ﺋﯘﻳﻐﯘﺭ ﺷﺎﺋﯩﺮ ﯞﻩ ﻳﺎﺯﻏﯘﭼﯩﺴﻰ ﻧﯘﺭﻣﯘﮬﻪﻣﻤﻪﺕ ﻳﺎﺳﯩﻨﻨﯩﯔ "ﻳﺎﯞﺍ ﻛﻪﭘﺘﻪﺭ" ﻧﺎﻣﻠﯩﻖ ﺋﻪﺳﯩﺮﻯ "ﻗﻪﺷﻘﻪﺭ ﺋﻪﺩﻩﺑﯩﻴﺎﺗﻰ" ﻧﯩﯔ 2004-ﻳﯩﻠﻠﯩﻖ 5-ﺳﺎﻧﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺧﯩﺘﺎﻱ ﮬﯚﻛﯜﻣﯩﺘﻰ ﺋﺎﭘﺘﻮﺭﻧﻰ ﺷﯘ ﺋﻪﺳﯩﺮﻯ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﻮﻥ ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﮬﯚﻛﯜﻡ ﻗﯩﻠﻐﺎﻥ.
ﺧﯩﺘﺎﻱ ﮬﯚﻛﯜﻣﯩﺘﻰ ، ﺋﻪﺳﻪﺭﻧﯩﯔ ﺋﺎﭘﺘﻮﺭﻯ ﻧﯘﺭﻣﻪﻣﻪﺕ ﻳﺎﺳﯩﻨﻨﻰ 10 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﮬﯚﻛﯜﻡ ﻗﯩﻠﻐﺎﻧﺪﯨﻦ ﺳﯩﺮﺕ، "ﻗﻪﺷﻘﻪﺭ ﺋﻪﺩﻩﺑﯩﻴﺎﺗﻰ" ﻧﯩﯔ 2004 - ﻳﯩﻠﻠﯩﻖ 5 - ﺳﺎﻧﯩﻨﻰ ﻳﯩﻐﯩﯟﯦﻠﯩﺶ ﺋﺎﺭﻗﯩﻠﯩﻖ، ﻛﻪﯓ ﺋﯘﻳﻐﯘﺭ ﺋﺎﻣﻤﯩﺴﯩﻨﻰ ﻣﻪﺯﻛﯘﺭ ﺋﻪﺳﻪﺭﻧﻰ ﺋﻮﻗﯘﺵ ﮬﻮﻗﯘﻗﯩﺪﯨﻦ ﻣﻪﮬﺮﯗﻡ ﻗﺎﻟﺪﯗﺭﺩﻯ
ﻳﺎﯞﺍ ﻛﻪﭘﺘﻪﺭ
ﻧﯘﺭﻣﯘﮬﻪﻣﻤﻪﺕ ﻳﺎﺳﯩﻦ ﺋﯚﺭﻛﯩﺸﻰ
ﻳﻪﻧﻪ ﺋﺎﺷﯘ ﻛﯚﭘﻜﯜﻙ ﺋﺎﺳﻤﺎﻧﺪﺍ ﺋﯘﭼﯘﭖ ﻳﯜﺭﮔﯜﺩﻩﻛﻤﻪﻥ. ﺋﻮﯕﯘﻣﻤﯘ- ﭼﯜﺷﯜﻣﻤﯘ ﻳﺎﻛﻰ ﮬﻪﺭ ﺋﯩﻜﻜﯩﻠﯩﺴﻰ ﺋﻪﻣﻪﺳﻤﯘ ﺑﯩﻠﻤﯩﺪﯨﻢ. ﻗﺎﻧﯩﺘﯩﻢ ﺋﺎﺳﺘﯩﺪﺍ ﻏﯘﺭ-ﻏﯘﺭ ﺷﺎﻣﺎﻝ ﺋﯘﭼﯘﭖ ﺋﯚﺗﻤﻪﻛﺘﻪ. ﻣﻪﻥ ﮬﺎﺯﯨﺮ ﻧﺎﮬﺎﻳﯩﺘﻰ ﺭﻭﮬﻠﯩﻨﯩﭗ ﻛﯧﺘﯩﯟﺍﺗﺎﺗﺘﯩﻢ. ﯞﯗﺟﯘﺩﯗﻣﺪﺍ ﻛﯜﭺ-ﻗﯘﯞﯞﻩﺕ ﺋﯘﺭﻏﯘﭖ ﺗﯘﺭﺍﺗﺘﻰ. ﺯﻩﯕﮕﻪﺭﺭﻩﯓ ﺋﺎﺳﻤﺎﻥ، ﭘﺎﺭﻻﻕ ﻗﻮﻳﺎﺵ ﻧﯘﺭﯨﻐﺎ ﭼﯚﻣﯜﻟﮕﻪﻥ ﺑﯩﭙﺎﻳﺎﻥ ﺩﯗﻧﻴﺎ. ﺑﯘ ﻧﻪﻗﻪﺩﻩﺭ ﮔﯜﺯﻩﻝ ﻣﻪﻧﺰﯨﺮﻩ-ﮬﻪ؟ ﻣﻪﻥ ﺗﯧﺨﯩﻤﯘ ﺭﻭﮬﻠﯩﻨﯩﭗ ﻳﻪﻧﯩﻤﯘ ﺋﯧﮕﯩﺰ ﺋﯚﺭﻟﯩﺪﯨﻢ. ﻛﯚﺯ ﺋﺎﻟﺪﯨﻤﺪﯨﻜﻰ ﺑﯚﻟﺠﯜﺭﮔﻪﻧﺰﺍﺭ ﻏﺎﻳﯩﺐ ﺑﻮﻟﺪﻯ. ﺋﻪﻣﺪﻯ ﻣﺎﯕﺎ ﺩﯗﻧﻴﺎ ﺗﯧﺨﯩﻤﯘ ﻛﻪﯕﺮﻯ ﻳﯧﻴﯩﻠﯩﭗ ﻛﯚﺯ ﺋﺎﻟﺪﯨﻤﺪﺍ ﺑﯩﺮ ﻳﯧﺸﯩﻞ ﺩﺍﺳﺘﯩﺨﺎﻧﺪﻩﻙ ﺋﻮﭼﯘﻕ ﻧﺎﻣﺎﻳﻪﻥ ﺑﻮﻟﺪﻯ. ﺑﯘ ﺋﯩﻠﮕﯩﺮﻯ ﻣﻪﻥ ﻛﯚﺭﯛﭖ ﺑﺎﻗﻤﯩﻐﺎﻥ ﻣﻪﻧﺰﯨﺮﻩ، ﻣﻪﻥ ﻛﯚﺭﯛﭖ ﺑﺎﻗﻤﯩﻐﺎﻥ ﺟﺎﻳﻼﺭ ﺋﯩﺪﻯ. ﻟﯧﻜﯩﻦ، ﻣﻪﻥ ﺋﯘ ﻳﻪﺭﮔﻪ ﺋﯚﺯ ﻣﺎﻛﺎﻧﯩﻤﺪﻩﻙ ﻣﯘﺋﺎﻣﯩﻠﻪ ﻗﯩﻠﺪﯨﻢ. ﮬﻪﻣﻤﻪ ﻳﻪﺭ ﺋﻮﺧﺸﺎﺷﻼ ﮔﯜﺯﻩﻝ ﻛﯚﺭﯛﻧﻪﺗﺘﻰ.
ﺗﯘﻳﯘﻗﺴﯩﺰ ﺋﺎﻟﺪﯨﻤﺪﺍ ﻣﻪﮬﻪﻟﻠﯩﻠﻪﺭ، ﺋﯚﻳﻠﻪﺭ ﻛﯚﺭﯛﻧﺪﻯ. ﭘﻪﺳﺘﻪ ﺋﯘﺷﺸﺎﻕ ﻧﻪﺭﺳﯩﻠﻪﺭ ﻗﯩﻤﯩﺮﻻﭖ ﻳﯜﺭﻩﺗﺘﻰ. ﻣﻪﻥ ﺋﯘﻧﯩﯔ ﺋﺎﻧﺎﻡ ﺳﯚﺯﻟﻪﭖ ﺑﯩﺮﯨﺪﯨﻐﺎﻥ ﺋﺎﺩﻩﻣﻠﻪﺭ ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﺪﯨﻢ. ﻟﯧﻜﯩﻦ، ﺋﯘﻻﺭ ﻣﺎﯕﺎ ﺋﺎﻧﭽﻪ ﺧﻪﺗﻪﺭﻟﯩﻚ ﺋﻪﻣﻪﺳﺘﻪﻙ ﻛﯚﺭﯛﻧﺪﻯ. ﺋﺎﻧﺎﻣﻐﺎ ﻗﯧﺮﯨﻠﯩﻖ ﻳﻪﺗﻜﻪﻥ ﺑﻮﻟﺴﺎ ﻛﯧﺮﻩﻙ، ﺩﻩﭖ ﺋﻮﻳﻠﯩﺪﯨﻢ. ﻳﻪﺭﺩﻩ ﺑﯩﭽﺎﺭﯨﻠﻪﺭﭼﻪ ﺋﯚﻣﯩﻠﻪﭖ ﻳﯜﺭﮔﻪﻥ ﺋﺎﺷﯘ ﺟﺎﻧﻠﯩﻘﻨﯩﯔ ﻛﯚﻛﺘﻪ ﺋﯘﭼﯘﭖ ﻳﯜﺭﮔﻪﻥ ﺑﯩﺰﺩﯨﻦ ﻗﯘﺩﺭﻩﺗﻠﯩﻚ ﺋﯩﻜﻪﻧﻠﯩﻜﯩﮕﻪ ﺯﺍﺩﯨﻼ ﺋﯩﺸﻪﻧﮕﯜﻡ ﻛﻪﻟﻤﯩﺪﻯ. ﺑﻪﻟﻜﯩﻢ ﻣﯧﻨﯩﯔ ﺋﯘﻻﺭﻧﻰ ﭼﯜﺷﯩﻨﯩﺸﻜﻪ ﻛﺎﻟﻼﻡ ﻳﻪﺗﻤﯩﮕﻪﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﯩﺸﻘﯩﻠﯩﭗ ﻣﻪﻥ ﺋﺎﺩﻩﻣﻠﻪﺭﻧﻰ ﺋﯘﻧﭽﻪ ﺧﻪﺗﻪﺭﻟﯩﻚ ﮬﯧﺲ ﻗﯩﻠﻤﯩﺪﯨﻢ. ﺋﺎﻧﺎﻡ:«ﺋﺎﺩﻩﻣﻠﻪﺭﻧﯩﯔ ﻗﻮﺭﺳﯩﻘﯩﺪﺍ ﮬﯜﻧﯩﺮﻯ ﺟﯩﻖ، ﭘﻪﺧﻪﺱ ﺑﻮﻟﻤﯩﺴﺎﯓ ﺋﯘﻻﺭ ﺳﯧﻨﻰ ﺑﯩﺮﺩﻩﻣﺪﯨﻼ ﻣﻪﮬﺒﯘﺳﻘﺎ ﺋﺎﻳﻼﻧﺪﯗﺭﯗﭖ ﻗﻮﻳﯩﺪﯗ.» ﺩﯦﮕﻪﻧﯩﺪﻯ. ﺑﯩﺮﺩﯨﻨﻼ ﻣﯧﻨﯩﯔ ﺋﯘﻻﺭﻧﯩﯔ ﻗﻮﺭﺳﯩﻘﯩﺪﯨﻜﻰ ﮬﯜﻧﯩﺮﯨﻨﻰ ﺑﯩﺮ ﻛﯚﺭﯛﭖ ﺑﺎﻗﻘﯘﻡ ﻛﻪﻟﺪﻯ. ﻧﯧﻤﯩﺸﻘﺎ ﺋﯘﻻﺭﻧﯩﯔ ﮬﯜﻧﯩﺮﯨﻨﻰ ﻗﻮﺭﺳﯩﻘﯩﻐﺎ ﺳﻮﻟﯩﯟﺍﻟﯩﺪﯨﻐﺎﻧﻠﯩﻘﯩﻐﺎ ﺋﻪﻗﻠﯩﻢ ﻳﻪﺗﻤﯩﺪﻯ. ﺋﺎﺳﺘﺎ- ﺋﺎﺳﺘﺎ ﭘﻪﺳﻠﻪﭖ ﻣﻪﮬﻪﻟﻠﻪ ﺋﻪﺗﺮﺍﭘﯩﻨﻰ ﺋﺎﻳﻠﯩﻨﯩﺸﻘﺎ ﺑﺎﺷﻠﯩﺪﯨﻢ. ﻣﺎﯕﺎ ﺋﻪﻣﺪﻯ ﮬﻪﻣﻤﻪ ﻧﻪﺭﺳﻪ ﺋﯧﻨﯩﻖ ﻛﯚﺭﯛﻧﺪﻯ. ﺑﯘ ﻳﻪﺭﺩﻩ ﺋﺎﺩﻩﻣﻠﻪﺭﺩﯨﻦ ﺑﺎﺷﻘﺎ ﻗﻮﻱ- ﻛﺎﻻ، ﺗﯘﺧﯘ، ﺋﯩﺸﻘﯩﻠﯩﭗ ﻣﻪﻥ ﻛﯚﺭﯛﭖ ﺑﺎﻗﻤﯩﻐﺎﻥ ﻧﯘﺭﻏﯘﻥ ﻧﻪﺭﺳﯩﻠﻪﺭ ﺑﺎﺭ ﺋﯩﺪﻯ. ﺑﯩﺮ ﺗﻮﭖ ﻛﻪﭘﺘﻪﺭﻟﻪﺭ ﺋﺎﺳﻤﺎﻧﺪﺍ ﺋﯘﭼﯘﭖ ﻳﯜﺭﻩﺗﺘﻰ. ﺋﺎﺯ ﺑﯩﺮ ﻗﯩﺴﻤﻰ ﺑﻮﻟﺴﺎ، ﻛﻪﭘﺘﻪﺭﻟﻪﺭ ﻗﻮﻧﯘﺵ ﺋﯜﭼﯜﻥ ﻳﺎﺳﺎﻟﻐﺎﻥ ﭘﻪﻏﻪﺯ ﺩﯦﮕﻪﻥ ﻧﻪﺭﺳﯩﮕﻪ ﻗﻮﻧﯘﭖ ﺋﻮﻟﺘﯘﺭﺍﺗﺘﻰ. ﻣﻪﻥ ﺋﯘﻻﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﺶ ﺋﯜﭼﯜﻥ ﻳﯧﻨﯩﻐﺎ ﻛﯧﻠﯩﭗ ﻗﻮﻧﺪﯗﻡ. ﭘﺎﺭﺍﯕﻠﯩﺸﯩﺶ ﺋﯜﭼﯜﻥ ﻗﻮﻧﺪﯗﻣﻤﯘ ﻳﺎﻛﻰ ﺋﺎﺭﺍﻡ ﺋﯧﻠﯩﺶ ﺋﯜﭼﯜﻥ ﻗﻮﻧﺪﯗﻣﻤﯘ ﺑﯘ ﺋﯧﻨﯩﻖ ﺋﯧﺴﯩﻤﺪﻩ ﻳﻮﻕ ﺋﯩﺪﻯ. ﺷﯘ ﭼﺎﻏﺪﯨﻜﻰ ﺗﯘﻳﻐﯘﻡ ﺑﻪﻙ ﺧﯩﺮﻩ ﺋﯩﺪﻯ. ﺋﯩﺸﻘﯩﻠﯩﭗ ﻣﻪﻥ ﺋﯘﻻﺭﻧﯩﯔ ﺗﯘﺭﻣﯘﺷﯩﻐﺎ ﻗﯩﺰﯨﻘﯩﭗ ﻗﺎﻟﻐﺎﻥ ﺋﯩﺪﯨﻢ.
- ﻗﻪﻳﻪﺭﺩﯨﻦ ﻛﻪﻟﺪﯨﯔ؟ - ﺩﯦﺪﻯ ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﻳﯧﺸﻰ ﭼﻮﯕﺮﺍﻕ ﺑﯩﺮﺳﻰ. ﻣﻪﻥ ﺋﯘﻧﯩﯔ ﻣﯘﺷﯘ ﺗﻮﭘﻨﯩﯔ ﺋﯩﭽﯩﺪﯨﻜﻰ ﺑﺎﺷﻠﯩﻘﻰ ﺋﻪﻣﻪﺳﻠﯩﻜﯩﻨﻰ ﺟﻪﺯﻡ ﻗﯩﻼﻟﻤﯩﺪﯨﻢ. ﺋﯘﻧﯩﯔ ﻧﯧﻤﻪ ﺑﻮﻟﯘﺷﻰ ﻣﻪﻥ ﺋﯜﭼﯜﻥ ﺑﻪﺭﯨﺒﯩﺮ ﺋﯩﺪﻯ. ﭼﯜﻧﻜﻰ ﻣﻪﻥ ﺑﯘ ﺗﻮﭘﻨﯩﯔ ﺋﻪﺯﺍﺳﻰ ﺑﻮﻟﻤﯩﻐﺎﭼﻘﺎ ﺋﯘﻧﯩﯔ ﻣﺎﯕﺎ ﻧﯩﺴﺒﻪﺗﻪﻥ ﮬﯧﭽﻘﺎﻧﺪﺍﻕ ﺋﻪﮬﻤﯩﻴﻪﺗﻜﻪ ﺋﯩﮕﻪ ﺗﻪﺭﯨﭙﯩﻨﻰ ﺑﺎﻳﻘﯩﻐﯩﻠﻰ ﺑﻮﻟﻤﺎﻳﺘﺘﻰ.
- ﺑﯚﻟﺠﯜﺭﮔﻪﻥ ﺳﺎﻳﺪﯨﻦ،- ﺩﯦﺪﯨﻢ ﻣﻪﻥ.
- ﺑﻮﯞﺍﻣﺪﯨﻦ ﺋﺎﯕﻠﯩﻐﺎﻥ. ﺑﯩﺰﻧﯩﯔ ﺋﻪﺟﺪﺍﺩﯨﻤﯩﺰ ﺋﺎﺷﯘ ﻳﻪﺭﻟﯩﻚ ﺋﯩﻜﻪﻥ، ﺑﯩﺮﺍﻕ ﻣﻪﻥ ﺋﯘ ﻳﻪﺭﻧﯩﯔ ﺑﯩﺰﺩﯨﻦ ﻧﻪﭼﭽﻪ ﺋﺎﻳﻠﯩﻖ ﻳﯩﺮﺍﻗﻠﯩﻘﯩﻨﻰ ﺋﺎﯕﻠﯩﻐﺎﻥ، ﺋﺎﺩﻩﺗﺘﻪ ﺑﯩﺰ ﻧﻪﭼﭽﻪ ﻛﯜﻧﻠﯜﻙ ﻳﻮﻟﻐﺎ ﺋﯘﭼﯘﭖ ﺑﺎﺭﺍﻟﻤﺎﻳﻤﯩﺰ. ﺑﻪﻟﻜﯩﻢ ﺳﻪﻧﻤﯘ ﻧﯩﺸﺎﻧﺪﯨﻦ ﺋﺎﺩﯨﺸﯩﭗ ﻗﺎﻟﺪﯨﯖﻐﯘ ﺩﻩﻳﻤﻪﻥ.
ﻣﻪﻥ ﺋﯘﻧﯩﯔ ﻧﻪﭼﭽﻪ ﻛﯜﻧﻠﯜﻙ ﺋﺎﺭﯨﻠﯩﻘﻘﯩﻤﯘ ﺋﯘﭼﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﺎﯕﻼﭖ ﮬﻪﻳﺮﺍﻥ ﻗﺎﻟﺪﯨﻢ. ﺑﻪﻟﻜﯩﻢ ﻗﯧﺮﯨﻠﯩﻖ ﻳﻪﺗﻜﻪﻧﺪﯗ، ﺩﻩﭖ ﺋﻮﻳﻠﯩﺪﯨﻢ. ﺋﯘ ﺩﯦﮕﻪﻥ ﺑﯚﻟﺠﯜﺭﮔﻪﻥ ﺳﺎﻱ ﻣﻪﻥ ﻛﻪﻟﮕﻪﻥ ﺑﯚﻟﺠﯜﺭﮔﻪﻥ ﺳﺎﻱ ﺷﯘﻣﯘ- ﺋﻪﻣﻪﺳﻤﯘ ﺋﯧﻨﯩﻖ ﮬﯚﻛﯜﻡ ﻗﯩﻼﻟﻤﯩﺪﯨﻢ. ﺋﻪﮔﻪﺭ ﺋﯘﻧﯩﯔ ﺑﻮﯞﯨﺴﻰ ﻣﻪﻥ ﻛﻪﻟﮕﻪﻥ ﺳﺎﻳﺪﯨﻦ ﻛﻪﻟﮕﻪﻥ ﺑﻮﻟﺴﺎ ﺩﯦﻤﻪﻙ ﺑﯩﺰ ﺑﯩﺮ ﺟﻪﻣﻪﺕ ﺗﯘﻗﻘﺎﻥ ﺑﻮﻟﯘﭖ ﻗﺎﻻﺗﺘﯘﻕ.
- ﻣﻪﻥ ﺑﯘ ﻳﻪﺭﮔﻪ ﺋﯧﺰﯨﭗ ﻗﯧﻠﯩﭗ ﺋﻪﻣﻪﺱ ﺑﻪﻟﻜﻰ، ﺋﯘﭼﯘﺷﻨﻰ ﻣﻪﺷﯩﻖ ﻗﯩﻠﯩﯟﯦﺘﯩﭗ ﻛﯧﻠﯩﭗ ﻗﺎﻟﺪﯨﻢ. ﺑﯩﺮ ﻧﻪﭼﭽﻪ ﻛﯜﻧﮕﯩﭽﻪ ﺑﯩﺮ ﻧﻪﺭﺳﻪ ﻳﯩﻤﻪﻳﻤﯘ ﺋﯘﭼﺎﻻﻳﻤﻪﻥ،- ﺩﯦﺪﯨﻢ ﺟﺎﯞﺍﺑﻪﻥ. ﺋﯘ ﻣﺎﯕﺎ ﮬﻪﻳﺮﺍﻧﻠﯩﻖ ﺑﯩﻠﻪﻥ ﻗﺎﺭﺍﭖ ﻗﻮﻳﺪﻯ.
- ﺑﻪﻟﻜﯩﻢ ﺳﻪﻥ ﻳﺎﯞﺍ ﻛﻪﭘﺘﻪﺭ ﺋﻮﺧﺸﺎﻳﺴﻪﻥ. ﺋﯘﻻﺭﻧﯩﯔ ﮬﻪﻣﻤﯩﺴﻰ ﺷﯘﻧﺪﺍﻕ ﺩﯦﻴﯩﺸﯩﺪﯗ. ﺑﯩﺮﺍﻕ ﺑﯩﺰﺩﻩ ﺋﯘﻧﺪﺍﻕ ﺟﻪﯕﮕﯩﯟﺍﺭﻟﯩﻖ ﻳﻮﻕ. ﭘﻪﻗﻪﺕ ﻗﻮﻧﺪﺍﻕ ﯞﻩ ﻗﻪﭘﻪﺯﺩﯨﻦ ﺑﺎﺷﻘﯩﻨﻰ ﺋﻮﻳﻠﯩﻤﺎﻳﻤﯩﺰ. ﻣﻪﻧﻤﯘ ﻣﯘﺷﯘ ﻣﻪﮬﻪﻟﻠﯩﺪﯨﻦ ﻧﯧﺮﯨﻐﺎ ﺋﯚﺗﯜﭖ ﺑﺎﻗﻤﯩﺪﯨﻢ. ﺋﯚﺗﯜﭖ ﻧﯧﻤﻪ ﻛﻪﭘﺘﯘ. ﻗﻮﻧﺎﻱ ﺩﯦﺴﻪﯓ ﭘﻪﻏﯩﺰﯨﯔ، ﻳﺎﺗﺎﻱ ﺩﯦﺴﻪﯓ ﻗﻪﭘﯩﺰﯨﯔ ﺗﻪﻳﻴﺎﺭ ﺗﯘﺭﺳﺎ ﺟﺎﭘﺎ ﺗﺎﺭﺗﯩﭙﻤﯘ ﺋﯩﺸﻤﯘ؟ ﺋﯘﻧﯩﯔ ﺋﯜﺳﺘﯩﮕﻪ ﺑﺎﻻ – ﭼﺎﻗﯩﻠﯩﻖ ﺑﻮﻟﯘﭖ ﻗﺎﻟﺪﯨﻢ؟ ﺋﻪﻣﺪﻯ ﺋﯘﭼﯘﭖ ﻧﻪﮔﻪ ﺑﺎﺭﺍﺭﻣﻪﻥ. ﺋﯩﮕﯩﻤﯩﺰﻣﯘ ﻳﺎﺧﺸﻰ ﻗﺎﺭﺍﯞﺍﺗﯩﺪﯗ.- ﻳﯧﺸﻰ ﭼﻮﯓ ﻛﻪﭘﺘﻪﺭ ﺗﯘﻣﺸﯘﻗﻰ ﺑﯩﻠﻪﻥ ﭘﻪﻳﻠﯩﺮﯨﻨﻰ ﺗﺎﺗﯩﻼﭖ ﻗﻮﻳﺪﻯ.
