ﺑﯩﺮ ﻗﯩﺴﯩﻢ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﻫﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﻯ ﺋﯚﺯﮔﻪﺭﻣﻪﻛﺘﻪ

11‏ - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺧﻪﻟﻘﺎﺭﺍ ﺗﯧﺮﺭﻭﺭﻏﺎ ﺑﺎﻏﻼﭖ ﭼﯜﺷﻪﻧﺪﯛﺭﯛﺵ ﺗﻪﺷﯟﯨﻘﺎﺗﻰ، ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﻛﯚﺯﻩﺗﻜﯜﭼﯩﻠﻪﺭﻧﻰ ﺋﯩﺸﻪﻧﺪﯛﺭﻩﻟﻤﯩﮕﻪﻥ ﺑﻮﻟﺴﯩﻤﯘ، ﺑﯩﺮﻗﯩﺴﯩﻢ ﻛﯚﺯﻩﺗﻜﯜﭼﯩﻠﻪﺭﺩﻩ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺳﻪﻟﺒﯩﻲ ﺗﻪﺳﯩﺮﺍﺕ ﭘﻪﻳﺪﺍ ﻗﯩﻠﻐﺎﻥ ﺋﯩﺪﻯ. ﺑﯘ ﻗﯧﺘﯩﻤﻘﻰ ﻗﻪﺷﻘﻪﺭ ﯞﻩ ﻛﯘﭼﺎﺩﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭ، ﺑﯩﺮ ﻗﯩﺴﯩﻢ ﻛﯚﺯﻩﺗﻜﯜﭼﯩﻠﻪﺭﺩﯨﻜﻰ ﺑﯘ ﺧﯩﻞ ﺳﻪﻟﺒﯩﻲ ﺗﻪﺳﯩﺮﺍﺗﻼﺭﻏﺎ ﺧﺎﺗﯩﻤﻪ ﺑﻪﺭﺩﻯ.

Rohan Gunaratna ﺧﻪﻟﻘﺌﺎﺭﺍﺩﺍ ﺗﻮﻧﯘﻟﻐﺎﻥ ﺗﯧﺮﺭﻭﺭﻟﯘﻕ ﻣﯘﺗﻪﺧﻪﺳﺴﯩﺴﻰ. ﺋﯘ ﺋﯩﺴﺮﺍﺋﯩﻠﯩﻴﻪ، ﺋﺎﻣﯧﺮﯨﻜﺎ ﯞﻩ ﺋﻪﻧﮕﯩﻠﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺗﯧﺮﺭﻭﺭﻟﯘﻗﺘﯩﻦ ﻣﯘﺩﺍﭘﯩﺌﻪﻟﯩﻨﯩﺶ ﺋﯩﺸﻠﯩﺮﯨﺪﺍ ﻣﻪﺳﻠﯩﻬﻪﺗﭽﯩﻠﯩﻚ ﻗﯩﻠﻐﺎﻥ. ﺋﯘ ﻧﯚﯞﻩﺗﺘﻪ ﺳﯩﻨﮕﺎﭘﻮﺭﺩﯨﻜﻰ ﺧﻪﻟﻘﺌﺎﺭﺍﻟﯩﻖ ﺗﯧﺮﺭﻭﺭ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺑﺎﺷﻠﯩﻘﻰ. ﺋﯘ ﻳﯧﻘﯩﻨﻐﺎ ﻗﻪﺩﻩﺭ ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻕ ﺗﻪﻫﺪﯨﺘﻰ ﻫﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﯨﻨﻰ ﻗﻮﻟﻼﭖ ﻛﻪﻟﮕﻪﻥ ﯞﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻛﯜﭼﻠﯩﺮﯨﻨﯩﯔ ﺧﻪﻟﻘﺌﺎﺭﺍﺩﯨﻜﻰ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﻰ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭﻟﯩﻘﯩﻨﻰ ﺗﻪﻛﯩﺘﻠﻪﭖ ﻛﻪﻟﮕﻪﻥ ﺋﯩﺪﻯ.

Rohan ﻧﯩﯔ ﺗﯜﻧﯜﮔﯜﻥ ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﻗﯩﻠﻐﺎﻥ ﺳﯚﺯﻯ، ﺋﯘﻧﯩﯔ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﻫﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﯨﺪﺍ ﺋﯩﻠﮕﯩﺮﯨﻠﻪﺵ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ. ﺋﯘ ﺗﯜﻧﯜﮔﯜﻧﻜﻰ ﺳﯚﺯﯨﺪﻩ ﻗﻪﺷﻘﻪﺭ ﯞﻩ ﻛﯘﭼﺎﺩﺍ ﻳﯜﺯ ﺑﻪﺭﮔﻪﻥ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ، ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻧﺎﻣﯩﺪﺍ ﺋﯧﻠﯩﭗ ﺑﺎﺭﻏﺎﻥ ﺗﯜﺭﻟﯜﻙ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﻪﺗﻠﯩﺮﯨﻨﯩﯔ ﻣﻪﻫﺴﯘﻟﻰ ﺩﻩﭖ ﻛﯚﺭﺳﯩﺘﯩﺪﯗ ﯞﻩ ﺑﯘ ﻫﻪﺭﯨﻜﻪﺗﻠﻪﺭﻧﯩﯔ ﺧﻪﻟﻘﺌﺎﺭﺍ ﺗﯧﺮﺭﻭﺭ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯘﻗﯩﻨﻰ ﺗﻪﻛﯩﺘﻠﻪﻳﺪﯗ. ﻧﯚﯞﻩﺗﺘﻪ ﺧﯩﺘﺎﻱ ﺋﯜﭼﯜﻧﻤﯘ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻣﻪﺳﻠﯩﻬﻪﺗﭽﻰ ﺑﻮﻟﯘﭖ ﯞﻩﺯﯨﭙﻪ ﺋﯚﺗﻪﯞﺍﺗﻘﺎﻥ ﺑﯘ ﻣﯘﺗﻪﺧﻪﺳﺴﯩﺲ ﺗﯜﻧﯜﮔﯜﻧﻜﻰ ﺳﯚﺯﯨﺪﻩ ﻣﯘﻧﺪﺍﻕ ﺩﯦﮕﻪﻥ: " ﺧﯩﺘﺎﻱ ﻧﯚﯞﻩﺗﺘﯩﻜﻰ ﺗﻪﺷﯟﯨﻘﺎﺗﯩﺪﺍ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﯨﻜﻰ ﺭﺍﺩﯨﻜﺎﻝ ﮔﯘﺭﯗﭘﭙﯩﻼﺭﻧﻰ ﻣﯘﺑﺎﻟﯩﻐﻪﻟﻪﺷﺘﯜﺭﯛﯞﺍﺗﯩﺪﯗ، ﺋﻪﻣﻪﻟﯩﻴﻪﺗﺘﻪ، ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﻫﻪﺭﯨﻜﯩﺘﻰ ﺭﺍﺩﯨﻜﺎﻟﻠﯩﺸﯩﭗ ﻛﯧﺘﯩﯟﺍﺗﯩﺪﯗ." ﺋﯘ ﺑﯘ ﺳﯚﺯﻟﯩﺮﯨﺪﯨﻦ ﻛﯧﻴﯩﻦ، ﺧﯩﺘﺎﻳﻨﻰ ﭘﺎﻛﯩﺴﺘﺎﻧﺪﺍ ﻫﻪﺭﺑﯩﻲ ﺗﻪﻟﯩﻢ ﻛﯚﺭﮔﻪﻥ ﮔﯘﺭﯗﭘﭙﯩﻼﺭﻏﺎ ﻛﯚﭘﺮﻩﻙ ﺩﯨﻘﻘﻪﺕ ﻗﯩﻠﯩﺸﯩﻨﻰ، ﺩﯙﻟﻪﺕ ﺋﯩﭽﯩﺪﻩ ﻗﺎﺭﺷﻠﯩﻖ ﻛﯚﺭﺳﯩﺘﯩﯟﺍﺗﻘﺎﻥ ﮔﯘﺭﯗﭘﭙﯩﻼﺭﻏﺎ ﻳﯘﻣﺸﺎﻕ ﭘﻮﺯﯨﺘﺴﯩﻴﻪ ﺗﯘﺗﯘﺷﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ 4 ‏ - ﺋﺎﯞﻏﯘﺳﺖ ﺳﻪﻣﻪﻥ ﻳﻮﻟﻰ ﯞﻩﻗﻪﺳﻰ، 10 ‏ - ﺋﺎﯞﻏﯘﺳﺖ ﻛﯘﭼﺎ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﺗﯧﺮﺭﻭﺭ ﻣﯘﺗﻪﺧﻪﺳﺴﯩﺴﻰ ﻟﻰ ﯞﯦﻴﻨﯩﯖﻤﯘ ﻗﺎﺭﺍﺷﻠﯩﺮﯨﺪﺍ ﺋﯚﺯﮔﯩﺮﯨﺶ ﺑﻮﻟﻐﺎﻧﻠﯩﻘﻰ ﺑﺎﻳﻘﺎﻟﻤﺎﻗﺘﺎ. ﺋﯘ ﺋﯩﻜﻜﻰ ﻫﻪﭘﺘﯩﻨﯩﯔ ﺋﺎﻟﺪﯨﺪﺍ ﻗﯩﻠﻐﺎﻥ ﺳﯚﺯﯨﺪﻩ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﯩﻨﯩﯔ ﺋﯩﻨﺘﯧﺮﻧﯧﺘﺘﯩﻜﻰ ﺑﺎﻳﺎﻧﺎﺗﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﯞﻩ " ﮔﯘﺭﯗﭘﭙﯩﻼﺭ ﺟﺎﻣﺎﺋﻪﺕ ﭘﯩﻜﺮﻯ ﺗﻮﭘﻼﭖ ﺋﯩﻘﺘﯩﺴﺎﺩ ﺗﻮﭘﻼﺷﻨﻰ ﺋﻮﻳﻠﯩﺸﯩﯟﺍﺗﯩﺪﯗ، ﺋﻪﻣﻪﻟﯩﻲ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﺍﻟﻤﺎﻳﺪﯗ" ﺩﯦﮕﻪﻥ ﯞﻩ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﯨﻨﯩﯔ ﻫﻪﺭ ﻗﺎﻧﺪﺍﻕ ﺑﯩﺮ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻘﺎ ﻗﺎﺩﯨﺮ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺋﯘ ﻗﻪﺷﻘﻪﺭ ﯞﻩ ﻛﯘﭼﺎ ﯞﻩﻗﻪﺳﯩﺪﯨﻦ ﻛﯧﻴﯩﻦ ﻗﯩﻠﻐﺎﻥ ﺳﯚﺯﯨﺪﻩ ﺋﯘﻳﻐﯘﺭﻻﺭ ﺋﺎﺭﯨﺴﯩﻜﻰ ﻗﺎﺭﺷﻠﯩﻖ ﮔﯘﺭﯗﭘﭙﯩﻠﯩﺮﯨﻨﯩﯔ ﺧﯩﺘﺎﻳﻐﺎ ﺗﻪﻫﺪﯨﺖ ﻛﯜﭼﻰ ﺑﺎﺭﻟﯩﻘﯩﻨﻰ ﺋﯧﻴﺘﻘﺎﻥ، ﺋﻪﻣﻤﺎ ﺋﯘ ﺑﯘ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﻛﯧﻠﯩﭗ ﭼﯩﻘﯩﺶ ﺳﻪﯞﻩﺑﻰ ﻫﻪﻗﻘﯩﺪﻩ ﺳﻮﺯ ﻗﯩﻠﯩﺸﺘﯩﻦ ﺋﯚﺯﯨﻨﻰ ﻗﺎﭼﯘﺭﯗﭖ ﻛﻪﻟﻤﻪﻛﺘﻪ.

