ﻣﯩﻠﻠﯩﻲ ﺋﺎﺭﻣﯩﻴﻪ ﻗﯘﺭﯗﻟﻐﺎﻧﻠﯩﻘﯩﻐﺎ 63 ﻳﯩﻞ ﺗﻮﺷﺘﻰ

ﺟﯘﻣﻬﯘﺭﯨﻴﻪﺕ ﻫﯚﻛﯜﻣﯩﺘﯩﻨﯩﯔ ﻗﺎﺭﺍﺭﻯ ﺑﻮﻳﯩﭽﻪ 50 ﺗﯩﻦ ﺋﺎﺭﺗﯘﻕ ﭘﺎﺭﺗﯩﺰﺍﻥ ﺋﻪﺗﺮﻩﺗﻠﯩﺮﻯ ﺋﺎﺳﺎﺳﯩﺪﺍ ﻣﯘﻧﺘﯩﺰﯨﻢ ﻣﯩﻠﻠﯩﻲ ﺋﺎﺭﻣﯩﻴﻪ ﻗﯘﺭﯗﺵ ﻗﺎﺭﺍﺭ ﻗﯩﻠﯩﻨﺪﻯ ﻫﻪﻣﺪﻩ ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻫﻪﺭﺑﯩﻲ ﺋﯘﻧﯟﺍﻥ، ﻛﯩﻴﯩﻢ، ﭘﺎﮔﻮﻥ - ﻛﺎﻛﺎﺭ، ﺑﺎﻳﺮﺍﻕ ﯞﻩ ﺑﺎﺷﻘﺎ ﻫﻪﺭﺑﯩﻲ ﺗﻪﺭﻛﯩﺒﻠﯩﺮﻯ ﺑﻪﻟﮕﯩﻠﻪﻧﺪﻯ. ﺋﯩﻜﻜﻰ ﺋﺎﻳﻠﯩﻖ ﺗﻪﻳﻴﺎﺭﻟﯩﻖ ﺋﺎﺭﻗﯩﻠﯩﻖ ﻣﯩﻠﻠﯩﻲ ﺋﺎﺭﻣﯩﻴﻪ 1945 - ﻳﯩﻠﻰ 8 - ﺋﺎﭘﺮﯨﻞ ﻛﯜﻧﻰ ﺭﻩﺳﻤﯩﻲ ﻗﯘﺭﯗﻟﯘﭖ، ﻏﯘﻟﺠﯩﺪﯨﻜﻰ ﯞﺍﯓ ﻗﺎﺩﯨﺮ ﺑﯧﻐﯩﺪﺍ ﺑﺎﻳﺮﺍﻕ ﺗﺎﭘﺸﯘﺭﯗﯞﯦﻠﯩﺶ ﻣﯘﺭﺍﺳﯩﻤﻰ ﯞﻩ ﭘﺎﺭﺍﺕ ﺋﯚﺗﻜﯜﺯﯛﻟﺪﻯ. ﻣﯘﺭﺍﺳﯩﻤﻐﺎ ﺋﻪﻟﯩﺨﺎﻥ ﺗﯚﺭﻩ ﺑﺎﺷﻠﯩﻖ ﻫﯚﻛﯜﻣﻪﺕ ﺋﻪﺯﺍﻟﯩﺮﻯ، ﻫﻪﺭﺑﯩﻲ - ﻣﻪﻣﯘﺭﯨﻲ ﺭﻩﻫﺒﻪﺭﻟﻪﺭ ﺋﯩﺸﺘﯩﺮﺍﻙ ﻗﯩﻠﻐﺎﻥ ﺑﻮﻟﯘﭖ، ﺧﻪﻟﻘﻨﯩﯔ ﻗﺎﻳﻨﺎﻡ - ﺗﺎﺷﻘﯩﻨﻠﯩﻖ ﮔﯜﻟﺪﯛﺭﺍﺱ - ﺋﺎﻟﻘﯩﺶ ﺳﺎﺩﺍﻟﯩﺮﻯ ﺋﯩﭽﯩﺪﻩ ﻫﻪﺭ ﻗﺎﻳﺴﻰ ﻗﯩﺴﯩﻤﻼﺭﻏﺎ ﺑﺎﻳﺮﺍﻕ ﺗﺎﭘﺸﯘﺭﯗﻟﺪﻯ ﻫﻪﻣﺪﻩ ﺋﻪﻟﯩﺨﺎﻥ ﺗﯚﺭﻩ ﺳﯚﺯ ﻗﯩﻠﯩﭗ، ﺑﯘ ﺟﻪﯕﮕﯩﯟﺍﺭ ﻗﻮﺷﯘﻧﻐﺎ ﻏﺎﻟﯩﺒﯩﻴﻪﺕ ﺗﯩﻠﯩﺪﻯ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺗﯜﺯﯛﻟﯜﺷﻰ
ﻣﯩﻠﻠﯩﻲ ﺋﺎﺭﻣﯩﻴﻪ ﻛﺎﭘﯩﺘﺎﻧﻰ، ﻫﺎﺯﯨﺮ ﺋﺎﻟﻤﯘﺗﯩﺪﺍ ﻳﺎﺷﺎﯞﺍﺗﻘﺎﻥ ﻳﺎﺯﻏﯘﭼﻰ ﻣﻪﺳﯜﻣﺠﺎﻥ ﺯﯗﻟﭙﯩﻘﺎﺭﻭﻓﻨﯩﯔ ﺋﻪﺳﻠﯩﺸﯩﭽﻪ، ﻣﯩﻠﻠﻰ ﺋﺎﺭﻣﯩﻴﻪ ﺭﻩﺳﻤﯩﻲ ﻗﯘﺭﯗﻟﻐﺎﻧﺪﺍ ﺋﯩﯟﺍﻥ ﭘﺎﻟﯩﻨﻮﻑ ﺑﺎﺵ ﻗﻮﻣﺎﻧﺪﺍﻧﻠﯩﻘﻘﺎ، ﺋﯩﺴﻬﺎﻗﺒﻪﮒ ﻣﯘﻧﯘﻧﻮﻑ، ﺯﯗﻧﯘﻥ ﺗﯧﻴﯩﭙﻮﻑ ﻣﯘﺋﺎﯞﯨﻦ ﻗﻮﻣﺎﻧﺪﺍﻧﻠﯩﻘﻘﺎ، ﻣﺎﺟﺎﺭﻭﻑ ﺑﺎﺵ ﺷﯩﺘﺎﺏ ﺑﺎﺷﻠﯩﻘﻠﯩﻘﯩﻐﺎ ﺗﻪﻳﯩﻨﻠﻪﻧﺪﻯ.
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﻪﯓ ﺋﺎﻟﯩﻲ ﻫﻪﺭﺑﯩﻲ ﺋﯘﻧﯟﺍﻧﻰ - ﻣﺎﺭﺷﺎﻝ ﺑﻮﻟﯘﭖ، ﺑﯘ ﺟﯘﻣﻬﯘﺭ ﺭﻩﺋﯩﺲ ﺋﻪﻟﯩﺨﺎﻥ ﺗﯚﺭﯨﮕﻪ ﺑﯧﺮﯨﻠﮕﻪﻥ. ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻛﯧﻴﯩﻨﻜﻰ ﺑﺎﺵ ﻗﻮﻣﺎﻧﺪﺍﻧﻰ ﺋﯩﺴﻬﺎﻗﺒﻪﮒ ﻣﯘﻧﻮﻧﻮﻓﻘﺎ ﮔﯧﻨﯧﺮﺍﻝ ﻟﯧﻴﺘﯧﻨﺎﻧﺘﻠﯩﻖ ﺋﯘﻧﯟﺍﻧﻰ، ﺋﯩﯟﺍﻥ ﭘﺎﻟﯩﻨﻮﻑ، ﻣﺎﺟﺎﺭﻭﻑ ﻫﻪﻡ ﺩﻩﻟﯩﻠﻘﺎﻥ ﺳﯘﮔﯘﺭﺑﺎﻳﯧﻔﻘﺎ ﮔﯧﻨﯧﺮﺍﻝ ﻣﺎﻳﻮﺭﻟﯘﻕ ﺋﯘﻧﯟﺍﻧﻠﯩﺮﻯ ﺑﯧﺮﯨﻠﺪﻯ. ﻣﯩﻠﻠﯩﻲ ﺋﺎﺭﻣﯩﻴﻪ ﺩﻩﺳﻠﻪﭘﺘﻪ ﻗﯘﺭﯗﻟﻐﺎﻧﺪﺍ ﻳﻪﺗﺘﻪ ﭘﻮﻟﻚ , ﺗﯚﺕ ﻣﯘﺳﺘﻪﻗﯩﻞ ﺩﯨﯟﯨﺰﯨﻴﻮﻥ ﯞﻩ ﺑﯩﺮ ﻣﯘﺳﺘﻪﻗﯩﻞ ﺭﻭﺗﯩﺪﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺑﯚﺭﯨﺘﺎﻻ ﻣﻮﯕﻐﯘﻝ ﺋﺎﺗﻠﯩﻖ ﺩﯨﯟﯨﺰﯨﻴﻮﻧﻰ، ﺗﯘﯕﮕﺎﻥ ﺋﺎﺗﻠﯩﻖ ﺩﯨﯟﯨﺰﯨﻴﻮﻧﻰ ﯞﻩ ﺷﯩﯟﻩ ﺋﺎﺗﻠﯩﻖ ﺭﻭﺗﯩﺴﻰ ﻣﯩﻠﻠﯩﻲ ﺗﻪﺭﻛﯩﺒﻰ ﺋﺎﻳﺮﯨﻢ ﺑﻮﻟﻐﺎﻥ ﺋﯜﭺ ﻗﻮﺷﯘﻥ ﺋﯩﺪﻯ. ﻗﺎﻟﻐﺎﻧﻼﺭﻧﯩﯔ ﻫﻪﻣﻤﯩﺴﯩﺪﻩ ﺋﯘﻳﻐﯘﺭ، ﻗﺎﺯﺍﻕ ﯞﻩ ﺑﺎﺷﻘﺎ ﻣﯩﻠﻠﻪﺗﻠﻪﺭ ﺋﺎﺭﯨﻼﺵ ﺑﻮﻟﻐﺎﻥ.
ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﺋﯩﻠﮕﯩﺮﻯ - ﻛﯧﻴﯩﻦ 25 ﺋﺎﺩﻩﻣﮕﻪ ﭘﻮﻟﻜﻮﯞﻧﯩﻜﻠﯩﻖ، 50 ﺋﺎﺩﻩﻣﮕﻪ ﭘﻮﺩﭘﻮﻟﻜﻮﯞﻧﯩﻜﻠﯩﻖ ﯞﻩ 60 ﺗﯩﻦ ﺋﺎﺭﺗﯘﻕ ﺋﺎﺩﻩﻣﮕﻪ ﻣﺎﻳﻮﺭﻟﯘﻕ ﺋﯘﻧﯟﺍﻧﻠﯩﺮﻯ ﺑﯧﺮﯨﻠﮕﻪﻥ . ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﺋﻮﺗﺘﯘﺭﺍ ﺗﯚﯞﻩﻥ ﺩﻩﺭﯨﺠﯩﻠﯩﻚ ﺋﯘﻧﯟﺍﻧﻠﯩﻖ ﺋﻮﻓﯩﺘﺴﯧﺮﻻﺭﻣﯘ ﺧﯧﻠﻰ ﻛﯚﭖ ﺑﻮﻟﻐﺎﻥ.