- ﺋﺎﯕﻠﯩﺴﺎﻡ ﺋﺎﺩﻩﻣﻠﻪﺭ ﺑﻪﻙ ﻗﻮﺭﻗﯘﻧﭽﻠﯘﻗﻜﻪﻥ. ﺋﯘﻻﺭ ﺑﯩﺰﻧﻰ ﺗﯘﺗﯘﯞﺍﻟﺴﺎ ﺭﻭﮬﯩﻤﯩﺰﻧﻰ ﻗﯘﻝ ﻗﯩﻼﺭﻣﯩﺶ ﺩﻩﻳﺪﯗ، ﺑﯘ ﺭﺍﺳﺘﻤﯘ؟
- ﺭﻭﮪ؟ - ﻳﯧﻨﯩﻤﺪﯨﻜﻰ ﺑﯩﺮ ﻛﯩﭽﯩﻚ ﻛﻪﭘﺘﻪﺭ ﮬﻪﻳﺮﺍﻥ ﻗﺎﻟﺪﻯ، - ﺑﻮﯞﺍ، ﺭﻭﮪ ﺩﯦﮕﻪﻥ ﻧﯧﻤﻪ؟
ﺋﯘﻧﯩﯔ ﺭﻭﮬﻨﯩﯔ ﻧﯧﻤﯩﻠﯩﻜﯩﻨﻰ ﺑﯩﻠﻤﯩﮕﯩﻨﯩﺪﯨﻦ ﻣﻪﻥ ﺗﯧﺨﯩﻤﯘ ﮬﻪﻳﺮﺍﻥ ﻗﺎﻟﺪﯨﻢ. ﺑﯘ ﻛﻪﭘﺘﻪﺭﻟﻪﺭ ﺑﺎﻟﻠﯩﺮﯨﻨﻰ ﻗﺎﻧﺪﺍﻕ ﺗﻪﺭﺑﯩﻴﻠﻪﻳﺪﯨﻐﺎﻧﺪﯗ؟ ﺭﻭﮬﻰ ﺑﻮﻟﻤﯩﻐﺎﻥ ﮬﺎﻳﺎﺗﻠﯩﻘﻨﯩﯔ ﻧﯧﻤﻪ ﻛﯧﺮﯨﻜﻰ، ﺭﻭﮬﺴﯩﺰﻟﯩﻖ ﺋﯘﻻﺭﻧﻰ ﻗﺎﻧﺪﺍﻕ ﮬﺎﻟﻪﺗﻜﻪ ﭼﯜﺷﯜﺭﯛﭖ ﻗﻮﻳﻐﺎﻥ- ﮬﻪ؟ ﺋﯘﻻﺭ ﻧﯧﻤﻪ ﺋﯜﭼﯜﻥ ﺑﯘﻧﻰ ﭼﯜﺷﻪﻧﻤﻪﻳﺪﯨﻐﺎﻧﺪﯗ. ﮔﻪﺭﭼﻪ ﺭﻭﮬﻨﻰ، ﺋﻪﺭﻛﯩﻨﻠﯩﻜﻨﻰ ﺳﻮﯞﻏﺎ ﻗﯩﻠﻐﯩﻠﻰ، ﺗﯩﻠﻪﭖ ﺋﯧﺮﯨﺸﻜﯩﻠﻰ ﺑﻮﻟﻤﯩﺴﯩﻤﯘ، ﺑﯩﺮﺍﻕ ﺑﯘ ﺑﯩﭽﺎﺭﻩ ﻛﻪﭘﺘﻪﺭﻟﻪﺭﮔﻪ ﺭﻭﮬﯩﻲ ﺋﻪﺭﻛﯩﻨﻠﯩﻜﻜﻪ ﺋﯩﮕﻪ ﺑﯩﺮ ﻣﺎﻛﺎﻧﻨﯩﯔ ﻧﻪﻗﻪﺩﻩﺭ ﺯﯙﺭﯛﺭﻟﯩﻜﻰ ﭼﻮﯕﻘﯘﺭ ﮬﯧﺲ ﻗﯩﻠﺪﯨﻢ. ﺋﯘﻻﺭ ﺭﻭﮪ ﺩﯦﮕﻪﻥ ﺳﯚﺯﻧﻰ ﺋﻪﺳﻼ ﺋﺎﯕﻼﭖ ﺑﺎﻗﻤﯩﻐﺎﻧﺪﻩﻙ ﻗﯩﻼﺗﺘﻰ. ﻳﯧﺸﻰ ﭼﻮﯓ ﻛﻪﭘﺘﻪﺭ ﮬﯧﻠﯩﻘﻰ ﺳﯘﺋﺎﻝ ﺳﻮﺭﯨﻐﺎﻥ ﻛﻪﭘﺘﻪﺭﻧﯩﯔ ﺑﯧﺸﯩﻨﻰ ﺳﯩﻴﻼﭖ ﺗﯘﺭﯗﭖ ﺳﯚﺯﻟﻪﺷﻜﻪ ﺑﺎﺷﻠﯩﺪﻯ.
- ﺭﻭﮬﻨﯩﯔ ﻧﯧﻤﯩﻠﯩﻜﯩﻨﻰ ﻣﻪﻧﻤﯘ ﺑﯩﻠﻤﻪﻳﻤﻪﻥ. ﺋﯘﻧﻰ ﻣﻪﻧﻤﯘ ﺑﻮﯞﺍﻣﺪﯨﻦ ﺋﺎﯕﻠﯩﻐﺎﻥ. ﮬﺎﺯﯨﺮ ﺋﯩﻜﻜﯩﻨﭽﻰ ﻗﯧﺘﯩﻢ ﺋﺎﯕﻠﯩﺸﯩﻢ.ﺑﻮﯞﺍﻣﻐﯩﻤﯘ ﺑﻮﯞﯨﺴﻰ ﺩﻩﭖ ﺑﯧﺮﯨﭙﺘﯩﻜﻪﻥ. ﺑﻪﻟﻜﯩﻢ ﺑﻮﯞﯨﺴﯩﻐﯩﻤﯘ ﺑﻮﯞﯨﺴﻰ ﺩﻩﭖ ﺑﻪﺭﮔﻪﻥ ﺑﻮﻟﺴﺎ ﻛﯧﺮﻩﻙ. ﺑﻮﯞﺍﻡ ﮬﻪﻣﯩﺸﻪ «ﺑﯩﺰﺩﻩ ﺭﻭﮪ ﻳﻮﻗﺎﻟﻐﯩﻠﻰ ﺑﻪﻙ ﺋﯘﺯﯗﻥ ﺯﺍﻣﺎﻧﻼﺭ ﺑﻮﭘﺘﯩﻜﻪﻥ» ﺩﻩﻳﺘﺘﻰ. ﺑﻪﻟﻜﯩﻢ ﺑﯘ ﻛﻪﭘﺘﻪﺭﻧﯩﯔ ﺩﻩﯞﺍﺗﻘﯩﻨﻰ ﻳﻮﻗﺎﻟﻐﯩﻠﻰ ﺑﻪﻙ ﺋﯘﺯﯗﻥ ﺑﻮﻟﻐﺎﻥ ﺋﺎﺷﯘ ﺭﻭﮪ ﺑﻮﻟﺴﺎ ﻛﯧﺮﻩﻙ. ﺑﯩﺰﺩﻩ ﮬﺎﺯﯨﺮ ﺭﻭﮪ ﺩﻩﻳﺪﯨﻐﺎﻥ ﻧﻪﺭﺳﯩﻨﯩﯔ ﺳﺎﻳﯩﺴﯩﻤﯘ ﻗﺎﻟﻤﯩﺪﻯ.
ﻳﯧﺸﻰ ﭼﻮﯓ ﻛﻪﭘﺘﻪﺭ ﻣﺎﯕﺎ ﻳﯜﺯﻟﻪﻧﺪﻯ.
- ﺩﻩﭖ ﺑﺎﻗﻪ ﺋﻮﻏﻠﯘﻡ، ﺳﻪﻥ ﺋﯘﻧﯩﯔ ﻗﺎﻧﺪﺍﻕ ﻧﻪﺭﺳﯩﻠﯩﻜﯩﻨﻰ ﺑﯩﻠﻪﻣﺴﻪﻥ؟
ﻣﻪﻥ ﮔﺎﯕﮕﯩﺮﺍﭖ ﻗﺎﻟﺪﯨﻢ. ﺋﯚﺯﯛﻡ ﺩﯦﮕﻪﻥ ﺳﯚﺯﮔﻪ ﺋﯚﺯﯛﻡ ﺟﺎﯞﺍﺏ ﺑﯧﺮﻩﻟﻤﻪﻱ ﻗﺎﻻﺭﻣﻪﻧﻤﯩﻜﯩﻦ ﺩﻩﭖ ﺋﻪﻧﺪﯨﺸﻪ ﻗﯩﻠﺪﯨﻢ.
ـ ﻳﺎﻕ ﮬﺎﺯﯨﺮﭼﻪ ﺑﯩﻠﻤﻪﻳﻤﻪﻥ، ﺑﯩﺮﺍﻕ ﺋﺎﻧﺎﻡ ﺳﻪﻧﺪﻩ ﺩﺍﺩﺍﯕﻨﯩﯔ ﺑﺎﺗﯘﺭﻟﯘﻕ ﺭﻭﮬﻰ ﺑﺎﺭ، ﺋﯘ ﻛﯜﻧﺴﯧﺮﻯ ﭘﯩﺸﯩﭗ ﻳﯧﺘﯩﻠﯩﯟﺍﺗﯩﺪﯗ، ـ ﺩﯦﮕﻪﻥ. ﺋﯘ ﭘﯩﺸﯩﭗ ﻳﯧﺘﯩﻠﺴﻪ ﭼﯘﻗﯘﻡ ﺑﯩﻠﯩﯟﺍﻟﯩﻤﻪﻥ.
ـ ﮬﻪ، ﺩﯦﻤﻪﻙ ﺳﻪﻧﺪﻩ ﺋﺎﺗﺎﯕﻨﯩﯔ ﺭﻭﮬﻰ ﻳﯧﺘﯩﻠﯩﯟﯦﺘﯩﭙﺘﯘ. ﺋﻪﻣﻤﺎ ﺋﺎﺗﯩﻼﺭ ﺋﻪﻣﻪﺱ ﺑﯩﺮ ﭘﯜﺗﯜﻥ ﻛﻪﭘﺘﻪﺭﻟﻪﺭ ﺟﻪﻣﻪﺗﯩﻨﯩﯖﻤﯘ ﺭﻭﮬﻰ ﺋﺎﻟﻠﯩﺒﯘﺭﯗﻥ ﻳﻮﻗﺎﻟﻐﺎﻥ. ﺋﺎﻧﯩﻤﯩﺰ ﺑﯩﺰﮔﻪ ﺋﻪﺯﻩﻟﺪﯨﻦ ﺭﻭﮪ ﺗﻮﻏﺮﯨﻠﯩﻖ ﺳﯚﺯﻟﻪﭖ ﺑﻪﺭﻣﯩﮕﻪﻥ. ﺋﺎﺗﯩﻠﯩﺮﯨﻤﯩﺰﺩﯨﻨﻤﯘ ﮬﯧﭽﻘﺎﻧﺪﺍ ﺑﯩﺮﻩﺭ ﺑﯩﺸﺎﺭﻩﺕ ﺋﯩﺸﺘﯩﻤﯩﺪﯗﻕ. ﮬﺎﺯﯨﺮﻗﻰ ﺩﻩﯞﺭﮔﻪ ﻛﻪﻟﮕﻪﻧﺪﻩ ﻣﻪﻥ ﺑﯘ ﺳﯚﺯﻧﻰ ﺑﺎﻟﯩﻼﺭﻏﺎ ﺳﯚﺯﻟﻪﭖ ﺑﯧﺮﯨﺸﯩﻨﯩﻤﯘ ﺋﯘﻧﺘﯘﭖ ﻗﺎﭘﺘﯩﻤﻪﻥ. ﺷﯘﯕﺎ ﺑﯩﺰ ﺭﻭﮬﺴﯩﺰﻟﯩﻖ ﺩﻩﯞﺭﯨﮕﻪ ﺋﺎﻟﻠﯩﻘﺎﭼﺎﻥ ﻗﻪﺩﻩﻡ ﻗﻮﻳﯘﭘﺘﯩﻤﯩﺰ. ﮬﻪﻱ، ﺋﺎﺷﯘ ﻳﻮﻗﺎﻟﻐﺎﻥ ﺭﻭﮬﯩﻤﯩﺰﻧﯩﯔ ﺯﺍﺩﻯ ﻗﺎﻧﺪﺍﻗﻠﯩﻘﯩﻨﻰ ﺗﯧﭙﯩﯟﺍﻟﻐﺎﻥ ﺑﻮﻟﺴﺎﻕ ﺑﻪﻙ ﻳﺎﺧﺸﻰ ﺑﻮﻻﺗﺘﻰ. ﺑﻮﯞﺍﻱ ﺋﯧﻐﯩﺮ ﺧﯘﺭﺳﯩﻨﺪﻯ.
ـ ﺳﯩﻠﻪﺭ ﻣﯘﺷﯘ ﺭﻭﮬﺴﯩﺰﻟﯩﻘﯩﯖﻼﺭ ﺗﯜﭘﻪﻳﻠﻰ ﺋﻪﯞﻻﺩﺗﯩﻦ ـ ﺋﻪﯞﻻﺩﻗﺎ ﺋﺎﺩﻩﻣﻠﻪﺭﮔﻪ ﻗﯘﻝ ﺑﻮﻟﯘﭖ ﺋﯚﺗﯩﺴﻠﻪﺭ. ﺋﯘﻻﺭﻧﯩﯔ ﺧﺎﻟﯩﻐﺎﻥ ﭼﺎﻏﺪﺍ ﻳﻪﻳﺪﯨﻐﺎﻥ ﺗﺎﺋﺎﻣﯩﻐﺎ ﺋﺎﻳﻠﯩﻨﯩﺴﯩﻠﻪﺭ. ﺋﯘﻻﺭ ﺳﯩﻠﻪﺭﻧﻰ ﻗﯘﻟﻠﯘﻗﺘﺎ ﺷﯘ ﺩﻩﺭﯨﺠﯩﮕﻪ ﭼﯜﺷﯜﺭﯛﭘﺘﯘﻛﻰ ﻗﻮﻳﯘﭖ ﺑﻪﺭﺳﯩﻤﯘ ﮬﯧﭽﻴﻪﺭﮔﻪ ﺑﺎﺭﺍﻟﻤﺎﻱ ﺋﯘﻻﺭﻧﯩﯔ ﺗﻪﯞﻩﻟﯩﻜﯩﺪﯨﻼ ﺋﯘﭼﯩﺪﯨﻜﻪﻧﺴﯩﻠﻪﺭ. ﻛﯩﭽﯩﻜﻜﯩﻨﻪ ﺩﺍﻧﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﺸﻨﻰ ﺧﺎﻟﯩﻤﺎﻱ ﺋﻪﯞﻻﺩﻟﯩﺮﯨﯖﻼﺭﻧﯩﻤﯘ ﺋﯚﺯﯛﻛﻼﺭﺩﻩﻙ ﻗﯘﻟﻠﯘﻗﻘﺎ ﺗﯘﺗﯘﭖ ﺑﯧﺮﯨﭙﺴﯩﻠﻪﺭ. ﺳﯩﻠﻪﺭﮔﻪ ﺑﯩﺰﻟﻪﺭﻧﯩﯔ ﻛﻪﭘﺘﻪﺭﻟﻪﺭ ﺗﻮﭘﯩﺪﯨﻜﯩﺪﻩﻙ ﺑﯩﺮ ﺑﺎﺷﭽﻰ ﻛﯧﺮﻩﻛﻜﻪﻥ. ﺑﯩﺮﺍﻕ، ﺑﯘ ﺋﻪﭘﺘﯩﯖﻼﺭﺩﺍ ﺳﯩﻠﻪﺭﺩﯨﻦ ﺋﯘﻧﺪﺍﻕ ﺑﯜﻳﯜﻙ ﺋﯜﻣﯩﺪ ﻛﯜﺗﻜﯩﻠﻰ ﺑﻮﻟﻤﯩﻐﯘﺩﻩﻙ. ﺳﯩﻠﻪﺭ ﺋﺎﻟﺪﻯ ﺑﯩﻠﻪﻥ ﺭﻭﮬﯩﯖﻼﺭﺩﯨﻜﻰ ﺋﺎﺷﯘ ﻗﯘﻟﻠﯘﻗﻨﻰ ﻳﻮﻗﯩﺘﯩﺸﯩﯖﻼﺭ ﻛﯧﺮﻩﻙ. ﺋﻪﯓ ﻣﯘﮬﯩﻤﻰ ﺳﯩﻠﻪﺭ ﺭﻭﮬﻨﯩﯔ ﻧﯧﻤﯩﻠﯩﻜﯩﻨﻰ ﺑﯩﻠﯩﯟﯦﻠﯩﯖﻼﺭ. ﺳﯩﺰ ﻧﯧﻤﯩﺸﻘﺎ ﻣﻪﻥ ﺑﯩﻠﻪﻥ ﺑﯧﺮﯨﭗ ﺋﺎﻧﺎﻣﺪﯨﻦ ﺳﻮﺭﺍﭖ ﻛﯚﺭﻣﻪﻳﺴﯩﺰ؟ ـ ﺩﯦﺪﯨﻢ ﻣﻪﻥ ﻳﯧﺸﻰ ﭼﻮﯓ ﻛﻪﭘﺘﻪﺭﮔﻪ ﮬﯧﺴﺪﺍﺷﻠﯩﻖ ﻗﯩﻠﯩﭗ، ﻣﻪﻥ ﺑﻮﯞﺍﻳﻨﯩﯔ ﺑﯩﻠﯩﯟﯦﻠﯩﺸﯩﻨﻰ ﺋﯩﺰﺩﯨﺪﯨﻤﻤﯘ ﻳﺎﻛﻰ ﺋﯚﺯﯛﻡ ﺑﯧﻠﯩﯟﯦﻠﯩﺸﻨﻰ ﺋﻮﻳﻠﯩﺪﯨﻤﻤﯘ ﺗﺎﺯﺍ ﺋﯧﻨﯩﻖ ﺋﻪﻣﻪﺱ ﺋﯩﺪﻯ. ﺑﻪﻟﻜﯩﻢ ﮬﻪﺭ ﺋﯩﻜﻜﻰ ﺧﯩﻞ ﮬﯧﺴﺴﯩﻴﺎﺕ ﯞﯗﺟﯘﺩﯗﻣﺪﺍ ﺗﻪﯓ ﻗﯘﺗﺮﺍﯞﺍﺗﻘﺎﻧﺪﯗ.
ـ ﺑﯩﺮ ﭘﯘﺗﯘﻡ ﮔﯚﺭﮔﻪ ﺳﺎﯕﮕﯩﻠﯩﺪﻯ. ﺷﯘﻧﺪﺍﻕ ﺑﯩﺨﻪﺗﻪﺭ ﻗﻪﭘﯩﺰﯨﻢ ﺗﯘﺭﯗﭖ، ﺭﻭﮪ ﺋﯩﺰﺩﻩﭖ ﻧﻪﮔﻪ ﺑﺎﺭﯨﻤﻪﻥ. ﻳﻪﻧﻪ ﻛﯧﻠﯩﭗ ﻣﻪﻥ ﺭﻭﮬﻨﯩﯔ ﻧﯧﻤﯩﻠﯩﻜﯩﻨﻰ ﺑﯩﻠﻤﯩﺴﻪﻡ، ﺋﯘﻧﻰ ﺗﺎﭘﺴﺎﻣﻤﯘ ﻧﯧﻤﻪ ﭘﺎﻳﺪﯨﺴﻰ، ﻗﺎﺭﺍ، ﺭﻭﮪ ﺑﻮﻟﻤﯩﺴﺎ ﻧﯧﻤﻪ ﺑﻮﭘﺘﯘ، ﻳﻪﻧﯩﻼ ﻣﯘﺷﯘ ﻗﻪﭘﯩﺰﯨﻢ ﺑﯩﺨﻪﺗﻪﺭ ﻳﺎﺷﯩﻐﯩﻠﻰ ﺑﻮﻟﯩﺪﯨﻜﻪﻧﻐﯘ. ﻳﻪﻧﻪ ﻛﯧﻠﯩﭗ ﮬﯧﭽﻨﯧﻤﯩﮕﻪ ﺋﻪﺱ ﻗﺎﺗﻤﺎﻳﺪﯨﻐﺎﻥ ﺭﻭﮪ ﺩﯦﮕﻪﻥ ﺋﯘ ﻧﻪﺭﺳﯩﻨﻰ ﻛﯚﺗﯜﺭﯛﭖ ﻳﯜﺭﯛﺵ ﻧﻪﻗﻪﺩﻩﺭ ﺟﺎﭼﺎﻟﯩﻖ.
ﻳﯧﺸﻰ ﭼﻮﯓ ﻛﻪﭘﺘﻪﺭﻧﯩﯔ ﺳﯚﺯﻟﯩﺮﯨﻨﻰ ﺋﻮﻳﻼﭖ ﻛﻪﺗﺘﯩﻢ. ﺋﯘﻧﯩﯔ ﺩﯦﮕﯩﻨﻰ ﺑﯩﺮ ﺗﯘﺭﯗﭖ ﺗﻮﻏﺮﯨﺪﻩﻙ، ﺑﯩﺮ ﺗﯘﺭﯗﭖ ﺧﺎﺗﺎﺩﻩﻛﻤﯘ ﻗﯩﻼﺗﺘﻰ. ﺋﻪﻣﻤﺎ ﮬﯧﭽﻘﺎﻧﺪﺍﻕ ﻳﺎﺷﺎﺵ ﺋﯧﺘﯩﻘﺎﺩﻯ ﯞﻩ ﺭﻭﮬﻰ ﺑﻮﻟﻤﯩﻐﺎﻥ ﺑﯩﺮ ﻛﻪﭘﺘﻪﺭ ﺑﯩﻠﻪﻥ ﺭﻭﮪ ﺗﻮﻏﺮﯨﻠﯩﻖ ﺳﯚﺯﻟﯩﺸﯩﺶ ﻣﺎﯕﺎ ﻧﻮﻣﯘﺳﻠﯘﻕ ﺋﯩﺸﺘﻪﻙ ﺗﯘﻳﯘﻟﯘﭖ ﻛﻪﺗﺘﻰ. ﺑﯧﺮﯨﭗ ﺑﯘ ﻣﻪﺳﯩﻠﯩﻨﻰ ﺋﺎﻧﺎﻣﺪﯨﻦ ﺳﻮﺭﺍﭖ ﺑﺎﻗﺎﻱ، ﺩﻩﭖ ﺋﻮﻳﻠﯩﺪﯨﻢ.
ﺑﯩﺮ ﺗﻮﭖ ﻛﻪﭘﺘﻪﺭﻟﻪﺭ ﻳﯧﻨﯩﻤﯩﺰﻏﺎ ﻛﯧﻠﯩﭗ ﻗﻮﻧﺪﻯ. ﺋﺎﻧﺪﯨﻦ ﺋﯚﺯ ﺋﺎﺭﺍ ﮔﯘﮔﯘﻻﺷﺘﻰ. ﺋﯘﻻﺭﻧﯩﯔ ﺑﻪﺯﻯ ﺳﯚﺯﻟﯩﺮﯨﻨﻰ ﭘﻪﻗﻪﺕ ﺋﯘﻗﻤﯘﺩﯗﻡ. ﺑﻪﻟﻜﯩﻢ ﺋﯚﺯ ﺗﯩﻠﺪﺍ ﺳﯚﺯﻟﻪﺷﺴﻪ ﻛﯧﺮﻩﻙ. ﺋﺎﺩﻩﺗﺘﻪ ﺑﯩﺰ ﺗﻪﺭﻩﭘﻠﻪﺭﮔﯩﻤﯘ ﺑﻪﺯﯨﺪﻩ ﻣﯘﺷﯘﻧﺪﺍﻕ ﻳﺎﻗﺎ ﻳﯘﺭﺗﻠﯘﻗﻼﺭ ﻛﯧﻠﯩﭗ ﻗﺎﻻﺗﺘﻰ. ﺋﯘﻻﺭ ﻛﯩﻤﻠﻪﺭ؟ ﻳﯧﺸﻰ ﭼﻮﯓ ﻛﻪﭘﺘﻪﺭﻧﯩﯔ ﺩﻭﺳﺘﯩﻤﯘ ﻳﺎﻛﻰ ﺟﻪﻣﻪﺗﯩﻤﯘ ﺑﯩﻠﻤﯩﺪﯨﻢ. ﻣﻪﻥ ﺑﯩﻠﻪﻥ ﺳﯚﺯﻟﻪﺷﻤﻪﻛﭽﯩﻤﯘ ﻳﺎﻛﻰ ﺋﯚﺯ ﺋﺎﺭﺍ ﭘﺎﺭﺍﯕﻠﯩﺸﯩﯟﺍﺗﺎﻣﺪﯗ ﭘﻪﻗﻪﺗﻼ ﺋﯘﻗﻤﯘﺩﯗﻡ.
