ﺗﯜﺭﻛﯩﻴﯩﻨﯩﯔ ﺋﻪﯓ ﭼﻮﯓ ﮔﯧﺰﯨﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﺭﺍﺩﯨﻜﺎﻝ ﮔﯧﺰﯨﺘﯩﺪﻩ 12-ﺋﺎﻳﻨﯩﯔ 1-ﻛﯜﻧﯩﺪﯨﻦ ﺗﺎﺭﺗﯩﭗ "ﺷﻪﺭﻗﺘﯩﻦ ﻳﯜﻛﺴﻪﻟﮕﻪﻥ ﺧﯩﺘﺎﻱ" ﻣﺎﯞﺯﯗﻟﯘﻕ ﭼﺎﺗﻤﺎ ﻣﺎﻗﺎﻟﻪ ﺋﯧﻼﻥ ﻗﯩﻠﯩﻨﻤﺎﻗﺘﺎ. ﺑﯘ ﻣﺎﻗﺎﻟﯩﻨﯩﯔ 12-ﺋﺎﻳﻨﯩﯔ 5-ﻛﯜﻧﯩﺪﯨﻜﻰ ﺳﺎﻧﯩﺪﺍ ﺧﯩﺘﺎﻳﻨﯩﯔ ﺋﻪﯓ ﻧﺎﻣﺮﺍﺕ ﺭﺍﻳﻮﻧﻰ ﺷﯩﻨﺠﺎﯓ ﺋﯘﻳﻐﯘﺭ ﺭﺍﻳﻮﻧﻰ ﻣﺎﯞﺯﯗﻟﯘﻕ ﻣﺎﻗﺎﻟﻪ ﺋﯧﻼﻥ ﻗﯩﻠﯩﻨﺪﻯ. ﺑﯘ ﻣﺎﻗﺎﻟﯩﻨﻰ ﺭﺍﺩﯨﻜﺎﻝ ﮔﯧﺰﯨﺘﯩﻨﯩﯔ ﺋﻮﺑﺰﻭﺭﭼﯩﺴﻰ ﺋﯘﮔﯘﺭ ﮔﯘﺭﺳﻪﺱ ﺋﻪﭘﻪﻧﺪﻯ ﻳﺎﺯﻏﺎﻥ. ﺋﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﻪﻛﻠﯩﭙﯩﮕﻪ ﺑﯩﻨﺎﺋﻪﻥ ﻳﻪﻧﻪ ﺑﯩﺮ ﻗﺎﻧﭽﻪ ﮊﻭﺭﻧﺎﻟﯩﺴﺘﻼﺭ ﺑﯩﻠﻪﻥ ﺑﯩﺮﻟﯩﻜﺘﻪ ﺧﯩﺘﺎﻳﻐﺎ ﺑﯧﺮﯨﭗ، ﺑﯧﻴﺠﯩﯔ، ﺷﺎﯕﺨﻪﻱ، ﺷﯩﺌﻪﻥ، ﺋﯜﺭﯛﻣﭽﻰ، ﻗﻪﺷﻘﻪﺭ ﯞﻩ ﺗﯘﺭﭘﺎﻥ ﻗﺎﺗﺎﺭﻟﯩﻖ ﻳﻪﺭﻟﻪﺭﻧﻰ ﺯﯨﻴﺎﺭﻩﺕ ﻗﯩﻠﻐﺎﻥ .
