ﺳﺎﻗﭽﯩﻼﺭ ﻗﺎﺭﺍﻗﺎﺵ ﻧﺎﻫﯩﻴﻪ ﺑﺎﺯﯨﺮﯨﺪﯨﻤﯘ ﯞﻩﻗﻪ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ

ﺗﯜﻧﯜﮔﯜﻥ، ﺧﯩﺘﺎﻳﻨﯩﯔ ﺑﯩﺮ ﻫﻪﭘﺘﯩﺪﯨﻦ ﺑﯧﺮﻯ ﺳﯩﺮ ﺗﯘﺗﯘﭖ ﻛﯧﻠﯩﯟﺍﺗﻘﺎﻥ، ﺧﻮﺗﻪﻥ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ 23 ‏ - ﻣﺎﺭﺕ ﻧﺎﻣﺎﻳﯩﺸﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺋﯩﺪﯗﻕ. ﺑﯜﮔﯜﻥ ﺭﺍﺩﯨﺌﻮﻣﯩﺰﻏﺎ ﺋﯧﻠﺨﻪﺕ ﺋﺎﺭﻗﯩﻠﯩﻖ ﻛﻪﻟﮕﻪﻥ ﻳﻪﻧﻪ ﺑﯩﺮ ﺋﯩﻨﻜﺎﺳﺘﺎ، 23 ‏ - ﻣﺎﺭﺕ ﻛﯜﻧﻰ ﺋﻮﺧﺸﺎﺵ ﯞﺍﻗﯩﺘﺘﺎ ﺧﻮﺗﻪﻧﻨﯩﯔ ﻗﺎﺭﺍﻗﺎﺵ ﻧﺎﻫﯩﻴﻪ ﺑﺎﺯﯨﺮﯨﺪﯨﻤﯘ ﯞﻩﻗﻪ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﻣﻪﻟﯘﻡ ﺑﻮﻟﺪﻯ.
ﺑﯩﺰ ﻗﺎﺭﺍﻗﺎﺵ ﻧﺎﻫﯩﻴﯩﻠﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻨﯩﯔ ﭼﯩﻨﯩﯟﺍﻍ ﺳﺎﻗﭽﻰ ﭘﻮﻧﻜﯩﺘﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺳﺎﻗﭽﯩﻼﺭ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ . ﺋﻪﻣﻤﺎ ﺗﻪﭘﺴﯩﻼﺗﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﺩﻯ.
ﻗﺎﺭﺍﻗﺎﺷﺘﯩﻜﻰ ﯞﻩﻗﻪ ﻫﻪﻗﻘﯩﺪﻩ ﺑﯩﺰﮔﻪ ﺋﯧﻠﺨﻪﺕ ﺋﺎﺭﻗﯩﻠﯩﻖ ﻛﻪﻟﮕﻪﻥ ﺋﯩﻨﻜﺎﺳﺘﺎ ، ﻗﺎﺭﺍﻗﺎﺵ ﻧﺎﻫﯩﻴﯩﺴﯩﺪﻩ ﻛﯩﺸﯩﻠﻪﺭﻧﯩﯔ ﻧﺎﻣﺎﻳﯩﺶ ﺋﯜﭼﯜﻥ ﺗﻮﭘﻼﻧﻐﺎﻧﻠﯩﻘﻰ، ﺳﺎﻗﭽﯩﻼﺭ ﻧﺎﻣﺎﻳﯩﺸﻘﺎ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ ﯞﻩ ﺗﯘﺗﻘﯘﻥ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﺪﺍ ﺗﻪﺭﻩﭘﻠﻪﺭ ﺋﺎﺭﯨﺴﯩﺪﺍ ﺗﻮﻗﯘﻧﯘﺵ ﻛﯧﻠﯩﭗ ﭼﯩﻘﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺳﺎﻗﭽﻰ ﺗﻪﺭﻩﭖ ﺑﯘﻻﺭﺩﯨﻦ ﭘﻪﻗﻪﺕ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﯩﻼ ﺋﯧﺘﯩﺮﺍﭖ ﻗﯩﻠﺪﻯ. ﺋﻪﻣﻤﺎ ﻧﺎﻣﺎﻳﯩﺸﻘﺎ ﺗﻮﭘﻼﺷﻘﺎﻧﻼﺭﻧﯩﯔ ﺳﺎﻧﻰ ﯞﻩ ﺗﻮﻗﯘﻧﯘﺵ ﻳﯜﺯ ﺑﯧﺮﯨﭗ - ﺑﻪﺭﻣﯩﮕﻪﻧﻠﯩﻜﻰ ﯞﻩ ﺗﻮﻗﯘﻧﯘﺷﻨﯩﯔ ﺩﻩﺭﯨﺠﯩﺴﻰ ﺗﯧﺨﯩﭽﻪ ﺳﯩﺮ ﭘﯧﺘﻰ ﺗﯘﺭﻣﺎﻗﺘﺎ

23 - ﻣﺎﺭﺕ ﺧﻮﺗﻪﻥ ﺋﺎﻳﺎﻟﻼﺭ ﻧﺎﻣﺎﻳﯩﺸﻰ: 600 ﻛﯩﺸﻰ ﻗﺎﻣﺎﻗﺘﺎ

ﺗﯜﻧﯜﮔﯜﻥ ﺭﺍﺩﯨﺌﻮﻣﯩﺰﻏﺎ ﻛﻪﻟﮕﻪﻥ ﺋﯩﻨﻜﺎﺳﻼﺭﺩﯨﻦ ﺑﯩﺮﯨﺪﻩ، ﺋﯚﺗﻜﻪﻥ ﻳﻪﻛﺸﻪﻧﺒﻪ ﻛﯜﻧﻰ ﺧﻮﺗﻪﻧﺪﻩ ﻧﺎﻣﺎﻳﯩﺶ ﺑﻮﻟﻐﺎﻧﻠﯩﻘﻰ ﯞﻩ ﺑﺎﺳﺘﯘﺭﯗﻟﻐﺎﻧﻠﯩﻘﻰ ﻣﻪﻟﯘﻡ ﻗﯩﻠﯩﻨﻐﺎﻥ ﺋﯩﺪﻯ. ﺗﯜﻧﯜﮔﯜﻥ ﻳﻪﻧﻪ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﻳﯘﺭﺗﻰ ﺧﻮﺗﻪﻧﺪﻩ ﻧﺎﻣﺎﻳﯩﺶ ﺑﻮﻟﻐﺎﻧﻠﯩﻖ ﻫﻪﻗﻘﯩﺪﻩ ﺋﯘﭼﯘﺭ ﺋﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯩﺰ ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺧﻮﺗﻪﻧﺪﯨﻜﻰ ﺑﯩﺮ ﻗﯩﺴﯩﻢ ﺋﯩﺪﺍﺭﻩ - ﺟﻪﻣﯩﻴﻪﺕ، ﺳﻮﺩﺍ - ﺗﯩﺠﺎﺭﻩﺕ ﺋﻮﺭﯗﻧﻠﯩﺮﯨﻐﺎ ﯞﻩ ﺋﺎﺋﯩﻠﯩﻠﯩﻜﻠﻪﺭﮔﻪ ﺗﯧﻠﯧﻔﻮﻥ ﻗﯩﻠﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻧﻼﺭﻧﯩﯔ ﻛﯚﭘﯩﻨﭽﯩﺴﻰ ﻳﻪﻛﺸﻪﻧﺒﻪ ﯞﻩ ﺩﯛﺷﻪﻧﺒﻪ ﻛﯜﻧﻰ ﻳﻪﻧﻰ 23 ‏ - ﯞﻩ 24 ‏ - ﻣﺎﺭﺕ ﻛﯜﻧﻠﯩﺮﻯ ﺧﻮﺗﻪﻥ ﺷﻪﻫﯩﺮﯨﺪﻩ ﯞﻩﻗﻪ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﺪﻯ. ﯞﻩﻗﻪﻧﻰ ﺑﻪﺯﯨﻠﻪﺭ ﻧﺎﻣﺎﻳﯩﺶ ﺩﻩﭖ ﺑﯩﻠﺪﯛﺭﺳﻪ، ﺑﻪﺯﯨﻠﻪﺭ ﺗﻮﭘﯩﻼﯓ ﺩﻩﭖ ﺑﯩﻠﺪﯛﺭﺩﻯ.
ﺑﯩﺰ ﺩﻩﺳﻠﻪﭖ ﺧﻮﺗﻪﻥ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﺳﺎﻗﭽﻰ ﺧﺎﺩﯨﻤﻰ ﺑﯘﻧﺪﺍﻕ ﺑﯩﺮ ﯞﻩﻗﻪﻧﯩﯔ ﻳﯜﺯ ﺑﻪﺭﻣﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺋﺎﻧﺪﯨﻦ ﺧﻮﺗﻪﻥ ﺷﻪﻫﻪﺭﻟﯩﻚ ﺳﻮﺩﺍ - ﺳﺎﻧﺎﺋﻪﺕ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ، ﺧﺎﺩﯨﻢ ﯞﻩﻗﻪﺩﯨﻦ ﺧﻪﯞﯨﺮﻯ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﺩﻯ ﯞﻩ ﺷﻪﻫﻪﺭﻟﯩﻚ ﺗﻪﺷﯟﯨﻘﺎﺕ ﺑﯚﻟﯜﻣﯩﺪﯨﻦ ﺋﻪﻫﯟﺍﻝ ﺋﯩﮕﻪﻟﻠﯩﺸﯩﻤﯩﺰﻧﻰ ﺗﻪﯞﺳﯩﻴﻪ ﻗﯩﻠﺪﻯ.
ﺧﻮﺗﻪﻥ ﺷﻪﻫﯩﺮﯨﻨﯩﯔ ﮔﯘﻟﺒﺎﻍ ﺑﺎﺯﺍﺭﻟﯩﻖ ﺳﺎﻗﭽﻰ ﭘﻮﻧﻜﯩﺘﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﺳﺎﻗﭽﻰ ﺧﺎﺩﯨﻤﻰ ﺗﯧﻠﯧﻔﻮﻧﻨﻰ ﻗﻮﻳﯘﯞﻩﺗﻜﻪﻧﺪﯨﻦ ﻛﯧﻴﯩﻦ، ﺳﺎﻳﺎﻫﻪﺗﭽﻰ ﺳﯜﭘﯩﺘﯩﺪﻩ ﺧﻮﺗﻪﻥ ﺷﻪﻫﯩﺮﯨﺪﯨﻜﻰ ﻣﯧﻬﻤﺎﻧﺨﺎﻧﯩﻼﺭﻏﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﻛﯧﻴﯩﻦ ﻳﻪﻧﻪ ﺑﯩﺮ ﻗﺎﻧﭽﻪ ﺋﺎﺋﯩﻠﯩﮕﻪ ﺗﯧﻠﯧﻔﻮﻥ ﻗﯩﻠﺪﯗﻕ. ﺑﯩﺮ ﺋﺎﺋﯩﻠﻪ ﯞﻩﻗﻪﺩﯨﻦ ﺧﻪﯞﻩﺭﺳﯩﺰﻟﯩﻜﯩﻨﻰ ﺑﯩﻠﺪﯛﺭﺩﻯ.ﻳﻪﻧﻪ ﺑﯩﺮ ﺋﺎﺋﯩﻠﻪ، ﻳﻪﻛﺸﻪﻧﺒﻪ ﻛﯜﻧﯩﺪﯨﻦ ﺑﺎﺷﻼﭖ ﺑﯩﺮ ﻗﺎﻧﭽﻪ ﻛﯜﻥ ﻛﻮﭼﯩﻼﺭﻏﺎ ﭼﯩﻘﯩﺸﻨﯩﯔ ﭼﻪﻛﻠﻪﻧﮕﻪﻧﻠﯩﻜﯩﻨﻰ، ﻫﺎﺯﯨﺮ ﺋﻪﻫﯟﺍﻟﻨﯩﯔ ﻧﻮﺭﻣﺎﻟﻼﺷﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻳﻪﻧﻪ ﺑﯩﺮ ﺋﺎﺋﯩﻠﻪ ﺳﺎﻗﭽﯩﻼﺭﻧﯩﯔ ﻳﻮﻟﻼﺭﻧﻰ ﺗﻮﺳﯩﯟﻩﺗﻜﻪﻧﻠﯩﻜﯩﻨﻰ ﻣﻪﻟﯘﻡ ﻗﯩﻠﺪﻯ.
ﻣﯧﻬﻤﺎﻧﺨﺎﻧﺎ ﺧﺎﺩﯨﻤﻠﯩﺮﻯ ﯞﻩﻗﻪﻧﻰ ﺑﯩﺮﻗﻪﺩﻩﺭ ﺗﻪﭘﺴﯩﻠﯩﻲ ﭼﯜﺷﻪﻧﺪﯛﺭﺩﻯ. ﺑﯩﺮ ﻣﯧﻬﻤﺎﻧﺨﺎﻧﺎ ﺧﺎﺩﯨﻤﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﻧﺎﻣﺎﻳﯩﺶ ﻳﯜﺯ ﺑﻪﺭﮔﻪﻥ، ﻧﺎﻣﺎﻳﯩﺶ ﺋﯩﻜﻜﻰ ﻛﯜﻥ ﺩﺍﯞﺍﻡ ﻗﯩﻠﻐﺎﻥ، ﻧﺎﻣﺎﻳﯩﺸﻘﺎ 1000 ﺩﯨﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﻘﺎﻥ. ﻧﺎﻣﺎﻳﯩﺸﭽﯩﻼﺭﻧﯩﯔ ﻛﯚﭖ ﻗﯩﺴﻤﻰ ﺋﺎﻳﺎﻝ. ﻧﺎﻣﺎﻳﯩﺸﻨﯩﯔ ﺑﯩﺮﯨﻨﭽﻰ ﻛﯜﻧﻰ 400 ﺩﯨﻦ ﺋﺎﺩﻩﻡ ﻗﻮﻟﻐﺎ ﺋﯧﻠﯩﻨﻐﺎﻥ، ﺋﯩﻜﻜﯩﻨﭽﻰ ﻛﯜﻧﻰ 200 ﮔﻪ ﻳﯧﻘﯩﻦ ﺋﺎﺩﻩﻡ ﻗﻮﻟﻐﺎ ﺋﯧﻠﯩﻨﻐﺎﻥ. ﻗﻮﻟﻐﺎ ﺋﯧﻠﯩﻨﻐﺎﻧﻼﺭ ﺋﺎﺭﯨﺴﯩﺪﺍ ﺋﻪﺭﻟﻪﺭﻣﯘ ﺑﺎﺭ، ﺋﻪﻣﻤﺎ ﺋﺎﻳﺎﻟﻼﺭ ﻛﯚﭖ ﺳﺎﻧﺪﺍ.
ﺑﯩﺰ ﺋﯘﻧﯩﯖﺪﯨﻦ ﺑﯘ ﯞﻩﻗﻪﻧﻰ ﻛﯚﺯﯨﯖﯩﺰ ﺑﯩﻠﻪﻥ ﻛﯚﺭﺩﯨﯖﯩﺰﻣﯘ ﺩﻩﭖ ﺳﻮﺭﯨﻐﯩﻨﯩﻤﯩﺰﺩﺍ، ﻛﯚﺭﻣﯩﮕﻪﻧﻠﯩﻜﯩﻨﻰ ﺋﻪﻣﻤﺎ ﺳﺎﻗﭽﯩﻼﺭ ﻣﻪﻟﯘﻡ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﯞﻩﻗﻪ ﻳﯜﺯ ﺑﻪﺭﮔﻪﻥ ﻛﯜﻧﻰ ﺳﺎﻗﭽﯩﻼﺭ ﻣﯧﻬﻤﺎﻧﺨﺎﻧﯩﻼﺭﻏﺎ ﻛﯧﻠﯩﭗ ﯞﻩﻗﻪﻧﻰ ﻣﻪﻟﯘﻡ ﻗﯩﻠﻐﺎﻥ ﯞﻩ ﮔﯘﻣﺎﻧﻠﯩﻖ ﻛﯩﺸﯩﻠﻪﺭ ﻛﯚﺭﯛﻟﺴﻪ ﺩﻩﺭﻫﺎﻝ ﺳﺎﻗﭽﯩﻐﺎ ﻣﻪﻟﯘﻡ ﻗﯩﻠﯩﺸﯩﻨﻰ ﺗﺎﭘﺸﯘﺭﻏﺎﻥ ﻫﻪﻡ ﺩﯨﻘﻘﻪﺕ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻛﯩﺸﯩﻠﻪﺭﻧﯩﯔ ﺗﯩﺰﯨﻤﻠﯩﻜﯩﻨﻰ ﺑﻪﺭﮔﻪﻥ.
ﺧﻮﺗﻪﻥ ﺷﻪﻫﯩﺮﯨﺪﻩ ﺩﯗﻛﺎﻥ ﺋﯧﭽﯩﯟﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺋﺎﻳﺎﻝ ﯞﻩﻗﻪﺩﯨﻦ ﻛﯧﻴﯩﻦ ﺧﻮﺗﻪﻥ ﺷﻪﻫﯩﺮﯨﺪﯨﻜﻰ ﻣﻪﻟﯘﻡ ﺑﯩﺮ ﺑﺎﺯﺍﺭﺩﯨﻜﻰ ﺧﯩﺘﺎﻱ ﺗﯩﺠﺎﺭﻩﺗﭽﯩﻠﻪﺭﻧﯩﯔ ﺩﯗﻛﺎﻧﻠﯩﺮﯨﻨﻰ ﺗﺎﻗﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺗﯜﻧﯜﮔﯜﻥ ﻳﻪﻧﻪ ﺋﯜﺭﯛﻣﭽﯩﺪﻩ ﻳﺎﺷﺎﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﺴﻰ ﯞﻩﻗﻪﻧﯩﯔ ﺑﺎﺵ - ﺋﺎﺧﯩﺮﻯ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﻪﺭﺩﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻗﯧﺘﯩﻤﻘﻰ ﯞﻩﻗﻪﮔﻪ ﺧﻮﺗﻪﻥ ﺷﻪﻫﯩﺮﯨﺪﯨﻜﻰ ﻣﯘﺗﻪﻟﻠﯩﭗ ﻫﺎﺟﻰ ﺋﯩﺴﯩﻤﻠﯩﻚ ﺋﻪﻝ ﺋﯩﭽﯩﺪﻩ ﻫﯚﺭﻣﻪﺗﻜﻪ ﺳﺎﺯﺍﯞﻩﺭ ﺗﯩﺠﺎﺭﻩﺗﭽﯩﻨﯩﯔ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﯜﺭﻣﯩﺪﻩ ﺋﯚﻟﺘﯜﺭﯛﻟﯜﺷﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﻮﺗﻪﻥ ﺷﻪﻫﯩﺮﯨﺪﯨﻜﻰ ﻳﺎﺷﻼﺭﻧﻰ ﻛﻪﯓ ﻛﯚﻟﻪﻣﺪﻩ ﺗﯘﺗﻘﯘﻥ ﻗﯩﻠﯩﺸﻰ ﺳﻪﯞﻩﭖ ﺑﻮﻟﻐﺎﻥ. ﺋﻪﻣﻤﺎ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺑﯘ ﺋﻪﻫﯟﺍﻟﻨﻰ ﻣﯧﻬﻤﺎﻧﺨﺎﻧﺎ ﺧﺎﺩﯨﻤﻠﯩﺮﯨﻐﺎ، ﺗﯩﺒﻪﺗﺘﯩﻜﻰ ﯞﻩﻗﻪﻧﯩﯔ ﻗﯘﺗﺮﯨﺘﯩﺸﻰ ﺑﯩﻠﻪﻥ ﻛﯧﻠﯩﭗ ﭼﯩﻘﻘﺎﻥ ﺩﻩﭖ ﭼﯜﺷﻪﻧﺪﯛﺭﮔﻪﻥ.
ﻳﯘﻗﺎﺭﻗﻰ ﺋﯘﻳﻐﯘﺭ ﺯﯨﻴﺎﻟﯩﺴﯩﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﻧﺎﻣﺎﻳﯩﺶ ﺩﺍﯞﺍﻣﯩﺪﺍ، "ﻗﯩﻴﯩﻦ - ﻗﯩﺴﺘﺎﻕ ﺗﻮﺧﺘﯩﺘﯩﻠﺴﯘﻥ،"، "ﻣﻪﻫﺒﯘﺳﻼﺭ ﻗﻮﻳﯘﭖ ﺑﯧﺮﯨﻠﺴﯘﻥ"، ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﻳﻮﻝ ﻗﻮﻳﯘﻟﺴﯘﻥ" ﯞﻩ " ﻳﺎﺷﯩﺴﯘﻥ ﺋﯚﺭﯛﭖ -ﺋﺎﺩﻩﺗﻠﯩﺮﯨﻤﯩﺰ" ﺩﻩﭖ ﺷﯘﺋﺎﺭﻻﺭ ﺗﻮﯞﻻﻧﻐﺎﻥ.