ـ ﻳﺎﺧﺸﯩﻤﯘ ﺳﻪﻥ ﻗﻮﺯﺍﻡ، ـ ﻳﯧﺸﻰ ﭼﻮﯓ ﻛﻪﭘﺘﻪﺭ ﻳﯧﻨﯩﺪﯨﻜﻰ ﻛﯩﭽﯩﻚ ﺑﯩﺮ ﻛﻪﭘﺘﻪﺭﻧﯩﯔ ﭘﻪﻳﻠﯩﺮﯨﻨﻰ ﭼﻮﻗﯘﻻﭖ ﺋﻪﺭﻛﯩﻠﯩﺘﯩﭗ ﻗﻮﻳﺪﻯ.
ـ ﻳﺎﺧﺸﻰ ﺋﻪﻣﻪﺱ، ﻗﻮﺭﺳﯩﻘﯩﻢ ﺋﯧﭽﯩﭗ ﻛﻪﺗﺘﻰ. ﻧﯧﻤﯩﺸﻘﺎ ﺋﺎﻧﺎﻡ ﺋﻪﻣﺪﻯ ﺩﺍﻥ ﺑﻪﺭﻣﻪﻳﺪﯗ؟ ﺋﯘ ﺩﺍﻥ ﻳﺎﻛﻰ ﻗﻮﻧﺎﻕ ﺩﯦﮕﻪﻧﺪﻩﻙ ﺑﯩﺮ ﺋﯩﺴﯩﻤﻨﻰ ﺋﯧﻴﺘﺘﻰ. ﺑﻪﻟﻜﯩﻢ ﺗﯧﺮﯨﻖ ﻳﺎﻛﻰ ﻛﻪﻧﺪﯨﺮ ﺩﯦﮕﻪﻧﺪﯗ. ﺋﯩﺶ ﻗﯩﻠﯩﭗ ﻣﻪﻥ ﺑﯩﻠﻤﻪﻳﺪﯨﻐﺎﻥ ﻳﺎﺗﻼ ﺋﯩﺴﯩﻢ ﺋﯩﺪﻯ. ﮬﻪﻱ، ﺋﺎﺩﻩﻣﻠﻪﺭ ﺑﺎﺷﻘﯘﺭﻏﺎﻥ ﻛﻪﭘﺘﻪﺭﻟﻪﺭ ﻗﯩﺰﯨﻘﻜﻪﻥ. ﻳﻪﻳﺪﯨﻐﺎﻥ ﻧﻪﺭﺳﯩﻠﻪﺭﮔﻤﯩﯘ « ﮬﻪﺭ ﺧﯩﻞ ﺋﯩﺴﯩﻢ ﻗﻮﻳﯘﭖ ﻳﯜﺭﯨﻴﺪﯨﻜﻪﻥ، ﺩﻩﭖ ﮬﻪﻳﺮﺍﻥ ﻗﺎﻟﺪﯨﻢ.
ـ ﺋﺎﻧﺎﯓ ﺋﻪﻣﺪﻯ ﻳﯧﯖﻰ ﺋﯘﻛﯩﻠﯩﺮﯨﯖﻨﯩﯔ ﺩﯗﻧﻴﺎﻏﺎ ﻛﯧﻠﯩﺸﻰ ﺋﯜﭼﯜﻥ ﻗﯘﯞﯞﻩﺕ ﺗﻮﭘﻠﯩﻤﯩﺴﺎ ﺑﻮﻟﻤﺎﻳﺪﯗ. ﺋﺎﺩﻩﻡ ﻛﯧﻠﯩﭗ ﺩﺍﻥ ﺳﯧﻠﯩﭗ ﺑﻪﺭﮔﯜﭼﻪ ﺳﺎﻗﻼ، ﺑﻮﻻﻣﺪﯗ؟
ـ ﻳﺎﻕ، ﺳﺎﻗﻠﯩﻴﺎﻟﻤﺎﻳﻤﻪﻥ. ﺩﺍﻟﯩﻐﺎ ﺑﯧﺮﯨﭗ ﺋﯚﺯﯛﻡ ﺩﺍﻥ ﺗﯧﭙﯩﭗ ﻳﻪﭖ ﻛﯧﻠﯩﻤﻪﻥ.
ـ ﺋﻮﺑﺪﺍﻥ ﻗﻮﺯﺍﻡ، ﮔﯧﭙﯩﻤﻨﻰ ﺋﺎﯕﻼ. ﺋﯘ ﻳﻪﺭﮔﻪ ﺑﺎﺭﺳﺎﯓ ﺑﻪﻙ ﺧﻪﺗﻪﺭﻟﯩﻚ. ﺳﯧﻨﻰ ﺋﻪﺳﻜﻰ ﺋﺎﺩﻩﻣﻠﻪﺭ ﺗﯘﺗﯘﭖ ﻳﻪﭖ ﻛﯧﺘﯩﺪﯗ. ﺑﺎﺭﻣﺎ ﺑﻮﻻﻣﺪﯗ؟!
ﻛﯩﭽﯩﻚ ﻛﻪﭘﺘﻪﺭ ﺩﻭﻣﺴﯩﻴﯩﭗ ﺟﯩﻢ ﺑﻮﻟﯘﭖ ﻗﺎﻟﺪﻯ. ﻗﺎﺭﯨﻐﺎﻧﺪﺍ ﺑﯘ ﺗﻮﭘﺘﯩﻜﯩﻠﻪﺭ ﻣﯘﺷﯘ ﻗﯧﺮﻯ ﻛﻪﭘﺘﻪﺭﻧﯩﯔ ﮔﯧﭙﯩﻨﻰ ﺑﻪﻛﺮﻩﻙ ﺋﺎﯕﻼﻳﺪﯨﻐﺎﻧﺪﻩﻙ ﻗﯩﻼﺗﺘﻰ. ﻣﻪﻥ ﺋﯘﻻﺭﻧﯩﯔ ﺋﯚﺯﯨﻨﻰ ﺗﯘﺗﯘﭖ ﻳﻪﭖ ﻛﯧﺘﯩﺪﯨﻐﺎﻥ ﺋﺎﺷﯘ ﺋﺎﺩﻩﻣﻠﻪﺭ ﺑﯩﻠﻪﻥ ﻳﻪﻧﻪ ﺑﯩﺮﮔﻪ ﻳﺎﺷﯩﺸﯩﻨﻰ ﭘﻪﻗﻪﺗﻼ ﻛﺎﻟﻼﻣﻐﺎ ﺳﯩﻐﺪﯗﺭﺍﻟﻤﯩﺪﯨﻢ. ﺑﻪﻟﻜﯩﻢ ﻣﻪﻥ ﻳﯧﻴﯩﺶ ﺩﯦﮕﻪﻥ ﺳﯚﺯﻧﻰ ﺧﺎﺗﺎ ﭼﯜﺷﯩﻨﯩﭗ ﻗﺎﻟﻐﺎﻧﺪﯨﻤﻪﻥ. ﺑﻪﻟﻜﯩﻢ ﺑﯘ ﻳﺎﺧﺸﻰ ﻗﺎﺭﺍ ﺩﯦﮕﻪﻥ ﺳﯚﺯﺩﻩﻙ ﺑﯩﺮ ﺳﯚﺯ ﺑﻮﻟﯘﺷﯩﻤﯘ ﺋﯧﮭﺘﯩﻤﺎﻝ. ﻳﺎﻛﻰ ﺑﯘ ﭼﻪﺕ ﺗﯩﻠﺪﯨﻦ ﻛﯩﺮﮔﻪﻥ ﺳﯚﺯ ﺑﻮﻟﺴﺎ ﻣﻪﻥ ﻣﻪﻧﯩﺴﯩﻨﻰ ﺧﺎﺗﺎ ﺋﯩﺴﺘﯧﻤﺎﻝ ﻗﯩﻠﯩﯟﺍﻟﻐﺎﻥ ﺑﻮﻟﯘﺷﯘﻡ ﻣﯘﻣﻜﯩﻦ. ﺑﯩﺮﺍﻕ ﺑﯘ ﻣﯧﻨﯩﯔ ﺋﻮﻳﯘﻣﭽﻪ ﮬﻪﻣﻤﻪ ﻛﻪﭘﺘﻪﺭ ﺑﯩﻠﯩﺸﻜﻪ ﺗﯧﮕﯩﺸﯩﻠﯩﻚ ﻣﯘﮬﯩﻢ ﺳﯚﺯ ﺋﯩﺪﻯ. ﺋﺎﻧﺎﻣﻤﯘ ﮬﻪﻣﯩﺸﻪ ﻣﺎﯕﺎ ﺋﺎﺩﻩﻣﻠﻪﺭﻧﯩﯔ ﺗﻮﺗﯘﯞﯦﻠﯩﺸﯩﺪﯨﻦ، ﻳﻪﭖ ﻛﯧﺘﯩﺸﯩﺪﯨﻦ ﮬﻪﺯﻩﺭ ﺋﻪﻳﻠﻪﺷﻨﻰ ﺟﯧﻜﯩﻠﻪﻳﺘﺘﻰ. ﺑﯩﺮﺍﻕ، ﮬﺎﺯﯨﺮ ﺑﯘ ﺳﯚﺯﻧﯩﯔ ﻣﻪﻧﯩﺴﻰ ﺑﯘ ﻳﻪﺭﺩﻩ ﺑﺎﺷﻘﯩﭽﯩﮕﻪ ﺋﯚﺯﮔﯩﺮﯨﭗ ﻗﺎﻟﻐﺎﻧﺪﻩﻙ ﻗﯩﻼﺗﺘﻰ. ﭼﯜﻧﻜﻰ، ﺋﯘﻻﺭ ﺋﺎﺩﻩﻣﻠﻪﺭﻧﯩﯔ ﻳﯧﻴﯩﺸﯩﺪﯨﻦ ﮬﻪﺯﻩﺭ ﺋﻪﻳﻠﯩﺴﻪ ﮬﻪﺭﮔﯩﺰ ﻳﻪﻧﻪ ﺋﺎﺩﻩﻣﻠﻪﺭ ﺑﯩﻠﻪﻥ ﺑﯩﺮﮔﻪ ﺗﯘﺭﻣﺎﻳﺘﺘﻰ. ﻗﺎﻧﯩﺘﯩﻐﺎ ﺗﺎﻳﯩﻨﯩﭗ ﺧﺎﻟﯩﻐﺎﻥ ﻳﻪﺭﮔﻪ ﺋﯘﭼﯘﭖ ﻛﻪﺗﺴﻪ ﺑﻮﻟﯘﯞﯦﺮﻩﺗﺘﻰ. ﺑﯩﺮﺍﻕ ﺋﯘﻻﺭ ﻗﺎﻧﯩﺘﯩﻨﯩﯔ ﺑﺎﺭﻟﯩﻘﯩﻨﯩﻤﯘ ﺋﯘﻧﺘﯘﭖ ﻗﺎﻟﻐﺎﻥ ﺑﻮﻟﺴﺎ ﻛﯧﺮﻩﻙ. ﺑﻪﻟﻜﯩﻢ ﻳﺎﺷﺎﭖ ﻛﯚﻧﯜﭖ ﻗﺎﻟﻐﺎﻥ ﻗﻪﭘﻪﺯﺩﯨﻦ ﺋﺎﻳﺮﯨﻠﯩﺸﯩﻨﻰ ﺧﺎﻟﯩﻤﺎﺳﻠﯩﻘﯩﻤﯘ ﻣﯘﻣﻜﯩﻦ.
ـ ﺋﯘﻧﺪﺍﻗﺘﺎ ﺑﯩﺰﻧﯩﯔ ﺋﯩﮕﯩﻤﯩﺰ ﻳﺎﺧﺸﯩﻤﯘ؟
ﻛﯩﭽﯩﻚ ﻛﻪﭘﺘﻪﺭ ﻗﯧﺮﻯ ﻛﻪﭘﺘﻪﺭﺩﯨﻦ ﺳﻮﺋﺎﻝ ﺳﻮﺭﺍﺷﻘﺎ ﺑﺎﺷﻠﯩﺪﻯ.
ـ ﺋﻪﻟﯟﻩﺗﺘﻪ ﻳﺎﺧﺸﻰ.
ـ ﺑﯩﺮﺍﻕ، ﺋﯘﻣﯘ ﺑﯩﺰﻧﻰ ﺑﺎﺷﻘﺎ ﺋﺎﺩﻩﻣﻠﻪﺭﺩﻩﻙ ﺧﺎﻟﯩﺴﺎ ﺗﯘﺗﯘﭖ ﻳﻪﻳﺪﯨﻐﯘ؟
ـ ﺑﯘ ﺩﯦﮕﻪﻥ ﺋﻮﺧﺸﯩﻤﺎﻳﺪﯗ. ﺋﯘ ﺑﯩﺰﻧﻰ ﻗﻪﭘﻪﺯ ﺋﯩﭽﯩﺪﻩ ﺑﺎﻗﻘﺎﻧﺪﯨﻜﯩﻦ ﺗﯘﺗﯘﭖ ﻳﯧﺴﻪ ﮬﻪﻗﻠﯩﻖ. ﺑﯘﻧﯩﯖﻐﺎ ﮬﯧﭽﻘﺎﻳﺴﯩﻤﯩﺰ ﻗﺎﺭﺷﯩﻠﯩﻖ ﻗﯩﻠﺴﺎﻕ ﺑﻮﻟﻤﺎﻳﺪﯗ.
ﻣﻪﻥ ﺋﺎﺧﯩﺮﻯ ﻳﯧﻴﯩﺶ ﺩﯦﮕﻪﻥ ﺳﯚﺯﻧﯩﯔ ﺋﯩﺴﺘﯧﻤﺎﻝ ﻣﻪﻧﯩﺴﯩﻨﯩﯔ ﺋﻮﺧﺸﺎﺷﻠﯩﻘﯩﻨﻰ. ﺑﺎﻳﺎﺗﯩﻦ ﺋﺎﺭﺗﯘﻗﭽﻪ ﮔﯘﻣﺎﻥ ﻗﯩﻠﯩﭗ ﻳﯜﺭﮔﯩﻨﯩﻤﻨﻰ ﭼﯜﺷﻪﻧﺪﯨﻢ.
ـ ﺑﯩﺮﺍﻕ ﺋﯩﮕﯩﻤﯩﺰ ﺑﻪﺭﮔﻪﻥ ﺩﺍﻧﻼﺭﻧﻰ ﭼﻮﯕﻼﺭ ﻳﻪﯞﯦﻠﯩﭗ ﻣﺎﯕﺎ ﺋﺎﺷﻤﯩﺴﺎ. ﻣﻪﻥ ﻗﺎﻧﺪﺍﻕ ﻗﯩﻠﯩﻤﻪﻥ؟ ﻣﻪﻥ ﻛﯜﻧﺴﯧﺮﻯ ﺋﻮﺭﯗﻗﻼﭖ، ﻳﺎﺷﺎﺷﻘﺎ ﺋﺎﻣﺎﻟﺴﯩﺰ ﻗﯧﻠﯩﯟﺍﺗﯩﻤﻪﻥ.
ـ ﺳﻪﻧﻤﯘ ﺋﺎﺳﺘﺎ ـ ﺋﺎﺳﺘﺎ ﺷﯘﻧﺪﺍﻕ ﭼﻮﯓ ﺑﻮﻟﯩﺴﻪﻥ. ﭼﻮﯕﻼﺭﺩﯨﻦ ﻗﺎﻧﺪﺍﻕ ﻳﯧﻴﯩﺶ ﻛﯧﺮﻩﻛﻠﯩﻜﯩﻨﻰ ﺋﯚﮔﯩﻨﯩﺴﻪﻥ. ﻳﯧﻴﯩﺸﻜﻪ ﺗﯧﮕﯩﺸﻠﯩﻚ ﻧﻪﺭﺳﯩﻨﻰ ﮬﻪﺭﮔﯩﺰ ﺑﺎﺷﻘﯩﻼﺭﻏﺎ ﺑﻪﺭﻣﻪﻳﺪﯨﻐﺎﺍﻥ ﺑﻮﻟﯩﺴﻪﻥ. ﺑﯩﺰ ﻳﺎﺷﯩﻐﺎﻥ ﻣﯘﮬﯩﺖ ﻣﯘﺷﯘﻧﺪﺍﻕ ﺋﻮﻏﻠﯘﻡ.
ـ ﺑﯩﺮﺍﻕ، ﺑﻮﯞﺍ.
ـ ﺑﻮﻟﺪﻯ ﻗﻮﺯﺍﻡ، ﺟﯩﻖ ﺳﯚﺯﻟﻪﭖ ﻛﻪﺗﺘﯩﯔ ﻛﻪﭘﺘﻪﺭ ﺩﯦﮕﻪﻥ ﻗﺎﻧﺎﺋﻪﺗﭽﺎﻥ ﺑﻮﻟﯘﺷﻰ ﻛﯧﺮﻩﻙ، ﺋﺎﺭﺗﯘﻗﭽﻪ ﻧﻪﺭﺳﯩﻠﻪﺭﻧﻰ ﺗﺎﻻﺷﻤﺎﺳﻠﯩﻖ ﻻﺯﯨﻢ. ﺑﯩﻠﺪﯨﯖﻤﯘ؟
ـ ﺋﯘﻧﯩﯔ ﺋﻪﺭﻛﯩﻨﻠﯩﻜﯩﻨﻰ ﺑﻪﻙ ﺑﻮﻏﯘﯞﺍﭘﺴﯩﺰ، ـ ﺩﯦﺪﯨﻢ ﻣﻪﻥ، ـ ﺋﯘﻧﯩﯖﻐﺎ ﺗﯧﺨﯩﻤﯘ ﻛﻪﯕﺮﻩﯓ ﺋﯩﻤﻜﺎﻧﯩﻴﻪﺕ ﺑﯧﺮﯨﯔ. ﺋﯘ ﺋﯚﺯ ﺋﻪﺭﻛﻰ ﺑﻮﻳﯩﭽﻪ ﻳﺎﺷﯩﺴﯘﻥ.
ﻣﻪﻥ ﻗﯧﺮﻯ ﻛﻪﭘﺘﻪﺭﻧﯩﯔ ﺳﯚﺯﯨﮕﻪ ﺳﯚﺯ ﻗﯩﺴﺘﯘﺭﯗﺷﻨﻰ ﺧﺎﻟﯩﻤﯩﺴﺎﻣﻤﯘ ﺑﯩﺮﺍﻕ ﺳﯜﻛﯜﺕ ﻗﯩﻠﯩﭗ ﺗﯘﺭﯨﯟﻩﺭﮔﯜﻡ ﻛﻪﻟﻤﯩﺪﻯ. ﺑﯘﻧﺪﺍﻕ ﺗﻪﯕﯩﺴﯩﺰ ﻣﯘﮬﯩﺖ ﻣﯧﻨﯩﯖﭽﻪ ﻛﻪﭘﺘﻪﺭﻟﻪﺭﻧﯩﯔ ﺑﯩﺮ ـ ﺑﯩﺮﯨﮕﻪ ﺑﻮﻟﻐﺎﻥ ﻣﯧﮭﺮﯨﺒﺎﻧﻠﯩﻘﯩﻨﻰ ﻳﻮﻗﯩﻠﯩﺶ ﺧﻪﯞﯨﭙﯩﮕﻪ ﺑﺎﺷﻼﭖ ﺑﺎﺭﺍﺗﺘﻰ.
ـ ﮬﻪﻱ، ﺳﯩﺰ ﺑﯩﺰﻧﯩﯔ ﯞﻩﺯﯨﻴﯩﺘﯩﻤﯩﺰﻧﻰ ﭼﯜﺷﻪﻧﻤﻪﻳﺴﯩﺰ. ﺋﯩﮕﯩﻤﯩﺰﻧﯩﯔ ﺋﺎﭼﭽﯩﻘﯩﻨﻰ ﻛﻪﻟﺘﯜﺭﯛﭖ ﻗﻮﻳﺴﺎﻕ ﺑﻮﻟﻤﺎﻳﺪﯗ. ﺋﻪﮔﻪﺭ ﺑﯩﺮﻩﺭﺳﯩﻤﯩﺰ ﺋﯘﻧﯩﯔ ﺑﻪﻟﮕﯩﻠﯩﮕﻪﻥ ﺩﺍﺋﯩﺮﯨﺴﯩﺪﯨﻦ ﮬﺎﻟﻘﯩﭗ ﻳﻮﻗﺎﭖ ﻛﻪﺗﺴﻪﻙ ﺋﯘ ﮬﻪﻣﻤﯩﻤﯩﺰﻧﻰ ﻗﻪﭘﻪﺯ ﺋﯩﭽﯩﮕﻪ ﺳﻮﻟﯩﯟﯦﺘﯩﺪﯗ. ﻧﻪﭼﭽﻪ ﺋﺎﻳﻐﯩﭽﻪ ﺳﯩﺮﺗﻘﺎ ﭼﯩﻘﺎﻟﻤﺎﻳﺪﯨﻐﺎﻥ ﮔﻪﭖ. ﺋﯘ ﭼﺎﻏﺪﺍ ﮬﺎﺯﯨﺮﻗﻰ ﻣﯘﺷﯘ ﻛﯩﭽﯩﻜﻜﯩﻨﻪ ﻗﻮﻧﺪﺍﻗﺘﯩﻨﻤﯘ ﺋﺎﻳﺮﯨﻠﯩﭗ ﻗﺎﻟﯩﺪﯨﻐﺎﻥ ﺋﯩﺶ ﭼﯩﻘﯩﺪﯗ.
ﻗﻪﭘﻪﺯﻧﯩﯔ ﺯﺍﺩﻯ ﻗﺎﻧﺪﺍﻕ ﻧﻪﺭﺳﯩﻠﯩﻜﯩﮕﻪ ﭘﻪﻗﻪﺕ ﺋﻪﻗﻠﯩﻢ ﻳﻪﺗﻤﯩﺪﻯ. ﻛﻪﭘﺘﻪﺭﻟﻪﺭ ﺋﯘﻧﯩﯖﻐﺎ ﺳﻮﻟﯩﻨﯩﭗ ﻗﯧﻠﯩﺸﺘﯩﻦ ﮬﻪﻡ ﺋﯘﻧﯩﯖﺪﯨﻦ ﺋﺎﻳﺮﯨﻠﯩﭗ ﻗﯧﻠﯩﺸﺘﯩﻦ ﺑﻪﻙ ﻗﻮﺭﻗﯩﺪﯨﻜﻪﻥ. ﻛﻪﭘﺘﻪﺭﻟﻪﺭﻧﯩﯔ ﺋﻪﯓ ﭼﯜﺷﯩﻨﯩﻜﺴﯩﺰﻯ ﺋﺎﺩﻩﻣﻠﻪﺭ ﺋﺎﺭﯨﺴﯩﺪﯨﻜﻰ ﻛﻪﭘﺘﻪﺭﻟﻪﺭﻛﻪﻥ ﺩﻩﭖ ﺋﻮﻳﻠﯩﺪﯨﻢ. ﺑﯘ ﺋﻮﻳﯘﻣﻨﻰ ﺑﻮﯞﺍﻣﻐﺎ ﺑﯩﻠﺪﯛﺭﮔﯜﻡ ﻛﻪﻟﺪﻯ. ﺑﯩﺮﺍﻕ ﺩﯦﺪﯨﻤﻤﯘ ـ ﺩﯦﻤﯩﺪﯨﻤﻤﯘ ﮬﺎﺯﯨﺮ ﺋﯧﺴﯩﻤﺪﯨﻦ ﻛﯚﺗﯜﺭﻟﯜﭖ ﻛﯧﺘﯩﭙﺘﯘ. ﺑﻪﻟﻜﯩﻢ ﺑﯩﺮ ﺋﯧﻐﯩﺰﻣﯘ ﺭﻩﺩﺩﯨﻴﻪ ﻳﺎﻛﻰ ﻣﺎﻗﯘﻟﻠﯘﻕ ﺳﯚﺯﻯ ﺑﯩﻠﺪﯛﺭﻣﯩﺪﻯ.