"ﺋﯩﻨﺴﺎﻧﻨﻰ ﺗﻪﺳﯩﺮﻟﻪﻧﺪﯛﺭﯨﺪﯨﻐﺎﻥ ﭘﺎﻣﯩﺮ ﺗﯧﻐﻰ ﺑﯩﻠﻪﻥ ﺗﻪﺳﻠﯩﻢ ﺑﻮﻟﻐﺎﻧﺪﻩﻙ ﻛﯚﺭﯛﻧﮕﻪﻥ ﻧﺎﻣﺮﺍﺕ ﻛﯩﺸﯩﻠﻪﺭ"
ﺑﯘ ﺯﯨﻴﺎﺭﻩﺗﻜﻪ ﻗﺎﺗﻨﺎﺷﻘﺎﻥ ﺭﺍﺩﯨﻜﺎﻝ ﮔﯧﺰﯨﺘﻰ ﺋﻮﺑﺰﻭﺭﭼﯩﺴﻰ ﺋﯘﮔﯘﺭ ﮔﯘﺭﺳﻪﺱ ﻗﻪﺷﻘﻪﺭ ﺗﻪﺳﯩﺮﺍﺗﻠﯩﺮﯨﻨﻰ ﺋﯧﻼﻥ ﻗﯩﻠﺪﻯ. ﺋﯘ ﻣﺎﻗﺎﻟﯩﺴﯩﻨﻰ ﻛﯩﺸﯩﻨﻰ ﺗﻪﺳﯩﺮﻟﻪﻧﺪﯛﺭﯨﺪﯨﻐﺎﻥ ﺭﻩﺳﯩﻤﻠﻪﺭ ﺑﯩﻠﻪﻥ ﺑﯧﺰﯨﮕﻪﻥ ﺑﻮﻟﯘﭖ، ﻛﯩﭽﯩﻚ ﺩﯗﻛﯩﻨﯩﺪﺍ ﻣﺎﻝ ﺳﯧﺘﯩﯟﺍﺗﻘﺎﻥ ﺋﯘﻳﻐﯘﺭ ﻗﯩﺰﯨﻨﯩﯔ ﺭﻩﺳﯩﻤﯩﻨﯩﯔ ﻳﯧﻨﯩﻐﺎ ﻣﻪﺧﻤﯘﺕ ﻗﻪﺷﻘﯩﺮﯨﻨﯩﯔ ﻣﻪﻗﺒﻪﺭﯨﺴﯩﮕﻪ ﻗﺎﺭﺍﻳﺪﯨﻐﺎﻥ ﻣﯘﻫﻪﻣﻤﻪﺕ ﺋﻪﭘﻪﻧﺪﯨﻨﯩﯔ ﺭﻩﺳﯩﻤﯩﮕﻪ ﻳﻪﺭ ﺑﻪﺭﮔﻪﻥ. ﺭﻩﺳﯩﻤﻨﯩﯔ ﺋﺎﺳﺘﯩﻐﺎ: "ﻗﻪﺷﻘﻪﺭ ﺷﻪﻫﯩﺮﯨﻨﯩﯔ ﺳﯩﺮﺗﯩﻐﺎ ﺟﺎﻳﻼﺷﻘﺎﻥ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﺎﺯﯨﺮﻯ ﻳﺎﺧﺸﻰ ﻗﻮﻏﺪﺍﻟﻤﯩﻐﺎﻥ ﺑﻮﻟﯘﭖ، ﻣﺎﺯﺍﺭ ﺑﻪﻛﻼ ﯞﻩﻳﺮﺍﻥ، ﺑﯘ ﻳﻪﺭﮔﻪ ﻗﺎﺭﺍﻳﺪﯨﻐﺎﻥ ﻣﯘﻫﻪﻣﻤﻪﺩ ﺋﻪﭘﻪﻧﺪﻯ ﻣﻪﻗﺒﻪﺭﯨﻨﯩﯔ ﭘﯜﺗﯜﻥ ﭼﯩﻘﯩﻤﯩﻨﻰ ﻣﺎﺯﺍﺭﻏﺎ ﻛﻪﻟﮕﻪﻥ ﺯﯨﻴﺎﺭﻩﺗﭽﯩﻠﻪﺭ ﺑﻪﺭﮔﻪﻥ ﻳﺎﺭﺩﻩﻣﻠﻪﺭﺩﯨﻦ ﺋﯚﺗﻪﯞﺍﺗﻘﺎﻧﻠﯩﻘﯩﻨﻰ، ﺩﯙﻟﻪﺗﻨﯩﯔ ﺑﯩﺮ ﺗﯩﻴﯩﻨﻤﯘ ﻳﺎﺭﺩﯨﻤﻰ ﻳﻮﻗﻠﯘﻗﯩﻨﻰ ﺋﯧﻴﺘﺘﻰ" ﺩﻩﭖ ﻳﺎﺯﻏﺎﻥ.