ﻗﺎﺵ ﺗﯧﺸﻰ ﺳﻮﺩﯨﮕﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻢ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺗﯜﺭﻣﯩﺪﻩ ﻗﯩﻴﻨﺎﭖ ﺋﯚﻟﺘﯜﺭﯛﻟﺪﻯ

2008- ﻳﯩﻠﻰ 3 - ﻣﺎﺭﺕ ﻛﯜﻧﻰ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻛﯚﺯﮔﻪ ﻛﯚﺭﯛﻧﮕﻪﻥ ﻣﻪﺷﻬﯘﺭ ﻗﺎﺷﺘﯧﺸﻰ ﺳﻮﺩﯨﮕﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﺟﻪﺳﯩﺘﯩﻨﻰ ﻣﻪﺧﭙﯩﻲ ﻫﺎﻟﺪﺍ ﺳﯩﺮﺗﺘﯩﻦ ﻫﯧﭽﻜﯩﻤﮕﻪ ﻛﯚﺭﻣﻪﺳﻠﯩﻚ ﺷﻪﺭﺗﻰ ﺑﯩﻠﻪﻥ ﺋﺎﺋﯩﻠﯩﺴﯩﮕﻪ ﺗﺎﭘﺸﯘﺭﯗﭖ ﺑﻪﺭﮔﻪﻥ. ﺧﯩﺘﺎﻱ ﺳﺎﻗﭽﯩﻠﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻤﻨﻰ 2 ﺋﺎﻱ ﺋﯩﻠﮕﯩﺮﻯ ﻛﯧﭽﯩﺪﻩ ﺋﯚﻳﯩﮕﻪ ﺑﯧﺴﯩﭗ ﻛﯩﺮﯨﭗ ﺗﯘﺗﯘﭖ ﻛﻪﺗﻜﻪﻥ ﺑﻮﻟﯘﭖ، ﺋﻮﺭﻧﻰ ﻗﺎﺭﻗﺎﺵ ﻧﺎﻫﯩﻴﯩﺴﯩﺪﻩ ﺑﻮﻟﻐﺎﻥ ﺋﯘﻳﻐﯘﺭ ﺩﯨﻴﺎﺭﻯ ﻣﯩﻘﻴﺎﺳﯩﺪﺍ 2 ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺳﯘ ﺗﯜﺭﻣﯩﺴﯩﮕﻪ ﻗﺎﻣﺎﭖ ﻗﺎﺗﺘﯩﻖ ﻗﯩﻴﻨﯩﻐﺎﻥ، ﺋﯩﻜﻜﻰ ﺋﺎﻳﺪﯨﻦ ﻛﯧﻴﯩﻦ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻤﻨﻰ ﺧﻮﺗﻪﻥ ﯞﯨﻼﻳﻪﺗﻠﯩﻚ ﺧﻪﻟﻖ ﺩﻭﺧﺘﯘﺭﺧﺎﻧﯩﺴﯩﻐﺎ ﺋﯧﻠﯩﭗ ﻛﯧﻠﯩﭗ ﺋﻮﻥ ﻛﯜﻥ ﺋﻪﺗﺮﺍﭘﯩﺪﺍ ﺩﺍﯞﺍﻟﯩﻐﺎﻥ ﺑﻮﻟﺴﯩﻤﯘ ﺩﺍﯞﺍﻻﺵ ﺋﯜﻧﯜﻡ ﺑﻪﺭﻣﻪﻱ ﺋﯚﻟﯜﭖ ﻛﻪﺗﻜﻪﻥ. ﺩﻭﺧﺘﯘﺭﺧﺎﻧﯩﺪﺍ ﺩﺍﯞﺍﻻﺵ ﺟﻪﺭﻳﺎﻧﯩﺪﺍ ﺋﺎﺋﯩﻠﯩﺴﯩﮕﯩﻤﯘ ﻛﯚﺭﺳﻪﺗﻤﯩﮕﻪﻥ.
ﻣﻪﺭﻫﯘﻣﻨﯩﯔ ﺋﯩﻜﻜﻰ ﺋﺎﻳﺎﻟﯩﺪﯨﻦ 8 ﺑﺎﻟﯩﺴﻰ ﺑﺎﺭ ﺋﯩﻜﻪﻥ
ﻣﻪﺭﻫﯘﻡ ﻣﯘﺗﻪﻟﻠﯩﭗ ﻫﺎﺟﯩﻢ ﻟﻮﭖ ﻧﺎﻫﯩﻴﯩﺴﯩﻨﯩﯔ ﻳﻮﺭﯗﯕﻘﺎﺵ ﻳﯧﺰﯨﺴﯩﺪﺍ 1970 ‏ - ﻳﯩﻠﻰ ﺗﯘﻏﯘﻟﻐﺎﻥ ﺑﻮﻟﯘﭖ ﺋﯘ ﺑﯘ ﻳﯩﻞ 38 ﻳﺎﺷﻘﺎ ﻛﯩﺮﮔﻪﻥ ﺋﯩﻜﻪﻥ. ﺧﻮﺗﻪﻧﺪﻩ ﻗﺎﺷﺘﯧﺸﻰ ﺳﻮﺩﯨﮕﻪﺭﭼﯩﻠﯩﻚ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﻛﯚﺯﮔﻪ ﻛﯚﺭﯛﻧﻪﺭﻟﯩﻚ ﺗﯩﺠﺎﺭﻩﺗﭽﯩﻠﻪﺭﺩﯨﻦ ﺑﯩﺮﻯ ﺑﻮﻟﯘﭖ ﻣﻪﺭﻫﯘﻣﻨﯩﯔ ﺑﺎﻳﻠﯩﻘﻰ 80 ﻣﯩﻠﻴﻮﻥ ﻳﯜﻩﻧﺪﯨﻦ ﺋﺎﺷﯩﺪﯨﻜﻪﻥ. ﺑﯩﺮ ﻗﯧﺘﯩﻢ ﺧﯩﺘﺎﻱ ﺟﺎﻟﻼﺗﻠﯩﺮﻯ ﺋﯘﻧﯩﯔ ﺋﯚﻳﯩﮕﻪ ﺗﯘﻳﯘﻗﺴﯩﺰ ﺑﯧﺴﯩﭗ ﻛﯩﺮﯨﭗ 20 ﻛﯩﻠﻮﮔﺮﺍﻡ ﺋﺎﻟﺘﯘﻥ، ﻫﻪﻣﺪﻩ ﺋﻮﻥ ﻣﯩﻠﻴﻮﻥ ﻳﯘﻩﻧﺪﯨﻦ ﻛﯚﭖ ﻧﻪﻕ ﭘﯘﻟﻨﻰ ﻣﯘﺳﺎﺩﯨﺮﻩ ﻗﯩﻠﻐﺎﻥ.
ﺑﯩﺰ ﺑﯘ ﻫﻪﻗﺘﻪ ﺋﯩﺸﻪﻧﭽﯩﻠﯩﻚ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺧﻮﺗﻪﻧﺪﯨﻦ ﺑﻪﺯﻯ ﻳﺎﺷﻼﺭ ﺑﯩﻠﻪﻥ ﺋﺎﻻﻗﯩﻼﺷﺘﯘﻕ، ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﻳﯧﻘﯩﻦ ﺩﻭﺳﺘﻠﯩﺮﯨﻨﯩﯔ ﺑﯩﺮﺳﯩﻨﯩﯔ ﺩﻩﭖ ﺑﯧﺮﯨﺸﯩﭽﻪ ﻣﯘﺗﻪﻟﻠﯩﭗ ﻫﺎﺟﯩﻤﻨﻰ ﺗﯘﺗﻘﯘﻥ ﻗﯩﻠﯩﺸﻨﯩﯔ ﺳﻪﯞﻩﺑﻨﻰ ﻣﯘﻧﺪﺍﻕ ﺑﻮﻟﻐﺎﻥ.
ﺧﻮﺗﻪﻥ ﺷﻪﻫﻪﺭﻟﯩﻚ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻤﻐﺎ، ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻥ ﻛﯩﺸﯩﻠﻪﺭﻧﯩﯔ ﺋﺎﺋﯩﻠﻪ ‏ - ﺗﺎﯞﺍﺑﺎﺗﯩﻐﺎ ﺋﯩﻘﺘﯩﺴﺎﺩﻯ ﻳﺎﺭﺩﻩﻡ ﻗﯩﻠﻐﺎﻥ، ﺩﯨﻨﻰ ﺩﻩﺭﺱ ﺋﻮﻗﯘﺗﯩﺪﯨﻐﺎﻥ ﻣﻪﺧﭙﯩﻲ ﻣﻪﺩﺭﯨﺴﯩﻠﻪﺭﮔﻪ ﻳﺎﺭﺩﻩﻡ ﻗﯩﻠﻐﺎﻥ. ﺋﯚﻳﯩﺪﻩ ﻗﯘﺭﺋﺎﻥ ﻛﻪﺭﯨﻢ ﻗﺎﺗﺎﺭﻟﯩﻖ ﺩﯨﻨﻰ ﻛﯩﺘﺎﺑﻼﺭ ﺳﺎﻗﻠﯩﻐﺎﻥ، ﻣﻪﺧﭙﯩﻲ ﺩﯨﻨﻰ ﻣﻪﻛﺘﻪﭖ ﺋﯧﭽﯩﭗ ﺩﻩﺭﺱ ﺋﯚﮔﯩﺘﯩﺶ ﺳﻪﯞﻩﺑﯩﺪﯨﻦ 2002 ‏ - ﻳﯩﻠﺪﯨﻦ ﺑﯩﺮﻯ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻥ 73 ﻳﺎﺷﻠﯩﻖ ﺋﺎﺑﻠﻪﺕ ﻣﻪﺧﺴﯘﻡ ﻫﺎﺟﯩﻤﻨﻰ ﭘﯘﻝ ﺗﯚﻟﻪﭖ ﺗﯜﺭﻣﯩﺪﯨﻦ ﻗﯘﺗﯘﻟﺪﯗﺭﯗﺷﻘﺎ ﺋﯘﺭﯗﻧﻐﺎﻥ ﺩﯦﮕﻪﻧﺪﻩﻙ ﺟﯩﻨﺎﻳﻪﺗﻠﻪﺭﻧﻰ ﺋﺎﺭﺗﻘﺎﻥ.
ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﻣﯘﺗﻪﻟﻠﯩﭗ ﻫﺎﺟﯩﻢ 8 ﺋﻮﻏﯘﻟﻨﯩﯔ ﺩﺍﺩﯨﺴﻰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﭘﯩﻼﻧﻠﯩﻖ ﺗﯘﻏﯘﺕ ﻗﺎﻧﯘﻧﯩﻐﺎ ﺑﻮﻳﺴﯘﻧﻤﯩﻐﺎﻥ ﺩﯦﮕﻪﻧﺪﻩﻙ ﺟﯩﻨﺎﻳﻪﺗﻠﻪﺭﻧﻰ ﺋﺎﺭﺗﯩﭗ 2008 ‏ - ﻳﯩﻠﻰ 1 ‏ - ﺋﺎﻳﺪﺍ ﻗﻮﻟﻐﺎ ﺋﺎﻟﻐﺎﻥ. 2 ﺋﺎﻱ ﺋﯚﺗﻤﯩﮕﻪﻥ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﺳﯘ ﺗﯜﺭﻣﯩﺴﯩﺪﻩ ﻗﯩﺸﻨﯩﯔ ﻗﻪﻫﺮﯨﺘﺎﻥ ﺳﻮﻏﯘﻗﯩﺪﺍ ﭼﯚﻛﯜﭖ ﻛﻪﺗﻤﯩﮕﯩﺪﻩﻙ ﻫﺎﻟﻪﺗﺘﻪ ﺳﯘﺩﺍ ﻗﻮﻳﯘﭖ ﻗﺎﺗﺘﯩﻖ ﻗﯩﻴﻨﯩﻐﺎﻥ ﻧﻪﺗﯩﺠﯩﺪﻩ ﻣﯘﺗﻪﻟﻠﯩﭗ ﻫﺎﺟﯩﻢ ﻗﯩﻴﯩﻦ ‏ - ﻗﯩﺴﺘﺎﻗﻼﺭﻏﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻤﻪﻱ ﺋﯚﻟﯜﭖ ﻛﻪﺗﻜﻪﻥ.
ﻣﯘﺗﻪﻟﻠﯩﭗ ﻫﺎﺟﻰ 2003 ‏ - ﻳﯩﻠﻰ ﺗﯚﻫﻤﻪﺕ ﺑﯩﻠﻪﻥ ﺗﯘﺗﻘﯘﻥ ﻗﯩﻠﯩﻨﯩﭗ 4 ﻳﯩﻞ ﺗﯜﺭﻣﯩﺪﻩ ﻳﺎﺗﻘﺎﻥ
ﺑﯩﺰ ﺑﯘ ﯞﻩﻗﻪﻧﯩﯔ ﺗﻪﭘﺴﯩﻼﺗﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ. ﻫﻪﻣﺪﻩ ﻣﻪﺭﻫﯘﻡ ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﻳﯧﻘﯩﻨﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻣﻪﺗﻨﯩﻴﺎﺯ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ﻣﻪﺗﻨﯩﻴﺎﺯ ﺋﻪﭘﻪﻧﺪﻯ ﻣﯘﺗﻪﻟﻠﯩﭗ ﻫﺎﺟﯩﻢ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: ﻣﻪﺭﻫﯘﻡ ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﺑﯘ 2 ﻗﯧﺘﯩﻢ ﺗﯘﺗﻘﯘﻥ ﻗﯩﻠﯩﻨﯩﺸﻰ ﺑﻮﻟﯘﭖ ﺑﯩﺮﯨﻨﭽﻰ ﻗﯧﺘﯩﻢ 2003 ﻳﯩﻠﻰ ﺗﯘﺗﻘﯘﻥ ﻗﯩﻠﯩﻨﻐﺎﻥ، ﺗﯚﻫﻤﻪﺕ ﺑﯩﻠﻪﻥ ﻧﺎﻫﻪﻕ ﺟﺎﺯﺍﻟﯩﻨﯩﭗ ﺧﯩﺘﺎﻱ ﺗﯜﺭﻣﯩﺴﯩﺪﻩ 4 ﻳﯩﻞ ﻳﺎﺗﻘﺎﻥ . ﺑﯩﺮﯨﻨﭽﻰ ﻗﯧﺘﯩﻢ ﺗﯜﺭﻣﯩﺪﻩ ﻳﯧﺘﯩﺸﻨﯩﯔ ﺳﻪﯞﻩﺑﻰ ﻣﯘﻧﺪﺍﻕ ﺑﻮﻟﻐﺎﻥ، ﺧﻮﺗﻪﻥ ﺷﻪﻫﻪﺭﻟﯩﻚ ﺧﯩﺘﺎﻱ ﺑﺎﺷﻠﯩﻘﻠﯩﺮﯨﺪﯨﻦ ﺑﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﻗﻮﻟﯩﺪﺍ ﺑﺎﺭ ﺑﻮﻟﻐﺎﻥ ﺑﯩﺮ ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﻗﯩﻤﻤﻪﺗﻜﻪ ﺋﯩﮕﻪ ﺑﯩﺮ ﻗﺎﺷﺘﯧﺸﯩﻐﺎ ﺧﯧﺮﯨﺪﺍﺭ ﺑﻮﻟﯘﭖ ﺑﺎﺯﺍﺭ ﺑﺎﻫﺎﺳﯩﺪﯨﻦ %50 ﺩﯨﻨﻤﯘ ﺗﯚﯞﻩﻥ ﺑﺎﻫﺎﻏﺎ ﺳﻮﺭﺍﭖ ﺳﯧﺘﯩﭗ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﺴﯩﻤﯘ ﻣﯘﺗﻪﻟﻠﯩﭗ ﻫﺎﺟﯩﻢ ﺑﺎﺯﺍﺭ ﺑﺎﻫﺎﺳﯩﺪﯨﻦ ﺗﯚﯞﻩﻥ ﺳﺎﺗﻤﺎﻳﺪﯨﻐﺎﻧﻠﯩﻘﯩﻨﻰ، ﺑﺎﺷﻠﯩﻘﻠﯩﻖ ﺑﯩﻠﻪﻥ ﺗﯩﺠﺎﺭﻩﺕ ﻛﻪﺳﭙﯩﻨﯩﯔ ﺋﺎﻻﻗﯩﺴﻰ ﻳﻮﻗﻠﯩﻘﯩﻨﻰ ﺷﯘﻧﯩﯔ ﺋﯜﭼﯜﻥ ﻗﺎﺷﺘﯧﺸﯩﻨﻰ ﺑﺎﺯﺍﺭ ﺑﺎﻫﺎﺳﻰ ﺑﻮﻳﯩﭽﻪ ﺳﺎﺗﯩﺪﯨﻐﺎﻧﻠﯩﻘﯩﻨﻰ، ﺑﺎﺯﺍﺭ ﺑﺎﻫﺎﺳﯩﺪﯨﻦ ﺗﯚﯞﻩﻥ ﺳﺎﺗﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﺪﯨﻦ ﻛﯧﻴﯩﻦ ﺧﯩﺘﺎﻱ ﺑﺎﺷﻠﯩﻘﻨﯩﯔ ﻏﺎﻟﭽﯩﺴﻰ ﻣﯘﺗﻪﻟﻠﯩﭗ ﻫﺎﺟﯩﻤﻐﺎ ، ﺗﺎﺷﻨﻰ ﺑﯩﺰﮔﻪ ﺑﯩﺰ ﺗﻪﻟﻪﭖ ﻗﯩﻠﻐﺎﻥ ﺑﺎﻫﺎﻏﺎ ﺳﯧﺘﯩﭗ ﺑﻪﺭﻣﯩﺴﻪﯓ ﺋﯧﻐﯩﺮ ﺑﻪﺩﻩﻝ ﺗﯚﻟﻪﻳﺴﻪﻥ ﺩﻩﭖ ﺗﻪﻫﺪﯨﺖ ﺳﯧﻠﯩﭗ ﻗﻮﻳﯘﭖ ﭼﯩﻘﯩﭗ ﻛﻪﺗﻜﻪﻥ.
ﺋﻪﺗﯩﺴﯩﻼ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﺋﯚﻳﯩﮕﻪ ﻗﻮﺭﺍﻟﻠﯩﻖ ﺑﯧﺴﯩﭗ ﻛﯩﺮﯨﭗ ﺗﯘﺗﻘﯘﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ ﻗﻮﻳﯘﭖ ﺑﻪﺭﻣﻪﺳﺘﯩﻦ 4 ﻳﯩﻞ ﺗﯜﺭﻣﯩﮕﻪ ﺳﻮﻻﭖ ﻗﯩﻴﯩﻦ ﻗﯩﺴﺘﺎﻗﻘﺎ ﺋﺎﻟﻐﺎﻥ ﺑﻮﻟﺴﯩﻤﯘ، ﺋﯘ ﻗﺎﺭﺍﯕﻐﯘ ﺗﯜﺭﻣﯩﺪﻩ ﺧﯩﺘﺎﻳﻼﺭﻏﺎ ﺑﺎﺵ ﺋﻪﮔﻤﻪﺳﺘﯩﻦ ﻗﯩﻴﯩﻦ ﻗﯩﺴﺘﺎﻗﻼﺭﻏﺎ ﺑﻪﺭﺩﺍﺷﻠﯩﻖ ﺑﯧﺮﯨﭗ ﺋﯚﺯﯨﻨﯩﯔ ﮔﯘﻧﺎﻫﺴﯩﺰ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻱ ﺑﺎﺷﻠﯩﻘﻘﺎ ﺟﺎﻥ ﻛﻪﺗﺴﯩﻤﯘ ﻗﺎﺷﺘﯧﺸﯩﻨﻰ ﺋﻪﺭﺯﺍﻥ ﺑﺎﻫﺎﺩﺍ ﺳﺎﺗﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﭼﯩﯔ ﺗﯘﺭﻏﺎﻧﻨﯩﯔ ﺋﯜﺳﺘﯩﮕﻪ ﺗﯜﺭﻣﯩﺪﻩ ﺧﯩﺘﺎﻳﻼﺭﻧﯩﯔ ﺗﯜﺯﯛﻣﻰ ﺑﻮﻳﯩﭽﻪ ﻧﺎﻣﺎﺯ ﺋﻮﻗﯘﺷﻘﺎ ﺭﯗﺧﺴﻪﺕ ﻗﯩﻠﻤﺎﺳﻠﯩﻖ ﭘﺮﯨﻨﺴﯩﭙﯩﻐﺎ ﺑﺎﺵ ﺋﻪﮔﻤﻪﺳﺘﯩﻦ 5 ﯞﺍﻗﯩﺖ ﻧﺎﻣﯩﺰﯨﻨﻰ ﺋﻮﻗﯘﺷﻘﺎ ﺋﯘﺭﯗﻧﻐﺎﻥ ﺑﻮﻟﺴﯩﻤﯘ ﺗﯜﺭﻣﻪ ﮔﯘﻧﺪﯨﭙﺎﻳﻠﯩﺮﻯ ﺋﯘﻧﻰ ﺋﯘﺭﯗﭖ، ﺑﺎﻏﻼﭖ ﻫﻪﺭﺧﯩﻞ ﻗﯩﻴﯩﻦ ﻗﯩﺴﺘﺎﻕ ﭼﺎﺭﯨﻠﻪﺭﻧﻰ ﻗﻮﻟﻼﻧﻐﺎﻥ ﺑﻮﻟﺴﯩﻤﯘ ﻧﺎﻣﺎﺯ ﺋﻮﻗﯘﺷﺘﯩﻦ ﺗﻮﺧﺘﯩﺘﺎﻟﻤﯩﻐﺎﻧﺪﯨﻦ ﻛﯧﻴﯩﻦ ﺋﯩﻘﺘﯩﺴﺎﺩﻯ ﺟﺎﺯﺍﻻﺵ ﺋﯜﭼﯜﻥ ﻫﻪﺭ ﺑﯩﺮ ﯞﺍﻗﯩﺖ ﻧﺎﻣﺎﺯ ﺋﻮﻗﯘﺷﻰ ﺋﯜﭼﯜﻥ ﺧﯩﺘﺎﻱ ﭘﯘﻟﻰ ﺑﻮﻳﯩﭽﻪ 30 ﻳﯜﻩﻥ ﺟﻪﺭﯨﻤﺎﻧﻪ ﻗﻮﻳﻐﺎﻥ ﺑﻮﻟﺴﯩﻤﯘ ﺋﯘ ﻳﻪﻧﯩﻼ ﻧﺎﻣﺎﺯ ﺋﻮﻗﯘﺷﻨﻰ ﺗﻮﺧﺘﺎﺗﻤﺎﻱ ﺩﺍﯞﺍﻡ ﻗﯩﻠﻐﺎﻥ. ﺋﯘ ﺗﯘﺭﻣﯩﺪﻯ ﻳﯧﺘﯩﺶ ﺟﻪﺭﻳﺎﻧﯩﺪﺍ ﻫﻪﺭ ﻛﯜﻧﻠﯜﻛﻰ 5 ﯞﺍﻗﯩﺖ ﻧﺎﻣﺎﺯ ﺋﯜﭼﯜﻥ 150 ﻳﯜﻩﻧﺪﯨﻦ 4 ﻳﯩﻠﻠﯩﻘﻰ ﺋﯜﭼﯜﻥ ﻫﯧﺴﺎﺑﻼﭖ ﺟﻪﺭﯨﻤﺎﻧﻪ ﺗﯚﻟﯩﮕﻪﻥ.
ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﻳﯧﻘﯩﻨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﻣﯘﺗﻪﻟﻠﯩﭗ ﻫﺎﺟﻰ ﻣﯩﻠﻠﻪﺕ ﺳﯚﻳﻪﺭ ﺩﯨﻨﺪﺍﺭ ﺷﻪﺧﺲ، ﻣﯘﺗﻪﻟﻠﯩﭗ ﻫﺎﺟﻰ ﺧﻪﻳﺮ - ﺳﺎﺧﺎﯞﻩﺗﻠﯩﻚ ﺷﻪﺧﺲ ﺑﻮﻟﯘﭖ ﻧﺎﻣﺮﺍﺕ - ﻳﻮﻗﺴﯘﻝ ﺋﺎﺋﯩﻠﯩﻠﻪﺭﮔﻪ ﻳﺎﺭﺩﻩﻡ ﻗﯩﻠﯩﭗ ﻛﻪﻟﮕﻪﻥ، ﻟﯧﻜﯩﻦ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﯧﻴﯩﭙﻠﯩﻐﺎﻧﺪﻩﻙ ﺟﯩﻨﺎﻳﻪﺗﻠﻪﺭﻧﻰ ﺳﺎﺩﯨﺮ ﻗﯩﻠﻤﯩﻐﺎﻥ. ﺋﯘ ﺋﯩﻨﺘﺎﻳﯩﻦ ﻗﻪﻳﺴﻪﺭ، ﺩﯨﻨﻰ، ﻣﯩﻠﻠﯩﻲ ﺭﻭﻫﻰ ﻛﯜﭼﻠﯜﻙ ﺑﻮﻟﯘﭖ، ﺗﯜﺭﻣﯩﺪﯨﻤﯘ ﺳﻮﺭﺍﻗﭽﻰ ﮔﯘﻧﺪﯨﭙﺎﻳﻼﺭﻏﺎ ﺑﺎﺵ ﺋﻪﮔﻤﻪﺳﺘﯩﻦ، ﺋﯘﻳﻐﯘﺭ ﻣﯩﻠﻠﯩﺘﯩﺪﯨﻦ ﺑﻮﻟﻐﺎﻥ ﺳﺎﻗﭽﻰ ﯞﻩ ﮔﯘﻧﺪﯨﭙﺎﻳﻼﺭﻏﺎ ﺋﯚﺯﯨﻨﯩﯔ ﺋﯘﻻﺭ ﺑﯩﻠﻪﻥ ﺑﯩﺮ ﻣﯩﻠﻠﻪﺕ ﻣﯘﺳﯘﻟﻤﺎﻥ ﻗﯧﺮﯨﻨﺪﺍﺵ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﻼﺭﻏﺎ ﻫﻪﺭ ﻗﺎﻧﭽﻪ ﻛﯚﻳﯜﻧﯜﭖ ﻣﯩﻠﻠﯩﺘﯩﻨﻰ ﺧﺎﺭﻟﯩﺴﯩﻤﯘ ﺧﯩﺘﺎﻳﻼﺭ ﺋﯘﻻﺭﺩﯨﻦ ﺭﺍﺯﻯ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻠﯩﺘﯩﭗ ﺳﯚﺯ ﻗﯩﻠﻐﺎﻥ.