ﻧﯩﻜﻮﻟﯩﺲ ﺑﺎﻛﻜﻮﻟﯩﻦ، ﺩﯗﻧﻴﺎ ﻛﯩﺸﯩﻠﯩﻚ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺧﯩﺘﺎﻱ ﺋﯩﺸﻠﯩﺮﻯ ﻣﯘﺗﻪﺧﻪﺳﺴﯩﺴﻰ، ﺋﯘﻳﻐﯘﺭ ﯞﻩﺯﯨﻴﯩﺘﯩﻨﻰ ﻳﯧﻘﯩﻨﺪﯨﻦ ﻛﯚﺯﯨﺘﯩﭗ ﻛﯧﻠﯩﯟﺍﺗﻘﺎﻥ ﺗﻪﺗﻘﯩﻘﺎﺗﭽﻰ، ﺋﯘ ﻛﯘﭼﺎ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﺍ ﻗﯩﻠﻐﺎﻥ ﺳﯚﺯﯨﺪﻩ، ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﻨﯩﯔ ﺗﻪﺷﻜﯩﻠﻠﯩﻨﯩﺶ ﺋﯩﻘﺘﯩﺪﺍﺭﯨﻐﺎ ﻗﺎﻳﯩﻞ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯗ. ﺋﯘ ﺳﯚﺯﯨﺪﻩ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﻳﻮﻟﻐﺎ ﻗﻮﻳﯘﻟﻐﺎﻥ ﺷﯘﻧﭽﻪ ﻛﻮﭖ ﺗﯘﻳﺎﻗﻼﺭﺩﯨﻦ ﺑﯚﺳﯜﭖ ﺋﯚﺗﯜﭖ 15 ﻛﯩﺸﯩﻠﯩﻚ ﺑﯩﺮ ﮔﯘﺭﯗﭘﭙﯩﻨﯩﯔ، ﻛﯘﭼﺎﺩﺍ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﺍﻟﯩﻐﺎﻧﻠﯩﻘﻰ ﭘﻪﯞﻗﯘﻟﺌﺎﺩﺩﻩ ﺑﯩﺮ ﺋﯩﻘﺘﯩﺪﺍﺭ ﺩﻩﭖ ﺑﺎﻳﺎﻥ ﻗﯩﻠﺪﻯ. ﺋﯘ ﺗﯜﻧﯜﮔﯜﻥ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻐﺎ ﻗﯩﻠﻐﺎﻥ ﺳﯚﺯﯨﺪﻩ ﻳﻪﻧﻪ ﻛﯘﭼﺎ ﯞﻩﻗﻪﺳﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: " ﺧﯩﺘﺎﻱ 1990 ‏ - ﻳﯩﻠﻼﺭﺩﺍ ﺑﯩﺮ ﺗﯜﺭﻛﯜﻡ ﺋﻪﺳﻜﯩﺮﯨﻲ ﮔﯘﺭﯗﭘﭙﯩﻼﺭﻧﻰ ﺑﺎﺳﺘﯘﺭﯗﭖ ﺑﻮﻟﻐﺎﻥ ﺋﯩﺪﻯ، ﺑﯘ ﯞﻩﻗﻪ ﻳﯧﯖﻰ ﺑﯩﺮ ﺋﻪﯞﻻﺩ ﺋﻪﺳﻜﯩﺮﯨﻲ ﻛﯜﭼﻨﯩﯔ ﺋﺎﻟﺪﯨﻨﻘﯩﻼﺭﻧﯩﯔ ﺋﯩﺰﯨﻨﻰ ﺑﺎﺳﻘﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ". ﺋﯘ ﺳﯚﺯﯨﺪﻩ ﺑﯘ ﻫﻪﺭﯨﻜﻪﺗﻠﻪﺭﻧﻰ ﺗﯧﺮﺭﻭﺭﻟﯘﻕ ﺩﻩﭖ ﻗﺎﺭﯨﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﻣﯘﻧﺪﺍﻕ ﺩﻩﻳﺪﯗ: " ﻫﯘﺟﯘﻣﭽﯩﻼﺭﻧﯩﯔ ﻫﻪﻣﻤﯩﺴﻰ ﻳﺎﺵ ﺑﺎﻟﯩﻼﺭ، ﺋﯘﻧﯩﯔ ﺋﯜﺳﺘﯩﮕﻪ ﺋﺎﺭﯨﺴﯩﺪﺍ ﺋﯩﻜﻜﻰ ﻧﻪﭘﻪﺭ ﺋﺎﻳﺎﻝ ﺑﺎﺭ. ﻣﻪﻥ ﺑﯘ ﯞﻩﻗﻪﻧﻰ ﻳﯧﻘﯩﻨﻘﻰ ﻣﻪﺯﮔﯩﻠﺪﯨﻜﻰ ﺧﯩﺘﺎﻳﻐﺎ ﻗﺎﺭﺷﻰ ﺗﯘﻧﺠﻰ ﺋﻪﺳﻜﯩﺮﯨﻲ ﻫﻪﺭﯨﻜﻪﺕ ﺩﻩﭖ ﻗﺎﺭﺍﻳﻤﻪﻥ."

ﻗﻪﺷﻘﻪﺭ - ﻛﯘﭼﺎ ﯞﻩﻗﻪﻟﯩﺮﻯ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﻫﻪﻗﻘﺎﻧﯩﻲ ﺑﯩﺮ ﻫﻪﺭﯨﻜﻪﺕ ﺋﯩﻜﻪﻧﻠﯩﻜﯩﻨﻰ ﺋﯘﺯﯗﻧﺪﯨﻦ ﺑﯧﺮﻯ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ ﻛﯚﭖ ﺳﺎﻧﯩﺪﯨﻜﻰ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﭘﯩﻜﯩﺮ ‏ - ﻣﻪﻳﺪﺍﻧﯩﻨﻰ ﺗﯧﺨﯩﻤﯘ ﻣﯘﺳﺘﻪﻫﻜﻪﻣﻠﯩﺪﻯ. ﺑﯘﻻﺭﺩﯨﻦ ﺑﯩﺮ ﺋﺎﻣﯧﺮﯨﻜﯩﻠﯩﻖ ﻣﯘﺗﻪﺧﻪﺳﺴﯩﺲ Dru Gladney ﺩﯗﺭ. ﺋﯘ ﺑﯜﮔﯜﻥ ﺋﺎﻣﯧﺮﯨﻜﯩﻨﯩﯔ ﺩﯙﻟﻪﺕ ﺭﺍﺩﯨﺌﻮﺳﯩﻐﺎ ﻗﯩﻠﻐﺎﻥ ﺳﯚﺯﯨﺪﻩ، ﻣﻪﺯﻛﯘﺭ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﻣﯩﻠﻠﯩﻲ ﻫﻪﺭﯨﻜﻪﺕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺪﻯ. ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﻣﯘﺳﺘﻪﻗﯩﻞ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻳﺎﻛﻰ ﺋﯘﻳﻐﯘﺭﯨﺴﺘﺎﻥ ﻗﯘﺭﯗﺵ ﻫﻪﺭﯨﻜﯩﺘﻰ ﺩﻩﭖ ﺗﻮﻧﯘﺷﺘﯘﺭﺩﻯ . ﺋﯘ ﻣﯘﺧﺒﯩﺮﻧﯩﯔ" ﻳﯧﻘﯩﻨﻘﻰ ﺗﻮﻗﯘﻧﯘﺷﻼﺭﻧﯩﯔ ﺗﯜﭖ ﻳﯩﻠﺘﯩﺰﻯ ﻧﯧﻤﻪ" ﺩﯦﮕﻪﻥ ﺳﻮﺋﺎﻟﯩﻐﺎ ﻣﯘﻧﺪﺍﻕ ﺟﺎﯞﺍﺏ ﺑﻪﺭﺩﻯ: " ﺋﯘﻳﻐﯘﺭ ﺭﺍﻳﻮﻧﻰ ﻳﻪﺭ ﺋﺎﺳﺘﻰ - ﺋﯘﺳﺘﻰ ﺑﺎﻳﻠﯩﻘﻠﯩﺮﻯ ﻣﻮﻝ ﺑﯩﺮ ﺟﺎﻱ، ﺑﯘ ﺑﺎﻳﻠﯩﻘﺘﯩﻦ، ﺧﯩﺘﺎﻳﻼﺭ ﺑﻪﻫﺮﯨﻤﺎﻥ ﺑﻮﻟﯘﯞﺍﺗﯩﺪﯗ، ﺋﯘﻳﻐﯘﺭﻻﺭ ﻧﺎﻣﺮﺍﺗﻠﯩﺸﯩﯟﺍﺗﯩﺪﯗ. ﺋﯚﺯ ﺯﯦﻤﯩﻨﯩﻐﺎ ﺋﯚﺯﻯ ﺋﯩﮕﻪ ﺑﻮﻻﻟﻤﺎﺳﻠﯩﻖ، ﺋﯚﺯ ﺑﺎﻳﻠﯩﻘﻠﯩﺮﯨﺪﯨﻦ ﺋﯚﺯﻟﯩﺮﻯ ﭘﺎﻳﺪﯨﻠﯩﻨﺎﻟﻤﺎﺳﻠﯩﻖ ﻗﺎﺭﺷﯩﻠﯩﻘﻼﺭﻧﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﯩﺪﯗﺭ."

ﺧﻪﻟﻘﺌﺎﺭﺍ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻫﺎﺯﯨﺮﻗﻰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ

ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﯨﻨﯩﯔ ﻛﯜﻧﺴﯩﺮﻯ ﻳﺎﻣﺎﻧﻠﯩﺸﯩﺸﯩﻐﺎ ﺋﻪﮔﯩﺸﯩﭗ، ﺧﻪﻟﻘﺌﺎﺭﺍﺩﯨﻜﻰ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺋﻮﺭﮔﺎﻥ ﯞﻩ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭ ﺑﯘﺭﯗﻧﺪﯨﻦ ﺗﺎﺭﺗﯩﭗ ﺋﯩﭻ ﺩﯗﻧﻴﺎﻟﯩﺮﯨﻐﺎ ﻳﻮﺷﯘﺭﯗﭖ ﻛﯧﻠﯩﯟﺍﺗﻘﺎﻥ ﺳﯜﻛﯜﺗﻠﯩﺮﯨﻨﻰ ﺑﯘﺯﯗﺷﻘﺎ ﺑﺎﺷﻠﯩﺪﻯ.
ﺑﯘ ﻗﺎﺗﺎﺭﺩﺍ، 4 - ﺋﺎﯞﻏﯘﺳﺖ ﻛﯜﻧﻰ، ﺧﻪﻟﻘﺌﺎﺭﺍ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﺍ ﻳﯜﺭﮔﯜﺯﯛﯞﺍﺗﻘﺎﻥ ﺋﯩﻨﺴﺎﻥ ﻫﻪﻗﻠﯩﺮﻯ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﯨﺪﯨﻦ ﺟﯩﺪﺩﯨﻲ ﺷﻪﻛﯩﻠﺪﻩ ﺑﯩﺌﺎﺭﺍﻡ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ.

ﺧﻪﻟﻘﺌﺎﺭﺍ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﺗﻪﺷﻜﯩﻼﺗﯩﻨﯩﯔ ﺑﺎﺵ ﻛﺎﺗﯩﭙﻰ ﭘﺮﻭﻓﯧﺴﺴﻮﺭ، ﺩﻭﻛﺘﻮﺭ ﻣﯘﻫﻪﻣﻤﻪﺩ ﺳﻪﻟﯩﻴﻢ ﺋﻪﻟﺌﻪﯞﯞﺍﻧﯩﯔ ﺋﯩﻤﺰﺍﺳﻰ ﺑﯩﻠﻪﻥ ﺋﯩﺴﻼﻡ ﻗﯘﺭﯗﻟﺘﯩﻴﻰ ﺗﻪﺷﻜﯩﻼﺗﯩﻐﺎ ﯞﻩ ﭘﯜﺗﯜﻥ ﻣﻪﺗﺒﯘﺋﺎﺗﻼﺭﻏﺎ ﺗﺎﺭﻗﯩﺘﯩﻠﻐﺎﻥ ﺑﺎﻳﺎﻧﺎﺗﺘﺎ ﻣﯘﻧﺪﺍﻕ ﺩﯦﻴﯩﻠﯩﺪﯗ: `ﺳﻪﯞﻩﺑﻨﯩﯔ ﻗﺎﻧﺪﺍﻕ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﯘﻟﻤﺎﻧﻠﯩﺮﯨﻐﺎ ﻗﺎﺭﯨﺘﺎ ﺋﯩﺰﭼﯩﻞ ﺷﻪﻛﯩﻠﺪﻩ ﻳﯜﺭﮔﯜﺯﯛﭖ ﻛﯧﻠﯩﯟﺍﺗﻘﺎﻥ ﺑﯧﺴﯩﻤﻼﺭ ﻧﻪﺗﯩﺠﯩﺴﯩﺪﻩ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻫﯘﺟﯘﻡ ﻗﯩﻠﯩﺸﻨﻰ، ﻣﯘﺧﺒﯩﺮﻻﺭﻧﻰ، ﭼﻪﺗﺌﻪﻟﻠﯩﻚ ﺳﺎﻳﺎﻫﻪﺗﭽﯩﻠﻪﺭﻧﻰ ﯞﻩ ﺗﻪﻧﻬﻪﺭﯨﻜﻪﺗﭽﯩﻠﻪﺭﻧﻰ ﻗﺎﭼﯘﺭﯗﺷﻨﻰ ﭘﯩﻼﻧﻠﯩﻐﺎﻥ ﺩﯦﮕﻪﻥ ﺑﺎﻫﺎﻧﻪ ﺑﯩﻠﻪﻥ 82 ﺋﯘﻳﻐﯘﺭﻧﻰ ﻗﻮﻟﻐﺎ ﺋﺎﻟﺪﻯ، ﺑﯘ ﻧﯘﻗﺘﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﺴﯩﻢ ﺳﯩﻴﺎﺳﯩﺘﯩﻨﻰ ﻛﯚﺯﺩﯨﻦ ﻛﻪﭼﯜﺭﯛﺷﻰ ﻻﺯﯨﻢ.`

ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﻳﺎﺷﺎﯞﺍﺗﻘﺎﻥ 8 ﻣﯩﻠﻴﻮﻥ ﺋﻪﺗﺮﺍﭘﯩﺪﯨﻜﻰ ﻣﯘﺳﯘﻟﻤﺎﻧﻼﺭﻧﯩﯔ ﺋﯩﺰﭼﯩﻞ ﯞﻩ ﺟﯩﺪﺩﯨﻲ ﻫﺎﻟﺪﺍ ﻳﺎﺭﺩﻩﻣﮕﻪ ﻣﯘﻫﺘﺎﺝ ﺋﯩﻜﻪﻧﻠﯩﻜﻰ ﺗﻪﻛﯩﺘﻠﻪﻧﮕﻪﻥ ﺑﺎﻳﺎﻧﺎﺗﺘﺎ، ﺧﻪﻟﻘﺌﺎﺭﺍ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﺑﺎﺭﻟﯩﻖ ﺋﻪﺯﺍﻟﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭﻧﻰ ﺋﯜﺯﻟﯜﻛﺴﯩﺰ ﺗﻪﻗﯩﭗ ﻗﯩﻠﯩﺸﯩﻨﻰ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﻣﻪﺭﻛﯩﺰﯨﮕﻪ ﺋﺎﻳﻼﻧﺪﯗﺭﯗﺷﻨﻰ، ﺧﻪﻟﻘﺌﺎﺭﺍﺩﯨﻜﻰ ﻣﯘﺳﯘﻟﻤﺎﻥ ﺭﻩﻫﺒﻪﺭﻟﻪﺭ ﯞﻩ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﯨﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻜﻪ ﭼﺎﻗﯩﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﻯ ﯞﻩ ﺷﯘﻧﺪﺍﻕ ﻗﯩﻠﻐﺎﻧﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﯘﻟﻤﺎﻧﻠﯩﺮﯨﻐﺎ ﻗﯩﻠﯩﺪﯨﻐﺎﻥ ﻣﯘﺋﺎﻣﯩﻠﯩﻠﯩﺮﯨﻨﻰ ﺋﯚﺯﮔﻪﺭﺗﯩﺶ ﻳﻮﻟﯩﺪﺍ ﻧﻪﺗﯩﺠﯩﮕﻪ ﺋﯧﺮﯨﺸﯩﺸﻨﯩﯔ ﻣﯘﻣﻜﯩﻨﭽﯩﻠﯩﻜﻰ ﺑﺎﺭﻟﯩﻘﻰ ﺗﻪﻛﯩﺘﻠﻪﻧﺪﻯ.