ﻣﺎﻗﺎﻟﯩﻨﯩﯔ ﺩﻩﻝ ﺋﻮﺗﺘﯘﺭﯨﻐﺎ ﻛﻮﻧﺎ ﺑﯩﺮ ﺩﻩﺭﯞﺍﺯﯨﻨﯩﯔ ﺋﺎﻟﺪﯨﺪﺍ ﻏﻪﻣﻜﯩﻦ ﺑﯩﺮ ﻫﺎﻟﺪﺍ ﺗﺎﻏﺎﺭﻧﻰ ﻳﯧﻨﯩﻐﺎ ﻗﻮﻳﯘﭖ ﺋﻮﻟﺘﯘﺭﻏﺎﻥ ﺑﯩﺮ ﺋﯘﻳﻐﯘﺭ ﺋﺎﻗﺴﺎﻗﺎﻟﻨﯩﯔ ﺭﻩﺳﯩﻤﯩﮕﻪ ﻳﻪﺭ ﺑﯧﺮﯨﻠﮕﻪﻥ. ﺑﯘ ﺭﻩﺳﯩﻤﻨﯩﯔ ﻳﯧﻨﯩﻐﺎ ﻣﻪﻫﻤﯘﺕ ﻗﻪﺷﻘﯩﺮﻯ ﻣﺎﺯﺍﺭﻟﯩﻘﯩﺪﯨﻜﻰ ﺑﯩﺮ ﻗﻪﺑﺮﯨﻨﯩﯔ ﺭﻩﺳﯩﻤﻰ ﺑﯧﺮﯨﻠﮕﻪﻥ ﺑﻮﻟﯘﭖ، ﺭﻩﺳﯩﻤﻨﯩﯔ ﺋﺎﺳﺘﯩﻐﺎ: "ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﻰ ﻧﺎﻣﻠﯩﻖ ﺋﻪﺳﻪﺭﻧﯩﯔ ﻳﺎﺯﻏﯘﭼﯩﺴﻰ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﻪﻗﺒﻪﺭﯨﺴﯩﻨﯩﯔ ﻫﻮﻳﻠﯩﺴﯩﺪﯨﻦ ﻗﺎﺭﺍﻳﺪﯨﻐﺎﻥ ﺑﻮﻟﺴﯩﯖﯩﺰ، ﺋﯩﻨﺴﺎﻧﻨﻰ ﺗﻪﺳﯩﺮﻟﻪﻧﺪﯛﺭﯨﺪﯨﻐﺎﻥ ﭘﺎﻣﯩﺮ ﺗﯧﻐﻰ ﺑﯩﻠﻪﻥ ﺗﻪﺳﻠﯩﻢ ﺑﻮﻟﻐﺎﻧﺪﻩﻙ ﻛﯚﺭﯛﻧﮕﻪﻥ ﻧﺎﻣﺮﺍﺕ ﻛﯩﺸﯩﻠﻪﺭﻧﻰ ﻛﯚﺭﯨﺴﯩﺰ،" ﺩﻩﭖ ﻳﯧﺰﯨﻠﻐﺎﻥ.
