﯩﺒﻠﻪﯞﺍﺗﻘﺎﻧﻠﯩﻘﯩﻨﯩﯔ ﺑﯩﺮﺩﯨﻦ ‏ - ﺑﯩﺮ ﺩﻩﻟﯩﻠﻰ ﭘﻪﻗﻪﺕ 'ﺷﯩﻨﺠﺎﯓ ﺋﻪﺯﻩﻟﺪﯨﻦ ﺟﯘﯕﮕﻮﻧﯩﯔ ﺑﯩﺮ ﻗﯩﺴﻤﻰ' ﺩﯦﮕﻪﻥ ﺋﯘﻗﯘﻣﺪﯨﻨﻼ ﺋﯩﺒﺎﺭﻩﺕ. ﺋﻪﻣﻤﺎ ﺧﯩﺘﺎﻱ ﺋﯚﺯﯨﻤﯘ ﺑﯘ ﺋﯘﻗﯘﻣﻨﻰ ﺋﯧﻨﯩﻖ ﭼﯜﺷﻪﻧﺪﯛﺭﻩﻟﻤﻪﻳﺪﯗ، 'ﻗﻪﺩﯨﻤﺪﯨﻦ ﺗﺎﺭﺗﯩﭗ' ﺩﻩﯞﺍﺗﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﻗﺎﻳﺴﻰ ﻳﯩﻠﺪﯨﻦ ﺗﺎﺭﺗﯩﭗ ﻫﺎﺯﯨﺮﻏﺎ ﻗﻪﺩﻩﺭ ﺧﯩﺘﺎﻳﻨﯩﯔ ﺯﯦﻤﯩﻨﻰ ﺑﻮﻟﯘﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﯩﯔ ﻫﯧﺴﺎﺑﯩﻨﻰ ﺑﯧﺮﻩﻟﻤﻪﻳﺪﯗ. 

ﺩﯗﻧﻴﺎﺩﺍ ﻣﯩﻼﺩﻯ ﺑﯩﺮﯨﻨﭽﻰ ﺋﻪﺳﺮﺩﯨﻦ ﻣﯘﺷﯘ ﺋﻪﺳﯩﺮﮔﻪ ﻗﻪﺩﻩﺭ 'ﺋﻪﺯﻩﻟﺪﯨﻦ... ﻧﯩﯔ ﺑﯩﺮﻗﯩﺴﻤﻰ' ﺩﯦﻴﯩﻠﯩﭗ ﻛﯧﻠﯩﯟﺍﺗﻘﺎﻥ ﻧﯘﺭﻏﯘﻥ ﺩﯙﻟﻪﺗﻠﻪﺭ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭ ﻳﻪﻧﯩﻼ ﺋﯚﺯﻟﯩﺮﻯ ﻣﯘﺳﺘﻪﻗﯩﻠﻠﯩﻖ ﺋﯧﻼﻥ ﻗﯩﻠﺪﻯ. ﻗﻪﺩﯨﻤﺪﯨﻦ ﺗﺎﺭﺗﯩﭗ ﻣﺎﻻﻳﺸﻴﺎﻧﯩﯔ ﺯﯦﻤﯩﻨﻰ ﺩﻩﭖ ﺋﺎﺗﺎﻟﻐﺎﻥ ﺳﯩﻨﮕﺎﭘﻮﺭ 1965 ‏ - ﻳﯩﻠﻰ ﻣﯘﺳﺘﻪﻗﯩﻠﻠﯩﻖ ﺋﯧﻼﻥ ﻗﯩﻠﺪﻯ. ﻗﻪﺩﯨﻤﺪﯨﻦ ﺗﺎﺭﺗﯩﭗ ﻫﯩﻨﺪﻭﻧﻮﺯﯨﻴﻪﻧﯩﯔ ﺯﯦﻤﯩﻨﻰ ﺩﯦﻴﯩﻠﮕﻪﻥ ﺷﻪﺭﻗﯩﻲ ﺗﯧﻤﻮﺭ 2002 ‏ - ﻳﯩﻠﻰ ﻣﯘﺳﺘﻪﻗﯩﻠﻠﯩﻖ ﺋﯧﻼﻥ ﻗﯩﻠﺪﻯ. ﻛﯘﯞﻩﻳﺖ، ﭼﯧﺨﻼﺭﻣﯘ ﻣﯘﺷﯘ ﺋﻪﺳﯩﺮﺩﻩ ﻣﯘﺳﺘﻪﻗﯩﻠﻠﯩﻖ ﺋﯧﻼﻥ ﻗﯩﻠﻐﺎﻥ ﺩﯙﻟﻪﺗﻠﻪﺭ. ﻫﺎﺯﯨﺮ ﻛﻮﺳﻮﯞﺍﻣﯘ ﺗﻮﻟﯘﻕ ﻣﯘﺳﺘﻪﻗﯩﻞ ﺑﻮﻟﯘﺵ ﺋﺎﻟﺪﯨﺪﺍ. ﺩﯦﻤﻪﻙ، ﺑﯩﺮﻛﯩﻢ 'ﻗﻪﺩﯨﻤﺪﯨﻦ ﺗﺎﺭﺗﯩﭗ' ﺩﻩﯞﺍﻟﻐﺎﻥ ﮔﻪﭖ ﻫﯧﭽﻘﺎﭼﺎﻥ ﻗﺎﻳﺴﻰ ﺑﯩﺮ ﺩﯙﻟﻪﺗﻨﯩﯔ 'ﺑﯩﺮﻟﯩﻜﻰ' ﻧﯩﯔ ﺩﻩﻟﯩﻠﻰ ﺑﻮﻻﻟﻤﯩﻐﺎﻥ. 

ﺋﺎﭘﺘﻮﺭ 1949 ‏ - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﺮﺍﻧﻠﯩﻖ ﻗﯩﻠﯩﯟﺍﺗﻘﺎﻥ 'ﺷﯩﻨﺠﺎﯓ' ﺩﯦﮕﻪﻥ ﻛﯩﺘﺎﺑﯩﻨﯩﯔ ﻣﻪﺯﻛﯘﺭ ﺑﺎﺑﯩﺪﺍ، ﺧﯩﺘﺎﻳﻨﯩﯔ ﻗﺎﻳﺴﻰ ﺑﯩﺮ ﺩﻩﯞﺭﺩﻩ ﺑﯘ ﺟﺎﻳﻐﺎ ﺗﺎﺟﺎﯞﯗﺯ ﻗﯩﻠﻐﺎﻧﻠﯩﻘﻰ ﯞﻩ ﻳﻮﻗﯩﺘﯩﻠﻐﺎﻧﻠﯩﻘﻰ، ﻛﯧﻴﯩﻦ ﻗﺎﻳﺴﻰ ﺑﯩﺮ ﺩﻩﯞﺭﺩﻩ ﻳﻪﻧﻪ ﺗﺎﺟﺎﯞﯗﺯ ﻗﯩﻠﻐﺎﻧﻠﯩﻘﻰ، ﻳﻪﺭﻟﯩﻚ ﺧﻪﻟﻖ ﺗﻪﺭﯨﭙﯩﺪﯨﻦ ﻳﻪﻧﻪ ﻳﯘﻗﯩﺘﯩﻠﻐﺎﻧﻠﯩﻘﻰ؛ ﺧﯩﺘﺎﻳﻨﯩﯔ ﭼﯩﯔ ﺳﯘﻻﻟﯩﺴﯩﻤﯘ ﺋﯩﺸﻐﺎﻟﯩﻴﯩﺘﯩﻨﻰ ﺩﺍﯞﺍﻣﻼﺷﺘﯘﺭﺍﻟﻤﯩﻐﺎﻧﻠﯩﻘﻰ؛ ﺑﯘ ﺟﺎﻳﻨﻰ ﺧﯩﺘﺎﻳﻨﯩﯔ ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﻰ ﺋﯩﺸﻐﺎﻝ ﻗﯩﻠﯩﯟﺍﻟﻐﺎﻥ ﺩﻩﯞﺭﺩﯨﻤﯘ، ﺋﯘﻳﻐﯘﺭ ﻗﺎﺗﺎﺭﻟﯩﻖ ﻳﻪﺭﻟﯩﻚ ﺧﻪﻟﻖ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﺋﯜﭼﯜﻥ 1933 ‏ - ﻳﯩﻠﯩﺪﺍ ﯞﻩ 1944 ‏ - ﻳﯩﻠﯩﺪﺍ ﺋﯩﻜﻜﻰ ﻗﯧﺘﯩﻢ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﻗﯘﺭﻏﺎﻧﻠﯩﻘﻰ؛ 1949 ‏ - ﻳﯩﻠﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺑﯘ ﺟﺎﻳﻨﻰ ﺑﯧﺴﯩﯟﺍﻟﻐﺎﻧﺪﯨﻦ ﻛﯧﻴﯩﻦ، ﻳﺎﻟﻐﺎﻥ ﺋﺎﭘﺘﻮﻧﻮﻡ ﺭﺍﻳﻮﻥ ﻗﯘﺭﻏﺎﻧﻠﯩﻘﻰ، ﺑﻮﻟﯘﭘﻤﯘ 90 ‏ - ﻳﯩﻠﻼﺭﺩﯨﻦ ﻛﯧﻴﯩﻦ، ﺧﯩﺘﺎﻱ ﺑﯘ ﺋﻪﻟﻨﯩﯔ ﺗﻪﺑﯩﺌﯩﻲ ﺑﺎﻳﻠﯩﻘﻠﯩﺮﯨﻨﻰ ﺋﯩﮕﯩﻠﻪﺵ ﺋﯜﭼﯜﻥ، 'ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﯩﻠﯩﻖ ﻗﯩﻠﺪﻯ' ﺩﯦﮕﻪﻥ ﺑﻪﺗﻨﺎﻡ ﺑﯩﻠﻪﻥ ﻗﺎﺗﺘﯩﻖ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﻰ، ﻳﻪﺭﻟﯩﻚ ﺋﯘﻳﻐﯘﺭﻻﺭﻧﯩﯔ ﺑﻮﻟﺴﺎ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﻯ ﺗﻮﺧﺘﺎﭖ ﻗﺎﻟﻤﯩﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭﻧﻰ ﺗﻪﻳﯟﻩﻥ ﺧﻪﻟﻘﯩﻐﻪ ﺗﻮﻧﯘﺷﺘﯘﺭﻏﺎﻥ. 

ﺋﻪﮔﻪﺭ ﺑﯘ ﺟﺎﻱ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺧﯩﺘﺎﻳﻨﯩﯔ ﺯﯨﻤﯩﻨﻰ ﺑﻮﻟﺴﺎ، - ﺩﻩﻳﺪﯗ ﻟﯩﻦ ﺑﺎﯞﺧﯘﺍ ﺋﻪﭘﻪﻧﺪﻯ، - ﺧﯩﺘﺎﻱ ﻧﯧﻤﻪ ﺋﯜﭼﯜﻥ ﺑﯘ ﺟﺎﻳﻨﻰ ﻳﯧﯖﻰ ﭼﯧﮕﺮﺍ ﺩﻩﭖ ﺋﺎﺗﺎﭘﺘﯩﻜﻪﻥ؟ ﻧﯧﻤﻪ ﺋﯜﭼﯜﻥ 'ﻛﻮﻧﺎ ﭼﯧﮕﺮﺍ' ﻳﺎﻛﻰ 'ﻗﻪﺩﯨﻤﻘﻰ ﭼﯧﮕﺮﺍ' ﺩﻩﭖ ﺋﺎﺗﯩﻤﺎﭘﺘﯩﻜﻪﻥ؟ ﺧﯩﺘﺎﻱ ﺗﺎﺭﯨﺨﯩﺪﯨﻜﻰ ﺧﻪﻥ ﺳﯘﻻﻟﯩﺴﻰ ﺩﻩﯞﺭﯨﺪﻩ، ﺧﯩﺘﺎﻱ ﺗﺎﺟﺎﯞﯗﺯﭼﯩﻠﯩﺮﻯ ﺑﯘ ﺟﺎﻳﺪﺍ ﻳﻪﺭ ﺋﯩﮕﯩﻠﻠﻪﺵ ﺑﯩﻠﻪﻥ ﺷﯘﻏﯘﻟﻼﻧﻐﺎﻧﻠﯩﻘﻰ ﺋﯜﭼﯜﻥ ﻳﻮﻗﯩﺘﯩﻠﻐﺎﻥ. ﻛﯧﻴﯩﻨﻜﯩﻠﻪﺭﻣﯘ ﺷﯘﻧﺪﺍﻕ ﺑﻮﻟﻐﺎﻥ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻤﯘ 1949 ‏ - ﻳﯩﻠﻰ ﺑﯘ ﺟﺎﻳﻨﻰ ﺑﯧﺴﯩﯟﺍﻟﻐﺎﻧﺪﯨﻦ ﻛﯧﻴﯩﻦ، 'ﺋﺎﺯﺍﺩ ﻗﯩﻠﺪﯗﻕ' ﺩﻩﭖ ﺋﺎﻟﺪﺍﻣﭽﯩﻠﯩﻖ ﻗﯩﻠﺪﻯ، ﺋﻪﻣﻤﺎ ﻳﻪﻧﯩﻼ ﺗﺎﺭﯨﺨﺘﯩﻜﻰ ﺗﺎﺟﺎﯞﯗﺯﭼﯩﻼﺭﻏﺎ ﺋﻮﺧﺸﺎﺵ 'ﺑﯩﯖﺘﯘﻩﻥ' ﻗﯘﺭﯗﭖ ﻳﻪﺭ ﺋﯩﮕﯩﻠﻪﺵ ﺑﯩﻠﻪﻥ ﺷﯘﻏﯘﻟﻼﻧﺪﻯ. ﺷﯘﯕﻼﺷﻘﺎ 'ﺷﯩﻨﺠﺎﯓ' ﺩﻩﭖ ﺋﺎﺗﺎﻟﻐﺎﻥ ﺑﯘﺟﺎﻳﻨﯩﯔ ﺋﻪﺳﻠﻰ ﺧﻪﻟﻘﻰ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﺪﯨﻦ ﻗﯘﺗﯘﻟﯘﺵ ﻫﻪﺭﯨﻜﻪﺗﻠﯩﺮﻯ ﺗﻮﺧﺘﯩﻤﺎﻱ ﻛﯧﻠﯩﯟﺍﺗﯩﺪﯗ. ﺑﯘ ﻣﻪﺳﯩﻠﻪ ﻫﺎﺯﯨﺮ ﺧﯩﺘﺎﻱ ﻫﻪﻝ ﻗﯩﻠﻤﯩﺴﺎ ﺑﻮﻟﻤﺎﻳﺪﯨﻐﺎﻥ ﻣﻪﺳﯩﻠﻪ ﺑﻮﻟﯘﭖ ﻗﺎﻟﺪﻯ.

ﺳﺎﻧﺎﺋﻪﺗﻠﻪﺷﻜﻪﻥ 8 ﺩﯙﻟﻪﺕ ﺋﺎﻟﯩﻲ ﻳﯩﻐﯩﻨﻰ ﻳﺎﭘﻮﻧﯩﻴﯩﺪﻩ ﺋﯧﭽﯩﻠﻤﺎﻗﺘﺎ

2008-07-07

ﺗﻪﺭﻩﻗﻘﻰ ﺗﺎﭘﻘﺎﻥ 8 ﺩﯙﻟﻪﺗﻨﯩﯔ 34 ‏ - ﻗﯧﺘﯩﻤﻠﯩﻖ ﻳﯩﻠﻠﯩﻖ ﻳﯩﻐﯩﻨﻰ ﺑﯜﮔﯜﻥ ﻳﻪﻧﻰ ﺩﯛﺷﻪﻧﺒﻪ ﻛﯜﻧﻰ ﻳﺎﭘﻮﻧﯩﻴﯩﻨﯩﯔ Hokkaido ﺋﺎﺭﯨﻠﯩﺪﺍ ﺭﻩﺳﻤﯩﻲ ﺋﯧﭽﯩﻠﺪﻯ. ﻳﯩﻐﯩﻨﻐﺎ ﻳﯩﻐﯩﻨﻨﯩﯔ ﺋﻪﺳﻠﻰ ﺋﻪﺯﺍﻟﯩﺮﻯ ﺑﻮﻟﻐﺎﻥ 8 ﺩﯙﻟﻪﺕ ﺭﻩﻫﺒﯩﺮﯨﺪﯨﻦ ﺑﺎﺷﻘﺎ، ﺧﯩﺘﺎﻱ، ﻫﯩﻨﺪﯨﺴﺘﺎﻥ، ﺑﺮﺍﺯﯨﻠﯩﻴﻪ، ﻫﯩﻨﺪﻭﻧﯧﺰﯨﻴﻪ، ﺟﻪﻧﯘﺑﯩﻲ ﺋﺎﻓﺮﯨﻘﺎ ﻗﺎﺗﺎﺭﻟﯩﻖ ﺗﻪﺭﻗﻘﯩﻲ ﻗﯩﻠﯩﯟﺍﺗﻘﺎﻥ ﺩﯙﻟﻪﺗﻠﻪﺭﺩﯨﻦ ﺑﻮﻟﯘﭖ 22 ﺩﯙﻟﻪﺗﻨﯩﯔ ﺭﻩﻫﺒﻪﺭﻟﯩﺮﻯ ﻗﺎﺗﻨﺎﺷﺘﻰ. ﻳﯩﻐﯩﻨﺪﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺋﯚﺯﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﻗﺎﺗﻨﯩﺸﯩﺶ ﻗﺎﺭﺍﺭﯨﻨﻰ ﺋﺎﻗﻼﺷﻘﺎ ﻣﻪﺟﺒﯘﺭ ﺑﻮﻟﺪﻯ.

ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ، ﻳﯩﻐﯩﻦ، ﺋﺎﺳﺎﺳﻠﯩﻘﻰ ﻧﯧﻔﯩﺖ ﺑﺎﻫﺎﺳﻰ ﯞﻩ ﺋﺎﺷﻠﯩﻖ ﺑﺎﻫﺎﺳﯩﻨﯩﯔ ﺋﯚﺭﻟﻪﭖ ﻛﯧﺘﯩﺶ ﺋﻪﻫﯟﺍﻟﻰ ﯞﻩ ﺋﯘﻧﻰ ﻛﻮﻧﺘﺮﻭﻝ ﻗﯩﻠﯩﺶ، ﻫﺎﯞﺍ ﻛﯩﻠﯩﻤﺎﺕ ﻣﻪﺳﯩﻠﯩﺴﻰ، ﺋﺎﻓﺮﯨﻘﯩﻐﺎ ﺋﺎﺷﻠﯩﻖ ﻳﺎﺭﺩﻩﻡ ﺑﯧﺮﯨﺶ ﻣﻪﺳﯩﻠﯩﺴﻰ؛ ﺯﯨﻤﺒﺎﺑﯟﯨﺪﺍ ﺋﯚﺗﻜﯜﺯﯛﻟﮕﻪﻥ ﺳﺎﻳﻼﻡ، ﺷﯩﻤﺎﻟﯩﻲ ﻛﻮﺭﯨﻴﻪ ﯞﻩ ﺋﯩﺮﺍﻥ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻖ ﺗﯧﻤﯩﻼﺭﺩﺍ ﻣﯘﺯﺍﻛﯩﺮﻩ ﺋﯧﻠﯩﭗ ﺑﺎﺭﯨﺪﯗ.