ﻣﯩﻠﻠﯩﻲ ﺋﺎﺭﻣﯩﻴﻪ ﺑﺎﺗﯘﺭ ﺋﺎﺭﻣﯩﻴﻪ ﺋﯩﺪﻯ
ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺋﺎﺩﻩﻡ ﺳﺎﻧﻰ ﺩﻩﺳﻠﻪﭘﺘﻪ ﻗﯘﺭﯗﻟﻐﺎﻧﺪﺍ 14 ﻣﯩﯔ ﺋﻪﺗﺮﺍﭘﯩﺪﺍ ﺑﻮﻟﺴﺎ، ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻱ ﻫﻪ ﺑﺎﺷﻘﺎ ﺟﺎﻳﻼﺭﻧﯩﯔ ﺋﺎﺯﺍﺩ ﻗﯩﻠﯩﻨﯩﺸﯩﻐﺎ ﺋﻪﮔﯩﺸﯩﭗ، ﺋﺎﺩﻩﻡ ﺳﺎﻧﻰ ﻛﯚﭘﯩﻴﯩﭗ 40 ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻥ. ﻣﯩﻠﻠﯩﻲ ﺋﺎﺭﻣﯩﻴﻪ ﺋﯩﻠﮕﯩﺮﻯ ﻛﯧﻴﯩﻦ ﺟﯩﯔ، ﺷﯩﺨﻮ، ﻫﻪﺭﻩﻣﺒﺎﻍ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﭼﻮﯓ ﺟﻪﯕﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺗﻮﻗﻘﯘﺯ ﻗﯧﺘﯩﻢ ﭼﻮﯓ ﺟﻪﯓ، 36 ﻗﯧﺘﯩﻢ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﺟﻪﯓ ﻫﻪﻡ 350 ﻗﯧﺘﯩﻤﺪﯨﻦ ﻛﯚﭖ ﻛﯩﭽﯩﻚ ﻛﯚﻟﻪﻣﺪﯨﻜﻰ ﺟﻪﯕﻠﻪﺭﻧﻰ ﻗﯩﻠﻐﺎﻥ ﺑﻮﻟﯘﭖ، 20 ﻣﯩﯖﺪﯨﻦ ﺋﺎﺭﺗﯘﻕ ﺩﯛﺷﻤﻪﻧﻨﻰ ﻳﻮﻗﺎﺗﻘﺎﻥ، ﺑﻪﺵ ﻣﯩﯔ ﺋﻪﺗﺮﺍﭘﯩﺪﺍ ﺩﯛﺷﻤﻪﻧﻨﻰ ﺋﻪﺳﯩﺮﮔﻪ ﭼﯜﺷﯜﺭﮔﻪﻥ ﺷﯘﻧﯩﯖﺪﻩﻙ ﻧﯘﺭﻏﯘﻥ ﻗﻮﺭﺍﻝ - ﻳﺎﺭﺍﻕ، ﺋﻮﻕ - ﺩﻭﺭﺍ، ﻣﺎﺷﯩﻨﺎ،ﺋﺎﻳﺮﻭﭘﯩﻼﻥ ﻗﺎﺗﺎﺭﻟﯩﻖ ﻫﻪﺭﺑﯩﻲ ﺋﻪﺷﻴﺎﻻﺭﻧﻰ ﺋﻮﻟﺠﺎ ﺋﺎﻟﻐﺎﻥ.
ﻣﯩﻠﻠﯩﻲ ﺋﺎﺭﻣﯩﻴﻪ ﮔﻮﻣﯩﻨﺪﺍﯓ ﺋﺎﺭﻣﯩﻴﯩﺴﯩﻨﯩﯔ ﺗﻪﯕﺮﻯ ﺗﺎﻏﻠﯩﺮﯨﻨﯩﯔ ﺷﯩﻤﺎﻟﯩﻐﺎ ﺋﻮﺭﯗﻧﻼﺷﻘﺎﻥ ﺕ 40 ﻣﯩﯖﺪﯨﻦ ﺋﺎﺭﺗﯘﻕ ﻗﻮﺷﯘﻧﯩﻨﻰ ﺗﺎﺭﻣﺎﺭ ﻗﯩﻠﻐﺎﻥ ﺷﯘﻧﯩﯖﺪﻩﻙ ﺟﻪﻧﯘﭖ ﺗﻪﺭﻩﭘﻜﻪ ﻛﯧﯖﯩﻴﯩﭗ، ﺋﺎﻗﺴﯘ، ﻗﻪﺷﻘﻪﺭ ﯞﻩ ﻳﻪﺭﻛﻪﻥ ﺋﻪﺗﺮﺍﭘﻠﯩﺮﯨﺪﯨﻤﯘ ﺟﻪﯓ ﻗﯩﻠﯩﭗ، ﺋﯘ ﺟﺎﻳﺪﯨﻜﻰ ﮔﻮﻣﯩﻨﺪﺍﯓ ﻗﻮﺷﯘﻧﻠﯩﺮﯨﻐﯩﻤﯘ ﺯﻩﺭﺑﻪ ﺑﯧﺮﯨﭗ، ﺋﯘﻧﻰ ﺷﯩﻤﺎﻟﻐﺎ ﻳﺎﺭﺩﻩﻡ ﻗﯩﻼﻟﻤﺎﺱ ﻫﺎﻟﻪﺗﻜﻪ ﭼﯜﺷﯜﺭﯛﭖ ﻗﻮﻳﻐﺎﻥ ﺋﯩﺪﻯ.
ﻣﯩﻠﻠﯩﻲ ﺋﺎﺯﺍﺩﻟﯩﻖ ﺋﯩﻨﻘﯩﻼﺏ ﺩﻩﯞﺭﯨﺪﻩ ﻏﻪﻧﻰ ﺑﺎﺗﯘﺭ، ﻓﺎﺗﯩﺦ ﺑﺎﺗﯘﺭ، ﺋﻪﻛﺒﻪﺭ ﺑﺎﺗﯘﺭ، ﺭﯨﺰﯞﺍﻧﮕﯜﻝ، ﺯﯨﺨﺮﯗﻟﻼﻡ ﻗﺎﺗﺎﺭﻟﯩﻖ ﻛﯚﭘﻠﯩﮕﻪﻥ ﻗﻪﻫﺮﯨﻤﺎﻥ ﺷﻪﺧﺴﻠﻪﺭ ﻣﻪﻳﺪﺍﻧﻐﺎ ﻛﻪﻟﮕﻪﻥ. ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺕ ﻫﯚﻛﯜﻣﯩﺘﻰ ﺋﯩﺴﺘﯩﻘﻼﻟﯩﻴﻪﺕ، ﺑﺎﻫﺎﺩﯨﺮﻟﯩﻖ ﯞﻩ ﭘﯩﺪﺍﺋﯩﻲ ﻗﺎﺗﺎﺭﻟﯩﻖ ﺋﻮﺭﺩﻩﻥ - ﻣﯧﺪﺍﻟﻼﺭﻧﻰ ﺗﻪﺳﯩﺲ ﻗﯩﻠﯩﭗ، ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﻫﻪﺭﺑﯩﻲ - ﻣﻪﻣﯘﺭﯨﻲ ﺧﺎﺩﯨﻤﻼﺭﻧﻰ ﺗﻪﻗﺪﯨﺮﻟﯩﮕﻪﻥ. ﻏﻪﻧﻰ ﺑﺎﺗﯘﺭ(ﺋﯘﻳﻐﯘﺭ)، ﻓﺎﺗﯩﺦ ﺑﺎﺗﯘﺭ(ﺗﺎﺗﺎﺭ)، ﺋﻪﻛﺒﻪﺭ ﺑﺎﺗﯘﺭ (ﻗﺎﺯﺍﻕ) ﻗﺎﺗﺎﺭﻟﯩﻘﻼﺭﻏﺎ ﺋﻪﯓ ﺋﺎﻟﯩﻲ "ﺧﻪﻟﻖ ﻗﻪﻫﺮﯨﻤﺎﻧﻰ" ﻧﺎﻣﻰ ﺑﯧﺮﯨﻠﮕﻪﻥ.
ﺋﺎﺧﯩﺮﻗﻰ ﺗﻪﻗﺪﯨﺮ
ﻣﯩﻠﻠﯩﻲ ﺋﺎﺭﻣﯩﻴﻪ ﻏﻪﻟﯩﺒﯩﺴﯧﺮﻯ ﺋﯩﻠﮕﯩﺮﯨﻠﻪﭖ، ﺋﻮﺗﺘﯘﺭﺍ ﯞﻩ ﺷﯩﻤﺎﻟﯩﻲ ﻳﯚﻧﯩﻠﯩﺸﻠﻪﺭﺩﻩ ﺟﯩﯔ، ﺷﯩﺨﻮ، ﭼﯚﭼﻪﻙ ﯞﻩ ﺋﺎﻟﺘﺎﻳﻼﺭﻧﻰ ﺋﺎﺯﺍﺩ ﻗﯩﻠﯩﭗ، ﺋﯜﺭﯛﻣﭽﯩﮕﻪ ﻗﯩﺴﺘﺎﭖ ﻛﻪﻟﮕﻪﻥ ﭘﻪﻳﺘﺘﻪ ﺳﺘﺎﻟﯩﻦ ﺋﺎﺭﯨﻠﯩﺸﯩﭗ، ﻣﯩﻠﻠﯩﻲ ﺋﺎﺭﻣﯩﻴﯩﻨﻰ ﻣﺎﻧﺎﺱ ﺩﻩﺭﻳﺎﺳﻰ ﺑﻮﻳﯩﺪﺍ ﺗﻮﺧﺘﯩﺘﯩﭗ ﻗﻮﻳﻐﺎﻥ. ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻳﺎﺭﺩﯨﻤﯩﮕﻪ ﺋﯧﺮﯨﺸﻜﻪﻥ ﺑﯘ ﻳﺎﺵ ﺟﯘﻣﻬﯘﺭﯨﻴﻪﺕ ﺋﯘﻧﯩﯔ ﺑﯘﻳﺮﯗﻗﯩﻨﻰ ﺋﺎﯕﻼﺷﻘﺎ ﻣﻪﺟﺒﯘﺭ ﺑﻮﻟﺪﻯ. ﺋﻪﻣﻤﺎ، ﺋﯚﺯﻟﯩﺮﯨﻨﯩﯔ ﺗﻮﺧﺘﯩﺘﯩﭗ ﻗﻮﻳﯘﻟﻐﺎﻧﻠﯩﻘﯩﺪﯨﻦ ﻧﺎﺭﺍﺯﻯ ﺑﻮﻟﻐﺎﻥ ﻣﯩﻠﻠﯩﻲ ﺋﺎﺭﻣﯩﻴﻪ ﺟﻪﯕﭽﻰ - ﺋﻮﻓﯩﺘﺴﯧﺮﻟﯩﺮﻯ ﻗﺎﺗﺘﯩﻖ ﻏﻪﺯﻩﭘﻠﻪﻧﺪﻯ ﻫﻪﺗﺘﺎ ﺑﻪﺯﯨﻠﯩﺮﯨﻨﻰ ﺋﯚﺯﻟﯩﺮﻯ ﺋﯧﺘﯩﯟﺍﻟﺪﻯ.