ﺧﯩﺘﺎﻳﻨﯩﯔ ﺋﻪﯓ ﻧﺎﻣﺮﺍﺕ ﺭﺍﻳﻮﻧﻰ ﺷﯩﻨﺠﺎﯓ ﺋﯘﻳﻐﯘﺭ ﺭﺍﻳﻮﻧﻰ ﻣﺎﯞﺯﯗﻟﯘﻕ ﻣﺎﻗﺎﻟﯩﻨﯩﯔ ﻳﺎﺯﻏﯘﭼﯩﺴﻰ ﺋﯘﮔﯘﺭ ﮔﯘﺭﺳﻪﺱ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ: "ﺧﯩﺘﺎﻳﻨﯩﯔ ﻏﻪﺭﺑﯩﮕﻪ ﺟﺎﻳﻼﺷﻘﺎﻥ ﺷﯩﻨﺠﺎﯓ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺗﻪﺭﻩﻗﻘﯩﻴﺎﺗﻰ ﺧﯩﺘﺎﻳﺪﯨﻜﯩﺪﯨﻦ ﺑﻪﻛﻼ ﺗﯚﯞﻩﻥ ﺋﯩﻜﻪﻥ. ﺧﯩﺘﺎﻳﺪﺍ 55 ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﺭ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﻧﻮﭘﯘﺳﻰ ﺋﻪﯓ ﻛﯚﭖ ﺑﻮﻟﻐﺎﻧﻠﯩﺮﯨﺪﯨﻦ ﺑﯩﺮﻯ ﺋﯘﻳﻐﯘﺭﻻﺭ. 1955-ﻳﯩﻠﻰ ﺋﺎﭘﺘﻮﻧﻮﻣﯩﻴﻪ ﻫﻮﻗﻮﻗﻰ ﺑﯧﺮﯨﻠﮕﻪﻥ ﺷﯩﻨﺠﺎﯓ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ 20 ﻣﯩﻠﻴﻮﻥ ﻛﯩﺸﻰ ﻳﺎﺷﺎﻳﺪﯗ. ﺑﯘ ﻳﻪﺭﺩﻩ ﺋﻪﯓ ﻛﯚﭖ ﻧﻮﭘﯘﺳﻘﺎ ﺋﯩﮕﻪ ﺑﻮﻟﻐﯩﻨﻰ ﺋﯘﻳﻐﯘﺭﻻﺭ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻣﯩﻠﻠﯩﻲ ﺩﺍﺭﺍﻣﻪﺕ ﺟﻪﻫﻪﺗﺘﯩﻦ ﺋﻪﯓ ﺗﯚﯞﻩﻥ ﻧﺎﻣﺮﺍﺕ ﺭﺍﻳﻮﻧﺪﻩﻙ ﻗﯩﻠﯩﺪﯗ. ﺧﯩﺘﺎﻳﻨﯩﯔ ﺑﻪﺭﮔﻪﻥ ﻣﻪﻟﯘﻣﺎﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺷﺎﯕﺨﻪﻳﺪﻩ ﻫﻪﺭ ﻧﻮﭘﯘﺳﻘﺎ ﺗﯧﮕﯩﺪﯨﻐﺎﻥ ﺋﺎﻳﻠﯩﻖ ﺩﺍﺭﺍﻣﻪﺕ 700 2 ﺩﻭﻟﻼﺭ ﺋﯩﻜﻪﻥ، ﺷﺎﯕﺨﻪﻳﻨﯩﯔ ﭼﻪﺕ ﺭﺍﻳﻮﻧﻠﯩﺮﯨﺪﺍ 1240 ﺩﻭﻟﻼﺭ ﺋﻪﺗﺮﺍﭘﯩﺪﺍ ﺋﯩﻜﻪﻥ . ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺋﺎﻳﻠﯩﻖ ﺩﺍﺭﺍﻣﯩﺘﻰ ﺷﺎﯕﺨﻪﻳﻨﯩﯔ ﺳﯩﺮﺗﯩﺪﯨﻜﻰ ﻳﯧﺰﯨﻼﺭﺩﯨﻜﻰ ﻛﯩﺸﯩﻠﻪﺭﻧﯩﯖﻜﯩﺪﯨﻨﻤﯘ ﺗﯚﯞﻩﻥ ﺋﯩﻜﻪﻥ."
"ﺋﯘﻳﻐﯘﺭ ﻛﺎﺩﯨﺮﻻﺭ ﺧﯩﺘﺎﻱ ﻛﺎﺩﯨﺮﻻﺭﻧﯩﯔ ﻳﯧﻨﯩﺪﺍ ﺑﯩﺰ ﺑﯩﻠﻪﻥ ﺋﯘﻳﻐﯘﺭﭼﻪ ﺳﯚﺯﻟﯩﺸﯩﺸﺘﯩﻦ ﻗﻮﺭﻗﻘﺎﭼﻘﺎ..."