ﺩﯗﻧﻴﺎ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﻣﻪﺯﻛﯘﺭ ﺑﺎﻳﺎﻧﺎﺗﯩﺪﺍ ﺋﯩﺴﻼﻡ ﻗﯘﺭﯗﻟﺘﯩﻴﻰ ﺗﻪﺷﻜﯩﻼﺗﻰ ﺑﺎﺵ ﻛﺎﺗﯩﭙﻰ ﺋﻪﻛﻤﻪﻟﻪﺩﺩﯨﻦ ﺋﯩﻬﺴﺎﻥ ﺋﻮﻏﻠﯘﻧﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﯘﻟﻤﺎﻧﻠﯩﺮﯨﻐﺎ ﺋﯩﻨﺴﺎﻧﻠﯩﻘﻘﺎ ﻣﯘﻧﺎﺳﯩﭗ ﻛﯧﻠﯩﺪﯨﻐﺎﻥ ﺷﻪﻛﯩﻠﺪﻩ ﻣﯘﺋﺎﻣﯩﻠﻪ ﻗﯩﻠﯩﺸﯩﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯜﭼﯜﻥ ﺋﯜﺳﺘﯩﮕﻪ ﭼﯜﺷﻜﻪﻥ ﻣﻪﺳﺌﯘﻟﯩﻴﻪﺗﻨﻰ ﺋﺎﺩﺍ ﻗﯩﻠﯩﺶ ﻳﻮﻟﯩﺪﺍ ﻛﯧﺮﻩﻛﻠﯩﻚ ﺗﻪﻟﯩﻤﺎﺕ ﯞﻩ ﻗﺎﺭﺍﺭﻻﺭﻧﻰ ﺋﯧﻠﯩﺸﻰ ﯞﻩ ﻗﻮﻟﯩﺪﯨﻦ ﻛﯧﻠﯩﺸﯩﭽﻪ ﻛﯜﭺ ﭼﯩﻘﯩﺮﯨﺸﻘﺎ ﭼﺎﻗﯩﺮﺩﻯ.

ﺑﺎﻳﺎﻧﺎﺗﺘﺎ ﻳﻪﻧﻪ ﺋﯩﺴﻼﻡ ﻗﯘﺭﯗﻟﺘﯩﻴﻰ ﺗﻪﺷﻜﯩﻼﺗﻰ ﺑﺎﺵ ﻛﺎﺗﯩﭙﯩﻨﯩﯔ ﺋﯩﺴﻼﻡ ﻛﻮﻧﻔﯩﺮﯦﻨﺴﯩﻴﯩﺴﻐﺎ ﺋﻪﺯﺍ ﺩﯙﻟﻪﺗﻠﻪﺭﻧﻰ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﺩﯨﭙﻠﻮﻣﺎﺗﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﭼﯩﻘﯩﺶ ﻗﯩﻠﻐﺎﻥ ﻫﺎﻟﺪﺍ ﺑﺎﺭﻟﯩﻖ ﻛﯜﭼﻰ ﺑﯩﻠﻪﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﯘﻟﻤﺎﻧﻠﯩﺮﯨﻨﻰ ﻫﯩﻤﺎﻳﻪ ﻗﯩﻠﯩﺸﻘﺎ ﭼﺎﻗﯩﺮﯨﺸﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ ﯞﻩ ﺑﯘﻧﺪﺍﻕ ﻗﯩﻠﯩﺸﻨﯩﯔ ﺑﯩﺮ ﺩﯨﻨﯩﻲ ﻣﻪﺳﺌﯘﻟﯩﻴﻪﺕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﻪﺵ ﺋﯜﭼﯜﻥ ﻫﻪﺩﯨﺴﻠﻪﺭ ﻣﯩﺴﺎﻝ ﻛﻪﻟﺘﯜﺭﯛﻟﮕﻪﻥ.

ﺑﺎﻳﺎﻧﺎﺗﻨﯩﯔ ﺋﺎﺧﯩﺮﯨﺪﺍ ﻣﯘﻧﺪﺍﻕ ﺩﯦﻴﯩﻠﯩﺪﯗ: `ﺧﻪﻟﻘﺌﺎﺭﺍ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﺑﯘ ﻣﻪﺳﯩﻠﯩﻨﻰ ﺋﯩﺰﭼﯩﻞ ﻛﯜﺯﯨﺘﯩﺪﯗ ﯞﻩ ﺑﯘ ﻧﯘﻗﺘﯩﺪﺍ ﻫﻪﺭ ﺧﯩﻞ ﺋﻮﺭﮔﺎﻧﻼﺭ، ﺗﻪﺷﻜﯩﻼﺗﻼﺭ، ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﯞﻩ ﺧﻪﻟﻖ ﺋﺎﻣﻤﯩﺴﻰ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺪﯗ.`

ﺑﺎﺵ ﺷﯩﺘﺎﺑﻰ ﺋﯩﺮﻻﻧﺪﯨﻴﯩﻨﯩﯔ ﺩﯗﺑﻠﯩﻦ ﺷﻪﻫﺮﯨﮕﻪ ﺋﻮﺭﯗﻧﻼﺷﻘﺎﻥ ﺧﻪﻟﻘﺌﺎﺭﺍ ﻣﯘﺳﯘﻟﻤﺎﻥ ﺋﯚﻟﯩﻤﺎﻻﺭ ﺑﯩﺮﻟﯩﻜﻰ ﺗﻪﺷﻜﯩﻼﺗﻰ 2004 - ﻳﯩﻠﻰ ﻗﻮﺭﯗﻟﻐﺎﻥ ﺑﻮﻟﯘﭖ، ﺋﯩﺴﻼﻡ ﺩﯗﻧﻴﺎﺳﯩﺪﯨﻜﻰ ﺋﻪﯓ ﻣﻪﺷﻬﯘﺭ ﺋﺎﻟﯩﻢ ﯞﻩ ﻣﯘﺗﻪﭘﻪﻛﻜﯘﺭﻻﺭﺩﯨﻦ ﺩﻭﻛﺘﯘﺭ ﻳﯘﺳﯘﻑ ﺋﻪﻟﻘﻪﺭﺩﺍﯞﯨﻲ ﺑﺎﺷﻠﯩﻖ 47 ﻛﯩﺸﻰ ﺑﯘ ﺗﻪﺷﻜﯩﻼﺗﻨﯩﯔ ﺋﯩﺪﺍﺭﻩ ﻫﻪﻳﺌﯩﺘﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺑﯘ ﺗﻪﺷﻜﯩﻼﺗﻨﯩﯔ 100 ﮔﻪ ﻳﯧﻘﯩﻦ ﺩﯙﻟﻪﺗﺘﻪ ﺋﯩﻠﻤﯩﻲ ﺳﺎﻫﻪﺩﻩ ﻛﯚﺯﮔﻪ ﻛﯚﺭﯛﻧﮕﻪﻥ 499 ﺋﻪﺯﺍﺳﻰ ﺑﺎﺭ.

ﺋﯩﺴﻼﻡ ﺩﯗﻧﻴﺎﺳﯩﻨﯩﯔ ﻛﯚﺯﮔﻪ ﻛﯚﺭﯛﻧﮕﻪﻥ ﺋﯚﻟﯩﻤﺎﻟﯩﺮﻯ ﺗﻪﺭﯨﭙﯩﺪﯨﻦ ﻗﯘﺭﯗﻟﻐﺎﻥ ﺑﯘ ﺗﻪﺷﻜﯩﻼﺕ ﺋﯧﻼﻥ ﻗﯩﻠﻐﺎﻥ ﺑﯘ ﺑﺎﻳﺎﻧﺎﺕ ﺧﻪﻟﻘﺌﺎﺭﺍﺩﺍ ﻗﺎﻧﺪﺍﻕ ﻛﯜﭼﻜﻪ ﺋﯩﮕﻪ؟ ﺑﯘﻧﺪﺍﻕ ﺧﻪﻟﻘﺌﺎﺭﺍﺩﺍ ﺗﻪﺳﯩﺮﮔﻪ ﺋﯩﮕﻪ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﺷﻰ ﻧﯧﻤﯩﻨﯩﯔ ﺋﯩﭙﺎﺩﯨﺴﻰ؟

ﺗﻪﻳﯟﻩﻥ ﻫﯚﻛﯜﻣﯩﺘﻰ ﺟﻪﻧﯘﺑﯩﻲ ﺗﺎﻗﯩﻢ ﺋﺎﺭﺍﻟﻠﯩﺮﯨﻐﺎ ﺑﻮﻟﻐﺎﻥ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﺟﺎﻛﺎﺭﻟﯩﺪﻯ

ﻣﺎﻻﻳﺸﻴﺎﻧﯩﯔ ﺑﺎﺵ ﻣﯩﻨﯩﺴﺘﯩﺮﻯ ﯞﻩ ﻗﻮﺷﯘﻣﭽﻪ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻯ ﻧﺎﺟﯩﭗ ﺋﻪﭘﻪﻧﺪﻯ ﻳﯧﻘﯩﻨﺪﺍ ﺟﻪﻧﯘﺑﯩﻲ ﺩﯦﯖﯩﺰ ﺗﺎﻗﯩﻢ ﺋﺎﺭﺍﻟﻠﯩﺮﯨﻐﺎ ﺑﺎﺭﻏﺎﻧﺪﺍ، ﻣﺎﻻﻳﺸﯩﻴﺎ ﺗﯩﻠﯩﺪﺍ ﻻﻳﺎﯓ - ﻻﻳﺎﯓ ﺋﺎﺭﯨﻠﻰ، ﺧﯩﺘﺎﻱ ﺗﯩﻠﯩﺪﺍ ﻗﺎﻟﻐﺎﭺ ﺋﺎﺭﯨﻠﻰ ﺩﻩﭖ ﺋﺎﺗﯩﻠﯩﯟﺍﺗﻘﺎﻥ ﺋﺎﺭﺍﻟﻼﺭﻧﻰ ﻣﺎﻻﻳﺸﻴﺎﻧﯩﯔ ﺋﯩﮕﯩﻠﯩﻚ ﻫﻮﻗﯘﻗﻰ ﺑﺎﺭ ﺋﺎﺭﺍﻝ ﺩﻩﭖ ﺟﺎﻛﺎﺭﻟﯩﻐﺎﻧﺪﯨﻦ ﻛﯧﻴﯩﻦ، ﺗﻪﻳﯟﻩﻥ ﻫﯚﻛﯜﻣﯩﺘﻰ ﺗﯜﻧﯜﮔﯜﻥ ﺭﺍﺟﯩﭙﻨﯩﯔ ﺑﺎﻳﺎﻧﺎﺗﯩﻐﺎ ﻗﺎﺭﺷﻰ ﭼﯩﻘﯩﭗ، ﺑﯘ ﺋﺎﺭﺍﻟﻼﺭﻏﺎ ﺑﻮﻟﻐﺎﻥ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ ﺟﺎﻛﺎﺭﻟﯩﺪﻯ.