ـ ﺳﯩﻠﻪﺭ ﭼﻮﯕﻼﺭ ﺋﺎﺟﯩﺰﻻﺭﻧﯩﯔ ﺭﯨﺴﻘﯩﻨﻰ ﻳﻪﯞﺍﻟﯩﺪﯨﻜﻪﻧﺴﯩﻠﻪﺭ، ﻳﻪﻧﻪ ﻛﯧﻠﯩﭗ ﺋﯘﻻﺭﻧﯩﯔ ﻗﺎﺭﺷﯩﻠﯩﻘﯩﻨﻰ ﭼﻪﻛﻠﻪﻳﺪﯨﻜﻪﻧﺴﯩﻠﻪﺭ، ﺋﯘﻧﻰ ﺗﻮﻏﺮﺍ ﺋﯩﺸﺘﻪﻙ ﭼﯜﺷﻪﻧﺪﯛﺭﯛﺷﻜﻪ ﺗﯩﺮﯨﺸﯩﺪﯨﻜﻪﻧﺴﯩﻠﻪﺭ، ﺑﯘﻧﺪﺍﻕ ﻣﯘﮬﯩﺖ ﻗﺎﻧﺪﺍﻗﻤﯘ ﻛﻪﭘﺘﻪﺭ ﺑﺎﻟﯩﻠﯩﺮﯨﻨﯩﯔ ﺋﯚﺳﯜﺷﯩﮕﻪ، ﻳﺎﺷﯩﺸﯩﻐﺎ ﻣﺎﺱ ﻛﻪﻟﺴﯘﻥ؟ ﺳﯩﻠﻪﺭ ﺋﯚﺯﻩﯕﻼﺭﻧﯩﯔ ﻗﺎﻧﺪﺍﻕ ﮬﺎﻟﻪﺗﺘﻪ ﻳﺎﺷﺎﯞﺗﻘﺎﻧﻠﯩﻘﯩﯖﻼﺭﻧﻰ ﺑﯩﻠﻤﯩﮕﯜﺩﻩﻙ ﺩﻩﺭﯨﺠﯩﺪﻩ ﺑﯩﺨﯘﺗﻠﯩﺸﯩﭗ ﻛﯧﺘﯩﭙﺴﯩﻠﻪﺭ، ﺭﻩﺯﯨﻠﻠﯩﻜﺘﻪ ﺋﺎﺩﻩﻣﻠﻪﺭﮔﻪ ﻳﯧﺘﯩﺸﯩﯟﺍﻟﻐﯩﻠﻰ ﺗﯘﺭﯗﭘﺴﯩﻠﻪﺭ، ـ ﺩﯦﺪﯨﻢ ﻣﻪﻥ.
ـ ﺋﺎﺩﻩﻣﻠﻪﺭﮔﻪ ﺗﯩﻞ ﺗﻪﮔﻜﯜﺯﯛﺷﻜﻪ ﺑﻮﻟﻤﺎﻳﺪﯗ. ﺋﯘﻻﺭ ﺑﻮﻟﻤﯩﺴﺎ ﺑﯩﺰﻧﯩﯔ ﺑﯜﮔﯜﻧﯩﻤﯩﺰﻣﯘ ﺑﻮﻟﻤﺎﻳﺪﯗ. ﺗﻪﺗﯜﺭ ﺗﻪﺷﯟﯨﻘﻠﯩﺮﯨﯖﯩﺰﻧﻰ ﺑﺎﺷﻘﺎ ﻳﻪﺭﮔﻪ ﺑﯧﺮﯨﭗ ﻗﯩﻠﯩﯔ، ـ ﺩﯦﺪﻯ ﺑﻮﯞﺍﻱ ﺯﻩﺭﺩﻩ ﺑﯩﻠﻪﻥ. ﻣﻪﻥ ﺑﻮﯞﺍﻳﻨﯩﯔ ﻳﺎﺧﺸﻰ ﻛﯚﯕﻠﯜﻡ ﺋﯜﭼﯜﻥ ﺑﯘﻧﭽﻪ ﺯﻩﺭﺩﻩ ﻗﯩﻠﻐﯩﻨﯩﻨﻰ ﭼﯜﺷﻪﻧﻤﯩﺪﯨﻢ. ﺑﻪﻟﻜﯩﻢ ﺋﯘ ﻣﻪﻗﺴﯩﺘﯩﻤﻨﻰ ﭼﯜﺷﻪﻧﻤﻪﻱ ﻗﺎﻟﻐﺎﻥ ﺑﻮﻟﺴﺎ ﻳﻪﻧﻪ ﭼﯜﺷﻪﻧﺪﯛﺭﯛﭖ ﻗﻮﻳﯘﺵ ﻛﯧﺮﻩﻛﺘﯘ.
ـ ﺳﯩﻠﻪﺭﺩﻩ ﻣﻪﺳﺌﯘﻟﯩﻴﻪﺕ ﺩﯦﮕﻪﻥ ﻧﻪﺭﺳﻪ ﻳﻮﻗﻜﻪﻥ. ﺋﯚﺯ ﺋﻪﯞﻻﺩﻟﯩﺮﯨﯖﻼﺭﻧﻰ ﻗﺎﺭﺍﭖ ﺗﯘﺭﯗﭖ ﺋﻮﺗﻘﺎ ﺋﯩﺘﺘﯩﺮﯨﺪﯨﻜﻪﻧﺴﯩﻠﻪﺭ، ـ ﺳﯚﺯﯛﻣﻨﯩﯔ ﺩﺍﯞﺍﻣﯩﻨﻰ ﺗﯧﺨﻰ ﺗﻪﺳﯩﺮﻟﯩﻚ ﭼﯜﺷﯜﺭﯨﻤﻪﻥ ﺩﻩﭖ ﺋﻮﻳﻠﯩﻐﺎﻧﯩﺪﯨﻢ. ﺑﯩﺮﺍﻕ، ﺷﯘ ﺋﺎﺭﯨﺪﺍ ﺗﺎﺭﺍﻕ ﻗﯩﻠﻐﺎﻥ ﺋﺎﯞﺍﺯ ﺑﯩﻠﻪﻥ ﺗﻪﯓ ﭘﯘﺗﯘﻡ ﻗﺎﺗﺘﯩﻖ ﺋﺎﻏﺮﯨﭗ ﻛﻪﺗﺘﻰ. ﺋﯜﭼﯜﺵ ﺋﯜﭼﯜﻥ ﻗﺎﻧﺎﺕ ﻗﺎﻗﻘﺎﻥ ﺑﻮﻟﺴﺎﻣﻤﯘ، ﻗﺎﻧﯩﺘﯩﻢ ﺑﻮﺷﻠﯘﻗﺘﺎ ﺋﯧﺴﯩﻠﯩﭗ ﻗﺎﻟﺪﻯ. ﻛﻪﭘﺘﻪﺭﻟﻪﺭ ﭘﯘﺭﺭﯨﺪﻩ ﺋﯘﭼﯘﭖ ﻛﻪﺗﺘﻰ. ﺋﺎﻧﺪﯨﻦ ﺋﻪﺗﺮﺍﭘﯩﻤﺪﺍ ﺋﺎﻳﻠﯩﻨﯩﭗ ﺋﯘﭼﯘﺷﻘﺎ ﺑﺎﺷﻠﯩﺪﻯ.
ـ ﮬﺎ، ـ ﮬﺎ، ـ ﮬﺎ، ﺋﻪﺭﻛﯩﻦ ﻳﺎﺷﯩﻐﯘﭼﻰ، ﺋﺎﺧﯩﺮﻯ ﻗﻪﭘﻪﺯﮔﻪ ﭼﯜﺷﯩﺪﯨﻐﺎﻥ ﺑﻮﻟﺪﯗﯓ. ﺳﯧﻨﯩﯔ ﻳﻪﻧﻪ ﭼﻮﯓ ﺳﯚﺯﻟﯩﮕﻪﻧﻠﯩﻜﯩﯖﻨﻰ ﺑﯩﺮ ﻛﯚﺭﻩﻱ.
ﺋﯚﺯﯛﻣﻨﯩﯔ ﻗﯩﺴﺘﯘﺭﻣﯩﻐﺎﻥ ﭼﯜﺷﯜﭖ ﻗﺎﻟﻐﯩﻨﯩﻤﻨﻰ ﮬﯧﺲ ﻗﯩﻠﺪﯨﻢ. ﻣﻪﻥ ﺑﯩﺮﺩﯨﻨﻼ ﺑﻮﯞﺍﻳﻨﯩﯔ ﻣﯧﻨﻰ ﺋﻪﺗﯩﮕﻪﻧﺪﯨﻦ ﺑﯧﺮﻯ ﮔﻪﭘﻜﻪ ﺗﯘﺗﯘﭖ، ﺋﯩﮕﯩﺴﯩﻨﯩﯔ ﺗﯘﺗﯘﯞﯦﻠﯩﺸﻰ ﺋﯜﭼﯜﻥ ﺋﺎﻟﺪﺍﭖ ﺗﯘﺭﻏﯩﻨﯩﻨﻰ ﭼﯜﺷﻪﻧﺪﯨﻢ. ﻗﻪﻟﺒﯩﻢ ﭼﻪﻛﺴﯩﺰ ﺋﺎﺯﺍﺑﻘﺎ ﺗﻮﻟﺪﻯ. ﻣﺎﯕﺎ ﻛﻪﻟﮕﻪﻥ ﺑﯘ ﺧﻪﺗﻪﺭ ﺋﺎﺩﻩﻣﻠﻪﺭﺩﯨﻦ ﺋﻪﻣﻪﺱ، ﺑﻪﻟﻜﻰ ﻛﯩﭽﯩﻜﻜﯩﻨﻪ ﻣﻪﻧﭙﻪﺋﻪﺗﻜﻪ ﺋﺎﻟﺪﺍﻧﻐﺎﻥ ﺋﯚﺯ ﻗﯧﺮﯨﻨﺪﺍﺷﻠﯩﺮﯨﻤﯩﺪﯨﻦ ﻛﻪﻟﮕﻪﻧﯩﺪﻯ. ﺋﯘﻻﺭﻧﯩﯔ ﺋﺎﺩﻩﻣﻠﻪﺭﮔﻪ ﻣﺎﺳﻠﯩﺸﯩﭗ ﻣﯧﻨﻰ ﺗﯘﺗﯘﭖ ﺑﯧﺮﯨﺸﻰ ﭘﻪﻗﻪﺕ ﻛﺎﻟﻼﻣﺪﯨﻦ ﺋﯚﺗﻤﯩﺪﻯ ﮬﻪﻡ ﻣﯧﻨﻰ ﺑﻪﻙ ﺋﯧﭽﯩﻨﺪﯛﺭﺩﻯ. ﺧﯩﻴﺎﻟﯩﻤﺪﺍ ﮬﻪﺭﮔﯩﺰﻣﯘ ﺋﺎﺩﻩﻣﻠﻪﺭﻧﯩﯔ ﻗﻮﻟﯩﻐﺎ ﭼﯜﺷﯜﭖ ﻗﺎﻟﻤﺎﺳﻠﯩﻖ ﻛﯧﺮﻩﻙ، ﺩﯦﮕﻪﻥ ﺋﯩﺪﯨﻴﻪ ﭼﺎﻗﻤﺎﻕ ﺗﯧﺰﻟﯩﻜﯩﺪﻩ ﭼﺎﻗﻨﺎﭖ ﺋﯚﺗﺘﻰ. ﺋﯩﻜﻜﻰ ﭘﯘﺗﯘﻣﻨﻰ ﺋﯘﺯﯨﯟﯨﺘﻪﻟﯩﺴﻪﻣﻼ ﻣﻪﻥ ﻳﻪﻧﻪ ﺋﻪﺭﻛﯩﻨﻠﯩﻜﻜﻪ ﺋﯧﺮﯨﺸﻪﻟﻪﻳﺘﺘﯩﻢ. ﺷﯘﯕﺎ ﺑﺎﺭ ﻛﯜﭼﯜﻡ ﺑﯩﻠﻪﻥ ﺋﯩﻜﻜﻰ ﺗﻪﺭﻩﭘﻜﻪ ﭘﺎﻻﻗﯩﺸﯩﺸﻘﺎ ﺑﺎﺷﻠﯩﺪﯨﻢ.
ـ ﺑﺎﻻﻡ، ﺋﻮﺭﻧﯩﯖﺪﯨﻦ ﺗﯘﺭ، ﻧﯧﻤﻪ ﺑﻮﻟﺪﻯ ﺳﺎﯕﺎ؟ ـ ﻛﯚﺯﯛﻣﻨﻰ ﺋﺎﭼﺴﺎﻡ ﺋﺎﻧﺎﻡ ﺑﯧﺸﯩﻤﺪﺍ ﻗﺎﺭﺍﭖ ﺗﯘﺭﯗﭘﺘﯘ. ﺧﯘﺩﺍﻏﺎ ﺷﯜﻛﺮﻯ ﺳﺎﻗﻜﻪﻧﻤﻪﻥ ﺩﻩﭖ ﺋﻮﻳﻠﯩﺪﯨﻢ. ﺋﯩﻜﻜﻰ ﭘﯘﺗﯘﻡ ﺳﯩﻴﻼﭖ ﺑﺎﻗﺴﺎﻡ ﮬﯧﭽﻨﯧﻤﻪ ﺑﻮﻟﻤﺎﭘﺘﯘ.
ـ ﺳﯧﻨﻰ ﻗﺎﺭﺍ ﺑﯧﺴﯩﭗ ﻗﺎﭘﺘﯘ، ـ ﺩﯦﺪﻯ ﺋﺎﻧﺎﻡ.
ﺑﻪﻙ ﻗﻮﺭﻗﯘﻧﭽﻠﯘﻕ ﭼﯜﺵ ﻛﯚﺭﯛﭘﺘﯩﻤﻪﻥ، ـ ﺩﯦﺪﯨﻢ ﺋﺎﻧﺎﻣﻨﻰ ﻗﯘﭼﺎﻗﻼﭖ ﺗﯘﺭﯗﭖ ﯞﻩ ﭼﯜﺷﯜﻣﺪﻩ ﻛﯚﺭﮔﻪﻧﻠﯩﺮﯨﻤﻨﻰ ﺳﯚﺯﻟﻪﭖ ﺑﻪﺭﺩﯨﻢ.
ـ ﺳﻪﻥ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺋﻪﯞﻻﺩﻟﯩﺮﯨﯖﻨﯩﯔ ﻗﯩﺴﻤﻪﺗﻠﯩﺮﯨﻨﻰ ﻛﯚﺭﯛﭘﺴﻪﻥ ﺋﻮﻏﻠﯘﻡ. ﺋﺎﺩﻩﻣﻠﻪﺭ ﻛﯜﻧﺴﯧﺮﻯ ﺑﯩﺰﻧﯩﯔ ﻳﺎﺷﺎﺵ ﻣﯘﮬﯩﺘﯩﻤﯩﺰﻏﺎ ﻗﯩﺴﺘﺎﭖ ﻛﯩﺮﻣﻪﻛﺘﻪ. ﺋﯘﻻﺭﻧﯩﯔ ﺑﯩﺰﻧﯩﯔ ﺋﻪﺯﻩﻟﺪﯨﻦ ﻳﺎﺷﺎﭖ ﻛﻪﻟﮕﻪﻥ ﺯﯦﻤﯩﻨﯩﻤﯩﺰﺩﯨﻦ ﺑﯩﺰﻧﻰ ﻗﻮﻏﻼﭖ ﭼﯩﻘﺎﺭﻣﺎﻗﭽﻰ. ﻳﻪﺭﻟﯩﺮﯨﻤﯩﺰﻧﻰ ﺗﺎﺭﺗﯩﯟﺍﻟﻤﺎﻗﭽﻰ. ﺋﻪﯞﻻﺩﻟﯩﺮﯨﻤﯩﺰﻧﯩﯔ ﻧﻪﺳﻠﯩﻨﻰ ﺋﯚﺯﮔﻪﺭﺗﯩﭗ ﺋﺎﺷﯘﻧﺪﺍﻕ ﺋﯚﺯ ﻧﻪﺳﻠﯩﻨﻰ ﺗﻮﻧﯘﻣﺎﻳﺪﯨﻐﺎﻥ ﻗﯩﻠﯩﭗ ﺷﺎﻟﻐﯘﺕ ﺳﻮﺭﺗﻼﺭﻏﺎ ﺋﺎﻳﻼﻧﺪﯗﺭﻣﺎﻗﭽﻰ. ﺑﻪﻟﻜﯩﻢ ﺋﯘﺯﺍﻗﻘﺎ ﻗﺎﻟﻤﺎﻱ ﺑﯘ ﻳﻪﺭﻟﻪﺭﮔﻪ ﺋﯧﮕﯩﺰ ﺑﯩﻨﺎﻻﺭ، ﺯﺍﯞﯗﺗﻼﺭ ﺳﯧﻠﯩﻨﯩﺸﻰ ﻣﯘﻣﻜﯩﻦ. ﺋﯘ ﭼﺎﻏﺪﺍ ﻛﯧﺮﻩﻛﺴﯩﺰ ﺳﺎﻧﺎﺋﻪﺕ ﻣﻪﮬﺴﯘﻻﺗﻠﯩﺮﻯ. ﺋﯩﺲ ـ ﺗﯜﺗﻪﻛﻠﻪﺭ ﺋﺎﺭﯨﺴﯩﺪﺍ ﺑﯩﺰﻧﯩﯔ ﺑﯘ ﮔﯜﺯﻩﻝ ﻣﯘﮬﯩﺘﯩﻤﯩﺰ ﺑﯘﻟﻐﯩﻨﯩﺪﯗ. ﺷﻪﮬﻪﺭ ﺋﺎﺭﯨﺴﯩﺪﺍ ﻗﯩﭙﻘﺎﻟﻐﺎﻥ ﺩﻩﺭﻳﺎﻟﯩﺮﯨﻤﯩﺰﺩﺍ ﮬﺎﺯﯨﺮﻗﯩﺪﻩﻙ ﺷﻪﺭﺑﻪﺕ ﺳﯘﻻﺭ ﺋﻪﻣﻪﺱ. ﺑﻪﻟﻜﻰ ﻳﯘﻧﺪﺍ ﺋﺎﻗﯩﺪﯨﻐﺎﻥ ﺑﻮﻟﯩﺪﯗ. ﺋﺎﺩﻩﻣﻠﻪﺭﻧﯩﯔ ﺗﺎﺟﺎﯞﯗﺯﭼﯩﻠﯩﻘﻰ ﺑﻪﻙ ﻗﻮﺭﻗﯘﻧﭽﻠﯘﻕ ﺋﻮﻏﻠﯘﻡ. ﺳﻪﻥ ﺑﯘﻧﻰ ﺳﻪﺯﻣﻪﻳﻼ ﻗﺎﻟﯩﺴﻪﻥ. ﺋﻪﯞﻻﺩﻟﯩﺮﯨﯔ ﺳﻪﻥ ﻳﺎﺷﯩﻐﺎﻥ ﭘﺎﻛﯩﺰ ﻣﯘﮬﯩﺘﻨﻰ ﻛﯚﺭﻩﻟﻤﻪﻳﺪﯗ. ﺗﯘﻏﯘﻟﯘﭘﻼ ﺟﺎﮬﺎﻥ ﻣﯘﺷﯘﻧﺪﺍﻕ ﺋﻮﺧﺸﺎﻳﺪﯗ، ﺩﻩﻳﺪﯗ. ﺋﺎﻣﺎﻟﯩﺴﺰ ﺋﯘﻻﺭﻧﯩﯔ ﺋﯩﺴﻜﻪﻧﺠﯩﺴﯩﮕﻪ ﭼﯜﺷﯜﭖ ﻗﺎﻟﯩﺪﯗ. ﺋﯘﻻﺭ ﺑﯩﺰﻧﻰ ﻛﯜﻧﺴﯧﺮﻯ ﻗﯩﺴﺘﺎﭖ ﻛﻪﻟﻤﻪﻛﺘﻪ. ﮬﻪﺗﺘﺎ ﻧﺎﮬﺎﻳﯩﺘﻰ ﻳﯧﻘﯩﻨﻼﭖ ﻗﺎﻟﺪﻯ. ﺑﯩﺰ ﺋﻪﻣﺪﻯ ﺑﺎﺷﻘﺎ ﺑﯩﺮ ﭼﯩﻘﯩﺶ ﻳﻮﻟﻰ ﺗﺎﭘﻤﯩﺴﺎﻕ ﺑﻮﻟﻤﺎﻳﺪﯗ. ﺋﯚﺯﯨﻤﯩﺰﻧﻰ ﺋﯚﺯﯨﻤﯩﺰ ﻗﯘﺗﻘﯘﺯﻣﯩﺴﺎﻕ ﺑﯩﺰﻧﻰ ﮬﯧﭽﻜﯩﻢ ﻗﯘﺗﻘﯘﺯﺍﻟﻤﺎﻳﺪﯗ. ﻳﯜﺭ ﺳﯩﺮﺗﻘﺎ ﭼﯩﻘﺎﻳﻠﻰ، ﺳﺎﯕﺎ ﺋﻪﻣﺪﻯ ﺩﺍﺩﺍﯕﻨﯩﯔ ﻗﯩﺴﻤﯩﺘﯩﻨﻰ ﺳﯚﺯﻟﻪﭖ ﺑﯧﺮﯨﺪﯨﻐﺎﻥ ﯞﺍﻗﯩﺖ ﻛﻪﭖ ﻗﺎﻟﻐﺎﻥ ﺋﻮﺧﺸﺎﻳﺪﯗ.
ﺋﺎﻧﺎﻡ ﻣﯧﻨﻰ ﺋﯚﺯﯨﮕﻪ ﺋﻪﮔﻪﺷﺘﯜﺭﯛﭖ ﺳﯩﺮﺗﻘﺎ ﺋﯧﻠﯩﭗ ﭼﯩﻘﺘﻰ. ﺋﻪﺗﺮﺍﭖ ﭘﯜﺗﯜﻧﻠﻪﻱ ﻳﺎﯞﺍ ﺋﻮﺕ ـ ﭼﯚﭘﻠﻪﺭ ﺑﯩﻠﻪﻥ ﺗﻮﻟﻐﺎﻥ، ﮬﯧﭽﻘﺎﻧﺪﺍﻕ ﻳﻮﻝ ﻳﺎﻛﻰ ﺋﯩﺰ ﭼﯜﺷﻤﯩﮕﻪﻥ ﻛﻪﯕﺮﻯ ﺩﺍﻻ ﺋﯩﺪﻯ. ﺑﯘ ﺩﻩﺭﻳﺎ ﻳﻮﻳﯩﺪﯨﻜﻰ ﺋﯧﮕﯩﺰ ﻳﺎﺭﺩﺍﯕﻠﯩﻘﺘﺎ ﺋﯩﺪﻯ. ﺑﯘ ﻳﻪﺭﺩﻩ ﻧﻪﭼﭽﻪ ﻣﯩﯖﻠﯩﻐﺎﻥ ﻛﻪﭘﺘﻪﺭﻟﻪﺭ ﺋﯘﯞﺍ ﺳﯧﻠﯩﭗ ﺋﻪﺟﺪﺍﺩ ﻗﺎﻟﺪﯗﺭﺍﺗﺘﻰ، ﺋﺎﺳﺘﯩﻤﯩﺰﺩﯨﻼ ﺋﯧﻘﯩﭗ ﺋﯚﺗﯩﺪﯨﻐﺎﻥ ﺳﯜﭘﺴﯜﺯﯛﻙ ﺩﻩﺭﻳﺎ ﺳﯜﻳﻰ ﺑﯩﺰﮔﻪ ﻳﯧﻘﯩﻤﻠﯩﻖ ﺋﻪﻟﻠﻪﻱ ﻧﺎﺧﺸﯩﺴﻰ ﺋﻮﻗﯘﭖ ﺑﯧﺮﻩﺗﺘﻰ. ﻧﻪﺯﯨﺮﯨﻤﺪﻩ ﺑﯘ ﻳﻪﺭ ﺟﺎﮬﺎﻧﺪﯨﻜﻰ ﺋﻪﯓ ﮔﯜﺯﻩﻡ، ﺋﻪﯓ ﺑﯩﺨﻪﺗﻪﺭ ﻣﺎﻛﺎﻥ ﺋﯩﺪﻯ. ﺋﻪﮔﻪﺭ ﺋﺎﺩﻩﻣﻠﻪﺭ ﺑﻮﻟﻤﯩﻐﺎﻥ ﺑﻮﻟﺴﺎ، ﺑﯩﺰ ﻣﻪﯕﮕﯜ ﻣﯘﺷﯘ ﺑﻪﺧﺘﻠﯩﻚ ﺯﯦﻤﯩﻨﺪﺍ ﻳﺎﺷﯩﻐﺎﻥ ﺑﻮﻻﺗﺘﯘﻕ، ﮬﻪﻱ ﺋﺎﺩﻩﻣﻠﻪﺭ ﺳﯩﻠﻪﺭ ﺯﺍﺩﻯ...