ﺋﯘ ﻣﺎﻗﺎﻟﯩﻨﯩﯔ 2- ﻗﯩﺴﻤﯩﺪﺍ ﻗﻪﺷﻘﻪﺭﺩﯨﻜﻰ ﺗﻪﺳﯩﺮﺍﺗﯩﻨﻰ ﻳﯩﭙﻪﻙ ﻳﻮﻟﻰ ﺗﯜﮔﯩﻨﻰ ﻗﻪﺷﻘﻪﺭ ﻣﺎﯞﺯﯗﻟﯘﻕ ﻗﯩﺴﻤﯩﺪﺍ ﺋﺎﯕﻼﺗﻘﺎﻥ ﺑﻮﻟﯘﭖ، ﺑﯘ ﺑﯚﻟﯜﻣﺪﻩ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ: "ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ، ﺧﯩﺘﺎﻳﻨﯩﯔ ﺋﻪﯓ ﻏﻪﺭﺑﯩﺪﯨﻜﻰ ﻗﻪﺷﻘﻪﺭ ﺷﻪﻫﯩﺮﯨﮕﻪ ﺑﺎﺭﺩﯗﻕ. ﻳﯩﭙﻪﻙ ﻳﻮﻟﯩﻨﯩﯔ ﺋﻪﯓ ﻣﯘﻫﯩﻢ ﺗﯜﮔﯜﻧﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ ﻗﻪﺷﻘﻪﺭﺩﻩ ﺗﯜﺭﻛﯩﻲ ﺗﯩﻠﻼﺭ ﺩﯨﯟﺍﻧﯩﻨﯩﯔ ﻳﺎﺯﻏﯘﭼﯩﺴﻰ ﻣﻪﻫﻤﯘﺕ ﻗﻪﺷﻘﯩﺮﻯ، ﻗﯘﺗﺎﺗﻘﯘﺑﯩﻠﯩﻚ ﻧﺎﻣﻠﯩﻖ ﺋﻪﺳﻪﺭﻧﯩﯔ ﻳﺎﺯﻏﯘﭼﯩﺴﻰ ﻳﯘﺳﯘﻑ ﺧﺎﺱ ﻫﺎﺟﯩﭙﻨﯩﯔ ﻣﺎﺯﺍﺭﻟﯩﺮﻯ ﺑﺎﺭ. ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﺎﺯﯨﺮﻯ ﻳﺎﺧﺸﻰ ﻗﻮﻏﺪﺍﻟﻤﯩﻐﺎﻥ ﺑﻮﻟﯘﭖ، ﯞﻩﻳﺮﺍﻥ ﺑﯩﺮ ﻫﺎﻟﺪﺍ ﺯﯨﻴﺎﺭﻩﺗﭽﯩﻠﻪﺭﻧﻰ ﻛﯜﺗﯩﯟﺍﻟﻤﺎﻗﺘﺎ . ﻳﯘﺳﯘﻑ ﺧﺎﺱ ﻫﺎﺟﯩﭙﻨﯩﯔ ﻣﺎﺯﯨﺮﻯ ﺷﻪﻫﻪﺭ ﺋﯩﭽﯩﺪﻩ ﺑﻮﻟﻐﺎﭼﻘﯩﻤﯘ، ﻳﺎﺧﺸﻰ ﻗﻮﻏﺪﺍﻟﻐﺎﻥ."