ﻳﯩﻐﯩﻨﺪﺍ ﻫﺎﯞﺍ ﻛﯩﻠﯩﻤﺎﺕ ﻣﻪﺳﯩﻠﯩﺴﯩﺪﻩ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ، ﺧﯩﺘﺎﻱ ﺑﯩﻠﻪﻥ ﻫﯩﻨﺪﯨﺴﺘﺎﻧﻨﯩﯔ ﻫﺎﯞﺍ ﺑﯘﻟﻐﯩﻨﯩﺸﻨﻰ ﭼﻪﻛﻠﻪﺷﺘﻪ ﻣﻪﺳﺌﯘﻟﯩﻴﻪﺗﻨﻰ ﺳﺎﻧﺎﺋﻪﺗﻠﻪﺷﻜﻪﻥ 8 ﺩﯙﻟﻪﺕ ﺑﯩﻠﻪﻥ ﺗﻪﯓ ﺋﯜﺳﺘﯩﮕﻪ ﺋﯧﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﯞﻩ ﻣﯘﻧﺪﺍﻕ ﺩﯦﮕﻪﻥ " ﺋﻪﻣﻪﻟﯩﻴﻪﺗﭽﯩﻞ ﮔﻪﭖ ﻗﯩﻠﺴﺎﻕ، ﺧﯩﺘﺎﻱ ﺑﯩﻠﻪﻥ ﻫﯩﻨﺪﯨﺴﺘﺎﻥ ﺑﺎﺷﻘﯩﻠﯩﺮﯨﻤﯩﺰ ﺑﯩﻠﻪﻥ ﺋﻮﺧﺸﺎﺵ ﺋﺎﻛﺘﯩﭗ ﺑﻮﻟﻤﯩﺴﺎ، ﻛﯩﻠﯩﻤﺎﺕ ﻣﻪﺳﯩﻠﯩﺴﯩﺪﻩ ﻏﺎﻳﯩﮕﻪ ﻳﻪﺗﻜﯩﻠﻰ ﺑﻮﻟﻤﺎﻳﺪﯗ". ﺟﻮﺭﺝ ﺑﯘﺷﻨﯩﯔ ﺑﯘ ﭘﻮﺯﯨﺘﺴﯩﻴﯩﺴﻰ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﺎﺭﯨﺴﯩﺪﯨﻜﻰ ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﯩﻠﻪﺭﺩﯨﻜﻰ ﻣﯘﻫﯩﻢ ﺋﯩﺨﺘﯩﻼﭘﻼﺭﺩﯨﻦ ﺑﯩﺮﯨﺪﯗﺭ. ﺋﯧﻜﻮﻟﻮﮔﯩﻴﻪ ﻣﯘﺗﻪﺧﻪﺳﯩﺴﻠﯩﺮﯨﻨﯩﯔ ﻗﺎﺭﯨﺸﯩﭽﻪ، ﻳﻪﺭ ﺷﺎﺭﻯ ﺋﯩﺴﺴﯩﻘﻠﯩﻘﯩﻨﯩﯔ 2 ﺳﯩﻠﺴﯩﻴﻪ ﮔﺮﺍﺩﯗﺱ ﺋﯚﺭﻟﯩﺸﻰ، 2 ﻣﯩﻠﻴﺎﺭﺩ ﺋﯩﻨﺴﺎﻧﻨﻰ ﺳﯘ ﻣﻪﺳﯩﻠﯩﺴﯩﮕﻪ ﮔﯩﺮﯨﭙﺘﺎﺭ ﻗﯩﻠﯩﺪﯗ ﻳﻪﻧﻪ ﺩﯗﻧﻴﺎﺩﯨﻜﻰ ﺋﻪﺗﯩﯟﺍﺭﻟﯩﻖ ﻫﺎﻳﯟﺍﻧﻼﺭﻧﯩﯔ 20 - 30 %ﻧﯩﯔ ﻫﺎﻳﺎﺗﯩﻐﺎ ﺗﻪﻫﺪﯨﺖ ﺋﯧﻠﯩﭗ ﻛﯧﻠﯩﺪﯗ. ﺏ ﺩ ﺕ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ 2007 ‏ - ﻳﯩﻠﻠﯩﻖ ﺩﻭﻛﻼﺗﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﻪﮔﻪﺭ ﺳﺎﻧﺎﺋﻪﺗﻠﻪﺷﻜﻪﻥ ﺩﯙﻟﻪﺗﻠﻪﺭ 2020 ‏ - ﻳﯩﻠﻐﺎ ﻗﻪﺩﻩﺭ ﺗﺎﺭﻗﯩﺘﯩﯟﺍﺗﻘﺎﻥ ﻛﺎﺭﺑﻮﻥ 4 ﺋﻮﻛﺴﯩﺪ ﮔﺎﺯﯨﻨﻰ 25 - 40% ﺋﺎﺭﯨﺴﯩﺪﺍ ﻗﯩﺴﻘﺎﺭﺗﻤﯩﺴﺎ، ﺋﯩﻨﺴﺎﻧﯩﻴﻪﺕ ﺋﯧﻐﯩﺮ ﺩﻩﺭﯨﺠﯩﺪﯨﻜﻰ ﻗﯘﺭﻏﺎﻗﭽﯩﻠﯩﻖ، ﻛﻪﻟﻜﯜﻥ ﯞﻩ ﺑﻮﺭﺍﻥ ﺋﺎﭘﻪﺗﻠﯩﺮﯨﮕﻪ ﺩﯗﭺ ﻛﯧﻠﯩﺪﯗ.

ﺋﺎﻣﯧﺮﯨﻜﺎ ﺑﻮﻟﺴﺎ ﻧﯚﯞﻩﺗﺘﻪ، ﻫﺎﯞﺍ ﺑﯘﻟﻐﯩﻨﯩﺸﻘﺎ ﺋﻪﯓ ﻛﯚﭖ ﺳﻪﯞﻩﺏ ﺑﻮﻟﯘﯞﺍﺗﻘﺎﻥ ﺩﯙﻟﻪﺕ ﺧﯩﺘﺎﻱ ﺑﯩﻠﻪﻥ ﻫﯩﻨﺪﯨﺴﺘﺎﻥ، ﺷﯘﯕﺎ ﺑﯘ ﺋﯩﻜﻜﻰ ﺩﯙﻟﻪﺕ ﻣﻪﺳﺌﯘﻟﯩﻴﻪﺗﻨﻰ ﺗﻪﯓ ﺋﯜﺳﺘﯩﮕﻪ ﺋﯧﻠﯩﺸﻰ ﻛﯧﺮﻩﻙ، ﺩﻩﭖ ﻗﺎﺭﺍﻳﺪﯗ. ﺧﯩﺘﺎﻱ ﺗﻪﺭﻩﭘﻨﯩﯔ ﻗﺎﺭﯨﺸﯩﭽﻪ ﺑﻮﻟﺴﺎ، ﻫﺎﯞﺍ ﺑﯘﻟﻐﯩﻨﯩﺶ ﻳﯧﻘﯩﻨﻘﻰ ﺑﯩﺮﻗﺎﻧﭽﻪ ﻳﯩﻠﻠﯩﻖ ﻣﻪﺳﯩﻠﻪ ﺋﻪﻣﻪﺱ، ﺋﻪﻛﺴﯩﭽﻪ ﺳﺎﻧﺎﺋﻪﺗﻠﻪﺷﻜﻪﻥ ﺩﯙﻟﻪﺗﻠﻪﺭﻧﯩﯔ ﺋﯜﺯﯛﻥ ﻣﻪﺯﮔﯩﻠﻠﯩﻚ ﺳﺎﻧﺎﺋﻪﺕ ﺋﯩﺸﻠﻪﭘﭽﯩﻘﯩﺮﯨﺸﯩﻨﯩﯔ ﻣﻪﻫﺴﯘﻟﻰ، ﺷﯘﯕﺎ ﻣﻪﺳﺌﯘﻟﯩﻴﻪﺕ ﺷﯘﻻﺭﺩﺍ ﺑﻮﻟﯘﺷﻰ ﻛﯧﺮﻩﻙ. ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺗﻪﺭﻩﭘﻠﻪﺭ ﺋﯚﺯ ﻣﻪﻳﺪﺍﻧﯩﻨﻰ ﺗﻪﻛﺮﺍﺭﻟﯩﻐﺎﻥ. ﻫﯩﻨﺪﯨﺴﺘﺎﻥ ﻛﺎﺭﺑﻮﻥ 4 ﺋﻮﻛﺴﯩﺪ ﺗﺎﺭﻗﯩﺘﯩﺸﻨﻰ ﭼﻪﻛﻠﻪﻳﺪﯨﻐﺎﻧﻠﯩﻘﯩﻨﻰ، ﭼﻪﻛﻠﻪﺵ ﻧﯩﺴﺒﯩﺘﯩﻨﯩﯔ ﺳﺎﻧﺎﺋﻪﺗﻠﻪﺷﻜﻪﻥ ﺩﯙﻟﻪﺗﻠﻪﺭﻧﯩﯖﻜﯩﺪﯨﻦ ﺗﯚﯞﻩﻧﺮﻩﻙ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ - ﻗﺎﺗﻨﺎﺷﻤﺎﺳﻠﯩﻖ ﮔﻪﺭﭼﻪ 8 ﺩﯙﻟﻪﺕ ﻳﯩﻐﯩﻨﯩﻨﯩﯔ ﻣﯘﺯﺍﻛﯩﺮﻩ ﺗﯧﻤﯩﺴﯩﻨﯩﯔ ﺳﯩﺮﺗﯩﺪﺍ ﺑﻮﻟﺴﯩﻤﯘ، ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻛﯜﻧﻰ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﺳﯚﺯﻟﯩﺮﯨﺪﻩ ﻣﯘﻫﯩﻢ ﺋﻮﺭﯗﻥ ﺋﯩﮕﯩﻠﯩﮕﻪﻥ. ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﻳﯩﻐﯩﻨﺪﺍ ﺋﯚﺯﯨﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﻗﺎﺭﺍﺭﯨﻨﻰ ﺋﺎﻗﻼﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ. ﺋﯘ ﺑﯩﺮ ﺗﻪﺭﻩﭘﺘﯩﻦ، ﺋﻮﻟﯩﻤﭙﯩﻜﻘﺎ ﺳﯩﻴﺎﺳﻪﺕ ﺋﺎﺭﯨﻼﺷﺘﯘﺭﻣﺎﺳﻠﯩﻖ ﻛﯧﺮﻩﻛﻠﯩﻜﯩﻨﻰ ﺑﺎﻳﺎﻥ ﻗﯩﻠﺴﺎ ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﺳﻠﯩﻘﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺋﻪﻣﻪﺱ، ﺧﯩﺘﺎﻱ ﺧﻪﻟﻘﯩﻨﻰ ﺟﺎﺯﺍﻻﺵ ﻣﻪﻧﯩﺴﻰ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻧﯚﯞﻩﺗﺘﻪ ﺋﻮﻟﯩﻤﭙﯩﻜﻘﺎ ﺳﯩﻴﺎﺳﻪﺕ ﺋﺎﺭﯨﻼﺷﺘﯘﺭﻣﺎﺳﻠﯩﻖ ﭼﺎﻗﯩﺮﯨﻘﻰ ﺑﺎﺭﻟﯩﻖ ﺗﻪﺭﻩﭘﻠﻪﺭ ﺗﻪﯓ ﺋﻮﺗﺘﯘﺭﯨﻐﺎ ﻗﻮﻳﯘﯞﺍﺗﻘﺎﻥ ﺗﻪﺷﻪﺑﺒﯘﺳﺘﯘﺭ. ﺋﻪﻣﻤﺎ ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﻫﻪﻕ - ﻧﺎﻫﻪﻕ ﻣﻪﺳﯩﻠﯩﺴﯩﺪﻩ ﺋﻮﺗﺘﯘﺭﺍ ﻣﻪﻳﺪﺍﻥ ﻣﻪﯞﺟﯘﺕ ﺋﻪﻣﻪﺱ،ﺷﯘﯕﺎ ﺋﻮﻟﯩﻤﭙﯩﻜﻘﺎ ﺳﯩﻴﺎﺳﻪﺕ ﺋﺎﺭﯨﻼﺷﺘﯘﺭﻣﺎﺳﻠﯩﻖ ﭘﻪﻗﻪﺕ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭ ﺋﯜﭼﯜﻧﻼ ﺋﯘﻳﻐﯘﻧﺪﯗﺭ. 8 ﺩﯙﻟﻪﺕ ﻳﯩﻐﯩﻨﯩﺪﺍ ﺑﯘ ﻫﻪﻗﺘﻪ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺋﯩﺘﺎﻟﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﺋﻮﻟﯩﻤﭙﯩﻚ ﺭﻭﻫﯩﻲ ﺩﯦﻤﻪﻙ ﻗﯧﺮﯨﻨﺪﺍﺷﻠﯩﻖ ﺭﻭﻫﯩﻲ ﺋﯩﻜﻪﻧﻠﯩﻜﯩﻨﻰ، ﺋﻪﻣﻤﺎ ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﺗﯩﺒﻪﺕ ﺳﯩﻴﺎﺳﯩﺘﯩﺪﻩ ﻗﯧﺮﯨﻨﺪﺍﺷﻠﯩﻖ ﺭﻭﻫﯩﻨﻰ ﻛﯚﺭﯛﺵ ﻣﯘﻣﻜﯩﻨﺴﯩﺰﻟﯩﻜﯩﻨﻰ، ﺷﯘﯕﺎ ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﯧﺘﯩﻠﯩﺶ - ﻗﯧﺘﯩﻠﻤﺎﺳﻠﯩﻖ ﻣﻪﺳﯩﻠﯩﺴﯩﺪﻩ ﻳﻪﻧﯩﻼ ﺋﻮﻳﻠﯘﺷﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺳﺎﻧﺎﺋﻪﺗﻠﻪﺷﻜﻪﻥ 8 ﺩﯙﻟﻪﺗﻨﯩﯔ ﺗﯘﻧﺠﻰ ﻗﯧﺘﯩﻤﻠﯩﻘﻰ ﻳﯩﻐﯩﻨﻰ 1975 ‏ - ﻳﯩﻠﻰ ﺋﯧﭽﯩﻠﻐﺎﻥ. ﺑﯘ 8 ﺩﯙﻟﻪﺕ ﺩﯗﻧﻴﺎ ﺋﯩﻘﺘﯩﺴﺎﺩﯨﻨﯩﯔ 65% ﮔﻪ ﺳﺎﻫﯩﭙﺘﯘﺭ. ﻳﯩﻠﻠﯩﻖ ﺩﯗﻧﻴﺎ ﻫﻪﺭﺑﯩﻲ ﺧﯩﺮﺍﺟﯩﺘﯩﻨﯩﯖﻤﯘ ﻣﯘﺗﻠﻪﻕ ﻛﯚﭖ ﻗﯩﺴﻤﻰ ﺑﯘ ﺩﯙﻟﻪﺗﻠﻪﺭﮔﻪ ﺋﺎﺋﯩﺘﺘﯘﺭ. ﺳﺎﻧﺎﺋﻪﺗﻠﻪﺷﻜﻪﻥ 8 ﺩﯙﻟﻪﺕ ﻳﯩﻐﯩﻨﻰ ﺑﯜﮔﯜﻧﮕﻪ ﻗﻪﺩﻩﺭ ﺋﯧﻜﻮﻟﻮﮔﯩﻴﻪ ﯞﻩ ﺋﺎﭼﺎﺭﭼﯩﻠﯩﻖ ﻣﻪﺳﯩﻠﯩﺴﯩﺪﻩ ﺑﯩﺮ ﻗﺎﺗﺎﺭ ﻧﻪﺗﯩﺠﻪ ﻫﺎﺳﯩﻞ ﻗﯩﻠﻐﺎﻥ ﺑﻮﻟﺴﯩﻤﯘ، ﺩﯗﻧﻴﺎﺩﯨﻜﻰ ﺑﯩﺮ ﺗﯜﺭﻛﯜﻡ ﻛﯩﺸﯩﻠﻪﺭﻧﯩﯔ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﺍﭖ ﻛﻪﻟﻤﻪﻛﺘﻪ. ﺑﯘﻻﺭ، ﺋﺎﻓﺮﯨﻘﯩﻨﯩﯔ ﻧﺎﻣﺮﺍﺕ ﻫﺎﻟﯩﺘﯩﻨﻰ ﻳﺎﯞﺭﻭﭘﺎﻧﯩﯔ ﺳﻴﺎﺳﯩﻲ ﺋﯚﺗﻤﯜﺷﯩﮕﻪ ﺑﺎﻏﻼﭖ ﭼﯜﺷﻪﻧﮕﯜﭼﻰ ﻣﺎﺭﻛﯩﺴﺘﻼﺭ ﺑﯩﻠﻪﻥ، ﻳﻪﺭ ﺷﺎﺭﯨﻠﯩﺸﯩﺸﻨﻰ ﻣﯩﻠﻠﯩﻲ ﻣﻪﯞﺟﯘﺩﯨﻴﻪﺗﻜﻪ ﺗﻪﻫﺪﯨﺖ ﺩﻩﭖ ﻗﺎﺭﯨﻐﯘﭼﻰ ﻛﻮﻧﺴﯩﺮﯞﺍﺗﯩﭙﻼﺭﺩﯗﺭ.
ﺑﯘ ﻗﯧﺘﯩﻤﻘﻰ 8 ﺩﯙﻟﻪﺕ ﻳﯩﻐﯩﻨﻨﯩﯔ ﺋﯧﭽﯩﻠﯩﺶ ﻛﯜﻧﻰ ﻳﺎﭘﻮﻧﯩﻴﯩﺪﯨﻤﯘ 2500 ﻛﯩﺸﯩﻠﯩﻚ ﺑﯩﺮ ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ ﻧﺎﺭﺍﺯﯨﻠﯩﻘﻠﯩﺮﯨﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ ﻳﯩﻐﯩﻦ ﻣﻪﻳﺪﺍﻧﯩﻨﻰ 20 ﻣﯩﯔ ﻛﯩﺸﯩﻠﯩﻚ ﻗﻮﻏﺪﯨﻐﯘﭼﯩﻼﺭ ﻣﯘﻫﺎﭘﯩﺰﻩﺕ ﻗﯩﻠﻐﺎﻥ. ﻳﯩﻐﯩﻨﻐﺎ 5000 ﻧﻪﭘﻪﺭ ﻣﯘﺧﺒﯩﺮ ﺋﯩﺸﺘﯩﺮﺍﻙ ﻗﯩﻠﻐﺎﻥ.

ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﻧﻪﺯﯨﺮﯨﺪﯨﻜﻰ ﺋﯜﺭﯛﻣﭽﻰ " 8 ‏ - ﺋﯩﻴﯘﻝ ﯞﻩﻗﻪﺳﻰ"

ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﻟﺪﯨﻨﻘﻰ ﻛﯜﻧﻰ ﺋﯜﺭﯛﻣﭽﯩﺪﻩ "ﭼﯧﻨﮕﯘﺍﯓ ﺑﺎﻏﭽﯩﺴﻰ" ﺋﺎﺋﯩﻠﯩﻠﻪﺭ ﻗﻮﺭﻭﺳﯩﺪﯨﻜﻰ ﺑﯩﺮ ﺑﯩﻨﺎ ﺋﯚﻳﮕﻪ ﺑﺎﺳﺘﯘﺭﯗﭖ ﻛﯩﺮﯨﭗ، 5 ﺋﯘﻳﻐﯘﺭ ﻳﺎﺷﻨﻰ ﺋﯧﺘﯩﭗ ﺗﺎﺷﻠﯩﻐﺎﻧﻠﯩﻘﻰ، 2 ﻳﺎﺷﻨﻰ ﻳﺎﺭﯨﻼﻧﺪﯗﺭﻏﺎﻧﻠﯩﻘﻰ، " 8‏ - ﺋﯩﻴﯘﻝ ﯞﻩﻗﻪﺳﻰ"ﺩﯨﻜﻰ ﺋﯘﻳﻐﯘﺭﻻﺭﻧﻰ "ﻏﺎﺯﺍﺗﭽﯩﻼﺭ" ﺩﻩﭖ ﺟﺎﻛﺎﺭﻟﯩﻐﺎﻧﻠﯩﻘﻰ ﻛﯩﺸﯩﻠﻪﺭﺩﻩ ﮔﯘﻣﺎﻥ ﻗﻮﺯﻏﯩﻤﺎﻗﺘﺎ. ﺋﺎﻣﯧﺮﯨﻜﯩﺪﯨﻜﻰ ﺑﻪﺯﻯ ﺧﯩﺘﺎﻱ ﺋﺎﻧﺎﻟﯩﺰﭼﯩﻼﺭ ﺑﻮﻟﺴﺎ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﯨﻨﯩﯔ ﻫﻪﺭﯨﻜﯩﺘﯩﻨﻰ ﺗﻪﻧﻘﯩﺪ ﻗﯩﻠﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﯨﻨﯩﯔ ﺳﻪﻳﺸﻪﻧﺒﻪ ﻛﯜﻧﻰ ﺋﯜﺭﯛﻣﭽﻰ "ﺗﺎﯕﻨﯘﺭﻯ ﺑﺎﻏﭽﯩﺴﻰ" ﺋﺎﺋﯩﻠﯩﻠﯩﻜﻠﻪﺭ ﻗﻮﺭﯗﺳﯩﺪﯨﻜﻰ ﺑﯩﺮ ﺑﯩﻨﺎ ﺋﯚﻳﮕﻪ ﺑﺎﺳﺘﯘﺭﯗﭖ ﻛﯩﺮﯨﭗ، ﺋﯚﻳﺪﯨﻜﻰ 15 ﻧﻪﭘﻪﺭ ﺋﯘﻳﻐﯘﺭ ﻗﯩﺰ - ﻳﯩﮕﯩﺘﻨﯩﯔ 5 ﯨﻨﻰ ﺋﯧﺘﯩﭗ ﺗﺎﺷﻠﯩﻐﺎﻥ، 2 ﻛﯩﺸﯩﻨﻰ ﻳﺎﺭﯨﻼﻧﺪﯗﺭﻏﺎﻥ 8‏ - ﺋﯩﻴﯘﻧﺪﯨﻜﻰ ﯞﻩﻗﻪﻧﻰ ﺳﺎﻗﭽﯩﻼﺭﻧﯩﯔ "ﻏﺎﺯﺍﺗﭽﯩﻼﺭ" ﻏﺎ ﻗﺎﺭﺷﻰ ﻣﻪﺭﺩﺍﻧﻪ ﻫﻪﺭﯨﻜﯩﺘﻰ، ﺩﻩﭖ ﺋﺎﻗﻠﯩﻤﺎﻗﺘﺎ. ﻟﯧﻜﯩﻦ ﭼﻪﺗﺌﻪﻟﺪﯨﻜﻰ ﺑﻪﺯﻯ ﺋﺎﻧﺎﻟﯩﺰﭼﯩﻼﺭ ﺑﯘ ﯞﻩﻗﻪ ﺗﻮﻏﺮﯨﺴﯩﺪﺍ ﺋﻮﺧﺸﯩﻤﯩﻐﺎﻥ ﺗﻪﻧﻘﯩﺪ ﯞﻩ ﭘﯩﻜﯩﺮﻟﻪﺭﺩﻩ ﺑﻮﻟﯘﺷﻤﺎﻗﺘﺎ. ﺧﯩﺘﺎﻱ ﯞﻩﺯﯨﻴﻪﺕ ﺋﺎﻧﺎﻟﯩﺰﭼﯩﺴﻰ ﻟﻴﯘ ﺷﺎﯞﺟﯘ ﺋﻪﭘﻪﻧﺪﻯ ﺋﯜﺭﯛﻣﭽﯩﺪﯨﻜﻰ ﯞﻩﻗﻪﮔﻪ ﺋﻮﺧﺸﯩﻤﯩﻐﺎﻥ ﻗﺎﺭﺍﺷﺘﯩﻜﻰ ﺧﯩﺘﺎﻱ ﺯﯨﻴﺎﻟﯩﻠﯩﺮﯨﻨﯩﯔ ﺑﯩﺮﯨﺪﯗﺭ. ﺋﯘ ﭘﻪﻳﺸﻪﻧﺒﻪ ﻛﯜﻧﻰ ﺭﺍﺩﯨﺌﻮﻣﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ ﺋﯜﺭﯛﻣﭽﯩﺪﯨﻜﻰ ﯞﻩﻗﻪ ﻧﯘﺭﻏﯘﻥ ﺟﻪﻫﻪﺗﻠﻪﺭﺩﻩ ﻛﯩﺸﯩﻨﻰ ﮔﯘﻣﺎﻧﻐﺎ ﺳﺎﻟﯩﺪﯨﻐﺎﻧﻠﯩﻘﻰ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭﻟﯩﺮﯨﻨﻰ ﭘﯜﺗﯜﻧﻠﻪﻱ ﺑﯩﺮ ﺗﻪﺭﻩﭘﻠﯩﻤﯩﻠﯩﻚ، ﺩﻩﭖ ﺗﻪﻧﻘﯩﺪ ﻗﯩﻠﺪﻯ.

ﻟﻴﯘ ﺷﺎﯞﺟﯘ ﻣﯘﻧﺪﺍﻕ ﺩﻩﻳﺪﯗ، " ﺑﯧﺮﯨﻠﮕﻪﻥ ﺧﻪﯞﻩﺭﻟﻪﺭﺩﻩ ﭘﯜﺗﯜﻧﻠﻪﻱ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻣﻪﻳﺪﺍﻧﻰ ﺗﻪﻛﯩﺘﻠﻪﻧﮕﻪﻥ. ﺑﯘﻧﻰ ﻗﻮﺑﯘﻝ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﯞﻩﻗﻪﺩﻩ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻣﻪﻳﺪﺍﻧﻰ ﺗﻪﻛﯩﺘﻠﯩﻨﯩﭙﻼ ﻗﺎﻟﻤﺎﻱ، ﻣﻪﻣﻠﯩﻜﻪﺕ ﺳﯩﺮﺗﯩﻐﺎ ﺑﺎﺷﻘﯩﭽﻪ، ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﭘﯘﻗﺮﺍﻻﺭﻏﺎ ﺑﺎﺷﻘﯩﭽﻪ ﭼﯜﺷﻪﻧﺪﯛﺭﯛﻟﺪﻯ. ﭘﯘﻗﺮﺍﻻﺭﻧﻰ ﻛﻮﻟﺪﯗﺭﻻﺗﻤﺎﺳﻠﯩﻘﻰ ﻛﯧﺮﻩﻙ. ﺗﺎﺷﻘﯩﺮﯨﻐﺎ ﺑﯧﺮﯨﻠﮕﻪﻥ ﺧﻪﯞﻩﺭﻟﻪﺭﺩﻩ ﺑﺎﻳﺎﻧﺎﺗﭽﻰ ﯞﻩﻗﻪﻧﻰ 'ﻏﺎﺯﺍﺕ ﺗﻪﻟﯩﻢ ﺗﻪﺭﺑﯩﻴﻪ ﻛﯘﺭﺳﻰ ' ﺩﯦﺪﻯ. ﺋﯘﻻﺭﻧﯩﯔ 'ﺗﻪﮔﺒﯩﺮ' ﺋﯧﻴﺘﻘﺎﻧﻠﯩﻘﯩﻨﻰ، ﻗﯩﯖﻐﯩﺮﺍﻗﻼﺭ ﺑﯩﻠﻪﻥ ﺳﺎﻗﭽﯩﻼﺭﻏﺎ ﻗﺎﺭﺷﻰ ﭼﯩﻘﯩﺶ ﺟﻪﺭﻳﺎﻧﯩﺪﺍ 5 ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﺑﻪﺧﺘﺴﯩﺰﻟﯩﻜﻜﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻟﯧﻜﯩﻦ ﺑﯘ ﺳﯚﺯﻟﻪﺭ ﺗﻮﻏﺮﯨﺴﯩﺪﺍ ﻣﻪﻣﻠﯩﻜﻪﺕ ﺋﯩﭽﯩﮕﻪ ﺑﯩﺮ ﺋﯧﻐﯩﺰ ﺗﯩﻨﻤﯩﺪﻯ. ﺋﯘﻻﺭﻧﯩﯔ ﺋﯘﻳﻐﯘﺭ ﺋﯩﻜﻪﻧﻠﯩﻜﻰ، ﺋﯘﻻﺭﻧﯩﯔ ﺳﯩﻴﺎﺳﯩﻲ ﺗﻪﺷﻪﺑﺒﯘﺳﻰ،ﺗﻪﻟﯩﭙﻰ ﯞﻩ ﻏﺎﺯﺍﺕ ﻫﻪﺭﯨﻜﯩﺘﻰ ﺗﻮﻏﺮﯨﺴﯩﺪﺍ ﻫﯧﭽﻨﯧﻤﻪ ﺩﯦﻤﯩﺪﻯ. ﭘﯘﻗﺮﺍﻻﺭ ﻗﺎﻳﻤﯘﻗﺘﯘﺭﯗﻟﺪﻯ. ﺋﻪﺳﻠﻰ ﻫﻪﻗﯩﻘﯩﻲ ﺋﻪﻫﯟﺍﻟﻨﻰ ﺋﺎﺷﻜﺎﺭﯨﻼﺵ ﻛﯧﺮﻩﻙ ﺋﯩﺪﻯ. ﻣﻪﻥ ﻣﻪﺗﺒﯘﺋﺎﺕ ﯞﻩ ﺋﻪﺩﯨﻠﯩﻴﻪﻧﯩﯔ ﺗﻪﻛﺸﯜﺭﯛﺵ ﺟﻪﺭﻳﺎﻧﯩﻐﺎ ﺋﺎﺭﯨﻠﯩﺸﯩﺸﻰ، ﺋﺎﺧﺒﺎﺭﺍﺕ ﺧﻪﯞﯨﺮﻯ ﭘﯜﺗﯜﻧﻠﻪﻱ ﺋﺎﺷﻜﺎﺭﺍ ﺑﻮﻟﯘﺷﻰ ﻛﯧﺮﻩﻙ، ﺩﻩﭖ ﻗﺎﺭﺍﻳﻤﻪﻥ. ﺑﯘ ﭘﺎﺟﯩﺌﻪﻧﯩﯔ ﻛﯧﻠﯩﭗ ﭼﯩﻘﻘﺎﻧﻠﯩﻘﻰ ﻛﯩﺸﯩﻨﻰ ﺋﻪﭘﺴﯘﺳﻼﻧﺪﯗﺭﯨﺪﯗ. ﻟﯧﻜﯩﻦ ﺋﻪﺳﻜﻰ ﺋﯩﺸﻨﻰ ﻳﺎﺧﺸﯩﻐﺎ ﺋﺎﻳﻼﻧﺪﯗﺭﯗﺷﻨﯩﯔ ﻳﻮﻟﻰ ﭼﻮﻗﯘﻡ ﺋﺎﺷﻜﺎﺭﺍ، ﺋﺎﺩﯨﻼﻧﻪ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺶ. ﺑﯘ ﺋﯩﺸﻼﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻨﯩﯔ ﻳﻮﻟﻰ ﭼﻪﻛﺴﯩﺰ ﻛﯜﭺ ﻗﻮﻟﻠﯩﻨﯩﺶ ﺋﻪﻣﻪﺱ، ﺑﻪﻟﻜﻰ ﻗﺎﻧﯘﻥ ﻗﺎﺋﯩﺪﯨﻠﻪﺭ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻠﯩﺸﺘﯘﺭ".

ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺷﺎﻣﺎﻟﺒﺎﻏﺪﯨﻜﻰ ﯞﻩﻗﻪﺩﻩ ﺳﺎﻗﭽﯩﻼﺭﻧﯩﯔ ﻫﻪﺭﯨﻜﯩﺘﯩﻨﻰ ﺋﺎﻗﻼﭖ، ﻫﯘﺟﯘﻣﻐﺎ ﺋﯘﭼﺮﯨﻐﯘﭼﻰ ﻳﺎﺷﻼﺭﻧﯩﯔ ﺳﺎﻗﭽﯩﻼﺭﻏﺎ ﻗﯩﯖﻐﯩﺮﺍﻗﻼﺭ ﺑﯩﻠﻪﻥ ﻫﯘﺟﯘﻡ ﻗﯩﻠﻐﺎﻧﻠﯩﻘﻰ، ﺳﺎﻗﭽﯩﻼﺭﻧﯩﯔ ﻗﺎﻧﯘﻧﺪﯨﻜﻰ ﻫﻮﻗﯘﻗﯩﻐﺎ ﺋﺎﺳﺎﺳﻪﻥ ﺋﻮﻕ ﭼﯩﻘﺎﺭﻏﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ. ﻟﯧﻜﯩﻦ ﻟﻴﯘ ﺷﺎﯞﺟﯘ ﺋﻪﭘﻪﻧﺪﻯ ﺳﺎﻗﭽﯩﻼﺭﻧﯩﯔ 8 ‏ - ﺋﯩﻴﯘﻝ ﯞﻩﻗﻪﺳﯩﺪﯨﻜﻰ ﻫﻪﺭﯨﻜﯩﺘﯩﻨﻰ " ﺗﻪﻟﯟﯨﻠﯩﻚ" ﺩﻩﭖ ﺋﻪﻳﯩﺒﻠﯩﺪﻯ. ﺋﯘ،" ﻣﻪﻥ ﺳﺎﻗﭽﻰ ﺗﻪﺭﻩﭖ ﺯﻭﺭﺍﯞﺍﻧﻠﯩﻖ ﻛﯜﭺ ﺋﯩﺸﻠﯩﺘﯩﺶ ﻣﻪﺳﯩﻠﯩﺴﯩﺪﻩ ﺑﻪﻙ ﺋﺎﺷﯘﺭﯗﯞﻩﺗﻜﻪﻥ، ﺩﻩﭖ ﻗﺎﺭﺍﻳﻤﻪﻥ. ﺑﯘ ﻗﯧﺘﯩﻤﻘﻰ ﯞﻩﻗﻪﺩﻩ 5 ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻧﻠﯩﻜﻰ ﻣﯧﻨﯩﯖﭽﻪ ﺯﻭﺭﺍﯞﺍﻧﻠﯩﻘﻨﻰ ﭼﯧﻜﯩﺪﯨﻦ ﺋﺎﺷﯘﺭﯗﯞﻩﺗﻜﻪﻧﻠﯩﻚ. ﺋﻪﮔﻪﺭ ﺋﯘﻳﻐﯘﺭ ﻳﺎﺷﻼﺭﺩﺍ ﻗﻮﺭﺍﻝ ﺑﻮﻟﻐﺎﻥ ﺑﻮﻟﺴﺎ، ﻗﻮﺭﺍﻟﻠﯩﻖ ﺋﯧﺘﯩﺸﯩﺶ ﻳﯜﺯ ﺑﻪﺭﮔﻪﻥ ﺑﻮﻟﺴﺎ، ﺑﯘ ﺑﯩﺮ ﺋﺎﺯ ﭘﯘﺕ ﺗﯩﺮﻩﭖ ﺗﯘﺭﺍﻻﻳﺘﺘﻰ. ﺑﯘﻧﺪﺍﻕ ﺋﯩﺸﻼﺭ ﺋﺎﻣﯧﺮﯨﻜﯩﺪﯨﻤﯘ ﻳﯜﺯ ﺑﯧﺮﯨﭗ ﺗﯘﺭﯨﺪﯗ. ﻟﯧﻜﯩﻦ ﺋﯘﻻﺭ ﭘﻪﻗﻪﺕ ﺑﯩﺮ ﺗﺎﻝ ﭘﯩﭽﺎﻕ ﻛﯚﺗﯜﺭﯛﯞﺍﻟﻐﺎﻧﻠﯩﻘﻰ ﺋﯜﭼﯜﻥ ﺋﯧﺘﯩﭗ ﺗﺎﺷﻼﻧﺴﺎ ﺑﻮﻟﻤﺎﻳﺪﯗ. ﺋﯘﻻﺭﻧﻰ ﺋﻮﻕ ﭼﯩﻘﺎﺭﻣﺎﻱ ﺑﻮﻳﺴﯘﻧﺪﯗﺭﯗﺵ ﭘﯜﺗﯜﻧﻠﻪﻱ ﻣﯘﻣﻜﯩﻦ. ﭼﯜﻧﻜﻰ ﺳﯧﻨﯩﯖﺪﻩ ﻗﻮﺭﺍﻝ ﺑﺎﺭ. ﺳﻪﻥ ﺋﯘﻻﺭﻧﻰ ﺑﻮﻳﺴﯘﻧﺪﯗﺭﺍﻻﻳﺴﻪﻥ..." ﺩﻩﭖ ﻛﯚﺭﺳﻪﺗﺘﻰ. ﺳﺎﻗﭽﯩﻼﺭﻧﯩﯔ ﻫﻪﺭﯨﻜﯩﺘﯩﻨﻰ "ﭘﯜﺗﯜﻧﻠﻪﻱ ﺗﻪﻟﯟﯨﻠﯩﻚ " ﺩﻩﭖ ﺗﻪﻛﯩﺘﻠﯩﮕﻪﻥ ﻟﻴﯘ ﺷﺎﯞﺟﯘ، " ﺑﯘ ﻗﯧﺘﯩﻤﻘﻰ ﯞﻩﻗﻪﺩﻩ ﺋﯜﺭﯛﻣﭽﻰ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺑﯘﻧﺪﺍﻕ ﻗﻮﻝ ﺳﯧﻠﯩﺸﻰ ﻗﺎﻧﯘﻥ ﺋﯩﺠﺮﺍ ﻗﯩﻠﯩﺶ ﺧﯩﺰﻣﯩﺘﯩﺪﯨﻜﻰ ﺗﻪﻛﺸﯜﺭﯛﻟﯜﺷﻜﻪ ﺗﯧﮕﯩﺸﻠﯩﻚ ﺑﯩﺮ ﻗﯩﻠﻤﯩﺸﺘﯘﺭ... ﺋﻪﮔﻪﺭ ﺩﺍﺋﯩﺮﯨﻠﻪﺭ ﺑﯘ ﯞﻩﻗﻪﺩﻩ ﻗﺎﻧﯘﻥ - ﻗﺎﺋﯩﺪﻩ ﯞﻩ ﺗﻪﺭﺗﯩﭙﻠﻪﺭ ﺑﯘﻳﯩﭽﻪ ﺋﯩﺶ ﻗﯩﻠﻐﺎﻥ ﺑﻮﻟﺴﺎ ﺑﯘ ﭘﺎﺟﯩﺌﻪﻣﯘ ﻳﯜﺯ ﺑﻪﺭﻣﯩﮕﻪﻥ ﺑﻮﻻﺗﺘﻰ " ﺩﻩﻳﺪﯗ.