ـ ﻣﺎﻧﺎ ﺑﯘ ﺳﯧﻨﯩﯔ ﻣﺎﻛﺎﻧﯩﯔ. ﻣﺎﻧﺎ ﺑﯘ ﺋﻪﺟﺪﺍﺩﻟﯩﺮﯨﯔ ﻳﺎﺷﯩﻐﺎﻥ ﺯﯦﻤﯩﻦ. ﺳﯧﻨﯩﯔ ﺑﻮﯞﺍﯓ، ﺩﺍﺩﺍﯓ، ﻣﯘﺷﯘ ﻣﺎﻛﺎﻧﻨﻰ ﮔﯜﻟﻠﻪﻧﺪﯛﺭﯛﭖ، ﻣﯘﺷﯘ ﻛﻪﭘﺘﻪﺭﻟﻪﺭ ﺗﻮﭘﯩﻐﺎ ﺑﺎﺷﭽﯩﻠﯩﻖ ﻗﯩﻠﯩﭗ ﺋﯚﺗﻜﻪﻥ. ﺷﯘﯕﺎ، ﺑﯩﺰﻧﯩﯔ ﺋﯘﻻﺭﻧﯩﯔ ﺋﺎﺭﺳﯩﺪﯨﻜﻰ ﺋﯩﻨﺎﯞﯨﺘﯩﻤﯩﺰ ﻳﯘﻗﯩﺮﻯ. ﺷﯘﻧﺪﺍﻗﻼ ﺯﯨﻤﻤﯩﻤﯩﺰﺩﯨﻜﻰ ﻳﯜﻛﯩﻤﯩﺰﻣﯘ ﺋﯧﻐﯩﺮ. ﻣﻪﻥ ﺳﯧﻨﻰ ﺩﺍﺩﺍﯕﺪﻩﻙ ﺑﺎﺗﯘﺭ ﺋﻪﺯﯨﻤﻪﺕ ﺑﻮﻟﺴﯘﻥ ﺩﻩﭖ، ﮬﻪﺭ ﻛﯜﻧﻰ ﺗﺎﯓ ﺳﻪﮬﻪﺭﺩﯨﻼ ﺋﻮﻳﻐﯩﺘﯩﭗ، ﻧﻪﭼﭽﻪ ﻳﯜﺯ ﭼﺎﻗﯩﺮﯨﻢ ﻳﻪﺭﮔﻪ ﺋﺎﭘﯩﺮﯨﭗ، ﺋﯘﭼﯘﺷﻨﻰ ﻣﻪﺷﯩﻖ ﻗﯩﻠﺪﯗﺭﯨﻤﻪﻥ. ﻗﺎﻧﺎﺗﻠﯩﺮﯨﻨﯩﯖﻨﯩﯔ ﻛﯜﭼﯩﻨﻰ ﺋﺎﺷﯘﺭﯨﻤﻪﻥ. ﻣﯘﺳﻜﯘﻟﻠﯩﺮﯨﯖﻨﻰ ﭼﯩﯖﯩﺘﯩﻤﻪﻥ. ﺋﻪﻗﯩﻞ ـ ﺯﯦﮭﻨﯩﯖﻨﻰ ﺋﯘﺭﻏﯩﺘﯩﻤﻪﻥ. ﮬﻪﺭ ﯞﺍﻗﯩﺖ ﺳﻪﮔﻪﻙ ﺗﯘﺭﯗﺷﻨﻰ ﺋﯚﮔﯩﺘﯩﻤﻪﻥ. ﺳﻪﻥ ﮬﺎﺯﯨﺮ ﺟﯩﺴﻤﺎﻧﯩﻲ ﺟﻪﮬﻪﺗﺘﻪ ﺧﯧﻠﻰ ﭘﯩﺸﯩﭗ ﻳﯧﺘﯩﻠﺪﯨﻚ. ﺋﻪﻣﺪﻯ ﺋﻪﻗﻠﯩﻲ ﺟﻪﮬﻪﺗﺘﻪ ﭘﯩﺸﯩﭗ ﻳﯧﺘﯩﻠﯩﺸﯩﯔ ﻛﯧﺮﻩﻙ. ﺋﺎﺩﻩﻣﻠﻪﺭﺩﯨﻦ ﮬﻪﺭ ﯞﺍﻗﯩﺖ ﺳﻪﮔﻪﻙ ﺑﻮﻝ. ﺋﯘﻻﺭ ﻳﻪﺭﺩﻩ ﻳﯜﺭﺳﯩﻼ ﺑﯩﺰﮔﻪ ﭼﯧﻘﯩﻼﻟﻤﺎﻳﺪﯗ ﺩﻩﭖ ﺋﻮﻳﻠﯩﻤﺎ. ﻣﯩﻠﺘﯩﻖ ﺩﯦﮕﻪﻥ ﻧﻪﺭﺳﯩﺴﻰ ﺋﺎﺭﻗﯩﻠﯩﻘﻼ ﺋﯘﻻﺭ ﺳﯧﻨﻰ ﻧﻪﭼﭽﻪ ﻣﯩﯔ ﻣﯧﺘﯩﺮ ﺋﯧﮕﯩﺰﻟﯩﻜﺘﯩﻦ ﺳﻮﻟﻼﻕ ﺋﺎﺗﻘﯘﺯﯨﯟﯨﺘﻪﻟﻪﻳﺪﯗ. ﺩﺍﺩﺍﯕﻨﯩﯔ ﻗﺎﻧﺪﺍﻕ ﺋﯚﻟﮕﻪﻧﻠﯩﻜﯩﻨﻰ ﺑﯩﻠﻪﻣﺴﻪﻥ؟
ـ ﻳﺎﻕ، ﺳﯩﺰ ﻣﺎﯕﺎ ﺗﯧﺨﻰ ﯞﺍﻗﺘﻰ ﺋﻪﻣﻪﺱ ﺩﻩﭖ، ﺋﯧﻴﺘﯩﭗ ﺑﻪﺭﻣﯩﮕﻪﻥ.
ـ ﺋﻪﻣﺪﻯ ﯞﺍﻗﺘﻰ ﻛﻪﻟﺪﻯ. ﻣﻪﻥ ﻧﻪﭼﭽﻪ ﻛﯜﻥ ﺋﯩﻠﮕﯩﺮﯨﻼ ﺑﯘ ﻳﻪﺭﺩﻩ ﺑﯩﺮ ﻗﺎﻧﭽﻪ ﺋﺎﺩﻩﻣﻨﯩﯔ ﺗﯩﻤﯩﺴﻘﻼﭖ ﻳﯜﺭﮔﻪﻧﻠﯩﻜﯩﻨﻰ ﻛﯚﺭﺩﯛﻡ. ﺩﯦﻤﻪﻙ ﺋﯘﻻﺭﻧﯩﯔ ﺑﯩﺰﮔﻪ ﻛﯚﺯﻯ ﭼﯜﺷﺘﻰ ﺩﯦﮕﻪﻥ ﮔﻪﭖ. ﺷﯘﯕﺎ ﺋﯘﻻﺭ ﻳﯧﺘﯩﭗ ﻛﯧﻠﯩﺸﺘﯩﻦ ﺑﯘﺭﯗﻥ ﺑﯩﺰ ﺗﯧﺨﯩﻤﯘ ﺑﯩﺨﻪﺗﻪﺭ ﻣﺎﻛﺎﻥ ﺗﺎﭘﻤﯩﺴﺎﻕ ﺑﻮﻟﻤﺎﻳﺪﯗ، ﺩﺍﺩﺍﯕﻤﯘ ﺩﻩﻝ ﺋﺎﺷﯘ ﺋﺎﺩﻩﻣﻠﻪﺭﻧﯩﯔ ﻗﻮﻟﯩﺪﺍ ﺟﯧﻨﯩﺪﯨﻦ ﺋﺎﻳﺮﯨﻠﻐﺎﻥ.
ـ ﺋﺎﻧﺎ ﺩﻩﭖ ﺑﯧﺮﯨﯖﻪ، ﺩﺍﺩﺍﻡ ﻧﯧﻤﻪ ﺑﻮﻟﯘﭖ ﺋﯘﻻﺭﻧﯩﯔ ﻗﻮﻟﯩﻐﺎ ﭼﯜﺷﯜﭖ ﻗﺎﻟﻐﺎﻥ؟
ﺋﺎﻧﺎﻡ ﺑﯩﺮ ﭘﻪﺱ ﺟﯩﻤﯩﭗ ﻗﺎﻟﺪﻯ. ﺑﻪﻟﻜﯩﻢ ﻛﯚﯕﻠﻰ ﺑﯘﺯﯗﻟﯘﯞﺍﺗﻘﺎﻧﺪﯗ، ﺩﻩﭖ ﺋﻮﻳﻠﯩﺪﯨﻢ.
ـ ﺷﯘ ﻛﯜﻧﻰ ﺩﺍﺩﺍﯓ ﺑﯩﺮ ﺗﻮﭖ ﻛﻪﭘﺘﻪﺭﻟﻪﺭﻧﻰ ﺑﺎﺷﻼﭖ ﺑﯩﺰ ﺋﯜﭼﯜﻥ ﺋﻮﺯﯗﻗﻠﯘﻕ ﺋﯩﺰﺩﻩﭖ ﭼﯩﻘﯩﭗ ﻛﻪﺗﻜﻪﻥ. ﺋﺎﺩﻩﺗﺘﻪ ﻛﻪﭘﺘﻪﺭﻟﻪﺭ ﮬﻪﻣﯩﺸﻪ ﺋﯚﺯﯨﻤﯩﺰﮔﻪ ﺧﻪﺗﻪﺭ ﻳﻪﺗﻤﻪﻳﺪﯨﻐﺎﻥ ﺋﻮﺯﯗﻕ ـ ﺗﯜﻟﯜﻙ ﻣﻮﻝ ﺟﺎﻳﻼﺭﻧﻰ ﺗﺎﻟﻼﻳﻤﯩﺰ. ﺩﺍﺩﺍﯓ ﻛﻪﭘﺘﻪﺭﻟﻪﺭﻧﯩﯔ ﺑﺎﺷﭽﯩﺴﻰ ﺑﻮﻟﻐﺎﭼﻘﺎ ﺑﯘ ﺋﯧﻐﯩﺮ ﯞﻩﺯﯨﭙﻪ ﺗﻪﺑﯩﺌﯩﻲ ﮬﺎﻟﺪﺍ ﺋﯘﻧﯩﯔ ﺯﯨﻤﻤﯩﺴﯩﮕﻪ ﭼﯜﺷﻜﻪﻥ. ﺩﺍﺩﺍﯓ ﺷﯘ ﭼﯩﻘﯩﭗ ﻛﻪﺗﻜﻪﻧﭽﻪ ﺑﯩﺮ ﻗﺎﻧﭽﻪ ﻛﯜﻧﮕﯩﭽﻪ ﻛﻪﻟﻤﯩﺪﻯ. ﻣﻪﻥ ﺋﯘﻧﯩﯖﺪﯨﻦ ﺑﻪﻛﻼ ﺋﻪﻧﺴﯩﺮﻩﭖ ﻗﺎﻟﺪﯨﻢ. ﺋﺎﺩﻩﺗﺘﻪ ﺑﯩﺰ ﻳﯧﺮﯨﻢ ﻛﯜﻧﻠﯜﻛﺘﯩﻦ ﺋﯘﺷﯘﻕ ﻳﻮﻝ ﺑﻮﻟﺴﺎ ﺋﯘﯞﯨﻠﯩﺮﯨﻤﯩﺰﻧﻰ ﻳﯚﺗﻜﻪﻳﺘﯘﻕ. ﺩﺍﺩﺍﯕﻨﯩﯔ ﺋﯘﻧﭽﻪ ﺋﯘﺯﯗﻧﻐﺎ ﺋﻮﺯﯗﻕ ﺋﯩﺰﺩﻩﭖ ﻛﯧﺘﯩﺸﻰ ﻣﯘﻣﻜﯩﻦ ﺋﻪﻣﻪﺱ. ﻳﯜﺭﯨﻜﯩﻢ ﺋﯘﻧﯩﯔ ﺑﯩﺮ ﺧﻪﯞﭘﻜﻪ ﺋﯘﭼﺮﯨﻐﯩﻨﯩﻨﻰ ﺳﯧﺰﯨﭗ ﺗﯘﺭﺩﻯ. ﺋﯘ ﭼﺎﻏﺪﺍ ﺳﻪﻥ ﯞﻩ ﺋﯘﻛﯩﻠﯩﺮﯨﯔ ﺋﻪﻣﺪﯨﻼ ﺗﯘﺧﯘﻣﺪﯨﻦ ﭼﯩﻘﻘﺎﻧﯩﺪﯨﯖﻼﺭ. ﺷﯘﯕﺎ ﺳﯩﻠﻪﺭﻧﻰ ﺗﺎﺷﻼﭖ ﺩﺍﺩﺍﯕﻼﺭﻧﻰ ﺋﯩﺰﺩﻩﭖ ﺑﺎﺭﺍﻟﻤﯩﺪﯨﻢ. ﺋﺎﺭﯨﺪﯨﻦ ﺑﯩﺮ ﻗﺎﻧﭽﻪ ﺋﺎﻱ ﺋﯚﺗﯜﭖ، ﺩﺍﺩﺍﯓ ﺑﯩﻠﻪﻥ ﺑﯩﺮﮔﻪ ﻛﻪﺗﻜﻪﻥ ﺑﯩﺮ ﻛﻪﭘﺘﻪﺭ ﻗﺎﻳﺘﯩﭗ ﻛﻪﻟﺪﻯ. ﺷﯘ ﭼﺎﻏﺪﯨﻼ ﻗﯩﻴﺎﺳﯩﻤﻨﯩﯔ ﺗﻮﻏﺮﯨﻠﯩﻘﯩﻨﻰ، ﺩﺍﺩﺍﯕﻨﯩﯔ ﺋﺎﺩﻩﻣﻠﻪﺭﻧﯩﯔ ﻗﯘﺭﻏﺎﻥ ﻗﯩﻠﺘﯩﻘﯩﻐﺎ ﭼﯜﺷﯜﭖ ﻗﺎﻟﻐﯩﻨﯩﻨﻰ ﺑﯩﻠﺪﯨﻢ. ﻛﯧﻴﯩﻦ ﺋﯘﻧﯩﯔ ﺋﺎﻣﺎﻥ ﻗﺎﻟﻐﺎﻥ ﺩﻭﺳﺘﯩﻠﯩﺮﻯ ﺑﯩﺮ ـ ﺑﯩﺮﻟﻪﭖ ﻗﺎﻳﺘﯩﭗ ﻛﻪﻟﺪﻯ. ﺑﯩﺮﺍﻕ، ﺩﺍﺩﺍﯓ ﺷﯘ ﻛﻪﺗﻜﻪﻧﭽﻪ ﻛﻪﻟﻤﯩﺪﻯ.
ﻣﻪﻥ ﺋﺎﻧﺎﻣﻨﻰ ﻳﯩﻐﻼﭖ ﺳﺎﻻﻣﺪﯨﻜﯩﻦ ﺩﻩﭖ ﺋﻮﻳﻠﯩﺪﯨﻢ. ﺑﯩﺮﺍﻕ، ﺋﯘﻧﯩﯔ ﻛﯚﺯﯨﺪﻩ ﺑﯩﺮ ﺧﯩﻞ ﻗﻪﻳﺴﻪﺭﻟﯩﻚ ﻧﯘﺭﻯ ﭼﺎﻗﻨﺎﭖ ﺗﯘﺭﺍﺗﺘﻰ.
ـ ﺩﺍﺩﺍﻡ ﻧﯧﻤﯩﺸﻘﺎ ﻗﺎﻳﺘﯩﭗ ﻛﯧﻠﻪﻟﻤﻪﭘﺘﯘ؟ ـ ﻣﻪﻥ ﺗﻪﻗﻪﺯﺯﺍﻟﯩﻖ ﺑﯩﻠﻪﻥ ﺳﻮﺭﯨﺪﯨﻢ.
ـ ﺩﺍﺩﺍﯓ ﺩﯦﮕﻪﻥ ﻛﻪﭘﺘﻪﺭﻟﻪﺭﻧﯩﯔ ﭘﺎﺩﯨﺸﺎﮬﻰ. ﺋﯘﻧﯩﯖﺪﺍ ﺷﯘﻧﯩﯖﻐﺎ ﭼﯘﺷﻠﯘﻕ ﺭﻭﮪ ﺑﻮﻟﯘﺷﻰ ﻛﯧﺮﻩﻙ. ﺋﻪﮔﻪﺭ ﺋﯘ ﺋﯚﺯﯨﻨﻰ ﻗﻮﻏﺪﯨﻴﺎﻟﻤﯩﺴﺎ ﺑﯘ ﻛﻪﭘﺘﻪﺭﻟﻪﺭ ﺗﻮﭘﯩﻨﻰ ﻗﺎﻧﺪﺍﻕ ﻗﻮﻏﺪﺍﻳﺪﯗ؟ ﺑﯩﺮ ﭘﺎﺩﯨﺸﺎﮪ ﺑﺎﺷﻘﯩﻼﺭﻧﯩﯔ ﻗﯘﻟﻠﯩﻘﻰ ﺋﺎﺳﺘﯩﺪﺍ ﻳﺎﺷﺎﭖ ﻗﺎﻧﺪﺍﻗﻤﯘ ﻳﻪﻧﻪ ﻗﺎﻳﺘﯩﭗ ﻛﯧﻠﯩﭗ، ﺑﯘ ﺗﻮﭘﻘﺎ ﺑﺎﺷﭽﯩﻠﯩﻖ ﻗﯩﻼﻻﻳﺪﯗ. ﺋﯘﻧﯩﯔ ﺑﯩﺮﺩﯨﻨﺒﯩﺮ ﻳﻮﻟﻰ ﮬﻪﺭﮔﯩﺰﻣﯘ ﺑﺎﺷﻘﯩﻼﺭﻧﯩﯔ ﻗﯘﻟﻠﯘﻗﯩﻐﺎ ﺑﻮﻳﺴﯘﻧﻤﺎﺳﻠﯩﻖ. ﺩﺍﺩﺍﯓ ﺋﺎﺩﻩﻣﻠﻪﺭ ﺗﻪﺭﯨﭙﯩﺪﯨﻦ ﺗﯘﺗﯘﻟﯘﭖ ﻗﻪﭘﻪﺳﻜﻪ ﺳﻮﻻﭖ ﻗﻮﻳﯘﻟﻐﺎﻧﺪﯨﻦ ﻛﯧﻴﯩﻦ، ﺑﯩﺰ ﻳﺎﯞﺍ ﻛﻪﭘﺘﻪﺭ ﺷﺎﮬﻼﺭ ﺟﻪﻣﻪﺗﯩﻨﯩﯔ ﺋﺎﺩﯨﺘﻰ ﺑﻮﻳﯩﭽﻪ ﺗﯩﻠﯩﻨﻰ ﭼﯩﺸﻠﻪﭖ ﺋﯜﺯﯛﯞﺍﭘﺘﯘ. ﺋﯘ ﺑﯩﺮ ﺩﻩﻗﯩﻘﻪ ﺑﻮﻟﺴﯩﻤﯘ، ﻗﻪﭘﻪﺳﺘﻪ ﻳﺎﺷﺎﺷﻨﻰ ﺋﯚﺯﯨﮕﻪ ﺭﺍﯞﺍ ﻛﯚﺭﻣﻪﭘﺘﯘ. ﻗﻪﭘﻪﺱ ﺋﯘﻧﯩﯔ ﻗﯩﺰﯨﻞ ﻗﯧﻨﻰ ﺑﯩﻠﻪﻥ ﻳﻮﻳﯘﻟﯘﭘﺘﯘ. ﺩﺍﺩﺍﯓ ﺋﺎﺩﻩﻣﻠﻪﺭ ﺳﯧﻠﯩﭗ ﺑﻪﺭﮔﻪﻥ ﺩﺍﻥ ـ ﺳﯘﻧﻰ ﺋﯩﭽﻤﻪﻱ ـ ﻳﯧﻤﻪﻱ ﺗﻮﭘﺘﯘﻏﺮﺍ ﺑﯩﺮ ﮬﻪﭘﺘﻪ ﻳﺎﺷﺎﭖ، ﺋﺎﺧﯩﺮﻯ ﺋﯘﻻﺭﻧﯩﯔ ﻗﻮﻟﯩﺪﺍ ﺑﺎﺗﯘﺭﻟﯘﻕ ﺑﯩﻠﻪﻥ ﻗﯘﺭﺑﺎﻥ ﺑﻮﭘﺘﯘ. ﻣﺎﻧﺎ ﺑﯘ ﺑﯩﺰﺩﯨﻜﻰ ﮬﻪﻗﯩﻘﯩﻲ ﺋﻪﺭﻛﯩﻨﻠﯩﻚ ﺭﻭﮬﻰ ﺋﻮﻏﻠﯘﻡ. ﺳﻪﻧﻤﯘ ﺩﺍﺩﺍﯕﻐﺎ ﺋﻮﺧﺸﺎﺵ ﻣﻪﯕﮕﯜ ﺋﻪﺭﻛﯩﻨﻠﯩﻜﻨﯩﯔ ﻗﻮﻏﺪﯨﻐﯘﭼﯩﺴﻰ ﺑﻮﻝ.
ـ ﺋﺎﻧﺎ، ﺩﺍﺩﺍﻡ ﺋﯜﭼﯜﻥ ﺑﺎﺷﻘﺎ ﻛﻪﭘﺘﻪﺭﻟﻪﺭﺩﻩ ﭘﯘﺭﺳﻪﺕ ﺗﯧﭙﯩﭗ ﻗﯧﭽﯩﭗ ﻛﻪﻟﻤﻪﻳﺪﯗ؟
ـ ﺩﺍﺩﺍﯓ ﺑﺎﻟﯩﻠﯩﺮﯨﻨﯩﯔ ﻗﯘﻝ ﺑﻮﻟﯘﭖ ﻗﯧﻠﯩﺸﯩﻨﻰ ﺧﺎﻟﯩﻤﺎﻳﺪﯗ. ﺋﯘﻻﺭ ﺩﺍﺩﺍﯕﻨﻰ ﺗﯘﺗﯘﯞﯦﻠﯩﭗ ﺋﯘﻧﻰ ﺑﺎﺷﻘﺎ ﻛﻪﭘﺘﻪﺭ ﺑﯩﻠﻪﻥ ﺟﯘﭘﻠﻪﭖ ﺋﻪﯞﻻﺩ ﻗﺎﻟﺪﯗﺭﻣﺎﻗﭽﻰ ﺑﻮﻟﻐﺎﻥ. ﺑﯩﺮﺍﻕ ﺩﺍﺩﺍﯓ ﮬﻪﺭﮔﯩﺰﻣﯘ ﻛﯧﻴﯩﻨﻜﻰ ﺋﻪﯞﻻﺩﻟﯩﺮﻯ ﺋﯜﭼﯜﻥ ﺑﯘﻧﺪﺍﻕ ﻧﻮﻣﯘﺳﻠﯘﻕ ﻳﺎﺷﺎﺵ ﻣﯘﮬﯩﺘﯩﻨﻰ ﻗﺎﻟﺪﯗﺭﯗﺷﻘﺎ ﯞﯨﺠﺪﺍﻧﻰ ﻳﻮﻝ ﻗﻮﻳﻤﯩﻐﺎﻥ. ﺳﻪﻥ ﭼﯜﺷﯜﯕﺪﻩ ﻛﯚﺭﮔﻪﻥ ﻛﻪﭘﺘﻪﺭﻟﻪﺭ ﺩﻩﻝ ﺑﺎﻟﯩﻠﯩﺮﯨﻨﻰ ﻗﯘﻟﻠﯘﻗﻘﺎ ﺗﺎﺷﻼﭖ ﮬﺎﻳﺎﺗﯩﻨﻰ ﺳﺎﻗﻼﭖ ﻗﺎﻟﻐﺎﻥ ﻛﻪﭘﺘﻪﺭﻟﻪﺭﻧﯩﯔ ﺋﻪﯞﻻﺩﻯ ﺑﺎﻻﻡ. ﺋﯘﻻﺭ ﮬﺎﺯﯨﺮﻏﺎ ﻗﻪﺩﻩﺭ ﺋﺎﺩﻩﻣﻠﻪﺭﻧﯩﯔ ﻗﻮﻟﯩﺪﺍ ﺭﻭﮬﻰ ﻗﯘﻟﻠﯘﻗﺘﺎ ﻳﺎﺷﺎﯞﺍﺗﯩﺪﯗ. ﺑﯘﻧﺪﺍﻕ ﻳﺎﺷﯩﻐﺎﻧﺪﯨﻦ ﺋﯚﻟﯜﻡ ﻣﯩﯔ ﺋﻪﯞﺯﻩﻝ. ﺳﻪﻥ ﺩﻩﻝ ﺋﺎﺷﯘﻧﺪﺍﻕ ﺑﺎﺗﯘﺭ ﻛﻪﭘﺘﻪﺭﻧﯩﯔ ﭘﻪﺭﺯﻩﻧﺘﻰ. ﺳﻪﻥ ﻣﻪﯕﮕﯜ ﻣﯘﺷﯘ ﺭﻭﮬﻨﻰ ﺋﯘﻧﺘﯘﭖ ﻗﺎﻟﻤﺎ!
