ﺧﯩﺘﺎﻱ ﻫﯚﻛﯜﻣﯩﺘﻰ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﺘﻪ ﻣﯩﻠﻠﯩﻲ ﻛﺎﺩﯨﺮﻻﺭﻧﻰ ﺋﺎﻟﺪﯨﻨﻘﻰ ﺳﻪﭘﻜﻪ ﻗﻮﻳﻤﺎﻗﭽﻰ

ﺧﯩﺘﺎﻱ ﻫﯚﻛﯜﻣﯩﺘﻰ ﺑﺎﺷﻘﯘﺭﯗﺷﯩﺪﯨﻜﻰ ﺋﯘﻳﻐﯘﺭ ﺋﯧﻠﻰ ﺋﯘﭼﯘﺭ ﯞﺍﺳﺘﯩﻠﯩﺮﯨﺪﺍ ﺑﯜﮔﯜﻥ ﺋﻮﺭﺗﺎﻕ ﻫﺎﻟﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 10 - ﺳﯧﻨﺘﻪﺑﯩﺮ ﻛﺎﺩﯨﺮﻻﺭ ﻳﯩﻐﯩﻨﻰ ﭼﺎﻗﯩﺮﯨﻠﯩﭗ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻖ ﺧﯩﺰﻣﯩﺘﯩﻨﻰ ﻛﯜﭼﻪﻳﺘﯩﺶ ﺗﻪﻛﯩﺘﻠﻪﻧﮕﻪﻧﻠﯩﻜﻰ ﻫﻪﻗﻘﯩﺪﻩ ﺧﻪﯞﻩﺭ ﺑﯧﺮﯨﻠﺪﻯ.
ﻣﻪﺯﻛﯘﺭ ﻳﯩﻐﯩﻨﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺭﻩﺋﯩﺴﻰ ﻧﯘﺭ ﺑﻪﻛﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻫﻪﺭﯨﻜﯩﺘﯩﺪﻩ ﺩﯗﭺ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭ ﻫﻪﻣﺪﻩ ﺋﯩﭽﻜﻰ ﺗﺎﺷﻘﻰ ﯞﻩﺯﯨﻴﻪﺕ ﻫﻪﻗﻘﯩﺪﻩ ﺋﻮﻣﯘﻣﻴﯜﺯﻟﯜﻙ ﺩﻭﻛﻼﺕ ﺑﻪﺭﮔﻪﻥ ﯞﻩ ﻳﻪﻧﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﺑﯧﺴﯩﻤﯩﻨﻰ ﻛﯜﭼﻪﻳﺘﯩﺶ ﯞﻩﺯﯨﻴﯩﺘﯩﻨﻰ ﺳﺎﻗﻼﭖ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻛﺎﺩﯨﺮﻟﯩﺮﯨﻨﻰ ﺗﻪﺭﺑﯩﻴﻠﻪﭖ ﺋﯘﻻﺭﻏﺎ ﻣﯘﻫﯩﻢ ﯞﻩﺯﯨﭙﯩﻠﻪﺭﻧﻰ ﺗﺎﭘﺸﯘﺭﯗﺵ ﻗﺎﺗﺎﺭﻟﯩﻘﻼﺭﻧﻰ ﺗﻪﻛﯩﺘﻠﯩﮕﻪﻥ.
ﻳﯩﻐﯩﻨﻨﻰ ﯞﺍﯓ ﻟﯩﭽﯜﻩﻥ ﺑﺎﺷﻘﯘﺭﺩﻯ، ﻧﯘﺭ ﺑﻪﻛﺮﻯ ﺩﻭﻛﻼﺕ ﺋﻮﻗﯩﺪﻯﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﯩﺘﻰ 10 - ﺳﯧﻨﺘﻪﺑﯩﺮ ﭼﯜﺷﺘﯩﻦ ﻛﯧﻴﯩﻦ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﻗﻮﻳﻐﺎﻥ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻧﻨﯩﯔ ﺑﺎﺷﻘﯘﺭﯗﺷﯩﺪﺍ ﻛﺎﺩﯨﺮﻻﺭ ﻳﯩﻐﯩﻨﻰ ﭼﺎﻗﯩﺮﻏﺎﻥ. ﻳﯩﻐﯩﻨﻐﺎ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﻰ ﻫﯚﻛﯜﻣﯩﺘﻰ ﻫﻪﻡ ﭘﺎﺭﺗﻜﻮﻣﯩﻐﺎ ﻗﻮﻳﻐﺎﻥ ﻛﺎﺩﯨﺮﻟﯩﺮﯨﺪﯨﻦ ﺑﺎﺷﻘﺎ، ﻫﻪﺭ ﻗﺎﻳﺴﻰ ﯞﯨﻼﻳﻪﺕ، ﺋﻮﺑﻼﺳﺖ، ﺷﻪﻫﻪﺭﻟﻪﺭﻧﯩﯔ ﺋﺎﺳﺎﺳﻠﯩﻖ ﻛﺎﺩﯨﺮﻟﯩﺮﻯ، ﺑﯩﯖﺘﯘﻩﻥ ﻛﺎﺩﯨﺮﻟﯩﺮﻯ، ﺳﯩﻴﺎﺳﯩﻲ ﻗﺎﻧﯘﻥ ﻛﻮﻣﯩﺘﯧﺘﻰ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻟﯩﺮﻯ، ﺳﻮﺕ،ﺗﻪﭘﺘﯩﺶ، ﻗﻮﺭﺍﻟﻠﯩﻖ ﺳﺎﻗﭽﻰ، ﺝ ﺥ ﺋﻮﺭﮔﺎﻧﻠﯩﺮﯨﻨﯩﯔ ﺋﺎﺳﺎﺳﻠﯩﻖ ﻛﺎﺩﯨﺮﻟﯩﺮﻯ، ﻫﻪﺭﺑﯩﻲ ﺭﺍﻳﻮﻥ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﻠﯩﺮﯨﻨﯩﯔ ﻗﻮﻣﺎﻧﺪﺍﻧﻠﯩﺮﻯ ﻗﺎﺗﺎﺭﻟﯩﻘﻼﺭ ﻗﺎﺗﻨﺎﺷﻘﺎﻥ. ﻳﯩﻐﯩﻨﺪﺍ ﺑﺎﺷﺘﺎ ﯞﺍﯓ ﻟﯧﭽﯘﻩﻥ ﺳﯚﺯ ﻗﯩﻠﯩﭗ" ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻧﯚﯞﻩﺗﺘﻪ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﻛﯜﺭﯨﺸﯩﺪﻩ ﻣﯘﺭﻩﻛﻜﻪﭖ ﯞﻩﺯﯨﻴﻪﺗﻜﻪ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﻰ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻫﻪﺭ ﻣﯩﻠﻠﻪﺕ ﻛﺎﺩﯨﺮﻟﯩﺮﯨﻨﯩﯔ ﺳﯩﻴﺎﺳﯩﻲ ﺋﯩﺪﯨﻴﯩﺴﯩﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﭖ ﺳﯩﻴﺎﺳﯩﻲ ﻣﯘﻗﯩﻤﻠﯩﻘﻨﻰ ﻗﻮﻏﺪﺍﺵ ﻫﻪﻡ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﻛﯜﺭﯨﺸﯩﺪﻩ ﺋﺎﻛﺘﯩﭗ ﺭﻭﻝ ﺋﻮﻳﻨﯩﺸﯩﻨﻰ ﻛﯜﺗﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﯜﭺ ﺧﯩﻞ ﻛﯜﭼﻠﻪﺭﻧﯩﯔ ﺳﯩﯖﯩﭗ ﻛﯩﺮﯨﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺑﻮﺷﺎﺷﺘﯘﺭﻣﺎﺳﻠﯩﻖ، ﺋﺎﻟﺪﯨﻦ ﺯﻩﺭﺑﻪ ﺑﯧﺮﯨﭗ، ﺩﯛﺷﻤﻪﻧﻨﯩﯔ ﺧﻮﺭﯨﻜﯩﻨﻰ ﻳﻮﻏﯩﻨﯩﺘﯩﯟﻩﺗﻤﻪﺳﻠﯩﻜﻨﻰ ﺗﻪﻛﯩﺘﻠﯩﮕﻪﻥ ﯞﻩ ﺷﯘﻧﯩﯖﻐﺎ ﻣﯘﻧﺎﺳﯩﭗ ﻳﯧﯖﻰ ﺳﯩﻴﺎﺳﻪﺕ ﺗﻪﺩﺑﯩﺮﻟﻪﺭﻧﻰ ﺳﯚﺯﻟﯩﮕﻪﻥ.ﺋﯘﻳﻐﯘﺭ ﺋﯧﻠﯩﻨﯩﯔ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﯩﻲ ﻣﯘﻗﯩﻤﻠﯩﻖ ﺧﯩﺰﻣﯩﺘﻰ ﻫﻪﻗﻘﯩﺪﻩ ﺩﯗﭺ ﻛﯧﻠﯩﯟﺍﺗﻘﺎﻥ ﺋﯩﭽﻜﻰ، ﺗﺎﺷﻘﻰ ﯞﻩﺯﯨﻴﯩﺘﻰ ﺗﻮﻏﺮﯨﺴﯩﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ ﭘﺎﺭﺗﻜﻮﻣﻰ ﻣﯘﺋﺎﯞﯨﻦ ﺳﯧﻜﺮﯨﺘﺎﺭﻯ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻥ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﻣﻪﺧﺴﯘﺱ ﻳﯩﮕﯩﺮﻣﻪ ﻧﻪﭼﭽﻪ ﺑﻪﺗﻠﯩﻚ ﺩﻭﻛﻼﺕ ﺑﻪﺭﮔﻪﻥ.