ﻟﻴﯘ ﺷﺎﯞﺟﯘ، ﺩﺍﺋﯩﺮﯨﻠﻪﺭﻧﯩﯔ ﺑﯘ ﻗﯧﺘﯩﻤﻘﻰ ﯞﻩﻗﻪﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯘﺳﯘﻟﻰ، ﯞﻩﻗﻪﮔﻪ ﺑﻪﺭﮔﻪﻥ ﺑﺎﻫﺎﺳﻰ ﺷﯘﻧﺪﺍﻗﻼ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﯞﻩﻗﻪﻧﻰ ﺧﻪﯞﻩﺭ ﻗﯩﻠﯩﺶ ﺷﻪﻛﻠﻰ ﺋﯘﻳﻐﯘﺭﻻﺭ ﺑﯩﻠﻪﻥ ﺧﯩﺘﺎﻳﻼﺭ ﺋﺎﺭﯨﺴﯩﺪﯨﻜﻰ ﺋﻪﺯﻩﻟﺪﯨﻦ ﺟﯩﺪﺩﯨﻲ ﺑﻮﻟﻐﺎﻥ ﻣﯩﻠﻠﯩﻲ ﻣﯘﻧﺎﺳﯩﯟﻩﺗﻨﻰ ﺗﯧﺨﯩﻤﯘ ﺟﯩﺪﺩﯨﻴﻠﻪﺷﺘﯜﺭﯛﯞﻩﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻟﻴﯘ ﺷﺎﯞﺟﯘ ﻣﯘﻧﺪﺍﻕ ﺩﻩﻳﺪﯗ،" ﺑﯘ ﺟﯩﺪﺩﯨﻲ ﻣﯘﻧﺎﺳﯩﯟﻩﺕ ﺋﻪﻣﻪﻟﯩﻴﻪﺗﺘﻪ ﻣﻪﯞﺟﯘﺕ ﺋﯩﺪﻯ. ﻟﯧﻜﯩﻦ ﺟﯩﺪﺩﯨﻲ ﻣﯘﻧﺎﺳﯩﯟﻩﺕ ﻣﻪﯞﺟﯘﺕ ﺩﯦﮕﻪﻧﻠﯩﻚ ﻛﯩﺸﯩﻠﻪﺭ ﺑﯩﺮ ‏ - ﺑﯩﺮﯨﻨﻰ ﻗﯩﺮﻏﯩﻦ ﻗﯩﻠﺴﯘﻥ ﺩﯦﮕﻪﻧﻠﯩﻚ ﺋﻪﻣﻪﺱ. ﺩﯗﻧﻴﺎﺩﺍ ﺋﯚﺯ ‏ - ﺋﺎﺭﺍ ﻗﯩﺮﻏﯩﻨﭽﯩﻠﯩﻘﻨﯩﯔ ﻣﻪﻏﻠﯘﺑﯩﻴﯩﺘﯩﮕﻪ ﺩﺍﺋﯩﺮ ﻧﯘﺭﻏﯘﻥ ﻣﯩﺴﺎﻟﻼﺭ ﺑﺎﺭ. ﻣﻪﺳﯩﻠﻪﻥ، ﺗﯜﺭﻛﯩﻴﻪ، ﺋﻮﺗﺘﯘﺭﺍ ﺷﻪﺭﻗﺘﯩﻜﻰ ﺗﻮﻗﯘﻧﯘﺵ، ﺋﺎﻓﺮﯨﻘﯩﺪﺍ ﺑﯩﺮ ﻗﯩﺴﯩﻢ ﺩﯙﻟﻪﺗﻠﻪﺭﺩﯨﻜﻰ ﺗﻮﻗﯘﻧﯘﺷﻼﺭ ﺑﯘﻧﯩﯖﻐﺎ ﺋﯚﺭﻧﻪﻙ ﺑﻮﻻﻻﻳﺪﯗ. ﺑﯘ ﺟﺎﻳﻼﺭﺩﺍ ﻗﻪﺑﯩﻠﻪ - ﻗﻪﯞﯨﻤﻠﻪﺭ ﺋﺎﺭﯨﺴﯩﺪﯨﻜﻰ ﻗﯩﺮﻏﯩﻨﭽﯩﻠﯩﻘﻼﺭ ﺧﻪﻟﻘﻨﯩﯔ ﺯﻭﺭ ﻛﯚﻟﻪﻣﻠﯩﻚ ﺋﯚﻟﯜﻡ - ﻳﯧﺘﯩﻤﻰ ﻳﺎﻛﻰ ﻗﺎﻻﻳﻤﯩﻘﺎﻥ ﻗﯩﺮﻏﯩﻨﭽﯩﻠﯩﻘﯩﻐﺎ ﺳﻪﯞﻩﺏ ﺑﻮﻟﺪﻯ. ﺋﯘﻧﺪﺍﻗﺘﺎ ﺟﯘﯕﮕﻮ ﺋﯚﺯﯨﺪﯨﻜﻰ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﺑﯘ ﺗﻪﺟﺮﯨﺒﻪ ‏ - ﺳﺎﯞﺍﻗﻼﺭﻧﻰ ﻗﺎﻧﺪﺍﻕ ﻳﻪﻛﯜﻧﻠﯩﺸﻰ ﻛﯧﺮﻩﻙ ؟ " ﻟﻴﯘ ﺷﺎﯞﺟﯘ ﺋﯘﻳﻐﯘﺭ ﺋﯩﻠﯩﺪﯨﻜﻰ ﻣﯩﻠﻠﻪﺗﻠﻪﺭ ﻣﯘﻧﺎﺳﯩﯟﯨﺘﯩﻨﻰ ﻳﯘﻣﺸﯩﺘﯩﺶ ﺗﻮﻏﺮﯨﺴﯩﺪﺍ ﺑﯩﺮ ﻗﺎﺗﺎﺭ ﺗﻪﻛﻠﯩﭗ ﭘﯩﻜﯩﺮﻟﻪﺭﻧﻰ ﺑﻪﺭﺩﻯ.

ﻟﻴﯘ ﺷﺎﯞﺟﯘ، " ﺑﯩﺮﯨﻨﭽﯩﺪﯨﻦ، ﻛﯚﭘﭽﯩﻠﯩﻜﻨﯩﯔ ﺳﯚﺯﻟﯩﺸﯩﮕﻪ ﺭﯗﺧﺴﻪﺕ ﻗﯩﻠﯩﺶ ﻛﯧﺮﻩﻙ. ﻣﯩﻠﻠﯩﻴﻼﺭﻧﯩﯔ ﭘﯩﻜﯩﺮ ﺑﯧﺮﯨﺶ، ﻗﻮﺳﺎﻕ ﻛﯚﭘﯜﻛﻰ ﺑﻮﻟﺴﺎ ﭼﯩﻘﯩﺮﯨﯟﯦﻠﯩﺸﯩﻐﺎ ﺭﯗﺧﺴﻪﺕ ﻗﯩﻠﯩﺶ ﻻﺯﯨﻢ. ﺋﯩﻜﻜﯩﻨﭽﯩﺪﯨﻦ، ﻗﺎﻧﯘﻧﻐﺎ ﺋﺎﺳﺎﺳﻪﻥ ﺋﯩﺶ ﺑﯧﺠﯩﺮﯨﺶ. ﺋﺎﺗﺎﻟﻤﯩﺶ ﻗﺎﻧﯘﻧﻐﺎ ﺋﺎﺳﺎﺳﻪﻥ ﺋﯩﺶ ﺑﯧﺠﯩﺮﯨﺶ ﺩﯦﮕﻪﻧﻠﯩﻚ ﺋﻪﮔﻪﺭ ﺋﯘﻳﻐﯘﺭﻻﺭﻧﯩﯔ ﺋﯩﭽﯩﺪﯨﻜﻰ ﺑﻪﺯﻯ ﺭﺍﺩﯨﻜﺎﻝ ﻛﯜﭼﻠﻪﺭ " ﻏﺎﺯﺍﺕ ﻗﯩﻠﻤﺎﻗﭽﻰ"، " ﺧﻪﻟﯩﭙﯩﻠﯩﻚ ﻗﯘﺭﻣﺎﻗﭽﻰ" ﺑﻮﻟﺴﺎ ﺋﯘﻻﺭﻧﻰ ﻗﺎﻧﯘﻧﻐﺎ ﺋﺎﺳﺎﺳﻪﻥ ﺋﺎﺷﻜﺎﺭﺍ ﯞﻩ ﺋﺎﺩﯨﻼﻧﻪ ﺑﯩﺮ ﺗﻪﺭﻩﭖ ﻗﯩﻠﯩﺸﺘﯘﺭ. ﺋﯜﭼﯩﻨﭽﯩﺪﯨﻦ، ﻛﯩﺸﯩﻠﯩﻚ ﻫﻮﻗﯘﻗﻘﺎ ﻫﯚﺭﻣﻪﺕ ﻗﯩﻠﯩﺶ... ﭘﯘﻗﺮﺍﻻﺭﻧﯩﯔ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ، ﺋﯩﭙﺎﺩﯨﻠﻪﺵ ﺋﻪﺭﻛﯩﻨﻠﯩﻜﻰ، ﻳﯩﻐﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﻮﻟﯘﺷﻰ ﻛﯧﺮﻩﻙ. ﺋﻪﮔﻪﺭ ﺳﯩﺰ ﻣﯩﻠﻠﯩﻴﻼﺭﻧﯩﯔ ﺑﯘ ﻫﻮﻗﯘﻗﻠﯩﺮﯨﻐﺎ ﻫﯚﺭﻣﻪﺕ ﻗﯩﻠﺴﯩﯖﯩﺰ، ﻧﯘﺭﻏﯘﻥ ﺯﯨﺪﺩﯨﻴﻪﺗﻠﻪﺭﻧﻰ ﻳﯘﻣﺸﺎﺗﻘﯩﻠﻰ ﺑﻮﻟﯩﺪﯗ " ﺩﻩﻳﺪﯗ.

ﺧﯩﺘﺎﻱ ﻗﻪﺷﻘﻪﺭﺩﻩ 5 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻧﻠﯩﻜﯩﻨﻰ ﺋﺎﺧﺒﺎﺭﺍﺕ ﺳﺎﻫﻪﺳﯩﺪﯨﻦ ﻳﻮﺷﯘﺭﻣﺎﻗﺘﺎ

ﺋﻮﻟﯩﻤﭙﯩﻚ ﻣﻪﻧﭙﻪﺋﻪﺗﻰ ﺳﻪﯞﻩﺏ ﺑﻮﻟﻐﺎﻥ ﺑﻮﻟﺴﺎ ﻛﯧﺮﻩﻙ، ﺧﯩﺘﺎﻱ، ﻗﻪﺷﻘﻪﺭﺩﻩ 5 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻧﻠﯩﻚ ﻫﯚﻛﯜﻣﯩﻨﻰ 10 ﻣﯩﯔ ﻛﯩﺸﯩﻠﯩﻚ ﻳﯩﻐﯩﻦ ﺋﯧﭽﯩﭗ ﻳﻪﺭﻟﯩﻚ ﺧﻪﻟﻘﻘﻪ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺭﻩﺳﻤﯩﻲ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﻫﯧﭻ ﺑﯩﺮﯨﺪﻩ ﺋﯧﻼﻥ ﻗﯩﻠﻤﯩﺪﻯ.


ﺑﯘ ﺳﻪﯞﻩﺑﻠﯩﻚ ﺧﯩﺘﺎﻳﺪﯨﻜﻰ ﻗﺎﻧﯘﻥ ﺋﻮﺭﯗﻧﻠﯩﺮﯨﺪﯨﻦ ﺋﻪﻫﯟﺍﻝ ﺋﯩﮕﯩﻠﻪﺷﻠﯩﺮﯨﻤﯩﺰﺩﻩ ﻗﺎﻧﯘﻥ ﺗﺎﺭﻣﺎﻗﻠﯩﺮﯨﻨﯩﯔ ﻣﻪﺯﻛﯘﺭ ﻫﯚﻛﯜﻣﯩﻨﻰ ﺋﺎﺧﺒﺎﺭﺍﺕ ﺳﺎﻫﻪﺳﯩﺪﯨﻦ ﺗﯧﺨﯩﻤﯘ ﺗﻮﻏﺮﯨﺴﻰ ﺩﯗﻧﻴﺎ ﺟﺎﻣﺎﺋﯩﺘﯩﺪﯨﻦ ﻳﻮﺷﯘﺭﻏﺎﻧﻠﯩﻘﻰ ﻣﻪﻟﯘﻡ ﺑﻮﻟﺪﻯ.

ﻣﻪﺯﻛﯘﺭ ﻫﯚﻛﯜﻡ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯧﭽﯩﻠﻐﺎﻥ ﻳﯧﯖﯩﺸﻪﻫﻪﺭ ﻧﺎﻫﯩﻴﯩﻠﯩﻚ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﻛﺎﺗﯩﺒﺎﺕ ﺑﯚﻟﯜﻣﯩﻨﯩﯔ ﺟﺎﯞﺍﺑﻰ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺑﻮﻟﻤﯩﺪﻯ. ﺑﯩﺰ ﺋﯘﻧﯩﯖﺪﯨﻦ " ﻗﻪﺷﻘﻪﺭﺩﻩ ﺳﻮﺕ ﺋﯧﭽﯩﻠﻐﺎﻧﻠﯩﻘﯩﻨﻰ ﻗﻪﺷﻘﻪﺭ ﺳﻮﺕ ﻣﻪﻫﻜﯩﻤﯩﺴﻰ ﺭﻩﺕ ﻗﯩﻠﺪﻯ" ﺩﻩﭖ ﺧﻪﯞﻩﺭ ﻗﯩﻠﺴﺎﻕ ﺑﻮﻻﻣﺪﯗ ﺩﻩﭖ ﺳﻮﺭﯨﻐﯩﻨﯩﻤﯩﺰﺩﺍ، ﺋﯘ ﺩﻩﺭﻫﺎﻝ ﺳﯚﺯﯨﻨﯩﯔ ﺗﻮﻧﯩﻨﻰ ﻳﯘﻣﺸﺎﺗﺘﻰ ﯞﻩ ﺋﯚﺯﯨﻨﻰ ﺑﯩﺮ ﺗﺎﺯﯨﻠﯩﻖ ﺋﯩﺸﭽﯩﺴﻰ ﺩﻩﭖ ﻛﯚﺭﺳﻪﺗﺘﻰ. ﺑﯩﺰ ﻳﻪﻧﻪ، ﻳﯧﯖﯩﺸﻪﻫﻪﺭ ﺳﻮﺕ ﻣﻪﻫﻜﯩﻤﯩﺴﯩﻨﯩﯔ ﺑﯩﺮ ﺋﻪﻣﻪﻟﺪﺍﺭﯨﻐﺎ ﺗﯧﻠﯧﻔﻮﻥ ﺋﺎﭼﺘﯘﻕ.

ﺋﺎﺭﻗﯩﺪﯨﻦ ﭘﻪﺭﻗﻠﯩﻖ ﻛﯩﻤﻠﯩﻚ ﺑﯩﻠﻪﻥ ﺋﻪﻫﯟﺍﻝ ﺋﯩﮕﯩﻠﯩﮕﯩﻨﯩﻤﯩﺰﺩﻩ، ﺳﻮﺗﻨﯩﯔ ﺑﯩﺮ ﻣﻪﺳﺌﯘﻟﻰ ﻳﯧﯖﯩﺸﻪﻫﻪﺭﺩﻩ ﺋﯧﭽﯩﻠﻐﺎﻥ ﺳﻮﺗﻨﻰ ﺋﯧﺘﯩﺮﺍﭖ ﻗﯩﻠﺪﻯ. ﺑﯩﺰ ﺑﯘﻧﯩﯖﻐﺎ ﺋﺎﺳﺎﺳﻪﻥ ﺟﺎﯓ ﯞﯦﻴﺨﯘﻳﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺋﻪﻫﯟﺍﻟﻨﻰ ﺋﺎﻟﯩﻲ ﺳﻮﺗﺘﯩﻦ ﺋﯩﮕﯩﻠﯩﺸﯩﻤﯩﺰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ. ﺋﯘﻳﻐﯘﺭ ﺭﺍﻳﻮﻧﻠﯘﻕ ﺋﺎﻟﯩﻲ ﺳﻮﺕ ﻣﻪﻫﻜﯩﻤﯩﺴﯩﮕﻪ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺯﯨﻴﺎﺭﯨﺘﯩﻤﯩﺰ ﺋﻮﺧﺸﺎﺷﻼ ﺭﻩﺕ ﻗﯩﻠﯩﻨﺪﻯ. ﺋﺎﺧﯩﺮﯨﺪﺍ ﻳﻪﺭﻟﯩﻚ ﺋﺎﻫﺎﻟﯩﻠﻪﺭﮔﻪ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺑﯩﺮ ﺋﺎﻳﺎﻝ ﺋﯚﺯﯨﻨﯩﯔ ﺷﯘ ﻛﯜﻧﻜﻰ ﺳﻮﺗﻘﺎ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯘ ﺧﺎﻧﯩﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻛﯜﻧﻜﻰ ﺳﻮﺗﺘﺎ 20 ﻛﯩﺸﻰ ﻣﻪﻫﻜﯘﻡ ﺋﯘﺳﺘﯩﺪﯨﻦ ﻫﯚﻛﯜﻡ ﺋﯧﻼﻥ ﻗﯩﻠﯩﻨﻐﺎﻥ، ﺋﯘﻻﺭﻧﯩﯔ 2 ﻧﻪﭘﯩﺮﯨﮕﻪ ﺩﻩﺭﻫﺎﻝ ﺋﯚﻟﯜﻡ ﺟﺎﺯﺍﺳﻰ، 3 ﻧﻪﭘﯩﺮﯨﮕﻪ ﻛﯧﭽﯩﻜﺘﯜﺭﻣﻪ ﺋﯚﻟﯜﻡ ﺟﺎﺯﺍﺳﻰ، 15 ﻧﻪﭘﯩﺮﯨﮕﻪ 10 ﻳﯩﻞ ﺑﯩﻠﻪﻥ ﻣﯘﺩﺩﻩﺗﺴﯩﺰﮔﯩﭽﻪ ﺑﻮﻟﻐﺎﻥ ﭘﻪﺭﻗﻠﯩﻖ ﻗﺎﻣﺎﻕ ﺟﺎﺯﺍﺳﻰ ﺑﯧﺮﯨﻠﮕﻪﻥ.