ﺋﺎﻧﺎﻣﻨﯩﯔ ﺳﯚﺯﻟﯩﺮﻯ ﺭﻭﮬﯩﻤﺪﺍ ﺋﯘﺯﺍﻗﻘﯩﭽﻪ ﺯﯨﻞ ـ ﺯﯨﻠﻪ ﭘﻪﻳﺪﺍ ﻗﯩﻠﺪﻯ. ﺋﯚﺯﯛﻣﻨﯩﯔ ﺷﯘﻧﺪﺍﻕ ﺑﯩﺮ ﺑﺎﺗﯘﺭ ﺩﺍﺩﯨﻨﯩﯔ ﭘﻪﺭﺯﻩﻧﺘﻰ ﺋﯩﻜﻪﻧﻠﯩﻜﯩﻤﺪﯨﻦ ﭼﻪﻛﺴﯩﺰ ﺷﺎﺩﻻﻧﺪﯨﻢ. ﻣﺎﯕﺎ ﺗﯧﮕﯩﺸﻠﯩﻚ ﺑﻮﻟﻐﺎﻥ ﺋﯩﻨﺘﺎﻳﯩﻦ ﺋﯩﭙﺘﯩﺨﺎﺭﻟﯩﻖ، ﺑﻪﺧﺘﻠﯩﻚ ﺑﯩﺮ ﺭﻭﮬﻨﯩﯔ ﺗﯧﻨﯩﻤﺪﻩ ﺑﯩﺮﺩﯨﻨﻼ ﺑﺎﺵ ﻛﯚﺗﯜﺭﮔﻪﻧﻠﯩﻜﯩﻨﻰ ﮬﯧﺲ ﻗﯩﻠﺪﯨﻢ. ﭘﯜﺗﯜﻥ ﻗﻪﻟﺒﯩﻢ، ﯞﯗﺟﯘﺩﯗﻡ ﻛﯜﭺ ﯞﻩ ﺋﯩﭙﺘﯩﺨﺎﺭﻏﺎ ﺗﻮﻟﺪﻯ. ﻗﻪﻟﺒﯩﻤﺪﯨﻜﻰ ﺑﺎﺭﻟﯩﻖ ﻣﯘﮬﻪﺑﺒﻪﺕ ﺑﯩﻠﻪﻥ ﺋﺎﻧﺎﻣﻨﻰ ﻣﻪﮬﻜﻪﻡ ﻗﯘﭼﺎﻗﻠﯩﺪﯨﻢ.
ـ ﺑﺎﺭﻏﯩﻦ ﺑﺎﻻﻡ، ﺳﯧﻨﻰ ﺋﻪﻟﮕﻪ، ﻛﻪﭘﺘﻪﺭﻟﻪﺭ ﺗﻮﭘﯩﻐﺎ ﺑﯧﻐﯩﺸﻠﯩﺪﯨﻢ. ﺋﯘﻻﺭ ﺑﺎﺷﺴﯩﺰ ﻗﺎﻟﻤﯩﺴﯘﻥ. ﻳﯧﻘﯩﻨﺪﯨﻦ ﺑﯧﺮﻯ ﺋﺎﺩﻩﻣﻠﻪﺭ ﺑﯩﺰﻧﻰ ﮬﻪﺭ ﺧﯩﻞ ﻳﻮﻟﻼ ﺑﯩﻠﻪﻥ ﺗﯘﺗﯘﭖ ﻛﯧﺘﯩﯟﺍﺗﯩﺪﯗ. ﺷﯘﯕﺎ ﺳﻪﻥ ﺑﯩﺰ ﺋﯜﭼﯜﻥ ﺗﯧﺨﯩﻤﯘ ﺑﯩﺨﻪﺗﻪﺭﺭﻩﻙ ﻣﺎﻛﺎﻥ ﺗﺎﭖ. ﺧﻮﺵ ﺑﺎﻻﻡ.
ﻗﺎﻧﯩﺘﯩﻢ ﺋﺎﻧﺎﻣﻨﯩﯔ ﻛﯚﺯ ﻳﺎﺷﻠﯩﺮﻯ ﺑﯩﻠﻪﻥ ﮬﯚﻟﻠﻪﻧﺪﻯ. ﻛﯚﺭﮔﻪﻥ ﭼﯜﺷﻠﯩﺮﯨﻤﯩﯔ ﻣﯘﺷﯘﻧﺪﺍﻕ ﺑﯩﺮ ﺳﻪﭘﻪﺭﻧﯩﯔ ﺑﯩﺸﺎﺭﯨﺘﻰ ﺋﯩﻜﻪﻧﻠﯩﻜﯩﻨﻰ ﭼﯜﺷﻪﻧﺪﯨﻢ. ﮬﻪﺭﮔﯩﺰ ﺋﺎﺩﻩﻣﻠﻪﺭﻧﯩﯔ ﻗﯩﻠﺘﯩﻘﯩﻐﺎ ﭼﯜﺷﯜﭖ ﻗﺎﻟﻤﺎﻳﻤﻪﻥ ﺩﻩﭖ ﺋﻮﻳﻠﯩﺪﯨﻢ.
ﻧﺎﮬﺎﻳﯩﺘﻰ ﺋﯘﺯﺍﻕ ﺋﯘﭼﺘﯘﻡ. ﺑﺎﺷﺘﺎ ﺋﯧﻘﯩﻦ ﺑﻮﻳﻼﭖ ﺋﯘﭼﺘﯘﻡ. ﻛﯧﻴﯩﻦ ﺑﯩﺮ ﻣﻪﮬﻪﻟﻠﯩﮕﻪ ﻛﯩﺮﯨﭗ ﻗﺎﻟﺪﯨﻢ. ﺑﯘ ﻣﻪﻥ ﭼﯜﺷﯜﻣﺪﻩ ﻛﯚﺭﮔﻪﻥ ﮬﯧﻠﯩﻘﻰ ﻣﻪﮬﻪﻟﻠﻪ ﺋﻪﻣﻪﺱ ﺋﯩﺪﻯ. ﮬﻪﻡ ﺋﯘﻧﯩﯖﺪﻩﻙ ﻗﻮﺭﻗﯘﻧﭽﻠﯘﻗﻤﯘ ﻛﯚﺭﯛﻧﻤﻪﻳﺘﺘﻰ. ﺑﯩﺮﺍﻕ، ﻣﻪﻥ ﺷﯘﻧﺪﺍﻕ ﺑﻮﻟﺴﯩﻤﯘ ﺋﯘﻧﯩﯖﺪﯨﻦ ﮬﻪﺯﻩﺭ ﺋﻪﻳﻠﻪﭖ ﻧﺎﮬﺎﻳﯩﺘﻰ ﺋﯧﮕﯩﺰ ﺋﯘﭼﺘﯘﻡ. ﻗﺎﻧﯩﺘﯩﻤﺪﺍ ﻳﯧﺘﻪﺭﻟﯩﻚ ﻛﯜﭺ ﺑﺎﺭ ﺋﯩﺪﻯ. ﻗﯘﻟﯩﻘﯩﻤﺪﺍ ﺋﻪﻣﺪﻯ ﺋﺎﺩﻩﻣﻠﻪﺭﻧﯩﯔ ﺷﺎﯞﻗﯘﻧﻰ ﺋﻪﻣﻪﺱ ﺑﻪﻟﻜﻰ ﺷﺎﻣﺎﻟﻼﻧﯩﯔ ﻏﯘﺭ ـ ﻏﯘﺭ ﺳﻮﻗﻘﺎﻥ ﺋﺎﯞﺍﺯﻯ ﺋﺎﯕﻠﯩﻨﯩﺸﻘﺎ ﺑﺎﺷﻠﯩﺪﻯ، ﻣﻪﻥ ﺑﯘ ﺋﯘﭼﯘﺷﯘﻣﺪﺍ ﺋﯚﺯ ﻧﯩﺸﺎﻧﯩﻤﺪﯨﻦ ﺑﻪﻙ ﻳﯩﺮﺍﻗﻼﭖ ﻛﻪﺗﺴﻪﻡ ﺑﻮﻟﻤﺎﻳﺘﺘﻰ. ﺋﻪﮔﻪﺭ ﺑﻪﻙ ﺋﯘﺯﺍﭖ ﻛﯧﺘﯩﺪﯨﻐﺎﻥ ﺑﻮﻟﺴﺎﻡ ﺑﯩﺰﻧﯩﯔ ﻛﯚﭼﯩﺸﯩﻤﯩﺰﮔﻪ ﺗﻪﺳﯩﺮ ﻳﯧﺘﻪﺗﺘﻰ. ﺭﺍﺳﺘﯩﻨﻰ ﺋﯧﻴﺘﻘﺎﻧﺪﺍ ﻣﻪﻥ ﺋﺎﻧﺎﻣﻨﯩﯔ ﻛﯚﭼﯜﺵ ﺗﻮﻏﺮﯨﻠﯩﻖ ﭘﯩﻜﯩﺮﯨﮕﻪ ﺋﺎﻧﭽﻪ ﻗﻮﺷﯘﻟﻤﺎﻳﺘﺘﯩﻢ. ﺑﯩﺰﻧﯩﯔ ﻣﺎﻛﺎﻧﯩﻤﯩﺰ ﻧﺎﮬﺎﻳﯩﺘﻰ ﺋﯧﮕﯩﺰ ﻳﺎﻥ ﺑﺎﻏﯩﺮ ـ ﺗﯩﻚ ﻗﯩﻴﺎﻧﯩﯔ ﺋﯜﺳﺘﯩﺪﻩ ﺋﯩﺪﻯ. ﺋﯘ ﻳﻪﺭﮔﻪ ﺋﺎﺩﻩﻣﻠﻪﺭ ﺗﯜﮔﯜﻝ ﺋﯘﭼﺎﺭ ﻗﯘﺷﻼﺭﻣﯘ ﺗﻪﺳﺘﻪ ﻗﻮﻧﺎﻻﻳﺘﺘﻰ. ﺑﯩﺰ ﺋﻪﯞﻻﺩﺗﯩﻦ ـ ﺋﻪﯞﻻﺩﻗﺎ ﺋﺎﺷﯘ ﺟﺎﻳﺪﺍ ﻣﺎﻛﺎﻥ ﺗﯘﺗﯘﺗﭗ، ﺑﯩﺨﻪﺗﻪﺭ ﻳﺎﺷﺎﭖ ﻛﻪﻟﮕﻪﻥ ﺗﯘﺭﯗﭖ، ﺋﻪﻣﺪﯨﻠﯩﻜﺘﻪ ﻛﯚﭼﻤﻪﻛﭽﻰ ﺑﻮﻟﯘﯞﺍﺗﺎﺗﺘﯘﻕ. ﺋﺎﺩﻩﻣﻠﻪﺭﻧﯩﯔ ﺋﯘﻧﭽﯩﯟﺍﻻ ﻗﯘﺩﺭﻩﺗﻠﯩﻚ ﺑﻮﻟﯘﺷﻰ ﻧﺎﺗﺎﻳﯩﻦ. ﻣﺎﻧﺎ ﻣﻪﻥ ﮬﺎﺯﯨﺮ ﺋﺎﺩﻩﻣﻠﻪﺭﻧﯩﯔ ﺋﯜﺳﺘﯩﺪﻩ ﺋﯘﭼﯘﭖ ﻛﯧﺘﯩﯟﺍﺗﯩﻤﻪﻥ. ﮬﯧﭽﻘﺎﻧﺪﺍﻕ ﺧﻪﺗﻪﺭﻧﻰ ﺳﻪﺯﻣﯩﺪﯨﻢ. ﺑﻪﻟﻜﯩﻢ ﺋﺎﻧﺎﻡ ﺯﯨﻴﺎﺩﻩ ﺳﻪﺯﮔﯜﺭﻟﯩﺸﯩﭗ ﻛﻪﺗﻜﻪﻥ ﺑﻮﻟﺴﺎ ﻛﯧﺮﻩﻙ.
ﻛﻪﭺ ﻛﯩﺮﯨﭗ ﺋﻪﺗﺮﺍﭖ ﮔﯘﮔﯘﻡ ﻗﺎﺭﯕﻐﯘﻟﯘﻗﻰ ﺋﯩﭽﯩﮕﻪ ﻏﻪﺭﻕ ﺑﻮﻟﺪﻯ. ﺑﯩﺮ ﻛﯜﻥ ﺋﯘﭼﯘﭖ ﮬﺎﺭﻏﯩﻨﻠﯩﻖ ﻳﻪﺗﻜﻪﻧﯩﺪﻯ. ﮔﻪﺭﭼﻪ ﺋﺎﺩﻩﻣﻠﻪﺭ ﺑﺎﺭ ﺑﯘ ﻳﻪﺭﮔﻪ ﻗﻮﻧﯘﺵ ﺋﻮﻳﯘﻡ ﺑﻮﻟﻤﯩﺴﯩﻤﯘ، ﺑﯩﺮﺍﻕ ﻗﺎﺭﺍﯕﻐﯘﺩﺍ ﻧﯩﺸﺎﻧﺪﯨﻦ ﺋﺎﺩﯨﺸﯩﭗ ﻗﺎﻟﻤﺎﺳﯩﻠﯩﻖ ﺋﯜﭼﯜﻥ ﺋﺎﺭﺍﻡ ﺋﺎﻟﻤﯩﺴﺎﻡ ﺑﻮﻟﻤﺎﻳﺘﺘﻰ. ﺟﻪﻧﯘﺏ، ﺷﯩﻤﺎﻝ، ﻏﻪﺭﺏ ﺗﻪﺭﻩﭘﻠﻪﺭﻧﻰ ﻛﯚﺯﯨﺘﯩﭗ ﺑﻮﻟﺪﯗﻡ. ﺑﯘ ﻳﻪﺭﻟﻪﺭﺩﻩ ﺑﯩﺰ ﻳﺎﺷﯩﻐﯘﺩﻩﻙ ﺑﯩﺮﻩﺭ ﻳﺎﺧﺸﻰ ﻣﺎﻛﺎﻥ ﺋﯘﭼﺮﯨﻤﯩﺪﻯ. ﺑﻪﻟﻜﯩﻢ، ﺑﻪﻙ ﺋﯧﮕﯩﺰ ﺋﯘﭼﯘﯞﻩﺗﻜﻪﻥ ﺑﻮﻟﺴﺎﻡ ﻛﯧﺮﻩﻙ. ﺋﻪﺗﻪ ﺷﻪﺭﻕ ﺗﻪﺭﻩﭘﻨﻰ ﺋﺎﻳﻠﯩﻨﯩﭗ ﭘﻪﺱ ﺋﯘﭼﯘﺷﻨﻰ ﻛﯚﯕﻠﯜﻣﮕﻪ ﭘﯜﻛﺘﯜﻡ. ﻛﯧﭽﻪ ﻳﯘﻟﺘﯘﺯﻟﯩﺮﻯ ﺋﯜﺳﺘﯜﻣﺪﻩ ﭼﺎﻗﻨﺎﭖ ﺗﯘﺭﺍﺗﺘﻰ. ﻣﻪﻥ ﻣﯘﺷﯘﻧﺪﺍﻕ ﮔﯜﺯﻩﻟﻠﯩﻜﻜﻪ ﺗﻮﻟﻐﺎﻥ ﺑﯩﺮ ﺩﯗﻧﻴﺎﺩﺍ ﺋﯘﻧﺪﺍﻕ ﻗﻮﺭﻗﯘﻧﭻ ﺋﯩﭽﯩﺪﻩ ﻳﺎﺷﺎﺷﻨﯩﯔ ﺗﻮﻟﯩﻤﯘ ﺋﻪﺧﻤﻪﻗﻠﯩﻖ ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﺪﯨﻢ. ﺋﺎﺳﺘﺎ ـ ﺋﺎﺳﺘﺎ ﭘﻪﺳﻠﻪﭖ ﺑﯩﺮ ﺩﻩﺭﻩﺥ ﺋﯜﺳﺘﯩﮕﻪ ﻗﻮﻧﺪﯗﻡ. ﺋﻪﺗﻪ ﻗﺎﻧﺪﺍﻕ ﻣﻪﻧﺰﯨﺮﻩ ﺋﯩﭽﯩﺪﻩ ﺗﯘﺭﯨﺪﯨﻐﺎﻧﻠﯩﻘﯩﻢ ﻧﺎﻣﻪﻟﯘﻡ ﺋﯩﺪﻯ. ﻣﻪﻥ ﮬﻪﺩﺩﯨﺪﯨﻦ ﺯﯨﻴﺎﺩﻩ ﺋﯧﮭﺘﯩﻴﺎﺗﭽﺎﻧﻠﯩﻖ ﻗﯩﻠﯩﭗ، ﺋﯧﮕﯩﺰ ﺋﯘﭼﯩﯟﻩﺗﻜﻪﭼﻜﻪ ﻛﯚﯕﯜﻟﺪﯨﻜﯩﺪﻩﻙ ﺑﯩﺮ ﻣﺎﻛﺎﻥ ﺗﯧﺨﻰ ﺋﯘﭼﺮﺍﺗﻤﯩﻐﺎﻧﯩﺪﯨﻢ. ﺷﯘﯕﺎ ﺋﻪﺗﻪ ﺋﯘﺳﯘﻟﯘﻣﻨﻰ ﺋﯚﺯﮔﻪﺭﺗﯩﭗ ﭘﻪﺳﯩﺮﻩﻙ ﺋﯘﭼﯘﺷﻨﻰ ﺋﻮﻳﻠﯩﺪﯨﻢ.
ﻣﯘﯕﻠﯘﻕ ﺑﯩﺮ ﺋﺎﯞﺍﺯ ﺷﯧﺮﯨﻦ ﺋﯘﻳﻘﯘﻣﻨﻰ ﺑﯘﺯﯗﯞﻩﺗﺘﻰ. ﮬﺎﺭﻏﯩﻨﻠﯩﻖ ﺋﯩﭽﯩﺪﻩ ﺷﯘﻧﭽﻪ ﺷﯧﺮﯨﻦ ﺋﯘﺧﻼﭖ ﻛﯧﺘﯩﭙﺘﯩﻤﻪﻥ. ﺑﯩﺮ ﺗﻮﭖ ﻛﻪﭘﺘﻪﺭ ﺋﻪﺗﺮﺍﭘﯩﻤﺪﺍ ﺋﯘﭼﯘﭖ ﻳﯜﺭﻩﺗﺘﻰ. ﺋﯘﻻﺭﻧﯩﯔ ﻗﺎﻧﯩﺘﯩﺪﯨﻦ ﻣﯘﯕﻠﯘﻕ ﺋﺎﯞﺍﺯ ﻛﯧﻠﻪﺗﺘﻰ. ﻣﻪﻥ ﮬﻪﻳﺮﺍﻥ ﻗﺎﻟﺪﯨﻢ. ﺋﯘﻻﺭ ﺑﻪﺋﻪﻳﻨﻰ ﻣﺎﯕﺎ ﺋﻮﭘﺌﻮﺧﺸﺎﺵ ﻛﻪﭘﺘﻪﺭﻟﻪﺭ ﺋﯩﺪﻯ. ﺗﯘﺭﯗﭖ ﺋﯘﻻﺭ ﻣﻪﻥ ﭼﯜﺷﯜﻣﺪﻩ ﻛﯚﺭﮔﻪﻥ ﻛﻪﭘﺘﻪﺭﻟﻪﺭﮔﯩﻤﯘ ﺋﻮﺧﺸﺎﭖ ﻗﺎﻻﺗﺘﻰ. ﺗﯘﺭﯗﭖ ﺋﻮﺧﺸﯩﻤﺎﻳﺘﺘﻰ. ﺗﯜﻧﯜﮔﯜﻥ ﺑﯩﺮ ﻛﯜﻥ ﮬﯧﭽﻨﯧﻤﻪ ﻳﯧﻤﻪﻱ ﺋﯘﭼﻘﺎﭼﻘﺎ ﮬﺎﺯﯨﺮ ﻗﻮﺭﺳﯩﻘﯩﻢ ﺋﯧﭽﯩﭗ ﻛﻪﺗﻜﻪﻧﯩﺪﻯ. ﻣﻪﻡ ﺋﯘﻻﺭﺩﯨﻦ ﺑﯘ ﻳﻪﺭﺩﻩ ﺑﯩﺨﻪﺗﻪﺭﺭﻩﻙ ﺑﯩﺮ ﺋﻮﺗﻼﻳﺪﯨﻐﺎﻥ ﻳﻪﺭﻧﯩﯔ ﺑﺎﺭ ـ ﻳﻮﻗﻠﯘﻗﯩﻨﻰ ﺳﻮﺭﯨﻤﺎﻗﭽﻰ ﺑﻮﻟﺪﯗﻡ. ﺋﯘﻻﺭ ﻳﯚﻧﯩﻠﯩﺸﻨﻰ ﺋﯚﺯﮔﻪﺭﺗﯩﭗ، ﺑﯩﺮﺩﯨﻨﻼ ﻣﻪﮬﻪﻟﻠﻪ ﺳﯩﺮﺗﯩﻐﺎ ﻗﺎﺭﺍﭖ ﺋﯘﭼﯘﺷﻘﺎ ﺑﺎﺷﻠﯩﺪﻯ. ﻣﻪﻧﻤﯘ ﺋﯘﻻﺭﻧﯩﯔ ﻛﻪﻳﻨﯩﺪﯨﻦ ﺋﻪﮔﻪﺷﺘﯩﻢ.
ـ ﻧﻪﮔﻪ ﺑﺎﺭﯨﺴﯩﻠﻪﺭ؟ ـ ﺋﺎﺭﻗﯩﺪﯨﺮﺍﻕ ﻗﺎﻟﻐﺎﻥ ﺑﯩﺮﺳﯩﺪﯨﻦ ﺳﻮﺭﯨﺪﯨﻢ.
ـ ﺧﺎﻣﺎﻧﻐﺎ.
ـ ﺋﯘ ﻳﻪﺭﺩﻩ ﻧﯧﻤﻪ ﻗﯩﻠﯩﺴﯩﻠﻪﺭ؟
ـ ﺩﺍﻥ ﺋﯩﺰﺩﻩﻳﻤﯩﺰ.