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺗﻪﻳﯟﻩﻥ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﯨﻨﯩﯔ ﺑﺎﻳﺎﻧﺎﺗﯩﺪﺍ' ﺷﻪﺭﻗﯩﻲ ﺩﯦﯖﯩﺰﺩﯨﻜﻰ ﺟﻪﻧﯘﺑﯩﻲ ﺗﺎﻗﯩﻢ ﺋﺎﺭﺍﻟﻠﯩﺮﻯ، ﻏﻪﺭﺑﯩﻲ ﺗﺎﻗﯩﻢ ﺋﺎﺭﺍﻟﻠﯩﺮﻯ، ﺋﻮﺗﺘﯘﺭﺍ ﺗﺎﻗﯩﻢ ﺋﺎﺭﺍﻟﻠﯩﺮﻯ، ﺷﻪﺭﻗﯩﻲ ﺗﺎﻗﯩﻢ ﺋﺎﺭﺍﻟﻠﯩﺮﻯ ﺩﯦﮕﻪﻥ ﺋﺎﺭﺍﻟﻼﺭ ﯞﻩ ﺧﺎﺩﺍ ﺗﺎﺷﻼﺭﻧﯩﯔ ﻫﻪﻣﻤﯩﺴﯩﺪﻩ ﺟﯘﯕﺨﯘﺍ ﻣﯩﻨﮕﻮﻧﯩﯔ ﺋﯩﮕﯩﻠﯩﻚ ﻫﻮﻗﯘﻗﻰ ﺑﺎﺭ' ﺩﯦﻴﯩﻠﮕﻪﻥ.

ﺋﯘﭼﯘﺭ ﺋﺎﺭﺧﯩﭙﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻱ، ﻓﯩﻠﯩﭙﭙﯩﻦ، ﻣﺎﻻﻳﺸﯩﻴﺎ، ﯞﻳﯧﺘﻨﺎﻡ، ﺑﺮﯗﻧﯧﻲ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﺟﻪﻧﯘﺑﯩﻲ ﺩﯦﯖﯩﺰﺩﯨﻜﻰ ﺑﯘ ﺗﺎﻗﯩﻢ ﺋﺎﺭﺍﻟﻠﯩﺮﯨﺪﺍ ﺋﯩﮕﯩﻠﯩﻚ ﻫﻮﻗﯘﻗﻰ ﺑﺎﺭﻟﯩﻘﯩﻨﻰ ﺟﺎﻛﺎﺭﻻﭖ ﻛﻪﻟﻤﻪﻛﺘﻪ. ﻫﺎﺯﯨﺮ ﺑﯘﻧﯩﯖﺪﯨﻜﻰ 'ﺗﻪﻳﭙﯩﯖﺪﺍﯞ' ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﯩﺮ ﺋﺎﺭﺍﻟﻨﻰ ﺗﻪﻳﯟﻩﻥ ﻛﻮﻧﺘﺮﻭﻝ ﻗﯩﻠﯩﭗ ﺗﯘﺭﯗﯞﺍﺗﻘﺎﻧﺪﯨﻦ ﺑﺎﺷﻘﺎ، ﻗﺎﻟﻐﺎﻥ ﺋﺎﺭﺍﻟﻼﺭﺩﺍ ﺧﯩﺘﺎﻱ، ﻓﯩﻠﯩﭙﭙﯩﻦ، ﻣﺎﻻﻳﺸﯩﻴﺎ، ﯞﯦﻴﺘﻨﺎﻣﻼﺭ ﺗﯘﺭﻏﯘﺯﻏﺎﻥ ﻗﻮﺭﺍﻟﻠﯩﻖ ﻗﯩﺴﯩﻤﻼﺭ ﺑﺎﺭ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﯨﻜﻰ ﺋﯜﭼﯩﻨﭽﻰ ﭼﻮﯓ ﺳﺎﺧﺘﺎ ﻛﯚﺭﯛﻧﯜﺵ ﭘﺎﺵ ﺑﻮﻟﺪﻯ

ﺑﯧﻴﺠﯩﯔ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﻫﻪﻣﻤﯩﺴﻰ ﺋﯚﺯﻟﯩﺮﯨﻨﯩﯔ ﻣﯩﻠﻠﻲ ﻛﯩﻴﯩﻤﯩﻨﻰ ﻛﯩﻴﮕﻪﻥ 56 ﻣﯩﻠﻠﻪﺕ ﺑﺎﻟﯩﻠﯩﺮﻯ ﺧﯩﺘﺎﻳﻨﯩﯔ ﺩﯙﻟﻪﺕ ﺑﺎﻳﺮﯨﻘﯩﻨﻰ ﻛﯚﺗﯜﺭﮔﻪﻥ ﺑﯩﺮ ﻫﻪﺷﻪﻣﻪﺗﻠﯩﻚ ﻛﯚﺭﯛﻧﯜﺵ ﺑﺎﺭ ﺋﯩﺪﻯ. ﻫﺎﺯﯨﺮ ﺑﯘﻧﯩﯖﻤﯘ ﺳﺎﺧﺘﺎ ﺋﯩﻜﻪﻧﻠﯩﻜﻰ ﭘﺎﺵ ﺑﻮﻟﯘﭖ ﻗﺎﻟﺪﻯ.

ﺭﻭﻳﺘﯧﺮﯨﺲ ﺋﺎﮔﯧﻨﺘﻠﯩﻘﯩﻨﯩﯔ ﺑﯜﮔﯜﻥ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﯨﻜﻰ 56 ﻣﯩﻠﻠﻪﺕ ﺑﯩﺮ ﺑﺎﻳﺮﺍﻕ ﻛﯚﺗﯜﺭﮔﻪﻥ ﻛﯚﺭﯛﻧﯜﺵ - ﺗﻪﺑﺮﯨﻚ ﺳﺎﻟﻴﯘﺗﻠﯩﺮﻯ ﯞﻩ ﯞﻩﺗﻪﻧﮕﻪ ﻣﻪﺩﯨﻬﯩﻴﻪ ﺩﯦﮕﻪﻥ ﻧﺎﺧﺸﯩﻨﻰ ﺋﯧﻴﺘﻘﺎﻥ ﻛﯩﭽﯩﻚ ﻗﯩﺰ ﭼﻮﻟﭙﺎﻥ ﻛﯚﺭﯛﻧﯜﺷﻠﯩﺮﯨﻨﯩﯔ ﺳﺎﺧﺘﺎ ﻛﯚﺭﯛﻧﯜﺵ ﺋﯩﻜﻪﻧﻠﯩﻜﻰ ﭘﺎﺵ ﺑﻮﻟﯘﭖ ﻗﺎﻟﻐﺎﻧﺪﯨﻦ ﻛﯧﻴﯩﻦ، ﻳﻪﻧﻪ ﭘﺎﺵ ﺑﻮﻟﯘﭖ ﻗﺎﻟﻐﺎﻥ ﺋﯜﭼﯩﻨﭽﻰ ﭼﻮﯓ ﺳﺎﺧﺘﺎ ﻛﯚﺭﯛﻧﯜﺵ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺋﯩﺠﺮﺍﺋﯩﻴﻪ ﺭﻩﺋﯩﺴﻰ ﯞﺍﯓ ﯞﯦﻲ ﺑﯘ ﻫﻪﻗﺘﯩﻜﻰ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺑﻪﺭﮔﻪﻧﺪﻩ ' ﺋﻮﺧﺸﯩﻤﯩﻐﺎﻥ 56 ﻣﯩﻠﻠﻪﺗﭽﻪ ﻛﯩﻴﯩﻨﮕﻪﻥ ﺑﯘ ﺑﺎﻟﯩﻼﺭﻧﯩﯔ ﻗﺎﻳﺴﻰ ﻣﯩﻠﻠﻪﺗﺘﯩﻦ ﻛﻪﻟﮕﻪﻧﻠﯩﻜﻰ ﻣﺎﯕﺎ ﻧﺎﻣﻪﻟﯘﻡ، ﺑﯩﺮﺍﻕ ﻧﻮﭘﯘﺳﻨﯩﯔ %92 ﻧﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﺧﯩﺘﺎﻳﻼﺭﻧﯩﯔ 56 ﻣﯩﻠﻠﻪﺗﭽﻪ ﻛﯩﻴﯩﻨﯩﭗ ﭼﯩﻘﯩﺸﻰ ﻫﯧﭽﺒﯩﺮ ﻫﻪﻳﺮﺍﻥ ﻗﺎﻻﺭﻟﯩﻖ ﯞﻩﻗﻪ ﺋﻪﻣﻪﺱ' ﺩﯦﮕﻪﻥ.

ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﺸﺘﯩﻜﻰ ﺗﺎﺭﯨﺨﯩﻲ ﺑﺎﺳﻘﯘﭼﻼﺭ

ﺋﯘﻳﻐﯘﺭﻻﺭ ﻗﯘﺭﺋﺎﻥ ﻛﻪﺭﯨﻤﻨﻰ ﻧﺎﻫﺎﻳﯩﺘﻰ ﺑﻪﻙ ﺋﯘﻟﯘﻏﻼﻳﺪﯗ. ﺋﯘﻻﺭ ﻗﯘﺭﺋﺎﻥ ﻛﻪﺭﯨﻤﻨﻰ ﺗﺎﻫﺎﺭﻩﺗﺴﯩﺰ ﺗﯘﺗﻤﺎﻳﺪﯗ، ﺗﺎﻫﺎﺭﻩﺗﺴﯩﺰ ﺋﻮﻗﯘﻣﺎﻳﺪﯗ. ﺋﯘﻧﻰ ﺋﻮﻗﯘﻏﺎﻧﺪﺍ ﻫﯚﺭﻣﻪﺗﻠﯩﮕﻪﻧﻠﯩﻜﺘﯩﻦ، ﻛﯚﻛﺴﯩﻨﯩﯔ ﺋﯜﺳﺘﯩﺪﻩ ﺋﯧﮕﯩﺰ ﺗﯘﺗﯘﭖ ﺗﯘﺭﯗﭖ ﺋﻮﻗﯘﻳﺪﯗ. ﺋﯘﻧﻰ ﺳﺎﻗﻠﯩﻐﺎﻧﺪﯨﻤﯘ ﺋﯚﻳﻠﯩﺮﯨﻨﯩﯔ ﺋﻪﯓ ﺋﯧﮕﯩﺰ ﺟﺎﻳﻠﯩﺮﯨﺪﺍ ﻗﻮﻳﯘﭖ ﺳﺎﻗﻼﻳﺪﯗ. ﻗﯘﺭﺋﺎﻥ ﺋﻮﻗﯘﻟﻐﺎﻥ ﺟﺎﻳﺪﺍ ﺋﻪﺩﻩﺏ ﺑﯩﻠﻪﻥ ﺋﻮﻟﺘﯘﺭﯗﭖ ﺋﯘﻧﻰ ﺋﯩﺨﻼﺱ ﺑﯩﻠﻪﻥ ﺗﯩﯖﺸﺎﻳﺪﯗ.

 ﺋﯘﻳﻐﯘﺭﻻﺭ ﺋﯚﻟﯜﻡ - ﻳﯧﺘﯩﻢ، ﻧﻪﺯﯨﺮ - ﭼﯩﺮﺍﻏﻼﺭﺩﺍ، ﺋﺎﺗﺎ - ﺋﺎﻧﯩﺴﯩﻨﯩﯔ ﻗﻪﺑﺮﯨﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﻠﯩﺮﯨﺪﺍ، ﺑﯩﺮ - ﺑﯩﺮﯨﻨﯩﯔ ﻣﯘﺳﯩﺒﻪﺗﻠﯩﺮﯨﮕﻪ ﺗﻪﺯﯨﻴﻪ ﺑﯩﻠﺪﯛﺭﮔﻪﻧﻠﯩﺮﯨﺪﻩ ﺋﺎﻟﺪﻯ ﺑﯩﻠﻪﻥ ﻗﯘﺭﺋﺎﻥ ﺋﻮﻗﯘﭖ ﺋﺎﻧﺪﯨﻦ ﺩﯗﺋﺎ ﻗﯩﻠﯩﺪﯗ. ﻗﯩﺰ - ﺋﻮﻏﯘﻟﻠﯩﺮﯨﻨﯩﯔ ﻧﯩﻜﺎﻫﻠﯩﺮﯨﻨﻰ ﺋﻮﻗﯘﺷﻨﯩﻤﯘ ﻗﯘﺭﺋﺎﻥ ﺋﻮﻗﯘﺵ ﺑﯩﻠﻪﻥ ﺑﺎﺷﻼﻳﺪﯗ. ﻫﻪﺗﺘﺎ ﻛﯜﻧﺪﯨﻠﯩﻚ ﻧﺎﻣﺎﺯﻟﯩﺮﯨﻨﻰ ﻗﯘﺭﺋﺎﻥ ﺳﯜﺭﯨﻠﯩﺮﯨﺪﯨﻦ ﺑﯩﺮ ﻗﺎﻧﭽﻪ ﺳﯜﺭﻩ ﺋﻮﻗﯘﻣﺎﺳﺘﯩﻦ ﺋﺎﺩﺍ ﻗﯩﻼﻟﻤﺎﻳﺪﯗ. ﺩﯦﻤﻪﻙ، ﻗﯘﺭﺋﺎﻥ ﻛﻪﺭﯨﻢ ﺋﯘﻳﻐﯘﺭﻻﺭﻧﯩﯔ ﻛﯜﻧﺪﯨﻠﯩﻚ ﻫﺎﻳﺎﺗﯩﺪﺍ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻮﺭﯗﻥ ﺗﯘﺗﯘﭖ ﻛﻪﻟﻤﻪﻛﺘﻪ.

ﻗﯘﺭﺋﺎﻥ ﻛﻪﺭﯨﻢ ﺋﯘﻳﻐﯘﺭﻻﺭﻧﯩﯔ ﻫﺎﻳﺎﺗﯩﺪﺍ ﺷﯘﻧﭽﯩﻠﯩﻚ ﻣﯘﻫﯩﻢ ﺋﻮﺭﯗﻥ ﺗﯘﺗﻘﺎﻧﻠﯩﻘﺘﯩﻦ ﺋﯘﻳﻐﯘﺭ ﺋﯚﻟﯩﻤﺎﻟﯩﺮﻯ ﺋﯘﻧﻰ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﺶ ﺋﺎﺭﻗﯩﻠﯩﻖ ﻛﯩﺸﯩﻠﻪﺭﮔﻪ ﺑﯘ ﻣﯘﻫﯩﻢ ﻛﯩﺘﺎﺑﻨﯩﯔ ﻣﻪﻧﯩﺴﻰ ﺑﯩﻠﺪﯛﺭﯛﺵ ﻳﻮﻟﯩﺪﺍ ﺑﺎﺭﭼﻪ ﻣﯘﺳﯘﻟﻤﺎﻥ ﻗﻪﯞﻣﻠﻪﺭ ﺋﯩﭽﯩﺪﻩ ﺋﻪﯓ ﺩﻩﺳﻠﻪﭖ ﻗﻪﻟﻪﻡ ﺗﻪﯞﺭﻩﺗﻜﻪﻥ ﻛﯩﺸﯩﻠﻪﺭﺩﯗﺭ.