ﻫﺎﺯﯨﺮﻏﺎ ﻗﻪﺩﻩﺭ ﺑﯘ ﺳﻮﺕ ﻫﻪﻗﻘﯩﺪﻩ ﺋﯘﻳﻐﯘﺭ ﺩﯨﻴﺎﺭﻯ ﺋﯩﭽﯩﺪﯨﻜﻰ ﺋﺎﻳﺮﯨﻢ ﺧﯘﺳﯘﺳﻲ ﺗﻮﺭ ﺑﻪﺗﻠﻪﺭﺩﻩ ﺧﻪﯞﻩﺭ ﺑﯧﺮﯨﻠﮕﻪﻥ ﺋﯩﺪﻯ. ﺋﯘ ﺧﻪﯞﻩﺭﺩﻩ ﺑﯩﻠﺪﯛﺭﯛﻟﯩﺸﯩﭽﻪ، ﻣﻪﻫﻜﯘﻣﻼﺭ ﺗﯧﺮﺭﻭﺭﻟﯘﻕ ﻣﻪﺷﻖ ﺑﺎﺯﯨﺴﻰ ﻗﯘﺭﯗﺵ، ﭘﺎﺭﺗﻼﺗﻘﯘﭺ ﺩﻭﺭﯨﻼﺭﻧﻰ ﺗﻮﺷﯘﺵ ﯞﻩ ﺳﺎﻗﻼﺵ ﻗﺎﺗﺎﺭﻟﯩﻖ ﺟﯩﻨﺎﻳﻰ ﻧﺎﻣﻼﺭ ﺑﯩﻠﻪﻥ ﺋﻪﻳﯩﺒﻠﻪﻧﮕﻪﻥ. ﻫﯚﻛﯜﻡ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﻐﺎ ﻗﯧﺘﯩﻠﻐﺎﻥ ﺧﺎﻧﯩﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﻪﺯﻯ ﻣﻪﻫﻜﯘﻣﻼﺭ ﻳﯘﻗﯩﺮﯨﻘﯩﻼﺭﺩﯨﻦ ﺑﺎﺷﻘﺎ ﻳﻪﻧﻪ، ﺗﯧﺮﺭﻭﺭﭼﯩﻼﺭﻏﺎ ﺋﯩﻘﺘﯩﺴﺎﺩﯨﻲ ﻳﺎﺭﺩﻩﻡ ﺑﻪﺭﺩﻯ ﺩﻩﭖ ﺋﻪﻳﯩﺒﻠﻪﻧﮕﻪﻥ.

ﺗﻮﺭ ﺧﻪﯞﯨﺮﻯ ﯞﻩ ﻳﻪﺭﻟﯩﻚ ﺋﺎﻫﺎﻟﯩﻠﻪﺭﻧﯩﯔ ﻣﻪﻟﯘﻣﺎﺗﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﻣﻪﻫﻜﯘﻣﻼﺭ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﻰ ﻗﯘﺭﻏﺎﻥ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﻠﯩﻘﯩﻨﻰ ﻏﺎﻳﻪ ﻗﯩﻠﻐﺎﻥ. ﺑﯘﻟﺘﯘﺭ 1 ‏ - ﺋﺎﻳﻨﯩﯔ 25 ‏ - ﻛﯜﻧﻰ ﺋﺎﻗﺘﯘ ﻧﺎﻫﯩﻴﯩﺴﯩﻨﯩﯔ ﻛﻮﺳﺮﺍﭖ ﻳﯧﺰﯨﺪﺍ ﺑﯩﺮ ﺗﯜﺭﻛﯜﻡ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺑﯩﻠﻪﻥ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﺎﺭﯨﺴﯩﺪﺍ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ. ﺗﻮﻗﯘﻧﯘﺷﺘﺎ ﺧﯩﺘﺎﻱ ﺗﻪﺭﻩﭖ 17 ﻧﻪﭘﻪﺭ ﻳﺎﺷﻨﻰ ﻗﻮﻟﻐﺎ ﺋﺎﻟﻐﺎﻥ، ﺋﯘﻻﺭﻧﯩﯔ ﺋﯩﭽﯩﺪﻩ 6 ﻧﻪﭘﯩﺮﯨﮕﻪ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻥ ﺋﯩﺪﻯ. ﺑﯘ ﻗﯧﺘﯩﻤﻘﻰ ﻫﯚﻛﯜﻡ ﺋﯧﻼﻥ ﻗﯩﻠﯩﻨﻐﺎﻥ ﻣﻪﻫﻜﯘﻣﻼﺭﻧﯩﯔ ﺋﺎﺳﺎﺳﻠﯩﻖ ﺋﻪﻧﻪ ﺋﻪﺷﯘ ﻛﻮﺳﺮﺍﭖ ﯞﻩﻗﻪﺳﯩﮕﻪ ﭼﯧﺘﯩﺸﻠﯩﻖ ﺋﯩﻜﻪﻧﻠﯩﻜﻰ ﻣﻪﻟﯘﻡ.

ﻳﻪﻧﻪ ﻣﻪﻟﯘﻡ ﺑﯩﺮ ﺋﯩﻨﻜﺎﺳﭽﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻗﯧﺘﯩﻤﻘﻰ ﻫﯚﻛﯜﻡ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﻐﺎ ﻳﺎﻟﻐﯘﺯ ﺋﯘﻳﻐﯘﺭ ﺋﯩﺸﭽﻰ - ﺧﯩﺰﻣﻪﺗﭽﻰ، ﺋﻮﻗﯘﺗﻘﯘﭼﻰ ‏ - ﺋﻮﻗﯘﻏﯘﭼﻰ، ﺋﺎﻫﺎﻟﻪ ﻛﻮﻣﯩﺘﯧﺖ ﺋﻪﺯﺍﻟﯩﺮﻯ ﻗﺎﺗﻨﺎﺷﺘﯘﺭﯗﻟﻐﺎﻥ. ﺧﯩﺘﺎﻳﻼﺭ ﻗﺎﺗﻨﺎﺷﻤﯩﻐﺎﻥ. ﻣﻪﺯﻛﯘﺭ ﻫﯚﻛﯜﻣﻨﯩﯔ ﺋﻮﻟﯩﻤﭙﯩﻜﺘﯩﻦ 1 ﺋﺎﻱ ﺋﺎﯞﺍﻝ ﺋﯧﻼﻥ ﻗﯩﻠﯩﻨﯩﺸﻰ، ﻳﯩﻐﯩﻨﻐﺎ ﺋﯘﻳﻐﯘﺭﻻﺭﻧﯩﯖﻼ ﻗﺎﺗﻨﺎﺷﺘﯘﺭﯗﻟﯘﺷﻰ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺋﯘﻳﻐﯘﺭﻻﺭﻧﻰ ﺭﻭﻫﯩﻲ ﺟﻪﻫﻪﺗﺘﯩﻦ ﺟﺎﺳﺎﺭﻩﺗﺴﯩﺰﻟﻪﻧﺪﯛﺭﯛﺷﻜﻪ، ﺑﯘ ﺋﺎﺭﻗﯩﻠﯩﻖ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﯞﻩﻗﻪ ﭼﯩﻘﯩﺸﺘﯩﻦ ﺳﺎﻗﻠﯩﻨﯩﺸﻘﺎ ﺋﯘﺭﯗﻧﯩﯟﺍﺗﻘﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ. ﺋﯘﻳﻐﯘﺭ ﻛﯚﺯﻩﺗﻜﯜﭼﯩﻠﻪﺭ ﻳﻪﻧﻪ، ﺧﯩﺘﺎﻳﻨﯩﯔ ﻣﻪﺯﻛﯘﺭ ﺋﯚﻟﯜﻡ ﻫﯚﻛﯜﻣﻠﯩﺮﯨﻨﻰ ﺋﺎﺧﺒﺎﺭﺍﺕ ﺳﺎﻫﻪﺳﯩﺪﯨﻦ ﺳﯩﺮ ﺗﯘﺗﯘﺷﯩﻨﻰ، ﺋﻪﻣﻪﻟﯩﻴﻪﺗﺘﻪ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﺪﯨﻦ ﻳﻮﺷﯘﺭﯗﺵ ﺩﻩﭖ ﻗﺎﺭﯨﻤﺎﻗﺘﺎ.

ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ، ﺧﯩﺘﺎﻳﻨﯩﯔ ﺋﯜﺭﯛﻣﭽﯩﺪﯨﻜﻰ ﻗﯩﺮﻏﯩﻨﭽﯩﻠﯩﻘﻰ ﯞﻩ ﻗﻪﺷﻘﻪﺭﺩﯨﻜﻰ ﺑﺎﺳﺘﯘﺭﯗﺷﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﯩﺪﻯ

2008-07-10

ﺋﯜﺭﯛﻣﭽﯩﺪﻩ 5 ﺋﯘﻳﻐﯘﺭﻧﯩﯔ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻧﻠﯩﻜﯩﮕﻪ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻪﺷﻘﻪﺭﺩﻩ 20 ﺋﯘﻳﻐﯘﺭﻏﺎ ﺟﺎﺯﺍ ﻫﯚﻛﯜﻡ ﻗﯩﻠﻐﺎﻧﻠﯩﻘﯩﻐﺎ ﺷﯘﻧﯩﯖﺪﻩﻙ ﺑﯘﻻﺭﻧﯩﯔ ﺋﯩﭽﯩﺪﯨﻦ ﺋﺎﺑﺪﯗﯞﯦﻠﻰ ﺋﯧﻤﯩﻦ ﯞﻩ ﻣﯘﺧﺘﻪﺭ ﺳﯧﺘﯩﯟﺍﻟﺪﻯ ﻗﺎﺗﺎﺭﻟﯩﻖ 5 ﺋﯘﻳﻐﯘﺭﻏﺎ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﮔﻪ ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﯨﻤﯘ ﻳﻪﺭ ﺑﯧﺮﯨﻠﺪﻯ.

ﺑﯘ ﺧﻪﯞﻩﺭﻟﻪﺭ ﺩﯗﻧﻴﺎﻏﺎ ﻳﯧﻴﯩﻠﻐﺎﻧﺪﯨﻦ ﻛﯧﻴﯩﻦ ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﯨﻤﯘ ﻗﺎﺗﺘﯩﻖ ﻏﯘﻟﻐﯘﻻ ﻗﻮﺯﻏﯩﺪﻯ. ﺗﯜﺭﻛﯩﻴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﻯ ﯞﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻗﯩﻠﻤﯩﺸﻠﯩﺮﯨﻨﯩﯔ ﺩﯗﻧﻴﺎﺩﯨﻜﻰ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭ، ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﯞﻩ ﭼﻪﺗﺌﻪﻟﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﻯ ﺋﯜﭼﯜﻧﻤﯘ ﺟﯩﺪﺩﻯ ﺑﯩﺮ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ، ﺑﯘ ﺗﻪﺷﻜﯩﻼﺗﻼﺭﻧﯩﯔ ﯞﻩ ﺋﯩﻨﺴﺎﻧﻠﯩﻖ ﺋﺎﻟﯩﻤﯩﻨﯩﯔ ﺧﯩﺘﺎﻳﻨﯩﯔ ﺑﯘ ﻗﯩﻠﻤﯩﺸﻠﯩﺮﯨﻐﺎ ﻗﺎﺗﺘﯩﻖ ﺋﯩﺘﯩﺮﺍﺯ ﺑﯩﻠﺪﯛﺭﯛﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﻪﺷﺘﻰ.

ﺧﯩﺘﺎﻱ ﺑﯧﺴﯩﻤﻨﻰ ﻛﯜﭼﻪﻳﺘﻜﻪﻧﺴﯧﺮﻯ ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﻪﺗﻠﯩﺮﻯ ﺋﯜﺯﻟﯜﻛﺴﯩﺰ ﻛﯚﭘﯩﻴﯩﭗ ﺑﺎﺭﯨﺪﯗ

2008-07-10

10 - ﺋﯩﻴﯘﻝ ﭘﻪﻳﺸﻪﻧﺒﻪ ﻛﯜﻧﻰ، ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺋﯚﺗﻜﻪﻥ ﺋﺎﻟﺘﻪ ﺋﺎﻱ ﺋﯩﭽﯩﺪﻩ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺶ ﻗﻪﺳﺘﯩﺪﻩ ﻳﯜﺭﮔﻪﻥ 82 ﻧﻪﭘﻪﺭ ﺋﯘﻳﻐﯘﺭﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﻰ ﻫﻪﻣﺪﻩ ﺑﯘ ﺧﯩﻠﺪﯨﻜﻰ 5 ﺗﻪﺷﻜﯩﻼﺗﻨﻰ ﭘﺎﺵ ﻗﯩﻠﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺧﯩﺘﺎﻱ ﺗﻪﺭﻩﭘﻨﯩﯔ ﺑﯘ ﺟﺎﻛﯩﺮﻯ ﺗﯜﻧﯜﮔﯜﻥ ﻳﻪﻧﻰ ﭼﺎﺭﺷﻪﻧﺒﻪ ﻛﯜﻧﻰ، ﺋﯜﺭﯛﻣﭽﯩﺪﻩ 5 ﺋﯘﻳﻐﯘﺭﻧﻰ ﺋﯧﺘﯩﭗ ﺗﺎﺷﻠﯩﻐﺎﻥ ﻫﻪﻣﺪﻩ ﻗﻪﺷﻘﻪﺭﺩﻩ 20 ﻧﻪﭘﻪﺭﮔﻪ ﻳﯧﻘﯩﻦ ﺋﯘﻳﻐﯘﺭ ﺋﯜﺳﺘﯩﺪﯨﻦ ﺋﻮﭼﯘﻕ ﺳﻮﺕ ﺋﯧﭽﯩﻠﯩﭗ ﺑﯘﻻﺭﻧﯩﯔ ﺋﯩﭽﯩﺪﻩ ﺑﻪﺵ ﻧﻪﭘﯩﺮﯨﮕﻪ ﺋﯚﻟﯜﻡ ﺟﺎﺯﺍﺳﻰ ﺑﻪﺭﮔﻪﻧﻠﯩﻜﻰ ﺋﯧﻼﻥ ﻗﯩﻠﯩﻨﯩﭗ ﺑﯩﺮ ﻛﯜﻧﺪﯨﻦ ﻛﯧﻴﯩﻦ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ.

ﺋﺎﻣﯧﺮﯨﻜﯩﻨﯩﯔ ﻛﺎﺑﯧﻞ ﺧﻪﯞﻩﺭﻟﻪﺭ ﺗﻮﺭﻯ ﻳﻪﻧﻰ CNN ﺋﺎﮔﯧﻨﺘﻠﯩﻘﯩﺪﺍ ﺑﯘ ﻫﻪﻗﺘﻪ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ، ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﻣﻪﻟﯘﻣﺎﺗﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺑﺎﺳﺘﯘﺭﯗﺵ ﻫﻪﻣﺪﻩ ﻗﻮﻟﻐﺎ ﺋﯧﻠﯩﺶ ﻫﻪﺭﯨﻜﻪﺗﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﺎﻟﻐﺎﻥ ﺋﯜﺭﯛﻣﭽﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﭼﯧﻦ ﺟﯘﯕﯟﯦﻲ، ﺑﯘ ﻳﯩﻠﻨﯩﯔ ﺩﻩﺳﻠﻪﭘﻜﻰ ﺋﺎﻟﺘﻪ ﺋﯧﻴﻰ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﺋﯧﻠﯩﺪﻩ "ﺟﯩﻬﺎﺩﭼﯩﻼﺭ" ﻧﻰ ﺗﻪﺭﺑﯩﻴﯩﻠﻪﺵ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﻫﻪﻣﺪﻩ ﻗﺎﻧﯘﻧﺴﯩﺰ ﺩﯨﻨﯩﻲ ﺗﻪﺑﻠﯩﺦ ﺋﯧﻠﯩﭗ ﺑﺎﺭﻏﺎﻥ 41 ﺋﻮﺭﯗﻧﻨﻰ ﭘﯧﭽﻪﺗﻠﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﭼﯧﻦ ﻳﻪﻧﻪ، ﺑﯘ ﺧﯩﻞ ﺗﯘﺗﻘﯘﻥ ﻗﯩﻠﯩﺸﻼﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ ﺧﯩﺰﻣﯩﺘﯩﻨﯩﯔ ﺑﯩﺮﯨﻨﭽﻰ ﺑﺎﺳﻘﯘﭼﻠﯘﻕ ﺧﯩﺰﻣﯩﺘﯩﻨﯩﯔ ﺧﯘﻻﺳﯩﺴﻰ ﺋﯩﻜﻪﻧﻠﯩﻜﯩﻨﻰ، ﺋﯩﻜﻜﯩﻨﭽﻰ ﺑﺎﺳﻘﯘﭼﻠﯘﻕ ﺧﯩﺰﻣﯩﺘﯩﻨﯩﯔ ﺑﺎﺷﻼﻧﻐﺎﻧﻠﯩﻘﯩﻨﻰ ﻗﻮﺷﯘﻣﭽﻪ ﻗﯩﻠﻐﺎﻥ.

CNN ﺩﻩ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﭼﯧﻦ ﻣﯘﻧﺪﺍﻕ ﺩﯦﮕﻪﻥ: " ﺑﯜﮔﯜﻧﺪﯨﻦ ﺑﺎﺷﻼﭖ، ﺑﺎﺭﻟﯩﻘﻰ ﺳﺎﻗﭽﻰ ‏ - ﺋﻮﻓﯩﺘﺴﯧﺮﻻﺭ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ ﺧﯩﺰﻣﯩﺘﯩﻨﯩﯔ ﻫﻪﺭ ﻗﺎﻳﺴﻰ ﺳﻪﭘﻠﯩﺮﯨﮕﻪ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﺗﻠﯩﻨﯩﺸﻰ ﻛﯧﺮﻩﻙ".

ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺗﯘﺗﻘﯘﻥ ﻗﯩﻠﯩﺶ، ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ "ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺶ" ﺩﻩﭖ ﻛﯚﺭﺳﯩﺘﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺟﻪﻣﺌﯩﻴﻪﺗﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻜﯩﻨﻰ ﺑﺎﻫﺎﻧﻪ ﻗﯩﻠﯩﭗ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﺋﺎﻗﻠﯩﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ.

ﻫﺎﻟﺒﯘﻛﻰ، ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺳﯩﻴﺎﺳﯩﻲ ﻛﯚﺯﻩﺗﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺩﻩﺭﯞﻩﻗﻪ ﺧﯩﺘﺎﻱ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺗﯘﺗﻘﯘﻥ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﻨﻰ ﺑﯩﺮ ﻗﻪﺩﻩﺭ ﻛﯜﭼﻪﻳﺘﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺧﯩﻠﺪﯨﻜﻰ ﺑﯧﺴﯩﻢ ﻳﯜﺭﮔﯜﺯﯛﺵ ﺳﯩﻴﺎﺳﯩﺘﯩﻨﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺩﺍﯞﺍﻣﻼﺷﺘﯘﺭﯗﭖ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻨﻤﯘ ﻳﻪﻧﻪ ﺩﺍﯞﺍﻣﻼﺷﺘﯘﺭﯗﺷﻰ ﻣﯘﻣﻜﯩﻦ ﺋﯩﻜﻪﻥ.

ﻫﺎﺯﯨﺮ ﺗﯜﺭﻛﯩﻴﻪ ﻫﺎﺟﻰ ﺗﯚﭘﻪ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺗﻪﺗﻘﯩﻘﺎﺕ ﯞﻩ ﺋﻮﻗﯘﺗﯘﺵ ﺧﯩﺰﻣﯩﺘﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯩﺴﺘﺮﺍﺗﯧﮕﯩﻴﻪ ﻣﯘﺗﻪﺧﻪﺳﺴﯩﺴﻰ، ﺩﻭﻛﺘﯘﺭ ﺋﻪﺭﻛﯩﻦ ﺋﻪﻛﺮﻩﻡ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﯩﺘﯩﻨﯩﯔ ﻣﺎﻫﯩﻴﯩﺘﻰ ﺋﯜﺳﺘﯩﺪﻩ ﺗﻮﺧﺘﯩﺘﯩﭗ، "ﺑﯧﺴﯩﻢ ﺳﯩﻴﺎﺳﯩﺘﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﻐﯩﻨﻰ ﺑﻮﻟﻤﺎﻳﺪﯗ" ﺩﻩﭖ ﻛﯚﺭﺳﻪﺗﺘﻰ.

ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﺗﻪﻫﻠﯩﻠﯩﮕﻪ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﯩﺘﯩﻤﯘ، ﺧﯩﺘﺎﻱ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻤﻼﺭﻧﻰ ﻛﯜﭼﻪﻳﺘﻜﻪﻧﺴﯧﺮﻯ ﺋﯜﺯﻟﯜﻛﺴﯩﺰ ﻛﯚﭘﯩﻴﯩﭗ ﺑﺎﺭﯨﺪﯨﻐﺎﻥ ﺑﻮﻟﯘﭖ، ﻣﯩﻠﻠﯩﻲ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻫﻪﺭﯨﻜﻪﺗﻠﯩﺮﻯ ﻫﻪﺭﮔﯩﺰﻣﯘ ﺑﯘ ﺧﯩﻠﺪﯨﻜﻰ ﺑﯧﺴﯩﻤﻼﺭ ﻧﻪﺗﯩﺠﯩﺴﯩﺪﻩ ﺋﯚﻛﺴﯜﭖ ﻗﺎﻟﻤﺎﻳﺪﯨﻜﻪﻥ ﻳﺎﻛﻰ ﻳﻮﻗﺎﭖ ﻛﻪﺗﻤﻪﻳﺪﯨﻜﻪﻥ.

2007 - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﺋﯧﻠﯩﭗ ﺑﺎﺭﻏﺎﻥ ﺗﯘﺗﻘﯘﻥ ﻗﯩﻠﯩﺶ، ﺋﯧﺘﯩﭗ ﺋﯚﻟﺘﯜﺭﯛﺵ ﯞﻩ ﻗﺎﻣﺎﻝ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﻨﻰ ﻛﯚﺭﯛﻧﻪﺭﻟﯩﻚ ﺩﻩﺭﯨﺠﯩﺪﻩ ﺋﺎﺷﯘﺭﻏﺎﻥ ﺑﻮﻟﯘﭖ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﯜﻧﯜﮔﯜﻥ ﻳﻪﻧﻰ ﭼﺎﺭﺷﻪﻧﺒﻪ ﻛﯜﻧﻰ ﺋﯜﺭﯛﻣﭽﻰ ﺩﺍﯞﺍﻥ ﻳﯧﺰﯨﺴﯩﻐﺎ ﺟﺎﻳﻼﺷﻘﺎﻥ "ﭼﯧﻦ ﮔﯘﺍﯓ" ﻳﻪﻧﻰ "ﺗﺎﯕﻨﯘﺭﻯ" ﺋﺎﺋﯩﻠﯩﻠﯩﻜﻠﻪﺭ ﻗﻮﺭﯗﺳﯩﺪﯨﻜﻰ ﺑﯩﺮ ﺗﯘﺭﺍﻟﻐﯘﻏﺎ ﺑﺎﺳﺘﯘﺭﯗﭖ ﻛﯩﺮﯨﭗ، ﺑﯘ ﺟﺎﻳﺪﺍ ﻫﺎﻝ - ﻣﯘﻻﻗﻪﺗﺘﻪ ﺑﻮﻟﯘﯞﺍﺗﻘﺎﻥ ﺑﯩﺮ ﺗﻮﭖ ﺋﯘﻳﻐﯘﺭ ﻳﺎﺷﻼﺭﻏﺎ ﻫﯘﺟﯘﻡ ﻗﯩﻠﯩﭗ، 5 ﺋﺎﺩﻩﻣﻨﻰ ﻧﻪﻕ ﻣﻪﻳﺪﺍﻥ ﺋﯧﺘﯩﭗ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﯞﻩ ﺑﯩﺮ ﻧﻪﭼﭽﻪ ﻧﻪﭘﻪﺭﻧﻰ ﻳﺎﺭﯨﻼﻧﺪﯗﺭﯗﭖ 10 ﺋﺎﺩﻩﻣﻨﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺋﯜﺭﯛﻣﭽﯩﺪﻩ ﺑﯘ ﻳﯩﻞ ﺋﯩﭽﯩﺪﻩ ﺋﯩﻜﻜﯩﻨﭽﻰ ﻗﯧﺘﯩﻢ ﻳﯜﺯ ﺑﻪﺭﮔﻪﻥ ﺑﯘ ﺧﯩﻠﺪﯨﻜﻰ ﻗﺎﻧﻠﯩﻖ ﯞﻩﻗﻪﺩﯗﺭ.

ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، 9 - ﺋﯩﻴﯘﻝ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺋﻮﺗﺘﯘﺭﺍ ﺳﻮﺕ ﻣﻪﻫﻜﯩﻤﯩﺴﻰ ﻳﯧﯖﯩﺸﻪﻫﻪﺭ ﻧﺎﻫﯩﻴﯩﺴﯩﺪﻩ 10 ﻣﯩﯖﭽﻪ ﺋﯘﻳﻐﯘﺭﻧﻰ ﻳﯩﻐﯩﭗ، ﺋﻮﻥ ﻧﻪﭼﭽﻪ ﻧﻪﭘﻪﺭ ﺋﯘﻳﻐﯘﺭ ﺋﯜﺳﺘﯩﺪﯨﻦ ﺋﻮﭼﯘﻕ ﺳﻮﺕ ﺋﺎﭼﻘﺎﻥ ﻫﻪﻣﺪﻩ ﺑﯘﻻﺭﻧﯩﯔ ﺋﯩﭽﯩﺪﻩ 5 ﻧﻪﭘﯩﺮﯨﮕﻪ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﭗ ﺋﯩﻜﻜﯩﺴﯩﻨﻰ ﺩﻩﺭﻫﺎﻝ ﺋﯩﺠﺮﺍ ﻗﯩﻠﻐﺎﻥ.

ﺑﯘ ﺧﯩﻠﺪﯨﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻧﻪﭘﺮﻩﺕ ﺋﯘﺭﯗﻗﯩﻨﻰ ﭼﺎﭼﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ: "ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺑﯧﺴﯩﻢ ﺋﯩﺸﻠﯩﺘﯩﺶ ﺑﯩﻠﻪﻥ ﻫﻪﻝ ﻗﯩﻠﻐﯩﻠﻰ ﺑﻮﻟﻐﺎﻥ ﺑﻮﻟﺴﺎ، ﺑﯘ ﻣﻪﺳﯩﻠﻪ ﻣﺎﻧﺠﯘ ﺧﺎﻧﺪﺍﻧﻠﯩﻘﻰ ﺋﯘﻳﻐﯘﺭ ﺋﯧﻠﯩﻨﻰ ﺋﯚﺯ ﺗﻪﺳﻪﺭﺭﯗﭘﻰ ﺋﺎﺳﺘﯩﻐﺎ ﺋﺎﻟﻐﺎﻥ ﺯﺍﻣﺎﻧﻼﺭﺩﺍ ﻫﻪﻝ ﺑﻮﻟﯘﭖ ﻛﻪﺗﻜﻪﻥ ﺑﻮﻻﺗﺘﻰ" ﺩﻩﻳﺪﯗ.

ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﻳﻪﻧﻪ، ﺑﯘ ﻳﯩﻠﻨﯩﯔ ﺑﯧﺸﯩﺪﺍ ﺋﯜﺭﯛﻣﭽﻰ ﺑﻪﺧﺖ ﻳﻮﻟﯩﻐﺎ ﺟﺎﻳﻼﺷﻘﺎﻥ ﺑﻪﺧﺖ ﺑﺎﻏﭽﯩﺴﻰ ﺋﺎﺋﯩﻠﯩﻠﯩﻜﻠﻪﺭ ﻗﻮﺭﯗﺳﯩﺪﯨﻜﻰ ﺑﯩﺮ ﺋﯚﻳﮕﻪ ﺑﯧﺴﯩﭗ ﻛﯩﺮﯨﭗ ﺑﯘ ﻳﻪﺭﺩﯨﻤﯘ ﺋﻮﺧﺸﺎﺵ ﺷﻪﻛﯩﻠﺪﻩ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭﻧﻰ ﺋﯧﺘﯩﭗ ﺋﯚﻟﺘﯜﺭﮔﻪﻥ ﻫﻪﻣﺪﻩ ﺋﻮﻥ ﻧﻪﭼﭽﻪ ﺋﺎﺩﻩﻣﻨﻰ ﻗﻮﻟﻐﺎ ﺋﺎﻟﻐﺎﻥ ﺋﯩﺪﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 2007 - ﻳﯩﻠﻰ 5 - ﻳﺎﻧﯟﺍﺭ ﭘﺎﻣﯩﺮ ﺋﯧﮕﯩﺰﻟﯩﻜﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﻰ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﻟﯩﺮﯨﺪﯨﻦ 18 ﯨﻨﻰ ﺋﺎﺗﻘﺎﻧﻠﯩﻘﯩﻨﻰ، 17 ﻧﻪﭘﯩﺮﯨﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ.

ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﯞﺍﯓ ﻟﯧﭽﯜﻩﻧﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺑﯘ ﺧﯩﻞ ﻗﺎﺗﺘﯩﻖ ﻗﻮﻝ ﺳﯩﻴﺎﺳﯩﺘﻰ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺋﺎﺭﺯﯗﺳﯩﻐﺎ ﻗﺎﺭﯨﻤﯘ ‏ - ﻗﺎﺭﯨﺸﻰ ﺑﻮﻟﯘﭖ، ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺋﺎﻣﺎﻝ ﺑﺎﺭ ﻣﻪﺳﯩﻠﻪ ﭼﯩﻘﺎﺭﻣﺎﺳﻠﯩﻖ، ﭼﻮﯓ ﻣﻪﺳﯩﻠﯩﻨﻰ ﻛﯩﭽﯩﻜﻠﯩﺘﯩﺶ، ﻛﯩﭽﯩﻚ ﻣﻪﺳﯩﻠﯩﻨﻰ ﻳﻮﻗﯩﺘﯩﺶ ﭘﻮﺯﯨﺘﺴﯩﻴﯩﺪﻩ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺷﻠﯩﻘﻰ ﺑﻮﻟﻤﯩﺶ ﯞﺍﯓ ﻟﯧﭽﯜﻩﻥ ﺋﯚﺯﻯ ﺑﯘ ﺭﺍﻳﻮﻧﺪﯨﻦ ﺋﺎﻟﯩﺪﯨﻐﺎﻥ ﻣﻪﻧﭙﻪﺋﻪﺕ ﺗﯜﭘﻪﻳﻠﻰ ﺋﯚﺯﯨﻨﻰ ﭼﻮﯓ ﻛﯚﺭﺳﯩﺘﯩﺶ ﻣﻪﻗﺴﯩﺘﯩﺪﻩ، ﻣﻪﺳﯩﻠﯩﻠﻪﺭﻧﻰ ﻗﻪﺳﺘﻪﻥ ﭼﻮﯕﺎﻳﺘﯩﭗ، ﺋﯚﺯﯨﻨﯩﯔ ﻧﻪﻗﻪﺩﻩﺭ ﻗﺎﺗﺘﯩﻖ ﻗﻮﻝ ﺳﯩﻴﺎﺳﻪﺕ ﺑﯩﻠﻪﻥ ﺋﯘﻳﻐﯘﺭﻻﺭﻧﻰ ﻛﻮﻧﺘﺮﻭﻝ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺶ ﺋﯜﭼﯜﻥ ﺗﯩﺮﯨﺸﻤﺎﻗﺘﺎ ﺋﯩﻜﻪﻥ.

ﺋﯘﻧﯩﯔ ﻛﯚﺭﺳﯩﺘﯩﺸﯩﭽﻪ ﻳﻪﻧﻪ، ﺑﯘ ﺧﯩﻞ ﺧﺎﻫﯩﺶ ﺋﯘﻳﻐﯘﺭ ﺋﯧﻠﯩﮕﻪ ﺑﺎﺷﻠﯩﻖ ﺑﻮﻟﯘﭖ ﺗﻪﻳﯩﻨﻠﯩﮕﻪﻥ ﺧﯩﺘﺎﻱ ﺋﻪﻣﻪﻟﺪﺍﺭﻧﯩﯔ ﻫﻪﺭﻗﺎﻧﺪﯨﻘﯩﺪﺍ ﺋﻮﺭﺗﺎﻕ ﺗﯧﭙﯩﻠﯩﺪﯨﻜﻪﻥ.

ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺋﯜﺭﯛﻣﭽﯩﺪﻩ ﺑﻪﺵ ﺋﯘﻳﻐﯘﺭ ﻳﺎﺷﻨﻰ ﺋﯧﺘﯩﭗ ﺗﺎﺷﻠﯩﺪﻯ

ﺧﯩﺘﺎﻱ ﺳﺎﻗﭽﯩﻼﺭ ﺳﻪﻳﺸﻪﻧﺒﻪ ﻛﯜﻧﻰ ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﺭﻛﯩﺰﻯ ﺋﯜﺭﯛﻣﭽﯩﻨﯩﯔ ﺷﺎﻣﺎﻟﺒﺎﻍ ﻣﻪﻫﻪﻟﻠﯩﺴﯩﺪﯨﻜﻰ ﺑﯩﺮ ﻗﻮﺭﻭﺩﺍ ﺗﺎﺯﯨﻼﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﭗ، ﻗﻮﺭﻭﺩﯨﻜﻰ ﺑﯩﺮ ﺑﯩﻨﺎ ﺋﯚﻳﺪﻩ ﺋﯩﺴﺘﯩﻘﺎﻣﻪﺕ ﻗﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﻳﺎﺷﻼﺭﺩﯨﻦ 5 ﻛﯩﺸﯩﻨﻰ ﺋﯧﺘﯩﭗ ﺗﺎﺷﻠﯩﻐﺎﻥ.



ﺩﺍﺋﯩﺮﯨﻠﻪﺭ ﻳﻪﻧﻪ 2 ﻛﯩﺸﯩﻨﯩﯔ ﻳﺎﺭﯨﻼﻧﻐﺎﻧﻠﯩﻘﻰ، 8 ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺩﺍﺋﯩﺮﯨﻠﻪﺭ ﻫﺎﺩﯨﺴﯩﮕﻪ ﺋﯘﭼﺮﯨﻐﺎﻥ ﻳﺎﺷﻼﺭﻧﻰ"ﺟﯩﻬﺎﺩﭼﯩﻼﺭ" ﺩﻩﭖ ﺋﯧﻼﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﯞﻩﻗﻪﻧﯩﯔ ﻳﯜﺯ ﺑﯧﺮﯨﺶ ﺟﻪﺭﻳﺎﻧﻰ ﻛﯩﺸﯩﻠﻪﺭﺩﻩ ﭼﻮﯕﻘﯘﺭ ﺷﯜﺑﻬﻪ ﻗﻮﺯﻏﯩﺪﻯ. ﺗﯚﯞﻩﻧﺪﻩ ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﻣﻪﻟﯘﻣﺎﺕ ﺑﯧﺮﯨﺪﯗ.

ﺋﯜﺭﯛﻣﭽﻰ ﺷﻪﻫﯩﺮﯨﺪﻩ 8 ‏- ﺋﺎﯞﻏﯘﺳﺖ ﻛﯜﻧﻰ ﻳﻪﻧﻰ ﺳﻪﻳﺸﻪﻧﺒﻪ ﻛﯜﻧﻰ ﺋﯜﺭﯛﻣﭽﻰ ﺋﯩﺘﺘﯩﭙﺎﻕ ﻳﻮﻟﯩﺪﯨﻜﻰ ﺑﯩﺮ ﺋﺎﺋﯩﻠﯩﻠﯩﻜﻠﻪﺭ ﻗﻮﺭﻭﺳﯩﺪﺍ ﻳﯜﺯ ﺑﻪﺭﮔﻪﻥ ﺷﯘﻧﺪﺍﻗﻼ 5 ﻛﯩﺸﯩﻨﯩﯔ ﺋﯧﺘﯩﭗ ﺗﺎﺷﻼﻧﻐﺎﻥ، 2 ﻛﯩﺸﯩﻨﯩﯔ ﻳﺎﺭﯨﻼﻧﻐﺎﻥ، 8 ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﺑﯘ ﯞﻩﻗﻪ، ﺷﺎﻣﺎﻟﺒﺎﻍ ﻣﻪﻫﻪﻟﻠﯩﺴﯩﻨﯩﯔ "ﭼﯧﻨﮕﯘﺍﯓ ﺑﺎﻏﭽﯩﺴﻰ" ﻗﻮﺭﻭﺳﯩﺪﯨﻜﻰ ﺑﯩﺮ ﺋﺎﺋﯩﻠﯩﻠﯩﻜﻠﻪﺭ ﺑﯩﻨﺎﺳﯩﻨﯩﯔ 3 ‏- ﺋﯩﺸﯩﻜﯩﺪﯨﻜﻰ ﺑﯩﺮ ﺋﯚﻳﺪﻩ ﺳﺎﺩﯨﺮ ﺑﻮﻟﻐﺎﻥ.