ﻧﺎﻣﺎﻳﯩﺸﭽﯩﻼﺭ ﺋﺎﻓﯧﻨﺎﺩﯨﻜﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﯧﻘﯩﺶ ﻣﯘﺭﺍﺳﯩﻤﯩﺪﺍ ﺧﯩﺘﺎﻳﻐﺎ ﻗﺎﺭﺷﻰ ﻛﺎﺷﯩﻼ ﭼﯩﻘﯩﺮﯨﭗ ﻫﻪﻳﯟﻩ ﻛﯚﺭﺳﻪﺗﺘﻰ

2008 ‏ - ﻳﯩﻠﻘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﻣﻪﺷﺌﯩﻠﯩﻨﻰ ﻳﯧﻘﯩﺶ ﻣﯘﺭﺍﺳﯩﻤﻰ ﺩﯛﺷﻪﻧﺒﻪ ﻛﯜﻧﻰ ﮔﺮﯦﺘﺴﯩﻴﻪ ﭘﺎﻳﺘﻪﺧﺘﻰ ﺋﺎﻓﯧﻨﺎﺩﯨﻜﻰ ﺋﻮﻟﯩﻤﭙﯩﻴﻪ ﺗﯧﻐﯩﺪﺍ ﺋﯚﺗﻜﯜﺯﯛﻟﺪﻯ. ﻣﯘﺭﺍﺳﯩﻤﻐﺎ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺭﻩﺋﯩﺴﻰ ﺟﻪﻛﺲ ﺭﻭﮔﯥ ﯞﻩ ﺑﯧﻴﺠﯩﯔ ﺷﻪﻫﯩﺮﯨﻨﯩﯔ ﺑﺎﺷﻠﯩﻘﻰ ﻟﻴﯘ ﭼﻰ ﻗﺎﺗﻨﺎﺷﻘﺎﻥ ﺋﯩﺪﻯ. ﻣﯘﺭﺍﺳﯩﻤﺪﺍ ﮔﺮﯦﺘﺴﯩﻴﻪ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺟﯩﺪﺩﯨﻲ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﺋﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺗﯩﺒﻪﺕ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﻣﯘﺭﺍﺳﯩﻢ ﻣﻪﻳﺪﺍﻧﯩﻐﺎ ﻛﯩﺮﯨﭗ، ﺧﯩﺘﺎﻳﻐﺎ ﻗﺎﺭﺷﻰ ﻫﻪﻳﯟﻩ ﻛﯚﺭﺳﯩﺘﯩﺸﯩﻨﻰ ﺗﻮﺳﯩﻴﺎﻟﻤﯩﺪﻯ.
" ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﺑﯘ ﺩﯙﻟﻪﺗﻨﻰ ﺑﺎﻳﻘﯘﺕ ﻗﯩﻼﻳﻠﻰ"
ﺩﯛﺷﻪﻧﺒﻪ ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﻣﻪﺷﺌﯩﻠﯩﻨﻰ ﻳﯧﻘﯩﺶ ﻣﯘﺭﺍﺳﯩﻤﻰ ﮔﯩﺮﯨﺘﺴﯩﻴﻪ ﭘﺎﻳﺘﻪﺧﺘﻰ ﺋﺎﻓﯩﻨﺎ ﺳﯩﺮﺗﯩﺪﯨﻜﻰ ﺋﻮﻟﯩﻤﭙﯩﻴﻪ ﺗﯧﻐﯩﺪﺍ ﺋﯚﺗﻜﯜﺯﯛﻟﮕﻪﻧﺪﻩ، ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﻣﻪﺳﺌﯘﻟﻰ ﺭﻭﺑﯧﺮﺕ ﻣﯧﻨﺎﺭﺩ ﺑﺎﺷﭽﯩﻠﯩﻘﯩﺪﯨﻜﻰ 3 ﻛﯩﺸﯩﻠﯩﻚ ﺑﯩﺮ ﮔﯘﺭﯗﭘﭙﺎ 5 ﺩﺍﻧﻪ ﻛﻮﻳﺰﯨﻨﯩﯔ ﺭﻩﺳﯩﻤﻰ ﭼﯜﺷﯜﺭﯛﻟﮕﻪﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻣﻪﺯﻣﯘﻧﯩﺪﯨﻜﻰ ﻟﻮﺯﯗﻧﻜﯩﻼﺭﻧﻰ ﭼﯩﻘﯩﺮﯨﭗ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﺷﻜﻪ ﺋﯧﺘﯩﺮﺍﺯ ﺑﯩﻠﺪﯛﺭﺩﻯ. ﯞﻩﻗﻪ ﻳﯜﺯ ﺑﻪﺭﮔﻪﻧﺪﻩ ﺑﯧﻴﺠﯩﯔ ﺷﻪﻫﻪﺭ ﺑﺎﺷﻠﯩﻘﻰ ﻟﻴﯘ ﭼﻰ ﻣﯘﺭﺍﺳﯩﻤﺪﺍ ﺳﯚﺯﻟﻪﯞﺍﺗﻘﺎﻥ ﺑﻮﻟﯘﭖ، ﺳﺎﻗﭽﯩﻼﺭ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺑﯘ ﺋﯜﭺ ﺧﺎﺩﯨﻤﯩﻨﻰ ﻧﻪﻕ ﻣﻪﻳﺪﺍﻧﺪﯨﻦ ﺩﻩﺭﻫﺎﻝ ﻳﯩﺮﺍﻗﻼﺷﺘﯘﺭﺩﻯ.
ﮔﺮﯦﺘﺴﯩﻴﻪ ﻫﯚﻛﯜﻣﯩﺘﻰ ﺋﻮﻟﯩﻤﭙﯩﻴﻪ ﺗﯧﻐﯩﺪﯨﻜﻰ ﻣﯘﺭﺍﺳﯩﻤﻨﻰ ﻗﻮﻏﺪﺍﺵ ﺋﯜﭼﯜﻥ 1000 ﻧﻪﭘﻪﺭ ﺳﺎﻗﭽﯩﻨﻰ ﺳﻪﭘﻪﺭﯞﻩﺭ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺧﺎﺩﯨﻤﻠﯩﺮﻯ ﺳﺎﻗﭽﯩﻼﺭﻧﯩﯔ ﺑﯩﺨﻪﺗﻪﺭﻟﯩﻚ ﭼﻪﻣﺒﯩﺮﯨﻜﯩﺪﯨﻦ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺋﯚﺗﯜﭖ، ﻣﯘﺭﺍﺳﯩﻢ ﻣﻪﻳﺪﺍﻧﯩﻐﺎ ﻗﻪﺩﻩﺭ ﻛﯩﺮﯨﺸﻜﻪ ﻗﺎﺩﯨﺮ ﺑﻮﻻﻟﯩﻐﺎﻥ. ﺋﯘﻻﺭﻧﯩﯔ ﻫﻪﺭﯨﻜﯩﺘﻰ ﻟﻴﯘ ﭼﯩﻨﯩﯔ ﺳﯚﺯﯨﻨﻰ ﺑﯚﻟﯜﯞﯦﺘﻪﻟﻤﯩﺪﻯ، ﻟﯧﻜﯩﻦ ﺧﯩﺘﺎﻱ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﻯ ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﯩﺮﯨﺪﻩ ﻣﯘﺭﺍﺳﯩﻤﺪﯨﻜﻰ ﺑﯘ ﯞﻩﻗﻪﻧﻰ ﺑﻪﺭﻣﯩﮕﻪﻥ.
ﻣﯘﺭﺍﺳﯩﻤﺪﺍ ﭼﯧﮕﺮﯨﺴﯩﺰ ﻣﯘﺧﺒﯩﺮ ﺗﻪﺷﻜﯩﻼﺗﯩﻨﯩﯔ ﺑﯩﺮ ﺧﺎﺩﯨﻤﻰ "ﻛﯩﺸﯩﻠﯩﻚ ﻫﻮﻗﯘﻗﻨﻰ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﺑﯘ ﺩﯙﻟﻪﺗﻨﻰ ﺑﺎﻳﻘﯘﺕ ﻗﯩﻼﻳﻠﻰ" ﺩﯦﮕﻪﻥ ﻟﻮﺯﯗﻧﻜﺎ ﭼﯩﻘﺎﺭﺩﻯ. ﻳﻪﻧﻪ ﺑﯩﺮ ﺧﺎﺩﯨﻢ ﻟﻴﯘ ﭼﯩﻨﯩﯔ ﺋﺎﻟﺪﯨﺪﯨﻜﻰ ﻣﯩﻜﺮﺍﻓﻮﻧﻨﻰ ﺗﺎﺭﺗﯩﯟﺍﻟﻤﺎﻗﭽﻰ ﺑﻮﻟﺪﻯ، ﻟﯧﻜﯩﻦ ﻣﻪﻗﺴﯩﺪﯨﮕﻪ ﻳﯧﺘﻪﻟﻤﻪﻱ " ﺋﻪﺭﻛﯩﻨﻠﯩﻚ، ﺋﻪﺭﻛﯩﻨﻠﯩﻚ " ﺩﻩﭖ ﯞﺍﺭﻗﯩﺮﯨﺪﻯ.
" ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﺗﯩﺒﻪﺕ ﺯﯦﻤﯩﻨﯩﺪﯨﻦ ﺋﯚﺗﯜﺷﯩﻨﻰ ﺑﯩﻜﺎﺭ ﻗﯩﻠﯩﺶ ﻛﯧﺮﻩﻙ "
ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺩﯗﻧﻴﺎﺩﯨﻜﻰ 20 ﻧﻪﭼﭽﻪ ﺩﯙﻟﻪﺕ ﯞﻩ ﺭﺍﻳﻮﻧﻨﻰ ﺋﺎﻳﻠﯩﻨﯩﭗ، 8 ‏ - ﺋﺎﻳﻨﯩﯔ 8 ‏ - ﻛﯜﻧﻰ ﺑﯧﻴﺠﯩﯖﻐﺎ ﻳﯧﺘﯩﭗ ﺑﯧﺮﯨﺸﻰ ﻛﯧﺮﻩﻙ. ﺧﯩﺘﺎﻳﻼﺭ ﻣﻪﺷﺌﻪﻟﻨﻰ ﺗﯩﺒﻪﺕ ﯞﻩ ﺟﯘﻣﯘﻻﯕﻤﺎ ﭼﻮﻗﻘﯩﺴﯩﻐﺎ ﻗﻪﺩﻩﺭ ﻳﻪﺗﻜﯜﺯﯛﺵ ﭘﯩﻼﻧﻰ ﺑﺎﺭﻟﯩﻘﯩﻨﻰ ﺋﯧﻼﻥ ﻗﯩﻠﺪﻯ. ﻟﯧﻜﯩﻦ ﭼﻪﺗﺌﻪﻟﺪﻩ ﺳﯜﺭﮔﯜﻧﺪﯨﻜﻰ ﺗﯩﺒﻪﺗﻠﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺕ ﺧﻪﻟﻘﯩﻨﻰ ﺑﺎﺳﺘﯘﺭﯗﯞﺍﺗﻘﺎﻥ ﺋﻪﻫﯟﺍﻟﺪﺍ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺗﯩﺒﻪﺕ ﺯﯦﻤﯩﻨﯩﺪﺍ ﺋﺎﻳﻼﻧﺪﯗﺭﯗﺷﻨﯩﯔ ﺋﯚﺯﻯ ﺋﻮﻟﯩﻤﭙﯩﻚ ﺭﻭﻫﯩﻐﺎ " ﻫﺎﻗﺎﺭﻩﺕ " ﺩﻩﭖ ﺋﻪﻳﯩﺒﻠﯩﻤﻪﻛﺘﻪ.
ﮔﺮﯨﺘﺴﯩﻴﯩﺪﯨﻜﻰ ﺗﯩﺒﻪﺕ ﭘﺎﺋﺎﻟﯩﻴﯩﺘﯩﻨﯩﯔ ﺑﯩﺮ ﻳﯧﺘﻪﻛﭽﯩﺴﻰ ﺭﺍﺩﯨﺌﻮﻣﯩﺰﻏﺎ،" ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﻰ ﺧﯩﺘﺎﻳﻨﯩﯔ ﺗﯩﺒﻪﺗﺘﯩﻜﻰ ﺯﻭﺭﺍﯞﺍﻧﻠﯩﻘﻰ ﯞﻩ ﺑﯘﺯﻏﯘﻧﭽﯩﻠﯩﻘﯩﻨﻰ ﻛﯚﺭﻣﻪﺳﻜﻪ ﺳﯧﻠﯩﯟﺍﺗﯩﺪﯗ. ﻣﻪﻥ ﺗﯩﺒﻪﺕ ﺧﻪﻟﻘﯩﻐﻪ ﯞﺍﻛﺎﻟﯩﺘﻪﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﺗﯩﺒﻪﺕ ﺯﯦﻤﯩﻨﯩﺪﯨﻦ ﺋﯚﺗﯜﺷﯩﻨﻰ ﺑﯩﻜﺎﺭ ﻗﯩﻠﯩﺸﻘﺎ ﭼﺎﻗﯩﺮﯨﻤﻪﻥ "ﺩﻩﭖ ﻛﯚﺭﺳﻪﺗﺘﻰ. ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺩﯛﺷﻪﻧﺒﻪ ﻛﯜﻧﻰ ﺋﻮﻟﯩﻤﭙﯩﻴﻪ ﺑﺎﺯﯨﺮﯨﺪﺍ ﺑﯩﺮ ﮔﯘﺭﯗﭘﭙﺎ ﺗﯩﺒﻪﺗﻠﻪﺭﻧﯩﯔ ﺗﻮﺳﯘﺷﯩﻐﺎ ﺋﯘﭼﺮﯨﺪﻯ.
ﺗﯩﺒﻪﺗﻠﻪﺭ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯧﻠﯩﭗ ﻣﺎﯕﻐﯘﭼﯩﻨﯩﯔ ﺋﺎﻟﺪﯨﻨﻰ ﺗﻮﺭﺍﭖ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻗﺎﺭﺷﻰ ﺷﯘﺋﺎﺭ ﺗﻮﯞﻟﯩﻐﺎﻧﺪﺍ، ﮔﺮﯨﺘﺴﯩﻴﯩﻠﯩﻚ ﺳﺎﻗﭽﯩﻼﺭﻧﯩﯔ ﺗﯘﺗﻘﯘﻥ ﻗﯩﻠﯩﺸﯩﻐﺎ ﺋﯘﭼﺮﯨﺪﻯ. ﺋﯘﻻﺭ ﺋﻮﻟﯩﻤﭙﯩﻴﻪﺩﯨﻜﻰ ﺑﯩﺮ ﻣﯧﻬﻤﺎﻧﺨﺎﻧﺎ ﺋﺎﻟﺪﯨﺪﺍ ﺋﯚﺯﯨﻨﻰ ﻗﯩﺰﯨﻞ ﺭﻩﯕﮕﻪ ﺑﻮﻳﺎﭖ، ﺋﻮﻟﯩﻤﭙﯩﻴﻪ ﺑﺎﺯﯨﺮﯨﻨﯩﯔ ﺋﺎﺳﺎﺳﯩﻲ ﻛﻮﭼﯩﺴﯩﺪﺍ ﻳﯧﺘﯩﯟﺍﻟﻐﺎﻥ ﯞﻩ ﺧﯩﺘﺎﻳﻐﺎ ﻗﺎﺭﺷﻰ ﺷﯘﺋﺎﺭﻻﺭﻧﻰ ﺗﻮﯞﻟﯩﻐﺎﻥ ﺋﯩﺪﻯ.
"ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺧﯩﺘﺎﻳﻨﯩﯔ ﺋﯚﺯﮔﯩﺮﯨﺸﯩﮕﻪ ﺋﯩﺠﺎﺑﯩﻲ ﻫﻪﺳﺴﻪ ﻗﻮﺷﯩﺪﯗ "
ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﺭﻩﺋﯩﺴﻰ ﺟﻪﻛﺲ ﺭﻭﮔﯥ، ﺩﯛﺷﻪﻧﺒﻪ ﻛﯜﻧﻰ ﺋﺎﻓﯧﻨﺎﺩﺍ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺧﻪﻟﻘﺌﺎﺭﺍ ﺗﻪﺷﻜﯩﻼﺗﻼﺭﻧﯩﯔ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺶ ﻳﺎﻛﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﭼﺎﻗﯩﺮﯨﻘﯩﻐﺎ ﺟﺎﯞﺍﺏ ﺑﻪﺭﮔﻪﻥ. ﺋﯚﺯﯨﻨﯩﯔ ﺑﯘ ﻣﻪﺳﯩﻠﯩﻠﻪﺭﺩﻩ ﺧﯩﺘﺎﻱ ﺑﯩﻠﻪﻥ " ﻻﻡ - ﺟﯩﻢ ﺩﯨﭙﻠﻮﻣﺎﺗﯩﻴﯩﺴﻰ" ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ، ﺧﯩﺘﺎﻳﻼﺭ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺧﯘﭘﯩﻴﺎﻧﻪ ﺳﯚﻫﺒﻪﺗﻠﻪﺭﺩﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﯜﺯﻟﯜﻛﺴﯩﺰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺟﻪﻛﺲ ﺭﻭﮔﯥ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺧﯩﺘﺎﻳﻨﯩﯔ ﺋﯚﺯﮔﯩﺮﯨﺸﯩﮕﻪ ﺋﯩﺠﺎﺑﯩﻲ ﻫﻪﺳﺴﻪ ﻗﻮﺷﯩﺪﯗ، ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻤﻪﻛﺘﻪ.
ﻟﯧﻜﯩﻦ ﺭﻭﮔﯥ، ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻳﯧﻘﯩﺶ ﻣﯘﺭﺍﺳﯩﻤﯩﺪﺍ ﺳﯚﺯﻟﯩﮕﻪﻥ ﺳﯚﺯﯨﺪﻩ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﮕﻪ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻳﺎﻟﻐﯘﺯ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﻰ ﺋﻪﻣﻪﺳﻠﯩﻜﯩﻨﻰ ﺧﺎﺗﯩﺮﯨﻠﻪﺗﺘﻰ. ﺋﯘ، " ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻳﺎﻟﻐﯘﺯ ﻣﯘﻧﻪﯞﯞﻩﺭ ﺗﻪﻧﺘﻪﺭﺑﯩﻴﻪ ﺗﯜﺭﻟﯩﺮﯨﻨﻰ ﻧﺎﻣﺎﻳﻪﻥ ﻗﯩﻠﯩﺶ ﭘﯘﺭﺳﯩﺘﻰ ﺋﻪﻣﻪﺱ، ﺑﯘ ﻳﻪﻧﻪ ﺧﯩﺘﺎﻱ ﯞﻩ ﭘﯜﺗﯜﻥ ﻳﻪﺭ ﺷﺎﺭﯨﺪﯨﻜﻰ ﺋﯩﻨﺴﺎﻧﻼﺭﻧﯩﯔ ﻗﺎﺭﺷﻰ ﺗﻪﺭﻩﭘﻨﻰ ﺑﺎﻳﻘﺎﺵ ﯞﻩ ﻫﯚﺭﻣﻪﺕ ﻗﯩﻠﯩﺸﻨﻰ ﺋﯜﮔﯜﻧﯩﺶ ﭘﯘﺭﺳﯩﺘﯩﺪﯗﺭ " ﺩﻩﻳﺪﯗ.
"ﺳﯚﻫﺒﻪﺕ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻨﯩﯔ ﺑﯩﺮﺩﯨﻦ ‏ - ﺑﯩﺮ ﻳﻮﻟﯩﺪﯗﺭ "
ﺑﯧﻴﺠﯩﯔ ﺷﻪﻫﻪﺭ ﺑﺎﺷﻠﯩﻘﻰ ﻟﻴﯘ ﭼﻰ ﻣﯘﺭﺍﺳﯩﻤﺪﺍ ﺳﯚﺯﻟﯩﮕﻪﻥ ﺳﯚﺯﯨﺪﻩ ﺗﯩﺒﻪﺕ ﯞﻩ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻳﺎﻛﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺗﻮﺳﺎﺵ ﻫﻪﻗﻘﯩﺪﯨﻜﻰ ﭼﺎﻗﯩﺮﯨﻘﯩﻐﺎ ﺋﯩﻨﻜﺎﺱ ﻗﺎﻳﺘﯘﺭﻣﯩﺪﻯ. ﺋﯘ ﭘﻪﻗﻪﺕ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﯩﯔ ﺋﻮﻟﯩﻤﭙﯩﻚ ﺭﻭﻫﯩﻨﻰ ﺗﺎﺭﻗﯩﺘﯩﭗ، 5 ﻗﯩﺘﺌﻪﮔﻪ ﺗﯩﻨﭽﻠﯩﻖ ﯞﻩ ﺋﯜﻣﯩﺪ ﭼﺎﭼﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﭼﻪﺗﺌﻪﻟﺪﯨﻜﻰ ﺗﯩﺒﻪﺕ ﯞﻩ ﺗﯩﺒﻪﺗﻨﻰ ﻫﯩﻤﺎﻳﻪ ﻗﯩﻠﻐﯘﭼﻰ ﺋﻮﺭﮔﺎﻧﻼﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺶ ﭘﺎﺋﺎﻟﯩﻴﯩﺘﻰ ﻣﻪﺳﯩﻠﯩﻨﯩﯔ ﺑﯩﺮ ﺗﻪﺭﯨﭙﻰ. ﻣﻪﺳﯩﻠﯩﻨﯩﯔ ﻳﻪﻧﻪ ﺑﯩﺮ ﺗﻪﺭﯨﭙﻰ ﺗﯩﺒﻪﺕ ﻣﻪﺳﯩﻠﯩﺴﯩﻨﯩﯔ ﺩﯙﻟﻪﺗﻠﻪﺭﺋﺎﺭﺍ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻠﻪﺭﺩﻩ ﻛﯜﻥ ﺗﻪﺭﺗﯩﭙﯩﺪﯨﻜﻰ ﺑﯩﺮ ﻣﻪﺳﯩﻠﻪ ﺑﻮﻟﯘﭖ ﻗﯧﻠﯩﯟﺍﺗﻘﺎﻧﻠﯩﻘﯩﺪﯗﺭ.
ﺋﺎﻣﯧﺮﯨﻜﺎ ﺗﺎﺷﻘﯩﻲ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﯩﺲ، ﺩﯛﺷﻪﻧﺒﻪ ﻛﯜﻧﻰ ﻫﯩﻨﺪﯨﺴﺘﺎﻧﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ "ﺩﺍﯞﺍﻣﻼﺷﺘﯘﺭﻏﯩﻠﻰ ﺑﻮﻟﯩﺪﯨﻐﺎﻥ" ﺳﯩﻴﺎﺳﻪﺕ ﻳﯜﺭﮔﯜﺯﯛﺷﻜﻪ ﭼﺎﻗﯩﺮﺩﻯ ﯞﻩ ﺑﯩﺮﺩﯨﻦ ‏ - ﺑﯩﺮ ﻳﻮﻟﻨﯩﯔ ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ. ﺭﺍﻳﯩﺲ ﻫﯩﻨﺪﯨﺴﺘﺎﻥ ﺋﯩﭽﻜﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺳﯩﯔ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﯩﺪﯨﻦ ﻛﯧﻴﯩﻦ ﻣﯘﺧﺒﯩﺮﻻﺭﻧﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﯧﺮﯨﭗ،" ﺑﯩﺰ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻨﯩﯔ ﺋﯘﺳﯘﻟﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﺘﻪ ﺑﯩﺮ ﻳﯜﺭﯛﺵ ﺩﺍﯞﺍﻣﻼﺷﺘﯘﺭﻏﯩﻠﻰ ﺑﻮﻟﯩﺪﯨﻐﺎﻥ ﺳﯩﻴﺎﺳﻪﺕ ﻳﯜﺭﮔﯜﺯﯛﺷﻰ، ﺩﻩﭖ ﻗﺎﺭﺍﻳﻤﯩﺰ " ﺩﯦﺪﻯ. ﺧﯩﺘﺎﻳﻨﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﭼﺎﻗﯩﺮﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺭﺍﻳﯩﺲ، " ﺑﯩﺰ 2 ﺗﻪﺭﻩﭘﻨﻰ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﺭﯨﻐﺒﻪﺗﻠﻪﻧﺪﯛﺭﯨﻤﯩﺰ. ﭼﯜﻧﻜﻰ ﺗﯧﮕﻰ ‏ - ﺗﻪﻛﺘﯩﺪﯨﻦ ﺋﺎﻟﻐﺎﻧﺪﺍ ﺳﯚﻫﺒﻪﺕ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻨﯩﯔ ﺑﯩﺮﺩﯨﻦ ‏ - ﺑﯩﺮ ﻳﻮﻟﯩﺪﯗﺭ " ﺩﻩﭖ ﺋﻪﺳﻜﻪﺭﺗﯩﺪﯗ.
ﺧﯩﺘﺎﻱ ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﮔﯚﺭﯛﮔﻪ ﺋﯧﻠﯩﯟﺍﻟﻤﺎﻗﭽﻰ ﺑﻮﻟﺪﻯ، ﺩﻩﭖ ﺋﻪﻳﯩﺒﻠﯩﮕﻪﻥ ﺑﻮﻟﺴﯩﻤﯘ،ﻟﯧﻜﯩﻦ ﺩﺍﻻﻱ ﻻﻣﺎ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯜﺷﯩﻨﻰ ﻗﻮﻟﻼﭖ، ﺋﻮﻟﯩﻤﭙﯩﻜﻨﻰ ﺑﺎﻳﻘﯘﺕ ﻗﯩﻠﯩﺶ ﭼﺎﻗﯩﺮﯨﻘﯩﻐﺎ ﺋﺎﯞﺍﺯ ﻗﻮﺷﯘﺷﻨﻰ ﺭﻩﺕ ﻗﯩﻠﻤﺎﻗﺘﺎ ﺋﯩﺪﻯ. ﺋﯘ، ﺋﺎﻟﺪﯨﻨﻘﻰ ﻛﯜﻧﻰ ﻳﯧﯖﻰ ﺩﯦﻬﻠﯩﺪﺍ ﻣﯘﺧﺒﯩﺮﻻﺭﻏﺎ ﺧﯩﺘﺎﻳﻨﯩﯔ ﺩﺍﻻﻱ ﺋﻮﻟﯩﻤﭙﯩﻜﻨﻰ ﮔﯚﺭﯛﮔﻪ ﺋﯧﻠﯩﯟﺍﻟﻤﺎﻗﭽﻰ، ﺩﯦﮕﻪﻥ ﺋﻪﻳﯩﺒﻠﯩﺸﯩﻨﻰ " ﺋﺎﺳﺎﺳﺴﯩﺰ" ﺩﻩﭖ ﺭﻩﺕ ﻗﯩﻠﺪﻯ.