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﺸﯩﺪﯨﻜﻰ ﺋﯘﺯﯗﻥ ﺗﺎﺭﯨﺨﯩﻲ ﺑﺎﺳﻘﯘﭼﻼﺭ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﯦﺪﻯ:" ﻗﯘﺭﺋﺎﻥ ﻛﻪﺭﯨﻢ ﺋﯩﺴﻼﻡ ﺋﻪﻫﻠﯩﻨﯩﯔ ﻣﯘﻗﻪﺩﺩﻩﺱ ﺩﻩﺳﺘﯘﺭﻯ. ﻗﻪﻳﻪﺭﺩﻩ ﻣﯘﺳﯘﻟﻤﺎﻥ ﺑﻮﻟﯩﺪﯨﻜﻪﻥ، ﺷﯘ ﻳﻪﺭﺩﻩ ﭼﻮﻗﯘﻡ ﻗﯘﺭﺋﺎﻥ ﻛﻪﺭﯨﻢ ﺑﻮﻟﯩﺪﯗ. ﺋﯩﺸﻪﻧﭽﻠﯩﻚ ﺗﺎﺭﯨﺨﯩﻲ ﻣﻪﻧﺒﻪﻟﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﻣﯘﺳﯘﻟﻤﺎﻥ ﻣﯩﻠﻠﻪﺗﻠﻪﺭ ﺋﯩﭽﯩﺪﻩ ﻗﯘﺭﺋﺎﻥ ﻛﻪﺭﯨﻤﻨﻰ ﺋﻪﯓ ﺩﻩﺳﻠﻪﭖ ﺗﻪﺭﺟﯩﻤﻪ ﻗﯩﻠﻐﺎﻥ ﺧﻪﻟﻖ ﺋﯘﻳﻐﯘﺭﻻﺭﺩﯗﺭ. ﺋﯘﻳﻐﯘﺭﻻﺭ ﺋﯩﭽﯩﺪﻩ ﻗﯘﺭﺋﺎﻥ ﻛﻪﺭﯨﻤﻨﻰ ﺩﻩﺳﻠﻪﭖ ﺷﻪﺭﻫﻠﻪﭖ ﭼﯜﺷﻪﻧﺪﯛﺭﮔﻪﻥ ﻛﯩﺸﻰ ﻣﻪﺷﻬﯘﺭ ﺋﺎﺗﺎﻗﻠﯩﻖ ﺗﯩﻠﺸﯘﻧﺎﺱ ﺋﺎﻟﯩﻢ ﻣﻪﻫﻤﯘﺩ ﻗﻪﺷﻘﻪﺭﯨﻴﻨﯩﯔ ﺋﯘﺳﺘﺎﺯﻯ ﻫﯜﺳﻪﻳﻦ ﺋﯩﺒﻨﻰ ﺋﻪﻟﻰ ﺋﯩﺒﻨﻰ ﺧﻪﻟﻪﻑ ﻗﻪﺷﻘﯩﺮﯨﻲ ﺩﯦﮕﻪﻥ ﻛﯩﺸﻰ ﺑﻮﻟﯘﭖ، ﺑﯘ ﺯﺍﺕ ﻗﺎﺭﺍﺧﺎﻧﯩﻴﻼﺭ ﺧﺎﻧﻠﯩﻘﯩﻨﯩﯔ ﺑﯩﺮ ﻗﺎﻧﭽﻪ ﺋﻪﯞﻻﺩ ﺧﺎﻧﻠﯩﺮﯨﻨﯩﯔ ﻣﻪﻧﯩﯟﻯ ﺩﺍﻫﯩﺴﻰ، ﺷﯘﻧﺪﺍﻗﻼ ﺗﻮﻧﯘﻟﻐﺎﻥ ﻣﯘﺩﻩﺭﺭﯨﺲ ﺋﯩﺪﻯ. ﺋﯘ ﺋﯚﻣﺮﻯ ﺋﯩﭽﯩﺪﻩ 200 ﭘﺎﺭﭼﯩﺪﯨﻦ ﻛﯚﭘﺮﻩﻙ ﻛﯩﺘﺎﺏ ﻳﺎﺯﻏﺎﻥ، ﺋﯘﻧﯩﯔ ﺑﯩﺮﻗﺎﻧﭽﻪ ﭘﺎﺭﭼﻪ ﺋﻪﺳﯩﺮﻯ " ﺗﯜﺭﻙ ﺗﯩﻠﻼﺭ ﺩﯨﯟﺍﻧﻰ"ﺩﺍ ﻧﻪﻗﯩﻞ ﻛﻪﻟﺘﯜﺭﯛﻟﮕﻪﻥ. ﺋﯘﻳﻐﯘﺭﻻﺭ ﻗﯘﺭﺋﺎﻥ ﻛﻪﺭﯨﻤﻨﻰ ﺷﻪﺭﻫ ﺋﺎﺭﻗﯩﻠﯩﻖ ﭼﯜﺷﯩﻨﯩﺸﺘﯩﻦ ﺑﺎﺷﻘﺎ ﺋﯘﻧﻰ ﺋﻪﺭﻩﺏ ﺗﯩﻠﯩﺪﯨﻦ ﺋﯚﺯ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ﭼﯜﺷﻨﯩﺸﺘﯩﻤﯘ ﺋﺎﻟﺪﯨﻨﻘﻰ ﺧﻪﻟﻖ ﺑﻮﻟﻐﺎﻥ. 12 - ﺋﻪﺳﯩﺮﺩﯨﻦ 14 - ﺋﻪﺳﯩﺮﮔﯩﭽﻪ ﺋﯩﻠﮕﯩﺮﻯ - ﻛﯧﻴﯩﻦ ﺑﻮﻟﯘﭖ ﺋﺎﻟﺘﻪ ﻗﯧﺘﯩﻢ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯘﻳﻐﯘﺭ ﺗﯜﺭﻛﯩﻲ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ. ﺋﯘﻧﯩﯔ ﺋﻪﯓ ﺩﻩﺳﻠﻪﭘﻜﻰ ﺗﻪﺭﺟﯩﻤﻪ ﻧﯘﺳﺨﯩﺴﯩﻨﻰ 1333 - ﻳﯩﻠﻰ ﻣﯘﻫﻪﻣﻤﻪﺩ ﺋﯩﺒﻨﻰ ﺩﯙﻟﻪﺗﺸﺎﻫ ﺩﯦﮕﻪﻥ ﻛﯩﺸﻰ ﺋﯩﺮﺍﻧﻨﯩﯔ ﺷﯩﺮﺍﺯ ﺷﻪﻫﯩﺮﯨﺪﻩ ﻧﻪﭘﯩﺲ ﺋﻪﺭﻩﺏ ﻳﯧﺰﯨﻘﻰ ﺑﯩﻠﻪﻥ ﻛﯚﭼﯜﺭﯛﭖ ﭼﯩﻘﻘﺎﻥ ﺑﻮﻟﯘﭖ، ﺟﻪﻣﻰ 902 - ﺑﻪﺕ، ﻫﻪﺭ ﺑﯩﺮ ﺑﯧﺘﯩﺪﻩ ﺗﻮﻗﻘﯘﺯ ﻗﯘﺭ ﺧﻪﺕ ﺑﺎﺭ، ﻣﻪﺯﻣﯘﻧﻰ ﺗﻮﻟﯘﻕ، ﺋﻪﺭﻩﺏ ﺗﯩﻠﯩﺪﯨﻜﻰ ﺋﺎﻳﻪﺗﻠﻪﺭﻧﯩﯔ ﺋﺎﺳﺘﯩﻐﺎ ﻗﯩﺰﯨﻞ ﺳﯩﻴﺎﻫ ﺑﯩﻠﻪﻥ ﺋﯘﺩﯗﻟﻤﯘﺋﯘﺩﯗﻝ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﻰ ﻳﯧﺰﯨﻠﻐﺎﻥ. ﺑﯘ ﻧﯘﺳﺨﺎ ﻫﺎﺯﯨﺮ ﺗﯜﺭﻛﯩﻴﯩﻨﯩﯔ ﺋﯩﺴﺘﺎﻧﺒﯘﻝ ﺷﻪﻫﯩﺮﯨﺪﯨﻜﻰ ﺗﯜﺭﻙ ﯞﻩ ﺋﯩﺴﻼﻡ ﺋﻪﺳﻪﺭﻟﯩﺮﻯ ﻣﯘﺯﯦﻴﯩﺪﺍ ﺳﺎﻗﻼﻧﻤﺎﻗﺘﺎ. ﺋﻪﭘﺴﯘﺳﻜﻰ ﺑﯘﻧﻰ ﻛﯩﻢ، ﻗﻪﻳﻪﺭﺩﻩ، ﻗﺎﭼﺎﻥ ﺗﻪﺭﺟﯩﻤﻪ ﻗﯩﻠﻐﺎﻧﻠﯩﻘﻰ ﻫﺎﺯﯨﺮﻏﯩﭽﻪ ﻣﻪﻟﯘﻡ ﺋﻪﻣﻪﺱ. ﺋﯘﻧﯩﯖﺪﯨﻦ ﻛﯧﻴﯩﻦ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﻧﯘﺳﺨﯩﻼﺭﻧﯩﯖﻤﯘ ﺗﻪﺭﺟﯩﻤﺎﻧﻠﯩﺮﻯ ﺋﯧﻨﯩﻖ ﺋﻪﻣﻪﺱ. ﺑﯘﻻﺭ ﻫﺎﺯﯨﺮ ﻟﻮﻧﺪﻭﻥ ﯞﻩ ﺗﺎﺷﻜﻪﻧﺖ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﻧﯩﯔ ﻣﯘﺯﯦﻴﻠﯩﺮﯨﺪﺍ ﺳﺎﻗﻠﯩﻨﯩﭗ ﻛﻪﻟﻤﻪﻛﺘﻪ ﺋﯩﻜﻪﻥ". 