ﻫﺎﻳﺎﺕ ﻣﺎﻣﺎﺗﻠﯩﻖ ﻛﯜﺭﻩﺵ؟ﻧﯘﺭ ﺑﻪﻛﺮﻯ ﺩﻭﻛﻼﺗﯩﻨﻰ ﺋﯘﻳﻐﯘﺭ ﺋﯧﻠﯩﺪﻩ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺭﺷﻰ ﻛﯜﺭﻩﺷﺘﻪ ﺋﯩﻠﮕﯩﺮﻯ ﻫﻪﻡ ﻳﯧﯖﻰ ﻛﯚﺭﯛﻟﮕﻪﻥ ﺋﻪﻫﯟﺍﻝ ﻫﻪﻡ ﻳﯜﺯﻟﯩﻨﯩﺸﻠﻪﺭﺩﯨﻦ ﺑﺎﺷﻠﯩﻐﺎﻥ ﺑﻮﻟﯘﭖ، 1990 - ﻳﯩﻠﻰ 5 - ﺋﺎﭘﺮﯨﻞ ﻳﯜﺯ ﺑﻪﺭﮔﻪﻥ ﺑﺎﺭﯨﻦ ﯞﻩﻗﻪﺳﯩﺪﯨﻦ ﺑﺎﺷﻼﭖ،ﺋﯘﻧﯩﯖﺪﯨﻦ ﻛﯧﻴﯩﻦ ﺋﯜﺭﯛﻣﭽﻰ، ﻗﻪﺷﻘﻪﺭ، ﺋﺎﻗﺴﯘﻻﺭﺩﺍ ﻳﯜﺯ ﺑﻪﺭﮔﻪﻥ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩ ﺑﺎﺷﻘﺎ ﭘﺎﺭﺗﻼﺵ ﯞﻩﻗﻪﻟﯩﺮﻯ،ﺧﻮﺗﻪﻥ ﻫﻪﻣﺪﻩ ﻛﯘﭼﺎ، ﺷﺎﻳﺎﻻﺭﺩﺍ ﻳﯜﺯ ﺑﻪﺭﮔﻪﻥ ﺧﯩﺘﺎﻱ ﻛﺎﺩﯨﺮﻧﯩﯔ ﭘﯩﻼﻧﻠﯩﻖ ﺗﯘﻏﯘﺕ ﻛﺎﺩﯨﺮﻯ ﯞﻩ ﺑﯩﺮ ﻗﯩﺴﯩﻢ ﯞﻩﺗﻪﻧﭙﻪﺭﯞﻩﺭ ﺩﯨﻨﯩﻲ ﺯﺍﺗﻠﯩﺮﯨﻨﯩﯔ ﻗﻪﺳﺘﻜﻪ ﺋﯘﭼﺮﺍﺵ ﯞﻩﻗﻪﻟﯩﺮﻯ ﺷﯘﻧﺪﺍﻗﻼ ﻫﻪﻡ 1997 - ﻳﯩﻠﯩﺪﯨﻜﻰ ﺋﯩﻠﻰ ﯞﻩﻗﻪﺳﻰ ﯞﻩ ﻳﻪﻧﻪ ﻳﯧﻘﯩﻨﺪﺍ ﻗﻪﺷﻘﻪﺭﺩﻩ، ﻛﯘﭼﺎﻻﺭﺩﺍ ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻡ ﻗﯩﻠﯩﺶ ﯞﻩﻗﻪﻟﯩﺮﯨﻨﻰ ﺋﻮﻣﯘﻣﻼﺷﺘﯘﺭﯗﭖ ﺋﯜﭺ ﺧﯩﻞ ﻛﯜﭼﻠﻪﺭﻧﯩﯔ ﺟﯘﯕﮕﻮﻧﻰ ﭘﺎﺭﭼﯩﻼﺵ، ﺷﯩﻨﺠﺎﯕﻨﻰ ﺑﯚﻟﯜﺵ ﺋﯜﭼﯜﻥ ﺋﯧﻠﯩﭗ ﺑﺎﺭﻏﺎﻥ ﺯﻭﺭﺍﯞﺍﻧﻠﯩﻖ ﺗﯧﺮﺭﻭﺭﻟﯘﻕ ﻫﻪﺭﯨﻜﻪﺗﻠﯩﺮﻯ ﺩﻩﭖ ﺋﺎﺗﯩﻐﺎﻥ. ﻧﯘﺭ ﺑﻪﻛﺮﻯ ﺑﯘ ﯞﻩﻗﻪﻟﯩﻚ ﺟﻪﺭﻳﺎﻧﻠﯩﺮﯨﻨﻰ ﺑﯩﺮﻣﯘ ‏ - ﺑﯩﺮ ﺳﯚﺯﻟﻪﭖ ﺋﯚﺗﻜﻪﻧﺪﯨﻦ ﻛﯧﻴﯩﻦ ﻣﯘﻧﺪﺍﻕ ﺩﻩﭖ ﻛﯚﺭﺳﻪﺗﻜﻪﻥ: "ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭ ﻫﻪﺭ ﻣﯩﻠﻠﻪﺕ ﺧﻪﻟﻘﯩﻨﯩﯔ ﺋﻮﺭﺗﺎﻕ ﺩﯛﺷﻤﯩﻨﻰ، ﺋﯘﻻﺭ ﯞﻩﺗﻪﻧﻨﯩﯔ ﺑﯩﺮﻟﯩﻜﯩﻨﻰ ﭘﺎﺭﭼﯩﻼﺷﺘﻪﻙ ﺟﯩﻨﺎﻳﻰ ﻣﻪﻗﺴﯩﺘﯩﮕﻪ ﻳﯧﺘﯩﺶ ﺋﯜﭼﯜﻥ ﺋﻪﺳﻪﺑﯩﻴﻠﯩﺸﯩﭗ ﯞﺍﺳﯩﺘﻪ ﺗﺎﻟﻼﭖ ﺋﻮﻟﺘﯘﺭﻣﯩﺪﻯ، ﺑﯩﺰﻧﯩﯔ ﺋﯘﻻﺭ ﺑﯩﻠﻪﻥ ﺑﻮﻟﻐﺎﻥ ﻛﯚﺭﯨﺸﯩﻤﯩﺰ ﻣﯩﻠﻠﯩﻲ ﻣﻪﺳﯩﻠﻪ ﺋﻪﻣﻪﺱ، ﺩﯨﻨﯩﻲ ﻣﻪﺳﯩﻠﯩﻤﯘ ﺋﻪﻣﻪﺱ، ﺑﻪﻟﻜﻰ ﯞﻩﺗﻪﻧﻨﯩﯔ ﺑﯩﺮﻟﯩﻜﯩﻨﻰ ﻗﻮﻏﺪﺍﺵ، ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﯩﻨﻰ ﺳﺎﻗﻼﺵ ﻳﻮﻟﯩﺪﯨﻜﻰ ﻫﺎﻳﺎﺕ ‏ - ﻣﺎﻣﺎﺗﻠﯩﻖ ﻛﯜﺭﻩﺵ. ﻛﺎﺩﯨﺮﻻﺭ ﺑﻮﻟﯘﭘﻤﯘ ﻫﻪﺭ ﺩﻩﺭﯨﺠﯩﻠﯩﻚ ﺭﻩﻫﺒﯩﺮﯨﻲ ﻛﺎﺩﯨﺮﻻﺭ ﺳﯩﻴﺎﺳﯩﻲ ﺋﯧﯖﻰ، ﺧﻪﯞﭖ ﺋﯧﯖﻰ ﯞﻩ ﻣﻪﺳﺌﯘﻟﯩﻴﻪﺕ ﺋﯧﯖﯩﻨﻰ ﻛﯜﭼﻪﻳﺘﯩﭗ ﻏﻪﺭﺑﺘﯩﻜﻰ ﺋﺎﻣﯧﺮﯨﻜﺎ ﺑﺎﺷﻠﯩﻖ ﺩﯛﺷﻤﻪﻧﻠﻪﺭﻧﯩﯔ " ﺟﯘﯕﮕﻮﻧﻰ ﻏﻪﺭﺑﻠﻪﺷﺘﯜﺭﯛﺵ، ﭘﺎﺭﭼﯩﻼﺵ ﺋﻪﭘﺘﻰ ‏ - ﺑﻪﺷﯩﺮﯨﺴﯩﻨﻰ ﺋﯧﻨﯩﻖ ﺗﻮﻧﯘﺷﻰ، ﺋﯜﭺ ﺧﯩﻞ ﻛﯜﭼﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻛﯜﺭﻩﺷﻨﯩﯔ ﻣﺎﻫﯩﻴﯩﺘﯩﻨﻰ ﺋﯧﻨﯩﻖ ﺗﻮﻧﯘﺷﻰ، ﺋﯚﺯ ﺗﺎﺭﻣﯩﻘﯩﻨﯩﯔ ﻣﯘﻗﯩﻤﻠﯩﻖ ﺧﯩﺰﻣﯩﺘﯩﻨﻰ ﺗﯧﺨﯩﻤﯘ ﭼﯩﯔ ﺗﯘﺗﯘﭖ ﺗﻪﺷﻪﺑﺒﯘﺳﻜﺎﺭﻟﯩﻘﻨﻰ ﻛﯜﭼﻪﻳﺘﯩﺸﻰ ﻛﯧﺮﻩﻙ".ﻧﯘﺭ ﺑﻪﻛﺮﻯ ﺩﻭﻛﻼﺗﯩﻨﯩﯔ ﺑﯩﺮﯨﻨﭽﻰ ﺑﯚﻟﯩﻜﯩﺪﻩ ﺋﺎﻣﯧﺮﯨﻜﺎ ﯞﻩ ﺑﺎﺷﻘﺎ ﻏﻪﺭﺏ ﺋﻪﻟﻠﯩﺮﯨﻨﻰ ﺩﯛﺷﻤﻪﻥ ﺩﻩﭖ ﺋﻮﭼﯘﻕ ‏ - ﺋﺎﺷﻜﺎﺭﺍ ﺗﯩﻠﻐﺎ ﺋﺎﻟﻐﺎﻧﺪﯨﻦ ﺑﺎﺷﻘﺎ ﺑﯘ ﺋﻪﻟﻠﻪﺭ، ﭼﻪﺗﺌﻪﻟﻠﻪﺭﺩﯨﻜﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﭽﯩﻠﯩﺮﻯ، ﺗﯩﺒﻪﺕ ﻣﯘﺳﺘﻪﻗﯩﻠﭽﯩﻠﯩﺮﻯ ﻫﻪﻣﺪﻩ ﻓﺎﻟﯘﻧﮕﯘﯕﭽﯩﻼﺭ، ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﻫﻪﻣﺪﻩ ﺩﯦﻤﻮﻛﺮﺍﺗﯩﻴﻪ ﺑﺎﻳﺮﯨﻘﯩﻨﻰ ﻛﯚﺗﯜﺭﯛﯞﺍﻟﻐﺎﻥ ﺟﯘﯕﮕﻮ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺑﯚﻟﮕﯜﻧﭽﻰ ﮔﯘﺭﯗﻫﻼﺭﻧﻰ ﻗﻮﻟﻼﭖ ﺩﯙﻟﯩﺘﯩﻤﯩﺰﮔﻪ ﺋﻮﻣﯘﻣﻴﯜﺯﻟﯜﻙ ﻫﯘﺟﯘﻡ ﻗﯩﻠﻤﺎﻗﺘﺎ. ﺑﯘ ﭼﻪﺗﺌﻪﻟﻠﻪﺭﺩﯨﻜﻰ ﺑﯚﻟﮕﯜﻧﭽﻰ ﺗﻪﺷﻜﯩﻼﺗﻼﺭ ﺟﯘﯕﮕﻮﻏﺎ ﻗﺎﺭﺷﻰ ﺋﻮﻣﯘﻣﯩﻲ ﺧﻮﺭ ﺗﻪﺷﻜﯩﻠﻠﻪﭖ ﺩﯙﻟﻪﺕ ﺋﯩﭽﻰ ‏ - ﺳﯩﺮﺗﯩﺪﺍ ﺗﯧﺮﺭﻭﺭﻟﯘﻕ ﻫﯘﺟﯘﻡ ﻫﻪﺭﯨﻜﻪﺗﻠﯩﺮﯨﻨﻰ ﺗﯘﻏﺪﯗﺭﯗﭖ ﻛﻪﻟﻤﻪﻛﺘﻪ ﺩﻩﭖ ﻛﯚﺭﺳﻪﺗﻜﻪﻥ.