ﺗﻪﻳﯟﻩﻧﻨﯩﯔ ﻳﯧﯖﻰ ﺳﯩﻴﺎﺳﯩﺘﻰ: ﺧﯩﺘﺎﻱ ﺑﯩﻠﻪﻥ ﺑﯩﺮﻟﻪﺷﻤﻪﺳﻠﯩﻚ، ﺗﻪﻳﯟﻩﻧﻤﯘ ﻣﯘﺳﺘﻪﻗﯩﻞ ﺑﻮﻟﻤﺎﺳﻠﯩﻖ، ﺋﯩﻜﻜﻰ ﺗﻪﺭﻩﭖ ﻗﻮﺭﺍﻝ ﺋﯩﺸﻠﻪﺗﻤﻪﺳﻠﯩﻚ

ﺗﻪﻳﯟﻩﻧﺪﻩ 3 ‏ - ﺋﺎﻳﻨﯩﯔ 22‏ - ﻛﯜﻧﻰ ﺋﯚﺗﻜﯜﺯﯛﻟﮕﻪﻥ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﻨﯩﯔ ﻧﻪﺗﯩﺠﯩﺴﯩﺪﻩ، ﺗﻪﻳﯟﻩﻧﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺑﻮﻟﯘﭖ ﻛﯩﺮﯨﺶ ﻻﻳﯩﻬﯩﺴﻰ ﺋﻮﻣﯘﻡ ﺧﻪﻟﻖ ﺋﺎﯞﺍﺯ ﻗﻮﻳﯘﺷﺘﺎ ﻣﺎﻗﯘﻟﻼﻧﻤﯩﺪﻯ. ﺳﺎﻳﻼﻣﺪﺍ ﺗﻪﻳﯟﻩﻧﺪﯨﻜﻰ ﺋﯚﻛﺘﯩﭽﻰ ﭘﺎﺭﺗﯩﻴﻪ‏ - ‏ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﻰ ﻛﯚﺭﺳﻪﺗﻜﻪﻥ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻰ ﻣﺎ ﻳﯩﯖﺠﯘ ﺋﻪﭘﻪﻧﺪﻯ %58 ﺋﺎﯞﺍﺯﻏﺎ ﺋﯧﺮﯨﺸﯩﭗ ﻏﻪﻟﯩﺒﻪ ﻗﺎﺯﺍﻧﺪﻯ.
ﻣﺎ ﻳﯩﯖﺠﯘ ﺋﻪﭘﻪﻧﺪﻯ ﻫﺎﺯﯨﺮ ﺋﯚﺯﯨﻨﯩﯔ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﺳﯩﻴﺎﺳﯩﺘﯩﻨﻰ ﺋﯩﺨﭽﺎﻡ ﻗﯩﻠﯩﭗ 'ﺑﯩﺮﻟﻪﺷﻤﻪﺳﻠﯩﻚ، ﻣﯘﺳﺘﻪﻗﯩﻞ ﺑﻮﻟﻤﺎﺳﻠﯩﻖ، ﻗﻮﺭﺍﻝ ﺋﯩﺸﻠﻪﺗﻤﻪﺳﻠﯩﻚ' ﺗﯩﻦ ﺋﯩﺒﺎﺭﻩﺕ ﺩﻩﭖ ﺟﺎﻛﺎﺭﻟﯩﺪﻯ. 23 ‏ - ﻣﺎﺭﺕ ﻛﯜﻧﻰ ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ، ﺳﯩﻨﮕﺎﭘﻮﺭ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﻣﺎ ﻳﯩﯖﺠﯘﻧﯩﯔ ﺗﻪﻳﯟﻩﻧﻨﯩﯔ ﻛﯧﻠﻪﺭﻛﻰ ﻧﯚﯞﻩﺗﻠﯩﻚ ﭘﺮﯦﺰﯨﺪﯦﻨﺘﻰ ﺑﻮﻟﯘﭖ ﺳﺎﻳﻼﻧﻐﺎﻧﻠﯩﻘﯩﻨﻰ ﺗﻪﺑﺮﯨﻜﻠﯩﺪﻯ. ﻣﺎﻳﯩﯖﺠﯘ ﺋﻪﭘﻪﻧﺪﯨﻤﯘ ﭘﺮﯦﺰﯨﺪﯦﻨﺘﻠﯩﻖ ﯞﻩﺯﯨﭙﯩﺴﯩﻨﻰ ﺋﯚﺗﻪﺷﻜﻪ ﺑﺎﺷﻼﺷﺘﯩﻦ ﺑﯘﺭﯗﻥ ﺋﺎﻣﯧﺮﯨﻜﺎ ﯞﻩ ﻳﺎﭘﻮﻧﯩﻴﯩﻠﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺸﻨﻰ ﺋﯜﻣﯩﺪ ﻗﯩﻠﯩﺪﯨﻜﻪﻥ.
ﻣﺎ ﻳﯩﯖﺠﯘ ﺋﯚﺯﯨﻨﻰ ﻳﺎﭘﻮﻧﯩﻴﯩﮕﻪ ﻗﺎﺭﺷﻰ ﺋﻪﻣﻪﺱ، ﺑﻪﻟﻜﻰ ﻫﻪﻣﻜﺎﺭﻻﺷﻘﯘﭼﻰ، ﺩﯦﺪﻯ
ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺗﻪﻳﯟﻩﻧﺪﯨﻜﻰ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﺪﺍ ﻣﺎ ﻳﯩﯖﺠﯘ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺳﺎﻳﻼﻧﻐﺎﻧﺪﯨﻦ ﻛﯧﻴﯩﻦ، ﺋﯘ ﺭﻩﺳﻤﯩﻲ ﯞﻩﺯﯨﭙﻪ ﺋﯚﺗﻪﺷﺘﯩﻦ ﺑﯘﺭﯗﻥ، ﺋﯚﺯﯨﻨﯩﯔ ﺋﯩﭽﻜﻰ ﯞﻩ ﺗﺎﺷﻘﻰ ﺳﯩﻴﺎﺳﯩﺘﯩﻨﻰ ﺧﯩﺘﺎﻱ ﺑﯩﻠﻪﻥ ﺑﯩﺮﻟﻪﺷﻤﻪﺳﻠﯩﻚ، ﺗﻪﻳﯟﻩﻥ ﺋﯚﺯﯨﻤﯘ ﻣﯘﺳﺘﻪﻗﯩﻞ ﺑﻮﻟﻤﺎﺳﻠﯩﻖ، ﺋﯩﻜﻜﻰ ﺗﻪﺭﻩﭖ ﻗﻮﺭﺍﻝ ﺋﯩﺸﻠﻪﺗﻤﻪﺳﻠﯩﻚ' ﺗﯩﻦ ﺋﯩﺒﺎﺭﻩﺕ ﺩﻩﭖ ﺟﺎﻛﺎﺭﻟﯩﺪﻯ ﯞﻩ ﺭﻩﺳﻤﯩﻲ ﯞﻩﺯﯨﭙﻪ ﺋﯚﺗﻪﺷﺘﯩﻦ ﺑﯘﺭﯗﻥ ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺸﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
'ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ ﻳﻪﻧﻪ، ﻣﺎ ﻳﯩﯖﺠﯘﻧﻰ ﻳﺎﭘﻮﻧﯩﻴﯩﮕﻪ ﻗﺎﺭﺷﻰ ﺗﻪﺭﻩﭖ' ﺩﻩﭖ ﻗﺎﺭﺍﭖ ﻛﯧﻠﯩﯟﺍﺗﻘﺎﻥ ﻳﺎﭘﻮﻥ ﺋﯘﭼﯘﺭ ﯞﺍﺳﺘﯩﻠﯩﺮﻯ ﺑﯜﮔﯜﻥ ﻣﺎ ﻳﯩﯖﺠﯘ ﺋﻪﭘﻪﻧﺪﯨﻨﻰ ﺯﯨﻴﺎﺭﻩﺕ ﻗﯩﻠﺪﻯ. ﻣﺎ ﻳﯩﯖﺠﯘ ﺋﻪﭘﻪﻧﺪﻯ ﺋﯚﺯﯨﻨﯩﯔ ﻳﺎﭘﻮﻧﯩﻴﯩﮕﻪ ﻗﺎﺭﺷﻰ ﺗﻪﺭﻩﭘﺘﯩﻜﻰ ﺋﺎﺩﻩﻡ ﺋﻪﻣﻪﺱ، ﺑﻪﻟﻜﻰ ﻳﺎﭘﻮﻧﯩﻴﻪ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺪﯨﻐﺎﻥ ﺋﺎﺩﻩﻡ ﺋﯩﻜﻪﻧﻠﯩﻜﯩﻨﻰ، ﺷﯘﻧﺪﺍﻗﻼ 5 ‏ - ﺋﺎﻳﺪﯨﻦ ﺑﯘﺭﯗﻥ ﻳﺎﭘﻮﻧﯩﻴﯩﻨﻰ ﺯﯨﻴﺎﺭﻩﺕ ﻗﯩﻠﯩﺸﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺧﯩﺘﺎﻱ ﺑﺎﻳﺎﻧﺎﺗﭽﯩﺴﻰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﯩﻨﯩﯔ ﻣﺎ ﻳﯩﯖﺠﯘﻧﻰ ﺗﻪﺑﺮﯨﻜﻠﯩﮕﻪﻧﻠﯩﻜﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ
ﺷﯩﻨﺨﯘﺋﺎ ﺗﻮﺭ ﺑﯧﺘﯩﺪﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ 23 ‏ - ﻣﺎﺭﺕ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﺑﺎﻳﺎﻧﺎﺗﯩﺪﺍ، ﺋﺎﻣﯧﺮﯨﻜﺎ ﺋﯚﺯﯨﻨﯩﯔ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﺟﻪﻫﻪﺗﺘﻪ ﺑﻪﺭﮔﻪﻥ ﯞﻩﺩﯨﻠﯩﺮﯨﮕﻪ ﺋﻪﻣﻪﻝ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ، ﺋﺎﻣﯧﺮﯨﻜﺎ - ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺑﯘﺭﯗﻥ ﺗﯜﺯﯛﻟﮕﻪﻥ ﻛﯧﻠﯩﺸﯩﻤﻠﻪﺭﻧﻰ ﺗﻪﻛﯩﺘﻠﻪﺵ ﯞﻩ 'ﺩﯗﻧﻴﺎﺩﺍ ﭘﻪﻗﻪﺕ ﺑﯩﺮﻻ ﺟﯘﯕﮕﻮ ﺑﺎﺭ، ﺗﻪﻳﯟﻩﻥ ﺋﯘﻧﯩﯔ ﺑﯩﺮ ﻗﯩﺴﻤﻰ'ﺩﯦﮕﻪﻥ ﺳﯚﺯﻧﻰ ﻗﺎﻳﺘﯩﺪﯨﻦ ﺗﻪﻛﺮﺍﺭﻻﺵ ﺋﺎﺭﻗﯩﻠﯩﻖ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﯩﯔ ﻣﺎ ﻳﯩﯖﺠﯘﻏﺎ ﻳﻮﻟﻠﯩﻐﺎﻥ ﺗﻪﺑﺮﯨﻜﻨﺎﻣﯩﺴﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ. ﺟﻮﺭﺝ ﺑﯘﺵ ﺗﻪﺑﺮﯨﻚ ﺳﯚﺯﯨﺪﻩ، ﻣﺎ ﻳﯩﯖﺠﯘ ﺗﯩﻨﭽﻠﯩﻖ ﺟﻪﻫﻪﺗﺘﻪ ﻳﯧﯖﻰ ﭘﯘﺭﺳﻪﺗﻠﻪﺭﮔﻪ ﺋﯩﮕﻪ ﺑﻮﻟﯩﺪﯗ، ﺩﯦﮕﻪﻥ ﺋﯩﺪﻯ.
ﻣﺎ ﻳﯩﯖﺠﯘﻧﯩﯔ ﻗﺎﺭﯨﺸﯩﭽﻪ، ﺋﻪﻣﺪﻯ ﺗﻪﻳﯟﻩﻥ ﺭﻩﻫﺒﻪﺭﻟﯩﺮﻯ ﺧﯩﺘﺎﻳﻨﯩﯔ ﺗﻪﻫﺪﯨﺘﯩﻨﻰ ﺋﻪﯓ ﺗﯚﯞﻩﻥ ﺩﻩﺭﯨﺠﯩﮕﻪ ﭼﯜﺷﯜﺭﯛﭖ ﻗﻮﻳﺎﻻﻳﺪﯗ
ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺗﻪﻳﯟﻩﻧﺪﻩ ﻳﯧﯖﻰ ﭘﺮﯦﺰﯨﺪﯦﻨﺖ ﺑﻮﻟﯘﭖ ﺳﺎﻳﻠﯩﻨﯩﭗ، ﻳﯧﻘﯩﻨﺪﺍ ﯞﻩﺯﯨﭙﻪ ﺋﯚﺗﻪﺵ ﺋﺎﻟﺪﯨﺪﺍ ﺗﯘﺭﯗﯞﺍﺗﻘﺎﻥ ﻣﺎ ﻳﯩﯖﺠﯘ ﺋﻪﭘﻪﻧﺪﻯ 23 ‏ - ﻣﺎﺭﺕ ﻛﯜﻧﻰ ﭼﻪﺗﺌﻪﻝ ﺋﯘﭼﯘﺭ ﯞﺍﺳﺘﯩﻠﯩﺮﻯ ﺑﯩﻠﻪﻥ ﺋﯘﭼﺮﺍﺷﻘﺎﻧﺪﺍ، ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺷﻨﯩﯔ ﺗﻪﺑﺮﯨﻚ ﺗﯧﻠﯧﮕﺮﺍﻣﻤﯩﺴﯩﻨﻰ ﺋﻮﻗﯘﭖ ﺋﯚﺗﺘﻰ.
ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺗﻪﺑﺮﯨﻚ ﺗﯧﻠﯧﮕﺮﺍﻣﻤﯩﺴﯩﺪﺍ، ﺗﻪﻳﯟﻩﻥ ﺋﺎﺳﯩﻴﺎ ﺋﯜﭼﯜﻥ ﺑﯩﺮ ﺩﯦﻤﻮﻛﺮﺍﺗﯩﻴﻪ ﻣﻪﺷﺌﯩﻠﻰ، ﺩﯦﮕﻪﻥ ﺋﯩﺪﻯ. ﺷﯘﻧﺪﺍﻗﻼ، ﻣﺎ ﻳﯩﯖﺠﯘ ﺗﻪﻳﯟﻩﻧﮕﻪ ﭘﺮﯦﺰﯨﺪﯦﻨﺖ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﺋﯩﺨﺘﯩﻼﭘﻼﺭﻧﻰ ﻫﻪﻝ ﻗﯩﻠﯩﺶ ﯞﻩ ﺗﯩﻨﭽﻠﯩﻖ ﺟﻪﻫﻪﺗﻠﻪﺭﺩﻩ ﻳﯧﯖﻰ ﭘﯘﺭﺳﻪﺗﻠﻪﺭﮔﻪ ﺋﯩﮕﻪ ﺑﻮﻟﯩﺪﯗ، ﺩﻩﭖ ﺋﯧﻴﺘﻘﺎﻥ.
ﻣﺎ ﻳﯩﯖﺠﯘ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ، ﺗﻪﻳﯟﻩﻥ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺧﯩﺘﺎﻱ ﺑﯩﻠﻪﻥ ﺗﯩﻨﭽﻠﯩﻖ ﻛﯧﻠﯩﺸﯩﻤﻰ ﺋﯩﻤﺰﺍﻻﺵ ﻧﺎﻫﺎﻳﯩﺘﻰ ﻣﯘﻫﯩﻢ، ﺑﯩﺰ ﻫﺎﺯﯨﺮ ﺧﯩﺘﺎﻱ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭ، ﻳﻪﻧﻰ ﻫﺎﺯﯨﺮﻗﻰ ﺭﯨﺌﺎﻝ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭ، ﺋﻪﻣﻤﺎ ﺗﻪﻳﯟﻩﻥ ﺋﯚﺯﯨﻨﯩﯔ ﻛﻪﻟﮕﯜﺳﻰ ﻫﻪﻗﻘﯩﺪﻩ ﻫﯧﭽﻘﺎﭼﺎﻥ ﺧﯩﺘﺎﻱ ﺑﯩﻠﻪﻥ ﻣﻪﺳﻠﯩﻬﻪﺗﻠﻪﺷﻤﻪﻳﺪﯗ، ﺑﯩﺮ ﺟﯘﯕﮕﻮ ﺩﯦﮕﻪﻥ ﺭﺍﻣﻜﺎ ﺋﯩﭽﯩﺪﻩ ﻫﻪﺭ ﺋﯩﻜﻜﻰ ﺗﻪﺭﻩﭖ ﺋﯚﺯﯨﻨﯩﯔ ﭼﯜﺷﻪﻧﭽﯩﺴﯩﻨﻰ ﺑﺎﻳﺎﻥ ﻗﯩﻠﯩﺶ ﺳﯩﻴﺎﺳﯩﺘﯩﻨﻰ ﺩﺍﯞﺍﻣﻼﺷﺘﯘﺭﯨﺪﯗ، ﻫﻪﺭ ﺋﯩﻜﻜﻰ ﺗﻪﺭﻩﭖ ﺑﯩﺮ - ﺑﯩﺮﯨﻨﻰ ﺗﻪﯓ - ﺑﺎﺭﺍﯞﻩﺭ ﺩﻩﭖ ﻗﺎﺭﯨﻐﺎﻧﺪﺍ، ﺋﺎﻧﺪﯨﻦ ﻣﻪﺳﯩﻠﻪ ﻫﻪﻝ ﺑﻮﻟﯩﺪﯗ، ﺩﯦﺪﻯ. ﻣﺎ ﻳﯩﯖﺠﯘ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺗﻪﻳﯟﻩﻧﮕﻪ ﺗﻪﻫﺪﯨﺖ ﺳﺎﻟﻐﺎﻧﻠﯩﻘﯩﻤﯘ ﺗﻪﻳﯟﻩﻥ ﺋﯜﭼﯜﻥ ﺑﯩﺮ ﭘﯘﺭﺳﻪﺕ، ﺑﯘﻧﯩﯖﺪﯨﻦ ﻛﯧﻴﯩﻦ ﺗﻪﻳﯟﻩﻥ ﺭﻩﻫﺒﻪﺭﻟﯩﺮﻯ ﺧﯩﺘﺎﻳﻨﯩﯔ ﺗﻪﻫﺪﯨﺘﯩﻨﻰ ﺋﻪﯓ ﺗﯚﯞﻩﻥ ﺩﻩﺭﯨﺠﯩﮕﻪ ﭼﯜﺷﯜﺭﯛﭖ ﻗﻮﻳﺎﻻﻳﺪﯗ.
ﺧﯩﺘﺎﻱ ﺋﻪﮔﻪﺭ ﺗﻪﻳﯟﻩﻧﮕﻪ ﻗﺎﺭﺍﺗﻘﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻼﺭﻧﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﻣﯩﺴﺎ ﺳﯚﻫﺒﻪﺕ ﺋﯚﺗﻜﯜﺯﯛﻟﻤﻪﻳﺪﯗ
ﺋﻪﻣﻤﺎ، ﻫﺎﺯﯨﺮﻗﻰ ﺗﻪﻳﯟﻩﻥ ﻫﯚﻛﯜﻣﯩﺘﯩﻨﯩﯔ ﭼﻮﯓ ﻗﯘﺭﯗﻗﻠﯘﻕ ﻛﻮﻣﯩﺘﯧﺘﯩﻨﯩﯔ ﻣﯘﺩﯨﺮﻯ ﺗﯘﯓ ﺟﯧﻨﻴﯘﺋﻪﻥ ﺋﻪﭘﻪﻧﺪﻯ ﻣﺎ ﻳﯩﯖﺠﯘ ﻫﻪﻗﻘﯩﺪﻩ ﺋﯚﺯﮔﯩﭽﻪ ﻛﯚﺯ ﻗﺎﺭﺍﺷﺘﺎ، ﺋﯘﻧﯩﯔ ﻗﺎﺭﯨﺸﯩﭽﻪ، ﺗﻪﻳﯟﻩﻥ ﺑﯩﻠﻪﻥ ﭼﻮﯓ ﻗﯘﺭﯗﻗﻠﯘﻕ ﺋﻮﺗﺘﯘﺭﯨﺴﯩﺪﺍ ﻫﺎﺯﯨﺮ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺪﯨﻐﺎﻥ ﻧﺎﻫﺎﻳﯩﺘﻰ ﻳﺎﺧﺸﻰ ﭘﯘﺭﺳﻪﺕ ﺑﻮﻟﺴﯩﻤﯘ، ﺋﻪﻣﻤﺎ ﻣﺎ ﻳﯩﯖﺠﯘ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﭗ ﻛﻮﻧﻜﺮﯦﺖ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺸﻘﺎ ﻗﺎﺩﯨﺮ ﺩﯦﮕﯩﻠﻰ ﺑﻮﻟﻤﺎﻳﺪﯗ.
ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻣﺎ ﻳﯩﯖﺠﯘ ﺋﻪﭘﻪﻧﺪﻯ 23 ‏ - ﻣﺎﺭﺕ ﻛﯜﻧﻰ ﻣﯘﺧﺒﯩﺮﻻﺭﻧﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ، ﺧﯩﺘﺎﻱ ﺋﺎﻟﺪﻯ ﺑﯩﻠﻪﻥ ﺗﻪﻳﯟﻩﻧﮕﻪ ﻗﺎﺭﯨﺘﺎ ﺗﯩﻜﻠﻪﭖ ﻗﻮﻳﻐﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻰ ﻛﯧﺮﻩﻙ، ﺋﯘﻧﺪﺍﻕ ﻗﯩﻠﻤﯩﺴﺎ، ﺗﻪﻳﯟﻩﻥ ﺋﯘﻻﺭ ﺑﯩﻠﻪﻥ ﺗﯩﻨﭽﻠﯩﻖ ﺳﯚﻫﺒﯩﺘﻰ ﺋﯧﻠﯩﭗ ﺑﺎﺭﻣﺎﻳﺪﯗ، ﺩﯦﮕﻪﻥ.
ﺗﻪﻳﯟﻩﻥ ﻫﯧﭽﻘﺎﭼﺎﻥ ﺗﯩﺒﻪﺕ ﻳﺎﻛﻰ ﺧﻮﯕﻜﻮﯓ ﺋﻪﻣﻪﺱ
ﻣﺎ ﻳﯩﯖﺠﯘ ﺋﻪﭘﻪﻧﺪﻯ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﺗﻮﺧﺘﺎﻟﻐﺎﻧﺪﺍ، ﺗﯩﺒﻪﺕ ﭼﻮﯓ ﻗﯘﺭﯗﻗﻠﯘﻗﻨﯩﯔ ﻫﯚﻛﯜﻣﺮﺍﻧﻠﯩﻘﻰ ﺋﺎﺳﺘﯩﺪﺍ ﺗﯘﺭﯗﯞﺍﺗﻘﺎﻥ ﺟﺎﻱ، ﺗﻪﻳﯟﻩﻥ ﺋﯘﻧﯩﯖﻐﺎ ﺋﻮﺧﺸﯩﻤﺎﻳﺪﯗ، ﺷﯘﯕﻼﺷﻘﺎ ﺗﻪﻳﯟﻩﻧﮕﻪ ﺗﯩﺒﻪﺕ، ﺧﻮﯕﻜﻮﯕﻼﺭ ﺑﯩﻠﻪﻥ ﺋﻮﺧﺸﺎﺵ ﻣﯘﺋﺎﻣﯩﻠﻪ ﻗﯩﻠﯩﺸﻘﺎ ﻳﻮﻝ ﻗﻮﻳﯘﻟﻤﺎﻳﺪﯗ، ﺩﯦﺪﻯ.
ﺧﯩﺘﺎﻱ ﺋﻪﮔﻪﺭ ﺗﯩﺒﻪﺗﻨﻰ ﺑﺎﺳﺘﯘﺭﯨﯟﻩﺭﺳﻪ، ﺗﻪﻳﯟﻩﻥ ﺗﻪﻧﻬﻪﺭﯨﻜﻪﺗﭽﯩﻠﯩﺮﻯ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺋﻪﯞﻩﺗﯩﻠﻤﻪﻳﺪﯗ
ﻣﺎ ﻳﯩﯖﺠﯘ ﺋﻪﭘﻪﻧﺪﻯ ﺋﻮﻟﯩﻤﭙﯩﻚ ﻣﻪﺳﯩﻠﯩﺴﯩﺪﻩ ﺗﻮﺧﺘﺎﻟﻐﺎﻧﺪﺍ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺕ ﺧﻪﻟﻘﯩﻨﻰ ﺩﺍﯞﺍﻣﻠﯩﻖ ﺑﺎﺳﺘﯘﺭﯗﭖ، ﺋﯧﺰﯨﭗ، ﺗﯩﺒﻪﺕ ﯞﻩﺯﯨﻴﯩﺘﯩﻨﻰ ﺟﯩﺪﺩﯨﻴﻠﻪﺷﺘﯜﺭﺳﻪ، ﻣﻪﻥ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ 2008 ‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﺗﻪﻳﯟﻩﻥ ﺗﻪﻧﻬﻪﺭﯨﻜﻪﺗﭽﯩﻠﯩﺮﯨﻨﻰ ﺋﻪﯞﻩﺗﯩﺸﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﯘﻡ ﻣﯘﻣﻜﯩﻦ، ﺩﯦﺪﻯ.
ﺧﻪﯞﻩﺭ ﺋﺎﺭﺧﯩﭙﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﻣﺎ ﻳﯩﯖﺠﯘ ﺋﻪﭘﻪﻧﺪﻯ 1950 ‏ - ﻳﯩﻠﻰ ﺧﻮﯕﻜﻮﯕﺪﺍ ﺗﯘﻏﯘﻟﻐﺎﻥ، ﺑﯩﺮ ﻳﯧﺸﯩﺪﯨﻦ ﺑﺎﺷﻼﭖ ﺗﻪﻳﯟﻩﻧﺪﻩ ﭼﻮﯓ ﺑﻮﻟﻐﺎﻥ. 1974 ‏ - ﻳﯩﻠﯩﺪﯨﻦ ﻛﯧﻴﯩﻦ ﺋﺎﻣﯧﺮﯨﻜﯩﻨﯩﯔ ﻧﻴﯘﻳﻮﺭﻙ ﺋﯘﻧﯩﯟﯦﺮﺳﯩﺘﯧﺘﻰ ﯞﻩ ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﻗﺎﻧﯘﻥ ﺋﻮﻗﯘﭖ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﺎﻟﻐﺎﻥ. 1981 ‏ - ﻳﯩﻠﻰ ﺗﻪﻳﯟﻩﻧﻨﯩﯔ ﺋﻪﻳﻨﻰ ﯞﺍﻗﯩﺘﺘﯩﻜﻰ ﭘﺮﯦﺰﯨﺪﯦﻨﺘﻰ ﺟﺎﯓ ﺟﯩﯖﮕﻮﻏﺎ ﺋﯧﻨﮕﯩﻠﯩﺰﭼﻪ ﻛﺎﺗﯩﭗ ﺑﻮﻟﻐﺎﻥ. 1993 ‏ - ﻳﯩﻠﻰ ﺗﻪﻳﯟﻩﻧﻨﯩﯔ ﻗﺎﻧﯘﻥ ﻣﯩﻨﯩﺴﺘﯩﺮﻯ ﺑﻮﻟﻐﺎﻥ. ﻣﺎ ﻳﯩﯖﺠﯘ ﺋﻪﭘﻪﻧﺪﻯ 008 ‏ - 2ﻳﯩﻠﻰ ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﯩﻨﯩﯔ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻰ ﺑﻮﻟﯘﭖ ﺳﺎﻳﻼﻣﺪﺍ ﻏﻪﻟﯩﺒﻪ ﻗﺎﺯﺍﻧﺪﻯ.

ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﺋﯘﻳﻐﯘﺭ ﻣﻪﻫﺒﯘﺳﻨﯩﯔ ﺧﯧﺘﻰ ﻛﯜﭼﻠﯜﻙ ﻏﯘﻟﻐﯘﻻ ﻗﻮﺯﻏﯩﺪﻯ

ﺋﺎﻣﯧﺮﯨﻜﺎ ﻗﻮﺷﯘﻧﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﯩﭗ، ﻛﯘﺑﺎﻧﯩﯔ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﺳﻮﻻﻧﻐﺎﻥ ﺋﯘﻳﻐﯘﺭ ﻣﻪﻫﺒﯘﺳﻠﯩﺮﯨﺪﯨﻦ 5 ﻧﻪﭘﯩﺮﻯ ﺋﻪﺭﻛﯩﻨﻠﯩﻜﻜﻪ ﭼﯩﻘﻘﺎﻥ ﺑﻮﻟﺴﯩﻤﯘ، ﻣﻪﺯﻛﯜﺭ ﺗﯜﺭﻣﯩﺪﻩ ﻳﻪﻧﻪ 17 ﻧﻪﭘﻪﺭ ﺋﯘﻳﻐﯘﺭ ﻣﻪﻫﺒﯘﺱ 6 ﻳﯩﻠﺪﯨﻦ ﺑﯘﻳﺎﻥ ﻳﻪﻧﯩﻼ ﺗﯘﺗﯘﭖ ﺗﯘﺭﯗﻟﻤﺎﻗﺘﺎ. ﻳﯧﻘﯩﻨﺪﺍ 17 ﻧﻪﭘﻪﺭ ﻣﻪﻫﺒﯘﺱ ﺋﯩﭽﯩﺪﯨﻜﻰ ﺋﺎﺑﺪﯗﻏﺎﭘﭙﺎﺭ ﺗﯜﺭﻛﯩﺴﺘﺎﻧﻰ، ﺋﯚﺯﻟﯩﺮﯨﻨﯩﯔ ﺗﯜﺭﻣﯩﺪﯨﻦ ﻗﯘﺗﯘﻟﯘﭖ ﭼﯩﻘﯩﺸﻰ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﺋﯩﻜﻜﻰ ﻧﻪﭘﻪﺭ ﺋﺎﺩﯞﻭﻛﺎﺗﯩﻐﺎ ﻣﻪﻛﺘﯜﭖ ﻳﻮﻟﻼﭖ، ﺋﯚﺯﻟﯩﺮﯨﻨﯩﯔ ﮔﯘﻧﺎﻫﺴﯩﺰ ﺋﯩﻜﻪﻧﻠﯩﻜﯩﻨﻰ ﯞﻩ ﺗﯧﺰﺭﺍﻕ ﺗﯜﺭﻣﯩﺪﯨﻦ ﭼﯩﻘﯩﭗ ﻛﯧﺘﯩﺸﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﺎﺑﺪﯗﻏﺎﭘﭙﺎﺭ ﺗﯜﺭﻛﯩﺴﺘﺎﻧﻨﯩﯔ ﺋﺎﺩﯞﻭﻛﺎﺗﻠﯩﺮﯨﻐﺎ ﻳﺎﺯﻏﺎﻥ ﺧﯧﺘﻰ ﻧﯚﯞﻩﺗﺘﻪ ﻫﻪﺭ ﻗﺎﻳﺴﻰ ﻣﻪﺗﺒﯘﺋﺎﺗﻼﺭﺩﺍ ﺋﯧﻼﻥ ﻗﯩﻠﯩﻨﯩﭗ ﻛﯜﭼﻠﯜﻙ ﻏﯘﻟﻐﯘﻻ ﻗﻮﺯﻏﯩﺪﻯ.
ﮔﯘﺋﺎﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﺋﯘﻳﻐﯘﺭ ﻣﻪﻫﺒﯘﺳﻨﯩﯔ ﺋﺎﯞﺍﺯﻯ ﺗﯘﻧﺠﻰ ﻗﯧﺘﯩﻢ ﺩﯗﻧﻴﺎﻏﺎ ﺧﯩﺘﺎﺏ ﻗﯩﻠﯩﻨﺪﻯ
ﺑﯘﻧﯩﯖﺪﯨﻦ 6 ﻳﯩﻞ ﺋﯩﻠﮕﯩﺮﻯ ﺋﺎﻣﯧﺮﯨﻜﺎ ﻗﻮﺷﯘﻧﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ 22 ﻧﻪﭘﻪﺭ ﺋﯘﻳﻐﯘﺭﺩﯨﻦ 5 ﻧﻪﭘﯩﺮﻯ ﺗﯜﺭﻣﯩﺪﯨﻦ ﻗﻮﻳﯘﭖ ﺑﯧﺮﯨﻠﯩﭗ، 2006 ‏- ﻳﯩﻠﻰ ﺋﺎﻟﺒﺎﻧﯩﻴﯩﮕﻪ ﺋﻮﺭﯗﻧﻼﺷﺘﯘﺭﯗﻟﺪﻯ. ﻗﺎﻟﻐﺎﻥ 17 ﻧﻪﭘﻪﺭ ﺋﯘﻳﻐﯘﺭ ﻣﻪﻫﺒﯘﺱ ﻫﺎﺯﯨﺮ ﻳﻪﻧﯩﻼ ﺗﯜﺭﻣﯩﺪﻩ ﺑﻮﻟﯘﭖ، ﺋﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﺋﺎﺑﺪﯗﻏﺎﭘﭙﺎﺭ ﺗﯜﺭﻛﯩﺴﺘﺎﻧﻰ ﺋﯚﺯ ﺋﺎﺩﯞﻭﻛﺎﺗﻠﯩﺮﯨﺪﯨﻦ Wells. Dixon ﺋﻪﭘﻪﻧﺪﻯ ﯞﻩ Sima Seyifi ﺧﺎﻧﯩﻤﻐﺎ ﻣﻪﻛﺘﯜﭖ ﻳﻮﻟﻼﭖ، ﺗﯧﺰﺭﺍﻕ ﺗﯜﺭﻣﯩﺪﯨﻦ ﻗﯘﺗﯘﻟﯘﭖ ﭼﯩﻘﯩﺶ ﺋﯜﻣﯩﺪﯨﻨﻰ ﺋﯩﭙﺎﺩﯨﻠﯩﺪﻯ.
ﺋﺎﺑﺪﯗﻏﺎﭘﭙﺎﺭ ﺗﯜﺭﻛﯩﺴﺘﺎﻧﻨﯩﯔ ﻣﻪﻛﺘﯘﭘﻰ ﻳﺎﻟﻐﯘﺯ ﺋﺎﺩﯞﻭﻛﺎﺗﻼﺭﻏﺎ ﻳﻮﻟﻠﯩﻨﯩﭙﻼ ﻗﺎﻟﻤﺎﻱ، ﻧﯚﯞﻩﺗﺘﻪ ﺋﺎﻣﯧﺮﯨﻜﯩﺪﯨﻜﻰ ﻧﻮﭘﯘﺯﻟﯘﻕ ﻣﻪﺗﺒﯘﺋﺎﺕ ﯞﺍﺳﺘﯩﻠﯩﺮﯨﺪﺍ ﺋﯧﻨﮕﻠﯩﺰ ﺗﯩﻠﯩﺪﺍ ﺋﯧﻼﻥ ﻗﯩﻠﯩﻨﯩﭗ، ﻛﯜﭼﻠﯜﻙ ﻏﯘﻟﻐﯘﻻ ﻗﻮﺯﻏﯩﻤﺎﻗﺘﺎ.
ﺧﯧﺘﯩﺪﻩ، ﺋﯚﺯﻟﯩﺮﯨﻨﯩﯔ ﺗﯘﺗﯘﻟﯘﺵ ﺟﻪﺭﻳﺎﻧﯩﻨﻰ ﺑﺎﻳﺎﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ، 2004 ‏- ﯞﻩ 2005 ‏- ﻳﯩﻠﻠﯩﺮﻯ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﮔﯘﻧﺎﻫﺴﯩﺰ ﺩﻩﭖ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ 6 ﻳﯩﻠﺪﯨﻦ ﺑﯘﻳﺎﻥ ﻳﻪﻧﯩﻼ ﺗﯜﺭﻣﻪ ﺋﯩﭽﯩﮕﻪ ﻗﺎﻣﺎﻟﻐﺎﻧﻠﯩﻘﯩﺪﯨﻦ ﺷﯩﻜﺎﻳﻪﺕ ﻗﯩﻠﻐﺎﻥ ﺋﺎﺑﺪﯗﻏﺎﭘﭙﺎﺭ، ﺋﯚﺯﻯ ﯞﻩ ﺑﯩﺮ ﻗﯩﺴﯩﻢ ﺳﻪﺑﺪﺍﺷﻠﯩﺮﯨﻨﯩﯔ ﻫﻪﺭ ﺧﯩﻞ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﺋﺎﻓﻐﺎﻧﯩﺴﺘﺎﻧﻐﺎ ﺑﯧﺮﯨﺸﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻣﯘﻧﺪﺍﻕ ﺩﻩﻳﺪﯗ": ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﻛﯜﻧﺪﯨﻦ - ﻛﯜﻧﮕﻪ ﺋﯧﺸﯩﭗ ﺑﯧﺮﯨﯟﺍﺗﻘﺎﻥ ﺯﯗﻟﯩﻤﻰ ﯞﻩ ﺑﯩﺰ ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﻫﻪﺭ ﺧﯩﻞ ﺑﺎﻫﺎﻧﯩﻠﻪﺭ ﺑﯩﻠﻪﻥ ﺗﯜﺭﻣﯩﻠﻪﺭﮔﻪ ﺗﺎﺷﻼﺷﻠﯩﺮﯨﺪﯨﻦ ﺷﯘﻧﯩﯖﺪﻩﻙ ﻫﻪﺭ ﺧﯩﻞ ﺑﯚﻫﺘﺎﻧﻼﺭ ﺑﯩﻠﻪﻥ ﺋﯘﻳﻐﯘﺭ ﺧﻪﻟﻘﯩﻨﻰ ﺑﻮﻟﯘﭘﻤﯘ ﻳﺎﺷﻼﺭﻧﻰ ﻧﺎﻫﻪﻕ ﻗﯩﺮﻏﯩﻦ ﻗﯩﻠﯩﺸﻠﯩﺮﻯ ﺳﻪﯞﻩﺑﯩﺪﯨﻦ ﻳﻮﻝ ﺗﺎﭘﺎﻟﻤﯩﻐﺎﻥ ﻧﯘﺭﻏﯘﻥ ﻳﺎﺷﻼﺭ ﭼﻪﺗﺌﻪﻟﻠﻪﺭﮔﻪ ﭘﺎﻧﺎﻫﻠﯩﻖ ﺋﯩﺰﻟﻪﭖ ﭼﯩﻘﯩﭗ ﻛﯧﺘﯩﯟﺍﺗﻤﺎﻗﺘﺎ. ﺋﺎﻓﻐﺎﻧﯩﺴﺘﺎﻥ ﯞﻩ ﭘﺎﻛﯩﺴﺘﺎﻧﺪﺍ ﺗﯘﺗﯘﻟﯘﭖ ﻗﺎﻟﻐﺎﻥ ﺋﯘﻳﻐﯘﺭ ﻳﺎﺷﻼﺭﻣﯘ ﺋﻪﻧﻪ ﺷﯘﻻﺭﺩﻩﻙ ﯞﻩﺗﯩﻨﯩﻤﯩﺰﮔﻪ ﭼﯧﮕﺮﯨﺪﺍﺵ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭﮔﻪ ﭼﯩﻘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ. ﺟﯜﻣﻠﯩﺪﯨﻦ ﺑﯩﺰﻣﯘ ﻫﻪﺭ ﺧﯩﻞ ﺳﻪﯞﻩﺑﻠﻪﺭ ﺗﯜﭘﻪﻳﻠﻰ ﺋﺎﻓﻐﺎﻧﯩﺴﺘﺎﻧﻐﺎ ﻛﻪﻟﮕﻪﻥ ﺋﯩﺪﯗﻕ. ﺑﯩﺰﻧﯩﯔ ﺋﺎﻓﻐﺎﻧﯩﺴﺘﺎﻧﻐﺎ ﻛﯧﻠﯩﺸﯩﻤﯩﺰﮔﻪ، ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﻰ ﺋﺎﻓﻐﺎﻧﯩﺴﺘﺎﻧﻐﺎ ﻫﯘﺟﯘﻡ ﻗﯩﻠﯩﭗ ﻛﯩﺮﺩﻯ. ﺑﯩﺰﮔﻪ ﺋﺎﻓﻐﺎﻧﯩﺴﺘﺎﻧﺪﺍ ﺗﯘﺭﯨﺪﯨﻐﺎﻥ ﺟﺎﻱ ﻗﺎﻟﻤﯩﻐﺎﻧﺪﯨﻦ ﻛﯧﻴﯩﻦ، ﺑﯩﺰ ﻫﯧﭽﻜﯩﻤﻨﻰ ﺗﻮﻧﯩﻤﯩﻐﺎﭼﻘﺎ ﺋﺎﻣﺎﻟﺴﯩﺰ ﭘﺎﻛﯩﺴﺘﺎﻧﻐﺎ ﺑﺎﺭﺩﯗﻕ. ﭘﺎﻛﯩﺴﺘﺎﻥ ﺧﻪﻟﻘﻰ ﺑﯩﺰﻧﻰ ﺗﯘﺗﯘﯞﯦﻠﯩﭗ ﭘﺎﻛﯩﺴﺘﺎﻥ ﻫﯚﻛﯜﻣﯩﺘﯩﮕﻪ ﺗﺎﭘﺸﯘﺭﯗﭖ ﺑﻪﺭﺩﻯ، ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﻰ ﺑﯩﺰﻧﻰ ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﯩﮕﻪ ﺗﺎﭘﺸﯘﺭﯗﭖ ﺑﻪﺭﺩﻯ، ﺋﺎﻣﯧﺮﯨﻜﺎ ﺋﺎﺭﻣﯩﻴﯩﺴﻰ ﺑﯩﺰﻧﻰ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﺋﯧﻠﯩﭗ ﻛﻪﻟﺪﻯ، ﭘﺎﻛﯩﺴﺘﺎﻥ ﻫﯚﻛﯜﻣﯩﺘﻰ ﺑﯩﺰﻧﻰ ﺋﺎﻣﯧﺮﯨﻜﺎ ﺗﻪﺭﻩﭘﻜﻪ ﺋﯚﺗﻜﯜﺯﯛﭖ ﺑﻪﺭﮔﻪﻧﺪﻩ ﺑﯩﺰ ﺧﯘﺷﺎﻝ ﺑﻮﻟﻐﺎﻥ ﯞﻩ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﻰ ﺑﯩﺰﮔﻪ ﻫﯧﺴﺪﺍﺷﻠﯩﻖ ﻗﯩﻠﯩﺪﯗ ﯞﻩ ﻳﺎﺭﺩﻩﻡ ﺑﯧﺮﯨﺪﯗ ﺩﻩﭖ ﺋﯜﻣﯩﺪ ﻛﯜﺗﻜﻪﻥ ﺋﯩﺪﯗﻕ. ﮔﻪﺭﭼﻪ ﺑﯩﺮ ﮔﯘﻧﺎﻫﺴﯩﺰ ﺩﻩﭖ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﺴﺎﻗﻤﯘ، ﻳﻪﻧﯩﻼ 6 ﻳﯩﻞ ﺑﻮﻟﺪﻯ ﺗﯜﺭﻣﯩﺪﻩ ﻳﯧﺘﯩﯟﺍﺗﯩﻤﯩﺰ، ﺗﯜﺭﻣﯩﺪﻩ ﻧﯧﻤﻪ ﺋﯜﭼﯜﻥ ﻳﯧﺘﯩﯟﺍﺗﻘﺎﻧﻠﯩﻘﯩﻤﯩﺰﻧﻰ ﺑﯩﻠﻤﻪﻳﻤﯩﺰ، ﺋﻪﻣﻤﺎ ﺑﯩﺰ ﻳﻪﻧﯩﻼ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯩﺰﻧﻰ ﺗﯧﺰﺭﺍﻕ ﺗﯜﺭﻣﯩﺪﯨﻦ ﭼﯩﻘﯩﺮﯨﭗ ﻳﺎﺧﺸﻰ ﺟﺎﻳﻐﺎ ﺋﻮﺭﯗﻧﻼﺷﺘﯘﺭﺳﯩﻜﻪﻥ ﺩﯦﮕﻪﻥ ﺋﯜﻣﯩﺪﺗﯩﻤﯩﺰ."
ﺋﺎﺑﺪﯗﻏﺎﭘﭙﺎﺭ ﺧﯧﺘﯩﺪﻩ ﻳﻪﻧﻪ، ﯞﻩﺗﯩﻨﯩﺪﯨﻦ، ﺋﺎﺋﯩﻠﯩﺴﯩﺪﯨﻦ ﺋﺎﻳﺮﯨﻠﻐﺎﻥ ﺋﯩﻨﺴﺎﻧﻨﯩﯔ، ﺳﯩﺮﺗﻘﻰ ﺩﯗﻧﻴﺎﺩﯨﻦ ﭘﯜﺗﯜﻧﻠﻪﻱ ﺋﺎﻻﻗﯩﺴﻰ ﺋﯜﺯﯛﻟﮕﻪﻥ، ﺋﯩﺴﺴﯩﻖ ﻛﯜﻥ ﻧﯘﺭﻯ ﯞﻩ ﺗﻪﺑﯩﺌﻰ ﻫﺎﯞﺍﺩﯨﻦ ﻣﻪﻫﺮﯗﻡ ﺑﻮﻟﻐﺎﻥ 4 ﺋﻪﺗﺮﺍﭘﻰ ﻗﺎﻣﺎﻟﻐﺎﻥ ﺗﯚﻣﯜﺭ ﻗﻪﭘﻪﺯ ﺋﯩﭽﯩﺪﻩ ﻳﺎﺷﯩﺸﯩﻨﯩﯔ ﺋﯧﻴﺘﯩﭗ ﺗﯜﮔﻪﺗﻜﯜﺳﯩﺰ ﺑﯩﺮ ﺋﺎﺯﺍﭖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﭖ، ﺳﻪﺑﺪﯨﺸﻰ ﺋﺎﺑﺪﯗﺭﺍﺯﺍﻗﻨﯩﯔ ﺋﺎﭼﻠﯩﻖ ﺋﯧﻼﻥ ﻗﯩﻠﯩﭗ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺷﻰ ﻧﻪﺗﯩﺠﯩﺴﯩﺪﻩ، ﺋﯘﻧﯩﯔ ﻣﻪﺟﺒﯘﺭﯨﻲ ﺋﻮﺯﯗﻗﻼﻧﺪﯗﺭﯗﺵ ﺟﺎﺯﺍﺳﯩﻐﺎ ﺗﺎﺭﺗﯩﻠﯩﯟﺍﺗﻘﺎﻧﻠﯩﻘﻰ ﺑﯘﻧﯩﯔ ﺑﯩﻠﻪﻥ ﺳﺎﻻﻣﻪﺗﻠﯩﻜﯩﻨﯩﯔ ﻛﯜﻧﺪﯨﻦ ‏- ﻛﯜﻧﮕﻪ ﻧﺎﭼﺎﺭﻟﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﻰ، ﺑﻮﻟﯘﭘﻤﯘ ﺋﺎﺑﺪﯗﺭﺍﺯﺍﻗﻨﯩﯔ ﺭﻭﻫﯩﻲ ﺑﯧﺴﯩﻢ ﺋﺎﺳﺘﯩﺪﺍ ﻳﺎﻣﺎﻥ ﺋﺎﻗﯩﯟﻩﺗﻜﻪ ﺩﯗﭺ ﻛﯧﻠﯩﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﻰ، ﺋﯚﺯﯨﻨﯩﯖﻤﯘ ﺋﯧﻐﯩﺮ ﺭﯦﻤﺎﺗﯩﺰﯨﻢ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﺎﻧﻠﯩﻘﻰ ﯞﻩ ﺋﺎﺧﯩﺮﯨﺪﺍ ﺋﺎﺩﯞﻭﻛﺎﺗﻼﺭ ﯞﻩ ﻗﺎﻧﯘﻥ ﺋﻮﺭﮔﺎﻧﻠﯩﺮﯨﻨﯩﯔ ﺑﯘ ﻣﻪﺳﯩﻠﯩﻨﻰ ﺗﯧﺰﺭﺍﻕ ﺑﯩﺮ ﺗﻪﺭﻩﭖ ﻗﯩﻠﯩﺸﯩﻨﻰ ﺋﯚﺗﯜﻧﯜﭖ ﺳﻮﺭﯨﻐﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ.
ﺋﯘﻳﻐﯘﺭ ﻣﻪﻫﺒﯘﺳﻼﺭﻧﯩﯔ ﺋﺎﺩﯞﯗﻛﺎﺗﻰ ﺋﯘﻻﺭﻧﯩﯔ ﺋﻪﺭﻛﯩﻨﻠﯩﻜﻜﻪ ﭼﯩﻘﯩﺸﻰ ﺋﯜﭼﯜﻥ ﻫﻪﺭﮔﯩﺰ ﺑﻮﺷﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ
ﺋﺎﺑﺪﯗﻏﺎﭘﭙﺎﺭﻧﯩﯔ ﺧﯧﺘﯩﻨﻰ ﺗﺎﭘﺸﯘﺭﯗﭖ ﺋﺎﻟﻐﺎﻥ ﺋﺎﺩﯞﻭﻛﺎﺕ Wells Dixon ،Sima Seyifi ﯞﻩ ﺑﺎﺷﻘﺎ ﺋﺎﺩﯞﻭﻛﺎﺗﻼﺭ، ﻣﻪﺯﻛﯜﺭ ﻣﻪﻛﺘﯜﭖ ﺋﺎﺭﻗﯩﻠﯩﻖ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﯞﻩﺯﯨﻴﻪﺗﻨﯩﯔ ﻧﻪﻗﻪﺩﻩﺭ ﺋﯧﻐﯩﺮ ﺋﯩﻜﻪﻧﻠﯩﻜﯩﻨﻰ ﯞﻩ ﮔﯘﻧﺎﻫﺴﯩﺰ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﻰ ﺗﯧﺰﺭﺍﻕ ﻗﯘﺗﯘﻟﺪﯗﺭﯗﭖ ﭼﯩﻘﯩﺸﻨﯩﯔ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﺧﯩﺰﻣﻪﺕ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ.
ﺋﺎﺩﯞﻭﻛﺎﺕ Wells Dixon ﺋﻪﭘﻪﻧﺪﻯ، ﺋﺎﺑﺪﯗﻏﺎﭘﭙﺎﺭﻧﯩﯔ ﺩﯗﻧﻴﺎﻏﺎ ﺋﯧﻼﻥ ﻗﯩﻠﻐﺎﻥ ﻣﻪﻛﺘﯘﺑﯩﻨﯩﯔ ﺋﻪﻫﻤﯩﻴﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: "ﺑﯘ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻠﯩﻚ ﺑﯩﺮ ﻣﻪﻛﺘﯘﭖ، ﭼﯜﻧﻜﻰ ﺑﯘ ﻣﻪﻛﺘﯘﭖ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﺑﯩﺮ ﻣﻪﻫﺒﯘﺳﻨﯩﯔ ﺑﯩﺮﯨﻨﭽﻰ ﻗﻮﻝ ﻣﻪﻟﯘﻣﺎﺗﻰ ﻫﯧﺴﺎﺑﻠﯩﻨﯩﺪﯗ. ﮔﻪﺭﭼﻪ ﺑﯘ ﻣﻪﻫﺒﯘﺱ ﺑﯩﺮ ﻗﺎﻧﭽﻪ ﻳﯩﻞ ﺋﯩﻠﮕﯩﺮﻯ ﻗﻮﻳﯘﭖ ﺑﯧﺮﯨﻠﯩﺸﻰ ﻛﯧﺮﻩﻙ ﺩﻩﭖ ﺋﺎﻗﻼﻧﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻫﺎﺯﯨﺮﻏﺎ ﻗﻪﺩﻩﺭ ﺷﺎﺭﺍﺋﯩﺘﻰ ﺋﯩﻨﺘﺎﻳﯩﻦ ﻧﺎﭼﺎﺭ ﺑﻮﻟﻐﺎﻥ، ﺋﺎﻣﯧﺮﯨﻜﯩﻨﯩﯔ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﻩ ﺗﯘﺗﯘﭖ ﺗﯘﺭﯗﻟﻤﺎﻗﺘﺎ ."
ﺋﺎﺩﯞﻭﻛﺎﺕ Dixon ﺋﻪﭘﻪﻧﺪﻯ، ﺋﯚﺯﯨﻨﯩﯔ ﮔﯘﻧﺎﻫﺴﯩﺰ ﺋﯘﻳﻐﯘﺭ ﻣﻪﻫﺒﯘﺳﻼﺭﻧﻰ ﺗﯜﺭﻣﯩﺪﯨﻦ ﻗﯘﺗﯘﻟﺪﯗﺭﯗﭖ ﭼﯩﻘﻘﺎﻧﻐﺎ ﻗﻪﺩﻩﺭ ﻫﻪﺭﮔﯩﺰ ﺑﻮﺷﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ : " ﺷﯘﻧﻰ ﺋﯧﻨﯩﻖ ﺋﯧﻴﺘﺎﻻﻳﻤﻪﻧﻜﻰ، ﻣﻪﻥ ﺋﺎﺩﯞﻭﻛﺎﺕ ﺑﻮﻟﯘﺵ ﺳﯜﭘﯩﺘﯩﻢ ﺑﯩﻠﻪﻥ، ﺋﯘﻻﺭﻧﻰ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻦ ﻗﯘﺗﯘﻟﺪﯗﺭﯗﭖ ﭼﯩﻘﯩﺶ ﺋﯜﭼﯜﻥ ﻗﻮﻟﯘﻣﺪﯨﻦ ﻛﯧﻠﯩﺸﯩﭽﻪ ﺧﯩﺰﻣﻪﺕ ﻗﯩﻠﯩﻤﻪﻥ. ﻫﻪﻣﻤﯩﮕﻪ ﻣﻪﻟﯘﻡ ﺑﻮﻟﻐﺎﻧﺪﻩﻙ ﯞﻩ ﻣﻪﻥ ﺗﻪﻛﯩﺘﻠﻪﭖ ﺋﯚﺗﻜﻪﻧﺪﻩﻙ، ﺋﯘﻻﺭ ﮔﯘﻧﺎﻫﺴﯩﺰ، ﺋﻪﻣﻤﺎ ﺋﯘﻻﺭ ﻫﺎﺯﯨﺮﻏﺎ ﻗﻪﺩﻩﺭ ﺋﺎﻣﯧﺮﯨﻜﯩﻨﯩﯔ ﺷﺎﺭﺍﺋﯩﺘﻰ ﻧﺎﭼﺎﺭ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ ﺗﯘﺗﯘﭖ ﺗﯘﺭﯗﻟﻤﺎﻗﺘﺎ. ﺋﯘﻻﺭﻧﻰ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻦ ﻗﯘﺗﯘﻟﺪﯗﺭﯗﭖ ﭼﯩﻘﯩﺸﯩﺪﯨﻜﻰ ﺑﯩﺮﺩﯨﻦ - ﺑﯩﺮ ﺋﺎﻣﺎﻝ، ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﺋﯘﻻﺭﻧﻰ ﺋﻮﺭﯗﻧﻼﺷﺘﯘﺭﯗﺷﻘﺎ ﻗﻮﺷﯘﻟﯘﺷﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ."
ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺋﻪﻫﯟﺍﻟﯩﻨﻰ ﺋﺎﻣﯧﺮﯨﻜﺎ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﮕﻪ ﯞﻩ ﺋﺎﺩﯞﻭﻛﺎﺗﻼﺭﻏﺎ ﻳﻪﺗﻜﯜﺯﯛﺷﺘﻪ، ﺋﯩﺰﭼﯩﻞ ﺗﯜﺭﺩﻩ ﺗﻪﺭﺟﯩﻤﺎﻧﻠﯩﻖ ﺧﯩﺰﻣﯩﺘﯩﻨﻰ ﺋﯩﺸﻠﻪﭖ ﻛﯧﻠﯩﯟﺍﺗﻘﺎﻥ، ﺋﺎﻣﯧﺮﯨﻜﺎ ﺋﯘﻳﻐﯘﺭ ﺑﯩﺮﻟﻪﺷﻤﯩﺴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺭﻭﺷﻪﻥ ﺧﺎﻧﯩﻢ، ﺋﯘﻳﻐﯘﺭ ﻣﻪﻫﺒﯘﺳﻠﯩﺮﯨﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﺋﯚﺗﯩﺪﯗ.
ﺭﻭﺷﻪﻥ ﺧﺎﻧﯩﻢ ﺳﯚﺯﯨﺪﻩ ﻳﻪﻧﻪ":ﻣﻪﺯﻛﯜﺭ ﺧﻪﺗﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﺗﻪﺳﯩﺮﻯ ﺋﻪﯓ ﻛﯜﭼﻠﯜﻙ ﺑﻮﻟﻐﺎﻥ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﺪﯨﻦ MSNBC، ﻣﻪﻳﺌﺎﻣﻰ ﺋﺎﻟﺪﯨﻦ ﺧﻪﯞﻩﺭ ﻛﯜﻧﺪﯨﻠﯩﻚ ﮔﯧﺰﯨﺘﻰ ﯞﻩ ﺑﺎﺷﻘﺎ ﻗﺎﻧﯘﻧﯩﻲ ﮔﯧﺰﯨﺖ ‏- ﮊﯗﺭﻧﺎﻟﻼﺭ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺧﻪﯞﻩﺭ ﺗﻮﺭﻯ، ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ ‏- ﺗﯧﻠﯧﯟﯨﺰﯨﻴﻪ ﺷﯩﺮﻛﯩﺘﻰ، ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﻰ، ﺋﻪﻟﺠﻪﺯﯨﺮﻩ ﮔﯧﺰﯨﺘﻰ، ﮔﯜﻩﻧﺘﺎﻧﺎﻣﻮ ﻛﯚﭼﻤﻪﻧﻠﯩﺮﻯ ﺧﻪﯞﻩﺭ ﺗﻮﺭﻯ ﻗﺎﺗﺎﺭﻟﯩﻖ ﻧﯘﺭﻏﯘﻥ ﻣﻪﺗﺒﯘﺋﺎﺗﻼﺭﺩﺍ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﯩﻨﻰ ﯞﻩ ﺑﯘ ﺧﻪﺗﻨﯩﯔ ﺋﯧﻼﻥ ﻗﯩﻠﯩﻨﯩﺸﯩﻐﺎ ﻫﯚﻛﯜﻣﻪﺕ ﯞﻩ ﻫﻪﺭﺑﯩﻲ ﺗﻪﺭﻩﭘﻨﯩﯔ ﻳﻮﻝ ﻗﻮﻳﯘﺷﻰ، 6 ﻳﯩﻠﺪﯨﻦ ﺑﯧﺮﻯ ﺗﯘﻧﺠﻰ ﻗﯧﺘﯩﻢ ﮔﯜﻩﻧﺘﺎﻧﺎﻣﻮﺩﯨﻜﻰ ﺑﯩﺮ ﺋﯘﻳﻐﯘﺭﻧﯩﯔ ﺋﯚﺯ ﻗﻮﻟﻰ ﺑﯩﻠﻪﻥ ﻳﺎﺯﻏﺎﻥ ﺧﻪﺗﺘﻪ ﺋﺎﯞﺍﺯﯨﻨﻰ ﺳﯩﺮﺗﻘﺎ ﺧﯩﺘﺎﭖ ﻗﯩﻠﯩﺸﻰ ﻫﯧﺴﺎﺑﻠﯩﻨﯩﺪﯗ " ﺩﯦﺪﻯ.