17 - ﯞﻩ 20 - ﺋﻪﺳﯩﺮﻟﻪﺭ ﺋﺎﺭﯨﻠﯩﻘﯩﺪﯨﻜﻰ ﻗﯘﺭﺋﺎﻥ ﻧﯘﺳﺨﯩﻠﯩﺮﻯ

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻢ ﻳﻪﻧﻪ ﻣﯘﻧﺪﺍﻕ ﺩﯦﺪﻯ:" ﻗﯘﺭﺋﺎﻥ ﻛﻪﺭﯨﻢ 17 - ﺋﻪﺳﯩﺮﺩﯨﻦ 20 - ﺋﻪﺳﯩﺮﮔﯩﭽﻪ ﻳﻪﻧﻪ ﻛﯚﭖ ﻗﯧﺘﯩﻢ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ. ﻣﻪﺳﯩﻠﻪﻥ: 1735 - ﻳﯩﻠﯩﺪﯨﻦ 1756 - ﻳﯩﻠﯩﻐﯩﭽﻪ ﻳﻪﺭﻛﻪﻧﺖ ﻫﯚﻛﯜﻣﺪﺍﺭﻯ ﺑﻮﻟﻐﺎﻥ ﺧﻮﺟﺎ ﻳﺎﻗﯘﺏ ﺩﯙﻟﻪﺕ ﺧﯩﺮﺍﺟﯩﺘﻰ ﺑﯩﻠﻪﻥ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺗﻪﭘﺴﯩﺮﯨﻨﻰ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﺪﯗﺭﻏﺎﻥ. ﺋﯘﻧﯩﯖﺪﯨﻦ ﻛﯧﻴﯩﻦ ﻣﯘﻫﻪﻣﻤﻪﺩ ﺳﺎﺩﯨﻖ ﻗﻪﺷﻘﯩﺮﻯ ﺩﯦﮕﻪﻥ ﻛﯩﺸﯩﻤﯘ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺗﻪﭘﺴﯩﺮﯨﻨﻰ ﺗﻪﺭﺟﯩﻤﻪ ﻗﯩﻠﯩﭗ ﭼﯩﻘﻘﺎﻥ. ﻗﺎﻏﯩﻠﯩﻘﺘﺎ ﺋﯚﺗﻜﻪﻥ ﺩﺍﯕﻠﯩﻖ ﺋﯚﻟﯩﻤﺎ ﻫﯜﺳﻪﻳﻨﺨﺎﻥ ﺗﻪﺟﻪﻟﻠﻰ 1910 - ﻳﯩﻠﻰ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺋﯘﻳﻐﯘﺭﭼﻪ ﺗﻪﭘﺴﯩﺮﯨﻨﻰ ﺋﯩﺸﻠﻪﭖ ﭼﯩﻘﻘﺎﻥ. ﺗﻪﺟﻪﻟﻠﯩﻴﻨﯩﯔ ﺷﺎﮔﯩﺮﺗﻠﯩﺮﯨﺪﯨﻦ ﭘﯜﺗﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﺪﺍ ﺗﻮﻧﯘﻟﻐﺎﻥ ﺋﺎﻟﯩﻢ ﻣﻪﺭﻫﯘﻡ ﺋﺎﺑﻠﯩﻜﯩﻢ ﻣﻪﺧﺴﯘﻡ ﻫﺎﺟﯩﻢ " ﺗﻪﺟﻪﻟﻠﻰ - ﻣﯘﺟﻪﻟﻠﻰ"ﻧﺎﻣﻠﯩﻖ ﺋﻪﺳﯩﺮﯨﺪﻩ ﺋﯧﻴﺘﯩﺸﯩﭽﻪ، ﻫﯜﺳﻪﻳﻨﺨﺎﻥ ﺗﻪﺟﻪﻟﻠﯩﻲ ﺑﯘ ﺗﻪﭘﺴﯩﺮﻧﻰ ﺋﺎﺑﺪﯗﻗﺎﺩﯨﺮ ﺩﺍﻣﻮﻟﻼﻡ، ﺷﻪﻣﺴﯩﺪﯨﻦ ﺩﺍﻣﻮﻟﻼﻡ، ﻫﯜﺳﻪﻳﻦ ﺑﺎﻱ ﯞﻩ ﺑﺎﯞﯗﺩﯗﻥ ﺑﺎﻳﻼﺭﻧﯩﯔ ﺗﻪﺷﻪﺑﺒﯘﺳﯩﻐﺎ ﺋﺎﺳﺎﺳﻪﻥ ﻳﯧﺰﯨﭗ ﭼﯩﻘﻘﺎﻥ ﺋﯩﻜﻪﻥ. ﻳﻪﻧﻪ ﺷﯘ ﻳﯩﻠﻰ ﭼﯚﭼﻪﻛﺘﻪ ﻳﯜﺳﯜﭖ ﺩﺍﻣﻮﻟﻼﻡ ﺩﯦﮕﻪﻥ ﻛﯩﺸﯩﻤﯘ ﻗﯘﺭﺋﺎﻥ ﻛﻪﺭﯨﻤﻨﯩﯔ ﺗﻪﭘﺴﯩﺮﯨﻨﻰ ﺋﯩﺸﻠﻪﭖ ﭼﯩﻘﻘﺎﻥ ﺋﯩﻜﻪﻥ. ﺷﻪﻣﺴﯩﺪﯨﻦ ﺩﺍﻣﻮﻟﻼﻡ ﺗﻪﺟﻪﻟﯩﻴﻨﯩﯔ ﺗﻪﺭﺟﯩﻤﯩﺴﯩﺪﯨﻦ ﻛﯧﻴﯩﻦ، ﻗﯘﺭﺋﺎﻧﻨﯩﯔ ﺗﻪﭘﺴﯩﺮﯨﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﻣﻤﯩﺒﺎﺏ ﯞﻩ ﭼﯜﺷﯩﻨﯩﺸﻠﯩﻚ ﻗﯩﻠﯩﭗ ﺋﯩﺸﻠﻪﭖ ﭼﯩﻘﻘﺎﻥ. ﺑﯜﻳﯜﻙ ﺋﯩﻨﻘﯩﻼﺑﭽﻰ ﺳﺎﺑﯩﺖ ﺩﺍﻣﻮﻟﻼﻡ 1937 - ﻳﯩﻠﻰ ﺷﯩﯖﺸﯩﺴﻪﻳﻨﯩﯔ ﺗﯜﺭﻣﯩﺴﯩﺪﻩ، ﺋﯚﻣﺮﯨﻨﯩﯔ ﺋﺎﺧﯩﺮﯨﻐﯩﭽﻪ ﺋﯩﺸﻠﻪﭖ ﭼﯩﻘﻘﺎﻥ " ﺭﻭﺷﻪﻥ ﺑﺎﻳﺎﻥ - ﺗﯜﺭﻛﯩﻲ ﺗﻪﭘﺴﯩﺮﯗﻝ ﻗﯘﺭﺋﺎﻥ" ﺩﯦﮕﻪﻥ ﻧﺎﻣﺪﯨﻜﻰ ﺋﯘﻳﻐﯘﺭﭼﻪ ﺗﻪﭘﺴﯩﺮ ﻧﯩﯔ 30 - ﭘﺎﺭﯨﺴﻰ 1948 - ﻳﯩﻠﻰ ﻏﯘﻟﺠﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﯩﺘﻰ ﺗﻪﺭﯨﭙﯩﺪﯨﻦ ﺑﯧﺴﯩﭗ ﺗﺎﺭﻗﯩﺘﯩﻠﻐﺎﻥ. ﺑﯘ ﺗﻪﭘﺴﯩﺮﻧﯩﯔ ﻗﻮﻟﻴﺎﺯﻣﺎ ﻧﯘﺳﺨﯩﺴﯩﻨﻰ ﺳﺎﺑﯩﺖ ﺩﺍﻣﻮﻟﻼﻣﻨﯩﯔ ﻏﯘﻟﺠﯩﺪﯨﻜﻰ ﺋﻮﻏﻠﻰ ﺋﺎﺑﺪﯗﻟﻼ 1961 - ﻳﯩﻠﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯩﻠﻠﻪﺗﻠﻪﺭ ﺗﻪﺗﻘﯩﻘﺎﺕ ﺋﻮﺭﻧﯩﻐﺎ ﺗﺎﭘﺸﯘﺭﻏﺎﻥ ﺋﯩﻜﻪﻥ."

ﺋﺎﺑﺪﯗﺭﺍﻫﻤﺎﻥ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، 1955 - ﻳﯩﻠﻰ ﻣﯘﻫﻪﻣﻤﻪﺩ ﺯﯨﺮﯨﭗ ﻗﺎﺭﯨﻬﺎﺟﯩﻢ ﻏﯘﻟﺠﯩﺪﺍ "ﻗﯘﺭﺋﺎﻥ ﻛﻪﺭﯨﻢ ﺗﻪﭘﺴﯩﺮﻯ"ﻧﻰ ﺋﯘﻳﻐﯘﺭﭼﯩﻐﺎ ﺗﻪﺭﺟﯩﻤﻪ ﻗﯩﻠﯩﭗ ﭼﯩﻘﻘﺎﻥ. ﺯﯨﺮﯨﭗ ﻗﺎﺭﯨﻬﺎﺟﯩﻤﻨﯩﯔ 1926 - ﻳﯩﻠﻰ ﻗﻪﺷﻘﻪﺭﺩﻩ ﻳﯧﺰﯨﭗ ﭼﯩﻘﻘﺎﻥ ﻗﯘﺭﺋﺎﻥ ﻛﻪﺭﯨﻤﻨﯩﯔ "ﺋﻪﻣﻤﻪ ﭘﺎﺭﯨﺴﯩﻨﯩﯔ ﺗﻪﭘﺴﯩﺮﻯ"ﻧﺎﻣﻠﯩﻖ ﺋﻪﺳﯩﺮﻯ 1987 - ﻳﯩﻠﻰ ﻗﺎﺗﺎﺭﺩﺍ ﻓﺎﻛﺴﻤﯧﻞ ﻗﯩﻠﯩﭗ ﺑﯧﺴﯩﻠﻐﺎﻥ ﻧﯘﺳﺨﯩﺴﯩﻐﺎ ﺋﺎﺳﺎﺳﻪﻥ 2003 - ﻳﯩﻠﻰ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﺟﯩﺪﺩﻩ ﺷﻪﻫﯩﺮﯨﺪﻩ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﻨﯩﭗ ﻧﻪﺷﯩﺮ ﻗﯩﻠﯩﻨﻐﺎﻥ. ﻣﯘﻫﻪﻣﻤﻪﺩ ﺳﺎﻟﯩﻬ ﺩﺍﻣﻮﻟﻼﻡ ﺗﻪﺭﺟﯩﻤﻪ ﻗﯩﻠﯩﭗ، ﻣﯩﻠﻠﻪﺗﻠﻪﺭ ﻧﻪﺷﺮﯨﻴﺎﺗﻰ ﺗﻪﺭﯨﭙﯩﺪﯨﻦ ﺭﻩﺳﻤﻰ ﻧﻪﺷﯩﺮ ﻗﯩﻠﯩﻨﯩﭗ ﺗﺎﺭﻗﯩﺘﯩﻠﻐﺎﻥ " ﻗﯘﺭﺋﺎﻥ ﻛﻪﺭﯨﻢ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﻰ" ﺋﯩﺸﻪﻧﭽﻠﯩﻜﻠﯩﻜﻰ ﯞﻩ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺗﯩﻠﻰ ﺋﺎﻻﻫﯩﺪﯨﻠﯩﻜﻰ ﺑﻮﻳﯩﭽﻪ ﭼﯜﺷﯩﻨﯩﺸﻠﯩﻚ ﺋﯩﺸﻠﻪﻧﮕﻪﻧﻠﯩﻜﻰ ﺳﻪﯞﻩﺑﻠﯩﻚ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﯞﻩ ﭼﻪﺗﺌﻪﻟﻠﻪﺭﺩﯨﻤﯘ ﻧﺎﻡ ﭼﯩﻘﺎﺭﻏﺎﻥ.