ﺋﻪﻣﻤﺎ، ﻣﯩﻠﻠﯩﻲ ﺋﺎﺭﻣﯩﻴﻪ "ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﻣﯘﺳﺘﻪﻗﯩﻠﻠﯩﻘﻰ ﺋﯜﭼﯜﻥ ﺋﺎﻟﻐﺎ" ﺩﯦﮕﻪﻥ ﺧﻪﺗﻠﻪﺭ ﻳﯧﺰﯨﻠﻐﺎﻥ ﻫﻪﺭﺑﯩﻲ ﺑﺎﻳﺮﺍﻗﻨﻰ ﺗﺎﻛﻰ 1949 - ﻳﯩﻠﻰ 10 - ﺋﺎﻳﻐﯩﭽﻪ ﻛﯚﺗﯜﺭﺩﻯ. ﻫﻪﺭ ﻣﯩﻠﻠﻪﺕ ﺋﻮﻏﯘﻝ - ﻗﯩﺰﻟﯩﺮﯨﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﻣﻪﺯﻛﯘﺭ ﺑﺎﺗﯘﺭ ﺋﺎﺭﻣﯩﻴﻪ 1950 - ﻳﯩﻠﻰ ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 5 - ﻛﻮﺭﭘﯘﺳﻰ ﻗﯩﻠﯩﭗ ﺋﯚﺯﮔﻪﺭﺗﯩﻠﯩﭗ، 13 - ﯞﻩ 14 - ﺩﯨﯟﯨﺰﯨﻴﯩﮕﻪ ﺋﺎﻳﺮﯨﻠﯩﭗ، ﺋﯘﺯﯗﻥ ﺋﯚﺗﻤﻪﻳﻼ ﭘﯜﺗﯜﻧﻠﻪﻱ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﺪﻯ.

ﻫﯩﻼﺭﯨﻲ ﻛﻠﯩﻨﺘﻮﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﺩﻯ

2008.04.07
ﺑﯘ ﻳﯩﻠﻠﯩﻖ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻠﯩﻖ ﻧﺎﻣﺰﺍﺗﻰ ﻫﯩﻼﺭﯨﻲ ﻛﻠﯩﻨﺘﻮﻥ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﻰ 2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎﻥ ﭼﺎﻗﯩﺮﺩﻯ.
ABC ﺗﯧﻠﯧﯟﯨﺰﯨﻴﯩﺴﯩﻨﯩﯔ ﺧﻪﯞﻩﺭﻟﻪﺭ ﺗﻮﺭﯨﺪﺍ ﻧﻪﻗﯩﻞ ﻗﯩﻠﯩﻨﯩﺸﭽﻪ، ﻛﻠﯩﻨﺘﻮﻥ ﺧﺎﻧﯩﻢ ﺋﯚﺯﯨﻨﯩﯔ ﻣﻪﺯﻛﯘﺭ ﭼﺎﻗﯩﺮﯨﻘﯩﻨﯩﯔ ﺧﯩﺘﺎﻳﻨﯩﯔ ﻳﯧﻘﯩﻨﺪﺍ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﻧﺎﻣﺎﻳﯩﺸﻨﻰ ﺯﻭﺭﺍﯞﺍﻧﻠﯩﻖ ﺑﯩﻠﻪﻥ ﺑﺎﺳﺘﯘﺭﻏﺎﻧﻠﯩﻘﯩﻨﻰ ﯞﻩ ﺧﯩﺘﺎﻳﻨﯩﯔ ﺩﺍﺭﻓﯘﺭ ﻣﻪﺳﯩﻠﯩﺪﯨﻜﻰ ﻗﯘﻻﻕ ﻳﻮﭘﯘﺭﯨﯟﯦﻠﯩﺶ ﭘﻮﺯﯨﺘﯩﺴﯩﻴﯩﺴﻰ ﺗﯜﭘﻪﻳﻠﻰ ﻣﻪﻳﺪﺍﻧﻐﺎ ﻛﻪﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﯘﭖ، ﺋﯘ ﻣﯘﻧﺪﺍﻕ ﺩﯦﮕﻪﻥ: " ﻣﯘﺷﯘ ﺋﻪﻫﯟﺍﻟﻼﺭ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯩﻴﺎﺳﺘﯩﺪﯨﻜﻰ ﺧﺎﺗﺎﻟﯩﻘﻼﺭﻧﻰ ﻳﻮﺭﯗﺗﯘﭖ ﺑﯧﺮﯨﺪﯗ. ﺑﯘ ﭘﻪﻳﺘﻠﻪﺭﺩﻩ ﯞﻩ ﻳﯧﻘﯩﻨﺪﺍ ﺳﺎﺩﯨﺮ ﺑﻮﻟﻐﺎﻥ ﺑﯩﺮ ﻗﺎﺗﺎﺭ ﯞﻩﻗﻪﻟﻪﺭﮔﻪ ﺋﺎﺳﺎﺳﻪﻥ، ﭘﺮﯦﺰﯨﺪﯦﻨﺖ ﺑﯘﺵ ﺑﯧﻴﺠﯩﯖﺪﺍ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﺳﻠﯩﻘﻰ ﻛﯧﺮﻩﻙ."
ﻫﯩﻼﺭﯨﻲ ﻛﻠﯩﻨﺘﻮﻥ ﺋﺎﻣﯧﺮﯨﻜﺎ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ ﺋﻪﺯﺍﺳﻰ ﯞﻩ ﻣﻪﺯﻛﯘﺭ ﭘﺎﺭﺗﯩﻴﯩﺪﯨﻦ ﭘﺮﯦﺰﯨﺪﯦﻨﺘﻠﯩﻖ ﺳﺎﻳﻠﯩﻤﻰ ﺭﯨﻘﺎﺑﯩﺘﯩﮕﻪ ﭼﯜﺷﻜﻪﻥ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ ﺑﻮﻟﯘﭖ، ﺋﯘ ﺑﯘ ﻳﯩﻠﻠﯩﻖ ﭘﺮﯦﺰﯨﺪﯦﻨﺖ ﻛﺎﻧﺪﯨﺪﺍﺗﻠﯩﺮﻯ ﺋﯩﭽﯩﺪﻩ ﭘﺮﯦﺰﯨﺪﯦﻨﺖ ﺑﯘﺷﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﯨﻐﺎﻥ ﺗﯘﻧﺠﻰ ﻛﺎﻧﺪﯨﺪﺍﺕ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.
ﺋﺎﻟﺪﯨﻨﻘﻰ ﻫﻪﭘﺘﻪ ﺋﺎﻣﯧﺮﯨﻜﺎ ﺋﺎﯞﺍﻡ ﭘﺎﻻﺕ ﺭﻩﺋﯩﺴﻰ ﻧﻪﻧﺴﯩﻲ ﭘﯧﻠﻮﺳﻰ ﺧﺎﻧﯩﻤﻤﯘ ﭘﺮﯦﺰﯨﺪﯦﻨﺖ ﺑﯘﺷﻨﻰ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﺑﺎﻳﻘﯘﺕ ﻗﯩﻠﯩﺶ ﻣﻪﺳﯩﻠﯩﺴﯩﻨﻰ ﺋﻮﻳﻠﯩﺸﯩﭗ ﻛﯚﺭﯛﺷﻜﻪ ﭼﺎﻗﯩﺮﻏﺎﻥ ﻫﻪﻣﺪﻩ ﺧﯩﺘﺎﻳﺪﻩﻙ ﺑﯩﺮ ﻛﻮﻣﻤﯘﻧﯩﺴﺖ ﺩﯨﻜﺘﺎﺗﻮﺭ ﺩﯙﻟﻪﺗﻨﯩﯔ ﺋﻮﻟﯩﻤﭙﯩﻜﻜﻪ ﺳﺎﻫﯩﺒﺨﺎﻧﻠﯩﻖ ﺷﻪﺭﯨﭙﯩﮕﻪ ﺋﯧﺮﯨﺸﯩﭗ ﻗﺎﻟﻐﺎﻧﻠﯩﻘﯩﺪﯨﻦ ﺋﯚﻛﯜﻧﯜﺵ ﻫﯧﺲ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

23 - ﻣﺎﺭﺕ ﺧﻮﺗﻪﻥ ﺋﺎﻳﺎﻟﻼﺭ ﻧﺎﻣﺎﻳﯩﺸﻰ: ﺩﯗﻧﻴﺎ ﻣﻪﺗﺒﯘﺋﺎﺗﻠﯩﺮﯨﺪﺍ‏

ﺗﯜﻧﯜﮔﯜﻥ ﺳﻪﻳﺸﻪﻧﺒﻪ ﻛﯜﻧﻰ ﺧﻮﺗﻪﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻤﯘ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﻩ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﯞﻩﻗﻪﻧﻰ ﺋﯧﺘﯩﺮﺍﭖ ﻗﯩﻠﺪﻯ. ﺋﯘﻻﺭ ﯞﻩﻗﻪﻧﻰ ﺋﺎﺯ ﺳﺎﻧﺪﯨﻜﻰ ﺋﯜﭺ ﺧﯩﻞ ﻛﯜﭼﻠﻪﺭﻧﯩﯔ ﻗﯘﺗﺮﺍﺗﻘﯘﻟﯘﻗﻰ ﺑﯩﻠﻪﻥ ﻛﯧﻠﯩﭗ ﭼﯩﻘﻘﺎﻥ ﺗﻮﭘﯩﻼﯓ ﭘﻪﻳﺪﺍ ﻗﯩﻠﯩﺸﻘﺎ ﺋﯘﺭﯗﻧﯘﺵ ﯞﻩﻗﻪﺳﻰ ﺩﻩﭖ ﺑﯩﻠﺪﯛﺭﮔﻪﻥ. ﺑﯜﮔﯜﻥ ﺩﯗﻧﻴﺎﺩﯨﻜﻰ ﻛﯚﭖ ﺳﺎﻧﺪﯨﻜﻰ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺧﻮﺗﻪﻥ ﻧﺎﻣﺎﻳﯩﺸﯩﻨﻰ ﺧﻪﯞﻩﺭ ﻗﯩﻠﺪﻯ ﯞﻩ ﺋﯘﻳﻐﯘﺭ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﺗﻮﺧﺘﺎﻟﺪﻯ.