ـ ﺩﺍﻥ ﺩﯦﮕﻪﻥ ﺳﯩﻠﻪﺭ ﻳﻪﻳﺪﯨﻐﺎﻥ ﻧﻪﺭﺳﯩﻤﯘ؟ـ ﺋﯘ ﻣﺎﯕﺎ ﺧﯘﺩﺩﻯ ﻳﺎﺕ ﺑﯩﺮ ﻣﻪﺧﻠﯘﻗﻘﺎ ﻗﺎﺭﯨﻐﺎﻧﺪﻩﻙ ﻏﻪﻟﯩﺘﻪ ﭼﻪﻛﭽﯩﻴﯩﭗ ﻗﺎﺭﺍﭖ ﻗﻮﻳﺪﻯ:
ـ ﺳﻪﻥ ﻳﺎﯞﺍ ﻛﻪﭘﺘﻪﺭﻛﻪﻧﺴﻪﻧﺪﻩ؟
ـ ﺷﯘﻧﺪﺍﻕ ﻣﻪﻥ ﺑﯚﻟﺠﯜﺭﮔﻪﻥ ﺳﺎﻳﺪﯨﻦ ﻛﻪﻟﺪﯨﻢ، ـ ﻣﻪﻥ ﻛﻪﭘﺘﻪﺭﻟﻪﺭﮔﻪ ﺋﻪﮔﯩﺸﯩﭗ ﺧﺎﻣﺎﻧﻐﺎ ﭼﯜﺷﺘﯜﻡ. ﺑﯘ ﻳﻪﺭﺩﻩ ﮬﻪﻗﯩﻘﻪﺗﻪﻥ ﻛﯚﻣﯜﻟﯜﭖ ﻗﺎﻟﻐﺎﻥ ﺑﻮﻏﺪﺍﻳﻼﺭ ﺑﺎﺭﺋﯩﻜﻪﻥ، ﺗﻪﻣﻰ ﺷﯘﻧﺪﺍﻕ ﺗﺎﺗﻠﯩﻖ ﺋﯩﺪﻯ. ﺑﯘ ﻳﻪﺭ ﺑﻮﻟﯩﺪﯨﻜﻪﻥ، ﺩﻩﭖ ﺋﻮﻳﻠﯩﺪﯨﻢ. ﺑﯘ ﺟﺎﻳﺪﺍ ﺋﺎﺩﻩﻣﻠﻪﺭﻧﯩﯔ ﻗﺎﺭﯨﺴﯩﻤﯘ ﻛﯚﺭﯛﻧﻤﻪﻳﺘﺘﻰ. ﺑﺎﺷﻘﺎ ﻛﻪﭘﺘﻪﺭﻟﻪﺭﻧﯩﯔ ﺧﺎﺗﯩﺮﺟﻪﻡ ﺗﯘﺭﻗﯩﻐﺎ ﻗﺎﺭﺍﭖ ﻣﻪﻧﻤﯘ ﺧﺎﺗﯩﺮﺟﻪﻡ ﮬﺎﻟﺪﺍ ﻗﻮﺭﺳﺎﻕ ﺗﻮﻗﻼﺷﻘﺎ ﺑﺎﺷﻠﯩﺪﯨﻢ. ﺳﯩﺮﺗﻘﻰ ﺩﯗﻧﻴﺎ ﮬﻪﺭﮔﯩﺰﻣﯘ ﺋﺎﻧﺎﻡ ﺋﯧﻴﺘﻘﺎﻧﺪﻩﻙ ﺋﯘﻧﺪﺍﻕ ﺧﻪﺗﻪﺭ ﺑﯩﻠﻪﻥ ﺗﻮﻟﻐﺎﻥ ﺋﻪﻣﻪﺱ ﺋﯩﺪﻯ. ﺧﺎﺗﯩﺮﺟﻪﻡ ﮬﺎﻟﺪﺍ ﺋﺎﻟﺪﯨﻤﺪﯨﻜﻰ ﻳﻮﻏﺎﻥ ﺑﯩﺮ ﺗﺎﻝ ﺩﺍﻧﻐﺎ ﺑﻮﻳﯘﻥ ﺋﯘﺯﺍﺗﺘﯩﻢ، ﺷﯩﺪﺩﻩﺕ ﺑﯩﻠﻪﻥ ﺋﯧﺘﯩﻠﯩﭗ ﻛﻪﻟﮕﻪﻥ ﺑﯩﺮ ﺧﯩﻞ ﻛﯜﭺ ﻛﺎﻧﯩﻴﯩﻤﻨﻰ ﻛﯧﻠﯩﭗ ﺑﻮﻏﺪﻯ. ﻧﺎﮬﺎﻳﯩﺘﻰ ﺗﯧﺰﻟﯩﻜﺘﻪ ﻛﯚﺗﯜﺭﯛﻟﯜﭖ، ﺋﯚﺯﯛﻣﻨﻰ ﭼﻪﺗﻜﻪ ﺋﺎﻟﻤﺎﻗﭽﻰ ﺑﻮﻟﺪﯗﻡ. ﺑﯩﺮﺍﻕ، ﻧﺎﻣﻪﻟﯘﻡ ﺑﯩﺮ ﻛﯜﭺ ﻣﯧﻨﻰ ﻳﻪﻧﻪ ﺷﯘﻧﭽﻪ ﺗﯧﺰ ﻳﻪﺭﮔﻪ ﺗﺎﺭﺗﯩﭗ ﭼﯜﺷﺘﻰ. ﺋﯚﺯﻩﻣﻨﻰ ﮬﻪﺭ ﺗﻪﺭﻩﭘﻜﻪ ﺋﯘﺭﯗﺷﻘﺎ ﺑﺎﺷﻠﯩﺪﯨﻢ. ﻛﻪﭘﺘﻪﺭﻟﻪﺭ ﮔﯘﺭﺭﯨﺪﻩ ﻛﯚﺗﯜﺭﯛﻟﯜﭖ ﺋﯘﭼﯘﭖ ﻛﯧﺘﯩﺸﺘﻰ. ﺋﺎﺧﯩﺮﻯ ﮬﺎﻟﯩﺴﺰﻟﯩﻨﯩﭗ ﻳﯧﺘﯩﭗ ﻗﺎﻟﺪﯨﻢ. ﺑﯘ ﻣﻪﻥ ﭼﯜﺷﯜﻣﺪﻩ ﻛﯚﺭﮔﻪﻥ ﮬﯧﻠﯩﻘﻰ ﻣﻪﻧﺰﯨﺮﯨﮕﻪ ﺑﻪﻙ ﺋﻮﺧﺸﺎﻳﺘﺘﻰ. ﺋﺎﺩﻩﻣﻠﻪﺭﻧﯩﯔ ﻗﻮﻟﯩﻐﺎ ﭼﯜﺷﯜﭖ ﻗﺎﻟﺪﯨﻤﻤﯘ ـ ﻧﯧﻤﻪ، ﺩﻩﭖ ﺋﻮﻳﻠﯩﺪﯨﻢ. ﺑﯩﺮﺍﻕ، ﮬﺎﺯﯨﺮ ﻳﯧﻘﯩﻦ ﺋﻪﺗﺮﺍﭘﺘﺎ ﮬﯧﭽﻜﯩﻢ ﻛﯚﺭﯛﻧﻤﻪﻳﺘﻰ. ﻗﺎﻧﭽﯩﻠﯩﻚ ﯞﺍﻗﯩﺖ ﺋﯚﺗﺘﯩﻜﯩﻦ ﺑﯩﺮ ﭼﺎﻏﺪﺍ ﺋﯩﻜﻜﻰ ﺋﺎﺩﻩﻡ ﺗﯘﻳﯘﻗﺴﯩﺰ ﻳﯧﻨﯩﻤﺪﺍ ﭘﻪﻳﺪﺍ ﺑﻮﻟﯘﭖ ﻗﺎﻟﺪﻯ. ﺋﺎﮪ، ﺋﺎﺩﻩﻣﻠﻪﺭﻧﯩﯔ ﻗﻮﻟﯩﻐﺎ ﭼﯜﺷﯜﭘﺘﯩﻤﻪﻥ، ﺩﯦﺪﯨﻢ ﻣﻪﻥ. ﺑﯩﺮﺍﻕ، ﺋﯘﻻﺭ ﻣﯧﻨﻰ ﺑﻮﻳﻨﯘﻣﻨﻰ ﺳﯩﻘﯩﭗ ﺗﯘﺭﻏﺎﻥ ﻏﺎﻳﻪﺕ ﺯﻭﺭ ﻛﯜﭼﻨﻰ ﺑﻮﺷﺎﺗﺘﻰ.
ـ ﻳﺎﯞﺍ ﻛﻪﭘﺘﻪﺭﻛﻪﻥ... ﺩﯦﺪﻯ ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﻳﺎﺷﯩﺮﺍﻕ ﺑﯩﺮﺳﻰ.
ـ ﻣﻪﮬﻜﻪﻡ ﺗﯘﺕ، ﻗﯧﭽﯩﭗ ﻛﻪﺗﻤﯩﺴﯘﻥ، ﻗﺎﻧﯩﺘﯩﻨﻰ ﺑﻮﻏﯘﭖ ﻗﻮﻳﺎﻳﻠﻰ، ـ ﺋﯘﻻﺭ ﺑﯩﺮﻟﯩﻜﺘﻪ ﻗﺎﻧﯩﺘﯩﻨﻰ ﺑﻮﻏﯘﺷﻼﭖ ﺋﺎﻧﺪﯨﻦ ﺑﻮﻳﻨﯘﻣﺪﯨﻦ ﺗﯘﺗﯘﭖ ﻛﯚﺯﻟﯩﺮﯨﻤﮕﻪ ﻗﺎﺭﺍﺷﻘﺎ ﺑﺎﺷﻠﯩﺪﻯ.
ـ ﯞﺍﻱ، ﺑﻪﻙ ﺋﯧﺴﯩﻠﻜﻪﻥ، ﺗﺎﺯﺍ ﺋﺎﻣﻪﺕ ﻛﻪﻟﺪﻯ، ـ ﭼﻮﯕﺮﺍﻗﻰ ﻣﯧﻨﻰ ﻗﻮﻟﯩﻐﺎ ﺋﯧﻠﯩﭗ ﻗﺎﺭﺍﭖ ﻛﻪﺗﺘﻰ.
ـ ﺑﯘﻧﯩﯔ ﺑﯩﺰﮔﻪ ﻗﯩﻠﭽﻪ ﭘﺎﻳﺪﯨﺴﻰ ﻳﻮﻕ، ﻗﻮﻳﯩﯟﯦﺘﻪﻳﻠﻰ، ﻗﺎﺭﺍ، ﺋﯘ ﺋﺎﻟﻠﯩﺒﯘﺭﯗﻥ ﺗﯩﻠﯩﻨﻰ ﭼﯩﺸﻠﻪﭖ ﺋﯜﺯﯛﯞﺍﭘﺘﯘ. ﺑﯘﻧﺪﺍﻕ ﻛﻪﭘﺘﻪﺭﮔﻪ ﺋﯘﭼﺮﺍﭖ ﻗﺎﻟﻐﺎﻧﺪﺍ ﻗﻮﻳﯘﯞﻩﺗﻤﻪﻱ ﺋﺎﻣﺎﻝ ﻳﻮﻕ. ﺋﺎﺩﻩﺗﺘﻪ ﻛﻪﭘﺘﻪﺭﻟﻪﺭﻧﯩﯔ ﺑﺎﺷﭽﯩﻠﯩﺮﻯ ﺷﯘﻧﺪﺍﻕ ﺑﻮﻟﯩﺪﯗ.
ـ ﮬﯧﭻ ﺑﻮﻟﻤﯩﺴﺎ ﺋﯘﻧﻰ ﺑﯩﺮ ﺋﻮﯞﺍ ﻛﯚﭘﻪﻳﺘﯩﯟﺍﻻﻳﻠﻰ.
ـ ﺋﯘ ﺋﻪﻣﺪﻯ ﺩﺍﻥ ﻳﯧﻤﻪﻳﺪﯗ، ﺳﯘ ﺋﯩﭽﻤﻪﻳﺪﯗ، ﺗﺎﻛﻰ ﺋﯚﻟﯜﭖ ﻛﻪﺗﻜﯜﭼﻪ ﺳﻪﻥ ﺑﯩﻠﻪﻥ ﻗﺎﺭﺷﯩﻠﯩﺸﯩﺪﯗ.
ـ ﻗﺎﺭﺍﭖ ﺗﯘﺭﯗﭖ ﻗﻮﻳﯩﯟﯨﺘﻪﻣﺪﯨﻢ؟ ـ ﺩﯦﺪﻯ ﻳﺎﺷﯩﺮﺍﻕ ﺋﺎﺩﻩﻡ.
ـ ﺋﯩﺨﺘﯩﻴﺎﺭﯨﯔ، ﺑﯩﺮﺍﻕ، ﮬﺎﻳﺎﻝ ﺋﯚﺗﻤﻪﻱ ﺳﯚﺯﯛﻣﻨﯩﯔ ﺭﺍﺳﺘﻠﯩﻘﯩﻨﻰ ﺑﯩﻠﯩﭗ ﻗﺎﻟﯩﺴﻪﻥ، ﻣﻪﻧﻤﯘ ﻣﯘﺷﯘﻧﺪﺍﻕ ﺑﯩﺮ ﻛﻪﭘﺘﻪﺭﻧﻰ ﺗﯘﺗﯘﯞﺍﻟﻐﺎﻥ ﺩﻩﺳﻠﻪﭘﺘﻪ ﻗﻮﻳﯘﭖ ﺑﯧﺮﯨﺸﻜﻪ ﻛﯚﺯﯛﻡ ﻗﯩﻴﻤﯩﺪﻯ. ﺑﯩﺮ ﮬﻪﭘﺘﯩﺪﯨﻦ ﻛﯧﻴﯩﻦ ﺋﯚﻟﯜﭖ ﻛﻪﺗﺘﻰ.
ـ ﻣﻪﻥ ﺑﯘﻧﻰ ﭼﯘﻗﯘﻡ ﻛﯚﻧﺪﯛﺭﯨﻤﻪﻥ، ـ ﺩﯦﺪﻯ ﺋﯘ.
ﮬﻪﺭﮔﯩﺰ ﻗﻮﻟﯘﯕﻐﺎ ﻛﯚﻧﻤﻪﻳﻤﻪﻥ. ﺑﯩﺮ ﺋﺎﻣﺎﻟﻨﻰ ﻗﯩﻠﯩﭗ ﭼﻮﻗﯘﻡ ﻗﯧﭽﯩﭗ ﻛﯧﺘﯩﻤﻪﻥ، ﺩﻩﭖ ﺋﻮﻳﻠﯩﺪﯨﻢ ﺋﯩﭽﯩﻤﺪﻩ، ﺋﺎﻧﺎﻣﻨﯩﯔ ﺳﯚﺯﯨﻨﻰ ﺋﯧﺴﯩﻤﺪﻩ ﺗﯘﺗﻤﺎﻱ، ﺑﯘ ﻛﯜﻧﮕﻪ ﻗﺎﻟﻐﯩﻨﯩﻤﺪﯨﻦ ﺗﻮﻟﯩﻤﯘ ﻧﻮﻣﯘﺱ ﮬﯧﺲ ﻗﯩﻠﺪﯨﻢ. ﻛﯜﭺ ﺑﯩﻠﻪﻥ ﻳﯘﻟﻘﯘﻧﯘﭖ ﺋﯘﻧﯩﯔ ﻗﻮﻟﯩﺪﯨﻦ ﺑﻮﺷﺎﭖ ﺋﯘﭼﯘﭖ ﭼﯩﻘﺘﯩﻢ، ﺑﯩﺮﺍﻕ ﺋﺎﻧﭽﻪ ﺋﯘﺯﯗﻥ ﺑﺎﺭﻣﺎﻳﻼ ﻳﻪﺭﮔﻪ ﮔﻮﻳﺎ ﺑﯩﺮ ﭘﺎﺭﭼﻪ ﭼﺎﻟﻤﯩﺪﻩﻙ ﭘﻮﻛﻜﯩﺪﻩ ﭼﯜﺷﺘﯜﻡ.
ـ ﻛﺎﺳﺎﭘﻪﺕ، ﮬﯧﻠﯩﻤﯘ ﻳﺎﺧﺸﻰ ﻗﺎﻧﯩﺘﯩﯖﻨﻰ ﺑﻮﻏﯘﭖ ﻗﻮﻳﯘﭘﺘﯩﻤﻪﻥ. ﺑﻮﻟﻤﯩﺴﺎ ﻗﻪﻳﻪﺭﻟﻪﺭﮔﻪ ﻛﯧﺘﯩﭗ ﻗﺎﻻﺭ ﺑﻮﻟﻐﯩﻴﺘﯩﯔ؟ ﺋﯘ ﻣﯧﻨﻰ ﺧﺎﻟﺘﯩﺪﻩﻙ ﺑﯩﺮﻧﻪﺭﺳﯩﮕﻪ ﺳﻮﻻﭖ ﻧﻪﮔﯩﺪﯗﺭ ﺋﯧﻠﯩﭗ ﺑﺎﺭﺩﻯ. ﺋﺎﻧﺪﯨﻦ ﻗﺎﻧﯩﺘﯩﻤﻨﻰ ﻣﻪﮬﻜﻪﻡ ﻗﺎﻣﺎﻟﻼﭖ، ﺳﯩﻤﺪﯨﻦ ﺗﻮﻗﯘﻟﻐﺎﻥ ﺑﯩﺮ ﺗﻮﺭﻧﯩﯔ ﺋﯩﭽﯩﮕﻪ ﺳﻮﻟﯩﯟﻩﺗﺘﻰ. ﺗﻮﺭ ﺋﯩﭽﯩﺪﯨﻜﻰ ﺑﯩﺮ ﻗﺎﻧﭽﻪ ﻛﻪﭘﺘﻪﺭ ﮔﯜﺭﺭﯨﺪﻩ ﺑﯩﺮ ﺑﯘﻟﯘﯕﻐﺎ ﻗﯩﺴﺘﺎﻟﺪﻯ.
ـ ﻗﺎﺭﯨﻐﺎﻧﺪﺍ ﺋﺎﭺ ﻗﺎﻟﻐﺎﻥ ﺋﻮﺧﺸﺎﻳﺴﻪﻥ، ﺑﻮﻟﻤﯩﺴﺎ ﺑﯩﺮ ﺗﺎﻝ ﺩﺍﻧﻨﻰ ﺩﻩﭖ ﻣﯧﻨﯩﯔ ﻗﯩﺴﯩﻤﯩﻘﯩﻤﺪﺍ ﭘﺎﻻﻗﻼﭖ ﻳﺎﺗﻤﺎﺳﺘﯩﯔ... ﺋﯘ ﻗﻪﭘﻪﺯﻛﻪ ﺑﯩﺮ ﺳﯩﻘﯩﻢ ﺩﺍﻧﻨﻰ ﭼﯧﭽﯩﭗ ﺳﯘ ﻗﻮﻳﺪﻯ. ﻛﻪﭘﺘﻪﺭﻟﻪﺭ ﮔﯜﺭﺭﯨﺪﻩ ﻳﯩﻐﯩﻠﯩﭗ ﺩﺍﻧﻨﻰ ﻳﯧﻴﯩﺸﻜﻪ ﺑﺎﺷﻠﯩﺪﻯ. ﺑﯩﺮﺍﻕ، ﻣﯧﻨﯩﯔ ﺋﯚﭼﻤﻪﻧﻠﯩﻜﯩﻢ ﺷﯘ ﺩﻩﺭﯨﺠﯩﮕﻪ ﻳﻪﺗﻜﻪﻥ ﺋﯩﺪﯨﻜﻰ، ﻣﯘﻣﻜﯩﻦ ﺑﻮﻟﺴﺎ ﮬﺎﺯﯨﺮﯨﻼ ﻗﻪﭘﻪﺯﮔﻪ ﺋﯜﺳﯜﭖ ﺋﯚﻟﯜﯞﺍﻟﻐﯘﻡ ﻛﯧﻠﻪﺗﺘﻰ. ﺑﯩﺮﺍﻕ، ﻗﺎﻧﯩﺘﯩﻢ ﺑﻪﻙ ﭼﯩﯔ ﺗﯧﯖﯩﯟﯦﺘﯩﻠﮕﻪﻥ ﺑﻮﻟﻐﺎﭼﻘﺎ ﭘﻪﻗﻪﺗﻼ ﻣﯩﺪﯨﺮﻟﯩﻴﺎﻟﻤﯩﺪﯨﻢ. ﺑﯧﺸﯩﻤﻨﻰ ﺋﺎﺭﺍﻥ ﻛﯚﺗﯜﺭﯛﭖ، ﺋﻪﻣﺪﯨﻼ ﺗﯩﻜﻠﻪﺷﻜﻪﻥ ﻗﯘﻳﺎﺵ ﻧﯘﺭﯨﻐﺎ ﻗﺎﺭﯨﺪﯨﻢ. ﺋﺎﮪ ﺋﯚﻳﺪﯨﻦ ﺋﺎﻳﺮﯨﻠﯩﭗ ﺑﯩﺮ ﻛﯜﻥ ﺑﻮﻟﻤﺎﻱ ﺗﯘﺭﯗﭘﻼ ﺋﺎﺩﻩﻣﻠﻪﺭﻧﯩﯔ ﻗﻮﻟﯩﻐﺎ ﭼﯜﺷﯜﭖ ﻗﺎﻟﺪﯨﻢ ـ ﮬﻪ، ﺋﺎﻧﺎﻡ ﺑﯘ ﮬﺎﻟﯩﻤﻨﻰ ﻛﯚﺭﺳﻪ ﻧﯧﻤﻪ ﺩﻩﭖ ﺋﻮﻳﻼﭖ ﻗﺎﻻﺭ؟ ﮬﺎﻟﺴﯩﺰ ﮬﺎﻟﺪﺍ ﭘﻮﻛﯩﻨﯩﻤﻨﻰ ﻳﻪﺭﮔﻪ ﻗﻮﻳﯘﭖ ﻳﺎﺗﺘﯩﻢ.
ﭼﯜﺷﯜﻣﺪﻩ ﺋﺎﻧﺎﻣﻨﻰ ﻛﯚﺭﯛﭘﺘﯩﻤﻪﻥ. ﺋﯘ ﻛﯚﭘﻜﯜﻙ ﮬﺎﯞﺍ ﺑﻮﺷﻠﯘﻗﯩﺪﺍ ﺗﯘﺭﯗﭖ ﻣﯧﻨﻰ ﻳﯧﻨﯩﻐﺎ ﭼﺎﻏﯩﺮﻏﯘﺩﻩﻙ. ﺗﯘﺭﯗﭘﻼ ﻳﯧﻨﯩﺪﺍ ﺩﺍﺩﺍﻣﻤﯘ ﭘﻪﻳﺪﺍ ﺑﻮﻟﯘﭖ ﻗﺎﭘﺘﯘ. ﺋﯘﻧﯩﯔ ﻗﺎﻣﯩﺘﻰ ﺷﯘﻧﺪﺍﻕ ﻛﯚﺭﻛﻪﻡ ﺑﻮﻟﯘﭖ ﺗﻮﻟﯩﻤﯘ ﮬﻪﯞﯨﺴﯩﻢ ﻛﻪﻟﺪﻯ. ﺋﯘﻻﺭ ﻣﯧﻨﻰ ﭼﺎﻗﯩﺮﯨﻐﺎﻧﺪﻩﻙ ﻗﯩﻠﺪﻯ. ﺑﻪﻟﻜﯩﻢ ﻗﯘﻟﯩﻘﻤﻐﺎ ﺷﯘﻧﺪﺍﻕ ﺋﺎﯕﻼﻧﻐﺎﻧﺪﯗ. ﻣﻪﻥ ﺋﯘﻻﺭﻏﺎ ﻗﺎﺭﺍﭖ ﺋﯘﭼﺘﯘﻡ. ﺋﯘﭼﻘﺎﻧﺴﯧﺮﻯ ﺋﯘﻻﺭ ﻣﻪﻧﺪﯨﻦ ﻳﯩﺮﺍﻗﻠﯩﺸﺎﺗﺘﻰ. ﺋﯘﭼﯘﺷﺘﯩﻦ ﺗﻮﺧﺘﯩﺴﺎﻡ ﺋﯘﻻﺭﻣﯘ ﻳﯩﺮﺍﻗﻼﺷﺘﯩﻦ ﺗﻮﺧﺘﺎﻳﺘﺘﻰ. ﺋﯘﭼﯘﯞﯦﺮﯨﭗ ﺋﺎﻏﺰﯨﻢ ﻗﯘﺭﯗﭖ ﻛﻪﺗﺘﻰ. ﺋﺎﻧﺎ، ﺳﯘ، ﺩﻩﭖ ﺋﻮﻳﻐﯩﻨﯩﭗ ﻛﻪﺗﺘﯩﻢ، ﺑﯧﺸﯩﻤﺪﺍ ﮬﯧﻠﯩﻘﻰ ﺋﺎﺩﻩﻡ ﺳﯚﺯﻟﻪﯞﺍﺗﺎﺗﺘﻰ.
ـ ﺑﯘ ﺑﻪﻙ ﺟﺎﮬﯩﻞ ﻛﻪﭘﺘﻪﺭﻛﻪﻥ، ﺑﻪﺵ ﻛﯜﻥ ﺑﻮﻟﺪﻯ ﮬﯧﭽﻨﯧﻤﻪ ﻳﯧﻤﯩﺪﻯ.
ـ ﺋﯘﻧﻰ ﺑﺎﻗﻘﺎﻧﻨﯩﯔ ﭘﺎﻳﺪﯨﺴﻰ ﻳﻮﻕ ﺩﯦﻤﯩﺪﯨﻤﻤﯘ؟
ﺑﯘ ﮬﯧﻠﯩﻘﻰ ﻛﯜﻧﺪﯨﻜﻰ ﻳﺎﺷﺘﺎ ﭼﻮﯕﺮﺍﻕ ﻛﯩﺸﻰ ﺋﯩﺪﻯ.
ـ ﺋﻪﻣﺪﻯ ﺑﯘﻧﺪﺍﻕ ﺗﯘﺭﯗﯞﻩﺭﺳﻪ ﺋﯚﻟﯜﭖ ﻗﺎﻟﯩﺪﯗ. ﺋﯘﻧﯩﯖﺪﯨﻦ ﻛﯚﺭﻩ ﺑﺎﻟﯩﻠﯩﺮﯨﻤﻐﺎ ﺷﻮﺭﭘﺎ ﻗﯩﻠﯩﭗ ﺑﯧﺮﻩﻱ.