ﺗﯩﺒﻪﺗﻠﻪﺭ ' ﻗﺎﺭﻟﯩﻖ ﺗﺎﻏﺪﺍ ﺷﯩﺮ' ﺑﻪﻟﮕﯩﻠﯩﻚ ﺩﯙﻟﻪﺕ ﺑﺎﻳﺮﯨﻘﯩﻨﻰ ﭘﯜﺗﯜﻥ ﺩﯗﻧﻴﺎﺩﺍ ﻟﻪﭘﯩﻠﺪﻩﺗﺘﻰ (1)

ﺑﯘ ﻳﯩﻞ 3 ‏- ﺋﺎﻳﻨﯩﯔ 10 ‏- ﻛﯜﻧﻰ، ﻣﯘﻫﺎﺟﯩﺮﻩﺗﺘﯩﻜﻰ ﺗﯩﺒﻪﺗﻠﻪﺭ ﺋﯚﺯﻯ ﺗﯘﺭﯗﯞﺍﺗﻘﺎﻥ ﺩﯙﻟﻪﺗﻠﻪﺭﻧﯩﯔ ﻫﻪﻣﻤﯩﺴﯩﺪﻩ ﺑﯩﺮﻻ ﯞﺍﻗﯩﺘﺘﺎ ﻫﻪﺭﯨﻜﻪﺗﻜﻪ ﻛﯧﻠﯩﭗ، 1959 ‏- ﻳﯩﻠﯩﺪﯨﻜﻰ ﺗﯩﺒﻪﺕ ﻗﻮﺯﻏﯩﻠﯩﯖﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺑﺎﺳﺘﯘﺭﯗﻟﻐﺎﻧﻠﯩﻘﯩﻨﯩﯔ 49 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﭖ، ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﯩﭙﺎﺩﯨﻠﯩﺪﻯ.
ﻣﯘﺷﯘ ﻛﯜﻧﺪﻩ، ﻫﯩﻨﺪﯨﺴﺘﺎﻧﻨﯩﯔ ﺩﺍﺭﺍﻣﺴﺎﻻﺩﺍ ﺗﯘﺭﯗﯞﺍﺗﻘﺎﻥ ﺗﯩﺒﻪﺕ ﻳﺎﺷﻠﯩﺮﯨﺪﯨﻦ 100 ﺩﯨﻦ ﺋﺎﺭﺗﯘﻕ ﻛﯩﺸﻰ ﺑﯩﯟﺍﺳﺘﻪ ﻫﯩﻤﺎﻻﻳﺎ ﺗﺎﻏﻠﯩﺮﯨﺪﯨﻦ ﺋﯚﺗﯜﭖ ﺋﯚﺯ ﺋﺎﻧﺎ ﯞﻩﺗﯩﻨﻰ ﺗﯩﺒﻪﺗﻜﻪ ﻗﺎﻳﺘﯩﭗ ﺑﯧﺮﯨﺶ ﺋﯜﭼﯜﻥ ﺋﯘﺯﯗﻥ ﺳﻪﭘﻪﺭﮔﻪ ﺋﺎﺗﻼﻧﺪﻯ. ﻧﯧﭙﺎﻟﺪﺍ ﺗﯘﺭﯗﯞﺍﺗﻘﺎﻥ 1000 ﺩﯨﻦ ﺋﺎﺭﺗﯘﻕ ﺗﯩﺒﻪﺕ ﻣﯘﻫﺎﺟﯩﺮﻟﯩﺮﻯ ﺧﯩﺘﺎﻳﻨﯩﯔ ﻧﯧﭙﺎﻟﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﻐﺎ ﻛﯧﻠﯩﭗ ﻧﺎﻣﺎﻳﯩﺶ ﻗﯩﻠﯩﭗ، ﺋﯚﺯﯨﻨﯩﯔ ﺩﯦﻤﻮﻛﺮﺍﺗﯩﻚ ﺗﻪﻟﻪﭘﻠﯩﺮﯨﻨﻰ ﺋﯩﭙﺎﺩﯨﻠﯩﺪﻯ. ﮔﺮﯦﺘﺴﯩﻴﯩﻨﯩﯔ ﺋﻮﻟﯩﻤﭙﯩﻴﻪ ﺷﻪﻫﯩﺮﯨﺪﯨﻤﯘ، ﺗﯩﺒﻪﺕ ﻳﺎﺷﻠﯩﺮﻯ ﺗﯩﺒﻪﺕ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻳﯧﻘﯩﭗ، 20 ﻧﻪﭼﭽﻪ ﺩﯙﻟﻪﺕ ﺋﺎﺭﻗﯩﻠﯩﻖ ﺋﺎﺧﯩﺮﯨﺪﺍ ﺗﯩﺒﻪﺕ ﭼﯧﮕﺮﯨﺴﯩﻐﺎ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.
ﺩﻩﻝ ﻣﯘﺷﯘ ﻛﯜﻧﺪﻩ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﯚﻛﯜﻣﺮﺍﻧﻠﯩﻘﯩﺪﯨﻜﻰ ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﭘﺎﻳﺘﻪﺧﺘﻰ ﺑﻮﻟﻐﺎﻥ ﻻﺳﺎ ﺷﻪﻫﯩﺮﯨﺪﯨﻤﯘ، ﺟﯧﺒﺎﯓ ﺋﯩﺒﺎﺩﻩﺗﺨﺎﻧﯩﺴﯩﺪﯨﻦ 300 ﻧﻪﭘﻪﺭ ﺩﯨﻨﯩﻲ ﺯﺍﺩ ﻛﻮﭼﯩﻐﺎ ﭼﯩﻘﯩﭗ، ﺗﯩﺒﻪﺕ ﻗﻮﺯﻏﯩﻠﯩﯖﻰ ﺑﺎﺳﺘﯘﺭﯗﻟﻐﺎﻧﻠﯩﻘﯩﻨﯩﯔ 49 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﭖ ﻧﺎﻣﺎﻳﯩﺶ ﻗﯩﻠﺪﻯ. ﻧﺎﻣﺎﻳﯩﺸﻘﺎ ﭼﯩﻘﻘﺎﻥ ﻻﻣﺎﻻﺭﻧﻰ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺩﺍﭼﺎﯞ ﺋﯩﺒﺎﺩﻩﺗﺨﺎﻧﯩﺴﻰ ﺋﺎﻟﺪﯨﺪﺍ ﯞﻩ ﻻﺳﺎ ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﻰ ﺋﺎﻟﺪﯨﺪﺍ ﺗﻮﺳﯘﯞﺍﻟﺪﻯ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﯩﻨﭻ ﺷﻪﻛﯩﻞ ﺑﯩﻠﻪﻥ ﺋﯚﺯ ﭘﯩﻜﯩﺮ-ﺗﻪﻟﻪﭘﻠﯩﺮﯨﻨﻰ ﺋﯩﭙﺎﺩﯨﻠﯩﮕﻪﻥ ﺩﯨﻨﻰ ﺯﺍﺗﻼﺭﺩﯨﻦ ﺋﻮﻧﻠﯩﻐﺎﻥ ﻛﯩﺸﯩﻨﻰ ﺋﯧﺘﯩﭗ ﺋﯚﻟﺘﯜﺭﺩﻯ ﯞﻩ ﻳﯜﺯﻟﯩﮕﻪﻥ ﻛﯩﺸﯩﻨﻰ ﺗﯘﺗﯘﭖ ﺗﯜﺭﻣﯩﮕﻪ ﺗﺎﺷﻠﯩﺪﻯ.
ﺑﯘﻧﯩﯖﺪﯨﻦ 49 ﻳﯩﻞ ﺑﯘﺭﯗﻥ ﻣﯘﺷﯘ ﺋﺎﻱ، ﻣﯘﺷﯘ ﻛﯜﻧﻠﻪﺭﺩﻩ، ﻳﻪﻧﻰ 1959 ‏- ﻳﯩﻠﻰ 3 ‏- ﺋﺎﻳﻨﯩﯔ 10 ‏- ﻛﯜﻧﻰ، ﻻﺳﺎ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﺗﯩﺒﻪﺗﻠﻪﺭ 'ﻗﺎﺭﻟﯩﻖ ﺗﺎﻏﺪﺍ ﺷﯩﺮ' ﺑﻪﻟﮕﯩﻠﯩﻚ ﺑﺎﻳﺮﯨﻘﯩﻨﻰ ﻛﯚﺗﯜﺭﯛﭖ، ﺧﯩﺘﺎﻳﻨﯩﯔ ﺳﺎﺧﺘﺎ ﺋﺎﭘﺘﻮﻧﻮﻣﯩﻴﯩﺴﯩﮕﻪ ﻗﺎﺭﺷﻰ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﻗﯩﻠﻐﺎﻥ ﺋﯩﺪﻯ. ﻣﺎﯞ ﺯﯦﺪﯗﯕﻨﯩﯔ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﯩﺒﻪﺕ ﺧﻪﻟﻘﯩﻨﯩﯔ ﻣﯩﻠﻠﯩﻲ ﺗﻪﻟﻪﭘﻠﯩﺮﯨﻨﻰ ﺭﻩﺕ ﻗﯩﻠﯩﭗ، ﺋﯘﻻﺭﻏﺎ ﻗﺎﺭﯨﺘﺎ ﻛﻪﯓ ﻛﯚﻟﻪﻣﻠﯩﻚ ﺑﺎﺳﺘﯘﺭﯗﺵ ﺋﯧﻠﯩﭗ ﺑﺎﺭﺩﻯ. ﻻﺳﺎ ﺭﺍﻳﻮﻧﯩﺪﯨﻼ 8 ﻣﯩﯖﻐﺎ ﻳﯧﻘﯩﻦ ﺗﯩﺒﻪﺗﻠﯩﻜﻨﻰ ﺋﯚﻟﺘﯜﺭﺩﻯ. ﺗﯩﺒﻪﺗﻨﯩﯔ ﺋﻪﻳﻨﻰ ﯞﺍﻗﯩﺘﺘﯩﻜﻰ ﻫﯚﻛﯜﻣﻪﺕ ﺑﺎﺷﻠﯩﻘﻰ ﯞﻩ ﺩﯨﻨﻰ ﺩﺍﻫﯩﺴﻰ ﺩﺍﻻﻱ ﻻﻣﺎ ﺋﯚﺯ ﻳﯘﺭﺗﯩﺪﯨﻦ ﻗﻮﻏﻠﯩﻨﯩﭗ ﻣﯘﻫﺎﺟﯩﺮﻩﺗﻜﻪ ﺋﺎﺗﻼﻧﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﻣﺎﯞ ﺯﯦﺪﯗﯓ ﺗﯩﺒﻪﺗﺘﻪ ﻗﺎﺗﺘﯩﻖ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﻨﻰ ﺗﻮﺧﺘﺎﺗﻤﯩﺪﻯ. 1966 ‏- ﻳﯩﻠﯩﻐﺎ ﻛﻪﻟﮕﻪﻧﺪﻩ، ﻣﺎﯞ ﺯﯦﺪﯗﯓ ﺗﯩﺒﻪﺗﺘﻪ ﻛﻪﯓ ﻛﯚﻟﻪﻣﻠﯩﻚ ﺧﯩﺘﺎﻳﻼﺷﺘﯘﺭﯗﺷﻨﻰ ﺑﺎﺷﻼﺵ ﺋﯜﭼﯜﻥ، ﺗﯩﺒﻪﺗﻨﯩﯔ ﻳﻪﻧﻪ ﺑﯩﺮ ﺩﯨﻨﯩﻲ ﺩﺍﻫﯩﺴﻰ ﭘﻪﻧﭽﯩﻦ ﻻﻣﺎﻧﻰ ﺗﯜﺭﻣﯩﮕﻪ ﻗﺎﻣﯩﺪﻯ.
ﺗﯩﺒﻪﺗﺘﻪ ﺑﯘﻧﺪﺍﻕ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ 1989 ‏- ﻳﯩﻠﻰ 3 ‏- ﺋﺎﻳﺪﺍ ﻳﻪﻧﻪ ﻳﯜﺯ ﺑﻪﺭﺩﻯ. ﺗﯩﺒﻪﺗﻨﯩﯔ 'ﻗﺎﺭﻟﯩﻖ ﺗﺎﻏﺪﺍ ﺷﯩﺮ' ﺑﻪﻟﮕﯩﻠﯩﻚ ﺑﺎﻳﺮﯨﻘﻰ ﻟﺨﺎﺳﺎﺩﺍ ﻳﻪﻧﻪ ﻟﻪﭘﯩﻠﺪﯨﺪﻯ. ﺑﯘ ﻗﯧﺘﯩﻤﺪﺍ ﺗﯩﺒﻪﺕ ﺩﯨﻨﯩﻲ ﺯﺍﺗﻠﯩﺮﻯ ﻛﻮﻣﻤﯘﻧﯩﺴﺖ ﺧﯩﻴﺎﻧﻪﺗﭽﯩﻠﯩﺮﯨﮕﻪ ﻗﺎﺭﺷﻰ ﺗﯘﺭﯗﺵ ﺷﯘﺋﺎﺭﯨﻨﻰ ﺗﻮﯞﻟﯩﻐﺎﻥ ﺋﯩﺪﻯ. 120 ﻣﯩﯔ ﺗﯩﺒﻪﺕ ﻗﺎﺗﻨﺎﺷﻘﺎﻥ ﺑﯘﻧﺪﺍﻕ ﻛﻪﯓ ﻛﯚﻟﻪﻣﻠﯩﻚ ﺗﯩﻨﭻ ﻧﺎﻣﺎﻳﯩﺸﻨﻰ، ﺧﯩﺘﺎﻱ ﻫﯚﻛﯜﻣﯩﺘﻰ 15 ﻣﯩﯔ ﺋﻪﺳﻜﻪﺭ ﯞﻩ ﺳﺎﻗﭽﻰ ﺋﻪﯞﻩﺗﯩﭗ ﺑﺎﺳﺘﯘﺭﺩﻯ. ﺋﻪﻳﻨﻰ ﯞﺍﻗﯩﺘﺘﺎ ﺧﯘ ﺟﯩﻨﺘﺎﯞ ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻣﻨﯩﯔ ﺳﯧﻜﺮﯨﺘﺎﺭﻯ ﺋﯩﺪﻯ.
ﺑﯘ ﻳﯩﻞ 2008 ‏- ﻳﯩﻠﻰ 3 ‏- ﺋﺎﻳﻨﯩﯔ 10 ‏- ﻛﯜﻧﻰ، ﺧﯘ ﺟﻨﻨﺘﺎﯞ ﺑﯧﻴﺠﯩﯖﺪﯨﻜﻰ ﺋﯩﻜﻜﻰ ﭼﻮﯓ ﻳﯩﻐﯩﻨﯩﺪﺍ ﻳﻪﻧﻪ ﺑﯩﺮ ﻗﯧﺘﯩﻢ ﺩﯙﻟﻪﺕ ﺭﻩﺋﯩﺴﻰ ﺑﻮﻟﯘﭖ ﺳﺎﻳﻼﻧﺪﻯ'، ﺩﻩﭖ ﺟﺎﻛﺎﺭﻻﻧﻐﺎﻥ ﯞﺍﻗﯩﺘﺘﺎ، ﻟﺨﺎﺳﺎ ﺷﻪﻫﯩﺮﯨﺪﻩ ﻳﻪﻧﻪ ﺑﯩﺮ ﻗﯧﺘﯩﻢ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﻳﯜﺯ ﺑﻪﺭﺩﻯ. ﺗﯩﺒﻪﺗﻨﯩﯔ 'ﻗﺎﺭﻟﯩﻖ ﺗﺎﻏﺪﺍ ﺷﯩﺮ' ﺑﻪﻟﮕﯩﻠﯩﻚ ﺑﺎﻳﺮﯨﻘﻰ ﻳﻪﻧﻪ ﺑﯩﺮ ﻗﯧﺘﯩﻢ ﻟﺨﺎﺳﺎ ﺋﺎﺳﻤﯩﻨﯩﺪﺍ ﻟﻪﭘﯩﻠﺪﯨﺪﻯ. ﺧﯘ ﺟﯩﻨﺘﺎﯞ ﺗﯩﺒﻪﺗﻠﻪﺭﻧﯩﯔ ﻣﯩﻠﻠﯩﻲ ﺗﻪﻟﻪﭘﻠﯩﺮﯨﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻗﻮﭘﺎﻟﻠﯩﻖ ﺑﯩﻠﻪﻥ ﺭﻩﺕ ﻗﯩﻠﯩﭗ ﺑﺎﺳﺘﯘﺭﺩﻯ. ﻣﯘﺷﯘ ﻛﯜﻧﺪﻩ، ﺩﯗﻧﻴﺎﻧﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻜﻰ ﺗﯩﺒﻪﺗﻠﻪﺭﻣﯘ، ﺋﯚﺯﻯ ﺗﯘﺭﻏﺎﻥ ﺩﯙﻟﻪﺗﻠﻪﺭﺩﻩ ﻗﻮﺯﻏﯩﻠﯩﭗ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻗﻮﺭﺍﻟﻠﯩﻖ ﺑﺎﺳﺘﯘﺭﯗﻟﻐﺎﻥ ﺩﻩﻫﺸﻪﺗﻠﯩﻚ ﻛﯜﻧﻠﻪﺭﻧﻰ ﺋﻪﺳﻠﻪﭖ ﻧﺎﻣﺎﻳﯩﺶ ﻗﯩﻠﺪﻯ. ﺑﻮﻟﯘﭘﻤﯘ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﺎﺷﺘﯩﻦ ‏- ﺋﺎﺧﯩﺮ ﺋﺎﻧﻰ ﺗﯧﭙﯩﭗ ﻛﯧﻠﯩﯟﺍﺗﻘﺎﻥ ﺗﯩﺒﻪﺗﻠﻪﺭﻧﯩﯔ، ﺋﺎﻟﻘﯩﻨﯩﺪﺍ ﻗﯘﺭﯗﺕ ﺋﯚﻟﻤﻪﻳﺪﯨﻐﺎﻥ ﻻﻣﺎﻟﯩﺮﯨﻤﯘ ﻗﺎﺗﺘﯩﻖ ﻏﻪﺯﻩﭘﻜﻪ ﻛﻪﻟﺪﻯ، ﺋﯘﻻﺭﻧﯩﯖﻤﯘ ﻣﯘﺷﺘﻰ ﻗﺎﺗﺘﯩﻖ ﺗﯜﮔﯜﻟﺪﻯ.
'ﺧﯩﺘﺎﻳﻐﺎ ﻧﻪﺯﻩﺭ' ﺗﻮﺭ ﺑﯧﺘﯩﻨﯩﯔ ﻣﯘﺧﺒﯩﺮﻯ ﺗﻴﻪﻧﻠﻰ ﺋﻪﭘﻪﻧﺪﻯ ﺑﯘ ﻳﯩﻠﻘﻰ ﺗﯩﺒﻪﺕ ﻫﻪﺭﯨﻜﯩﺘﯩﻨﻰ ﺗﻪﭘﺴﯩﻠﯩﻲ ﻛﯚﺯﯨﺘﯩﭗ، ﺑﯘﺭﯗﻧﻘﯩﻼﺭﻏﺎ ﺳﯧﻠﯩﺸﺘﯘﺭﯗﭖ ﻛﯚﺭﮔﻪﻧﺪﯨﻦ ﻛﯧﻴﯩﻦ 'ﻗﺎﺭﻟﯩﻖ ﺗﺎﻏﻨﯩﯔ ﺷﯩﺮﻟﯩﺮﻯ ﺑﯘ ﻳﯩﻞ ﻗﺎﺗﺘﯩﻖ ﻫﯚﺭﻛﯩﺮﯨﺪﻯ، ﺟﻮﯕﻨﻪﻧﺨﻪﻱ ﻗﺎﺗﺘﯩﻖ ﺳﯩﻠﻜﯩﻨﺪﻯ' ﺩﻩﭖ ﺗﻪﺳﯟﯨﺮﻟﯩﺪﻯ.
' ﻛﯚﺯﯨﺘﯩﺶ ﺟﯘﺭﻧﯩﻠﻰ' ﻧﯩﯔ ﺑﯜﮔﯜﻧﻜﻰ ﺳﺎﻧﯩﺪﯨﻤﯘ، ﺗﯩﺒﻪﺗﺘﻪ ﺑﯩﺮ ﻧﻪﭼﭽﻪ ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﻳﯜﺯ ﺑﻪﺭﮔﻪﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﻪﺭ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻧﻰ ﻗﺎﻧﺪﺍﻕ ﺑﺎﺳﺘﯘﺭﻏﺎﻧﻠﯩﻘﻰ ﺗﻪﺳﯟﯨﺮﻟﻪﭖ ﺑﺎﻳﺎﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﻪ ﺑﯧﺴﯩﻠﺪﻯ. "ﻟﺨﺎﺳﺎﻏﺎ ﺗﻪﯕﻠﯩﮕﻪﻥ ﻧﻪﻳﺰﻩ" ﺩﯦﮕﻪﻥ ﺑﯘ ﺋﻪﺳﻠﯩﻤﯩﻨﻰ، ﺗﯩﺒﻪﺗﺘﻪ ﺋﯘﺯﯗﻥ ﻳﯩﻞ ﻣﯘﺧﺒﯩﺮ ﺑﻮﻟﯘﭖ ﺋﯩﺸﻠﯩﮕﻪﻥ، ﺋﻪﻣﻤﺎ ﺋﯚﺯﯨﻨﯩﯔ ﺑﻪﺯﻯ ﺋﻪﺭﻛﯩﻦ ﭘﯩﻜﯩﺮﻟﯩﺮﻯ ﺑﻪﺩﯨﻠﯩﮕﻪ 4 ﻳﯩﻞ ﺗﯜﺭﻣﯩﺪﻩ ﻳﺎﺗﻘﺎﻥ، ﻫﯚﻛﯜﻣﻪﺕ ﻗﺎﺗﻠﯩﻤﯩﻨﯩﯔ ﯞﻩ ﻳﻪﺭﻟﯩﻚ ﺧﻪﻟﻘﻨﯩﯔ ﺋﻪﻫﯟﺍﻟﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ ﺗﺎﯓ ﺩﺍﺷﻴﻪﻥ ﺋﻪﭘﻪﻧﺪﻯ ﻳﺎﺯﻏﺎﻥ ﺋﯩﺪﻯ. ﺋﯘ ﻣﻪﺯﻛﯘﺭ ﺋﻪﺳﻠﯩﻤﯩﺴﯩﺪﻩ 1989 ‏- ﻳﯩﻠﻰ ﻟﺨﺎﺳﺎﺩﺍ ﻳﯜﺯ ﺑﻪﺭﮔﻪﻥ ﻗﻮﺭﺍﻟﻠﯩﻖ ﺑﺎﺳﺘﯘﺭﯗﺷﻨﯩﯔ ﺟﻪﺭﻳﺎﻧﯩﻨﻰ ﯞﻩ ﺗﯩﺒﻪﺕ -ﺧﯩﺘﺎﻱ ﻣﻪﺩﻩﻧﯩﻴﻪﺕ ﺗﻮﻗﯘﻧﯘﺷﯩﻨﯩﯔ ﺳﻪﯞﻩﺑﻠﯩﺮﯨﮕﻪ ﺩﺍﺋﯩﺮ ﺋﯘﭼﯘﺭﻻﺭﻧﻰ ﺑﺎﻳﺎﻥ ﻗﯩﻠﻐﺎﻥ. (ﺩﺍﯞﺍﻣﻰ ﺑﺎﺭ)