" ﺋﯘﻳﻐﯘﺭﻻﺭ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﯩﺪﯗ، ﺧﻪﻧﺰﯗﻻﺭﻧﯩﯔ ﭼﯩﻘﯩﭗ ﻛﯧﺘﯩﺸﯩﻨﻰ ﺧﺎﻻﻳﺪﯗ"
ﻧﺎﻣﺎﻳﯩﺸﻨﻰ ﺧﻪﯞﻩﺭ ﻗﯩﻠﻐﺎﻥ ﻧﻴﯘ ﻳﻮﺭﻙ ﯞﺍﻗﺘﻰ ﮔﯧﺰﯨﺘﻰ ﺧﻮﺗﻪﻧﺪﯨﻜﻰ ﯞﻩﻗﻪﻧﯩﯔ ﻗﻮﺯﻏﯩﻠﯩﺶ ﺳﻪﯞﻩﺑﯩﻨﻰ ﺋﺎﻳﺎﻟﻼﺭﻧﯩﯔ ﺑﯧﺸﯩﻐﺎ ﺭﻭﻣﺎﻝ ﺋﺎﺭﺗﯩﺸﯩﻨﯩﯔ ﭼﻪﻛﻠﯩﻨﯩﺸﻰ ﺩﻩﭖ ﺑﺎﻳﺎﻥ ﻗﯩﻠﻐﺎﻥ ﺑﻮﻟﺴﺎ، ﻣﻪﺳﯩﻠﯩﻨﯩﯔ ﻳﯩﻠﺘﯩﺰﯨﻨﻰ ﺋﯘﺯﯗﻧﺪﯨﻦ ﺑﯧﺮﻯ ﺩﺍﯞﺍﻡ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﻳﻪﺭﻟﯩﻚ ﺧﻪﻟﻘﻨﯩﯔ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﮕﻪ ﺑﻮﻟﻐﺎﻥ ﺋﯚﭼﻤﻪﻧﻠﯩﻜﻰ ﺩﻩﭖ ﻛﯚﺭﺳﻪﺗﻜﻪﻥ.
ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﻨﯩﯔ ﻣﯘﺧﺒﯩﺮﻯ، ﺧﻮﺗﻪﻥ ﺷﻪﻫﯩﺮﯨﺪﯨﻜﻰ ﯞﺍﯓ ﮔﻮﻟﻴﺎﯓ ﺋﯩﺴﯩﻤﻠﯩﻚ ﺑﯩﺮ ﺗﯩﺠﺎﺭﻩﺗﭽﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ، ﺋﯘ ﺋﯘﻳﻐﯘﺭﻻﺭ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﯩﺪﯗ، ﺋﯘﻻﺭ ﺧﻪﻧﺰﯗﻻﺭﻧﻰ ﻳﺎﺧﺸﻰ ﻛﯚﺭﻣﻪﻳﺪﯗ، ﺧﻪﻧﺰﯗﻻﺭﻧﯩﯔ ﭼﯩﻘﯩﭗ ﻛﯧﺘﯩﺸﯩﻨﻰ ﺧﺎﻻﻳﺪﯗ" ﺩﯦﮕﻪﻥ ﻫﻪﻡ ﺧﻮﺗﻪﻧﺪﯨﻜﻰ ﭘﺎﺭﺗﯩﻴﻪ ‏- ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﻨﯩﯔ ﻛﺎﺩﯨﺮﻟﯩﺮﯨﻨﯩﯔ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺧﻪﻧﺰﯗﻻﺭ ﺋﯩﻜﻪﻧﻠﯩﻜﯩﻨﻰ ﺋﯘﻳﻐﯘﺭﻻﺭﻧﯩﯔ ﭘﻪﻗﻪﺕ ﺋﺎﺳﺎﺳﻰ ﻗﺎﺗﻼﻡ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﯨﺪﯨﻼ ﺋﯩﺸﻠﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
ﻣﯘﺧﺒﯩﺮ ﻳﻪﻧﻪ، ﺧﻮﺗﻪﻥ ﺷﻪﻫﯩﺮﯨﺪﯨﻜﻰ ﺑﯩﺮ ﺑﺎﻧﻜﺎ ﺧﯩﺰﻣﻪﺗﭽﯩﺴﯩﻨﻰ ﺯﯨﻴﺎﺭﻩﺕ ﻗﯩﻠﻐﯩﻨﯩﺪﺍ، ﭼﯧﻦ ﭘﻪﻣﯩﻠﯩﻠﯩﻚ ﺑﯘ ﺧﯩﺘﺎﻱ ﭘﯘﻗﺮﺍﺳﻰ ﺧﻮﺗﻪﻧﺪﻩ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﯩﻨﯩﯔ ﻳﯧﯖﻰ ﺑﯩﺮ ﻫﻪﺭﯨﻜﻪﺕ ﺋﻪﻣﻪﺳﻠﯩﻜﯩﻨﻰ، ﺋﯘﺯﯗﻧﺪﯨﻦ ﺑﯧﺮﻯ ﻧﺎﺭﺍﺯﯨﻠﯩﻖ ﺳﺎﻗﻼﻧﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.
" ﻫﯚﻛﯜﻣﻪﺕ ﯞﻩ ﺗﯩﺠﺎﺭﻩﺕ ﺋﻮﺭﯗﻧﻠﯩﺮﯨﻨﻰ ﺋﺎﺳﺎﺳﻪﻥ ﺩﯦﮕﯜﺩﻩﻙ ﺧﯩﺘﺎﻳﻼﺭ ﺋﯩﮕﯩﻠﯩﯟﺍﻟﻐﺎﻥ "
ﻧﺎﻣﺎﻳﯩﺸﻨﻰ ﺧﻪﯞﻩﺭ ﻗﯩﻠﻐﺎﻥ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻖ، ﻧﺎﻣﺎﻳﯩﺸﺘﺎ ﺋﺎﺳﺎﺳﻠﯩﻘﻰ ﻫﯚﻛﯜﻣﻪﺗﻨﯩﯔ ﺭﻭﻣﺎﻝ ﺋﺎﺭﺗﯩﺸﻘﺎ ﭼﻪﻛﻠﯩﻤﻪ ﻗﻮﻳﯘﺷﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﻟﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﺧﯩﺘﺎﻳﻨﯩﯔ ﯞﻩﻗﻪﻧﻰ ﺋﺎﺯ ﺳﺎﻧﺪﯨﻜﻰ ﺗﯧﺮﺭﻭﺭﭼﯩﻼﺭ، ﺑﯚﻟﮕﯜﻧﭽﯩﻠﻪﺭ، ﺩﯨﻨﯩﻲ ﺭﺍﺩﯨﻜﺎﻟﻼﺭ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺩﯦﮕﻪﻥ ﺋﻪﻳﯩﺒﻠﯩﻤﯩﺴﯩﻨﻰ ﺋﯩﺸﻪﻧﭽﻠﯩﻚ ﺋﻪﻣﻪﺱ ﺩﻩﭖ ﻗﺎﺭﯨﻐﺎﻥ، ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻖ ﻣﻪﺳﯩﻠﯩﻨﯩﯔ ﺋﺎﺳﺎﺳﯩﻲ ﻳﯩﻠﺘﯩﺰﯨﻨﯩﯔ ﺧﯩﺘﺎﻳﻨﯩﯔ ﻛﯚﭼﻤﻪﻥ ﺳﯩﻴﺎﺳﯩﺘﻰ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ.
ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ ﻳﻪﻧﻪ ﻣﯘﻧﯘﻻﺭ ﺑﺎﻳﺎﻥ ﻗﯩﻠﻐﺎﻥ: " ﺷﯩﻨﺠﺎﯓ ﺑﯩﺮ ﻣﯘﺳﯘﻟﻤﺎﻧﻼﺭ ﺭﺍﻳﻮﻧﻰ، ﻳﻪﺭﻟﯩﻚ ﺧﻪﻟﻖ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻦ ﺧﯩﺘﺎﻳﻼﺭﺩﯨﻦ ﺗﺎﻣﺎﻣﻪﻥ ﭘﻪﺭﻗﻠﯩﻨﯩﺪﯗ. ﻧﯚﯞﻩﺗﺘﻪ، ﺷﯩﻨﺠﺎﯕﻨﯩﯔ ﻫﯚﻛﯜﻣﻪﺕ ﯞﻩ ﺗﯩﺠﺎﺭﻩﺕ ﺋﻮﺭﯗﻧﻠﯩﺮﯨﻨﻰ ﺋﺎﺳﺎﺳﻪﻥ ﺩﯦﮕﯜﺩﻩﻙ ﺧﯩﺘﺎﻳﻼﺭ ﺋﯩﮕﯩﻠﯩﯟﺍﻟﻐﺎﻥ."