ﯞﻩﻗﻪ ﻳﯜﺯ ﺑﻪﺭﮔﻪﻧﺪﻩ 15 ﻧﻪﭘﻪﺭ ﺋﯘﻳﻐﯘﺭ ﻗﯩﺰ - ﻳﯩﮕﯩﺖ "ﭼﯩﻨﮕﯘﺍﯓ ﺑﺎﻏﭽﯩﺴﻰ" ﻗﻮﺭﻭﺳﯩﺪﯨﻜﻰ ﻣﻪﺯﻛﯘﺭ ﺑﯩﻨﺎ ﺋﯚﻳﺪﻩ ﻳﯩﻐﯩﻠﯩﺶ ﺋﯚﺗﻜﯜﺯﯛﯞﺍﺗﻘﺎﻥ ﺑﻮﻟﯘﭖ، ﺑﯘﻻﺭﻧﯩﯔ 5 ﻧﻪﭘﯩﺮﻯ ﻗﯩﺰ، 10 ﻧﻪﭘﯩﺮﻯ ﺋﻮﻏﯘﻟﻼﺭ ﺋﯩﺪﻯ. ﺩﺍﺋﯩﺮﯨﻠﻪﺭ ﻣﻪﺗﺒﯘﺋﺎﺕ ﺳﺎﻫﻪﺳﯩﻨﻰ ﯞﻩﻗﻪﺩﻩ ﺋﯚﻟﺘﯜﺭﯛﻟﮕﻪﻥ، ﻳﺎﺭﯨﻼﻧﻐﺎﻥ ﻳﺎﻛﻰ ﻗﻮﻟﻐﺎ ﺋﯧﻠﯩﻨﻐﺎﻥ ﺑﯘ 15 ﻧﻪﭘﻪﺭ ﻳﺎﺷﻨﯩﯔ ﺋﯩﺴﻤﻰ، ﻳﯘﺭﺗﻰ، ﻛﻪﺳﭙﯩﻲ ﯞﻩ "ﭼﯧﻨﮕﯘﺍﯓ ﺑﺎﻏﭽﯩﺴﻰ"ﺩﯨﻜﻰ ﺑﯩﻨﺎ ﺋﯚﻳﮕﻪ ﻳﯩﻐﯩﻠﯩﺶ ﻣﻪﻗﺴﯩﺘﻰ ﺗﻮﻏﺮﯨﺴﯩﺪﯨﻜﻰ ﺗﻪﭘﺴﯩﻠﯩﻲ ﺋﯘﭼﯘﺭﻻﺭ ﺑﯩﻠﻪﻥ ﺗﻪﻣﯩﻨﻠﯩﻤﯩﮕﻪﻥ. ﺳﺎﻗﭽﯩﻼﺭ ﺑﯘ ﯞﻩﻗﻪ ﺗﻮﻏﺮﯨﺴﯩﺪﺍ ﻣﯘﺧﺒﯩﺮﻻﺭﻏﺎ ﻣﻪﻟﯘﻣﺎﺕ ﺑﯧﺮﯨﺸﻨﻰ ﺭﻩﺕ ﻗﯩﻠﻤﺎﻗﺘﺎ. ﺑﯩﺰ ﯞﻩﻗﻪ ﻳﯜﺯ ﺑﻪﺭﮔﻪﻥ ﺟﺎﻱ ﻳﺎﻛﻰ ﯞﻩﻗﻪﮔﻪ ﻣﯘﻧﺎﺳﯩﯟﻩﺗﻠﯩﻚ ﺭﺍﻳﻮﻧﻼﺭﺩﯨﻜﻰ ﺳﺎﻗﭽﯩﺨﺎﻧﯩﻼﺭﻏﺎ ﺗﯧﻠﯧﻔﻮﻥ ﻗﯩﻠﯩﭗ، ﺋﻪﻫﯟﺍﻟﻨﻰ ﺳﯜﺭﯛﺷﺘﯜﺭﮔﻪﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺳﯘﺋﺎﻟﯩﻤﯩﺰﻏﺎ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺟﺎﯞﺍﺏ ﺑﯧﺮﯨﺪﯨﻐﺎﻥ ﺑﯩﺮﻩﺭ ﺳﺎﻗﭽﻰ ﺧﺎﺩﯨﻤﻰ ﭼﯩﻘﻤﯩﺪﻯ.

ﯞﻩﻗﻪ ﻳﯜﺯ ﺑﻪﺭﮔﻪﻥ ﺭﺍﻳﻮﻧﺪﯨﻜﻰ ﻧﻪﻧﮕﯜﻩﻥ ﺳﺎﻗﭽﯩﺨﺎﻧﯩﺴﯩﻨﯩﯔ ﺑﯩﺮ ﻣﻪﺳﺌﯘﻟﻰ " ﺑﯘ ﯞﻩﻗﻪ ﺗﻮﻏﺮﯨﺴﯩﺪﺍ ﭘﯩﻜﯩﺮ ﺑﺎﻳﺎﻥ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﯩﻨﻰ، ﭼﯜﻧﻜﻰ ﺑﯘ ﺋﯚﺯﯨﻨﯩﯔ ﻣﻪﺳﺌﯘﻟﯩﻴﻪﺕ ﺩﺍﺋﯩﺮﯨﺴﯩﺪﯨﻜﻰ ﺋﯩﺶ ﺋﻪﻣﻪﺳﻠﯩﻜﯩﻨﻰ، ﺋﻪﮔﻪﺭ ﺋﯘﭼﯘﺭ ﺋﯧﻠﯩﺸﻘﺎ ﺗﻮﻏﺮﺍ ﻛﻪﻟﺴﻪ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﮔﻪ ﺗﯧﻠﯧﻔﻮﻥ ﻗﯩﻠﯩﺸﯩﻤﯩﺰﻧﻰ ﺗﻪﯞﺳﯩﻴﻪ ﻗﯩﻠﺪﻯ". ﺑﯩﺰ ﻳﻪﻧﻪ ﺳﻪﻳﺸﻪﻧﺒﻪ ﻛﯜﻧﻜﻰ ﻗﻮﺭﺷﺎﭖ ﻫﯘﺟﯘﻡ ﻗﯩﻠﯩﺶ ﯞﻩﻗﻪﺳﯩﮕﻪ ﻳﯧﺘﻪﻛﭽﯩﻠﯩﻚ ﻗﯩﻠﻐﺎﻥ ﺝ ﺥ ﻛﺎﺩﯨﺮﻟﯩﺮﯨﻨﯩﯔ ﺑﯩﺮﻯ، ﭼﺎﯕﺠﺎﯓ ﻳﻮﻟﻰ ﺳﺎﻗﭽﯩﺨﺎﻧﯩﺴﯩﻨﯩﯔ ﻣﻪﺳﺌﯘﻟﻰ ﺯﻩﻳﺪﯨﻨﮕﻪ ﺗﯧﻠﯧﻔﻮﻥ ﻗﯩﻠﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺋﯘ ﺳﻮﺋﺎﻟﯩﻤﯩﺰﻏﺎ ﺟﺎﯞﺍﺏ ﺑﻪﺭﻣﻪﻱ ﺗﯧﻠﯧﻔﻮﻧﯩﻨﻰ ﺗﺎﻗﯩﯟﻩﺗﺘﻰ. ﺋﻪﻣﻤﺎ ﺳﺎﻳﺒﺎﻍ ﺭﺍﻳﻮﻧﯩﺪﯨﻜﻰ ﺑﯩﺮ ﺝ ﺥ ﻛﺎﺩﯨﺮﻯ ﺑﻮﻟﺴﺎ ﯞﻩﻗﻪﻧﯩﯔ "ﺗﯧﺮﺭﻭﺭﻟﯘﻕ "ﺑﯩﻠﻪﻥ ﺋﺎﻻﻗﯩﺪﺍﺭ ﺋﯘﻳﻐﯘﺭﻻﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﯞﻩﻗﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﯞﻩﻗﻪﮔﻪ ﺑﻪﺭﮔﻪﻥ ﺋﯩﺰﺍﻫﺎﺗﻰ ﺑﯩﻠﻪﻥ ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯘ ﺗﻮﻏﺮﯨﺴﯩﺪﯨﻜﻰ ﭼﯜﺷﻪﻧﺪﯛﺭﯛﺷﻰ ﺋﺎﺭﯨﺴﯩﺪﺍ ﺯﻭﺭ ﭘﻪﺭﻗﻠﻪﺭ ﻣﻪﯞﺟﯘﺕ. ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﯞﻩﻗﻪﮔﻪ ﻣﯘﻧﺎﺳﯩﯟﻩﺗﻠﯩﻚ ﺑﯘ 15 ﻧﻪﭘﻪﺭ ﻳﺎﺷﻨﻰ ﻣﻪﻟﯘﻡ ﺑﯩﺮ "ﻏﺎﺯﺍﺗﭽﯩﻼﺭﻧﻰ ﺗﻪﺭﺑﯩﻴﯩﻠﻪﺵ ﻛﯘﺭﺳﻰ"ﻏﺎ ﺋﻪﺯﺍ ﻛﯩﺸﯩﻠﻪﺭ، ﺩﻩﭖ ﻗﺎﺭﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭖ ﻣﻪﺗﺒﯘﺋﺎﺗﻠﯩﺮﻯ ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﯩﺮﯨﺪﻩ، ﺳﺎﻗﭽﯩﻼﺭﻧﯩﯔ ﺳﻪﻳﺸﻪﻧﺒﻪ ﻛﯜﻧﻰ ﺋﯘﻳﻐﯘﺭ ﻳﺎﺷﻼﺭﻧﯩﯔ "ﭼﯧﻨﮕﯘﺍﯓ ﺑﺎﻏﭽﯩﺴﻰ"ﺩﯨﻜﻰ ﺑﯩﻨﺎ ﺋﯚﻳﮕﻪ ﻳﯩﻐﯩﻠﻐﺎﻧﻠﯩﻘﯩﻐﺎ ﺩﺍﺋﯩﺮ ﺋﯘﭼﯘﺭﻏﺎ ﺋﺎﺳﺎﺳﻪﻥ ﺑﯩﻨﺎﻧﻰ ﻗﻮﺭﺷﺎﭖ، ﺋﯚﻱ ﺋﯩﭽﯩﺪﯨﻜﯩﻠﻪﺭﻧﻰ ﺋﯩﺸﯩﻜﻨﻰ ﺋﯧﭽﯩﺸﻘﺎ ﺑﯘﻳﺮﯗﻏﺎﻧﻠﯩﻘﯩﻨﻰ، ﻟﯧﻜﯩﻦ ﮔﯘﻣﺎﻧﺪﺍﺭﻻﺭﻧﯩﯔ ﺋﯩﺸﯩﻜﻨﻰ ﺋﯧﭽﯩﺸﻨﻰ ﺭﻩﺕ ﻗﯩﻠﯩﭗ، ﺳﺎﻗﭽﯩﻼﺭ ﺑﯩﻠﻪﻥ ﻗﺎﺭﺷﯩﻼﺷﻘﺎﻧﻠﯩﻘﯩﻨﻰ، ﺳﺎﻗﭽﯩﻼﺭﻧﯩﯔ ﺋﯚﻱ ﺋﯩﭽﯩﮕﻪ ﻳﺎﺵ ﺋﺎﻗﻘﯘﺯﯗﺵ ﺑﻮﻣﺒﯩﺴﻰ ﺗﺎﺷﻠﯩﻐﺎﻧﻠﯩﻘﯩﻨﻰ، ﻗﯩﯖﻐﯩﺮﺍﻕ ﻛﯚﺗﻪﺭﮔﻪﻥ ﮔﯘﻣﺎﻧﺪﺍﺭﻻﺭﻧﯩﯔ ﺳﺎﻗﭽﯩﻼﺭﻏﺎ ﺋﯧﺘﯩﻠﻐﺎﻧﻠﯩﻘﯩﻨﻰ، ﺑﯩﺮ ﺳﺎﻗﭽﯩﻨﯩﯔ ﻳﺎﺭﯨﻼﻧﻐﺎﻧﻠﯩﻘﯩﻨﻰ، ﺑﯘ ﺋﻪﻫﯟﺍﻟﺪﺍ ﺳﺎﻗﭽﯩﻼﺭﻧﯩﯔ ﺋﻮﻕ ﭼﯩﻘﺎﺭﻏﺎﻧﻠﯩﻘﯩﻨﻰ ﻳﺎﺯﺩﻯ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺋﯘﻳﻐﯘﺭ ﻳﺎﺷﻼﺭﻧﻰ " ﻏﺎﺯﺍﺗﭽﯩﻼﺭ" ﺩﻩﭖ ﺋﻪﻳﯩﺒﻠﯩﮕﻪﻥ ﺧﻪﯞﯨﺮﯨﺪﻩ، ﻳﺎﺷﻼﺭﻧﯩﯔ " ﺋﺎﻟﻼﻫﯘ ﺋﻪﻛﺒﻪﺭ " ﺩﻩﭖ ﺗﻮﯞﻟﯩﻐﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﻗﻮﻟﯩﺪﺍ ﮔﺮﺍﻧﺎﺕ، ﺗﺎﭘﺎﻧﭽﯩﻐﺎ ﺋﻮﺧﺸﺎﺵ ﻗﻮﺭﺍﻟﻨﯩﯔ ﻳﻮﻗﻠﯘﻗﯩﻨﻰ، ﻟﯧﻜﯩﻦ ﺳﺎﻗﭽﯩﻼﺭﻏﺎ ﻗﯩﯖﻐﯩﺮﺍﻕ ﺑﯩﻠﻪﻥ ﻫﯘﺟﯘﻡ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﯞﻩﻗﻪ ﻳﯜﺯ ﺑﻪﺭﮔﻪﻥ "ﭼﯧﻨﮕﯘﺍﯓ ﺑﺎﻏﭽﯩﺴﻰ" ﺩﯨﻜﻰ ﺑﯩﻨﺎﻻﺭﻧﯩﯔ ﺑﯩﺮﯨﺪﻩ ﺋﻮﻟﺘﯘﺭﯨﺪﯨﻐﺎﻥ ﺧﯩﺘﺎﻱ ﺋﺎﻫﺎﻟﯩﺴﻰ ﺭﺍﺩﯨﺌﻮﻣﯩﺰﻏﺎ ﯞﻩﻗﻪﻧﯩﯔ ﺗﻪﭘﺴﯩﻼﺗﻰ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﺩﻯ. ﺋﯘ ﻣﯘﻧﺪﺍﻕ ﺩﻩﻳﺪﯗ،" ﺋﯘﻻﺭ ﺑﯩﺰﻧﯩﯔ ﻗﻮﺭﻭﺩﯨﻦ ﺑﯩﺮ ﺋﯚﻳﻨﻰ ﺋﯩﺠﺎﺭﯨﮕﻪ ﺋﺎﻟﻐﺎﻥ ﺋﯩﻜﻪﻥ. ﺗﯜﻧﯜﮔﯜﻥ ﺑﺎﻳﻘﯩﻠﯩﭗ ﻗﺎﭘﺘﯘ. ﺋﺎﻻﻫﯩﺪﻩ ﺳﺎﻗﭽﯩﻼﺭ، ﺝ ﺥ ﺩﺍﺋﯩﺮﯨﻠﯩﺮﻯ ﺋﯘﻻﺭﻏﺎ ﺋﻮﻕ ﭼﯩﻘﯩﺮﯨﭙﺘﯘ. ﺋﺎﯕﻼﺷﻼﺭﻏﺎ ﻗﺎﺭﯨﻐﺎﻧﺪﺍ، ﺋﯘﻻﺭ ﺳﺎﻗﭽﯩﻼﺭﺩﯨﻦ ﺑﯩﺮﯨﻨﻰ ﭘﯩﭽﺎﻕ ﺑﯩﻠﻪﻥ ﻳﺎﺭﯨﻼﻧﺪﯗﺭﯗﭘﺘﯘ. ﺳﺎﻗﭽﯩﻼﺭ ﺋﯘﻻﺭﻧﻰ ﺋﻮﻗﻘﺎ ﺗﯘﺗﯘﭘﺘﯘ. ﻗﺎﺭﯨﻐﺎﻧﺪﺍ 5 ﻛﯩﺸﯩﻨﻰ ﺋﯧﺘﯩﭗ ﺗﺎﺷﻠﯩﻐﺎﻥ ﺋﻮﺧﺸﺎﻳﺪﯗ. ﻗﺎﻟﻐﺎﻧﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ ﺗﯘﺗﯘﭘﺘﯘ. ﺋﯘﻻﺭﻧﯩﯔ ﻗﻮﻟﯩﺪﺍ ﭘﻪﻗﻪﺕ ﭘﯩﭽﺎﻗﻼ ﺑﺎﺭ ﺋﯩﻜﻪﻥ. ﻫﺎﺯﯨﺮ ﺋﯜﺭﯛﻣﭽﯩﻨﯩﯔ ﯞﻩﺯﯨﻴﯩﺘﻰ ﻧﺎﻫﺎﻳﯩﺘﻰ ﺗﯩﻨﭻ..... ﺟﻪﻣﺌﯩﻴﻪﺕ ﺋﻪﻫﯟﺍﻟﻰ ﻧﻮﺭﻣﺎﻝ ﻛﯧﺘﯩﯟﺍﺗﯩﺪﯗ. ﺗﯧﺮﺭﻭﺭﭼﻰ، ﺩﻩﻳﺪﯗ، ﺗﯧﺮﺭﻭﺭﭼﻰ ﺩﯦﮕﻪﻥ ﻫﻪﻣﻤﻪ ﻳﻪﺭﺩﻩ ﺑﺎﺭ، ﺑﯧﻴﺠﯩﯖﺪﯨﻤﯘ ﺑﺎﺭ. ﺋﻮﻟﯩﻤﭙﯩﻚ ﻳﯧﻘﯩﻨﺪﺍ ﺑﺎﺷﻼﻧﻤﺎﻗﭽﻰ، ﺷﯘﯕﺎ ﻧﺎﻫﺎﻳﯩﺘﻰ ﺟﯩﺪﺩﯨﻴﻠﯩﺸﯩﭗ ﻛﯧﺘﯩﯟﺍﺗﯩﺪﯗ".....

ﻳﯘﻗﯩﺮﯨﻘﻰ ﺷﻪﻫﻪﺭ ﺋﺎﻫﺎﻟﯩﺴﻰ ﻳﻪﻧﻪ ﯞﻩﻗﻪﺩﻩ "ﺳﺎﻗﭽﯩﻼﺭ ﺑﯩﻠﻪﻥ ﺋﯘﻻﺭ ﺋﻮﺗﺘﯘﺭﯨﺴﯩﺪﺍ ﻗﻮﺭﺍﻟﻠﯩﻖ ﺗﻮﻗﯘﻧﯘﺵ ﺑﻮﻟﻤﯩﺪﻯ. ﺋﯘﻻﺭ ﺑﯩﻨﺎﺩﯨﻦ ﺑﯩﺮ ﺋﯚﻳﻨﻰ ﺋﯩﺠﺎﺭﯨﮕﻪ ﺋﯧﻠﯩﭗ ﺋﻮﻟﺘﯘﺭﻏﺎﻥ ﺋﯩﻜﻪﻥ. ﺳﺎﻗﭽﯩﻼﺭ ﺧﯧﻠﻰ ﺑﯘﺭﯗﻧﻼ ﺋﯘﻻﺭﻧﯩﯔ ﭘﯧﻴﯩﻐﺎ ﭼﯜﺷﻜﻪﻥ ﺑﻮﻟﺴﺎ ﻛﯧﺮﻩﻙ. ﺳﺎﻗﭽﯩﻼﺭ ﺳﻪﻳﺸﻪﻧﺒﻪ ﻛﯜﻧﻰ ﺋﯘﻻﺭﻧﻰ ﺗﯘﺗﻤﺎﻗﭽﻰ ﺑﻮﻟﯘﭖ ﻛﻪﻟﮕﻪﻥ. ﻟﯧﻜﯩﻦ ﺋﯩﺸﯩﻜﻨﻰ ﺋﯧﭽﯩﭗ ﺑﻪﺭﻣﯩﮕﻪﻧﺪﯨﻦ ﻛﯧﻴﯩﻦ ﺑﺎﺳﺘﯘﺭﯗﭖ ﻛﯩﺮﯨﭙﺘﯘ. ﺋﯚﻳﮕﻪ ﺋﺎﻟﺪﯨﺪﺍ ﺑﺎﺳﺘﯘﺭﯗﭖ ﻛﯩﺮﮔﯩﻨﯩﮕﻪ ﭘﯩﭽﺎﻕ ﺳﯧﻠﯩﯟﻩﺗﻜﻪﻥ ﺋﻮﺧﺸﺎﻳﺪﯗ. ﺷﯘﻧﯩﯔ ﺑﯩﻠﻪﻥ ﺳﺎﻗﭽﯩﻼﺭ ﺋﯚﻳﺪﯨﻜﯩﻠﻪﺭﻧﻰ ﺋﻮﻗﻘﺎ ﺗﯘﺗﻘﺎﻥ ﺑﻮﻟﯘﭖ، 5 ﺋﺎﺩﻩﻡ ﺋﯧﺘﯩﭗ ﺗﺎﺷﻼﻧﻐﺎﻥ. ﺋﯚﻳﺪﯨﻜﯩﻠﻪﺭﻧﯩﯔ ﺋﺎﺭﯨﺴﯩﺪﺍ ﺋﺎﻳﺎﻟﻼﺭ ﺑﺎﺭ، ﺋﯘﻧﯩﯔ ﺋﯜﺳﺘﯩﮕﻪ ﻫﻪﻣﻤﯩﺴﻰ ﻳﺎﺷﻼﺭ " ﺩﻩﭖ ﻛﯚﺭﺳﻪﺗﺘﻰ.