ـ ﺋﯘﻧﯩﯖﺪﯨﻦ ﻗﺎﻧﭽﯩﻠﯩﻚ ﺷﻮﺭﭘﺎ ﭼﯩﻘﻤﺎﻗﭽﯩﺪﻯ، ﺑﻪﻟﻜﯩﻢ، ﺋﻪﻣﺪﻯ ﻳﯧﺴﻪﯓ ﺳﺎﯕﺎ ﺯﯨﻴﺎﻥ ﻗﯩﻠﯩﭗ ﻗﯧﻠﯩﺸﯩﻤﯘ ﻣﯘﻣﻜﯩﻦ. ﻳﺎﺧﯩﺸﯩﺴﻰ ﻗﻮﻳﯘﯞﻩﺕ. ﺑﯘﻧﺪﺍﻕ ﺋﯧﺴﯩﻞ ﺳﻮﺭﺗﻠﯘﻕ ﻛﻪﭘﺘﻪﺭﻧﻰ ﻗﺎﺭﺍﭖ ﺗﯘﺭﯗﭖ ﺋﯚﻟﺘﯜﺭﯛﭖ ﻗﻮﻳﺴﺎﻕ ﺑﻮﻟﻤﺎﻳﺪﯗ.
ـ ﺑﯩﺮﺍﻕ ﺋﯘﻧﻰ ﻗﻮﻳﯘﯞﻩﺗﺴﻪﻛﻤﯘ ﺑﯩﺰﮔﻪ ﮬﯧﭽﻘﺎﻧﺪﺍﻕ ﭘﺎﻳﺪﯨﺴﻰ ﺑﻮﻟﻤﺎﻳﺪﯗ ـ ﺩﻩ.
ـ ﮬﺎﺯﯨﺮﻣﯘ ﺑﻪﺭﯨﺒﯩﺮ ﭘﺎﻳﺪﯨﺴﻰ ﻳﻮﻕ.
ـ ﺑﺎﺷﺘﯩﻼ ﺷﻮﺭﭘﺎ ﻗﯩﻠﯩﯟﯨﺘﯩﺪﯨﻐﺎﻥ ﮔﻪﭘﻜﻪﻧﺪﯗﻕ.
ﺋﯘ ﺳﺎﯕﮕﯩﻼﭖ ﺗﯘﺭﻏﺎﻥ ﻗﺎﻧﯩﺘﯩﻨﻰ ﺑﯩﺮ ﭘﻪﺱ ﺗﯜﺯﻩﺷﺘﯜﺭﯛﭖ ﺋﺎﻧﺪﯨﻦ ﻣﯧﻨﻰ ﻗﻮﻳﯘﭖ ﻗﻮﻳﺪﻯ.
ﻛﯚﻛﺘﻪ ﻗﯘﻳﺎﺵ ﻛﯜﭼﻠﯜﻙ ﻧﯘﺭ ﭼﯧﭽﯩﭗ ﺗﯘﺭﺍﺗﺘﻰ. ﻣﻪﻥ ﭘﯜﺗﯜﻥ ﯞﯗﺟﯘﺩﯗﻣﺪﯨﻜﻰ ﻛﯜﭺ ـ ﻗﯜﯞﯞﯨﺘﯩﻤﻨﻰ ﻳﯩﻐﺪﯨﻢ. ﻛﯚﻛﻜﻪ ﻗﺎﺭﺍﭖ ﺋﯘﭼﻤﺎﻗﭽﻰ ﺑﻮﻟﺪﯗﻡ. ﺑﯩﺮﺍﻕ، ﻗﻪﭘﻪﺯ، ﺳﯩﻢ ﺗﻮﺭ ﻳﻪﻧﯩﻼ ﻳﻮﻟﯘﻣﻨﻰ ﺗﻮﺳﯘﭖ ﺗﯘﺭﺍﺗﺘﻰ. ﻣﻪﻥ ﻧﻪﭼﭽﻪ ﻛﯜﻧﺪﯨﻦ ﺑﯧﺮﻯ ﺋﯘﻧﯩﯖﻐﺎ ﺋﯚﺯﯛﻣﻨﻰ ﺋﯘﺭﯗﭖ ﺋﯘﻧﻰ ﺑﯚﺳﯜﭖ ﺋﯚﺗﻪﻟﻤﻪﻳﺪﯨﻐﺎﻧﻠﯩﻘﯩﻤﻐﺎ ﻛﯚﺯﯛﻡ ﻳﻪﺗﻜﻪﻧﯩﺪﻯ. ﻟﯧﻜﯩﻦ، ﯞﯗﺟﯘﺩﯗﻣﺪﺍ ﺋﺎﺯﺭﺍﻕ ﻛﯜﭺ ﻳﯩﻐﯩﻠﯩﭗ، ﺋﻪﺳﻠﯩﮕﻪ ﻛﻪﻟﮕﻪﻥ ﮬﺎﻣﺎﻥ ﺋﯘﻧﯩﯖﻐﺎ ﺗﺎﺷﻠﯩﻨﯩﭗ ﺑﺎﻗﺎﺗﺘﯩﻢ. ﻣﻪﻥ ﺑﯚﺳﯜﭖ ﺋﯚﺗﻤﻪﻛﭽﻰ ﺑﻮﻟﻐﺎﻥ ﺑﯘ ﺳﯩﻢ ﺗﯘﺭ ﺷﯘﻧﺪﺍﻕ ﻗﯘﺩﻩﺭﺗﻠﯩﻚ ﻳﺎﺳﺎﻟﻐﺎﻧﯩﺪﻯ. ﺋﯘﻧﯩﯖﻐﺎ ﺋﺎﺩﻩﻣﻠﻪﺭﻧﯩﯔ ﻳﯜﻛﺴﻪﻙ ﺋﻪﻗﯩﻞ ـ ﭘﺎﺭﺍﺳﯩﺘﯩﻨﻰ ﺟﻪﻣﻠﻪﻧﮕﻪﻥ ﺑﻮﻟﯘﭖ، ﺋﯘﻧﯩﯖﺪﯨﻦ ﺳﯩﺮﺗﺘﯩﻜﻰ ﺑﺎﺭﻟﯩﻖ ﺋﻪﺭﻛﯩﻨﻠﯩﻜﻨﻰ ﻛﯚﺭﯛﭖ ﺗﯘﺭﻏﯩﻠﻰ ﺑﻮﻻﺗﺘﻰ.
ﺑﯩﺮﺍﻕ، ﺋﯘﻧﯩﯖﻐﺎ ﮬﻪﺭﮔﯩﺰ ﺋﯧﺮﯨﺸﻜﯩﻠﻰ ﺑﻮﻟﻤﺎﻳﺘﺘﻰ.
ﻗﻪﭘﻪﺯ، ﺋﯩﭽﯩﺪﯨﻜﻰ ﮬﺎﯞﺍ ﺑﯩﻠﻪﻥ ﺳﯩﺮﺗﺘﯩﻜﻰ ﮬﺎﯞﺍ ﺋﻮﺧﺸﺎﺵ. ﺑﯩﺮﺍﻕ ﻳﺎﺷﺎﺵ ﺷﻪﻛﻠﻰ ﺋﻮﺧﺸﯩﻤﺎﻳﺘﺘﻰ. ﺑﯘ ﺗﻮﺭﻧﻰ ﺗﻮﻗﯩﻐﺎﻥ ﺋﺎﺩﻩﻣﻠﻪﺭﻧﯩﯔ ﻧﯩﻴﯩﺘﻰ ﺷﯘﻧﺪﺍﻕ ﻗﺎﺭﺍ ﮬﻪﻡ ﺑﺎﻏﺮﻯ ﺷﯘﻧﭽﯩﻠﯩﻚ ﻗﺎﺗﺘﯩﻖ ﺋﯩﺪﻯ. ﺋﯚﺯ ﺋﻪﺭﻛﯩﻨﯩﻠﯩﻜﻰ ﺋﯜﭼﯜﻥ ﺗﯩﻨﯩﻤﯩﺴﺰ ﻛﯜﺭﻩﺵ ﻗﯩﻠﯩﯟﺍﺗﻘﺎﻥ ﺑﯘ ﻛﯩﭽﯩﻜﯩﻨﻪ ﺟﺎﻧﻨﯩﯔ ﺟﺎﺳﺎﺭﯨﺘﻰ ﺋﯘﻻﺭﻧﻰ ﻗﯩﻠﭽﻪ ﺗﻪﺳﯩﺮﻟﻪﻧﺪﯛﺭﻩﻟﻤﻪﻳﺘﺘﻰ. ﺋﻪﻣﺪﻯ ﺋﯘﻻﺭﻏﺎ ﻗﯩﻠﭽﻪ ﭘﺎﻳﺪﺍﻡ ﺗﻪﮔﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﭗ ﺗﯘﺭﯗﭘﻤﯘ ﻣﯧﻨﻰ ﺭﻭﮬﯩﻲ ﻗﯘﻟﻠﯘﻗﻘﺎ ﺋﺎﻟﻤﺎﻗﭽﻰ ﺑﻮﻻﺗﺘﻰ. ﺟﺎﻧﺪﯨﻦ ﺑﺎﺷﻘﺎ ﮬﯧﭽﻨﯧﻤﻪ ﻗﺎﻟﻤﯩﻐﺎﻥ ﺑﯘ ﻛﯩﭽﯩﻜﻜﯩﻨﻪ ﺟﯩﺴﻤﯩﻤﻨﻰ ﻗﯩﻴﻨﺎﺵ ﺋﺎﺭﻗﯩﻠﯩﻖ ﺋﯚﺯ ﻣﻪﻗﺴﯩﺪﯨﮕﻪ ﻳﻪﺗﻤﻪﻛﭽﻰ ﺑﻮﻻﺗﺘﻰ. ﺋﻪﯓ ﻗﻪﺑﯩﮫ ﻳﯧﺮﻯ ﺋﯘﻻﺭ ﻣﯧﻨﻰ ﺋﯚﻟﻪﻱ ﺩﻩﭘﻤﯘ ﺋﯚﻟﻪﻟﻤﻪﻳﺪﯨﻐﺎﻥ ﮬﺎﻟﻪﺗﻜﻪ ﻛﻪﻟﺘﯜﺭﯛﭖ ﻗﻮﻳﻐﺎﻧﯩﺪﻯ. ﺋﯩﭽﯩﻤﺪﻩ ﺷﯘﻧﺪﺍﻕ ﻧﯩﺪﺍ ﻗﯩﻼﺗﺘﯩﻢ. ﺋﻪﻱ، ﺋﻪﺭﻛﯩﻨﻠﯩﻜﻨﯩﯔ ﻗﺎﺗﯩﻠﻰ ﺑﻮﻟﻐﺎﻥ ﺭﻩﮬﯩﻤﯩﺴﺰ ﺋﺎﺩﻩﻡ، ﻳﺎ ﻣﯧﻨﻰ ﺋﯚﻟﮕﯩﻠﻰ ﻗﻮﻱ، ﻳﺎ ﺑﻮﻟﻤﯩﺴﺎ ﺋﻪﺭﻛﯩﻨﻠﯩﻜﯩﻤﻨﻰ ﺑﻪﺭ!
ﺗﯘﻳﯘﻗﯩﺴﺰ ﺗﻮﺗﯘﺵ ﺑﯩﺮ ﮬﯩﺪ ﺑﯘﺭﻧﯘﻣﻐﺎ ﺋﯘﺭﯗﻟﺪﻯ. ﯞﯗﺟﯘﺩﯗﻣﻐﺎ ﺑﯩﺮﺩﯨﻨﻼ ﻛﯜﭺ ﻳﯩﻐﯩﻠﺪﻯ، «ﺋﺎﻧﺎ» ... ﻣﻪﻥ ﮬﺎﻳﺎﺟﺎﻥ ﺋﯩﭽﯩﺪﻩ ﺑﯧﺸﯩﻤﻨﻰ ﻛﯚﺗﯜﺭﺩﯛﻡ. ﺋﺎﻧﺎﻣﻨﯩﯔ ﻛﯚﺯﻟﯩﺮﻯ ﺑﯩﺮ ﺧﯩﻞ ﺟﯩﺪﺩﯨﻴﯩﻠﯩﻚ ﺑﯩﻠﻪﻥ ﭼﺎﻗﻨﺎﭖ ﺗﯘﺭﺍﺗﺘﻰ. ﺋﯘ ﻣﯧﻨﯩﯔ ﻳﯘﻟﯘﻧﻐﺎﻥ ﻗﺎﻧﯩﺘﯩﻢ، ﺳﺎﯕﮕﯩﻼﭖ ﻗﺎﻟﻐﺎﻥ ﺗﯘﻣﺸﯘﻗﯘﻡ، ﭘﯘﺭﻟﯩﺸﯩﭗ، ﺋﻪﺳﻜﻰ ﻛﯩﮕﯩﺰﺩﻩﻙ ﺑﻮﻟﯘﭖ ﻛﻪﺗﻜﻪﻥ ﻗﺎﻧﺎﺗﻠﯩﺮﯨﻤﻐﺎ ﺑﯩﺮ ﺧﯩﻞ ﺋﯧﭽﯩﻨﯩﺶ ﺋﯩﭽﯩﺪﻩ ﻗﺎﺭﯨﺪﻯ.
ـ ﺋﺎﻧﺎ، ﻛﻪﭼﯜﺭﯛﯓ. ﺋﯩﺸﻪﻧﭽﯩﯖﯩﺰﻧﻰ ﻳﻪﺭﺩﻩ ﻗﻮﻳﺪﯗﻡ. ﻣﻪﻥ ﮬﻪﺭﮔﯩﺰﻣﯘ ﺳﯩﺰﻧﯩﯔ ﭘﻪﺭﺯﻩﻧﺘﯩﯖﯩﺰ ﺑﻮﻟﯘﺷﻘﺎ ﻻﻳﯩﻖ ﺋﻪﻣﻪﺳﻜﻪﻧﻤﻪﻥ، ـ ﻣﻪﻥ ﮔﯘﻧﺎﮬﻜﺎﺭﻻﺭﭼﻪ ﺑﯧﺸﯩﻤﻨﻰ ﺋﻪﮔﺪﯨﻢ. ﯞﯗﺟﯘﺩﯗﻡ ﻧﻮﻣﯘﺱ ﻛﯜﭼﯩﺪﯨﻦ ﺋﯚﺭﺗﯩﻨﯩﭗ ﻛﻪﺗﺘﻰ. ﻧﯧﻤﯩﺸﻘﯩﻤﯘ ﺋﺎﻧﺎﻡ ﻛﻪﻟﮕﯜﭼﻪ ﺋﯚﻟﯩﯟﺍﻟﻤﯩﻐﺎﻧﻠﯩﻘﯩﻤﻐﺎ ﺋﯧﭽﯩﻨﺪﯨﻢ.
ـ ﻳﺎﻕ، ﺳﻪﻥ ﺋﯚﺯﯛﯓ ﻗﯩﻼﻻﻳﺪﯨﻐﺎﻥ ﺋﯩﺸﻨﯩﯔ ﮬﻪﻣﻤﯩﺴﯩﻨﻰ ﻗﯩﻠﺪﯨﻚ. ﺋﻪﻣﺪﻯ ﺋﯘﻧﻰ ﺋﺎﺧﯩﺮﯨﻐﺎ ﭼﯩﻘﺎﺭ.
ـ ﺑﯩﺮﺍﻕ ﺋﺎﻧﺎ، ﻣﻪﻥ ﺑﯩﺮ ﻣﻪﮬﺒﯘﺳﻘﺎ ﺋﺎﻳﻠﯩﻨﯩﭗ ﻗﺎﻟﺪﯨﻢ. ﺋﺎﺟﯩﺰﻟﯩﻘﺘﺎ ﺷﯘ ﺩﻩﺭﯨﺠﯩﮕﻪ ﻳﻪﺗﺘﯩﻤﻜﻰ ﺋﯚﻟﯜﯞﺍﻻﻱ ﺩﻩﭘﻤﯘ ﺋﯚﻟﯜﯞﺍﻻﻟﻤﯩﻐﯘﺩﻩﻙ ﮬﺎﻟﻐﺎ ﭼﯜﺷﯜﭖ ﻗﺎﻟﺪﯨﻢ.
ـ ﺑﯘ ﻣﺎﻧﺎ ﻣﻪﻥ ﺩﻩﭖ ﺑﯩﻠﯩﻨﯩﭗ ﺗﯘﺭﯗﭘﺘﯘ، ﻣﻪﻥ ﺳﯧﻨﻰ ﺋﻪﺭﻛﯩﻨﻠﯩﻜﻜﻪ ﺋﯧﺮﺷﺘﯜﺭﯛﺵ ﺋﯜﭼﯜﻥ ﻛﻪﻟﺪﯨﻢ.
ـ ﺑﯩﺮﺍﻕ، ﻣﯧﻨﯩﯔ ﺋﻪﻣﺪﻯ ﺋﻪﺭﻛﯩﻨﻠﯩﻜﻜﻪ ﭼﯩﻘﻘﯘﻡ ﻳﻮﻕ. ﻣﻪﻥ ﺋﻪﻣﺪﻯ ﺑﯘ ﺋﻪﭘﺘﯩﻢ ﺑﯩﻠﻪﻥ ﮬﻪﺭﮔﯩﺰﻣﯘ ﺳﯩﺰﻧﯩﯔ ﺑﺎﻟﯩﯖﯩﺰ ﺑﻮﻟﯘﺷﻘﺎ ﻻﻳﯩﻖ ﺋﻪﻣﻪﺱ.
ـ ﻣﻪﻥ ﺳﺎﯕﺎ ﺋﻪﺭﻛﯩﻨﻠﯩﻚ ﺋﯧﻠﯩﭗ ﻛﯧﻠﯩﻤﻪﻥ ﺑﺎﻻﻡ. ﺳﻪﻥ ﻳﻪﻧﯩﻼ ﻣﯧﻨﯩﯔ ﺑﺎﺗﯘﺭ ﺑﺎﻻﻡ ﺑﻮﻟﯩﺴﻪﻥ. ﺳﻪﻥ ﮬﻪﺭﮔﯩﺰﻣﯘ ﻗﯘﻟﻼﺭﭼﻪ ﺋﻪﻣﻪﺱ، ﺑﺎﺗﯘﺭﻻﺭﭼﻪ ﺋﯚﻟﯜﺷﯘﯓ ﻛﯧﺮﻩﻙ، ـ ﺋﺎﻧﺎﻡ ﺷﯘﻧﺪﺍﻕ ﺩﻩﭘﻼ ﺑﻮﻏﯘﺯﯨﺪﯨﻜﻰ ﺩﺍﻧﻼﺭﻧﻰ ﻳﺎﻧﺪﯗﺭﺩﻯ،ـ ﺑﯘ ﺯﻩﮬﻪﺭﻟﯩﻚ ﺑﯚﻟﺠﯜﺭﮔﻪﻥ، ﺳﻪﻥ ﺑﯘﻧﻰ ﻳﯧﺴﻪﯕﻼ ﺋﯘﻻﺭﻧﯩﯔ ﻗﯘﻟﻠﯘﻗﯩﺪﯨﻦ ﺋﺎﺯﺍﺩ ﺑﻮﻟﯩﺴﻪﻥ. ﺷﯘﻧﺪﺍﻗﻼ ﺟﻪﻣﻪﺗﯩﻤﯩﺰﻧﯩﯔ ﺋﺎﺑﺮﯗﻳﯩﻨﯩﻤﯘ ﺳﺎﻗﻼﭖ ﻗﺎﻟﯩﺴﻪﻥ. ﺋﯧﺴﯩﯖﺪﻩ ﺑﻮﻟﺴﯘﻥ ﺋﻪﺭﻛﯩﻨﻠﯩﻜﻨﻰ ﻣﻪﯕﮕﯜ ﮬﯧﺴﺪﺍﺷﻠﯩﻖ ﺋﺎﺭﻗﯩﻠﯩﻖ ﻗﻮﻟﻐﺎ ﻛﻪﻟﺘﯜﺭﮔﯩﻠﻰ ﺑﻮﻟﻤﺎﻳﺪﯗ. ﺋﯘﻧﯩﯔ ﺋﯜﭼﯜﻥ ﻗﺎﻥ ﺋﺎﻗﻘﯘﺯﯗﺵ ﻛﯧﺮﻩﻙ. ﻗﯧﻨﻰ، ﺗﯘﻣﺸﯘﻗﯘﯕﻨﻰ ﻳﯧﻘﯩﻦ ﺋﻪﻛﻪﻝ.
ﻣﻪﻥ ﺋﺎﻧﺎﻣﻨﯩﯔ ﻗﻪﺗﺌﯩﻴﻠﯩﻚ ﭼﺎﻗﻨﺎﭖ ﺗﯘﺭﻏﺎﻥ ﻛﯚﺯﻟﯩﺮﯨﮕﻪ ﺋﺎﺧﯩﺮﻗﻰ ﻗﯧﺘﯩﻢ ﺗﯩﻜﯩﻠﺪﯨﻢ. ﺋﯘ ﺷﯘﻧﭽﯩﻠﯩﻚ ﺧﺎﺗﯩﺮﺟﻪﻡ، ﺷﯘﻧﭽﯩﻠﯩﻚ ﻗﻪﻳﺴﻪﺭ ﺋﯩﺪﻯ. ﻣﻪﻥ ﭘﯘﭼﯘﻟﯘﭖ، ﺳﺎﯕﮕﯩﻼﭖ ﻗﺎﻟﻐﺎﻥ ﺗﯘﻣﺸﯘﻗﯘﻣﻨﻰ ﺋﯘﻧﯩﯖﻐﺎ ﺗﻪﯕﻠﯩﺪﯨﻢ. ﺑﯘ ﺋﻪﺭﻛﯩﻨﻠﯩﻚ ﺋﯜﭼﯜﻥ ﻗﯘﺭﯗﻟﻐﺎﻥ ﺗﻮﺳﺎﻗﻼﺭﻧﯩﯔ ﻗﯘﺭﺑﺎﻧﯩﻐﺎ ﺋﺎﻳﻠﯩﻨﯩﭗ ﻛﻪﺗﻜﻪﻥ ﺋﻪﯓ ﻗﯘﺩﻩﺭﺗﻠﯩﻚ ﻗﻮﺭﺍﻟﻤﯩﻢ ﺋﯩﺪﻯ. ﺑﯩﺮﺍﻕ، ﺋﯘ ﺭﻩﮬﯩﻤﯩﺴﯩﺰ ﺗﻮﺳﺎﻗﻨﻰ ﭼﻮﻗﯘﻻﯞﯦﺮﯨﭗ ﺋﺎﺧﯩﺮﻯ ﺳﯘﻧﯘﭖ، ﻣﯘﺷﯘﻧﺪﺍﻕ ﮬﺎﻟﻪﺗﻜﻪ ﻛﯧﻠﯩﭗ ﻗﺎﻟﻐﺎﻧﯩﺪﻯ. ﺯﻩﮬﻪﺭﻟﯩﻚ ﺑﯚﻟﺠﯜﺭﮔﻪﻥ ﯞﯗﺟﯘﺩﯗﻣﺪﺍ ﺑﯩﺮ ﺋﻪﺭﻛﯩﻨﻠﯩﻜﻨﯩﯔ ﺟﺎﺭﭼﯩﺴﻰ ﺑﻮﻟﯘﭖ ﺋﻮﺭﯗﻧﻼﺷﺘﻰ. ﺋﺎﯓ، ﺋﺎﺧﯩﺮﻯ ﺋﻪﺭﻛﯩﻦ ﺋﯚﻟﯜﺵ ﭘﯜﺭﺳﺘﯩﮕﻪ ﺋﯩﮕﻪ ﺑﻮﻟﺪﯗﻡ. ﺩﻩﭖ ﺷﺎﺩﻻﻧﺪﯨﻢ. ﺭﻭﮬﯩﻢ ﺑﯩﺮ ﺧﯩﻞ ﺋﺎﺯﺍﺩﯨﻠﯩﻚ ﺋﯩﭽﯩﺪﻩ ﻳﯧﻠﯩﻨﺠﺎﺷﻘﺎ ﺑﺎﺷﻠﯩﺪﻯ. ﺋﺎﺳﻤﺎﻥ ﺷﯘﻧﭽﯩﻠﯩﻚ ﺳﯜﺯﯛﻙ، ﺋﻪﺗﺮﺍﭖ ﺷﯘﻧﭽﯩﻠﯩﻚ ﺗﯩﻤﺘﺎﺱ، ﺩﯗﻧﻴﺎ ﻳﻪﻧﯩﻼ ﮔﯜﺯﻩﻝ ﺋﯩﺪﻯ. ﺑﯘﻟﯘﯕﺪﯨﻜﻰ ﺑﯩﺮ ﺗﻮﭖ ﻛﻪﭘﺘﻪﺭﻟﻪﺭ ﻣﺎﯕﺎ ﮬﻪﻳﺮﺍﻧﻠﯩﻖ ﺑﯩﻠﻪﻥ ﻗﺎﺭﺍﭖ ﺗﯘﺭﺍﺗﺘﻰ.
2004- ﻳﯩﻞ 24- ﻣﺎﺭﺕ، ﻣﺎﺭﺍﻟﺒﯧﺸﻰ
- ئىنگلىزچىسى (English Translation)
- خەنزۇچىسى (Chinese Translation)