ﺧﻮﺗﻪﻧﺪﯨﻜﻰ ﻧﺎﻣﺎﻳﯩﺸﻼﺭﻏﺎ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﻗﯩﻴﯩﻦ-ﻗﯩﺴﺘﺎﻗﻠﯩﺮﯨﺪﺍ ﺋﯚﻟﮕﻪﻥ ﻣﯘﺗﻪﻟﻠﯩﭗ ﻫﺎﺟﻰ ﺳﻪﯞﻩﺑﭽﻰ ﺑﻮﻟﺪﻯ
ﺑﯘ ﻗﯧﺘﯩﻢ ﺧﻮﺗﻪﻥ ﻧﺎﻣﺎﻳﯩﺸﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺩﺍﯕﻠﯩﻖ ﺧﻪﻟﻘﺌﺎﺭﺍﻟﯩﻖ ﺋﺎﮔﯧﻨﺘﻠﯩﻘﻼﺭﺩﯨﻦ ﺑﯩﺮﻯ ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﺪﯗﺭ. ﺑﯘ ﺋﺎﮔﯧﻨﺘﻠﯩﻖ ﺋﯘﻳﻐﯘﺭﻻﺭﻧﻰ 60 ﻳﯩﻠﺪﯨﻦ ﺑﯧﺮﻯ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺯﯗﻟﯘﻣﯩﻨﻰ ﭼﯧﻜﯩﭗ ﻛﯧﻠﯩﯟﺍﺗﻘﺎﻥ ﺧﻪﻟﻖ ﺩﻩﭖ ﻳﺎﺯﻏﺎﻥ. ﺋﺎﮔﯧﻨﺘﻠﯩﻖ ﻳﻪﻧﻪ، ﺑﯘ ﻗﯧﺘﯩﻤﻘﻰ ﯞﻩﻗﻪﻧﯩﯔ ﻣﯘﻫﯩﻢ ﺳﻪﯞﻩﺑﻠﯩﺮﯨﺪﯨﻦ ﺑﯩﺮﻯ ﺳﯜﭘﯩﺘﯩﺪﻩ، ﺧﻮﺗﻪﻧﺪﻩ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﻗﯩﻴﯩﻦ-ﻗﯩﺴﺘﺎﻗﻠﯩﺮﯨﺪﺍ ﺋﯚﻟﮕﻪﻥ ﺩﻩﭖ ﻗﺎﺭﺍﻟﻐﺎﻥ ﻣﯘﺗﻪﻟﻠﯩﭗ ﻫﺎﺟﻰ ﺋﯜﺳﺘﯩﺪﻩ ﺋﺎﻻﻫﯩﺪﻩ ﺗﻮﺧﺘﺎﻟﻐﺎﻥ. ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﺟﻪﺳﯩﺘﯩﻨﻰ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺑﯘ ﻳﯩﻞ 3 ‏-ﻣﺎﺭﺕ ﻛﯜﻧﻰ ﺋﺎﺋﯩﻠﯩﺴﯩﮕﻪ ﺗﺎﭘﺸﯘﺭﻏﺎﻧﻠﯩﻘﯩﻨﻰ ﯞﻩ ﺋﯘﻥ-ﺗﯜﻧﺴﯩﺰ ﺩﻩﭘﯩﻨﻪ ﻗﯩﻠﯩﯟﯦﺘﯩﺸﯩﻨﻰ ﺗﺎﭘﺸﯘﺭﻏﺎﻧﻠﯩﻘﯩﻨﻰ ﻳﺎﺯﻏﺎﻥ ﺋﺎﮔﯧﻨﺘﻠﯩﻖ، ﻣﯘﺗﻪﻟﻠﯩﭗ ﻫﺎﺟﯩﻤﻨﯩﯔ ﺋﻪﻫﯟﺍﻟﻰ ﻫﻪﻗﻘﯩﺪﻩ، ﺧﯩﺘﺎﻱ ﺳﺎﻗﭽﻰ ﺋﯩﺪﺍﺭﯨﺴﯩﺪﯨﻦ ﺋﻪﻫﯟﺍﻝ ﺋﯩﮕﯩﻠﯩﮕﯩﻨﯩﺪﻩ ﺧﯩﺘﺎﻱ ﺗﻪﺭﻩﭘﻨﯩﯔ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﻐﺎﻧﻠﯩﻘﯩﻨﻰ ﻳﺎﺯﻏﺎﻥ.
ﺧﯩﺘﺎﻱ ﺋﻪﻣﻪﻟﺪﺍﺭﻯ: "ﺋﯩﺴﻼﻣﯩﻲ ﺑﯩﺮ ﺩﯙﻟﻪﺕ ﻗﯘﺭﻣﺎﻗﭽﻰ، ﺗﯩﺒﻪﺗﺘﯩﻜﻰ ﺗﻮﭘﯩﻼﯕﻐﺎ ﺟﻮﺭ ﺑﻮﻟﻤﺎﻗﭽﻰ"
ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯜﮔﯜﻥ ﺧﻮﺗﻪﻥ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﺑﻮﻟﯘﭖ، ﺩﺍﺋﯩﺮﯨﻠﻪﺭ ﯞﻩﻗﻪﻧﻰ ﺭﻭﻣﺎﻝ ﺋﺎﺭﺗﯩﺶ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻕ، ﭘﻪﻗﻪﺕ ﻗﯘﺗﺮﺍﺗﻘﯘﭼﯩﻼﺭ، ﺷﯩﻨﺠﺎﯕﺪﺍ ﺋﯩﺴﻼﻣﯩﻲ ﺑﯩﺮ ﺩﯙﻟﻪﺕ ﻗﯘﺭﻣﺎﻗﭽﻰ ﺩﻩﭖ ﺑﯩﻠﺪﯛﺭﮔﻪﻥ. ﺧﻮﺗﻪﻥ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﺪﯨﻦ ﻓﯘ ﭼﺎﯞ، ﻫﯚﻛﯜﻣﻪﺗﻨﯩﯔ ﺭﻭﻣﺎﻝ ﺋﺎﺭﺗﯩﺸﻨﻰ ﭼﻪﻛﻠﯩﻤﯩﮕﻪﻧﻠﯩﻜﯩﻨﻰ، ﭘﻪﻗﻪﺕ ﺭﻭﻣﺎﻝ ﺋﺎﺭﺗﯩﺶ ﺋﯩﺶ ﯞﻩ ﺧﯩﺰﻣﻪﺕ ﺟﻪﺭﻳﺎﻧﯩﺪﺍ ﻗﻮﻻﻳﺴﯩﺰ ﺑﻮﻟﻐﯩﻨﻰ ﺋﯜﭼﯜﻥ، ﺋﯧﻠﯩﯟﯦﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﯘ ﻳﻪﻧﻪ ﯞﻩﻗﻪﻧﻰ ﺗﯩﺒﻪﺗﺘﯩﻜﻰ ﺗﻮﭘﯩﻼﯕﻐﺎ ﺟﻮﺭ ﺑﻮﻟﯘﺵ ﺩﻩﭖ ﭼﯜﺷﻪﻧﺪﯛﺭﮔﻪﻥ. ﻓﯘ ﭼﺎﯞ ﻳﻪﻧﻪ ﻣﯘﺧﺒﯩﺮﻏﺎ، ﺗﯘﺗﻘﯘﻥ ﻗﯩﻠﯩﻨﻐﺎﻧﻼﺭﻧﯩﯔ ﺑﯩﺮ ﻗﯩﺴﻤﯩﻨﯩﯔ ﻧﻪﺳﯩﻬﻪﺕ ﻗﯩﻠﯩﭗ ﻗﻮﻳﯘﯞﯦﺘﯩﻠﮕﻪﻧﻠﯩﻜﻰ، ﺋﻪﻣﻤﺎ ﻏﻮﻟﻠﯘﻕ ﺋﯘﻧﺴﯘﺭﻻﺭﻧﯩﯔ ﺩﺍﯞﺍﻣﻠﯩﻖ ﺗﻪﻛﺸﯜﺭﯛﻟﯜﯞﺍﺗﻘﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ. ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻖ ﺑﯘ ﺧﻪﯞﯨﺮﯨﺪﻩ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﻳﯩﻠﻼﺭﺩﯨﻦ ﺑﯧﺮﻯ ﺳﯩﻴﺎﺳﯩﻲ ﺳﻪﯞﻩﺑﻠﯩﻚ ﺋﺎﺭﻗﺎ-ﺋﺎﺭﻗﯩﺪﯨﻦ ﺋﯚﻟﯜﻡ ﺟﺎﺯﺍﺳﯩﻐﺎ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﻳﺎﺯﻏﺎﻥ.
Duetsche presse ﺋﺎﮔﯧﻨﺘﻠﯩﻘﻰ ﺧﻮﺗﻪﻥ ﻧﺎﻣﺎﻳﯩﺸﻰ ﻫﻪﻗﻘﯩﺪﻩ ﺑﻪﺭﮔﻪﻥ ﺧﻪﯞﯨﺮﯨﺪﻩ ﻧﺎﻣﺎﻳﯩﺸﻨﻰ ﺷﯩﻨﺠﺎﯕﻨﯩﯔ ﺋﻪﯓ ﻧﺎﻣﺮﺍﺕ ﺭﺍﻳﻮﻧﯩﺪﯨﻜﻰ ﺋﯩﺴﻴﺎﻥ ﺩﻩﭖ ﺑﺎﻳﺎﻥ ﻗﯩﻠﻐﺎﻥ.
ﻳﯘﻗﯩﺮﯨﺪﯨﻜﻰ ﻣﻪﻟﯘﻣﺎﺗﻼﺭ، ﺧﻮﺗﻪﻥ ﻧﺎﻣﺎﻳﯩﺸﻰ ﺧﻪﯞﻩﺭ ﻗﯩﻠﯩﻨﻐﺎﻥ ﺑﯩﺮ ﻗﯩﺴﯩﻢ ﭼﻪﺗﺌﻪﻝ ﺋﺎﺧﺒﺎﺭﺍﺗﻠﯩﺮﯨﺪﺍ ﻳﯧﺰﯨﻠﻐﺎﻧﻼﺭ. ﺑﯘﻻﺭﻧﯩﯔ ﻫﻪﻣﻤﯩﺴﯩﺪﻩ ﺋﯘﻳﻐﯘﺭﻻﺭﻧﯩﯔ ﺋﯘﺯﯗﻧﺪﯨﻦ ﺑﯧﺮﻯ ﺧﯩﺘﺎﻳﻐﺎ ﻗﺎﺭﺷﻰ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﻰ ﻳﯧﺰﯨﻠﯩﺶ ﺑﯩﻠﻪﻥ ﺑﯩﻠﻠﻪ، ﺋﻪﯓ ﻳﯧﻘﯩﻨﻘﻰ ﯞﻩﻗﻪ ﺳﯜﭘﯩﺘﯩﺪﻩ، 19 ﻳﺎﺷﻠﯩﻖ ﺋﯘﻳﻐﯘﺭ ﻗﯩﺰﻯ ﮔﯜﺯﻩﻟﻨﯘﺭ ﺗﯘﺭﺩﯨﻨﯩﯔ ﺋﺎﻳﺮﻭﭘﯩﻼﻥ ﻗﺎﺯﺍﺳﻰ ﭘﻪﻳﺪﺍ ﻗﯩﻠﯩﺸﻘﺎ ﺋﯘﺭﯗﻧﯘﺵ ﻫﻪﺭﯨﻜﯩﺘﯩﻤﯘ ﺗﯩﻠﻐﺎ ﺋﯧﻠﯩﻨﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺧﻮﺗﻪﻧﺪﻩ 3 - ﺋﺎﻳﻨﯩﯔ 23 - ﻛﯜﻧﻰ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﺋﯧﺘﯩﺮﺍﭖ ﻗﯩﻠﺪﻯ

ﺧﯩﺘﺎﻳﻨﯩﯔ ﺧﻮﺗﻪﻥ ﯞﯨﻼﻳﻪﺗﻠﯩﻚ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، 3 - ﺋﺎﻳﻨﯩﯔ 23 - ﻛﯜﻧﻰ ﺧﻮﺗﻪﻧﺪﻩ ﺑﯩﺮ ﭼﻮﯓ ﯞﻩﻗﻪ ﻳﯜﺯ ﺑﻪﺭﮔﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﻰ 'ﺗﻮﭘﯩﻼﺵ ﭘﻪﻳﺪﺍ ﻗﯩﻠﯩﺸﻘﺎ ﺋﯘﺭﯗﻧﯘﺵ ﯞﻩﻗﻪﺳﻰ' ﺩﻩﭖ ﺑﯧﻜﯩﺘﻜﻪﻥ.