ﺳﺎﻗﭽﯩﻼﺭﻧﯩﯔ ﺋﻮﻗﯩﺪﺍ ﺋﯚﻟﮕﻪﻥ ﻳﺎﺷﻼﺭ ﻳﺎﻛﻰ ﻳﺎﺭﯨﺪﺍﺭﻻﺭ ﺋﺎﺭﯨﺴﯩﺪﺍ ﻗﯩﺰﻻﺭﻧﯩﯔ ﺑﺎﺭ ‏- ﻳﻮﻗﻠﯘﻗﻰ ﻣﻪﻟﯘﻡ ﺋﻪﻣﻪﺱ. ﻟﯧﻜﯩﻦ ﺩﺍﺋﯩﺮﯨﻠﻪﺭ ﯞﻩﻗﻪﺩﻩ ﻳﺎﺭﯨﻼﻧﻐﺎﻥ ﺋﯩﻜﻜﻰ ﮔﯘﻣﺎﻧﺪﺍﺭﻧﯩﯔ ﻳﯧﻘﯩﻦ ﺋﻪﺗﺮﺍﭘﺘﯩﻜﻰ ﺩﻭﺧﺘﯘﺭﺧﺎﻧﯩﻐﺎ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﻳﺎﺭﯨﺪﺍﺭﻻﺭﻧﯩﯔ ﺟﯩﻨﺴﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ. ﯞﻩﻗﻪ ﻳﯜﺯ ﺑﻪﺭﮔﻪﻥ ﺟﺎﻳﻐﺎ ﻳﯧﻘﯩﻦ ﺋﻪﺗﺮﺍﭘﺘﯩﻜﻰ ﺩﻭﺧﺘﯘﺭﺧﺎﻧﯩﻼﺭ ﺑﻮﻟﺴﺎ ﺳﻪﻳﺸﻪﻧﺒﻪ ﻛﯜﻧﻰ ﺋﻮﻕ ﻳﯩﮕﻪﻥ ﺑﯩﺮﻩﺭ ﻳﺎﺭﯨﺪﺍﺭﻧﻰ ﺩﺍﯞﺍﻻﭖ ﺑﺎﻗﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺷﺎﻣﺎﻟﺒﺎﻏﺪﯨﻜﻰ ﺋﻮﭘﯧﺮﺍﺗﺴﯩﻴﯩﺴﻰ ﭼﻪﺗﺌﻪﻟﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﺪﺍ ﮔﯘﻣﺎﻥ ﭘﻪﻳﺪﺍ ﻗﯩﻠﻤﺎﻱ ﻗﺎﻟﻤﯩﺪﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺳﺎﻗﭽﯩﻼﺭﻧﯩﯔ ﻫﻪﺭﯨﻜﯩﺘﻰ ﺑﻮﻟﺴﺎ "ﺯﯨﻴﺎﺩﻩ ﻛﯜﭺ ﺋﯩﺸﻠﯩﺘﯩﺸﻜﻪ" ﻛﯩﺮﯨﺪﯨﻐﺎﻧﻠﯩﻘﻰ، ﺑﯘ ﯞﻩﻗﻪ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ "ﻗﯩﭙﻴﺎﻟﯩﯖﺎﭺ" ﻳﻮﻟﻐﺎ ﻗﻮﻳﯘﻟﯩﯟﺍﺗﻘﺎﻧﻠﯩﻘﯩﻨﯩﯔ ﻳﻪﻧﻪ ﺑﯩﺮ ﻣﯩﺴﺎﻟﻰ، ﺩﻩﭖ ﻛﯚﺭﺳﻪﺗﺘﻰ.

ﺩﯨﻠﺸﺎﺕ ﺭﯨﺸﯩﺖ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﯞﻩﻗﻪ ﺋﯜﺳﺘﯩﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﯩﻨﻰ، ﭼﯜﻧﻜﻰ ﺧﯩﺘﺎﻱ ﻗﺎﻧﯘﻧﯩﻨﯩﯔ ﺋﺎﺩﺍﻟﯩﺘﯩﺪﻩ ﮔﯘﻣﺎﻥ ﺑﺎﺭﻟﯩﻘﯩﻨﻰ، ﯞﻩﻗﻪﻧﻰ ﺗﻪﻛﺸﯜﺭﯛﺵ ﺗﻮﻏﺮﯨﺴﯩﺪﺍ ﻣﯘﻧﺎﺳﯩﯟﻩﺗﻠﯩﻚ ﺧﻪﻟﻘﺌﺎﺭﺍ ﺋﻮﺭﮔﺎﻧﻼﺭﻏﺎ ﺋﻪﺭﺯﻯ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺩﺍﺋﯩﺮﯨﻠﻪﺭ ﺑﯘ ﻳﺎﺷﻼﺭﻧﯩﯔ ﺋﯩﭽﯩﺪﻩ 5 ‏- ﺋﺎﻳﻨﯩﯔ 23 ‏- ﻛﯜﻧﻰ ﺋﯜﺭﯛﻣﭽﻰ ﺷﻪﻫﯩﺮﯨﻨﯩﯔ ﭼﺎﯕﺠﺎﯓ ﻳﻮﻟﯩﺪﯨﻜﻰ ﺑﯩﺮ ﮔﯜﺯﻩﻟﻠﯩﻚ ﺳﺎﻟﯘﻧﯩﻐﺎ ﻛﯩﺮﯨﭗ، ﺳﺎﻟﯘﻧﯩﻨﯩﯔ ﺧﻮﺟﺎﻳﯩﻨﯩﻨﻰ ﺯﻩﺧﻤﯩﻠﻪﻧﺪﯛﺭﯛﺵ ﯞﻩﻗﻪﺳﯩﮕﻪ ﻗﺎﺗﻨﺎﺷﻘﺎﻥ ﻛﯩﺸﯩﻠﻪﺭ ﺑﺎﺭﻟﯩﻘﯩﻨﻰ، ﺋﻪﻳﻨﻰ ﭼﺎﻏﺪﺍ ﺧﻮﺟﺎﻳﯩﻨﻨﻰ ﻳﺎﺭﯨﻼﻧﺪﯗﺭﻏﯘﭼﯩﻼﺭﻧﯩﯔ ﻗﯧﭽﯩﭗ ﻛﻪﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﻟﯧﻜﯩﻦ ﮔﯜﺯﻩﻟﻠﯩﻚ ﺳﺎﻟﯘﻧﯩﻨﯩﯔ ﺋﯩﺴﻤﻰ، ﺑﯘ ﻳﺎﺷﻼﺭﻧﯩﯔ ﻧﯧﻤﻪ ﺋﯜﭼﯜﻥ ﮔﯜﺯﻩﻟﻠﯩﻚ ﺳﺎﻟﯘﻧﯩﺪﺍ ﯞﻩﻗﻪ ﺗﯘﻏﺪﯗﺭﻏﺎﻧﻠﯩﻘﻰ ﺋﯜﺳﺘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ.

ﺩﯨﻨﺪﺍﺭ ﻳﺎﺷﻼﺭﻧﯩﯔ ﮔﯜﺯﻩﻟﻠﯩﻚ ﺳﺎﻟﯘﻧﯩﻐﺎ ﻛﯩﺮﻣﻪﻳﺪﯨﻐﺎﻧﻠﯩﻘﻰ، ﺋﻪﮔﻪﺭ ﺋﯘﻻﺭﻧﯩﯔ ﮔﯜﺯﻩﻟﻠﯩﻚ ﺳﺎﻟﯘﻧﯩﻐﺎ ﻛﯩﺮﮔﻪﻧﻠﯩﻜﻰ ﺭﺍﺳﺖ ﺑﻮﻟﺴﺎ، ﺋﯘﻻﺭﻧﯩﯔ ﻛﯩﺸﯩﻠﻪﺭﻧﻰ ﺋﻪﺧﻼﻗﯩﻲ ﻣﻪﺳﯩﻠﯩﻠﻪﺭﺩﻩ ﺋﺎﮔﺎﻫﻼﻧﺪﯗﺭﯗﺵ ﺋﯜﭼﯜﻥ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺩﯨﻠﺸﺎﺕ ﺭﯨﺸﯩﺖ، "ﭼﯜﻧﻜﻰ ﺋﯜﺭﯛﻣﭽﯩﺪﻩ ﮔﯜﺯﻩﻟﻠﯩﻚ ﺳﺎﻟﯘﻧﻰ، ﺩﻩﭖ ﺋﯩﺴﯩﻢ ﻗﻮﻳﯘﯞﺍﻟﻐﺎﻥ ﻧﯘﺭﻏﯘﻥ ﺟﺎﻳﻼﺭ ﺋﯘﻳﻐﯘﺭ ﻗﯩﺰﻻﺭﻧﻰ ﻣﻪﺟﺒﯘﺭﯨﻲ ﭘﺎﻫﯩﺸﯩﻠﯩﻜﻜﻪ ﺳﺎﻟﯩﺪﯨﻐﺎﻥ ﺑﻪﺯﻣﯩﺨﺎﻧﯩﻼﺭﺩﯗﺭ " ﺩﻩﻳﺪﯗ. ﺋﯜﺭﯛﻣﭽﯩﺪﯨﻜﻰ ﺑﯘ ﯞﻩﻗﻪ ﺧﯩﺘﺎﻱ ﻫﯚﻛﯜﻣﯩﺘﻰ"ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﻯ"ﻧﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻫﯘﺟﯘﻡ ﻗﯩﻠﯩﺶ ﭘﯩﻼﻧﻰ ﺗﯜﺯﯛﯞﺍﺗﻘﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺩﺍﯞﺭﺍﯓ ﺳﯧﻠﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭ ﺧﯩﺘﺎﻳﻨﻰ ﺑﯘ ﺗﯜﺭﺩﯨﻜﻰ ﯞﻩﻗﻪﻟﻪﺭﻧﻰ ﺋﯘﻳﻐﯘﺭ ﺋﯚﻛﺘﯩﭽﯩﻠﯩﺮﯨﻨﻰ ﺑﺎﺳﺘﯘﺭﯗﺷﻨﯩﯔ ﺑﺎﻫﺎﻧﻪ ‏- ﺳﻪﯞﻩﺑﻰ ﻗﯩﻠﯩﯟﯦﻠﯩﺶ ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ ﺋﯩﺪﻯ. "ﭼﯧﻨﮕﯘﺍﯓ ﺑﺎﻏﭽﯩﺴﻰ"ﺩﯨﻜﻰ ﯞﻩﻗﻪ ﭼﺎﺭﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﻳﺎﭘﻮﻧﯩﻴﯩﺪﻩ ﻛﯚﺭﯛﺷﯜﭖ، ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺳﯩﻴﺎﺳﯩﻲ ﺋﻪﺭﻛﯩﻨﻠﯩﻚ ﻣﻪﺳﯩﻠﯩﻠﯩﺮﯨﻨﻰ ﻣﯘﺯﺍﻛﯩﺮﻩ ﻗﯩﻠﯩﺸﻨﯩﯔ ﺑﯩﺮ ﻛﯜﻥ ﺋﺎﻟﺪﯨﺪﺍ ﻳﯜﺯ ﺑﻪﺭﺩﻯ.

ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭ ﮔﯘﻣﺎﻧﺪﺍﺭﻟﯩﺮﻯ ﺩﻩﭖ ﺋﯧﺘﯩﭗ ﺋﯚﻟﺘﯜﺭﺩﻯ

2008-07-10

ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺳﺎﻗﭽﻰ ﺗﺎﺭﻣﺎﻗﻠﯩﺮﻯ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﯩﯔ ﺑﯩﺮﯨﻨﭽﻰ ﺑﺎﺳﻘﯘﭼﯩﺪﺍ، ﺋﯜﺭﯛﻣﭽﯩﺪﻩ ﺗﯧﺮﺭﻭﺭﻟﯘﻕ ﮔﯘﺭﯗﭘﭙﯩﺴﯩﺪﯨﻦ 5 ﻧﻰ ﺗﺎﺭ‏ - ﻣﺎﺭ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺳﺎﻗﭽﻰ ﺗﻪﺭﻩﭖ، ﺑﯘ ﻳﯩﻞ 1 ‏ - ﺋﺎﻳﺪﯨﻦ 6 ‏ - ﺋﺎﻳﻐﯩﭽﻪ 5 ﺗﯧﺮﺭﻭﺭﻟﯘﻕ ﮔﯘﺭﯗﭘﭙﯩﺴﯩﻨﻰ ﺑﯩﺖ‏ - ﭼﯩﺖ ﻗﯩﻠﻐﺎﻧﻠﯩﻘﯩﻨﻰ، ﺗﯧﺮﺭﻭﺭ ﮔﯘﻣﺎﻧﺪﺍﺭﯨﺪﯨﻦ 82 ﯨﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﯩﭗ، ﺋﯘﺭﯗﺵ ﻣﻪﺷﯩﻘﻰ ﺋﯧﻠﯩﭗ ﺑﯧﺮﯨﺶ ﺋﻮﺭﻧﯩﺪﯨﻦ 41 ﻧﻰ ﻳﻮﻗﺎﺗﻘﺎﻧﻠﯩﻘﯩﻨﻰ، ﺑﯘﻧﯩﯖﺪﯨﻦ ﺑﺎﺷﻘﺎ، ﺑﯘﻻﯕﭽﯩﻼﺭ ﮔﯘﺭﯗﻫﯩﺪﯨﻦ 51 ﻧﻰ ﯞﻩ ﺋﯘﻻﺭﻧﯩﯔ ﺋﻪﺯﺍﻟﯩﺮﯨﺪﯨﻦ 217 ﻧﻪﭘﯩﺮﯨﻨﻰ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

8 ‏ - ﺋﯩﻴﯘﻝ ﻛﯜﻧﻰ 5 ﻧﻪﭘﻪﺭ ﺋﯘﻳﻐﯘﺭﻧﻰ ﺗﯧﺮﺭﻭﺭ ﮔﯘﻣﺎﻧﺪﺍﺭﻯ ﺩﻩﭖ ﺋﯧﺘﯩﭗ ﺋﯚﻟﺘﯜﺭﮔﻪﻧﻠﯩﻜﻰ ﯞﻩ ﻫﯘﺟﯘﻡ ﻗﯩﻠﯩﺶ ﺟﻪﺭﻳﺎﻧﯩﺪﺍ 15 ﻧﻪﭘﻪﺭ ﺟﯩﻨﺎﻳﻪﺗﭽﯩﻨﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺳﺎﻗﭽﻰ ﺗﺎﺭﻣﺎﻗﻠﯩﺮﻯ ﻳﻪﻧﻪ، ﺋﯘﻳﻐﯘﺭ ﺗﯧﺮﺭﻭﺭﭼﯩﻼﺭﻧﯩﯔ ﻳﻮﻟﯘﭼﯩﻼﺭ ﺋﺎﻳﺮﯗﭘﯩﻼﻧﯩﻐﺎ ﻫﯘﺟﯘﻡ ﻗﯩﻠﻤﺎﻗﭽﻰ ﺑﻮﻟﻐﺎﻧﻠﯩﻘﻰ ﺷﯘﻧﯩﯖﺪﻩﻙ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺗﻪﻧﺘﻪﺭﺑﯩﻴﯩﭽﯩﻠﻪﺭﻧﻰ ﮔﯚﺭﯛﮔﻪ ﺋﺎﻟﻤﺎﻗﭽﻰ ﺑﻮﻟﻐﺎﻥ ﭘﯩﻼﻧﻠﯩﺮﯨﻨﻰ ﺋﺎﻟﺪﯨﻦ ﺳﯧﺰﯨﭗ، ﺋﯘﻻﺭﻧﻰ ﺑﯩﺖ ‏ - ﭼﯩﺖ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﮔﯘﻧﺎﻫﺴﯩﺰ ﺋﯘﻳﻐﯘﺭ ﻳﺎﺷﻠﯩﺮﯨﻐﺎ ﺗﯧﺮﺭﻭﺭ ﻗﺎﻟﭙﯩﻘﯩﻨﻰ ﻛﯩﻴﺪﯛﺭﯛﭖ ﺑﺎﺳﺘﯘﺭﯗﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﯞﺍﺗﻘﺎﻥ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺋﯘﻳﻐﯘﺭﻻﺭﻧﯩﯔ ﺗﯧﺮﺭﻭﺭﻟﯘﻕ ﻫﻪﺭﯨﻜﯩﺘﻰ ﺑﯩﻠﻪﻥ ﻫﯧﭽﻘﺎﻧﺪﺍﻕ ﺋﺎﻻﻗﯩﺴﯩﻨﯩﯔ ﻳﻮﻗﻠﯘﻗﯩﻨﻰ، ﺑﯩﺮﺍﻕ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ " ﺗﯧﺮﺭﻭﺭﭼﯩﻠﯩﻘﻘﺎ ﺯﻩﺭﺑﻪ ﺑﯧﺮﯨﺶ ﻛﯜﺭﯨﺸﻰ " ﺩﯨﻦ ﭘﺎﻳﺪﯨﻠﯩﻨﯩﭗ، ﺋﯘﻳﻐﯘﺭﻻﺭﻏﺎ ﺑﯩﺮﮔﻪ ﺟﻪﻡ ﺑﻮﻟﯘﭖ ﺋﯚﺯ ‏ - ﺋﺎﺭﺍ ﺳﯚﻫﺒﻪﺗﻠﯩﺸﯩﺶ ﭘﯘﺭﺳﯩﺘﯩﻨﯩﻤﯘ ﺑﻪﺭﻣﻪﻳﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ 8 ‏ - ﺋﯩﻴﯘﻝ ﻛﯜﻧﻰ ﺗﯧﺮﺭﻭﺭ ﮔﯘﻣﺎﻧﺪﺍﺭﻯ ﺩﻩﭖ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭ ﻳﺎﺷﻠﯩﺮﻯ، ﺋﻪﺳﻠﯩﺪﻩ ﺑﯩﺮ ﺋﺎﺭﯨﻐﺎ ﺟﻪﻡ ﺑﻮﻟﯘﭖ ﺩﯨﻨﯩﻲ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﮔﯘﻧﺎﻫﺴﯩﺰ ﻳﺎﺷﻼﺭ ﺋﯩﻜﻪﻥ.