ﺩﻭﻛﻼﺕ - ﻫﺎﻗﺎﺭﻩﺕ - ﺗﻪﻫﺪﯨﺖﻧﯘﺭ ﺑﻪﻛﺮﻯ ﺩﻭﻛﻼﺗﯩﻨﯩﯔ ﺋﯩﻜﻜﯩﻨﭽﻰ ﺑﯚﻟﯩﻜﯩﺪﯨﻦ ﺑﺎﺷﻼﭖ ﺋﺎﺳﺎﺳﻪﻥ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﻧﯘﻗﺘﯩﻠﯩﻖ ﻫﺎﻟﺪﺍ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ، ﺋﯘﻳﻐﯘﺭﻻﺭﻧﯩﯔ ﻣﻪﻧﯩﯟﻯ ﺋﺎﻧﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺑﻮﻟﯘﭖ، ﺋﯘ ﺑﺎﻳﺎﻧﯩﺪﺍ ﻫﻪﺗﺘﺎ ﺋﯜﭺ ﻗﯧﺘﯩﻤﻼﭖ ﺧﻪﻟﻘﺌﺎﺭﺍ ﻧﻮﺑﯩﻞ ﺗﯩﻨﭽﻠﯩﻖ ﻣﯘﻛﺎﭘﺎﺗﯩﻐﺎ ﻧﺎﻣﺰﺍﺕ ﻛﯚﺭﺳﯩﺘﯩﻠﮕﻪﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ" ﺋﯘ ﺋﯘﻳﻐﯘﺭﻻﺭﻏﺎ ﻟﯩﺪﯦﺮ ﯞﻩ ﻣﻪﻧﯩﯟﻯ ﺋﺎﻧﺎ ﺑﻮﻟﯘﺵ ﺳﺎﻻﻫﯩﻴﯩﺘﯩﮕﻪ ﺋﯩﮕﻪ ﺋﻪﻣﻪﺱ، ﻗﺎﻧﯘﻧﺴﯩﺰ ﺟﯩﻨﺎﻳﻪﺗﭽﻰ، ﺩﯙﻟﻪﺕ ﺳﺎﺗﻘﯘﻧﻰ، ﻏﻪﺭﺑﻨﯩﯔ ﻏﺎﻟﭽﯩﺴﻰ" ﺩﯦﮕﻪﻧﺪﻩﻙ ﻳﯧﻨﯩﻜﻠﯩﻚ ﺑﯩﻠﻪﻥ ﺑﯩﯟﺍﺳﺘﻪ ﺷﻪﺧﺴﻰ ﻫﯘﺟﯘﻡ ﺧﺎﺭﺍﻛﺘﯧﺮﻟﯩﻚ ﺳﯚﺯﻟﻪﺭﻧﻰ ﺋﯩﺸﻠﯩﺘﯩﭗ ﻫﺎﻗﺎﺭﻩﺗﻠﯩﮕﻪﻥ.ﻧﯘﺭ ﺑﻪﻛﺮﻯ ﺩﻭﻛﻼﺗﯩﺪﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﯘﺳﺘﻪﻗﯩﻠﭽﯩﻠﯩﺮﯨﺪﯨﻦ ﺋﯩﺒﺎﺭﻩﺕ ﺋﯜﭺ ﺧﯩﻞ ﻛﯜﭼﻠﻪﺭ ﺩﻩﭖ ﻛﯚﺭﺳﯩﺘﯩﻠﯩﯟﺍﺗﻘﺎﻥ ﻧﯩﺸﺎﻧﻠﯩﻖ ﺩﯛﺷﻤﻪﻧﻠﻪﺭ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﭘﯩﻼﻥ ﺑﯘﻳﯩﭽﻪ ﺳﯩﺴﺘﯧﻤﯩﻠﯩﻖ ﻫﺎﻟﺪﺍ ﺑﯚﻟﮕﯜﻧﭽﯩﻠﯩﻚ، ﺗﯧﺮﺭﻭﺭﻟﯘﻕ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﭗ ﻛﯧﻠﯩﯟﺍﺗﯩﺪﯗ ﺩﻩﭖ ﯞﻩ ﻳﻪﻧﻪ ﺭﺍﺑﯩﻴﻪ ﻗﺎﺩﯨﺮ ﯞﻩ ﺋﯘﻧﯩﯔ ﺑﺎﺷﭽﯩﻠﯩﻘﯩﺪﯨﻜﻰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻗﺎﺗﺎﺭﻟﯩﻖ ﭼﻪﺗﺌﻪﻟﻠﻪﺭﺩﯨﻜﻰ ﺑﯚﻟﮕﯜﻧﭽﻰ ﻛﯜﭼﻠﻪﺭ ﺧﻪﻟﻘﺌﺎﺭﺍﺩﺍ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺧﻪﻟﻘﺌﺎﺭﺍﻻﺷﺘﯘﺭﯗﺵ ﯞﻩ ﺷﯩﻨﺠﺎﯕﻨﻰ ﺑﯚﻟﯜﭖ ﭼﯩﻘﯩﭗ ﻛﯧﺘﯩﺶ ﺋﯜﭼﯜﻥ 50 