ﺷﯘﻧﺪﺍﻗﻼ ﺑﯘ ﯞﻩﻗﻪﻧﻰ 'ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭ، ﺗﯧﺮﺭﻭﺭﭼﯩﻼﺭ، ﺋﯜﭺ ﺧﯩﻞ ﻛﯜﭼﻠﻪﺭ ﯞﻩﺗﻪﻧﻨﻰ ﭘﺎﺭﭼﯩﻼﺵ ﺋﯜﭼﯜﻥ ﻛﯩﺸﯩﻠﻪﺭﻧﻰ ﺟﯧﺪﻩﻝ ﭼﯩﻘﯩﺮﯨﺸﻘﺎ ﻗﯘﺗﺮﯨﺘﯩﭗ ﭘﻪﻳﺪﺍ ﻗﯩﻠﻐﺎﻥ' ﺩﻩﭖ ﭼﯜﺷﻪﻧﺪﯛﺭﮔﻪﻥ، ﯞﻩﻗﻪ ﺟﻪﺭﻳﺎﻧﯩﺪﺍ ﺋﺎﺩﻩﻡ ﺋﯚﻟﯜﺵ، ﻳﺎﺭﯨﻠﯩﻨﯩﺶ ﻳﯜﺯ ﺑﻪﺭﻣﯩﺪﻯ، ﺑﯘ ﯞﻩﻗﻪ ﺩﺍﯞﺍﻣﻠﯩﻖ ﺗﻪﻛﺸﯜﺭﯛﻟﯜﯞﺍﺗﯩﺪﯗ، ﺩﻩﭖ ﺟﺎﻛﺎﺭﻟﯩﻐﺎﻥ.
ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﻪﯞﯨﺮﯨﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 3 - ﺋﺎﻳﻨﯩﯔ 23 - ﻛﯜﻧﻰ ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﺑﯘ ﭼﻮﯓ ﯞﻩﻗﻪﻧﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻧﯚﯞﻩﺗﭽﻰ ﺳﺎﻗﭽﯩﻠﯩﺮﻯ ﻧﺎﻫﺎﻳﯩﺘﻰ ﺗﯧﺰ ﺳﯜﺭﺋﻪﺗﺘﻪ ﺑﺎﺳﺘﯘﺭﻏﺎﻥ.
ﺭﺍﺩﯨﺌﻮﻣﯩﺰ ﺑﯘ ﯞﻩﻗﻪﻧﻰ ﺋﺎﺷﻜﺎﺭﯨﻼﭖ ﺧﻪﯞﻩﺭ ﺋﯧﻼﻥ ﻗﯩﻠﯩﭗ ﺋﯜﭺ ﻛﯜﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﯞﻩﻗﻪﻧﯩﯔ ﺭﺍﺱ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯚﺯﯨﻨﯩﯔ ﺧﻮﺗﻪﻥ ﯞﯨﻼﻳﻪﺗﻠﯩﻚ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﻩ ﻳﯘﻗﯘﺭﯨﺪﯨﻜﯩﺪﻩﻙ ﺑﺎﻳﺎﻧﻼﺭ ﺋﺎﺭﻗﯩﻠﯩﻖ ﺋﯧﺘﯩﺮﺍﭖ ﻗﯩﻠﺪﻯ. ﺑﯜﮔﯜﻥ ﺑﯘ ﯞﻩﻗﻪ ﭘﯜﺗﯜﻥ ﺩﯗﻧﻴﺎﻏﺎ ﺗﺎﺭﻗﺎﻟﺪﻯ.

23 - ﻣﺎﺭﺕ ﺧﻮﺗﻪﻥ ﺋﺎﻳﺎﻟﻼﺭ ﻧﺎﻣﺎﻳﯩﺸﻰ: ﻳﯧﯖﻰ ﻣﻪﻟﯘﻣﺎﺗﻼﺭ

ﺧﻮﺗﻪﻧﺪﯨﻦ ﻳﯧﯖﯩﻼ ﺧﯩﺘﺎﻳﻨﯩﯔ ﺋﯩﭽﻜﯩﺮﻯ ﺋﯚﻟﻜﯩﺴﯩﮕﻪ ﻛﻪﻟﮕﻪﻥ ﺑﯩﺮ ﺗﯩﺠﺎﺭﻩﺗﭽﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﻧﺎﻣﺎﻳﯩﺶ، ﺧﻮﺗﻪﻥ ﺷﻪﻫﯩﺮﯨﻨﯩﯔ ﻟﻮﭖ ﺋﺎﭘﺘﻮﯞﯗﺯ ﺑﯧﻜﯩﺘﯩﺪﯨﻦ ﺑﺎﺷﻼﻧﻐﺎﻥ. ﺑﯘ ﺑﯧﻜﻪﺕ، ﺧﻮﺗﻪﻥ ﺷﻪﻫﯩﺮﯨﮕﻪ، ﺧﻮﺗﻪﻧﺪﯨﻜﻰ، ﭼﯩﺮﯨﻴﻪ، ﻛﯩﺮﯨﻴﻪ، ﻟﻮﭖ ﻗﺎﺗﺎﺭﻟﯩﻖ ﻧﺎﻫﯩﻴﯩﺪﯨﻦ ﻳﻮﻟﯘﭼﻰ ﻛﯧﻠﯩﺪﯨﻐﺎﻥ ﺋﺎﯞﺍﺕ ﺑﯩﺮ ﻗﺎﺗﻨﺎﺵ ﺑﯧﻜﯩﺘﻰ ﺑﻮﻟﯘﭖ، 600 ﻧﻪﭘﻪﺭ ﺋﺎﻳﺎﻝ ﺷﯘ ﻛﯜﻧﻰ ﺳﺎﺋﻪﺕ 10 ﺩﺍ ﺑﯘ ﺑﯧﻜﻪﺗﻜﻪ ﺗﻮﭘﻼﻧﻐﺎﻥ.
ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ 1000 ﺩﯨﻦ ﺋﯧﺸﯩﭗ ﻛﻪﺗﻜﻪﻥ
ﺑﺎﺷﻠﯩﺮﯨﻐﺎ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻛﯩﻴﯩﻢ - ﻛﯧﭽﻪﻛﻠﯩﺮﯨﺪﯨﻦ ﺑﻮﻟﻐﺎﻥ ﺭﻭﻣﺎﻝ ﺋﺎﺭﺗﻘﺎﻥ ﻧﺎﻣﺎﻳﯩﺸﭽﯩﻼﺭ، ﻟﻮﭖ ﺑﯧﻜﯩﺘﯩﺪﯨﻦ ﺷﯘﺋﺎﺭ ﺗﻮﯞﻻﭖ ﺷﻪﻫﻪﺭ ﻣﻪﺭﻛﯩﺰﯨﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﻘﺎﻥ، ﻳﻮﻝ ﺋﯜﺳﺘﯩﺪﻩ ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ ﻛﯚﭘﯩﻴﯩﭗ، ﺷﻪﻫﻪﺭ ﻣﻪﺭﻛﯩﺰﯨﺪﯨﻜﻰ ﭼﻮﯓ ﺑﺎﺯﺍﺭ ﺩﻩﭖ ﺋﺎﺗﯩﻠﯩﺪﯨﻐﺎﻥ ﺟﺎﻳﻐﺎ ﻛﻪﻟﮕﻪﻧﺪﻩ، ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ 1000 ﺩﯨﻦ ﺋﯧﺸﯩﭗ ﻛﻪﺗﻜﻪﻥ.
ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﻰ ﭼﻮﯓ ﺑﺎﺯﺍﺭﻏﺎ ﻛﻪﻟﮕﻪﻧﺪﻩ، ﺳﺎﻗﭽﯩﻼﺭﻧﯩﯔ ﭘﯜﺗﯜﻧﻠﻪﻱ ﻗﻮﺭﺷﺎﯞﯨﺪﺍ ﻗﺎﻟﻐﺎﻥ. ﺳﺎﻗﭽﯩﻼﺭ ﻧﺎﻣﺎﻳﯩﺸﭽﯩﻼﺭﻧﯩﯔ ﺩﺍﯞﺍﻣﻠﯩﻖ ﺋﯩﻠﮕﯩﺮﯨﻠﯩﺸﯩﮕﻪ ﻳﻮﻝ ﻗﻮﻳﻤﯩﻐﺎﻥ. ﺳﺎﻗﭽﯩﻼﺭ ﺩﻩﺳﻠﻪﭖ ﻳﯘﻣﺸﺎﻕ ﯞﺍﺳﺘﻪ ﻗﻮﻟﻠﯩﻨﯩﭗ، ﻧﺎﻣﺎﻳﯩﺸﭽﯩﻼﺭﻧﻰ ﺗﯧﻨﭻ ﺗﺎﺭﻗﯩﻠﯩﭗ ﻛﯧﺘﯩﺸﻜﻪ ﭼﺎﻗﯩﺮﻏﺎﻥ. ﺋﻪﻣﻤﺎ ﻧﺎﻣﺎﻳﯩﺸﭽﯩﻼﺭ ﺗﺎﺭﻗﯩﻠﯩﺸﻨﻰ ﺭﻩﺕ ﻗﯩﻠﻐﺎﻥ.
ﺳﺎﻗﭽﯩﻼﺭ ﺗﯘﺗﻘﯘﻥ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﺪﺍ، ﯞﻩﻗﻪﻧﻰ ﻛﯚﺯﯨﺘﯩﭗ ﺗﯘﺭﻏﺎﻥ ﺧﻪﻟﻖ ﻧﺎﻣﺎﻳﯩﺸﭽﯩﻼﺭ ﺳﯧﭙﯩﮕﻪ ﻗﯧﺘﯩﻠﯩﭗ ﺳﺎﻗﭽﯩﻼﺭﻏﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ، ﺑﯘﻧﯩﯔ ﺑﯩﻠﻪﻥ ﻧﺎﻣﺎﻳﯩﺸﭽﯩﻼﺭ ﯞﻩ ﻧﺎﻣﺎﻳﯩﺸﻨﻰ ﻗﻮﻟﻠﯩﻐﯘﭼﯩﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﺎﺭﯨﺴﯩﺪﺍ ﺗﻮﻗﯘﻧﯘﺵ ﻛﯧﻠﯩﭗ ﭼﯩﻘﻘﺎﻥ. ﺑﯘﻧﯩﯔ ﺑﯩﻠﻪﻥ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ ﯞﻩ ﻧﺎﻣﺎﻳﯩﺸﻨﻰ ﻗﻮﻟﻠﯩﻐﯘﭼﯩﻼﺭ ﺑﻮﻟﯘﭖ، ﯞﻩﻗﻪﮔﻪ ﺷﺎﻫﯩﺪ ﺑﻮﻟﻐﯘﭼﯩﻼﺭﻧﯩﯔ ﺳﺎﻧﻰ 2000 ﺩﯨﻦ ﺋﺎﺷﻘﺎﻥ.