ﯞﻩﺗﻪﻧﺪﯨﻦ ﺧﻪﺕ: "ﺭﺍﺑﯩﻴﻪ ﻗﺎﺩﯨﺮ ﺑﯩﺰﻧﯩﯔ ﯞﻩﻛﯩﻠﯩﻤﯩﺰ ﻫﻪﻡ ﻳﻮﻟﺒﺎﺷﭽﯩﻤﯩﺰ "

ﻳﯩﻞ 13 - ﻣﺎﺭﺕ ﻛﯜﻧﻰ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ ﯞﻩﻛﯩﻠﻰ ﺋﻪﻣﻪﺱ، ﺗﯧﺮﺭﻭﺭﭼﯩﻼﺭﻧﯩﯔ ﯞﻩﻛﯩﻠﻰ ﺩﻩﭖ ﺑﺎﻳﺎﻧﺎﺕ ﺑﻪﺭﮔﻪﻥ ﺋﯩﺪﻯ. ﻣﻪﺯﻛﯘﺭ ﺑﺎﻳﺎﻧﺎﺕ ﯞﻩﺗﻪﻥ ﺋﯩﭽﯩﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﺋﺎﺭﯨﺴﯩﺪﯨﻤﯘ ﻛﯜﭼﻠﯜﻙ ﻏﯘﻟﻐﯘﻻ ﭘﻪﻳﺪﺍ ﻗﯩﻠﻐﺎﻥ. ﺑﯘﻏﺪﺍ ﺋﺎﺗﺎ ﺗﻪﺧﻪﻟﻠﯘﺳﻰ ﺑﯩﻠﻪﻥ ﺭﺍﺩﯨﺌﻮﻣﯩﺰﻏﺎ ﺋﻮﭼﯘﻕ ﻣﻪﻛﺘﯘﭖ ﻳﻮﻟﻠﯩﻐﺎﻥ ﺑﯩﺮ ﺋﯘﻳﻐﯘﺭ، ﭼﯩﻦ ﮔﺎﯕﻨﯩﯔ ﺑﺎﻳﺎﻧﺎﺗﯩﻨﻰ ﺋﯩﻨﻜﺎﺭ ﻗﯩﻠﯩﭗ، ﯞﻩﺗﻪﻥ ﺋﯩﭽﯩﺪﯨﻜﻰ ﺧﻪﻟﻘﻨﯩﯔ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺋﯘﻳﻐﯘﺭ ﺧﻪﻟﻘﯩﻨﯩﯔ ﯞﻩﻛﯩﻠﻰ ﺩﻩﭖ ﺗﻮﻧﯘﻳﺪﯨﻐﺎﻧﻠﯩﻘﯩﻨﻰ ﻫﻪﻡ ﺭﻩﻫﺒﯩﺮﻯ ﺩﻩﭖ ﺑﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
" ﭼﯩﻦ ﮔﺎﯕﻨﯩﯔ ﺑﺎﻳﺎﻧﺎﺗﻰ ﺟﻮﯕﮕﯘ ﻫﯚﻛﯜﻣﯩﺘﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯗ"
ﺋﻮﭼﯘﻕ ﻣﻪﻛﺘﯘﭘﻨﻰ ﺑﯩﺮ ﮔﯘﺭﯗﭘﭙﺎ ﺩﻭﺳﺘﻠﯩﺮﻯ ﺑﯩﺮﻟﯩﻜﺘﻪ ﻳﺎﺯﻏﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﯘﻏﺪﺍ ﺋﺎﺗﺎ ﺳﯚﺯﯨﻨﻰ ﻣﯘﻧﺪﺍﻕ ﺑﺎﺷﻠﯩﻐﺎﻥ : " ﭼﯩﻦ ﮔﺎﯓ ﻗﺎﻳﺴﻰ ﺑﯩﺮ ﺋﯘﻳﻐﯘﺭﻧﯩﯔ ﺭﺍﻳﯩﻨﻰ ﺳﯩﻨﺎﭖ ﺑﯧﻘﯩﭙﺘﯘ، ﺋﯘ ﻗﺎﻳﺴﯩﺒﯩﺮ ﺋﯘﻳﻐﯘﺭﻧﯩﯔ ﺩﻩﺭﺩﯨﻨﻰ ﺋﺎﯕﻼﭖ ﺑﯧﻘﯩﭙﺘﯘ، ﺋﯘ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﻗﺎﻳﺴﻰ ﺑﯩﺮ ﭘﺎﺭﭼﯩﺴﯩﻨﻰ ﻛﯚﺭﯛﭖ ﺑﯧﻘﯩﭙﺘﯘ؟‏ - ﺋﺎﭘﺘﻮﺭ، ﻣﻪﻛﺘﯘﺑﯩﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﻏﺎﻥ،‏ - ﺋﯘﻳﻐﯘﺭ ﺧﻪﻟﻘﯩﻨﯩﯔ ﯞﻩﻛﯩﻠﯩﻨﻰ ﺑﯧﻴﺠﯩﯖﺪﺍ ﺗﯘﺭﯗﭖ ﻛﯚﺭﮔﯩﻠﻰ ﺑﻮﻟﻤﺎﻳﺪﯗ، ﺗﯧﺨﯩﻤﯘ ﺗﻮﻏﺮﯨﺴﻰ، ﺋﯘﻳﻐﯘﺭﻧﯩﯔ ﯞﻩﻛﯩﻠﯩﻨﻰ ﺑﯧﻴﺠﯩﯔ ﻛﯚﺭﺳﻪﺗﻤﻪﺳﻠﯩﻜﻰ ﻛﯧﺮﻩﻙ، ﺋﯘﻳﻐﯘﺭ ﺧﻪﻟﻘﻰ ﻛﯚﺭﺳﯩﺘﯩﺸﻰ ﻛﯧﺮﻩﻙ."
ﺑﯘﻏﺪﺍ ﺋﺎﺗﺎ ﺋﻮﭼﯘﻕ ﻣﻪﻛﺘﯘﺑﯩﺪﺍ، ﺑﯜﮔﯜﻥ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺑﺎﺭﻟﯩﻖ ﺳﻮﺭﯗﻧﻠﯩﺮﯨﺪﺍ، ﻳﻪﻧﻰ ﺗﻮﻱ - ﺗﯚﻛﯜﻧﻠﻪﺭﺩﻩ، ﻧﻪﺯﯨﺮ - ﭼﯩﺮﺍﻗﻼﺭﺩﺍ، ﺭﯦﺴﺘﻮﺭﺍﻧﻼﺭﺩﺍ، ﺋﯩﺸﺨﺎﻧﯩﻼﺭﺩﺍ، ﻳﻪﻧﻰ ﺋﯘﻳﻐﯘﺭﻻﺭ ﺟﻪﻡ ﺑﻮﻟﻐﺎﻧﻼ ﻳﻪﺭﺩﻩ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﻗﻘﯩﺪﻩ ﮔﻪﭖ ﺑﻮﻟﯩﺪﯨﻐﺎﻧﻠﯩﻘﻰ، ﺋﯘﻧﯩﯔ ﻣﯩﻠﻠﯩﺘﻰ ﺋﯜﭼﯜﻥ ﻗﯩﻠﻐﺎﻥ ﯞﻩ ﻗﯩﻠﯩﯟﺍﺗﻘﺎﻥ ﺧﯩﺰﻣﯩﺘﯩﮕﻪ ﺋﺎﭘﯩﺮﯨﻦ ﺋﻮﻗﯘﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﺪﯨﻦ ﻛﯧﻴﯩﻦ، ﻣﯘﻧﺪﺍﻕ ﻳﺎﺯﻏﺎﻥ: " ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺋﯘﻳﻐﯘﺭﻻﺭﻧﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ، ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻜﻰ ﻣﯩﻠﻴﻮﻧﯧﺮﻟﯩﻖ ﺋﻮﺭﻧﯩﺪﯨﻦ ﯞﺍﺯ ﻛﻪﭼﺘﻰ، ﻫﻮﻗﯘﻗﯩﺪﯨﻦ ﯞﺍﺯ ﻛﻪﭼﺘﻰ، ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ ﻳﯩﻐﯩﻨﻼﺭﺩﺍ، ﺧﻪﺗﻪﺭﮔﻪ ﭘﻪﺭﯞﺍ ﻗﯩﻠﻤﺎﻱ، ﺋﯘﻳﻐﯘﺭﻻﺭﻧﯩﯔ ﺩﻩﺭﺩﯨﻨﻰ ﺋﺎﺷﻜﺎﺭﺍ ﺋﻮﺗﺘﯘﺭﯨﻐﺎ ﻗﻮﻳﺪﻯ، ﻫﯚﻛﯜﻣﻪﺗﻨﻰ ﺋﺎﺷﻜﺎﺭﺍ ﺗﻪﻧﻘﯩﺪ ﻗﯩﻠﺪﻯ. ﺋﯚﺯﻯ 6 ﻳﯩﻞ ﺗﯜﺭﻣﯩﺪﻩ ﻳﺎﺗﺘﻰ، ﻳﯜﺭﻩﻙ ﭘﺎﺭﯨﺴﻰ ﺑﻮﻟﻐﺎﻥ ﺋﯩﻜﻜﻰ ﺋﻮﻏﻠﻰ ﺗﯜﺭﻣﯩﺪﻩ ﻳﯧﺘﯩﯟﺍﺗﯩﺪﯗ. ﺋﯘﻳﻐﯘﺭ ﺧﻪﻟﻘﻰ ﺋﯚﺯﻯ ﺋﯜﭼﯜﻥ ﺑﻪﺩﻩﻝ ﺗﯚﻟﻪﯞﺍﺗﻘﺎﻧﻼﺭ ﺑﯩﻠﻪﻥ ﺋﯚﺯﯨﻨﻰ ﺳﯧﺘﯩﭗ ﺧﻪﺟﻠﻪﯞﺍﺗﻘﺎﻧﻼﺭﻧﻰ ﭘﻪﺭﻗﻠﻪﻧﺪﯛﺭﻩﻟﻪﻳﺪﯗ. ﭼﯩﻦ ﮔﺎﯕﻨﯩﯔ ﺑﺎﻳﺎﻧﺎﺗﻰ ﭘﻪﻗﻪﺕ ﺟﯘﯕﮕﻮ ﻫﯚﻛﯜﻣﯩﺘﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯗ، ﺋﯘﻳﻐﯘﺭ ﺧﻪﻟﻘﯩﻐﻪ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ. "
" ﺭﺍﺑﯩﻴﻪ ﻗﺎﺩﯨﺮ ﺑﺎﺵ ﺋﻪﮔﻤﯩﺪﻯ"
ﺑﯘﻏﺪﺍ ﺋﺎﺗﺎ ﺋﻮﭼﯘﻕ ﻣﻪﻛﺘﯘﺑﯩﺪﺍ ﻳﻪﻧﻪ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺑﯘﻟﺘﯘﺭ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺑﯩﻠﻪﻥ ﻛﯚﺭﯛﺷﻜﯩﻨﯩﻨﯩﯔ، ﺩﻩﺳﻠﻪﭖ ﺋﯜﺭﯛﻣﭽﯩﺪﻩ ﻛﻮﭼﺎ ﺧﻪﯞﯨﺮﻯ ﺑﻮﻟﯘﭖ ﺗﺎﺭﻗﺎﻟﻐﺎﻧﻠﯩﻘﯩﻨﻰ، ﺋﺎﺭﻗﯩﺪﯨﻦ ﺷﯩﻨﺠﺎﯓ ﻗﺎﻧﯘﻧﭽﯩﻠﯩﻖ ﮔﯧﺰﯨﺘﯩﮕﻪ ﺑﯧﺴﯩﻠﻐﺎﻧﻠﯩﻘﯩﻨﻰ، ﺑﯘ ﺧﻪﯞﻩﺭﻧﯩﯔ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﻩ ﻛﯜﭼﻠﯜﻙ ﻫﺎﻳﺎﺟﺎﻥ ﭘﻪﻳﺪﺍ ﻗﯩﻠﻐﺎﻧﻠﯩﻘﯩﻨﻰ، ﺋﺎﺩﻩﺗﺘﻪ 1 ﻳﯜﻩﻧﺪﯨﻦ ﺳﯧﺘﯩﻠﯩﭗ ﺑﻮﻻﻟﻤﺎﻳﺪﯨﻐﺎﻥ ﻣﻪﺯﻛﯘﺭ ﮔﯧﺰﯨﺘﻨﯩﯔ ﺷﯘ ﻛﯜﻧﻰ ﺩﯙﯕﻜﯚﯞﺭﯛﻛﺘﻪ ﺑﺎﻫﺎﺳﯩﻨﯩﯔ 20 ﻳﯜﻩﻧﮕﻪ ﭼﯩﻘﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﯞﻩ " ﻣﺎﻧﺎ ﺑﯘ ﺋﻪﻫﯟﺍﻝ ﺋﯘﻳﻐﯘﺭ ﺧﻪﻟﻘﯩﻨﯩﯔ ﻧﯚﯞﻩﺗﺘﯩﻜﻰ ﺳﯩﻴﺎﺳﯩﻲ ﺳﻪﺯﮔﯜﺭﻟﯩﻜﯩﻨﻰ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻐﺎ ﺑﻮﻟﻐﺎﻥ ﻫﯚﺭﻣﻪﺕ ﯞﻩ ﺋﯘﻧﯩﯖﺪﯨﻦ ﻛﯜﺗﯩﺪﯨﻐﺎﻥ ﺋﯜﻣﯩﺪﯨﻨﻰ ﺋﻪﻛﺲ ﺋﻪﺗﺘﯘﺭﯨﺪﯗ ﺩﻩﭖ ﻳﺎﺯﻏﺎﻥ .
ﺋﯩﻠﮕﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﻳﺎﺷﺎﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺭﺍﺩﯨﺌﻮﻣﯩﺰﻏﺎ ﻗﯩﺰﺯﯨﻖ ﻟﯩﻨﯩﻴﻪ ﺋﺎﺭﻗﯩﻠﯩﻖ ﺗﯧﻠﯧﻔﻮﻥ ﺋﯧﭽﯩﭗ، ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﻗﻘﯩﺪﻩ ﻣﯘﻧﯘﻻﺭﻧﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺪﻯ: "11 ﺑﺎﻟﯩﺴﻰ ﺑﺎﺭ ﺑﯩﺮ ﺧﺎﻧﯩﻢ ﺑﯜﮔﯜﻥ ﺋﯘﻳﻐﯘﺭﻧﻰ ﺩﯗﻧﻴﺎﻏﺎ ﺗﻮﻧﯘﺗﯩﯟﺍﺗﯩﺪﯗ. ﺋﻪﺭﻟﻪﺭ ﻗﯩﻼﻟﻤﯩﻐﺎﻥ ﺋﯩﺸﻼﺭﻧﻰ ﻗﯩﻠﯩﯟﺍﺗﯩﺪﯗ. ﺭﺍﺑﯩﻴﻪ ﻗﺎﺩﯨﺮ ﺋﯩﻜﻜﻰ ﺑﺎﻟﯩﺴﯩﻨﻰ ﺗﯜﺭﻣﯩﮕﻪ ﺳﻮﻟﯩﯟﺍﻟﺴﯩﻤﯘ ﺑﺎﺵ ﺋﻪﮔﻤﯩﺪﻯ، ﺋﯘﻧﯩﯔ ﺟﺎﺳﺎﺭﯨﺘﯩﮕﻪ ﻣﻪﻥ ﻗﺎﻳﯩﻞ" . ﺋﯘ ﻳﻪﻧﻪ، ﻧﯚﯞﻩﺗﺘﻪ ﺧﯩﺘﺎﻱ ﺗﻪﺭﻩﭖ ﺋﯘﻳﻐﯘﺭﻻﺭﻧﯩﯔ ﯞﻩﻛﯩﻠﻰ ﺩﻩﭖ ﻛﯚﺗﯜﺭﯛﭖ ﭼﯩﻘﻘﺎﻥ ﻧﯘﺭ ﺑﻪﻛﺮﻯ ﻗﺎﺗﺎﺭﻟﯩﻖ ﻛﯩﺸﯩﻠﻪﺭ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﮕﻪﻥ ﺋﯩﺪﻯ: " ﺋﯘﻻﺭ ﻳﻮﻏﺎﻥ ﺋﺎﺩﻩﻣﻠﻪﺭ ﺋﻪﻣﻪﺱ، ﺟﺎﻥ ﺑﺎﻗﺎﺭ ﺋﺎﺩﻩﻣﻠﻪﺭ. ﺷﯘﻻﺭﻧﯩﯔ ﻛﺎﺳﺎﭘﯩﺘﯩﺪﯨﻦ ﻣﯩﻠﻠﯩﺘﯩﻤﯩﺰ ﻣﯘﺷﯘ ﻛﯜﻧﮕﻪ ﻗﯧﻠﯩﯟﺍﺗﯩﺪﯗ"
ﺭﺍﺩﯨﺌﻮﻣﯩﺰﻏﺎ ﺑﯘﻏﺪﺍ ﺋﺎﺗﺎ ﻧﺎﻣﯩﺪﺍ ﻳﻪﺗﻜﯜﺯﯛﻟﮕﻪﻥ ﺋﻮﭼﯘﻕ ﻣﻪﻛﺘﯘﭖ ﻣﯘﻧﺪﺍﻕ ﺋﺎﺧﯩﺮﻻﺷﻘﺎﻥ: " ﺋﯘﻳﻐﯘﺭ ﺧﻪﻟﻘﻰ ﺑﯜﮔﯜﻥ ﺋﯚﺯﯨﻨﯩﯔ ﯞﻩﻛﯩﻠﻠﯩﺮﯨﻨﻰ، ﺭﻩﻫﺒﯩﺮﯨﻨﻰ ﺳﺎﻳﻼﺵ ﻫﻮﻗﯘﻗﯩﺪﯨﻨﻼ ﺋﻪﻣﻪﺱ، ﺋﯘﻧﻰ ﺗﯩﻠﻐﺎ ﺋﯧﻠﯩﺶ ﻫﻮﻗﯘﻗﯩﺪﯨﻨﻤﯘ ﻣﻪﻫﺮﯗﻡ ﻳﺎﺷﺎﯞﺍﺗﯩﺪﯗ. ﺷﯘﯕﺎ ﺑﯩﺰ ﺑﯘ ﻣﻪﻛﺘﯘﭘﻨﻰ ﻳﯧﺰﯨﯟﺍﺗﻘﺎﻥ ﺑﯩﺮ ﮔﯘﺭﯗﭘﭙﺎ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﻣﻪﻛﺘﯘﺑﯩﻤﯩﺰﻧﻰ ﺋﯩﻤﺰﺍﺳﯩﺰ ﻳﯧﺰﯨﺸﻘﺎ ﻣﻪﺟﺒﯘﺭ ﺑﻮﻟﺪﯗﻕ. ﺑﯩﺰ ﺩﯗﻧﻴﺎﻏﺎ ﺷﯘﻧﻰ ﺑﯩﻠﺪﯛﺭﻣﻪﻛﭽﯩﻤﯩﺰﻛﻰ: ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﻛﯜﺭﻩﺷﻠﯩﺮﯨﺪﻩ ﺗﺎﯞﻻﻧﻐﺎﻥ، ﺳﯩﻨﺎﻗﻠﯩﺮﯨﺪﯨﻦ ﺋﯚﺗﻜﻪﻥ؛ ﻧﺎﻣﯩﻐﺎ، ﺷﺎﻥ - ﺷﻪﺭﯨﭙﯩﮕﻪ ﺷﻪﻙ ﻛﻪﻟﺘﯜﺭﻩﻟﻤﻪﺱ ﻣﯩﻠﻠﯩﻲ ﺭﻩﻫﺒﯩﺮﯨﻤﯩﺰﺩﯗﺭ."