"ﺋﯘﺯﯗﻥ ﻳﯩﻠﻼﺭﺩﯨﻦ ﺑﯧﺮﻯ ﺗﯩﺠﺎﺭﻩﺕ ﻣﻪﺭﻛﯩﺰﻯ ﺑﻮﻟﯘﭖ ﻛﻪﻟﮕﻪﻥ ﻗﻪﺷﻘﻪﺭﺩﻩ ﺑﺎﺯﺍﺭ ﺋﺎﻳﻼﻧﺪﯗﻕ. ﺋﺎﺩﻩﻣﻨﻰ ﻫﻪﻳﺮﺍﻥ ﻗﺎﻟﺪﯗﺭﯨﺪﯨﻐﺎﻥ ﺑﯩﺮ ﺑﺎﺯﺍﺭ، ﻧﯧﻤﻪ ﺋﯩﺰﺩﯨﺴﯩﯖﯩﺰ ﺗﯧﭙﯩﻠﯩﺪﯗ. ﺑﺎﺯﺍﺭﺩﯨﻜﻰ ﻫﻪﻣﻤﻪ ﻛﯩﺸﯩﻠﻪﺭ ﺑﯩﻠﻪﻥ ﺗﯜﺭﻛﭽﻪ ﺳﯚﺯﻟﻪﺷﺘﯘﻕ، ﺑﯩﺮ - ﺑﯩﺮﯨﻤﯩﺰﻧﯩﯔ ﮔﯧﭙﯩﻨﻰ ﭼﯜﺷﻪﻧﺪﯗﻕ. ﺑﯘﻧﯩﯖﺪﯨﻦ ﺑﯩﺰﻧﻰ ﺑﺎﺯﺍﺭ ﺋﺎﻳﻼﻧﺪﯗﺭﯨﯟﺍﺗﻘﺎﻥ ﺧﯩﺘﺎﻱ ﺭﻩﻫﺒﻪﺭﻟﻪﺭﻣﯘ ﻫﻪﻳﺮﺍﻥ ﻗﺎﻟﺪﻯ. ﺋﯘﻳﻐﯘﺭ ﻛﺎﺩﯨﺮﻻﺭ ﺧﯩﺘﺎﻱ ﻛﺎﺩﯨﺮﻻﺭﻧﯩﯔ ﻳﯧﻨﯩﺪﺍ ﺑﯩﺰ ﺑﯩﻠﻪﻥ ﺋﯘﻳﻐﯘﺭﭼﻪ ﺳﯚﺯﻟﯩﺸﯩﺸﺘﯩﻦ ﻗﻮﺭﻗﻘﺎﭼﻘﺎ ﺩﺍﯞﺍﻣﻠﯩﻖ ﺧﯩﺘﺎﻳﭽﻪ ﮔﻪﭖ ﻗﯩﻠﺪﻯ. ﻗﻪﺷﻘﻪﺭ ﯞﺍﻟﯩﺴﻰ ﺑﯩﺰﻧﯩﯔ ﮔﯧﭙﯩﻤﯩﺰﻧﻰ ﭼﯜﺷﻪﻧﮕﻪﻥ ﺑﻮﻟﺴﯩﻤﯘ، ﺑﯩﺰﮔﻪ ﺋﯘﻳﻐﯘﺭﭼﻪ ﮔﻪﭖ ﻗﯩﻠﻤﺎﻱ ﺧﯩﺘﺎﻳﭽﻪ ﮔﻪﭖ ﻗﯩﻠﺪﻯ."
"ﺋﯘﻟﻜﻪﺭ ﺋﺎﻟﭙﯧﻠﻼ ﺋﻪﻛﻪﻟﺪﯨﯖﻤﯘ؟"
ﺋﻮﺑﺰﻭﺭﭼﻰ ﺋﯘﮔﯘﺭ ﮔﯘﺭﺳﻪﻥ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﺎﺯﯨﺮﯨﺪﯨﻦ ﺋﺎﻳﺮﯨﻠﯩﺶ ﺋﺎﻟﺪﯨﺪﯨﻜﻰ ﺑﯩﺮ ﯞﻩﻗﻪﻧﻰ ﺋﺎﯕﻠﯩﺘﯩﭗ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ:"ﻗﻪﺷﻘﻪﺭ ﺷﻪﻫﯩﺮﯨﻨﯩﯔ ﺳﯩﺮﺗﯩﺪﯨﻜﻰ ﺋﯘﻟﯘﻍ ﺋﺎﻟﯩﻢ ﻣﻪﻫﻤﯘﺕ ﻗﻪﺷﻘﯩﺮﯨﻨﯩﯔ ﻣﺎﺯﯨﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﭗ ﻗﺎﻳﺘﯩﯟﺍﺗﺴﺎﻕ ﻳﻮﻟﻨﯩﯔ ﺑﻮﻳﯩﺪﯨﻜﻰ ﻛﺎﻧﺎﻳﻼﺭﺩﺍ ﺷﺎﻛﯩﻼﺕ ﻗﯩﺰ ﻧﺎﻣﻠﯩﻖ ﺋﯧﻼﻥ ﺳﻪﻧﺌﻪﺗﻨﯩﯔ ﺋﺎﯞﺍﺯﯨﻨﻰ ﺋﺎﯕﻠﯩﺪﯗﻕ. ﺑﯘ ﺗﯜﺭﻛﯩﻴﯩﺪﻩ ﺋﯩﺸﻠﻪﭘﭽﯩﻘﯩﺮﯨﻠﻐﺎﻥ ﺋﯜﻟﻜﻪﺭ ﺷﯩﺮﻛﯩﺘﯩﻨﯩﯔ ﺋﺎﻟﭙﯧﻠﻼ ﻣﺎﺭﻛﯩﻠﯩﻖ ﺷﺎﻛﻼﺗﯩﻨﯩﯔ ﺭﯦﻜﻼﻣﻰ ﺋﯩﺪﻯ. ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺷﻪﺭﻗﯩﺪﯨﻜﻰ ﺗﯘﺭﭘﺎﻧﻨﻰ ﺋﺎﻳﻠﯩﻨﯩﭗ ﻳﯜﺭﺳﻪﻙ ﺋﯘﻳﻐﯘﺭ ﺑﺎﻟﯩﻼﺭ ﺋﺎﻟﺪﯨﻤﯩﺰﻏﺎ ﻳﯜﮔﯜﺭﯛﭖ ﻛﯧﻠﯩﭗ، ﺋﯘﻟﻜﻪﺭ ﺋﺎﻟﭙﯧﻠﻼ ﺋﻪﻛﻪﻟﺪﯨﯖﻤﯘ؟ ﺩﻩﭖ ﺳﻮﺭﯨﺪﻯ."
ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺩﺍﯞﺍﻣﻠﯩﻖ ﻫﺎﻟﺪﺍ ﺗﯜﺭﻙ ﮊﻭﺭﻧﺎﻟﯩﺴﺘﻼﺭﻧﻰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺗﻪﻛﻠﯩﭗ ﻗﯩﻠﯩﭗ ﺋﺎﭘﯩﺮﯨﭗ، ﺋﯜﺭﯛﻣﭽﻰ، ﺗﯘﺭﭘﺎﻥ ﯞﻩ ﻗﻪﺷﻘﻪﺭﻧﻰ ﺋﺎﻳﻼﻧﺪﯗﺭﻣﺎﻗﺘﺎ. ﺑﯘ ﮊﻭﺭﻧﺎﻟﯩﺴﺘﻼﺭﻧﯩﯔ ﻛﯚﭘﻰ ﻣﺎﻗﺎﻟﯩﻠﯩﺮﯨﺪﻩ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﻧﺎﻣﺮﺍﺗﻠﯩﻘﻨﻰ، ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯧﺴﯩﻤﻰ ﺋﺎﺳﺘﯩﺪﺍ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﻳﺎﺯﻣﺎﻗﺘﺎ. ﻫﻪﺗﺘﺎ ﮔﯧﺰﯨﺘﻠﻪﺭﺩﻩ ﻧﺎﻣﺮﺍﺕ ﺋﯘﻳﻐﯘﺭﻻﺭﻧﯩﯔ ﻛﻮﭼﯩﻼﺭﺩﺍ ﺗﯩﻠﻪﻣﭽﯩﻠﯩﻚ ﻗﯩﻠﯩﯟﺍﺗﻘﺎﻥ ﺭﻩﺳﯩﻤﻠﯩﺮﯨﻨﯩﻤﯘ ﺋﯧﻼﻥ ﻗﯩﻠﻤﺎﻗﺘﺎ. ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﺎﺭﻏﺎﻥ ﮊﻭﺭﻧﺎﻟﯩﺴﺘﻼﺭ ﺋﺎﺭﯨﺴﯩﺪﺍ ﺋﯘﻳﻐﯘﺭﻻﺭﻧﯩﯔ ﺑﻪﺧﺖ - ﺳﺎﺋﺎﺩﻩﺕ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ ﻳﯧﺰﯨﯟﺍﺗﻘﺎﻧﻼﺭﻣﯘ ﺑﺎﺭ.