ﻳﯩﻠﻠﯩﻖ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﭘﯩﻼﻥ ﺗﯜﺯﮔﻪﻥ ﯞﻩ ﺑﯘ ﭘﯩﻼﻧﻨﻰ ﭼﻪﺗﺌﻪﻟﻠﻪﺭﺩﯨﻜﻰ ﺟﯘﯕﮕﻮ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺑﺎﺷﻘﺎ ﺑﯚﻟﮕﯜﻧﭽﻰ ﻛﯜﭼﻠﻪﺭ ﺑﯩﻠﻪﻥ ﺑﯩﺮﻟﯩﺸﯩﺶ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺧﻪﻟﻘﺌﺎﺭﺍﻻﺷﺘﯘﺭﯗﺵ، ﺷﯩﻨﺠﺎﯕﻨﯩﯔ ﺋﯩﭽﯩﮕﻪ ﺳﯩﯖﯩﭗ ﻛﯩﺮﯨﭗ ﺗﯧﺮﺭﻭﺭﻟﯘﻕ، ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﻯ ﺋﯧﻠﯩﭗ ﺑﯧﺮﯨﺶ ﻗﺎﺗﺎﺭﻟﯩﻖ ﺋﯜﭺ ﺧﯩﻞ ﻗﻪﺩﻩﻡ ﺑﺎﺳﻘﯘﭺ ﺑﯩﻠﻪﻥ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﺎﺭﻣﺎﻗﺘﺎ ﺩﻩﭖ ﻛﯚﺭﺳﻪﺗﻜﻪﻥ.ﺋﺎﺧﯩﺮﯨﺪﺍ ﻳﻪﻧﻪ،ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﻳﯧﻘﯩﻨﺪﯨﻦ ﺑﯘﻳﺎﻥ ﻗﻪﺷﻘﻪﺭﺩﻩ ﻫﻪﻣﺪﻩ ﻛﯘﭼﺎﻻﺭﺩﺍ ﺋﺎﺭﻗﺎ ‏ - ﺋﺎﺭﻗﯩﺪﯨﻦ ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻡ ﯞﻩﻗﻪﻟﯩﺮﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻗﯩﻠﯩﭗ ﻛﯚﺭﺳﯩﺘﯩﭗ، ﺭﺍﺑﯩﻴﻪ ﻗﺎﺩﯨﺮ ﻳﯧﻘﯩﻨﺪﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺑﯚﻟﮕﯜﻧﭽﯩﻠﯩﻚ ﻗﯘﺗﺮﺍﺗﻘﯘﻟﯘﻕ ﻫﻪﺭﯨﻜﻪﺗﻠﯩﺮﯨﻨﻰ ﺋﻪﺳﻪﺑﯩﻴﻠﻪﺭﭼﻪ ﻛﯜﭼﻪﻳﺘﺘﻰ، ﺋﻪﻣﻤﺎ ﺋﯘ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻚ، ﺩﯙﻟﻪﺗﻨﻰ ﭘﺎﺭﭼﯩﻼﺵ ﻣﻪﻗﺴﯩﺘﯩﮕﻪ ﻫﻪﺭﮔﯩﺰ ﻳﯧﺘﻪﻟﻤﻪﻳﺪﯗ، ﺋﯘ ﺑﯘ ﻗﯩﻠﻤﯩﺸﻠﯩﺮﻯ ﺋﯜﭼﯜﻥ ﺋﯧﻐﯩﺮ ﺑﻪﺩﻩﻝ ﺗﯚﻟﻪﻳﺪﯗ. ﺑﯩﺰ ﻫﻪﺭ ﺩﻩﺭﯨﺠﯩﻠﯩﻚ ﻫﻪﺭ ﻣﯩﻠﻠﻪﺕ ﻛﺎﺩﯨﺮﻟﯩﺮﻯ ﻛﯚﺯﯨﻤﯩﺰﻧﻰ ﻳﻮﻏﺎﻥ ﺋﯧﭽﯩﭗ ﺋﯘﻧﯩﯔ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﯨﮕﻪ ﻗﻪﺗﺌﯩﻲ ﻳﻮﻝ ﻗﻮﻳﻤﺎﺳﻠﯩﻘﯩﻤﯩﺰ ﻛﯧﺮﻩﻙ ﺩﻩﭖ ﺗﻪﻫﺪﯨﺘﻰ ﺑﺎﻳﺎﻧﻼﺭﻧﯩﻤﯘ ﻗﻮﻟﻼﻧﻐﺎﻥ.