ﺝ ﺥ ﺗﺎﺭﻣﺎﻗﻠﯩﺮﻯ ﺋﯜﺭﯛﻣﭽﯩﺪﻩ ﭘﺎﺭﺗﻼﺵ ﻳﯜﺯ ﺑﻪﺭﮔﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﺧﻪﯞﻩﺭ ﺗﺎﺭﻗﺎﺗﻘﺎﻥ ﺑﻪﺯﻯ ﻛﯩﺸﯩﻠﻪﺭﻧﻰ ﻗﻮﻟﻐﺎ ﺋﺎﻟﻐﺎﻥ

2008.03.25
ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ 25‏ - ﻣﺎﺭﺕ ﻛﯜﻧﻰ ﺋﯜﺭﯛﻣﭽﯩﺪﻩ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﯛﭖ، ﺋﯜﺭﯛﻣﭽﯩﺪﻩ ﭘﺎﺭﺗﻼﺷﻼﺭ ﻳﯜﺯ ﺑﻪﺭﮔﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﺗﺎﺭﻗﺎﻟﻐﺎﻥ ﺧﻪﯞﻩﺭﻟﻪﺭﻧﯩﯔ ﺋﺎﺳﺎﺳﺴﯩﺰ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.
ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺑﺎ ﻳﻪﻥ، ﺋﯜﺭﯛﻣﭽﯩﺪﻩ ﺑﯩﺮ ﺋﺎﭘﺘﻮﺑﯘﺳﺘﺎ ﭘﺎﺭﺗﻼﺵ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺭﺍﻳﻮﻧﺪﺍ ﺗﺎﺭﻗﺎﻟﻐﺎﻥ ﺳﯚﺯ - ﭼﯚﭼﻪﻛﻠﻪﺭﻧﯩﯔ ﻳﺎﻟﻐﺎﻥ ﺋﯩﻜﻪﻧﻠﯩﻜﯩﻨﻰ ﯞﻩ ﺑﯘ ﻫﻪﻗﺘﻪ ﺗﺎﺭﻗﺎﻟﻐﺎﻥ ﺧﻪﯞﻩﺭﻟﻪﺭﻧﯩﯔ ﺋﺎﻣﻤﯩﻨﻰ ﻗﺎﻳﻤﯘﻗﺘﯘﺭﯗﭖ ﻗﻮﻳﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﯞﻩ ﺷﯩﻨﺠﺎﯓ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ ﻧﺎﺯﯨﺮﻯ ﻟﻴﯘ ﻳﺎﯞﺧﯘﺍ، ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺑﯩﺮ ﻗﯩﺴﯩﻢ ﻗﺎﻧﯘﻧﺴﯩﺰ ﺋﯘﻧﺴﯘﺭﻻﺭ ﺧﻪﻟﻘﻨﯩﯔ ﻛﺎﻟﻠﯩﺴﯩﻨﻰ ﻗﺎﻳﻤﯘﻗﺘﯘﺭﯗﺵ ﺋﺎﺭﻗﯩﻠﯩﻖ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺑﯘﺯﯗﺵ ﺋﯜﭼﯜﻥ، ﺯﻩﻫﻪﺭﻟﯩﻚ ﺳﯚﺯ - ﭼﯚﭼﻪﻛﻠﻪﺭ ﺗﺎﺭﻗﺎﺗﻤﺎﻗﺘﺎ، ﺩﯦﮕﻪﻥ. ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺑﯩﺨﻪﺗﻪﺭﻟﯩﻚ ﺩﺍﺋﯩﺮﯨﻠﯩﺮﻯ ﺑﯘ ﻣﻪﺳﯩﻠﻪ ﻫﻪﻗﻘﯩﺪﻩ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻣﺎﻗﺘﺎ.
ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺑﯩﺨﻪﺗﻪﺭﻟﯩﻚ ﺩﺍﺋﯩﺮﯨﻠﯩﺮﻯ، ﺋﯜﺭﯛﻣﭽﯩﺪﻩ ﺑﯩﺮ ﻗﺎﺗﺎﺭ ﭘﺎﺭﺗﻼﺷﻼﺭ ﻳﯜﺯ ﺑﻪﺭﮔﻪﻧﻠﯩﻜﻰ ﺗﻮﻏﺮﯨﺴﯩﺪﺍ ﺧﻪﯞﻩﺭ ﺗﺎﺭﻗﺎﺗﻘﺎﻥ ﺑﻪﺯﻯ ﻛﯩﺸﯩﻠﻪﺭﻧﻰ ﻗﻮﻟﻐﺎ ﺋﺎﻟﻐﺎﻥ.
ﻟﯧﻜﯩﻦ، ﮔﻪﺭﭼﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﺋﯜﺭﯛﻣﭽﯩﺪﻩ ﭘﺎﺭﺗﻼﺵ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭﻧﻰ ﺭﻩﺕ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﻣﯘﺧﺒﯩﺮﯨﻤﯩﺰﻧﯩﯔ ﺑﯘ ﻫﻪﻗﺘﯩﻜﻰ ﺳﯘﺋﺎﻟﻠﯩﺮﯨﻨﻰ ﺟﺎﯞﺍﺑﻼﻧﺪﯗﺭﻏﺎﻥ ﺋﯜﺭﯛﻣﭽﯩﺪﯨﻜﻰ ﻧﯘﺭﻏﯘﻥ ﻛﯩﺸﯩﻠﻪﺭ ﺋﯜﺭﯛﻣﭽﯩﺪﻩ ﺑﯩﺮ ﻗﺎﺗﺎﺭ ﭘﺎﺭﺗﻼﺷﻼﺭ ﻣﻪﻳﺪﺍﻧﻐﺎ ﻛﻪﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﺋﯜﺭﯛﻣﭽﯩﺪﻩ ﺋﺎﭘﺘﻮﺑﯘﺱ ﭘﺎﺭﺗﻼﺵ -- ﺧﯩﺘﺎﻱ ﯞﻩﻗﻪﻧﻰ ﺩﺍﯞﺍﻣﻠﯩﻖ ﺋﯩﻨﻜﺎﺭ ﻗﯩﻠﻤﺎﻗﺘﺎ

2008.03.25
ﻳﯧﯖﻰ ﺯﯦﻼﻧﺪﯨﻴﯩﺪﻩ ﭼﯩﻘﯩﺪﯨﻐﺎﻥ Shoudou huawen baw ﻧﺎﻣﻠﯩﻖ ﮔﯧﺰﯨﺖ، ﺗﯜﻧﯜﮔﯜﻥ ﻳﻪﻧﻰ 24 ‏ - ﻣﺎﺭﺕ ﻛﯜﻧﻰ ﺋﯜﺭﯛﻣﭽﯩﺪﻩ ﺋﺎﺭﻗﺎ - ﺋﺎﺭﻗﯩﺪﯨﻦ 4 ﺟﺎﻳﺪﺍ ﺋﺎﭘﺘﻮﺑﯘﺱ ﭘﺎﺭﺗﻠﯩﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭ ﺑﻪﺭﮔﻪﻥ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺝ ﺥ ﺋﯩﺪﺍﺭﯨﺴﻰ ﺑﯜﮔﯜﻥ ﻳﻪﻧﻰ 25 ‏ - ﻣﺎﺭﺕ ﻛﯜﻧﻰ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯧﭽﯩﭗ ﻣﻪﺯﻛﯘﺭ ﺧﻪﯞﻩﺭﻧﻰ ﻳﺎﻟﻐﺎﻥ ﺩﻩﭖ ﺋﯩﻨﻜﺎﺭ ﻗﯩﻠﻐﺎﻥ ﯞﻩ ﺋﯘﻳﻐﯘﺭ ﺭﺍﻳﻮﻧﺪﺍ ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﺪﺍ ﻣﻪﺳﯩﻠﻪ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ ﺑﯜﮔﯜﻥ ﺋﯜﺭﯛﻣﭽﯩﺪﯨﻜﻰ ﺑﯩﺮﻗﺎﻧﭽﻪ ﻣﯧﻬﻤﺎﻧﺨﺎﻧﺎ ﯞﻩ ﺋﺎﺋﯩﻠﯩﻠﯩﻜﻠﻪﺭﮔﻪ ﺗﯧﻠﯧﻔﻮﻥ ﺋﯧﭽﯩﭗ ﺋﻪﻫﯟﺍﻝ ﺋﯩﮕﯩﻠﯩﮕﯩﻨﯩﻤﯩﺰﺩﻩ، ﺋﯘﻻﺭ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﯩﻨﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.
ﺑﻪﺯﻯ ﻛﯩﺸﯩﻠﻪﺭ ﺑﯩﺮﻗﺎﻧﭽﻪ ﺋﺎﭘﺘﻮﺑﯘﺱ ﭘﺎﺭﺗﻠﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ
ﻳﯧﯖﻰ ﺯﯦﻼﻧﺪﯨﻴﯩﺪﯨﻜﻰ ﮔﯧﺰﯨﺘﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، 24 ‏ - ﻣﺎﺭﺕ ﻛﯜﻧﻰ ﻛﻪﭺ ﺳﺎﺋﻪﺕ 6 ﺋﻪﺗﺮﺍﭘﯩﺪﺍ ﺋﯜﺭﯛﻣﭽﯩﺪﯨﻜﻰ 910 ‏ - ﻳﻮﻝ، 17 ‏ - ﻳﻮﻝ ﯞﻩ 2 ‏ - ﻳﻮﻝ ﺋﺎﭘﺘﻮﺑﯘﺳﻠﯩﺮﯨﺪﺍ، ﻫﻪﻡ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻫﯚﻛﯜﻣﯩﺘﻰ ﺑﯩﻨﺎﺳﯩﻨﯩﯔ ﺋﻪﺗﺮﺍﭘﯩﺪﺍ ﺋﺎﺭﻗﺎ - ﺋﺎﺭﻗﯩﺪﯨﻦ ﭘﺎﺭﺗﻼﺵ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻥ. ﺑﻮﺷﯘﻥ ﺗﻮﺭﻯ ﺑﯜﮔﯜﻧﻜﻰ ﺧﻪﯞﯨﺮﯨﺪﯨﻤﯘ، ﺋﯜﺭﯛﻣﭽﻰ ﺷﻪﻫﯩﺮﯨﺪﻩ 4 ﺋﻮﺭﯗﻧﺪﺍ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺧﻪﯞﻩﺭ ﻗﯩﻠﺪﻯ. ﺑﯩﺰﻧﯩﯔ ﺋﯩﮕﯩﻠﯩﺸﯩﻤﯩﺰﺩﻩ، ﺋﯩﻜﻜﻰ ﻛﯩﺸﻰ، ﭘﺎﺭﺗﻠﯩﻐﺎﻥ ﺋﺎﭘﺘﻮﺑﯘﺳﻨﯩﯔ ﺑﯩﺮ ﺋﯩﻜﻪﻧﻠﯩﻜﯩﻨﻰ، ﻳﻪﻧﻪ ﺑﯩﺮﺳﻰ ﺑﻮﻟﺴﺎ، ﺑﯩﺮﻗﺎﻧﭽﻪ ﺋﺎﭘﺘﻮﺑﯘﺱ ﭘﺎﺭﺗﻠﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.
ﺑﯜﮔﯜﻥ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺝ ﺥ ﻧﺎﺯﺍﺭﯨﺘﻰ ﺑﺎﻳﺎﻧﺎﺗﯩﺪﺍ، ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯩﻨﻜﺎﺭ ﻗﯩﻠﯩﺶ ﺑﯩﻠﻪﻥ ﺑﯩﻠﻠﻪ، ﻧﯚﯞﻩﺗﺘﻪ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﯘﻗﯩﻤﻠﯩﻖ، ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﯞﻩ ﺋﯩﻨﺎﻕ ﺟﻪﻣﺌﯩﻴﻪﺕ ﯞﻩﺯﯨﻴﯩﺘﯩﻨﯩﯔ ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﺑﺎﺳﻘﯘﭼﺘﺎ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺑﯩﺰ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻐﺎ ﺋﯧﺮﯨﺸﻪﻟﻤﯩﮕﻪﻧﺪﯨﻦ ﻛﯧﻴﯩﻦ، ﺋﯜﺭﯛﻣﭽﻰ ﺷﻪﻫﯩﺮﯨﺪﯨﻜﻰ ﺑﯩﺮ ﻗﺎﻧﭽﻪ ﻣﯧﻬﻤﺎﻧﺨﺎﻧﯩﻐﺎ ﺳﺎﻳﺎﻫﻪﺗﭽﻰ ﺳﯜﭘﯩﺘﯩﺪﻩ ﺗﯧﻠﯧﻔﻮﻥ ﻗﯩﻠﯩﭗ ﺋﻪﻫﯟﺍﻝ ﺋﯩﮕﯩﻠﯩﺪﯗﻕ.
ﺑﯩﺰ ﺋﯘﻻﺭﻏﺎ، ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﺳﻪﯞﻩﺑﻠﯩﻚ ﻣﯧﻬﻤﺎﻧﺨﺎﻧﯩﻐﺎ ﺑﯩﻠﻪﺕ ﺋﯧﻠﯩﺸﺘﯩﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﯩﻨﯩﻤﯩﺰﻧﻰ ﺑﯩﻠﺪﯛﺭﮔﯩﻨﯩﻤﯩﺰﺩﻩ، ﻣﯧﻬﻤﺎﻧﺨﺎﻧﺎ ﺧﯩﺰﻣﻪﺗﭽﯩﺴﻰ ﺋﻪﻫﯟﺍﻟﻨﻰ ﺋﺎﺷﻜﺎﺭﯨﻠﯩﺪﻯ: ﺋﯘﻧﯩﯔ ﺩﯦﻴﯩﺸﯩﭽﻪ، ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﺋﯘﻻﺭﻧﯩﯔ ﻣﯧﻬﻤﺎﻧﺨﺎﻧﯩﺴﯩﺪﯨﻦ 10 ﻣﯩﻨﯘﺗﻠﯘﻕ ﻣﯘﺳﺎﭘﯩﺪﺍ ﻳﻪﻧﻰ ﻧﻪﻧﻤﯧﻦ ﻳﻮﻟﯩﺪﺍ ﻳﯜﺯ ﺑﻪﺭﮔﻪﻥ. ﻳﻪﻧﻪ ﺑﯩﺮ ﻣﯧﻬﻤﺎﻧﺨﺎﻧﺎ ﺧﺎﺩﯨﻤﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﭘﺎﺭﺗﻼﺵ 17 ‏ - ﻳﻮﻟﺪﺍ ﻳﯜﺯ ﺑﻪﺭﮔﻪﻥ.
ﺋﯘﻳﻐﯘﺭﻻﺭﻏﺎ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﻐﺎﻥ ﺗﻪﺷﯟﯨﻖ ﯞﺍﺭﺍﻗﻠﯩﺮﻯ ﺗﺎﺭﻗﯩﺘﯩﻠﻐﺎﻥ
ﺑﻮﺷﯜﻥ ﺗﻮﺭﻯ ﯞﻩﻗﻪﮔﻪ ﺋﺎﻻﻗﯩﺪﺍﺭ ﺑﯜﮔﯜﻧﻜﻰ ﺧﻪﯞﯨﺮﯨﺪﻩ، ﺋﯜﺭﯛﻣﭽﻰ ﺷﻪﻫﯩﺮﯨﺪﯨﻜﻰ ﺑﯩﺮ ﻗﯩﺴﯩﻢ ﺟﺎﻳﻼﺭﺩﺍ، ﺋﯘﻳﻐﯘﺭﻻﺭﻏﺎ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﻐﺎﻥ ﺗﻪﺷﯟﯨﻖ ﯞﺍﺭﺍﻗﻠﯩﺮﻯ ﺗﺎﺭﻗﯩﺘﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯜﮔﯜﻥ ﺭﻭﻳﯧﺘﯩﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺧﯩﺘﺎﻱ ﺋﻪﻣﻪﻟﺪﺍﺭﻯ، ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﯩﻨﻰ ﺋﯩﻨﻜﺎﺭ ﻗﯩﻠﻐﺎﻥ، ﺋﻪﻣﻤﺎ ﺗﻪﺷﯟﯨﻘﺎﺕ ﯞﺍﺭﯨﻘﻰ ﺗﺎﺭﻗﯩﺘﯩﻠﯩﺶ ﺋﻪﻫﯟﺍﻟﯩﻨﯩﯔ ﺭﺍﺳﺘﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
ﺋﺎﺧﺒﺎﺭﺍﺕ ﻛﻮﻧﺘﺮﻭﻟﻠﯘﻗﻰ ﺳﻪﯞﻩﺑﯩﺪﯨﻦ ﻣﻪﺯﻛﯘﺭ ﯞﻩﻗﻪ ﻳﯜﺯ ﺑﻪﺭﮔﻪﻥ ﺋﯧﻨﯩﻖ ﺋﻮﺭﯗﻥ، ﯞﻩﻗﻪ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺯﯨﻴﺎﻥ ﯞﻩ ﯞﻩﻗﻪ ﺳﺎﺩﯨﺮ ﻗﯩﻠﻐﯘﭼﯩﻼﺭ ﻫﻪﻗﻘﯩﺪﯨﻜﻰ ﺋﺎﺳﺎﺳﻠﯩﻖ ﻣﻪﻟﯘﻣﺎﺗﻼﺭ ﻫﯧﻠﯩﻬﻪﻡ ﺋﯧﻨﯩﻘﺴﯩﺰ ﺗﯘﺭﻣﺎﻗﺘﺎ.