ﺳﺎﻗﭽﯩﻼﺭ، ﻛﯚﭘﯩﻨﭽﯩﺴﻰ ﺋﺎﻳﺎﻟﻼﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ 400 ﻛﯩﺸﯩﻨﻰ ﻗﻮﻟﻐﺎ ﺋﺎﻟﻐﺎﻥ
ﺳﺎﻗﭽﯩﻼﺭ ﺷﯘ ﻛﯜﻧﻰ، ﻛﯚﭘﯩﻨﭽﯩﺴﻰ ﺋﺎﻳﺎﻟﻼﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ 400 ﻛﯩﺸﯩﻨﻰ ﻗﻮﻟﻐﺎ ﺋﺎﻟﻐﺎﻥ. ﺗﻮﻗﯘﻧﯘﺷﺘﺎ ﺑﯩﺮ ﻗﯩﺴﯩﻢ ﺧﯩﺘﺎﻱ ﺗﯩﺠﺎﺭﻩﺗﭽﯩﻠﻪﺭﻧﯩﯔ ﺩﯗﻛﯩﻨﻰ ﺋﯘﺭﯗﭖ ﭼﯧﻘﯩﻠﻐﺎﻥ. ﺑﯘﻧﯩﯔ ﺑﯩﻠﻪﻥ ﺷﻪﻫﻪﺭﺩﯨﻜﻰ ﺑﯩﺮ ﻗﯩﺴﯩﻢ ﺧﯩﺘﺎﻱ ﺗﯩﺠﺎﺭﻩﺗﭽﯩﻠﯩﺮﻯ ﺩﯗﻛﺎﻧﻠﯩﺮﯨﻨﻰ ﺗﺎﻗﯩﻐﺎﻥ. ﺑﯩﺮ ﺗﯩﺠﺎﺭﻩﺗﭽﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺗﯩﺠﺎﺭﻩﺗﭽﯩﻠﻪﺭ ﺩﯗﻛﯩﻨﯩﻨﻰ ﺋﯩﻜﻜﻰ ﻛﯘﻥ ﺗﺎﻗﯩﻐﺎﻥ، ﻳﻪﻧﻪ ﺑﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺟﯜﻣﻪ ﻛﯜﻧﯩﮕﻪ ﻗﻪﺩﻩﺭ ﺑﯩﺮ ﻗﯩﺴﯩﻢ ﺧﯩﺘﺎﻱ ﺗﯩﺠﺎﺭﻩﺗﭽﯩﻠﯩﺮﻯ ﺩﯗﻛﺎﻧﻠﯩﺮﯨﻨﻰ ﺗﺎﻗﯩﻐﺎﻥ.

ﺧﻮﺗﻪﻥ ﺋﺎﻳﺎﻟﻠﯩﺮﻯ. ﺳﯜﺭﻩﺕ Youtube ﺗﯩﻦ ﺋﯧﻠﯩﻨﺪﻯ. Source: Youtube
ﻧﺎﻣﺎﻳﯩﺶ ﺋﯩﻜﻜﯩﻨﭽﻰ ﻛﯜﻧﻰ ﺋﻮﺧﺸﺎﺵ ﺷﻪﻛﯩﻠﺪﻩ ﻳﻪﻧﻪ ﺩﺍﯞﺍﻡ ﻗﯩﻠﻐﺎﻥ، ﺑﯘ ﻗﯧﺘﯩﻢ 200 ﻛﯩﺸﻰ ﻗﻮﻟﻐﺎ ﺋﯧﻠﯩﻨﻐﺎﻥ. ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﻧﺎﻣﺎﻳﯩﺸﭽﯩﻼﺭ ﻗﻮﺷﯘﻧﯩﻨﯩﯔ ﺗﯧﺨﯩﻤﯘ ﻛﯧﯖﯩﻴﯩﭗ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ، ﺷﻪﻫﻪﺭ ﺋﯩﭽﯩﺪﯨﻜﻰ ﺋﺎﺳﺎﺳﻰ ﻗﺎﺗﻼﻣﻼﺭﺩﺍ، ﻛﯩﺸﯩﻠﻪﺭﮔﻪ ﺋﯚﻳﺪﯨﻦ ﺗﺎﻻﻏﺎ ﭼﯩﻘﻤﺎﺳﻠﯩﻖ ﺑﯘﻳﺮﯗﻗﻰ ﭼﯜﺷﯜﺭﮔﻪﻥ.
ﻧﺎﻣﺎﻳﯩﺶ ﻗﻮﺯﻏﯩﺪﻯ ﯞﻩ ﻗﯘﺗﺮﺍﺗﻘﯘﻟﯘﻕ ﻗﯩﻠﺪﻯ ﺩﻩﭖ ﻗﺎﺭﯨﻐﺎﻧﻼﺭﻧﻰ ﻗﺎﭼﯘﺭﯗﭖ ﻗﻮﻳﻤﺎﺳﻠﯩﻖ ﺋﯘﭼﯘﻥ، ﻫﻪﻡ ﺷﻪﻫﻪﺭ ﺧﻪﻟﻘﯩﻨﯩﯔ ﻧﺎﻣﺎﻳﯩﺸﭽﯩﻼﺭﻏﺎ ﻗﯧﺘﯩﻠﯩﭗ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ، ﺳﺎﻗﭽﯩﻼﺭ ﺷﻪﻫﻪﺭ ﻛﻮﭼﯩﻠﯩﺮﯨﻐﺎ ﺗﻮﺳﺎﻗﻼﺭﻧﻰ ﻗﯘﺭﯗﭖ ﻗﺎﺗﻨﺎﺵ ‏ - ﺗﺮﺍﻧﺴﭙﻮﺭﺕ ﯞﻩ ﺋﯘﭼﯘﺭ ﺋﺎﻻﻗﯩﻨﻰ ﻗﺎﻣﺎﻝ ﻗﯩﻠﻐﺎﻥ.
23 ‏ - ﻣﺎﺭﺕ ﻧﺎﻣﺎﻳﯩﺸﯩﻨﻰ ﺑﺎﺷﻠﯩﻐﺎﻥ 600 ﺋﺎﻳﺎﻝ ﺑﯧﺸﯩﻐﺎ "ﺭﻭﻣﺎﻝ" ﺋﺎﺭﺗﻘﺎﻥ
ﺧﻮﺗﻪﻧﻨﯩﯔ ﻗﺎﺭﺍﻗﺎﺵ ﻧﺎﻫﯩﻴﯩﻠﯩﻚ ﻫﯚﻛﯜﻣﯩﺘﯩﻨﯩﯔ ﺗﻮﺭ ﺑﯧﺘﯩﺪﻩ 26 ‏ - ﻣﺎﺭﺕ ﻛﯜﻧﻰ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﻮﺗﻪﻧﺪﻩ ﻳﯧﻘﯩﻨﻘﻰ ﺋﺎﻳﻼﺭﺩﯨﻦ ﺑﯧﺮﻯ 4ﻧﻰ ﺑﯩﺮﻟﻪﺷﺘﯜﺭﯛﺵ ﺧﯩﺰﻣﯩﺘﻰ ﺋﯧﻠﯩﭗ ﺑﯧﺮﯨﻠﻐﺎﻥ. ﺑﯘﻧﯩﯔ ﺑﯩﺮﻯ ﺋﻮﻟﯩﻤﭙﯩﻜﻨﻰ ﻛﯜﺗﯩﯟﯦﻠﯩﺶ ﺑﯩﻠﻪﻥ ﻣﯘﻗﯩﻤﻠﯩﻘﻨﻰ ﺳﺎﻗﻼﺷﻨﻰ ﺑﯩﺮﻟﻪﺷﺘﯜﺭﯛﺵ ﺑﻮﻟﯘﭖ، ﻣﻪﺯﻛﯘﺭ ﺧﻪﯞﻩﺭﺩﻩ ﺑﯩﻠﺪﯛﺭﯛﺷﯩﭽﻪ، ﺋﻮﻟﯩﻤﭙﯩﻜﻨﻰ ﻛﯜﺗﯩﯟﯦﻠﯩﺶ ﺑﯩﻠﻪﻥ ﻣﯘﻗﯩﻤﻠﯩﻘﻨﻰ ﺑﯩﺮﻟﻪﺷﺘﯜﺭﯛﺷﺘﻪ ﺋﺎﻻﻫﯩﺪﻩ ﻧﻪﺗﯩﺠﻪ ﻗﻮﻟﻐﺎ ﻛﻪﻟﺘﯜﺭﯛﻟﮕﻪﻥ. ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﯨﻜﻰ ﺑﯘ ﺑﺎﻳﺎﻧﻼﺭ، ﺑﯩﺰﮔﻪ ﺋﯧﻠﺨﻪﺕ ﺋﺎﺭﻗﯩﻠﯩﻖ ﻛﻪﻟﮕﻪﻥ ﺑﯩﺮ ﻗﯩﺴﯩﻢ ﺋﯩﻨﻜﺎﺳﻼﺭﻧﯩﯔ ﺗﻮﻏﺮﯨﻠﯩﻘﯩﻨﻰ ﺋﯩﺴﭙﺎﺗﻠﯩﻤﺎﻗﺘﺎ.
ﺋﯩﻨﻜﺎﺳﻼﺭﺩﺍ ﺑﯩﻠﺪﯛﺭﯛﻟﯜﺷﯩﭽﻪ، ﺧﻮﺗﻪﻥ ﺷﻪﻫﯩﺮﯨﺪﻩ، ﻣﯘﻗﯩﻤﻠﯩﻘﻨﻰ ﺳﺎﻗﻼﺵ ﻫﻪﺭﯨﻜﯩﺘﯩﺪﻩ، ﺋﺎﻳﺎﻟﻼﺭﻧﯩﯔ ﺑﯧﺸﯩﻐﺎ ﺭﻭﻣﺎﻝ ﺋﺎﺭﺗﯩﺸﻰ ﺩﯨﻨﯩﻲ ﺭﺍﺩﯨﻜﺎﻟﻠﯩﻖ ﺩﻩﭖ ﻗﺎﺭﺍﻟﻐﺎﻥ ﯞﻩ ﺭﻭﻣﺎﻝ ﺋﺎﺭﺗﻤﺎﺳﻠﯩﻖ ﺗﻪﺭﻏﯩﺒﺎﺗﻰ ﺋﯧﻠﯩﭗ ﺑﯧﺮﯨﻠﻐﺎﻥ. ﺑﯘ ﺳﻪﯞﻩﺑﺘﯩﻦ، 23 ‏ - ﻣﺎﺭﺕ ﻧﺎﻣﺎﻳﯩﺸﯩﻨﻰ ﺑﺎﺷﻠﯩﻐﺎﻥ 600 ﺋﺎﻳﺎﻝ ﺑﯧﺸﯩﻐﺎ ﺭﻭﻣﺎﻝ ﺋﺎﺭﺗﻘﺎﻥ.