ﻳﯧﯖﻰ ﺳﯩﻴﺎﺳﯩﻲ ﻫﻪﺭﯨﻜﻪﺗﺘﯩﻦ ﺑﯩﺸﺎﺭﻩﺕﻧﯘﺭ ﺑﻪﻛﺮﻯ ﺩﻭﻛﻼﺗﯩﺪﺍ ﻳﻪﻧﻪ، ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﻧﯩﯔ ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﻛﯜﺭﻩﺷﻨﯩﯔ ﺋﯘﺯﯗﻥ ﻣﯘﺩﺩﻩﺗﻠﯩﻚ، ﻫﺎﻳﺎﺕ ﻣﺎﻣﺎﺗﻠﯩﻖ ﻛﯜﺭﻩﺷﻠﯩﻜﯩﻨﻰ ﻳﻪﻧﯩﻤﯘ ﭼﻮﯕﻘﯘﺭ ﺋﯩﺴﭙﺎﺗﻠﯩﻐﺎﻧﻠﯩﻘﻰ ﺑﯘ ﻫﻪﻗﺘﻪ ﻣﻪﺭﻛﯩﺰﻯ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 1996 ‏ - ﻳﯩﻠﻰ ﭼﯩﻘﺎﺭﻏﺎﻥ - 7 ﻧﻮﻣﯘﺭﻟﯘﻕ ﻫﯚﺟﺠﯩﺘﯩﺪﻩ ﺗﻪﻛﯩﺘﻠﻪﻧﮕﻪﻥ ﺋﯘﻳﻐﯘﺭ ﺋﯧﻠﯩﺪﻩ ﻣﯘﻗﯩﻤﻠﯩﻖ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯗ ﺩﯦﮕﻪﻥ ﺳﯩﻴﺎﺳﯩﺘﯩﻨﯩﯔ ﺋﯩﻨﺘﺎﻳﯩﻦ ﻣﯘﯞﺍﭘﯩﻖ ﻣﯘﻫﯩﻢ ﺳﯩﻴﺎﺳﻪﺕ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ ﻫﻪﻣﺪﻩ ﺑﯘﻧﯩﯖﺪﯨﻦ ﻛﯧﻴﯩﻨﻤﯘ ﺑﯘ ﺳﯩﻴﺎﺳﻪﺗﻨﻰ ﻣﻪﺭﻛﻪﺯ ﻗﯩﻠﯩﭗ ﺗﯘﺭﯗﭖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﺘﻪ ﺋﯩﭽﻜﻰ ﻫﻪﻡ ﺗﺎﺷﻘﻰ ﻣﯘﺭﻩﻛﻜﻪﭖ ﯞﻩﺯﯨﻴﻪﺗﻜﻪ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ ﻳﻪﻧﯩﻤﯘ ﻳﯧﯖﻰ ﻫﻪﻡ ﺋﯜﻧﯜﻣﻠﯜﻙ ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.ﻧﯘﺭ ﺑﻪﻛﺮﻯ ﺑﯘ ﻫﻪﻗﺘﻪ " ﺑﯩﺰ ﻫﺎﺯﯨﺮ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﺘﻪ ﺋﯜﺳﺘﯜﻧﻠﯜﻛﻨﻰ ﺋﯩﮕﯩﻠﯩﺪﯗﻕ، ﺗﻪﺷﻪﺑﺒﯘﺳﻜﺎﺭ ﻫﺎﻟﻪﺗﻜﻪ ﺋﯚﺗﺘﯘﻕ، ﺷﯘﻧﺪﺍﻗﺘﯩﻤﯘ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻖ ﯞﻩﺯﯨﻴﯩﺘﯩﮕﻪ ﺳﻪﻝ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ، ﺟﯘﯕﮕﻮﻧﯩﯔ ﺗﻪﺭﻩﻗﻘﯩﻴﺎﺗﻰ ﻫﻪﻡ ﻣﯘﻗﯩﻤﻠﯩﻘﯩﺪﺍ ﺷﯩﻨﺠﺎﯓ ﺋﯩﻨﺘﺎﻳﯩﻦ ﻣﯘﻫﯩﻢ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﺋﻪﻫﻤﯩﻴﻪﺗﻜﻪ ﺋﯩﮕﻪ،ﺷﯩﻨﺠﺎﯕﺪﯨﻜﻰ ﻫﻪﺭ ﻣﯩﻠﻠﻪﺕ ﻛﺎﺩﯨﺮﻟﯩﺮﻯ، ﺑﻮﻟﯘﭘﻤﯘ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ، ﺋﺎﺳﺎﺳﯩﻲ ﻗﺎﺗﻼﻡ ﻛﺎﺩﯨﺮﻟﯩﺮﻯ ﺳﯩﻴﺎﺳﯩﻲ ﻛﯚﺯ ﻗﺎﺭﯨﺸﯩﻤﯩﺰﻧﻰ ﻣﯘﺳﺘﻪﻫﻜﻪﻣﻠﻪﭖ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﻨﯩﯔ ﺋﺎﻟﺪﯨﻨﻘﻰ ﺳﯧﭙﯩﺪﻩ ﺧﯩﺰﻣﻪﺕ ﻗﯩﻠﯩﺸﯩﻤﯩﺰ ﻛﯧﺮﻩﻙ، ﺋﺎﺳﺎﺳﯩﻲ ﻗﺎﺗﻼﻡ ﻛﺎﺩﯨﺮﻟﯩﺮﯨﻐﺎ ﻣﯘﻫﯩﻢ ﯞﻩﺯﯨﭙﯩﻠﻪﺭﻧﻰ ﺗﺎﭘﺸﯘﺭﯗﺵ ﻛﯧﺮﻩﻙ. ﺧﻪﻟﻖ ﺋﯩﭽﯩﺪﯨﻜﻰ ﺯﯨﺪﺩﯨﻴﻪﺗﻠﻪﺭﻧﯩﯔ ﭼﻮﯕﯩﻴﯩﭗ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﭗ،ﺋﯜﭺ ﺧﯩﻞ ﻛﯜﭼﻠﻪﺭﻧﯩﯔ ﻣﯩﻠﻠﻪﺗﻠﻪﺭ ﺋﺎﺭﯨﺴﯩﺪﺍ ﻗﯘﺗﺮﺍﺗﻘﯘﻟﯘﻕ ﻗﯩﻠﯩﺸﯩﻐﺎ ﺳﻪﮔﻪﻛﻠﯩﻚ ﺑﯩﻠﻪﻥ ﻗﺎﺭﺷﻰ ﺗﯘﺭﯗﭖ، ﻣﯘﻗﯩﻤﻠﯩﻖ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯗ، ﺩﯙﻟﻪﺕ ﻣﻪﻧﭙﻪﺋﻪﺗﻰ ﻫﻪﻣﻤﯩﺪﯨﻦ ﺋﻪﻻ ﺩﻩﭖ ﺑﯩﻠﯩﭗ. ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻐﺎ ﺋﺎﺳﺎﺳﻠﯩﻖ ﺗﻪﻫﺪﯨﺖ ﻛﯚﺭﺳﯩﺘﯩﯟﺍﺗﻘﺎﻥ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻚ ﺑﯩﻠﻪﻥ ﻗﺎﻧﯘﻧﺴﯩﺰ ﺩﯨﻨﯩﻲ ﻫﻪﺭﯨﻜﻪﺗﻠﻪﺭﮔﻪ ﻗﺎﺭﺷﻰ ﻛﯜﺭﻩﺷﻨﻰ ﺗﻪﯞﺭﻩﻧﻤﻪﻱ ﺩﺍﯞﺍﻣﻼﺷﺘﯘﺭﯗﺷﯩﻤﯩﺰ، ﺧﯘ ﺟﯩﻨﺘﺎﯞ ﺭﻩﻫﺒﻪﺭﻟﯩﻜﯩﺪﯨﻜﻰ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﮕﻪ ﯞﻩ ﻫﯚﻛﯜﻣﻪﺗﻜﻪ ﻳﯧﻘﯩﻨﺪﯨﻦ ﺋﻪﮔﯩﺸﯩﭗ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﻰ ﺋﯜﭼﯜﻥ ﺷﻪﺭﻩﭘﻠﯩﻚ ﯞﻩﺯﯨﭙﯩﻤﯩﺰﻧﻰ ﯞﻩ ﻣﻪﺳﺌﯘﻟﯩﻴﯩﺘﯩﻤﯩﺰﻧﻰ ﺋﺎﺩﺍ ﻗﯩﻠﯩﺸﯩﻤﯩﺰ ﻛﯧﺮﻩﻙ ﺩﯦﮕﻪﻥ.ﻧﯘﺭ ﺑﻪﻛﺮﯨﻨﯩﯔ ﺑﯘ ﺩﻭﻛﻼﺗﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﯩﺘﻰ ﺋﺎﺳﺎﺳﯩﻲ ﻗﺎﺗﻼﻡ ﻛﺎﺩﯨﺮﻟﯩﺮﯨﻨﻰ ﺳﯩﻴﺎﺳﯩﻲ ﺋﯩﺪﯦﺌﻮﻟﻮﮔﯩﻴﻪ ﺳﺎﻫﻪﺳﻰ ﺑﯘﻳﯩﭽﻪ ﺗﻪﺭﺑﯩﻴﯩﻠﻪﺵ ﭘﯩﻼﻧﻠﯩﺮﯨﻨﯩﻤﯘ ﺗﯜﺯﯛﭖ ﺑﻮﻟﻐﺎﻥ ﺑﻮﻟﯘﭖ، ﺑﯘ ﻳﯩﻞ ﻗﯩﺸﺘﯩﻦ ﺑﺎﺷﻼﭖ ﺋﯘﺯﯗﻥ ﺑﯩﺮ ﻣﻪﺯﮔﯩﻠﮕﯩﭽﻪ ﺋﺎﺳﺎﺳﯩﻲ ﻗﺎﺗﻼﻡ ﻛﺎﺩﯨﺮﻟﯩﺮﻯ ﻫﻪﻡ ﺋﺎﯞﺍﻡ ﺧﻪﻟﻘﻘﻪ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺳﯩﻴﺎﺳﯩﻲ ﺋﯚﮔﯩﻨﯩﺶ ﻫﻪﻡ ﺗﻪﺭﺑﯩﻴﯩﻠﻪﺵ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﯧﻠﯩﭗ ﺑﺎﺭﯨﺪﯨﻜﻪﻥ ﻫﻪﻣﺪﻩ 2012 - ﻳﯩﻠﻐﯩﭽﻪ ﻳﻪﻧﻪ 30 ﻣﯩﯖﻐﺎ ﻳﯧﻘﯩﻦ ﺩﯨﻨﯩﻲ ﺋﻪﺭﺑﺎﺑﻼﺭﻧﻰ، ﯞﻩﺗﻪﻧﭙﻪﺭﯞﻩﺭ ﺩﯨﻨﯩﻲ ﺯﺍﺕ ﻗﯩﻠﯩﭗ ﺗﻪﺭﺑﯩﻴﯩﻠﻪﺷﻨﻰ ﺋﯩﺸﻘﺎ ﺋﺎﺷﯘﺭﯨﺪﯨﻜﻪﻥ.