ﺋﯘﻻﺭ ﻧﺎﻣﺎﻳﯩﺸﺘﺎ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺭﯛﭖ ‏ - ﺋﺎﺩﻩﺗﻜﻪ ﻗﻮﭘﺎﻟﻠﯩﻖ ﺑﯩﻠﻪﻥ ﺋﺎﺭﯨﻠﯩﺸﯩﺸﯩﻨﻰ ﺋﻪﻳﯩﺒﻠﻪﺵ ﺑﯩﻠﻪﻥ ﺑﯩﻠﻠﻪ، ﺑﯘ ﻳﯩﻞ 3 ‏ - ﻣﺎﺭﺕ ﻛﯜﻧﻰ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺟﻪﺳﯩﺘﻰ ﺋﺎﺋﯩﻠﯩﺴﯩﮕﻪ ﻗﺎﻳﺘﯘﺭﯗﻟﻐﺎﻥ ﻣﯘﺗﻪﻟﻠﯩﭗ ﻫﺎﺟﻰ ﺋﯩﺴﯩﻤﻠﯩﻚ ﺗﯩﺠﺎﺭﻩﺗﭽﯩﻨﯩﯔ ﺋﯚﻟﯜﻣﯩﮕﻪ ﻗﺎﺭﯨﺘﺎ ﻧﺎﺭﺍﺯﯨﻠﯩﻘﯩﻨﯩﻤﯘ ﺋﯩﭙﺎﺩﯨﻠﻪﻧﮕﻪﻥ. ﻣﻪﻫﺒﯘﺳﻼﺭﻏﺎ ﻗﺎﺭﯨﺘﯩﻠﻐﺎﻥ ﻗﯩﻴﯩﻦ - ﻗﯩﺴﺘﺎﻗﻘﺎ ﺧﺎﺗﯩﻤﻪ ﺑﯧﺮﯨﻠﯩﺸﻰ ﯞﻩ ﺳﯩﻴﺎﺳﯩﻲ ﻣﻪﻫﺒﯘﺳﻼﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﻰ ﺗﻪﻟﻪﭖ ﻗﯩﻠﯩﻨﻐﺎﻥ.
ﺗﻮﻟﯘﻗﺴﯩﺰ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، 23 ‏ - ﯞﻩ 24 ‏ - ﻣﺎﺭﺕ ﯞﻩﻗﻪﺳﯩﺪﻩ 6 ﻛﯩﺸﻰ ﺋﯚﻟﮕﻪﻥ، ﻗﻮﻟﻐﺎ ﺋﯧﻠﯩﻨﻐﺎﻥ 600 ﺋﺎﻳﺎﻟﻨﯩﯔ ﻳﯧﺮﯨﻤﯩﺪﯨﻦ ﻛﯚﭘﺮﻩﻛﻰ ﻗﻮﻳﯘﭖ ﺑﯧﺮﯨﻠﮕﻪﻥ. ﺋﻪﻣﻤﺎ ﺑﯘ ﯞﻩﺯﯨﻴﻪﺗﻨﻰ ﺋﯩﺴﭙﺎﺗﻠﯩﻐﯘﺩﻩﻙ ﭘﺎﻛﯩﺖ ﺗﯧﺨﻰ ﻣﻪﯞﺟﯘﺕ ﺋﻪﻣﻪﺱ.

ﺧﯩﺘﺎﻱ ﺳﺎﻗﭽﯩﻠﯩﺮﻯ ﺧﻮﺗﻪﻧﺪﻩ ﻧﺎﻣﺎﻳﯩﺸﭽﯩﻼﺭﺩﯨﻦ 600 ﻛﯩﺸﯩﻨﻰ ﻗﻮﻟﻐﺎ ﺋﺎﻟﻐﺎﻥ

23 ‏ - ﻣﺎﺭﺕ ﻳﻪﻛﺸﻪﻧﺒﻪ ﻛﯜﻧﻰ ﺧﻮﺗﻪﻥ ﺷﻪﻫﯩﺮﯨﺪﻩ 600 ﻧﻪﭘﻪﺭ ﻛﯩﺸﻰ ﺧﻮﺗﻪﻧﻨﯩﯔ ﻟﻮﭖ ﻗﺎﺗﺎﺭﻟﯩﻖ ﻧﺎﻫﯩﻴﯩﻠﯩﺮﯨﮕﻪ ﻗﺎﺗﻨﺎﻳﺪﯨﻐﺎﻥ ﺋﺎﭘﺘﻮﺑﯘﺱ ﻗﺎﺗﻨﺎﺵ ﺗﯜﮔﯩﻨﯩﮕﻪ ﺗﻮﭘﻠﯩﻨﯩﭗ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭ ﺋﯘﺳﺘﯩﺪﯨﻦ ﻳﯜﺭﮔﯜﺯﯛﯞﺍﺗﻘﺎﻥ ﺋﺎﺩﺍﻟﻪﺗﺴﯩﺰ ﺳﯩﻴﺎﺳﯩﺘﯩﮕﻪ ﻗﺎﺭﺷﻰ ﻧﺎﻣﺎﻳﯩﺶ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، ﻧﺎﻣﺎﻳﯩﺶ 24 - ﻣﺎﺭﺕ ﺩﯛﺷﻪﻧﺒﻪ ﻛﯜﻧﯩﻤﯘ ﺋﻮﺧﺸﺎﺵ ﺷﻪﻛﯩﻠﺪﻩ ﺩﺍﯞﺍﻡ ﺋﻪﺗﻜﻪﻥ.
ﻣﻪﻟﯘﻡ ﺑﻮﻟﯘﺷﯩﭽﻪ، ﻧﺎﻣﺎﻳﯩﺸﭽﯩﻼﺭ ﺋﺎﺳﺎﺳﻪﻥ ﺋﺎﻳﺎﻟﻼﺭ ﺑﻮﻟﯘﭖ، ﺋﯘﻻﺭ ﺋﺎﭘﺘﻮﺑﯘﺱ ﺑﯧﻜﯩﺘﯩﺪﯨﻦ ﺧﻮﺗﻪﻥ ﭼﻮﯓ ﺑﺎﺯﺍﺭ ﺋﯩﭽﯩﮕﻪ ﻗﺎﺭﺍﭖ ﺋﯩﻠﮕﯩﺮﯨﻠﯩﮕﻪﻥ، ﺋﯩﻠﮕﯩﺮﯨﻠﻪﺵ ﺟﻪﺭﻳﺎﻧﯩﺪﺍ ﻧﺎﻣﺎﻳﯩﺸﭽﯩﻼﺭ ﺗﻮﭘﯩﻐﺎ 400 ﭼﻪ ﻛﯩﺸﻰ ﻗﻮﺷﯘﻟﻐﺎﻥ ﺑﻮﻟﯘﭖ، ﺋﺎﺧﯩﺮﯨﺪﺍ ﻧﺎﻣﺎﻳﯩﺸﭽﯩﻼﺭﻧﯩﯔ ﺳﺎﻧﻰ 1000 ﺩﯨﻦ ﺋﯧﺸﯩﭗ ﻛﻪﺗﻜﻪﻥ.
ﻧﺎﻣﺎﻳﯩﺸﭽﯩﻼﺭ ﭼﻮﯓ ﺑﺎﺯﺍﺭﻏﺎ ﻛﻪﻟﮕﻪﻥ ﺧﯩﺘﺎﻱ ﺳﺎﻗﭽﯩﻠﯩﺮﻯ ﻗﻮﺭﺷﺎﭖ ﺋﯘﻻﺭﻧﯩﯔ ﺋﺎﻟﺪﯨﻨﻰ ﺗﻮﺳﯩﻐﺎﻥ ﻫﻪﻣﺪﻩ ﻧﺎﻣﺎﻳﯩﺸﭽﯩﻼﺭﻧﻰ ﺗﺎﺭﻗﯩﻠﯩﭗ ﻛﯧﺘﯩﺸﻜﻪ ﻗﯩﺴﺘﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻧﺎﻣﺎﻳﯩﺸﭽﯩﻼﺭ ﻗﺎﻳﺘﯩﺸﻨﻰ ﺭﻩﺕ ﻗﯩﻠﻐﺎﻥ، ﻛﯧﻴﯩﻦ ﻧﺎﻣﺎﻳﯩﺸﻨﻰ ﻛﯚﺯﯨﺘﯩﭗ ﺗﯘﺭﻏﯘﭼﻰ ﺋﺎﻣﻤﺎ ﻧﺎﻣﺎﻳﯩﺸﭽﯩﻼﺭ ﺳﯧﭙﯩﮕﻪ ﻗﻮﺷﯘﻟﯘﭖ ﺳﺎﻗﭽﯩﻼﺭﻏﺎ ﻗﺎﺭﺷﯩﻠﯩﻖ ﺑﯩﻠﺪﯛﺭﮔﻪﻥ.
ﻧﻪﺗﯩﺠﯩﺪﻩ ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﺳﺎﻗﭽﯩﻼﺭ ﺋﺎﺭﯨﺴﯩﺪﺍ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﻳﯧﻘﯩﻦ ﺋﻪﺗﺮﺍﭘﺘﯩﻜﻰ ﺧﯩﺘﺎﻱ ﺗﯩﺠﺎﺭﻩﺗﭽﯩﻠﻪﺭ ﺩﯗﻛﺎﻧﻠﯩﺮﯨﻨﻰ ﺗﺎﻗﯩﺸﯩﭗ ﻛﯧﺘﯩﭗ ﻗﯩﻠﯩﺸﻘﺎﻥ.
ﯞﻩﻗﻪﮔﻪ ﺷﺎﻫﯩﺪ ﺑﻮﻟﻐﯘﭼﯩﻼﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﻧﺎﻣﺎﻳﯩﺸﭽﯩﻼﺭﻧﯩﯔ ﺳﺎﻧﻰ ﺋﯩﻜﻜﻰ ﻣﯩﯖﺪﯨﻦ ﺋﺎﺭﺗﯘﻕ ﺑﻮﻟﯘﭖ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺷﯘ ﻛﯜﻧﻰ ﻧﺎﻣﺎﻳﯩﺸﭽﯩﻼﺭﺩﯨﻦ 400 ﻛﯩﺸﯩﻨﻰ، ﺋﻪﺗﯩﺴﻰ ﻳﻪﻧﻪ 200 ﻛﯩﺸﯩﻨﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﻰ ﻣﻪﻟﯘﻡ.
ﻧﺎﻣﺎﻳﯩﺸﭽﯩﻼﺭ "ﻗﯩﻴﯩﻦ ﻗﯩﺴﺘﺎﻕ ﺗﻮﺧﺘﯩﺘﯩﻠﺴﯘﻥ!"، ﻳﺎﺷﯩﺴﯘﻥ ﻣﯩﻠﻠﻲ ﺋﯚﺭﯛﭖ - ﺋﺎﺩﻩﺕ!" ﺩﯦﮕﻪﻧﮕﻪ ﺋﻮﺧﺸﺎﺵ ﺷﻮﺋﺎﺭﻻﺭﻧﻰ ﺗﻮﯞﻻﺷﻘﺎﻥ.